برافو النور الجيلاني ..فهكذا تكون نكهة المهرجانات..

طووولت ما حضرت لي حفلة في السودان لكن الشاهد بيقل إنو النور الجيلاني حالياً صاحب أعلى شعبية تملأ المسارح ..- كالعادة أستثني محمود عد العزيز - .
قبل فترة إتكلمت عن طه سليمان وكيف إنو في ليالي أمدر الجمهور غطى المسرح .. وفي نفس الليالي كان حضور النور الجيلاني مبالغ فيهو للحد البعيييد ..
بغض النظر عن الطبقة المستمعة أو الفئة المستهدفة البيعتقدوا زمرة المثقفين إنو هي فقط البتجي لي النور الجيلاني إلا إنو النور الجيلاني وضح جداً بقى عندو نكهة خاصة أو خلونا نقول عااادت ليهو النكهة من جديد .
زمان لمن كنا عاملين فيها بتاعين كورة كان ما بيخلوا مشوار لي مباراة من أغاني النور الجيلاني..
حافلة لاعبي الهلال والمريخ كبار وأشبال لا تخلو من ترديد أغنيات النور الجيلاني ..
ما عارف سر العلاقة والحب بين أغاني النور الجيلاني ولاعبين الكورة في السودان ..
الليلة شوفت الحلقة حقت مهرجان الموسيقى وكان النور الجيلاني 10 على عشرة ..
حضرت الأيام السابقة وكانت مملة ..فرق موسيقية باهتة ..متكلفة .. تحاول بي الرجااالة تقل إنها فرق موسيقية مرتبة تستخدم النوتة وما أدراك ما السلالم الموسيقية ..
عقد الجلاد بي جلالة قدرها كانت منهكة وضعيفة ومبهدلة ..
قدم النور الجيلاني أداء موسيقي غنائي ومسرحي في ان واحد .
أيوة كده ده المهرجان ..ودي التفاعلية البتحتاج ليها بين كل فترة وفترة ..
مع غنو نفففس الأغاني ونفففس النور الجيلاني إلا إنو قدم قالب موسيقي جمييييييل للحد البعيد ..
كانت الفرقة الموسيقية جميييلة وحلووة فرايحييية ومرتتتبة في الاداء ..وإن كان كل عازف جايط ومستمتع بي عزفو وعاااايش جووو لكن العمل كلللو كان حلوو...
لأول مرة وانا بسمع أغنية يا مسافر جوبا شعر جلدي يقوووم وتقررررب دمعة تنزل من عيني بي فقد الجزء ده .. والسبب كان طريقة تعبير واداء النور الجيلاني ..
براااافو النور الجيلاني ..برااااافو ياخ ..

تخريمة :
المخرجين وبتاعين الكاميرات عندنا لسة عندهم العقدة بتاعت الخواجة ..بالله مكنكشين لينا في واحدة صينية ولا كورية ما عارف قايلنها أبرا وينفري وانا متأكد هي بتكون زولة سااااااااي ده إذا ما كنت من ناس الفيكس فيكس بتاعين سوق الدهب زمان ديلك ..بططططلو عقدة الأجنبي دي عليكم الله

up

رايوة الزعلان منها..أبأبا ولاااا صمة الخشم.

ما ملاحظ يا عمر فنانينا ديل كلهم طلعو ليهم ناس يقلدوهم الللللا زولنا دا
النور الجيلاني عنده طعم خاص وانا بعتقد انه معظم المقلدين القدرو ينجحو
ويمشو في سلم التقليد دا لفترة من الزمن لازم يكونو بحاكو الاداء مش الصوت بس
والنور الجيلاني يعب جدا تقليده حركيا وتحس انه حركته مكملة للغنا بتاعو
ودي ما بتنقدر لاي زول حتى ولو قدر له انه يملك طبقة صوية مقاربة للمبدع النور الجيلاني

تعرف يا الخير التقليد ده ما صعب وربنا يطوول عمر النور الجيلاني لكن خليهو يموت حيطلع في مليون واحد عامل فيها جيلاني لكن بيبقا في شي واااحد مفقود وهو الإحساااس.. ده ما بيتقلد والنور الجيلاني حلو لأنو بيغني بي إحساسو..

العمل الفارق لي النور في هذا المهرجان...هو فقدنا لجوبا
وعكسه لهذا الاحساس...بكل الصدق العندك
وعند كل سوداني...

خلاف ذلك فكان النور الجيلاني هو النور
الجيلاني الفنان الذي لا يختلف عليه اثنان..

وفي بعض الاحيان كان هنالك خلل في صوت المايك
غطي عليه الكورس...

فئ نقاش مع صديق حول المهرجانات عندنا في السودان يا نزار قلت ليهو أهم شي مفروض يهتمو بي الصوت والمايكات وتوزيع السماعات وإعداد المسرح. لكن نحن بكل أسف بنجهز للمهرجان زي ما بنجهز لي حفلة عرس..

Quote: نحن بكل أسف بنجهز للمهرجان زي ما بنجهز لي حفلة عرس..

و يجي واحد دايش يدوس على السلك..
ما تسمعنا معاك ياخي..
مافي فديو؟
تحياتي.

طه يا ملك ..بم إني بقيت زاهد في سودانيز دي فبقيت ما بجيب الأكسيسورز من فيديوهات وتعب ترفع الملف ووو القصص الطويلةديك..لكن تكون طالبني فيديو:)..
عفص السلك هيين لكن كدي شوف البعامات الواقفين ورا المسرح ومع بتاع الساون وده كلللو كوم والبيجوو يبشروا في الفنان ولأ بيطلبوا أغاني..

ليييه كدا...? مابنقدرعلى زعلك .... يكون ياربي عشان مارجعت يومداك?

Quote: إني بقيت زاهد في سودانيز دي

me 6