فضل المولى, الدقم, المشرف, بحر Talk to me

أنا كوستاوي
أعرفكم من خلال كتاباتكم عبر هذا المنتدى
ربما أعرف بدرجة أعلى أخي حجر حسب التفاوت الزمني
أسفيريا


كما تعلمون في بوست أخونا ملاسي
حصل لغط و (أنت و أنا)


لكن مش ناخد خطوة (باك Back) و نفكر بعمق و طول نظر و نسأل

What was the motive that let Malasi to write what he has wrote

و في نفس الوقت النحنا بنحاول (نربط و نفك) في المعادلة (الميكانيكية الآنية) بتاعة (مصر ليبيا يمن سوريا) و ال movement بتاعة ال Wall Street اللإنتشرت وإنتقلت لمعظم دول العالم
و مظاهرات الغضب في بعض مدن و أحياء مدن و أريفاف السودان

هنا سؤالي لكم?
هل يستحق ما كتبه ملاسي ,الذي يحاول دائما أن يشتت تفكرينا في المهم و الأهم, كل هذا العناء

ملاسي بأدي في دوره المدينو ليه
و نجاح دورو هو فشلنا بإهمال ما يكتبه هنا

طيب الحل شنو?

هل كل ما ملاسي يخت ليه كلمتين بغرض تشتيت الضغط السياسي المعارض للإنقاذ
( محلي/إقليمي/عالمي)....نقوم نجقلب:
Who is he
يا جماعة!

Talk to me

Quote: ملاسي بأدي في دوره المدينو ليه

شكرا ياصاحى



تحياتى

Quote: ملاسي بأدي في دوره المدينو ليه و نجاح دورو هو فشلنا بإهمال ما يكتبه هنا طيب الحل شنو? هل كل ما ملاسي يخت ليه كلمتين بغرض تشتيت الضغط السياسي المعارض للإنقاذ ( محلي/إقليمي/عالمي)....نقوم نجقلب: Who is he يا جماعة! Talk to me

HAVE YOU BROUGHT THE BEAR FROM HIS TAIL
????

يا كوستاوي لو في جهة ما...بتخطط بالطريقة والمتابعة
الدقيقة دي في السودان...كان القزافي يكون في برج الفاتح

Quote: ملاسي بأدي في دوره المدينو ليه و نجاح دورو هو فشلنا بإهمال ما يكتبه هنا

what he has wrote

؟

Quote: يا كوستاوي لو في جهة ما...بتخطط بالطريقة والمتابعة الدقيقة دي في السودان...كان القزافي يكون في برج الفاتح

القذافي راح
و الشعب الليبي has to move on
_____
و المتابعة الدقيقة مهمة جدا
من كلا الطرفين...حكومة و معارضة
و دا هو المفروض نعي ليه كلانا

regards

طيب يالكرمبا
ملاسي ده قاعد يعزم الناس في بوستاتو
الناس بتدخلها وتشغل نفسها ليه طالما هي مرسومة كما تزعم
طنشوووه عشان تبور

-
نظرية المؤامرة دي خلوها

Quote: القذافي راح و الشعب الليبي has to move on _____ و المتابعة الدقيقة مهمة جدا من كلا الطرفين...حكومة و معارضة و دا هو المفروض نعي ليه كلانا

ملاسي دا بكتب في سودانيز اون لاين ولا قاعد في القصر الجمهوري.
ما كتابة والسلام. بعد شوية بتمشي الصفحة التالتة والموضوع بتنسي
الا غايتو يكونو فضل المولى والدقم وبحر وكوستاوي من صناع القرار!

تحياتنا يا زميل..واجدع تعليقي دا وما تعاين ليهو،

الاخ العزيز كوستاوى ..
أولا كامل إتفاقى مع قرايتك للموضوع ..
وهذا بالتحديد ما حاولت ان أقوله للخ عمر عبدالله فضل المولى ..

Quote: فى البدء تحسرت كثيرا على أقلام تجردت من حساسيتها الوطنيه تماما .. وطفقت تحدثنا عن نزع القداسه عن شخصياتنا التاريخيه .. بل وفيهم من الاقلام المحترمه جدا .. بينما تدافع أصدقاء لتحقيق مآرب ذلك البوست وتماما وكما يشتهى حسين ملاسي من الناحيه الأخرى .. وها أنت يا عزيزي تكمل ما أراده حسين ملاسي من جهه ثالثه .. نجح ملاسي فى جركم جميعا لما يريد ويشتهى ..

ثانيا جزيل شكرى وتقديري لوضعى مع الاعزاء خالد وعمر ومحمود الدقم ..
فالثلاثه ذوى طرح مميز وناقد وقادرون على الاصطفاف الصحيح خلف ما يجمع الناس لا ما يفرقهم ..

مودتى وتقديري

Quote: و في نفس الوقت النحنا بنحاول (نربط و نفك) في المعادلة (الميكانيكية الآنية) بتاعة (مصر ليبيا يمن سوريا) و ال movement بتاعة ال Wall Street اللإنتشرت وإنتقلت لمعظم دول العالم و مظاهرات الغضب في بعض مدن و أحياء مدن و أريفاف السودان

الناس ديل ناس كبار أوي يا علاءالدين اعمل حسابك، بحلو في مشاكل الدول

Quote: و في نفس الوقت النحنا بنحاول (نربط و نفك) في المعادلة (الميكانيكية الآنية) بتاعة (مصر ليبيا يمن سوريا) و ال movement بتاعة ال Wall Street اللإنتشرت وإنتقلت لمعظم دول العالم و مظاهرات الغضب في بعض مدن و أحياء مدن و أريفاف السودان

الحتة دي الا تقول بعدا: (والله صحي) بتاعة بوست معاوية المدير
وضروري تدخل لينا...علاء الدين دا في جحر ضب....

هل تصدق يا كوستاوي...ان معظم السودانيين لا يتابعون الاخبار
بل ما عندهم زمن زاتو لي ناس وول ستريت...

وفي مجموعة سألتهم عديل...الموية قاطعة...والمأسورة بتجيب
طين...والكهرباء غالية...والضرائب كتيرة...طيب راجين شنو؟
قالوا لي بالحرف الواحد..ما عندنا زمن...وكان مرقنا الشارع
نرجع نوكل ولادنا شنو؟؟ نوكلهم حجار؟؟؟ وافرض سقطنا الحكومة
دي...نهدي الحكومة الجاية لي ناس كوستاوي؟؟؟ (والله صحي)

هذا هو الوضع في السودان...بلا ميكانيكا بلا وول ستريت