Post: #1
Title: والعالم كلو بيسمع...فلنأكل مما نزرع ولنلبس مما نصنع
Author: فاروق عثمان
Date: 10-02-2011, 11:42 AM
لما مقاطعي الطاري ديل جو كنت وليد سغير يادوب ممتحن الثانوي العالي,اها الرادي كان قادينا بي اتنين
واحداً بقولو يونس محمود وواحدا تاني طارح نفسو فنان اسمو اظنو شنان,اها الرادي والتلفزيون كانن شغالات القرف
تصحا من الصباح عشان تشرب كباية الشاي الم فيك يونس ده ايها الشعب السوداني البطل,ونحنا وفعلنا وتركنا والم ليك نبذ
في الجوه والبره,وبوظ علاقاتنا الخارجيه لي اسي ما اتعدلت تاني,بعد الفاصل بتاع سونكي ركب فزيتو وانا ماشي نيالا
ونيالا زاتها اسي مافي طريقه تمش ليها الا بالجو,يجبك شنان ده يغني العالم كلو بيسمع فلناكل مما نزرع ولنلبس مما نصنع
غايتو قبل ما يجو كنت بتذكر باتا وساتا ديل صناعه سودانيه ومصانع النسيج عندها مممول جااامد قطن مشروع الجزيره الله يرحمه
وكل المعلبات محليه ناس حلويات سعد ومامون البرير شئ مربي وطجنيه وبسكويت ومعلبات,اها اسي الراسماليه الوطنيه غتسو حجرها وكلو بقي مستورد ,حلاوه لبان زاتها مستورده
ومشروع الجزيره لحق امات طه والمشاريع المرويه لحقت الغثتس,يعني قدر الكنا بناكل مما نزرعو ونلبس مما نصنعو الناس ديل ودرو وودوهو ورا الشمس
ووزير خارجياتنا بقي يشحد ويستجدي في العالم الفوقاني والتحتاني عشان يدعمولو اقتصادو ولا مجيب ,وفقدنا تلت بلدنا وربع سكانا بالانفصال,ونص البلد مدوره حروب ونزوح في دارفور وجبال النوبه والنيل الازرق
والصحه انهارت والتعليم مات والمعيشه بقت ضنك واختفت الطبقه الوسطي,وانتشر الفساد في البر والبحر والجو
وبرضو تقول لي سفينة الانقاذ سارت لاتبالي بالرياح,ما اتلومت ياشنان
|
Post: #2
Title: Re: والعالم كلو بيسمع...فلنأكل مما نزرع ولنلبس مما نصنع
Author: خالد أحمد شطة
Date: 10-02-2011, 12:04 PM
Parent: #1
| Quote: لما مقاطعي الطاري ديل جو كنت وليد سغير يادوب ممتحن الثانوي العالي, |
الأخ الودود
فاروق ودعتمان
ياخ في الزمن الاغبربتاع مقاطيع الطرق ديل كنا بالجماهرية العظمي حينها.
أرسلوا الخوا محمد الامين خليفه لينا في مدينة بنغاذي والرجل اجتمع بالجاليه السودانية في داراللجان الثوريه
بشارع جمال عبدالناصر وخطب فينا نأكل مما نزرع ونلبس مما نصنع خطر ببالي مقوله لأحد الليبيون في أحد المؤتمرات بمدينة أجدابيه قالها ياريئس جيبوا لينا تيرات للمكرونه وفكونا من سبكيتك أيطاليا.
اي زرع باقي ليتا الحين واي مصنع دايره عجلاته واي علاقات تبقت لنا.
مودتييييي
شــــــطة
|
Post: #3
Title: Re: والعالم كلو بيسمع...فلنأكل مما نزرع ولنلبس مما نصنع
Author: فاروق عثمان
Date: 10-03-2011, 11:28 AM
Parent: #2
العزيز خالد شطه
تعرف ياخالد الناس ديل انا مستغرب فيهم شديد
التقول عندهم تار بايت مع الشعب الغلبان ده,ياخ ديل اي شئ قالو جو عشانو عملو ضدو
وانظر لي حالهم قبل الانقاذ وبعدو,مافي وصف ليهم ادق من وصف استاذنا بشري الفاضل الطفابيع
|
Post: #4
Title: Re: والعالم كلو بيسمع...فلنأكل مما نزرع ولنلبس مما نصنع
Author: عكود عبد القادر عكود
Date: 10-03-2011, 11:35 AM
Parent: #3
دكتور فاروق
عاطر التحايا لك وللأسرة الكريمة
و
أصبحتا نزرع مما نأكل ونصنع مما نلبس
واللبيب بالإشارة يفهم،،،،،،،
|
|