Post: #1
Title: ريال الملف في قنصلية جدة
Author: اساسي
Date: 10-22-2011, 09:40 AM
قبل قليل ذهبت للسفارة لاجدد جواز سفر , في الاستقبال تجد شخصين تبدأ منهما الاجراءات للتجديد او الاضافة ,,, كل المعمالات التي تريد قضائها في السفارة , بعد ان يعرفوا الاجراء الذي تريد يسلمونك ملف لونه سماوي ورقم مراجعة وتقوم بمراجعة شبابيك الخدمة من الزكاة والخدمات والحسابات حتي تقوم بتسليم ملفك لانهاء الاجراء الذي تريد , مقابل هذا الملف ياخذون منك واحد ريال سعودي بدون ايصال , وعند تسليمك جواز سفرك لن يعيدوا لك الملف مرة اخري , هذا الملف الذي يستخدم هو ملف ليس جديد اي ان هناك مجموعة من الملفات يتم استخدامها هي نفسها ويؤخذ في كل مرة علي نفس الملف واحد ريال , كان رقمي 550 وهناك ارقام كثيرة صدرت بعدي فاذا اخذنا في المتوسط ان هناك 500 معاملة يتم انجازها يوميا بواسطة هذه الملفات فان القيمة المستخلصة منها حوالي 500 ريال يوميا اي 2500 ريال اسبوعيا اي 10000 ريال شهريا لا تصدر لها ايصالات وتكون الملفات هي نفسها في كل مرة , اذن في السنة تدخل حوالي 120.000 ريال مائة وعشرون الف ريال مقابل قيمة استخدام هذه الملفات غير المستردة , ولا توجد ايصالات مقابل هذه المبالغ !!
كل هذا المبلغ يأتي من هذا الريال الذي لا يضع له احداا بالا او اعتبارا , هذا مع الاخذ في الاعتبار ان المعاملات تصل الي تسعمائة والف معاملة يوميا فان المبلغ قد يتضاعف حتي ولا يوجد له مرجعية واضحة !!
فسبحان الذي يرزق السفارة من حيث تحتسب ولا تحتسب ^_^
فيا ترجعوا لينا ملفاتنا التي هي ملك لنا او تعملوا ايصالات باستلام المبالغ السايبة التي تدخل من خلال هذا الريال الذي لا مرجعية له
|
Post: #2
Title: Re: ريال الملف في قنصلية جدة
Author: بله محمد الفاضل
Date: 10-22-2011, 09:54 AM
Parent: #1
أولاً بالتبادي
حمداً لله على السلامة
وتانياً بالتبادي
هي بقت علي الريال يا عمك
الملف بتلقاهو في أقرب ملف
لو مشيت تفتش ليهو
فخليك من الملف الواحد
ديل ناس عندهم ملايين الملفات العالقة
ولن تجد لأحدها حل
أي والله
بعدين تعال
هو يصرفو من وين عشان يقدمو ليك الخدمات الكتيرة المريت بيها دي
يعني
|
Post: #3
Title: Re: ريال الملف في قنصلية جدة
Author: فايزودالقاضي
Date: 10-22-2011, 10:04 AM
Parent: #1
اساسي ..سلامات ...
يااساسي لو بقت على ريال الملف بسيطة فده قيمة لحاجة حقيقية موجودة ورايتها بأم اعينك ...بعدين اعتقد الملف لايستخدم مرة ثانية لانه فيهو رقمك واسمك ويوضع في ارشيفك - اذا في ارشيف -
ونيابة عن حجر اقول ليك سايب المية ريال وماسك في الريال ؟!! ولا ( على قدر اهل العزم تأتي العزائم ) وان عزيمتك قدر الريال ؟!!
|
Post: #4
Title: Re: ريال الملف في قنصلية جدة
Author: محمد إبراهيم علي
Date: 10-22-2011, 10:33 AM
Parent: #3
يسكت عن هزيمة الهلال وياتي بسبب ريال
فتأمل
ياخي افتقدت بوستاتك في تلك الايام الجميلة
|
Post: #5
Title: Re: ريال الملف في قنصلية جدة
Author: حيدر حسن ميرغني
Date: 10-22-2011, 10:40 AM
Parent: #4
والله يا أساسي سفاراتنا دي لاتعمل بسستم واحد كما سفارات الدول الاخرى
لايرون فيك الا محفظة فلوس دخلت في القفص
كثير من السفارات تستحدث مداخيل لها دون مستندات
والغريبة لاتقدم اي خدمة للجالية عند الخطوب
اسأل الله أن يدخل عليهم كل فلس يتحصلوا عليه بهذه الطرق بالنار في بطونهم
قبحهم الله
|
Post: #7
Title: Re: ريال الملف في قنصلية جدة
Author: يوسف محمد يوسف
Date: 10-22-2011, 11:27 AM
Parent: #5
| Quote: اذن في السنة تدخل حوالي 120.000 ريال مائة وعشرون الف ريال |
الآن فقط تأكدت من جدوى وقوف النساْء فى اشارات المرور .. فهن يرفعن الاصبع السبابة لطلب ريال !!
هل الفكرة مستوحاة من الاشارة .. خاصة وأن اى الاشارة فيها كذا ملف ؟؟
تقولوا لى : ابليس .. شيطان ؟؟
كيف أنك .. ولدنا اساسى .. و الاسرة
|
Post: #6
Title: Re: ريال الملف في قنصلية جدة
Author: قيقراوي
Date: 10-22-2011, 10:56 AM
Parent: #1
Quote:
فيا ترجعوا لينا ملفاتنا التي هي ملك لنا او تعملوا ايصالات باستلام المبالغ السايبة التي تدخل من خلال هذا الريال الذي لا مرجعية له
|
انت في الريال الواحد دا؟
و 100 ريال الدفاع دي بودوها وين!؟
الاسبوع الفات جددت انا ..
لمن قال لي قيمة الرسوم سمعتها 115 ريال .. فدعات 115 (فغط) لا غير
طالبني بالمية .. قلت ليو حقت شنو مية مش قلت الرسوم 115 ريال؟
قال حقت الدفاع، ما لغوها دي!
فتامل!
------
وينو الدفاع دا؟
ما اسرائيل سارحة و مارحة في البلد، مياتنا دي ما بتجيب ليها صاروخ ساي!؟
|
Post: #8
Title: Re: ريال الملف في قنصلية جدة
Author: ibrahim alnimma
Date: 10-22-2011, 11:46 AM
Parent: #6
Quote: قلت ليو حقت شنو مية مش قلت الرسوم 115 ريال؟
قال حقت الدفاع، ما لغوها دي!
|
ثم لماذا لا تكون ال115 دي نفسها للدفاع ؟ ماذا يمنع ان تكون رسوم التجديد نفسها رسوم دفاع ..........
سلام ياقيقاراوي وسلام يااساسي
|
Post: #9
Title: Re: ريال الملف في قنصلية جدة
Author: محمد يوسف الزين
Date: 10-22-2011, 11:49 AM
Parent: #6
نمعطكم بقصة تانية.
قصة لماذا فرحت بانتخابات اللجان الشعبية التي اجبر المؤتمر الوطني الناس عليها!
المعطيات:
ع.ح رئيس اللجنة الشعبية في حينا منذ القرن العشرين. شهادة السكن عندو بـ 5 جنيه. الحي البتبع لعم ع.ح دا فيهو 2000 بيت، قوول الفاضيات فيهم 500، فاضل 1500، قول أي بيت في الـ 1500 ديل بتمر على نفر واحد فيهم بس معاملة زي: تجديد رخصة القيادة، فتح حساب في البنك، جواز سفر أو جنسية..الخ.
يعني 1500x5 شهرياً. في المتوسط وبالتقدير!
في أحد المرات تقدمت بثلاث ورقات لرئيس اللجنة الشعبية المذكور عبارة عن (ثلاث شهادات سكن لاحد الجيران + ورقة طلبتها منه المحكمة في قضية تخصه حيث لم يكن متواجداً وطلبها مني بالتلفون). ما حدث أن الرجل قام بكتابة كل الشهادات وزينها بختمه وطلب مني مبلغ 20 جنيهاً. ادخلت يدي في جيبي لاعطيه المبلغ فقال لي: جيب عشرة بس عشان ابوك راجل حبيبنا!
حكيت راسي كداااا واديتو العشرة!. وبديت اسأل نفسي. لو هي معاملة حكومية رسمية، ليه عشرة بس! مع ملاحظة أن دفتر شهادات السكن يحتوي على كعب + صورة كربون تحتها. اي ان كل شئ مسجل في شهادات السكن. ولو كان هناك خصم كان يجب أن يكون على الختم في ورقة المحكمة الماعندها لا كعب لا كربون!
الحل:
عند سؤالي لأحد أقاربي الذي يعمل في المحلية التي يتبع لها حينا عن شهادة السكن وختم اللجنة الشعبية في أي مستند يقدم بصيغة "الى من يهمه الأمر" مثل: خطاب من اللجنة الشعبية لمن يقدم طلب تمويل اصغر تؤكد صحة بيانات مقدم الطلب..الخ (ودا بـ 5 جنيه برضو). ذكر لي أن المحلية تقوم بتحصيل مبلغ 1 جنيه فقط عن كل كعب ورقة في دفتر شهادات السكن. ولا علاقة لها بباقي الخطابات.
النتائج:
- لا توجد للجنتنا الشعبية اي انجاز..ولا ادنى نشاط أو فعالية في الحي. ولااا قحة ولااا بغم. طيلة الثمانية سنوات مدة سكني فيه والله على ما أقوله شهيد.
- أصلن اللجنة الشعبية كانت تتكون من عضوية نفرين! في سابقة لجنية شعبية! والختم عند الرئيس.
- تخيل أن ع.ح هو موجه تربوي في مدارس الخرطوم!
|
Post: #10
Title: Re: ريال الملف في قنصلية جدة
Author: محمد يوسف الزين
Date: 10-22-2011, 11:54 AM
Parent: #9
فاتني أن اقول أن شهادة السكن غير مكتوب فيها رقم المبلغ المحصل. يعني ما زي ايصال المالية.
لذلك جنيه المحلية اكبر من ريال القنصلية؟ :)
|
Post: #11
Title: Re: ريال الملف في قنصلية جدة
Author: محمد أبوالعزائم أبوالريش
Date: 10-22-2011, 11:58 AM
Parent: #6
أساسي سلام ...
| Quote: قبل قليل ذهبت للسفارة لاجدد جواز سفر , في الاستقبال تجد شخصين تبدأ منهما الاجراءات للتجديد او الاضافة ,,, كل المعمالات التي تريد قضائها في السفارة , بعد ان يعرفوا الاجراء الذي تريد يسلمونك ملف لونه سماوي ورقم مراجعة وتقوم بمراجعة شبابيك الخدمة من الزكاة والخدمات والحسابات حتي تقوم بتسليم ملفك لانهاء الاجراء الذي تريد , مقابل هذا الملف ياخذون منك واحد ريال سعودي بدون ايصال |
المكتوب بالأحمر هو المهم ...
في السفارة السودانية بالدوحة .. نفس موضوع (الملف) حاصل ... بس الفرق إنو القيمة تتراوح بين 5 ريالات قطرية إلى 20 ريال.
بس الأهم من كل ده ..... الحاصل في الرابط أدناه ...... زور الرابط وشوف العجب.
حدث في السفارة السودانية بالدوحة
|
Post: #12
Title: Re: ريال الملف في قنصلية جدة
Author: doma
Date: 10-22-2011, 12:22 PM
Parent: #11
عند دفع اي رسوم يجب ان يستخرج لك ايصال بالمبلغ الذي دفعته
واي مبلغ دون ايصال بيكون شغل حراميه لا غير
|
Post: #13
Title: Re: ريال الملف في قنصلية جدة
Author: قيقراوي
Date: 10-22-2011, 01:25 PM
Parent: #12
Quote:
سفاراتنا دي لاتعمل بسستم واحد كما سفارات الدول الاخرى
لايرون فيك الا محفظة فلوس دخلت في القفص
|
الاحتكار دا المجننا يا حنين
كنت عاوز اعمل توكيل قال 110 ريال
قلت ليو و الله بالسعر دا حقو الواحد يمشي يطلعوا من السفارة اللبنانية ذاتو!
---------
مفروض كون في ديموراطية في الحاجات دي ..
تشوف السفارة الرخيسة/راقية - حسب قريشاتك - و تطلع توكيلاتك منها
المافي شنو!؟
|
Post: #14
Title: Re: ريال الملف في قنصلية جدة
Author: فايزودالقاضي
Date: 10-22-2011, 01:32 PM
Parent: #13
Quote: كنت عاوز اعمل توكيل قال 110 ريال
قلت ليو و الله بالسعر دا حقو الواحد يمشي يطلعوا من السفارة اللبنانية ذاتو! |
طبعاً ياقيقا ..زمان التوكيل كان بعشرة ريالات فقط .. اها لمن لغوا الضرايب عوضاً عنها والتفافاً على المغتربين قاموا زادوا التوكيل 100 ريال وبقى التوكيل بــ110 ريال ...تخيل !!!!
استنكاح واستعباط واستخفاف بعقول المغتربين امثالك ..انا دي مافاتت على لكن بدفعها زيك الفاتت عليك ...
|
Post: #15
Title: Re: ريال الملف في قنصلية جدة
Author: قيقراوي
Date: 10-22-2011, 02:00 PM
Parent: #14
Quote:
استنكاح واستعباط واستخفاف بعقول المغتربين امثالك ..انا دي مافاتت على لكن بدفعها زيك الفاتت عليك ...
|
انا كان ما بتفوت فيني الحاجات دي ما كان بقيت عمدة زيك كدا ياخي!
-------
حسن حسني (الممثل) لقط كلمة اندر وير كـ(اندر ورور) ..
المهم الصعايد لمن سألوهو من معناها ..
قال ليهم : دي بقى لو عرفتوها كلكو ح تبؤا عمد بأأ!!
أخير انا الدفعتا و ما عارف .. المغصة كان شقتني ساااي!
.
|
Post: #16
Title: Re: ريال الملف في قنصلية جدة
Author: فايزودالقاضي
Date: 10-22-2011, 02:13 PM
Parent: #15
| Quote: ريال الملف في قنصلية جدة |
اساسي دفع ريال وفتح بوست ..يعني لو دفع حق التوكيل كان عمل موقع ولا شنو ياقيقا ؟!!!!!!!!!!!!!
|
Post: #17
Title: Re: ريال الملف في قنصلية جدة
Author: قيقراوي
Date: 10-22-2011, 02:59 PM
Parent: #16
Quote:
اساسي دفع ريال وفتح بوست ..يعني لو دفع حق التوكيل كان عمل موقع ولا شنو ياقيقا ؟!!!!!!!!!!!!!
|
--------
انا من قريت البوست دا مشيت طوالي جبت لي ملف مستعمل كدا لكن نضيف ..
بس عاوز لي زول يوصلو ليو و يفكنا من بوستو دا!
سمعت نكتة البنغالي البدعو جمب الكعبة عاوز 10,000 ريال ..
جمبو واحد كدا شبعااااااان الظاهر عليو .. دخل يدو في شنطة الاحرام حسب ليو العشرة الف ..
و قال ليو بالله زح لينا من هنا ياخي خلينا نطلب زي الناس!
|
Post: #18
Title: Re: ريال الملف في قنصلية جدة
Author: مجدي عبدالرحيم فضل
Date: 10-24-2011, 06:58 AM
Parent: #17
Re: نفتقد المخضرم نجم البورد وبورداب جده (أساســي)
يا ااااااااااخي بديك الريال بس ركز معانا !
يازول الرفاعي يقول مئة ريال انت ريال !
البركة في القنصلية والريال الجابك لينا سعيد ده
شوق ماعادي
،،،،أبوقصي،،،،
|
Post: #19
Title: Re: ريال الملف في قنصلية جدة
Author: الصادق خليفة
Date: 10-24-2011, 11:24 AM
Parent: #18
Quote: سمعت نكتة البنغالي البدعو جمب الكعبة عاوز 10,000 ريال ..
جمبو واحد كدا شبعااااااان الظاهر عليو .. دخل يدو في شنطة الاحرام حسب ليو العشرة الف ..
و قال ليو بالله زح لينا من هنا ياخي خلينا نطلب زي الناس! |
هههههههههههههههه
قوية اي و الله قوية ياقيقراوي.
|
Post: #20
Title: Re: ريال الملف في قنصلية جدة
Author: بله محمد الفاضل
Date: 10-24-2011, 11:36 AM
Parent: #19
إتو الزول دا مشى يجيب الملف ولا شنو
يا اخي والله الريال بحرِق أكتر من المية
المية نجيضة وبتديك إحساس بإنو السرقك سرق جمل
بس ريال
شينة والله
|
Post: #21
Title: Re: ريال الملف في قنصلية جدة
Author: قيقراوي
Date: 10-24-2011, 11:41 AM
Parent: #19
Quote:
هههههههههههههههه
قوية اي و الله قوية ياقيقراوي.
|
يا الصادق اخوي لكن البنغالي ما زعلك بالله!
ياخ بتدعوا مالك خزائن الارض و السماء، و كل املك في 100 لاك بس! (بحسابهم، اللاك 100)
-------
تعرف "ولد النديهة"؟
دي عندنا - عند بعض الجهلاء - بدعوا الله "ولد" ..
و لمن يتأخر - و قد خلق عجولاً - تلقاهـ/ـا يقلل سقف مطالبو!!
وحدوا الله .. و ارفعوا السقف .. حيث لا سقف هناك!
|
|