Post: #1
Title: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:03 AM
Parent: #0
الرياضة عموما هي في فلسفتها العليا تعني بالتسامح وتقبل الهزيمة والانتصار والهلال فريق عريق وكبير وضارب في الجذور في الارض السودانية وعلي مر تاريخه مر في رئاسته رجالا نبلاء كانو مثالا يحتذي بها في الشان الرياضي ومفخرة للرياضيين السودانين في كل عموم نواحي الرياضة السودانية...
بالامس نقلت الاخبار بان رئيس نادي الهلال قد قام بضر ب الحكم في سابقة تعكس الخواء والسبهللية الرياضية وضيق الافق الاداري وعدم احترام وتقدير لعدة اشياء كرة القدم عموما والكرة السودانية خصوصا والهلال والرياضة السودانية في جميع مناحيها..
تصرف اهوج وبربري وموغل في الجنقلية...!!!
|
Post: #2
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:09 AM
Parent: #1
الهلال ذلك الفريق الكبير انهزم مئات المرات وفاز في مئات مثلها
ولكنه لم يفز يوما بالعضلات او بالبلطجية وحركات الشبيحة وهي سمات ليس مكانها ملاعب كرة القدم التي وضعت لها الفيفا شعارا للتسامح تحاول الانسانية اليوم ان تعمقه في هذه اللعبة التي صارت معشوقة الرياح..
وما فعله رئيس الهلال بالامس هو نموذج للفشل الاداري والتخبط والجربندية في هذا الامر الهلالي الذي لم يكن ذلك الفريق الذي يستحق الفوز
فقد كان يعاني من اشياء اساسية وعديدة لم يوفرها ذلك الرئيس الذي لم يجد الا عضلاته لكي يقدم الي الهلال ليلة امس ليزيد الاوجاع والبلاوي
اوجاع في هزيمة في عقر الدار حيث المقبرة التي صارت اكبر اشاعة
وهزيمة ادارية تمس كل العمل الاداري الرياضي السوداني الذي عليه ان يشجب ويدين مثل هذا الموقف
وعلي الاتحاد السوداني ان يكون اول الذين عليهم اتخاذ اجراء قاسي ضد هذا الاداري الذي اتي امرا جلل
|
Post: #3
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:11 AM
Parent: #2
وقد يقول اخر او كما يردد فيصل القاسم
هو بلد وزير شبابها ورياضتها دق استاذ في جامعته
كيف لا يدق رئيس واحد من اكبر انديته حكم في مباراة
|
Post: #9
Title: Re: رئيس نادي الهلال الاستقالة و فورا...!!!!
Author: نصر الدين عثمان
Date: 10-03-2011, 07:33 AM
Parent: #3
عبد الكريم .. سلام،
شئ مؤسف بحق ..
هذا (الرئيس) لا يشبه الهلال ولا قادة الهلال العظام ..
شهدت قبل أسبوعين لقاء أجري معه في قناة قوون .. أصابني بخيبة أمل كبيرة!
فاستغربت أن يتولى مثل هذا الرجل رئاسة الهلال!
|
Post: #40
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-04-2011, 09:47 AM
Parent: #9
Quote: شئ مؤسف بحق ..
هذا (الرئيس) لا يشبه الهلال ولا قادة الهلال العظام ..
شهدت قبل أسبوعين لقاء أجري معه في قناة قوون .. أصابني بخيبة أمل كبيرة!
فاستغربت أن يتولى مثل هذا الرجل رئاسة الهلال! |
تحياتي يا نصر الدين
وعفوا ياخ مداخلتك دي ما كحلتها الا حسسسسسع مع عجاج هوووكات الريس دي..
وانه لامر موسف ومخزي ومحسن يا نصر الدين
والهلال فريق بقامة كبيرة لا يستحق كل هذا الغثاء الاداري
|
Post: #4
Title: Re: رئيس نادي الهلال الاستقالة و فورا...!!!!
Author: وليد عبد اللطيف
Date: 10-03-2011, 07:13 AM
Parent: #2
انت طيب ياكيكي والله يستقيل منو وللا منو
|
Post: #6
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:17 AM
Parent: #4
| Quote: انت طيب ياكيكي والله يستقيل منو وللا منو |
هلا يا وليد
وانت الصادق يا ولي
فالحكاية جايطة جوطة السنين..
كورة مافي
وادارة مافي
وبلطجة وحركات تخلي الكورة السودانية دي قاعد مية سنة وماتمشي لقدام
وحسةر كبيرة في القلب يا وليد ياااخ
|
Post: #5
Title: Re: رئيس نادي الهلال الاستقالة و فورا...!!!!
Author: غباشي
Date: 10-03-2011, 07:15 AM
Parent: #1
| Quote: تصرف اهوج وبربري وموغل في الجنقلية...!!! |
كيكي الامريكي ... مشتاقين و الله
ياخ البرير دا طبعو و للا حيجيبوا من برة؟ الرجل ليهو سابقة ضرب فيها رئيس نادي مريخ بورتسودان بالكف و في مقصورة استاد الهلال قبل 10 سنوات ..
لمجرد ان الرجل فرح لاحراز فريقه هدف الفوز على الهلال (مباراة البيعو و فتيل الشهيرة)
ياخ الله يلعن ابو القروش اذا كان البرير و أمثاله باخلاقهم و تصرفاتهم دي حيبقوا لينا واجهات و يجيبوا لينا الكلام في المحافل الدولية
رجل غبي ليس الا ... و الله ما احترمته من حركتة الحكيتها ليك ديك ...
|
Post: #7
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:20 AM
Parent: #5
| Quote: ياخ البرير دا طبعو و للا حيجيبوا من برة؟ الرجل ليهو سابقة ضرب فيها رئيس نادي مريخ بورتسودان بالكف و في مقصورة استاد الهلال قبل 10 سنوات |
هلا يا هندسة ومشتاقين شديد ياااخ
ولو في ناس في السودان ده بتتحترم الكورة زي البرير ده وبعد الحادث الحكيتها دي
مفروض تاني الي الابد ما يجي متحاوم في حتة فيها كورة (منبلة)
ولاحظ في نفس هذا الدرب سار درب البلطجة والخواء الرياضي وبعد عشرة سنة دق ليهو حكم (بونية)
وانا عارف طبعا مافي زول حيقول ليهو عملت كده ليه
بل البعض سيحاول ان يصنع منه بطل ملاكمة دولي افريقي تبع (الكاف)..
حكاية تجنن يا غباشي يااخ
|
Post: #8
Title: Re: رئيس نادي الهلال الاستقالة و فورا...!!!!
Author: غباشي
Date: 10-03-2011, 07:26 AM
Parent: #7
الاخ وليد عبد اللطيف ارجو شاكرا تصحيحي اذا كان هناك خلط في الاسامي و لكني اتزكر حادثة مباراة الهلال و ومريخ بورتسودان الشهيرة
كيكي ... شفت التدرج من المستوي المحلي للقاري كيف؟ دي حالتو كان قطب في الزمن داك
|
Post: #10
Title: Re: رئيس نادي الهلال الاستقالة و فورا...!!!!
Author: عمر عبد الله فضل المولى
Date: 10-03-2011, 07:47 AM
Parent: #8
Quote: الرجل ليهو سابقة ضرب فيها رئيس نادي مريخ بورتسودان بالكف و في مقصورة استاد الهلال قبل 10 سنوات ..
|
هذه السابقة كان من المفترض ان تكون مانعة لشخصه من تولي اي منصب في اي مؤسسة محترمة
تحياتي اخي عبد الكريم وهاردلك
|
Post: #14
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 08:05 AM
Parent: #10
Quote: هذه السابقة كان من المفترض ان تكون مانعة لشخصه من تولي اي منصب في اي مؤسسة محترمة
تحياتي اخي عبد الكريم وهاردلك |
هلا يا عمر
وفعلا لو في جهة مسئولة في البلد دي الزول ده ما كان برطع بالطريقة الفجة دي
ولكن القصة مطلوقة سسساكت
وشكرا يا عمر
ونحن في هذا البلد متعودين علي الفجيعة والاحزان
|
Post: #11
Title: Re: رئيس نادي الهلال الاستقالة و فورا...!!!!
Author: عوض محمد احمد
Date: 10-03-2011, 07:47 AM
Parent: #8
كيكى
سلام و محبة انت و الاسرة
لنكن صريحين حتى الوجع
البرير و عدد من الاثرياء و ابناء الاثرياء المدلعين عندهم مفهوم ان اى شئ فى الدنيا يمكنهم الحصول عليه اما باموالهم او بدق و تخويف الناس
زمان كانوا فى بيوتهم و مصانعهم لكن الان غزوا الرياضة و مجالات العمل العام و سوف نرى الكثير من مثل هذه الجلائط
و يا غباشى
اتذكر الحادثة بتاعة صفع ريئس مريخ بورتسودان. لكن الاخير ملوم جدا لانه ترك حقه و استجاب للوساطات و اهو الزول دا اتفرعن و بقى
يضرب انترناشونال بدلا من المحلى
و اقرا جرائد اليوم سوف تجد من يبرر له و يدافع عنه من صحافىى الافراد
|
Post: #17
Title: Re: رئيس نادي الهلال الاستقالة و فورا...!!!!
Author: غباشي
Date: 10-03-2011, 08:18 AM
Parent: #11
| Quote: هذه السابقة كان من المفترض ان تكون مانعة لشخصه من تولي اي منصب في اي مؤسسة محترمة |
الاخ عمر فضل المولى ...
طالما في عرفنا تسود ثقافة (عفا الله عما سلف) و (العفو عند المقدرة) و (الاجاويد) و (خليك انت الاحسن) و ( الرجل ما كان قاصد)
و زي ما قال اخونا عوض ... فان رئيس مريخ بورتسودان هو المسئول عن تفاقم و افتراء الراجل الاسمو الامين البرير دا لأنو رضخ لنداءات الاجاويد و تهاون في الاخذ بحقه بعدم مقاضاة البرير اللذي كان مجرد قطب من أقطاب النادي
فما كان الا ان جائنا البرير بعد 10 سنوات بنسخته المحسنة بعد ان اصبح رئيسا للنادي و صار يعتدي على حكام الفيفا و الله اعلم على من سيأتي الدور لاحقا
Quote: اتذكر الحادثة بتاعة صفع ريئس مريخ بورتسودان. لكن الاخير ملوم جدا لانه ترك حقه و استجاب للوساطات و اهو الزول دا اتفرعن و بقى
يضرب انترناشونال بدلا من المحلى |
و الله يا عوض في ذلك الوقت كنا طلبة جامعيين لكننا استهجننا هذا السلوك الهمجي البربري الذي انتهجه ذلك الاقطاعي الارعن لانه يدل على انعدام التسامح و الروح الرياضية
بل بعيدا عن كل هذا فهذا التصرف لا يمت بصلة لكرم الضيافة و احترام الضيف
اتوقع عقوبات تجاهه من قبل الكاف لكن كما تقول انت فلا اظن ان يحدث في سوداننا ... بل أخشي ما أخشاه ان اسمع به يوماً وزيراً للشباب و الرياضة
|
Post: #13
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 08:01 AM
Parent: #8
| Quote: كيكي ... شفت التدرج من المستوي المحلي للقاري كيف؟ دي حالتو كان قطب في الزمن داك |
هلا يا غباشي
والزول المادي في سكة الضرب والكبع بسرعة الصاروخ لو ما لقي ليهو جهة كاااربة ادتو العين الحمراء
بالطريقة دي حيدق ليكم (بلاتر) زاااتو في يوم من الايام..
تدرج وتطور عجييييب يااخ
ويا سبحان الله
|
Post: #12
Title: Re: رئيس نادي الهلال الاستقالة و فورا...!!!!
Author: محمد عبدالرحمن
Date: 10-03-2011, 07:54 AM
Parent: #7
ياكيكى ..
انه عصر الانحطاط فى كل شيء ..فقد مر على اهل السودان
حينا من الدهر ظلوا فيه يتراجعون ..وينحدرون من درك
الى درك ..فبعد ان كانت ادارة الرياضة فى بلادنا فى ايدى
من يحسنون الادارة ويمازجون بينها وبين رسالة الرياضة
السامية التى تقوم على حسن ومكارم الاخلاق ..
انه عصر النكبة ياكيكى ..فبعد ان مر على ادارة الهلال
البابا الطيب عبدالله الذى اتى للرئاسة من وكالة الوزارة ..
وبعد ان مر طه على البشير وعبدالمجيد وشداد وابوحراز
وغيرهم من الكفاءات التى انجبتها جامعة الخرطوم وغيرها من الجامعات
..بعدمن مر كل هؤلاء ..جاء زمنا تولى فيه ادراة الهلال
من يظن ان الادارة فتونة وشفتنة و(حبرتجية) ..
فلم يسلم من لسانه احد ..واخرين طالتهم يداه ..فبدات
معركته امس من معسكر اللاعبين ..وصفهم بالصعاليق كما
تقول الرواية ..وجاء و اكمل السقوط بالاعتداء على حكم
المباراة ..
يبدو ان النكسة طالت نادى الحركة الوطنية ..وانه
لم تسلم جهة او مؤسسة منها ..
|
Post: #15
Title: Re: رئيس نادي الهلال الاستقالة و فورا...!!!!
Author: وليد عبد اللطيف
Date: 10-03-2011, 08:11 AM
Parent: #12
كيكي
هذا كلامي في بوست قبل الارشفة مع وليد المبارك
Quote: .
ياولي امس بسمع في كلام الامين البرير ياخي دا ماعندو اي علاقة بكرة القدم
اداري لايعرف يتحدث وان يكون مقنع في قضايا النادي
من الافضل ان يجلس هو وقروشو في البيت
نشكي لمنو بس ربنا يصلح الحال |
الهلال الان محتاج الى الكابتن الطيار اسامه صفي الذي انقذ سلامة ركاب الطائرة
لكي ينقذ الهلال في طلعاته الجوية
Quote: انه عصر الانحطاط فى كل شيء ..فقد مر على اهل السودان
حينا من الدهر ظلوا فيه يتراجعون ..وينحدرون من درك
الى درك ..فبعد ان كانت ادارة الرياضة فى بلادنا فى ايدى
من يحسنون الادارة ويمازجون بينها وبين رسالة الرياضة
السامية التى تقوم على حسن ومكارم الاخلاق .. |
|
Post: #24
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 10:10 AM
Parent: #15
Quote: ياولي امس بسمع في كلام الامين البرير ياخي دا ماعندو اي علاقة بكرة القدم
اداري لايعرف يتحدث وان يكون مقنع في قضايا النادي
من الافضل ان يجلس هو وقروشو في البيت
نشكي لمنو بس ربنا يصلح الحال |
هلا با وليد
والهلال تيم كبير ولا يستحق مثل هذه المرمطة والعقليات دي تكون علي رئاسته
والليلة بالجد يوم رياضي حزين وسقطة كروية بنت لذينة نتحسر ان تكون مروبطة بالهلال معشوق الملايين
والبرير ده فعلا احسن ليهو يمشي اي حتة تاني فيها دق وكبع وبلطجة ويخلي الهلال ده لحالو
فالهلال ما داير قروش
الهلال داير تعاليم فانه يؤثر في اجيال تنظر اليه بحب كبير وهو ملهم لهم في مستقبلهم
فما ذنبهم ياااخ
|
Post: #16
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 08:12 AM
Parent: #12
Quote: لنكن صريحين حتى الوجع
البرير و عدد من الاثرياء و ابناء الاثرياء المدلعين عندهم مفهوم ان اى شئ فى الدنيا يمكنهم الحصول عليه اما باموالهم او بدق و تخويف الناس
زمان كانوا فى بيوتهم و مصانعهم لكن الان غزوا الرياضة و مجالات العمل العام و سوف نرى الكثير من مثل هذه الجلائط
|
هلا يا بروف وتحياتي..
ده واقع موسف وواحدة من الاشياء الجارة الكورة السودانية الي الخلف
وفي السودان يا عوض لو الناس ما وعت بان الكورة بقت ادارتها عاوزة وعي اداري ومنهجية وتخطيط واستراتجية من عقول فاهمة ودارسة
وليس من جلاليب جيوبها ملانة قروش... فالكورة ما قروش فقط بل هناك اشياء اخري اهم من القروش ان لن تتواجد القصة بتجوط وتحول الفرق الي اقطاعيات يبرطع فيها الراسمالين واصحاب المال بوعيهم الركيك والانا الزايدة في دواخلهم خصما علي رياضة وطن كامل...
ودي فجيعة يا بروف ياخي
|
Post: #18
Title: Re: رئيس نادي الهلال الاستقالة و فورا...!!!!
Author: صبري طه
Date: 10-03-2011, 08:26 AM
Parent: #16
تحياتي أخي كيكي ...
اعتداءات اللاعبين على الحكام عرفناها ...
اعتداءات الأجهزة الفنية على الحكام عرفناها ...
اعتداءات بعض الإداريين على الحكام عرفناها ...
ولكن أن يعتدي رئيس النادي على الحكم فهذا لم أسمع به حتى كتابة هذه السطور !!!
|
Post: #28
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:06 PM
Parent: #18
| Quote: ولكن أن يعتدي رئيس النادي على الحكم فهذا لم أسمع به حتى كتابة هذه السطور !!! |
هلا يا صبري
فعلا بيني وبينك السواها البرير لا حكت ولابقت
ويبدو جليا بان السودان فيهو مشكلة عويصة بتاعة روؤساء
وكل رئيس شايت ضفاري ولا يبالي بالرياح
|
Post: #19
Title: Re: رئيس نادي الهلال الاستقالة و فورا...!!!!
Author: خالد درق
Date: 10-03-2011, 08:28 AM
Parent: #16
الاخ / عبد الكريم .. تحياتى
بصراحة لايشبه الهلال هذا الرجل ووسمت عار على مجتمع الهلال بصف خاصة ومجتمع الرياضة بصف عامة فيجب بتراء من هذا المنصب
مودتى ...
|
Post: #20
Title: Re: رئيس نادي الهلال الاستقالة و فورا...!!!!
Author: حمزاوي
Date: 10-03-2011, 08:36 AM
Parent: #19
من أمن العقوبة اساء الأدب
معركة ذات البونية
|
Post: #26
Title: Re: رئيس نادي الهلال الاستقالة و فورا...!!!!
Author: محمد البشرى الخضر
Date: 10-03-2011, 10:21 AM
Parent: #21
لا يا كيكي ما يستقيل براه كدا
لابد يقال ومن المجلس أو تسحب الثقة عن المجلس كله من الجمعية العمومية
ولازم تتدخل الدولة و الاتحاد العام ويوقف من ممارسة النشاط
قبل كدة تم ايقاف لاعب (فاروق جبرة) لاعتدائه على الحكم
دي حالة شبيهة ما لم تعتبر ادهى وأمر
المهم كدا كدا الكاف ح يوقفه فحقو اتحادنا يسبق الكاف وياخد موقف مشرف
وياريت باقي اعضاء المجلس وجماهير الهلال يكون عندهم كلمة
|
Post: #32
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:46 PM
Parent: #26
Quote: لا يا كيكي ما يستقيل براه كدا
لابد يقال ومن المجلس أو تسحب الثقة عن المجلس كله من الجمعية العمومية
ولازم تتدخل الدولة و الاتحاد العام ويوقف من ممارسة النشاط
قبل كدة تم ايقاف لاعب (فاروق جبرة) لاعتدائه على الحكم
دي حالة شبيهة ما لم تعتبر ادهى وأمر
المهم كدا كدا الكاف ح يوقفه فحقو اتحادنا يسبق الكاف وياخد موقف مشرف
وياريت باقي اعضاء المجلس وجماهير الهلال يكون عندهم كلمة |
هلا ياعمك
وياريت يااخ يكون في اجراء اداري وعقوبات رادعة لهذا التصرف
واخاف في دولة السمبلة هذه تضيع الامور خلف المجاملات والناسات والمحسوبية..
وبلغني بان امر دقة الحكم كانت هنالك مساعي كبيرة لغتغته ..
|
Post: #38
Title: Re: رئيس نادي الهلال الاستقالة و فورا...!!!!
Author: khaleel
Date: 10-04-2011, 06:36 AM
Parent: #26
يا كيكي الاسمراني
اشاعات مغرضة الحكم لم يعتدي عليه
|
Post: #31
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:42 PM
Parent: #21
| Quote: عضو الاتحاد العام : اسرار هزيمة الهلال |
يا محمد
البوست الجبتو ده فيهو اخبار موسفة وبتعكس حال واحوال
وهذه الاشياء وكما يبدو قد القت بظلالها علي اداء الفريق الذي كان جنائزيا
وموغل في الجنائزية
|
Post: #30
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:30 PM
Parent: #20
Quote: من أمن العقوبة اساء الأدب
معركة ذات البونية |
هلا يا خال
والراجل قالو عندو(بونية) لفتاوية حقنة ملاريا بس..
والسودان فقد ملاكم مميز
|
Post: #29
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:17 PM
Parent: #19
Quote: بصراحة لايشبه الهلال هذا الرجل ووسمت عار على مجتمع الهلال بصف خاصة ومجتمع الرياضة بصف عامة فيجب بتراء من هذا المنصب
|
تحياتي يا درق
وتصرف فعلا مسي للرياضة السودانية ونقطة سوداء كبيرة في تاريخ الرياضة السودانية..
وبقاء هذا البرير في رئاسة الهلال هي هزيمة اخري ومواصلة لرحلة التخبط والارتجال في كل شي في هذا السودان
|
Post: #22
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 10:01 AM
Parent: #12
Quote: يبدو ان النكسة طالت نادى الحركة الوطنية ..وانه
لم تسلم جهة او مؤسسة منها .. |
هلا يا محمد
وما جي من دق للحكم والسوابق الي وردت هنا في امر البرير يجعل من وصفه للعيبة بالصعاليق امرا غير مستغرب
ولاحظ ده رئيس نادي وفريقه في طريقه لماتش ذو اهمية عالية وحساسة
كيف يعامل اللعيبة
وكيف يعامل الحكم الذي هو ضيف والذي هو مسئوليته المباشرة كرئيس وممثل للنادي المستضيف
قمة العشوائية والارتجال والجهل المفقع بضرورات الادارة
وقمة الاسف ايضا كون هلالنا ذلك الفريق الذي نحبه حتي الثمالة يدار بمثل هذه العقلية الخربة
|
Post: #23
Title: Re: رئيس نادي الهلال الاستقالة و فورا...!!!!
Author: طارق جبريل
Date: 10-03-2011, 10:05 AM
Parent: #22
بقيتوا صعبين ياخي
بتاعين بونية عديييييييييل
تليشة:
مشيت اشتري الجرائد الصباح كعادتي
بتاع الجرائد قام قال لي: الهلال آش وقع ليه
قلت ليه يا تو هلال
قال لي هلال السودان
قلت ليه انا من المالديف
ضحك وقال لي خليك مع البارصا
|
Post: #25
Title: Re: رئيس نادي الهلال الاستقالة و فورا...!!!!
Author: عبد الباقي الجيلي
Date: 10-03-2011, 10:12 AM
Parent: #23
الإستقالة يا عبد الكريم؟؟؟؟؟
يعني عايز تحفظ للرجل ماء وجهه إن بقي فيه ماء؟؟؟
المطلوب هو ...
الإقالــــــــــــــــــــــــة .....
وهذا أضعف الإيمان ...
غير إجراءات الكاف والفيفا ...!!!!
إدارات آخر زمن!!!!
|
Post: #27
Title: Re: رئيس نادي الهلال الاستقالة و فورا...!!!!
Author: ياسر بيناوي
Date: 10-03-2011, 10:25 AM
Parent: #25
اولا يا كيكي مشتاقين
وسم سانيا
الختاها البرير دا رقدت والله
الجنا دا من يوم الجا رئيسا لنادي الهلال وانا نفسي مابياهو ماعارف ليه
وكمان علي ما ازكر فتحت لي بوست باركت فيهو الممتاز للمريخ وطبعا ماخذلني في توقعاتي
وامبارح طمبج الطين عديييييييييييييل
غايتو نسوي شنو مع المحن ديل الخلو اليسوي والطار من التمهيدي يشمتوا فينا
خالص الود
|
Post: #33
Title: Re: رئيس نادي الهلال الاستقالة و فورا...!!!!
Author: النصرى أمين
Date: 10-03-2011, 07:47 PM
Parent: #27
سلام عبدالكريم
اذا صدقت الرواية يجب منعه من الاقتراب من اى شئ
يتعلق بالهلال .. بما فيهو هلال رمضان
|
Post: #37
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-04-2011, 06:26 AM
Parent: #25
Quote: الإستقالة يا عبد الكريم؟؟؟؟؟
يعني عايز تحفظ للرجل ماء وجهه إن بقي فيه ماء؟؟؟
المطلوب هو ...
الإقالــــــــــــــــــــــــة .....
وهذا أضعف الإيمان ...
غير إجراءات الكاف والفيفا ...!!!!
إدارات آخر زمن!!!! |
هلا يا عبد الباقي وتحياتي
والبرير بعد الحادثة دي ما فضل في وجهه (بقة) بتاعة موية حتي تغري الواحد انو يحفظها ليهو
فالرجل امره جلل
والحادث صارت بها الركبان..
وبالتاكيد الاستقالة وحدها لن تكون كافية لردع هذا الامر
وعقوبات كثيرة ومن جهات متعددة يتوقع ان تطبق في مثل هذه الحادثة
من الاتحاد السوداني
ومن الاتحاد الافريقي
وقد يصل الامر الي الفيفا ذات الحساسية العالية في مثل هذه الجرائم الرياضية
|
Post: #34
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-03-2011, 07:56 PM
Parent: #23
Quote: بقيتوا صعبين ياخي
بتاعين بونية عديييييييييل |
اعملو حسابكم يا اركلوجي
احنا بقينا نعضي عديييييييييل كده
وتايسون بتاعنا ده لو لم في جمال واليكم ده
هوووك وااحد يفرطق ليكم استادكم ابو لمبة القام ليهو ريش ده
|
Post: #35
Title: Re: رئيس نادي الهلال الاستقالة و فورا...!!!!
Author: البحيراوي
Date: 10-03-2011, 08:07 PM
Parent: #34
الأخ عبد الكريم
تحياتي - هذه مداخلة في بوست كتبة الزميل هشام المجمر تصب في ذات الإتجاه
تحياتي - لست هلالياً . لكني سوداني . وللحقيقة وجوه عديده فوقر في نفسي عبر سنوات عمري أن الهلال يمثل مدرسة سودانية بجانب فرق كبيرة المبني تتمركز في المسمى عاصمةً قومية الخرطوم الكبيرة بمدنها الثلاث . وبالتالي تشكلت هوية رياضية سودانية عبر هذه المدينة وتمددت صواباً وخطأً لكافة مناطق السودان المختلفة . وظل الجانب المشرق منها فقط هو المتناول في الميديا والمجالس الكبيرة وفي منتديات السودانيين عامة . لكنها ظلت في ذات الوقت معترك لمعارك غير متكافئة يحكمها قانون البقاء للأصلح وغشيها ما غشيها من مفارقات أخرجتها من الطريق الصحيح حتى ما حدث البارحة أزاح الستار عن قليل وقليل مما يكتنفها ويلفها فإنهار جزء من البناء الذي تحصن فيه كُثر لسنوات طويلة . ولعل سلوك رئيس النادي البارحة لو ثبت بالدليل القاطع يستدعي مراجعة شاملة يطالب بها كل أهل السودان بدءاً من وزيرالشباب الرياضة نفسة الذي كان طالباً في جامعة الخرطوم وسلوكه آنذاك في قضيته المشهورة مع عميد كلية القانون .
بحيراوي
|
Post: #36
Title: Re: رئيس نادي الهلال الاستقالة و فورا...!!!!
Author: محمد عثمان
Date: 10-03-2011, 08:16 PM
Parent: #35
الاخ عبد الكريم...
يسعد مسااك..
من الطريقه التى اتت بالبرير و الكارورى كان واضحا جدا ان القصه
ما حتمشى على خير ابدا...و فى النهايه اهو هى النهاايه المحزنه.
ياخى الحيكومه دى كرهتنا و كما لحقتنا فى الكوره بدايه من الاتحاد العام
و المريخ و اهو انتهت بالهلال و غطست حجرو...!!
ياخى لازم تعود للرياضه اهليتها حتى تعود للكوره نكهتها التى عرفناها
و اتعودنا عليها...
تسلم...
|
Post: #39
Title: Re: رئيس نادي الهلال الاستقالة و فورا...!!!!
Author: طارق بخيت
Date: 10-04-2011, 08:29 AM
Parent: #36
وقد يقول اخر او كما يردد فيصل القاسم
هو بلد وزير شبابها ورياضتها دق استاذ في جامعته
كيف لا يدق رئيس واحد من اكبر انديته حكم في مباراة
كيكى لك التحايا وهاردلكم واذاكان رب البيت للدف ضارب ..........
|
Post: #41
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-04-2011, 10:03 AM
Parent: #39
شايف يا جماعة في بيان من نادي الهلال وادارته ينفون فيه هذه الواقعة,..
وبنظرة خطافية لهذا البيان الواحد ماعارف اذكرت لييه بيانات الانظمة التي ذهبت مع رياح الربيع العربي..
محاولة استقطاب لصراع يبدو بانه يدور ما بين تيارات هلالية
اللعب علي القطيبة المريخية والهلالية ومحاولة سواقة كورة هذه الحادثة الي مداراتها المشحونة بالتعصب الاعمي
التلويح بالقضاء وهذا حق من حقوق ادارة الهلال ونتمني ان تفعل ان كانت تري بانها علي حق
وسنعود
مع التحايا والود للجميع
|
Post: #42
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-04-2011, 11:41 AM
Parent: #41
Quote: يا كيكي الاسمراني
اشاعات مغرضة الحكم لم يعتدي عليه |
هلا يا خلي
وياخي مافي نار بدون رماد
والخبر لمن يجي ملان (غير) الخبر البجي ميت..
1-فالحكم شوف عيني دي راقد سلطة (لماذا يرقد الحكم سلطة) هي هل نوبة سكري او صرعة واذا كان الامر كذلك
فلييه الكاف بجيب حكام يرقدو سلطة ما بين الشوطين..؟؟
2-الطاهر عثمان وده حكم سوداني شايفو وقريت ليهو شهادة بتقول ان البرير ده ضرب الحكم هووووك
3- خليك من مزمل ابو القاسم باعتباره (مرجف) فخالد عز الدين الهلالي القايم بخس وواقع كرانجو مع البرير شايفو ادان وشجب واستنكر هذا الحادث
4- البيان الهلالي الطلع روحه ولغته بتقول ان في دسدسة حاصلة وفي نكريبا تقيلة
ويبدو ان الموضوع غتغت بطريقة او باخري وناس الهلال مالين يمينهم من الغتغتة دي ولاعبين عليها
وعموما سنتابع
ونشوف
|
Post: #43
Title: Re: رئيس نادي الهلال الاستقالة و فورا...!!!!
Author: عبد الباقي الجيلي
Date: 10-04-2011, 11:52 AM
Parent: #42
أتمنى من كل قلبي أن تكون المسألة كلها (إشاعات مغرضة)
ليس خوفاً أو شفقة على زيد أو عبيد ...
ولكن لا الهلال يحتمل في هذا الظرف ...
ولا الرياضة السودانية (المغلوبة) دائماً ...
ولا البلد نفسه يحتمل ...
لنا الله ...
|
Post: #44
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 05:45 AM
Parent: #43
الحكم الجزائري (حمودي) يكشف تفاصيل الاعتداء عليه من الامين البرير
خبرية جديدة وتصريحات للحكم الجزائري الذي جاب الهوووك من ديلو..
وكده القصة بقت اوضح من الشمس
والحكاية ضقلها كركب وسقطت ادارة الهلال في بيانها الكذوب الذي غبشت به القاعدة المليونية للهلال الذي لا يستحق مثل هذه الادارة
الخربة الغير مسؤلة والرعديدة
|
Post: #45
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 05:48 AM
Parent: #44
Quote: الختاها البرير دا رقدت والله
|
تحياتي يا بنياوي
والبرير دخل التاريخ الافريقي من اوسع ابوابه وسيغادره من اوسع ابوابه فالحكم اتي ومن نواحي وهران بالقول الفصل
وقال بالعربي كده
الزول ده دقاننييييييي
|
Post: #46
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 05:51 AM
Parent: #45
Quote: اذا صدقت الرواية يجب منعه من الاقتراب من اى شئ
يتعلق بالهلال .. بما فيهو هلال رمضان |
هلا يا النصري واشواقي
والرواية صدقت والخبر الاكيد قالو البينة ارتشششششششت
والبرير مرمط هلالنا الصعب الذي هو كاساتو دهب
فصار في عهده هوكاتو دهب
|
Post: #47
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 05:56 AM
Parent: #46
| Quote: ولعل سلوك رئيس النادي البارحة لو ثبت بالدليل القاطع يستدعي مراجعة شاملة يطالب بها كل أهل السودان بدءاً من وزيرالشباب الرياضة نفسة الذي كان طالباً في جامعة الخرطوم وسلوكه آنذاك في قضيته المشهورة مع عميد كلية القانون |
تحياتي يا البحيراوي
ماجري بكل اسف وكما يبدو سيمر مرور الكرام في دولة الانهيار والتردي والهتيفة والشبيحة
واذا كان فعلا رب الرياضة للاستاذ ضارب فشيمة البرير ومن لف لفه الهوووك لكل حكم دولي في الاراضي السودانية
لاحظ الرعددة
ضرب ثم نكران وممارسة التغبيش ومحاولة اثارة غبار كثيف يعمق عصبية الهلال مريخ ثم محاولة تحويل الاندية الي اقطاعيات شمولية تدار ما تدير المافيا والعصابات اعمالها الاجرامية ..
وياحسرة علي البلد وياحسرة علي ابو الهل معشوق الرياح
|
Post: #48
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 06:03 AM
Parent: #47
Quote: أتمنى من كل قلبي أن تكون المسألة كلها (إشاعات مغرضة)
|
هلا يا عبدالباقي
وبكل اسف يا عبدالباقي كل الدلائل والقرائن بتقول انو الحكاية دي حصلت
الحكم الجزائري وتصريحاته
الحكم السوداني الطاهر عثمان
وغيرها من قرينة التاخير فيما بين الشوطين
والحكاية اساسا بايظة يا باقي ومكوجنة وعايرة والبرير ماعمل حاجة سوي اداها (بونية)
فالانهيار والتردي جاي من فووووووووووق لانو الدولة ما مبينة علي اساس متين وملزقة بسلتيب الفردية والشمولية وغياب الشفافية وسطوة الاوباش
وتحياتي
|
Post: #49
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 06:33 AM
Parent: #48
| Quote: كيكى لك التحايا وهاردلكم واذاكان رب البيت للدف ضارب .......... |
هلا يا طارق وتحياتي
ونعم ان كان رب البيت للكف في نواحي ام نخيل لاستاذه ضاربا
فشيمة البرير ومن لف لفه الهوووووووووك
وكل الود
|
Post: #50
Title: Re: رئيس نادي الهلال الاستقالة و فورا...!!!!
Author: معاوية محمد الحسن
Date: 10-05-2011, 06:34 AM
Parent: #48
كيكي
تحياتي
والجاتك فى هلالك سامحتك
ياخي انتوا شنو بقي جنكم بونية
قبل كدة علاء اليدين يوسف ضارب مصعب بونية لحتى ما سال الدم من انفه
والان البرير ضارب الحكم المسكين بونية القته ارضا
خلاص اقلبوه نادي ملاكمة طالما اصلكم فشلتوا فى القدم
غايتوا تاني الواحد لو قابلك انت ولا خليل ولا بهاء الدين بكري فى الدوحة دي يقوم جاري من بونيتكم
|
Post: #51
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 06:39 AM
| Quote: غايتوا تاني الواحد لو قابلك انت ولا خليل ولا بهاء الدين بكري فى الدوحة دي يقوم جاري من بونيتكم |
هلا يا معاوية
وغايتو اعمل ساتر من حسسع
وطالما الريس قال بونية فاذن انها البونية في مواجهة كل مريخابي رعديد
----
وشي موسف ومخجل حقا يا معاوية
واخوك حزين يااخ من اجل ابو الهل معشوق رياحنا وذلك الفريق العظيم
|
Post: #52
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 06:55 AM
Parent: #51
Quote: ياخى لازم تعود للرياضه اهليتها حتى تعود للكوره نكهتها التى عرفناها
و اتعودنا عليها...
|
تحياتي يا محمد عثمان
وياريت ياااخ فكل شي في ذلك الوطن صار بلاطعم حتي الهلال ذبحوه علي قارعة البونيات
وانه التردي والضياع والتوهان يا صديقي الجميل
|
Post: #53
Title: Re: رئيس نادي الهلال الاستقالة و فورا...!!!!
Author: عبدالله السفاح
Date: 10-05-2011, 08:44 AM
Parent: #52
|
Post: #54
Title: Re: رئيس نادي الهلال الاستقالة و فورا...!!!!
Author: أبوبكر أبوالقاسم
Date: 10-05-2011, 09:05 AM
Parent: #53
كيكى سلامات
Quote: شايف يا جماعة في بيان من نادي الهلال وادارته ينفون فيه هذه الواقعة,..
وبنظرة خطافية لهذا البيان الواحد ماعارف اذكرت لييه بيانات الانظمة التي ذهبت مع رياح الربيع العربي..
محاولة استقطاب لصراع يبدو بانه يدور ما بين تيارات هلالية
|
هذا تكتيك إعلامى معروف لرفع الروح المعنوية عقِب كل هزيمـــة ... مثلها مثل تكتيكات تقديم الشكاوى الميئوس منها ....
تعرف الشماتة فيكم وصلــت (اسحق أحمد فضل الله) فى عموده اليومى:
| Quote: وأوركسترا الأسعار والدولار وحرب جنوب النيل .. ومعركة حقوق الإنسان في جنيف و.. و... المعارك هذه التي تسجل انتصاراً بعد آخر.. في أسبوع ويخذلها فريق الهلال .. تصبح أغنية يستمع إليها البشير والمراقبون. |
|
Post: #56
Title: Re: رئيس نادي الهلال الاستقالة و فورا...!!!!
Author: معاوية محمد الحسن
Date: 10-05-2011, 11:01 AM
Parent: #55
كيكي
سلامات
من الطرائف التى ظهرت بعد بونية البرير بقي اذا تشاجر الاطفال فى البيت وضرب أحدهم الأخر تقول
له أمه ضاربو ليه يضربك البرير
|
Post: #57
Title: Re: رئيس نادي الهلال الاستقالة و فورا...!!!!
Author: Abdelmoniem ALHAJ
Date: 10-05-2011, 11:30 AM
Parent: #56
ببساطة شديدة غياب المؤسسية بعمل أكتر من كدة
القصة كلها بقت تعيين في تعيين
رأس المال والولاء يتحكم في كل شئ
زمان كا ما إنتخبوك ما بتشمهاوالانتخاب زاتو ما عشان أمك ولا أبوك ولا قروشك. أداءك وبس
النقابات، مدراء الجامعات، عمداء الكليات، إدارات الأندية........
أسة كان كسرت تلج ساي يجيبوك
كان دفعت الماجستير والدكتوراه تجيك لي عندك
ده زمن العنقالة
|
Post: #64
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 08:23 PM
Parent: #57
تحياتي يا احمد
وفعلا ده زمن العنقلة والورجغة والدغمسة ايضا
وموضوع البرير ودقة الحكم ده يوماتي حيطلع دواهي وبلاوي في الساحة الرياضية
مثلما طلعت دواهي وبلاوي في كل مناحي الحياة السودانية الاقتصادية والسياسية والاجتماعية وغيره
انه الخراب الذي يعجب البوم
وكل الود
|
Post: #58
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 06:37 PM
Parent: #53
هلا يا السفاح
وشامبيون البرير مش معقول
تدق هووك وروسية علي طول
|
Post: #59
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 06:41 PM
Parent: #58
Quote: تعرف الشماتة فيكم وصلــت (اسحق أحمد فضل الله) فى عموده اليومى:
|
هلا يا ابوبكر وتحياتي
وده المجنن بوبي زااااتو كون زول مرجف زي اسحق احمد فضل الله ده
يقعد يسمع في ابو الهل سيد البلد ومعشوق الرياح...
وكلو من البرير الذي هو اتي الي الهلال علي صهوة جياد الموتمر الوطني ذلك الحزب الكسيح
والله هويني او كما يقول نوريت
|
Post: #60
Title: Re: رئيس نادي الهلال الاستقالة و فورا...!!!!
Author: صبري طه
Date: 10-05-2011, 06:49 PM
Parent: #59
يا كيكي ألحق روحك ياخ ... الناس ديل مصرّين إنو يمسّكوك ضنب الككو
المشجع الهلالي اب شنب ... هيييييييييع
ـــــــــ
كامل تضامني مع كيكي المسكين
|
Post: #61
Title: Re: رئيس نادي الهلال الاستقالة و فورا...!!!!
Author: Yassir Tayfour
Date: 10-05-2011, 07:00 PM
Parent: #60
كيكي يا صاحبي
هارد لّك للهزائم داخل وخارج الملعب..
بيان الإدارة يقول: بأنهم كإدارة صغار، ليس بحجم الهلال، الرهبة والمسؤولية، ويجب ان يرحلوا قبل بريرهم..
ولا بد ان يعمل الأهلة الخلص لتخليص نادي الهلال من أمثال هؤلاء الصغار، سمعة الهلال فوق الجميع..
___
اما المعتوه الآخر، ميسور الحال، وشيّال القبح، لا بد أن تصله يد القانون، حتى تتكشّف الحقائق..
|
Post: #62
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 08:14 PM
Parent: #61
Quote: فجر صديق منتدى سيد البلد.. وقطب الهلال المعروف (عادل رجب) مفاجأة داوية عبر صحيفة الدار وأكد براءة الأمين البرير من الاعتداء على حكم المباراة.. وقال بأنه من اعتدى على حكم المباراة بالضرب
الأخ: عادل هل اعتديت على الحكم الجزائري أم ذلك الشيء من أجل التستر على رئيس الهلال أم إن لديك مصالح خاصة بأن تقوم بتلفيق الجريمة لنفسك؟؟
أولاً: ما أحب أن أؤكده أنني ميسور الحال والحمد لله عاشق للهلال وليس لدي أجندة شخصية تربطني مع الأمين البرير حتى أقول إنني من فعلت كذباً وكل القصة أن الحكم بعد خروجه في استراحة الشوط الأول تعرض للقذف بقارورات المياه والسب من أعلى المقصورة الهلالية نتيجة لتحامله على الفريق بصورة شاهدها الجميع، فانتهزت الفرصة ونزلت سريعاً من على المقصورة وعلى المدخل الضيق الذي يؤدي إلى الدخول إلى غرفة الحكام قمت بالاعتداء عليه وضغطه على الباب بعنف حتى سقط أرضاً لأنني كنت (مغبوناً) منه وفي تلك اللحظات لم يكن الأمين البرير موجوداً وهذه حقيقة أذكرها للتاريخ وبعد أن سقط أرضاً كنت أريد أشبعه بمزيد من الضربات ولكن الحكم الذي كان يحمل الراية ومتحاملاً على الهلال قام بضربي على ظهري وبعد ذلك حدث الهرج والمرج والتف الناس حوله وقام بعض الأفراد بإبعادي
ولماذا هذا التصرف أخ عادل وأنت تعرف بأنه قد يعرض الهلال للعقوبات الخارجية في حالة اعتداء الجماهير المستضيفة للحكام أو الفريق المنافس؟؟
ما دعاني إلى ذلك هو الاستفزاز حيث شاهدت حكام المباراة يدخلون غرفة الترجي التونسي ويضحكون ويتهامزون مع لاعبي الترجي بصورة مريبة تؤكد بأنهم قبضوا الثمن مقابل مقابل ذلك، وقد حمدت الله كثيراً أن جماهير الهلال الغفيرة الوفية لم تشاهد تلك المهزلة ونجوم الترجي والحكام يتراشقون وخاصة حكم الراية فقد كان شاذاً في تعامله ومزاحه مع لاعبي الترجي وأنا أقول هذا الكلام لصحيفة الدار حتى يعرف الناس الحقيقة كاملة، وجاهز لأية مساءلة، فكما قلت لكم أنا لست محتاجاً لأموال البرير أو غيره فالحمد لله مستورة |
هلايا ولي
واني اشتم رائحة دوبلير يفوق الدوبليرهات في هوليود
والحكاية دي بقت فيلم هندي ممتع ومدهش التفاصيل
|
Post: #63
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 08:17 PM
Parent: #62
Quote: من الطرائف التى ظهرت بعد بونية البرير بقي اذا تشاجر الاطفال فى البيت وضرب أحدهم الأخر تقول
له أمه ضاربو ليه يضربك البرير |
هلا يا معاوية
وممكن سريع الشعب الفضل يطور الطرفة
وتقول الام للولد يضربك البرير
يقوم الولد يطلع هلالابي ويقول لامو لععععععععععع
يضربني المشجع ابو شنب لوووووول
|
Post: #65
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 08:31 PM
Parent: #60
| Quote: كامل تضامني مع كيكي المسكين |
هلا يا صبري
وفعلا كيكي مسكين والشعب الهلالي الفضل كلو مساكين والساحة الرياضية السودانية مسكينة شديد ياااخ
طالما بعملو فيهم مسرحيات سمجة وغريبة الاطوار زي دي
وطالما ادارة فرقنا الكبري بهذه الاوعية والمهنية الادارية البيش
-
وحكاية الدوبلير ابو شنب دي يا صبري ماااا خشت نافوخي علي الاطلاق
وعموما سنتابع هذا الموضوع العجيب
|
Post: #66
Title: Re: رئيس نادي الهلال الاستقالة و فورا...!!!!
Author: عبدالكريم الامين احمد
Date: 10-05-2011, 08:41 PM
Parent: #65
| Quote: ولا بد ان يعمل الأهلة الخلص لتخليص نادي الهلال من أمثال هؤلاء الصغار، سمعة الهلال فوق الجميع.. |
هلا يا تفة
وشي موسف يااخ
كون ابو الهل العظيم يصبح ملطشة جوووه الميدان وملطشة بره الميدان
وهو الدود الذي كان ينتر في قلب القارة الافريقية ويخيف الاعداء الجالسين في العرضة
الهلال تيم كبير وعريق ومدرسة لو يدري البرير
ولو يدري ايضا الدوبلير ابو شنب ومن لف لفهم من جربندية الساحة الرياضية
والزيف القبيح
|
|