Post: #1
Title: خبر سار ..... الخرفان ب250 جنيه
Author: رانيه محمد الشيخ
Date: 11-03-2011, 12:02 PM
Parent: #0
 فى السوق الشعبى امدرمان بجوار المستشفى الصينى
وغير قابل للزياده
|
Post: #2
Title: Re: خبر سار ..... الخرفان ب250 جنيه
Author: نوفل عبد الرحيم حسن
Date: 11-03-2011, 12:10 PM
Parent: #1
الاسعار بتتفاوت حسب الخروف
انا اتوقعت سعرال 250 جنيه دا كحد ادني
امشي كلمي وليد محمد المبارك قال ما بتوقع ههههههههه
|
Post: #3
Title: Re: خبر سار ..... الخرفان ب250 جنيه
Author: محمد أبوالعزائم أبوالريش
Date: 11-03-2011, 12:19 PM
Parent: #2
أشيلو وأضبحو وعيالي ياكلوا منو؟
والاّ أتصوّر معاهو؟
_________
أوع يكون الخاتة صورتو ده هو الخروف!!!!
|
Post: #22
Title: Re: خبر سار ..... الخرفان ب250 جنيه
Author: صديق عيسى صالح
Date: 11-05-2011, 08:52 AM
Parent: #2
رانيا سلام
خروفك ابو 250 جنيه الا يضحوا به مع مونديال البرازيل
لان اتصلت البلد (المجلد) محل ولادة الخرفان اقل خروف مجزى للاضحيه لا يقل عن 350
|
Post: #4
Title: Re: خبر سار ..... الخرفان ب250 جنيه
Author: Dr.Saeed Zakarya Saeed
Date: 11-03-2011, 12:26 PM
Parent: #1
يا الله القاعدين ليها شنو ما نجري نحصل قبل ما يلموا فيه الجماعه ويبقوها 500ج
تشكري كتير يا رانيه علي وقفتك مع البروليتاريا
وحربك علي الراسماليه الطفيليه وطبقة التكنوقرط
|
Post: #5
Title: Re: خبر سار ..... الخرفان ب250 جنيه
Author: عثمان محمد كرار
Date: 11-03-2011, 12:35 PM
Parent: #4
دي بتكون مواتر ماخرفان يارانيه
|
Post: #6
Title: Re: خبر سار ..... الخرفان ب250 جنيه
Author: البحيراوي
Date: 11-03-2011, 12:41 PM
Parent: #5
الأخت رانية
تحياتي - يا رانية خروف الخريف الحمري عمره 3 شهور في سوق الخوي الفات ( الثلاثاء) بـ 200 ألف والتني عمره سنتين بـ 400 ألف في السوق . معقول يا رانية . دي إلا تكون قريجاوية .
بحيراوي
|
Post: #7
Title: Re: خبر سار ..... الخرفان ب250 جنيه
Author: العوض المسلمي
Date: 11-03-2011, 12:48 PM
Parent: #6
الخرفات تختلف في كل شئ يا استاذة وحسب حجمها وكذلك حسب مناطق تربيتها
وكل خروف بختلف سعره عن الاخر .. نتمني ان يكون متوسط سعر الخراف معقولا
وف متناول يد الجميع ..
وكل عرم وانتي بخير
|
Post: #8
Title: Re: خبر سار ..... الخرفان ب250 جنيه
Author: هويدا شرف الدين
Date: 11-03-2011, 12:57 PM
Parent: #7
للجميع كل سنه وانتو طيبين ؛ في إحساسي انو دا عنوان جاذب للردود لأنو الأخت رانيه كتبت كم بوست ومافي زول اداخل معاها فيمكن حبت تجذب الناس بالبوست دا والله اعلم
ربنا يعيدو عليكم باليمن والخير
|
Post: #9
Title: Re: خبر سار ..... الخرفان ب250 جنيه
Author: البحيراوي
Date: 11-03-2011, 12:58 PM
Parent: #7
طرح كميّات من خراف الأضاحي بالخرطوم
التيار
طرحت الجمعيات الإنتاجية للرعاة بولاية الخرطوم كميّات كبيرة من خراف الأضاحي تتراوح أسعارها ما بين 250 جنيهاً في حدها الأدنى إلى 700 جنيه، عبر منافذها في معظم أنحاء الولاية خاصة مدينة بحري خلال اليومين القادمين. وأكّد الشيخ خالد محمد إبراهيم رئيس اتحاد الرعاة بالولاية أنّ أسعار الأضحية لهذا العام ستكون معقولة وفي متناول الجميع، وأنّ أسعارها تتفاوت حسب الحجم وهي مستوفية للشروط. وقال إنّ كميّات كبيرة من الخراف قد وصلت تباعاً إلى الخرطوم من مناطق الإنتاج، وستصل كميات أخرى خلال الأيام القادمة وأن الأسعار لن تقف حائلاً أمام المواطنين في شراء الأضحية.
& المصدر : جريدة التيار ليوم الخميس الموافق: 3/11/2011م
|
Post: #10
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-03-2011, 01:08 PM
Parent: #9
زميلى الاتصل بينى وهو هناك قدااااااااااااام الخرفان لانى وصيته يشوف لى الاوضاع
قال الخرفان 250 وصحتها جيده وحجمه معقول
واغلى واحد 400 جنيه الكبير
|
Post: #11
Title: Re: خبر سار ..... الخرفان ب250 جنيه
Author: Munir
Date: 11-03-2011, 01:29 PM
Parent: #10
| Quote: خبر سار ..... الخرفان ب250 جنيه |
الله يبشرك بالخير يا وش الخير ..
إذا لقيت خروف حي ب٢٥٠ جنيه لزومها شنو المجابدة ؟؟ القصة كلها صحن شية وصحن كمونية أول يوم وتنفشها بشربوت، وبعد داك كل زول يشوف شغله ..
العبرة بسنة الأضحية زاتها وليس حجم الخروف ..
عندنا هنا تشتري الخروف ب ١٥٠ يورو .. كله صوف ومن جوة قدر الحميل - تقريباً الخرفان كلها قدر بعض التقول قاوورمة - ..
|
Post: #12
Title: Re: خبر سار ..... الخرفان ب250 جنيه
Author: محمد أبوالعزائم أبوالريش
Date: 11-03-2011, 01:31 PM
Parent: #10
| Quote: وأن الأسعار لن تقف حائلاً أمام المواطنين في شراء الأضحية. |
نايمين على دي .... ويشيلو يزيدوا في الأسعار.
|
Post: #13
Title: Re: خبر سار ..... الخرفان ب250 جنيه
Author: عثمان محمد كرار
Date: 11-03-2011, 02:05 PM
Parent: #12
جنب المستشفي الصيني دي قالو خرفان تقليد مااصليه صناعه صينيه
|
Post: #14
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-03-2011, 06:00 PM
Parent: #13
ان شاء الله انا ماشيه السبت الصباح عشان نشترى الخرفان لتوزيع وحصورها ليكم
كان عجبتكم وفعلا السعر ثبت من اليوم لسبت ب250 جنيه حيكون فعلا مكسسسسسسسسسسسسب لكل الناس
وكل سنه وانتو طيبين
|
Post: #15
Title: Re: خبر سار ..... الخرفان ب250 جنيه
Author: Ahmed musa
Date: 11-03-2011, 06:04 PM
Parent: #14
كلام رانية ده شكله صاح
انا عندي اخوي ساكن ام بدة
قبل كم يوم قال إشتري خروف بـ 240 ألف
من جنب سوق ليبيا
|
Post: #16
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-03-2011, 06:20 PM
Parent: #15
اخى نوفل
الحكايه ما حجم ساى
قالوا فى ناس بتراقب الاسعار بهناك حرصا لعدم الزياده وبيعها بالاغلى
هو وليد ما براه الما مصدقه
اى زول اقول له كده ما مصدقينى
اخى محمد
لا ما صورتوا
غايتو لسبت حثبت ليكم ان الخرفان ما بلاستيك
دكتور سيد
منو ديل البروليتاريا
الموضوع طلع من يدى بعد دا
عثمان
وييييييييييييييينك
ليك وحشه
اصبر لسبت الله يحينا له
اخى البحيراوى
السبت لناظره قريب
الله يكضب الشينه
:)))))
شكرا على الخبر حق الجريده
الرائع العوض المسلمى
فعليا المنطقه ليها تأثير
لكن العيد الفات فى امدرمان وفى نفس المكان كان من الصعب نلقى ب250 جنيه
اختى هويدا
تفكيرى ما بالسطحيه دى
ولو حابه اجذب الناس فى عناوين اخرى كتير بتجذبهم
لكن عموما الموضوع كان بسيط
وعشان زميل لى بلغنى بيه حبيت اساعد الناس البتفتش فى اماكن مناسبه لسعر مناسب
|
Post: #17
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-03-2011, 06:23 PM
Parent: #16
اخى منير
مرات الخرفان الحجمها صغير بتكون طاعمه ولحمتها رخوه اكتر من الخرفان الضخمه بتكون لحمتها قويه وصعبه فى التجهيز
اخى احمد
صدقنى العايز يشترى بسعر مناسب لو فتش بيلقى
لكن فى ناس بتحب تقعد تشتكى من الحاجه بدون اقل مجهود فى ايجاد حلول وبدائل
|
Post: #18
Title: Re: خبر سار ..... الخرفان ب250 جنيه
Author: نجاة محمد بابكر
Date: 11-04-2011, 06:31 PM
Parent: #17
الاخت رانيا بعد الشوق وكدة سلامات
حسع دى جيتى من جنب المستشفى الصينى لحدى ود البشير سعر اقل خروف 500 جنيه
يعنى دقيت مشوار ساكت
|
Post: #19
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-04-2011, 11:50 PM
Parent: #18
اختى نجاة
انا بكره ان شاء الله ماشيه بهناك الصباح
وربنا يهونها
الخبر الكتبته دا ما كان مجرد شى سمعته
دا زميل انا رسلته بهناك واتصل عليه وورانى وهو من مكانه واقف
لمن امشى بكره ححاول افهم ليه من يومين كانت الخرفان بسعر مختلف كان لقيت السعر القولتى حسى
اكيد لاى شى تفسير
|
Post: #20
Title: Re: خبر سار ..... الخرفان ب250 جنيه
Author: الامين موسى البشاري
Date: 11-05-2011, 08:12 AM
| Quote: دا زميل انا رسلته بهناك واتصل عليه وورانى وهو من مكانه واقف |
|
Post: #21
Title: Re: خبر سار ..... الخرفان ب250 جنيه
Author: معتصم مصطفي الجبلابي
Date: 11-05-2011, 08:17 AM
Parent: #20
| Quote: بجوار المستشفى الصينى |
ده بكون خروف مضروب والا مستعمل
|
Post: #23
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-05-2011, 04:02 PM
Parent: #21
 إشتريت بحمدالله وفضله اليوم 8 خرفان تابعين لشغل الاعمال الخيريه بقيمة 3,300 جنيه يعنى الخروف واقع بحوالى 412.5 جنيه فى خرفان اقل لكن بتكون صحتها ما على قدر كده وفى خرفان اغلى وبتكون ما شاء الله ضخمه عموما خير الامور الوسط وكل سنه وانتم طيبين
|
Post: #24
Title: Re: خبر سار ..... الخرفان ب250 جنيه
Author: عمار عبدالله عبدالرحمن
Date: 11-05-2011, 04:02 PM
Parent: #21
لا الليلة ما لمين في الخروف ابو 250
,, كل عام وانتم بخير ,,,
|
Post: #25
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-05-2011, 04:05 PM
Parent: #24
هى شكلها كان يوم واحد العرض وبعد دا قفلوه
:))))))))))))))))))))
|
Post: #26
Title: Re: خبر سار ..... الخرفان ب250 جنيه
Author: عمر محمد ابراهيم
Date: 11-05-2011, 11:04 PM
Parent: #10
الأخت رانيا سلامات
مشيت بعد اتصال من قريبتي بقول انو (قبل شوية ذاعو في المسجد انو في خرفان حكومية في معرض الخرطوم اعلي سعر للخروف 250 )
وحاتك جريت جري ومعاي قريبي وهناك لقينا جنب المعرض خرفان مقسمة لي ثلاث كيمان وخيمة كتب عليها
اسعر الخرفان
350
500
و600 جنيه
قلت كويس نتشوف شفنا ابو 500 اول حاجة لقيناهو متواضع جدا واعلي من سعروا
ابو 600 كويس بس ماقدر سعرو برضو
اما ابو 350 فهو عبارة عن كديس ايوة كديس عديييل في الحجم وما كديس خلا عشان ماتقولي معقول برضو يعني كديس مسجد بس
المهم اخدنا بعضنا ورجعنا وكل الحقيقة في الكلام الجابنا انو في خرفان في جوار المعرض وبس
والليلة وبعد جهد جهيد جدا وجري من زريبة لي زريبة لقيت واحد معقول واكبر من اي خروف في زرائب الحكومة بي 650 ده لو خش زريبة الحكومة كان وصلوه ال 850
تحياتي
|
Post: #27
Title: Re: خبر سار ..... الخرفان ب250 جنيه
Author: رانيه محمد الشيخ
Date: 11-06-2011, 07:41 PM
Parent: #26
اخى عمر
ارخص مكان بتلقى فى الخرفان سعرها معقوله هى فى السوق الشعبى حق امدرمان الجنب المستشفى الصينى
ناس بيتنا مشوا بليل امس واشتروا اتنين سعر الخروف الواحد 420 جنيه
وانا الصباح كنت شلت 8 خرفان سعر الخروف الواحد 412.5 جنيه
وزى ما شايف فى الصوره الختيتها ليهم معقولين لا صغار لا كبار
غايتو الحكايه جد بقيت صعبه
|
|