Post: #1
Title: الشمالية تستورد الجازولين من مصر ... فاهمين حاجة؟؟؟؟؟؟؟
Author: Nasr
Date: 11-14-2011, 07:33 PM
نقلا عن الرأي العام السودانية
-----------------------------------------
الشمالية تستورد الجازولين من مصر
دنقلا: عبد الرؤوف عوض
كشف عبد الفتاح عبد الله وزير الزراعة بالولاية الشمالية، عن موافقة الحكومة المصرية على مَد الولاية بالجازولين لأغراض الزراعة. وأكد عبد الفتاح لـ (الرأي العام) أمس، اكتمال الترتيبات كافة لوصول الجازولين إلى الولاية، وأن الاتفاق تم بموافقة الحكومة الاتحادية وبواسطة وزارة الزراعة الاتحادية، وأبان أن معتمد وادي حلفا موجود الآن بأسوان لإكمال الترتيبات النهائية لوصول الدفعة الأولى من الكميات المتعاقد عليها البالغة أكثر من (130) ألف برميل خلال الأيام القليلة المقبلة، ونوّه إلى أن الكميات ستخصص للمحليات التي لم تصلها كهرباء سد مروي مثل وادي حلفا والقولد وبعض المحليات الجنوبية.
من جانبهم، اشتكى عدد من المزارعين بالولاية من ارتفاع مدخلات الزراعة بالمحليات المختلفة، وقال عدد منهم إن مدخلات الزراعة (الجازولين والسماد والمبيدات وتحضير الأرض) ارتفعت بصورة كبيرة خاصة الجازولين الذي فاق سعر برميله (300) جنيه، وحذروا من تداعيات ذلك على المساحات المخصصة للقمح، وأوضحوا أن هنالك تقلصاً في المساحات المزروعة بالقمح لارتفاع الجازولين مُقارنةً بسعر جوال القمح.
--------------------------------------------------------------------------------
1/ العميد - (السعودية ) - 14/11/2011
سبحان الله سبحان مغير الأحوال من حال إلى حال !!!!!!!!!!!!! الشمالية تستورد الجازولين من مصر بالله شوفوا الكلام دة يا ناس الحكاية """ بقت """ بالمقلوب فوالله يا حكومتنا بالغتوا عديل وفي وضح النهار هو أصلاً الحكاية شنوا الأمور كلها جاطت كدة ( حلايب محتلنها ) """ والخرفان رايحة مصر """ """"" والمتمردين يتحالفوا """" """" وسوريا هي سوريا """" """" والغلاء هو الغلاء """"" """" وهناك أناس يمتصون من دماء الشعب السوداني المسكين ماله وحلاله """" ويا للمهازل والمهالك يا أمة السودان ..لكم الله يا شعبي الكريم ....
--------------------------------------------------------------------------------
2/ ود البلد - (لندن) - 14/11/2011
رجعتا تاني للشحططة والشحاته والشح ............
|
Post: #2
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: أحمد ابن عوف
Date: 11-14-2011, 07:52 PM
Parent: #1
سلام نصار
| Quote: فاهمين حاجة؟؟؟؟؟؟؟ |
انا فاهم، الكلام في حكومة السجم دي لو كانت فاهمة حاجة
|
Post: #3
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: Adam Omer
Date: 11-14-2011, 07:53 PM
Parent: #1
الاخ ناصر عاطر التحايا.
ونوّه إلى أن الكميات ستخصص للمحليات التي لم تصلها كهرباء سد مروي مثل وادي حلفا والقولد وبعض المحليات الجنوبية.
دى الزى دبرة الصورة دى يفهموها كيف
|
Post: #4
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: Nasr
Date: 11-14-2011, 08:31 PM
Parent: #3
سكان الشمالية كلهم لا يتعدون النص مليون نسمة
(أقل من سكان مدينة صغيرة في أي حتة في العالم)
هل يعقل أن سدا كلف مليارات من الدولارات
لا يستطيع أن يوصل الكهرباء لهولاء النص مليون ؟؟؟؟
المسافة بين السد وبعض هذه المناطق لا تتعدي الخمسين ميلا
(أقرب من الحصاحيصا للخرطوم)
زمان كهربة سنار وصلت حتي الخرطوم وربما أبعد من ذلك
(أكثر من ميتين ميل)
وكهرباء الرصيرص وصلت للخرطوم وأبعد
(أبعد من أربعمائة ميل)
.
.
.
حكاية الدولة البترولية التي تستورد بترولا
محيرة ومحيرة جدا
والدولة المتخلفة التي تستورد مادة خام من دولة أكثر تقدما
تربك باكات أي إقتصادي
بس طلب العون من مصر المستعمر السابق
(التركية السابقة والحكم الثناءي)
والحالي
(حلايب وشلاتين)
تحير أكثر
|
Post: #5
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: عبدالمجيد الكونت
Date: 11-14-2011, 08:47 PM
Parent: #4
دي المناظر يا نصر الغريق قدام
الاقتصاد السوداني في وضع لو جاء ادم اسمث نجر ليه نظرية مع الوضع السياسي الفيه حكومة الانقاذ دي ما حيتصلح
بتحير في الساسة الما بقدروا يقروا الواقع قدامهم ديل ...... الحكومة دي ببساطة شديدة حتروح ..... بس الخوف من الغبن الاجتماعي الحتخلفه ياريت يوحدوا خطابم لصالح تجميع ما تبقى من السودانيين وفك الاحتقان بيناتم ...صدقني لو عملوها تغيير الحكومة حقت الانقاذ عن طريق انتفاضة ما ياخد اسبوع
مصر البشحدوا فيها دي نظام حكمها سقط في 18 يوم .... بس ما كان في غبن بيناتم وبعد الثورة بدت التلفتات هنا وهناك ....شوف نحن ضعف وفساد حكومتنا قدر شنو مقارنة بالنظام المصري وشوف تماسك الشعب المصري قدر شنو قبل حسني مبارك وتماسكه الحالي قدر شنو وعاين لي حالنا
غايتو الله يحل كربتك يا بلد
|
Post: #6
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: Sharif Nasirladeen
Date: 11-15-2011, 11:51 AM
Parent: #5
أخي محمد عباس
وين يا زول مختفي رسلنا ليك في الخاص وما رديت ...
الله يكون في عون الأقتصاد السوداني خاصة بعد أنفصال الجنوب.
|
Post: #7
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: نايف محمد حامد
Date: 11-15-2011, 05:59 PM
Parent: #6
فشلت مساعى معتمد حلفا ابوبكر محمد عثمان فى الموضوع اعلاه
نسبة لاصرار المصريين على تصدير جازولينهم بالسعر العالمى
الولاية كانت تأمل فى استيراد الجازولين بسعر الجازولين المدعوم
|
Post: #8
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: عبدالمجيد الكونت
Date: 11-15-2011, 06:21 PM
Parent: #7
| Quote: الولاية كانت تأمل فى استيراد الجازولين بسعر الجازولين المدعوم |
اولاد بمبة اكلوا الخرفان والتيران بتاعة الحكومة اونطة يعني 
|
Post: #9
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: حسين نوباتيا
Date: 11-15-2011, 07:04 PM
Parent: #7
Quote:
فشلت مساعى معتمد حلفا ابوبكر محمد عثمان فى الموضوع اعلاه
نسبة لاصرار المصريين على تصدير جازولينهم بالسعر العالمى
|
مع اننا في اجازة وما كان عندنا نية التداخل لكن دي غلبتني والله ...
عندما يتمسّح الكيزان في المصرين ويعطونهم ملايين الافدنة مجانا في ذّل ومسكنة وانكسار
وعندما يجلبون ملايين المصريين ليوطنوهم في "بلادهم الاولى" ويبذلوا لهم ما منعوه عن مواطنوهم
وعندما بمناسبة وبغير مناسبة يرسل بشيرنا المفدّى روؤس الابقار والاغنام لينال الرضى من سادته المصريين
وعندما يحتفل بشيرنا الهمام بالمنتخب المصري ويهدي لاعبيه عربات على الزيرو وبعض مواطنوه ياكلون من الزبالة
يظن مجرد ظن القاري العادي ان المصريين يمكن ان يقوموا بحركة فهلوة في سبيل حلب بقرة البشير التى تدر حليبها حصريا لهم
لكن اظنهم قد فطنوا ان انكسار البشير لهم غير قابل للمراجعة فما عادوا في حوجة حتى لحركات الفهلوة في ظل هذا الرئيس المهزوم
الذي لا يتواني في ذبح مواطنوه غربانا لينال الرضى....
|
Post: #11
Title: Re: الشمالية تستورد الجازولين من مصر ... فاهمين حاجة؟؟؟؟؟؟؟
Author: Nasr
Date: 11-15-2011, 10:39 PM
Parent: #10
Quote: فشلت مساعى معتمد حلفا ابوبكر محمد عثمان فى الموضوع اعلاه
نسبة لاصرار المصريين على تصدير جازولينهم بالسعر العالمى
الولاية كانت تأمل فى استيراد الجازولين بسعر الجازولين المدعوم |
بعد كل هذا الدعم للمصرييين
-سيارات للاعبين
-بقر للمساكين
-خراف للصعايدة المفلسين
-ملايين من الفدادين لعطالي الفلاحين
-وموية النيل للعطشانين
ما راضين يدعموكم بالجازولين ؟؟؟؟؟
|
|