Post: #1
Title: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-11-2011, 03:49 PM
Parent: #0
نكاية في آل المسلمي الذين لم يوجهوا
الدعوة لوجاهتنا .. فلقد قررت متهورا
أن أعزم كافة البورداب في منزلنا الذي
لا شك أنه عامرا بوجود شخصنا الضعيف ..
وللبوردابيات أن لا يهوبن ناحية منزلنا لأنه
وبإختصار بيتنا (العامر بشخصنا) مافيهو ولا واحدة
من جنس النساء ..
الباب مفتوح-للبورداب طبعا-لكل من أراد أن يشارك
بخروف أو حتى معزة (غنماية يعني) ، كما أن الباب
مفتوحا أيضا للمشاركة بكافة معينات العزومة من رغيف ،
فواكه ، خضار ، دجاج مجمد ، تحلية ... وخلافه ..
وما تنسوا الكراسي و الطرابيز و الصواني و الصحون والمعالق ..
حاجة مهمة أيضا : ما تنسوا الغسالات وبالمرة تنكرين موية ..
وياريت واحد يتكرم بكمية كهرباء من نوعية الدفع المقدم(رقم العداد يعطي للجادين فقط)
يعني أنا ما بتعقد من نوعية هكذا مشاركات وبستلم طوالي ...
|
Post: #2
Title: Re: قرض يعلن عن عزومة كاربة وعامة لكل البورداب بالسودان ...
Author: ناذر محمد الخليفة
Date: 11-11-2011, 05:43 PM
Parent: #1
بروف ..
Quote: من رغيف ،
فواكه ، خضار ، دجاج مجمد ، تحلية ... وخلافه .. |
فغي معينات عيزومة ما مذكورة هنا .. ممكن اجيبا معاي .!!
|
Post: #3
Title: Re: قرض يعلن عن عزومة كاربة وعامة لكل البورداب بالسودان ...
Author: العوض المسلمي
Date: 11-11-2011, 06:04 PM
Parent: #2
بروف قرض يا قريبي كل سنة وانت طيب
وهل يعزم المرء ببيته ؟!
بالجد كانت الدعوة عبر بوست ولم تكن عبر اتصال وعارف انك متابع البورد لهذا
توقعنا وتمنينا تشريفك لدارنا العامرة باخوتكم ومودتكم ...
..........
اها عشان ماتبقي علينا قصة الزول القام يشاكل في مرته ويقول ليها لازم تصحيني للسحور
فهاجت فيه مرته وقالت ليه سحور شنو يا زول وانت ما صائم !!
قام قاليها يعني نبقي كفار بس ..لا صيام و لا سحور ؟:)
اها يا بروف نجيكم متين ؟؟
|
Post: #8
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-12-2011, 10:30 AM
Parent: #3
Quote: بروف قرض يا قريبي كل سنة وانت طيب
وهل يعزم المرء ببيته ؟!
بالجد كانت الدعوة عبر بوست ولم تكن عبر اتصال وعارف انك متابع البورد لهذا
توقعنا وتمنينا تشريفك لدارنا العامرة باخوتكم ومودتكم ... |
العوض ..
انت نسيت ولا شنو ؟؟
أنا برااي إتصلت بيك قبل 5 يوم
من عزومتكم ووصفت لي البيت ..
بقالة الشكري ثم لفةاللورد ثم جامع
الأبرار ...
ياخي انت ماقصرت .. بس ظروفي حالت ..
دي حركات مني ساكت !!!
| Quote: اها يا بروف نجيكم متين ؟؟ |
الميعاد يا العوض يحدد بناءا على
إكتمال وصول المعينات ..
إنت بس ألزم الصبر !!!!
|
Post: #13
Title: Re: قرض يعلن عن عزومة كاربة وعامة لكل البورداب بالسودان ...
Author: فخرالدين عوض حسن
Date: 11-12-2011, 02:11 PM
Parent: #2
قصدك الشربوت يا نادر
قرض يل اخي انا معزمو انا فخرالدين ابن عم صديقك شمس الدين حسن
يعني نممكن اجي ساكت حسب العلاقة دي
عامكم كله صحه وخير وعزومات كمان
---------------------
كل عام وانتم بخير
جارك نادرفي الخرطوم 3
|
Post: #17
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-13-2011, 11:24 AM
Parent: #13
Quote: قرض يل اخي انا معزمو انا فخرالدين ابن عم صديقك شمس الدين حسن
يعني نممكن اجي ساكت حسب العلاقة دي |
إبننا فخر الدين ...
كيفك وكيف والدك ياخي ...
كيف ما تجي .. بس يجي
معاك الوالد ومن غيره
بنقعدك برا في السهلة ساااكت !!!
|
Post: #37
Title: Re: قرض يعلن عن عزومة كاربة وعامة لكل البورداب بالسودان ...
Author: Ahmed musa
Date: 11-14-2011, 10:38 PM
Parent: #2
Quote: بروف ..
Quote: من رغيف ،
فواكه ، خضار ، دجاج مجمد ، تحلية ... وخلافه ..
فغي معينات عيزومة ما مذكورة هنا .. ممكن اجيبا معاي .!! |
ناذر لم تقرأ كلمة (وخلافه) قراءة جيّدة
ولم تقرأ ما وراء سطورها ...
هي (وخلافه) حمّالة اوجه
فأت بما شئت
ودع (خلافه) تعمل عملها
|
Post: #5
Title: Re: قرض يعلن عن عزومة كاربة وعامة لكل البورداب بالسودان ...
Author: الطيب شيقوق
Date: 11-11-2011, 06:24 PM
Parent: #4
Quote: نكاية في آل المسلمي الذين لم يوجهوا
الدعوة لوجاهتنا .. فلقد قررت متهورا
أن أعزم كافة البورداب في منزلنا الذي
لا شك أنه عامرا بوجود شخصنا الضعيف ..
وللبوردابيات أن لا يهوبن ناحية منزلنا لأنه
وبإختصار بيتنا (العامر بشخصنا) مافيهو ولا واحدة
من جنس النساء ..
الباب مفتوح-للبورداب طبعا-لكل من أراد أن يشارك
بخروف أو حتى معزة (غنماية يعني) ، كما أن الباب
مفتوحا أيضا للمشاركة بكافة معينات العزومة من رغيف ،
فواكه ، خضار ، دجاج مجمد ، تحلية ... وخلافه ..
وما تنسوا الكراسي و الطرابيز و الصواني و الصحون والمعالق ..
حاجة مهمة أيضا : ما تنسوا الغسالات وبالمرة تنكرين موية ..
وياريت واحد يتكرم بكمية كهرباء من نوعية الدفع المقدم(رقم العداد يعطي للجادين فقط)
يعني أنا ما بتعقد من نوعية هكذا مشاركات وبستلم طوالي ... |
فضل ليك تقول ليهم يجيبوا ليك عنكوليب وكمان ينقوهو ليك ويلهموهو خشمك
مسنووووووووووووح
|
Post: #6
Title: Re: قرض يعلن عن عزومة كاربة وعامة لكل البورداب بالسودان ...
Author: صديق الموج
Date: 11-11-2011, 06:38 PM
Parent: #5
يادكتور ....عيدك مبارك
وانت عليك حبوب عسر الهضم يا دكتور البخت؟؟
نؤيدكم بشدة مزيداً من النكاية بال المسلمى،،،
|
Post: #7
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-12-2011, 10:24 AM
Parent: #6
| Quote: في معينات عيزومة ما مذكورة هنا .. ممكن اجيبا معاي .!! |
ناذر ..
لو كانت معيناتكم هذه من النوع الذي "يتعاطاه"
كافة المعازيم ، تب ما عندنا مانع ..!!
|
Post: #11
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-12-2011, 10:41 AM
Parent: #6
Quote: يادكتور ....عيدك مبارك
وانت عليك حبوب عسر الهضم يا دكتور البخت؟؟
نؤيدكم بشدة مزيداً من النكاية بال المسلمى،،، |
الموج يا صديق .. كل عام وأنت طيب ياخي ..
دحين انت رسل لينا معيناتك ريالات ساااكت ..
بنقبل عيني ونقدي !!!!
|
Post: #10
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-12-2011, 10:38 AM
Parent: #5
| Quote: فضل ليك تقول ليهم يجيبوا ليك عنكوليب وكمان ينقوهو ليك ويلهموهو خشمك |
شيقوووق ..
أولا ما إسمه عنكوليب يا ابوعريب ..
بل إسمه قصب السكر .. ياخي شرطت عينا ..
بعدين وريني عيب التكافل شنو ؟؟؟
الناس بالناس يا شيقوووق !!!
|
Post: #9
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-12-2011, 10:35 AM
Parent: #4
Quote: الحمد لله ما غلط غلطة إبنة ساكسون......
أنا معزوم؟؟ |
أفو يا الشايقي ..
نحن الغير شايقية عزمناهم .. ما نعزمك إنت ؟؟؟
يا زول انت لحمنا ودمنا ... دحين ألكع ساكت ..
بس جيب معاك شربوت .. ماهو واحد من المعينات برضه !!!
|
Post: #12
Title: Re: قرض يعلن عن عزومة كاربة وعامة لكل البورداب بالسودان ...
Author: محمد المرتضى حامد
Date: 11-12-2011, 12:43 PM
Parent: #9
| Quote: بس جيب معاك شربوت .. ماهو واحد من المعينات برضه !!! |
زي ما بيقولوا خدر وياسر طيفور (أحيييي انا) ..
ما قلتوا شايقيه،
إنحراف معياري؟
أبو الإيثانول زاتو..
إزيَك يا دكتور،
واحد صاحبي ، عضو بالمنبر، مشا حضر عرس في كردفان إتصل بي أمس قال لي تصدق عاملين برميل شربوت
وواحده من أهل العروس ( في غفلة رقيب) بالليل لِحقت البرميل بخميره،
بعد انتهاء العرس هي زاتا أدوها (كوز) من قعر البرميل بعد دقائق قالت ليهم القيدومه متين!!
|
Post: #14
Title: Re: قرض يعلن عن عزومة كاربة وعامة لكل البورداب بالسودان ...
Author: حبيب نورة
Date: 11-12-2011, 03:47 PM
Parent: #12
Quote: واحد صاحبي ، عضو بالمنبر، مشا حضر عرس في كردفان إتصل بي أمس قال لي تصدق عاملين برميل شربوت
وواحده من أهل العروس ( في غفلة رقيب) بالليل لِحقت البرميل بخميره،
بعد انتهاء العرس هي زاتا أدوها (كوز) من قعر البرميل بعد دقائق قالت ليهم القيدومه متين!! |
هههههههههههههههههههههههههههههههههه
|
Post: #15
Title: Re: قرض يعلن عن عزومة كاربة وعامة لكل البورداب بالسودان ...
Author: منال
Date: 11-12-2011, 04:02 PM
Parent: #14
.Quote: شيقوووق ..
أولا ما إسمه عنكوليب يا ابوعريب ..
بل إسمه قصب السكر .. ياخي شرطت عينا . |
|
Post: #19
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-13-2011, 11:41 AM
Parent: #15
منال ..
انت معزومة بصفة إستثنائية ...
بس جيبي معاك معيناتك !!!
|
Post: #16
Title: Re: قرض يعلن عن عزومة كاربة وعامة لكل البورداب بالسودان ...
Author: جمال خضر
Date: 11-12-2011, 04:05 PM
Parent: #14
قرض
كل عام انت والأهل بخير
طبعا الواحد يجى مطلق إيدينو
الا من الأكياس الفاضية لزوم الفوائض
حق الجيرة والقرابة وكده
|
Post: #22
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-13-2011, 01:32 PM
Parent: #16
Quote: قرض
كل عام انت والأهل بخير
طبعا الواحد يجى مطلق إيدينو
الا من الأكياس الفاضية لزوم الفوائض
حق الجيرة والقرابة وكده |
كيفك يا جمال يا قريبي ..
ياخي انت تجي مش مطلق يدينك ،
تجي مطلق المدام ذاتها !!!
|
Post: #18
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-13-2011, 11:36 AM
Parent: #12
Quote: زي ما بيقولوا خدر وياسر طيفور (أحيييي انا) ..
ما قلتوا شايقيه،
إنحراف معياري؟
أبو الإيثانول زاتو.. |
إستاذنا محمد المرتضى ..
شايفك موجود بالبلد ..
عشان كده كان ماليني عشم
كبييير في نوعية وكمية معيناتكم ..
تقوم تقلبها لي شر و بووووت !!!
بس النكتة كانت (مشربتة) شدييييد ...
|
Post: #20
Title: Re: قرض يعلن عن عزومة كاربة وعامة لكل البورداب بالسودان ...
Author: زهير عثمان حمد
Date: 11-13-2011, 12:08 PM
Parent: #18
البروف قرض وضيوفه الكرام
تحياتي أنا علي دواء العزومة بس حددوا العدد والكيزان ما معنا !!!!!!!!!!!!!!!
|
Post: #21
Title: Re: قرض يعلن عن عزومة كاربة وعامة لكل البورداب بالسودان ...
Author: baha eassa
Date: 11-13-2011, 12:34 PM
Parent: #20
Quote: دي حركات مني ساكت !!!
|
العزومة كيف طيب ؟ حدد عشان الاجازة قصيرة شدبد .. .. وعزومة المسلمي
رغم النية ماقدرنا عليها ..
|
Post: #23
Title: Re: قرض يعلن عن عزومة كاربة وعامة لكل البورداب بالسودان ...
Author: محمد الكامل عبد الحليم
Date: 11-13-2011, 07:38 PM
Parent: #21
تحية....
يا دكتور ايه لازم التعب بعد العزومة الاسفيريبة التي تشرفنا بحضورها في برج الفاتح(زمان) بمناسبة الاصدارة الاولي لسعادتكم والحضور الكثيف من اهل الجاه والسلطان...
يبدو اننا موعودون لاصدارة اخري ولكن مقابل معينات من الحضور ..
افكر جديا في تحمل عبء التكلفة بعد تحدديكم للمكان اما الزمان فمتروك بطبيعة الحال لتقديرنا...
وكل سنة وانت مضئ ..ومنور..
|
Post: #24
Title: Re: قرض يعلن عن عزومة كاربة وعامة لكل البورداب بالسودان ...
Author: انعام حيمورة
Date: 11-14-2011, 09:25 AM
Parent: #23
Quote: للبوردابيات أن لا يهوبن ناحية منزلنا لأنه
وبإختصار بيتنا (العامر بشخصنا) مافيهو ولا واحدة
من جنس النساء .. |
كل سنة وانت طيب يا عمو قرض وشكرا للتوجيه
|
Post: #25
Title: Re: قرض يعلن عن عزومة كاربة وعامة لكل البورداب بالسودان ...
Author: وليد محمد المبارك
Date: 11-14-2011, 09:31 AM
Parent: #24
لو في تربيزة وست
انا بجي ومعاي فردة واحدة حقت كوتشينة
|
Post: #26
Title: Re: قرض يعلن عن عزومة كاربة وعامة لكل البورداب بالسودان ...
Author: فيصل محمد خليل
Date: 11-14-2011, 09:41 AM
Parent: #25
عزومتك قرض
___
maskagna
|
Post: #34
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 02:07 PM
Parent: #26
أيوا عزومتي يا فيصل !!!!
|
Post: #27
Title: Re: قرض يعلن عن عزومة كاربة وعامة لكل البورداب بالسودان ...
Author: منال
Date: 11-14-2011, 09:43 AM
Parent: #25
Quote: منال ..
انت معزومة بصفة إستثنائية .. |
ثمح 
|
Post: #35
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 02:10 PM
Parent: #27
ثمح الثمح يا منال ..
إنتي الورود دي بتجيبيها
من وين ؟؟؟
|
Post: #33
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 02:05 PM
Parent: #25
Quote: لو في تربيزة وست
انا بجي ومعاي فردة واحدة حقت كوتشينة |
وليد ...
دي تلقاها عند الغافل ..
انت عايز الموضوع يجر بالإسنافيكات
والذي منه علشان ندخل من الفطور
للغدا و السحور وإحتمال المبيت
عندنا كمااان ؟؟؟!!!
|
Post: #32
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 01:26 PM
Parent: #24
| Quote: كل سنة وانت طيب يا عمو قرض وشكرا للتوجيه |
إنعام ..
حصل تطور يا انعام ..
عمك صادف أخيرا شريكة حياته ..
أول امبارح بس !!!
يعني بقت في لينا مدام
في البيت ..
دحين تجي طوالي بس ما تنسي المعينات !!!
|
Post: #31
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 01:06 PM
Parent: #23
Quote: يا دكتور ايه لازم التعب بعد العزومة الاسفيريبة التي تشرفنا بحضورها في برج الفاتح(زمان) بمناسبة الاصدارة الاولي لسعادتكم والحضور الكثيف من اهل الجاه والسلطان...
يبدو اننا موعودون لاصدارة اخري ولكن مقابل معينات من الحضور ..
افكر جديا في تحمل عبء التكلفة بعد تحدديكم للمكان اما الزمان فمتروك بطبيعة الحال لتقديرنا...
وكل سنة وانت مضئ ..ومنور.. |
محمد الكامل ...
كيفك يا صديق ... ليك وحشة يا راجل ..
ياخي بس انت إتحمل عبء معينات الحضور ، ومن
ثم ستجد ما يسركم!!!
|
Post: #30
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 11:58 AM
Parent: #21
Quote: العزومة كيف طيب ؟ حدد عشان الاجازة قصيرة شدبد .. .. وعزومة المسلمي
رغم النية ماقدرنا عليها .. |
بهاء عيسى ..
اجازتك صغيرة خالص ياخي ..
بس ميعاد العزومة بيتحدد بإكتمال وصول المعينات ..
أقول ليك حاجة .. أحسن ترجع قبال ما "يفنشوك" ..
عزومتي دي بتنتظرك لغاية اجازتك القادمة !!!
|
Post: #29
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 11:45 AM
Parent: #20
Quote: البروف قرض وضيوفه الكرام
تحياتي أنا علي دواء العزومة بس حددوا العدد والكيزان ما معنا !!!!!!!!!!!!!!! |
زهير ..
اتفقنا يا زول ..
انت عليك دوا الملاح ..
والكيزان ديل بستبدلهم
ليك بكبابي شب ساااكت !!!
|
Post: #28
Title: Re: قرض يعلن عن عزومة كاربة وعامة لكل البورداب بالسودان ...
Author: ناصر يوسف
Date: 11-14-2011, 10:01 AM
Parent: #1
Quote:
لكل من أراد أن يشارك
بخروف أو حتى معزة (غنماية يعني) ، كما أن الباب
مفتوحا أيضا للمشاركة بكافة معينات العزومة من رغيف ،
فواكه ، خضار ، دجاج مجمد ، تحلية ... وخلافه ..
وما تنسوا الكراسي و الطرابيز و الصواني و الصحون والمعالق ..
حاجة مهمة أيضا : ما تنسوا الغسالات وبالمرة تنكرين موية ..
وياريت واحد يتكرم بكمية كهرباء من نوعية الدفع المقدم(رقم العداد يعطي للجادين فقط)
يعني أنا ما بتعقد من نوعية هكذا مشاركات وبستلم طوالي ... |
صحي والله قَرَض القَرَض الناس قَرِض
وين ياااا بروف .. ليك وحشة ياخ ...
أها أنا مُقَشِط .. أجيب بطني الماكنه دي معاي ولا لعععععععععععععع ؟؟
قرض مشتاقين ياخ
|
Post: #36
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-14-2011, 02:14 PM
Parent: #28
Quote: أها أنا مُقَشِط .. أجيب بطني الماكنه دي معاي ولا لعععععععععععععع ؟؟
قرض مشتاقين ياخ |
ونحن مشتاقين بالأكتر يا ناصر ..
وينك مدسي ياخي ..
وبعدين انت لو مقشط ,
جيب معاك عيني بدل نقدي ..
إنشاء الله إبريق غسيل !!!
|
Post: #38
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-15-2011, 11:32 AM
Parent: #36
Quote: ناذر لم تقرأ كلمة (وخلافه) قراءة جيّدة
ولم تقرأ ما وراء سطورها ...
هي (وخلافه) حمّالة اوجه
فأت بما شئت
ودع (خلافه) تعمل عملها |
لا فض فوهك يا أحمد موسى ؟؟
بالمناسبة: فض فوهك دي
معناها شنو ؟؟؟؟؟!!
|
Post: #39
Title: Re: قرض يعلن عن عزومة كاربة وعامة لكل البورداب بالسودان ...
Author: ناصر يوسف
Date: 11-15-2011, 01:03 PM
Parent: #36
Quote: ونحن مشتاقين بالأكتر يا ناصر ..
وينك مدسي ياخي ..
وبعدين انت لو مقشط ,
جيب معاك عيني بدل نقدي ..
إنشاء الله إبريق غسيل !!! |
ياا عمك ... إنتَ مشيت الحِج وجيت ولا شنو ؟؟
إبريق شنو يا قرض البجيبو ليك أنا ؟؟
إنتَ عاوز الجماعة هني يتهموني إتهام قااااااااتِل ؟؟
لوووووووووول
يا الحبيب نحن بنلهط ساكِت كدي من غير غسيل
بلا يوم غسيل الأيدي العالمي بلا لَمَّة
أها ما قلت لي
المواعيد متين وويييييييين
ياخي قولها لي بالدَس
أصلو الزول مشتهي يلاقيك يعلم الله
النعمنو كدي بيناتنا أشواق السنين
من زمناً بعيد ما أتلاقينا حروفيييياً ولا كمان ووووووووووووجاً لوووووجا
هههههههههههههه
|
Post: #40
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-16-2011, 11:47 AM
Parent: #39
Quote: ياا عمك ... إنتَ مشيت الحِج وجيت ولا شنو ؟؟
إبريق شنو يا قرض البجيبو ليك أنا ؟؟
إنتَ عاوز الجماعة هني يتهموني إتهام قااااااااتِل ؟؟
لوووووووووول |
أخونا ناصر ...
يا زول اتهام قاتل بتاع شنو ؟؟؟؟!!!
محسوبك ما متابع الراندوق ...
يكون الإبريق رندقوهو وأنا
ما عارف ؟؟؟!!!!
|
Post: #41
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-16-2011, 12:04 PM
Parent: #40
سادتي ..
لابد لي وأن أزجي الشكر الكتييير
للأخ المبدع أنور التكينة ...
ففي الوقت الذي إنشده فيه المعازيم في
أكل المشمر و المحمر ، كان أخونا أنور
مشغول بشئ واحد فقط-وعلى بطن خاوية-ألا وهو
توثيق هذه العزومة المليونية بكمرته المبدعة ..
ليأتي لنا بالكثير من الصور التذكارية المعبرة ....
وأقول أنها عزومة مليونية ، ذلكم لأن المليون (بالقديم)
هو أقل معيار رقمي للتنويه عن عدد المعازيم وأيضا
عن المبالغ التي صرفت في تنظيم هذا المحفل العجيب ...
بالطبع ، سوف نقوم بتحميل وتنزيل صور المعازيم
لكم تباعا على هذا البوست ..
غير أن الأخ أنور قد نصحني بأن بعض المعازيم من التقلة بمكان بحيث
يصعب معه من الناحية الفنية التمكن من تحميل وتنزيل تصاويرهم
العجيبة ...
لذلك نحن نعتذر لهم مسبقا أن لا "يتعقدون"
في حالة عدم رؤيتهم لتصاويرهم في هذا المكان ..
ولهم العتبى حتى يتخففوا !!!!!!!!!
|
Post: #42
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-21-2011, 03:52 PM
Parent: #41
يا أنور تكينة ..
وين الصور ياااااااخ !!!
|
Post: #43
Title: Re: قرض يعلن عن عزومة كاربة وعامة لكل البورداب بالسودان ...
Author: محمد الكامل عبد الحليم
Date: 11-21-2011, 08:33 PM
Parent: #42
تحية....
بالرغم من متابعاتنا لحروف الاستاذ انور التكينة الا اننا لم نحظي بعدسته وهي تجول بين الحضور توثيقا ليوم اجتمع فيه السمار علي بساط(الاسفير) بمنزل صديقنا العزيز قرض...
مالم يكن العزيز التكينة واعدا لنا بالمزيد من الصور نجد انفسنا بين الحضور الانيق...(لزوم الظهور وفي جو من الحبور...
عليك به يا دكتور عسي او لعل..
|
Post: #44
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-22-2011, 02:22 PM
Parent: #43
| Quote: بالرغم من متابعاتنا لحروف الاستاذ انور التكينة الا اننا لم نحظي بعدسته وهي تجول بين الحضور توثيقا ليوم اجتمع فيه السمار علي بساط(الاسفير) بمنزل صديقنا العزيز قرض... |
محمد ..
أنت كنت نجم الدعوة وبلا منازع ..
عجبتني حركتكم الرشيقة بين الحضور
لمتابعة توفر مطايبنا على جميع الموائد
والصحون .. فلم يشكو أحدهم من نقص طعام
أو تخلف صنف من الأصناف .. تشكر يا أبوحميد ..
أما التكينة .. فلقد حلف أن لا يقوم
بتنزيل حمولته من الصور والتصاوير
ما لم أقوم بتجهيز الالبومات مسبقا ...
ولعله هذا يحتم علينا طلب الوساطة
والأجاويد .. علكم تفلحون في إقناعه !!!
|
Post: #45
Title: Re: قرض يعلن عن عزومة كاربة وعامة لكل البورداب بالسودان ...
Author: محمد الكامل عبد الحليم
Date: 11-23-2011, 02:55 AM
Parent: #44
تحية....
انا لم اقم غير الواجب(الذي يفرضه الظرف والمرحلة)....يكفينا تمددك واتساع خاطرك وكانك تمسك بفرشاة ملونا بهاظلال التمني....(حلوة دي.)..مفردا اجنحة التاويل الايجابي نحو استيلادالحب من رحم الواقع ناثرا رزازه الممطر في دروب لو سلكناها لاثمر العنب بين الاشواك...(دي كيف)...
علي هذا المنوال لا نريد من صديقنا التكينة سوي ممارسة الحضور...
|
Post: #46
Title: Re: قرض يعلن عن عزومة كاربة وعامة لكل البورداب بالسودان ...
Author: محمد ابراهيم قرض
Date: 11-23-2011, 02:37 PM
Parent: #45
مشكووور يا محمد ..
و ..
| Quote: علي هذا المنوال لا نريد من صديقنا التكينة سوي ممارسة الحضور... |
|
|