Post: #1
Title: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-06-2011, 05:23 AM
Parent: #0
عندى احساس بان الهلال سيغلب فى تونس!
|
Post: #2
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-06-2011, 05:44 AM
Parent: #1
المعز محجوب لحراسة المرمى
سيف مساوى ديمبا سامى عبدالله خليفة
للدفاع
علاء الدين يوسف عمر بخيت مهند هيثم
للوسط
سادومبا كاريكا
للهجوم
|
Post: #3
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-06-2011, 04:38 PM
Parent: #2
خليفة الحيحرز القووون.
سطر جديد.
على قول صبرى طه
|
Post: #4
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: محمد عمر الفكي
Date: 10-06-2011, 04:51 PM
Parent: #3
الصادق يا اخوي
حلم الجيعان عيش
والله تنبؤاتك دي سكران ضهرية ما يقولها (اعاذك الله سكران الضهرية دا الا تفك منه براها)
غايتو لو لبستوا لعيبة برشلونة فنايلكم ممكن يغلبوا ليكم الترجي
بالمناسبة يا الصادق
اها ما وريتنا بعد الهلال دا ما يفوز 1/0 اها بعدين البيحصل شنو؟ ولا ننتظر مزيد من التوضيح بعد ما تصحى من نومتك دي ويكون تميت باقي الحلم.
قلت لي القون حيجيبو خليفة؟ خليفة دا يوم امدرمان كان غائب.
نصيحة لوجه الله تعالي
بعد شوية باقي المريخاب بجوك، فجهز سواترك واوعى تكون زي دفاعكم الراقد في السهلة دا.
هاك خليفة دا
|
Post: #5
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-06-2011, 09:38 PM
Parent: #4
Quote: الصادق يا اخوي
حلم الجيعان عيش
والله تنبؤاتك دي سكران ضهرية ما يقولها (اعاذك الله سكران الضهرية دا الا تفك منه براها)
غايتو لو لبستوا لعيبة برشلونة فنايلكم ممكن يغلبوا ليكم الترجي
بالمناسبة يا الصادق
اها ما وريتنا بعد الهلال دا ما يفوز 1/0 اها بعدين البيحصل شنو؟ ولا ننتظر مزيد من التوضيح بعد ما تصحى من نومتك دي ويكون تميت باقي الحلم.
قلت لي القون حيجيبو خليفة؟ خليفة دا يوم امدرمان كان غائب.
نصيحة لوجه الله تعالي
بعد شوية باقي المريخاب بجوك، فجهز سواترك واوعى تكون زي دفاعكم الراقد في السهلة دا.
هاك خليفة دا |
هى رؤاى يا محمد عمر, و رؤيتى ما قاعدة تدق الدلجة ابدا, خليفة هو الحيجيب القون, ونحن قاعدين و شوف. بعدين نحن فريقنا ما كعب, هؤلاء هم نفس اللعيبة الاقصو الترجى العام قبل الفات, و ايضا هم نفس اللعيبة الغلبوا مازيمبى و كذلك الدرنو مع ناسارو 3\0 وهزمناه بضربات الترجيح و كذلك نفس اللعيبة الطيرنا الاول من اغسطس بعد ما كنا مغلوبين 1\3 يبقى على قول قيقا المافى شنو؟. بعدين نحن ما كان عندنا مدرب! خطا التشكيلة هو الاوقعنا فى الهزيمة, واسى التشكيلة حتتعدل و اتمنى سامى عبدالله و علاء الدين يعودوا.
نحن حنتسدا لغلبنا 1\0 و بعدين نترك الامر لضربات الحظ لو ابوبكر شريف ولا يور موجوديين كان حاتنبا ليك بيها, اسى خلينى انوم ثانى و الاسبوع الجاى بديك الاكيدة, حنكسب ضربات الترجيح و لا .
|
Post: #6
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: Mahmoud Mustafa Mahmoud
Date: 10-06-2011, 10:15 PM
Parent: #1
| Quote: عندى احساس بان الهلال سيغلب فى تونس! |
ياخ مرات التشكيل مهم خالص خالص...
طبعاً قاصد (سَيُغْلَبْ)...موش؟؟
طول عمرك راجل عاقل..
هذا ..وتقبل تحياتي وما تعصر على المحلبية كتير
|
Post: #7
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: صبري طه
Date: 10-06-2011, 11:06 PM
Parent: #6
| Quote: عندى احساس بان الهلال سيغلب فى تونس! |
ونفس الإحساس دة عندي ...
والغريبة قبل شوية كُنت مع أحد الأصدقاء وهو هلالابي ... وبرضو عندو نفس الإحساس ...
وإن شاء الله منتصرين ...
|
Post: #8
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-06-2011, 11:31 PM
Parent: #7
Quote: ونفس الإحساس دة عندي ...
والغريبة قبل شوية كُنت مع أحد الأصدقاء وهو هلالابي ... وبرضو عندو نفس الإحساس ...
وإن شاء الله منتصرين ... |
علشان كدة يا صبرى نحن هلالاب يجمع
بيننا الفيشن, الفيشن دا ما تمنى
ساكت, انا عارفك انت زول بتاع
معادلات و لوغرثيمات, اكيد عرفت
انو لعيبتنا ديل اخر فرصة لهم فى
التاريخ, فلايمكن يدعوها تفوت! بالاضافة
اذكرك هلال 87 مش درنا فى امدرمان مع
الاهلى المصرى ووقتها الجماعة حكموا
علينا باننا حنترصع من الاهلى زى ما فى
حاجة و كان الاهلى فى قمته! شوف الحصل شنو
رغم اننا احرزنا فى مرمانا هدف خاطئ
لكن قدمنا بعزيمة الرجال اجمل مباراة
لعبها الهلال فى تاريخه و احرزنا هدف لو
لا الملعون لاراش لحققنا التفوق, وما اشبه
الليلة بالبارحة!!
وخلينا نمشى لقدام المافى شنو؟
|
Post: #9
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-07-2011, 01:18 AM
Parent: #8
Quote: ياخ مرات التشكيل مهم خالص خالص...
طبعاً قاصد (سَيُغْلَبْ)...موش؟؟
طول عمرك راجل عاقل..
هذا ..وتقبل تحياتي وما تعصر على المحلبية كتير |
انت عارف يا محمود سيد المحلبية ذاتو
بموافقنى الراى دا!! اها نتفائل و لا
ما نتفائل؟
|
Post: #10
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: محمد النيل
Date: 10-07-2011, 01:21 AM
Parent: #7
Post: #11
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-07-2011, 03:48 AM
Parent: #10
محمد النيل,
انا ماعرفت انت داير تقول شنو؟
الرابط ما اتفتح معاى و فتشتو
فى الراكوبة برضى ما لقيتو؟
|
Post: #12
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: قلقو
Date: 10-07-2011, 08:49 AM
Parent: #11
والله ياالصادق لو جابوا سير اليكس فيرجسون ومورينيو مدربين وطعمو الفريق بى رونالدينو وزين الدين زيدان وميسى لما استطاع اولئك الأشباح ان يفعلوا شيئ .
انسى ياشيخ الصادق..انسى واقلب الصفحة خلينا نبتدى سطر جديد .
|
Post: #13
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-07-2011, 04:18 PM
Parent: #12
Quote: والله ياالصادق لو جابوا سير اليكس فيرجسون ومورينيو مدربين وطعمو الفريق بى رونالدينو وزين الدين زيدان وميسى لما استطاع اولئك الأشباح ان يفعلوا شيئ .
انسى ياشيخ الصادق..انسى واقلب الصفحة خلينا نبتدى سطر جديد . |
سيبنى و انسى و هون عزابى!! يااخى هو دا بتنسى؟؟
يا قلقو فى شنو فى السودان تشم فيه ريحة الوطن
غير الهلال؟
|
Post: #14
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-07-2011, 04:46 PM
وجهة نظر:
يا جماعة خلونا نكون واضحين و ننتقد انفسنا
بموضوعية املا فى الصلاح, انا شايق ان المشكلة
الاساسية فى دفاع الهلال هو سيف مساوى ليس الا!
يا جماعة من ايام مباراة مازيمبى الثقرة فى الدفاع
كان سيف مساوى, يا جماعة الراجل دا قدام لعاب ممكن
يلعب و سط, راس حربه او باك, لكن لايمكن ان يلعب ليبرو!
ودونكم هزائم الهلال! على الحلال كل الاقوان بدءا بهزيمة
مازيمبى سببها سيف مساوى, ياجماعة الراجل دا بسرح و بيتوه
داخل الميدان, ودى ما صفة ليبرو, الليبرو لازم يكون صاحى
وواعى ومتابع ال90 دقيقة, سيف بنسى نفسه انو مدافع و الجماعة
خادعنو بحكاية انت جوكر وممكن تهاجم ووو و بالتالى هو دوما
تركيزه انو يجيب قون اكثر من انو يدافع و يمنع وولوج قون!
لو شاهدتم مباراة مازيمبى شفتوه كيف خلى الكورة و قعد يصارع
فى اللاعب عديل كده! لحدى مااوقعه فى الارض و كان اللعبة مصارعة!!
و كذلك فى صراعه مع مهاجم انيمبا و الناس بتلعب فى الزمن بدل
الضائع! شفت كيف ايضا تسبب فى ضربة جزاء! و حتى فى مباراة الترجى الاخيرة
شفتوه كان سارح بعيد و اللاعب جا مندفع من الوسط, كان ممكن جدا يعطل
المسيكنى و تكون الكورة ضربة حرة لكن سيف جرى مع اللاعب و المعز بتفرج
و الطامة الكبرى حصلت!
سيف ممكن يلعب باك متقدم و هو ممكن يساند الهجوم و بخبرته يستطيع شل
حركة الجناح, لكن ان تسلمه مهمة دفاع المنطقة باكملها و الله دا الخطر بعينه!
خانة الليبرو نجح فيها سامى عبدالله لدرجة و هو حقيقة اسد و متابع جيد و لا
تشغلة هلوسة احراز هدف, تركيزه دوما منصب على صد المهاجمين و قطع الكرات المرتدة
و هذه فعلا مواصفات الليبرو الناجح, بس تقول شنو؟ الجمهور و الادارة و المدرب
شغلونا سيف سيف, وتجاهلوا سامى صاحب المهمة الاساسية.
عموما المباراة القادمة لازم سيف ما يلعب ليبرو اذا تماثل سامى للشفاء يكون هو
الانسب لبطئ ديمبا و اذا لم يتماثل يبقى الانسب هنا امير دامر و ليس سيف مساوى
|
Post: #15
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-08-2011, 12:51 PM
Parent: #14
Quote: بحكم معرفتي للكوتش الفاتح النقر منذ أن كان يدرب الهلال في نهاية الثمانينات وبداية التسعينات الميلادية الآفله وهو يعسكر بفندق المرديان حيث كنت وقتها شاهداً على ذلك بحكم عملي بقسم الإستقبال ومدى إلتماسي لروح الحماس الذي يبثه في أبنائه والإصرار الذي ما فارقه يوماً من أجل الوصول لغاياته ومبتغاه وبشباب من عينة الريح كاريكا وكندوره وعصام غانا ومبارك سلمان وغيرهم أجزم بعون الله بأن النقر وصنوه عافيه سيعيدون لنا تلك الأيام الذاهية وهم يقارعون الأشانتي كوتوكو في عز مجده وكذا المريخ ويجندلونهم بأهداف كاريكا وعصام غانا وكندوره .... لقادرون بعون الله بإعادة تلك الأيام الخوالي ورسم لوحة بطولية بإستاد رادس والعوده ببطاقة التأهل بإذن الله وذلك بعد أن يلبس رفاق سيدا لبس خمسة كما ذكر الرشيد علي عمر في عموده اليوم ويعيدو لنا ملحمة الإفريقي التونسي برادس قبل نحو خمسة أشهر من الآن ...وإن تسعفني الذاكره فإنني لا أنسى يوم مباراة الهلال والمريخ في أول درع لكأس الإنقاذ على ما أعتقد ويومها طلب الكوتش النقر منا بقسم الإستقبال بعدم تحويل المكالمات الهاتفية الخاصة لأبنائه اللعيبة وعبثاً حاولت معي إحدى حسناوات مدني من ضاحية مارنجان إقناعي بالتحدث مع الكابتن عصام غانا فأعتذرت لها بلباقة موظفي الفنادق وسألتها إن كانت تشجع الهلال أم لا فردت بالإيجاب فقلت لها إن كنت تحبين الهلال مثلي فأجلي تلك المحادثة لما بعد الماتش وبالفعل بعد نهاية المباراة إتصلت وباركت لي الفوز ومن غرائب الصدف أن فاز يومها الهلال على المريخ بهدفين لواحد وأحرز أحد الهدفين عصام غانا وحينما صارحته بأنني منعت تلك الحسناء من مهاتفته قبل الماتش رد لي بأنني إخطأت بذلك التصرف وتنفيذي لتعليمات الكوتش النقر وقال لي بالحرف الواحد إن كنت مررت لي تلك المحادثة منذ الصباح فإنني حتماً كنت سأحرز هدفين بدلاً عن الهدف الواحد الذي أحرزه فضحكنا وتحسرنا سوياً.
|
|
Post: #16
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: ابراهيم محمد الحسن
Date: 10-08-2011, 12:58 PM
Parent: #15
Quote: ا قلقو فى شنو فى السودان تشم فيه ريحة الوطن
غير الهلال؟ |
كان كدي ،،،
شم سااااااااكت ،،
|
Post: #17
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق صديق سلمان
Date: 10-08-2011, 01:15 PM
Parent: #16
شكراً الصادق الزين
ولكني لن اصدقك أبداً حتى تنتهي مباراة الهلال في رادس
قول ليه: لأني كل ما أقرأ بوست تفائلي (زمان يعني قبل مباراة الترجي في المقبرة التي حولها ميشو إلى معبرة) كنت بتفائل وبمشي البيت لا بقدر آكل ولا اقدر انوم إلى أن تنتهي المباراة وكذلك كنت يوم مباراتنا مع الترجي في المقبرة ولكن وقبل عودتي من المستشفى اتصل علي هلالابي وقال الهلال مغلوب واحد صفر ومن ديك الدخلت فيني لي هسي مامرقت والله.
عشان كدا انا ما بفقد الأمل في رب العالمين ولكن هؤلاء اللاعبين عذبونا ياخ
والمدرب كمان عذبنا
الصادق
|
Post: #18
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: احمد الأمين على إدريس
Date: 10-08-2011, 07:03 PM
Parent: #17
| Quote: يبقى الانسب هنا امير دامر و ليس سيف مساوى |
الله يسامحك يا الصادق ياخ
امير دامر حتة واحدة كدا 
امير الربيع بصراحة الليلة مع المنتخب لعب جمب سيف مساوى وكان عال العال
تبقى المشكلة فى الاطراف حتى وان عاد عبداللطيف بوى
نفس حلمك عفوا اقصد احساسك دا عندى انا كمان وان شاء الله حيفوز الهلال
|
Post: #19
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-09-2011, 04:44 PM
Parent: #18
وهل فى ذلك شك؟؟
|
Post: #20
Title: Re: الهلال سيغلب الترجى1\صفر فى تونس اذا لعب بهذه التشكيلة
Author: الصادق الزين
Date: 10-10-2011, 00:42 AM
Parent: #19
مبروك تاهل منتخب السودان لمونديال الامم الافريقية لعام 2012 بغينيا و الجابون
Qualified teams for Orange CAN 2012
Gabon, Equatorial Guinea (co-hosts), Niger, Angola, Botswana, Côte d’Ivoire, Ghana, Guinea, Mali, Senegal, Tunisia, Zambia, Burkina Faso,Morocco, Libya and Sudan.Libya and Sudan secured the two places at the 2012 Africa Cup of Nations reserved for the best runners-up from qualifying groups containing ...
الف الف مبروك الف الف مبروك
|
|
|