سمارت انتي- مطلوب حضورك الآن لامر جلل

جلل شنو غير الايفونات والايابادات ....




استشارة فنية

عاااااجلة

علي قول ود الزومة
الكهرباء قاطعة الجنريتر انفع

الجنريتر لو بجيب حقو ما بناباهو ...

اها الاخو بيعرف للايباد والايفون؟؟

.

طيب دايرة لي زول بيعرف في الايباد

ممكن نساعد إن شاء الله

Sorry for being late

...Both

فيصل نوبي..

البركة فيكم وربنا يصبركم والرحمة للفقيد

الحليلا وفيصل
دايرة ارسل ايباد للسودان..لازم انزل ليهم التطبيقات من هنا؟؟ ولا ممكن هم ينزلوها من السودان بحسابي بتاع الاي تون؟؟ يعني اديهم الاكاونت والباسويرد

ربنا يرحمه و يغفر ليهو يا سارة
و كل سنة و إنتي طيبة
بالنسبة للآيباد
الأفضل إنكـ تعملي لي سيد الايباد حساب جديد علي الهوتميل أو تستخدمي إيميلو و تعملي ليهو حساب براهو
عشان كل ما ح يحتاج ينزل برنامج ح يحتاج للباسويرد و بي كده ح تديهو الباسويرد حقتكـ و ح تكوني قاعده في الهواء
يله هو من السودان بالطريقة الرسمية ما بيقدر ينزل اي برامج
اذا هو زول شفت و بيعرف كويس في طرق ممكن ينزل بيها بإستخدام VPN او ما شابهها
اذا كان زول مبتديء أحسن تنزلي ليهو برامج بالطريقة الفوق يعني تعملي ليهو حساب جديد و باسويرد حقو هو براهو بإيميلو أو تعملي ليهو إيميل جديد
و اذا كنتي إنتي خبيرة ممكن تعملي ليهو جيل بريكـ لأنه السيديا ما مقفولة في السودان ( ما ضروري اذا ما بتعرفي )
في السودان حالياً في ناس كتار شديد بيشتغل البرامج في الايفون بمبالغ رمزية
و اذا إحتجتي لي زول في السودان ممكن أرسل ليكـ رقمو في الخاص يساعدكـ

شكرا شددديد يا فيصل

حاولت اكتب ليك في الخاص حلفت الرسالة ما تترسل
اظن انو الحساب بيحتاج لكريدت كارد!!!
الحقني بالرقم..
واديني اهم التطبيقات الممكن انزلا..ولو انا نزلتا ممكن يفتحوها عادي من هناك؟؟

مساعدة ليك رفع البوست

ربنا يحقق ما تريدنه

تحياتي

شكرا يا صبري
ما ناسياك في موضوع الدي في دي
بس معد الحلقة خارج البلد

سلامات يا سارة

Quote: دايرة ارسل ايباد للسودان..لازم انزل ليهم التطبيقات من هنا؟؟ ولا ممكن هم ينزلوها من السودان بحسابي بتاع الاي تون؟؟ يعني اديهم الاكاونت والباسويرد

والله المصايب دي ما بفهم فيها
لكن شلاقة بس بقول ليك
مادام مرسلاهو السودان
أصلك ما تخافي عليهو ( أى الآيباد ) أو ما تخافي عليهم ( أى ناس السودان )
وحياتك ديل ح يحيروا الخواجة الصنعو في زات نفسو
إتوكلي على الله ورسليهو
وهم ح يتصرفوا زى الترتيب


________________

ولو ما نفع معاهم خليهم يعملوا ليهو فورورد لينا بي جاي
وما ح نتعبك في أيتها تطبيقات





_________________

سمارت ( هى )
الزوول
مريم بت الحسين

لسع نايمين ؟؟؟

يا عاطف عمر
ناس ناحية انو ناس السودان شيليقين فهم شليقين

Quote: ولو ما نفع معاهم خليهم يعملوا ليهو فورورد لينا بي جاي وما ح نتعبك في أيتها تطبيقات

معليش الاقتباس الفوق دا جاني مقطع شكلو عامل كدا ###### شكلو مقص بكري اشتغل فيه :)
اكتبوا بالانجليزي :)

Quote: معليش الاقتباس الفوق دا جاني مقطع شكلو عامل كدا ###### شكلو مقص بكري اشتغل فيه :) اكتبوا بالانجليزي :)

ولماذا هذه الطلبات التعسفية
ياخ نحن بتوع ( تأصيل ) وكدا
لا نجيد لغة الفرنجة

____________

ومع ذلك ما قلته كـ ( مزحة )

If your people in Sudan fail to work the Ipad out
please advise them to forward it to me here as gift
and I will not claim any attached applications

سلامات يا سارة
في المداخلة دي في طريقة تعملي حساب مجاني ( و ده سبب رئيسي إنكـ كت تدي حسابكـ لي زول عشان ما يستخدم الكرديت كارد بتاعكـ )

Re: و خير جليس فى الزمان...... an iPad

سلامات يا سارة ..

طبعا انا مريت بتجارب مريرة مع هذا الايباد في السودان .. لكن الحمد لله الان الامور كلها سلكت ..

- بخصوص مداخلة الاخ فيصل نوبي حول انشاء حساب مجاني التي اوردها اخيرا ستفشل في السودان لانه سيطلب منك اسم الدولة وبمجرد وضع اسم السودان فستبدأ اللولوة .
- انا شخصيا استخدمت حساب في امريكا ويمكن تغذيته من السودان بالقفت كارد ويمكن تنزيل التطبيقات بالقروش من حساب القفت كارد ولكن المجانية مافي ليها طريقة .
- هنالك محلات في السودان تقوم بتنزيل التطبيقات مقابل مبلغ 100 جنيه لكنهم لا يخيرونك في التطبيقات فلديهم باكج كامل جاهز وررر يكبو ليك في الجهاز وتدفعي وتمشي .
- أنجح وأفضل طريقة وجدتها هي الجيلبريك والسيديا.
- أنصحك بتنزيل التطبيقات في امريكا وارسال الجهاز ready والزول العايز يستخدموا يعمل اشتراك مع سوداني لانها افضل من زين حسب تجربتي .

يا معتصم
سلامات

Quote: - بخصوص مداخلة الاخ فيصل نوبي حول انشاء حساب مجاني التي اوردها اخيرا ستفشل في السودان لانه سيطلب منك اسم الدولة وبمجرد وضع اسم السودان فستبدأ اللولوة .

الحساب ممكن يعملو ليكـ زول في أي دولة بره و يديكـ اليوزر نيم و الباسويرد
و ممكن تنزل بيهو اي برنامج مجاني بدون ما تكلف الزول قروش القفت كارد.
و بدون اي لولوة كمان
اما اذا عايز تستخدم الحساب في السودان في طريقة سهلة جداً للآيفون و الايباد
تنزل حاجة إسمها HOTSPOT SHIELD و ده بيديكـ حاجة إسمها vpn بتغش ناس آبل و توريهم إنكـ بره السودان و تنزل اي برنامج عادي
بس إنت قول عايز شرح للقصة دي و إنت ما بتعرفها.
السيديا عندو مصيبة كبيرة جداً إنه الايفون او الآيباد بتاعكـ بيكون قاعد في السهلة و ممكن تكون إنت مخترق و ما عارف روحكـ
و في حال إنكـ عندكـ معلومات مهمة مخزنة في جهازكـ أنصحكـ بعدم إستخدام السيديا نهائياً.

يا بتنا سلامات...

معليش يعني سؤال كدا ولينا ولي الزمان اشتريتي بي كم ومن ياتو ستور










..

زمان ساااي شلتي حال الناس!!!
هو البوبار ده كيفنهو إنتي قايلة؟؟؟

Quote: عايز شرح للقصة دي و إنا ما بعرفها.

اها ده اول شئ ..

تاني شئ يا عمك والله قصة الكمبيوتر عموما والابلات ( منتجات ابل ) فكرتنا فيها محدودة وقدر حوجتنا ليها ..

ونشهد لك انك اول من تطرق لموضوع الايفون هنا وفي مناطق اخرى لذلك من الطبيعي ان تكون لديك خبرات وتجارب متراكمة لعدة سنوات .. لذلك انتظر منك كل عون وتوجيه فيما يتصل بالايباد وبداية قصة الهوست دي لانو لو عايز تنزل اي حاجة طوالي يجيك ايرور 1009

تحياتي

سلامات يا معتصم
الموضوع ده بيفتح معاكـ اي حاجة
و أعلنها هنا أمام الله عز و جل أنني غير مسؤل عمن يستخدمه فيما لا يرضي الله

الطريقة كالآتي :
تمشي لي Setting
general
network
VPN
add VPN configuration
IPSec
و تدخل المعلومات التالية :

Select the IPSec tab/pane
Description: HotspotShield
Server: 68.68.107.101
Account: n5tfrq
Password: n5tfrq
Use Certificate: OFF
Group Name: hss
Secret: hss

__
و بي كده تشتغل في اي وقت علي الآي تيون من اي مكان مقفول ولا ما مقفول
_
أكرر أي شخص يستخدم ما ذكر أعلاه فيما لا يرضي الله ؛ أشهد الله أنني بريء من ذنبه.

شكرا يا عمك ..

البتاع ده بمرقنا من الايرور 1009 ؟ لانو عندي الشفع في البيت عندهم العاب كمية عايزين يعملوا ليها ابديت وعايزين ينزلو اولاد الزرافة وما قادرين ..

المهم ..

عملت القلتو كلوو وبرضو الايرور بجي .. هل في خطوة تانية ؟ خطوات ؟

يعني تحت مكان البروكسي نعملوا off او manual او Auto ?

والـ VPN ذاتو نخليهو off ولا نعملو On ؟

تمام يا فيصل ومعتصم ..... وشكرا لستي ساره .... فعلا لما اكون في البلد الجهاز بيرفض اي اب ديت .... ولما ارجع يشتغل عادي ..... غايتو جنس غايتو ..... كدي زيد الشرح وبالتفاصيل الممله .... لاني انا من زمن الخلوه واللوح و التلغراف والتلكس ..... محبتي واحترامي

طيب يا معتصم عندي ليكـ حل تاني
نزل الهوت سبوت علي الكمبيوتر و شغلو
بعدها نزل من الآيتيون ( علي الكمبيوتر ) البرنامج ده

http://itunes.apple.com/us/app/vpn-express/id375584677?mt=8

البرنامج ده بيديكـ شهر أو 100MB مجاني عشان تدخل الآيتيون من جهاز الآيفون او الآيباد
خطوات تشغيل البرنامج موجوده في الرابط
و بعد ما تنزل البرنامج نزل الهوت سبوت و بي كده بيكون إشتغل معاكـ تماماً إن شاء الله.

في حاجة مهمة يا اخت سارة
ما تدي حسابك لاي زول يستخدمو لسبب بسيط
وهو انو في حاجة جديدة عملتها ابل في نظام ايوز 5
وهي خدمة السحابة icloud
خدمة السحابة دي اي جهاز تابع لايبل يخش بحسابك
يقدر ينزل اي حاجة انتي نزلتيها في حسابك الاصلي
حتى الصور والايميلات والملاحظات

وده بمثابة تحذير للناس البستخدموا حساب واحد لاجهزة متعددة
وللناس البستعينوا باصحاب المحلات في تنزيل البرامج
لانو الحساب بكون عاملو صاحب المحل والايميل حقو
ويقدر يسحب من كل الناس النزل ليهم برامج
تخيلي كل صورك ومتعلقاتك الشخصية تتاح للآخرين هكذا

Salam Sara
FRIENDS
Make sure that you are using an Ipad which is 3G/Wifi Compatible

Zainelabdin

شكرا ليكم كللللللللكم..
بجيكم راجعة ليكم فرد فرد
مضغوطة شغل شوية

ويا عاطف عمر الكلام انا قريتو لكن عملتا فيها طاشة شبكة ههههههههه
ويا اسمارت جيتك ما لازماني بعد دا فيصل والمعاه ما قصرو... :) :)

عاد يا فيصل نوبى.....يا ود ام فيصل نوبى...تتعلى ما تدلى. ربنا يديك العافية و يوفقك و يخلى ليك اولادك و امهم و تشوفوا اولاد اولادهم. قول امين.*
بالجد شكرا يا نوبى.
_______________________________
* اسمارت فى شكل حبوبة

سارة....فتحت البورد و كان ح يجينى هارت اتاك.....انا قلت الامر الجلل ده بيكون انو بكرى ابو بكر حن على و عمل لى مكتبة

Quote: ويا اسمارت جيتك ما لازماني بعد دا فيصل والمعاه ما قصرو... :) :)

اصلا يا فرده انا ما كنت ح افيدك بشىء....كنت ح اجى اسلم عليك (و اتساغل حبة) و بعدها امشي اشحد فيصل نوبى يجى يشرح لينا.
و بالمناسبة كمان يا سارة ناس السودان ما يحنكوك و يقولوا ليك ما عندهم قفت كارد من ابل. موجودة فى محلات كتيرة....بس تمنها اغلى شوية. يعنى الكرت الى فيه 25 دولار بيتباع ب 35 دولار فى الخرطوم.
الحاجه التانية....الاسعار فى السودان ما اكتر كتير من امريكا او دبى....الفرق حوالى 100 دولار بس.

نوبى...فى زول قال لى انه لو نزلت التطبيق ده VPN Express
http://itunes.apple.com/us/app/vpn-express/id375584677?mt=8
مفروض تقدر تنزل اى تطبيق عاوزه فى السودان!!!!
احتمال ده يكون ذى الكلام اللى انت قلته هنا

Quote: الطريقة كالآتي : تمشي لي Setting general network VPN add VPN configuration IPSec و تدخل المعلومات التالية : Select the IPSec tab/pane Description: HotspotShield Server: 68.68.107.101 Account: n5tfrq Password: n5tfrq Use Certificate: OFF Group Name: hss Secret: hss

و يا جماعة (عليكم الله) ....تعملوا ذى ما تعملوا.....بس ما تنزلوا تطبيقات مسروقة (صاحبها خاتيها بقروش لكنها مسروقة و بتزل مجانا). خاصة ان ناس السودان بقى ما عندهم عذر.....كروت ابل متوفرة فى السوق و طرق التحايل على الحظر على السودان موجودة.

لازم نعيد كلام فيصل نوبى ده....عشان الناس تسمعوا كويس...

Quote: السيديا عندو مصيبة كبيرة جداً إنه الايفون او الآيباد بتاعكـ بيكون قاعد في السهلة و ممكن تكون إنت مخترق و ما عارف روحكـ و في حال إنكـ عندكـ معلومات مهمة مخزنة في جهازكـ أنصحكـ بعدم إستخدام السيديا نهائياً.

عمر الفاروق...مالك علينا يا اخى???

يا سارة....انا زولة (مش حمل بهدلة) بنوم بدرى و بصحى متاخرة....بوستك ده لقيتو و انا فى العربية ماشه على الشغل. ما تشيلى حسي ساى يا اخى