Post: #1
Title: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 02:19 PM
صلصلٌ (1) محمومُ
يترى في المدينة
وينادي
أن حي أهجروهن
و أنصلوا (2) في الودج (3) طوق
من سقر
...
كبلوهن قيد شبر
حدثوهن كيف تتخذ الصبايا
من لباس الظلم ستر
وأشتلوا الطرقاتَ زُعر
وإذا ما حدثتكم أختُ موسي
أشطروا منها الفؤاد وصيحوا
كُفر!
ويحُ يومك!!
آي جدلٌ في
كتابِ الله تأتينا بِخُسر؟
وأهتفوا ملء السرايا...
ها قد كفرتي بالإله
أوقري البيتَ المقدس
و أدركي ركبَ الفلاح
وأشكري الله علي بعلك
ليلاً وصباح
...
ما عَلِمتم حكمة الآيات
صِحْتُم
أن ربي إصطفاني
حلل الأزواج أربع!
وتركتم من شَرَخْتُم
في ظلام الحزنِ تقبع
ما عبأتم!
بإنتزاع الروح منها..
ثم تُنسى
في سديم الحزن تجزع
...
أسفرُ الصبحُ
أشقاء الدموع
لم تعد حواءُ تأبهُ
بسيوفٍ
من كتاب الله لاتُعنى بشئٍ
غيرُ مثني وثلاث ورباع
لم تعد حواءُ
تغزلُ صوفَ صبر
من ضياع
لم تعد حواء
تشعلُ
من قنانِ الحنظلِ المرِ
شموع!
يا أشقاءَ الضلوع
ها فقد قبي المتاع
لا توصموني بالمجون!
الإفكُ لم يُوفي
الحميراء المنون
ذيدوا جروحي
وإحتسوا دَنَ الظنون
حواء ما عادت تهاب
المَسْغبة
قهرت ظلمَ
السنين وودعتها مَتْربة
إن أتيتم آصرين الودَ سواءاً
زرعناكم بساتيناً
وفِحْتم في الرياحين دعة
أو هجرنا الحسرة الكبرى
كفرنا بالثقة
,,,,,,,,,,,,,,,,,,,,,,,,,,,,,,,,,
(1)صلصل: من صلصلة الجرس
(2)أنصلوا: من نصل, نصل الرمح
(3)ودج: العرق في العنق وهي مفرد أوداج: منطقة الحلقوم.
القصيدة وليدة غضبة جندرية علي المناداة بالتعدد.
وأيضاً شهدت مدينة الفيسبوك صفحات تنادي بذلك.
التحية لمن شاركني الروح والدماء التي تجري في عروق الصغار
الباقر حميدة لكونه الزوج والأب المثالي.
|
Post: #2
Title: Re: أشقاء الدموع – راجل المرة (ما) حلو حلا
Author: منال
Date: 10-05-2011, 02:25 PM
Parent: #1
.Quote: التحية لمن شاركني الروح والدماء التي تجري في عروق الصغار
الباقر حميدة لكونه الزوج والأب المثالي. |
برضو ما تطمئنى شديد ,,
فردوس سلامات ,,
|
Post: #3
Title: Re: أشقاء الدموع – راجل المرة (ما) حلو حلا
Author: Safia Mohamed
Date: 10-05-2011, 02:47 PM
Parent: #2
Thanks Fardous,
This is Great, sure will be back
|
Post: #6
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 04:00 PM
Parent: #3
الأخت صفية
أنتظر عودتك للمذيد من المشاركة
سعدت بتشريفك البوست
كوني بود
|
Post: #4
Title: Re: أشقاء الدموع – راجل المرة (ما) حلو حلا
Author: احمد محمد بشير
Date: 10-05-2011, 02:52 PM
Parent: #2
القصيدة سمحة شديد ماشاء الله.
| Quote: برضو ما تطمئنى شديد ,, |
لا لع بالعكس, إطمئني شديد .. واخديها مِني, زولة تكتب كلام سمح زي حقِك دة ما بيخلوها
وما تسمعي كلام منال الشفقانة دي, انا يومتا عرفتا شفقتا دي في بوست 
|
Post: #8
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 05:01 PM
Parent: #4
الأخ محمد أحمد بشير
شكراً لإعجابك بالقصيدة وردك علي منال.
عارف منال دي كاواايه ساي (وش باسم).
دمت بخير
|
Post: #5
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 03:44 PM
Parent: #2
الأخت منال
شكراً لتشريفك البوست.
حلقك جميل (جادة).
كوني بخير
|
Post: #7
Title: Re: أشقاء الدموع – راجل المرة (ما) حلو حلا
Author: فايزودالقاضي
Date: 10-05-2011, 04:16 PM
Parent: #5
فردوس .سلامات ...قصيدة جميلة والله في نظمها بغض النظر عن مضمونها ..
Quote: حواء ما عادت تهاب
المَسْغبة
قهرت ظلمَ
السنين وودعتها مَتْربة
إن أتيتم آصرين الودَ سواءاً
زرعناكم بساتيناً
وفِحْتم في الرياحين دعة
أو هجرنا الحسرة الكبرى
كفرنا بالثقة |
هسه المرا كان الاولى ولا التانية ولا التالتة ماياها حوا وكله في خدمة حواء..الواحد يقسم نفسه بين اكتر من حوا عشان خاطرهم وبرضو ماراضين ...آخر الجزاء اذى ..
|
Post: #9
Title: Re: أشقاء الدموع – راجل المرة (ما) حلو حلا
Author: باسط المكي
Date: 10-05-2011, 05:09 PM
Parent: #7
شكرا يافردوس قصيدة معبرة
قريتها بمزاااج
|
Post: #11
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 06:15 PM
Parent: #9
الأخ باسط المكي
سعيدة لقراءتك البوست بمزاج
شكراً و دم بخير
|
Post: #10
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 05:24 PM
Parent: #7
الأخ فايز ودالقاضي
مرحب بيك في رحاب الدموع يا شقيق الدموع!
| Quote: هسه المرا كان الاولى ولا التانية ولا التالتة ماياها حوا |
ههههها لالالا ماواحد!
لا العكس هو الصحيح :)
إتصلح معانا شوية.
شكراً
سعدت بمرورك من هنا
|
Post: #12
Title: Re: أشقاء الدموع – راجل المرة (ما) حلو حلا
Author: أيمن التوم حسن
Date: 10-05-2011, 06:20 PM
Parent: #10
| Quote: راجل المرة (ما) حلو حلا |
البقنع ندى القلعه منو ؟
اهلا فردوس ,,, بى حضورك بيتنا نوّر
|
Post: #15
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 07:04 PM
Parent: #12
الأخ أيمن التوم حسن
سعيدة بمرورك من هنا.
| Quote: البقنع ندى القلعه منو |
أخواتي بنات حواء بيشكلوا جزء كبير من المعضلة!
أها زي ماقلت البقنعها منو ههههه.
الأخطر الأخريات البيتزوجوا من آخر متزوج
ويهددوا حياة أسرة كاملة الحيقنعم منو؟
كل الشكر.
ودم بخير
|
Post: #13
Title: Re: أشقاء الدموع – راجل المرة (ما) حلو حلا
Author: Hassan Makkawi
Date: 10-05-2011, 06:23 PM
Parent: #10
Quote: برضو ما تطمئنى شديد ,,
|
محل الاقامة: USA
يا فردوس هانم
ما تسمعى كلام (المطموسة) منال دى
محل إقامتك دى ما فيهو وقت لى مثنىً وباقى الكلام داك....
|
Post: #14
Title: Re: أشقاء الدموع – راجل المرة (ما) حلو حلا
Author: mohmed khalail
Date: 10-05-2011, 06:41 PM
Parent: #13
فردوس المبدعه سلامات ياخ وحمد الله الف على سلامة العودة...
ياخ بح صوتنا في مناجتك بالرجوع..وما ضاع سراب الحمد لله..
القصيدة كعادة قصائدك ذات فكرة ورسالة..وتطرح وجهة نظر ثانية..
قد يتفق معك فيها البعض او يختلفون ..استعدي كويس والباقي هين..
اللغة رفيعة ورصينة وقوية..قوة القضية ذات نفسها..
شخصيا استمتعت بيها جدا جدا جدا..
Quote: صلصلٌ (1) محمومُ
يترى في المدينة
وينادي
أن حي أهجروهن
و أنصلوا (2) في الودج (3) طوق
من سقر
...
كبلوهن قيد شبر
حدثوهن كيف تتخذ الصبايا
من لباس الظلم ستر
وأشتلوا الطرقاتَ زُعر
وإذا ما حدثتكم أختُ موسي
أشطروا منها الفؤاد وصيحوا
كُفر!
ويحُ يومك!!
آي جدلٌ في
كتابِ الله تأتينا بِخُسر؟
وأهتفوا ملء السرايا...
ها قد كفرتي بالإله
أوقري البيتَ المقدس
و أدركي ركبَ الفلاح
وأشكري الله علي بعلك
ليلاً وصباح
...
ما عَلِمتم حكمة الآيات
صِحْتُم
أن ربي إصطفاني
حلل الأزواج أربع!
وتركتم من شَرَخْتُم
في ظلام الحزنِ تقبع
ما عبأتم!
بإنتزاع الروح منها..
ثم تُنسى
في سديم الحزن تجزع
...
أسفرُ الصبحُ
أشقاء الدموع
لم تعد حواءُ تأبهُ
بسيوفٍ
من كتاب الله لاتُعنى بشئٍ
غيرُ مثني وثلاث ورباع
لم تعد حواءُ
تغزلُ صوفَ صبر
من ضياع
لم تعد حواء
تشعلُ
من قنانِ الحنظلِ المرِ
شموع!
يا أشقاءَ الضلوع
ها فقد قبي المتاع
لا توصموني بالمجون!
الإفكُ لم يُوفي
الحميراء المنون
ذيدوا جروحي
وإحتسوا دَنَ الظنون
حواء ما عادت تهاب
المَسْغبة
قهرت ظلمَ
السنين وودعتها مَتْربة
إن أتيتم آصرين الودَ سواءاً
زرعناكم بساتيناً
وفِحْتم في الرياحين دعة
أو هجرنا الحسرة الكبرى
كفرنا بالثقة
|
واحدة من قليلات قادرة على بعث الجمال في وجه هذا المنبر المكتئب.
طبعا حأكون ساكن هنا عديييييييييل كده.
|
Post: #17
Title: Re: أشقاء الدموع – راجل المرة (ما) حلو حلا
Author: قيقراوي
Date: 10-05-2011, 07:34 PM
Parent: #14
استاذة/ فردوس
التحية لك مثنى و ثلاث و رباع
-------
و لّ حتى في التحية ممنوع
|
Post: #19
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 09:21 PM
Parent: #17
قيقراوي
مرحباً بك و بتشريفك للبوست
وخماس كمان ما دام بقى سلام :)
شكراً و دم بخير
|
Post: #18
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 08:21 PM
Parent: #14
أستاذي الشاعر الكتااااب محمد خليل
كلي سعادة علي تنويرك للبوست
و أهو قلنا"better late than never"
وكالمعتاد المشكلة في الزمن (لو اليوم بقى فيه 48 ساعة يكون تمام)
وكل ما قلت عن القصيدة وسام, لمعرفتك وضلاعتك في دروب الشعر.
وكلي شكر علي دعمك اللا محدود.
| Quote: استعدي كويس والباقي هين |
بإستثناء أخينا ود القاضي ( شقيق الدموع) :)
أخواني وأخواتي ,الفاضلة صفية
(منال زاتا معانا) حيبقوا حجازين هههه.
شكراً و طوبى للبوست إقامتك
معزتي وتقديري الذي تعرف
|
Post: #16
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-05-2011, 07:32 PM
Parent: #13
الأخ حسن مكاوي
سعدت بوجودك هنا
ملاحظتك صحيحة
أما منال دي بتكاوي ساي هههه
دمت بود
|
Post: #20
Title: Re: أشقاء الدموع – راجل المرة (ما) حلو حلا
Author: عائشة موسي السعيد
Date: 10-05-2011, 09:28 PM
Parent: #16
لم تعد حواءُ
تغزلُ صوفَ صبر
من ضياع
لم تعد حواء
تشعلُ
من قنانِ الحنظلِ المرِ
شموع!
يا أشقاءَ الضلوع
!!!!!
هكذا تقطع جهيزة قول كل خطيب!
(ياليتك مااستخدمت تلك العبارة في العنوان -لا أحبها - وبسببها امتنعت عن الدخول وقراءة هذا الفن الرائع
إلا بعد مبادرتك بزيارتي...)
تستحق هذه القصيدة الزاهية عنوانا أفضل!!!!
تحياتي ومودتي
|
Post: #21
Title: Re: أشقاء الدموع – راجل المرة (ما) حلو حلا
Author: عمر محمد ابراهيم
Date: 10-05-2011, 09:38 PM
Parent: #20
| Quote: راجل المرة (ما) حلو حلا |
طيب يا استاذة فردوس جماعتك ديلك لسة بغنوا حلو حلا لما صدقنا الشغلة
لكن الأحلي من راجل المرا يافردوس هذا الجمال الذي يسكن قصيدتك
فشكرا لهذا الجمال
|
Post: #23
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-06-2011, 05:37 PM
Parent: #21
الأخ عمر محمد إبراهيم
جماعتي بيغنوا الأغنية دي لأنهن مغيبات
قرأت قبل سنين عده أن الرئيس السوداني قال أن هنالك نقص في
عدد الذكور وهذا لأن حواء ما عادت تنجب ذكور enough !!!
وأن الحروب تسببت في الshortage الحاصل و الدنيا آخر زمن :)
و عشان to make up the difference لذم التعدد!!!
حينها بحثت عن ال ratio بتاع الذكور للإناث وقلت في سري " بُهت الذي قال"
أها أتت هذه الأغنية كأحد إفرازات الترهيب! وجماعتي صِدِّيْقات ولا يحتجن لإحصائيات
لتثبت ما أتي به.
سعيدة جداً بزيارتك البوست وشكراً علي إعجابك بما كتبت.
دمت بخير
|
Post: #22
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-06-2011, 01:55 AM
Parent: #20
الأستاذة د.عائشة
سعدت جداً بتشريفك البوست.
| Quote: هكذا تقطع جهيزة قول كل خطيب! |
شكراً جميلاً علي إحساسك بما كتبت
وأنا أيضاً لا أحب الجملة المهينة للمرأة ويحزنني
أنها تُغنى وتُروج بواسطة نساء!!!
إسم القصيدة أشقاء الدموع
والعنوان إذا دققتي يستنكر (بعد إضافة ما) المقولة.
ولو العنوان بيتغير لفعلت إكراماً لك!
كوني بخير
|
Post: #24
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-07-2011, 02:22 PM
Parent: #22
معاً :)
|
Post: #25
Title: Re: أشقاء الدموع – راجل المرة (ما) حلو حلا
Author: mohmed khalail
Date: 10-07-2011, 08:47 PM
Parent: #24
فردوس ياخ وين العصير لضيوفنا( ضيوف البوست)؟؟
اشقاء الدموع تستحق عصير راقي وطيب المذاق .
جاييك بالنجيضة.
|
Post: #26
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-07-2011, 09:26 PM
Parent: #25
محمد
العصير في السكة بس الصبر :)
وهدي حلاوة الماكنتوش:
في واحده زوجها حيتزوج فيها
وقام كلمها أها قالت ليه
أنا ماعندي مشكلة بس
جير العيال وطهر الحيطة
(قلت ما أخرج عن الصياغ) ;)
قديمة صاح :
هذا وكامل تضامني مع الأخوات في
ال shoe بتاع النكتة.
جمعتك مباركة
,,,,,,,,,,,,,,,,,,,,,,,,,,,,,,,,,,
الأذى النفسي جلي في هذه النكته
أتمنى أن أشقاء الدموع أن يكونوا
فطنين لهذا.
|
Post: #27
Title: Re: أشقاء الدموع – راجل المرة (ما) حلو حلا
Author: mohmed khalail
Date: 10-07-2011, 09:50 PM
Parent: #26
Quote: وهدي حلاوة الماكنتوش:
في واحده زوجها حيتزوج فيها
وقام كلمها أها قالت ليه
أنا ماعندي مشكلة بس
جير العيال وطهر الحيطة
|
لووووووووووووووول
قالو يا فردوس ابكر في مركب نص البحر ومعاهو حفصة مرتو الكبيرة وشاهيناز المره الصغيره,,فجأة المركب اتقدا بدا يغرق الناس قالو لي ابكر مافي أي طريقة الا تنقذ واحدة بس,,
اتلفت لي حفصة وقال ليها
(قطع شك بتعرفي تعومي)
ماكنتوش بايت معليش
|
Post: #28
Title: Re: أشقاء الدموع – راجل المرة (ما) حلو حلا
Author: فردوس جامع
Date: 10-31-2011, 03:39 PM
Parent: #27
وترٌ لامس عصباً من الشدو الأليم *!
أخواني أشقاء الدموع...
عندما تريد الخيانة ( المعنوية و إن تطورت)
ضع نفسك في مكان زوجتك وتدبر!
ماذا إذا فعلت هي هذا....
مؤلم !
قاتل وجدانياً...
القهر هو أنسب كلمة ربما.
و الأذى السيكولوجي كبير.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
* إحدي العزيزات تمر بهذا المنعطف.... أسأل الله لها راحة البال.
|
Post: #29
Title: Re: أشقاء الدموع – راجل المرة (ما) حلو حلا
Author: فردوس جامع
Date: 11-01-2011, 03:20 PM
Parent: #28
مؤسسة الزواج معقدة تتطلب صبر من الطرفين في الحفاظ علي جمال الحياة
و ديمومة التوادد والتراحم.
ماذا إذا بحثنا علي قواسم مشتركة , وحلينا الخلافات دون البحث عن
شريك آخر يذيد التوتر (خصوصاً إذا كان هنالك أبناء) ويخلق بيئة
غير صالحة للتربية (في معظم الأحيان)
ما ذنب الصغار؟
|
Post: #30
Title: Re: أشقاء الدموع – راجل المرة (ما) حلو حلا
Author: سارة عيسى أحمد
Date: 11-01-2011, 04:08 PM
Parent: #29
سلام يا أخت فردوس
المحزن أن كثير من النساء يرضين بهذا الواقع المهين لاسباب ماديه والخوف من فقدان العائل ....البعض يضحي كي لا يحرم أطفاله من وجود دائم للاب...ولاسباب أخري كثيره ...يعني مجبر أخاك لا بطل ..الحل في وجوب إستقلاليه المرأه مادياً وإجتماعياً ايضاً باحساسها أن عدم وجود رجل في حياتها لا ينقص منها شئ ...للاسف في مجتمعنا السوداني كثير من النساء يصبرن على واقع مؤلم جداً خوفاً من لقب مطلقه ..
|
Post: #31
Title: Re: أشقاء الدموع – راجل المرة (ما) حلو حلا
Author: فردوس جامع
Date: 11-01-2011, 08:34 PM
Parent: #30
الأخت سارة السلام والتحية,
شرفتي البوست و الف مرحبا بك.
| Quote: ....البعض يضحي كي لا يحرم أطفاله من وجود دائم للاب |
| Quote: يصبرن على واقع مؤلم جداً خوفاً من لقب مطلقه .. |
ما عارفه لكن بحس بحياة من النوع ده ذي المقبرة!! آي والله.
يعني الإنسان بيعيش كم مرة... عشان يعيش تعيس من أجل الأطفال.
و الأطفال ديل ذاتهم ما حيكونوا سعيدين. لأنه الأب والأم ما طايقين
بعض و عايشين نقة ومناقرة... الجوء العام بيكون ما صحي للتنشئة السليمة.
يعني التسريح بإحسان أفضل.
وأتفق تماماً معك
| Quote: الحل في وجوب إستقلاليه المرأه مادياً وإجتماعياً ايضاً باحساسها أن عدم وجود رجل في حياتها لا ينقص منها شئ |
هنا مربط الفرس ...
عشان كده أنا مابشجع آي واحده تتزوج قبل ما تخلص البكالريوس...
نعم في رجال أكثر من رائعين و ما بيثبطوا همم زوجاتهم و بيدفعوهم للنجاح
ولكن النوع الآخر موجود...
الموضوع ده يا سارة
جرح بيتاورني كل ما أسمع بطامة بتاعة مثنى وثلاث ورباع...
كان الله في عوننا.
كل الود والتقدير.
|
Post: #32
Title: Re: أشقاء الدموع – راجل المرة (ما) حلو حلا
Author: عفاف أبو حريرة
Date: 11-02-2011, 02:37 AM
Parent: #31
Quote: لم تعد حواءُ
تغزلُ صوفَ صبر
من ضياع
لم تعد حواء
تشعلُ
من قنانِ الحنظلِ المرِ
شموع!
يا أشقاءَ الضلوع
ها فقد قبي المتاع
لا توصموني بالمجون!
الإفكُ لم يُوفي
الحميراء المنون
ذيدوا جروحي
وإحتسوا دَنَ الظنون
حواء ما عادت تهاب
المَسْغبة
قهرت ظلمَ
السنين وودعتها مَتْربة
إن أتيتم آصرين الودَ سواءاً
زرعناكم بساتيناً
وفِحْتم في الرياحين دعة
أو هجرنا الحسرة الكبرى
كفرنا بالثقة
,,,,,,,,,,,,,,,,,,,,,,,,,,,,,,,,,
|
ياالله
روعه كلام يمشي عديل ويتكلم كل اللغات
الله يبارك ليك في
كل حياتك
|
Post: #33
Title: Re: أشقاء الدموع – راجل المرة (ما) حلو حلا
Author: فردوس جامع
Date: 11-02-2011, 03:32 PM
Parent: #32
الأستاذ الكتاااااااب محمد خليل,
| Quote: (قطع شك بتعرفي تعومي) |
مبااااااااالغة...
بعد طلعت البوست ده من الأنقاض و لقيت النكتة دي ,
إستعنت بأنقاض إيميلي لي قصة عشان أجيبها (تضاهي النكته دي في المضمون) أو هكذا ظنيت لما قريت نكتتك . أها جايباها حاره من الإيميل
كان هناك نجّار مسنّ يُدعى "العم إبراهيم" عمل بجانب شاطئ النيل
وبينما هو منهمك بالعمل سقط منشاره فى النهر
فجلس يبكى على ضياعه
وكانت هناك جنّيّة تراقبه فحضرت إليه وسألته لما تبكي؟؟
فقال سقط منشاري بالنهر
فغطست وخرجت بمنشار من ذهب وسألته أهذا هو فقال لا
فغطست مره أخرى وخرجت بمنشار من فضه وسألته أهذا هو فقال لا
ثم غطست مرة ثالثة وخرجت بمنشار من برونز وسألته أهذا هو فقال لا
فغطست مره أخرى وخرجت بمنشاره الحديدي وسألته أهذا هو فقال نعم
وقد ارتسمت السعادة عليه لحصوله على منشاره،
فقامت الجنية بإهدائه المنشار الذهبي والفضي والبرونزي لأمانته وصدقه ...
وذات يوم آخر كان (( عمو إبراهيم )) يتنزه مع زوجته على شاطئ النهر
فانزلقت قدماها وسقطت في النهر، فجلس يبكى فحضرت الجنية وسألته ما يبكيك فقال
زوجتي سقطت فى النهر
فغطست الجنية وخرجت بهيفاء وهبي وسألته أهذه هي فقال
نعم هي زوجتي
فغضبت الجنية وقالت لما تكذب أيها المخادع؟
فرد الرجل : أنا لم اكذب ولكن خشيت أن أقول لا فتغطسي وتخرجي أليسا
وعندما أقول لا إنها ليست زوجتي تغطسي وتخرجي نانسي
وعندما أقول لا إنها ليست زوجتي تغطسي وتخرجي زوجتي
وستقومى بإهدائي هيفا واليسا ونانسي لصدقي وأنا رجل عجوز لا أقدر عليهم جميعا
فرضيت بهيفاء فقط .. وربّنا يقدّرنا
فجلس يبكى على ضياعه
وكانت هناك جنّيّة تراقبه فحضرت إليه وسألته لما تبكي؟؟
فقال سقط منشاري بالنهر
فغطست وخرجت بمنشار من ذهب وسألته أهذا هو فقال لا
فغطست مره أخرى وخرجت بمنشار من فضه وسألته أهذا هو فقال لا
ثم غطست مرة ثالثة وخرجت بمنشار من برونز وسألته أهذا هو فقال لا
فغطست مره أخرى وخرجت بمنشاره الحديدي وسألته أهذا هو فقال نعم
وقد ارتسمت السعادة عليه لحصوله على منشاره،
فقامت الجنية بإهدائه المنشار الذهبي والفضي والبرونزي لأمانته وصدقه ...
وذات يوم آخر كان (( عمو إبراهيم )) يتنزه مع زوجته على شاطئ النهر
فانزلقت قدماها وسقطت في النهر، فجلس يبكى فحضرت الجنية وسألته ما يبكيك فقال
زوجتي سقطت فى النهر
فغطست الجنية وخرجت بهيفاء وهبي وسألته أهذه هي فقال
نعم هي زوجتي
فغضبت الجنية وقالت لما تكذب أيها المخادع؟
فرد الرجل : أنا لم اكذب ولكن خشيت أن أقول لا فتغطسي وتخرجي أليسا
وعندما أقول لا إنها ليست زوجتي تغطسي وتخرجي نانسي
وعندما أقول لا إنها ليست زوجتي تغطسي وتخرجي زوجتي
وستقومى بإهدائي هيفا واليسا ونانسي لصدقي وأنا رجل عجوز لا أقدر عليهم جميعا
فرضيت بهيفاء فقط .. وربّنا يقدّرنا
ما عندهم علاقة مع بعض صاح...
مرات بتتشربك النكت وتتقاطع
لكن قلت عشان الإنتظار الطويل ده و إصراري في التفتيش لازم أحكيها
,,,,,,,,,,,,,,,,,,,,,,,,,,,,,,,,,,,,,,
- تفتيش الإيميلات القديمة ده ذي البحث عن إبرة في كوم قش!
- نانسي دي شفتها لكن الباقين ديل معتمده فيهم علي خيال
كاتب القصة
|
Post: #34
Title: Re: أشقاء الدموع – راجل المرة (ما) حلو حلا
Author: فردوس جامع
Date: 11-02-2011, 04:14 PM
Parent: #33
الأخت العزيزة عفاف أبو حريرة
Quote: ياالله
روعه كلام يمشي عديل ويتكلم كل اللغات
الله يبارك ليك في
كل حياتك |
سعيدة جداً جداً بإحساسك العميق بكلماتي .
آمين علي الدعوة الجميلة دي و لك مثلها...
,,,,,,,,,,,,,,,,,,,,,,,,,,,,,,,,,,,,,,,,,
إعتراف
كيف بناتك الحلوات؟
قبل سنين كنتي خاته صورة ليهم في بروفايلك ووقتها كان باسووردي رايح
أها كل يوم عاوزه أحفظها لكن للأمانة بتردد...
و أخيراً حفظتها وقلت لو ربنا حياني بكلمك وإستأذنك بأثر رجعي
و بعد سنين ضاعت في لابتوب الجامعة القديم لكن محفوظة في ذاكرتي (جادة)
ما شاء الله ربنا يحفظهم ويقر عينك بيهم ويخليكم لي بعض.
(أنا بحب البنات شديييد والحمد لله تزوجت و رزقت ببنتين).
سلمي عليهم وأديهم بوسة من خالتو فردوس  .
|
|