Post: #1
Title: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 10:06 AM
شيقا
شكرا لحبك..
فهو معجزتي الأخيرة..
بعدما ولى زمان المعجزات.
شكرا لحبك..
فهو علمني القراءة، والكتابة
وهو زودني بأروع مفرداتي..
وهو الذي شطب النساء جميعهن .. بلحظه
واغتال أجمل ذكرياتي..
شكرا من الأعماق..
يا من جئت من كتب العبادة والصلاة
شكرا لخصرك، كيف جاء بحجم أحلامي، وحجم تصوراتي
ولوجهك المندس كالعصفور،
بين دفاتري ومذكراتي..
شكرا لأنك تسكنين قصائدي..
شكرا...
لأنك تجلسين على جميع أصابعي
شكرا لأنك في حياتي..
شكرا لحبك..
فهو أعطاني البشارة قبل كل المؤمنين
واختارني ملكا..
وتوجني..
وعمدني بماء الياسمين..
شكرا لحبك..
فهو أكرمني، وأدبني ، وعلمني علوم الأولين
واختصني، بسعادة الفردوس ، دون العالمين شكرا..
لأيام التسكع تحت أقواس الغمام، وماء تشرين الحزين
ولكل ساعات الضلال، وكل ساعات اليقين
شكرا لعينيك المسافرتين وحدهما..
إلى جزر البنفسج ، والحنين..
شكرا..
على كل السنين الذاهبات..
فإنها أحلى السنين..
شكرا لحبك..
فهو من أغلى وأوفى الأصدقاء
وهو الذي يبكي على صدري..
إذا بكت السماء
شكرا لحبك فهو مروحة..
وطاووس .. ونعناع .. وماء
وغمامة وردية مرت مصادفة بخط الاستواء...
وهو المفاجأة التي قد حار فيها الأنبياء..
شكرا لشعرك .. شاغل الدنيا ..
وسارق كل غابات النخيل
شكرا لكل دقيقه..
سمحت بها عيناك في العمر البخيل
شكرا لساعات التهور، والتحدي،
واقتطاف المستحيل..
شكرا على سنوات حبك كلها..
بخريفها، وشتائها
وبغيمها، وبصحوها،
وتناقضات سمائها..
شكرا على زمن البكاء ، ومواسم السهر الطويل
شكرا على الحزن الجميل ..
شكرا على الحزن الجميل.
طبعا خمشت الابيات من شعر نزار قباني
|
Post: #2
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 10:10 AM
Parent: #1
نعم لتوطين الحب داخل الاسرة
|
Post: #3
Title: Re: أم عبد الله تحيي كل البورداب والبوردابيات وترسل لي هذه الابيات
Author: محمد عبدالرحمن محمد
Date: 10-18-2011, 10:15 AM
Parent: #1
Quote: شيقا
شكرا لحبك..
فهو معجزتي الأخيرة..
بعدما ولى زمان المعجزات.
شكرا لحبك..
فهو علمني القراءة، والكتابة
وهو زودني بأروع مفرداتي..
وهو الذي شطب النساء جميعهن .. بلحظه
واغتال أجمل ذكرياتي..
شكرا من الأعماق..
يا من جئت من كتب العبادة والصلاة
شكرا لخصرك، كيف جاء بحجم أحلامي، وحجم تصوراتي
ولوجهك المندس كالعصفور،
بين دفاتري ومذكراتي..
شكرا لأنك تسكنين قصائدي..
شكرا...
لأنك تجلسين على جميع أصابعي
شكرا لأنك في حياتي..
شكرا لحبك..
فهو أعطاني البشارة قبل كل المؤمنين
واختارني ملكا..
وتوجني..
وعمدني بماء الياسمين..
شكرا لحبك..
فهو أكرمني، وأدبني ، وعلمني علوم الأولين
واختصني، بسعادة الفردوس ، دون العالمين شكرا..
لأيام التسكع تحت أقواس الغمام، وماء تشرين الحزين
ولكل ساعات الضلال، وكل ساعات اليقين
شكرا لعينيك المسافرتين وحدهما..
إلى جزر البنفسج ، والحنين..
شكرا..
على كل السنين الذاهبات..
فإنها أحلى السنين..
شكرا لحبك..
فهو من أغلى وأوفى الأصدقاء
وهو الذي يبكي على صدري..
إذا بكت السماء
شكرا لحبك فهو مروحة..
وطاووس .. ونعناع .. وماء
وغمامة وردية مرت مصادفة بخط الاستواء...
وهو المفاجأة التي قد حار فيها الأنبياء..
شكرا لشعرك .. شاغل الدنيا ..
وسارق كل غابات النخيل
شكرا لكل دقيقه..
سمحت بها عيناك في العمر البخيل
شكرا لساعات التهور، والتحدي،
واقتطاف المستحيل..
شكرا على سنوات حبك كلها..
بخريفها، وشتائها
وبغيمها، وبصحوها،
وتناقضات سمائها..
شكرا على زمن البكاء ، ومواسم السهر الطويل
شكرا على الحزن الجميل ..
شكرا على الحزن الجميل.
طبعا خمشت الابيات من شعر نزار قباني |
جِنِسْ بَشْتنتنْ
أوبس،
عنكوليبن
المطرطش
|
Post: #4
Title: Re: أم عبد الله تحيي كل البورداب والبوردابيات وترسل لي هذه الابيات
Author: بله محمد الفاضل
Date: 10-18-2011, 10:20 AM
Parent: #3
جنس بشتنة
إنا لله يا اخي
هسي قايل رقبتك يعني
ظابطة القصيدة
بعد اللخبطة السويتا فيها دي
كدي أفرز الكيمان فيها
وقسما جاي جاي
شان تلفق
وشان المقصود ظاتو يصدق يا اخي
الليلة مالك
عصرو عليك ولا شنو
ولا جبتلك جنية
وبعدين طريقة ناس حبوبتي بتسلم عليكم دي
ما حقتك يا اخي
غايتو جنس سمسمية وعنكوليب
|
Post: #5
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 10:20 AM
Parent: #3
Quote: جِنِسْ بَشْتنتنْ
أوبس،
عنكوليبن
المطرطش |
اوعاكم تهظروا عشان هي هسه خاتة اللابتوب قداما متابعة مداخلاتكم حرف حرف وكلمة كلمة وفقرة فقرة
محمد سامع ؟ اوعاك ترمي دراب يجيب لي الهواء ( وش مبسوط شديييييييييد مش منك من ام عبد الله)
|
Post: #6
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 10:23 AM
Parent: #5
| Quote: غايتو جنس سمسمية وعنكوليب |
بلة المسنوح - انت مالك انا قبلان بيها بي بشتنتها دي
جنس حسادة
|
Post: #7
Title: Re: أم عبد الله تحيي كل البورداب والبوردابيات وترسل لي هذه الابيات
Author: بله محمد الفاضل
Date: 10-18-2011, 10:32 AM
Parent: #6
ود شيقوق
عليك الله بعد جنس حسادة دي
تقولي عبارة طارق جبرين الشين
حسادة تولدك البنات ضمة
أو كما قال
يمكن تصدق
وأهو
من مسنوح لي مسنوح
|
Post: #8
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 10:38 AM
Parent: #7
| Quote: حسادة تولدك البنات ضمة |
يا مسنوح مالك عايز تشبك فيني الجندريات
ود جبرين غاطس في السماء المسنوح
|
Post: #9
Title: Re: أم عبد الله تحيي كل البورداب والبوردابيات وترسل لي هذه الابيات
Author: بله محمد الفاضل
Date: 10-18-2011, 10:42 AM
Parent: #8
يعني هسي صرفك دا
شيك بدون رصيد
ولا كيف
....
كدي إتا قولا
ومن خشمك لي باب السماء
يا اخي
ما تبقى حاسد
المسنوح داك
ما ظبطت من تالاه
يمكن تظبط من تالاك
يلا سريع بالله
|
Post: #10
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 10:51 AM
Parent: #9
Quote: المسنوح داك
ما ظبطت من تالاه
يمكن تظبط من تالاك
يلا سريع بالله |
..............وغنيلو ههههههههههههههههههها
|
Post: #11
Title: Re: أم عبد الله تحيي كل البورداب والبوردابيات وترسل لي هذه الابيات
Author: Abdlaziz Eisa
Date: 10-18-2011, 11:00 AM
Parent: #10
Quote:
أم عبد الله تحيي كل البورداب والبوردابيات وترسل لي هذه الابيات
|
يا سعادة المسستشار........
ما بنقدر للرعد بدون مطرة!!
كدا خلينا في العنكوليب...
|
Post: #13
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 11:03 AM
Parent: #11
Quote: يا سعادة المسستشار........
ما بنقدر للرعد بدون مطرة!!
كدا خلينا في العنكوليب... |
يبدو جيت مذاكر كويس
|
Post: #12
Title: Re: أم عبد الله تحيي كل البورداب والبوردابيات وترسل لي هذه الابيات
Author: هويدا شرف الدين
Date: 10-18-2011, 11:03 AM
Parent: #10
عاين يا اسمك منو؟ الأيام دي مالك وحاسي بي شنو؟ قطع شك دا الإحساس البجي للزول قبلي ما يموت بي أربعين يوم ، وطبعا بتكون حاسي بي الم الضمير عشان كدا بتحاول تعمل كدا علي العموم موت مرتاح
|
Post: #14
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 11:07 AM
Parent: #12
| Quote: عاين يا اسمك منو؟ الأيام دي مالك وحاسي بي شنو؟ قطع شك دا الإحساس البجي للزول قبلي ما يموت بي أربعين يوم ، وطبعا بتكون حاسي بي الم الضمير عشان كدا بتحاول تعمل كدا علي العموم موت مرتاح |
مسنوحة امشي كبي الحب لاب عيالك برررررررررة زيي كدا - ربنا بكفر ليك سيئآتك كولها
|
Post: #15
Title: Re: أم عبد الله تحيي كل البورداب والبوردابيات وترسل لي هذه الابيات
Author: الزاكى عبد الحميد
Date: 10-18-2011, 11:12 AM
Parent: #10
جينا نتاوق..
|
Post: #16
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 11:16 AM
Parent: #15
متاوقتك ما بتضر كعب السنجك داك البيجي يقرأ هنا ويمشي يكشف حالنا بهناك عندكم
|
Post: #17
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-18-2011, 11:19 AM
Parent: #10
الطيب اخوي
اعمل حسابك الكلام ده خطير جدا ويمكن وراه مصيبه
اولا جاك الساعه كم .. وانت عملت شنو قبل مايجيك وبعد ما جاك
ياخي انا الجماعه ديل بخاف من حركاتهم االغير عاديه دي .. يعني
قصيدة نزار قباني دي كتبها قبل ما يموت وحسي ليه 5 سنين ميت
مالقتها ام عبدالله الا الليله ..
يابوي اقطع تذكرتك واجري الحق شوف الحاصل شنو.. خصوصا
بعد الرئيس ما قال ما بنسمع كلام مجلس الامن نحن واسرائيل
امانه ما وقع راجلا كلس
عمر علي حسن
|
Post: #18
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 11:41 AM
Parent: #17
| Quote: اولا جاك الساعه كم .. وانت عملت شنو قبل مايجيك وبعد ما جاك |
ات عارف يا خال الكلام دا وصل اليوم الساعة عشرة ص دى اللحظة البتكون فيها دائما تعبانة بتسوى لي في ملاح التقلية ومنتظرة اديها تشكرات من قبيل ( تسلم ايدك يا ام عبد الله او كان ختيتك كان لحقت امات طه وكدا)
Quote: ياخي انا الجماعه ديل بخاف من حركاتهم االغير عاديه دي .. يعني
قصيدة نزار قباني دي كتبها قبل ما يموت وحسي ليه 5 سنين ميت
مالقتها ام عبدالله الا الليله .. |
ياخ ديل حريم البندر ام عبد الله دي ايام كنا ساكنين الصعيد بتستحي من تفجير شحناتها العاطفيه لكن مما رحلنا الخرطوم صارت تفضفض ساي بلا حساب باقي لي حريم البندر ملن راسا كويس . وما كانت بتتصل كتير بالموبايل ايام كنا مع عولنا في الدندر - وهسع بقت تحسب ساعات الدوام وتعرف اللحظة المناسبة للمسكلة شفت كيف .
Quote: يابوي اقطع تذكرتك واجري الحق شوف الحاصل شنو.. خصوصا
بعد الرئيس ما قال ما بنسمع كلام مجلس الامن نحن واسرائيل |
لا لا يا خال سامعة ليها طقة وصلت اضانا طاااب - باقي لي عايزة تعمل تحديث لآليات الاحتواء العاطفي بفيرجن بندراوي جديد لنج
|
Post: #20
Title: Re: أم عبد الله تحيي كل البورداب والبوردابيات وترسل لي هذه الابيات
Author: عبدالرحيم أبراهيم العبيد
Date: 10-18-2011, 11:55 AM
Parent: #18
سعادة المسنشار
تحياتنا
اليومين دهـ الدهب سعره نزل شويه
ربنا يحفظكم ويديم المحبة بينكم
ودمتم وجميع أفراد الاسره يخبر
|
Post: #19
Title: Re: أم عبد الله تحيي كل البورداب والبوردابيات وترسل لي هذه الابيات
Author: طه إبراهيم عبد الله
Date: 10-18-2011, 11:51 AM
Parent: #17
| Quote: نعم لتوطين الحب داخل الاسرة |
دي دعوة جميلة ورائعة ومعناها الرجوع إلى القواعد سالمَا
بعد دوشة الحاجات الواقعة من السماء والدبايب الكيف كيف وهلم جرا
هاك المؤازرة دي
زي ماهي حبها
بحلوها ومرها
بص لحبيبتك حسها
زي ماهي حبها
لاحتآخد ايه ولاكام وليه ..ده العشق لو م القلب طالع
العمر حتى نضحي بيه ونغني للفجر اللي راجع
افتح خزاين ذكرياتك شوف الصور
والمس ضفاير بنت حلوة زى القمر
ح تلاقي قلبك يرتعش حب وشجن
ويدوب يدوب بين الضلوع لو كان حجر
تقدر تحقق أمنياتك رغم المحن
وتبقي قادر على الخوف والزمن
ف عيون تحبك تحضنك تنسى الخطر
زي ما هي حبها ح تلاقي أهلك .. ذكرياتك .. طعم الوطن
لاحتآخد ايه ولاكام وليه.. ده العشق لو م القلب طالع
العمر حتى نضحي بيه ونغني للفجر اللي راجع
|
Post: #21
Title: Re: أم عبد الله تحيي كل البورداب والبوردابيات وترسل لي هذه الابيات
Author: سيف الدولة كامل
Date: 10-18-2011, 12:05 PM
Parent: #19
يا ربي لاتبشتنا ولا تبهدلنا بعد العمر ده ,
اليلة وووووب عليك يا المسنوح يوم
شكرك ,,,,,,,,, خم وصر يا الفحل
|
Post: #22
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 12:15 PM
Parent: #21
ود العبيد
كييييييفك ؟
Quote: اليومين دهـ الدهب سعره نزل شويه
ربنا يحفظكم ويديم المحبة بينكم
ودمتم وجميع أفراد الاسره يخبر |
جمعا يا رب العالمين
|
Post: #23
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 12:18 PM
Parent: #22
طه ود ابراهيم
سلام
Quote: دي دعوة جميلة ورائعة ومعناها الرجوع إلى القواعد سالمَا
بعد دوشة الحاجات الواقعة من السماء والدبايب الكيف كيف وهلم جرا
هاك المؤازرة دي
زي ماهي حبها
بحلوها ومرها
بص لحبيبتك حسها
زي ماهي حبها
لاحتآخد ايه ولاكام وليه ..ده العشق لو م القلب طالع
العمر حتى نضحي بيه ونغني للفجر اللي راجع
افتح خزاين ذكرياتك شوف الصور
والمس ضفاير بنت حلوة زى القمر
ح تلاقي قلبك يرتعش حب وشجن
ويدوب يدوب بين الضلوع لو كان حجر
تقدر تحقق أمنياتك رغم المحن
وتبقي قادر على الخوف والزمن
ف عيون تحبك تحضنك تنسى الخطر
زي ما هي حبها ح تلاقي أهلك .. ذكرياتك .. طعم الوطن
لاحتآخد ايه ولاكام وليه.. ده العشق لو م القلب طالع
العمر حتى نضحي بيه ونغني للفجر اللي راجع |
ياخ انت عسل بس جبت احلى اغنية وفي الصميم كمان
|
Post: #24
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 12:21 PM
Parent: #23
الكامل ابو المسانيح
Quote: يا ربي لاتبشتنا ولا تبهدلنا بعد العمر ده ,
اليلة وووووب عليك يا المسنوح يوم
شكرك ,,,,,,,,, خم وصر يا الفحل |
هههههههههههههههههههههها
ممكن اديك احلى وصية ؟ بشرط في الصقيعة دى ما تقول لي في المسنغر
|
Post: #25
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-18-2011, 01:44 PM
Parent: #24
| Quote: باقي لي عايزة تعمل تحديث لآليات الاحتواء العاطفي بفيرجن بندراوي جديد لنج |
عارف
انا اليومين ديل الجماعه عاملين لي (يازبيده ما تموعي) وما في اي سبب ظاهر غير اني مشيت مصر
وجيت .. قوام قوام ..
ومن ديك الساعه انا يا قريب للباب يا قريب للشباك عشان اسهل الشراد لو طلع المخفي .. والجماعه
اصحابك ناس امير كاتلين حيلهم مع امهم .. حتي عموري داخل في اللعبه ..
كان سمعت ليك خبر طوالي صدّق
عمر علي حسن
|
Post: #26
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-18-2011, 02:05 PM
Parent: #25
غايتو انا واخوي شيقا نفس الكيس ( ال CASE).... مكتولين كمد
بس يا ربي ام محمد زي ام عبدالله ؟
غايتو حسب علمي ام محمد بتجيد النثر .. وبعيدة من الشعر
هل النثر ينفع يا شيقا.... عشان اديها امر وتطلع المكنون الليه مليون سنةوهي داساهو؟
بس برضو بقول يا سلااااااااااام يا شيقاوالله تستاهل
|
Post: #27
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 02:18 PM
Parent: #25
Quote: انا اليومين ديل الجماعه عاملين لي (يازبيده ما تموعي) وما في اي سبب ظاهر غير اني مشيت مصر
وجيت .. قوام قوام ..
ومن ديك الساعه انا يا قريب للباب يا قريب للشباك عشان اسهل الشراد لو طلع المخفي .. والجماعه
اصحابك ناس امير كاتلين حيلهم مع امهم .. حتي عموري داخل في اللعبه .. |
لا لا يا خال انا عرفت ليك حاجة - تاني شفت لو مشيت المكتب وعايز تتصل بتلفون البيت احذر تقدم طلبك لبتك او ولدك او زوجة ولدك او واحد من الاولاد - صحيح بيكون فيهم واحد شليق عايز يوريك اهتمامو بيك - لكن فطهم كووووووووولهم قول ليهم ادوني امكم اكلمها شفت كدا تاني تمشي قادل وسطهم ما تعتر ليك قشة والبرشك باللبن برشوا ليك كوووووووولهم بالدم .
شوف حت كباية الشاي دى الصباح ما يقوم واحد يشالق يجيبا ليك ولو بتّك - امهم بس وبعد تجيب ليك الكباية تتنتن الكباية وارفعها لا فوق وعاين للمدام وقول ليها تنجبري يا ام اكرم - تاني تسير امير يا ابا امير
|
Post: #28
Title: Re: أم عبد الله تحيي كل البورداب والبوردابيات وترسل لي هذه الابيات
Author: Afraa Sanad
Date: 10-18-2011, 02:19 PM
Parent: #27
إنت يا شيقوق بي صحك في مرة بتقول لي راجلها بحبك عشان يمسكها ليها لي يوم الدين أمشي شوف ليك شغلة
|
Post: #29
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 02:36 PM
Parent: #27
خالي حسن طه
والله يا سعادتك بوست تلتقي فيه قامتان ( سعادة المستشار حسن طه وسعادة اللواء معاش عمر على حسن) بيكون قمة في المتعة
Quote: غايتو انا واخوي شيقا نفس الكيس ( ال CASE)....
بس يا ربي ام محمد زي ام عبدالله ؟ |
بس الفرق ام محمد بتكون عارفة اسماء حاجات كالفور كوووووووولها ولا محتاجة تقلّب السلعة عشان تلقى الاسم وام عبد الله سقفها ما بفوت اللحوم والخضراوات و مصافي الشاي والقهوة وكان كترت بتمد يدها لكورنفلكس . وتاني ام محمد بتعرف انو من حقها ان تخصص لها بطاقة ائتمان للخمش بلا حدود وام عبد الله بتحفظ فلوسا في حقيبة يدها ساااااااااااى .
| Quote: غايتو حسب علمي ام محمد بتجيد النثر .. وبعيدة من الشعر |
بتكون اتعلمتو زمن الحب بالجوابات زمان - يبدأ الخطاب بعبارة (حبيبي حسن) وينتهي بعبارة (دام حبنا )
| Quote: هل النثر ينفع يا شيقا.... عشان اديها امر وتطلع المكنون الليه مليون سنةوهي داساهو؟ |
دا اخطر من الشعر لانو بكون صادق ما منجور - الشعر يمكن ينجروهو ليك نجر تقم تصدق
تعيش ام محمد
تعيش ام امير
عاشت ام عبد الله
|
Post: #30
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 02:42 PM
Parent: #29
عفراء
ازيك شدييييييييد
| Quote: إنت يا شيقوق بي صحك في مرة بتقول لي راجلها بحبك عشان يمسكها ليها لي يوم الدين أمشي شوف ليك شغلة |
وحاة الله لما كنا ساكنين عند اهلنا في الدندر هناك قبل نرحل لبندركم دا كانت بتخجل اسمى ما بتجيبو ولا كمان بتأكل معاى في صحن احد . رحلت امدرمان وسكنتها مع اولادها وسط محس امدرمان - يلا حريم المحس لمّن فيها بقت كلمة احبك دي ترميها لي زى العنكوليبة وبقت تقول وين يا ( ابو الطب) وتقول تعبانة قوم سوى لي شاى .
|
Post: #31
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-18-2011, 03:04 PM
Parent: #30
شيقا والله ضحكتني ضحك ... حامشي البيت وما حاتغدي ..رغم انو يوم الاتنين والجمعة عندنا الغدا كارب وام محمد بتخلص فيهم.
بعدين ياخي تختني مع القامة الجدجد سعادة اللواء عمر؟
يا ربي هل هو الرئيس السابق لنادي الهلال العظيم؟؟
تحياتنا لسموالشاعرة
|
Post: #32
Title: Re: أم عبد الله تحيي كل البورداب والبوردابيات وترسل لي هذه الابيات
Author: بله محمد الفاضل
Date: 10-18-2011, 03:48 PM
Parent: #31
أبو الطب
بالله انعدل معانا
الله يرضى عليك
..........
|
Post: #33
Title: Re: أم عبد الله تحيي كل البورداب والبوردابيات وترسل لي هذه الابيات
Author: محمد على طه الملك
Date: 10-18-2011, 03:52 PM
Parent: #31
قلت لي نزار منو؟
اظنك الليلة يا شيخ العرب راكب وخالف فوق حمار النوم..
يا خوي دوبي دوبايك..
ربنا يحفظكم ويحفظ وليداتكم.
|
Post: #34
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 04:19 PM
Parent: #33
الخال حسن طه
| Quote: رغم انو يوم الاتنين والجمعة عندنا الغدا كارب وام محمد بتخلص فيهم. |
يا ود البوب هو زول بطاقة إئتمانو في حقيبتو كيف ما بسبّك الطعام - حالف اجيكم قطر عشان اضوق طعام ام محمد المسبّك دا
| Quote: يا ربي هل هو الرئيس السابق لنادي الهلال العظيم؟؟ |
نعم نعم يا خال هو سعادة اللواء معاش / عمر على حسن مدير عام شرطة الخرطوم سابقا، والرئيس السابق لنادي الهلال .
كنت فاكر بتتعارفوا ووالله قصدت بالمداخلة السابقة خلق نوع من التعارف بينكما
يا ابا امير :
الخال حسن طه دا مستشار قانوني شامخ بالحيل و من خريجي جامعة الخرطوم عام 1973 ، على ما اعتقد ، وهو الان من وجهاء السودانيين في العاصمة القطرية الدوحة .
|
Post: #35
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 04:21 PM
Parent: #34
بلبل
Quote: أبو الطب
بالله انعدل معانا
الله يرضى عليك |
ياخ ابشر انت بكسروا خاطرك آآآآآآآ العشاء اب لبن ؟
|
Post: #36
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 04:24 PM
Parent: #35
مولانا المانجل ود الملك
سلام ياخ والشوق ليك مطر
شنو الطولة دى ؟ ولا برضك محتاج يرموا ليك التابلت زى مولانا حسن طه ؟
Quote: قلت لي نزار منو؟
اظنك الليلة يا شيخ العرب راكب وخالف فوق حمار النوم..
يا خوي دوبي دوبايك.. |
افو آآآآآآآ مانجل كتيرة علينا ؟
|
Post: #37
Title: Re: أم عبد الله تحيي كل البورداب والبوردابيات وترسل لي هذه الابيات
Author: محمد على طه الملك
Date: 10-18-2011, 04:44 PM
Parent: #36
Quote: افو آآآآآآآ مانجل كتيرة علينا ؟
|
حرررم ما كتيره..
علا عيني في عينك كدا..
خلها تمنيات متل اللت مولانا حسن.
|
Post: #38
Title: Re: أم عبد الله تحيي كل البورداب والبوردابيات وترسل لي هذه الابيات
Author: محمد عبدالرحمن محمد
Date: 10-18-2011, 05:02 PM
Parent: #36
| Quote: تعبانة قوم سوى لي شاى |
الضربة القاااضية الفنيه!
|
Post: #39
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 05:25 PM
Parent: #38
مولانا الملك
Quote: حرررم ما كتيره..
علا عيني في عينك كدا..
خلها تمنيات متل اللت مولانا حسن. |
طيب خلونا نقراها ونستصحب شذاها في علاقاتنا مع امات اولادنا
|
Post: #40
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-18-2011, 06:21 PM
Parent: #39
| Quote: الضربة القاااضية الفنيه! |
وكمان بنفس بااااااااااااارد يا سجم الرماد
|
Post: #41
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-19-2011, 07:01 AM
Parent: #40
Quote: يا ود البوب هو زول بطاقة إئتمانو في حقيبتو كيف ما بسبّك الطعام - حالف اجيكم قطر عشان اضوق طعام ام محمد المسبّك دا
ياخي نحنا منتظرنك ومعاك ام عبدالله لينا سنين.. وما دام حالف خلاص من اليوم الاستعدادات حتكون علي قدم وساق ومن هسه الاوامر حتصدر لتجهيز الغرفة بملايات جديدة من دوحة سيتي.
Quote: يا ربي هل هو الرئيس السابق لنادي الهلال العظيم؟؟
نعم نعم يا خال هو سعادة اللواء معاش / عمر على حسن مدير عام شرطة الخرطوم سابقا، والرئيس السابق لنادي الهلال .
كنت فاكر بتتعارفوا ووالله قصدت بالمداخلة السابقة خلق نوع من التعارف بينكما
|
للأسف لم أسعد وأتشرف بعرفته شخصيا.
كنت أعرفه من بعيد بصفته شخصية عامة وبصفته رئيس لنادي الامة السودانية هلالنا العظيم.
للأسف كنا سويا في السعودية ولكن لم تجمعنا الظروف معا.
يكون لي الشرف بمعرفته والتعرف عليه ويا ريت تديه رقم تلفوني او ترسل لي رقم تلفونه.
تحياتي لابي امير.
وشكرا ابو عبدالله ومن خلالك نتعرف علي كل جميل.
|
Post: #42
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 07:52 AM
Parent: #41
الخال ود البوب
صباحك ورد
| Quote: يكون لي الشرف بمعرفته والتعرف عليه ويا ريت تديه رقم تلفوني او ترسل لي رقم تلفونه. |
جدا يا خال أنت تأمر بس
|
Post: #43
Title: Re: أم عبد الله تحيي كل البورداب والبوردابيات وترسل لي هذه الابيات
Author: عبدالرحمن الحلاوي
Date: 10-19-2011, 08:30 AM
Parent: #41
ود شيقوق يا ابن عمي
سلامي للأسرة وأخص ام عبدالله بالسلام وإتاحتها لكم التعبير عن فيض المشاعر التي جاشت بها قريحة نزار قباني ...شكلك الأيام دي مس/ق/خ ...وعايز تعمل م/ق هههههههههه طول الله عمرك وعمرها وبارك لكما في حسن العشرة وتأدية رسالة الأبوة والأمومة ليس بالأمر الهين
|
Post: #44
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 09:00 AM
Parent: #43
ابن العم الرفاعي
| Quote: سلامي للأسرة وأخص ام عبدالله بالسلام وإتاحتها لكم التعبير عن فيض المشاعر التي جاشت بها قريحة نزار قباني ...شكلك الأيام دي مس/ق/خ ...وعايز تعمل م/ق هههههههههه طول الله عمرك وعمرها وبارك لكما في حسن العشرة وتأدية رسالة الأبوة والأمومة ليس بالأمر الهين |
تسلم تسلم يا زعيمنا
|
Post: #45
Title: Re: أم عبد الله تحيي كل البورداب والبوردابيات وترسل لي هذه الابيات
Author: بله محمد الفاضل
Date: 10-19-2011, 09:36 AM
Parent: #44
شاعرنا شيقا
أها
سويت شنو في الوصية
عليك الله ما تنسى
صلاة الصبح
وأوكات التهجد
سمح
فتك بعافية آ الزين
|
Post: #46
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 09:39 AM
Parent: #45
Quote: عليك الله ما تنسى
صلاة الصبح
وأوكات التهجد |
حاضر يا بلبل على العين والراس
|
Post: #47
Title: Re: أم عبد الله تحيي كل البورداب والبوردابيات وترسل لي هذه الابيات
Author: فايزودالقاضي
Date: 10-19-2011, 09:51 AM
Parent: #1
| Quote: وهو الذي شطب النساء جميعهن .. بلحظه |
| Quote: شكرا لخصرك، كيف جاء بحجم أحلامي، وحجم تصوراتي |
Quote: شكرا لأنك تسكنين قصائدي..
شكرا...
لأنك تجلسين على جميع أصابعي |
ام عبدالله دي مالا بتخاطبك بنون النسوة ؟!!!!!!
معقولة توصف في خصرك !!! ههههههههههه
|
Post: #48
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 09:54 AM
Parent: #47
ود القاضي
Quote: ام عبدالله دي مالا بتخاطبك بنون النسوة ؟!!!!!!
معقولة توصف في خصرك !!! ههههههههههه |
للتعظيم ياخ
الله يغطس حجرك الناس ديل كوووووووووولهم جوا دايسين ابنص في الابيات دي علا انت
بتبحت مالك ياخ؟
|
Post: #49
Title: Re: أم عبد الله تحيي كل البورداب والبوردابيات وترسل لي هذه الابيات
Author: فايزودالقاضي
Date: 10-19-2011, 09:58 AM
Parent: #48
فعلاً ان كيدهن عظيم ..
|
Post: #50
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمار محمد ادريس
Date: 10-19-2011, 10:10 AM
Parent: #49
التحية لام عبدالله وابو عبدالله ظاااطو
|
Post: #51
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 10:24 AM
Parent: #50
| Quote: فعلاً ان كيدهن عظيم .. |
شكرا بس ما تنكت تاني سمح؟
عمار
احييييييييييك من على البعد يا لذيذ
|
Post: #52
Title: Re: أم عبد الله تحيي كل البورداب والبوردابيات وترسل لي هذه الابيات
Author: بله محمد الفاضل
Date: 10-19-2011, 10:24 AM
Parent: #47
إتو دا منو
المتقمص شخشية ود القاضي؟؟؟؟؟؟
|
Post: #53
Title: Re: أم عبد الله تحيي كل البورداب والبوردابيات وترسل لي هذه الابيات
Author: Ahmed Yousif Abu Harira
Date: 10-19-2011, 11:08 AM
Parent: #52
Quote: ام عبدالله دي مالا بتخاطبك بنون النسوة ؟!!!!!!
معقولة توصف في خصرك !!! ههههههههههه |
ههههه
نحن فهمناها مناجاة.
نص لابو عبدالله ونص لام عبدالله.
دويتو يعني ،
كما في "الريدة.. الريدة.. الريدة"
بين الفلاتية واحمد عبدالرزاق
وللا شنو آآآ ابو الطب؟
ـــــــــــــــ
اقعد وطِن كده لمن يقولو لك غسل العدة
|
Post: #54
Title: Re: أم عبد الله تحيي كل البورداب والبوردابيات وترسل لي هذه الابيات
Author: Ahmed Yousif Abu Harira
Date: 10-19-2011, 11:19 AM
Parent: #53
حاولت اهديك
"الريدة الريدة" وفشلت في تحميلها
عموما انا خمشتها من هنا
اسمع واحفظها عندك
ان شاء الله دايما سعيد يا ابا الطب
من رواائع الزمن الجميل...دويتو عائشة الفلاتية و..........؟!
|
Post: #56
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 11:27 AM
Parent: #54
الناظر احمد اب حريرة
كيييييييفك
Quote: نحن فهمناها مناجاة.
نص لابو عبدالله ونص لام عبدالله.
دويتو يعني ،
كما في "الريدة.. الريدة.. الريدة"
بين الفلاتية واحمد عبدالرزاق
وللا شنو آآآ ابو الطب؟ |
هههههههههههههها ياخ الاغنية محظورة في المكتب علا امشي البيت افتحها واقدل فيها
ـــــــــــــــ
| Quote: اقعد وطِن كده لمن يقولو لك غسل العدة |
هههههههههههههههههها مسنوووووووووح هو زول بورق الخدرة غالبو غسيل العدة ياخ؟
|
Post: #57
Title: Re: أم عبد الله تحيي كل البورداب والبوردابيات وترسل لي هذه الابيات
Author: محمد المرتضى حامد
Date: 10-19-2011, 11:38 AM
Parent: #54
شيقا قباني..
هاو آر يو دوينق؟
تحاياي لك ولزائريك،
| Quote: إنت يا شيقوق بي صحك في مرة بتقول لي راجلها بحبك عشان يمسكها ليها لي يوم الدين أمشي شوف ليك شغلة |
أصدقك القول يا عفراء ..
حا يمسكا ليها إلى يوم الدين وستزداد وسامته - كما قال نزار- وستلغي في عينيه كل من سواها..
ستبقى الكلمة الماصة لكل أخطائها ، بل خطاياها ، حتى يوارى الثرى ..
لكن الظاهر كلام دفع الله صاح....
-
|
Post: #55
Title: Re: أم عبد الله تحيي كل البورداب والبوردابيات وترسل لي هذه الابيات
Author: عبدالرحمن الحلاوي
Date: 10-19-2011, 11:22 AM
Parent: #53
ها ناس أدوا الزول فرقة يعبر عن أحلامو ..أم عبدالله برة الخت ...لا عارفة نزار قباني ولا الزلمات البقولو الكلام دا ...دا عندنا عيب ..اسم الطيب ذاته ما بتقال خليك من خصر وخنصر ..خليك الطيب في عنكوليبك وارعى بهمك ..هسع كان بقيت حاجة تانية ...داير لي شقة في البطانة بغنمي ..بجيك دافر يا نافر هههههههه
|
Post: #58
Title: Re: أم عبد الله تحيي كل البورداب والبوردابيات وترسل لي هذه الابيات
Author: فايزودالقاضي
Date: 10-19-2011, 11:56 AM
Parent: #55
وجاهة وشباب ماشاء الله ..ده ولدك ياشيقا ؟!!!
الكرفتة مطقمة مع الجريدة ...
|
Post: #59
Title: Re: أم عبد الله تحيي كل البورداب والبوردابيات وترسل لي هذه الابيات
Author: محمد المرتضى حامد
Date: 10-19-2011, 12:20 PM
Parent: #58
| Quote: الكرفتة مطقمة مع الجريدة ... |
عقبال ما يطقِّم مع (الحب والظروف)..
|
Post: #60
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 12:36 PM
Parent: #59
Quote: شيقا قباني..
هاو آر يو دوينق؟
تحاياي لك ولزائريك، |
من شيقا بايت الى شيقا قباني
اها ننتظر التالتة تكون شنو - غاتو اظنها تكون شيقا أويل oil
|
Post: #61
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 12:40 PM
Parent: #60
الحلاوي
| Quote: ها ناس أدوا الزول فرقة يعبر عن أحلامو ..أم عبدالله برة الخت ...لا عارفة نزار قباني ولا الزلمات البقولو الكلام دا ...دا عندنا عيب ..اسم الطيب ذاته ما بتقال خليك من خصر وخنصر ..خليك الطيب في عنكوليبك وارعى بهمك ..هسع كان بقيت حاجة تانية ...داير لي شقة في البطانة بغنمي ..بجيك دافر يا نافر هههههههه |
انت مالك مكشوف حال
خليني اتجدع واقدل وسط ناس البندر ياخ
|
Post: #62
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 12:53 PM
Parent: #61
ود القاضي
Quote: وجاهة وشباب ماشاء الله ..ده ولدك ياشيقا ؟!!!
الكرفتة مطقمة مع الجريدة ... |
شكيتك على الله هسع الصورة كبرتها كيف ؟
حالف تمشي ترميها لحبوبة بت شرف الدين في بوستيها عشان تآآآآآآآآآآآآآآآمن
بس ارخي لي اضانك اديك سر اوع تقولو لزول :
اول بالتبادي : الكرفتة دي حرم رسلها لي صاحبي البوردابي الفاتح ميرغني من طوكيو يعني إستاندرد ما ضاقت ليها خرتة أبدا
تاني التبادي : يوم جابوها لي اتلهمت بيها صاحبك مرتضى حامد ، على بعد عشرين كيلو من بيتي ، عشان يربطا لي ربطة الشاميين القيافة وكدا ( مثلث صغيروووون ) ، ابيت اربطا برباطي انا البخليها مكومة زى اللّيد الصارنها لضربة ام دلدم .
كتر خير البروف على عوض يوسف الجاء شاقي بيها الفيافي من طوكيو لحدى عمان
|
Post: #63
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر صديق
Date: 10-19-2011, 02:10 PM
Parent: #62
سلامات ياشيقا
وقديمة دي
والعب غيرا
--------------------
التحيايا لك ولام عبد الله
|
Post: #64
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 03:05 PM
Parent: #63
صديقي ود الصديق
Quote: وقديمة دي
والعب غيرا |
انتو مالكم مكشوفين حال
عالم ما بتريح ياخ
|
Post: #65
Title: Re: أم عبد الله تحيي كل البورداب والبوردابيات وترسل لي هذه الابيات
Author: محمد عبدالرحمن محمد
Date: 10-19-2011, 04:22 PM
Parent: #64
يا شيخ المسانيح
بوستك ده شكلو حايجيبلي ريح صرصر، مو هوا وبس*
الشاهد
الفاضل ود الأفاضل أحمد أبوحريره جاب الرابط للبوست المريح ده
من رواائع الزمن الجميل دويتو عائشة الفلاتية....؟!
زرتو وحسيت متل اتكني صِبَي مِنّاوجَديد
إنت آطِّيِّب وَخوك الكاشف ابحريره أكبر مسانيح ومساخيت
حُمّدْ عثمان
سيد
من رواائع الزمن الجميل...دويتو عائشة الفلاتية و..........؟!
ياخي شكرن علي البوست الدسم الما شفتو إللي بعد حال عليهو الحول
_
* اللبيبُ بالإشارة يَفْهَمُ
|
Post: #66
Title: Re: أم عبد الله تحيي كل البورداب والبوردابيات وترسل لي هذه الابيات
Author: عماد الشبلي
Date: 10-19-2011, 04:44 PM
Parent: #65
صلحنا ليك صورتك شويه
عشان خاطر ام عبد الله
وهلا هلا هلااااااااااااه
|
Post: #67
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 05:17 PM
Parent: #65
امحمد ود عبد الرجمن
| Quote: بوستك ده شكلو حايجيبلي ريح صرصر، مو هوا وبس* |
احسن ليكم تأخد بعضك وتلم روحك قبال تلم فيك الحكومة تغطس حجرك
|
Post: #68
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-19-2011, 05:20 PM
Parent: #67
ود الشبلي
Quote: صلحنا ليك صورتك شويه
عشان خاطر ام عبد الله
وهلا هلا هلااااااااااااه |
ما تخاف البوست عاملنو رضوة رضوة رضوة فاهمني ؟
ليش صورة البروفايل طلعت صغيييييييييرة ما عندك فنون يكبرنها؟
|
Post: #69
Title: Re: أم عبد الله تحيي كل البورداب والبوردابيات وترسل لي هذه الابيات
Author: Hassan Makkawi
Date: 10-19-2011, 08:19 PM
Parent: #68
| Quote: نعم لتوطين الحب داخل الاسرة |
اللهم إنى أسألك
خاراً ساجداً
دامعاً وباكياً
أن توطن الحب داخل اسرة بن شيقوق
واسرة كل من مر على هذا الكتاب
مشاركاً إن كان
أو
مشاهداً
وسبحان الله وبحمدة
|
Post: #70
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-20-2011, 05:55 AM
Parent: #69
حسن مكاوي
Quote: اللهم إنى أسألك
خاراً ساجداً
دامعاً وباكياً
أن توطن الحب داخل اسرة بن شيقوق
واسرة كل من مر على هذا الكتاب
مشاركاً إن كان
أو
مشاهداً |
ياخ دي اجمل واحلى الدعوات ربنا يوطن الحب في حلتكم كوووولها
|
Post: #71
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-20-2011, 06:51 AM
Parent: #70
شيقا أخوي
جد جد كدا .. الكرافتة دي تستاهل ليها لكزس
أغرب حكايةربطة الكرافتة
يجوني مليون واحد .. بالله يا استاذ اربط لي الكرافتة دي وآخرهم طالب ماليزيا ود اختنا في مناسبة زواج.
المشكلة يا شيقا كوووولهم ازبط ليهم الربطة وانا ذاتي نمن اشوفها أعجب بيهاواقول ليهم الربط ليكم الكرافتة دي منو ؟.
الا ربطة اخوك ... زيك بس ... اكومها ليك كوم ولا كوم كرافتة شيقا.
لكن بصراحة لو الكرافتة من اصل بلادو .. من ميلان ولا باريس
ممكن تربطها وانت مغمض
أما كرافتات شانغهاي الملت الدنيا دي حتي لو تفرغت ليها يوم كامل ... الربطة ما بتجي مظبوطة.
عشان كدا قررت يا كرافتات حرير يا ما عايز كرافتة من زول.
اها ام عبدالله هداياها من الكرافتات وعطور باريس كيف ؟
|
Post: #72
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-20-2011, 07:55 AM
Parent: #71
| Quote: جد جد كدا .. الكرافتة دي تستاهل ليها لكزس |
آي يا خال لكن موديل كم ؟ اخوك لا بتنفع معاهو آخر موديلات لانها محتاجة لتأمين شامل و Cosmetics وكدا ولا كمان الموديلات القديمة لانها محتاجة لصيانة دورية بس ابقى لي على موديلات 90 - 2008 سكند هاند وما مشت كتير .
فاهمنى ولا سارح انت؟
Quote: أغرب حكايةربطة الكرافتة
يجوني مليون واحد .. بالله يا استاذ اربط لي الكرافتة دي وآخرهم طالب ماليزيا ود اختنا في مناسبة زواج. |
غايتو انا جاييك بس تكون هديك لي كرفتة من النوع الممكن تخمشو في يدك وتحس بيدك فاضية - يعني يكون ملمسا زى ملمس رغوة الهبوط الاضطراري الفرشوها لكابتن السر ولحست صدمة الفوركز زى الايسكريم . تاني ما بكلفك برباطا اصلا عشان عندى هنا ود المرتضى يدو سريعة وخفيفة في الرباط . شفتو يوم داك بربط لي في هدية الفاتح اليابانية تذكرت نساجين شباك الزرزور عندنا في ضهارينا .
| Quote: أما كرافتات شانغهاي الملت الدنيا دي حتي لو تفرغت ليها يوم كامل ... الربطة ما بتجي مظبوطة. |
شنغهاي شنو؟ انت كدى املأ عينك كويس في كرفتتة الفاتح دي شوف هو بن جين بن تاو لابسا؟
| Quote: اها ام عبدالله هداياها من الكرافتات وعطور باريس كيف ؟ |
عييييييييييك ام عبد الله الدلاقين دي ولا بترفع ليها عينا ياخ
|
Post: #73
Title: Re: أم عبد الله تحيي كل البورداب والبوردابيات وترسل لي هذه الابيات
Author: Abdlaziz Eisa
Date: 10-20-2011, 08:25 AM
Parent: #72
|
Post: #74
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-20-2011, 08:42 AM
Parent: #73
يا عزو ياخي الحفيدة دي بطقوها لي بعين
الله يجازيك خمشتها من وين؟
دي طبعا زلفى عبد الله الطيب شيقوق يا خال حسن طه
|
Post: #75
Title: Re: أم عبد الله تحيي كل البورداب والبوردابيات وترسل لي هذه الابيات
Author: Abdlaziz Eisa
Date: 10-20-2011, 09:14 AM
Parent: #74
Quote:
يا عزو ياخي الحفيدة دي بطقوها لي بعين
الله يجازيك خمشتها من وين؟
|
عين!!
وإت كت في اللكندي بتتفسح!!!
ولا بتاكل عنكوليب في أم شوكة!!
|
Post: #76
Title: Re: أم عبد الله تحيي كل البورداب والبوردابيات وترسل لي هذه الابيات
Author: هويدا شرف الدين
Date: 10-20-2011, 09:15 AM
Parent: #74
يا فائز سلامات والله بالغت في الكرفته بس اموت واعرف المكتب القاعد فيهو دا بتاع منو ، وسبحان مقسم الارزاق لو ما الدنيا عجيبه العريبي دا مكتب شنو غايتو قطع شك بكون دفع الشئ الفلاني عشان ياخد صوره في مكتب ذي دا
|
Post: #77
Title: Re: أم عبد الله تحيي كل البورداب والبوردابيات وترسل لي هذه الابيات
Author: فايزودالقاضي
Date: 10-20-2011, 09:35 AM
Parent: #76
هويدا ...سلام
| Quote: يا فائز سلامات والله بالغت في الكرفته بس اموت واعرف المكتب القاعد فيهو دا بتاع منو ، وسبحان مقسم الارزاق لو ما الدنيا عجيبه العريبي دا مكتب شنو غايتو قطع شك بكون دفع الشئ الفلاني عشان ياخد صوره في مكتب ذي دا |
صراحة دي مافاتت على ..لذلك اتصلت على اخونا محمد المرتضى وسالته عن المكتب القاعد فيهو شيقا..
قال لي : يافايز ماتحرجني وامتنع عن الافصاح ...
انا طبعاً فهمتها طوالي ,,دي لو انت ماكان فهمتيها ..
|
Post: #78
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-20-2011, 10:16 AM
Parent: #77
جاييكم يا مسجمين اى واحد بكسر في راسو قصة عنكوليب
المسنوحة العنكوليبة ما بتقدري عليها
شغل ما قادر احك راسي
|
Post: #79
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-21-2011, 06:36 AM
Parent: #78
| Quote: يا فائز سلامات والله بالغت في الكرفته بس اموت واعرف المكتب القاعد فيهو دا بتاع منو ، وسبحان مقسم الارزاق لو ما الدنيا عجيبه العريبي دا مكتب شنو غايتو قطع شك بكون دفع الشئ الفلاني عشان ياخد صوره في مكتب ذي دا |
جنس سناحة لكن
|
Post: #80
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-21-2011, 02:34 PM
Parent: #1
نعم لتوطين الحب داخل الاسرة
|
Post: #81
Title: Re: أم عبد الله تحيي كل البورداب والبوردابيات وترسل لي هذه الابيات
Author: خالد المحرب
Date: 10-21-2011, 05:28 PM
Parent: #80
يبهتك الله
باهته مالك ( شوك حوت كدى بس )
|
Post: #82
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-21-2011, 09:14 PM
Parent: #81
Quote: يبهتك الله
باهته مالك ( شوك حوت كدى بس ) |
زي لبهتك لام احمد نامن لهمتها وجع الضهر يا سجم الرماد
|
Post: #84
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-23-2011, 07:03 AM
Parent: #83
| Quote: دي طبعا زلفى عبد الله الطيب شيقوق يا خال حسن طه |
ما شاء الله وتبارك الله
ربنا يحفظها زلفي الكريمة ابنة الكريم اللي منحتك لقب " جدو ".
--------
اول أمس سعدت بمحادثة هاتفية طويلة مع القامة عمر علي حسن
فالشكر له ولك صديقي العزيز.
---------
نجي للموضوع :
بعض انواع الربطات يا شيقا:
Atlantic
Diagonal
For-In- Hand
Kelvin
Oriental
Persian
Platsburg
Pratt
Simple Double
St.Andrew
Bow Tie
واحدة منهم يا شيقا بتتربط بالقلبة ... تفتكر ويتش؟
زي ما قال المصري : نعلموكم وناكل من بيوتنا
ايه رايك في الثقافة الكرافتاتية دي ؟؟
|
Post: #85
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-24-2011, 06:08 AM
Parent: #84
مولانا شيقا
يبدو عليك مشغول بجريدة او مضيوف
صح ولا ما غلط
ما جاوبت علي الاسئلة
|
Post: #86
Title: Re: أم عبد الله تحيي كل البورداب والبوردابيات وترسل لي هذه الابيات
Author: وليد عبد اللطيف
Date: 10-24-2011, 07:18 AM
Parent: #85
Quote: شيقا أخوي
جد جد كدا .. الكرافتة دي تستاهل ليها لكزس
أغرب حكاية ربطة الكرافتة |
بالله لم العده دي وختها في كيس او ظرف
ورسلها المكان دا
جدة تقاطع شارع البلدية مع الستين
صندوق بريد 1111111111111.
.
.
ياشيقا ياخي خطتك فشلت
كل مره اقول لي ام اسيل نظرية شيقا بتقول
الراجل مايقعد في البيت كتير مع المره
ومن اليوم داك شابكها ليك كورة بالليل وكتشينه
قالت دا اللقيناهو من شيقا
دحين بفتشوا في عنوانك وفي حالة العدم بيمسكو في رقبة صاحبك المستشار (ود البوب )
|
Post: #87
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-24-2011, 10:34 AM
Parent: #86
| Quote: دحين بفتشوا في عنوانك وفي حالة العدم بيمسكو في رقبة صاحبك المستشار (ود البوب ) |
شوف يا وليد اخوي
انا برا الموضوع
امسك في شيقا قوي
ولو عايز مساعدة صديق .... جاهزين .. اجيبو ليك من طقاطيق الارض
|
Post: #88
Title: Re: أم عبد الله تحيي كل البورداب والبوردابيات وترسل لي هذه الابيات
Author: وليد عبد اللطيف
Date: 10-24-2011, 12:53 PM
Parent: #87
Quote: شوف يا وليد اخوي
انا برا الموضوع
امسك في شيقا قوي
ولو عايز مساعدة صديق .... جاهزين .. اجيبو ليك من طقاطيق الارض |
بس امانه ماوقع راجل
يازول شبكتها ليك شيقوق قال وشيقوق قال دا زول خبرة اكتر من تلاتين سنة و له نظريات كثيرة
في التعامل مع النصف الاخر ...
ياسعادة المستشار ود البوب
الف حمدا على سلامة الوالده واختكم
حجا مبرورا وسعيا مشكورا
|
Post: #89
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-24-2011, 01:50 PM
Parent: #88
Quote: ياسعادة المستشار ود البوب
الف حمدا على سلامة الوالده واختكم
حجا مبرورا وسعيا مشكورا
|
شكرا وليد
وان انشاء الله ومعي ام محمد حاجين السنة دي معاهم.
تقبل الله من الجميع صالح الاعمال
|
Post: #90
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-24-2011, 07:04 PM
Parent: #83
الحلاوي
هييييييييييييييييع نحن عدونا بالجيم والكلاش بنقودو
تسلم يا زعيمنا
ياخ اخي الطالب الذى أغتيل ومن سنار والعاملين ليهو بوست هنا هو ابن اخينا صلاح اب نوز او صلاح محمد على
ربنا يرحمه ويديهم الصبر
انا لله وانا اليه راجعون
|
Post: #91
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-24-2011, 07:16 PM
Parent: #90
يا خال
والله البوست دا فلت من يدي والله قايلو غتس اتاريك والحبيب وليد خمشتوهو من القاع
عافي منكم دنيا واخرة . قالوا آخر الزمن الرطانة بتبينوا شفت كيف؟
| Quote: ايه رايك في الثقافة الكرافتاتية دي ؟؟ |
والله يا ود البوب اتاريك مضيع نفسك مع القانون - ياخ انت افضل بتاع مراسم في العالم
لكم اسعدنى جدا جدا ان اسمع بتواصلك الهاتفي مع سعادة الخال عمر على حسن ضؤ القبيلة ومقنع الكاشفات
ياخ ابو امير دا الافندية ما بتشبهو اصلا دا يستاهل يكون جالس تحت راكوبتو الما خمج وسكينو مسلولة للخرفان للغاشي والداني
|
Post: #92
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-24-2011, 07:36 PM
Parent: #91
الوليد
Quote: كل مره اقول لي ام اسيل نظرية شيقا بتقول
الراجل مايقعد في البيت كتير مع المره
ومن اليوم داك شابكها ليك كورة بالليل وكتشينه
قالت دا اللقيناهو من شيقا |
ههههههههههههههههها قول لأم اسيل اسعى جادة لجعل الوحدة جاذبة واي دغمسة منفرة بتلهمنا الكورة والكتشينة
ولا تكون الوحدة جاذبة الا بالاتي :-
اولا : تبطل النقة الكتيرة وتسلم بطاقة الائتمان فورا
ثانيا: الا تسألك كنت وين او ماشي وين
ثالثا : الا تتبع علاقاتك المسنغرية ( ياهو - هوتميل - جي ميل - وإسكايبي)
رابعا: الا تهتم بالرسائل الموبايلية خاااااااااااالص
خامسا : الا ترفع موبايلك لدى اتصال اى شخص بك
سادسا: الا تتنقل بين بناتا عند النفاس من شهر لآخر ( بس دي ما اتعتقد عندك ولا عند الخال حسن ربما عندي وعند خالك عمر على حسن)
جاييك راجع
|
Post: #93
Title: Re: أم عبد الله تحيي كل البورداب والبوردابيات وترسل لي هذه الابيات
Author: عبدالرحمن الحلاوي
Date: 10-25-2011, 07:07 AM
Parent: #92
خالص التعازي وأسأل الله ان يجعله من أصحاب اليمين إنا لله وإنا إليه راجعون
|
Post: #94
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-25-2011, 09:05 AM
Parent: #93
| Quote: خالص التعازي وأسأل الله ان يجعله من أصحاب اليمين إنا لله وإنا إليه راجعون |
آمييييييييييين يا رب
|
Post: #95
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-25-2011, 01:33 PM
Parent: #94
Quote: ولا تكون الوحدة جاذبة الا بالاتي :-
اولا : تبطل النقة الكتيرة وتسلم بطاقة الائتمان فورا
ثانيا: الا تسألك كنت وين او ماشي وين
ثالثا : الا تتبع علاقاتك المسنغرية ( ياهو - هوتميل - جي ميل - وإسكايبي)
رابعا: الا تهتم بالرسائل الموبايلية خاااااااااااالص
خامسا : الا ترفع موبايلك لدى اتصال اى شخص بك
سادسا: الا تتنقل بين بناتا عند النفاس من شهر لآخر ( بس دي ما اتعتقد عندك ولا عند الخال حسن ربما عندي وعند خالك عمر على حسن |
مولاناشيقا
من واحد لحدي خمسة غيــــــــــــــــــر مقدور عليها البتة...
السادسة بنتمناهاوانا شخصيا بنفذها حتي ولو غصبا
ايه رايك؟السادسة
|
Post: #96
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-25-2011, 05:27 PM
Parent: #95
Quote: ههههههههههههههههها قول لأم اسيل اسعى جادة لجعل الوحدة جاذبة واي دغمسة
منفرة بتلهمنا الكورة والكتشينة |
الطيب .. ومولانا حسن طه
(وحده) .. وكمان جاذبه
وكمان سته شروط .. خليتو شنو لسلفاكير طيب ؟
الجماعه ديل كونهم راضين ييكم وساكتين ، تحمدوا ربكم وتبوسوا ايدكم وش وظهر ..
انا متابع وممتنع عن الادلاء بأي اقوال لانني اعرف تماما قدر نفسي ولابس تشريفه
وحافظ النظام .. وكمان ما عندي اي مطالب .. وكوتشينتي في جيبي العب بيها براي
لما اكون عايز اعمل مشغول .. والكوره بسجلها عشان اشوفها براي بعد ما الناس
ينوموا والكون ما يبقي فيه زول صاحي غير رب العالمين والشاويش النبطشي وانا ..
ودلوقتي بعد الحصل للكوتش انا عايز اتخلص من الكوتشينه والفيديو وانوم من
المغرب .. جايين تقولوا لي وحده جاذبه وسته شروط ..
عمر علي حسن
|
Post: #97
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-25-2011, 06:10 PM
Parent: #96
الخالان ابو اكرم وود البوب
Quote: مولاناشيقا
من واحد لحدي خمسة غيــــــــــــــــــر مقدور عليها البتة...
السادسة بنتمناهاوانا شخصيا بنفذها حتي ولو غصبا
ايه رايك؟السادسة
|
Quote: الطيب .. ومولانا حسن طه
(وحده) .. وكمان جاذبه
وكمان سته شروط .. خليتو شنو لسلفاكير طيب ؟
الجماعه ديل كونهم راضين ييكم وساكتين ، تحمدوا ربكم وتبوسوا ايدكم وش وظهر ..
انا متابع وممتنع عن الادلاء بأي اقوال لانني اعرف تماما قدر نفسي ولابس تشريفه
وحافظ النظام .. وكمان ما عندي اي مطالب .. وكوتشينتي في جيبي العب بيها براي
لما اكون عايز اعمل مشغول .. والكوره بسجلها عشان اشوفها براي بعد ما الناس
ينوموا والكون ما يبقي فيه زول صاحي غير رب العالمين والشاويش النبطشي وانا ..
ودلوقتي بعد الحصل للكوتش انا عايز اتخلص من الكوتشينه والفيديو وانوم من
المغرب .. جايين تقولوا لي وحده جاذبه وسته شروط .. |
لا حول بقرأ في مداخلتيكما اعلاه وختيت يدي في راسي عارفين ليش ؟
انا على يقين بأن المداخلتين اعلاه كتبتا بواسطة حكومتيكما
ياخ نعم تديها البطاقة الائتمانية وتمشي السوق وتخمش مشاف عين
نعم تتركوا ليهن الكورة والكتشينة او التعامل مع ذينك اللعبتين بأسلوب الخال عمر الجيبي
اما وان تصل الشغلانية مرحلة تديها اليوزر نيم والباسويرد عشان تدخل سودانيز وتعقب على كلامي لوحدها
عيييييييييييييك خموا وصروا
|
Post: #98
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-25-2011, 07:50 PM
Parent: #97
Quote: اما وان تصل الشغلانية مرحلة تديها اليوزر نيم والباسويرد عشان تدخل سودانيز وتعقب على كلامي لوحدها
عيييييييييييييك خموا وصروا |
عارف ياشيخنا
كان واحده منهن لمت ليها في باسويرد انشالله حق ولدها الا نتلاقي في الحوادث كلنا بي بكرينا
عمر علي حسن
|
Post: #99
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-25-2011, 07:55 PM
Parent: #98
| Quote: كان واحده منهن لمت ليها في باسويرد انشالله حق ولدها الا نتلاقي في الحوادث كلنا بي بكرينا |
ههههههههههههههههههههههها الله يجازي محنك كتلتني بضحكة نامن قربت اتفنقل من الكرسي بقفاي
|
Post: #100
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-26-2011, 06:41 AM
Parent: #99
| Quote: ههههههههههههههههههههههها الله يجازي محنك كتلتني بضحكة نامن قربت اتفنقل من الكرسي بقفاي |
اتفنقل زي ما عايز .. بس اعمل حساب لربطة الكرافتة
بعدين يا شيقا
شفت كيف الوحدة الجاذبة .. سايقها الحجل بالرجل للاراضي المقدسة ان شاء الله.
والله يجازي كل من لا يريد وحدة جاذبة
ياخي لو عملوها ان شاء الله وحدة غير جاذبة كنا استمرينا في غنانا" بلد المليون ميل مربع "
بس يا سعادتو ابو اكرم ... كلامك صاح ..
لكن وشوف لكن دي ....فات القطار
|
Post: #101
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 08:17 AM
Parent: #100
| Quote: شفت كيف الوحدة الجاذبة .. سايقها الحجل بالرجل للاراضي المقدسة ان شاء الله. |
هلا هلا تمدد النفوذ ليطال الجانب الروحي
يطول عمرك يا ام محمد وربنا يسهل حجتكم وتكون مقبولة
أم عبد الله مطالباني بحجة لارض الحجاز وقلت ليها سمح لكن منها والتقاعد
شفت الجسارة كيف ؟
قالت لي انت وحجك في .....
|
Post: #102
Title: Re: أم عبد الله تحيي كل البورداب والبوردابيات وترسل لي هذه الابيات
Author: وليد عبد اللطيف
Date: 10-26-2011, 09:32 AM
Parent: #100
Quote: ودلوقتي بعد الحصل للكوتش انا عايز اتخلص من الكوتشينه والفيديو وانوم من
المغرب .. جايين تقولوا لي وحده جاذبه وسته شروط ..
|
ياريس ... سلامات
مالك مجافينا ولا حتى قولة سلام
لكن يوم شيقا بضيعنا بنظرياته دي وبعدين نبقى في الخيار الصعب
وكما قالت خطيبة واحد لصاحبنا مرضان كورة وخاطبها اكثر من سبعة سنوات
قالت له : يا انا يا الكوره
قال ليها : الكوره
| Quote: شفت كيف الوحدة الجاذبة .. سايقها الحجل بالرجل للاراضي المقدسة ان شاء الله. |
ونحنا في انتظاركم ياسعادة المستشار( ود البوب ) ياريت تعرجوا علينا
|
Post: #103
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 09:42 AM
Parent: #102
| Quote: ونحنا في انتظاركم ياسعادة المستشار( ود البوب ) ياريت تعرجوا علينا |
خليهو يقبل على أم محمد يشاورها أول عشان يديك رأي
ات فاكر الشغلانية ساى؟
عندك جنس طيبة
|
Post: #104
Title: Re: أم عبد الله تحيي كل البورداب والبوردابيات وترسل لي هذه الابيات
Author: وليد عبد اللطيف
Date: 10-26-2011, 09:52 AM
Parent: #103
Quote:
خليهو يقبل على أم محمد يشاورها أول عشان يديك رأي
ات فاكر الشغلانية ساى؟
عندك جنس طيبة |
هههههههههه
ياشيقا انت في حاجة ماعارفها وفايته عليك نحنا الدناقلة دائما بنمسّك زمام الامور للحريم
لذلك لم تجد الدنقلاوي يتزوج اكثر من واحدةإلا نادر يعني مازيكم ياشيقا في كل بلد عملو ولد
فااااااااا عشان كدا الموضوع دا منتهي وتوقع بأن المستشار ماخد الشوره من بدري
ولو لا ذلك كان لجنة الامن الالكتروني عملت ليهو استدعاء
|
Post: #105
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 10:04 AM
Parent: #104
Quote: ياشيقا انت في حاجة ماعارفها وفايته عليك نحنا الدناقلة دائما بنمسّك زمام الامور للحريم
لذلك لم تجد الدنقلاوي يتزوج اكثر من واحدةإلا نادر يعني مازيكم ياشيقا في كل بلد عملو ولد
فااااااااا عشان كدا الموضوع دا منتهي وتوقع بأن المستشار ماخد الشوره من بدري
ولو لا ذلك كان لجنة الامن الالكتروني عملت ليهو استدعاء |
عيييييييييك يعني Fully authorized because he is absolutely guaranteed
|
Post: #106
Title: Re: أم عبد الله تحيي كل البورداب والبوردابيات وترسل لي هذه الابيات
Author: وليد عبد اللطيف
Date: 10-26-2011, 10:40 AM
Parent: #105
| Quote: Fully authorized because he is absolutely guaranteed |
هههههههههههههههههه
كدي ارجع لكلامي وشوف باقي الدناقلة كان هنا وللا عندكم رايهم شنو
يازول نحنا نظامنا واحدة ياربي شاغلاني في قلبي ( نقع بيها ونقوم بيها )
عشان كدا بنديهم السيادة والقيادة شفت كيف
الكفيل الكفيل ياشيقا تخرخر يعملوا ليك خروج نهائي
|
Post: #107
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-26-2011, 11:29 AM
Parent: #106
Quote: هلا هلا تمدد النفوذ ليطال الجانب الروحي
|
جاي من اجنماع كانت نقتو كتيرة
لكن لمن لقيت التعليق اعلاه مت من الضحك ..يا زول دي قوة جاذبو بقوة المغناطيس .
بعدين يا وليد ود الدندر دا بيقوم يصدق
وهو ما عارف نهرة الدناقلة
نهرة بتجيب خبر الفيل ذاتو
والله يا وليد الرحلة دوحة مكة مدينة
فما عارف ... الا كان نتقابل في المطار ولا تجو تجوا معانا.
|
Post: #108
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-26-2011, 12:49 PM
Parent: #107
Quote:
لكن وشوف لكن دي ....فات القطار |
طيب يامولانا .. لما انت واخوك شيقوق عارفين القطر فات مالكم عاملين لينا (قيروانه) بالوحدة الجاذبه
الوحده الجاذبه دي مش الفرتقت السودان !
حجا مبرورا وسعيا مشكورا يامولانا ويا الطيب حجج ام عبدالله عشان ده حقها وعشان تخاف ربها فيك
انت بالذات .. وما تعول كتير علي الوحدة الجاذبه ..........
عمر علي حسن
|
Post: #109
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 03:09 PM
Parent: #108
الوليد
Quote: هههههههههههههههههه
كدي ارجع لكلامي وشوف باقي الدناقلة كان هنا وللا عندكم رايهم شنو
يازول نحنا نظامنا واحدة ياربي شاغلاني في قلبي ( نقع بيها ونقوم بيها )
عشان كدا بنديهم السيادة والقيادة شفت كيف
الكفيل الكفيل ياشيقا تخرخر يعملوا ليك خروج نهائي |
عيييييييييييييك والله الحطب دا ما بنكسروا ليهن
يكسرن حطبن براهن ويسون طبيخن ! و نحن علينا نشتري الفؤوس بس
|
Post: #110
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 03:14 PM
Parent: #109
Quote: وهو ما عارف نهرة الدناقلة
نهرة بتجيب خبر الفيل ذاتو |
بتكون مرخص بيها وكمان قدام الناس بس بموجب ترخيص سري عشان الناس تقول هييييييييييييع ود البوب ما بنقهر
|
Post: #111
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 03:23 PM
Parent: #110
خالي
Quote: ويا الطيب حجج ام عبدالله عشان ده حقها وعشان تخاف ربها فيك
انت بالذات .. وما تعول كتير علي الوحدة الجاذبه .......... |
ههههههههها كان الله هوّن السنة الجاية بضوقك قهوتا في معسكرات الحجاج بإذن الله
ام عبد الله يا خال بدأت معي هذا المشوار من كان عمر أي منا 14 سنة فقط يعني من اولى وسطى
الاربعة سنة الاوائل كنا بنلعب الاتنين صفرجت وام المنقلة ويجيبوا لينا الاكل جاهز
نتعشى وننوم بس !! في قطيتنا بتاعة القش المزينة ببيضة النعام فووووووق
لقيتنا زمان كيف؟
|
Post: #112
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-26-2011, 03:53 PM
Parent: #111
| Quote: من كان عمر أي منا 14 سنة فقط يعني من اولى وسطى |
هيييييييييييييييييييع ام عبدالله
عافي منك عفوا يبلغك رضا المولي
من عمره 14 سته ما خليتيه يحوّص جاي ولا جاي ولا يقول سيك ميك .. عفارم
كده الوحدة الجاذبه والا بلاش
الزول ده انا ضمنتو ليك طااااااااااااب
وانا ذاتي ماشي تحت الحيطه مالي ؟.. انا ذاتي مضمون بلحيل.. وكمان يمكن الحيطة تقع فوق راسي تفرطقه ..
يلا (اشعري) وكان ما عندك دواووين نزار نرسلها ليك بالدي اتش ال
عمر علي حسن
|
Post: #113
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 06:19 PM
Parent: #112
Quote: عافي منك عفوا يبلغك رضا المولي
من عمره 14 سته ما خليتيه يحوّص جاي ولا جاي ولا يقول سيك ميك .. عفارم
كده الوحدة الجاذبه والا بلاش |
بس يا خال ام عبد الله صارت طوالي شايلة حقيبتها ومتلهما دي او ديك من بناتا للنفاس
اها اقوم اطبق هدومي في مخلايتي واتبعها وين ما متكامله ولا اشوف لي حقيبة بعجلات اجرها شقيش ما انا مقبّل؟
| Quote: وانا ذاتي ماشي تحت الحيطه مالي ؟.. انا ذاتي مضمون بلحيل.. وكمان يمكن الحيطة تقع فوق راسي تفرطقه .. |
مكتوب ولا ام اكرم هي ذاتا كتاب متجدد الطبعات ؟
|
Post: #114
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-26-2011, 07:02 PM
Parent: #113
Quote: اها اقوم اطبق هدومي في مخلايتي واتبعها وين ما متكامله ولا اشوف لي حقيبة بعجلات
اجرها شقيش ما انا مقبّل؟ |
اعمل زيي .. وفر تمن المخلايه والشنطه ام عجلات .. وجيبهم كوووووووووووولهم سكنهم معاك ..
بعد دا ام عبدالله وام اكرم الاكان يتلهموا نفاس بنات الجيران
شفت كيف
عمر علي حسن
|
Post: #115
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 08:35 PM
Parent: #114
Quote: اعمل زيي .. وفر تمن المخلايه والشنطه ام عجلات .. وجيبهم كوووووووووووولهم سكنهم معاك ..
بعد دا ام عبدالله وام اكرم الاكان يتلهموا نفاس بنات الجيران |
عييييييييك ننفس بالشوبة يعني؟
|
Post: #116
Title: Re: أم عبد الله تحيي كل البورداب والبوردابيات وترسل لي هذه الابيات
Author: عمر علي حسن
Date: 10-26-2011, 09:31 PM
Parent: #115
| Quote: عييييييييك ننفس بالشوبة يعني؟ |
ما اخير من الطشيش من حوش لي حوش
اسمع كلامي وفر قريشات الشنطه
عمر علي حسن
|
Post: #117
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-26-2011, 09:40 PM
Parent: #116
Quote: ما اخير من الطشيش من حوش لي حوش
اسمع كلامي وفر قريشات الشنطه |
خير والشنطة في ستين
نان!!!!!!!!!!!!!!
|
Post: #118
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-29-2011, 10:43 AM
Parent: #117
شيقا
بوستيك لقيتو ليك تايه في صحراء الربع الخالي
قلت احسن اعمل فيك معروف واقنطرو ليك فوق
بعدين يخواني
انا اليومين ديل مشغول باستعدادات الحج
عندي احرام شبه جديد عملت بيه عمرة قبل سنتين وقاعد جديد
ام محمد اصدرت اوامرها وقالت : الا احرام جديد
قلت سمعا وطاعة
هسه انا جاي من السوق واشتريت اغلي احرام
رايكم شنو ؟؟
سعادتو ابو اكرم :
قلنا فات القطار قالو لسه باقي محطتين ... فهمت حاجة ؟
اعذروني من التداخل .... اخوكم مشغول مشغول
وتكفيني تهليقات مولانا وسعادتو ..بصراحة تدخل السرور .. اللهم اجعل ايامنا كلها سرور × سرور
ناقص بس اخونا ود الخليل.وين هو غاطس ؟؟
|
Post: #119
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-29-2011, 12:40 PM
Parent: #118
Quote: عندي احرام شبه جديد عملت بيه عمرة قبل سنتين وقاعد جديد
ام محمد اصدرت اوامرها وقالت : الا احرام جديد
قلت سمعا وطاعة
هسه انا جاي من السوق واشتريت اغلي احرام
رايكم شنو ؟؟ |
باقي ام محمد دي نص مناسكها بتفوضك ليها - شد حيلك ساى يوم رمي الجمرات املأ جيبك دراب واتلهم الجمرات
وقول (بسم الله دى رمية ام محمد وبسم الله دى تانية لام محمد)
يا ريت بعد تعبك دا ما ترجع لام محمد وتقول ليك تعال سوي لي القهوة وشممني القلاي
قطع شك دي باقية حسب كلام ود اختك الوليد عبد اللطيف
|
Post: #120
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-30-2011, 01:37 PM
Parent: #119
Quote: باقي ام محمد دي نص مناسكها بتفوضك ليها - شد حيلك ساى يوم رمي الجمرات املأ جيبك دراب واتلهم الجمرات
|
مولانا شيقا
قلنا : فات القطار ... قالو : لسه باقي محطتين
افهم يا شاطر .. يعني ما عايزين تفويض.. ما لازم يكون فيها اثبات نفس
بعدين الوالدة - يطول عمرها - موجودة معانا بالحج
برضو افهم يا شاطر . وكان ما فهمت ( رغم اني عارفك بتفهمها طايرة ) اسال صديق
وابو اكرم موجود.
شيقا بدأ العد التنازلي للاقلاع ان شاء الله .
|
Post: #121
Title: Re: أم عبد الله تحيي كل البورداب والبوردابيات وترسل لي هذه الابيات
Author: الطيب شيقوق
Date: 10-30-2011, 03:45 PM
Parent: #120
يا خال حسن
| Quote: شيقا بدأ العد التنازلي للاقلاع ان شاء الله |
ربنا يسهل عليكم ويجعل حجكم مباركا ومقبولا
أمشوا عافين منكم دنيا وآخرة ولا تنسونا من صالح الدعوات - ما تنسوا ام عبد الله يا اب محمد
تحياتي للوالدة وام محمد
وكل عام وانتم بالف خير
|
Post: #122
Title: Re: أم عبد الله تحيي كل البورداب والبوردابيات وترسل لي هذه الابيات
Author: حسن طه محمد
Date: 10-31-2011, 10:59 AM
Parent: #121
شيقا أخوي
شكرا ليك كتير
وتصور بعد ساعتين مفروض أكون في المطار ولحدي هسه ما زلت في المكتب .
كل عام والجميع بالف خير.
|
Post: #123
Title: Re: أم عبد الله تحيي كل البورداب والبوردابيات وترسل لي هذه الابيات
Author: وليد عبد اللطيف
Date: 11-01-2011, 08:06 AM
Parent: #122
شيقا
| Quote: شيقا بدأ العد التنازلي للاقلاع ان شاء الله . |
| Quote: وتصور بعد ساعتين مفروض أكون في المطار ولحدي هسه ما زلت في المكتب . |
افو افو
للان لم نسمع رنة تلفون ياربي قريبي دا يكون مشى يحج في الخرطوم
|
|