Post: #1
Title: مهما كانت نتيجة مباراة اليوم فإن مازدا وجهازه الفني يستحقون الاشادة!!
Author: الامين موسى البشاري
Date: 10-08-2011, 09:09 AM
نعم مازدا وجهازه الفني يستحقون الاشادة
على نجاحهم مع المنتخب القومي في تحقيق نتائج طيبة
ربما تصعد بهم الى نهائيات الامم الافريقية
وإن حدث هذا أو لم يحدث فإن مازدا وجهازه الفني لم يقصروا ابدا
آخــر مرة تواجد فيها المنتخب في النهائيات كان بقيادة مازدا
ولا شك أنه تعلم الكثير من تلك التجربة واصبحت رصيدا له
وللاعبين... وتاريخ ناصع للسودان يكتبه مازدا ولاعبيه من جديد
|
Post: #2
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 09:12 AM
Parent: #1
اســـوأ حاجة لما انت تعمل وتحقق انجازات لبلدك
ولا تجد التقدير المناسب وكلمة الشكر من الناس
أقل ما يمكن أن نقدمه لمازدا وجهازه الفني
هو شكراً مازدا .. شكرا للاعبين
شكرا لكل من وقف خلف هذا المنتخب
حتى بات مرشحاً قويا للوصول الى النهائيات
|
Post: #3
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 09:14 AM
Parent: #2
صقور الجديان في مواجهة مصيرية مع الصقور الغانية للوصول لغينيا الاستوائية والجابون!!!
Quote: يخوض منتخبنا الوطني الأول لكرة القدم في الساعة الرابعة من عصر اليوم مباراته الاخيرة على ملعب استاد الهلال بامدرمان ضمن تصفيات أمم أفريقيا المؤهلة لنهائيات غينيا الاستوائية والجابون موسم 2012 م عندما يستضيف نظيره الغاني ضمن فعاليات الجولة السادسة والاخيرة للمجموعة التاسعة التي تضم الى جانبهما منتخبا الكنغو وسزيزلاند، منتخبا يجلس في صدارة المجموعة متساويا مع نظيره الغاني ب13 نقطة وكانت مباراة الذهاب في الجولة الثانية بغانا بين المنتخبين قد انتهت بالتعادل السلبي وتم فيها طرد المهاجم جيان اسمواه ..ويضع منتخبنا عينه على النقاط الثلاث والفوز في مباراة اليوم الذي يمكنه من التأهل مباشرة لنهائيات الامم بغينيا الاستوائية والجابون ، وكان منتخبنا قد أبلى بلاءاً حسناً في الجولتان الرابعة والخامسة عندما فاز في الجولة الرابعة على المنتخب الكنغولي على ملعب أستاد الهلال ، وفي الجولة الخامسة عاد بنقطة غالية من سويزلاند، و يتأهل الى نهائيات كأس الأمم التي ستقام في غينيا الاستوائية والغابون سنة 2012 أصحاب المراكز الأولى في المجموعات بالإضافة إلى ثاني المجموعة 11 و المنتخبان اللذان سيكونان أفضل الحاصلين على المركز الثاني فى المجموعات التى تضم أربعة منتخبات..وسيتم حساب أفضل الثواني بعد سحب نتائج المنتخب الآخير من كل مجموعة وأحتساب نتائج المنتخبات الثلاثة الأولي في كل مجموعة مع بعضهم ماعدا المجموعة 11 التي سيتأهل منها الأول والثاني مباشرة لوجود 5 منتخبات فيها .، وعلى هذا الخلفية أنتظم المنتخب الوطني في إعداد متواصل وفي الفترة سبقت المباراة بأسبوعين أنتظم في معسكر مغلق بفندق السلام روتانا وأكمل الجهاز الفني كافة الترتيبات الفنية التي تؤهله للحصول على نقاط المباراة. و أكمل المنتخب الوطني كافة ترتيباته الفنية لمواجهة اليوم المهمة والتي يتوق فيها الجهاز الفني بقيادة مازدا وطاقمه المعاون الى الفوز وتحقيق الانجاز الثاني للسودان ولهم شخصيا بالوصول للنهائيات في عهد هذا الجيل ، وكان المنتخب قد أدى سلسلة من التدريبات على ملاعب الهلال ونادي الاسرة خلال معسكره المغلق بفندق السلام روتانا، و يعول محمد عبد الله مازدا في مباراة اليوم على الفوز على الضيوف ومواصلة التفوق على منتخب غانا وكانت معظم تدريبات المنتخب في الفترة الاخيرة على التهديف والتسديد نحو المرمى ويتوقع أن يكون خيار مازدا في مباراة اليوم المبادرة الهجومية وإحراز هدف مبكر يلهب حماس اللاعبين لمضاعفة النتيجة ، فيما يخوضها هجومية بحتة بالإعتماد على بكري المدينة وكاريكا ومن خلفهما قلق أو مهند الطاهر وربما يدفع مازدا بورقة هجومية أخرى أثناء مجريات المباراة حتى يكسب الضغط الهجومي على جبهة الضيوف ،وتكون خيارات المدير الفني لمنتخبنا متوفرة في دكة البدلاء
وكان قد وصلت البلاد مساء الخميس بالخطوط الجوية الكينية بعثة المنتخب الغاني لكرة القدم(النجوم السوداء)وذلك لمواجهة منتخبنا الوطني عصر الغد على ملعب إستاد الهلال في التصفيات المؤهلة لنهائيات الأمم الأفريقية التي سوف تستضيفها غينيا الإستوائية والجابون في العام القادم 2012م.
والبعثة قوامها 36 فرداً بينهم 22 لاعباً والجهاز الفني الذي يقوده المدرب الصربي غوران ويرأس البعثة السيد كواسي ماينتاكي المحامي رئيس الإتحاد الغاني لكرة القدم وعضو اللجنة التنفيذية بالإتحاد الأفريقي لكرة القدم (الكاف).
ومن أبرز اللاعبين الذي جاءوا مع بعثة المنتخب الغاني المهاجم المرعب أسامواه جيان وعلي سالامونتاري وأنكوم وبينجي فيما لم يحضر مع البعثة نجم تشيلسي الإنجليزي مايكل إيسيان للإصابة والحارس كنقستون الذي أبعده المدرب الصربي غوران عن مباراتي منتخبنا والمنتخب النيجيري |
|
Post: #5
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 09:20 AM
Parent: #3
مدرب غانا أخذ الأمور على محمل الجد
فهو لا يتفوق على منتخبنا سوى بالاهداف فقط
الكتف بالكتف ... لنا نفس عدد النقاط
وحتى ما قبل مباراة اليوم نسجل افضلية عليهم
لأننا تعادلنا معهم في غانا ...
مباراة اليـــوم في ملعبنا وبين أرضنا وجمهورنا
يعني كواريك ســـاي كده بإذن الله ممكن نغلب غانا
فقط الهدوء والتركيز الشديد من اللاعبين والجهاز الفني
وإن حدث هذا فهو انجاز يستحق التصفيق والاشادة
بالتوفيق لأولادنا .. ومن هنا ادعو كل بورداب الداخل
للتوجه الى استاد الهلال ومساندة الفريق حتى يجتاز عقبة غانا
|
Post: #4
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: أيمن دياب
Date: 10-08-2011, 09:15 AM
Parent: #1
رغم هلاليتي.. إلا أن مازدا أفضل مدرب سوداني..
بس ما محظوظ.. وزامر الحي لا يطرب..
|
Post: #6
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 09:25 AM
Parent: #4
|
Post: #7
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 09:32 AM
Parent: #6
Quote: رغم هلاليتي.. إلا أن مازدا أفضل مدرب سوداني..
بس ما محظوظ.. وزامر الحي لا يطرب.. |
أيمن دياب
صباحاتك بيوض ...
فعلاً مازدا مدرب كفء جدا وهو الابرز الآن على الساحة
ولكنه غير محظوظ وبالذات مع المريخ يا ايمن
من ما يمسك المريخ الثلاثات بتكتر... والهزائم تتوالى
شكرا لانصافك الرجل ......... فهذا اقل ما نقدمه له
تحياتي
|
Post: #8
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 09:36 AM
Parent: #7
إن فعلها مازدا وابنائه اليوم ..
فســوف يسجل اسمه باحرف من نور في سفر التاريخ
تأهل بالسودان للنهائيات عام 2008 تحت قيادته
وبفلسفة شــداد واتحاده جاؤوا بقسطنطين الانجليزي
فاخفقنا في التأهل عام 2010.. فذهب غير مأسوف عليه
وها هو مازدا يحمل آمالنا واحلامنا في التأهل مرة أخرى
|
Post: #9
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: حمزاوي
Date: 10-08-2011, 09:41 AM
Parent: #7
الشكر والتقدير لكل اللاعبين الذين يبذلون المجهود داخل الملعب
الشكر والتقدير للجهاز الفني بقيادة الكابتن مازدا
الشكر والتقدير للجهاز الإداري
الشكر والتقدير للجمهور الوفي الذي يشجع ويآذر
والشكر والتقدير اولاً واخيراً للاستاذ الامين موسى البشاري صاحب البوست وعلى وطنيته
ان شاء الله فائزين ومتأهلين بحول الله تعالي وبتوفيقه
|
Post: #10
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: Hassan Senada
Date: 10-08-2011, 10:07 AM
Parent: #9
نتمني الفوز لمنتحب السودانى ولكابتن ماذا النجاح مع المنتخب فى امم افريقيا انشاءالله
|
Post: #13
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 10:48 AM
Parent: #10
| Quote: نتمني الفوز لمنتحب السودانى ولكابتن ماذا النجاح مع المنتخب فى امم افريقيا انشاءالله |
منتصرين بإذن الله يا حسن سناده
عشان نشوف مباريات السودان في قناة مشفرة 
|
Post: #11
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 10:42 AM
Parent: #9
Quote: لشكر والتقدير لكل اللاعبين الذين يبذلون المجهود داخل الملعب
الشكر والتقدير للجهاز الفني بقيادة الكابتن مازدا
الشكر والتقدير للجهاز الإداري
الشكر والتقدير للجمهور الوفي الذي يشجع ويآذر
والشكر والتقدير اولاً واخيراً للاستاذ الامين موسى البشاري صاحب البوست وعلى وطنيته
ان شاء الله فائزين ومتأهلين بحول الله تعالي وبتوفيقه |
شكرا حمزاوي يا صفوة
هي مباراة نكون أو لا نكون
وإن اردنا التأهل فعلينا بالفــوز الصريح المبين
والا فالتعادل على أقل تقدير ..
غانا حشـــدت كل نجومها في الدوريات الاوربية
ولكن دوافع ابنائنا اللاعبين أكبر في تحطيم اسطورة غانا
تحياتي
|
Post: #12
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: صبري طه
Date: 10-08-2011, 10:46 AM
Parent: #11
| Quote: مهما كانت نتيجة مباراة اليوم فإن مازدا وجهازه الفني يستحقون الاشادة!! |
العنوان يحمل تبريراً مقدّماً للمدرب إذا أخفق ...
النجيضة: إذا أخفق المدرب في مباراة اليوم يجب أن تتم محاسبته ...
ولك ودّي ،،،
|
Post: #14
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: khaleel
Date: 10-08-2011, 11:00 AM
Parent: #12
بشاري كيفك
هذه مباراة الحصاد
ودائما نحن في السودان نخسر في المحكات الزي دي
علي السودان ان يفوز او يتعادل
اي نتيجة غير ذلك سنكون تحت رحمة الاخرين
|
Post: #15
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 11:01 AM
Parent: #12
Quote: العنوان يحمل تبريراً مقدّماً للمدرب إذا أخفق ...
النجيضة: إذا أخفق المدرب في مباراة اليوم يجب أن تتم محاسبته ... |
صبري يا حبيب...
تصدق انا اكتر زول كمريخابي حانق على مازدا
وليس لدي ادنى دوافع للتبرير لمازدا
مازدا عندما كان يدرب المريخ تسبب في كوارث للفريق
مازدا مدرب شاطر جدا ولكنه غير موفق مع المريخ
كل من يخطئ يستحق المحاسبة ..
ولكن المقام هنا مقام شكر وعرفان بالجميل لمازدا
على النتائج الباهرة التى حققها حتى الان
تحياتي
|
Post: #16
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: تولوس
Date: 10-08-2011, 11:51 AM
Parent: #15
Quote: نعم مازدا وجهازه الفني يستحقون الاشادة
على نجاحهم مع المنتخب القومي في تحقيق نتائج طيبة |
نعم يا بشاري ياخي وفي ظل امكانيات شبه معدومة
|
Post: #17
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الصادق الزين
Date: 10-08-2011, 12:04 PM
Parent: #16
والله لم تقل الا الحق يا البشارى
مازدا اكفا مدرب سودانى و اوافق دياب
الراى باننى رغم هلاليتى و لكنى من
المعجبين جدا بماذا و كم تمنيته ان يدرب
الهلال فهو يشبه هذا الفريق العملاق.
تمنياتى له بالتوفيق فى قيادة منتخبنا اليوم.
|
Post: #19
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 10:18 PM
Parent: #17
| Quote: تمنياتى له بالتوفيق فى قيادة منتخبنا اليوم. |
الصادق الزين ومعك نتمنى التاهل للمنتخب
شكرا مازدا شكرا اللاعبين
|
Post: #18
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-08-2011, 10:14 PM
Parent: #16
| Quote: نعم يا بشاري ياخي وفي ظل امكانيات شبه معدومة |
شكرا يا تولوس
واولادنا متأهلين باذن الله رغم شح الامكانات
|
Post: #20
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: mohmed khalail
Date: 10-09-2011, 09:23 AM
Parent: #18
الامين البشاري سلامات ياخ,,
النصيحة لله مازدا مدرب غير ناجح عمليا ,,,,شاطر مافي كلام مؤهل اكادميا صحيح لكن وبدون دفن رؤوس في الرمال ما حيقدم المنتخب خطوة للامام لما يكون في محك حقيقي بالاضافة الي انو مجامل جدا وبتاع موازنات وماشة معاهو بالبركه فقط ليس إلا..وكان فيهو فايدة كان نفع المريخ ياخ الفريق القومي ده داير ليهو مدرب شفت ومقدده زي ريكاردو بتاع الهلال الزمان داك والله الاولاد ديل تاني ما سالين في زول..
بلا مازدا بلا بطيخ..
|
Post: #21
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: Hisham Ibrahim
Date: 10-09-2011, 12:54 PM
Parent: #20
شكراً مازدا شكراً الجهاز الفني
شكراً جنائز البحر لكن مستواكم دا ما بوكلكم عيش
كما في المنافسه السابقه
فقد رجعنا الى ديارنا وفي معيتنا 9 أهداف من ثلاث مباريات ولا احرزنا ولا هدف واحد ..
وكان بنفس مازدا دا ذاتو .....
فهلا إتعظنا واعددنا العده ..؟
|
Post: #22
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: Abdulrahman Gorashi
Date: 10-09-2011, 01:22 PM
Parent: #21
يا ناس أنتو بتتكلمو كرة قدم ولا حاجة تانية؟ لو دا فريق السودان ود مدرب السودان يبقي الرماد كال وش حماد،
مازدا فشل تماماً في تدريب الفريق القومي ومن زمان بعيد، مافي نتائج مافي بطولات مافي حتي تالت ولا رابع في المنافسات الافريقية،
وكت قلنا دخلنا دوري المجموعات في البطولة الافريقية قبل عامين، جئنا الطيش بجدارة وخرجنا بصفر النقاط.، اي فريق لعبنا معاهو ملطشنا،
فكيف تقولو مازدا يستحق الإشادة ، يأتي إشادة ؟ الطيش ولا حاجة تانية، والنهار ده عشان بس نتاهل وحياتكم عايزين لينا استاذ فيزياء عشان يحل المعادلات دي،
اي مدرب يقاس بما انجز لفريقة، مازدا لم ينجز شيئا، مازدا طول جداً بيدرب الفريق القومي ولم يستفد الفريق من مازدا بشي، موضوع انو مازدا شاطر ولا عندو شهادات لا تهمنا بشي مادام الفريق ماشي باللز والدفر والحظ.
قال إشادة قال، علي شنو، شيلنا كاس افريقيا، وصلنا نهايات كاس العالم، نافسنا مع تواني وروابع افريقيا، علي شنو إشادة!!!!!!!!،
مازدا مفروض كان يستقيل من زمان وكمان من نفسة لكن قعادو دا حيرني عديل،
بطلو العواطف وتعالو بورقة وقلم وقولو وورينا كيف نشيد بيهو؟
|
Post: #25
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-10-2011, 10:43 AM
Parent: #22
Quote: فكيف تقولو مازدا يستحق الإشادة ، يأتي إشادة ؟ الطيش ولا حاجة تانية، والنهار ده عشان بس نتاهل وحياتكم عايزين لينا استاذ فيزياء عشان يحل المعادلات دي،
اي مدرب يقاس بما انجز لفريقة، مازدا لم ينجز شيئا، مازدا طول جداً بيدرب الفريق القومي ولم يستفد الفريق من مازدا بشي، موضوع انو مازدا شاطر ولا عندو شهادات لا تهمنا بشي مادام الفريق ماشي باللز والدفر والحظ. |
عبد الرحمن قرشي
سلام وتحية ..
كون المنتخب يصل للنهائيات في آخر مرتين للنهائيات
وتحت قيادة مازدا .. دا لوحده انجاز يحسب للجهاز الفني
بقيادة مازدا... وهو ما عجزت عنه اجيال من المدربين
محليين واجانب ..
الزول وصلنا النهائيات عامي 2008 و 2012
ودي كفاية في ظل شح الامكانات وتقريبا مازدا شغال بالمجان
زي ما قال الامين المالي للاتحاد السوداني..
اها مازدا بعد وصلكم الحته دي خلي الدولة تهتم بالفريق
وتستجلب له مدرب اجنبي كفء عشان نظهر بمظهر كويس
ولا انت رايك شنو
تحياتي
|
Post: #24
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-10-2011, 09:44 AM
Parent: #21
Quote: شكراً مازدا شكراً الجهاز الفني
شكراً جنائز البحر لكن مستواكم دا ما بوكلكم عيش
|
ودا العايزه يا هشام
نقول ليهو شكرا إنك وصلتنا لغاية هنا
بعد كده نشوف لينا مدرب عالمي لقيادة المنتخب
ويساعده مازدا في التدريب
|
Post: #23
Title: Re: مهما كانت نتيجة مباراة اليوم فإن مازدا وجهازه الفني يستحقون الاشاد
Author: الامين موسى البشاري
Date: 10-10-2011, 09:41 AM
Parent: #20
| Quote: صيحة لله مازدا مدرب غير ناجح عمليا ,,,,شاطر مافي كلام مؤهل اكادميا صحيح لكن وبدون دفن رؤوس في الرمال ما حيقدم المنتخب خطوة للامام |
محمد خليل
ســلام وتحية
يا محمد مازدا افضل الموجودين
ونجاحه في الصعود بالمنتخب الى النهائيات مرتين
يؤكد هذا .. الآن بعد تأكد الصعود
اتفق معك بضرورة التعاقد مع مدرب عالمي ومنذ الآن
مش يبقى شهرين وبعدين نقعد نفتش في مدرب
يا محمد اعطي مازدا حقه فهويستحق أن نقول له شكراً
تحياتي
|
|