Post: #1 Title: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 05:18 PM Parent: #0
نهائي كاس السودان الهلال والمريخ .
حضرنا
ولم ,,,,,,,,,,,,
دي بتمها بعدين .
Post: #2 Title: Re: قبل ساعة من الميعاد حضرنا وووووولم,,,,,,,,,,, Author: abas Date: 11-04-2011, 05:20 PM Parent: #1
يا رشا ياخ عيدك مبروك
لو جو مضروبين
لو ما جو مضروبيين
والعيد عيديين
الكاس حقنا ولا عزاء للجرياباب
Post: #3 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 05:20 PM Parent: #1
افتكر دي انسب اغنية .
Post: #4 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 05:23 PM Parent: #3
عيدك زين ومبارك يا عباس ,
كل عام والجميع بالف خير .
والله يا عباس بعد دي حتي اذا لعبو وغلبونا بدستة اهداف ( ودي ما ممكن طبعاً )
بعد الحصل وموضوع الانسحاب والهيلمانة دي , نحنا الفائزين بالنسبة لي .
Post: #5 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 05:50 PM Parent: #4
ياريت بس اذا في زول من الجماهير الهلالية مشي الاستاد .
يكتب في حائط الاستاد , حضرنا ولم ,,,,,,,,,,
بس للذكري لا أكثر .
Post: #6 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 06:42 PM Parent: #5
حضرنا ولم نجدكم وعز علينا ان لا نجدكم
وكان نفسنا نجدكم
جد جد وااللله كان نفسنا نجدكم وتجدووننا في الموعد وعلي العهد
للذكري :
اليوم الجمعة الموافق الرابع من نوفمبر للعام الفين واحدي عشر
افتكر المهتمين يحنطو الكتابة دي ويودوها المتحف طواااااااالي
Post: #7 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 06:44 PM Parent: #6
عن نفسي كنت اتمني ان تُلعب المباراة .
يظل المريخ فريق كبير ونتمني له التوفيق في المحافل المحلية القادمة .
Post: #8 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 06:48 PM Parent: #7
Post: #9 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 06:50 PM Parent: #8
ومبرووووووووك للهلال حبيب البلد
Post: #10 Title: Re: قبل ساعة من الميعاد حضرنا وووووولم,,,,,,,,,,, Author: 7abib_alkul Date: 11-04-2011, 06:51 PM Parent: #7
كل هروب وانتي بخير و كما قال الشاعر:اهربوا انتوا يا احباب نجيكم نحن بالاعزار
Post: #11 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 06:59 PM Parent: #10
وانتم بخير حبيب الكل والجميع بخير .
كنت اتمني ان تُلعب المباراة ولكن اعتذر فريق المريخ
غايتو
نقول شنو
Post: #12 Title: Re: قبل ساعة من الميعاد حضرنا وووووولم,,,,,,,,,,, Author: الطيب شيقوق Date: 11-04-2011, 07:07 PM Parent: #11
Quote: افتكر دي انسب اغنية .
ما بحب بوستات الرياضة رغم اني منحاز عاطفيا للهلال
بس بركنت هنا مع خليل اسماعيل في رائعته هذه
تسلمي
Post: #13 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-04-2011, 07:47 PM Parent: #12
مولانا الطيب شيقوق .
كل عام وانتم بالف خير وعافية .
لكن بس انتا يا مولانا تحب بوستات الرياضة كيف مع يونس ؟ ربنا يقدرك بس
والله خليل اسماعيل مُبدع له الرحمة والمغفرة والاغنية رائعة بجد وتستحق الباركن وشكراُ لمرورك مولانا .
وعاش الهلال قمراً في قلوبنا .
ومبروووك لكل الاهلة بلا استثناء داخل وخارج البورد
Post: #14 Title: Re: قبل ساعة من الميعاد حضرنا وووووولم,,,,,,,,,,, Author: الطيب شيقوق Date: 11-04-2011, 08:40 PM Parent: #13
Quote: لكن بس انتا يا مولانا تحب بوستات الرياضة كيف مع يونس ؟ ربنا يقدرك بس
هههههههههههههههها الله يجازيك ضحكتيني ياخ
Post: #15 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-05-2011, 10:40 AM Parent: #14
يا مولانا البركة في ضحتك , سمعتها بعيوني الاتنين .
وانتا اليومين ديل مع ذكريات يونس دي بتكون محتاج للضحكة , فاكيد ربنا حيجازيني خير وزاتو الضحكة نعمة من رب العالمين . بس ما تنسي تدع لي يا بوص , محتاجة للدعوات والله . طبعاً يا ( بوص) دي , عشان اذا احتجتا ليك في القراية الكلمتك عنها في بوست يونس داك , وعشان اثبت ليك اني جادة , اليومين ديل بقرأ لي في قضية من سنة حفرو البحر .
ريا وسكينة 1920 , قتلن سبعة عشر انثي واستولن علي مصوغاتهن الذهبية وتم اعدامهن شنقاً حتي الموت سنة 1921 بالاضافة لشركائهن من الرجال , وكانت تلك المرة الاولي في تاريخ القضاء المصري يُحكم فيها بالاعدام علي أناث وكذلك كانت المرة الاولي التي يتم فيها حكم الاعدام داخل السجون . اها لقيتني كيف يا بوص في الثقافة القانونية الارشفية العالمية ؟؟ انفع اجيب برايز في المادة دى ؟؟ والبركة في ضحكتك يا مولانا الخلتني اكتب ليك المداخلة دي هنا , عشان في بوست يونس داك ما لاقية لي فيريقة صغيرة مع يونس .
كل عام وانتم بخير .
Post: #16 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-05-2011, 10:44 AM Parent: #15
افتكر انو زي ما نادي المريخ العظيم عندو انجاز خارجي وفات الكبار والقدرو ,,,,,
برضو الانسحاب دي انجاز وبرضو فات الكبار والقدرو ,,,,,,,,,
ودي عيدية مني انا رشا ( المسيكينة دي ) للاتحاد العام
Post: #17 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-23-2011, 06:30 PM Parent: #16
حضرنا و ,,,,,,,,,,,,,,,,,,,,,,,
ووجدنا كوم دوت لايف .
وعمري بعدو باللحظات عشان خاطر مواعيداااااااااااا .
حضرنا ومعنا القصير الماكر ساساساسادومبا .
واحرزنا هدف اول في بطل الدوري الممتاز .
ولسسسسسسسسسسة
Post: #18 Title: Re: قبل ساعة من الميعاد حضرنا وووووولم,,,,,,,,,,, Author: ABUHUSSEIN Date: 11-23-2011, 08:09 PM Parent: #17
اها لقيتينا كيف .....؟؟؟؟؟
عسكروا من الآن للموسم القادم
تحياتي و إحترامي
Post: #19 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-23-2011, 08:19 PM Parent: #18
سلامات ابوالحسين .
في البدء تحية كريمة لك وللاسرة الكريمة وكل الاحترام .
بكل الود الف مبروك للمريخ وكل المريخاب بطولة الدوري الممتاز .
كنتم الافضل في المباراة بالنسبة لي .
معاكم لعيبة اكتر من ممتازين ومقدرين للمسئولئة .
ابقو عشرة علي حارس المرمي دي واياكم والمصاروة مرة اخري .
بالتوفيق والي الامام .
Post: #20 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-23-2011, 08:26 PM Parent: #19
بكل الود مبروك للمريخ بطولة الدوري الممتاز .
بس علي فكرة :
يوم الجمعة الموافق 4/11/2011 توج الهلال بطلاً لبطولة كاس السودان بعد ان انسحب المريخ عن اداء المباراة لاسباب تتعلق به .
ويوم الجمعة الموافق 11/11/2011 كانت الذكري الاسبوعية للكلام دي ( صدفة واجمل صدفة ).
ولهذا السبب مبروك تاني للهلال كاس السودان .
وحضوروه للاستاد .
واخراج مسلسل اسمه كان ياما كان في اليوم الفوق دي .
Post: #21 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-23-2011, 08:34 PM Parent: #20
وعلي فكرة يا ناس ادارة نادي الهلال انتو:
اتمني شطب كلاً من :
المعز محجوب مهند الطاهر المدعو خليفة
ارحمونا بالله شوية يرحمكم الله . قبل ان تحضرو ولا تجدوننا .
وبرضو مبروك للهلال لانو جاء ولعب وما فكر ( فكر بس ) ينسحب .( وهذا الاهم )
واذا 4/11 ما بتحفظ افتكر 11/11 ساهل وبتحفظ !!!!!!!!!
Post: #22 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-23-2011, 08:55 PM Parent: #21
ارفع رأسك عالياً فأنت :
هلال وقمراً في السماء .
مبروك مرة اخري لنادي المريخ .
Post: #23 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 11-28-2011, 10:21 AM Parent: #22
وبالرجوع قليلاً لمسلسل حضرنا ولم نجدكووم داك :
هسة فريق حارس المرمي بتاعه المعز وكمان به لاعب يدع خليفة ومستهتر آخر في اكثر الاوقات اسمه مهند ,,, دي فريق ينسحبو من اللعب معاهو !!!
كان تلعبو ساااي والله بدل تبقي عليكوم مسلسل حضرنا دي .
غايتو اذا الهلال استمرا كدي تاااني اوعكوم تنسحبو لانو بتتعادللو بتتعادلو بتتعادوللو معاهو ,و ما بيتخسروو .
والكوووحة ولا صمة الخشم .
وكان ياما كان في قديم العصر والآوان
Post: #24 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 12-04-2011, 04:51 PM Parent: #23
وهنا اعادة لمسلسل حضرنا ولم نجدكوووم ( الجزء الاول )
Post: #25 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 12-04-2011, 04:58 PM Parent: #24
تورتة بالشووقر والكريمة للمناسبة دي.
Post: #26 Title: Re: قبل ساعة من الميعاد حضرنا وووووولم,,,,,,,,,,, Author: Rasha Swaraldahab Date: 12-04-2011, 05:52 PM Parent: #25
الساعة كم ,,,,,,,,,,,,,وكلمني الساعة كم المرة الجاية .
عشان ما تبقي علينا حكوة عدم الموضوع بجيب موضوع دي !!!!!!!
