Post: #1
Title: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 08:38 AM
Quote: البشير يتحدث عن خطط حكومته لمواجهة الأزمة الاقتصادية في السودان
| | جدد الرئيس السوداني عمر حسن البشير قلقه من الازمة الاقتصادية التى تواجهها حكومته، قائلاً انه يرغب فى التغلب علىها بخفض الانفاق والواردات وتوسيع القاعدة الضريبية وتقليل الاعتماد على العمالة الاجنبية.
ونصح اثناء مخاطبته المؤتمر الاقتصادى للحزب الحاكم امس "بالعودة إلى الله" للخروج من الأزمة الاقتصادية الطاحنة، لكنه وجَّه المسؤولين بالدولة بتسهيل إجراءات الاستثمار ومعالجة مشاكله خاصة المتعلِّقة بحيازة الأرض، بجانب الابتعاد عن الربا، ووصفه بأكبر عيوب النظام الرأسمالي. ونوه الى ان الازمة تتطلب جمع الصف والجلوس للتحاور والتشاور، بغية وضع خطط وبرامج، من ثم التوكل على الله، والمضي فيها، وقال، البشير أن إنفصال جنوب السودان، تسبب بفجوة في الميزانية، والميزان التجاري، أثرت بوضوح على الوضع الاقتصادي، وتابع: يجب ان يكون همنا الأول كيفية سد الفجوة في الميزانية بزيادة الإيرادات، دون وضع ضرائب وأعباء ضريبية جديدة على كاهل المواطن.وطالب بإيجاد وسيلة لتخفيض الإنفاق الحكومي، وقال نريد عملية متوازنة بزيادة الإيردات وخفض المصروفات، بغية توازن الموازنة العامة.
وأقر البشير بعجز في الميزان التجاري الخارجي، وقال انه يحتاج لجهد أساسي وكيفية زيادة الإنتاج في الصادر لزيادة الإيرادات من العملة الاجنبية، إضافة الى زيادة إنتاج السلع لتقليل الإستيراد، مما يقلل الضغط على العملة الصعبة، وقال ان مثل هذه البرامج يجب ان تكون واضحة، لافتا الى إجتماع يعقد إسبوعيا يضم كل وزراء الاقتصاد، لمتابعة الخطط ودراسة الوضع الأني، الذي قال انه يحتاج لحراسة.
وأوضح الرئيس، أن الظروف الاقتصادية التي يمر بها السودان، تتضرر منها الشرئح الفقيرة، مطالبا بتنشيط الزكاة، وقال: إذا جمعناها بصورة عادلة ووزعناها بطريقة راشدة، سنغطي من خلالها شريحة واسعة من الفقراء.
وقال عندما جاءت الانقاذ الى السلطة وجدت إقتصاد متخلف وجامد، وأضاف: رغم الحصار والضغوط والحرب والتي مازالت مستمرة الى اليوم، لكننا إذا نظرنا للعالم من حولنا، نجده شهد تحولات إقتصادية كبرى، أولها إنهيار المنظومة الإشتراكية، وسقوط النظام الراسمالي، وتابع: ما يعانيه العالم من إضطرابات وحراك سكاني، وإحتجاجات، تؤكد قناعة المجتمعات بفشل النظام الراسمالي القائم على المعاملات الربوية، مطالبا بالبحث عن مخرج من الأزمة الإقتصادية، والمشكلات التي يعاني منها العالم.
وأضاف البشير بقوله: "نحن ما صغار ولم تنقصنا الخبرات والإمكانات ولا العقول.. كلها موجودة"، وزاد" توصياتنا ليست بخروج الإقتصاد السوداني من الازمة الأنية، لكن بالبحث وإيجاد المعالجات لما يعانيه العالم الأن، بعد فشل المنظومة الراسمالية، والتوجه الى مخرج، بالعودة إلى الله للخروج من الأزمة الاقتصادية الطاحنة، والإبتعاد عن الرباء لانها محاربة لله سبحانه وتعالى.
وانتقد الرئيس بعنف الطريقة التى يتعاطى بها المسؤولون فى الولايات مع مشروعات الاستثمار وحثهم على ابداء الجدية فى جذب الاستثمارات ووجَّه بتسهيل إجراءاته ومعالجة مشاكله و الابتعاد عن الربا، ووصفه بأكبر عيوب النظام الرأسمالي.
وحذر، البشير من حالة العمالة الأجنبية الوافدة للبلاد، منوها الى افرازها تناقضات مضيفا : نواجه مشكلة كبيرة في العمالة الاجنبية في وقت يعاني السودان من أزمة بطالة، وإستطرد قائلا: ان العمالة الاجنبية يجب ان تسد الفجوة في العمل، لكن السودان به اعداد كبيرة من العاطلين عن العمل.
واكد البشير ان العمالة الوافدة خلقت أثارها الاجتماعية والإقتصادية، من خلال تحويل المبالغ الى الخارج دون صرفها في الدخل، وتساءل لماذا السودانيون يعزفون عن العمل لدرجة تضطر الدولة لإستجلاب عمالة خارجية، مما يشكلون ضغط ، والتسبب في المشكلات الإجتماعية.
وقال البنك المركزي يوم الاربعاء ان صادرات السودان غير النفطية بلغت 1.58 مليار دولار بين يناير كانون الثاني وسبتمبر أيلول مقارنة مع 1.21 مليار دولار بين يناير وأغسطس اب في 2010. ولم يذكر البنك ارقاما للفترة بين يناير وسبتمبر 2010.
وأضاف أن صادرات الذهب أكبر مصدر للدخل بين الصادرات بلغت 977.41 مليون دولار بين يناير وسبتمبر هذا العام بزيادة 33 بالمئة عنها قبل عام.
ولم يذكر البنك ايرادات الخرطوم من صادرات النفط. وفي العام الماضي حقق السودان بشماله وجنوبه نحو عشرة مليارات دولار من النفط اقتسمها الشطران مناصفة. |
نقلا عن المشاهير عدد اليوم
|
Post: #2
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 09:08 AM
Parent: #1
اذا كان الربا هو سبب فشل النظام الراسمالى العالمى
فما هو سبب فشل الاقتصاد الاسلامى المطبق فى السودان؟
و هل النظام المطبق فى السودان نظام غير رأسمالى؟
|
Post: #3
Title: Re: البشير ينصح بالعودة لله للخروج من الازمة الاقتصادية الطاحنة
Author: Marouf Sanad
Date: 10-20-2011, 09:23 AM
Parent: #2
سلام يا هشام
واحد بلدياتنا قابل واحد يتسول الناس مرددا:
أجرِ من الله, أجرِ من الله
فرد عليه بلدياتنا :
أجري منو وين يا زول, انت ما نصيح!
|
Post: #4
Title: Re: البشير ينصح بالعودة لله للخروج من الازمة الاقتصادية الطاحنة
Author: البحيراوي
Date: 10-20-2011, 09:32 AM
Parent: #3
الأخ هشام المجمر
تحياتي - بالله تعال شوف الخبر دا بجريدة الصحافة - يعني القضية دخل فيها تجار ينتمون للحزب الحاكم وبقت زيتنا في بيتنا . خلاص بدل المؤتمرات دي وجهوا الموضوع للجهة التي يعنيها الأمر .
بحيراوي
Quote: البرلمان يحقق في تورط عناصر بـ«الوطني» في الغلاء
البرلمان: علوية مختار : بدأت لجنة الشؤون الاقتصادية بالبرلمان في اجراءات التحقيق في تورط عناصر- لم تسمها- بالمؤتمر الوطني في موجة الغلاء وضلوع موظفين في الدولة في ارتفاع الدولار، وتوعدت اللجنة بمحاكمات عادلة للمتورطين بينما تتجه اللجنة للتقصي في بعض القرارات الاستثنائية لوزارة المالية لاستيراد بعض السلع.
وقال عضو اللجنة قريب حماد ان هناك عناصر ـ لم يسمها ـ بالمؤتمر الوطني اتخذت انفصال الجنوب ذريعة لدخول السوق وزيادة السلع لاكثر من 70% عبر مؤسسات وشركات تتبع لتلك العناصر التي وصفها بالجشعة.
واكد قريب حماد في تصريحات محدودة امس ان اللجنة بصدد محاربة تلك العناصر عبر رفع الضريبة السنوية، وقال»ما اخذوه باليمين من المواطن سنأخذه بالشمال»، وشدد على ان موجة ارتفاع الاسعار العالمية لا علاقة لها بالاقتصاد السوداني، وارجع تفشي الغلاء لدخول تلك الشركات.
وكشف عن اتجاه اللجنة لزيارة ميناء بورتسودان وتقصي الحقائق على ارض الواقع والرقابة على السعر العالمي مقارنة بالمحلي، واكد ان اللجنة شرعت في التحقيق حول الامر واعلن عن اتجاهها لاجراء تحقيق مماثل حول ضوابط وزارة المالية المتعلقة بالاستثناءات الخاصة ببعض السلع، ودعا لضرورة حصر وتوزيع السكر على الشركات واقصاء اجهزة الدولة |
|
Post: #6
Title: Re: البشير ينصح بالعودة لله للخروج من الازمة الاقتصادية الطاحنة
Author: عكود عبد القادر عكود
Date: 10-20-2011, 09:39 AM
Parent: #4
ونعم بالله،،،،
بس الظاهر هم جربوكسيهم ما بعشق خلف،،،،
|
Post: #7
Title: Re: البشير ينصح بالعودة لله للخروج من الازمة الاقتصادية الطاحنة
Author: Marouf Sanad
Date: 10-20-2011, 09:44 AM
Parent: #4
واحد تاني قابل متسول يقول:
أجري على الله, أجري على الله
رد عليه صاحبنا:
أجري إت في الأول وانا بلحقك
|
Post: #5
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 09:34 AM
Parent: #3
حلوة يا معروف
|
Post: #8
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 09:48 AM
Parent: #5
الاخ البحيراوى
سلام
اخبار عجيبة لكنها تعبر عن واقع الحال فى هذا البلد الذى لا ضابط فيه وغير معروف فيه ما يجرى ومن يدبر و من بفعل
|
Post: #10
Title: Re: البشير ينصح بالعودة لله للخروج من الازمة الاقتصادية الطاحنة
Author: محمد إبراهيم علي
Date: 10-20-2011, 09:53 AM
Parent: #8
تحياتي المجمر
بس اوعى يكون النصيحة مقصود بيها الشعب السوداني ؟
طيب الزول ده ما يمشي يبقى امام جامع ويحلنا
|
Post: #11
Title: Re: البشير ينصح بالعودة لله للخروج من الازمة الاقتصادية الطاحنة
Author: Alshafea Ibrahim
Date: 10-20-2011, 09:59 AM
Parent: #8
تحياتي ياهندسة
الزول ده قرب ينطق بها ... يعني خلاص ... في اي وقت ممكن يعلنها مدوية ويقول أن منسوبي حكومتي وحزبي فاسدون خربون لا يخافون الله ولا القانون ولا المواطنين .... تلميحات عجيبة من الرئيس ... دائما يطعن في الضل ... لكن المرة دي قربت تصيب الفيل ... هل من متعظ يا منسوبي الحزب الذي لا يخشى الله ولا القانون ولا عباد الله ؟
قبل الخروج :
خطاب فيه إقرار وقبول لما كان ينكره قبل شهرين تقريبا بأن منسوبو حكومته مخافة الله عندهم تمنعهم من الفساد ...
محزن أمركم أيها الكيزان ... تبا لكم ..
الشفيع إبراهيم
|
Post: #9
Title: Re: البشير ينصح بالعودة لله للخروج من الازمة الاقتصادية الطاحنة
Author: Al-Shaygi
Date: 10-20-2011, 09:51 AM
Parent: #1
Quote:
ونصح اثناء مخاطبته المؤتمر الاقتصادى للحزب الحاكم امس "بالعودة إلى الله" للخروج من الأزمة الاقتصادية الطاحنة،
|
برضو كويس أنه عارف أن جماعته أبتعدوا عن الله وهم أصلاً بعيدين عن الله.....
ولا يا ربي دي بيعه وتجارة دين ضمن تجارة الدين البيمارسوا فيها الزمن ده كله؟؟؟؟
تحياتي ود المجمر
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #12
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 10:08 AM
Parent: #9
| Quote: بس الظاهر هم جربوكسيهم ما بعشق خلف،،،، |
برضو حلوة يا عكود
|
Post: #13
Title: Re: البشير ينصح بالعودة لله للخروج من الازمة الاقتصادية الطاحنة
Author: محمد حسن العمدة
Date: 10-20-2011, 10:09 AM
Parent: #9
| Quote: لكن بالبحث وإيجاد المعالجات لما يعانيه العالم الأن، |
قول ليهو سيب الفلقصة والهبالة دي وخلي الخبز لخبازينو بدل الفساد والنهب البتعملو فيهو دا
غلفة وشايلة الموس تطهر .... يجرتقو فيها وت.....رت
معليش للامثال بس حقيقة مافي مثل بشبهو غير ديل
| Quote: بعد فشل المنظومة الراسمالية، والتوجه الى مخرج، بالعودة إلى الله للخروج من الأزمة الاقتصادية الطاحنة، |
ومتين كنتو مع الله يا كذاب ؟؟!! من يوم احنثت بالقسم في 30 يونيو وانت فارقت درب الله ...
|
Post: #14
Title: Re: البشير ينصح بالعودة لله للخروج من الازمة الاقتصادية الطاحنة
Author: محمد حسن العمدة
Date: 10-20-2011, 10:11 AM
Parent: #9
| Quote: لكن بالبحث وإيجاد المعالجات لما يعانيه العالم الأن، |
قول ليهو سيب الفلقصة والهبالة دي وخلي الخبز لخبازينو بدل الفساد والنهب البتعملو فيهو دا
غلفة وشايلة الموس تطهر .... يجرتقو فيها وت.....رت
معليش للامثال بس حقيقة مافي مثل بشبهو غير ديل
| Quote: بعد فشل المنظومة الراسمالية، والتوجه الى مخرج، بالعودة إلى الله للخروج من الأزمة الاقتصادية الطاحنة، |
ومتين كنتو مع الله يا كذاب ؟؟!! من يوم احنثت بالقسم في 30 يونيو وانت فارقت درب الله ...
|
Post: #15
Title: Re: البشير ينصح بالعودة لله للخروج من الازمة الاقتصادية الطاحنة
Author: ahmed akasha
Date: 10-20-2011, 10:16 AM
Parent: #9
سلام هشام
طيب هم اتنين وعشرين سنه فوق راسنا
بحجة هي لله لا للسلطة ولا للجاه
وماقدروا يرجعونا لي الله
القاهدين ليها شنو
مايحلوا عن سمانا
|
Post: #16
Title: Re: البشير ينصح بالعودة لله للخروج من الازمة الاقتصادية الطاحنة
Author: Mohammed Ahmed Saeed
Date: 10-20-2011, 10:17 AM
Parent: #9
الاخوة الافاضل
تحية وتقدير
الجماعة ديل مصرين اصرار شديد بالضحك علينا الموضوع اولا واخيرا فى يدهم بس اقبضوا ناسهم ويمنعوهم من تجارة العملة والمضاربة بالدولار وارتفعوا لمستوى المسئولية ومتطلبات المرحلة الحرجة التى تمر بها البلاد بدل استغلالها لزيادة ثرواتهم .
يفسروا للناس فضائحهم اليومية بالصحف باللة عليكم بالعقل ممكن اى مواطن يجد مبرر احتفاظ قطبى المهدى بالمبالغ التى تزيد عن 73000 دولار ثلاثة وسبعون الف دولار فى وقت البلد احوج ما تكون للعملة الصعبة ودا الظاهر للناس. كم من اعضاء المؤتمر الوطنى يحتفظ بالعملة الصعبة بمنزلة ودا مايوجد داخل منازلهم بالخرطوم كام ياترى يكتنزون خارج البلد ( حسبنا اللة ونعم الوكيل )
المبالغ التى سرقت من منزل قطبى المهدى ( حسب الصحف) زدت عليها قيمتها بالدولار
1- 40310 يورو تساوى تقريبا 55 الف دولار
2- 11336 فرنكا سويسرا تساوى تقريبا 10 الف دولار
3- 2000 ريال سعودى حوالى 533 دولار
4- 1000 سودانى خارج الحسبة
|
Post: #17
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 10:39 AM
Parent: #16
| Quote: طيب الزول ده ما يمشي يبقى امام جامع ويحلنا |
يا محمد ابراهيم يا اخوى هو كان داير يبقى امام جامع كان عمل انقلاب
|
Post: #18
Title: Re: البشير ينصح بالعودة لله للخروج من الازمة الاقتصادية الطاحنة
Author: ود الباوقة
Date: 10-20-2011, 10:46 AM
Parent: #17
ونعم بالله
شكرا مجمر
|
Post: #19
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 10:51 AM
Parent: #18
Quote: تحياتي ياهندسة
الزول ده قرب ينطق بها ... يعني خلاص ... في اي وقت ممكن يعلنها مدوية ويقول أن منسوبي حكومتي وحزبي فاسدون خربون لا يخافون الله ولا القانون ولا المواطنين .... تلميحات عجيبة من الرئيس ... دائما يطعن في الضل ... لكن المرة دي قربت تصيب الفيل ... هل من متعظ يا منسوبي الحزب الذي لا يخشى الله ولا القانون ولا عباد الله ؟
قبل الخروج :
خطاب فيه إقرار وقبول لما كان ينكره قبل شهرين تقريبا بأن منسوبو حكومته مخافة الله عندهم تمنعهم من الفساد ...
محزن أمركم أيها الكيزان ... تبا لكم ..
الشفيع إبراهيم |
الشفيع
سلام
تصدق الزول ده ما قاصد ناسو ناس جوة . الراجل قاصد العالم الخارجى النصيحة دى لى ناس برة وكده.
|
Post: #21
Title: Re: البشير ينصح بالعودة لله للخروج من الازمة الاقتصادية الطاحنة
Author: محمد النيل
Date: 10-20-2011, 10:59 AM
Parent: #19
| Quote: وقال، البشير أن إنفصال جنوب السودان، تسبب بفجوة في الميزانية، والميزان التجاري |
ههههههها
ما قلتو الجنوب عالة؟؟؟؟؟؟؟؟؟؟
وضبحتوا تور أسود
يخس على دا حكم !
|
Post: #22
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 11:04 AM
Parent: #19
| Quote: برضو كويس أنه عارف أن جماعته أبتعدوا عن الله وهم أصلاً بعيدين عن الله..... |
تصدق يا الشايقى البشير قال ما عارف انو البلد فيها فساد!!!!!!!
|
Post: #23
Title: Re: البشير ينصح بالعودة لله للخروج من الازمة الاقتصادية الطاحنة
Author: معاوية المدير
Date: 10-20-2011, 11:07 AM
Parent: #19
Quote:
ونعم بالله
شكرا مجمر |
النعامة الترفسك.
هو رئيسك يقول الناس تركوا درب الله،
إنت تجي تقول ونِعم بالله، بالله عليك إنت
إنت من صُحّك؟؟؟!!!
كان يُفترض تسترجع.
يا زول تكون زآتك ما عارف إسترجاع
يعني شنو؟؟؟
|
Post: #26
Title: Re: البشير ينصح بالعودة لله للخروج من الازمة الاقتصادية الطاحنة
Author: عبدالله شمس الدين مصطفى
Date: 10-20-2011, 11:29 AM
Parent: #19
| Quote: لكن بالبحث وإيجاد المعالجات لما يعانيه العالم الأن، |
زى ما قال المثل بس, "..... وشايلا موسا ......."
كدى شوف لينا معاللجات إجنا ديل لما نعنيه بسببكم إنتو, للعالم رب يحميه.
والله شر البلية صار ما يُبْكِى, لا ما يضحك.
تحياتى يا مجمر
|
Post: #20
Title: Re: البشير ينصح بالعودة لله للخروج من الازمة الاقتصادية الطاحنة
Author: جعفر محي الدين
Date: 10-20-2011, 10:57 AM
Parent: #17
الأخ هشام المجمر
السلام عليكم
Quote: وأوضح الرئيس، أن الظروف الاقتصادية التي يمر بها السودان، تتضرر منها الشرئح الفقيرة، مطالبا بتنشيط الزكاة، وقال: إذا جمعناها بصورة عادلة ووزعناها بطريقة راشدة، سنغطي من خلالها شريحة واسعة من الفقراء.
|
يبدو أن الرئيس الهمام نسي أن بين الجمع بصورة عادلة والتوزيع بطريقة راشدة هناك المحافظة عليها بأمانة
|
Post: #24
Title: Re: البشير ينصح بالعودة لله للخروج من الازمة الاقتصادية الطاحنة
Author: معاوية المدير
Date: 10-20-2011, 11:11 AM
Parent: #20
| Quote: الابتعاد عن الربا، ووصفه بأكبر عيوب النظام الرأسمالي. |
البشير جنَّ.
والله صحي.
تحياتي يا هشام...
|
Post: #25
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 11:24 AM
Parent: #20
الاخ ود العمدة
سلام
فعلا بلاده تتملكها ازمة اقتصادية خانقة وهو ينصح العالم الخارجى بالرجوع لله!!!!
|
Post: #27
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 11:31 AM
Parent: #25
ود الباوقة سلام
ونعم بالله
اها و بعدين
ذكرتنى واحد صاحبنا كان عامل مشروع زارع شمام للتصدير فى مزرعتو. اها الشمام قام جاهو مرض غريب ما عرفو شنو. صاحبنا طوالى مشى كلية الزراعة ادوهو اتنين بروفسير من ماركة ابو دقن.
الجماعة اول ما وصلو المزرعة و شافو الشمام شبكو ليك صاحبنا سبحان الله... سبحان الله. صاحبنا قام قال ليهم سبحان الله دى قلتها انا و انا ما جبتكم هنا عشان تترددوها لى انا جبتكم هنا عشان اعرف مرض الشمام ده شنو!! وقام طرد الجماعة
|
Post: #28
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 11:36 AM
Parent: #27
احمد عكاشة
سلام
Quote: طيب هم اتنين وعشرين سنه فوق راسنا
بحجة هي لله لا للسلطة ولا للجاه
وماقدروا يرجعونا لي الله |
زى ما قلت بحجة
ولكن الحقيقة انها كانت للسلطة و للجاه وليست قطعالله
|
Post: #29
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-20-2011, 12:20 PM
Parent: #28
Quote: الاخوة الافاضل
تحية وتقدير
الجماعة ديل مصرين اصرار شديد بالضحك علينا الموضوع اولا واخيرا فى يدهم بس اقبضوا ناسهم ويمنعوهم من تجارة العملة والمضاربة بالدولار وارتفعوا لمستوى المسئولية ومتطلبات المرحلة الحرجة التى تمر بها البلاد بدل استغلالها لزيادة ثرواتهم .
يفسروا للناس فضائحهم اليومية بالصحف باللة عليكم بالعقل ممكن اى مواطن يجد مبرر احتفاظ قطبى المهدى بالمبالغ التى تزيد عن 73000 دولار ثلاثة وسبعون الف دولار فى وقت البلد احوج ما تكون للعملة الصعبة ودا الظاهر للناس. كم من اعضاء المؤتمر الوطنى يحتفظ بالعملة الصعبة بمنزلة ودا مايوجد داخل منازلهم بالخرطوم كام ياترى يكتنزون خارج البلد ( حسبنا اللة ونعم الوكيل )
المبالغ التى سرقت من منزل قطبى المهدى ( حسب الصحف) زدت عليها قيمتها بالدولار
1- 40310 يورو تساوى تقريبا 55 الف دولار
2- 11336 فرنكا سويسرا تساوى تقريبا 10 الف دولار
3- 2000 ريال سعودى حوالى 533 دولار
4- 1000 سودانى خارج الحسبة |
الاخ محمد احمد سعيد
سلام
قطبى المهدى يحتفظ بهذه الاموال فى بيته غالبا للحالات الطارئة فقط
|
Post: #30
Title: Re: البشير ينصح بالعودة لله للخروج من الازمة الاقتصادية الطاحنة
Author: منتصر عبد الباسط
Date: 10-20-2011, 12:48 PM
Parent: #29
| Quote: فما هو سبب فشل الاقتصاد الاسلامى المطبق فى السودان؟و هل النظام المطبق فى السودان نظام غير رأسمالى؟ |
النظام الاقتصادي المطبق في السودان ليس اسلامي...هو تظام راسمالي
النظام الاسلامي ليس فيه ضرائب ...ويعتمد النظام الاقتصادي الاسلامي
الغير أخواني على تنمبة الفرد والجماعة والعناية بهم وهم الذي ينهضون بالاقتصاد
فعافيتهم ورفاهبتهم تنعكيس عافية على الاقتصاد ...وكذلك العدالة وسيادة القانوان
وتقليل الصرف والانفاق الحكومي ...والمحاسية للولاة والوزراء
...
والازمة الحادثة الآن سببها أن الصرف الحكومي مستنزف لكل الموارد ..
المفروض العودة لتقليص عدد الولايات والمحافظات والمحليات وعدد الوزرات
وتقليص كل الوظائف الحكومية وتقليل مخصصات الولاة والوزراء ..
وحل المجلس الدستوري وتسريحه ...وكل مجالس الولايات وهكذا...
إلا إن كان المعني اسلام الاخوان
واسلام القرضاوي ....وليس اسلام الله ورسوله
|
Post: #31
Title: Re: البشير ينصح بالعودة لله للخروج من الازمة الاقتصادية الطاحنة
Author: أحمد الشايقي
Date: 10-20-2011, 03:52 PM
Parent: #30
تصريحات سيادة الرئيس محيرة بالفعل
كل هذا يحدث ولا بد أن تصله تقاريره وسيادته يستطيع اصدار الأوامر والقوانين التي تمنع الفساد وتوقف استقدام العمالة الاجنبية وتخفض الأسعار ولكن بالفعل لا نحس به يفعل ذلك وإنما تصدر في خطاباته تعليقات كأنها (لصحافيين أجانب) أو لأئمة في منابر الوعظ,
في صعد أخرى تتحرك المتحركات والجيوش الجرارة بأمر من فخامة الرئيس وتجتاح مساحات كبيرة من الأراضي (السودانية طبعاً) وتتحرك الأجهزة الأمنية فتفعل ما تؤمر بأن تقوم به وبكفاءة تامة, وهنا مكمن الحيرة,
هو يستطيع ولا يفعل وتجده في بعض الاحيان مندهشاً ... كدهشتنا تماماً,
يبدو أن قرارات حكومات الانقاذ لا يمكن أن توجه ضد منسوبي حزب الحكومة
أحمد الشايقي
|
Post: #32
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-21-2011, 11:58 AM
Parent: #31
الاخ عبد الله شمس الدين
سلام
Quote: زى ما قال المثل بس, "..... وشايلا موسا ......."
كدى شوف لينا معاللجات إجنا ديل لما نعنيه بسببكم إنتو, للعالم رب يحميه.
والله شر البلية صار ما يُبْكِى, لا ما يضحك.
|
يبدو ان الرئيس و مستشاريه الاقتصاديين فى حيرة تامة فى كيفية معالجة الازمة الاقتصادية الداخلية
الاقتصاد السودانى يبدو اقتصاد فوضوى غير منظم و غير مهيكل وزاده اضطرابا شح موارد العملة الاجنبية بعد فقدان معظم صادرات البترول
|
Post: #33
Title: Re: البشير ينصح بالعودة لله للخروج من الازمة الاقتصادية الطاحنة
Author: أيزابيلا
Date: 10-21-2011, 02:39 PM
Parent: #32
| Quote: البشير ينصح بالعودة لله للخروج من الازمة الاقتصادية الطاحنة |
عمك دة خلى السياسة وبقى ينظر فى الأقتصاد كمان 
|
Post: #34
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-21-2011, 03:51 PM
Parent: #33
الاخ جعفر محى الدين
سلام
| Quote: يبدو أن الرئيس الهمام نسي أن بين الجمع بصورة عادلة والتوزيع بطريقة راشدة هناك المحافظة عليها بأمانة |
كلامك صحيح يا جعفر
هذه القيم التى تتحدث عنها تتعارض مع مبدأ التمكين تماما ومبدأ التمكين الكيزانى هو اساس الحكم
|
Post: #35
Title: Re: البشير ينصح بالعودة لله للخروج من الازمة الاقتصادية الطاحنة
Author: هشام المجمر
Date: 10-22-2011, 10:06 AM
Parent: #34
يا معاوبة يا مدير
سلام
Quote: البشير جنَّ.
والله صحي. |
الراجل صاحى
والله صحى
|
|