Post: #1 Title: ياجماعة الزول ده درويش ساااي......ماتزعلوا روحكم من المصريين Author: عبدالمجيد الكونت Date: 11-19-2011, 10:02 PM
توفيق عكاشة او ايا كان اسمه
Post: #2 Title: Re: ياجماعة الزول ده درويش ساااي......ماتزعلوا روحكم من المصريين Author: الامين موسى البشاري Date: 11-19-2011, 10:06 PM Parent: #1
Quote: ياجماعة الزول ده درويش ساااي
يعني عشان ما عندهم نوبة في مصر يقول عايز يضم السودان يا الكونت
Post: #3 Title: Re: ياجماعة الزول ده درويش ساااي......ماتزعلوا روحكم من المصريين Author: عبدالمجيد الكونت Date: 11-19-2011, 10:09 PM Parent: #2
لي ساعة بضحك في فيديوهاته يالبشاري
قال للبرادعي تعرف ربطة الجرجير فيها كم عود ..........والله صحي
Post: #4 Title: Re: ياجماعة الزول ده درويش ساااي......ماتزعلوا روحكم من المصريين Author: الامين موسى البشاري Date: 11-19-2011, 10:19 PM Parent: #3
اها عاين العوقه ده كمان .......
Post: #5 Title: Re: ياجماعة الزول ده درويش ساااي......ماتزعلوا روحكم من المصريين Author: معاوية المدير Date: 11-19-2011, 10:28 PM Parent: #4
هههههههههههههههههههههه...إلخ بقينا مصريين آخر الزمن. راصني يا قدع. والله صحي.
العوقة البشير يا البشاري، لا تبهت المصري ولدنا ساكت. إزاي تأوّل عليه عوقا؟؟؟ ده انا هازعل منّك... والله.
Post: #6 Title: Re: ياجماعة الزول ده درويش ساااي......ماتزعلوا روحكم من المصريين Author: عبدالمجيد الكونت Date: 11-19-2011, 10:38 PM Parent: #5
رش ليك المطوعين والمنقبات رش شديييد يا ود المدير قال كلهن بدارن شناتن بس ...والله صحي
Post: #8 Title: Re: ياجماعة الزول ده درويش ساااي......ماتزعلوا روحكم من المصريين Author: الامين موسى البشاري Date: 11-19-2011, 10:43 PM Parent: #5
Quote: العوقة البشير يا البشاري، لا تبهت المصري ولدنا ساكت. إزاي تأوّل عليه عوقا؟؟؟ ده انا هازعل منّك... والله.
زولنا ده عياقته مضمونة خلينا نشوف عياقة المصري ده يااخ... والله صحي
Post: #7 Title: Re: ياجماعة الزول ده درويش ساااي......ماتزعلوا روحكم من المصريين Author: Al-Shaygi Date: 11-19-2011, 10:41 PM Parent: #4
Quote: اها عاين العوقه ده كمان .......
عليك الله يا بشاري شاهد ما أنزلته مرة ومرات وإستمع لما يقوله الرجل
ياخ يا نزلت الفيديو بدون مشاهدة ولا ما قاعد تفهم البيقولو الراجل الزول نوبي من نوبة مصر المهمشين المعصورين لامن جابو الزيت وكلامو كلو نقد للننظام والمجتمع المصري
Post: #9 Title: Re: ياجماعة الزول ده درويش ساااي......ماتزعلوا روحكم من المصريين Author: معاوية المدير Date: 11-19-2011, 10:59 PM Parent: #7
Quote: رش ليك المطوعين والمنقبات رش شديييد يا ود المدير قال كلهن بدارن شناتن بس ...والله صحي
الوآد ضا صوكرا يا كونت. لا، وكمان أيه خواقا، وعينيه لون البرسيم حتي اسأل الخواقات. والله صحي...
Post: #10 Title: Re: ياجماعة الزول ده درويش ساااي......ماتزعلوا روحكم من المصريين Author: الامين موسى البشاري Date: 11-19-2011, 11:12 PM Parent: #7
Quote: وكلامو كلو نقد للننظام والمجتمع المصري
الشايقي
نعلك طيب ابوي كان أذن ظااااطو برضو عوقه والله صحي .. ..
__ الفيديو قديم وكلامو فايت اضاني بهنااااك قال ليك الشرطة المصرية قبضت واحد محشش وودوهوا القسم للتحقيق اها الضابط يسأل فيهو الضابط: قبضوكم وانتوا قاعدين تحششوا المسطول: ايوه يا بيه الضابط : كنتوا بتسبوا في الريس وجمال مبارك المسطول : ايوه يا بيه .. .. المهم فضل الضابط يسأل والمسطول يقول ايوه يابيه تم حبس المسطول لغاية الصباح لكي يتم عرضه على النيابة الصباح ودوا ليك صاحبنا النيابة وكيل النيابة : امبارح قبضوكم بتحشش وسجلت اعتراف المسطول: لا يا بيه وكيل النيابة: كنت بتسب في الريس وجمال مبارك المسطول: لالالالالالا يا بيه فضل برضو وكيل النيابة يسأل والمسطول ينفي وكيل النيابة: طيب امبارح اعترفت ليه بكل الحاجات دي وأهي مسجلة في المحضر قدامي. المسطول: اصلي أنا امبارح كنت مسطول وما أعرفش كنت بقول ايه .......... اها دي زي حكاية صاحبك المسطول الفوق ده البتدافع عنه ده
Post: #11 Title: Re: ياجماعة الزول ده درويش ساااي......ماتزعلوا روحكم من المصريين Author: معاوية المدير Date: 11-19-2011, 11:16 PM Parent: #10
هههههههههه...إلخ الحق يا كونت. نادي رئيس القناة بسرعة. يا أخي ديل أظرف من شيخ البشاري وبت الجنيد. والله صحي...
Post: #12 Title: Re: ياجماعة الزول ده درويش ساااي......ماتزعلوا روحكم من المصريين Author: عبدالمجيد الكونت Date: 11-19-2011, 11:16 PM Parent: #10
Quote: اها دي زي حكاية صاحبك المسطول الفوق ده
البوست ده فيه كم مسطول .........انت قاصد ياتو فيهم
Post: #13 Title: Re: ياجماعة الزول ده درويش ساااي......ماتزعلوا روحكم من المصريين Author: الامين موسى البشاري Date: 11-19-2011, 11:22 PM Parent: #12
Quote: البوست ده فيه كم مسطول .........انت قاصد ياتو فيهم
يا الكونت المسطول أنا ده القاعد معاكم لغاية هسي يا عزابه والله صحي اها فتكم بعافيه انا ماشي انوم ياهو حال سودانيز اونلاين تكتب ليك كلام يجيك زول ناطي ليك في حلقك لا ايدك ولا كراعك الله هونيني يااااخ
Post: #14 Title: Re: ياجماعة الزول ده درويش ساااي......ماتزعلوا روحكم من المصريين Author: nadus2000 Date: 11-19-2011, 11:24 PM Parent: #10
الاخ عبدالمجيد الكونت ما يزعجني في حديث الزول ده، انه حد مرشح لرئاسة الجمهورية، يعني انه ده حديث زول بيسوق في نفسه، وبالتالي يفترض انه حمل مسح لرغبات وتطلعات واحلام السوق واللي هو الناخبين اي الشارع المصري، يعني المزعج وغياظ ان يكون هذا الجزء البيخصنا كسودانيين جزء من احلام وتطلعات (زلوط) اي الشعب المصري، والتصريحات يجب ان تقرأ مقرونة مع بيعة مشروع الجزيرة واستحجلاب المزارعين المصريين لزراعة اراضي الشمالية......
Post: #15 Title: Re: ياجماعة الزول ده درويش ساااي......ماتزعلوا روحكم من المصريين Author: معاوية المدير Date: 11-20-2011, 00:02 AM Parent: #14
Quote: يا الكونت المسطول أنا ده القاعد معاكم لغاية هسي يا عزابه والله صحي
القالك منو عزابة؟؟؟ يا أخي مع مرشحكم العيونو لون البرسيم ده، الظاهر الليلة حانجلي الشغل. آل لون برسيم آل!!! إن شاء الله تجي بقرة تقصع بيهن الجِرّة يا بركة من جعل محمد نبي عشان نتفكّ من مصاقرة العزابة...
Post: #16 Title: Re: ياجماعة الزول ده درويش ساااي......ماتزعلوا روحكم من المصريين Author: عبدالمجيد الكونت Date: 11-20-2011, 08:19 AM Parent: #15
Quote: القالك منو عزابة؟؟؟
الغريبة انا العزابي مشيت نمت قبلكم الاتنين ...
Post: #17 Title: Re: ياجماعة الزول ده درويش ساااي......ماتزعلوا روحكم من المصريين Author: عبدالمجيد الكونت Date: 11-20-2011, 08:45 AM Parent: #14
Quote: ما يزعجني في حديث الزول ده، انه حد مرشح لرئاسة الجمهورية، يعني انه ده حديث زول بيسوق في نفسه، وبالتالي يفترض انه حمل مسح لرغبات وتطلعات واحلام السوق واللي هو الناخبين اي الشارع المصري، يعني المزعج وغياظ ان يكون هذا الجزء البيخصنا كسودانيين جزء من احلام وتطلعات (زلوط) اي الشعب المصري، والتصريحات يجب ان تقرأ مقرونة مع بيعة مشروع الجزيرة واستحجلاب المزارعين المصريين لزراعة اراضي الشمالية......
الاخ نادوس تحية واتفاقي التام مع وجهة نظرك فكثير من المصريين يفكرون بهذه الطريقة وهذا الساذج نموذج لهم ليس الا ...المشكلة في من يعاملهم من بلادي وكأنهم اصحاب حق فعلا في تفكيرهم كما يبزل الان لهم المؤتمر الوطني العطايا بسبب او بدون
مصيرك يا بلد تنعدل وولادك هم البعدلوك
Post: #18 Title: Re: ياجماعة الزول ده درويش ساااي......ماتزعلوا روحكم من المصريين Author: الامين موسى البشاري Date: 11-20-2011, 10:20 AM Parent: #17
