البارح مساهر ومايقي نومو جفالو

التشكيل الوزاري القادم واعتساق الطريق

عندما كتبت البوست اعلاه هاج فوقي البعض بان كلمة اعتساق لاتوجد في قوقل ونصحني بعض الشباب بان ادخل الي عمق لغة البداوة حتي تعم الفائدة وها انا افعل

البارح مساهر ومايقي نومو جفالو
لامن بهرج الحمار وضح شهلالو
مادام معدن الذوق القلب هفالو
كيف يكون مقدر القود العزيزة أنسالو

ــــــــــــــــــــــــــــــــــــــــــــــــــــــــــــــــــــــــــــــــــــ
* قبل ان ادخل مرحلة التعليم الرسمي كنت احفظ شريط الدوبيت من الجهتين ولكن ضيعتنا الايام ومناهج التعليم

حدثت هذه المساجلات بين الصادق ودامنة وودشوراني في التغزل بفتاة وكانت امامها

الصادق قال
العين ساقدت بالحيل وقاسي نفعه
ربيع القامة في سهر الليالي دفعه
رب العزة في سابع السماوي رفعه
روق ذهنها وفطنها ما صفحه

فجادت قريحة ود شوراني قائلا

واسفاي علي صبري الضعفلي وشحه
سببو العارضه فوق شتم النحاس القحة
الخلاقة لين طبعها وسمحه
زولة فدورة النوق في العجيج قمحه
ـــــــــــــــــــــــــــــــــــــ
وهكذا كانت حياة البدواة

حسسا كاتمو في جوفي وعليه اصبرته
حر جديد ومرة علي الجسم بي الخرطه
ريد ست الجمال الغالية دهب البرته
ما خلاني لي سكران ابرد وارته

.

سلام يا بيت عشوقي نعلو سيدك طيب
قال لي مرحب حبابك يا نديم متغيب
ياهرع البروق اللي الجمال بتعيب
صبري بقالي رملة قيف وجاتا هبيب

سلام يا بيت عشوقي نعلو سيدك طيب
قال لي مرحب حبابك يا نديم متغيب
ياهرع البروق اللي الجمال بتعيب
صبري بقالي رملة قيف وجاتا هبيب

سلام يا بيت عشوقي نعلو سيدك طيب
قال لي مرحب حبابك يا نديم متغيب
ياهرع البروق اللي الجمال بتعيب
صبري بقالي رملة قيف وجاتا هبيب

سلام يا بيت خبارك خالي من الحي
وين راح سيدك الخلاك مسخت علي
رطيب جسمو سبيط ولتيب وخري وني
جميلا فوقه طعم الريد ونخل الغي

.

يا ريح الشمال الجاي من سلومك
صحيتيني وعقب يا ليل غفرتو نجومك
انا يا الزي حرير النافشة ناعمة جسومك
قلبي طويتو زي طي الردف لي هدومك