جائزة نوبل للسلام - ثلاث نساء منهم توكل كرمان من اليمن

عقبال ان نسمع في العام المقبل اسماء من نساء بلدنا السودان فهناك الكثير منهم يستحق جوائز وتخليد للعمل الكبير القاموا بيهو

Quote: توكل عبدالسلام كرمان ، ولدت في 7-فبراير - 1979 في محافظة تعز ، اليمن ، كاتبة صحافية معروفة وناشطة في مجال حقوق الإنسان ورئيسة منظمة صحفيات بلا قيود. تعد توكل كرمان أحد أبرز المدافعات عن حرية الصحافة وحقوق المرأة وحقوق الإنسان في اليمن وهي ابنة السياسي والقانوني المعروف عبد السلام خالد كرمان . على الرغم من النظرة التقليدية للمرأة في مجتمع محافظ كاليمن ، إلا ان كرمان قدمت نموذجاً متميزا للمرأة التي تخوض في الشأن العام بشجاعة وإصرار ، فكانت في مقالاتها ومواقفها ناقدة قوية وفاضحة للفساد وانتهاكات حقوق الإنسان ، ولطالما دعت إلى ثقافة الحوار والتعايش وانتقدت التطرف والغلو والإرهاب وضرورة الإصلاح والتجديد الديني . ساهمت توكل في كتابة العديد من التقارير حول الحريات الصحفية ، والفساد في اليمن ، قادت توكل العديد من الاعتصامات والتظاهرات السلمية والتي تنظمها اسبوعياً في ساحة أطلقت عليها مع مجموعة من نشطاء حقوق الإنسان في اليمن اسم (( ساحة الحرية )) ، وأضحت ساحة الحرية مكانا يجتمع فيه عديد من الصحفيين ونشطاء المجتمع المدني والسياسيين وكثير ممن لديهم مطالب وقضايا حقوقية بشكل أسبوعي . على الرغم من تعرضها للعديد من التهديدات والمضايقات والاعتداءات من أجل اثناءها عن ماتقوم به ، إلا أنها لم تعر ذلك كله اهتماماً ولازالت تقوم بدروها في مناصرة المظلومين ، وفضح الفساد ، ومناهضة الاستبداد ، نالت شجاعتها وإصرارها على الدفاع عن حقوق الإنسان ومكافحة الفساد في اليمن على احترام وثقة الكثير من الكتاب والناشطين والنخب الاجتماعية والسياسية في اليمن،وكذا المراقبين والمهتمين إقليميا ودولياً، أطلق عليها بعض الكتاب اسم المرأة الحديدية ، وكثير من المواطنين ينادونها بالملكة بلقيس تشبيها لها لإحدى الملكات التي حكمت اليمن ، كرمتها السفارة الأمريكية لشجاعتها ومنحتها جائزةالشجاعة كما تم اختيارها من قبل منظمة مراسلون بلا حدود الدولية كواحدة من سبع نساء كبار الذين أحدثوا تغييراً في العالم ، أخرجت العديد من الأفلام الوثائقية حول حقوق الإنسان والحكم الرشيد.

http://www.google.co.ke/url?sa=t&source=web&c...QrndJcDo7qV2dqLr4zeg

Quote: Oslo, Norway - The 2011 Nobel Peace Prize was awarded on Friday to Liberian President Ellen Johnson Sirleaf, Liberian peace activist Leymah Gbowee and Tawakkul Karman of Yemen for their work on women's rights. The Norwegian Nobel Committee honoured the three women “for their non-violent struggle for the safety of women and for women's rights to full participation in peace-building work.” Johnson Sirleaf, 72, is a Harvard-trained economist who became Africa's first democratically elected female president in 2005. She faces a presidential poll this month. She was seen as a reformer and peacemaker in Liberia when she took office. But recently, opponents in the presidential campaign have accused her of buying votes and using government funds to campaign. Her camp denies the charges. Liberia was ravaged by civil wars for years until 2003. The country is still struggling to maintain a fragile peace with the help of U.N. peacekeepers. File photo of President of Liberia, Ellen Johnson-Sirleaf Reuters Liberian peace activist Leymah Gbowee, organised a group of Christian and Muslim women to challenge Liberia's warlords. In 2009 she won a Profile in Courage Award, an honour named for a 1957 Pulitzer Prize-winning book written by John F Kennedy, for her work in emboldening women in Liberia. Tawakul Karman, 32, is a mother of three. She headed the Women Journalists without Chains, a human rights group for journalist. She had been a leading figure in organising the protests in Yemen that opposed the rule of President Ali Abdullah Saleh and which kicked off in late January. Karman's father is a former legal affairs minister under Saleh. She is a journalist and member of Islah party, an Islamic party. “We cannot achieve democracy and lasting peace in the world unless women obtain the same opportunities as men to influence developments at all levels of society,” the prize committee said. - Sapa-AP

http://www.google.co.ke/url?sa=t&source=web&c...l0Ig2F1QtnzMIOkdrqgw

الانتفاضة والثورة في اليمن

يشارك فيها حزب الاصلاح وتوكل عضو في حزب الاصلاح

يعيب كثير من الناشطين اليمنيين حزب الاصلاح بعضوية بعض الاسماء التي لها تأريخ وارتباط بالفساد في اليمن

وخاصة بعد حرب الجنوب والتي حشد الاصلاحيين لها الكثير وراح ضحية هوسهم الكثيرين من ابناء الجنوب وسيطروا علي الاقتصاد هناك بدعم علي عبد الله صالح واهله

هذا لسان حال كثير من ابناء اليمن اليوم داخل المعارضة

وكذلك هناك علي محسن الاحمر فهو رجل حرب تجمع علي ذلك كل الاطراف _ من حركة الحوثيين في الشمال الي ابناء الجنوب وبقية محافظات اليمن ..

هناك احاديث تدور بانه سبب في تعطيل الثورة رغم تظاهره بحمايتها

مما ادي الي دخول العنف المضاد والمسلح والذي يحاول الثوار والمتظاهرين الابتعاد عنه

ويحسب لاعضا الاصلاح بتاجيج العنف المضادد متمثل ذلك في ابناء شيخ الاحمر في حي الحصبة رغم تغبيش العلاقة ومحاولة طمسها لكن يوكد كثير من السياسيين اليمنيين

ان الانزلاق الي حرب اهلية قد يكون بسببهم ...

ســلامات الفاتح سليمان





لقد سبق وأظهرت جلداً كبيراً عندما قامت قوات على صالح بإعتقال شقيقها من منزله بغرض ابتزازها للرجوع عن طريقها المقاوم.

Quote: نوبل للسلام للناشطة اليمنية توكل كرمان والليبيريتين إلين سيرليف وليما غبوي أعلنت الأكاديمية الملكية السويدية للعلوم في أوسلو عن منحها الناشطة اليمنية توكل كرمان ورئيسة ليبيريا إلين جونسون سيرليف والناشطة الليبرية ليما غبوي جائزة نوبل للسلام للعام الحالي 2011. أ ف ب (نص) اهدت الناشطة اليمنية توكل كرمان جائزة نوبل للسلام التي فازت بها الجمعة مع رئيسة ليبيريا الين سيرليف والناشطة الليبيرية ليما غبويي، الى نشطاء الربيع العربي والمرابطين في ساحات اليمن، كما اعلنت في تصريح لقناة الفضائية العربية. وقالت توكل كرمان المولودة في 1979 في محافظة تعز، "انا سعيدة جدا، هذا تكريم لكل العرب والمسلمين والنساء". واضافت انها تهدي الجائزة الى "كل نشطاء الربيع العربي"، مؤكدة ان الجائزة يفترض ان تمنح "الى الشعب اليمني المرابط في الساحات". واضافت "لم اكن اتوقع ولم اكن اعلم بترشيحي". تصريح لليمنية توكل كرمان قبل تتويجها بجائزة نوبل للسلام 20111007 وفي اوسلو حيث اعلنت الجائزة قال رئيس لجنة نوبل ثوربورن ياغلاند ان توكل كرمان ورئيسة ليبيريا الين جونسون سيرليف و"المناضلة من اجل السلام" الليبيرية ليما غبويي كوفئن على "نضالهن السلمي من اجل ضمان الامن للنساء وحصولهن على حقوقهن للمشاركة الكاملة في عملية بناء السلام". واضاف ثوربورن ياغلاند "لا يمكننا تحقيق الديموقراطية والسلام الدائم في العالم إلا اذا حصلت النساء على الفرص نفسها التي يحصل عليها الرجال للتاثير على التطورات على جميع مستويات المجتمع". وتقدم توكل كرمان نفسها على صفحتها على فيسبوك بوصفها كاتبة صحافية وناشطة حقوقية يمنية ورئيسة منظمة صحافيات بلا قيود.

http://www.france24.com/ar/20111007-norway-no...ident-sirleaf-gbowee

ان شاء الله العام القادم نرشح ابنتنا

الدكتوره نجلاء محمد الحسن لجائزة نوبل للسلام

Quote: ان شاء الله العام القادم نرشح ابنتنا الدكتوره نجلاء محمد الحسن لجائزة نوبل للسلام

نعم تستأهل

وأكثر ....

*
التحية للمرأة عامة والفائزات خاصة .

سلام عبد الله


كما ذكرت فهن يستحقن

الزيهم كتير

في نضالهم اليومي في الحياة في الاسرة في العمل في المدرسة في المستشفي في الشارع العام من بائعات في الطرق للكسب الحلال الي اخريات في مناصب عليا

هو احتفا بكل مراة مناضلة

ظلت وتظل تعمل في صبر ومثابرة وجدية في مواقف

ضعف امامها الكثير من الرجال

مبروك للثلاث .. و لتوكل كرمان خاصة

بالجد تستحق


اعلام العربي (الجزيرة/العربية) بالذات ليهم دور كبير في ابرازها ..


يا ريت يعمل المثل مع ناشطاتنا و ناشطينا

اتمنى الجائزة دي للصديقتين : نجلاء سيد احمد

و مناهل ابراهيم


مناهل إبراهيم .. أُغنية الوطن الجميلة، التي تملأك فأل

و كل العاملين و العاملات من أجل وطن خير ديموقراطي

الاحياء منهم و الاموات

قيقراوي سلام

فعلا مناهل ونجلاء ما ساهللين وكما ذكرت هو الاعلام الجزيرة والعربية لعبوا دور كبير جدا


في الجائزة

اللافت للانظار تعليقات الشكوك حتي من بعض اليمنيين ويمكن تفهما لكن في بعض الاحيان تكون حادة ....

بعضهم رجع الي تاريخ جائزة نوبل للسلام وذكر انور السادات وانه بعد توقيع كامب ديفيد وما تبعها من هزائم وكوارث لقضية فلسطين ومزابح لبنان وغيرها ..

بكل تاكيد قضايا السودان لن تجد حيز في العربية ولا في الجزيرة من جانب يساهم في عكس ما تقوم به ناشطات مثل نجلاء ومناهل لذلك علينا العمل الجاد معا في تلك القضايا وطرق وسائل اعلام اخري من اجل القضايا ومن اجل حفظ حقوق مثلهن.

نجلاء تعمل في مهمة شاقة وصعبة في توثيق احداث معاناة يومية وتحاول عكسها هنا

تخيل لو ان معارضينا اجتهدوا في قناة فضائية تعكس من خلالها مثل نشاط كاميرا نجلاء سيدا احمد وبنفس واقعيتها ...

Quote: ان شاء الله العام القادم نرشح ابنتنا الدكتوره نجلاء محمد الحسن لجائزة نوبل للسلام

استاذنا طار ق تحية وسلام

كما ذكرت فنجلاء سيدا حمد تستحق ذلك فلها نشاط دائم

وان كنت تقصد ناهد محمد الحسن فهي كذلك

تستحق فالاتنين لهم تاريخ ناصح من الحركة السلمية من اجل تغيير الواقع في السودان

كماهو الحال دائما الاعلام لا يعكس مثل نشاط ناهد ونجلاء وهن يعملن بتجرد من اجل قضايا الوطن وكل فئاته

دمت بخير

سلام الاخ العزيز ابوبكر

كما ذكرت فهي اظهرت موقف قوي طول فترة نشاطها الاخير

لها مقدرة علي رفع الروح المعنوية للمتظاهرين

رغم التحفظات في اليمن علي الاصلاح كحزب سياسي لكن وانا شاهد فهي من القليلين الذي يواصلوا دعم ضحايا العنف

ففي المستشفي الذي نقوم بدعمه هناك كانت تشكل حضورا في غياب اخرين ...

مبرووك ليها وللنساء في اليمن وقد اظهرن كثير من التقدم والشجاعة في تلك الملاحم بحق ...

هناك اخريات كما هو الحال دائما يعملن في ظل الكاميرات لهن دور ايجابي كبير في اليمن ......

الساحة اليمنية بها حراك سياسي كبير بصراحة ويدهشك القدرة علي التنظيم عندهم برغم وجود عدد كبير من الجماعاتا السياسية ورغم حدة الخاف فيما بينها لكن ساحة التغيير في صنعا ومن واقع معاش كنت هناك

تدل علي خطوات كبيرة قفزها الساسة هناك نتمني ان نراها هنا

واتنمي الا تزلق اليمن في حرب اهلية


شكرا علي مرورك الرافد للموضوع

التحية والتقدير لهن للجائزة المستحقة بجدارة

نطمع ان نرى غسم السودان عاليا خفاقا تمثله حواء السودانية في هذا المجال
التي اثبتت جدارتها وتركت بصمتها واضحة
نجلاء تستحق واخوات نجلاء كثر لهن جميعا الأنحناءة والتقدير

التحية لأختنا في الله توكل ’’ رفعتي رأس اهلنا في اليمن في الثريا ,و ربنا ينصركم جميعا ويفرج كرتكم بسقوط نظام الظلم الجاثم على صدوركم


السلام والتحية لك اخي الفاتح سليمان ,, تسلم والله

Quote: التحية والتقدير لهن للجائزة المستحقة بجدارة نطمع ان نرى غسم السودان عاليا خفاقا تمثله حواء السودانية في هذا المجال التي اثبتت جدارتها وتركت بصمتها واضحة نجلاء تستحق واخوات نجلاء كثر لهن جميعا الأنحناءة والتقدير التحية لأختنا في الله توكل ’’ رفعتي رأس اهلنا في اليمن في الثريا ,و ربنا ينصركم جميعا ويفرج كرتكم بسقوط نظام الظلم الجاثم على صدوركم السلام والتحية لك اخي الفاتح سليمان ,, تسلم والله

الغالية اسماء سمح مرورك هنا وكلماتك الفوق دي

في السودان واليمن وفي دول اخري نساء لهن قدر كبير من العطا دائما

نتمني ان تاخذ المراة السودانية حقها الادبي وموقعها في الاعلام بما تقوم به كل في مجالها بتفاني واخلاص

من قدامي السياسيين والاساتذة والطبيبات وكل المهن


الي يومنا هذا

نجلاء مبادرة كبيرة تمشي بيننا كل يوم في تواضع هي واخواتها ناهد وغيرهم

تكريمهم بنصرة قضاياهم اجمل واعظم مع كل تاكيد جوائز محترمة

Quote: نجلاء تعمل في مهمة شاقة وصعبة في توثيق احداث معاناة يومية وتحاول عكسها هنا تخيل لو ان معارضينا اجتهدوا في قناة فضائية تعكس من خلالها مثل نشاط كاميرا نجلاء سيدا احمد وبنفس واقعيتها ...

دا المطمم بطنا من معارضة الجعجعة دي ذاتو ياخي!!

معقولة ما عندنا قدرت - مالية لإنشاء محطة فضائية!؟

و لّ مشكلة ارادة .. ام فكر؟

قبل يومين كنت متابع تقرير في العربية عن دور القنوات الخاصة في الثورة المصرية!

الجزيرة بتوجهاتها الايدولوجية - الدعمت توكل - لا نتوقع لها دور في الثورة السودانية ( السلمية)
العربية بملكيتها الخليجية هي ملكية اكتر من الملك

بستغرب الكلفة - المالية - الاكبر لقناة فضائية و لّ السلاح!؟
طيب و لا حركة مسلحة منفردة، او كل الطيف المعارض ما ممتلكين الارادة لاقامة قناة فضائية!؟
حاجة تحير بالجد ..

الحركة الشعبية سنة 1983 كان عندها اذاعة ياخ!



-----

توكل هارسلف شكرت الجزيرة، سوا سوا مع الشعب اليمني!!

ألف ألف مبروك للصديقة الخلوقة والإنسانة النبيلة التي تحمل هموم البسطاء كما تحمل مبادئها التي لا تنفصل بين الإيمان والتطبيق..

كان لي شرف معرفة وصداقة توكل كرمان أثناء عملي وإقامتي في اليمن.. عملنا معا. وفتحت لي بيتها وقلبها وعقلها. نؤمن معا بغد أفضل لنساء اليمن وكل نساء البسيطة..

هذه هي البداية.. فهنيئا لها بإعتراف العالم بما تفعل. وهذه هي المرة الأولى التي اقتنع أن الجائزة ذهبت لمن يستحق.
الغريب لم أر إسمها ضمن المرشحات اللائي أعلن عنهن من قبل (لينا بن مهنا التونسية واسماء عبدالفتاح المصرية).
أعرف المدونة "لينا" جيدا وبيننا علاقة عملية وإنسانية. وأقدًر دورها قبل وأثناء الثورة في بلدها. ولكني لم اكن واثقة من أحقيتها للجائزة. فمن خلال مسيرتي المتواضعة وعملي ولقائي بالنساء في السودان وأريتريا واليمن والعراق وسوريا وحتى تونس. كنت على يقين أن هناك من تستحقها أكثر.. وها هي نوبل تذهب نحو سبأ، لحفيدة بلقيس وأروى.. تـوكـل كـرمـان..

ألف مبروك لنساء اليمن. من يعطين دروسا كل صباح. ومبروك لجميع النساء في أي بقعة..


شكرا صديقي الفاتح.. وكل المنى أن نلتقي مجددا في اليمن السعيد

السعيدة بهذا اليوم وهذا الخبر.. رجا

Wonderful News!
Three women from the Global South win the Nobel Peace Prize! A grassroots organizer for peace; an activist from the Middle East; and the first elected woman president in Africa.

Way to go!

nada

Nice photo ya Ragaa, Alf Mabrook

الاخت العزيزة ندي

تحية واحترام

المراة السودانية في مختلف المجالات لها انجاز ومساهمة كبيرة وفعالة

عبر التاريخ .. وفي مختلف المواقع ومن خلفيات فكرية مختلفة قدمن الكثير والايجابي

كما ذكرت لهن فضل كبير وهن معلمات فاضلات قدمن الكثير ونحن نشهد لهن الي اخريات في مجال العمل العام من مثابرة واجتهاد واخلاص وايمان هن سودانيات نفخر بهن

الاجمل كما ذكرت ان ثلاثة نساء ومن بلاد تعاني الكثير كما يعاني وطننا السودان ... اليمن وليبريا

لها ولك التحية وحق لنا ان نفخر بكل سودانية تقدم وتعمل بجد واجتهاد ...

Quote: ألف ألف مبروك للصديقة الخلوقة والإنسانة النبيلة التي تحمل هموم البسطاء كما تحمل مبادئها التي لا تنفصل بين الإيمان والتطبيق..

رجاء سلامات والحي بيك والله اليمن تركناه في ايام صعبة شديد

كما كتب الطيب صالح عن بيروت ورائحة الحريق تذكم الانوف ( في موسم الهجرة الي الشمال).

رغم انه مجتمع قبلي وتعود علي السلاح لكن ما يحدث هناك كبير وخطير

نتمني ان تنتصر ثورتهم ويعم عندهم وعندنا سلام

تذكرت ما قمت به ومع زملائك في دعم المراة هناك

وتذكرت كثير من الوجوه اليمنية بخصوصيتها وخاصة النساء رغم انو الجماعة ديل وشهم طول اليوم تحت النقاب فهنا كناية



وداد البدوي كمثال وعشرات منهن يعملن في ساحات التغيير في تعز وصنعاء وعدن وغيرها من المدن اليمنية

المراة اليمنية رغم خصوصية المجتمع اليمني المحافظ لكنها موجودة في الساحة السياسية وقدمن تضحيات ولم تسلم اجسادهن من طلقات القناصة ...


لك التحية وورينا وين اراضيك واين توجهين حقائبك لمهمة قادمة ...

واجمل حاجة شاركتنيا بصورة جميلة ووجاهات الف ..

ندى يا عزيزة.. ألف مبروك لتوكل ولكل نساء اليمن.. وعلى يقين أن نضالات المرأة في كل العالم لن تذهب هباء.

توكل ولعدد من السنوات حرصت على إعتصام خصص له يوم الثلاثاء (من الساعة 10 ص وحتى 12 ظهرا) في ميدان التحرير وسط العاصمة صنعاء.
تمكنت ورفيقاتها في منظمة "صحفيات بلا قيود" أن يدعمن كثيرا من القضايا. وتم التضامن مع كافة الصحف والصحفيين في معاركهم مع نظام صالح. إضافة لكشف الفساد الحكومي لكل فئات الشعب.
تعرضت لكثير من العنف والمضايقات. وتم إعتقالها مرارا. ولكنها في كل مرة كانت تخرج أكثر قوة وأشد تصميما..



* شكرا لتعليقك على الصورة.
كانت في مناسبة تخريج دفعة من الشباب اليمني من الدورة التدريبية التي نظمتها (صحفيات بلا قيود) للأفلام التسجيلية.

تحاياي

Quote: دا المطمم بطنا من معارضة الجعجعة دي ذاتو ياخي!! معقولة ما عندنا قدرت - مالية لإنشاء محطة فضائية!؟ و لّ مشكلة ارادة .. ام فكر؟ قبل يومين كنت متابع تقرير في العربية عن دور القنوات الخاصة في الثورة المصرية! الجزيرة بتوجهاتها الايدولوجية - الدعمت توكل - لا نتوقع لها دور في الثورة السودانية ( السلمية) العربية بملكيتها الخليجية هي ملكية اكتر من الملك بستغرب الكلفة - المالية - الاكبر لقناة فضائية و لّ السلاح!؟ طيب و لا حركة مسلحة منفردة، او كل الطيف المعارض ما ممتلكين الارادة لاقامة قناة فضائية!؟ حاجة تحير بالجد .. الحركة الشعبية سنة 1983 كان عندها اذاعة ياخ! ----- توكل هارسلف شكرت الجزيرة، سوا سوا مع الشعب اليمني!!

قيقراوي والله زي ما قلت

الموضوع ممل جدا ياخ القناة كلفتها السنوية ممكن نحن المفلسين ديل ندفعها والسلاح اقل بكتير من القناة وتكلفة تشغيلها لكن

حاجات محبطة جدا من كل اطراف المعارضة في الامر دا

اي واحد من المعارضة شفت كيف حتي الشيوعيين المفلسين ديل ممكن يدعموا القصة دي لو سخوا زي الميدان بالضبط

يعني شيرنغ وسنة واحدة ممكن توصل رسالة توثر لعشرات السنين بس زي ما قلت التواطوا الايدولوجي وناس العربية الملكيين اكتر من الملك ديل هم المشكلة


ولا اقول ليك نحن المشكلة ما هم


اعجبتني فكرة راديو دبنقا رغم ما ظهر في الاخر من مشاكل واستغرب ليه ما تنفذ نفس الفكرة دي ومن دولة بعييييدة تيارة بتاع جماعة ولا بيوصلوا

http://www.sudaneseonline.com/db/attention/010_Smile.gif

في ايام زي دي كان الناس توصل صوتها وتقول انها مع المواطن مش عشان تحكم لكن عشان تقيف معاه في محنته وارتفاع الاسعار والحروب الفي بلدوا والفساد والسرقة الهبطرش زي ما قالت الغالية اسماء

الفاتح يا عزيز..

سلامات ومحبة.. وبجد سعيدة لتوكل ووداد البدوي وصباح وكواكب الذبياني ولكل الشابات النقاوة في "صحفيات بلا قيود"..


الآن أنا في تونس الحرة. إستطعنا وبعد الصبر على "بن علي" ونظامه أن نفتح مكتبنا ويستقر بي المقام هنا. وإسترحت أخيرا من القدوم لها 10 ايام فقط في كل شهر.

وينك إنت؟ هل رجعت من باكستان؟

Quote: الدكتوره نجلاء محمد الحسن لجائزة نوبل للسلام

قرقرقرقرقر!

مش جلابية؟

ده كل المؤهل المطلوب لاي شئ في السودان!

اما نساء الهامش، البغتصبن، لو نجت الواحدة من غارات الانتنوف، ولا بسجنن، ولا بنجلدن بي سيطان العنج، فليهن الله!

Quote: وها هي نوبل تذهب نحو سبأ، لحفيدة بلقيس وأروى.. تـوكـل كـرمـان..

رجاء تحياتي،

مبرووك فوز صديقتك بي جائزة نوبل او ده انجاز ما ساهل.

نقطة جانبية:

لاعلاقة لعرب اليمن الساميين بي بلقيس الكوشية لا من قريب ولامن بعيد.

نعم المؤرخين العرب بي بساطة، كما فعل ارسطو، قامو بنسب كل ارث كوش للعرب بي جرة قلم، وكان هذا بعض استحقاقات خسارة قدماء كوش الاستعمرو جنوب الجزيرة العربية، لي نتيجة صراعم الطويل مع القادمين الجدد الي الجزيرة الكوشية.

تفرقت بهم ايدي سبا المذكورة في القران تشير الي خاتمة هذا الصراع المرير الطويل والدامي، بينا او بينم.

Quote: مش جلابية؟ ده كل المؤهل المطلوب لاي شئ في السودان! اما نساء الهامش، البغتصبن، لو نجت الواحدة من غارات الانتنوف، ولا بسجنن، ولا بنجلدن بي سيطان العنج، فليهن الله!

سلامات يا بشاشا

انت قايل الجائزة دي حقت شنو هي!؟
معليش ..

للاسف، كل الذكرتو اعلاه ما بأهل واحدة لجائزة نوبل للسلام!!


رشح (ناشطة) يا اخوي .. و الحشاش يملأ شبكتو

( و بالله اذا كان ايدلوجيتك فيها فرز عنصري، ما تفرضا على الناس ياخي)


ثم ياخ الدخل السودان شنو اسي هنا!؟ ..

الاخ (تمنى) انو (جائزة نوبل) تمشي لزولة شايفها بتستحق (مع شكي في خطأ الاسم) ..

الغلط شنو في الكلام دا!؟

لازم نقعد نفرز الناس دا كدا و دا كدا ..

ياخ روح الجائزة كدا ما راح شمار في مرقة عنصرية ساااي كدا!؟









------------

يا فاتح


شوف البدري الياس :

قناة فضائية لله يا معارضة.. عشان الحاجات تبقى كويسة..

ما لاقي زول يقول ليو الله يدينا و يدك ذاتو!؟

قيقراوي

البدري الياس قريت موضوعوا وصراحة ليه حق يكون محبط من كسل شديد في عقولنا كلنا

قبل كده كان مفتوح كم بوست هنا وصراحة ليه حق يمعط شعر راسه من المغسة

ومرة في القاهرة الناس فتحت الموضوع واتكلموا عن التمويل حق الجاز وكده زي نظام اذاعة الحركة الزمان من اسمرا ولا اثيوبيا ان صحت المعلومة

واظن في ناس في البورد دا اشتغلوا فيها

وكانوا مساهمين كتير خلاص

الان التكنولوجيا ارخص واقل تكلفة وزي ما البدري بهناك بقول

والله حاجة محزنة جدا

في رابط هناك مشيت دخلت عليه ( اذاعة اون لاين لكن بقدر بساطة الحكاية لكن الكلام الفيها كبير جدا وموثر )

يعني الاذاعة عشان صعوبة الاف ام لو اشتغلوا باي AM h, SW

ممكن تكون في مكان بعيد من ايدي الجماعة ديل زي ما بقولوا رفاق الحركة في اراضي محررة وكلها صندوق والباقي من علي البعد بتم بستلايت انترنت

يمكن دفع تكلفتها

مفروض كلامي دا اقولوا هناك مش ؟

لكن اهو نتكلم هنا وهناك



ونرحب بالاخ العزيز بشاشا

الاخ العزيز بشاشا

سلامات

ومرحب بيك في موضوع جائزة نوبل

مع بت اليمن توكل وترشيحات الناس الهنا بمناسبة مجهودا نجلاء كمثال و كاميرا تقدم بيها الكثير في منطقة موجودة فيها وهي تبذل جهد كبير لا تفرق فيه بين ابناء السودان في مساحة جغرافية

وجدت فرصة التحرك فيها رغم كتير من المصاعب ,وبكل تاكيد انا علي ثقة انو هي علي استعداد لتشمل مجهوداتها اي مناطق اخري بغض النظر عن الموجودين هناك ان كانوا جلابة او غير جلابة



نمشي في نفس تصنيف جلابة وغيرهم ,

جائزة نوبل ادوها لاتنين ما جلابيات وهن من ليبريا يعني الجماعة ديل بفرزوا شديد وما عارفين النقة الشديدة الهنا ولا سمعوا بيها بتاعت جلابة وغير جلابة

يعني هم عندهم كل السودان وليبريا وغيروا سيم سيم بس منو عنده مجهود وبعد داك يسمعوا بيهو يرشحوه يشيلها اولا دي شي تاني

واقول ليك راي انو مثلا اوباما ما بستحقها ولا السادات كمان لكن هي ممحاكات سياسية ساي منهم :-)....

وجميل المعلومات القيمة بتاعت بلقيس وكوش و ح نفتش فيها كتير للاستفادة ...

تاني اليمنيين البعرفوهم ديل تعبوا ح اقول ليهم هوي بلقيس دي حقتنا عديل كده اصلهم ح اكون طالعين الكفر بقصة نوبل دي

Quote: مع بت اليمن توكل وترشيحات الناس الهنا بمناسبة مجهودا نجلاء كمثال و كاميرا تقدم بيها الكثير في منطقة موجودة فيها وهي تبذل جهد كبير لا تفرق فيه بين ابناء السودان في مساحة جغرافي

الفاتح تحياتي،

هل صدفة باستمرار المثل الاعلي في كل شئ في حياتنا، بجسدو شمالي او شمالية كقاعدة؟

القاعدة دي لازم ندشدشة طوبة طوبة لانها جهوية، بل نازية ابارثيدية حصدت ارواح الملايين.

انا عايز نموذج الجلابي المتفوق في كل شئ ينتهي والي الابد، لانو نتج عن خلل اساسي متمثل في بنية الدويلة ذات نفسها الخاصة حصرا بامثال الاخت نجاة الذي اتمني ان تفهم منطلقاتي لانها في شخصها ما مقصودة اطلاقا، وهي هنا للترميز فقط.

هذا الخلل هو البخلي الشمالي تحديدا هو الببرز الي السطح، باعتبارو مكوش علي الفرص كلها بحرمان الاخرين وعلي حسابم.

ده المقصود بي كلامنا كيف المؤهل الاساسي في سودان اليوم هو الانتماء بالميلاد حيث لاكسب هنا، للشمال.

عشان كده بقول علي روحي كشمالي بشاشا صاحب حظوة بالميلاد!

الطريف الكلام ده بزعل بعض المهمشين، ومن هؤلاء الاخ خالد كودي!

قرقرقرقر!

سلامات ومواصلة الاخ بشاشا

في نقاط وضحتها بطريقة جيدة وواضحة ...

بس في نقطة ممكن تكون عادلة جدا في قضية الجلابة وكيف نفرتق الحاجة دي عشان نصل لواقع افضل :

مثلا من العدالة انو كل الناس يكونوا متساوين في كل الفرص كبشر ( في حقوق في ثروة او امام قانون او اعلام الخ وتعكس حاجاتهم في الدولة الاسمها السودان دي بالتساوي )

يعني المن الغرب او الشرق او الجنوب او الوسط او الشمال كلهم سيم سيم :-)

وفي نفس اللحظة ما اظن انو من العدالة اننا نقول للجاي من الشمال الجلابي انت ناخرك شوية رغم انك بتقدم في الزمن او الوقت المعني و من العمل الايجابي الكتير بس عشان هو من من الشمال او لانه هو من المجموع الجلابي ..

لكن مفروض نعمل نحن كلنا مع بعض في انو تخلق نفس الفرصة للجميع وبالتساوي . لانو في النهاية النجاح بكون بتطبيق معادلة العدالة بشكل سليم . من اجل رد حقوق بدون نزعها ظلما من اخرين

والا ح نلقي نفسنا في دائرة تنصر او ترد حقوق لكنها في نفس اللحظة تظلم وتسلب اخرين حقوقهم وفرصتهم ...

زي ما بقولوا ما نغطس حجر واحد عشان يتساوي مع التاني العينوا طالعة لسبب او لاخر ونفتكر انو نحن بنجسد العدالة الاجتماعية او غيرها من الصيغ ...

وهنا كما ذكرت انو تركيبة الدولة ادت الي التفوق لكل ما يمكن ان يعرف بجلابي علي حساب غيروا من المواطنين السودانيين ...

اما في مثال نجلاء فبالتاكيد ممكن يكون هناك اخريات غيرها لكن اخدت نجلاء الفرصة في الترشيح في بوستنا المتواضع بسبب وجودها في دائرة الملموس لينا بالحاجة البتقدمها وهنا بجي دور الاعلام

المفروض يوصل لينا ولغيرنا اسماء تعمل بعيدا عن ضوء الكاميرا.

دمتم للنقاش والراي عشان نفتح طايوقنا دا وشكرا كتير لتبادل الحاجات دي