Post: #1
Title: لعناية على كرتى..قائمة باغنى اغنياء العرب(شيل القرعة وامشى)
Author: النصرى أمين
Date: 10-14-2011, 05:22 PM
Parent: #0
1. الأمير الوليد بن طلال وثروته 26 مليار دولار
2. الكويتي ناصر الخرافي وثروته 9.4 مليار دولار
3. مجموعة بن لادن السعودية وثروتها 6.9 مليار دولار .
4. مجموعة العليان السعودية والتي تديرها لبنى العليان وثروتها 6.9 مليار دولار
5. عائلة الحريري اللبنانية والتي يديرها الآن سعد الدين الحريري وثروتها 4.5 مليار دولار
6. الإماراتي عبد العزيز الغرير وأولاده وثروته 5.2 مليار دولار
7. السعودي سليمان بن عبدالله الراجحي وثروته 4.8 مليار دولار
8. عائلة كانو البحرينية وثروتها 4.7 مليار دولار
9. الإماراتي مهدي التاجر وثروته 4.3 مليار دولار
10. الإماراتي عبد الله الفطيم وثروته 3.8 مليار دولار
(المصدر حبيبنا قووقل)
|
Post: #2
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: النصرى أمين
Date: 10-14-2011, 05:37 PM
Parent: #1
نحن عارفين الاول فى القائمة(الوليد بن طلال) طلعتو منو بكتاب بس ..
لكن لا تيأس الباقين فيهو كده كويسة..
|
Post: #3
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: النصرى أمين
Date: 10-14-2011, 06:42 PM
Parent: #2
عندى ليهو اقتراحات تانية غير العرب ...
الاقتراح الاول فنزويلا بس على شرط يمشى يتلبت والامريكان ما يعرفو....
شافيز الايام دى سمه فاير مع الامريكان ...كلمة كلمتين راسو بجى
وتخمشو ليكم منه حاجة كويسة..
الاقتراح التانى
تعالو كندا هنا وشيلو معاكم تقارير عن المجاعات ونقص الحبوب وتفشى الامراض..
الكنديين حنيييييييين وما ببخلو عليكم ....بديكم الفيها النصيب....
|
Post: #4
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: Alshafea Ibrahim
Date: 10-14-2011, 07:03 PM
تحياتي يالنصري :
كم وعشرين سنة والجماعة ديل لم يتركوا كافر ولا مسلم إلا طرقوا ابوابه منهم من استجاب وندم ومنهم من اتعظ ... المحزن كل شيوخ ولصوص ومجرمي اللا وطني أغنياء حد الترف والشبع ... بالله شوف عرباتهم في دور اللا وطني التي تفوق أجمل مستشفيات ومدارس الشيخ مصطفى الأمين وفتح الرحمن البشير وأبو العلاء وغيرهم لا مقارنة البتة بين بواقي مرافق الشعب القديمة .... شوف قصورهم ومزارعهم وأملاكهم ... المؤلم واحد منهم (قطبي) بمنزله الملايين ومن كافة عملات الدنيا ... ويتم سرقته وبدون حياء يذهب للقضاء ويطالب بإعادة أمواله (الحلال) ... المهم الذي أود قوله .... لماذا لا يقيمون (نفرة) (كيزانية) بحتة وبدور حزبهم الشيطان التي تنتشر في
كل مناطق العاصمة والأقاليم و يجمعوا فيها من الكوزات قليل من الذهب والجواهر ومن الكيزان جزء من الدولارات والريالات وغيرهامن العملات وذلك لدعم (خزينة) الحزب العمومية ( حكومتهم) الفطيسة
.. فلتكن إسلامية كما يحلو لهم (زكاة) أو (هبة) أو (وقف) ... وفي الآخر سترجع لهم تلك الأموال وتدخل جيبوهم حسب طرقهم المألوفة ...
تحياتي
الشفيع إبراهيم
|
Post: #5
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: النصرى أمين
Date: 10-14-2011, 07:09 PM
Parent: #4
والله يا الشفيع دى فكرة رهيبة ...ابليس ما فكر فيها..
من دقنه وفتلته...
يجمعو قروش الاسلاميين كلها ويدخلوها خزينة الدولة...
ويبدو يعملو مشاريعو المهببة ديك ومنها يبدو
ينهبو فيها من جديد وترجع تانى لجيوب الاسلاميين......
ياخ دى فكرة مبالغة ....
|
Post: #6
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: النصرى أمين
Date: 10-14-2011, 07:10 PM
Parent: #5
اهو ياعلى كرتى ساعدناك مجانى
|
Post: #7
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: ندى صالح الطيب
Date: 10-14-2011, 09:46 PM
Parent: #6
الاخ النصرى الامين لك التحية
بوست مبالغة اضحكنى كثيرا
افتش ليك عمك قوقل اجيب خمشة ذيادة لكن الا بعمولة
اهو بدوا يبيعوا تانى فى الاراضى والمواقع الاستراتجية ( مستشفى العيون مثال ) رجعنا لى عهد شرف الدين بانقا
ما خلى ميدان كورة فسحة ما دللا
|
Post: #8
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: أسامة البلال
Date: 10-14-2011, 11:05 PM
Parent: #7
Quote: الاقتراح التانى
تعالو كندا هنا وشيلو معاكم تقارير عن المجاعات ونقص الحبوب وتفشى الامراض..
الكنديين حنيييييييين وما ببخلو عليكم ....بديكم الفيها النصيب.... |
يا النصري ياخ بطلو بخل وخليكم زي النرويجيين الراجل جاهم قبل شهر ووعدوهوا يعملوا ليهو مؤتمر مانحين في إسطنبول قبل نهاية السنة ومتأكد النرويجيين ما حيقصرو معاه
قبل فترة لاقيت مدير إدارة في الخارجية النرويجية وهو مسئول من السودان ومنطقة القرن الأفريقي المهم في الونسة إتكلم بحسرة عن ظاهرة إنتشار الفساد في دولة جنوب السودان شافني إستغربت الموضوع قال لي ما إتعلموهوا منكم طبعا ما لقيت رد غير أضحك
|
Post: #9
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: النصرى أمين
Date: 10-15-2011, 01:10 AM
Parent: #8
سلام ندى
للاسف اى مساعدة منك من قووقل ما حتساعد السيد على كرتى ..
لانه دلوقت مزنوق زقة عدوك واستنزف كل المصادر المعروفة ...
لو داير تعملى فيهو معروف ..فكرى معانا كيف نساعد
وزير خارجيتنا "يستغفل" دول العالم واثرياءه ......
لسوء حظه العالم كله تقريبا عارف فساده فساد جماعته
لكن رغم كده بطلع كل يوم يشحد ...
ما بحس ....
|
Post: #10
Title: Re: لعناية على كرتى..قائمة باغنى اغنياء العرب(شيل القرعة وامشى)
Author: النصرى أمين
Date: 10-15-2011, 01:24 AM
Parent: #9
يا اسامة الجنوبيين مساكين جدا
حظهم التعيس رماهم يشتغلو من اضل فئة مرت على السودان ...
لازمهم يتعلمو فساد الحكم .... ده شئ طبيعى....
بس الكويس انهم ما بكذبو على شعبهم باسم الدين....
الداير فيهم يسرق ..بسرق عديل وما بقول هى لله ...
|
|