Post: #1
Title: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 05:39 PM
هل ح يجي يوم
الفاتح جـــبرا
•خريج يتوظف وبعد 30 سنة يقدر يتزوج؟
•تنعدم (الحفر) من شوارعنا الرئيسة؟
•يجى الخريف (ما فجأتن)؟•يصبح التعليم مجانن وكمان العلاج؟•تغطى أموال الزكاة كافة الفقراء والمساكين ؟•يعود الناس تااااني لأكل 3 وجبات و(بعدهم تحلية كمان(
•طياراتنا تقوم في مواعيدا؟
•المغترب يكون راضى عما تقدمه له الدولة ؟•يحترف أحد لاعبينا في نادى أوروبي (إن شاء الله درجة عاشرة(
•تعمل مخالفة (ينبهك) رجل المرور يقول ليك : دى آخر مرة تاني ما تعمل كده !!
•يطلب رئيس نادي كرة إخراج لاعب من المباراة وتبديله بآخر ويقوم المدرب يرفض؟
•تتم إجازة زيادة اسعار السلع الضرورية ويقوم أعضاء البرلمان (ما) ح يصفقوا؟
•تسأل مسئول متزوج أربعة كيف يستطيع أن يصرف علي (الكلام ده) ويقدر يجاوبك؟
•يرتفع سعر سلعة وتنزل تااانى لسعرها الأولاني ؟
•المعارضة تكون أحسن من الحكومة؟ أو الحكومة تكون أحسن من المعلاضة ؟•ناكل مما نزرع؟ و نلبس مما نصنع؟
•يصمد المرتب حتى يوم 15 في الشهر؟•يؤثر استخراج البترول إيجاباً علي حياة المواطن ومعاشه ؟
•ديناصورات السياسة يدو (الشباب) فرصة؟•يقدم مسئول إلي المحاكمة في قضية فساد؟
•يكون أورنيك 15 هو الأورنيك الوحيد في تحصيل رسوم الدولة؟
•تختفي الجبابات علي الشوارع السفرية؟•تكون عندنا سكة حديد وقطارات زينا وزى باقي خلق الله؟
•لا ينتقل وزير من وزارة إلي آخرى (مترقياً) ؟•قروش (المعاش) تغطى مصاريف أسبوع واااحد (للمعاشيين)؟•تعود للغناء عافيته ونستمع إلى ما يشابه (ضنين الوعد) و(الوكر المهجور)؟•تكون لدينا شبكة مواصلات داخلية مريحة؟
•يكون جمع ونقل النفايات مسئولية الدولة وليس المواطن؟
•يختفي المتسولون من أمام شارات المرور والصيدليات؟•نتداول السلطة سلميا بواسطة صناديق الإقتراع؟
. يتفق الناس علي رؤية هلال شوال ونعرف ح نعيد متين؟
•يمتطي المسئولون عربات (ما موديل السنة) !
•تسند إدارة أنديتنا لي زول مخو مليان و(جيبو فاضي)؟•تستبدل قطع رقعة الشطرنج (الليها كم وعشرين سنة دى) بقطع (جديدة) ؟•يرجع حجاجنا وهو يلهثون بالشكر (لبعثة الحج) لأنها ما قصرت !
•ياتي العام الدراسي والمدارس مصانة والأستاذ متوفر والكتاب والكراسي (موجوده( !
•نقدر نحدد نحنا بلد صناعي وللا زراعى وللا بترولي؟•تقوم في الخرطوم شبكة صرف صحى زينا زى باقي عواصم الدنيا !
•يكتفي المسئولون بوظيفة واحده ويخلوا حكاية (عضوية مجالس الإدارات) والشنو ما بعرف !
|
Post: #2
Title: Re: هل ح يجي يوم ???????????
Author: ABUHUSSEIN
Date: 10-16-2011, 05:43 PM
Parent: #1
أكيد ما حا إجي ......
ســـلام
|
Post: #3
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 05:46 PM
Parent: #1
طبعآ دي ممكن تكون أحلام وبس، بالله لو عندك اي حلم عاوز تسأل منو هل ممكن يكون نزلو لينا والحلم ما بقروش،
|
Post: #4
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 05:54 PM
Parent: #3
أكيد ما حا إجي ......
ســـلام
وين يا ابو جبص،
بما انك اول متداخل والشرك قبض ،ادينا مثال حتى لو تقول هل ح يجى يوم نرجع لسودانا من الغربة الطويلة وراضين بالوضع والعيشة فيه.
شكرآ للمرور والتعليق .
|
Post: #5
Title: Re: هل ح يجي يوم ???????????
Author: ABUHUSSEIN
Date: 10-16-2011, 05:59 PM
Parent: #4
بما إنك أمس القريبة دي مضروبة في الأنكل ... إنتي و أختك اللي شايفة تبكي بي هناك
علشان كدا ما حا أضغط عليك
الأحلام دي و كل الأحلام المشروعة لكل البشر مؤجلة حتى ينصلح حال اللي في يدهم تحقيق أحلامنا
يا نجاة مشكلة السودانيين في يد ناس فرضو نفسهم أولياء علينا سواء كانو عسكريين أو مدنيين
ما عندنا غير الدعاء .
ربنا إصلح حال السودان و السودانيين .
|
Post: #6
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 06:00 PM
Parent: #4
هل ح يجى يوم وبلوفة الموية والكهرباء فى كل السودان تكون شغالة ٢٤ ساعة فى اليوم و٣١ يوم فى الشهر؟؟؟؟؟؟
|
Post: #7
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 06:06 PM
Parent: #6
الأحلام دي و كل الأحلام المشروعة لكل البشر مؤجلة حتى ينصلح حال اللي في يدهم تحقيق أحلامنا
يا نجاة مشكلة السودانيين في يد ناس فرضو نفسهم أولياء علينا سواء كانو عسكريين أو مدنيين
اها المخرج شنو ؟؟؟
وح نتحلا متين من الورطة دى؟؟؟؟
|
Post: #8
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 06:11 PM
Parent: #7
هل ح يجي يوم ترجع خريطة السودان ذي ما كانت قبل سنة ؟؟؟؟؟
|
Post: #9
Title: Re: هل ح يجي يوم ???????????
Author: معاوية عبيد الصائم
Date: 10-16-2011, 06:27 PM
Parent: #8
نجاة سلامات اريتك طيبة والعزابة وسيد البيت
وبوست موفق ....وربنا يسهل ...
ومزيدا من (الترمس)
وفد قعدة يا يابت ابو السيد..
وهل سيعود ...والله اعلم
|
Post: #10
Title: Re: هل ح يجي يوم ???????????
Author: عبدالكريم عبدالله
Date: 10-16-2011, 06:48 PM
Parent: #3
,Martin Luther King, Jr.said
"I have a dream"
الليلة الكتير من حلمو داك بقي حقيقة في واقع أمريكي معاش.
شنو الما ممكن يتحقق ويكون بيان يرفع المعاناة عن كاهل الإنسان السُوداني؟
الشغلانة مسألة وقت مع كثير من الصبر الجميل وشوية تضحيات وحبة نضال وكده..
لي حلم...
في يوم ما سيصبح السُودان وطناً يسع الجميع..
في يوم ما سيصبح السُودان مكاناً معافي من العنصرية البغيضة..
في يوم ما سيصبح السُودان بلداً تسود فيه العدالة النزيهة والمحبة والمساواة..
في يوم ما سيصبح السُودان قلباً كبيراً يحتضن جميعنا وما نحمل من ثقافة وتراث ولغة..
في يوم ما سأكون أنا الجندي الذي يحارب كل من يعتدي علي تراب وعرض وكرامة السُودان..
وليس الفتي الذي يقاتل أهله وصحابه بإسم الدين أو الجاه أو المال أو من أجل أن يعيش في وطني الأجنبي ويموت ابن البلد..
شكراً Nagat
.Allah bless you for breaking it down
|
Post: #11
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 07:38 PM
Parent: #10
وبوست موفق ....وربنا يسهل ...
ومزيدا من (الترمس)
وفد قعدة يا يابت ابو السيد..
وهل سيعود ...والله اعلم ....
معاوية لعلك طيب واهل بيتك،
انا عارفة بتحلم بشنو???????? ،
بتحلم ببلد ما فيها فساد و وطن حدادي مدادي بنحلم بيهو يوماتى و.........و............
|
Post: #13
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 07:47 PM
Parent: #11
لي حلم...
في يوم ما سيصبح السُودان وطناً يسع الجميع..
في يوم ما سيصبح السُودان مكاناً معافي من العنصرية البغيضة..
في يوم ما سيصبح السُودان بلداً تسود فيه العدالة النزيهة والمحبة والمساواة..
في يوم ما سيصبح السُودان قلباً كبيراً يحتضن جميعنا وما نحمل من ثقافة وتراث ولغة..
في يوم ما سأكون أنا الجندي الذي يحارب كل من يعتدي علي تراب وعرض وكرامة السُودان..
وليس الفتي الذي يقاتل أهله وصحابه بإسم الدين أو الجاه أو المال أو من أجل أن يعيش في وطني الأجنبي ويموت ابن البلد..
شكراً Nagat
.Allah bless you for breaking it down
يا سلااااااااااااااام اخى عبد الله ولو تتحقق الاحلام لبصمت بالعشرة على احلامك الراقية ورفيعة.
تسلم للمرور والاحلام التى تدل على شخصك النادر والرفيع.
|
Post: #12
Title: Re: هل ح يجي يوم ???????????
Author: معاوية عبيد الصائم
Date: 10-16-2011, 07:41 PM
Parent: #10
Quote: وليس الفتي الذي يقاتل أهله وصحابه بإسم الدين أو الجاه أو المال أو من أجل أن يعيش في وطني الأجنبي ويموت ابن البلد..
|
|
Post: #14
Title: Re: هل ح يجي يوم ???????????
Author: معاوية عبيد الصائم
Date: 10-16-2011, 07:49 PM
Parent: #12
البوست برعاية
|
Post: #16
Title: Re: هل ح يجي يوم ???????????
Author: محمد الكامل عبد الحليم
Date: 10-16-2011, 07:58 PM
Parent: #14
نحية....
احلم برياض اطفال في كل حارة...يبدا اليوم بالف با حب الوطن...اننا من جنس السودان..روحنا يسقيها النيل وجهدنا يتمتدد علي ضفافه...شراكة حقيقية في الهم الانساني...
|
Post: #15
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 07:52 PM
Parent: #12
Quote: وليس الفتي الذي يقاتل أهله وصحابه بإسم الدين أو الجاه أو المال أو من أجل أن يعيش في وطني الأجنبي ويموت ابن البلد..
|
Quote: وليس الفتي الذي يقاتل أهله وصحابه بإسم الدين أو الجاه أو المال أو من أجل أن يعيش في وطني الأجنبي ويموت ابن البلد..
|
|
Post: #17
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 08:03 PM
Parent: #15
Quote: في يوم ما سيصبح السُودان مكاناً معافي من العنصرية البغيضة..
|
|
Post: #18
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-16-2011, 08:07 PM
Parent: #17
Quote: •نتداول السلطة سلميا بواسطة صناديق الإقتراع؟
|
|
Post: #19
Title: Re: هل ح يجي يوم ???????????
Author: د.محمد بابكر
Date: 10-17-2011, 01:46 AM
Parent: #18
Quote:
عشة...كلمينا
ميري...زكرينا
كل سنكي احسن يبقي مسطرينا
نحنا شعب اسطي
يلا جيبو مونا
نبني ..نبني..نبني
مسرحا ...ونادي
مصنعا وبوستة
حرب لالالا
كبري استبالة
صالة للثقافة
تسرح الغزالة
جنبها ...الزرافة
رك قمري طار
قيرة ..قيرة..قيرة
نطط الصغار
صفق الترولي
طمن القطار
حلقت وحلقت حمامة المطار
كل طلقة بينا نحن تبقي وفرة
سمسما وبفرة
سكرا وشاى
جاى..جاى..جاى
مافي حاجة ساى
كل عندو دين والكل عندو راي
بور وبور سودان
بارا والجنينة
عبري ولا واو
حاجة مش كويسة
كل زول براو
هي سودان بكرة من سودانا ناو
تكتب انت تقرأ
تعرف السياسة
في محل حراسة
حجرة الدراسة
تمشي انت تلقي
في الضلمة لمبة
الف ضحكة حلوة ...تسندك بي جنبة
بي تمن طبنجة احسن الكمنجة
احلي شكل منقة...احسن الحليب
ايد...وايد..وايد
تزرع الجديد
غابة النشيد
ايد...وايد...وايد
مافي بينا سيد
ايد.وايد..وايد نلحق البعيد
نحنا مش مرقنا
حتة واحدةجينا
جينا للسرقنا
حقنا وغصبنا
دمنا وعرقنا
ولعووووووووو الرتينة
وكل سنكي احسن يبقي مسطرينا ....محجوب شريف |
|
Post: #20
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-17-2011, 01:59 AM
Parent: #19
احلم برياض اطفال في كل حارة...يبدا اليوم بالف با حب الوطن...اننا من جنس السودان..روحنا يسقيها النيل وجهدنا يتمتدد علي ضفافه...شراكة حقيقية في الهم الانساني...
تسلم اخى محمد الكامل ،حلم جميل وربى يحققو لينا.
|
Post: #21
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-17-2011, 02:05 AM
Parent: #20
Quote: نبني ..نبني..نبني
مسرحا ...ونادي
مصنعا وبوستة
حرب لالالا
كبري استبالة
صالة للثقافة
تسرح الغزالة
جنبها ...الزرافة
رك قمري طار
قيرة ..قيرة..قيرة
|
يا سلااااااام يادكتور محمد دا حلم الواحد يتمنى ماتصبح عشان يطول الحلم. تسلم ويسلم الشاعر محجوب.
|
Post: #22
Title: Re: هل ح يجي يوم ???????????
Author: عبدالكريم الامين احمد
Date: 10-17-2011, 05:46 AM
Parent: #21
هلا يا نجاة
ويا سسسلام يااخ علي جبرا..
رسم خارطة طريق لبلد نحلم بيهو يوماتي رحيل..
والحاجات القال عليها جبرا دي ممكن كلها تجي..بس الناس تشيل بني كوز ديل بررررره
وبعدها يتحكروا تحت ويدو كل رغيفة لزول بيعرف يخبز ويدو كل حلة لزولة بتعرف تقرف
وبعدها السودان ده تاني ما بتتحلق..
وطنا سمح ياااخ ولكن تكالبيت عليهو الدقانة والجربندية ولصوص الشعوب
وسنتابع
|
Post: #23
Title: Re: هل ح يجي يوم ???????????
Author: معاوية عبيد الصائم
Date: 10-17-2011, 03:51 PM
Parent: #22
Quote: الدقانة والجربندية ولصوص الشعوب
|
عاش نضال شعبنا الذى علمنا صنع المستحيل
|
Post: #24
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-17-2011, 03:55 PM
Parent: #22
Quote: هلا يا نجاة
ويا سسسلام يااخ علي جبرا..
رسم خارطة طريق لبلد نحلم بيهو يوماتي رحيل..
والحاجات القال عليها جبرا دي ممكن كلها تجي..بس الناس تشيل بني كوز ديل بررررره
وبعدها يتحكروا تحت ويدو كل رغيفة لزول بيعرف يخبز ويدو كل حلة لزولة بتعرف تقرف
وبعدها السودان ده تاني ما بتتحلق..
وطنا سمح ياااخ ولكن تكالبيت عليهو الدقانة والجربندية ولصوص الشعوب
وسنتابع |
Hello Keke,I will be back soon.
|
Post: #25
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-17-2011, 03:59 PM
Parent: #24
| Quote: عاش نضال شعبنا الذى علمنا صنع المستحيل |
Slamat Torbed,
|
Post: #26
Title: Re: هل ح يجي يوم ???????????
Author: Nagat Sid Ahmed Elshiekh
Date: 10-18-2011, 00:56 AM
Parent: #25
هل ح يجى يوم حرية الرأي والتعبير تكون مقوم أساسي من مقومات بناء دولة الحق والقانونى.
|
|