جعفر السقيد يغني لقوش والقنصلية لذلك !!!!

عندما حضر السقيد جدة تخيلنا ان نكون الى جانبه ونحن الى جانب اي فنان ملتزم وصاحب مبدأ
وكلمة , من حق السقيد ان يتغنى لمن شاء لكن ليس من حقه ان يطالبنا بالانضمام الى موكب الغناء
الجنائزي , فالسقيد الذي تغنى في جدة في حفل تكريم المجرم قوش والذي قدم نفسه رخيصاً للغناء
في حفل مغادرة القنصل السابق لن نقف الى جانبه لانه لم يقف مع اصطفاف ابناء شعبه لذلك ادعو
الاحرار والمبدئيين الى مقاطعة حفل السقيد في جدة ولسنا باسم الشوايقة قطيع لمعانقة من يرهن
موقفه الى جانب مجرمي النظام في مقابل الشعب العريض الرافض للموات الذي يفرضه المؤتمر الوطني
على شعبنا الكريم .






.......................................................................حجر.

سلامات الرفاعي وعيدك مبارك
الواحد قدر ما يحاول يفصل بين الفن والسياسة ما بقدر
خصوصا اذا حدث موقف متخاذل من فنان
كان قد تغنى بكلمات لامست فيناالعصب
فعندها لا نستطيع الاستمتاع بفنه مرة اخرى لاختفاء الصدق
والواضح كدا الفنانيين الماسكيين الجمرة حيبقوا نادرين في زمن جوع ######ــك يتبعك دا

عليك الله كلام زي التحت دا تاني اسمعوا بياتو احساس .؟

كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة

الرفاعى العزيز .....عيدك مبارك

قاطعوا اى فنان غير منحاز لقضايا شعبه
الفن رسالة يا جعفر السقيد
لم اكن احسب من غنى مدر مدر يا رواسى يمكن أن يغنى لقاتل..
الرقبه يقطعها الخالقه...الرواسي
شعر: حاتم حسن الدابي اداء: جعفر السقيد

بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

هاكم أقرأوا لحاتم حسن الدابى الرواسى:

المؤسف حاتم حسن الدابي زاااتو بقي مؤتمر وطني
شاهدته ايام الانتخابات الاخيره وهو يمارس تطبيل لزج وفطير لصالح المؤتمر الوطني

حجر،
كل سنه وانت طيب

وبعد إذنك:
أخونا فاروق،
المؤسف حاتم حسن الدابي زاااتو بقي مؤتمر وطني
شاهدته ايام الانتخابات الاخيره وهو يمارس تطبيل لزج وفطير لصالح المؤتمر الوطني
كدي ورنا كيف ووين ومتين الكتبتو ده حصل؟

مع وافر الاحترام

الاعزاء

محمد هشام
صديق الموج
فاروق عثمان
محمد عبدالرحمن

مودتي وكل عام وانتم بالف الف خير

تجاربنا مع فناني المنطقة غير محفزة للوقوف الى جانبهم

من قبل استقبلنا الشاعر حاتم حسن الدابي وما ان عاد الى

الخرطوم إلا وطالتعتنا تصريحاته المفاجأة بأنه جبهجي او هكذا

قالها صدقني يا محمد عبدالرحمن لم يكن تحامل لكنها الحقيقة الوقوف

على جمر القضية صار عصي وصار بعضهم يتاجر بالمواقف منهم جعفر السقيد

جاء بلا دليل وعزف على اوتار القضية لكنه بكل المقاييس عندما لا يرى

معارضة في الغناء لقوش حينها يتساوى هو وفنه وقوش في رايي الخاص لذلك

دعوتي شخصية لكل اصحاب المواقف الحرة بعدم الذهاب لحفل السقيد والمقاطعة

له وعدم المشاركة بأي قسط من انواع المشاركة وشكراً,,,






.................................................................حجر.

Quote: دعوتي شخصية لكل اصحاب المواقف الحرة بعدم الذهاب لحفل السقيد والمقاطعة له وعدم المشاركة بأي قسط من انواع المشاركة وشكراً,,,

يا حجر عيدك مبارك

يا خي الزول دا ما عصرتو عليه شديد...
بعدين أنا ما اعتقد إنو عندو علاقة بالسياسة ولا المواقف السياسية
يعني بس ( كل سلكاية فوق اصبع)

Quote: يا حجر عيدك مبارك يا خي الزول دا ما عصرتو عليه شديد... بعدين أنا ما اعتقد إنو عندو علاقة بالسياسة ولا المواقف السياسية يعني بس ( كل سلكاية فوق اصبع)

يا ابن العم العزيز

عساه يتعلم من هنا ان الفن مواقف


كل سنة وانت بالف الف الف خير .






...........................................حجر.

يا محمد عبد الرحمن محمد
اسأل اي زول قول ليه حاتم حسن الدابي موقفو كان شنو وتصريحاتو كانت شنو في ايام الانتخابات
لم ابهت الرجل او اتجني عليه ولكن شاهدته في التلفاز ايام الانتخابات داعما للبشير وتفاجات مثل مفاجاتك الان

جعفر السقيد .. ارجوك لاتقرأ هذا الخبر !!!!!
مع خالص تحياتي للاستاذ الرفاعي

قاطعوا اى فنان غير منحاز لقضايا شعبه
الفن رسالة يا جعفر السقيد

Quote: قاطعوا اى فنان غير منحاز لقضايا شعبه الفن رسالة يا جعفر السقيد

تعليق % صحيح وخير الكلام ما قل ودل

شكراً اركماني







فاروق انا سمعته يقول عن نفسه انه جبهجي .



...............حجر.

حاتم حسن الدابي + جعفر السقيد تجار مواقف وهذا أمر معروف

وتشهد علي ذلك الحملات الانتخابية للمؤتمر الوطني

Quote: حاتم حسن الدابي + جعفر السقيد تجار مواقف وهذا أمر معروف وتشهد علي ذلك الحملات الانتخابية للمؤتمر الوطني

نعم هو كذلك ليس غير تاجر مواقف

ولعل تجاربنا مع فناني المنطقة

تحكي عن انتهازية عالية ما كان

المقام لذكرها لكن هي عبر ودروس






...................................حجر.