الاخوه الشرفاء بالسعوديه .. احذروا امنجية النظام بالسعوديه

الى اخواننا الشرفاء بالسعوديه والى الجسم الهلامى الذى يسمى جزافا بورداب السعوديه

والذى يجمع الشرفاء مع امنجية وخونة الانسانيه الموالين للنظام

اعلم تماما ماتقومون به , وسأورد اسماء

الحذر ثم الحذر , ويجب الانسلاخ عاجلا من هذا الكيان وكل الكيانات التى يسيطر عليها هؤلاء الخونه

هؤلاء لا ذمة ولا ضمير لهم هم مجرد ادوات ومخالب لهذا النظام الفاسد

لايشبهونكم ولاتشبهونهم

الحذر ثم الحذر

شكرا اخى خضر
نعرف جيدا نوايا هؤلاء ال######ين
فهم يتجسسون بجدة والرياض والدمام
من خلال هذه المسميات المشبوهة
لكى يستغلوا طيبة الشرفاء وحسن نواياهم
ونحن نعلم هذه المسخرة من زمن
ولذلك نراقب هذه المسخرة فقط !

خضر ..سلامات ...

Quote: اعلم تماما ماتقومون به , وسأورد اسماء

ابدا لينا من جدة بالله ..باعتبارها منفذ ..

لكن زي دي طلب المصدر فيها كيف ؟!!


تحياتي ،،

أخونا ود الطيب ، إن شاء الله كل عام وأنت والمعاك طيبين،
==
أنا غايتو اليومين ديل شايل مصحفي وحايم في البوستات دي،
وبما أنني من بورداب الرياض ، هذا الكيان الذي يشرفني الإنتماء
إليه ، أود أن أبريء ذمتي من هكذا تعميم:

أنا والله عمري لم أقم بدور مشبوه أو غير مشبوه لصالح أي جهة أمنية ، حكومية
، أهلية ، أجنبية ، إرهابية ، ولم أزود أي من هذه الجهات بمعلومات عن زميل
أو زميلة أو أرفع تقارير إستخباراتية لأي جهة وعن أي شيء كان!!

كما أنني لم أر أو في هذا الكيان أي من الأشياء التي قد تفسر ضد الإفادة أعلاه،،


والله على ما أقول شهيد،،

==

يالا شوف لينا ترقية يابوجهينة ولا قطعة ناصية !!ههههه


سلام ياخضر ، وأنا أيضاً في إنتظارك لأخذ حذري من المندسين!!

مندس وامنجي في السعودية يقدم تقارير عن بورداب السعودية
ولا هسي ما سمعنا بي بوردابي من السعودية قبضوه او وقفوه
او حققوا معاه!!!!!...انا شخصيا ما مرّ علي في سودانيز اونلاين
دي...بوست يشتكي صاحبه من التحقيق معه نتيجة لعمل امنجية النظام في السعودية.


فيا اما مافي ناس ممكن تتكتب فيهم تقارير تستدعي
التحقيق معهم او الامنجية ديل ما شايفين شغلهم...

كل الاخوه الذين تداخلو

لكم التحيه والتقدير

وساعود لكم

فقط احب ان اوضح نقطه لايمكن تجاوزها باى حال

وهى فيما يختص بتجمعات البورداب او مايسمى ببورداب سودانيزاونلاين في كل انحاء العالم

نحن السودانيين اجتماعيين بطبعنا وهو شأن الانسان السوى تعودنا ان نعيش في تجمعات وكيانات بمسميات مختلفه

وفي هذه التجمعات نتشارك همومنا وتطلعاتنا وحتى احباطاتنا

دأب النظام واعوانه من المنتشرين في بقاع الدنيا على اختراق مثل هذه التجمعات

ونقل كل مايدور فيها لسفارات النظام بالخارج بعض

هذه التجمعات استعصت على اعوان النظام في شقها او احتواءها

وبعضها تم شقه كما حدث في شق جمعية الاعلاميين بالسعوديه

وبعضها تم احتواءها تماما وبمباركة سفارات النظام

بعد هذه المقدمه

اتقدم للاستاذ الاديب ابوجهينه رئيس بورداب سودانيز بالسعوديه

ووللاخوه الشرفاء بكامل التقدير والاحترام

حتى لايفهم ماطرحته تشكيك في رئيس هذا الكيان

فالرجل عندى فوق مستوى الشبهات

ولكن في اجتماع كان الاول والاخير كنت قد حضرته

كان عمر والشهير بود الباوقه نائبا لرئيس هذا الكيان

مما حدا بى ان لا اعود لهذا الكيان

لعلمى التام بان ود الباوقه ينتمى لهذا النظام ويطبل له

ولا مانع لديه من ان يعمل كل مايرضى اولياء نعمته

من امنجية سفارة الرياض

والتى كنت اتردد عليها واعرفهم فردا فردا ,

وسمعت الكثير مماينقل من عدد من المنتسبين او دعنا نقول المندسين في اوساط الشرفاء.


ونواصــل...........

Quote: وفي هذه التجمعات نتشارك همومنا وتطلعاتنا وحتى احباطاتنا دأب النظام واعوانه من المنتشرين في بقاع الدنيا على اختراق مثل هذه التجمعات ونقل كل مايدور فيها لسفارات النظام بالخارج بعض هذه التجمعات استعصت على اعوان النظام في شقها او احتواءها وبعضها تم شقه كما حدث في شق جمعية الاعلاميين بالسعوديه وبعضها تم احتواءها تماما وبمباركة سفارات النظام

يا خضر...ياخ اعتبرني زول مسكين واخدني قدر عقلي
هسي في نظرك النظام دا لاهسي بكون منتظر ناس قالوا
وقلنا الفي السعودية كمان ؟؟

النظام دا عندو معارضين شايلين سلاح كككككككك
في الغرب وجبال النوبة والنيل الازرق ...
يتلفت لي ديل والله يحتفي بي قولات ناس ود الباوقة
ود الموج حركة شعبية ومكجن البشير...وخضر كان في
السعودية وهسي بعارض من ارض كنا...

يا زول معارضة الخارج دي بردا وسلاما علي النظام
ما تتعب رقبتك ساكت وتشكك الناس في بعضا...
وبعدين متين هو المعارضة بقت تدس في حاجاتا
واجتماعاتا ما كلو موجود...المافي شنو؟؟؟

لو سمحتو ياشباب بس ارد على اخونا نزار

Quote: مندس وامنجي في السعودية يقدم تقارير عن بورداب السعودية ولا هسي ما سمعنا بي بوردابي من السعودية قبضوه او وقفوه او حققوا معاه!!!!!...انا شخصيا ما مرّ علي في سودانيز اونلاين دي...بوست يشتكي صاحبه من التحقيق معه نتيجة لعمل امنجية النظام في السعودية. فيا اما مافي ناس ممكن تتكتب فيهم تقارير تستدعي التحقيق معهم او الامنجية ديل ما شايفين شغلهم...

اخونا نزار

لك التحيه والتقدير

ولك العتبى حتى ترضى ان عجزت انا عن ايصال ما ارمى اليه

على حسب كلامك انك ماسمعت ببوردابى من السعوديه تم اعتقالو من قبل النظام

وكانو عارفين مواعيد وصولو واستلموهو , بجد تكون اتلومتا لوم ضكر

وليس عبد القادر عبد الرحيم عنكم ببعيد هاك متع نفسك

Re: رساله الامن بعد اعتقال زميلنا عبدالقادر على عبدالرحيم

دا من بورداب السعوديه وناشط ومتغلغل في كل الكيانات

ممكن تقول لى ناس الامن عرفوهو كيف جاى في التوقيت دا بالتحديد؟

يكونوا حلمو بيهو ياربى ؟ برضو جائز

Quote: ممكن تقول لى ناس الامن عرفوهو كيف جاى في التوقيت دا بالتحديد؟

قبل الدخول يتم مراجعة أسماء الداخلين للسودان عبر المطار أو الميناء أو المداخل البرية من قبل جهاز الأمن
يعني ما بالضرورة إكونو ناس الأمن عندهم خبر بفلان أو علان قادم اليوم أو غداً

و المعلومة دي أي جاهل عارفها جيداً

Quote: ولكن في اجتماع كان الاول والاخير كنت قد حضرته كان عمر والشهير بود الباوقه نائبا لرئيس هذا الكيان مما حدا بى ان لا اعود لهذا الكيان لعلمى التام بان ود الباوقه ينتمى لهذا النظام ويطبل له ولا مانع لديه من ان يعمل كل مايرضى اولياء نعمته من امنجية سفارة الرياض

خدوري

اولا ود الباوقة كان رئيس لبورداب الرياض وقتها


انت شايل كميرتك في امان الله وتوثق لي فعاليات السفارة

وكلو موثق وشهوده الان موجودين

رغم عدم معرفتي بك الا مؤخرا عن طريق اصدقاء لشخصك


يعني الكلام دا كان قبل اكثر من 7 سنوات تقريبا

جاي هس يا العشا اب لبن تتكلم فيه

بورداب الرياض من الوعي والفهمالذي يجعلهم لا يأبهون بتحذيرك

الذي هو اقرب الى الفتنة منه

شكرا خدردر

Quote: و المعلومة دي أي جاهل عارفها جيداً

أهه أقبض أول واحد

نسيبنا أب صلعة


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

رياض اونلاين من داخل منزل صلاح غريبة .شاركونا بالمناقشة

Quote: رياض اونلاين من داخل منزل صلاح غريبة .شاركونا بالمناقشة

نعم تم الإجتماع الأول بشقتك في الغرابي....
أيام الدايلأب ما قبل الـDSL
وبرضو قبل أن تصبأ.....

مش غريبة (الغرابي، و غُريبة)
بالله أخترت العنوان ده عمداً، أم جاء صدفة....




هو أنا اسمي مكتوب؟؟؟


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: يا خضر...ياخ اعتبرني زول مسكين واخدني قدر عقلي هسي في نظرك النظام دا لاهسي بكون منتظر ناس قالوا وقلنا الفي السعودية كمان ؟؟ النظام دا عندو معارضين شايلين سلاح كككككككك في الغرب وجبال النوبة والنيل الازرق ... يتلفت لي ديل والله يحتفي بي قولات ناس ود الباوقة ود الموج حركة شعبية ومكجن البشير...وخضر كان في السعودية وهسي بعارض من ارض كنا... يا زول معارضة الخارج دي بردا وسلاما علي النظام ما تتعب رقبتك ساكت وتشكك الناس في بعضا... وبعدين متين هو المعارضة بقت تدس في حاجاتا واجتماعاتا ما كلو موجود...المافي شنو؟؟؟

لا يانزار مابعتبرك زول مسكين وانا عارف انو ربنا ماشقا حنكن ضيعو وعارف حنكك سنين بس بتلاوع ,

الحركات المسلحه دي موضوع تانى اعلم انو ماكل المنتمين للحركات المسلحه دي شايلين سلاح

الناس الشايلين السلاح ديل مسئولين منهم ناس الاستخبارات

اما الامنجيه الانا قاصدم ديل وضع تانى وكلو شايف شغلو وذي ماقلتا انت , المافى شنو؟

دي دوله بوليسيه ودونك اللنك دا متع نفسك وتعال راجع


الامن يعتدي علي اسرة زميل البورد معاوية عبيد( صاحب بوستات الفساد) وركز على الكوت دا :

Quote: ولقد وصلت معلومة لاجهزة الامن السوداني

المعلومه دي جات من وين لناس الامن؟ من جبريل عليه السلام؟ ولا في الاحلام؟

نزار خليك موضوعى

Quote: شكرا اخى خضر نعرف جيدا نوايا هؤلاء ال######ين فهم يتجسسون بجدة والرياض والدمام من خلال هذه المسميات المشبوهة لكى يستغلوا طيبة الشرفاء وحسن نواياهم ونحن نعلم هذه المسخرة من زمن ولذلك نراقب هذه المسخرة فقط !

اخى الكريم ايمن التوم

لك التحيه والتقدير

هم لاينكرون هذه التهمه والدليل فوق

هؤلاء لا امن ولا امان معهم

يضحكون امامكم ضحكاتهم الصفراء

ومن وراءكم لاتعلمون مايفعلون

على حسب تقديرى هؤلاء لاعلاقة لهم بالا نسانيه

فاحذروهم

اللهم انى بلغت فاشهد

حبيبنا فائز ود القاضى

لك التحيه

Quote: ابدا لينا من جدة بالله ..باعتبارها منفذ .. لكن زي دي طلب المصدر فيها كيف ؟!! تحياتي ،،

طيب ماتبدا لينا انت وتكون كسبتا ثواب في اخوانك

الذين يتخطفهم النظام

اما بالنسبه للمصدر اغسل وشك بمرق ذى مابقولو البعارين

اذا كانت مياده لاتسئل عن مصدر !!!

جاى تسألنى الدباره ؟

ياقلب مالك على ؟

انا تبت من تعب السفر

ومن مخاوات القمارى ومن شراب موية المطر

تاريكا كامن لى بي شيتا كتر

تاريك لابد لى بي شيتا كتر

مازمان انا وانت لفينا الموانئ

بالمطارات والقطارات والسفن

دقينا اجراس الجديد

وعدنا ترتيب المعانى

والمعانى مفروض انها وصلت يافائز

والليله راجع لى تكبكب؟

وتنتل الآهة وترقرق

ذي تقول ياداب عرفتا الاندهاش


كبها

خضر ...سلامات ...

Quote: طيب ماتبدا لينا انت وتكون كسبتا ثواب في اخوانك

لكن ياخضر انا مابعرف امنجي في بورداب جدة رغم اني شاكي في دكتور سيف ..
ولاقلت سأورد اسماء .
انت القلت

Quote: وسأورد اسماء

لذلك اورد لينا الاسماء ونحن نجيب المصدر ...
قصرنا معاك ؟!!


تحياتي ،،

والله يا خضر بزعل منك لو قلت لى البوست دة من وحى بوست الاعتداء على اسرة الزميل معاوية عبيد

Quote: المعلومه دي جات من وين لناس الامن؟ من جبريل عليه السلام؟ ولا في الاحلام؟ نزار خليك موضوعى

طالما حشتني من المسكنة...فأنا حا استعدل معاك يا خضر...

فناس الأمن في الحالة الاولي ما محتاجين وشاية بوردابي
من السعودية لاعتقال كائن من كان...لأنو البدخل السودان
دا بالبر او الجو...قطعا ناس الامن عارفنو...وفي المطار
في مكتب امن وجوازات وفي الموانيء في مكتب امن وجوازات

يبقي نجي لي الاعتداء علي اسرة زميلنا معاوية عبيد..
وأنا هنا مقدما اقول ليك وبالصوت العالي
ما حصل ان حصل سلوك مدان وفقا لكل الشرائع والاعراف والقوانين
وأنا هنا ادينه بكل ما املك من قوةبل وسأقاتل مع معاوية بشأن اهله
الذين لا ذنب لهم ان عارض ولدهم الحكم او كتب ملفات فساد...(لكن يا خدر)
ملفات الفساد دي كتبها معاوية بالحبر السري...حتي يشيء
به احد...ليتوجه الأمن لاسرته...؟؟

من المفترض ان يكون جهاز الامن السودانى قد واكب التطورات التقنية وما احدثته ثورة المعلومات من قلب للطاولة على كل الارث القديم فى شتى المجالات
هذا ما كنت اعتقده , ولكن حين امضى احد افراد جهاز الامن قرابة الثلاثة ساعات منقبا فى اللابتوب الذى احمله معى حين سافرت عبر ميناء سواكن
ايقنت ان الاجهزة الرسمية فى السودان ما زالت تقبع فى جهلها الابدى لذلك لا استبعد ان يكون الامن السودانى ما زال يعتمد على الوشايات والجواسيس
وسط المجتمعات , ولكن يا خضر يجب عليك انهاء هذا العمل الذى بدأته حتى لا يظن الناس الظنون

Quote: حتى لا يظن الناس الظنون

سامع يا ود الهامش..اسف...قصدي يا ود القاضي.

اجمل ما في هذا البوست مداخلة الاخ العزيز "دكين عشا البايتات" في البوست المنقول بواسطة الاخ صلاح غريبة
شكرا يا دكين لهذا الامتاع

Quote: سامع يا ود الهامش..اسف...قصدي يا ود القاضي.

من يوم شفت مازن ود الصادق عبدالله قريبك في الحضانة البقرا فيها ولدي عرفت الشي ده ماصدفة ..
وكان حمودي اداكم معلومة احلق شنبي الماحلقوا الهلال ..

Quote: مازن ود الصادق عبدالله قريبك

مازن تلقى تدريب عالي المستوى..حمودي ولدك ما اظن يصمد كتير
غايتو الشافكم م######شين في بص من بصات كسلا ما كضب.

Quote: احذروا امنجية النظام بالسعوديه

خلاص ود الباوقة عرفناه، البعدو؟

انا و أحي انا من كلمة انا ..
اشهد بأن بورداب الرياض لم يرتقوا بعد لكي يكونوا امنجية .. قابعين لسع في مرحلة السواطة و قال لي و قلت ليهو ..
و هذا شهادة للتاريخ ..

..
..

يا خدرجي .. اضرب لي بالله علي دا
‎07432783607

Quote: قابعين لسع في مرحلة السواطة و قال لي و قلت ليهو .. و هذا شهادة للتاريخ ..

يعني ابوحسين بتاع الرياض طلع بتاع سواطات ساى ؟!!!
انا من يوم شفتو قلت الزول ده مابتاع رقي ,,

Quote: يعني ابوحسين بتاع الرياض طلع بتاع سواطات ساى ؟!!! انا من يوم شفتو قلت الزول ده مابتاع رقي ,,

شوف يا أرتري إنت ... إذا في إنسان ما شريف أكيد إنت لأنو البلد ما بلدك علشان كدا عايز تسوطها..

بعدين حكاية ود الصائم دي كيف إكون واحد نقل معلومة للأمن و هو ود الصائم أصلاً ما مشى السودان

الناس دي عايزه تضحك على منو ...؟؟؟؟

الناس كلها بتبحث عن بطولات وهمية بي أي طريقة

أعصابك يابوحسين أعصابك غايتو سواطتك مابعرفا ...لكين أمنجيتك مابختلفو فيه بوردابيين

وفايز دا ذاتو أنا بشك فيهو ...بس هو حريف حبتين

Quote: أعصابك يابوحسين أعصابك غايتو سواطتك مابعرفا ...لكين أمنجيتك مابختلفو فيه بوردابيين

أهلااااااااااااااااااااااااااااااااااااااااااان أميرنا ....

ياخ ما كان تكلمنا نعمل ليك حفل إستقبال كاااااااااااااااااارب

بس أعمل حسابك ما أرجعك الحـبـس تاني......

Quote: وفايز دا ذاتو أنا بشك فيهو ...بس هو حريف حبتين

تشك يا جــبـــــان ... خايف منو ...؟؟؟؟
فايز أجنبي و أكيد غير شريف ...

Quote: شوف يا أرتري إنت ... إذا في إنسان ما شريف أكيد إنت لأنو البلد ما بلدك علشان كدا عايز تسوطها..

ياجاسوس قلسا ...سلم نفسك لاقرب مكتب للجبهة الثورية ..الطوفان قادم واسمك مسجل بعد ود الباوقه في الرياض وقبل ود الصايم وشراكة مع تمبس ...
الارتريون قادمون بقوة لتحرير دولة كوش وتسليمها لاصحابها...

المحيرني مشيت السودان وجيت ومافي زول سال فيني رغم اني معارض من الحجم الثقيل ووداني اخونا علاء الدين لغاية تحت عمارتنا ومارسل لي زول ..الحاجات دي فيها تهميش برضو ولا شنو ؟!!!

آآآآآي ضقلو بي خدر دا لما راسو يسخن يا ود القاضي
وأبو حسين...

انا زاتي امنجي ...


بس في غبيرة...

Quote: الارتريون قادمون بقوة لتحرير دولة كوش وتسليمها لاصحابها...

الكلام دا بذكرني عندما غزى عيزانا الحبشي السودان ووصل حتى عطبرة على ما اظن
ودك المملكة في ذلك الوقت ....

مابعيد يا ود القاضي ولو حاسلمونا ممكلة كوش النوبية خبابكم عشرة احنا معاك ضد العروبيين

صديقي فايز المهمش اعتقاليا

كيفك يا صاحب وسنة سعيدة عليك

Quote: المحيرني مشيت السودان وجيت ومافي زول سال فيني رغم اني معارض من الحجم الثقيل ووداني اخونا علاء الدين لغاية تحت عمارتنا ومارسل لي زول ..الحاجات دي فيها تهميش برضو ولا شنو ؟!!!

اريتو تهميش السرور

Quote: أهه أقبض أول واحد نسيبنا أب صلعة

يا الشايقي إنتو البغتي ليكم ماعونكم بتعملوا فيه كدا....!!!!

Quote: المعلومه دي جات من وين لناس الامن؟ من جبريل عليه السلام؟ ولا في الاحلام؟ نزار خليك موضوعى

عليك الله ياخدر كان عملت ليك حاجة نافعة ماكان افضل
يعني واحد بكتب في النت اربعة وعشرين ساعة ناس الامن منتظرين قوالة يفترض ان يكون جهاز الامن في اي مكان اكثر خيثا مماتتصور
يعني ماتستبعد نصف الذين يكتبون هنا ويشتمون الحكومة يكونوا ضباط امن محترفين
يعني واحد يدعي كراهية الكيزان والحكومة يلعن ابوهم ويتحدث عن فسادهم
ثم ينضم الى مجموعة او حزب من تلك الاحزاب المواسير هذا هو المخبر المثالي وليس امثال هولاء البسطاء مكشوفي الحال زي ود الباوقة

تفتكر انت الان من خلال ماكتبت ومانشرت عن احلامك وسيرتك الخاصة ناس الامن التشادي ماعارفين
ان اسمك خضر الطيب
كان يعمل مصورا في السعودية
وكان منسجما مع الحكومة ويغطي انشطة السفارة باخلاص (هنالك نسخة مرفقة مع التقرير عن كافة البرامج التي قام بتصويرها)
ولم يعرف عنه اي نشاط سياسيى ولم تكن له اي كتابات في الصحف ولاالمنابر الالكترونية
وذهب فجأة الى بريطانيا ومن حينها اصبح عدائيا وبصورة مفتعلة مع الحكومة السودانية
وربما يكون نشاطه المفتعل والعداء الظاهري للحكومة السودانيةلاحتمالين
1- الرغبة في تاسيس حالة لجوء قوية
2- او انه يعمل في الخفاء مع اجهزة الامن السودانية
ونوصي في تقريرنا هذا بمراقبته ومراقبة اتصالاته مع الاخرين كذلك العمل على استقطابه اذا لم يكن مجندا للامن
وعموما لانرى فيه اي خطر فهو يكتب من باب التسلية والتمويه
ياخدر ماتزعل هذا التقرير مجرد مزحةوكله مأخوذ من نشاطك وكتاباتك وملفك في هذا المنبر
عشان اوريك انو الامن لايحتاج الى وسيط ليعرف متى دخلت الحمام اخر مرة
خاصة للذين يكتبون دون هوادة في هذا المنبر
لذلك لاترمي زملائك بهذه التهم جزافا
ورغم ذلك اذا اكتملت اجراءاتك واستلمت الجواز سافر الى السودان ومن المطار الى حائط القصر الجمهوري
وبامكانك ان( تقطع الجمار )(pass water)على حائط القصر والله قشة ماتعتر ليك
مع تمنياتي لك بعود حميد

Quote: عليك الله ياخدر كان عملت ليك حاجة نافعة ماكان افضل يعني واحد بكتب في النت اربعة وعشرين ساعة ناس الامن منتظرين قوالة يفترض ان يكون جهاز الامن في اي مكان اكثر خيثا مماتتصور يعني ماتستبعد نصف الذين يكتبون هنا ويشتمون الحكومة يكونوا ضباط امن محترفين يعني واحد يدعي كراهية الكيزان والحكومة يلعن ابوهم ويتحدث عن فسادهم ثم ينضم الى مجموعة او حزب من تلك الاحزاب المواسير هذا هو المخبر المثالي وليس امثال هولاء البسطاء مكشوفي الحال زي ود الباوقة تفتكر انت الان من خلال ماكتبت ومانشرت عن احلامك وسيرتك الخاصة ناس الامن التشادي ماعارفين ان اسمك خضر الطيب كان يعمل مصورا في السعودية وكان منسجما مع الحكومة ويغطي انشطة السفارة باخلاص (هنالك نسخة مرفقة مع التقرير عن كافة البرامج التي قام بتصويرها) ولم يعرف عنه اي نشاط سياسيى ولم تكن له اي كتابات في الصحف ولاالمنابر الالكترونية وذهب فجأة الى بريطانيا ومن حينها اصبح عدائيا وبصورة مفتعلة مع الحكومة السودانية وربما يكون نشاطه المفتعل والعداء الظاهري للحكومة السودانيةلاحتمالين 1- الرغبة في تاسيس حالة لجوء قوية 2- او انه يعمل في الخفاء مع اجهزة الامن السودانية ونوصي في تقريرنا هذا بمراقبته ومراقبة اتصالاته مع الاخرين كذلك العمل على استقطابه اذا لم يكن مجندا للامن وعموما لانرى فيه اي خطر فهو يكتب من باب التسلية والتمويه ياخدر ماتزعل هذا التقرير مجرد مزحةوكله مأخوذ من نشاطك وكتاباتك وملفك في هذا المنبر عشان اوريك انو الامن لايحتاج الى وسيط ليعرف متى دخلت الحمام اخر مرة خاصة للذين يكتبون دون هوادة في هذا المنبر لذلك لاترمي زملائك بهذه التهم جزافا ورغم ذلك اذا اكتملت اجراءاتك واستلمت الجواز سافر الى السودان ومن المطار الى حائط القصر الجمهوري وبامكانك ان( تقطع الجمار )(pass water)على حائط القصر والله قشة ماتعتر ليك مع تمنياتي لك بعود حميد

جبت النجيضة يا عبدالملك

Mr. Khidir would like to update his CV for specific purpose or claim
(والله أعلم)
لكن الخواجات ديل ما عايزين تعب زي دا يا خدر...
يمين تنبطح ليك في سرير في مستشفي حكومي
وترفع كراعك تقول ليهم الحكومة عذبتي
وكسرت لي شوكة سدر في كراعي...الا يدوك
نقاطا تكفيك مدة ماك حي.

اخونا ابو النيز

الجواز البريطاني يطير اذا بدوني ليهو بذلة النفس والانكسار

خدوري دا كان معانا هنا في امان الله

وكان مصور السفارة الاول كل الفعاليات السابقة بتوقيعه

ولو قال كاني ماني ننزلها ليهو كلها هنا

الغريبة ناس السفارة كلهم يذكرو فيهو بالخير

يعني كان اخو اخوان


هس داير يعمل لينا فيها مستكاوي اللندناوي

شايف البوست بقى قهوه على الناصيه

مبالغه لكن

برجع ليكم

لوكو الصبر

كت اوت:

مابحب تشتيت الكوره , وماعاش

Quote: .. .. يا خدرجي .. اضرب لي بالله علي دا ‎07432783607

يااااا ( خم يدااااا ) ما قايلك بتبقى مصدر بالسهوله دى ...
على قول ( كريّم) يعني جاسوس ...؟

Quote: الاخوه الشرفاء بالسعوديه .. احذروا امنجية النظام بالسعوديه

انا غايتو بعرف ود الباوقه ومعاهو واحد تانى

فوق


وكمل اللستة :)

الاخ الكريم عبد اللطيف بكرى

كل عام وانت والاسره بالف خير

Quote: أخونا ود الطيب ، إن شاء الله كل عام وأنت والمعاك طيبين، == أنا غايتو اليومين ديل شايل مصحفي وحايم في البوستات دي، وبما أنني من بورداب الرياض ، هذا الكيان الذي يشرفني الإنتماء إليه ، أود أن أبريء ذمتي من هكذا تعميم: أنا والله عمري لم أقم بدور مشبوه أو غير مشبوه لصالح أي جهة أمنية ، حكومية ، أهلية ، أجنبية ، إرهابية ، ولم أزود أي من هذه الجهات بمعلومات عن زميل أو زميلة أو أرفع تقارير إستخباراتية لأي جهة وعن أي شيء كان!! كما أنني لم أر أو في هذا الكيان أي من الأشياء التي قد تفسر ضد الإفادة أعلاه،، والله على ما أقول شهيد،، == يالا شوف لينا ترقية يابوجهينة ولا قطعة ناصية !!ههههه سلام ياخضر ، وأنا أيضاً في إنتظارك لأخذ حذري من المندسين!!

مرحب بيك اخونا عبد اللطيف

وصدقنى ما محتاج لحليفه

هم عارفين ومعروفين ومرصودين

خضر..........سلام
علم وكلو اندر كونترول،،،

ابو حسين اذيك ياخ وكل سنه وانت والاسره بالف خير

من خلال تعليقك وعلى حسب الحاجات انتا ياكوز ياقريب غتاواحتمال تكون فتوح عديل

Quote: قبل الدخول يتم مراجعة أسماء الداخلين للسودان عبر المطار أو الميناء أو المداخل البرية من قبل جهاز الأمن يعني ما بالضرورة إكونو ناس الأمن عندهم خبر بفلان أو علان قادم اليوم أو غداً و المعلومة دي أي جاهل عارفها جيداً

عليك الله انت مقتنع انو امن النظام عندو مقدره على انو يعرف الناس الداخلين البلد قبل مايوصلو؟

يارجل امريكاعملت الحاجه دى بعد التفجيرات الاخيره

وعندهم حاجه هسي اسمها الطيران الآمن حتى من دول الاتحاد الاوربيى ومن الدول الاسكندنافيه

وحتى الفيزا للناس ديل مامضمونه

جاي تقول لى امن النظام يعلم !!!

ابو حسين خليك طبيعى

هاك كلام الباشمهندس دا

Quote: من المفترض ان يكون جهاز الامن السودانى قد واكب التطورات التقنية وما احدثته ثورة المعلومات من قلب للطاولة على كل الارث القديم فى شتى المجالات هذا ما كنت اعتقده , ولكن حين امضى احد افراد جهاز الامن قرابة الثلاثة ساعات منقبا فى اللابتوب الذى احمله معى حين سافرت عبر ميناء سواكن ايقنت ان الاجهزة الرسمية فى السودان ما زالت تقبع فى جهلها الابدى لذلك لا استبعد ان يكون الامن السودانى ما زال يعتمد على الوشايات والجواسيس وسط المجتمعات , ولكن يا خضر يجب عليك انهاء هذا العمل الذى بدأته حتى لا يظن الناس الظنون

الي ابي حسين:

Quote: من خلال تعليقك وعلى حسب الحاجات انتا ياكوز ياقريب غتاواحتمال تكون فتوح عديل

والي: نزار حسين:
من خلال تعليقك وعلي حسب الحاجات واقرارك هنا انت يا زول مسكين ساكت
يا جائي تتمسكن...والاتنين من صفات الامنجية ابان عمارات.


خضر محذرا من امنجية النظام في السعودية

صديق ياموج

مرورك مقدر ياخال

وكنترولك قوى شديييد

ووجودك الدائم وسط الكيانات دى

صمام امان

زمراوى ياحبيب ..سلامات ..

Quote: الكلام دا بذكرني عندما غزى عيزانا الحبشي السودان ووصل حتى عطبرة على ما اظن ودك المملكة في ذلك الوقت ....

جدنا عيزانا - الله يرحمه - وصل عطبرة ودك مروى دك السنين بسبب اهانة احد رعاياه ومنها ماقامت ليها قايمة حتى اليوم ..
وترك نصباً تذكاريا فيها كتب عليه :( انا عيزانا، ملك الملوك،ابن الأله، ملك "اكسوم" وحاكم حمير وريدان وسبأ وسالهين وسيدامو والبجة وكاسو المنتصر دوما)

Quote: مابعيد يا ود القاضي ولو حاسلمونا ممكلة كوش النوبية خبابكم عشرة احنا معاك ضد العروبيين

يازمراوي الاثيوبيين والنوبة هم احفاد كوش وحضارتهم كانت واحدة وممتدة من الحبشة لغاية جنوب مصر ..

Quote: عليك الله انت مقتنع انو امن النظام عندو مقدره على انو يعرف الناس الداخلين البلد قبل مايوصلو؟ يارجل امريكاعملت الحاجه دى بعد التفجيرات الاخيره وعندهم حاجه هسي اسمها الطيران الآمن حتى من دول الاتحاد الاوربيى ومن الدول الاسكندنافيه وحتى الفيزا للناس ديل مامضمونه جاي تقول لى امن النظام يعلم !!! ابو حسين خليك طبيعى

يا زول أنا طبيعي جداً إنت الما طبيعي
ناس الأمن في المطار بكون عندهم لستة بالناس المطلوبين للأمن
أها لم يصل المسافر للجوازات و إسجلوا إسمو و يأشروا ليه تأشيرة الدخول
ناس الأمن براجعوا أسماء الناس اللي دخلوا إذا لقوا فيهم واحد مطلوب للأمن
بجوك و إقولو ليك تعال و أنا حصلت معاي أكثر من مرة لأنو إسمي كان مشابه لي واحد مطلوب

يعني يا حريف ناس الأمن ما بكون عندهم علم بي منو داخل السودان لكن بعد الدخول بفتشوا على المطلوبين للأمن منو



حكاية إنو تصل معلومة بي فلان جايي اليوم أو علان جايي بعد شهر دي ما لافقة أبداً

Quote: ناس الأمن في المطار بكون عندهم لستة بالناس المطلوبين للأمن أها لم يصل المسافر للجوازات و إسجلوا إسمو و يأشروا ليه تأشيرة الدخول ناس الأمن براجعوا أسماء الناس اللي دخلوا إذا لقوا فيهم واحد مطلوب للأمن بجوك و إقولو ليك تعال و أنا حصلت معاي أكثر من مرة لأنو إسمي كان مشابه لي واحد مطلوب

ياابوحسين من غير لستة اى شخص مطلوب بيكون معمم عليه في الاجهزة ومتى ماادخل اسمه على الجهاز
وفي كل المنافذ تظهر ملحوظة انه مطلوب اتوماتيك ..

Quote: أنا حصلت معاي أكثر من مرة لأنو إسمي كان مشابه لي واحد مطلوب

يعني عايز تفهم الناس انك ماامنجي وانك زول عادى ممكن يشتبه فيهو !!!
الكلام ده تقولوا لزول ماعنده تلفزيون شاشة بلازماومايفطر بكورن فليكس ..

Quote: بجوك و إقولو ليك تعال و أنا حصلت معاي أكثر من مرة لأنو إسمي كان مشابه لي واحد مطلوب

يطرشنا ياعمو لو سمعنا بيك سافرت كان بطيارة ولا ببحر من يوم دخلنا المنبر دة
قال حصلت معاى .. كمان اكثر من مرة
الا يكون حصلت معاك فى محطة النقل الجماعى فى ابها

يا خدر ..
انا بفتكر انه البتعمل فيهو دا حقد منك لافتقادك للترطيبة و جريك و راء الباصات و قومة نفسك من القطر ..
عندما تتذكر ان ابو الحسين السواط يمتطي الفارهة بتاعته متسودا جدادة بريانية و انت تقضم في السندوتشات الباردة بتاعت ماركس و سنبسر و بتقرأ في جريدة مجانية ( البوزوعوها في المحطات ديك ) ..
و جنبك واحدة بولندية بتعاين ليك و بتقول في سرها ( اجي الصومالي دا كمان بعرف يقرأ ) ..
شبكتونا حرية و حقوق انسان و ديمقراطية .. و انتو الواحد فيكم ما قادر يزرط من العصر الشديد ..
فقوم لف و كان ما عندك رصيد اكتب لي هنا عشان اضرب ليك .. اصلو البلد دي كلها هنا بتعمل مس كول ..

..
..

بالمناسبة .. لحدي هسع انا ما اطرقت للجوانب الاخرى .. دي مخلينها عشان نسد بيها الفرقة بتاعتنا في سواطة بورداب الرياض ..

..
..

ابو حسين .. كان خلصت الجدادة بتاعتك دي .. لم لينا العضام لكديسة جارتنا هنا لانه لو ما اكلتها بجوها ناس حقوق الحيوان بخلو ريحتها طير طير ..

Quote: بالمناسبة .. لحدي هسع انا ما اطرقت للجوانب الاخرى

حميدة

الجوانب الاخرى حسب حالة خضر


كلو موجود


بس اديها صنة شوية


وشكرا

سلام يأخضر
الجماعة ديل ورونا ليهم وجيب الجوزات علينا المطار مباشره حرم كفلاهم مايلحقوهم؟؟؟
ماقلنا من زمن بورداب الرياض به المندسين ؟؟؟؟
مودتي
شــــــــــــطة

Quote: اخونا نزار لك التحيه والتقدير ولك العتبى حتى ترضى ان عجزت انا عن ايصال ما ارمى اليه على حسب كلامك انك ماسمعت ببوردابى من السعوديه تم اعتقالو من قبل النظام وكانو عارفين مواعيد وصولو واستلموهو , بجد تكون اتلومتا لوم ضكر وليس عبد القادر عبد الرحيم عنكم ببعيد هاك متع نفسك

الاخ خدر

ياخي ناس الامن ديل لو قاعدين لي كدة

ما كان بقي في امن وامان في البلد زاتو

تعرف ياخي و من البديهيات انت لو عاوز تعرف ليك معلومة
عن اي كيان او تجمع او حزب او حركة كان مسلحة و لا مدنية
اكثر من يعطيك المعلومة الصحيحة .... واحد من نفس الكيان

يعني ما واحد من( الكيزان)

بمعني اخر يعني لو ناس الامن عايزين معلومة عن الشيوعيين
و نشاطهم و تحركاتهم افرادا و جماعات بجروا ليهم واحد
من نفس الجماعة و الدايرنه كله بعرفوه منه .....

ما تقول لي مناضلين و صناديد ما في زول بعترف بحاجة
ولا ديل حالفين قسم و غيروا

و الله في واحدين من اول كف شفته كيف كف واحد بجيب اخره

اها في ناس بريحوك من بدري قبل ما تصل لمرحلة الترهيب دي
يعني ما بديك فرصة تدخلوا للشيرذ زاتو ...
من مرحلة الترغيب بجوك واقعيين ....

وديل العزاء عندهم ما بنتهي بمراسم الدفن ....
ديل ممكن يستمروا ليك كمصادر للمعلومات لفترة طويلة جدا

اها في ناس من ديل قوة عينم بتخليهم احيانا يدخلوا معاك في مساومات
يعني يجيك ناطي يقول ليك عندي معلومات خطيرة جدا

بس يعني الاكسنت حقت جياد دي خلاص كبرنا عليها
شوفوا لينا كرولا ....هاها دي من عندي

طبعا زي ده لما يطلع من الشيرذ ح يفهم الجماعة انه تعرض للتعذيب
و الجلد و سهر الليالي و شاف بيوت الاشباح وما نطق ببنت شفة .....
و الجماعة يطيروا بيه السماء .... و ما عارفينه بقي اكبر مصدر

يعني ناس الامن ما منتظرين صواطة ناس بره دي و مكتفين يدينهم

( كان زمان في برنامج اسمه منكم و اليكم و السلام عليكم )


التعديل لاضافة ما سقط سهوا

لو سمحتو ياشباب ارد على عبد الملك الزول دا دكتور معقوله بس نتجاهل دكاترتنا ونرد على الضحكونجيه؟

Quote: عليك الله ياخدر كان عملت ليك حاجة نافعة ماكان افضل

والله ياعبد الملك وماطالبنى حليفه البوست دا وعلى حسب تقديرى انفع حاجه اعملا بالله اتخيل انك انت في غربه وجهزتا نفسك للسفر للسودان الشغيغ وكلمتا اهلك وعيالك وقلتا ليهم انا جاى اليوم الفلانى والساعه الفلانيه جهزوا مشاعرم عشان يستقبلوك في المطار وفجأة يجوك ناس الامن يسوقوك وبالمناسبه بطلعوك بباب تانى واهلك واولادك منتظرين ومابقدروا يدخلو الصاله ومافى اى طريقه يعرفو الحاصل عليك شنو في الحاله دى شعورك حيكون شنو وحتتصرف كيف؟ وانت عارف انو بعدها تعذيب وتلتله وممكن يدخلو ليك حاجه في (الشنطه) بتاعتك وكلو وارد وانت بتكون شايل هم الناس الكانو راجينك ديل وهم الاجازه الممكن تخلص وانت في يد الامن وممكن تفقد شغلك في دولة المهجر وعييييك ياخى لو اتخيلتا الحاجه دى واتعاملتا معاها كانها حصلت ليك او لقريب ليك كنت كفيتنى مشقة الرد.

Quote: يعني واحد بكتب في النت اربعة وعشرين ساعة ناس الامن منتظرين قوالة يفترض ان يكون جهاز الامن في اي مكان اكثر خيثا مماتتصور

ايوه ياعبد الملك ممكن واحد بكتب في النت باسم غير اسمو الحقيقى وسودانيز دي لما بدت كل الناس كانت اسماهم غير حقيقيه ولحدى الان البعض منهم بكتبو باسماء غير حقيقية. عشان كده انا قلت ومتأكد ومقتنع بانو في امنجيه في المهاجر بعرفو اسماء الناس دى ومتابعنهم من خلال تجمعات سودانيزاونلاين ( الجسم الهلامى الاسمو البورداب) انحنا شعب طيب ممكن والطيبه دى هى الودتنا في ستين داهية , انا من سنين طويله بقيت شرير والبرتقاله ماقاعد ادخل في اى تجمع في اى بلد انا عشتا فيها لحدى ماتنقشع الغمامه بتاعة النظام الفاسد دا ومن حقى ولما دخلتا في تجمع بورداب السعوديه كانت الحاجه دى بدعوه من ناس بحبهم وناس نضاف انسانيين وكنت سعيد انى اكون معاهم , لكن لما لقيت الناس الانا كنت عارف ومتأكد من انهم امنجيه انسحبتا ماخوف منهم رغم انو المثل بقول المابخاف الله خافو ولكن لانهم مابشبهونى لانهم ما اولاد ناس ولانهم حثالة المجتمع

Quote: يعني ماتستبعد نصف الذين يكتبون هنا ويشتمون الحكومة يكونوا ضباط امن محترفين

بتفق معاك ياعبد الملك انو في امنجيه بكتبو في الموقع دا ضد النظام دي مافيها شك مافى اي شى مستبعد عشان كده انا كتبت البوست دا

Quote: يعني واحد يدعي كراهية الكيزان والحكومة يلعن ابوهم ويتحدث عن فسادهم ثم ينضم الى مجموعة او حزب من تلك الاحزاب المواسير هذا هو المخبر المثالي وليس امثال هولاء البسطاء مكشوفي الحال زي ود الباوقة

خلى الاحزاب في حالا ياعبد الملك , الاحزاب دى خط احمر

Quote: تفتكر انت الان من خلال ماكتبت ومانشرت عن احلامك وسيرتك الخاصة ناس الامن التشادي ماعارفين ان اسمك خضر الطيب كان يعمل مصورا في السعودية وكان منسجما مع الحكومة ويغطي انشطة السفارة باخلاص (هنالك نسخة مرفقة مع التقرير عن كافة البرامج التي قام بتصويرها) ولم يعرف عنه اي نشاط سياسيى ولم تكن له اي كتابات في الصحف ولاالمنابر الالكترونية وذهب فجأة الى بريطانيا ومن حينها اصبح عدائيا وبصورة مفتعلة مع الحكومة السودانية وربما يكون نشاطه المفتعل والعداء الظاهري للحكومة السودانيةلاحتمالين 1- الرغبة في تاسيس حالة لجوء قوية 2- او انه يعمل في الخفاء مع اجهزة الامن السودانية ونوصي في تقريرنا هذا بمراقبته ومراقبة اتصالاته مع الاخرين كذلك العمل على استقطابه اذا لم يكن مجندا للامن وعموما لانرى فيه اي خطر فهو يكتب من باب التسلية والتمويه ياخدر ماتزعل هذا التقرير مجرد مزحةوكله مأخوذ من نشاطك وكتاباتك وملفك في هذا المنبر عشان اوريك انو الامن لايحتاج الى وسيط ليعرف متى دخلت الحمام اخر مرة خاصة للذين يكتبون دون هوادة في هذا المنبر لذلك لاترمي زملائك بهذه التهم جزافا ورغم ذلك اذا اكتملت اجراءاتك واستلمت الجواز سافر الى السودان ومن المطار الى حائط القصر الجمهوري وبامكانك ان( تقطع الجمار )(pass water)على حائط القصر والله قشة ماتعتر ليك مع تمنياتي لك بعود حميد

طيب يادكتور انت لخصتا القضيه انا لما كنت بدخل السفاره مكتب مكتب صاحبك ود الباوقه دا براجع من الكاونتر وبدفع دم قلبو وبتخارج انا واستغفر الله من الانا ماحاقدر اشرح ليك اكثر في النقطه دي ارجو المعذره بس تأكد انى كنت عارف انا بعمل في شنو , وماضرورى اكون بنتمى لحزب سودانى وقتها النقطه التانيه والمهمه انى مامحتاج اكتب ضد النظام عشان اخد الجواز لانى اخدتو قبل ما اكتب ضد النظام بسنين طويله , والجواز بالنسبه لى ماكان غايه كت اوت: دكتور عبد الملك رساله اخيره اتمنى اننا مانتخلى عن انسانيتنا حتى لو كان النظام دا معتقدنا لانو الانظمه وذي ما اتعودنا بتمشى وبجى غيرا , لكن الانسانيه لو مشت مابتجى تانى فتك بعافيه المطر

الاخ خضر الطيب
تحياتي

Quote: الى اخواننا الشرفاء بالسعوديه والى الجسم الهلامى الذى يسمى جزافا بورداب السعوديه والذى يجمع الشرفاء مع امنجية وخونة الانسانيه الموالين للنظام

اخي العزيز خضر ان اصابك شيئ من ظلم النظام واجهزتة فهذا هو واقع الحال منذ الانقلاب المشئوم في
في يونيو 89 م
ولكن دعني اعود لموضوعك حول بورداب الرياض وليس السعودية كما كتبت لان السعوية بها اكثر من تجمع للبورداب في جدة و الشرقية والمدينة وغيرها من مدن المملكة .

اعود لبورداب الرياض هو احد تجمعات سودانيز اون لاين العريقة في العالم ان اختلفت معه او اتفقت
قدم الكثير للثقافة السودانية والقضايا الوطنية في المهجر شهدتها المعارضة واهل النظام وكان الكل
يعمل الف حساب لهذا الكيان خوفا من الكلمة القوية التي تكتب .
وحتي لا اسهب كثيرا ياعزيزي بورداب الرياض كيان اجتماعي يجمع السودانيين بمختلف انتمائتهم الفكرية
والسياسية علي مستوي تنشيط العلائق الاجتماعية والاعتراف بالاختلافات السياسية واحترامها, فمنهم من ينتمي للنظام الحاكم وهو عضو بالمنبر يكتب عن النظام كيفما يشاء ولكن داخل الكيان يحترم التنوع ويلتزم بقيم الكيان .
اما المعلومات التي تصل الاجهزة الامنية والسفارات عن المعارضين فهي متوفرة عبر هذا المنبر يطلع
عليها افراد جهاز الامن يومياً ربما يكونون اكثر القراء اطلاعاً علي ما يكتب بالمنبر الذي يقدم
المعلومة دون الحوجة للبحث والعناء عن كل المعارضين

Quote: يطرشنا ياعمو لو سمعنا بيك سافرت كان بطيارة ولا ببحر من يوم دخلنا المنبر دة قال حصلت معاى .. كمان اكثر من مرة الا يكون حصلت معاك فى محطة النقل الجماعى فى ابها

يعني قصدك ضارب قروش من السودان وهارب ؟!!!

Quote: بالمناسبة .. لحدي هسع انا ما اطرقت للجوانب الاخرى

غايتو...

الجوانب الاخري دي انا عارفها؛ورهط من ناس الرياض؛

Quote: بشير أحمد

اها بشير احمد ده ماسك شمال جدة لغاية الرحيلي ومسئول فرع صيادلة جدة ..

Quote: اها بشير احمد ده ماسك شمال جدة لغاية الرحيلي ومسئول فرع صيادلة جدة

حضرة المناضل النحرير/فايز ودالقاضي

تحياتي وكل عام وانت وعيالك بخير؛؛؛

اما بعد:
قلت لي مشيت السودان وجيت ؛وزول من الامنجية هبب ليك مافي!!!
الناس ديل شغالين بالاقدمية وانت لسع مكتوب بقلم الرصاص
كمناضل يعني لازم تمر بمرحلة دق العيش واعتقال سياحي
ويسكوك لحدي درديب كداري وتاكل اقرب ملف لاقرب سفارة غربية ؛
إنت قايل النضال ده بالساهل!!!

______

تحية مخصوصة لشارون
ابقي مارق انت وعيالك لحدي الرحيلي ياخي
زورونا..

Quote: خدوري اولا ود الباوقة كان رئيس لبورداب الرياض وقتها انت شايل كميرتك في امان الله وتوثق لي فعاليات السفارة وكلو موثق وشهوده الان موجودين رغم عدم معرفتي بك الا مؤخرا عن طريق اصدقاء لشخصك يعني الكلام دا كان قبل اكثر من 7 سنوات تقريبا جاي هس يا العشا اب لبن تتكلم فيه بورداب الرياض من الوعي والفهمالذي يجعلهم لا يأبهون بتحذيرك الذي هو اقرب الى الفتنة منه شكرا خدردر

وجاى هسي يالعشا اب لبن عشان تقنعنى بشنو ؟

انك ما امنجى؟

انا اقول ليك حاجه انا دخلتا سفاره النظام دى قبلك

ومانكرتا الحاجه دي لانى كنت عارف انى بعمل في شنو


لما كان كرار التهامى بتسول

ومعاهو ناجى احمد البشير

وهوارى وزمرة المطبلاتيه

انت الوكت داك كنت اثر بعد عين


وانا ماكنت مصور

لكن اتخيل لما كميرا تدخل لمبنى السفاره وحتى مكتب السفير

في حين انو اى سفاره بتمنع حتى دخول الموبايل

كت اوت :

ود الباوقه باختصار كل منتمى للنظام دا امنجى

دى دوله بوليسيه

وانت عارف

وبالنسبه للفتنه انتو الفتنه بعينها

انا ماقصدتا الفتنه

والفتنه ارتكبا النظام الانت بتساندو

وبتطبل ليهو ليل نهار

انتو مريبين ومربربين

ومبربرين

كاد المريب ان يقول خذوني

اركز يا ود الباوقه

يا بـشير ..
في حاجة اسمها جخنون Harrow Road .. !!
دا حيكون فصل من كتابي الجاي .. ( لندن كرور استيشن ) ..

..
..

يا خدرجي انت ما عندك رصيد و لا في البص .. !!

بورداب جده مالكم بقيتو كلكم بيض ......

كُـر عليكم العدوى وصلتكم و لا شنو ....؟؟؟

نشوف ليكم تطعيم ضد شلل الأطفال ..... إمكن إجيب نتيجة

Quote: ابو حسين .. كان خلصت الجدادة بتاعتك دي .. لم لينا العضام لكديسة جارتنا هنا لانه لو ما اكلتها بجوها ناس حقوق الحيوان بخلو ريحتها طير طير ..

يا حميدة ياخ أنا و الأولاد و الجيران لسه بناكل في الكرتة اللي رسلتها لينا قبل أسبوع .....

يا خدرجي .. اضرب لي بالله علي دا

‎07432783607

--------------------------------


والله ياحميضه دقيت ليك امس تلاته مرات

وانت مارديت

وعندك ارقامى كلها اديتك ليها الشهر الفات

هسي انا ادق لىك وين؟

Quote: اما المعلومات التي تصل الاجهزة الامنية والسفارات عن المعارضين فهي متوفرة عبر هذا المنبر يطلع عليها افراد جهاز الامن يومياً ربما يكونون اكثر القراء اطلاعاً علي ما يكتب بالمنبر الذي يقدم المعلومة دون الحوجة للبحث والعناء عن كل المعارضين

ابورامي


خدوري دا عشان ياخذ الجواز البريطاني ممكن يدوس

على كل القيم ويطلعنا حرامية كمان

وعشان كدا ما دايرين نخش معاه في الغريق

الا اطرارا

وصدقني لو ما جاب اسمي ما كنت بهوب ناحيتو

لا من بعيد او من قريب

لكن ساشتغل معه بنظام الجرعات

والجرعة الاخيرة ستكون جرعة الرحمة

عشان تاني ما يعمل لينا فيها ابوعرام

اركز يا خضر

لس التقيل ورا

سلام ياصاحب البوست


مكرر لعناية الاخوة الامنجية بالرياض

نرجو التكرم بتوفير اقامة وعقد عمل علي جناح السرعة

وعشان كدا ما دايرين نخش معاه في الغريق

الا اطرارا
---------------------------------

دا تهديد يامرسي؟؟

ود الباوقه اعتدل مارش

وبعدين اطرارا دي ما مكتوبه صاح

اعد

والله ياخدر ياخوي لو منك ما اجي حايم
في البوست ده تاني؛
ود الباوقة ده ارخيهو ؛ياخي اعمل فيها مشغول
بالجواز البريطاني.

_______
حميدة تحياتي
منتظرين كرور استيشن.

شوفوااااااااااااااااا الزوقان بس كلمة( جيب والجاء مرفوعهخ)الجوازات الكل دخل جحروااااااااا..
حرم ياخدر كان قدر الله لنا تجدنا داخل الخرتوم ... نهاراً جهارناً وجماعتك ناس الأرزقية كنفوس رهط ....
يارجل نحن لها ثلاثه ورباعه والتاريخ شاهد..؟؟؟؟؟؟
مودتي
شــــــــــــطة

الاخ الباشمهندس احمد التجانى

لك وللاسره التحيه والتقدير

Quote: والله يا خضر بزعل منك لو قلت لى البوست دة من وحى بوست الاعتداء على اسرة الزميل معاوية عبيد

لا ياباشمهندس البوست دا من وحى حاجات كثيره وتراكمات ليها سنين

كانوا اعوان وامنجية النظام في خمود حينها في السعوديه

وبعدين بدو يشتغلوا في اذى ناس اكلو معاهم ملح وملاح

البوست دا فيهو رساله معينه لاشخاص معينين

هم عارفين

اما الناس البتهرج وبتحاول تشتت الموضوع

ماعاوزين الرساله تصل

في النهايه اللهم انى بلغت فاشهد

واخرين من دونهم لاتعلمونهم

فتك بعافيه

Quote: وسأورد اسماء

Quote: دا تهديد يامرسي؟؟ ود الباوقه اعتدل مارش

تهديد شنو يا مرسي

انت اتهمتني بالاسم باني امنجي وتحذر مني بورداب الرياض

دون تقديم اي دليل يؤكد صحة ادعاءك

ونحن برضو لدينا توثيق كامل صورة صوت للوقت الذي قضيته بالرياض


وحتى الان لا نود ان نتعامل معك بمبدا الحشاش يملا شبكتو


لكن لا مانع من ذلك اضطرارا


اكرر اضطرارا

بعدين يظهر عليك لس ما استلمت الجواز عشان كدا قاعد تخبط يمين وشمال


بعدين حتى لو استلمت الجواز يعني شنو

الطين في طينو


مش كدا

شكرا حبيبنا خضر وكل سنة وانت طيب

Quote: أعصابك يابوحسين أعصابك غايتو سواطتك مابعرفا ...لكين أمنجيتك مابختلفو فيه بوردابيين وفايز دا ذاتو أنا بشك فيهو ...بس هو حريف حبتين

ود القاضي ودكتور سيف وابو حسين (مان تو مان ) ديل ضماااااااااااااااااان
.
.
صاحب البوست وضويوفة كل سنة وانتو طيبين

Quote: ود القاضي ودكتور سيف وابو حسين (مان تو مان ) ديل ضماااااااااااااااااان

وليد رسلنا كمية قليلة من مصل شلل الأطفال في طائرة الساعة 6 صباحاً

لكن بنرسل ليكم كمية تانية لأنو شكلكم كدا يا ناس جدة المرض متفشي فيكم ...

Quote: كانوا اعوان وامنجية النظام في خمود حينها في السعوديه وبعدين بدو يشتغلوا في اذى ناس اكلو معاهم ملح وملاح البوست دا فيهو رساله معينه لاشخاص معينين

ود الصايم في جماعة ديل إن شا الله يكون

يا خدرجي .. الزول دا العرقي بتاعه كيف ..!!

Quote: وليد رسلنا كمية قليلة من مصل شلل الأطفال في طائرة الساعة 6 صباحاً لكن بنرسل ليكم كمية تانية لأنو شكلكم كدا يا ناس جدة المرض متفشي فيكم ...

لالالالا يا ابوحسين
دي بالغت فيها بالله النبي فوقك كان تنزلها في بوست مان تومان تبع النكات
اها انا ماشي المطار من دربي دا رايك شنو ...
قوية منك يااااااااخ .... ساعدنا بالفير بلاي

Quote: لالالالا يا ابوحسين دي بالغت فيها بالله النبي فوقك كان تنزلها في بوست مان تومان تبع النكات اها انا ماشي المطار من دربي دا رايك شنو ... قوية منك يااااااااخ .... ساعدنا بالفير بلاي

ياخي بوست مان تو مان دا طلع حارق دم كتيرين خلاص

غايتو يا ناس جده الفيكم إتعرفت
و ما تعشمو في فير بلاي بعد الحقد اللي لقيناهو فيكم .....

غايتو ننتظر بقية الأسماء اللي وعدنا بيها صاحب البوست ....

Quote: شوفوااااااااااااااااا الزوقان بس كلمة( جيب والجاء مرفوعهخ)الجوازات الكل دخل جحروااااااااا.. حرم ياخدر كان قدر الله لنا تجدنا داخل الخرتوم ... نهاراً جهارناً وجماعتك ناس الأرزقية كنفوس رهط .... يارجل نحن لها ثلاثه ورباعه والتاريخ شاهد..؟؟؟؟؟؟ مودتي شــــــــــــطة

باشمهندس شطه

ليك التحيه والتقدير ولاسرتك الكريمه

انا قابلتك مره واحده في منزل اسره سودانيه في الرياض

بكن ليهم كل المحبه والتقدير لانهم كانو حريصين اننا نتقابل

وسعدتا بيك ياصديقى باود دار حمر

اتمناك بالف خير ياهندسه

والمندسين حواليكم

مكشوفين

انا و أحي انا من كلمة انا ..
اشهد بأن بورداب الرياض لم يرتقوا بعد لكي يكونوا امنجية .. قابعين لسع في مرحلة السواطة و قال لي و قلت ليهو ..
و هذا شهادة للتاريخ ..
-----------------------------
اذن ياحميضه انت مابتعرفم

ياخ انا بتصل عليك من رقم خاااااص

مابظهر معاك الرقم

لكن كل الارقام بتاعتى كتبتها ليك في الاسكايب

قبل شهر

يا صاحب البوست قلت حا تذكر أسماء

هات الأسماء علشان ما نقول عليك زول كذاب و منافق

Quote: ولكن يا خضر يجب عليك انهاء هذا العمل الذى بدأته حتى لا يظن الناس الظنون

العمل انتهى من البدايه ياباشمهندس

رساله واضحه جدا

ماشمار سودانى

شغل غربى دا

Quote: اجمل ما في هذا البوست مداخلة الاخ العزيز "دكين عشا البايتات" في البوست المنقول بواسطة الاخ صلاح غريبة شكرا يا دكين لهذا الامتاع

يعنى يا السمانى انت ماطلعتا من البوست دا بغير كلام دكين في بوست غريبه؟

دكين زول جميل حضر اجتماع لناس كان ضيف عندهم وعبر عن شعورو

راجع نفسك وخليك واضح ياسمانى وماتدفن راسك في الرمال

ياخضر دي صورة امنجية بورداب( جدة ) بس اعمل علامة على كل واحد بتاع امن
عشان تاني نعمل حسابنا ونبطل قصة الافطار الجماعي وهلم جرا

ياخضر عبرك نوصل ليهم التبريكات بعيد الاضحى المبارك
ونقول ليهم كل عام وانتم بخير

خضر ده متجدع في بريطانيا
وعامل فيها ناشط حقوقي ومعجب ببن لادن



الظواهرى يظهـر اليوم على الجزيرة وستارة نجمـة داود!!!!!


دي من طرف الارشيف

المعايش جبارة.

دكتور بشير

يا اخ زنقت المناضل خضر زنقة شديدة بالحيل

وهس البريطانيين ديل لو وصلهم الكلام دا

كان في اقرب طيارة كتفوه وجابوه السودان

شفت النضال دا كيف

مناضل تاكل ترقد بس

ولس التقل وراء

دكتور بشير

يا اخ زنقت المناضل خضر زنقة شديدة بالحيل

وهس البريطانيين ديل لو وصلهم الكلام دا

كان في اقرب طيارة كتفوه وجابوه السودان

شفت النضال دا كيف

مناضل تاكل ترقد بس

ولس التقل وراء

شبعتا كبسة ورز وجداد لمّن قرّبت تكاكي في السعودية
ودي آخرتها

كنت متيما بالسعودية .. ياعجبي !!

الاخ ادم العمار لك التحيه والتقدير

Quote: الاخ خدر ياخي ناس الامن ديل لو قاعدين لي كدة ما كان بقي في امن وامان في البلد زاتو

البلد يا اخ ادم لا فيها امن ولا امان واصبح اكثر مايهدد المواطن هم الامنجيه انا جيت من السودان قبل شهرين مافى امن ولا امان على الاطلاق بقوليك دى دوله بوليسيه يا ادم

Quote: تعرف ياخي و من البديهيات انت لو عاوز تعرف ليك معلومة عن اي كيان او تجمع او حزب او حركة كان مسلحة و لا مدنية اكثر من يعطيك المعلومة الصحيحة .... واحد من نفس الكيان يعني ما واحد من( الكيزان)

عشان كده مفروض الناس تاخد حذرها في الحته دي

Quote: و الله في واحدين من اول كف شفته كيف كف واحد بجيب اخره اها في ناس بريحوك من بدري قبل ما تصل لمرحلة الترهيب دي يعني ما بديك فرصة تدخلوا للشيرذ زاتو ... من مرحلة الترغيب بجوك واقعيين .... وديل العزاء عندهم ما بنتهي بمراسم الدفن .... ديل ممكن يستمروا ليك كمصادر للمعلومات لفترة طويلة جدا اها في ناس من ديل قوة عينم بتخليهم احيانا يدخلوا معاك في مساومات يعني يجيك ناطي يقول ليك عندي معلومات خطيرة جدا بس يعني الاكسنت حقت جياد دي خلاص كبرنا عليها شوفوا لينا كرولا ....هاها دي من عندي طبعا زي ده لما يطلع من الشيرذ ح يفهم الجماعة انه تعرض للتعذيب و الجلد و سهر الليالي و شاف بيوت الاشباح وما نطق ببنت شفة ..... و الجماعة يطيروا بيه السماء .... و ما عارفينه بقي اكبر مصدر يعني ناس الامن ما منتظرين صواطة ناس بره دي و مكتفين يدينهم ( كان زمان في برنامج اسمه منكم و اليكم و السلام عليكم )

انت لخصتا ممارسات الامن تماماوالسلام عليكم

شوفوا الانتهازية كيف والتملق
لتحقيق مآربه عشان يحصل علي الجواز البريطاني

لدي الرغبه الاكيده.... للإنضمام ..... لحركة العدل والمساواه ... والآن

غايتو الزغاوة ديل لو صدّقوك !!!

الامنجية في الصورة دي :

1- البشير دفع الله (فرع الصوفية).
2- وليد عبداللطيف (فرع الموردة) .
3-اساسي (فرع الدبابين )
4- جمال السنوسي (الفرع الرياضي - جاسوس صفري )
5- خالد العطا ( فرع مكه متفرع من ايلا ) .
6-عصام دهب ( فرع المولانات والمحاكم ).
7- احمد التجاني ( كبير جواسيس الهندسات ).

المعتذرون :

1- دكتور بشيراحمد ( فرع الرحيلي القسم الصيدلي )
2-السماني عماره ( ده الزعيم )
3- سيف الدين ( نائب الزعيم )

Quote: 1- البشير دفع الله (فرع الصوفية). 2- وليد عبداللطيف (فرع الموردة) . 3-اساسي (فرع الدبابين ) 4- جمال السنوسي (الفرع الرياضي - جاسوس صفري ) 5- خالد العطا ( فرع مكه متفرع من ايلا ) . 6-عصام دهب ( فرع المولانات والمحاكم ). 7- احمد التجاني ( كبير جواسيس الهندسات ). المعتذرون : 1- دكتور بشيراحمد ( فرع الرحيلي القسم الصيدلي ) 2-السماني عماره ( ده الزعيم ) 3- سيف الدين ( نائب الزعيم )

ياود القاضي حسب عدد الناس الفي الصورة

و عدد الناس الكتبت اساميهم

في اتنين ناقصين ما ذكرت اساميهم ليه ؟؟؟؟

يكون في واحد منهم كجر .....صحي صحي ..

دكتور سيف مرحب بيك

يازول ياجميل

مامحتاج تعلق على البوست

يكفينى وجودك

وعلمك بالحاصل

اها يا شباب خدردر دا وصل وين

الاخ الكريم يوسف السمانى

لك التحيه والتقدير

Quote: اخي العزيز خضر ان اصابك شيئ من ظلم النظام واجهزتة فهذا هو واقع الحال منذ الانقلاب المشئوم في في يونيو 89 م ولكن دعني اعود لموضوعك حول بورداب الرياض وليس السعودية كما كتبت لان السعوية بها اكثر من تجمع للبورداب في جدة و الشرقية والمدينة وغيرها من مدن المملكة . اعود لبورداب الرياض هو احد تجمعات سودانيز اون لاين العريقة في العالم ان اختلفت معه او اتفقت قدم الكثير للثقافة السودانية والقضايا الوطنية في المهجر شهدتها المعارضة واهل النظام وكان الكل يعمل الف حساب لهذا الكيان خوفا من الكلمة القوية التي تكتب . وحتي لا اسهب كثيرا ياعزيزي بورداب الرياض كيان اجتماعي يجمع السودانيين بمختلف انتمائتهم الفكرية والسياسية علي مستوي تنشيط العلائق الاجتماعية والاعتراف بالاختلافات السياسية واحترامها, فمنهم من ينتمي للنظام الحاكم وهو عضو بالمنبر يكتب عن النظام كيفما يشاء ولكن داخل الكيان يحترم التنوع ويلتزم بقيم الكيان . اما المعلومات التي تصل الاجهزة الامنية والسفارات عن المعارضين فهي متوفرة عبر هذا المنبر يطلع عليها افراد جهاز الامن يومياً ربما يكونون اكثر القراء اطلاعاً علي ما يكتب بالمنبر الذي يقدم المعلومة دون الحوجة للبحث والعناء عن كل المعارضين

لك التحيه مجددا يا ابورامى

اتفق معك تماما في ان هذا النظام ومثله من الانظمه الشموليه

لا يتوانى ولايتورع في ايذاء خصومه ومعارضيه سواء حملوا السلاح ام لم يحملوه

وايا كان هذا السلاح حتى لو كان سلاح الكلمه وهذا ليس تقليل من سلاح الكلمه

ولكن اعلاء لقيمة الكلمه وتأكيد على ان من يحمل سلاح القلم هو انسان يدعو للسلم

والامن الاجتماعى مهما كانت ضرباته موجعه يجب على النظام تقبلها وهو صاغر

حملة الاقلام ياصديقى من الاعلاميين هم من يقود هذه الامه وليس العسكر باى حال

مع احترامى التام لكل العساكر الشرفاء ابناء السودان الاوفياء وحارسى ثغور الوطن

عندما نكتب نكتب لأجل ان يكون السودان بخير , ولاجل ان ننعم فيه بحياه لن تتوفر لنا في مغتربنا

او مهاجرنا مهما كانت هذه المهاجر وكيفما كان وضعنا فيها , لكن يظل السودان هو الوطن الذى

ومهما طالت غربتنا هو ملاذنا الآمن ويجب ان يكون على الدوام.

بالنسبه لهذه التجمعات والتى خلقتها هذه الاسافير هى كماذكرت سابقا تجمعات انسانيه

وتظل مطلوبه على الدوام وفي كل المهاجر ولها القدح المعلى في خدمة المنتسبين اليها

وحتى غير المنتسبين من ابناء جلدتنا , هذه التجمعات وبهذه الايجابيه يجب الحفاظ عليها

من اى اختراقات من قبل هذا النظام الفاسد لانها وباختصار منظمات مجتمع مدنى يجب ان تكون بعيدة

كل البعد عن هذا النظام واعوانه, اذا كان في هذه النظام او اعوانه خير فليكن للسودان وانسانه

وليس ضد السودان وانسانه من خلال التقتيل والتعذيب والتجسس والاباده العرقيه والتقسيم

باختصار ’ لا مكان لهؤلاء في اوساط الشرفاء.

اللهم بلغت اللهم فاشهد

اها يا شباب خدردر دا وصل وين

---------------------------------------

يكون في علمك ياباوقه الرساله وصلت زمااااان

اتحسسس تكتك

وبعدين ما انا البوصل

الرساله هى البتوصل

والكرسى مابزح

بزح القاعد فيهو

وبرضو ماحتتعلموا

Quote: شبعتا كبسة ورز وجداد لمّن قرّبت تكاكي في السعودية ودي آخرتها

انت يابشير غنمايات ماعاوز تطلع من الزريبه الانتا داخل فيها دي يازول رز شنو و (جداد) جداد دى عجبتنى جدا ووضح لى انك لسه بدرى عليك كتيير تعرف عمليتك دى ذي عملية الطيره بتاعة المسطول طبعا بتكون حافظا كت اوت : وللمرء من طبيعة عمله حظ

Quote: ود الصايم في جماعة ديل إن شا الله يكون

ياتو صائم

وبعدين اللسته الفوق دى كلها ماعجبتك , تكون بالغتا

Quote: انت يابشير غنمايات ماعاوز تطلع من الزريبه الانتا داخل فيها دي يازول رز شنو و (جداد) جداد دى عجبتنى جدا ووضح لى انك لسه بدرى عليك كتيير تعرف عمليتك دى ذي عملية الطيره بتاعة المسطول طبعا بتكون حافظا كت اوت : وللمرء من طبيعة عمله حظ

يازول اكان بقت علي زريبتي حقت الغنم دي
بكون مية مية ؛
وتب ماني طالع منها؛؛

المشكلة إنت ياخدر ؛والاشياء الاخري بتاعتك القلت ليك فوق

وانا عارف وإنت عارف
وناس الرياض عارفين
اكان قلتها ليك هنا البوست بيمشي خور ابوعنجة؛؛
احسن تكون ساكت وما تتكلم في ناس السعودية لانو عارفين البير وغطاه
قال زريبة قال..

بوست لذيذ والله...

أجمل حاجة فيهو إنه "حميدة" في بريطانيا..

نضفت والله يا حميدة...

أول مرة أعرف إنه عندك إنجليزي قدر دا...

ياخ ليك وحشة والله...

بعدين إيه الألفاظ دي ياخي...

منتظرين على أحر من الجمر...شيلة حال ناس برة ديل..

رشهم..حسادة ساي عليك الله رشهم..

محمود مصطفى
فرع شعبة الموسيقى والدراما والمريخ
جدة أم جداد

...

..

بشير غنمايات انت لسه بتهدد

انا سيرتى انضف من سيرتك

والتهديد ماحق الرجال

حق الناس البطبلو لنظام القتل والاباده الجماعيه

النظام دائما بستفيد من نوعك دا لانو بلقى فيك كدتو

وبرمى ليك العضم , يوم العضم دا بخنقك

شايفك ليك يومين غائب

ذول الكفل قفل منك الكمبيوتر بتاع الشغل؟

حكمه والله وحكايه

Quote: شايفك ليك يومين غائب ذول الكفل قفل منك الكمبيوتر بتاع الشغل؟

مسكين ياخضر !!!
انت من زمن الكفيل !!! الكفيل بقي صورة بس
والحمدلله متجدعين تب نحمدو ونشكرو
بعدين انا ما محتاج للنظام في الخرطوم عشان يرمي
لي العضم باكل لحم طوالي؛
مش زيك انت تزازي في بريطانيا عشان الجواز حقهم

خليك سوداني
موش اكان مشيت مع الزغاوة .

Quote: مسكين ياخضر !!! انت من زمن الكفيل !!!

انت بقيت كفيل من ورانا ياعفريت؟

انا ماعندى مشكله مع ناس السعوديه

على حسب ما انت بتروج

عندى فيهم اصدقاء افتخر بيهم لانهم شرفاء ما امنجيه

اولاد ناس وعينم مليانه

انا ضد الامنجيه والانتفاعيين والارزقيه

وديل اكثر ناس بستخدمو كمبيوترات الكفيل

لاغراض شخصيه ودى مابعملوها الا هم

وحرام شرعا تستخدم كمبيوتر العمل عشان تدخل سودانيزاونلاين

فيها اهدار لموارد رب العمل وفيها اهدار للوقت الانت بتاخد عليهو الاجر

يبقى الاجر فيهو شبهة الحرام

من اخذ الاجر حاسبه الله بالعمل

والدليل عندك صوره مع محمد عادل وانت فاتح الكمبيوتر

وفاتح سودانيز اون لاين وفى مكان العمل

عشان كده قبيل انا قلت ليك انو سيرتى انضف من سيرتك

Quote: بعدين انا ما محتاج للنظام في الخرطوم عشان يرمي لي العضم باكل لحم طوالي؛

شوف يازول الناس البدعمو انظمة القتل والاباده

ديل كلهم مسترزقين وامنجيه ومصلحتم اهم من النظام

كانو في ايام نميرى والتاريخ بعيد نفسو

Quote: مش زيك انت تزازي في بريطانيا عشان الجواز حقهم خليك سوداني موش اكان مشيت مع الزغاوة .

انت بريطانيا دى لو عاوزا ماتركب تجى في زول منعك

هسي انحنا في موضوع الامنجيه البيأذو الناس

انت رايك شنو؟

خضل الهطل قلتة ياسطحي صور الرحلة كيف ياوهم
عندما تفتح بوست ينبغي علي من يشاركك غسل يديه سبع مرات بالماء والصابون والتراب
لانك رايحتك نتنة وتنبعك القذارة حيثما اتيت

Quote: والدليل عندك صوره مع محمد عادل وانت فاتح الكمبيوتر وفاتح سودانيز اون لاين وفى مكان العمل عشان كده قبيل انا قلت ليك انو سيرتى انضف من سيرتك

ياخوي خط النت باسمي
والكمبيوتر مشتريهو بقروشي
وكل الحاجات الشفتها في الصيدلية دي
برضو مشتريها

هسع ده دليلك!!!

يادكتور كل سنة وانت طيب الزول ده عند بوست بتاع صور يدل علي انه سطحي
وصفته ليك حالته وحالة متاخرة جدا من المرض وياريت تدبه من صيدليتك دوا

الملف الشخصي ل خضر الطيب
اللقب: خضر الطيب
: .


عدد البوستات: 2583
تاريخ التسجيل: 24-06-2004
محل الاقامة: United Kingdom
: Not shown
عنوان مكتبتى بسودانيزاونلاين دوت كم :
FaceBook Page:
Skype Name:
اكلات مفضلة:
الاسم الحقيقى:
التلفون:
الجامعة/المعهد: Media production Film & TV. British Academy of Film and Television
الحالة الاجتماعية: Single
العنوان الدائم: الدائم الله
الفنان المفضل:
اللون السياسى:
النوع: Male
الهوايات المفضلة: بهوى العيون السودا
الوظيفة: اعلامي
تاريخ الميلاد: بعد ميلاد المسيح
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل: الفيتوري . سعيد عقل .
عدد الاطفال:
معلومات اضافية: National Union of Journalists - UK
Human Rights Activist Uk


مكان العمل:
مكان الميلاد فى السودان:
صورتى:

اصلا بورداب جدة ديل ماشغالين بينا نهائي ولو واقف هسع قدام زول مافي زول بعرفني

يعني الحمد لله نحنا بره

Quote: اصلا بورداب جدة ديل ماشغالين بينا نهائي ولو واقف هسع قدام زول مافي زول بعرفني يعني الحمد لله نحنا بره

عصام دقداق

انا قبل كده قلت ليك ماتدخل اى بوست انا بكتبو

صاح ولا انت نسيت؟

عارف ليه؟ لانك مابتفهم المغذى الحقيقى للبوست

وكونك مابتعرف بورداب جده دا دليل على انك بتكتب

بى اسمين ولو حبيبت اعمل ليك فرش متاع هنا بعملو ليك

عشان كده اعمل حسابك



وابعد

مازال امنجية وشبيحة النظام بالسعوديه على ماهم عليه

وسيظلون كذلك , هذا ديدنهم حتى يذهب رئيس هذه العصابه

للمحكمه الدوليه سواء كان طائعا او مجبورا

بالمناسبه الخيارات ماكثيره وهو يعلم ذلك , وارزقيته يعلمون ذلك

حتى ذلك الحين يظل محبوسا كالجرذ في جحره

هذا اذا لم يتخلصوا منه كما يتخصلون من مناديل ورق التواليت

أجمل ما في هذا المسلسل
انو البعض افتكر ان ما يقوله خدر
يدخل في باب النصيحة
فعملوا بها
(( ولا نامت أعين الجبناء))

يا خدر...ناس المنطقة الشرقية معاك في القائمة دي
والله كلهم شرفاء...عشان نعرف ماهيتنا القاعد يصرفا منو؟

Quote: المحيرني مشيت السودان وجيت ومافي زول سال فيني رغم اني معارض من الحجم الثقيل ووداني اخونا علاء الدين لغاية تحت عمارتنا ومارسل لي زول ..الحاجات دي فيها تهميش برضو ولا شنو ؟!!!

والله يا ود القاضي ححنتني ..احنن من حنة سيد البوست دا ..
ياخ طيب ما كان تتكلم اليوم اللاقيتك فوقو داك .. والله كان امشي (اربطك) في الشرقي هناك جمب اركويت وبكره الصباح اجيب ليك ساندوتشات من لذيذ بتاعت فول وطعمية .. انت مالك دافع حاجة من جيبك ما كلو من حق الحكومـة ..


بوست موفق جدا ... من زول حريف جدا
اها ...
قلنا ود الباوقة واحد ..
انا تمبس دا رقم اتنين .. ومعتصم دفع الله رقم واحد اقدمية .. حسب ما جاء في بوست من بوستات خدر الحاوي القديمة جدا وذلك اول ما مشى لندن وقال نجرب الطرق الوعرة دي .. ونهبش بورداب الرياض

لكن المحنني اكتر .. انت لما كنت هنا مالك الله ما فتح عليك ..
اها
عبد القادر دا والله ارجل منك .. اااي ارجل منك عديل كدا .. في قاعة الصداقة في الخرطوم هتف في وجه الرئيس وتم اعتقالو .. وفي سفارة السودان بالرياض شفتو بي عيني دي قاعد يهتف من جوه السفارة زول جدع وليهو قناعات قاعد يتحمل نتيجته وطلع عديل للدرب دا وقاعد يدفع تمنو واسرتو بتدفع في التمن
انت دا علمت لينا شنو في تاريخ حياتك .. جعجعة وسرقات من المواقع .. وتامي الباقي موية زرقا ..

طبعا انا غيرت تلفوناتي .. عشان ما تكلف نفسك تتصل علي زي زمان انا زاتو الايامات دي ما فاضي ليك .. بقيت اشتغل تقارير عاجلة جدا وشغلي بقى بالثريا ودا شعرا ما عندك ليهو رقبة