التيار و أكاذيب التتار ..!!

Quote: مناظير [email protected] * تساءل الكثيرون عن عدم ظهور عمودى فى صحيفة ( التيار ) الغراء رغم اعلانها عن انضمامى لكوكبة صحفييها وكتابها الكرام، لذا كان لزاما على من باب الامانة الاخلاقية والمهنية واحتراما لقرائى والمجتمع الصحفى والرأى العام السودانى ان اكتب هذا التوضيح فى محاولة ارجو ان تكون موفقة للاجابة على تلك التساؤلات ..!! * فى الحقيقة، أنا نفسى لم اكن اعرف السبب حتى تكرم رئيس تحرير الصحيفة الاخ الباشمهندس عثمان ميرغنى ــ بعد ملاحقات عديدة منى ــ بارسال هذا التوضيح الذى أنشره كاملا بدون أى تعديل إلا من تصحيح بعض الاخطاء المطبعية : ( الأخ د. زهير تحية طيبة.. ولجيمع أفراد الأسرة، أنا الذي بادرت بالاتصال بك لكى تكتب وتفاوضت مع الأخ ... ( حجبت الاسم لعدم أخذ الاذن من صاحبه وهو صديق وأخ كريم، زهير) .. حتى توصلنا للتفاهم المشترك، وأرسلت لك رسالة طويلة قبل حوالي اسبوع .. وقمت بنفسي بكتابة الترويج والترحيب بقلمكم، ونشرته في الصفحة الأخيرة وحددت تاريخ نشر اول عمود. الذي حدث.. ان العمود لم يصل في الموعد المناسب للنشر.. فالتيار تطبع مبكراً بسبب جدول عمل المطبعة، وطبعا لم ينشر العمود وفي اليوم التالي نشرت صحيفة (السوداني) فى صفحتها الأخيرة أن عمودكم تعرض للرقابة الذاتية وحجب عن النشر.. وانه منشورفى موقع ( الراكوبة ). هذا الأمر أدى لثورة داخل الصحيفة ومطالبة بوقف العمود لأن كاتبه لم يلتزم بالمهنية التي تفترض أن الصحيفة هي مالكة الحقوق الفكرية للعمود ولا يجب نشره في أي موقع إلا نقلا عن موقع صحيفة (التيار).. ولقد جرى النقاش فيه على مدى ثلاثة اجتماعات لهيئة التحرير... كان آخرها الاجتماع الذي جرى فيه التصويت وصوتت الأغلبية ضد الاستمرار في نشر العمود، وكان في خاطري ان أعاود المحاولة مرة أخرى لاقناع بقية الزملاء باستمرار نشر العمود لكن بكل أسف لم يتم ذلك حتى الآن. هذا ما لزم احاطتكم به.. في العشرة دقائق التى أصررت عليها ..!! مع تقديري عثمان ميرغني ) انتهى. * كان ذلك ما كتبه الاخ عثمان وردى عليه لا يختلف عن ردى على من سبقوه ممن أخافتهم مقالاتى على مصالحهم فحجبوها ثم اختلقوا الأكاذيب لتغييب الحقيقة، وهو ما فعله الاخ عثمان لتبرير حجب المقالتين اللتين ارسلتهما له خوفا على مصالحه واعلاناته رغم ان صحيفته ادعت فى تقديمى لقرائها بانها الوحيدة التى تجروء على نشر مقالاتى وشبهتها بانها جراحة بدون بنج، ولكنها للأسف سقطت سقوطا مروعا امام اول اختبار ووضح جليا انها تريد مقالات لتخدير الشعب وخداعه، ولست من النوع الذى بؤدى هذا الدور كما يؤديه ببراعة (الأخ )عثمان..!! * يقول الاخ عثمان إن مقالى لم ينشر لأنه وصل متأخرا، مع انه فى رسالة سابقة يعتذر عن عدم نشر المقال لعطل فى كمييوتره لم يمكنه من فتح بريده الالكترونى، فأى الكذبتين نصدق، ام نصدق الكذبة الثالثة بان هيئة التحرير قد غضبت من نشر المقال فى (الراكوبة) فاجتعمت وقررت ايقاف عمودى عن النشر، علما بان الرسالة التى اعتذر فيها عثمان عن عطل جهازه كُتبت وأُرسلت بعد نشر عمودى فى (الراكوبة) وتعليق (السودانى) الذى لم اضطلع عليه، ولم يذكر فيها عثمان اى شئ عن الغضبة المضرية لهيئة التحرير، بل أعلن ترحيبه بى مجددا ( الرسالة موجودة) وأمدنى بهواتف وايميلات الاساتذة الذين سأتعامل معهم داخل الصحيفة وهيئة التحرير فيما يخص المسائل التحريرية والادارية ..إلخ، و( ترجانى ) ألا أرسل مقالى اليومى للمسؤولين عن موقع (الراكوبة) وأتركهم ينقلونه بأنفسهم من موقع صحيفة (التيار)، فمن أين ومتى وكيف جاء غضب هيئة التحرير الموقرة الذى تحجج به عثمان لايقاف عمودى، أم ان السبب هو مقالى الثانى الذى بعثته فى نفس اليوم الذى وصلتنى فيه رسالة عثمان الاولى ولم يجد طريقه ايضا الى النشر، وعندما لاحقت عثمان لاعرف السبب خرج لى بكذبة هيئة التحرير إياها بعد كل ما ساقه سابقا من معاذير وقصص مختلفة ومتناقضة (كصائد الغزال الكذاب فى النكتة السودانية المشهورة ) ..!! * هذا هو ردى على اختلاقات عثمان، ولكن لنفترض أننى أخطأت بالفعل فهل يجيز ذلك توجيه التهمة وعقد المحاكمة واصدار العقوبة ضدى بدون ان أخطر بأننى موضع اتهام ، دعك من إتاحة الفرصة لى للدفاع عن نفسى، ام أن قواعد العدالة والاخلاق والمهنية والقيم الفاضلة هى للمواعظ والرسائل والمقالات الصحفية فقط .. على نفس نهج جماعة التتار ( هى لله لا للسلطة ولا للجاه )، ام ماذا يا قائد التيار ؟! * لو أجهدت نفسك قليلا يا صديق العمر الذى ولى وسألتنى عن نشر (الراكوبة) لمقالى لعرفت اننى اعتقدت انه نُشر فى النسخة الورقية من (التيار) لوجودى خارج السودان، ولم ينشر فى الموقع الإلكترونى لاسباب فنية أو غيرها، لذا ارسلته لكل المواقع الإلكترونية ــ وليس الراكوبة وحدها ــ التى تتكرم مشكورة باعادة نشر مقالاتى المتواضعة، ولقد نبهتها قبل يوم باننى ساعاود الكتابة الصحفية اليومية مجددا ان رغبت فى نقل مقالاتى، وعندما لم يظهر المقال فى الموقع الالكترونى لـ(التيار)، ارسلته اليهم حتى أفى بكلمتى معهم ولم اقصد اكثر من ذلك، ولكن لأن ( الفى قلبه حرقص .. براهو بيرقص) كما يقول المثل السودانى، كان ما كان من أمر أوهاكم وترهاتكم وصائد الغزال الذى يرقد بين جنباتكم ..!! * غدا باذن الله سأنشر المقال الثانى الذى رفضت (التيار) نشره .. انتظرونى ..!! 27 سبتمبر، 2011

المصدر

للوارد أعلاه .. و لشارع الصحافة .. و لغير ذلك مما أتابعه في التيار؛
ما أن أطلع على ما يكتبه عثمان ميرغني - مُنظراً لصلاح حال
السودان - إلا و أردد بعض الأمثال التي قد لا تصلح للنشر.


______
أطلع يا زهير و ليس أضطلع !

سلام يا حسين و لعلك بخير ...
وقفت من التيار قبل اسبوعين و ما أظن تاني اكتب فيها لكن هنالك حقائق عارفها بتزعلك :
الحاصل شنو بين زهير و عثمان ميرغني و منو قال شنو ده ما بعرفو البعرفو أنا و متأكد منو إنو التيار بتنشر أي حاجه و أي كلام و نقد للحكومة مهما كان قاسي و إنو فعلا عندهم هيئة تحرير و القرار ما في يد عثمان ميرغني براهو و إنو هذا العثمان ميرغني من أكتر السودانيين - إن لم يكن أكثرهم علي الأطلاق - مهنية في شغلو و زول دوغري و عديل و ما بتاع لولوه.
بعدين يعني عثمان ميرغني ما عارف إنو د.زهير بيسلق الحكومة بالسنة حداد ؟ لو ما عايز ينشر ليه : من الأول ما كان طلب منو يكتب في التيار و يعلن إنو حا يكتب فيها ...و بعد التحقيق العملتو التيار في موضوع هيئة الحج و العمرة و طال الرئيس و علي عثمان و وزير الاوقاف و خلق توقف البلد بحالها ما شايف في حاجة تمنعهم من نشر أي نقد مهما كان قاسي ....
فيا حسين ياخي لا يجرمنك شنآن قوم على ألا تعدل، ما ممكن فاتح البوست بكذب التيار إستنادا علي كلام خصمهم ما لم تكون عندك معلومات مؤكدة إنو فعلا هذا ما حدث ..

سلام يا حسين و امين
عندي سؤال عام عن عالم الصحافة في السودان، طالما جال ببالي عند رؤيتي لبعض المقالات التي يعاد نشرها من كتابها علي وجه الخصوص بعد ان تنشرها الصحيفة
ما هي الضوابط التي يجب اتباعها و تتيح للكاتب اعادة نشر المقال بعد طباعته في الصحيفة؟
مثلا، هل هناك فترة زمنية معينة يجب ان تنقضي قبل اعادة النشر؟
الموضوع ده ما ليه دخل مباشر بموضوع البوست


ـــــــــــــ
تعليقي علي الموضوع و استنادا للمكاتبة النشرت هنا
الاخ زهير: كان يجب عليه التاكد انه الموضوع تم نشره اولا، قبل ارسال مقاله للنشر في اي مكان اخر، و يجب ان يكون للجريدة نظام رقابة داخلي يسمح بمثل هذا التاكد و ما يتكله كله علي زهير، مثلا، يكتبو في تعاقداتهم انه لو لم يصل للكاتب تاكيد خلال الايميل مثلا انه موضوعه نشر، لا يحق له التصرف فيه.

الاخ عثمان: استغربت طريقة تناولكم لموضوع اداري بسيط: ثورة داخلية و تلاتة اجتماعات و قرار بتوقيف العمود بخصوص كاتب يخل باحد شروط الاتفاق بينه و بين الجريدة! سواء كان الاخلال مقصود او عن طريق الخطا كما كتب زهير. كنت اعتقد انه للصحيفة كمؤسسة قوانين ادارية يجب اتباعاها وشروط تعاقد واضحة لتوفير الوقت و الجهد لكل الاطراف، ببساطة اذا تم الاخلال باحد شروط التعاقد اتفهم وجود عقوبة ادارية معينة، لكن تلاتة اجتماعات، و الغريبة ولا واحد فيها حضرة زهير و في النهاية تصويت و قرار بالغاء العمود؟ حاجة تحير و الله من ابواب كتيرة

يا امين رايك شنو في الاجراء الاداري ده عموما كبروف ولغ عالم الصحافة مؤخرا؟
و ارجو الا يجرمنك شنآن استوساخي (the alleged) الا ترد علي سؤالي :)

Quote: ما ممكن فاتح البوست بكذب التيار إستنادا علي كلام خصمهم

واضح ان حسين لاعب لصالح ورقه(اي جريدة السوداني )

Quote: يا امين رايك شنو في الاجراء الاداري ده عموما كبروف ولغ عالم الصحافة مؤخرا؟

أعجبتني (التراكيبية) اللغوية للجملة اعلاه
مع إني أظن إستخدام كلمة (ولغ) ما كانت موفقة !!!

سلام يا احمد
العجبك شنو في تركيب الجملة يا احمد؟ :)
الحقيقة انا قصدت ولج او دخل (عربي تعبان و ليس سوء نية او تذاكي) استعملت الحرف الغلط
ذكرتني المناقشة الحدثت بين حمور و محمد اي سليمان بخصوص نفس الكلمة اظنها

Quote: أطلع يا زهير و ليس أضطلع !

هاهاها نشوة "القيد الصحفي" والله عجايب في بلد الجن دي!

Quote: و ارجو الا يجرمنك شنآن استوساخي (the alleged) الا ترد علي سؤالي

قوية
قوية شديد


___________

بعد إذنك يا ملاسي

Quote: التيار و أكاذيب التتار ..!!

ياملاسي هل سمعت او جابو ليك التتار مارست الكذب ؟!!!

ياامين يامتلولغ ..جاوب على الاستاذة رحاب وبلاش استوساخ من لا يستحق الاستوساخ ..
احمد موسى ياقريبي بلاش تزنق قريبتي دي وتستـوســخ نيتها وهي نقية لاتقصد ..


تحياتي للجميع ..

ازيك يا عاطف :)
ـــــــــ
لووول، عارف يا فايز، انا للان فاهمة انه ولغ دي معناها دخل في باديء الامر، يعني ما دخل جوة خالص جدا، ما عارفة ناس المنتدي رسو علي شنو

شكرا يا فايز ياخ، لكن لا اظن احمد شكك في نيتي، لكنه وضح انه استعمال الكلمة ما كان جيد و اظن له حق لحد ما، و اشكره علي ذلك
انا الكتبت عن نيتي، من باب توضيح كيفية حدوث الخطا

البائس الانتهازي المتملق حسين ملاسي مازال يمارس دوره القـذر في هذا المنبر وهذه المرة لصالح جريدة السوداني .

ارعوي ايها البائس

Quote: كصائد الغزال الكذاب فى النكتة السودانية المشهورة

ياتو نسخة في النكتة دي بالضبط؟





_
أعجبني استوساخ البروف لرحاب رغم توسلاتها الشديدة
وبعدين يا رحاب، الحبشي رشّا حمور في (ولغ) دي تسعة صفر!!

Quote: ارعوي ايها البائس

بعد القيد الصحفي دا ما أظن

يا عمر

الزميل الفاضل شوقي ملاسي

نحن بورداب أمريكا لا ناقة لا بعير فيما أوردته هنا ..
فلا فرق لدينا بين أحمد وحاج أحمد .. ودمت بخير في خضم السودان الجديد
بعد إنفصال الجنوب ... !وبصراحة أصبحت كل الأعمدة الصحفية مقرفة ولا شئ يستوجب الصراع.

Quote: نحن بورداب أمريكا لا ناقة لا بعير فيما أوردته هنا ..

و على الرغم من ذلك جاءت أولى المداخلات من البروفيسور أمين محمد سليمان .. فتأمل!

Quote: Quote: نحن بورداب أمريكا لا ناقة لا بعير فيما أوردته هنا و على الرغم من ذلك جاءت أولى المداخلات من البروفيسور أمين محمد سليمان .. فتأمل!

سلامات ملاسي
التأمل في كلام الاستاذ نجيلة و ألاّ البروف !
غايتو لقيت لي فرقة تأمل في (وعلي الرغم ) بتاعتك !!

ياخي شايف مرات استجداءاتك للتأمل قسرية !


مودتي
-----
بخصوص البوست :
رسالة للاستاذ زهير :
بافتراض صحة كل الرواية -
ياخي كن لطيفا في ابتزاز الاصدقاء !

Quote: لووول، عارف يا فايز، انا للان فاهمة انه ولغ دي معناها دخل في باديء الامر، يعني ما دخل جوة خالص جدا، ما عارفة ناس المنتدي رسو علي شنو

قريب و بعيد يا دكتورة ..

قريب من جهة انو الولوغ = غرف كمية بسيطة بنحو طرف اللسان او دلو .. اللخ اللخ
و بعيد من جهة انها مخصصة للكــلاب و الثعالب و نحوها ..
و دا الجاب زعل الحبشي النحرير لأنو ضليع في اللغة .. و ما بتمشي فيو الاعيب حمور دي!








------

للأمانة حمور ما انكر يا حمودي انو قاصدا ( لانو برضو نحرير و ضليع في اللغة)
بل اكد انو قاصد يبل الحبشي!


ما عارف 9/0 دي حسبتها كيف!؟


باقي كلام الحبشي كان في اطار اللولة المعتادة .. كملك متوج ليها ..
لا علاقة(تصريفية) بين ولغ و اللغو بتاتاً .. الا كان تشفير راندوق بس

Quote: للأمانة حمور ما انكر يا حمودي انو قاصدا ( لانو برضو نحرير و ضليع في اللغة) بل اكد انو قاصد يبل الحبشي!

والله يا قيقا أنا شايف إنو حمور الاتبلّ ونشف كمان!!!
ونحن في ديكـ الساعة لما (حمور) و(خالو) يتبلو ياخ!!

Quote: وبصراحة أصبحت كل الأعمدة الصحفية مقرفة ولا شئ يستوجب الصراع.

ليس القرف فحسب بل اكثر من ذلك
فتخيل رؤساء تحرير هذا العصر الصحفي
مقال تحت عنوان
مالك عقار وندامة الكُسَعِي ينتهي بتوقيع الطيب عبد الرازق النقر عبد الكريم - ولاية النيل الأزرق – الدمازين ككاتب للمقال
يحتل عمودي الهندي والرزيقي وهما رئيسي تحرير صحيفتين تصدران في الخرطوم
ومعلوم ان رئيس التحرير عبر العمود او المقال يعبر عن راي الصحيفة خاصة في الصحف السودانية والتي تغيب فيها حكاية افتتاحية الصحيفة
لكن عمرنا ما شفنا رئيس تحرير يترك عموده لقاريء ؟؟؟؟ وكان القاريء ينيب عن رئيس التحرير في وجهة نظر الصحيفة
http://alintibaha.net/portal/index.php?option...-04-14-16&Itemid=500
الإنتباهة - السبت 24 سبتمبر 2011
http://www.alahramsd.com/ah_news/24511.html
الاهرام –الثلاثاء 27 سبتمبر 2011
فتأمل وفق عبارة سيد الخيط في رؤساء تحرير آخر زمن

لولا انه كان عثمان ميرغني. لارتفعت بالتأكيد اسهم الرجل عندي بعد سخف الانتباهة هنا:



يا لصبيانية الطيب مصطفى وقومه احياناً!

الانتباهة 20-9-2011

البائس حسين ملاسي

انت رجل انتهازي ومتملق ومنافق ولا تظن ان الترهات التي تكتبها في صحيفة السوداني الصفراء شيء له قيمة فانت والصحيفة وكل بطانة السوء والسدنة لا قيمة لكم في المصداقية .... امرح واسرح في هذا الزمان الغابر والكالح فهذا زمانك يا مهازل فامرحي .

يا عابد - محمد يازين :

Quote:

الآن قد فهمتكم
طيب ملاسي دا بيخدم خط منو بالله؟
يعني هو والطيب مصطفي بقي فريقهم واحد


ـــــ
ملاسي اختشي

Quote: ولكنها للأسف سقطت سقوطا مروعا امام اول اختبار ووضح جليا انها تريد مقالات لتخدير الشعب وخداعه، ولست من النوع الذى بؤدى هذا الدور كما يؤديه ببراعة (الأخ )عثمان..!!

هل اكتشف الدكتور زهير براعة (الأخ) عثمان دي من بدري ولّا بعد الحادثة
إن كان قبل فلماذا قبول الانضمام لصحيفة قائدها بهذه الصفات

ولا ابرئ عثمان من شبهة الوقوع في حرج ايجاد مكان لعمود زهير
اصلاً الصفحة الاخيرة (مقفلة) وطبعا لا يمكن ارجاع احد الأعمدة للداخل
بس حكاية انو التيار ما بتنشر الأعمدة الجريئة على الحكومة فدي فرية ظاهرة
يكفي كتابات البروف والاستاذة شمائل النور


ملاسي حق السوداني ما تشيف حق التيار تشيف
زهير دا ما كان في الصفحة الاخيرة عندكم
اها مالكم فرطتو فيهو
عدم قروش ... عيني باردة
ولّا عدم مكان... رغم انو ناس يادوب حصلوا على القيد الصحفي
بس لاقين ليهم (2×2) في الأخيرة كمان
ولّا خوف من كتابات دكتور زهير

ملاسي .. ما تنسى تتأمل شوية قدا
ــــــــــــــــ
الاخطاء الإملائية مقصودة... علشان تلقى بعض الزواغات
زواغات دي لو ما عرفتها اسأل منها حرفا الهارت

Quote: يكفي كتابات البروف والاستاذة شمائل النور

للحق ... (التيار) أصحبت الصحيفة الأكثر وقاراً
ومصادمة ...ضمن الحدود المتاحة للحريات
وفعلاً شمائل ولبروف دليل على ذلك
وضيف ليهم اليومين ديل هويدا لاسرالختم
ألسنة حداد
أما د. زهير فسأظل أشهد له دخوله المتكرر للسجن من أجل حقوق الناس
فهو (زول حقاني) ... و(مابخاف) إلا الخلقه ...بحسب عرفتي
ولو في صحفي سوداني انا إحترمته لحد التبجيل فهو الدكتور زهير السراج
أما بقية الموضوع فأنا متابع
وبقرأ عشان اكون راي نهائي

Quote: لووول، عارف يا فايز، انا للان فاهمة انه ولغ دي معناها دخل في باديء الامر، يعني ما دخل جوة خالص جدا، ما عارفة ناس المنتدي رسو علي شنو

باعتباري ضليع في اللغة العربية ماضليع جوه خالص فيها لكن اخير من ابوحسين بمراحل ضوئية ..كلمة ولغ تعني اخذ من الماء اوشرب بطرف لسانه يعني من طرف المويه ماجوه خالص وعادة تستخدم للكــلاب وحاشاك تشبهي امين بالكلـــب ..

Quote: شكرا يا فايز ياخ، لكن لا اظن احمد شكك في نيتي، لكنه وضح انه استعمال الكلمة ما كان جيد و اظن له حق لحد ما، و اشكره علي ذلك انا الكتبت عن نيتي، من باب توضيح كيفية حدوث الخطا

يارحاب احمد عارف معناها تماماً لكن ولأنه زول مؤدب ومهذب قال ليك كلمة ماموفقة تارك ليك البحث عنها ..ونحن كفيناك تعب البحث ياام يس هههههه..


تحياتي ليك ،،

بعيدا عن موضوع البوست

يا عمر فضل المولي ياخي أرحم نفسك وأرحمنا معاك. يا ناقش موضوع البوست يا أسكت لأن الشتم بمناسبة وغير مناسبة خصم عليك وعلي الجهة التي تنتمي إليها.

شايف تجاهل ملاسي ليك أشد ألم ومضاضة عليك ألف مرة من شتائمك ليهو والدليل إنك دخلت مرتين تشتم.

نصيحة اخوية لا تأسر نفسك في شخصنة الخلافات والسعي ورا التارات وأستفيد من مجهودك ووقتك فيما يفيد الناس ويكسبك ويكسب حزبك الإحترام خاصة إنه حزب مشهود لرئيسه الإمام الصادق بعفة اللسان والقول الحسن مما أكسبه حتي إحترام أعدائه ورغم ما يقال عن كلامه وتنظيره الكتير لكن حاشي لله لم يثبت له قول فاحش ولا بذيء.

لا علاقة للجهة التي انتمي اليها فيما اكتب يا اسامة البلال

وانت ما بتحدد لي اناقش في موضوع البوست من عدمه كما لا يهمني ان يرد البائس الانتهازي والمتملق المنافق حسين ملاسي احد الطلقاء في بلاد السودان وانني اذ ادمغه بهذه الصفات ليس من فراغ او رمي للتهم على العواهن بل هذه حقائق تسندها ادلة كثيرة في هذا المنبر بارشيفه وساظل الاحق هذا البائس حتى يرعوي عن عبثه ونفاقه وتملقه ونفاقه .

اشد مضاضة بالنسبة ليك لانك تطلب الرحمة لنفسك من تداخلي يا هذا فانا لو متابع حركتي في المنبر اتداخل في كل البوستات الخربة التي يفتحها هذا البائس كلما وجدت وقت مرة اواثنين حسب مزاجي .

نصيحتك الاخيرة جاءت بعد العبث الذي قدمته عليها لهذا لا تهمني في شيء

Quote: والله يا قيقا أنا شايف إنو حمور الاتبلّ ونشف كمان!!! ونحن في ديكـ الساعة لما (حمور) و(خالو) يتبلو ياخ!!

في دي معاك حق ..
الزول ممكن يغرق ذمتو عااادي









-------

Quote: ونحن كفيناك تعب البحث ياام يس هههههه

ان شاء الله بس تكون ضلاعتك في اللغة تكون لحدي معرفة معنى "حقوق فكرية"؟
عارف يعني شنو حقوق فكرية بالمناسبة!؟
و لّ (نحن) بتاعتك دي فيها منو تاني غيرنا انا و انت!؟

Quote: عارف يعني شنو حقوق فكرية بالمناسبة!؟

انا بعرف الحقوق الولغية بس .. واعتقد تابعة لحقوق الحيوان وليس الانسان ..والله اعلم..

ياقيقا ماتغير مسار البوست ..

لا بأس .. فخروج البوست عن مساره يغضب زهير أكثر مما يغضبني

يا ود القاضي حقك تخلي، حق الناس تشيل!؟

سؤالك دا اسي ما في التنك :

Quote: ياملاسي هل سمعت او جابو ليك التتار مارست الكذب ؟!!!

لابأس به ..

بس يهم د. السراج اكتر من ملاسي!











-------

نقعد نستعدل ليكم لمتين نحنا!!؟

هجمة مرتدة :D

Quote: صحفي بشهادة!! التيار أخيراً تمكن زميلنا حسين ملاسي من اجتياز امتحان القيد الصحفي.. ملاسي ظلّ يكتب عموداً راتباً في الصفحة الأخيرة من الزميلة السوداني لنحو عام من الزمان دون أن يعترضه مجلس الصحافة.. مبروك مستشار التحرير غير المتوج.

Quote: الذي حدث.. ان العمود لم يصل في الموعد المناسب للنشر.. فالتيار تطبع مبكراً بسبب جدول عمل المطبعة، وطبعا لم ينشر العمود

Quote: يقول الاخ عثمان إن مقالى لم ينشر لأنه وصل متأخرا، مع انه فى رسالة سابقة يعتذر عن عدم نشر المقال لعطل فى كمييوتره لم يمكنه من فتح بريده الالكترونى، فأى الكذبتين نصدق،

عدم تمكّن عثمان ميرغني من نشر المقالة لانّه لم يستطع فتح الرسالة على الإيميل وبالتالي لا يمكنه بعثها للصحفية لتطبع في موعدها كلام واضح ولا يتعارض مع تأخر وصول المقالة في الوعد المناسب لتطبع

لا كذب هنا بل قلة فهم

Quote: ام نصدق الكذبة الثالثة بان هيئة التحرير قد غضبت من نشر المقال فى (الراكوبة) فاجتعمت وقررت ايقاف عمودى عن النشر، علما بان الرسالة التى اعتذر فيها عثمان عن عطل جهازه كُتبت وأُرسلت بعد نشر عمودى فى (الراكوبة) وتعليق (السودانى) الذى لم اضطلع عليه،

غضب هيئة التحرير من نشر المقالة في الراكوبة بناءاً على معلومة مكذوبة تشير لوجود رقابة ذاتية لا يعني عدم وصول المقالة متأخراً لتطبع

رسالة عثمان ميرغي الإعتذارية بعد يوم من إرسالها لعدم تمكنه من فتح الرسالة وبالتالي لم تطبع لا علاقة لها بغضب هيئة التحرير من الإدعاء الكاذب بوجود رقابة ذاتية على مقالات زهير

Quote: ولم يذكر فيها عثمان اى شئ عن الغضبة المضرية لهيئة التحرير، بل أعلن ترحيبه بى مجددا ( الرسالة موجودة) وأمدنى بهواتف وايميلات الاساتذة الذين سأتعامل معهم داخل الصحيفة وهيئة التحرير فيما يخص المسائل التحريرية والادارية ..إلخ،

ليس هناك رابط بين غضبة عثمان ميرغني ورسالته الإعتذارية لعدم تمكنه من مد المقال لصحيفة في الوقت المناسب لتنشر
ومع ذلك حاول عثمان ميرغني أن يتم الموافقة على مواصلة زهير للكتابة في التيار إلا أنّ قرار الهيئة كان نهائياً

Quote: وكان في خاطري ان أعاود المحاولة مرة أخرى لاقناع بقية الزملاء باستمرار نشر العمود لكن بكل أسف لم يتم ذلك حتى الآن.

لا كذبة ثالثة هنا بل عدم فهم

Quote: البعرفو أنا و متأكد منو إنو التيار بتنشر أي حاجه و أي كلام و نقد للحكومة مهما كان قاسي و إنو فعلا عندهم هيئة تحرير و القرار ما في يد عثمان ميرغني براهو و إنو هذا العثمان ميرغني من أكتر السودانيين - إن لم يكن أكثرهم علي الأطلاق - مهنية في شغلو و زول دوغري و عديل و ما بتاع لولوه.

دللللللللللللل .. بضم الدال يا بروف !
دا كلللو عرفتو وانت فى امريكا هناك !!!
سبحان الذى سخر لنا هذا وما كنا له لمقرنين !
وانا الى ربنا لمنقلبون ، اللهم انا نسألك في سفرنا هذا البر و التقوى ،
ومن العمل ما ترضى ، اللهم هون علينا سفرنا هذا واطو عنا بعده ،
اللهم أنت الصاحب في السفر و الخليفة في الأهل ،












ـــــــــــــ
والله انا ما مستغربه الا من قصص القيد وكتابه الاعمدة البى 8
و10 مليون دى .. !! هو حال البلد بقا داير لى فضح ووجع يد وكتابه ؟؟
بالغتووالله .. الجرايد دى مفروض تتباع صفحات بيضاااااء فاقع لونها !
لانو حال البلد ابدا ما داير لى كتابة ومواهب ومهارات لما كمان جابت
ليها كوكبة .. وكركبة وشكل
يا دكتور ::
السودانى والتيار ثم من فى الخط ؟؟
غايتو يادكتور بعد دا ما شايفه ليك غير الراكوبة
ولا لسه ياربى فى زول بكون مشتهى لى نبذ ؟؟

و عليكم السلام يا دوك و لعلك بخير، و إن شاء الله الهيبرنيشن الجاي يكون أقصر وقتا

Quote: عندي سؤال عام عن عالم الصحافة في السودان، طالما جال ببالي عند رؤيتي لبعض المقالات التي يعاد نشرها من كتابها علي وجه الخصوص بعد ان تنشرها الصحيفة ما هي الضوابط التي يجب اتباعها و تتيح للكاتب اعادة نشر المقال بعد طباعته في الصحيفة؟ مثلا، هل هناك فترة زمنية معينة يجب ان تنقضي قبل اعادة النشر؟ الموضوع ده ما ليه دخل مباشر بموضوع البوست

طبعا أنا بكتب كيري ساي ما عندي قيد صحفي و الكلام ده ...و معلوماتي عن الضوابط السالتي عنهاأضعف من حمور قبل ما يمشي مصر !! فحا أجاوبك بما أظن ان أحسنت فمن الله و إن أسأت فمن ملاسي :
لو أنا بكتب عمود أو مقالات في صحيفة ما ممكن أنزلها في الأنترنت قبل ما أنزلها في الجريده البكتب فيها و الكلام ده د.زهير ذاتو عارفو بدليل إنو قال المقال اتنشر في الانترنت لانو كان قايلو already اتنشر في الجريدة ..الجرايد ما بتنشر مقال ولا عمود بايت إن شاء اتنشر قبل عشرة دقايق خليه يوم أو يومين ...

Quote: يا امين رايك شنو في الاجراء الاداري ده عموما كبروف ولغ عالم الصحافة مؤخرا؟

زي ما قلت ليك أخوك ما ضليع في القوانين و ضوابط الصحافة الاداريه دي لكن رايي لو كنت في هيئة تحرير التيار كنت برفض نشر المقال لانو اتنشر في النت لكن ما أظن تصل لمرحلة أيقاف دكتور زهير و منعه من الكتابة في التيار .
الشئ التاني إنو العالم الصحفي ده فيهو حاجات تحت تحت ما كلها بتتنشر و موضوع د. زهير مع التيار ده بكون فيه مية تفصيلة الناس ما عارفها .. الفلم ده ما بعيد يكون فيه حاجات كتيرة تانيه هي الادت لقرار الايقاف، لكن مما نشر ما شايف سبب لايقافو .

------------

Quote: ياامين يامتلولغ ..جاوب على الاستاذة رحاب وبلاش استوساخ من لا يستحق الاستوساخ .. احمد موسى ياقريبي بلاش تزنق قريبتي دي وتستـوســخ نيتها وهي نقية لاتقصد ..

ود القاضي يا حبيبنا ... الأستوساخ ده فضلة خير الدوك دي ذات نفسها... ياخي دي كان ولغت ليها في واحد من بوستاتا بترد ليك في تموز البعد الجاي... ده لو ما خلوك لكانون الأول !! عندها بوست اسمو كسور و بواقي فتحتو مما هي في الأحفاد ... بعد ما تولغ فيهو بقعدوك حولين كاملين عشان يقولو ليك شكرا علي مرورك !!
------------
هيثم العميق

Quote: رسالة للاستاذ زهير : بافتراض صحة كل الرواية - ياخي كن لطيفا في ابتزاز الاصدقاء !

------------

Quote: صحفي بشهادة!! التيار أخيراً تمكن زميلنا حسين ملاسي من اجتياز امتحان القيد الصحفي.. ملاسي ظلّ يكتب عموداً راتباً في الصفحة الأخيرة من الزميلة السوداني لنحو عام من الزمان دون أن يعترضه مجلس الصحافة.. مبروك مستشار التحرير غير المتوج.

الكلام ده لو مكتوب في التيار يبقي ما ليهم حق ... لانو أنا كتبت في التيار و لحدي ما مشيت مافي زول سألني من قيد صحفي !!
------------

Quote: دللللللللللللل .. بضم الدال يا بروف ! دا كلللو عرفتو وانت فى امريكا هناك !!!

يا ستهم ... لو ما كنت قاعد في أمريكا ما كان عرفت ذاتو !!
أنا بمشي السودان مرتين في السنه و حتي و أنا قاعد هنا عندي إتصالات مع جهات كتيره في السودان و من أغسطس 2006 لحدي أغسطس 2007 كنت شغال في السودان و قريت الجامعه في السودان يعني أنا عارف الشغل و الحاجات بتمشي كيف في السودان .. نحن كسودانيين عندنا مشكلة كبيرة جدا بتاعت مهنيه في الشغل ... الحاجات في السودان كلها شخصية إلا ما رحم ربي ... عثمان ميرغني ده فيما أري داخل في من رحم ربي حسب تعاملي معاهو !!

شكرا يا امين علي الرد، اكيد قانون انه اولوية النشر للجريدة ده مقنع و ما عليه اختلاف و في نظري واضح، و لكن هل هناك قانون يعطي للجريدة الحق الادبي لمدة معينة قبل نشر المقال خارج الصحيفة بضبانته?
مثلا في الدوريات العلمية، بمجرد نشر مقالك مع دورية يجب الالتزام بقوانين اعادة النشر، مثلا لا يمكن اعادة نشر المقال بكامله ولا حتي علي الانترنت ولا حتي بعد عشرة سنين، و اذا اعدت نشر اي جزء من المقال يجب الاشارة للدورية و هكذا، و الهدف هو حفظ حق الدورية او الجريدة و المحافظة علي استمرار رغبة القاريء باقتناء نسخة منها
ملاحظة للفرق بين طبيعة النشر في الدورية و في الجريدة، لكن لازم تكون في فترة زمنية محددة قبل اعادة النشر
بخصوص الخلاف، شكرا لتعليقك و اتفق معاك، ما استبعد ما قلت انه قد تكون في اسباب اخري لقرار الايقاف و لكن ما لينا الا بما ارتضي الطرفان ان يظهرا لينا، كان دكتور زهير كان ناس التيار بامكانهم نشر ما يمكنهم نشره حول الخلاف، لانه المشكلة وصلت العام. معاك انه الناس تتمهل في اطلاق الاحكام, خصوصا في غياب الطرف التاني

ـــــــــــــــــــــــــــ
يا ود الصايم، توسلات سااي؟ توسلات و ابتهالات و كله، اسي بروفسيركم ده كان زمته ما غريقة كان قال اتهمتها ساااكت بالاستوساخ، ياخ عجبني ليه الاتبل بسبب كلمة بروفسير دي، لوول
وين محمد اي سليمان، يعني ما فقدتوه ليه؟
ـــــــــــــــــــــــــ
يا فايز، شكرا ياخ علي جميل كلامك في حقي و كان اي زول مخه قال ليه استعمالي لكلمة ولغ عشان اشبه امين بالكلاب، دي مشكلة عويصة في مخ الزول ده، خصوصا بعد ما وضحت، و ربنا يعينة و يعينا علي قراء النوايا، و ما لي الا ان اقول
اللهم إنك أعلم بي من نفسي، و أنا أعلم بنفسي منهم، اللهم اجعلنا خيرا مما يظنون، و اغفر لنا ما لا يعلمون
ياخ انا بي لغتي التعبانة دي، سمعت بالمجاز و الاستعارة، اسي الشعراء ديل يكونو قاصدين يشبهو الدلو بال ك ل ب ولا شنو؟

دلوك دلو يا دليح سابغه في كل أرجاء القليب والغه
شر الدلاء الولغة الملازمه والبكرات شرهن الصائمه

ــــــــــــــ
يا احمد موسي
رايك شنو في كلمة الهايبرنيشن القالها بروف امين، موفقة من وجهة نظرك؟
يكون قصده انا دب ولا حيوانة ولا قصده اني بكتب في الصيف بس و بغيب الشتاء :)
______
غايتو الهيصة العملتها كلمة ولغ في البوست ده، تحير..

نسيت اشكر بكري للاستجابة و جلبه البوست للربع ده
مااا نعدمك يا بكري ياخ