Post: #2
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-28-2011, 03:18 PM
Parent: #1
موقع مايو كلنيك يشرف عايه أفضل أطباء العالم و أكثرهم كفاءة و اتباعا
للوسائل العلمية و التزاما بالضوابط المهنية و قواعد الممارسة الطبية
لذا فهو مصدر موثوق للمعرفة الطبية للمرضى و اقاربهم و للمهتمين بالثقافة
الطبية عموما.
و مع انتشار الشكاوي من الأخطاء الطبية في هذا الجزء من العالم الذي نعيش فيه
و مع تخلخل الثقة المفترضة بين الطبيب و مريضه فلا أقل إذن من أن يتزود المريض
ببعض المعرفة التي تمكنه من متابعة حالته و معرفة ما إذا كانت قرارات علاجه
متماشية مع الطرق العلاجية المتفق عليها.
الموقع يشرح الأمراض بلغة مبسطة بعيدة عن لغة المصطلحات المعقدة و يشرح اهم
الاعراض التي تصاحب الحالات المرضية المختلفة كما يزود المريض بأهم الاختبارات
المخبرية التي يجب أن تجرى في حالته و أهم الوسائل العلاجية الواجب اتباعها.
|
Post: #3
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-28-2011, 03:34 PM
Parent: #2
http://www.mayoclinic.com/health/symptom-checker/DS00671
على هذه الصفحة وضع القائمون على الموقع ما اسموه فاحص الأعراض
وضعت فيه بعض أكثر الأعراض شيوعا. بعد أن تقوم باختيار العرض أو الشكوى
التي تحس بها ينقلك الموقع لصفحة فيها بعض الأسئلة التي تهدف لتحديد أكثر
للشكوى بهدف تقليل قائمة الأسباب المحتملة و من ثم يمكن للمريض مراجعة
كل سبب على حدة لمعرفة ايها أقرب لحالته.
|
Post: #4
Title: Re: اذا كنت تقرأ بالانجليزية فضع هذا الموقع على مفضلتك.
Author: الفاضل يسن عثمان
Date: 09-28-2011, 04:27 PM
Parent: #3
thans
SAIEF Really very good website
thanks
|
Post: #5
Title: Re: اذا كنت تقرأ بالانجليزية فضع هذا الموقع على مفضلتك.
Author: smart_ana2001
Date: 09-28-2011, 04:52 PM
Parent: #4
سيف النصر محي الدينسلامات و شكرا جزيلا..الموقع فعلا مفيد جدا
المشكلة عندنا ان الدكاترة اصلا ما بيوروك عندك شنو عشان انت تقدر تتابع حالتك. و دى اكتر حاجة بترفع ضغطى عند التعامل مع الدكاترة....لانهم قروا طب متخيلين باقى العالم متخلفين عقليا.
الوصلة التانية ممكن تخلى الزول يحاول يعرف عندوا شنوا قبل ما يمشي الدكتور....اهم حاجه الناس تستخدمها بس عشان تاخد فكرة و ما غشان تشخص مرضها و تصرف الدواء و تاخده...زيارة الطبيب مهمة جدا
|
Post: #6
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-28-2011, 05:22 PM
Parent: #5
| Quote: Really very good website |
شكرا الفاضل.
|
Post: #7
Title: Re: اذا كنت تقرأ بالانجليزية فضع هذا الموقع على مفضلتك.
Author: Balla Musa
Date: 09-28-2011, 05:34 PM
Parent: #6
| Quote: المشكلة عندنا ان الدكاترة اصلا ما بيوروك عندك شنو عشان انت تقدر تتابع حالتك |
يا اسمارت انتى
تصدقى عندى إحساس منذ أن كنت فى السودان وبنتكلم فى راس المريض بالإنجليزى أننا فى السودان كأطباء شغالين بنظرية:
ضارى على شمعتك تقيد
والرزق يحب الخفية
القصد: لو اتكلمنا مع المريض ومايختاره من ذويه بكل تفاصيل مرضه وخطوات العلاج واحتمالات النتائج, احتمال كل مريض بعد مايشفى يمشى يفتح عيادة. وبى كدا نكون أكلنا نيم!!
تحياتى
|
Post: #8
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-28-2011, 06:06 PM
Parent: #7
سلامات يا اسمارت
| Quote: الوصلة التانية ممكن تخلى الزول يحاول يعرف عندوا شنوا قبل ما يمشي الدكتور....اهم حاجه الناس تستخدمها بس عشان تاخد فكرة و ما غشان تشخص مرضها و تصرف الدواء و تاخده...زيارة الطبيب مهمة جدا |
كلام مية مية.
|
Post: #9
Title: Re: اذا كنت تقرأ بالانجليزية فضع هذا الموقع على مفضلتك.
Author: Mahmoud Mustafa Mahmoud
Date: 09-28-2011, 07:13 PM
Parent: #2
شكراً يا دكتور....الموقع فعلاً مفيد للغاية..
الممارسين الشطار زيك يا دكتورنا... تقع على عاتقهم مسئوليات جسام أقلها نشر الوعي والثقافة الصحية..
أفدنا كثيراً من الموقع...
فتقبل تحياتنا واحترامنا...
ودمت بخـــير وعافية
محمود
|
Post: #10
Title: Re: اذا كنت تقرأ بالانجليزية فضع هذا الموقع على مفضلتك.
Author: جعفر محي الدين
Date: 09-28-2011, 07:22 PM
Parent: #9
شكرا دكتور سيف النصر
على هذا الموقع المفيد
ظللنا في البيت نتابع برنامج دكتورز لوقت طويل
وقد أستفدنا منه غاية الاستفادة
من جل حياة صحية أفضل لجميع أفراد العائلة
بس المشكلة الواحد بعد الكبر الحصل علينا دا
كل ما نسمع حاجة نقول ياهو دا ذاتو الماسكني
|
Post: #11
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-28-2011, 07:37 PM
Parent: #10
برضو يا بلة ما تنسى انو حكاية الانجليزي دي و الغموض المفتعل
هو ايضا لزوم البرستيج و اضفاء جو من الاهمية على اصحاب المعاطف البيضاء.
|
Post: #12
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-28-2011, 08:51 PM
Parent: #11
| Quote: الموقع فعلاً مفيد للغاية |
استاذنا محمود مصطفى
شكرا على التعليق و الافادة.
|
Post: #13
Title: Re: اذا كنت تقرأ بالانجليزية فضع هذا الموقع على مفضلتك.
Author: smart_ana2001
Date: 09-28-2011, 09:11 PM
Parent: #12
Quote: تصدقى عندى إحساس منذ أن كنت فى السودان وبنتكلم فى راس المريض بالإنجليزى أننا فى السودان كأطباء شغالين بنظرية:
ضارى على شمعتك تقيد
والرزق يحب الخفية |
لا خلاص كان كده...انا كنت فاكراكم مستبلدين الناس و قايلنهم ما ح يفهموا
انتو فى الحقيقة مستخونيين الناس
فى اخر زيارة للسودان طفلى ابو سنة وكم شهر جاتو دسنتاريا...مع انى كنت حريصة فى مياه الشرب و الاكل...لكن كنا بنمشي زيارات كتير و ذى ما عارفين احنا شعب كريم جدا و ما بنرضى الضيف يرفض العصير المقدم ليه حتى لو طفل عمره سنة...المهم ...مشينا لدكتورة فى شارع المعونة. و لانى قبل ما امشي ليها i did my home work ...و عرفت انواع الدسنتاريا المعروفة و اى منها صعب الشفاء منه و اى منها بيروح سريع بمضاد حيوي. و حضرت روحى للمساخة. اندهش جدا لما لدكتورة بكل روح طيبة بدات شرح لى انواع المرض و مفروض اتوقع زوال الاعراض متين و اعمل شنو فى كل حالة. حقيقى اندهشت جدا خاصة و ان الوالده قبل يومين بس كانت عند كتور اخصائي كبير و رجعت بدواء قيمته اكتر من 200 الف و ما عارفه عنددها شنو.
عشان كده ما عاوزين نعمم ونزعل مننا الدكاترة....فيهم ناس بروفشنال جدا
|
Post: #14
Title: Re: اذا كنت تقرأ بالانجليزية فضع هذا الموقع على مفضلتك.
Author: Solafa Alagib
Date: 09-28-2011, 09:47 PM
Parent: #13
Dear Saif Alnaser,,, it is really so informative and rich web site,, as am a medical doctor doing my specialty in community health depending on health education and increasing the community awareness regarding health issues,,, it is an innovative work, which indeed will add much to our knowledge, and Mayo Clinic such as (The lancet)and (HINARI)web site from WHO are a published sites for many many health and hygienic programs,,, so receive my big thanks
.
Dr.Sulafa Elagib Ahmed
|
Post: #15
Title: Re: اذا كنت تقرأ بالانجليزية فضع هذا الموقع على مفضلتك.
Author: Solafa Alagib
Date: 09-28-2011, 09:51 PM
Parent: #14
My dear Smart,
,,how are you,, hope to be fine, I just want to state that the medical doctors never aimed in using vague language in front of their clients,,,simply it is the (Jargon)we taught by,, and as all you know the Latin words is differ from those English one ..so it is one of the patient’s right to ask the doctor about his actual diagnosis and the doctor could answer ,,, may be some did not
D.Sulafa
|
Post: #16
Title: Re: اذا كنت تقرأ بالانجليزية فضع هذا الموقع على مفضلتك.
Author: Solafa Alagib
Date: 09-28-2011, 09:54 PM
Parent: #15
As I know it is a little bit dangerous to gain your knowledge regarding health problem you complain about,,form internet or TV programs.
Dr.Sulafa
|
Post: #17
Title: Re: اذا كنت تقرأ بالانجليزية فضع هذا الموقع على مفضلتك.
Author: Elawad
Date: 09-28-2011, 10:10 PM
Parent: #16
شكرا يا سيف على الموقع المفيد جدا.
بالنسبة لموضوع تعامل الدكاترة مع المرضى في السودان و عدم التفصيل في شرح المرض في تقديري السبب الأساسي بالنسبة للجيل السابق هو عدم اهتمام المرضى بمعرفة التفاصيل و ثقتهم المطلقة في الأطباء. برضه في عامل مهم جدا و هو عامل ثقافي بالنسبة لرد فعلنا لمن الواحد لا قدر الله يعرف عنده مرض خطير. الحكاية دي بتخلي عندنا الأسرة كلها ممكن تكون عارفة المريض عنده شنو و المريض ذاته ما يكون عارف. يعني هسع يا دكتور سيف و دكتور بلة لو جاكم زول و لا قدر الله لقيتوا عنده مرض مميت حتقولوا ليه مافي عوجة إن شاء الله و بتنادوا زول قريبه تكلموه بالحاصل و لو ما عملتوا كدا و كلمتوا المريض أهله حيقولوا بالله شوفوا الدكتور العجيب دا هسع في داعي يكلمه؟
|
Post: #18
Title: Re: اذا كنت تقرأ بالانجليزية فضع هذا الموقع على مفضلتك.
Author: smart_ana2001
Date: 09-28-2011, 10:23 PM
Parent: #15
معليش يا د. سيف النصر محي الدين على احتلال البوست...
سلامات يا د.سلافة ....مشتاقين...كميات.
ال patient’s right ان الدكتور يشرح ليه عنده شنو و خيارات العلاج شنو... و كل خيار نفعه شنو ...وضرره شنو. و من حقوق المريض برضوا ان الدكتور يديه فرصة يسال. معليش يا د.سلافة.....لكن حكاية انكم بتدرسوا باللاتينى دى ما عذر. كل الاطباء فى كل الدنيا بيدرسوا بالاتينى...لكن فى النهاية (اظن) ان مقدرة الطبيب فى الشرح للمريض بلغة بسيطة مفروض تكون واحده من مهارت الطبيب الاساسية.
| Quote: so it is one of the patient’s right to ask the doctor about his actual diagnosis and the doctor could answer |
I think the right phrase is :The doctor MUST answer
دى يا جماعة...صحتى...او صحة طفلى...اغلى ما ملك فى الدنيا. و من حقى افهم الحاصل فيها شنو وخيراتى شنو
فى البورد ده, كم مرة اتقال لى انى مخلوعة بامريكا. و انا حقيقي اتخلعت فى امريكا بمعاملة الاطباء. و فعلا المابتشوفوا فى بيت ابوك (وطنك) بيخلعك.
|
Post: #19
Title: Re: اذا كنت تقرأ بالانجليزية فضع هذا الموقع على مفضلتك.
Author: smart_ana2001
Date: 09-28-2011, 10:30 PM
Parent: #18
Quote: As I know it is a little bit dangerous to gain your knowledge regarding health problem you complain about,,form internet or TV programs.
Dr.Sulafa |
طيب....مش احسن الدكتور يقول لى الحاصل شنو?
الموت علينا حق...و لو ح اموت احسن يقولوا لى ح تموتى...على الاقل ارتب حالى و اجهز اسرتى. لان الخيار التانى اكون جاهلة تماما و ده خطر برضو
كم مرة انا كنت مقلقة جدا على امور صحية و الكلام مع الطبيب و شرحه و صبره طمنى جدا و خلانى اعرف اسوا سناريو ممكن يحصل و برضوا افضل سناريو و بعده اتجهزت لكل واحد فيهم بالطريقة الصحيحة
|
Post: #20
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-28-2011, 10:35 PM
Parent: #18
Quote: بس المشكلة الواحد بعد الكبر الحصل علينا دا
كل ما نسمع حاجة نقول ياهو دا ذاتو الماسكني |
سلامات يا شيخ جعفر
عشان كده احسن تلقى مصدر موثوق منو تعمل من خلاله بحث عن حالتك بدل ما تتوتر و تقلق ع الفاضي.
وللا كيف؟
اتمنى لك الصحة و العافية.
|
Post: #21
Title: Re: اذا كنت تقرأ بالانجليزية فضع هذا الموقع على مفضلتك.
Author: خضر الطيب
Date: 09-28-2011, 11:51 PM
Parent: #20
الاخ د. سيف
لك التحيه والتقدير
مصداقا لحديثك واللنكات
في فترة عملى مع قناة ام بي سي تم انتدابى للعمل في مستشفى الملك فيصل التخصصي
لبدء مشروع الطب الاتصالى (Telemedicine) وكان الاول من نوعه في المنطقه
كانت كل العمليات والمحاضرات مشتركه بين مستشفى مايو كلينك وفلاديلفيا
انا لو ركزتا شويه كنتا بقيت استشارى بتاع كل حاجه , لووووز
شكرا د. سيف للمعلومات القيمه
|
Post: #22
Title: Re: اذا كنت تقرأ بالانجليزية فضع هذا الموقع على مفضلتك.
Author: Mohamed Yassin Khalifa
Date: 09-29-2011, 01:47 AM
Parent: #21
عزيزي الفاضل دكتور سيف.. ســـلامات
علم الـ Public Health أصبح علم حيوي في الدول المتقدمة لأنه يأتي في مرتبة
قريبة من علم الطب البشري ويتماشى معه في تقدمه وتطوره لخدمة المجتمع. وفي
بوسطن تلاحظ مجاورة كلية الطب مع كلية الصحة العامة بهارفرد وإشتراك الطلبة
في عدد من المحاضرات والفعاليات المشتركة.
وكلنا نحفظ مقولة "الوقاية خير من العلاج" ولكن إن قدر الله ومرضنا فعلينا
قدر المستطاع أن نسعى لعلاج أنفسنا عند الطبيب... ومثل هذا الموقع يعطينا
فكرة عن نوعية الأمراض وأعراضها وكيفية علاجها بصورة عالية لن تغنينا عن
زيارة الطبيب ولكنها ستعطينا فكرة عامة قد تساعد في تعجيل الشفاء وربما
عدم إنتقال العدوى أو بالإلتزام الصارم للعلاج الذي يكتبه الطبيب.
كتر خيرك يا سيدي وأعدك بأن أتصل بعدد من الأصدقاء المترجمين في مايو كلينك
لحثهم على ترجمة هذا الموقع الهام والحيوي إلى اللغة العربية.. وتســلم
|
Post: #23
Title: Re: اذا كنت تقرأ بالانجليزية فضع هذا الموقع على مفضلتك.
Author: Gaafar Ismail
Date: 09-29-2011, 04:57 AM
Parent: #22
الحبيب دكتور سيف
أتمنى أن تكون والأسرة الكريمة بخير
شكرا جزيلا على إرشادنا لهذا الموقع المفيد جدا
تقبل تحياتي لك وللأسرة
|
Post: #24
Title: Re: اذا كنت تقرأ بالانجليزية فضع هذا الموقع على مفضلتك.
Author: عائشة موسي السعيد
Date: 09-29-2011, 10:32 AM
Parent: #23
الشكر والتقدير سيدي
كنت أبحث عن هذا اللنك
|
Post: #25
Title: Re: اذا كنت تقرأ بالانجليزية فضع هذا الموقع على مفضلتك.
Author: سيف النصر محي الدين
Date: 09-29-2011, 02:27 PM
Parent: #24
سلامات يا دكتورة سلافة
الموقع موجه في الأساس للمريض (patient oriented) لذا تمت صياغته بلغة
واضحة مع الاشارة المستمرة لضرورة مراجعة الطبيب المختص و كيفية الاستعداد
لزيارته بالتحضير المسبق.
| Quote: As I know it is a little bit dangerous to gain your knowledge regarding health problem you complain about,,form internet or TV programs. |
اتفق معك إن كان مصدر المعلومة غير متخصص و يعتمد القيل و القال لا الدراسات
المعتمدة و المصادر الصحيحة.موقع مايو كلينيك لا ينطبق عليه هذا الكلام بالطبع.
أرجو أن نراك مساهمة بفاعلية في التثقيف الطبي و الصحي بحكم تخصصك.
|
|