Post: #1
Title: (لص إلكتروني) سحب (6.700) يورو من حساب شركة بترول سودانية
Author: صلاح غريبة
Date: 11-01-2011, 01:13 PM
المصدر
نجح لص إلكتروني في اختراق حساب إحدى الشركات البترولية وسحب (6.7000) يورو من حساب الشركة على شبكة الإنترنت، وكشف موظف فوضته الشركة لاتخاذ الإجراءات القانونية لدى الإدلاء بإفاداته لمباحث جرائم الحاسوب والمعلومات التابعة للمباحث والتحقيقات الجنائية بأن الشركة اكتشفت عند مراجعة حساباتها باختفاء المبلغ المذكور، وأن مجهولاً قد قام باختراق موقعها وسحب المبلغ. ووجهت النيابة باتخاذ إجراءات قانونية تحت طائلة المادة (13) من قانون جرائم المعلوماتية واستجوبت من خلاله الشاكي وتشكيل فريق مختص بالتحقيق لمعرفة الطريقة التي سحبت بها تلك الأموال والوصول إلى المتهم.
صلاح غريبة - خبير فيس بوك واعلام الكتروني
|
Post: #2
Title: Re: (لص إلكتروني) سحب (6.700) يورو من حساب شركة بترول سودانية
Author: Ahmed Abdallah
Date: 11-01-2011, 01:22 PM
Parent: #1
يذهب الحرام من حيث اتى ...
حمدلله سلامة عودتك ...
ورجوع باسويردك .....
ايوه ده غريبة ودي كتابتو ...
مخير الله
|
Post: #3
Title: Re: (لص إلكتروني) سحب (6.700) يورو من حساب شركة بترول سودانية
Author: صديق الموج
Date: 11-01-2011, 01:31 PM
Parent: #2
الكترونى؟ ده اخو الزنكلونى ؟
الكترابه ايوه ياخى رجع باسوردك حرر نفسك..[
وبرضو ما صلاح غريبه ده الجاهل التانى،،،/B]
|
Post: #4
Title: Re: (لص إلكتروني) سحب (6.700) يورو من حساب شركة بترول سودانية
Author: فايزودالقاضي
Date: 11-01-2011, 01:38 PM
Parent: #3
| Quote: الكترونى؟ ده اخو الزنكلونى ؟ |
اخوه بالرضاعة ياالموج ..
لكنشقيقطوالي ..
ياغريبة حمداً لله على السلامة ياخي ...
|
Post: #5
Title: Re: (لص إلكتروني) سحب (6.700) يورو من حساب شركة بترول سودانية
Author: محمد إبراهيم علي
Date: 11-01-2011, 02:39 PM
Parent: #4
| Quote: وأن مجهولاً قد قام باختراق موقعها وسحب المبلغ |
والقروش دي قاعدة في موقع الشركة بتعمل في شنو ياخبير الاعلام منك له
نفهم انو واحد يخترق موقع بنك ويسطو على حساب الشركة ويسرق منو
لكن الما مبلوعة قصة يخترق موقع الشركة ويسرق قروش دي
يعني اسي بكري ابصلعة الواحد ممكن يكون خاتي حسابو هنا فالواحد يحاول يجازف منو حق الضحية ولا الكنتة شنو
الناس دي يبدو انو واحد اختلس المبلغ والف القصة دي وقال كدي النفكهافي بتاعين البوليس الفارات ديل
يا بوليس اوعو تصدقو الهراء ده
|
Post: #6
Title: Re: (لص إلكتروني) سحب (6.700) يورو من حساب شركة بترول سودانية
Author: صديق الموج
Date: 11-01-2011, 03:32 PM
Parent: #5
Quote: Quote: الكترونى؟ ده اخو الزنكلونى ؟
اخوه بالرضاعة ياالموج ..
لكن
Quote: اعلام الكتروني
شقيق
Quote: (لص إلكتروني)
طوالي ..
ياغريبة حمداً لله على السلامة ياخي ... |
ود القاضى ....عيدك مبارك
كلامك ده جائز لكن الشككنى فى انو ده برضو ماصلاح غريبة
انت عارف شنو؟
الهمزة التحت الالف فى الكترونى الفى العنوان ده.
وحات سيدى وسيدك غريبة ده لابعرف يكسر لايجزم لايرفع
يمكن بعرف (ينصب) وبكتب هنا ليه عشرة سنوات لابخت
شولة لانقطه لاعلامة تعجب لاعلامة استفهام.
كما المطر الاستوائى بدون ادنى بوارق بعمل كوبى اند بيست
للخبر ولو علق عليه بكلمتين بكتب فيهم خمسة غلط وخلاص.
فالزول الالكترونى ده ما صلاح غريبة..
يحلنا الحلا بله،،،،
|
Post: #7
Title: Re: (لص إلكتروني) سحب (6.700) يورو من حساب شركة بترول سودانية
Author: محمد ابراهيم قرض
Date: 11-01-2011, 04:54 PM
Parent: #6
| Quote: صلاح غريبة - خبير فيس بوك واعلام الكتروني |
بصراحة مافي داعي للحتة دي يا غريبة ...
البورداب ديل ما كلهم أصحاب مهن و مواقع ..
شفت واحد منهم كتب عن أنه "عالم ذرة" مثلا ؟؟؟
ممكن تكون مقبولة في "بروفايلك" الخاص ..
لكن قطعا مش هنا ...
|
Post: #8
Title: Re: (لص إلكتروني) سحب (6.700) يورو من حساب شركة بترول سودانية
Author: Tragie Mustafa
Date: 11-01-2011, 05:12 PM
Parent: #7
يا محمد ابرايهم ما تحكها يا اخي(ههههههههه)
هو لص الكتروني لو قدر يخترقهم ما بعدمهم نفاخ النار!قال 6,700 قال!!
الا زي ما قلت قصه ملتقه تشبه قضائهم الملتق وادلتهم الملتقه!
|
Post: #9
Title: Re: (لص إلكتروني) سحب (6.700) يورو من حساب شركة بترول سودانية
Author: SAMIR IBRAHIM
Date: 11-02-2011, 04:31 PM
Parent: #8
| Quote: باتخاذ إجراءات قانونية تحت طائلة المادة (13) من قانون جرائم المعلوماتية |
والمادة تلتاشر دي ليه ما يطبقوها علي ناس الجهاد الاكلتروني ؟؟؟؟
ممكن انشر ليك يوتوب يا غريبه مسؤول واقف امام الكاميرا وبيوجه نصابه ان تنتشر في الانترنت !!!
وانتشرت النصابه وما زالت تؤذي البشريه والمهاجرين في الولايات المتحدة الامريكية !!!!
|
Post: #10
Title: Re: (لص إلكتروني) سحب (6.700) يورو من حساب شركة بترول سودانية
Author: مجدي عبدالله أبوحريبة
Date: 11-03-2011, 05:13 PM
Parent: #9
(6.700) يورو من حساب شركة بترول سودانية |
| Quote: نجح لص إلكتروني في اختراق حساب إحدى الشركات البترولية وسحب (6.7000) يورو من حساب الشركة |
انتو المبلغ الملهوف دا كم بالضبط مغقوله يكون 6 يورو
تحياتي للاخ الخبير و المتداخلين
|