Post: #1
Title: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-16-2011, 12:23 PM
Parent: #0
هذا العنوان الرئيسي لصحيفة التيار ليوم أمس السبت 15 / 10 / 2011 صيانة بس
|
Post: #2
Title: Re: 60 مليار تكلفة صيانة مسجد الخرطوم الكبير
Author: عابدون محمد عابدون
Date: 10-16-2011, 12:29 PM
Parent: #1
اظن ياعبد الرحمن - والله اعلم - المقصود هدم المسجد الحالى واعادة البناء من جديد لاستيعاب اكثر من 30000 مصلى لكن برضو اظن ان المبلغ خيالى.
الاخوة المهندسين ممكن يكون كلمتهم هى الفصل فى الموضوع دا اذا متابعين آخر أخبار أسعار المواد فى السودان.
الباشمهندس هشام اظهر وبان.
لكن هل بناء مسجد بهذه المواصفات وهذه التكلفة من أولوياتنا فى السودان؟
|
Post: #3
Title: Re: 60 مليار تكلفة صيانة مسجد الخرطوم الكبير
Author: زياد جعفر عبدالله
Date: 10-16-2011, 12:42 PM
Parent: #2
| Quote: لكن هل بناء مسجد بهذه المواصفات وهذه التكلفة من أولوياتنا فى السودان؟ |
واحد باشمهندس قريبنا سأل السؤال دا ليوسف عبدالفتاح لمن دايرين يبنوا مسجد فخم و مكلف في بدايات الانقاذ..طلعوهو كافر و زنديق وخارج عن الملة..
...
مأكلة في مأكلة!
|
Post: #4
Title: Re: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-16-2011, 12:52 PM
Parent: #2
أخي عابدون لك الامنيات الطيبة
.| Quote: المقصود هدم المسجد الحالى واعادة البناء من جديد لاستيعاب اكثر من 30000 مصلى لكن برضو اظن ان المبلغ خيالى. |
علي حسب ما جاء في الخبر أنها صيانة ،،، ولكن الشيء المهم هل هناك من يفكر في هدم هذا المبني الاثري وبناء بديلا له ،،،،،، ستكون جريمة
مع اعلم ان المسجد غير آيل للسقوط مثلا ولكن هناك الايادي العابثة التي لا تخاف حتي من أكل بيوت الله
|
Post: #5
Title: Re: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-16-2011, 12:57 PM
Parent: #4
أخي زياد لك المحبة
فعلا زي ما قلت مأكلة في مأكلة ،،،،، وفي رواية أخري مآكل في مآكل
لا أظن اننا بحوجة الي صرف مبلغ مثل هذا في مسجد حاله الراهن ممتاز وتحفة معمارية وخصوصا ان هناك أولويات إنسانية
|
Post: #6
Title: Re: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-16-2011, 01:04 PM
Parent: #5
في انتظار المهندسين
|
Post: #7
Title: Re: 60 مليار تكلفة صيانة مسجد الخرطوم الكبير
Author: اسامه خليفه
Date: 10-16-2011, 01:09 PM
Parent: #4
سلام يا عبدالرحمن
كدا انت خليك من المسجد الكلف 60 مليار دا ما بيت الله واكلو حلال ...
قالوا في بوكسي .. البوكسي الواحد دا وجدت فواتير صيانته مقدارها ملياراو اكثر ايام الوالي عبدالرحمن سر الختم .. فياخي الماكل في دور العباده وحج وعمره واي شعائر دينيه دا حلال ايام الانقاذ ....
|
Post: #8
Title: Re: 60 مليار تكلفة صيانة مسجد الخرطوم الكبير
Author: نوفل عبد الرحيم حسن
Date: 10-16-2011, 01:28 PM
Parent: #7
| Quote: لا أظن اننا بحوجة الي صرف مبلغ مثل هذا في مسجد حاله الراهن ممتاز وتحفة معمارية وخصوصا ان هناك أولويات إنسانية |
|
Post: #9
Title: Re: 60 مليار تكلفة صيانة مسجد الخرطوم الكبير
Author: Hisham Ibrahim
Date: 10-16-2011, 01:30 PM
Parent: #7
يا أهل الله
دا
بكون الحرم المكي
والا تكلفة الجمرات الابراج الجديده ديكــ
حسبنا الله ونعم الوكيل
|
Post: #10
Title: Re: 60 مليار تكلفة صيانة مسجد الخرطوم الكبير
Author: محمد جلال عبدالله
Date: 10-16-2011, 05:28 PM
Parent: #9
يكونوا دايرين يكسروهو ويبنوا سوق تحته
زي مجمع النور وجامع امدرمان الكبير
قال ليك كوهين ينعي ولده ويصلح الساعات ^__^
|
Post: #11
Title: Re: 60 مليار تكلفة صيانة مسجد الخرطوم الكبير
Author: Alshafea Ibrahim
Date: 10-16-2011, 05:37 PM
Parent: #10
الأخ عبد الرحمن وضيوفه
لا غرابة في الخبر .... لكم أن تتخيلوا كم من هذه المبالغ ستذهب عمولات ورشوات وآتاوات وجبايات .... ؟ طيب لو عاوزين يعملوا توسعة أولى للكعبة السودانية يا ربي كم تكون التكلفة ؟؟؟
صبرا فإن للفرحة وقت آت ...مستحيل أن لا تشرق الشمس .... لحين ذلك الوقت نساءل الله السلامة ..
الشفيع إبراهيم
|
Post: #12
Title: Re: 60 مليار تكلفة صيانة مسجد الخرطوم الكبير
Author: هاشم نوريت
Date: 10-16-2011, 06:05 PM
Parent: #11
لاحول ولاقوة الابالله
اصبح الدين وجاهة ومظاهر وتفاخر
هل السودان فى حوجة الى مساجد؟ هل لدينا ازمة مساجد؟ وهل المسجد ضرورة؟ الم يجعل الله للمسلم كل الارض مسجدا
ماهذا البزخ وتبديد الاموال فيما لاينفع لماذا لا توجه هذه الاموال للانسان بدلا عن انفاقها نفاقا
الله فرجينى
|
Post: #13
Title: Re: 60 مليار تكلفة صيانة مسجد الخرطوم الكبير
Author: محمد حيدر المشرف
Date: 10-16-2011, 06:23 PM
Parent: #12
60 مليار دى كم
بحساب الدولار 4000
100000 دولار تساوى 400 مليون
اذن المليون دولار يساوى 4 مليار
اذن 60 مليار يساوى 15 مليون دولار ..
المبلغ ده كبير يا سوركتى على الصيانه ..
|
Post: #14
Title: Re: 60 مليار تكلفة صيانة مسجد الخرطوم الكبير
Author: محمد إبراهيم علي
Date: 10-16-2011, 06:37 PM
Parent: #13
Quote:
قال إمام وخطيب مسجد الخرطوم الكبير إنّ صيانة وتوسعة المسجد تكلف 60 مليار جنيه، ووصف المسجد بأنه سيكون الأكبر على مستوى السودان، وسيتّسع لـ10 ألاف مُصلي وألف مصلية. ونقل الإمام من خلال خطبة الجمعة أمس على لسان رئيس لجنة الصيانة بدر الدين طه أنّ تأهيل المسجد سيشمل كل جوانبه مع الحفاظ على صبغته الأثرية، لافتاً إلى أنّ تشييد المسجد تمّ إبان عهد الخديوي في العام 1901م كاشفاً عن إضافة منزل للإمام وآخر للمؤذن داخل حرم المسجد فضلاً عن تعديل السقف من الخشب إلى سقف خرصاني إضافة لتغيير النوافذ والأبواب، مؤكداً أن التوسعة ستشمل إزالة بعض الأعمدة من داخل المسجد لإعاقتها رؤية المصلين للإمام فضلاً عن تشييد موقف للسيّارات على أن تكون الحمامات والمنافع أسفل المسجد. |
بدر الدين طه ادوهو عضم شحمان يكدو
|
Post: #15
Title: Re: 60 مليار تكلفة صيانة مسجد الخرطوم الكبير
Author: jini
Date: 10-16-2011, 06:47 PM
Parent: #14
ودا مسجد ولا مدينة رياضية!
وسد مروى كلف كم ترليون!
يا اخى الناس مقروضة بالفشل الكلوي والسرطان والاكتئاب!
وعشرة الف مصلي ديل يجيبوهم من وين!
جني
|
Post: #16
Title: Re: 60 مليار تكلفة صيانة مسجد الخرطوم الكبير
Author: Haitham Elsiddiq
Date: 10-16-2011, 08:49 PM
Parent: #13
يا محمد ياخوي مالك حاكيها شديد كدة و محسبة ضوررار ضوررار...
ياخ ماتعصر عليهم شديد كدة ياخ....خليهم ياكلو ياخ....
بعدين المساجد حبة زاتن في خرطومنا دي....
سلام يا حكص
|
Post: #17
Title: Re: 60 مليار تكلفة صيانة مسجد الخرطوم الكبير
Author: Al-Shaygi
Date: 10-16-2011, 09:08 PM
Parent: #12
Quote:
60 مليار تكلفة صيانة مسجد الخرطوم الكبير
|
الحصيرة البيحتاجة البيت تحرم على الجامع......
فما بالك بمليارات والبيت جيعان....
كلها أبواب مأكلة وكلها لله لا للسلطة (بفتح السين) ولا للجاه.....
لعنة الله على تجار الدين الذين فاقوا بدهائهم اليهود و تجار الأفيون....
وبعد ده مقتنعين أنهم من أهل أعالي الجنان ولا يدرون بأنهم من أهل أسفل قاع الجحيم
ألهم أحشرهم مع فرعون وهامان وأبو جهل وكل عتاة المجرمين .... آمين
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #18
Title: Re: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-17-2011, 11:59 AM
Parent: #17
تحياتي للجميع
الموضوع أتضحت معالمه بعد العلم بتولي رئاسة لجنة الصيانة لـ بدر الدين طه
الله دة ما تخافوا
|
Post: #19
Title: Re: 60 مليار تكلفة صيانة مسجد الخرطوم الكبير
Author: محمد حيدر المشرف
Date: 10-17-2011, 01:51 PM
Parent: #18
هيثم الصديق ..
شفت الكلام ده كيف !!
15 مليون دولار صيانة جامع ..
وهسع عشره الف مصلى يجيبوهم من وين ..
تعرف عشان الموضوع ده يكون كوست افكتف مفروض يكون فى نصاب للمصلين فى كل صلاة ..
أى صلاة ما فيها اكثر من اربعه الف مصلى يتم إلغاءها لارتفاع كلفة التشغيل ...
على أن يتم توزيع المصلين على عدد من الزوايا والبروش الجانبيه بدون خساره تذكر..
وذلك مع ثبات قيمة الأجر النسبي للصلاة حسبما أعلم ..
|
Post: #20
Title: Re: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-18-2011, 02:06 PM
Parent: #19
Quote: أى صلاة ما فيها اكثر من اربعه الف مصلى يتم إلغاءها لارتفاع كلفة التشغيل ...
على أن يتم توزيع المصلين على عدد من الزوايا والبروش الجانبيه بدون خساره تذكر..
وذلك مع ثبات قيمة الأجر النسبي للصلاة حسبما أعلم .. |
دي قوية يا مشرف
|
Post: #21
Title: Re: 60 مليار تكلفة صيانة مسجد الخرطوم الكبير
Author: Sabri Elshareef
Date: 10-18-2011, 04:53 PM
Parent: #20
يا وسسسخين يا تجار الدين
60 مليار لمسجد والناس تموت من الجوع والمرض والفقر
60 مليار ولا داخليات للطالبات ولا اعشه لهن
60 مليار في فد مرة للجيب
|
Post: #22
Title: Re: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-19-2011, 04:44 PM
المحترم ود الشريف
دة أسمه النهب المصلح
|
Post: #23
Title: Re: 60 مليار تكلفة صيانة مسجد الخرطوم الكبير
Author: البحيراوي
Date: 10-19-2011, 05:03 PM
Parent: #22
لأخ عبد الرحمن سوركتي
تحياتي - يا زول البلد دي مسكونه يعلم الله - وإلا كيف تُفسر الضائقة التي تعيشها الحكومة في أي شئ والتشبح الذي نراه ما بين تصريحات مسئولين كبار بالدولة ورحلات خارجية لإستجداء العون والغلاء الطاحن الذي نعيشه والتصريحات الكثيرة لمسئوليها الحزبيين والرسميين في كافةالمنابر ثم يصرح بد الدين طه الذي لم يستفيق بعد من آلام الإنتخابات الأخيرة ومشقة السير من الشعبي للوطني ، بأن تكلفة الصيانة 60 مليار جنية . يا أخي وكأني أرى رئيس الجهورية يتبسم من شطحة بدر الدين دا!!! يا ناس الزول دا نصيح كدا في كلامة دا. يا أخي نحن ما لاقيين راكوبة تلمنا في واطاة الله دي ونصلي فيها في أجزاء كثيرة من السودان دا . وبد الدين طه دا يُريد أن يصين مسجد بالخرطوم بـ 60 مليار جنية ؟؟ يا لطيف ألطف !!
بحيراوي
|
Post: #24
Title: Re: 60 مليار تكلفة صيانة مسجد الخرطوم الكبير
Author: Abd-Elrhman sorkati
Date: 10-20-2011, 11:31 AM
Parent: #23
بحيراوي شكرا لمرورك
بس دي النجيضة زي ما بقول ود الصايم
مودتي
|
|