Post: #1
Title: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 01:57 PM
ما يقوم به متنوضلي الكيبورد يشبه قصة الغسال مع الميكانيكي
كما رواها الكاتب علي ياسين في هذا المقال
الغسال الدولى الجديد !!
Quote: الغسال الدولى الجديد !!
ا* موسى غسَّال حينا .. جلس ذات مساء يفكر مهموما فى حاله .. يمر زمان طويل قبل أن يعاد إليه قميص أو بنطلون أو جلباب غسله مرة !!ملابس هؤلاء( الجلود) لا تتسخ بسرعة تلائم ظروف التحرير الإقتصادى
* * وكما تفعل ,, البيوتات التجارية,, والشركات الكبيرة رأى موسى ضرورة أن يتخذ استراتيجية تسويقية ما .. أن يفكر ويخطط ويؤلف بين المعطيات المتاحة ثم يحللها ثم يتوصل إلى نظرية ما، قد تفيد المهنة فهو على أيَّة حال رجل أعمال, بحسب التصنيف الوظيفى..
* * لم يجد موسى صعوبة فى استنتاج قواعد أوَّليَّة يبنى عليها :فالملابس لكى تتسخ فتذهب الى الغسال لابد من وجود شئ »أو أحد« يلوِّثها ويوسِّخها.. وكلما كان هذا الشئ، أو الأحد، متوفراً، كلما كان احتمال التلوث كبيرًا !! وكلما حدث ذلك تحسنت الحال وكثر تردد الزبائن .. ثم ..
* * وكما يهبط الوحى، داهمت موسى الفكرة العبقرية ... فأسرع بإغلاق دكانه، ثم رآه المارَّة بعد قليل وهويطرق باب منزل جاره حسن جربوكس العامل الميكانيكى ..
* * ولم تطل الجلسة بينهما، إذ شوهد بعد نصف ساعة فقط يخرج من منزل جاره الذى جاء يودِّعه حتى الباب وبينهما ضحكات وابتسامات .. وكان موسى يحمل ( صُرَّة) ضخمة من الملابس متجها بها إلى محله ..
* * سرعان ما لاحظ موسى الغسال تحسن أحواله .. فملابس زبائنه لم تعد قادرة على فراقه أكثر من نهار واحد، تعود بعده ملطخة ببقع سوداء من زيوت الماكينات، ثم تخرج من عنده نظيفة، لتعود صباح اليوم التالى بحالها القديمة ...
* * لم يعد يزعج موسى شئ ، سوى تنامي حجم (الصرة) التى تحتوى ملابس جاره حسن جربوكس فى كل مرة فقد نسى أن يحدد فى الاتفاق معه عددًا محددًا من الملابس، بل تعهد بغسل كل ما يبعث به الطرف التانى مقابل الخدمة التى يؤديها إليه !!
* * أمَّا حسن جربوكس الميكانيكى، فلم يجد صعوبة فى تغيير عاداته اليومية فبعد أن كان يترك( ملابس العمل) فى (الورشة) أصبح يأتى مرتدياً إيَّاها مساءً إلى منزله ، ويخرج بها صباحاً ، بما عليها من بقع الزيت والسخام ، وينتظر الحافلة فى آخر محطاتها ، حتى ينال حرية الإحتكاك بمن شاء من أصدقائه ومعارفه وجيرانه داخل الحافلة المزدحمة ويتعمد أن يحيِّى فلاناً ويعانق فلاناً ويداعب فلانا ( وكلهم من زبائن صاحبه موسى الغسال) .
* * المذكوران أعلاه موسى الغسال وحسن جربوكس الميكانيكى لم يتورعا عن الحلم بأي شيء.. العربات الفارهة والثراء العريض والضياع الفخمة.. كل شيءٍ حلما به.. ولكن لم يحلما قط ولم يدر بخلديهما أبدًا، أن يصبحا (أُستاذين)، بل ومفكرين ومنظرين ( للنظام الدولى الجديد)!!
* * أجهزة الإعلام الغربى الضخمة والمتقدمة جدًا ، بكل ما تملكه من وكالات أنباء وإذاعات وقنوات تلفزة وصحف وأموال( مغسولة وغير مغسولة) وغير ذلك ، لا تكاد تضيف جديدًا على( خطة) صاحبنا موسى الغسال وصاحبه حسن جربوكس الميكانيكى!! فهى لا تعرف مصدرًا للرزق الحلال سوى (التلويث )ومن ثم ( الغسل)..
* * تصريح من شخصية غربية ########ة القدر ، يمكن أن يصبح حديث العالم فى دقائق معدودة، خصوصاً إذا كان ذلك التصريح يتهم أويدين أو يسعى لتشويه سمعة دولةٍ ما.. نظامٍ ما ، أو مجتمع ما ، ولكن الطريق ليس مغلقا تماماً أمام هذه الدولة أو تلك الحكومة إذا أرادت أن تزيل ما لحق بسمعتها من أوضار و أوساخ ما دامت قادرة على دفع الثمن ، فسوف تجد من يقوم بغسل سمعتها( وكيها) وتلميعها من داخل ذات الآلة الإعلامية التى قامت بعملية التلويث!! والثمن هنا أنواع
- _ أن تدفع مبادئها وقيمها ومبررات وجودها المعنوي، ثمناً( للغسال) الذكى وهو ثمن يعرف كيف يستثمره ليدر له البلايين!!
- أو ، إن كانت دولة نفطية ، أن تشتري بملايينها النفطية صحفاً وقنوات وإذاعات ، توجهها من عواصم الغرب لغرض واحد ،هو عملية غسلها وتلميعها كلما استدعى الأمر (وكثيراً ما يستدعي ) وهذا قيمته معروفة ، إذ إن قابض الثمن فى النهاية هو الغرب صانع الأجهزة والآلا ت ، والقائم على صيانتها ، و( ولى نعمة) صحفييها والعاملين عليها !!
- أو إن كانت دولة فقيرة ولاتريد بيع مبادئها تجتهد فى بناء إعلام خاص بها، يسهم فى رد الكيد عنها ..وهنا أيضاً لابد من شراء أجهزة ومعدات مصنوعة ( هناك)!! يعني ما فى طريقة.. موسى الغسال وراها وراها !!
|
|
Post: #2
Title: Re: متنوضلي الكيبورد ... وكلاء الغسال الدولي الجديد
Author: صديق الموج
Date: 10-10-2011, 02:02 PM
Parent: #1
كفاية استغلال لسذاجة الجاهل ده خلى عندك دم رجع الباسورد
ماتقول فارقه معانا كتابتك دى لكن تحقير الرجل الى هذه
الدرجة ماحلوة فى حقه كرجل،،،
|
Post: #3
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 02:16 PM
Parent: #1
في هذا البوست
سنورد نماذج لوكلاء الغسال الدولي الجديد من خلال كتاباتهم المخذلة التي لاتراعي مصلحة البلد..
.وهم في غمرةغباءهم وحقدهم السياسي صاروا يتخبطون كمن يتخبطه المس ..
غير مبالين بالاخطار التي تحدق بالوطن جراء أفعالهم واجترارهم للمعلومات
التي يبثها الغسال العالمي الجديد..
.في خدمة مجانية أو مدفوعة لتنفيذ اجنداته ضد بلادنا.
|
Post: #4
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 02:28 PM
Parent: #3
بسم الله الرحمن الرحيم
لنبدأ الآن .....................
اولا:
شوفوا زي أخونا ود قاسم دا ،قام بدور الميكانيكي خير قيام بطرح تجربته (الشخصية)
يعني كفرد وعممها على مناخ الاستثمار عموما في السودان،قافلا بذلك
أي كوة ينفذ منها ضو،وبكدا بمد لسانو للسودان وبقول ليهو عايزين تفتحوا باب الاستثمار؟؟؟
كويس خلي واحد يجيكم تاني بعد كلامي دا !!!.
معوقات العمل والانتاج والاستثمار في السودان
|
Post: #5
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 02:31 PM
Parent: #4
ثم أخونا الموج دا وصل مرحلة متأخرة جدا في العمالة للغسال الدولي الجديد،دا
مرة ملأ الشعب السوداني شحوم وزيوت يحتاج غسلها لغسال بتاع(دراي كلين)
عالمي عشان يزيلها..
.أي والله زي ما بقول ليكم،وهو في أكبر من الكذب الصراح...
كدي شوفوا قصة الموج في البوست العلى الرابط دا
Re: اجهزة الامن تخفى جثمان الشهيد محمد عبد الرحمن ... مكان مواراة الجثمان
|
Post: #6
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 02:58 PM
Parent: #5
أما صلاح جادات هذا فقد ،
رهن نفسه مطية للغسال الدولي بتخذيله البائن بينونة كبرى ،
حيث افترع بوستا يظهر فيه أن قوات خليل ابراهيم تهدد الخرطوم
وأن قوات الحكومة في حالة استنفار...
بعني يا عالم،
السودان غير امن حتى في عاصمته.
النظام ينشر قواته خارج امدرمان تحسبا لقوات خليل ( خليل اذا قال فعل )
وكنا قبلا قد كتبنا بوست يوضح الحالة التي فيها خليل والذي
هو عاجز الان عن مهاجمة قطيع من الضأن ليسد به رمقه ناهيك عن مهاجمة عاصمة السودان
،بعد خروجه المخزي من زنقته في ليبيا
وطارده الثوار الليبيين له جراء ارتزاقه
وقتاله بجانبب القذافي ضد الشعب الليبي.
أندب حظي أم آمالي ودهري قصدني مالو ومالي( تحليل سياسي واقعي )
|
Post: #7
Title: Re: متنوضلي الكيبورد ... وكلاء الغسال الدولي الجديد
Author: معاوية عبيد الصائم
Date: 10-10-2011, 03:01 PM
Parent: #6
صلاح انت ..عدتك.. دى بيع ولا ..ايجار...بس
|
Post: #9
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 06:13 PM
Parent: #8
وشوفوا حرت وكلاء الغسال الدولي ،
ما بقوموا بأعمال جليلة أصبحت راتبة في هذا المنبر ،
شجعت حتى الأجانب كمان على دلق (قاذوراتهم) هنا للنيل من(ثياب) السودان الناصعة البياض،
فهاهو المدعو دينق وهو مواطن جنوب سوداني لا صلة له اليوم بالسودان اطلاقا،يتحدث بكل سفور
و(بجاحة) عن سفيرنا في القاهرة...ليهو حق مادام أبناء السودان
يقومون بتلويث سمعة بلدهم فلما لا يفعل هو؟ :
درس للسفير السوداني. سعادة السفير السودانى بالقاهره ، مهلا .
لكن بقول ليك أيها الطباخ العسكري الأمريكي
وكت الحديث جاب السفرا،
أمشي أقرع سفيرك في القاهرة دي ذاتا لمن طرد المصريين واحد
من مواطنيكم وسفيركم خشمو مافتحو،رغم اتصال أهل المطرود به!!!!...
تخريمة :
انت لسة ما بديت الكتابة مالك يا علاء الدين؟
ما شايف المساخر دي!!!
طالع هنا
|
Post: #10
Title: Re: متنوضلي الكيبورد ... وكلاء الغسال الدولي الجديد
Author: صديق الموج
Date: 10-10-2011, 07:39 PM
Parent: #9
مناشدة للاخ بكرى
الاخ بكرى ارجوا منك منح الشخص الذى يكتب
بباسورد غريبة عضوية فالرجل له بعض فسو
ويريد ان يتجشأ هنا لامانع لدينا من منحه الباسورد
وتركه كسابقية يتقيأ كيف شاء له الدلال
وتجدنا من الشاكرين..
قال الغسال الدولى يا اخوى غريبة كان بعرف واحد
على مليار من شغلك ده كان بقى رئيس للمؤتمر
الوطنى فى الرياض ولم يستكثروا عليه دعوة لمؤتمرهم،،
|
Post: #11
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 07:56 PM
Parent: #10
هذي فقرة من تقرير لدليل (ابراهيم) للحكم السلامة الشخصية 16 50th(
الأفريقي..
يفيد أن السودان يتذيل قائمة الدول الأفريقية في السلامة الشخصية للأفراد وهذه الفقرة
واحدة من كثريات يكيل فيها التقرير وبأرقام غير معلوم كيف أستقاها الباحث ،
يكيل للسودان وينسفه نسفا...معنى هذا أيها السادة أن السوداني غير امن
على نفسه وهو في بلده...والسؤال من هو ابراهيم هذا حتى يأتي بهكذا معلومات؟
ومن أين له بها؟ والسودان دولة متعددة الولايات واسع المساحة ،
واتيانه بنتائج كهذه مع وجود دولا أفريقية أحق بأن توضع في ذيل القائمة
وما المثال الليبي ببعيد عن الأذهان دعك مايحدث في الصومال ووسط
أفريقيا وقرنها...أرجو أن تتطلعوا على هذه المحن في بوست الأخ
عبد العزيز عيسى وكيل الغسال (ابراهيم) الوكيل الأول للغسال العالمي
السودان يحرز المرتبة 48 من بين 53 دولة في آخر تقييم للحكم الافريقي
|
Post: #12
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-10-2011, 08:00 PM
Parent: #11
هناك مقولة مشهورة لوزير الدعاية النازية جوبلز
(أعطني إعلاميين بلا ضمير.. أعطيك شعباً بلا وعي ) ،
وهي ما ينطبق على متنضولي الكيبورد ، فقد باعوا ضمائرهم للغسال الدولي ،
وجاءوا هنا دونها،يبثون كذبهم ويعيدونه لكي يغيبوا
الشعب السوداني ،
بل الرأي العام العالمي ،
يريدوا تغييبه عن ما يحدث في بلادنا من اشراقات ونهضة بدأت منذ أعوام ولكنها
انتكست بسبب مشاكسات شركاء الحكم بالأمس أصحاب الدولة المنفصلة اليوم ،
ولكن الان البشريات بدأت تترى بتدفقات المستثمرين وقيام الكثير من المشروعات
التنموية التي ستسهم بدورها في رفاهية شعبنا الأبي العبقري ، الذي لم يغيب يوما
ما ولو اجتمع كل (غسالي) العالم...
صحيح أن هنالك الان ضائقة معيشية لكنها بدأت في الانفراج
ومعلوم أن هذه الضائقة من المتسبب بها في المقام الأول
***** من دقنو وافتلو ******
|
Post: #13
Title: Re: متنوضلي الكيبورد ... وكلاء الغسال الدولي الجديد
Author: صديق الموج
Date: 10-10-2011, 08:05 PM
Parent: #11
صلاح غريبه ماتنسى الزول لما يموت فى البورد ده
بقومو يجيبو الارشيف بتاعه واذا كان فى كلام كذب
فوزر الكلام ده يظل يلاحقه الى يوم الدين وانا يومها
لو بكرى قال ده كلام غريبة لابعرف مأتم لامقام
موت بقول للناس لاتفتروا على المرحوم الكذب
هو صلاح البوم ده بعرف قدر ده؟
والراجل يقول لى اذكروا محاسن موتاكم عشان يشوف شوف..
اللهم انى قد بلغت اللهم ان المرحوم قد قرأ،،،
|
Post: #14
Title: Re: متنوضلي الكيبورد ... وكلاء الغسال الدولي الجديد
Author: معاوية عبيد الصائم
Date: 10-10-2011, 08:17 PM
Parent: #13
وحات مزرعة ود الباوقة صاحبك يا غريبة ..الناس بتضحك فيك ضحك مبالغة
ياخ اختشى ..ورجع عدتك....واسمع كلام صديق الموج الفوق ده وانعل...ابليس
..شان على الاقل ناسك ال (15000 ) فى الفيس ..بوووووك ديل يحبوك يا خبير
الفيس (طق)....
غريبة فى اى احتمال تكون مهكر....دى مراقة وقت الزرزرة هههههههههههههه
|
Post: #15
Title: Re: متنوضلي الكيبورد ... وكلاء الغسال الدولي الجديد
Author: Nasr
Date: 10-10-2011, 09:10 PM
Parent: #14
من يراهن أن صلاح غريبة ما فاهم الكلام المكتوب بإسمه هنا دا؟؟؟؟؟؟؟؟
|
Post: #16
Title: Re: متنوضلي الكيبورد ... وكلاء الغسال الدولي الجديد
Author: معاوية عبيد الصائم
Date: 10-10-2011, 09:15 PM
Parent: #15
Quote: من يراهن أن صلاح غريبة ما فاهم الكلام المكتوب بإسمه هنا دا؟؟؟؟؟؟؟؟
|
اسمع راهن غريبة ظااااتو
|
Post: #17
Title: Re: متنوضلي الكيبورد ... وكلاء الغسال الدولي الجديد
Author: صديق الموج
Date: 10-11-2011, 01:40 AM
Parent: #16
| Quote: من يراهن أن صلاح غريبة ما فاهم الكلام المكتوب بإسمه هنا دا؟؟؟؟؟؟؟؟ |
نصار .........سلام
والله غريبة زاتو دولار مقابل عشرة مليون دولار ما يراهنك،،،
|
Post: #18
Title: Re: متنوضلي الكيبورد ... وكلاء الغسال الدولي الجديد
Author: جمال خضر
Date: 10-11-2011, 07:18 AM
Parent: #17
لا توجد أى مقارنة بين كتابات غريبة التى نعرفها
ونكاد تستشفها من أول سطر وندرك كاتبها وبين هذه
الكتابات التى لا تمت له بصلة من حيث المعنى والمبنى
فمن يعرف تلفونه يحاول الإتصال عليه ربما تم تهكير
الباسوورد دون علمه. ترك البصمات يكشف الكاتب فحاول
يا من تكتب باسم غريبة لبس قفازات غريبة المعرفية واللفظية والسلوكية
فكل من يفك الخط وقرأ لغريبة من قبل سيكتشف أن هذه الكتابات
الأخيرة لا تشبهه فحاول تتحرفن شوية حتى لا تدخل غريبة فى حيص بيص.
|
Post: #19
Title: Re: متنوضلي الكيبورد ... وكلاء الغسال الدولي الجديد
Author: أيمن دياب
Date: 10-11-2011, 07:28 AM
Parent: #18
up
|
Post: #20
Title: Re: متنوضلي الكيبورد ... وكلاء الغسال الدولي الجديد
Author: بخاري عثمان الامين
Date: 10-11-2011, 07:31 AM
Parent: #19
Quote: مناشدة للاخ بكرى
الاخ بكرى ارجوا منك منح الشخص الذى يكتب
بباسورد غريبة عضوية |
|
Post: #21
Title: Re: متنوضلي الكيبورد ... وكلاء الغسال الدولي الجديد
Author: محمد عبد الماجد الصايم
Date: 10-11-2011, 07:40 AM
Parent: #17
Quote: صلاح غريبه ماتنسى الزول لما يموت فى البورد ده
بقومو يجيبو الارشيف بتاعه واذا كان فى كلام كذب
فوزر الكلام ده يظل يلاحقه الى يوم الدين |
|
Post: #22
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-11-2011, 01:07 PM
Parent: #21
صديق الموج
تجدني اخي صديق عاجز كل العجز عن ابداء شكري وامتناني لك باثراء البوست
من خلال مداخلاتك التي تعترف فيها صراحة بقوة حجتنا
أن ما ما أوردناه حقائق دامغة لا يختلف اثنان عليها..
.سوى نكرانك اني كاتبها وهذا لم يثنينا عن ضخ المزيد من المعلومات والحقاق وسنواصل
نحن في فضح متنوضلي الكيبورد وتعريتهم وواصل أنت بدورك في تثبيت الحقائق
كما درجت عليه من مداخلاتك السابقة...لك التحية الموج
|
Post: #23
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-11-2011, 10:45 PM
Parent: #22
ويواصل الحاشد الدولي حشد بوستاته ،
في سذاجة يحسد عليها ظانا بذلك انه يخدم الغسال الدولي
ولكني أكاد أجزم أن الغسال الان يتميز غيظا لوكيله الحاشد
وهو يسكب هراءه هنا و يذكر في بوستيه الاخير ويقول
(صواريخ جراد التي ستضرب الخرطوم)،وهو يعني بذلك أن
خليل خلاس مرق من زنقته التي انزنقها في ليبيا وجاب معاه
صواريخ جراد التي ستضرب الخرطوم من مسافة 30 كيلومتر..
ونسي أو تناسى المسكين أن خليل لا يستطيع الان الاقتراب من الخرطوم
مسافة 2000كيلو على الأقل منزويا في (كركور)
قصي ،
وربما يقتات من الجراد ليقيم وأده ،
بعد الحالة المزرية التي خرج بها من ليبيا...
ولكن أهو القحة ولا صمة الخشم ...
وكيل الغسال الدولي لازم يعمل كدا..
الدولار جيبو حار.
صواريخ جراد التي ستضرب الخرطوم من علي بعد 30 كيلو تفزع النظام (صور)
|
Post: #24
Title: Re: متنوضلي الكيبورد ... وكلاء الغسال الدولي الجديد
Author: صلاح جادات
Date: 10-11-2011, 10:55 PM
Parent: #23
Quote: وربما يقتات من الجراد ليقيم وأده ،
بعد الحالة المزرية التي خرج بها من ليبيا... |
شفت الكذب والتناقض بتاعكم كيف ؟ دائما تفضحوا نفسكم بنفسكم
اهو الحمد لله الخلاك تعترف بان خليل خرج من ليبيا فاضي من غير ذهب وخلافه
وزمان قلتو خرج بعربات محملة بالذهب
اها نصدق كلامكم زمان ولا هسع ؟
وماتنسي تغشي غسال الحارة التاسعة
|
Post: #25
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-11-2011, 11:35 PM
Parent: #24
Quote: شفت الكذب والتناقض بتاعكم كيف ؟ دائما تفضحوا نفسكم بنفسكم
اهو الحمد لله الخلاك تعترف بان خليل خرج من ليبيا فاضي من غير ذهب وخلافه
وزمان قلتو خرج بعربات محملة بالذهب
اها نصدق كلامكم زمان ولا هسع ؟
وماتنسي تغشي غسال الحارة التاسعة |
الدهب يا اللخو عايز يبقى ليهو أكل وللاصحة
بعد ناسو ذاتهم كانواعايزين يقتلوهوبالسم بعد اختلافهم معه...
بعدين ياجادات زولك خليل دا كان بقى جوة السودان وللا برة حيعمل شنويعني؟؟؟أ
اتنكر يا جادات الانقسامات التي حدثت في صفوف حركته؟
أتنكر مطاردة الثوار الليبيين له بسبب قتاله بجانب القذافي؟؟؟؟
خليل كل الوقائع والمعلومات بتقول انه انتهى سياسيا وعسكريا..
.أما محاولاتك اليائسة والبائسة التي تقوم بها هنا فماهي الا محاولة اعادة الروح لجسد بالي.
تخريمة :
دي الوقت انت بعضمة كيبوردك بتأكد انو كلامك الفات كلو كذب
في كذب يعني لا تهديد للخرطوم ولا صواريخ جراد
ولا جراد حتى!!!
|
Post: #26
Title: Re: متنوضلي الكيبورد ... وكلاء الغسال الدولي الجديد
Author: صديق الموج
Date: 10-12-2011, 00:24 AM
Parent: #25
| Quote: من خلال مداخلاتك التي تعترف فيها صراحة بقوة حجتنا |
انتو منو البتكتبوا بى باسورد الزول البوم ده
عشان نطالب ليكم بباسورد ياهولاء..
ده باسورد شخصى وليس مرحاض عام
غريبة الناس تعرفه هنا لايفقه فى اى شى.
نلتمس منك ترجع الباسورد لغريبة وتطلب باسورد واكتب ماتشاء
عشان ما نرد على شبح نحن،،،،
|
Post: #27
Title: Re: متنوضلي الكيبورد ... وكلاء الغسال الدولي الجديد
Author: tasneem
Date: 10-12-2011, 01:10 AM
Parent: #26
بعدين صلاح غريبة دا ما كان بردللناس وارجعوا لبوستاته السابقة
الجد شنو!!!!!!!!!!!!!!!!!!!
تحياتي
|
Post: #28
Title: Re: متنوضلي الكيبورد ... وكلاء الغسال الدولي الجديد
Author: صديق الموج
Date: 10-12-2011, 01:28 AM
Parent: #27
Quote: بعدين صلاح غريبة دا ما كان بردللناس وارجعوا لبوستاته السابقة
الجد شنو!!!!!!!!!!!!!!!!!!! |
تسنيم .............سلام
هو كتب عشان يرد؟؟
المسكين بكون لى هسه بتهجأ فى البوست الاول
|
Post: #29
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-12-2011, 09:15 AM
Parent: #26
Quote: نتو منو البتكتبوا بى باسورد الزول البوم ده
عشان نطالب ليكم بباسورد ياهولاء..
ده باسورد شخصى وليس مرحاض عام
غريبة الناس تعرفه هنا لايفقه فى اى شى.
نلتمس منك ترجع الباسورد لغريبة وتطلب باسورد واكتب ماتشاء
عشان ما نرد على شبح نحن،،،، |
شبح!!!
قول غالبك التعليق على الحقائق المرة الهنا..
ماتبرر وتبربر ساكت...
حبوبتي بتسلم عليك يا الموج وبتقول ليك أها الليلة
كتلت منو في المظاهرات (الافتراضية)
القومتها في الخرطوم الليلة.
|
Post: #30
Title: Re: متنوضلي الكيبورد ... وكلاء الغسال الدولي الجديد
Author: Nasr
Date: 10-12-2011, 10:04 PM
Parent: #29
هذا بوست ممتع
ويجب أن يظل عاليا
اللبس من غانا
والكورة من ود عشانا
(قالها كوتش لمن شاف ليهو واحد كيشة جدا ولابس لبس كورة قيافة جدا، ولسبب ما ذكرني هذا البوست بتلك القولة)
|
Post: #31
Title: Re: متنوضلي الكيبورد ... وكلاء الغسال الدولي الجديد
Author: صديق الموج
Date: 10-13-2011, 00:25 AM
Parent: #30
يخلق من الشبح اربعين،،،
|
Post: #32
Title: Re: متنوضلي الكيبورد ... وكلاء الغسال الدولي الجديد
Author: Nasruddin Al Basheer
Date: 10-13-2011, 09:54 AM
Parent: #31
الباسوورد باسوورد صلاح غريبة
والطعن طعـن أبي محجـن..
_______________________
أنا من البوست بتاع (العلقميون)
شارطت إنو ده ما صلاح غريبة
|
Post: #33
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 10-21-2011, 01:57 AM
Parent: #32
Quote: انتو منو البتكتبوا بى باسورد الزول البوم ده
عشان نطالب ليكم بباسورد ياهولاء..
ده باسورد شخصى وليس مرحاض عام
غريبة الناس تعرفه هنا لايفقه فى اى شى.
نلتمس منك ترجع الباسورد لغريبة وتطلب باسورد واكتب ماتشاء
عشان ما نرد على شبح نحن،،،، |
مرحاض!!!
صديق الموج ياصديقي ماعهدناك بتفك اخرك سريع كدا...
الكبر حصل وللا شنو..اعترف.
===============
Quote: بعدين صلاح غريبة دا ما كان بردللناس وارجعوا لبوستاته السابقة
الجد شنو!!!!!!!!!!!!!!!!!!!
تحياتي |
الجد يا تسنيم
برطعة متنوضلي الكيبورد الكترت ومادايرة تقيف...
وهم ياحسرة قايلين دي معارضة للحكومة...
حبوبتي بتقول ليهم سجم المعارضة الدايرة تجيب لينا اليهود يستعمرونا.
=====================
Quote:
تسنيم .............سلام
هو كتب عشان يرد؟؟
المسكين بكون لى هسه بتهجأ فى البوست الاول |
الموج ياحبيبي
حبيبي يا الموج...
حبوبتي بتسلم عليك وبتقول ليك الله يشفيك من الزهايمر الجاك من بدري دا..
وبتقول ليك أها الشهيد الحي بتاع الأهلية...
آي دحين بتتذكروا...
عييييك أنا بكلم في منو!!!
=================
Quote: هذا بوست ممتع
ويجب أن يظل عاليا
اللبس من غانا
والكورة من ود عشانا
(قالها كوتش لمن شاف ليهو واحد كيشة جدا ولابس لبس كورة قيافة جدا، ولسبب ما ذكرني هذا البوست بتلك القولة) |
نصر...
حبوبتي بتقول كضبا كاضب...
اللبس من أمريكا
والكورة من وكلاء الغسال الدولي الجديد.
===================
Quote: الباسوورد باسوورد صلاح غريبة
والطعن طعـن أبي محجـن..
_______________________
أنا من البوست بتاع (العلقميون)
شارطت إنو ده ما صلاح غريبة |
نور الدين البشير...
أبشرك شراطك وقع واطة خاصة لو كنت متوافق مع شراط ود الموج...
بس أعمل حساب ضراعك
لأنو أخونا دا ماخلى ليهو ضراع يتسند عليهو
|
Post: #34
Title: Re: متنوضلي الكيبورد ... وكلاء الغسال الدولي الجديد
Author: Nasr
Date: 10-22-2011, 08:23 PM
Parent: #33
lol
بقيت آخر المساهمين في البوست!!!!!
دي جديدة علينا
ما مشكلة
بنرد علي أي كلام هنا
ولا يهم من هو كاتبه
|
Post: #35
Title: Re: متنوضلي الكيبورد ... وكلاء الغسال الدولي الجديد
Author: صلاح غريبة
Date: 11-27-2011, 04:46 PM
Parent: #33
عدنا لاننا لاحظنا نشاطا لمتنوضلي الكيبورد ولابد من حسمهم
ولكاء الغسال الدولي الجديد
|
|