Post: #1 Title: امس مشيت الحج في الخرطوم ... صور للكعبة، جبل عرفة، والحمّام الأفرنجي ! Author: وائل فحل Date: 10-04-2011, 10:00 AM
امس الاثنين في نص اليوم لقيت لي وكت فاضي قررت امشي (احج) في الكعبة الجديدة في الساحة الخضرا بالخرطوم ..
الحقيقة كنت عايز اشوف على الطبيعة المشروع الذي اثار كل هذه الضجة والسخرية .. واهو الواحد يشوف ليهو كعبة في بلدو ....
مشيت الساحة الخدرا ... وقريب من المدخل الشمالي لقيت نسوان حاجات فيما يبدو ... واحدة منهن سألتني : ( يا ولدي (الكعبة ) السووها دي بي وين )!
وصفت ليهن المدخل .... وخشيت
اول حاجة لقيت صيوان فيهو كراسي بتاعت بلاستيك .. وبعض الحجاج والحاجات قاعدين ... ما كتيرين وعرفت انو الناس جو الصباح .. وانا مشيت نص النهار كانو مشو ...
في الداخل اكتشفت انو المشروع ما (كعبة) بس زي ما كنت متخيل ... لقيت هناك كل خطوات ومشاعر الحج ... مخيمات منى ، رمي الجمرات ، حتى جبل عرفة لقيتو قاعد !
عملت جولة سريعة ... لفيت على المجسمات ، واخدت لي كم لفة حول الكعبة ، وصورت كمية من الصور
جاني واحد من امرا الحج ... بدا يشرح لي عن المشوع ويدافع عن الفكرة ... فهمت منو انو التكلفة المذكورة عبارة عن تكلفة المشروع التدريبي ككل بما فيهو نثريات الاكل والماء للحجاج اثناء التدريب وايجار الصيوان وخلافه ..
لقيت حتى مجسم لــ (حمام) افرنجي يعني عشان يعلمو الحجاج استعمال الحمام .. (طبعا دخول الحمام مش زي خروجو ) !
....
الطريف انو لقيت في (سوق عكاظ) موازي ، يعني في ناس ببيعو الشاي والعصير وحتى (الاحذية) النسائية الخفيفة التى تناسب الحج ! ...
رجعت من المشوار وانا مستمتع تماما ، واخبرت الزملاء في المكتب اني مشيت الحج ! .... فعلا اذا كان احساس الحج الوهمي كدا ... فمعناهو الحج الحقيقي حاجة ما بتتوصف ... ربنا يكرمنا بزيارة بيتو .
....
مع الصور :
اعلاه صورة من بعيد (للكعبة) ومعها مقام سيدنا ابراهيم عليه السلام
....
ودي صورة مقربة .. حاولت افتح الباب اشوف جوا في شنو بس ما قدرت !
...
مقام ابراهيم...
...
مكان رمي الجمرات ... غايتو ما لقيت ابليس (!)
.....
ودا جبل عرفة ... هي آ يابا حليلو هو) ... زي ما قالت واحدة من الحبوبات !
.....
ودا مجسم للحمام .... نعم الحمام الواحد دا (!)
......
دا الصيوان ... مافي مرحوم !
....
ودا جانب من سوق عكاظ .... احذية للحج ... امال يعني حتحجو حفيانين ؟!
Post: #2 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: محمد جلال عبدالله Date: 10-04-2011, 02:10 PM Parent: #1
كان كده المية مليون فيهو ما كتيرة مع مرتبات ونثريات الجماعة لشهر كامل
Post: #3 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Elawad Eltayeb Date: 10-04-2011, 03:21 PM Parent: #2
حجاً مبروراً وسعياً مشكوراً
Post: #4 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-04-2011, 04:49 PM Parent: #3
والله يا محمد جلال انا جاني نفس الاحساس انو المية مليون ما كتيرة عليهو .. مع كل التكاليف دي ... ( اقصد انها ممكن تتبرر حسابيا على الاقل ) بس الفكرة نفسها ، مدى جدواها ... تبقى محل نقاش ...
Post: #5 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-04-2011, 04:52 PM Parent: #4
...
شكرا يا العوض ... باقي اضرب الكمبيوتر بتاعي لون ابيض واكتب عليهو ( يا داخل هذه الدار ... صلي على النبي المختار ) ! ..... اللهم صلي عليه وسلم تسليما كثيرا .
Post: #6 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Mahmoud Mustafa Mahmoud Date: 10-04-2011, 06:20 PM Parent: #5
Rehearsal
Coaching
Simulation
الألفاظ دي ما مرت عليكم قبل كدا؟؟؟
المشروع فكرة ممتازة وذات نفع واضح...
أكيد الـــ Target Group هم الحجاج كبار السن وطبعاً غالباً أميين...
يدربوهم طوالي.... الواحد ياخد ليهو في اليوم كم حجة...حتى ترسخ القصة في عقلو...
على الأقل عشان الشكاوي من بعثة الحج السودانية تنحصر في الخدمات
وليس المناسك وصحة العبادة نفسها...
بعدين الحمام برضو نوع من الإرشاد...
هنالك الكثير جداً من حالات على أرض الواقع
في ما يتعلق بأمر استعمال الحمام...
زول من استعمال الإبريق ومروق الخلاء...
تجيبوا بالطيارة ومع المكيفات ديك ينزنق بول وأشياء أخرى
قول لقيت ليهو إبريق ...أها تجيب ليهو خلاء من وين؟؟؟
دا غير الناس الحصلت ليهم حوادث تزحلق على الحمام والدرج...وبلاوي صعبة خالص
الموضوع لا يحتمل أي أوجه أخرى في تقديري...
Good Job
أها طلعوني كوز....
Post: #7 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-04-2011, 06:38 PM Parent: #6
كفكرة سيموليشن جيدة بس في اراء متضاربة حول جوازها من ناحية دينية . هناك فتوى بمنعها . وضحكتني حكاية اجيبو ليهو خلا من وين .. بس المشروع دا خاص بحجاج الخرطوم وديل مااا ناس خلا يا محمود ياخي !
Post: #8 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Yassir Tayfour Date: 10-04-2011, 06:58 PM Parent: #6
Quote: أها طلعوني كوز
كوز أبو كمنجة كمان ؛) ___ ومن ثمّ قوم لِف ؛)
Post: #9 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-04-2011, 07:07 PM Parent: #8
يا ياسر مع الكعبة المحلية دي ممكن اي زول يقوم يلف عادي
Post: #10 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: عمر صديق Date: 10-04-2011, 08:06 PM Parent: #9
شكرا الاخ وائل فحل
علي نقل الوقائع مصورة ومجردة
ويبقي السؤال حول جواز تجسيم المشاعر المحرمة ؟؟؟؟؟؟؟؟؟؟؟؟؟؟؟؟؟ظ
Post: #11 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: JOK BIONG Date: 10-04-2011, 08:10 PM Parent: #10
هو من زمان اهل السودان ما بيعرفوا يحجوا؟!!!!
Post: #12 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Aymen Tabir Date: 10-04-2011, 08:16 PM Parent: #10
غايتو يا وائل انا قدر ما ضحكته في موضوع المجسمات ده .. ما ضحكته زي على حجتك دي يااخي اول حاجه حجا مبرورا .. وذنبا مغفورا اولهم بوستك ده ذاتو :) والعجبتني خالص "يجيبوا لي خلا من وين ؟" كدي خلينا جادين شويه انا تابعته صورك وما شايف مجسم للسعي بين الصفا والمروه .. كدي شوف كاميرتك دي ولا ورينا في حجتك دي جسمتو كيف ؟ تحياتي تابر
Post: #13 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Mahmoud Mustafa Mahmoud Date: 10-04-2011, 08:28 PM Parent: #8
Quote: كوز أبو كمنجة كمان ؛) ___ ومن ثمّ قوم لِف ؛)
ياسر أبْ تِفًّة...
ياخ نفسي أشوفك يوم وإنت جايي لحوار....
والله لو ما مشتاقين لشلاقاتك دي...الواحد كان يعمل ليك
التجاهل
التجاهل
التجاهل..
ياخي كلامي المرتب دا كلو ..ألا يمثل بالنسبة (لأمثالك) دعوة للـــــــــــــحـــــــــــــــــــــــــــــــــــــــــــــــــــــــــــــوار؟؟
قوم لف إت دا
Post: #14 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: ناصر احمد الامين Date: 10-04-2011, 08:42 PM Parent: #13
ههههههههه و الله يا وائل الموضوع مضحك بالجد
بس عندي سؤال محرج شوية ؟؟ الحمامات لي شنو؟؟؟ يعني نظام تعليم (قضاء الحاجة) و اللا شنو؟؟؟
ياخي الناس دي من ولدوها بتبول!!! غايتو الله في.
Post: #15 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: abubakr salih Date: 10-04-2011, 08:52 PM Parent: #14
سلام أخ وائل، و شكراً على اٍشراكنا فى هذه المسخرة الكيزانية. الناس جوعي فى السودان و هم ينفقوا الاموال على مشاريع النهب و الاحتيال. تابع هذا الفيديو المؤلم لاحد أعمامنا يتحدث عن مأساة تجويع المهجرين.
Post: #16 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: محمد عبدالرحمن محمد Date: 10-04-2011, 09:39 PM Parent: #15
وايل، عندي باقي جير وظهرتين حَضِّر الريال* فشان اجي اكتبلك في خشم حوشك
*عشره قروش، مو ريال السعوديي!
Post: #17 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Dania Elmaki Date: 10-04-2011, 09:41 PM Parent: #15
نفسي اسأل سؤال واحد و زول يجاوبني عليه. ليه ناس السودان ما بينتموا رصف الشارع ولا رص السيراميك؟ ليه بحبوا التراب و الردميه؟ مطار الخرطوم يرصفوا الرنواي بس الباقي تراب. الشوارع يرصفوا الظلط بس. هسع الكعبه دي السيراميك نص المساحه بس الباقي تراب. السبب شنو؟ بتين حنواكب العالم و تختفي الردميات من بلدنا؟
Post: #18 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Yassir Tayfour Date: 10-04-2011, 09:49 PM Parent: #13
يا أبو كمنجة يا محمودنا انت اللف مالك مابيهو؟ عليك الله في حج بيكتمل من دون لف ودوران؟ ___ مداخلتك مجضمة بس ناقصها إيزار ؛)
Post: #19 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Yassir Tayfour Date: 10-04-2011, 09:51 PM Parent: #18
يا وائل نسيت أسلم عليك وأبارك ليك الحجة..
Post: #20 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Mahmoud Mustafa Mahmoud Date: 10-04-2011, 10:04 PM Parent: #18
Quote: مداخلتك مجضمة بس ناقصها إيزار
إيزار قباني؟؟؟
يابا نحن قاعدين في جدة أم جداد دي...عارفين البير وغطاها...
قاعد إطماشر سنة...إطماشر بالطاء...
يعني الحج لو ما مشيت ليهو...بجيني في البيت..
وقع ليك؟
ثم برضو التحية أولاً وأخيراً لصاحب البوست الظريف دا
Post: #21 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: محمد عبدالرحمن محمد Date: 10-04-2011, 10:05 PM Parent: #18
Quote: يا أبو كمنجة يا محمودنا انت اللف مالك مابيهو؟ عليك الله في حج بيكتمل من دون لف ودوران؟ ___ مداخلتك مجضمة بس ناقصها إيزار ؛)
شكلك برمتها
أوبس!
لفيتا
Post: #22 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 09:25 AM Parent: #21
شكرا لمرور الجميع ...
سؤال الاخ عمر صديق يقرأ مصحوب بسؤال الاخ جوك :
Quote: ويبقي السؤال حول جواز تجسيم المشاعر المحرمة ؟
Quote: هو من زمان اهل السودان ما بيعرفوا يحجوا؟
Post: #23 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 09:32 AM Parent: #22
.. الاخ ايمن تابر ... الصفا والمروة قاعداااااااات ... شوف الصورة هنا :
Post: #24 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 09:36 AM Parent: #23
ناصر :
Quote: الحمامات لي شنو؟؟؟ يعني نظام تعليم (قضاء الحاجة) و اللا شنو؟؟؟
... طبعا ! بس انا ما حضرت التدريب العملي للحجاج على خطوات الحج ، (ومن ضمنها الحمامات) ... لذلك ، ولحسن الحظ ، لا توجد صور !
Post: #25 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 09:39 AM Parent: #24
الاخ ابوبكر .... انا مقتنع بمسألة الأولويات ... يعني اذا في ناس جعانين او ما لاقين يتعالجو .. بيبقى صرف الأموال على اي شيء اخر نوع من التقصير وانعدام الضمير .. ببساطة لأن هذه الأموال هي اموال المواطن (دافع الضرائب). لما المسؤول بتاع الحج والعمرة قال ( دي أموالنا) ... كنت اتوقع الناس تقول ليهو : جبتها من بيتكم ؟
Post: #26 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 09:41 AM Parent: #25
الاخ محمد عبد الرحمن :
Quote: *عشره قروش، مو ريال السعوديي!
مع الجنيه النازل دا ، الريال السعودي احسن ليك !
Post: #27 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 09:48 AM Parent: #26
يا دا نية انتي بتسألي :
Quote: نفسي اسأل سؤال واحد و زول يجاوبني عليه. ليه ناس السودان ما بينتموا رصف الشارع ولا رص السيراميك؟ ليه بحبوا التراب و الردميه؟
طبعا دي ملاحظة حقيقية ، نحنا بلدج ترابي يا دانية، بلد صحراوي ، يعني التراب جزء من تكوينا النفسي والاجتماعي فطبيعي يكون موجود في شوارعنا ، ومطاراتنا ، وبيوتنا ، وطبعا (كعبتنا ) ! فعلا ممكن تلاحظي عمال النضافة يوميا وهم بيجاهدوا عشان يكنسو التراب من طرف الترتوار بتاع الشارع ، وفي اخر اليوم التراب بيرجع تاني عشان يجو الصباح تاني يكنسوهو ... دي حقيقة فعلا ! ...
اما ملاحظتك عن :
Quote: مطار الخرطوم يرصفوا الرنواي بس الباقي تراب
فالتراب في الحالة دي نعمة ، يعني هسي لو في طيارة ساي كدا لا قدر الله حرقت ، وبتاع المطافي كان نايم ، يطفوها لينا بي شنو ؟ مش اخير التراب ؟ ... دي خطة طواري طبعا( !!!)
Post: #28 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: قيقراوي Date: 10-05-2011, 09:57 AM Parent: #27
Quote: لقيت حتى مجسم لــ (حمام) افرنجي يعني عشان يعلمو الحجاج استعمال الحمام .. (طبعا دخول الحمام مش زي خروجو ) !
صدقني انو دي افيد حاجة في كل المشروع دا لانو مفروض يركز على (السلوك) و تثقيف الحاجة، فقط لا غير ..
ام دي
Quote: رجعت من المشوار وانا مستمتع تماما ، واخبرت الزملاء في المكتب اني مشيت الحج ! .... فعلا اذا كان احساس الحج الوهمي كدا ... فمعناهو الحج الحقيقي حاجة ما بتتوصف ... ربنا يكرمنا بزيارة بيتو .
هي دي بدعة المشروع دا من اساسو!!
يعني (الشعور) مرتبط بي الحجار و الاشكال و الاوثان دي .. ام بالمكان و الزمان!؟
يعني شنو ميقات و مواقيت طيب!؟
Post: #29 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 10:03 AM Parent: #28
Quote: يعني (الشعور) مرتبط بي الحجار و الاشكال و الاوثان دي .. ام بالمكان و الزمان!؟
باالضبط يا قيقراوي .. انا في اخر الكلام قصدت انقل (الاحساس ) - لانو انا عارف انو المسألة خطيرة فعلا ... وتحريمها من قبل الكثير من العلماء لم يأت من فراغ ... اتفق مع كلامك ..
Post: #30 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: محمد فضل الله المكى Date: 10-05-2011, 10:36 AM Parent: #29
يا وائل يا ولدي علي الحرام عمك قالو ليه الحج جابو في الخرتوم..عِلا طقيت عصاتي ومشيت الساحه الخدرا..لقيت لي حاجات متقودات قالن لي الحج بي وين..قُت لهن اتبعني, أول ما شافن الكعبه طقن البكية,شالتني الهاشميه بكيت معاهن.....يازوووووول هاك يا طواف وهاك يا سعي وطلعنا حجار عرفه.. لاقانا واحد لي كرش دقنو دايره قال لينا يا حجاج حجكم انتهى....بصوت واحد أنا والحريم قُنالو انتهى وين آزول؟ دايرين نمدّن..درب المدينه بي وين.. قال لي إت الشايب الفصيح دا أدخل لنا في الأدبخانه دي ويا وائل يا ولدي أهلنا قالو (من دخل الأدبخانه خِرا.. وإن ما خِرا....خِرا) رايك أدخل ولا ما أدخل؟
مسعول من الخير إت الزول الأدا سودانير قرض إتنين مليار ونُص وين؟......شايف طيارتُم وقعت!
Post: #31 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Nazik Eltayeb Date: 10-05-2011, 11:34 AM Parent: #30
Quote: يا ياسر مع الكعبة المحلية دي ممكن اي زول يقوم يلف عادي
اتا يايابا تتجازى جنس شدتن التقول جاي من شتاريا
Post: #32 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: محمد جلال عبدالله Date: 10-05-2011, 11:58 AM Parent: #31
بينق بونق
Quote: هو من زمان اهل السودان ما بيعرفوا يحجوا؟!!!!
انت دخلك شنو؟ انت مسلم مثلا؟؟؟
ياخواننا فترة العدة ما انتهت لسة؟ ^__^
Post: #33 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: محمد جلال عبدالله Date: 10-05-2011, 12:01 PM Parent: #32
يا قيقا
Quote: صدقني انو دي افيد حاجة في كل المشروع دا لانو مفروض يركز على (السلوك) و تثقيف الحاجة، فقط لا غير ..
كيف يعني دي أفيد حاجة في المشروع هل استعمال الحمام الأفرنجي أهم من تعلم مناسك الحج؟ هي المناسك دي ياها البستناها الحاج طول عمرو وصارف فيها دم قلبو وهي الواجب عليهو إنو يتعلمها
Post: #34 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 12:06 PM Parent: #32
Quote: دايرين نمدّن..درب المدينه بي وين
ما تبقو طماعين يا محمد فضل الله ... جابو ليكم الكعبة كمان دايرين المدينة ؟!!
Post: #35 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-05-2011, 12:14 PM Parent: #34
Quote: اتا يايابا تتجازى جنس شدتن التقول جاي من شتاريا
الاستاذة نازك ... كيفك وعساك بخير .. زي ما شايفه ... الفروقات بين مملكتنا بتاعت شتاريا وبين الواقع بدت تتلاشى شوية شوية ... وعلى حسب معلوماتي مملكة شتاريا - رغم كل حاجة - ما فكرو يعملو فيها كعبة !
Post: #36 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: حاتم تاج السر المبارك Date: 10-07-2011, 09:40 AM Parent: #35
بعيدا عن السياسة هذا المشروع مهم جدا للتدريب الحجاج علي طريقة الحج الصحيحة و تثقيفه علي استخدام الحمامات الحديثة و خاصة كثيرا ما سمعنا قصص ان ناس ذهبوا للحج و لم يحجوا و الاهم مع ذلك التركيز علي اختيار الامراء و الموجهين من كليات شرعية لها علاقة و دراسة بالحج حتي يكون لهم علم بالافتاء للحجاج في حالات الخاصة التي يسال منها الحجاج 0
Post: #37 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: ياسر بيناوي Date: 10-07-2011, 11:46 AM Parent: #36
الناس ديل ما بالغوا فوكا اديييييييييييييل كدة معقولة الناس مالاقية تأكل والحالة بالبلاء وهم يصرفوا مئات الملايين في حاجة العلماء قايمين ولسة ما قعدوا في صحتها من عدمو ...؟ طيب ياخي الملايين ما يدعموا بيها اللحمة والسكر و ... و .... و ... الخ وانا بأكدة ليهم انو دعم الحاجات دي صحيح مائة في المائة وللاشنو .....؟ غايتو جنس محن
خالص الود
Post: #38 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-08-2011, 09:40 PM Parent: #37
الاخ حاتم تاج السر .. سلامات .. فعلا تعليم الحجاج مهم ولكن كما رأينا فان هناك فتاوى حول عمل مجسمات للكعبة لا تبيح ذلك واعتقد انو من الاوفق ارشاد الحجاج دونها لأن امكانية ارشادهم عمليا اثناء اداء الحج الحقيقي متوفرة
Post: #39 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-08-2011, 09:46 PM Parent: #38
اخونا بيناوي .. الحجة التانية ساهلة مادامت الكعبة في بلدنا .. اما دعم السكر واللحمة فالراجح حسب اقوال بعض العلماء ان .. الغالي متروك !
Post: #40 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-08-2011, 10:00 PM Parent: #39
Post: #41 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-08-2011, 10:00 PM Parent: #39
حاجة غريبة ! كل الصور البيظهر فيها مجسم الكعبة في اول هذا البوست اتمسحت من موقع الاستضافة بينما بقية الصور موجودة !! هل تم الابلاغ عن الصور باعتبارها مخالفة ؟ ومخالفة ل شنو ؟ غايتو انا هسي بكتب من موبايل . لحدي ما اشوف الحكاية دي الصباح من الكمبيوتر ان شاء الله !!
Post: #42 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: EL fahal Abdelatif Date: 10-09-2011, 04:59 AM Parent: #41
الكعبة لم تكن ضمن المقدس المعلوم بقيم الاسلام الحاضرة وانما كانت وثنية حتى النخاغ بقيم عباد الاوثان تمت اسلمتها من بعد وثنية
تجسيم الكعبة ليس انتهاكا لاى مقدس - ان وجد- بغض النظر عن الغرض الكعبة الحقيقية نفسها عبارة عن مجسم لتوجه روحانى للبعض وطقوسوى للاخر. من الواضح ان من بين اهل الانقاذ من هو اكثر تفتحا -دينيا - من الكثيرين من الانتلجنسيا السودانية المؤمنة وهذه محنة حقيقية.
Post: #43 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-09-2011, 09:28 AM Parent: #42
الاخ الفحل عبد اللطيف .. سلامات
المشكلة مش في تجسيد الكعبة عمل ، المشكلة في ما وراء هذا التجسيد ... ما يعنيه بالنسبة لبعض الناس ..
انا امس حصلت حاجة خلتني اعيد النظر في المسألة كلها ... واحدة من النسوان الكبار ، الحاجات ، مشت الساحة الخضرا .... ومسكت الكعبة المجسمة دي وبدت دموعهعا تنزل وكانت بتمسح الكعبة دي وتتبرك بيها كده يعني .... نعم دا حصل امس ( السبت) ... معنى كده شنو ؟ معناها الحد الفاصل بين التجسيد والواقع رفيع جدا في بلدنا الاغلب كبار السن فيها ناس بسطاء وعلى نياتهم ... غايتو انا لي رجعة تاني بعد اشوف حكاية الصور التلاتة الاتمسحت من البوست دا فوق ... لأنو فعلا دي قصة غريبة .
Post: #44 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Zomrawi Alweli Date: 10-09-2011, 09:57 AM Parent: #43
تنظم وزارة اﻷوقاف والشؤون اﻹسﻼمية بدولة قطر مــــعــــرضــــا مـــجـــســـمـــا عـــــن مــــنــــاســــك الـــحـــج والــعــمــرة لتوعية الــجــمــهــور بكيفية أداء مـــنـــاســـك الـــحـــج والــــعــــمــــرة وأهــــــم اﳌــعــالــم بــاﻷراضــي اﳌقدسة. وبحضور عــدد كبير من اﳌسؤولﲔ بالوزارة والضيوف تنطلق صباح غد اﻷحد بمركز موزة بنت محمد للقرآن والدعوة بالوعب فعاليات اﳌعرض التي تستمر حتى 27 أكتوبر الجاري. وقــــد أوضـــحـــت أحـــــﻼم الـــعـــمـــادي رئــيــســة وحـــــدة الــــشــــؤون اﻻداريــــــــة والــســكــرتــاريــة أن مــــركــــز مـــــــوزة يــــحــــرص ســـنـــويـــا عــلــى اقــــامــــة مـــعـــرض الــــحــــج، مـــشـــيـــرة فــــى ذلـــك إلـــى تــقــديــم الـــدعـــوة لــلــعــديــد مــن الــجــهــات لــحــضــور اﻻفـــتـــتـــاح يــــوم غـــد اﻻحـــــد عند الساعة الثامنة صباحا وحتى التاسعة والنصف. وقــالــت الــعــمــادي كــل عــام نــتــنــاول محورا مختلفا عن مناسك الحج ففى هذا العام نتحدث عن قصة بئر زمــزم وفــى اﻻعــوام السابقة تحدثنا عن اهمية الحج وقصة بــنــاء الكعبة. وأشـــارت الــعــمــادي إلــى أهم الـــبـــرامـــج اﳌـــطـــروحـــة خـــــﻼل مـــعـــرض هـــذا الــعــام وقــالــت لــقــد تــم تقسيم فــئــات زوار اﳌــــعــــرض الـــــى ثـــــﻼث فـــئـــات تــشــمــل فــئــات البراعم والفتيات والنساء، ففئات البراعم من مرحلة الروضة وحتى الثالث ابتدائى يــتــعــرف مـــن خــﻼلــهــا اﻻطـــفـــال عــلــى افـــﻼم وثائقية حول مناسك الحج وســرد قصة بــئــر زمــــزم مـــن خــــﻼل عــــرض ســيــكــون فى القاعة السينمائية باﳌركز. امـــا الــفــتــيــات مــن الـــرابـــع اﻻبــتــدائــي حتى الـــثـــانـــوي فــســيــعــرض لــهــن فــيــلــم وثــائــقــي عن الحج باﻻضافة إلى عرض الفارسات العشر كما يتعرفن على قاعة اﳌجسمات الـــــخـــــاصـــــة بــــمــــنــــاســــك الـــــحـــــج مــــــع شــــرح تفصيلى وعملى للمناسك، مشيرة إلى ان اﳌركز سيستقبل يوميا اكثر من 400 طالبة. وبالنسبة للنساء فيتم استقبالهن في الــفــتــرة اﳌــســائــيــة مــن اﻻســبــوعــﲔ الــثــانــى والثالث من افتتاح اﳌعرض حيث يتعرفن ايــضــا عــلــى افـــﻼم وثــائــقــيــة عــن الــحــج مع شـــرح كــامــل لــلــمــنــاســك. وذكــــرت أن هناك عددا من الداعيات يقمن بالشرح لجميع الــزوار حيث يبلغ عددهن 12 داعية وهن مــــن مـــركـــز مــــــوزة وقــــالــــت لـــقـــد تــــم تــوفــيــر مــا يــقــارب 8 آﻻف هــديــة سيتم توزيعها لــــلــــزوار حـــيـــث تــشــتــمــل اﻹهـــــــــــداءات عــلــى كــتــيــبــات مــــصــــورة عــــن الـــحـــج وبـــطـــاقـــات ادعــــيــــة ومــــحــــظــــورات اﻻحــــــــرام وســـــي دى عــن محاضرة أســـرار الــحــج، أمــا بالنسبه لــﻸطــفــال فيتم تــوزيــع كــتــيــبــات بالنسبة لــهــم بــهــا شــــرح ﳌــنــاســك الـــحـــج بــالــصــور وتــركــيــبــات ﳌــجــســم الــكــعــبــة وكـــتـــاب رســم وتلوين وكاميرات ويوزع لهم ماء زمزم. ◄ مجسمات وعروض سينمائية وأكـــــــدت أن مـــعـــرض هـــــذا الــــعــــام يــخــتــلــف عــن اﻻعــــوام السابقة مــن حيث التصميم والديكور الذى جاء مغايرا حيث تم عمل اﳌــجــســمــات بــصــورة أكــبــر بــاﻹضــافــة إلــى وجـــــود قـــاعـــة الـــعـــرض الــســيــنــمــائــى الــتــى تعرض من خﻼلها قصة بئر زمزم مشيرة إلــى أهــم البرامج التي طرحها اﳌــركــز فى الـــفـــتـــرة الــســابــقــة حــيــث شــهــد اﳌـــركـــز فى الــفــتــرة مـــن 2 - 17 إلـــى 4 - 20 بــرنــامــجــا عن اهمية ارتــداء الحجاب استهدفنا من خـــﻼلـــه طـــالـــبـــات اﳌـــــــدارس مـــن اﻻبـــتـــدائـــى وحـــتـــى الــــثــــانــــوى، بـــلـــغ عـــــدد اﳌـــشـــاركـــات فيه ثﻼثة آﻻف ومائتي وخمسﲔ طالبة ثــم أقــمــنــا مــن بــعــد ذلـــك فــعــالــيــات صيفنا انــجــاز بــحــضــور 260 مــشــاركــة مــن فئات البراعم والفتيات وبعد ذلك أقمنا برامج للمقبﻼت عــلــى الــــزواج بــمــشــاركــة 57 من الـــفـــئـــات اﳌـــســـتـــهـــدفـــة وقـــــد حـــــرص مــركــز مــــوزة عــلــى اقـــامـــة الــفــعــالــيــات واﻻنــشــطــة والدورات بصورة مستمرة فبعد اﻻنتهاء مــــن مـــعـــرض الـــحـــج الـــســـنـــوى ســيــســتــعــد اﳌــركــز ﻻحــتــفــاﻻت الــبــﻼد باليوم الوطني بـــإذن الــلــه. ويــأتــي مــعــرض الــحــج الثالث استكماﻻ ﳌسيرة مركز موزة بنت محمد للقرآن والدعوة في نشر الدعوة عن طريق عـــدد مـــن الــبــرامــج اﳌــتــنــوعــة تــطــبــق فيها أحدث الوسائل ﻻستقطاب اﳌــرأة والفتاة اﳌسلمة وتثقيفها وتعليمها وتحفيظها كــتــاب الــلــه على أحــســن وجـــه، حيث سبق أن أقــــيــــم مــــعــــرض (خــــــطــــــوات إلــــــى ديـــــار الــحــبــيــب) حــقــق الــكــثــيــر مـــن الــنــجــاحــات، مــن حــيــث عـــدد الـــــزوار، وتــأثــر الكثير من اﻷجـــانـــب بــســيــرة اﳌــصــطــفــى، صــلــى الــلــه عليه وسلم، فاﳌعرض عبارة عن فعاليات متعددة منها معرض مجسمات يوضح سيرة اﳌصطفى، عليه الــصــﻼة والــســﻼم، بــه فــي الــعــهــديــن اﳌــكــي واﳌــدنــي، ّ
Post: #45 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: محمد فرح Date: 10-09-2011, 10:37 AM Parent: #44
لاأدري لماذا تستغربون الأمر العجب كل العجب هو إستغرابكم هذا الماليزيون أصحاب تجربة فريده ومميزه في التنظيم للحج ولديهم مجسمات للكعبه ويتدرب الحجاج لديهم قبل السفر على جميع أركان الحج كما هو موضح بالصور أعلاه أحيي هيئة الحج على هذا المجهود الجبار للأمام
Post: #46 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-09-2011, 03:16 PM Parent: #45
الاخوة زمراوي ... ومحمد فرح .... سلامات
شكرا لايراد الامثلة من دول مختلفة ... ولكن ! كون هذه المجسمات موجودة في دول عدة لا يعني طبعا انها صحيحة ... الواضح في الموضوع ان هناك فتوى من رابطة العالم الاسلامي ... و من الشيخ ابن العثيمين والشيخ صالح الفوزان وهو عضو في هيئة كبار العلماء, وعضو في المجمع الفقهي بمكة المكرمة و عضو في لجنة الإشراف على الدعاة في الحج. .......
الاخ محمد فرح :
Quote: للأمام
..... ثورة .. ثورة !
Post: #47 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: قيقراوي Date: 10-09-2011, 03:51 PM Parent: #46
سلامات يا الفحل عبد اللطيف
Quote: الكعبة لم تكن ضمن المقدس المعلوم بقيم الاسلام الحاضرة وانما كانت وثنية حتى النخاغ بقيم عباد الاوثان تمت اسلمتها من بعد وثنية
تجسيم الكعبة ليس انتهاكا لاى مقدس - ان وجد- بغض النظر عن الغرض الكعبة الحقيقية نفسها عبارة عن مجسم لتوجه روحانى للبعض وطقوسوى للاخر. من الواضح ان من بين اهل الانقاذ من هو اكثر تفتحا -دينيا - من الكثيرين من الانتلجنسيا السودانية المؤمنة وهذه محنة حقيقية.
المشكلة هنا بالضبط في الاهتمام بالاشكال و الاوثان مافي زول قال انو الكعبة مقدسة .. ممكن تراجع كل الفتاوي بهذا الصدد بل انا سالتهم بهناك(بوست د.شذى) لو نقلنا حجار الكعبة الاصلية للساحة الخضراء هل ح تنقل معاها البركة!؟
دا ما محور الاعتراض .. على الاقل انا ما معترض على الحتة دي .. او بشكل ادق اعتراضي على الاهتمام بالشكل و الآلي العسكري .. في افراغ لمضامين الحج الاصلية (كما افهمها)
هل الحج هو مجرد الاداء الآلي للمناسك!؟ ام هو تجربة روحية في المقام الاول!؟
و يدربوا الحجاج على شنو بالضبط في الطواف (مثلاً)!؟ هل في احتمال انو احد الحجاج (السودانيين) يقوم يلف عكس مثلاً!؟ حتى العقلو خفيف و ممكن يفكر كدا مفروض يطمن خالص!
يبقى هل التثقيف محتاج تجسيم و صنم!؟ ما في وسائل ايضاحية حديثة يعني!؟
و ما رأيك في حديث صاحب البوست و الاحساس الطلع بيو!؟ هل بتضمن عدم تعلق البسطاء بالاشكال دي!؟
ان شاء الله يكون استبان ليك الاعتراض وين!؟ دا غير الناس الما بتخاف الله و ممكن تعملا سبوبة رزق على حساب مشاعر المؤمنين!!
----
يا محمد جلال ازيك يا زين
ايوة غير الحمامات ما شايف لي فايدة للمشروع و خذها مني .. انا خمسة سنة خبرة في خدمة ضيوف الرحمن كل الباقي ممكن يتم هنا دا .. و المملكة ما مقصرة .. و بكل الوسائل الحديثة بصرية و سمعية .. و بكل اللغات و حتى مصورة للما بقروا و مجيشة كل القوات اللازمة و باحدث التقنيات
كدي ناسنا ديل يركزوا على الاخدوا قروشوا يوفروا المطوفين .. و عندهم اوكات كتيرة في ايام الحج ذاااتا .. انت قايل الحج يوم واحد هو!؟ و كل اليوم بكونوا بعملوا في المناسك
يوفورا وسائل المواصلات اللازمة .. و المرافق الكافية .. و يهتموا بنضافتا ياخي هو الله دا شافوهو بالعين و لّ عرفوهو بالعقل!؟
سلام و مودة للجميع
و ان شاء الله يا صاحب الدار ربنا يسهلا عليك للديار دي ياخي الاحساس مضاااااعف .. كان مكة كان المدينة
Post: #48 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 10-09-2011, 04:09 PM Parent: #47
Quote: المملكة ما مقصرة .. و بكل الوسائل الحديثة بصرية و سمعية .. و بكل اللغات و حتى مصورة للما بقروا و مجيشة كل القوات اللازمة و باحدث التقنيات
كدي ناسنا ديل يركزوا على الاخدوا قروشوا يوفروا المطوفين .. و عندهم اوكات كتيرة في ايام الحج ذاااتا .. انت قايل الحج يوم واحد هو!؟ و كل اليوم بكونوا بعملوا في المناسك
يوفورا وسائل المواصلات اللازمة .. و المرافق الكافية .. و يهتموا بنضافتا ياخي هو الله دا شافوهو بالعين و لّ عرفوهو بالعقل!؟
شكرا قيقراوي ...
Post: #49 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: حافظ كنجال Date: 10-18-2011, 10:07 AM Parent: #48
للفائدة الحاج شايف قطار المشاعر غير مدرج في الموضوع ومافي ليهو مجسم المشوار جبدة بين منى وعرفات للفاتو الباص وحجا مبرورا وسعيا مشكورا وانشاء الله مايلاقينا حاج او حاجة سودانية رايحة ومايلاقينا امير لما تسالوا يقول ليك:والله الحجاج ديل من عرفات ماشفتهم لكن بيكونوا مشو وين ماقاعدين في الحج ده
Post: #50 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: نورالدين بابكر بدري Date: 10-20-2011, 05:07 PM Parent: #49
الزميل وائل وضيوفة الكرام السلام عليكم
أنا عندي سؤال؟
مثلاً أنا عزمت الحج ودفعت قريشاتي - وودعت أهلى وعيالي وركبت الطيارة (الحي الله والكاتل الله )
ولما وصلت بالسلامة وبعد عمل جميع لإجراءات الأولية من إحرام وخلافة مع الإلتزام التام بالمواقيت المكانية والزمانية - ولعدم معرفتي الشدية بالتفاصيل والإجراءات أو أي سبب آخر تجازت أو سهوت أو قمت بخطأ في أي من المناسك - وبعد التعب دا كوووووووووولو ورجعت بعد ما إنتهى الحج
السؤال : هل ربنا ما ح يحسب لي الحجة دي لأني عكيت في منسك بسبب عدم المعرفة؟؟؟؟؟ وكان ما بسامحني ويحسب لي الحجة - الماشيليها شنو ما تنسي أنا ضيف عندو ( مش بقولا ضيوف الرحمن ؟ )
Post: #51 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: وائل فحل Date: 11-03-2011, 08:14 AM Parent: #50
الاخوان حافظ كنجال ونور الدين بابكر .. شكرا على الاضافة ... وحجا مبرورا وعودا حميدا لحجاج بيت الله الحرام الذين هم في الاراضي المقدسة الان..
Post: #52 Title: Re: امس مشيت الحج في الخرطوم ... صور للكعبة، جبل عرفة، والحمّام الأفرن Author: Elhadi Date: 11-03-2011, 08:26 AM Parent: #51
أها بعد ما الحجاج سافروا لأداء المناسك
الحرامية ديل لموا عدتهم دي وودوها المخزن عشان ينصبوا بيها على حجاج السنة الجاية
