Post: #1 Title: مظاهرات ........ كفـــــــــانا شهداء وضحـــايا Author: محاسن أحمد محمد Date: 10-01-2011, 06:44 PM
كل يوم بنسمع مظاهره هنا وهناك على مستوى السودان التحية لهم جميعا وعاش نضال الشعب السوداني الشعب طفح المر والغلاء اصبح مستمرا والعيشة بغت صعبة وحتى القادر بقى ما قادر والجميع يعلم ان السبب الرئيسي هو غياب القيادات والتوحد يحب ان يكون العمل منظما من اجل ان يتوحد الشعب المغلوب على امره وينتصر وحتى لا تفقدوا الكلوادر التى لها استعداد للخروج الى الشارع يحب ان تخرج المظاهرات فى كل الاماكن وفى لحظة وحده ولابد ن تسندها النقابات وان يحلق بها العصيان المدنى وهى فى ذروتها وعلى مستوى المدن ولابد ولابد من التوعية وسط المتظاهرين بعدم التخريب ويكفينا شهداء وضحـــايا وفقدنا الكثير من الشباب والمناضلين الاوفياء التحية لكم جميعا
Post: #2 Title: Re: مظاهرات ........ كفـــــــــانا شهداء وضحـــايا Author: أحمد ابن عوف Date: 10-01-2011, 06:50 PM Parent: #1
Quote: والجميع يعلم ان السبب الرئيسي هو غياب القيادات والتوحد
الاخت الزميلة محاسن محمد
غلاء المعيشه وصعوبة المعيشه في بلد المليون ميل مربع (سابقا) ... وبلد المليون بروفسر والمليون منظراتي والمليون قائد والمليون سياسي والمليون مناضل يجب ان لا نحمله للحكومة وحدها .
سلام محاسن كلام عقل والله أتمنى أن يلقى طريقه إلى من هم فعلاً لم تعد بهم حاجة إلى دم يراق فما ذهب يكفي
سلام سامر خلاص يا زول ولا يهمك نحملو للشعب السوداني الفضل دا جت عليهو فرداً فرداً سواء كان ذكر أو أنثى يعني ما في داعي يغلغلو طال عمرهم ديل وينتظرو شوية وعلي قول ود الباوقة يصبرو عشان الحيكومة ترضى وتديهم الفتات إن أرادت وإن لم ترد فليموتو إيه المشكلة يعني فالجميع فداء لعيون الحيكومة أهي عينا باردة متضامنة وطالعة مظاهرات ضد تجار اللحمة الجشعين
Quote: سلام سامر خلاص يا زول ولا يهمك نحملو للشعب السوداني الفضل دا جت عليهو فرداً فرداً
الاخ بله
هل السودان محتاج لهتافات ... بالروح وبالدم نفديك يا سودان ... وهتافات حريه .. حريه ... ام محتاج للانتاج والعمل؟؟؟؟ ام محتاج لعشرات الحركات المسلحة ؟؟؟....
Post: #8 Title: Re: مظاهرات ........ كفـــــــــانا شهداء وضحـــايا Author: أحمد ابن عوف Date: 10-01-2011, 07:22 PM Parent: #7
Quote: ام محتاج للانتاج والعمل؟؟؟؟
في فيديو عن معاناة اهلنا بالحماداب، ناس الانتاج والعمل زاتم، شوفتو؟؟
الفاضله محاسن لك التحيه والاحترام الطريق الوحيد لخلاص شعبنا من عزاباته وشقائه ومعاناته التى فاقت كل محتمل هو الالتحاق بالحركات المسلحه ودعم الثوار فى كل مكان وحصار الخرطوم وازالة الحكم العنصرى والنصر والمجد والعزة للشعب السودانى .