Post: #1 Title: فيلم نوار، وردة لعشاق السينما! Author: mustafa mudathir Date: 10-19-2011, 02:29 AM
الأعزاء عشاق السينما، متابعيها وصناعها محمد السني دفع الله عبدالرحمن نجدي عادل بدوي يحيى فضل الله ميسون النجومي فاتح ميرغني حسن بشير أسماء عبد الحليم نجلاء سيد أحمد تاج السر الملك يوسف الموصلي أزهري نورالهدى الليلة وا ورطتي الاسماء كلها طارت والفوق ديل ذاتهم فيهم من قد ينكر علاقته بالسينما!! لقيت لي اسم: بيت الفنون.....كيف؟ صاح! طارق الأمين عصام عبد الحفيظ أيمن تابر عزة خطاب خطاب حسن أحمد سلمى الشيخ سلامة محسن خالد عماد عبدالله أسامة عبد الجليل مازن مصطفى مامون التلب يا جماعة باختصار أدعوكم لاول بلوق (مدونة) سينمائية لي وأطلب منكم مدي بخواطر وتزكيات مدعومة(1) لأفلام أعجبتكم. سأقوم بالترجمة من العربية لمن يرغب في الكتابة بالعربية. لاحقاً سأقوم بانشاء تاب أو تابين لكتاب العربية. الدعوة تمتد كذلك لكل من سقط اسمه من ذاكرتي التي أتمنى أن تعيدها لي هواية الشوف القديمة التي اسمها سينما. المدونة هنا: http://yamustafaya.blogspot.com وعنوان الخيط دا مأخوذ من آخر تحديث عملته فيها بالأمس. ----------------- (1) المقصود بتزكية مدعومة هو الكتابة في مناقب الفيلم للدعوة له. الفيلم الذي لك فيه مآخذ وفره لمدونة أخرى مؤكد أن هناك من يعمل عليها. يعني عايزين بوزاتيف فايبريشن بس الله يرضى عليكم.
Post: #2 Title: Re: فيلم نوار، وردة لعشاق السينما! Author: الفاتح ميرغني Date: 10-19-2011, 03:51 AM Parent: #1
Quote: بوزاتيف فايبريشن بس الله يرضى عليكم.
صديقي الجميل مصطفانا خشيت مغارتك العجيبة دي ولقيت "كنوز محبة" وأمس رسلت ليك تلغراف من بوستة بكري. بالجد عجبني إختيار الإسم http://yamustafaya.blogspot.com/ فيهو شيء من النديهة للصُلاح او الفزع "ابو مروة" فتذكرت " قيمة الفزع دي "( Posse) عند الخواجات في افلام الكابويات. مرة واحد صاحبي قال لي الفرق الوحيد بين جون واين وود ضحوية إنه الاول ما كان بقول شعر، لكن الإتنين كان بشيلوا البهائم بتاعت الناس حمرة عين، واحد في السينما والتاني عيان بيان!. عجبني فيلم لآل باتشينو إسمه( عبق إمراة) " Scent of a woman"
وبجيك راجع بتعليقي عليهو.
دام عليك الهنا والسرور
Post: #3 Title: Re: فيلم نوار، وردة لعشاق السينما! Author: mustafa mudathir Date: 10-19-2011, 12:57 PM Parent: #2
فزعة تكنيكولور والله يا فاتح. جون وين أو كما يحلو لنا جون واين لابد من عودة له كمان وكمان. أما آل باتشينو فهو البوزاتيف فايبريشن ذاته. إحساسي كان صحيح إنك أول متداخل أها شوف لينا البارتي بتاعت أولاد مارلي العملوها في اثيوبيا حصل فيها شنو؟ تلقى ريفيو صغير عملتوا بمناسبة عيد ميلادة الستين. إنت هسع وين ومشاريعك شنو؟ ولماذا لا تعيد بوستك العجيب؟ ألف تحية لك منضفة من أوراق الخريف اللي حلت حولنا!!!!!
من المتابعين للموقع منذ أن انزلت الرابط فى ال English forum جُهد يستحق التقدير رغم اللغة الاحترافية العالية. لفت انتباهى فيلم: Rise of the Planet of the Apes
سأشاهده فى أقرب فرصة. وأتمنى ارفاق فيديو official trailer مع كل فيلم.
Post: #5 Title: Re: فيلم نوار، وردة لعشاق السينما! Author: mustafa mudathir Date: 10-19-2011, 07:39 PM Parent: #4
Oh my God Ya Ombada Things get so stale in the other forum you panic and think no one will pay you attention Did you know that the monkey Caesar in "...The Planet of the Apes" ?is actually a human actor Andy Serkis (photo below)
Post: #6 Title: Re: فيلم نوار، وردة لعشاق السينما! Author: mustafa mudathir Date: 10-20-2011, 01:07 PM Parent: #5
الأخ أمبدة لم أجد لوحة مفاتيح عربية بالأمس. فكرة التريلير فكرة جيدة وتضيف للمحتوى. طبعاً أهم منها أن تصوغ أفكار محددة عن الفيلم المقصود فالناس تبحث عن المعلومة أولاً قبل السلعة. من المدهش أن أصالة المحتوى في مسألة الترويج لاي موقع على الشبكة هي مسألة حاسمة بأكثر من ما يتوقع المرء. محركات البحث الكبيرة لديها محررون بشر يقومون بعمل يدوي في تنقية قوائمهم من ما لا محتوى له. وعندما تتذكر أن التسويق التجاري هو هدف أساسي للشبكة العالمية تصبح مسألة الإصرار على المحتوى مدهشة فعلاً!
Post: #7 Title: Re: فيلم نوار، وردة لعشاق السينما! Author: Adil Al Badawi Date: 10-20-2011, 07:45 PM Parent: #6
Yamustafaya (تقرأ إن أنت كتبتها بالعربي: غشةعسفشبشغش؛ وفي ذلك سحر مافي اتنين تلاتة). ويا مصطفى يا مني ليك سلام ومثله لضيوفك الكرام، "تزكياتي المدعومة، وقيل المزعومة" هي للأفلام التالية:
وهنالك "بابل" وقد كتبت عنه بهـذا المنبر Re: كلام أفلام أسأل الله لصاحبه الرحمة والمغفرة ولروحه أبدي السلام.
و"المريض الإنجليزي"، طبعاً، وقد كتبت عنه بهـذا المنبر لكنني لا أذكر أين وإن كان مقالي الموسوم "العيان الانقليزي الساكن معايا" توقف عند عقبة بحث في شأن الشخصية الرئيسية بالفلم "الكونت لازلو ألماشي (1895 – 1951)" فيما يتعلق بـ"اكتشافه" النوبيين المجراب من ناحية وارتباطه، من ناحية أخرى، بأول الطيور ذات العجلات الأربع (العربات يعني) التي مرت فوقنا (نحن سودان عشرينات وثلاثينات القرن الماضي) ودارت دورتين (أو أكثر) قبل أن تغيب فيما نحن (سودان عشرينات القرن الحالي، آي هوب نوط!) فيه من عتمة النور وحديقة المغيب؛ أو كما قال عبد الحي. فالكونت ألماشي "قاد سيارته على ضفاف النيل من مصر إلى السودان لأول مرة عام 1926" كما "اخترق شرق افريقيا والسودان ومصر...وفي يونيو 1929 انطلق...من وادي حلفا إلى واحة سليمة" كما "...بين يناير وابريل 1935 أنجزت مجموعة بريطانية رحلة مثيرة غير مسبوقة مجتازة تقريبا كل الأجزاء الرئيسية من الصحراء الليبية. والتقت بألماشي بمدينة الفاشر..."
وختاماً (مؤقتاً، طبعاً) "إيميلي" وهـذا فلم ربما إنني لم أكتب عنه بهـذا المنبر لكن يمكنني أن أقول بالرااحة أنه ذلك النوع من الأفلام الذي تبدأ مشاهدته بربع عين فنصف عين فعين (حشرية) كاملة فعينين ثم لا تلبث أن ترسل ليك "شافع" للجيران برسالة مفادها: قالوكم أدونا عويناتكم نكتل بيها الفلم دا ونرجعها ليكم.
مشكور يا مصطفى يا وإلى اللقاء.
Post: #8 Title: Re: فيلم نوار، وردة لعشاق السينما! Author: mustafa mudathir Date: 10-22-2011, 10:22 PM Parent: #7
العزيز عادل ياسلام عيك إضافة وإختيار عميق. أفهم منك أنه بإمكاني ترجمة ونشر الريفيوز التي عملتها عن هذه الأفلام وبالتالي سأشرع في ذلك وسأضيف تاب بعنوان "ضيف ما يبيت القوى" أو شيئ من هذا القبيل بس ح أعمل حسابي ما يكون "أسماء في حياتنا". في التاب دا ح أعمل لينكات لكتابات المساهمين "على الأقل عشان الورثة بتاعني يعرفوهم طالبني"!! سأعود وبالمناسبة هناك بوست سينمائي أعتقد بتاع الأستاذة "الشاطرة-أنا" وهو بوست ممتاز.
Post: #9 Title: Re: فيلم نوار، وردة لعشاق السينما! Author: الفاتح ميرغني Date: 10-23-2011, 05:18 AM Parent: #8
Dearest Mustafa
In brief, the gist of the movie (The scent of a woman) was about Charlie a boy from a humble background, who was on a scholarship, accepted a job offer to assist a blind retired Army officer(Frank/Al Pacino )on weekends. A kind of a close friendship developed between them.Later on Chrlie told Frank that he witnessed a prank or a mischief set up by a group of students that resulted in the humiliation of the Headmaster, and that he was supposed to appear before a disciplinary committee. The witnesses to that vandal act (Three students including Charlie) were all protected by the social and wealthy status of their fathers being; school board trustees, except for Charlie who came from a very humble ground. The Headmaster tried to exploit Charlie vulnerability, by offering him a bribe in the form of a letter of recommendation that would virtually grantee him a Harvard scholarship, if he divulged the names of the perpetrators, but Charlie refused to sell out his friends and buy out his future. The Headmaster resorted to the tactic of threat: that he was going to recommend to the committee that Charlie be expelled, and here came Al Pacino in the defense of Charlie.
Part of the speech in the quotation below
Quote: “As I came in here, I heard those words, "Cradle of Leadership". Well, when the bough breaks, the cradle will fall. And it has fallen here. It has fallen.Makers of men, Creators of leaders. Be careful what kind of leaders you're producing here. I don't know if Charlie's silence here today is right or wrong. I'm not a judge or jury, but I can tell you this: He won't sell anybody out to buy his future! And that, my friends, is called integrity. That's called courage. Now that's the stuff leaders should be made of. Now I have come to the crossroads in my life. I always knew what the right path was. Without exception, I knew. But I never took it. You know why? It was too damn hard. Now here's Charlie. He's come to the crossroads. He has chosen a path. It's the right path. It's a path made of principle that leads to character. Let him continue on his journey. You hold this boy's future in your hands, committee. It's a valuable future. Believe me. Don't destroy it. Protect it. Embrace it. It's gonna make you proud one day, I promise you.”
In my viewpoint, Frank ( Al Pacino) defended Charlie in such spectacular manner that would have stunned the most articulate of lawyers,and great orators alike. The speech he delivered was worthy of being taught as a cirriculum in the " Future Leaders' School,and that alone was enough to award him the Oscar or whatever award there is for great performance
The full speech
I might touch upon the Tango scene which was no less spectacular
One love
Post: #10 Title: Re: فيلم نوار، وردة لعشاق السينما! Author: mustafa mudathir Date: 10-23-2011, 06:29 PM Parent: #9
يا سلام يا فاتح عرض خال من المفسدات*. دا كافي جداً لفتح شهية القارئ للبحث عن الفيلم. بالمناسبة المدونة ستحتفي بقديم السينما وجديده. والفكرة السنترال لدي أن القارئ يبحث عن المعلومة في المقام الأول. لا زال النت هو سليل الانفورماتيكس. أو ال IT. ستنزل ضيفاً على المدونة قريباً يا صديق. عشاك جاهز! ------------------------------------ * ناس الموفي ريفيوز يسمونها الspoilers وزمان كنا بنوقف الزول البيحكي ونقول ليهو ياخ ما تبوظ لينا الفيلم أنحنا ماشين عليهو!
Quote: "...The Planet of the Apes" ?is actually a human actor
شاهدت فيلم Planet of the apes الذى أنتج فى العام 2001 وقبل ذلك قرأت الرواية - بس ال simplified بتاعت كامبريدج أيام الدارسة بالمرحلة المتوسطة. لذا شد إنتباهى الفيلم. ,كما ورد فى الموقع-yamustafaya- فإن هناك إصدار قديم للفيلم فى العام 1968 :
وأعتقد لم يجد أى نجاحكذلك إصدار 2001:
Post: #12 Title: Re: فيلم نوار، وردة لعشاق السينما! Author: بله محمد الفاضل Date: 10-24-2011, 03:12 PM Parent: #11
Post: #14 Title: Re: فيلم نوار، وردة لعشاق السينما! Author: mustafa mudathir Date: 10-26-2011, 04:13 AM Parent: #13
سلام يا صديقي بلة وأشواق وأنت برضك ما ظاهر ما نحن كسوفنا ودياجير الجدل واحد! (ممكن تخليها الدجل) شكرا ليك والآخرين على عصف الدماغ النافع. بس محسن خالد يشوف لي سكة أوضح من كدا يعني لو أعاد كتابة فيها مساكات ممكن أشتغل معاهو سينما سينما! هاك دي من بداية الخيط حاجة كدا من أخونا فاتح ميرغني نزلت في آخر تحديث بعدين الرسول كان تقول لي ماعندي شغلة بالانجليزي. كل شي جايز. الفيلم القدامنا دا آل باتشينو العميان ساق عربية سبق. لا والنكتة إنو دي سبقوا عليها المصري محمود عبدالعزيز في شغل لابراهيم أصلان. أعتقد غير جازم الكيت كات! المهم كلو شي جائز. هاك التحديث:
The Tango scene was so spectacular, although Al Pacino was allegedly said to have practiced for less than ten days, yet he could tango in a way that would have impressed Carlos Estevez, the late tango legend. In a particular moment during the dance, Gabrielle Anwar couldn’t stop her self from giggling. That was not part of the scenario though, but later she was quoted as saying, “I really thought he was blind”.This reveals Al Pacino impressive incarnation of the role. Truly he is a positive vibration and a positive asset for Hollywood!. Hooowa Mustafana, allow me to express my heartfelt congratulation on the remarkable review: It was amazing. God bless & keep you always.
One love
The Tango dance
Post: #16 Title: Re: فيلم نوار، وردة لعشاق السينما! Author: الفاتح ميرغني Date: 10-27-2011, 08:05 AM Parent: #15
Quote: فزعة تكنيكولور والله يا فاتح. جون وين أو كما يحلو لنا جون واين لابد من عودة له كمان وكمان. أما آل باتشينو فهو البوزاتيف فايبريشن ذاته. إحساسي كان صحيح إنك أول متداخل أها شوف لينا البارتي بتاعت أولاد مارلي العملوها في اثيوبيا حصل فيها شنو؟ تلقى ريفيو صغير عملتوا بمناسبة عيد ميلادة الستين. إنت هسع وين ومشاريعك شنو؟ ولماذا لا تعيد بوستك العجيب؟ ألف تحية لك منضفة من أوراق الخريف اللي حلت حولنا!!!!!
سلام يا مصطفانا ما تابعت حفلة أثيوبي، بس قريت عنها حاجة كده. شفت الريفيو وبالجد عجبني شديد، وعجبتني اللغة الإحترافية، على قولة الزميل Ombada .شغل نضييف! البوست موجود وفي مواد كتيرة عاوز انزلها فيهو، بما فيها الفعالية التي اقامتها السفارة الجامايكية بالتعاون مع وزارة الخارجية اليابانية إضافة إلى حوار مع سفيرة جامايكا. وطبعا زي ما عارف بوست عن بوب مارلي لا بد إنو الواحد يرعاهو بيقظة عسكري في جبهة القتال.
إن شاءالله يكون في سطح المنبر قريب جدا.
محبتي
Post: #17 Title: Re: فيلم نوار، وردة لعشاق السينما! Author: mustafa mudathir Date: 10-27-2011, 01:02 PM Parent: #16
كيف يا تانقو ههههه أقصد فاتح أنا بالي في جابرييلا أنور دي. وشحدت ربي أنور دا يكون سوداني ولا حاجة. أنت جبت التانغو وانا ح أجيب ليك كلامها العجيب في حفل فوز باتشينو بالاوسكار عن رقصتها معه. قالت كانت قايلاهو عميان جد جد! ياخي بوست بوب لازم يرجع وبكري أبوبكر لازم يشوف طريقة لحكاية الأرشفة بالطريقة دي. أو يفعل المكتبات. هسع الواحد ما بيقدر يضيف لمكتبته بنفسه. اللغة الاحترافية دي والله شوية بتختني في حرج مع المتخصصين في النقد. أنا مجرد هاوي أستغل هواية قديمة. أوريك أطراف منها: زمان كانت الجرايد بتجيب أين تسهر هذا المساء. وبتجيب صورة الافيش بتاع الفيلم. وغالباً الافيش أو الاعلان المصور بيكون مثير ومرات بنمشي الفيلم تاني عشان اللقطة اللي في الاعلان وتصور وبدون سلو موشن ولا ريوايند الواحد كان بيمشط الشاشة عشان يلقى شكل ولا وقفة بتشبه اللي في الإعلان. طبعاً في أغلب الاحيان الرسام بيكون أداها كوز أو تكون حذفت في المونتاج أو كمان تكون أصلاً ما حصلت! لكن الصور كانت مثيرة حد إني كنت بفتش ليها في المجلات في كوش السفارات وفي اللوحات وفي أحزان عيون الناس! أها أنا كنت عندي البومات طوابع (ودي الهواية التانية) وكنت بقطع صورة إعلان الفيلم وألصقها في الألبوم بالصمغ الذي تطبخه لي المرحومة الوالدة. بعدين الوالدة مرات تقول لي: هو فلان دا مالو في الصورة دي. شنات العدو. وتكون تقصد مثلا جريجوري بيك أو مارلون براندو أو ستيف ماكوين وتكون شافتو في وضع تاني (خارج ساعات العمل)!! المهم الصور دي عليها عبارات قوية هي مادة لغة النقاد وإلى الآن في ظني. ناس ماقنيفسنت، سوبيرب، فانتاستك، اكسايتنق، ووو. أنا اللغة الاحترافية في الكتابة عن الأفلام عندي يا ها دي. بجيك راجع بفيديو بت أنور!
Post: #18 Title: Re: فيلم نوار، وردة لعشاق السينما! Author: فضل الله خاطر Date: 10-28-2011, 06:17 PM Parent: #17
الاخ الكريم مصطفى مدثر شكرًا على هذا البوست المميز والنوعي وشكرا للمتداخلين نرفع هذا البوست دعما للتميز اخوك فضل الله خاطر
Post: #19 Title: Re: فيلم نوار، وردة لعشاق السينما! Author: mustafa mudathir Date: 10-29-2011, 10:15 PM Parent: #18
مرحب يا أخ فضل الله وشرفت المكان. وشكراً على رفع البوست.
Post: #20 Title: Re: فيلم نوار، وردة لعشاق السينما! Author: mustafa mudathir Date: 11-02-2011, 06:07 AM Parent: #19
Post: #21 Title: Re: فيلم نوار، وردة لعشاق السينما! Author: mustafa mudathir Date: 11-03-2011, 01:17 PM Parent: #20
* الرواية الأصلية الحائزة على بوليتزر أكبر جائزة أمريكية. السيناريو الاعجازي الذي كتبه دافيد هير. وال دي في دي وال بلو ري. كلهم هناك في انتظارك. http://yamustafaya.blogspot.com
Post: #22 Title: Re: فيلم نوار، وردة لعشاق السينما! Author: mustafa mudathir Date: 11-06-2011, 09:39 PM Parent: #21
*
Post: #23 Title: Re: فيلم نوار، وردة لعشاق السينما! Author: الفاتح ميرغني Date: 11-08-2011, 06:15 AM Parent: #22
Quote: أنت جبت التانغو وانا ح أجيب ليك كلامها العجيب في حفل فوز باتشينو بالاوسكار عن رقصتها معه.
سلام يا مصطفانا وكل سنة وأنت والاسرة بألف خير. شحتفتني شديد ياخ، عاوز أعرف البنية السمحة وفنجرية دي قالت شنو في آل باتشينو.
محبتي
Post: #24 Title: Re: فيلم نوار، وردة لعشاق السينما! Author: mustafa mudathir Date: 11-10-2011, 01:07 AM Parent: #23
هاك يا فاتح قالت ليهو وكمان تقول لي ما بتشوف! ياخي أنا بحب الناس الديس إنهيبيتد. دي قصة بتاعت كلشر. يعني هسع الاثيوبيات المغنيات ما عندهن أي كوابح أها بت أنور دي شحدت ربي يكون أبوها سوداني عشان الواحد يقول ما كل السودانيات ihibited وكدا
Post: #26 Title: Re: فيلم نوار، وردة لعشاق السينما! Author: mustafa mudathir Date: 11-22-2011, 01:57 PM Parent: #25
تحياتي في إنتظار العرض الأسبوعي مساء اليوم
Post: #27 Title: Re: فيلم نوار، وردة لعشاق السينما! Author: mustafa mudathir Date: 11-23-2011, 03:36 AM Parent: #26
سلام للجميع من المتابعين
مورجان فريمان في دور (الله) في كوميديا توم شدياك وجيم كيري "بروس كلي القدرة" مع مقابلة ممتعة لشدياك بقناة روسيا اليوم. والأغنية الألمانية الصرعة. إضغط على الرابط أدناه:
Post: #30 Title: Re: فيلم نوار، وردة لعشاق السينما! Author: mustafa mudathir Date: 12-07-2011, 03:28 AM Parent: #29
تحديث في المدونة عرض فيلم "بوني وكلايد" وارن بيتي فاي دوناواي المخرج آرثر بين بوني وكلايد
Post: #31 Title: Re: فيلم نوار، وردة لعشاق السينما! Author: محمد سنى دفع الله Date: 12-07-2011, 05:24 AM Parent: #30
اتاخرنا عليك لكن بحاول اعمل صور من الافلام التي قمت بها في الدوحة حتى انزلها لك بالمناسبة الايام دي في حالة حنين لافلام الكاوبوي لمن جبت سيرة جون وين اقشعرت حاسة الحنين في دواخلي بشوف في فيلم ( رجل بلا نجمة ) للفنان كيرك دوغلاس محبتي ومعذرة للتاخير
Post: #32 Title: Re: فيلم نوار، وردة لعشاق السينما! Author: mustafa mudathir Date: 12-07-2011, 08:05 PM Parent: #31
يا سلام ياسني دا حديقة الشر ولا رجل بلا نجمة؟ أفلام كيرك دوجلاس زي أفلام ريتشارد ويدمارك كلها سمحة! بعدين كلو تأخيرة فيها خيرا سلم على نجدي وقول ليهو يلقي نظرة على المدونة: يا مصطفى
ويمكن التعليق هناك أو هنا!
Post: #33 Title: Re: فيلم نوار، وردة لعشاق السينما! Author: محمد سنى دفع الله Date: 12-08-2011, 05:46 AM Parent: #32
Post: #34 Title: Re: فيلم نوار، وردة لعشاق السينما! Author: mustafa mudathir Date: 12-08-2011, 10:27 PM Parent: #33
سلام يا سني ياهو دا كان المفضل في سن 12 والى 15 بعدين جاء فيلم اسمه حديقة الشر وقام روبرت تايلور قتل ريتشارد ودمارك وهاك يا تعاسة لمدة كذا يوم. تصور انو الاصحاب بعيروك بأنه ودمارك ما كان البطل وأن البطل روبرت تايلور قتله لانو اسرع منه في سحب المسدس. يعني حكاية كدا بالأيام. لا وبعدين هناك من سيعمل جاهداً عشان انت تغير ممثلك المفضل. دي سمعت بيها؟ عبدالرحمن نجدي استجاب مشكورا وبعث لي هذه الصفحة انقر تحت و ونواصل
