قيقا راوي اخصائي استئصال برسايتس و الاعشاب الفكرية الضارة و الطحالب الثقافية مصفى تنقية المشهد الثقافي - بارتايمر - من جرذان السغافة كاتب ابداعي متفرغ للكتابة الفارغة في اوكات الفراغ
Post: #8 Title: Re: حوتة الجلابي يا تبارك!! Author: تبارك شيخ الدين جبريل Date: 10-14-2011, 09:31 PM Parent: #6
انا من امدرمان ... سمعت الغنية دي من البنات ... ما سمعتها عند عشة الفلاتية ولا اقدر انسبها ليها إلاّ المعلومة تجيني من "ثـقاه"* ...
يمة يا زازا .. أو يوم ما زازي ( من زازى يزوزي) اخدت نظرة انا من قصاد الطاقة (بصراحة ما اقدر افتي ليك فيها ... فقياساً بيمة يا إيّا ويمة يا يابا وكل يمات السكاليب الواردة في السباتا يمة يا زازا تكسب ... بالصورة الشعرية الدرامية المسطّحة يوم ما زازى تكسب)
بالنسبة لتوب الكريب (وهي ماركة حرير فرنسي اعتقد توقفت عن الإنتاج في الثلاثينات ... كريب السادة جابتني ليك إرادة ... وكريب بيشين يا ابو وردةحلاتو تحت الفردة) فهو يجلب ويتم تطريزه وإجادته ... فبرضو تجوز فيهو الإتنين جابوهو أو جادوهو ...
انت ما تحكّها مع الحوت ... وحاول تنسب لينا الغنية لقمر غنانا الضواي "عشة الفلاتية" من مصدر موثوق ...
(طبارك شيخ الدين ... اخصائي صدرية ومقتديّة)
... المهم ... ___________________________ ثـقاه: يعني وثيقة بمستوى "زهرة الأغاني" مثلاً ... أو عمك "السر قدور" ...
Post: #9 Title: Re: حوتة الجلابي يا تبارك!! Author: تبارك شيخ الدين جبريل Date: 10-14-2011, 09:40 PM Parent: #8
Quote: يمة يا زازا .. أو يوم ما زازي ( من زازى يزوزي) اخدت نظرة انا من قصاد الطاقة (بصراحة ما اقدر افتي ليك فيها ... فقياساً بيمة يا إيّا ويمة يا يابا وكل يمات السكاليب الواردة في السباتا يمة يا زازا تكسب ... بالصورة الشعرية الدرامية المسطّحة يوم ما زازى تكسب)
معنى الاغنية والعهدة على الراوي (الراوي دا بيكو قريبك يا قيقا)
المهم يا زول
سبب الاغنية (أن أحدهم كان يسترق النظر من شباك حمام، وكان الوقت شتاءاً، والماء النازل من الدش بارداً جداً مما جعل الحبيبية تزازي واتاح للمتلصص أن يسترق بعض النظر، ولكنه أراد ستر الحبيبة فرفع نظره ورأي توب الكرب معلقاً على مسمار في حائط الحمام فوجه شعره نحوه واحتفظ بما شاهده لنفسه وأعطانا الباقي شعراً)
Quote: أشرنا قبل يومين إلى أن أول من تغنى بأغنية (العجب حبيبي) من كبار الفنانين في جلساته الخاصة، بعد أن كان التغني بها قاصراً على البنات فقط في بيوت الأفراح والدوائر الضيّقة.. أشرنا إلى أن ذلك كان هو الفنان الكبير عبد العزيز محمد داؤود، وهي من أغنيات «التُم تُم» الشهيرة المعروفة.. لكن (أبو داؤد) - رحمه الله - ما كان ليجد الجرأة لتنطلق أغنية «العجب حبيبي» من خلال حنجرته لآذان العامة، وهي أغنية راجت وسادت في نهايات ثلاثينيات القرن الماضي وبدايات أربعينياته، ثم عادت بعد أن رفع عنها الستار الفنان الشاب محمود عبد العزيز في السنوات القليلة الماضية، فأصبحت من الأغنيات التي سادت ثم عادت..! و «التُم تُم» نوع من الغناء ظهر إبان اشتعال نيران الحرب الثانية، ويروى عن بداياته الكثير، البعض يقول إنه وفد إلى الخرطوم من غرب السودان، والبعض يرى أن انطلاقته كانت من كوستي - وهي الرواية الأرجح - بعد أن بدأ في حي الرديف وهي تعريب لاجتماع الأحرف الإنجليزية «R.D.F» وهي ذاتها مختصر لثلاث كلمات إنجليزية نترجمها إلى (متقاعدي قوة دفاع السودان) **يقال والعهدة على الرواة الثقاة، ومن بينهم الفنان الموسيقار الكبير إسماعيل عبد المعين **- رحمه الله - إن انتشار هذا النوع من الغناء كان من خلال «بنات كوستي» أو «تومات كوستي» وهن «أم بشاير» و«أم مساير» ثم وصل إلى الخرطوم فتلقفته البنات ليصبح سيّد الأفراح والسباتة و «رقيص البنات والعروس»، وأخذ الكثيرون يطربون لهذا النوع الجديد من الغناء.. رجالاً ونساء، بل إن بعض الفنانين تأثروا به وقام البعض بغناء «التُم تُم» مثل الفنان زنقار، ومن أشهر أغنيات ذلك الزمان أغنية (البنسلين يا تمرجي) التي ظهرت خلال فترة الحرب وعقب اكتشاف البنسلين كأقوى مضاد حيوي آنذاك. شعراء الحقيبة وكبار المطربين وقفوا بالمرصاد لهذا الفن الجديد وحاربوه بلا هوادة ووصفوه بالركاكة والخروج عن المألوف، لكنه رغم كل ذلك انتشر.. ووصل إلى الناس وتغنى بألحان «التُم تُم» فنانون كبار من أمثال الموسيقي الكبير إسماعيل عبد المعين، وله أغنيات كثيرة ومشهورة منها :(لما جيتنا.. يا سيدي لما جيتنا.. لما رجعت لينا.. الليمون مشتّل قدام بيتنا شبّ.. والغيم ينقط حبة حبة) ومنها :(قمري الضريح حرام صيدو) وغيرها.. ثم جاءت أغنيات الحرب من خلال صوت المرحومة الفنانة عائشة موسى التي اشتهرت باسم (عشة الفلاتية) مثل (الله لي ليمون سقايتو عشية يا حاج أنا) وأغنيات عاطفية على شاكلة (قطر الخميس الفات.. الفرق الحبان.. حبيبي يا حليلو.. خلى البلد مسخان) أو من شاكلة (هوي يا ليلى هوي.. هوي يا ليلى ومن جمال ناس ليلى.. حنين يا أبو ليلى.. ببكي وأهاتي.. من المحطة لفريق القطاطي.. حنين يا أبو ليلى).. وغيرها. بعض الفنانين الشباب في ذلك الوقت تأثر باللحن الجديد الذي ساد و«سار» وأصبح هو نمط الغناء الجديد، فتغنى حسن عطية - رحمه الله - بإحدى أغنيات البنات التي تقول :(يا صباحي.. الغزال الفي الضواحي) وقد ملأ لحنها الشاعر الكبير عبد المنعم عبد الحي بكلمات كانت هي بداية دخوله عالم الشعر الغنائي، إذ وضع على ذلك اللحن كلمات ما عرف لاحقاً بأغنية (سهران الليل أراقب نورو) التي يتغنى بها الفنانون إلى الآن.. لقد كان ذلك عام 1947م.. في القاهرة. وشاعرنا عبد المنعم عبد الحي أم درماني قح مولود في حي الموردة وعاش في الخرطوم فترة ثم انتقل إلى مصر للدراسة بعد المرحلة الأولية، ودرس هناك المرحلتين الابتدائية والثانوية بحلوان التي درس بها عدد كبير من أعلام السودان، ثم التحق بالكلية الحربية المصرية عام 1942م وتخرج فيها عام 1944م وعمل بعد ذلك في السودان ومصر، وكانت بدايته مع الشعر الغنائي عام 1947م لأول مرة وفي عام 1949م - تقريباً - كتب أغنية (أم درمان) التي خلدت في وجدان الشعب السوداني بعد أن تغنى بها الفنان الكبير الأستاذ أحمد المصطفى - رحمه الله - وهي أغنية وطنية خالصة تكونت من ثلاثة «كوبليهات» قام الفنان أحمد المصطفى بحذف «كوبليه» واحد منها لأنه كان عنيفاً قد يتسبب في منع الأغنية من الظهور.. وكان ذلك المقطع يقول:- أنا أم درمان في جيد الوادي دُرّة أصيلة من معدن.. وكريمة حُرّة أنا أم درمان إذا العادي تجرّأ أنا حجر القضاء.. وفي جبينه قرا بعد «أم درمان» أحمد المصطفى، طلب حسن عطية من عبد المنعم عبد الحي أن يكتب له أغنية عن «الخرطوم» فكتب تلك الرائعة الجميلة الجزلة الكلمات التي تغنى بها أمير العود حسن عطية، والتي تغنى بها لاحقاً الفنان الكبير عبد الكريم الكابلي.
لقيتني كيف فر الرواية الاسفيرية باللاهي!! قليك ورد في سلسلة الرواة اسماعين عبد المعين همسلف!! و كفى بذلك سنداً و مرجعاً و بالمرة كدي ركز لي على كوستينا، و التوامات، و ريادتنا في ايقاع التم تم يعني ايقاع التمتم جلابي على مجولب برضو!! لوووووووووب ياخي!! محمود ذاااتو ولدنا ؤ كدا نحن الساس و نحن الراس
Quote: وانا اذكر كلما ياتينا في الحلة ونحن صغار الا واجتمعنا وغنينا له** اغنية الراحلة عائشة الفلاتية العجب حبيبي **وما يسمعها الا وتراه قد ذاب وجدا وانتعش طربا وكاي درويش صوفي احتل كل الحلقة التي اوجدها بكل طرب اصيل وتناثر رقصا وفرح... رحم الله عجب عجبين وياريت من نجد من يوثق له ويروي لنا بعض من مواقفه ونوادره....
--------------
يا شباب ما فيكم حريف ينزل لينا العجب حبيبي اديو و لّ فيديو بصوت العظيمة عشة الفلاتية ما توفر لذلك سبيلاً بالعدم بصوت الحوت الكبير حبيب الكل الاكتر من العجب همسلف
اتخيل لي في مشكلة في الصوت في المقطع الهنا!
يا لؤي شمت و ينك ياخ!؟
Post: #14 Title: Re: حوتة الجلابي يا تبارك!! Author: قيقراوي Date: 10-15-2011, 00:30 AM Parent: #11
Quote: معنى الاغنية والعهدة على الراوي (الراوي دا بيكو قريبك يا قيقا)
اووو الصادق المجولب ياااا
يا زول انا و بقية الرواة مواجهين بواقع عاصف في الالفية الجيدة دي .. مهمة النقلة من المشافهة للتوثيق السطري ( بالقلم) لي التوثيق الاسفيري .. المهمة دي ما ساهلة بالمناسبة يعني ذاكرة (واحد) قيقا ما بتكفي .. لكن اهو مجتهدين ؤ كدا زي ما شايف!
------------
دا طبعاً بالاضافة لمساهمتنا في المشهد الثقافي و السياسي حالة كونهما يعانيان من التواث مع بعضيهم المهم يا حبيب خليك قريب ؤ
Stay Tuned
ح نحتاجك في محاولتنا للنحت المستحيل في صخرة مصطلح "جلابة" دا ياخي! سمح؟
Post: #15 Title: Re: حوتة الجلابي يا تبارك!! Author: تبارك شيخ الدين جبريل Date: 10-15-2011, 01:05 AM Parent: #14
طبعاً يا قيقا مصطفى ابو العزايم اقرب للتفاصيل من هذا العثمان ... ومصطفى ابو العزايم يتحدث عن اغاني السباتا بشكل عام وأتى بالاغنية وتسللها لامدرمان على سبيل المثال ... ولم ينسبها لقمر غنانا الضواي "عشة الفلاتية" ... ما استكثار للغنية عليها ... ولا تقليل من شأن الاغنية ... لاكين هذه القمرا لديها نكهة خاصة فيما كانت تختاره لتغنّيه ... فيه حزائنية بعيدة قريبة متوارية مثلها مثل الراحلة "منى الخير" ... يذكرنني بـ Billy Holiday و Dinah Washington بتلك النكهة الخاصة ... فرأيي أن الاغنية ليست لـ"عشة الفلاتية" لأن هوية الاغنية لا تمت بصلة لنكهة "عشة الفلاتية" ... والكلام دا من جوّة قلبي (وانت براك عارف قلب الجريقيس المتجولب فى دويلة ابارثيد الخديوي والعيازو بالله)
... المهم ....
Post: #16 Title: Re: حوتة الجلابي يا تبارك!! Author: AMNA MUKHTAR Date: 10-15-2011, 02:22 AM Parent: #15
Quote: سبب الاغنية (أن أحدهم كان يسترق النظر من شباك حمام، وكان الوقت شتاءاً، والماء النازل من الدش بارداً جداً مما جعل الحبيبية تزازي واتاح للمتلصص أن يسترق بعض النظر، ولكنه أراد ستر الحبيبة فرفع نظره ورأي توب الكرب معلقاً على مسمار في حائط الحمام فوجه شعره نحوه واحتفظ بما شاهده لنفسه وأعطانا الباقي شعراً)
الزول دا كان مؤدب شديد لكن ..
Post: #17 Title: Re: حوتة الجلابي يا تبارك!! Author: Mudather Kunna Date: 10-15-2011, 02:57 AM Parent: #16
Quote: سبب الاغنية (أن أحدهم كان يسترق النظر من شباك حمام، وكان الوقت شتاءاً، والماء النازل من الدش بارداً جداً مما جعل الحبيبية تزازي واتاح للمتلصص أن يسترق بعض النظر، ولكنه أراد ستر الحبيبة فرفع نظره ورأي توب الكرب معلقاً على مسمار في حائط الحمام فوجه شعره نحوه واحتفظ بما شاهده لنفسه وأعطانا الباقي شعراً)
Post: #18 Title: Re: حوتة الجلابي يا تبارك!! Author: Kabar Date: 10-15-2011, 05:45 AM Parent: #17
اهوندا اقدم فيرشن موجود..و هو بصوت ابو داؤود..
و التوب كان توب شفون (انا و تبارك غايتو حضرنا الزمن داك)..
يبقى يا قيقا.. الحوت اخدها من المعلم بي ضبانتها..(يمة يا زازا).. لكن (يوم ما زازا) هي الأقرب للصح..
الحوت ثروة قومية يا قيقا..و الناس ممكن تتضابح ما دونك ذلك.. لكن بيكونوا عارفين أنو الثروة القومية ما فيها كلام تب..!
كبر
كبر
Post: #19 Title: Re: حوتة الجلابي يا تبارك!! Author: وليد عبد اللطيف Date: 10-15-2011, 08:10 AM Parent: #18
Quote: اسي انا في جدة "بنين" دي القى لي وثيقة زي " زهرة الاغاني" وين!؟
سجمك كان مرجعك زهرة الاغاني ياقيقا الزهرة ياقيقا بها كثير من الاخطاء في الكلمات وكثيرا ماتغير حلاوة البيت زمان كان تجميعها لنا عبارة عن هواية وتقريبا الان في منطقة جدة (بنين ) على قولك يوجد منها مع صديقي موثق المنبر عماد عثمان احمد وبالمناسبة ياقيقا عماد يغريك السلام
Quote: توب الكرب الجادو النقادة
اي اجادوا صنعه!
ما رائكم دام فضلكم!؟
ياقيقا زمان بيت ناس جمال فرفور كان ملتقى الشعراء والفنانين باعتبار عمه الشاعر عوض حسن احمد شاعر ابو داؤود وكتب له ( فينوس وصغيرتي ) اغنية يمه يازازا تم التحريف بها كثيرا والتحريف دائما كان حسب رؤية الفنان واحساسة ومحاولته زيادة توم وشمار لاعطاء نكهة خاصة للطبخة سمعت هذه الاغنية من ابوداؤود وكان يغنيها بكبريته سمع ياقيقا سمع عشان ماتقول علينا قدام كنا نذهب انا وصديقي جمال مع عمه الشاعر عوض حسن احمد ونجلس معهم في جلساتهم وقتها جمال كان يضرب على الطبل فقط لانه لايستطيع الغناء وسط عمالة بحري من الفنانين ياقيقا عجبني محمود عبد العزيز ( الحوت ) عندما قال في لقاء له بأن ابو داؤود ابونا وابو الفنانين في بحري وبالمناسبة في حاجة الناس ماعارفاها بان محمود عبد العزيز هو من قدم الكثير الى صديقي جمال فرفور الى ان يكون فنان ويظهر للجمهور وجلست معهم كثيرا حتى توجد بينهم صلة قرابة لان منطقة الصبابي مثلها مثل توتي وشمبات اكثيرهم اقرباء بعض .. ياقيقا طبعا فرفور تغني بهذه الاغنية قبل محمود بطريقة جميلة ورائعة جدا لان هذه الاغنية بها لمسة حزنت ولوعة من المحبوب وشكوي لان صوت فرفور به نوع من الحزن والحنين واجاد ايضا اغنية الكنداكة تحس بان هذه الاغاني جمال هو الافضل لان كان كثيرا مايطلبوها البنات والنساء منه في الحفلات كما في اغنية العجب بها كلام كثيرا لم يغني حسب راي المصنفات لذلك عندما سجل محمد عبد العزيز هذه الاغنية كان لايسطيع ان يقول (ياسيد البدلة انا بعبدك عبادة و في القميص انا ببقى ليك قلادة ) وفي حته بقول الفي القميص انا ببقى ليك زرارة هذه الاغنية افضل من غناها محمود عبد العزيز وله بصمه خاصة بها رغم انه قصقص منها كثير بداعي المصنفات وما ادراك بالمصنفات ( الله يقصقصهم كان قصقصوا غنان و وعملوا على تشويهه )
تابع
Post: #24 Title: Re: حوتة الجلابي يا تبارك!! Author: قيقراوي Date: 10-15-2011, 11:09 AM Parent: #19
Quote: زمان كان تجميعها لنا عبارة عن هواية وتقريبا الان في منطقة جدة (بنين ) على قولك يوجد منها مع صديقي موثق المنبر عماد عثمان احمد وبالمناسبة ياقيقا عماد يغريك السلام
الله يسلمك و يسلمو يا ولي
-----
مرحب بيك في بحر الحوت
واصل و ما تفاصل ..
سنكون بالانتظار
Post: #23 Title: Re: حوتة الجلابي يا تبارك!! Author: قيقراوي Date: 10-15-2011, 10:32 AM Parent: #18
Quote: يبقى يا قيقا.. الحوت اخدها من المعلم بي ضبانتها..(يمة يا زازا).. لكن (يوم ما زازا) هي الأقرب للصح..
الحوت ثروة قومية يا قيقا..و الناس ممكن تتضابح ما دونك ذلك.. لكن بيكونوا عارفين أنو الثروة القومية ما فيها كلام تب..!
كبر
وهو كذلك
بس الجزء المهم ما اديتنا النجيضة فيو ..
دا بثبت او ينفي جلبنة الحوت و الظاهرة في العنوان!
-------
انت و طبارك الذي بيده الفرشة اساسيين كمرجعيات .. و أصل ذاتو في البوست التوثيقي دا ياخي!
Post: #21 Title: Re: حوتة الجلابي يا تبارك!! Author: قيقراوي Date: 10-15-2011, 09:53 AM Parent: #17
مرحب بيك كتير اخوانا مدثر كنة
Quote: عجبى
ركز معانا ياخي .. ما عجبي
"العجب حبيبي" ياخي!؟
-------
وديت الباقي وين!؟
Post: #20 Title: Re: حوتة الجلابي يا تبارك!! Author: قيقراوي Date: 10-15-2011, 09:04 AM Parent: #16
Quote: الزول دا كان مؤدب شديد لكن ..
يا امنة انت اسي اعتمدتي رواية الصادق المجولب دا طوالي!
----------
لازم ورود اسم عدد واحد راوي ( بدون قيقا) جلابي من الثقاة في سند الحديث التراثي حتى يعتمد صحيحاً في سِفرنا " تصحيح التصحيف .. و تحرير التحريف في احاديث اهل المغنى السوداني" ( تحت التأليف .. و الطبع بعدين ملحوق، و توفيق من الله بس) و امكن ما أألفو ذاتو .. غايتو حسب النفسيات!
Post: #22 Title: Re: حوتة الجلابي يا تبارك!! Author: سيف النصر محي الدين Date: 10-15-2011, 10:31 AM Parent: #20
انا غايتو محمود ده لو قال "يمه قزازة" ذاتو ..برضو بسكسك معاهو.
Post: #25 Title: Re: حوتة الجلابي يا تبارك!! Author: قيقراوي Date: 10-15-2011, 11:40 AM Parent: #22
د. سيف ازيك
Quote: انا غايتو محمود ده لو قال "يمه قزازة" ذاتو ..برضو بسكسك معاهو.
دي ارثذوكسية ساي منك يا دكتور!
-------
البوست دا علمي ما ادبي ياخ!
Post: #26 Title: Re: حوتة الجلابي يا تبارك!! Author: أميرة فاروق عبد العال Date: 10-15-2011, 12:04 PM Parent: #25
الغريبة كلو وارد جدة...
غايتو ياناس جدة تفقلو وتداوو...
Post: #27 Title: Re: حوتة الجلابي يا تبارك!! Author: وليد عبد اللطيف Date: 10-15-2011, 12:44 PM Parent: #26
Quote: انا غايتو محمود ده لو قال "يمه قزازة" ذاتو ..برضو بسكسك معاهو.
يادكتور فاضية وللا مليانه . . غايتو محمود( الحوت ) انتهى من نظرية سمح الغناء في خشيم سيدو
Post: #29 Title: Re: حوتة الجلابي يا تبارك!! Author: سلمى الشيخ سلامة Date: 10-15-2011, 01:30 PM Parent: #28
Quote: غايتو محمود( الحوت ) انتهى من نظرية سمح الغناء في خشيم سيدو
دا كلام صاح مية المية والاغنيات الغناها حتى الاقدم من توب النقادة حط عليها بصمته التى لاتنمحى شخصيا ارى انه فنان من طراز فريد بالمناسبة مرة عملت حوارصحفى لجريدة الاتحادى الكانت تصدر فى القاهرة مع الاستاذ محمد وردى ولاول مرة "الكلام دا فى التسعينات " اعرف انه فى فنان اسمه محمود عبد العزيز النعمنى طلعت من السودان قبل انتشار ظاهرة الفنان محمود عبد العزيز وبعد داك قعدت سمعته بى روقة من الاشرطة الكانت بترسلا لى عزة بتى ياخ محمد وردى لاول مرة يتحدث عن فنان ناشئ حينها بكلام سمح قال بالنص من الاصوات الجديدة محمود عبد العزيز ولانه محمد وردى لا يعجبه العجب ولا الصيام فى رجب فاننى اخذت قولته مأخذ الجد وتابعت الفنان محمود عبد العزيز وجدته فعلا يستحق المتابعة واعجبتنى فكرة تلحين الفنان الفاتح حسين لمحمودالفنان شفت كيف ؟ شفت كيف مش ؟
Post: #30 Title: Re: حوتة الجلابي يا تبارك!! Author: سيف النصر محي الدين Date: 10-15-2011, 02:15 PM Parent: #29
Quote: دا كلام صاح مية المية والاغنيات الغناها حتى الاقدم من توب النقادة حط عليها بصمته التى لاتنمحى شخصيا ارى انه فنان من طراز فريد بالمناسبة مرة عملت حوارصحفى لجريدة الاتحادى الكانت تصدر فى القاهرة مع الاستاذ محمد وردى ولاول مرة "الكلام دا فى التسعينات " اعرف انه فى فنان اسمه محمود عبد العزيز النعمنى طلعت من السودان قبل انتشار ظاهرة الفنان محمود عبد العزيز وبعد داك قعدت سمعته بى روقة من الاشرطة الكانت بترسلا لى عزة بتى ياخ محمد وردى لاول مرة يتحدث عن فنان ناشئ حينها بكلام سمح قال بالنص من الاصوات الجديدة محمود عبد العزيز ولانه محمد وردى لا يعجبه العجب ولا الصيام فى رجب فاننى اخذت قولته مأخذ الجد وتابعت الفنان محمود عبد العزيز وجدته فعلا يستحق المتابعة واعجبتنى فكرة تلحين الفنان الفاتح حسين لمحمودالفنان شفت كيف ؟ شفت كيف مش ؟
استاذة سلمة مرحب بيك و مرحب بشهادتك القيمة في الحوت ( اها يا طبارك مصدر موثوق جداً جداً حتى آدم همسلف)
حدثني من لا اشك في صدق حديثه، وهو شاعرنا الجميل الطيب برير، انو احد زملاؤه الخواجات طلب منو اشرطة سودانية، فاداهو كم شريط لكبار الفنانين السودانيين من ضمنهم شريط لمحمود عبد العزيز .. كم يوم و رجع ليو كل الاشرطة التانية، ماعدا حق الحوت .. و كان تفسيرو انو دا المغني الحقيقي فيهم .. رغم انو الخواجي ما للدرجة ديك في العربي يعني!
------
رواه قيقارواي حسب ما هو متذكر غايتو ..
يا ريت استاذنا و شيخي الطيب برير يشرفنا هنا بالنضم ..
و من خشم سيدو يا ولي ... سامعني!؟
Post: #32 Title: Re: حوتة الجلابي يا تبارك!! Author: وليد عبد اللطيف Date: 10-15-2011, 02:58 PM Parent: #31
الاستاذه سلمي وحبيبي وصديقي قيقا
Quote: واعجبتنى فكرة تلحين الفنان الفاتح حسين لمحمودالفنان شفت كيف ؟ شفت كيف مش ؟
انتم تتحثون عن شريط (سكت الرباب ) اها تخيلوا الفاتح حسين قال وانا بعمل في الشغل دا وفي بالي محمود عبد العزيز وهذا قبل ان يلتقي به وطبعا تم الاتفاق وطلع روعة وشغل راقي لانه اتعمل زي ماقال الكتاب لكن تعال شوف الشريط دا ماعجبني قول لي لييييييييه ؟ لاني حسيت بيهو جادي ومنظم زيادة عن اللزوم ونحنا خلاص اذننا تعودت على الخرمجة والجوطة الموسيقية يجوك عازفين واي واحد شايل اله وشغل من غير نوته كمان مامكن يكونوا حافظين الغناء قدر دا يمسك ليك ويقطع ليك كرن كرن رب رب رب وناس تنطط لذلك اي شيء منظم ومرتب استساقته صعبة جدا جدا لاننا لم تعود علية نحنا وين والموسيقى المصريه وين
Quote: شيخي الطيب برير
ياخ شيخنا كلنا تحياتنا له ياقيقا محمود كان يغني هذه الاغنية زمن كان بعافيته كان من الصعب تقول كلامك دا ( طبزها ) ولكن الان ممكن يطبز اشياء كثيرة انه ( بوب مارلي السودان ) ياتبارك
. . ياقيقا ياخي اغنية العجب حبيبي بتذكرني امي رحمة الله عليها لان لها قصة جميلة بيننا وصوتها كان جميل وطروب جدا ياااااااااااااااا سلام ياخ ياقيقا مالك بتفتح لينا الجروح يااااااااخ قايقا ياخي معليش انا برجع ليك تاني للتعليق عن هذه الاغنية ومابها من تحريف والسبب شنو
Quote: انتم تتحثون عن شريط (سكت الرباب ) اها تخيلوا الفاتح حسين قال وانا بعمل في الشغل دا وفي بالي محمود عبد العزيز وهذا قبل ان يلتقي به وطبعا تم الاتفاق وطلع روعة وشغل راقي لانه اتعمل زي ماقال الكتاب
مش كانوا مشوا روسيا سوا؟ و اعجب الروس ايما اعجاب بصوت محمود؟
--------
و لّ دي من روايات الاسطرة الشعبية الشفاهية المعتادة ساي!
Quote: بالنسبة لتوب الكريب (وهي ماركة حرير فرنسي اعتقد توقفت عن الإنتاج في الثلاثينات ... كريب السادة جابتني ليك إرادة ... وكريب بيشين يا ابو وردةحلاتو تحت الفردة) فهو يجلب ويتم تطريزه وإجادته ... فبرضو تجوز فيهو الإتنين جابوهو أو جادوهو ...
انت ما تحكّها مع الحوت ... وحاول تنسب لينا الغنية لقمر غنانا الضواي "عشة الفلاتية" من مصدر موثوق ...
(طبارك شيخ الدين ... اخصائي صدرية ومقتديّة)
يا طبارك انت قايل الفرنسيين يعني ما محسوبين (نقادة)!؟
ما كلو عند العرب صابون ياخي!!
و كتها داك باقي ليك الشاعر/ة كان بدرسوهم الاطلس يعني!؟
--------
واحدة من ميزات الجلابة الغمران!
لاحظ معاي عزيزينا القارئ
كل العقول الجلابية النقدية - المشهورة - هنا اتحولت لارثوذكسية بس في موضوع الحوت !!
طبارك الذي بيده الفرشة صديقتاذنا كبر د. سيف نصرنا و كابتن وليد
هل دا صدفة!؟
ابداً .. لكنه العقل الجلابي الغير نقدي بس زي ما قاعدين نقول انا و بشاشا!! بس ( بكسر الباء)
Post: #35 Title: Re: حوتة الجلابي يا تبارك!! Author: بله محمد الفاضل Date: 10-15-2011, 04:06 PM Parent: #33
هذا وقد ذكر كفيلنا البرير في معرض التحركش بالحوت من قبل قيقا الراوي الداوي الملاوي الكلكلاوي وإنه وما دام وقد وحيثما ذكر كفيلنا فإن في ذلك جواز سفر بتأشيرات عدة للمرور والسرور والثبور وعليه وعليكم إثبات صحة ما ذكر بتسجيل صوتي أو بتوقيع موثق من المصدر
صدر تحت توقيعي في حينه ومينه المكفول ود الفاضل
ــــ لزم التنويه إلى أن الأنجليزي في رواية أخرى كان مغربياً يعني قريب ناس طارق جبرين دااااااااااااااااك لزم وكدا يعني
ــــ أها ما تهبش يا اخي باقي ليك سلك وربع ما يلتمسن يا اخي قال جلبابي قال
و الله فشلت في اثبات نسبة "العجب حبيبي" للعظيمة عشة الفلاتية ..
المهم ...
Post: #37 Title: Re: حوتة الجلابي يا تبارك!! Author: تبارك شيخ الدين جبريل Date: 10-15-2011, 08:22 PM Parent: #36
Quote: معيارياً ... ما يجوز تعاطيه مع عامتنا نحن السودانيين .... لا يجوز على محمود ...
ورغم رفضى المبدئى لعقوبة الجلد لأسباب إنسانية ... ولكن جلد محمود يأتى متسقاً مع تسلسل فلتاته المجنونة كفنّان من طراز خاص ....
جلد محمود لا يعيبه بقدر ما يعيبنا نحن ... وأرى فيه رمزية المجلود أكثر من صلف الجلاّد ...
وإن لم نفكّ إسار عقولنا المتبلدة؛
فسوف يُجلَد فينا ألف محمود ...
وسوف يُشنَق فينا ألف محمود ...
ونصير كلنا الجلاّد ....
... المهم ....
Quote: يعنى حيدر ابراهيم ما سمع شريط "يا مدهشة" ... ولا بيعرف ألف باء محمود عبدالعزيز ... زينوبة ... مدينة جوبا ... لاعبين التويا ... شريط الحقيبة مع عبدالله الكردفانى ... وعييييييك ... أسمعو بيغنى لى إدريس جماع "فى ربيع الحب" قبل ما تسمّيهو "كتلة الطين" وتسوق ليها الكلام الهتافى دا ... فمحمود عبدالعزيز مهجّس بالغنا ... أيّاً كان النظام (شمولى أو همبولى) ... وهو انسان شفاف وتظهر فيه انعكاسات أمراضنا الإجتماعية بسهولة ... لأنو مهموم بحماية جذوة الفن الفى دواخلو أكتر من حماية نفسو ... لذا فهو مستباح من الكل ... دعاة المشروع الإسلاموى ... دعاة الإيدولوجية المستنيرة ... دعاة الأخلاق الحميدة ... دعاة الفوضى والعشوائية ... الشرطة ... التاجر ... المدرسة ... الجميع ... يعجبهم غناء محمود ولا يعجبهم شخصه ... لأنه لا يكذب فى غناءه أو شخصه ... ولا يدّعى ما ليس فيه من لا مبالاة وجمال وفوضى ... نحن المنافقون ... نحن من يخلق لنا غناءه الصادق عالماً خيالياً جميلاً نتوق إليه ... ونحن من تستفزنا لا مبالاته الصادقة التى تفضح نفاقنا ...
محمود عمل الـ الله قدّرو عليه ... غنّى وسكر واتصقّع وعبد وانجذب وكلّو ... بدون كذب أو مواراة أو تهرّب عن المواقف والإختيارات ... نحن الحق علينا الجلد لو تمادينا فى النفاق بتاعنا ...
وبئس النفاق ... التطبيل لى د. حيدر ابراهيم على هذا الرأى الفطير ... لايختلف عن التطبيل لى عمر البشير وهو لم يلغى قانون النظام العام بعد ...
والله يخلّى محمود عبدالعزيز عالم ساحر من الموسيقى والخيال ... لكل من شرّده هذا الواقع من مراتع الإنسانية ...
Post: #38 Title: Re: حوتة الجلابي يا تبارك!! Author: تبارك شيخ الدين جبريل Date: 10-16-2011, 12:23 PM Parent: #37
Quote: لاحظ معاي عزيزينا القارئ
كل العقول الجلابية النقدية - المشهورة - هنا اتحولت لارثوذكسية بس في موضوع الحوت !!
طبارك الذي بيده الفرشة صديقتاذنا كبر د. سيف نصرنا و كابتن وليد
هل دا صدفة!؟
ما هو محملك على "محمود عبدالعزيز"؟
في البوست المقتبس اعلاه، جانا هشام هباني بمقال عن نظرية الإنسان المقهور من كتابات د. حيدر ابراهيم ... بيتكلم عن فنان في قامة "محمود عبدالعزيز" كأنو المسألة دي متاحة للغاشي والماشي ... يمشي يكتب في الإسلام السياسي ولاّ اي حاجة مقاس معرفتو المتواضعة؛ ما عندنا معاهو مشكلة .... لاكين يدخل في الغريق وينظّر في الحوت؟ دا شعراً ما عندو ليهو رقبة ....
هسى انت نظريتك شنو مع الحوت؟
ما تحبّو ... حب الناس مذاهب ... لاكين عندك عليهو مأخذ أو مآخذ؟
ماتقعد تقول اورثوذوكسية الجلابة ... وكلام مغتغت وفاضي وخمج ...
وطارق جبرين انتو بتجيبوا سيرتو في بوصطاتنا ليه؟ هو مش من القوات المشلخة؟
اختلف معاك ..
ووندر ممكن يجضم الغنية بتاعة القوات المسلحة الفيها :
" لو سويت غناي في عود .. كان خدّر ملا الواطة و ما كان اتحزم ويقود"
للشجن و الحنين الفيها ..
لكن ما اظنو يقدر على الصقرية دي غير ولدنا جاكسون دا!
------
يوماً ما سيغني اطفال العالم لحناً واااااااحد
او نعيش على الامل دا غايتو ..
لانو بدأ كلو من عندينا .. او نحسبه كذلك!
انت ما متابع "مدن الاسماء " و لّ شنو؟
ياخي امرق من الكوشرثيا ياخي! ساعدونا بالشوف المتقدم .. شوف الحاجات في حركتها محسن خالد بكتب في كلام عجيب جداً حالياً تتفق او تختلف معاو .. ح تقدرو جداً طاوعني في دي و اطلع على " تراميز الابداد" .. و "شكلانية الاُسس"
Quote: بلة مشغول ... وبكري حدد ليهو عدد المداخلات في اليوم (اظنهم 100 بس ما زيك انت!)
كلو زول بحددوا ليو حدو حسب غثاؤ البعملوا هنا ..
الحمد لله حدي - مع نقتي دي - بجيني مع المغارب كدا ربط المغرب دا بس التقول سخلة بس!
---------
مثلاً زي غثاء (سابقاً) دا :
Quote: واحد عنده ببغاء كبسوا عليهو ضيوف وما عنده التكتح قال للمرا: تعرفى ما عندنا حل غير نضبح الببغاء القاعد بلا شغلة دا نعمل منو شية جمر وشية صاج وشوية كباب والراس نخليهو لى باكر..
الببغاء قال ليهو عليك الله قبال ما تنسى .. تعال أحلبنى وأعمل ليهم رز باللبن
