أوصيكم ب ( 6 ) عادات يجب تجنبها بعد الزواج - من خبير متمرس طبعا

خلال سنوات الزواج الأولى يتحدد شكل العلاقة التى ستستمر لسنوات من السعادة أو من المشاكل والملل.. ويعتمد ذلك على السلوكيات التى نتبعها أثناء التعامل مع الشريك الجديد، حتى لا نفاجأ أننا أفسدنا كثيرا من الأمور وحياتنا الزوجية مازالت فى بدايتها لابد من تجنب العديد من الأخطاء التى نقع فيها بدون قصد ثم نعتاد عليها وتصبح أسلوب حياة.

التدخل المستمر: بعد فترة الخطوبة ومع الأيام الأولى من الزواج قد يجد العروسان الجديدان أن معرفة كل التفاصيل المهمة وغير المهمة عن الزوج أو الزوجة هو دليل الاهتمام ومع الوقت تختفى كل مساحات الحرية وهنا تبدأ المشكلة الحقيقية فما كان مقبولا فى الأيام الوردية لا يمكن تحمله على الأقل لأحد الطرفين.. فالخصوصية فى الحدود المسموحة أمر صحى وضرورى حتى لا يتحول الشريك إلى محقق وسجان أحيانا.

النقد المستمر: مع مرور الوقت تبهت الصورة المثالية التى رسمها كل عن شريكه، ولا يتقبل الأزواج أخطاء بعضهم البعض، بل يبدأ أحدهم فى البحث عن الأخطاء أو العيوب والتى قد لاحظها من قبل لكنه الآن يتصيد الأخطاء ويبدأ فى عادة النقد المستمر الذى يحول الحياة الزوجية إلى مباراة يحاول كل طرف فيها إحراز أكبر عدد ممكن من الأهداف على حساب الآخر ويجب أن يكون النقد بشكل موضوعى وحين يلزم الأمر ويفضل استخدام أسلوب العتاب عند لوم الآخر على تصرف أو سلوك معين.

التجاوز فى أسلوب التعامل: قد يفقد البعض أعصابه عند حدوث مشكلة أو نشوب خلاف كأن ترتفع نبرة الصوت أو يتجاوز فى الألفاظ وغيرها من السلوكيات التى تفقد العلاقة الاحترام والثقة المتبادلين وقد تسبب جرحا يستمر طوال العمر.. فيجب أن نحرص على التحكم فى جميع تصرفاتنا عند الغضب ومن لا يستطيع يمكنه أن ينعزل أو يبتعد لبعض الوقت حوالى ساعة أو اثنين حتى يستطيع أن يتحكم فى أعصابه.

قضاء معظم الوقت بعيداً: لا أحد مطالب بالتخلى عن عمله أو أصدقائه أو هواياته المفضلة، لكن قضاء معظم الوقت معهم يدمر الحياة الزوجية، يجب أن يكون للعمل وقته وللأصدقاء والهوايات كذلك لكن الحياة الزوجية تختلف عن ذى قبل، صحيح أن البعد يجدد المشاعر ويكسر الملل لكن فى حدود مسموحة فلابد من قضاء بعض الوقت يوميا معا لتبادل أطراف الحديث وممارسة بعض الأنشطة سويا.

تدخل الأهل: من أكثر الأمور التى تهدد الحياة الزوجية معرفة الغرباء أو حتى الأهل تفاصيل الحياة الزوجية، فمن المؤكد أن الأهل لهم كل الاحترام والتقدير ويجب أن يكون لهم تواجد مستمر فى حياة كل زوجين لكن بدون أن يكونوا على علم بمجريات الأمور حتى عند حدوث أى خلاف يفضل أن يعتاد الزوجان على حل مشاكلهما بمفردهما إلا فى حالات متقدمة يحتاجا خلالها استشارة شخص كبير من الأسرة، كما أن الزوجين يمكنهما أن يتجاوزا أو يغفرا الأخطاء لبعضهما البعض لكن الأهل يظل الخطأ عالقا فى أذهانهم وهو ما لا نرجوه أبدًا.

نسيان اللافتات الصغيرة: أحبك، كل عام وأنت بخير، صباح الخير، افتقدتك هذه الليلة، شكرا يا حبيبتى، يعتقد البعض أنه بمرور السنوات على الحياة الزوجية تصبح هذه اللافتات غير ذات أهمية، لكن الحقيقة أنها مهمة للغاية، لكن للأسف فإن الكثير من الأزواج ينسون قولها.. فى زحمة الحياة اليومية تذكروا قول هذه الكلمات البسيطة لأنها تضفى دفئاً ورومانسية على حياتكم الزوجية، تذكروها دائما ولا تغفلوا المناسبات الخاصة كأعياد الميلاد وعيد الزواج وغيرها من المناسبات التى تمثل لكما ذكرى خاصة.

منقول من الياهو يا اخوانا

عشان كدا انا وام عبد الله متعاشرين سكر بلبن لاكثر من ثلاث عقود لا دا سمع ولا دا شاف

شفتوا كيف؟

للعلم

عشان ما تكتروا النقنقة ساي وتبقوا مواضيع شمارات للناس

امسكوهنّ بإحسان وعاملوهنّ بإحسان

Quote: وممارسة بعض الأنشطة سويا

ومثال لذلك ..

الليدو .. البلي ستيشن ( للمقتدرين ) .. سيجة .. صفرجت .. ام الحفر .. نط الحبل . بس

Quote: الليدو .. البلي ستيشن ( للمقتدرين ) .. سيجة .. صفرجت .. ام الحفر .. نط الحبل . بس

ههههههههههها انتوا كيف يا المعتصم اخوى ؟ ولا اصلا ما فاضي ليها من الجرى وراء اسعار الدولارات؟

حياك الله يا الطيب

بوست سمح بالحيل

أهم عادة يا أخوي الطيب: التغافل عن الهفوات

يعني مرات لما ما تلقى أي من احتياجاتك جاهزة.. عليك بالتالي

لو اقتضى الموقف حاول أعمل غمران عديييييييييل
لا تؤنب باللفظ.. وإن كان لا بد فاستخدم لغة (سكوت الزعلان)
كبر اللفة في الحتة.. وحاول تجد ليها العذر

في ناس مغرمين يؤنبوا الزوجة في كل صغيرة وكبيرة

ومعاملة بهذه الطريقة لن تستقيم معها الحياة

نفس الوصايا برضو للأخوات المتزوجات

تحياتي

Quote: أحبك، كل عام وأنت بخير، صباح الخير، افتقدتك هذه الليلة، شكرا يا حبيبتى، يعتقد البعض أنه بمرور السنوات على الحياة الزوجية تصبح هذه اللافتات غير ذات أهمية، لكن الحقيقة أنها مهمة للغاية، لكن للأسف فإن الكثير من الأزواج ينسون قولها.. فى زحمة الحياة اليومية تذكروا قول هذه الكلمات البسيطة لأنها تضفى دفئاً ورومانسية على حياتكم الزوجية، تذكروها دائما ولا تغفلوا المناسبات الخاصة كأعياد الميلاد وعيد الزواج وغيرها من المناسبات التى تمثل لكما ذكرى خاصة.

الطيب يا اخوى انت بي جدك ؟؟؟

مرور سنين شنو البنسو فيها الكلام ده ؟
هى اصلا فى ايام شهر العسل بتتقال ؟


كدى خلى اى راجل يجى يقول انا بقول لزوجتى بحبك وصباح الخير
وشكرا يا حبيبتى

والله لو حلف مابنصدقو

كان بحبك وياحبيبتى مابعرفو

بوست جميل .. شكرا يا الطيب علي النصائح المهمه
اعتقد تجاوز الهفوات الصغيره والبعد عن اتخاذ قرار او موقف او حتي التفوه بكلمات جارحه اثناء الغضب شي مهم
ايضا عدم اتاحة الفرصه لتدخل الاطراف فيما يخص حياة الزوجين سوي كانوا ابعاد او اقارب الا في الحد المعقول
الاهم من كل ذلك هو جرعات الرومانسيه والعطف والموده كلما سنحت الفرصه لو لم تسنح حتي
ايضا محاولة كسر الروتين اليومي بتجديد الحياه والمحبه بالتغيير .. كأن تفاجئ زوجتك بتنظيم زياره لمكان جميل او عشاء خارج المنزل او الهدايا المعبره



.....
ما متنا لكن شقينا المقابر

شيقوق يا الممكون وصابر
لووووووووب
ياخ الاشغال الشاقة والمؤبد 25 سنه تقول لى 30 ؟؟

استميحك عذرا ان اضيف رقم واحد لقائمتك
لتصبح 7 عادات

ترك السفه ( التمباك) ... بليييييييييييييييييز
خليها نمرة واحد

Quote: لا دا سمع ولا دا شاف

والله يا الطيب حكايتك زى ما بتقول حاجه علويه(لاحكت ولابقت)...

Quote: من خبير متمرس طبعا

خبير شنو والله من حنكك البيش ده ما عندك التكتح...

قال عيد زواج فى ذمتك اسه انت احتفلت 30 مره مع ام العيال..ياخى قوم لف زى ما بقول ودالصايم..عليك الله يالطيب ماتعذبنا لحدى المساج ماعندنا معاك مشكله لكن جماعتنا ديل على قول السعوديين(غير)يعنى الرصه بتاعتك دى ما بياكلوها ..عندى صاحبى شليق زيك كده قال يوم من الصباح شبك ليك الحاجه صباح الخير ,الليله والله قمر بس ,حبيبتى ممكن تعملى لى شاى ,لكن الفستان مامجنون عديل كده ,رايك شنو حبيبتى نودى الاولاد لحبوبتم ونعشى برانا بره..قال ليك الساعه الانفجرت ليك فيهو(ياراجل هووووى انت ناوى على شنو الليله من الصباح ماياكا) ما قلت ليك(غير)..قال خبير قال....

عشان ما تكتروا النقنقة ساي وتبقوا مواضيع شمارات للناس

امسكوهنّ بإحسان وعاملوهنّ بإحسان

....للاهميه حسب اعتقاد البعض....

عريس (مكنكش) فى إيد العروسة داخلين الفندق فى أول يوم عسل
العروسة تعثرت فى سجادة قدام الأسانسير وقربت تقع
عريسنا جاب مدير الفندق غسل شراعو،،، وبى باقى الموظفين كسى العرايا
أهة
فى آخر يوم إقامة ومغادرين الفندق....إتعثرت العروس فى نفس السجادة
وقرررررربت تقع......

عريسنا إتلفت عليها مبقق عيونو وقاليها: مالك؟ عميانة مابتشوفى؟؟؟؟


_____________________________

يا شيقة قول يا لطيف بس

مكرر
وجب الحذف

اخي العمدة

كتر خيرك على المرور والكلام السمح

Quote: في ناس مغرمين يؤنبوا الزوجة في كل صغيرة وكبيرة ومعاملة بهذه الطريقة لن تستقيم معها الحياة نفس الوصايا برضو للأخوات المتزوجات

نعم يا الحبيب الله يخليك

منال

عايني

Quote: الطيب يا اخوى انت بي جدك ؟؟؟

شدييييييييد والله

Quote: مرور سنين شنو البنسو فيها الكلام ده ؟ هى اصلا فى ايام شهر العسل بتتقال ؟

هي جوووووة لكن عيبهم انهم ضينون بيها لا يخرجونها الا عندما يحين وقت الافطار من الصوم !!

Quote: كدى خلى اى راجل يجى يقول انا بقول لزوجتى بحبك وصباح الخير وشكرا يا حبيبتى

انا القدامك دا ساكن بدونها في الغربة ولما اتصل بالاولاد بقول ليهم خليكم صف والاول حبيبتي ام عبد الله وكوووولهم يقعدوا يضحكوا ليك وهي تفرح شديييييييييييد - المسألة يا منال اختي اكبر مما تتصوروا بالنسبة لصناعة التوازن النفسي داخل كل افراد الاسرة .

دندن

كيفك؟

Quote: ياخ الاشغال الشاقة والمؤبد 25 سنه تقول لى 30 ؟؟

ياخ الشغلانية لما يطول عمرها تجدها انتجت ليك من الثمرات الوان بنات حلوات اولاد سكر بس - تتحكروا كووووووولكم جنب التلفاز ويجوا ينعصروا فيك وتقوم تدفرهم منك بعييييييد وتقول ليهم دي محل ماماكم نور عيني وبس .
يا دينا التعامل مع الزوجة Is an art والعكس فاهماني ولا سارحة؟

Quote: استميحك عذرا ان اضيف رقم واحد لقائمتك لتصبح 7 عادات ترك السفه ( التمباك) ... بليييييييييييييييييز خليها نمرة واحد

كنت مفكر ادرجها نمبر ون لكن في حاجات كدا going without saying ياخ

الاخ ود شيقوق
تحياتى

والله كلامك سمح بالحيل وعجبنى شديد وتغريبا كل الحاجات القلتها دى صارت
عادة عندنا وكمان ضيف ليها شوية حاجات كده اتعلمناها من ناس اميركا الجنوبية.

معظم السودانيين ضنينين بالكلام الجميل والمجاملات الحلوة. برضو التربية المحافظة
من جانب النساء السودانيات تساعد على ذلك.

التربية الصوفية (نوعية التدين السودانى) هى تربية متقشفة فى كل شئ حتى اظهار العواطف.
بعض السودانيين يستغفرون اذا ضحكوا (كأن الضحك حرام)









-------------------------------------------
والله يا المسنوح كنت قايلك اصغر منى!!!!!

Quote: عشان كدا انا وام عبد الله متعاشرين سكر بلبن لاكثر من ثلاث عقود لا دا سمع ولا دا شاف

تلاتين سنة يا مفترى.

العريبى شيقوق انا عارفك بتحب ا غانى الامس مداخله قد تكون ما ليها علاقه بالبوست
ارجو ان تقبلها منى

Quote: انا القدامك دا ساكن بدونها في الغربة

من هيك.....لكااااان..

يا دكتور

Quote: قال عيد زواج فى ذمتك اسه انت احتفلت 30 مره مع ام العيال..ياخى قوم لف زى ما بقول ودالصايم..عليك الله يالطيب ماتعذبنا لحدى المساج ماعندنا معاك مشكله لكن جماعتنا ديل على قول السعوديين(غير)يعنى الرصه بتاعتك دى ما بياكلوها ..عندى صاحبى شليق زيك كده قال يوم من الصباح شبك ليك الحاجه صباح الخير ,الليله والله قمر بس ,حبيبتى ممكن تعملى لى شاى ,لكن الفستان مامجنون عديل كده ,رايك شنو حبيبتى نودى الاولاد لحبوبتم ونعشى برانا بره..قال ليك الساعه الانفجرت ليك فيهو(ياراجل هووووى انت ناوى على شنو الليله من الصباح ماياكا) ما قلت ليك(غير)..قال خبير قال....

هههههههههههها

Quote: (ياراجل هووووى انت ناوى على شنو الليله من الصباح ماياكا)

مباااااااااااااااااااااالغة ياخ - مالك عايز تخرب بوستي

اول مرة اعمل لي بوست يجيب الحمام

جنس حسادة لكن

يا دكتور

Quote: قال عيد زواج فى ذمتك اسه انت احتفلت 30 مره مع ام العيال..ياخى قوم لف زى ما بقول ودالصايم..عليك الله يالطيب ماتعذبنا لحدى المساج ماعندنا معاك مشكله لكن جماعتنا ديل على قول السعوديين(غير)يعنى الرصه بتاعتك دى ما بياكلوها ..عندى صاحبى شليق زيك كده قال يوم من الصباح شبك ليك الحاجه صباح الخير ,الليله والله قمر بس ,حبيبتى ممكن تعملى لى شاى ,لكن الفستان مامجنون عديل كده ,رايك شنو حبيبتى نودى الاولاد لحبوبتم ونعشى برانا بره..قال ليك الساعه الانفجرت ليك فيهو(ياراجل هووووى انت ناوى على شنو الليله من الصباح ماياكا) ما قلت ليك(غير)..قال خبير قال....

هههههههههههها

Quote: (ياراجل هووووى انت ناوى على شنو الليله من الصباح ماياكا)

مباااااااااااااااااااااالغة ياخ - مالك عايز تخرب بوستي

اول مرة اعمل لي بوست يجيب الحمام

جنس حسادة لكن

Quote: والله يا الطيب حكايتك زى ما بتقول حاجه علويه(لاحكت ولابقت)...

شفت ازاي !

عمر علي حسن

ود المكاوي

Quote: عريس (مكنكش) فى إيد العروسة داخلين الفندق فى أول يوم عسل العروسة تعثرت فى سجادة قدام الأسانسير وقربت تقع عريسنا جاب مدير الفندق غسل شراعو،،، وبى باقى الموظفين كسى العرايا أهة فى آخر يوم إقامة ومغادرين الفندق....إتعثرت العروس فى نفس السجادة وقرررررربت تقع...... عريسنا إتلفت عليها مبقق عيونو وقاليها: مالك؟ عميانة مابتشوفى؟؟؟؟

انت مسنوح ياخ - يا صديقي انا بدعو للفضيلة مالك بتخربش

ياخ بحبها في العسل وبعد العسل اعوام

ات جنيت حتك؟

المحرب اخوي

Quote: العريبى شيقوق انا عارفك بتحب ا غانى الامس مداخله قد تكون ما ليها علاقه بالبوست

انت مجنون ياخ؟ جننتني معاك

ياخ انا لما اسمع دي شعري فوق وتحت يقوم

مسنوووووووووووح

Quote: يا صديقي انا بدعو للفضيلة

إفلاطون قال يا ناس عليكم بالفضيلة.....
إتلفت لقاهم سرقوا منو الفنيلة!!!

_______________

يا شيقا شقيتنا...

خالي ابو اكرم

Quote: شفت ازاي !

ياخ انت وحين منك وحشة وحياتك

ياخ انسى جراحتنا الكروية والجايات لينا اكتر من الرايحات

سنتقوم سلوكيا ومهارة ما تنزعج يابا

ود المكاوي

Quote: إفلاطون قال يا ناس عليكم بالفضيلة..... إتلفت لقاهم سرقوا منو الفنيلة!!!

ات عارف مشائخ الصوفية لما يجيهم واحد سكران والاحباب يقولوا ليهو اطرد الراجل دا منك سكران - انقر بقول ليهم شنو؟

بقول ليهم خلوهو يسكر ساى انتو مالكم ومالو ، و الشيخ يقبل على السكران يقول ليهو فاقدة ليها رقعة امشي ارقعها عشان تستوى وتجيني مجيه كدا بحبك اكتر .

انا اشهد على حاجة يا ود المكاوي اخوي عندنا في حلتنا ما يقارب 30 شاب مدمنين شراب وبطريقة الشيخ دي خلاهم كووووووووولهم يتركوا الشراب ويبقوا مداح في مسيد الشيخ .

قال افلاطون

افلاطون ال ............

وصلتني right now هذه المداخلة من محمد مرتضى حامد

Quote: الطيب سلامات في واحد صاحبي قطيم وبتاع مشاكل أرسل لي الطرفه دي .. يعني دا ما كلامي .. ما كلامي يا الطيب سامعني؟ الله يجازي صاحبي مسنوح وممسوخ مش؟ Doctor : Your husband needs rest and peace. Here are some sleeping pills. Wife : When must I give them to him? Doctor: They are for you.

ردوا عليهو يا ناس - اما انا shall keep silent شفتوا كيف ؟

Quote: سنتقوم سلوكيا ومهارة ما تنزعج يابا

نتقوم مهاريا جائز .. اما نتقوم سلوكيا فالله ورسوله اعلم

والله اني لم اسمع ابوي صوته علا علي الوالده .. ولم اسمع بها حردانه ولا زعلانه .. وبعد وفاته
اعلنت مكنوناتها وقالت لنا (ابوكم رباني وكبرني واحترمني وما غلط معاي ابدا) .. لكن النصيحة
لاسمعته قال ليها احبك ولا احتفلوا بعيد زواجهم .... الغريبه انهم ماتوا في نفس التاريخ 6 سبتمبر
من اعوام مختلفه

اما خالتك ام اكرم فاولادها مسمنها تاتشر .. وخالك ديك الخوفه .. غير حاضر ماعندو كلام .. لكن
والله والله ما بتختا عليّ ولا انا كمان بغلط في حقها ..

لكن السته حقاتك ديل صعب نتعلمهم حسع

عمر علي حسن

الطيب.. حبابك يا صديقي

غايتو فضحتنا مع الأجانب..
اول بالتبادي.. الحيكومة قرت ليك اول البوست..و اتكيفت شديد..و بعد شوية قرت تصريحك بتاعة التلاتة عقود ماسية..و برضك اتكيفت شديد..و قالت لي تعال اتثقف ياخي و شوف الناس الضو كيف.. اهو من باب الحنبكة قريت..و وقفت في حتة (منقول)..و قلت ليها اها رايك شنو؟.. الغريبة حردت بالجد و قالت لي هنا بتكون في ازمة مصداقية..!!!.. يغتي بالمختصر المفيد شيل شيلتك ساكت..

تاني التبادي.. صديقة سودانية..و كانت داخلة المشروع ده..و العريس في ماوراء البحار.. اها من دون خلق الله..اتوسمت فيني الخير..و تشيل و تسأل سؤال منكر و نكير..و قلت ليها الفكرة شنو؟ يعني دايرة تخوضي تجربة ناجحة؟.. قالت باصرار: نعم..
قلت ليها التنظير بينفع في الفيزياء..و الكيمياء.. لكن في الزواج ما بينفع..!
قامت زعلت..و بعد كم يوم سألتني تفسير اكتر.ز قلت ليها.. الحياة الزوجية زي البصمة..و البصمة عمرها ما ممكن تتشابه..وهي تجربة الناس البيخوضوها بيشكلوها زي ما عايزين.. كلام التانيين ما بينفع..
اها خاضت التجربة بفكرتها هي (فكرة التنظير المسبق)..سنة واحدة و عينك ما تشوف الإ النور..طلاق عدييل..و فراق باساءات و نقة كتيرة خلاص..
اها تاني سألتني.. قلت ليها نفس الكلام..و مشت اتزوجت وفق لنظريتي (نظرية التلقائية البحتة).. غايتو لحد اليوم عمر التجربة تلاتة سنين..و الزولة متكيفة..!

بالنسبة للشباب و الشبات.. الدايرين يخشوا في التجربة دي..ما تسمعوا كلام زول أو زولة..و ادخلوا توش..و اتعاملوا مع الموضوع على اساس (سيد البيت)..اتشاكلوا.. اتصافوا..بعد شوية ح تلقوا الوكت سرقكم..
بالنسبة للأولاد..اوع تفكر انو داير تعرف عقلية المرأة شنو.. لأنو كده ح تتوتر..و يجيك ضغط دم..و تقصر اجلك ساكت..و لمن تموت ما ح تعرف الحاصل شنو..!
بالنسبة للبنات.. أوع الواحدة تفكر بوضوح انها دايرة تشتغل بنظرية الإحتواء (البسوا خاتم و كده).. لأنو دي بتفرق كتير..و بتجيب ردود فعل قاسية..و اي سوداني لمن يشعر بالقصة دي ح يفتكر انو الموضوع حقارة..!

ليس بالضرورة أن تكون كل الحياة الزوجية ابتسامة و فرح (لأنها ح تكون مملة)..و ليس بالضرورة أن تكون كلها نكد (لأنها ح تكون مملة).. لكن بالضرورة تكون زي الموجة.. مرة فوق ..مرة تحت..مرة واضحة.. مرة باهتة الملامح..!

دمتم..
كبر

Quote: عشان كدا انا وام عبد الله متعاشرين سكر بلبن لاكثر من ثلاث عقود لا دا سمع ولا دا شاف شفتوا كيف؟

ربيع الثورات دايما ببدا بعد العقد الثالث.
غايتو نحن مازلنا دون سن الانقاذ.

يا خال

انت نفسك قام ساي - ما عارف ليش اول مرة احس هبشت وتر بقوم نفسك - العفو يا خال

Quote: الغريبه انهم ماتوا في نفس التاريخ 6 سبتمبر من اعوام مختلفه

يا ابا اكرم كلامك عين الحقيقة - انا امي وابوي اطال الله عمريهما بشفق عليهما لما الديك يعوعي ساعة الفجر واحس بانهما يتحسسان الاباريق ليتوضيا لصلاة الصبح عشان يذهب الاثنان مع بعض الحجل بالرجل للصلاة في المسجد - طبعا ولدك مايل بالحيل ما بمشي معاهم . بصلي قبلو في البيت . عشان كدا لو ربك قدر ان وافت اي منهما المنية التاني بلحقو في نفس اليوم - ياخ الحب دا مش الفاظ وعبارات ، الحب معاملة يا سعادتك نقية طاهرة و صادقة .

Quote: اما خالتك ام اكرم فاولادها مسمنها تاتشر .. وخالك ديك الخوفه .. غير حاضر ماعندو كلام .. لكن والله والله ما بتختا عليّ ولا انا كمان بغلط في حقها ..

يا خال الاولاد والبنات هم صانعو الحب بين الاب وامهم

Quote: لكن السته حقاتك ديل صعب نتعلمهم حسع

ديل ساكنات جواكم بس انتو ما بتطلعوهن خوفا من العين ياخ

Quote: الحياة الزوجية زي البصمة..و البصمة عمرها ما ممكن تتشابه..وهي تجربة الناس البيخوضوها بيشكلوها زي ما عايزين.. كلام التانيين ما بينفع..

تعرف الجندر ديل زي حريفات ١٤ الواحد يعرس مرتين وتلاتة يجي عند الرابعة مطمئن يقول خلاص فهمت النسوان ـ حاعمل حسابي وما حا اخت اصبعي تحت ضرسها ,, تقوم تلقي الرابعة غيَّرت ليك القفلة.

اهم حاجة كلمتك تكون هي الاخيرة

حاضر حانفذ فوراً

صديقي كبر

Quote: وقفت في حتة (منقول)..

Quote: و قلت ليها اها رايك شنو؟.. الغريبة حردت بالجد و قالت لي هنا بتكون في ازمة مصداقية..!!!..

الله يجازي محنك ومحنها المسنوحة - ات ذاتك شليق - مالك خليتا وصلت منقول دي ؟

Quote: الحياة الزوجية زي البصمة..و البصمة عمرها ما ممكن تتشابه..وهي تجربة الناس البيخوضوها بيشكلوها زي ما عايزين.. كلام التانيين ما بينفع..

لا فض فوك يا عزيزي - نعم نعم نعم each case has its own merits

Quote: بالنسبة للبنات.. أوع الواحدة تفكر بوضوح انها دايرة تشتغل بنظرية الإحتواء (البسوا خاتم و كده).. لأنو دي بتفرق كتير..و بتجيب ردود فعل قاسية..و اي سوداني لمن يشعر بالقصة دي ح يفتكر انو الموضوع حقارة..!

ما تلخبط حتك مش اى سوداني لكن - نحن ناس الضهاري ديل وبس عايزين نكضب ساي ونقول لل by standers شكلا وليش موضوعا اننا هكذا يعني ما بننحقر .

Quote: ليس بالضرورة أن تكون كل الحياة الزوجية ابتسامة و فرح (لأنها ح تكون مملة)..و ليس بالضرورة أن تكون كلها نكد (لأنها ح تكون مملة).. لكن بالضرورة تكون زي الموجة.. مرة فوق ..مرة تحت..مرة واضحة.. مرة باهتة الملامح..!

يطول عمرك يا صديقي كلام زى الدرر

وقول للحكومة خلينا نهرشكن قدام الناس ولما نتلم في بيتنا نبقى ليكن تيوة دقن بينا اى حائط نتحمل ونسكت بس

اها لقيتني كيف؟

عزو

Quote: تعرف الجندر ديل زي حريفات ١٤ الواحد يعرس مرتين وتلاتة يجي عند الرابعة مطمئن يقول خلاص فهمت النسوان ـ حاعمل حسابي وما حا اخت اصبعي تحت ضرسها ,, تقوم تلقي الرابعة غيَّرت ليك القفلة.

ههههههههههههههههههههههههههههههههههههههههههههههههههههههههههههههههههههههههههههها وحات الله ات ما براك
مسنوووووووووووووووووووووح

فيصل المنضبط حتى الان

Quote: اهم حاجة كلمتك تكون هي الاخيرة حاضر حانفذ فوراً

قدام الناس لكن ياخ؟

7- تجنب مساج الثعابين: وهذه واحدة من أخطر العوامل البتفرتق الأزواج من بعضهم البعض. طلاق بالتلاتة.

__________________________
قلنا ليك إعتذر و رفضت
فانتظر نتيجة عمايلك
طلاق ساكت! طلاق و بشتنة

Quote: أحبك، كل عام وأنت بخير، صباح الخير، افتقدتك هذه الليلة، شكرا يا حبيبتى،

واحد مطلق مرتو
المحكمة فرضت عليهو نفقة حضانة بنته ,, تدفع لحين بلوغ البنت سن الثامنة عشر.
ظل يدفع لطليقته بانتظام وحين بلغت البنت سن الثامنة عشرة اعطي الشيك الاخير لابنته لتعطيه لامها وقال لابنته:
ادي الشيك ده لامك وقولي ليها ده آخر شيك وتعالي وريني قالت شنو ووقع الخبر عليها شنو؟ (طبعا داير يتشفي)
البت ودت الشيك لامها وجات راجعة :
اها امك قالت شنو؟
ابدا قالت انني اصلا مابنتك.

Quote: اهم حاجة كلمتك تكون هي الاخيرة حاضر حانفذ فوراً - فيصل خليل

شفت الناس العارفه الله واحد

عمر علي حسن

خالي ابو اكرم

Quote: شفت الناس العارفه الله واحد

اكان دا بقى فزعك عيييييييييييييييييييييييك

كوستاوي

الفاضلابي


جاييكما الصباح الوقت هنا خلالالالالالالالالالالالالاص

صباح الخير يا طيب والجميع، ومن إيميل قديم برضو هاكم:

INSTALLING A HUSBAND
Dear Tech Support

Last year I upgraded from Boyfriend 5.0 to Husband 1.0 and noticed a distinct slow down in overall system performance, particularly in the flower and jewelry applications, which operated flawlessly under Boyfriend 5.0
In addition, Husband 1.0 uninstalled many other valuable programs, such as
· Romance 9.5 and
· Personal Attention 6.5, and then installed undesirable programs such as
· College Football 6.0, NFL24-7, LandscapingPro 4.0
· Major League Baseball 3.0 and
· Golf Clubs 4.1
Conversation 8.0 no longer runs at all, and Housecleaning 2.6 simply crashes the system
· Please note that I have tried running Nagging 5.3 to fix these problems, but to no avail
What can I do?
Signed,
Desperate.

DEAR DESPERATE,
First, keep in mind,
· Boyfriend 5.0 is an Entertainment Package, while
· Husband 1.0 is an operating system.
Please enter command: ithoughtyoulovedme.html and try to download Tears 6.2 and do not forget to install the Guilt 3.0 update.
· If that application works as designed, Husband 1.0 should then automatically run the applications Jewelry 2.0 and Flowers 3.5.
However, remember, overuse of the above application can cause Husband 1.0 to default to Grumpy Silence 2.5, Happy Hour 7.0 or Beer 6.1.
· Please note that Beer 6.1 is a very bad program that will download the Farting and Snoring Loudly Beta.
Whatever you do, DO NOT under any circumstances install Mother-In-Law 1.0 (it runs a virus in the background that will eventually seize control of all your system resources.)
In addition, please do not attempt to reinstall the Boyfriend 5.0-program. These are unsupported applications and will crash Husband 1.0.
In summary, Husband 1.0 is a great program, but it does have limited memory and cannot learn new applications quickly. You might consider buying additional software to improve memory and performance. We recommend
· Cooking 3.0 and
· Hot Lingerie 7.7.
Good Luck

Quote: التعامل مع الزوجة Is an art

ايوه ياخى يادوب جبت المفيد..حكمة الله بالعربى غلبك كلوكلو...

يا Isa


ياخ جننتنا كلما حاولت اجد لنك بين البوي فرند والماظر والكوكينغ لحدي الان سبورتيد بروقرامس ما وجدتو ياخ .

المهم لازم نستعين بصديق كارب وكدا

Quote: ايوه ياخى يادوب جبت المفيد..حكمة الله بالعربى غلبك كلوكلو...

لا يا دكتور حاسي في بتعاين شهادة عربية تربوا في امريكا محتاجين للترجمة او المخاطبة المباشرة

Quote: جاييكما

ده جمع تحطيم مذكر سالم ولا شنو يالطيب؟

اها يا الطيب بما انو المقام مقام نصح وارشاد قلنا نشاركك بالنصائح دى للعروس الجديدة

Quote: سد الزرائع:- بإعتبار أن هذا المقال فى المقام الأول مخصص فقط للزوجات القديمات ( الجديدات بتاعات الدبل يمتنعن)،فهناك جملة نصايح مفيدة لهن وتدخل فى باب سد الزرايع أو الوقاية خير من العلاج،أو مضاراة المؤمن على نفسو حسنة، وأول هذه النصايح الغالية بالنسبة للزوجات- المرشحات للنزول الى الدرجة التانية بعد تسجيلات الموسم- ... تخريمة صغيرة جوة الموضوع... طبعا يا حبيبات قساى زواج المسيار والعُرفى والكافيار وغمدت لبدت.... ماداخل ضمن هذه الحزمة النصائحية بإعتباره ضل ضحى ساكت ونزوة زى سحابة الصيف وعلى قول الفنان-ظروف وتعدى ما تهتمو للأيام- لكن كلامنا فى العرس الراسو عديل داك، صورة وصوت، على كل هذه النصايح نظام أرض جو بحر يعنى زى دواء الفكى نافعة لكل الأحوال المرضية: نمرة واحد:- خلى العوارة وبادرى بتشبيك صفحتك فى الفيس بوك مع صفحة زوجك – الحجل بالرجل- ولازم تعملى إسمك فى الصفحة – بحب زوجى فلان- نمرة اتنين: - تعمدى وضع تلفونك بالقرب من زوجك أثناء تواجده بالمنزل وعندما يرن تلفونك يمكنك مناداته من المطبخ بقولك" عليك الله يا أبو فلان كدى رد لى على تلفونى" أو أقرأ لى الرسالة الجاتنى دى" وبما أن هناك فقرة فى القانون الدولى تسمى- المعاملة بالمثل أو البساط أحمدى أو الحالة ون – يبقى فى الحتة دى اللبيبة بالإشارة حتفهم- نمرة تلاتة: - سوى ليك همة واخلقى علاقات حميمة مع الموظفات العذابيات فى مكتب زوجك- حسب تحليل مخابرات السى أى إيه قالوا الطابور الخامس يعتبر من أنجع السبل التجسسية لكشف الأحداث قبل وقوعها- كما يستحسن تخشى معهن فى صرفة صندوق عديل كدة وماتنسى تحكى ليهن قصص مروعة عن زوجات قديمات مارسن تصفية جسدية ضد زوجات جديدات أو دلقن عليهن موية النار(يمكنك الإستعانة فى ذلك بأرشيف صحيفة الدار) نمرة اربعة: - تشيلى من فكرك خالص حتة إمكانية محاولة زوجك الإستعانة بوسائل إتصال بديلة كمثال لذلك- صناديق بريد البوستة أو تلفونات سوداتل الثابتة، أما إذا دار بخلدك إمكانية تعرف زوجك على مرشحات جدد عبر فضل الظهر الخاص ب- ياعم- فى الحالة دى خلى إيمانك كبير فى ناس النظام العام وأمن المجتمع سبق السيف العزل: - لنفترض جدلا يعنى أنو الزوج كان تفتيحة لمن غلط واستعان بتكلونوجيا الإتصال عبر الأقمار الصناعية- مابين الثرى والثريا- مع مرشحة سرية وإرتكن الى فقهية واستعينوا على قضاء أموركم بالسر والكتمان، وبذا على حين غرة – كف بب لب- وقعت الفاس فى الراس،عندها هناك عدة إجراءات سلامة من الواجب على الزوجة القديمة المباشرة الفورية بها، فعند سماع خبر زواج – أبوكم – من واحدة تانية عليك بإتخاذ الأتى: نمرة واحد: - مثلا يعنى لو كنتى قاعدة تعوسى أول حاجة ركزى كويس وراجعى بدقة، ختيتى القرقريبة وين؟كذلك الطايوقة والتملة أو الدوكة؟ وهل صاج العواسة فى تلك اللحظة فيهو طرقة كسرة ولا فاضى؟ وهل خُمارة العجين على يمينك ولا عن شمالك؟ وهل هناك طيور داجنة أو حيوانات أليفة فى الراكوبة فى تلك اللحظة المفصلية- قريب غطاء من جرسة الإستفتاء- أم لا؟ وعلى رأى الخبراء- يستحسن التوقف عن العواسة فورا.. ولكن بالعدم فى حالة أن تكونى- شوبارة- لازم تخرسى خالص وتتمى عواستك من سكات- مستعينة فى ذلك بالخبرة التراكمية الآلية- أو لو الكلام- حرقك خالص خالص- يجب عليك التوقف التام عن العواسة وإتاحة الفرصة لفعل الكلام- كيفما أتفق- وذلك لصعوبة الجمع بين العوم والطيران فى مثل تلك اللحظات المصيرية، لأنو فى واحدة جاها خبر عرس أبو وليداتها من أخرى أثناء العواسة فوضعت – التملة- وتناولت سوسيوة كانت تسترزق من سواقط العجين ومسحت بيها الصاج حتى إستشهدت السوسيوة وذلك لأن الأستاذة أصرت على الجمع بين العواسة والكلام فى نفس الوقت، حيث قالت وهى ماضية فى مسح صاج العواسة بالسوسيوة" كاك كاك بتاع شنو؟ بكرة بطهر حيطتى وبجيّر وليداتى يايمة، هم الرجال ذاتهم شن طعمن يا يمة؟!! بالاى خلينا كدة !" نمرة إتنين: - أول إجراء للإسعافات الأولية على الزوجة القيام به عندما تسمع خبر زواج زوجها من عروس جديدة، أخذ أنفاس عميقة وبطيئة على طريقة اليوجا- شهيق ،حبس الهواء لثوانى ثم الزفير ببطء- وبعدها تبدأ بصورة متانية فى إعادة التعرف على الحاجات من حولها، هل هى جالسة أم واقفة عندما نما اليها الخبر الأكيد؟ وبالتالى عليها الجلوس- برررراحة- فور سماع الخبر أو العكس صحيح، ثانيا عليها التأكد، هى بالضبط لابسه شنو؟ فستان ولا توب؟ حفيانة ولا لابسة شبشب؟... الخ، وأخيرا عليها –قدر ما تقدر- إرجاء أو تأجيل القيام بتلبية إحتياجاتها الآنية، مثل شرب الماء أو تناول الطعام أو دخول الحمام أو حتى محاولة التعليق- الفورى- على الحدث مع جاراتها،وذلك لتحييد الكوارث الطبيعة ذات الصلة بصحة البيئة، فعلى سبيل المثال ما حدث للأستاذة عندما- نما الى علمها- خبر زواج زوجها بينما كانت فى طريقها الى- المزيرة- لتناول كوز ماء، فإذا بها تتجه مباشرة الى- البلاعة- وتقطع ليها كوزين من – موية الكاكا- وهى تقول ضاحكة فى تسامح صوفى صرف"يايمة ما يعرس كان عرس، أبونا محلالات ليهو تانى إتنين، أيويويو يوووويا"...... صاااااااااح صدقناكى

ياخوى الورود غب واللا يوت



تحياتنا يا الحكيم شيقوق


منصور

ود المفتاح

زارتنا البركة

كيفك في بلاد العم سام؟

Quote: ياخوى الورود غب واللا يوت

ضمينا تلاتة يوم

علا الفحول مكنونة طاب

ود الزين

Quote: اها يا الطيب بما انو المقام مقام نصح وارشاد قلنا نشاركك بالنصائح دى للعروس الجديدة

والله بالغت وبوركت دى اجمل مداخلة في هذا البوست والله اقرا واضحك ياخ

Quote: ده جمع تحطيم مذكر سالم ولا شنو يالطيب؟

اوع تكون ضرستك ؟ اصلك بقبت زول ايسكريمات وكدا

دروس وعبر

Quote: وصلتني right now هذه المداخلة من محمد مرتضى حامد

النبي فيك يا شيقا تسلم لينا عليهو
و تحنسه يرجع لينا..و الله و بالله فاقدنه و محلتو ما بسدها الا هو
...........

و قول ليه يقول لصاحبه..سيد الطرفة
وحدة صحبتي..فاهم يا شيقا...صحبتي..
كتبت و قالت لي....

My husband and I were happy for twenty years.... Then we met

و قالت كمان...صحبتي..

Woman is incomplete until she is married.... Then she is finished

بالغت غايتو صحبتي و صاحب مولانا..حقو نعرفهم على بعض :)

Quote: انا القدامك دا ساكن بدونها في الغربة ولما اتصل بالاولاد بقول ليهم خليكم صف والاول حبيبتي ام عبد الله وكوووولهم يقعدوا يضحكوا ليك وهي تفرح شديييييييييييد - المسألة يا منال اختي اكبر مما تتصوروا بالنسبة لصناعة التوازن النفسي داخل كل افراد الاسرة .

صحبة صاحب مولانا قالت ليك....ما عندك أخو !!؟؟؟

استاذة ممكونة

ازيك ؟

Quote: النبي فيك يا شيقا تسلم لينا عليهو و تحنسه يرجع لينا..و الله و بالله فاقدنه و محلتو ما بسدها الا هو

اولا آسف لتاخير الرد لأنني كنت معاهو في زيارة عشان يربط لي كرفتة جاتني هدية من الفاتح الميرغني من اليابان شفت كيف ومجرد ما فتحناها عاين ليها وعرف ماركتا ؟.

اخوك بربط كرفتات لمدة 25 سنة لكن عايز ربطة ناس البندر المميزة. هو دحين اكان في حد بسد محلو بمشي ليهو انا مسافة 50 كيلو عشان بس يربط لي كرفتة ؟

Quote: و قول ليه يقول لصاحبه..سيد الطرفة وحدة صحبتي..فاهم يا شيقا...صحبتي.. كتبت و قالت لي....

الكلام دا قراهو وكت كنت معاهو قبيل

Quote: My husband and I were happy for twenty years.... Then we met

دي ال sustainable development اكان فايتة عليك

Quote: و قالت كمان...صحبتي.. Woman is incomplete until she is married.... Then she is finished بالغت غايتو صحبتي و صاحب مولانا..حقو نعرفهم على بعض :)

قراهو برضو وباقي لي في common shamarat ولا شنو ؟

Quote: لا يا دكتور حاسي في بتعاين شهادة عربية

البتعاين منو المدام ولا منو ركز يابوطيب???






الطيب اخوى قرط على كده..حكاية المقدر دى مراقه مابطاله..

Quote: الطيب اخوى قرط على كده..حكاية المقدر دى مراقه مابطاله..

صحيح يا دكتور بس ما تبقى شماعة ياخ

شكرا على الاغنية الحلوة

وربنا يوسدك الباردة يا بادي محمد الطيب

تعرف ياالطيب عمى راجل حكيم وعركته الدنيا عنده مقوله برددا طوالى.. بقول ياسيدى (مرتك كان قالت ليك اطلع الجبل ماتحرر الواطه)..وما بين طلوع الجبل وحرة الواطه تبقى مساحات ضيقه للتواد والرحمه..نحن ياسيدى جيل غير محظوظـ اتشالبونا ناس الترابى بجيهه والازمه الاقتصاديه العالميه وحياتك ياعزيزى الواحد فى اوروبا دى لمن يجى راجع البيت يكون زى الحمار الدايرين يدخلوا البنطون شفت المنظر ده ياابوالطيب ?? قول يالطيف بس..

الرحمه لبادى ولك التحيه..

الطيب سلام وتحايا عطرات

Quote: ضمينا تلاتة يوم علا الفحول مكنونة طاب

ياخ الكنان نار الله الموقده

والصرار أخير وابرك

والزول ببقى موجب

شيقوق شفراتك دى البحلوها شويه




منصور

المنصور ود المفتاح

Quote: ياخ الكنان نار الله الموقده

نعم لانها تمثل انتهاك لحرية الاطلاق البخلي دوماتك سايلة !!!

Quote: شيقوق شفراتك دى البحلوها شويه

دى لناس المفتاح ومحمد الفاتح ابو عاقلة وبس .

هسع عليك النبي عينة ناس كوثر بيومي الفاكنها لادارة برنامج خيمة الحاردلو زمان اكان شترها واحد من ضيوفا بكلمة زى دي غير تتبسم بتقول شنو؟

ياخ كوثر شنو البدوها برامج زي ديل

Quote: وحياتك ياعزيزى الواحد فى اوروبا دى لمن يجى راجع البيت يكون زى الحمار الدايرين يدخلوا البنطون شفت المنظر ده ياابوالطيب

ههههههههههههها والله بالغت في دي

لا دا سمع ولا دا شاف
يعني شنو
طرشتو واتبكمتو

لكما محبتي

Quote: والله لو حلف مابنصدقو

بت فقيري

ازيك؟

Quote: لا دا سمع ولا دا شاف يعني شنو طرشتو واتبكمتو

ياخ انت ما سمعت بلغة الصمت ولا لحظات تعطل لغة الكلام ؟

ديل نحن كدا بس لا دا سمع ولا دا شاف

نايف

سلام

ليش ياخ حرام عليك المؤمن صديق

نواصل

شيقا

بعدما تجاوب علي سؤالي دا حاجيك راجع :

انت هسه الخلاك تفكر في البوست دا شنو والمناسبة شنو ؟؟؟؟؟

مولانا ود البوب

صباحك نور

Quote: انت هسه الخلاك تفكر في البوست دا شنو والمناسبة شنو ؟؟؟؟؟

ات مالك بتنكّت في المحن ؟

الواحد لو عندو أجنده خفية لازم يكشفها ليكم؟

ياشيقا موش بقولو الحب بصنع المعجزات
في مره قاعد مع محمد ود الفنان خضر بشير زماااااااان
قال لي واحدة سالت ابوي ماهو الحب
قال : الحب لذيذ بالمره فيهو مبرّه وفيهو مضره و كؤوس الصباب المُرهفيهوصفا وفيهو جفا واحلى وفا
اها دحين رايك شنو في ستات الفنان خضر بشير
بالحب والود ياشيقا اي شيء ببقى وبتسهل الامور عشان
كدا امي رحمة الله عليها كان بتقول ريدت المره للراجل لو مابقت من جوه الحياة ما بتمشي تمام بيناتهم
إتذكري الريدة الكتبنا
حروفا بي أجمل وفا
وأطري الحنان المني ليك
ساعة جفا وساعة صفا
وإتذكري الريدة الزمان
بيناتنا أطري المعرفة ..

Quote: انت هسه الخلاك تفكر في البوست دا شنو والمناسبة شنو ؟؟؟؟؟

والله كلام قريبي دا ذكرني واحد قال لدكتور المعز حين فتح بوست قصيدة لزوجته المصون الخلاك تفتح البوست دا شنو

قاليك يا عمك
طنِش تعِش تنتعِش


يا اخي نحن الصندوقيين ديل زي ما جاب لينا الخبر قيقتنا الراوي
عندنا ليك مخرج ضخم الجثة يا عمك
طوالي تتكرفس في صندوقك بتاع اللاشيء داك
وبتلقى نفسك خارج التغطية
وهي كان غلبا
طوالي تلوص في الشبكة حقتا
تمرق ليها بشيتن تاني


وبعدين
هو نحن شن قدرنا على الشبكات يا اخي


صباحك عنكوليب آ المسينيح

ود شيقوق وضيوفه الكرام

اهم بند تغافل عنه المتداخلون- علوا واستكبارا - ألا وهو مساعدة المرأة في خدمة البيت ولو دعا الأمر إلى غسيل عدة المطبخ . وستجد الاحترام والتقدير والحب العميق .
هذه نصيحة من متمرس ومحنك

تحياتي ومودتي

Quote: ياشيقا موش بقولو الحب بصنع المعجزات في مره قاعد مع محمد ود الفنان خضر بشير زماااااااان قال لي واحدة سالت ابوي ماهو الحب قال : الحب لذيذ بالمره فيهو مبرّه وفيهو مضره و كؤوس الصباب المُرهفيهوصفا وفيهو جفا واحلى وفا اها دحين رايك شنو في ستات الفنان خضر بشير

يا الله كلام درر ولآلي - يا الوليد

Quote: بالحب والود ياشيقا اي شيء ببقى وبتسهل الامور عشان كدا

نعم نعم نعم بالود والحب كل الامور بتتدبر وتمشى سمن بعسل .

Quote: امي رحمة الله عليها كان بتقول ريدت المره للراجل لو مابقت من جوه الحياة ما بتمشي تمام بيناتهم

صدقت يا الوليد - ربنا يرحمها - كلام بسيط لكن يحمل الكتير من الدلالات والمعاني

أستاذنا جعفر إسمايل

كيفك يا زعيم وكيف اولادك ؟

Quote: اهم بند تغافل عنه المتداخلون- علوا واستكبارا - ألا وهو مساعدة المرأة في خدمة البيت ولو دعا الأمر إلى غسيل عدة المطبخ . وستجد الاحترام والتقدير والحب العميق . هذه نصيحة من متمرس ومحنك

فعلا دي تغافلوا عنها علوا وإستكبارا وتمتد القائمة التي تفضلت بها لتشمل ورّيق الخدرة وأحيانا مسك المفراكة كمان

بس لا اعتقد حد فيهم بيقبل يقلى البن ويمد القلاي لأم اولادو عشان تأخد ليها كرفة من بخور القلاي .

بالاضافة الي عادات شيقاالتي يجب تجنبها

عادات يجب العمل بها :

اذا انت مغترب في السعودية:

1- لازم تكون بتعرف تسوق عربية
2- لازم تكون عندك عربية
3- لازم الويك اند بكامله يكون حق مشاوير الزوجة


أما اذا كنت مغترب في قطر :

1- لازم الزوجة تتعلم قيادة العربية
2- لازم يكون عندك قروش تشتري ليها عربية
3- لازم يكون عندك طولة بال وما تسالها: رايحة وين وجاية من وين.

نحن فى انتظار ود شيقوق فى الجزء التانى من بوسته الرائع بعد استقراره الدائم مع المدام و الاولاد


غايتو الحياة الزوجية دى قدر ما الزول يقول خلاص فهمتها تلاقى نفسك تانى لبست مريول كيجى ون الشغلانية دايرة وزنه مقاييسها بتختلف كل ثانية ....

Quote: وتمتد القائمة التي تفضلت بها لتشمل ورّيق الخدرة وأحيانا مسك المفراكة كمان بس لا اعتقد حد فيهم بيقبل يقلى البن ويمد القلاي لأم اولادو عشان تأخد ليها كرفة من بخور القلاي .

ود شيقوق
يديك العافية

ود البوب

Quote: 3- لازم يكون عندك طولة بال وما تسالها: رايحة وين وجاية من وين.

هههههههههههههههههههها بالغ في دي ياخ

ان شاء الله بس بالك طويل

شايف اتصالاتك بي بتكتر في الويك إند - باقي لي بتكون معلق خارج كالفور منتظرها تتسوق ووقت تطول بتقول احسن ادق لشيقا اقصر بيهو الوقت لحدى تجيك قادلة بترولي التسوق .

اخي عندي ليك سؤال واحد بس اسمح لي سمح؟

انت مديها بطاقة سحب الكتروني تخمش البعجبا من البضاعة وتمشي الكاونتر تدفع بالبطاقة ولا مديها كاش نقدا ؟

منار كاشف

ازيييييك

Quote: نحن فى انتظار ود شيقوق فى الجزء التانى من بوسته الرائع بعد استقراره الدائم مع المدام و الاولاد

تقصدي أي بوست ؟ اوع رحلة العمر ومشوار السنين؟ ياخ دا فيهو مفردات ناس دلقو ما بعرفوها الا مع مترجم

Quote: غايتو الحياة الزوجية دى قدر ما الزول يقول خلاص فهمتها تلاقى نفسك تانى لبست مريول كيجى ون الشغلانية دايرة وزنه مقاييسها بتختلف كل ثانية ....

دا كلامك يا بت مصطفى ؟

خالي جعفر اسماعيل

طبعا المسألة تتفاوت من بيئة لبيئة طالما لكل بيئة معطياتها الخاصة

مثلا عندنا نحن الراجل ما بمسك الغنماية من اضنيها والمرة بتحلب دى اكعب من وريق الخدرة

أنا غايتو لو ماحلف بصدقو .. لانو ده ببقي الجزء الاول من جدلية العشق للارتقاء نحو جدلية الثورة .. ولا رايك شنو ياابو الطب , سيما اذا كان الطرف الاخر يؤمن بالجدلية نحو خلق غد افضل

Quote: لا سيما اذا كان الطرف الاخر يؤمن بالجدلية نحو خلق غد افضل

ودا الاهم يا استاذي المبارك

اكرمت

عادة أخري يجب العمل والتمسك بها:

أختيار ملابس الأطفال:

اجعل عدم التدخل في اختيار ملابس الاطفال عادة

فالاختيار اما للزوجة اولا او للطفل ثانيا

وخليك بعيد تسلم .... وبس ادفع

Quote: عادة أخري يجب العمل والتمسك بها: أختيار ملابس الأطفال: اجعل عدم التدخل في اختيار ملابس الاطفال عادة فالاختيار اما للزوجة اولا او للطفل ثانيا وخليك بعيد تسلم .... وبس ادفع

ههههههها دا كلو كويس اوع بس بتشيّلني الوليد في صفحتي واكون تابعها وهي دافرة الترولي قداما ؟

سمى الزول السمح

كيف حالك و حال ولادك .. ؟؟؟

حباب سمي ود القيقر عشانا اب لبن

ابن عمي العزيز شيقا..
اختزال العادات في ست فقط بعد الزواج..
يجعل الأمر محصوراً في حدود ضيقة جداً..
والحياة الزوجية مفتوحة ولا تخضع لحسابات أو تقييم..
لأنها تختلف باختلاف الأزواج والبيئة والظروف المختلفة..
هناك الكثير جداً مما لا يعجب (الحريم) في عاداتنا وصفاتنا نحن الرجال..
حضرت قبل يومين برنامج (مافي مشكلة) في قناة النيل الأزرق..
وأكد الدكتور سليمان أنّ ما يجب أن يدركه الرجال أن (حقك من المرة بتجيبو بي طريقتك ومعاملتك ليها)..
تحترمها بتحترمك.. تقدرها بتقدرك.. تهينا بتكرهك.. تحتقرها بتندمك على اليوم الجيت فيهو للدنيا..
باختصار معنى كلامه أن كل الأمور والكنترول في يد الراجل..
والمرأة ما هي إلا (مستقبل) بكسر الباء..
ومما تأكدت منه.. أن الصراع والنزاع والخلاف والجدال بين الرجل والمرأة.. أزلي ودائم ومستمر..
منذ بدء الخلق وعهد أبونا آدم وأمنا حواء..
ولن ينتهي إلا بنهاية هذه الدنيا..

شيقا

نصيحة جاءتني من صديق زميل عزيز ( امكن تعرفه لو قلت ليك اسمه ) منذ سنين وفقا لتجربته الشخصية:

تخلي عادتك مع الزوجة السمع والطاعةو بدون كلام

السبب الذي أقنعه بذلك والعهدة علي لسانه :

انك حتي ولو خالفتها في النهاية حتنفذ

وبدل وجع المصارين واصلك في النهاية حتنفذ حتنفذ ، احسن ليك تنفذ من غير كلام من الاول وتخلص.
بلا وجع مصارين بلا وجع راس


والله ياخي في شوية منطق في كلامه لكن هل كل زول بقدر علي دا .

شيقا ....انت كيف؟

أيمن إزيك

Quote: اختزال العادات في ست فقط بعد الزواج.. يجعل الأمر محصوراً في حدود ضيقة جداً.. والحياة الزوجية مفتوحة ولا تخضع لحسابات أو تقييم.. لأنها تختلف باختلاف الأزواج والبيئة والظروف المختلفة.. هناك الكثير جداً مما لا يعجب (الحريم) في عاداتنا وصفاتنا نحن الرجال.. حضرت قبل يومين برنامج (مافي مشكلة) في قناة النيل الأزرق.. وأكد الدكتور سليمان أنّ ما يجب أن يدركه الرجال أن (حقك من المرة بتجيبو بي طريقتك ومعاملتك ليها).. تحترمها بتحترمك.. تقدرها بتقدرك.. تهينا بتكرهك.. تحتقرها بتندمك على اليوم الجيت فيهو للدنيا.. باختصار معنى كلامه أن كل الأمور والكنترول في يد الراجل.. والمرأة ما هي إلا (مستقبل) بكسر الباء.. ومما تأكدت منه.. أن الصراع والنزاع والخلاف والجدال بين الرجل والمرأة.. أزلي ودائم ومستمر.. منذ بدء الخلق وعهد أبونا آدم وأمنا حواء.. ولن ينتهي إلا بنهاية هذه الدنيا..

يا ايمن اخوى النقاط الستة دى تخاطب الطرفين الزوج والزوجة وهي ثوابت إن لم تتوفر فسدت العلاقة الزوجية خالص . حتى التفاصيل التي حكى عنها الخال ود البوب ايضا جزء من الاطار الكلي الذى رسمته الثوابت الستة التى وردت في مقدمة البوست .

لك عميق حبي

ود البوب

Quote: شيقا ....انت كيف؟

Full option

ما على ام عبد الله الا وان ترمي الجير في D وتاني الحركة تلقائية

Quote: FULL OPTION ما على ام عبد الله الا وان ترمي الجير في D وتاني الحركة تلقائية

فل اوبشن دي عجبتني بالحيل

عرفنا حرف ال D

طيب السرعة كيف ... خاصة لو علي السوق ... اظنها فل اسبيد

Quote: عرفنا حرف ال D

دي المحل البترمي فيها الجير وانت جاهز عشان ترفع رجل من البريك وتبقى زول ابنص بس

Quote: طيب السرعة كيف ... خاصة لو علي السوق ... اظنها فل اسبيد

اكيد فل اسبيد بس انت بتروح عامل فيها منشغل مع المسجل والراديو عشان هي ما تقول السرعة absolute obedience بآوامرها

المسنوح

شن خبرك




30 سنة...
يعني نقول علي صالح عندو حق!!

التغيير واجب وطني...

اقعد انقل لي في التنظير...

Quote: الله يوسدك البارده يابادى

البارده ريفى الدندر??

Quote: التغيير واجب وطني...

هييييييييييع غيرك مافي زولا قالا آآآآآآآ اللخو


دكتور محمد بابكر

البردانة البردانة

Quote: البردانة البردانة

معليش يابوطيب نحن بنغلط لاننا ضحايا سقط (اجارك الله) فالعقل الباطن بلاوذ من البرد والبردان والبردانه..تحياتى لك ولابن عمك الجزولى اصغر عريس سودانى فى (التاريخ الحديث)حلوه التاريخ الحديث دى مش كده??

Quote: عندى صاحبى شليق زيك كده قال يوم من الصباح شبك ليك الحاجه صباح الخير ,الليله والله قمر بس ,حبيبتى ممكن تعملى لى شاى ,لكن الفستان مامجنون عديل كده ,رايك شنو حبيبتى نودى الاولاد لحبوبتم ونعشى برانا بره..قال ليك الساعه الانفجرت ليك فيهو(ياراجل هووووى انت ناوى على شنو الليله من الصباح ماياكا) ما قلت ليك(غير)..قال خبير قال....

د.محمد بابكر... والله ضحكتني جنس ضحك



أخي الطيب...
شكراً علي البوست المنَير ده
لكن...أنا مقتنع إنو أغلب الرجل السُوداني عندو المكابرة
وبقولوا إنو المرأة السُودانية بارده وشحيحة المشاعر(ما عندي تجربة سابقة مع بت سُودانية)
طيب ومع المعادلة الصعبة دي...الكلام السمح والسلس اللي قلتو ده ببقي كيف...؟؟؟

غايتو أنا العازب ده....بشكرك علي النصائح العطرة دي.
ولحين اليوم داك...ح أبقي أتمرن علي قول الحلو وأبلع المر.



ودمت انت الصحة والعافية
وإن شاء الله ديمة عامرة مع أم العيال.

د. محمد

Quote: تحياتى لك ولابن عمك الجزولى اصغر عريس سودانى فى (التاريخ الحديث)

رحم الله الاخ الجزولي واسكنه مع الصديقين والشهداء فسيح جناته ، فقد توفى الى رحمة مولاه في العام 2006 م

هل لك اى علا قة بالدندر يا دكتور

الابن عبد الكريم

تسلم يا الحبيب على كلماتك الطيبة

Quote: غايتو أنا العازب ده....بشكرك علي النصائح العطرة دي. ولحين اليوم داك...ح أبقي أتمرن علي قول الحلو وأبلع المر.

طالما عازب حقو تنتظر ولا تحكم على المرأة السودانية الا بعد تشم الجرتق

Quote: ودمت انت الصحة والعافية وإن شاء الله ديمة عامرة مع أم العيال.

تسلم يا ابني وربنا يقسم ليك المرأة السودانية البتسعدك

والله بختكم ... وضاربين الراحات وهوا البرندات .... متابع معاكم وما قريت لا لصاحب البوست عمكم الطيب شيقوق او المتداخلين هموم الواجبات المنزليه ( والجكه ) مرتين في الاسبوع لمن الواحد نفسو ينقطع وعيونو تحوص .



تخريمه: يا اخوي الطيب ود شيقوق في الثلاث عقود ما كنت تذكر لاخوانا ديل من اهم استقرار الحياة الزوجيه المشاركة في الواجبات المنزليه ( غسيل العدة ولم الهدوم من الحبل ) وتشارك ليك بطبيخ حله انشاء كل اسبوعين وتعمل القهوه انشاء الله مرة في الشهر .

وانا ما مزعلاني الا الجكه حول الميدان اربع مرات او ثلاث مرات في الاسبوع ... والاعذار خاصة لمن يقولن ليك لازم تجك عشان الكلسترول ما يعلي عليك وعشان الرطوبه ما تقوم عليك وعشان قلبك يكون صحي وما تجيك ازمه قلبيه فجأه .

تخريمه : اما لو كان الزوج بيدخن او بيسف تمباك ... اكيد الهم كا حيكون غير همي وهمكم والبيشوف مصيبة غيرو تهون عليهو مصيبتو .

Quote: طالما عازب حقو تنتظر ولا تحكم على المرأة السودانية الا بعد تشم الجرتق

هههههههههههه
والله حاضر يا عمو الطيب

Quote: تسلم يا ابني وربنا يقسم ليك المرأة السودانية البتسعدك

من خشمك لرب العالمين...وهذه أمنية سامية أتمني أن تتحقق

يا سامر ( غاندي)
الف مرحب بيك ياخ وتحياتنا لكل السودانيين المعاكم في كوستاريكا ديل كووولهم أكيد كيس التمباك عندهم بيكون بعشرة دولارات وكيلو حطب الطلح 20 دولار .

Quote: يا اخوي الطيب ود شيقوق في الثلاث عقود ما كنت تذكر لاخوانا ديل من اهم استقرار الحياة الزوجيه المشاركة في الواجبات المنزليه ( غسيل العدة ولم الهدوم من الحبل ) وتشارك ليك بطبيخ حله انشاء كل اسبوعين وتعمل القهوه انشاء الله مرة في الشهر .

لا فض فوك يا غاندي اخوى بس افتكر الشغلانية دى تختلف بإختلاف مهن وثقافات الناس والنمط المعيشي لكل شريحة . يعني عندنا نحن ناس الضهاري لما تشمى الزراعة ومعاك ام الاولاد بتكون عزيتا عز تمام اكان لدى عودتك من الزراعة غشيت ليك شدرة يابسة وقمت كسرتها بفرارك وحزمتها حزمتين ورفعتها في الحمار وركبت ام اولادك عليهو وبقيت تابعها من خلف وكمان لو بقيت مديها سنيدة بيدك من الوقعة تكون بالغت عدييييييل كدا .


وجاييك تاني

Quote: يعني عندنا نحن ناس الضهاري لما تشمى الزراعة ومعاك ام الاولاد بتكون عزيتا عز تمام اكان لدى عودتك من الزراعة غشيت ليك شدرة يابسة وقمت كسرتها بفرارك وحزمتها حزمتين ورفعتها في الحمار وركبت ام اولادك عليهو وبقيت تابعها من خلف وكمان لو بقيت مديها سنيدة بيدك من الوقعة تكون بالغت عدييييييل كدا

يا شيقابوسطيك حلو بالحيل .... الحياة تمشي سمعا و طاعه وساهله الحياة الزوجية الموضوع كلو يتلخص فى Yes honey :) ولا تكون زي عمك تنقو و تلعب دفااااااااااااع طوالي :)

عمك تنقو ابو قلبا حار
في نص الليل ادى قرار
قال للعازة بكل إصرار
اطلبي طلباتك إن شاء الله كتار
لمن تصبح باذن ستار
انفذ ليك كل طلباتك
من اكبر حاجة لي مسمار
في صباح الباكر مع الابكار
طنش عمك بقى مكار
قال للعازة كلام الليل يمحاه نهار

اخي ود بيكاب

Quote: يا شيقابوسطيك حلو بالحيل .... الحياة تمشي سمعا و طاعه وساهله الحياة الزوجية الموضوع كلو يتلخص فى Yes honey :) ولا تكون زي عمك تنقو و تلعب دفااااااااااااع طوالي :) عمك تنقو ابو قلبا حار في نص الليل ادى قرار قال للعازة بكل إصرار اطلبي طلباتك إن شاء الله كتار لمن تصبح باذن ستار انفذ ليك كل طلباتك من اكبر حاجة لي مسمار في صباح الباكر مع الابكار طنش عمك بقى مكار قال للعازة كلام

تسلم يا حلو واب قلبا حلو واب لسانا سكر

مرتضى

اكان تتمها عشان تجيب السنة التالتة البيكون كل واحد فيهم ضارب غرفتو براهو وماسك كتابو بقرأ فيهو

معذرة اخى الطيب والرحمه والمغفره للاخ الجزولى ..علاقتى بالدندر هى علاقه باصدقاء ربما عرفت بعضهم كالاخ عمر مجذوب وقد زاملك فيما اعتقد فى كل مراحل الدراسه ايضا اعرف الكثيرين من اسرة عبوش وعلى راسهم د.عبدالرحمن عبوش واخرين ..معذره مره اخرى وتحياتى..

Quote: معذرة اخى الطيب والرحمه والمغفره للاخ الجزولى ..علاقتى بالدندر هى علاقه باصدقاء ربما عرفت بعضهم كالاخ عمر مجذوب وقد زاملك فيما اعتقد فى كل مراحل الدراسه ايضا اعرف الكثيرين من اسرة عبوش وعلى راسهم د.عبدالرحمن عبوش واخرين ..معذره مره اخرى وتحياتى..

عفوا يا دكتور فقد مضت سنون كثر وتباعدت المسافات على ما اعتقد

نعم الاخ عمر مجذوب كان زميلي في كل مراحل المدرسة المتوسطة او الثانوية العامة واعتقد رباطابي الاصل اتت به للدندر ظروف عمل والده الذى عمل لفترة طويلة في محطة السكة حديد بالدندر .

ويبقى السؤال هل كنت مقيما بالدندر ام اتيتها عابرا وتعرفت بهولاء ؟

لم اتشرف بزيارة الدندر لكن المنافى هى التى جمعتنى بمن ذكرت وفى جلسه مع عمر ذكرت له ما كان من موضوع البوست وضحكنا كثيرا خصوصا ان الرجل يحتفظ بذكريات حميمه حول الدندر واهلها .. وحكى لى كيف انكم فى البردانه تتزوجون مبكرا ولا اخفى عليك اننى لمحت فى عيونه علامات ندم لانه فعلها متاخرا..يعنى مادرجة (اولاد المرحوم لكن متاخر برضه) وبالمناسبه عمر ابوبنيات وهو متزوج من زميلتنا فى المنبر الدكتوره سناء الصباغ نلتقى تقريبا بشكل شبه يومى فى الختام تقبل تحياتى وتحياته...

Quote: وحكى لى كيف انكم فى البردانه تتزوجون مبكرا ولا اخفى عليك اننى لمحت فى عيونه علامات ندم لانه فعلها متاخرا

دى حقيقة يا دكتور بس دى كانت ايام الزمن الجميل الدنيا بخيرها والتكافل الاجتماعي وتطايب الانفس

التحية عبرك لاخينا عمر وافراد اسرته الميامين

مودتي