Post: #1 Title: الصحافة: مجسم للكعبة في الساحة الخضراء ب100 مليون جنيه لتدريب الحجاج!! Author: أيزابيلا Date: 09-27-2011, 12:10 PM
اقامت وزارة التوجية والاوقاف والهيئة العامة للحج والعمرة ولاية الخرطوم مجسماً لبيت الله الحرام بقيمة 100 الف جنيه على الجزء الشرقي من الساحة الخضراء بغرض تدريب الحجاج على كيفية اداء مناسك الحج، وكشفت ان عدد حجاج الولاية بلغ 9522 حاجاً، وحذر وزير التوجيه والاوقاف عثمان الكباشي أمس، من وصفهم بـ»المتنطعين وانصاف المتفقهين « من استصدار الفتاوي المضللة للحجيج ،ودعا امراء الافواج لجلب الحجاج الى المجسم للتعرف على كيفية اداء المناسك . من جانبه، اكد مدير هيئة الحج والعمرة ولاية الخرطوم، الدكتور علي شمس العلا ،ان الهيئة اقامت المجسم بتكلفة 100 الف جنيه الغرض منه تعريف الحجاح على كيفية اداء مناسك الحج لادائها بصورة صحيحة .
Post: #5 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 12:38 PM Parent: #4
تعليق من احد الأصدقاء في الفيسبوك:
وانتا قايلهم عملو المجسم من الأول ليه؟ بكرة صيانة، وبعدو توسعة، وقبر الرسول، وجبل حراء، وغار ثور، والصفا والمروة، ومجسم لكنيسة المهد للإخوة المسيحين عشان ما يحسوا بالاضطهاد ... ياخ دي عالم مبدعة الله لا يحرمنا منهم.
Post: #6 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عبدالله شمس الدين مصطفى Date: 09-27-2011, 12:46 PM Parent: #5
!!!!!!!! وهل وردتهم شكاوى أو (لفت نظر) حول الأداء الخاطئ للشعيرة من قبل بعض الحجيج السودانى؟؟!! ألا يكفى (مجسم الجحيم) الذى نصبوه فى السودان ولم يسلم من ناره أحد؟؟!!! ترى كيف يكون السفه إن لم يكن هكذا؟؟!!!
Post: #7 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بدر الدين محمد Date: 09-27-2011, 01:07 PM Parent: #6
دكتورة شذى أزيك .. صدقي الناس ديل لو زادوا المبلغ شوية كان أجروا الكعبة الحقيقة .. عموماً هذه أبواب لسرقة أموال الشعب السوداني المغلوب على أمره .. تحياتي لك مرة أخرى..
Post: #8 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: محمد إبراهيم علي Date: 09-27-2011, 01:08 PM Parent: #6
هي عبادة الاصنام دي بدت كيف ؟ ما في واحد صحا الصباح وقال يا الله انا دربك دا مفارقو وقررت انو اعبد صنم ولكن بدأت بافكار مثل هذه والمثل بقول (الطريق الى جهنم مفروش بحسن النوايا)
Post: #9 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: منتصر عبد الباسط Date: 09-27-2011, 01:11 PM Parent: #6
في واحد قبل يومين رفع بوست بأن حكومة المؤتمر الوطني ستورث الدور السورى في الربط بين ايران وحزب الله وحماس.... فربما هذا يولد حالة خصام مع السعودية ...فقيادات المؤتمر الوطني تستعد لبديل للحرم المكي ربما... عبد الملك بن مروان لما سيطر عبد الله بن الزبير على مكة وجعلها عاصمة للخلافة الاسلامية حاول عبد الملك بن مروان ايجاد بديل يجذب الناس اليه ويعوضهم فقد الحرم المكي ...ويصرفهم عن الذهاب لمكة وسماع خطب عبد الله ابن الزبير التي ينال فيها من الامويين ... فقا م عبد الملك بتكليف ابنه الوليد ببناء قبة على الصخرة التي عرج عليها النبي صلى الله عليه وسلم وهي قبة الصخرة الموجودة قرب المسجد الاقصى المبارك ...فكان عبد الملك يذهب وهو حاشيته في ايام الحج ويطوفون حول قبة الصخرة ويذبحون في يوم عيد الاضحى ويشجعون الناس على الذهاب للقدس بدل مكة للاسباب السابق ذكرها .ذكر كلام بهذا المعنى ا بن كثير في تاريخه(البداية والنهاية) وهسع الكيزان شكينا محنهم لي الله السوهو دا كلام فيه تعدي سافر على حرمات شعاير الله معقول دا حصل ؟! لو حصل والله مهازل
Post: #10 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Abd-Elrhman sorkati Date: 09-27-2011, 01:18 PM Parent: #9
Quote: الخبر اعلاه لم يكتبه الفاتح جبرا...
تحياتي ،،،، الفاتح جبرة بكل ما له من خيال واسع وأفكار مميزة أجزم انه لا ولن يستطيع أن يفكر في مثل هذه
الشياطين وحدهم هم من يستطيعوا ان يجودو بهذه الافكار ،،،،،،
هي لله هي لله
Post: #12 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: حيدر حسن ميرغني Date: 09-27-2011, 01:30 PM Parent: #9
Post: #14 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 01:34 PM Parent: #11
أزيكم يا جماعة المحيرني مية مليون يعني لو جابو كعبة تبخ مالو
....... المشكلة المية مليون دى تكون لكعبة تبخ!!!
Post: #16 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أحمد أمين Date: 09-27-2011, 01:51 PM Parent: #14
يا شذي كيفك لا تستغربي في هؤلاء الناس، ربما اصبحوا شيعه وهذه (البدعة) حسب اهل السنة قامت بها ايران.... وماتسبعدي انو يكون التمويل ايراني...............
طيب مايعملوا ليهم حج (سوفتوير) برضوا بيساعد فى التدريب....
Post: #15 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-27-2011, 01:40 PM Parent: #11
Quote: وحذر وزير التوجيه والاوقاف عثمان الكباشي أمس، من وصفهم بـ»المتنطعين وانصاف المتفقهين « من استصدار الفتاوي المضللة للحجيج ،ودعا امراء الافواج لجلب الحجاج الى المجسم للتعرف على كيفية اداء المناسك .
الحديث اعلاه لا يصدر الا عن متنطع بس!!
و من الذي قال ان مناسك الحج محصورة في الكعبة او في الحرم فقط!؟
وين منى؟ وين عرفة؟ وين مزدلفة؟
و ين مسجد نَمِرة ، و مسجد الخيف؟
لو ما متنطع خليهو يحدد لي المساجد دي بتقع وين من التلاتة اعلاه؟ و وين بقع المشعر الحرام!؟ و وين الجمرات!؟
دي بالذات خلي يشوف ليها متبرعين اتنين معاو هو .. خلوا الحجاج يتدربوا ياخ! .. عشان ما يجلوا الشياطين بي جاي ياخ!
Post: #17 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: abubakr salih Date: 09-27-2011, 02:12 PM Parent: #15
و رسوم اللفة كم؟ أكيد فى رسوم فى الموضوع، كان ما هسه بتجي فى اللفة.
------ يا دكتورة ياخي لينا طولة و الله.
Post: #18 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: ALZOLZATOO Date: 09-27-2011, 02:16 PM Parent: #15
هذا مع العلم ان التدريب على رمي الجمرات سيكون يوم 10 و 11 للمتعجل ويوم 12 لغير المتعجل بجبال المرخيات
على غير الحجاج المتدربين الابتعاد عن المنطقة المذكورة حفاظا على ارواحهم وممتلكاتهم
تحياتي
زاتوووو
Post: #19 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Hani Arabi Mohamed Date: 09-27-2011, 02:23 PM Parent: #15
حكيت الخبر لمن معي ، ويتفاوت حالهم الآن بين البكاء والضحك
Post: #20 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 02:31 PM Parent: #19
خبر يستهلك طاقة الزول الابداعية :)
__________ بكرى علوم ازيك ياخى ومبروك البنوتة
Post: #21 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 02:36 PM Parent: #20
كمان لو ساقوهم القصر لرمي الجمرات يكونوا ما قصروا
________ الخبر دة حماني الشغل الليلة! لكن نستاهل
Post: #22 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بشير أحمد Date: 09-27-2011, 02:46 PM Parent: #20
ياجماعة كدي بالهداوة
ايام كنت بالمدرسة الابتدائية 79-85 كان عندنا مجسم للكعبة وشعائر الحج جميعها ؛ واستمرت حتي مغادرتي سنة سادسة
طيب الناس الزعلانين زعلانيين عشان:
صرف 100مليون عشان عملوا الكيزان
مجسّم للكعبة لايجوز
واظن الاجابة الاولي والتانية هي الارجح.
____________
التعديل لزيادة حرف وحذف كلمات زي الزفت.
Post: #23 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عثمان الشيخ Date: 09-27-2011, 02:47 PM Parent: #20
لا عرفت اضحك ولا ابكى ولا اقطع هدومي هسه الطواف في الكعبة عاوز ليهو تدريب ؟ بكرة كمان يقولو عاوزين يعملو مجسم لعرفات لكن انا بقترح عليهم بشكل عاجل يعملوا مجسم لرمي الجمرات (الشيطان ) ومدير الحج ومدير الاوقاف يقيفو في مكان المجسم عشان الناس تتدرب على رمي الجمرات
Post: #24 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 02:51 PM Parent: #23
Post: #25 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Haitham Elsiddiq Date: 09-27-2011, 02:55 PM Parent: #24
سلامات يادكتورة....
واللة ضحكت أمن قربت أقع...
ياخ دة إبداع يفوق الخيال وحد التصور....
الناس ديل قدر مانقول مفاجئاتهم كملت يجوك بواحدة أقوي...
ياخ مبالغة واللة الناس ديل....
أضحك اللة سنك يادكتورة وشر البلية مايضحك...
Post: #26 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 02:57 PM Parent: #24
Quote: «أحسن وسيلة لمحاربة الغلاء هي المقاطعة لبعض السلع لفترات محدودة مثل ما حدث في مقاطعة اللحوم، وهي وسيلة فعالة لهبوط أسعارها، ولكن الأسلوب الأمثل هو تقليل الاستهلاك»
__________ زي ما قال صاحبنا...غالبا يفكر هذا الرجل في حج محلي لمحدودي الدخل في سلسلة حلوله العبقرية
Post: #36 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Haitham Elsiddiq Date: 09-27-2011, 03:44 PM Parent: #26
Quote: «أحسن وسيلة لمحاربة الغلاء هي المقاطعة لبعض السلع لفترات محدودة مثل ما حدث في مقاطعة اللحوم، وهي وسيلة فعالة لهبوط أسعارها، ولكن الأسلوب الأمثل هو تقليل الاستهلاك»
unreal.... unbelievable.....
Post: #28 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 03:13 PM Parent: #24
Quote: ايام كنت بالمدرسة الابتدائية 79-85 كان عندنا مجسم للكعبة وشعائر الحج جميعها ؛ واستمرت حتي مغادرتي سنة سادسة
شكرا يا بشير أحمد :)
Post: #27 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: سيف النصر محي الدين Date: 09-27-2011, 03:07 PM Parent: #23
Quote: ايام كنت بالمدرسة الابتدائية 79-85 كان عندي مجسم للكعبة وشعائر الحج جميعها ؛ واستمرت حتي مغادرتي سنة سادسة
يا بشير كنت قاعد تجيب الحجاج تدربهم؟ المهم يا زول ما تنسى تطالب بحق الملكية الفكرية ههههه.
Post: #29 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 03:20 PM Parent: #27
Post: #31 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عبدالله عثمان Date: 09-27-2011, 03:24 PM Parent: #29
! Kidding me???!!!!!!!
Post: #30 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-27-2011, 03:24 PM Parent: #27
Quote: «أحسن وسيلة لمحاربة الغلاء هي المقاطعة لبعض السلع لفترات محدودة مثل ما حدث في مقاطعة اللحوم، وهي وسيلة فعالة لهبوط أسعارها، ولكن الأسلوب الأمثل هو تقليل الاستهلاك»
بالجد حاجة تحير!!
بلد فيها بروف محمد هاشم عوض، و الكرسني ، و الحردلو و عيييييك .. ؤ حاكما زول بالضحالة دي!؟
--------
شذى بلة يوم بتعوقي ليك زول بطريقتك دي
Post: #32 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 03:29 PM Parent: #30
____________ الكلام ليك يا قيقا :)
Post: #34 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 03:37 PM Parent: #32
كعبة بهذه الضخامة..وفي هذا الموقع الأستراتيجي اتوقع ان تصبح معلما من معالم الخرطوم...
__________ واهو مية مليون ما خسارة
Post: #38 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Yassir Tayfour Date: 09-27-2011, 03:55 PM Parent: #30
فكرة جميلة ويا شذا وبقية العلمانيون والملاحدة، إنتو مالكم ومال بيت الله؟ مفروض قبل ما يعلموا فيها الناس الطواف، يعطوا الشعراء فرصة يعلقو فيها قصائدهم، عشان نعود للوراء قليلاً، ليأخذ المجسم البعد الجاهلي ؛) ___ تاني الحج من دقنو وأفتلو ؛)
Post: #93 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: محمد الأمين موسى Date: 09-28-2011, 05:47 AM Parent: #38
Quote: فكرة جميلة ويا شذا وبقية العلمانيون والملاحدة، إنتو مالكم ومال بيت الله؟ مفروض قبل ما يعلموا فيها الناس الطواف، يعطوا الشعراء فرصة يعلقو فيها قصائدهم، عشان نعود للوراء قليلاً، ليأخذ المجسم البعد الجاهلي
أن يعلقوا قصائدهم يا ود طيفور... لا بأس، ولكن أن يطوفوا عرايا... دي ما معانا!!!
Post: #33 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بكرى ابوبكر Date: 09-27-2011, 03:37 PM Parent: #27
علي شمس العلا التهامي
عثمان الكباشي
Post: #37 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 03:52 PM Parent: #33
Quote: بلد فيها بروف محمد هاشم عوض، و الكرسني ، و الحردلو و عيييييك..وحاكما زول بالضحالة دى .
البشير دة حيطتك القصيرة يا قيقا شوف زير المالية قال شنو:
وشوف تقرير صندوق النقد قال شنو:
وزير المالية قال متوقع النمو الاقتصادى يكون حوالى ٥٪ وصندوق النقد طلع تقريرو انو النمو الاقتصادي السوداني بالماينص -٢٪..
__________ صاحبي قال 5% هينة...ألحمد لله الوزير ما شالتو الهاشمية وقال النمو الاقتصادي حيكون 25%
Post: #35 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: محمد مكى محمد Date: 09-27-2011, 03:42 PM Parent: #27
نقاطه جديده :) رسوم متوقعه:- دمغة إفاضه دعم المشعرين رسوم الوقوف بعرفة رسوم المطوعين قزازة ماء زمزم ب 2000 جنيه. رسوم حلاقين للتقصير تمن ديك ابيض املح وله عرف للهدى مهن متوقعه:- مطوعين حمالين لكبار السن ناس لافين بيبعوا مويه ميقاتى (يحدد للناس مكان الاحرام) منظمات متوقعه:- هيئة دعم الطواف منظمة المشاعر الشريفة منظمة زمزم الخيرية للسقيا منظمة الصفوه والمروه وتعظيم السعى
Post: #39 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بشير حسـن بشـير Date: 09-27-2011, 03:57 PM Parent: #35
. . .
قويه ده !!!!!!!!!!!!!!!!!!!
تحياتى يا دكتوره . . .
Post: #40 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 04:02 PM Parent: #39
Quote: مفروض قبل ما يعلموا فيها الناس الطواف، يعطوا الشعراء فرصة يعلقو فيها قصائدهم، عشان نعود للوراء قليلاً، ليأخذ المجسم البعد الجاهلي ؛)
بما انو الحج موسمي اقترح استثمار الساحة الخضرا لانعقاد سوق عكاظ في بقية المواسم
او يعملو للكعبة دي عجلات ليسهل نقلها في غير المواسم!!
_____________ مافى داعي تورونا أسعار العجلات كم!!
Post: #43 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عاطف مكاوى Date: 09-27-2011, 04:08 PM Parent: #40
Quote: ولكن واحد من المشاكل التى نخشى وقوعها حديث البعض عن تدخل الدولة لدعم الأسعار، وهذا أسوأ حاجة يمكن أن تعملها الدولة وهذا يعني الدعم غير المباشر وأنا أعتبره ظلما للفقراء وظلما للدولة لأنك تدعم الاستهلاك والمستهلكين هم أصحاب الدخل العالي. أنا مثلا لو دعمت البنزين، فالذي يستخدمه هم أصحاب السيارات من المستطيعين على حساب الفقراء. وإذا دعمت السكر من الذي يستخدم السكر أكثر الفقير أم الغني.
Quote: * الإنقاذ لها أكثر من عشرين عاماً بالسلطة.. لا يمكن أن يكون كل قياداتها أطهار لدرجة ألا يحاكم أحد من قادتها طوال هذه الفترة الطويلة؟
- رد ساخراً: طيب إذا ما في مفسدين كبار نحن نخلقهم؟!!!!
Post: #41 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: البحيراوي Date: 09-27-2011, 04:06 PM Parent: #39
والله يا جماعة الحجاج ديل كان خطوا الأمراء ديل حجهم يكون مية المية
يا أخي ديل مما ينزلوا بالسعودية همهم كله باب شريف وهاك يا عمة وهاك يا رصيد وهاك يا توب
وآخر حاجة يمسكوا الإستبيان ويعبوهو بالطريقة العايزنها
* أهـ يا جماعة ناس الخرطوم ديل نجرهم إتعرف - ألحقوا ناس الولايات - بالله كل ولاية تنجر ليها مجسم بي كمين مليون وكذلك المحليات تلحقها العدوى وتبدأ في النجر يكملوا عليها الأشجار ذاتها
بحيراوي
Post: #42 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Balla Musa Date: 09-27-2011, 04:06 PM Parent: #39
Quote: وين منى؟ وين عرفة؟ وين مزدلفة؟
قيقا ياكوز
دا نظام شمس العلا أرسل ليك فى الخاص عشان تكتب المداخلة دى.. وبعدها يجى يقول: المافى شنو؟
منى ب 80 مليون ومزدلفة ب 20 مليون
وعرفة ب 200 مليون ( الحج عرفة)
وشعاره الحكومة تلبى مطالب الشعب!!
المشروع دا يعتبر مشروع رائد, منذ نزول الرسالة لم يفكر فيه أحد قبل حكومتنا الرشيدة.. لاتبخسوا الناس أشياءهم!!
إيزابيلا انتى حاسدة ول بغرانة؟؟
Post: #44 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 04:10 PM Parent: #42
Quote: المافى شنو؟
منى ب 80 مليون ومزدلفة ب 20 مليون وعرفة ب 200 مليون ( الحج عرفة)
أنا شايلة هم الكسوة السنوية يا دكتور بله
Post: #45 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بله محمد الفاضل Date: 09-27-2011, 04:23 PM Parent: #44
سيدنا القذافي بتاع ذكر أو أنثى داك ما قال للجماعة كل سنة تاعبننا حج حج نسوي ليكم الكعبة دي هنا وخلاص
أها ناس قشير ديل وبحكم الجيرة والحيرة اتبنوها يا زولة فيها حاجة دي بالله
أهو كلو توفير للمواطن من التعب والمساسقة
Post: #46 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: زهير الزناتي Date: 09-27-2011, 04:25 PM Parent: #44
بعيداً عن السخرية التي يستحقها هذا الخبر ... إلا إنه يكشف العقلية التي تدير الدولة الآن ... هي عقلية تقولبت علي حلب جيوب الناس والبسطاء وتحويل كل شئ إلي مصدر للجباية حتي الشعائر الدينية .... كل الإدارات الحكومية تبارت في إبداع أشكال مختلفة من الجباية وذلك لمجابهة المصروفات الباهظة لهذه الإدارة وهي في معظمها مصروفات غير ضرورية لتسيير دولاب العمل وإنما أبواب للفساد .... الإنقاذ نموذج حقيقي وقوي للدولة الفاسدة والفاشلة ....
شكراً يا دكتور علي هذا الخبر المضحك المبكي ...
Post: #48 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 04:29 PM Parent: #46
مشكلتى ما بعرف أرسم كاريكاتير
- كدى زول يجيب لينا عمر دفع الله!
Post: #57 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Nasr Date: 09-27-2011, 05:07 PM Parent: #46
والله دي قروش كثيرة جدا في مالوش لزوم خالص هل معقول في بلد ما قادرة تدفع أجور المعلمين دايرين بقروش الجبايات والضرائب يعلموا الناس الحج؟؟؟ كل هذه السرقة عيانا بيانا وبأسم الله؟؟؟؟؟ وفي إحدي شعائره؟؟؟؟
ثم ثانيا عايزين يحرموا الحجاج من متعة الدهشة وجلال التجربة وشوف الكعبة لأول مرة ليه؟؟؟
زي ما قال عثمان
Quote: هسه الطواف في الكعبة عاوز ليهو تدريب ؟
يوم واحد سمعتوا بحاج لف بالعكس؟؟؟ (ما عدا الزول اللقوه لافي بالعكس فقال إنه عمل لفة زيادة داير يعمل ليها ديليت) يوم واحد سمعتوا زول سقط في إمتحان الحج؟؟؟؟؟
دولة ما قادرة تعلم ناسها إنه لو في ناس كتار ركبوا في مركب (بأكثر من طاقتها) بتغرق بيهم
بلد مأزمة زي دا تتعمل (بدع) زي دي؟؟؟؟؟ دي ناس لا بتحس ولا بتفهم؟؟؟؟؟ ألهم لا تمحنا ولا تبلينا
Post: #47 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عمار عبدالله عبدالرحمن Date: 09-27-2011, 04:29 PM Parent: #44
لو فتح عطاء الحلاقين
كلموني
Post: #49 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بلدى يا حبوب Date: 09-27-2011, 04:33 PM Parent: #47
ايزبيلا سلامات الناس ديل انا خايف بعد شوية يقولوا الكعبة فى الساحة الخضراء والمدينة المنوره فى النادى الكاثلويكى (المؤتمر الوطنى ) ويعملوها حج عدييل حاجة تقرف تحياتى
Post: #50 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-27-2011, 04:34 PM Parent: #44
Quote: منى ب 80 مليون ومزدلفة ب 20 مليون
وعرفة ب 200 مليون ( الحج عرفة)
وشعاره الحكومة تلبى مطالب الشعب!!
80 مليون منى دي يقسموها على الشواطين التلاتة كيف اسي!؟
------
غايتو اقترح لناس مزدلفة لتحسن الدخل .. يشوفوا ليهم ترزي من (المتنطعين) يفتي بانو الحجار لازمن و حتمن تكون من عنديهم .. او تبطل الجمرات و احسبا براك 7+21+21+21 × عدد الحجاج الاجمالي × 10 جنية واحد ان شاء الله
بختهم غايتو ..
و يا ويل شمس و من يتبرع معه بدور شيطان (الوسطى) و (الصغرى) لانو جمرة العقبة دي محفوظة لصاحب الفكرة طبعاص .. حقوق فكرية ؤ كداكمان!
Post: #120 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: علاء الدين محمد بابكر Date: 09-28-2011, 07:45 PM Parent: #44
Post: #51 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: يوسف محمد يوسف Date: 09-27-2011, 04:35 PM Parent: #42
Quote: كعبة بهذه الضخامة..وفي هذا الموقع الأستراتيجي اتوقع ان تصبح معلما من معالم الخرطوم...
اها... و كسوة الكعبة دى ح تكون من وين ؟؟؟
Post: #52 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بله محمد الفاضل Date: 09-27-2011, 04:41 PM Parent: #51
Quote: اها... و كسوة الكعبة دى ح تكون من وين ؟؟؟
يا اخي معقول تسأل سؤال زي دا من حر مالم طبعاً ديل ما ناس بن الخطاب يا جنابو نسيت الكان بكسي الكعبة زمان منو بس جماعتنا ديل قالو يعيدو المجد الغابر وبالمرة يقربو البعيد
Post: #53 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 04:43 PM Parent: #51
البوست برُمّته أهداء ألى شمس العُلا
____ شكرا بكري علي الصور أنتو (الخضر...نافع...شمس العلا...ألخ الخ..) الناس دي صحي بتجيب الاسامي دي من وين
Post: #55 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Abdulrahman Gorashi Date: 09-27-2011, 04:58 PM Parent: #53
يا زولة يا ايزابيلا، الشغل دا اكبر من كدة. الناس ديل نظرتهم بعيدة، الناس ديل عايزين ينقلو كعبة ربنا للسودان. بكرة دي وحاتك ناس الجماعة ديلك اسمهم منو؟ اقصد هيئة علماء السودان بطلعو فتوة الحج امدرمان والوقوف بتوتي، ورمي الجمرات حيكون مقر الحزب الشيوعي السوداني، مجسم الكعبة دا بروفا ساكت الغريق قددام، شيلي الصبر.
Post: #56 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بله محمد الفاضل Date: 09-27-2011, 04:58 PM Parent: #53
أهو كمان برضك بعد مقدرتنا العجيبة في إعادة عصر الديناصورات والركوع لها ندخل بالمجسم دا موسوعة غينيس العالمية
يمكن تتسبب كمان في نهضة سياحية كبرى في البلاد بركاتك يا ثورة الإنقذاذ
Post: #54 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: mutwakil toum Date: 09-27-2011, 04:54 PM Parent: #51
واللهي فكرة كويسة الناس ملايين و الكعبة واحدة بدل الناس تمشي للكعبة الكعبة تجي للناس.. **
الرسوم للزول المشى الحج قبل كدة كيف؟
Post: #58 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بله محمد الفاضل Date: 09-27-2011, 05:08 PM Parent: #54
يا ربي يكون عندهم خبر بمعانأة الناس في السعودية حبو يجهزو ليهم سعودية تانية هناك بالمرة كمان حيعملو حرمين
ويا ناس جدة بشراكم باب شريف والكرنتينة قريباً في أم درمان
جاهزين للعودة الطوعية
Post: #59 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بشير أحمد Date: 09-27-2011, 05:08 PM Parent: #54
اها ياجماعة عايزين النصيحة ولاّ الجنبها ؟
النصيحة :
1/المجسم ما فوكا حاجة
2/100مليون جنيه كتيرة خالص وما مبلوعة والله.
_________
تحياتي؛؛؛
Post: #60 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 05:11 PM Parent: #54
Quote: بلد ما قادرة تعلم ناسا انو لو في ناس كتاار ركبو فى مركب بتغرق بيهم..
Post: #61 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: تبارك شيخ الدين جبريل Date: 09-27-2011, 05:13 PM Parent: #54
وإن ثاني بيتٍ وضع للناس ... للذي بمية مليون .... من قروشم ...
... المهم ....
Post: #62 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: د.نجاة محمود Date: 09-27-2011, 05:16 PM Parent: #54
Quote: المشروع دا يعتبر مشروع رائد, منذ نزول الرسالة لم يفكر فيه أحد قبل حكومتنا الرشيدة.. لاتبخسوا الناس أشياءهم!!
اكثر الحجيج نظاما وتنظيما هم حجيج ماليزيا ولديهم مؤسسة الحج تمتلك مباني بمليارات بها كعبة يتدرب فيها الحجيج على المناسك والنظام.. لم يحتج الشيوعين الماليزين على قيام هذه المؤسسة
اسوء الحجاج واكثرهم بشتنة هم الحجيج السوداني
اناسعيدة جدا ان في جهة عايزة تنظم الحجيج واتمنى ان تقوم كل الولايات بهذه الخطوة الممتازة
اصلو الاسلام ما بتحارب في السودان لانه متغلغل في النفوس والقلوب
Post: #64 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 05:33 PM Parent: #62
محركات البحث (تفهم) انه لا توجد (كعبة) لتدريب الحجاج
انما هي لعبة!!!
__________ لعبة بمية مليون..في بلد معدل نموه الاقتصادي بالماينص
Post: #65 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: د.نجاة محمود Date: 09-27-2011, 05:47 PM Parent: #64
Quote: لعبة بمية مليون..في بلد معدل نموه الاقتصادي بالماينص
للدقة فقط معدل النمو الاقتصادي في السودان ما بالناقص
Quote: قرير دولي: (6.1%) نسبة نمو الاقتصاد في السودان 2010-01-16 02:56:48 توقع تقرير دولي ارتفاع معدلات النمو في الاقتصاد السوداني خلال العام الحالي الى (6.1%) ومتوسط نمو خلال الأعوام 2011 الى 2014م بنسبة (5.1%) رغم ما اسماه التقرير تزايد المخاطر التي قد تكتنف الانتخابات التي ستجرى في ابريل المقبل، وأشار تقرير بتنبؤات الاقتصاد السوداني للعام 2010م الذي صدر أمس في لندن ونشر في موقع «كمبيوتر آند ماركس» أن الاقتصاد السوداني تحسن بشكل كبير خلال الأشهر الماضية رغم الأزمة التي ضربت الاقتصاد العالمي العام 2009م حيث ارتفع الناتج القومي من (3.2%) الى (4.3%) بسبب ارتفاع اسعار النفط. وتوقع التقرير تحسن الاقتصاد بصورة افضل لتحسن العلاقات مع واشنطن، كذلك التوسع في برامج استكشاف النفط ورفع بعض العقوبات الأمريكية على السودان انفاذاً لتوجيهات المبعوث الحالي سكوت غرايشون. [/QUOTE ودي للامانة والتأريخ
Quote: اذا تقول الاستخبارات الأمريكية والبريطانية عن نمو الاقتصاد السوداني؟ .. بقلم: د. محمد وقيع الله
يعشق الكثير من عوام السودان وسياسييهم أن يتحدثوا حديث عاطفيا عفويا مرتجلا في شؤون الاقتصاد الكلي بلا أدنى دراية به.
ومن هؤلاء من يعتقدون أن نمو القطر لابد أن ينعكس يوميا على (قفة الملاح) وعلى الصرف في الرفاهيات.
وهذا منطق حلو ولكنه لا يصح في مسائل الاقتصاد، فعلم الاقتصاد يتحدث عن ضرورة الادخار، وحتمية ذلك كشرط لازم لمواصلة النمو, فلابد من الادخار وإعادة استثمار المدخر حتى يتحقق النمو المستدام.
وفي هذا المدى يجب الحذر دائما من أن يتم استهلاك كل الانتاج في اللحظة والتو، لأن عاقبة ذلك هو الإنتكاس يليه الإفلاس.
وهذا المنطق الاقتصادي العلمي المبدئي في موضوع الادخار والنمو المستدام تفهمه بالسليقة طوائف التجار، ويحذقه رجال الأعمال الناجحون، ويحتذيه الناجحون من المواطنين العقلاء المدبرين، الذين يضحون بشيئ من رفاهية الحاضر في سبيل مستقبلهم ومستقبل أبنائهم.
ولكن قلما يعي هذا المنطق الاقتصادي العلمي الراقي السياسيون الفاشلون المزايدون على الإنقاذ من أمثال الصادق المهدي وياسر عرمان ومن لف لفهما من الأخسرين أعمالا.
ويأتيك بأخبار الاقتصاد من لم تزود:
وقد تأكد أخيرا لقوى الاستخبارات الدولية أن الاقتصاد القومي السوداني هو بخير وتعاف مستمر، وأنه يواصل نموه الآمن المطرد بسبب من تدوير الدولة للمدخرات في الإنتاج، وفي تأسيس البنيات الأساسية للنمو المستقبلي، لا سيما في مجالات تعبيد الطرق، وبناء الجسور، وإقامة السدود، وإنتاج الكهرباء.
وفيما يلي نقدم للأذكياء والجادين من المواطنين ومن يهتمون بالمنطق العلمي الكلي للإقتصاد بعض الاحصاءات الصادرة عن دوائر الاستخبارات الغربية عن ظاهرة النمو المطرد للاقتصاد السوداني.
إفادة الاستخبارات البريطانية:
نشرت أخيرا وحدة الاستخبارات الاقتصادية في بريطانيا
Economist Intelligence Unit
احصاءاتها عن النمو الاقتصادي السوداني فيما بين عامي 2005- 2009م، وقالت إن إجمالي الإنتاج الداخلي وصل في عام 2009م إلى 92.38 بليون دولار، بنسبة نمو تصل إلى 1.40 بالمائة من العام الماضي.
وقالت إن إجمالي الإنتاج الداخلي وصل في عام 2008م إلى 87.92 بليون دولار. بنسبة نمو تصل إلى 4.30 بالمائة من العام الذي سبقه.
وإن إجمالي الإنتاج الداخلي في عام 2007م بلغ 80.71 بليون دولار. بنسبة نمو تصل إلى 7.82 بالمئة من العام الذي تقدمه.
وإن إجمالي الإنتاج الداخلي لعام 2006م وصل إلى 71.19 بليون دولار. بنسبة نمو تصل إلى 8.89 بالمائة من العام الذي سبقه.
وإن إجمالي الإنتاج الداخلي في عام 2005/ بلغ 61.96 بليون دولار. بنسبة نمو بلغت 4.13 من العام السابق له.
العام جملة الإنتاج الداخلي ببلايين الدولارات الأمريكية نسبة النمو الإنتاجي
2005 61.96 4.13
2006 71.19 8.89
2007 80.71 7.82
2008 87.92 4.30
2009 92.38 1.40
Source: EIU Country Data
Sudan GDP PPP & GDP Growth Rates
2005 - 2009
ثم قدمت هذه الوحدة الاقتصادية الاستخبارية البريطانية نبوءاتها بأن يستمر النمو الاقتصادي السوداني بلا اتنكاسات خلال السنوات الثلاث القادمة، ولكن في حدود متواضعة حيث تنبأت بأن يكون في حدود اثنين بالمائة.
وهذا هو نص تقديراتها التنبؤية لهذه الأعوام الثلاث القادمات:
المؤشرات 2009 2010 2011
نسبة النمو السنوي الحقيقي لإجمالي الناتج المحلي 1.40 2.40 1.30
إفادة وكالة الاستخبارات الأمريكية:
أما وكالة الاستخبارات المركزية الأمريكية فقد جاءت تقديراتها للنمو الاقتصادي السوداني خلال الأعوام الثلاث الأخيرة بزيادات طفيفة عما ورد في تقديرات الوحدة الاقتصادية الاستخبارية البريطانية.
إذ ذكرت أن إجمالي الإنتاج المحلي السنوي السوداني بلغ 92.83 بليون دولارا في عام 2009م.
وكان قد بلغ 89.43 دولارا في عام 2008م.
بينما كان قد وصل إلى 83.89 دولارا في عام 2007م.
GDP (purchasing power parity):
$92.83 billion (2009 est.)
country comparison to the world: 70
$89.43 billion (2008 est.)
$83.89 billion (2007 est.)
note: data are in 2009 US dollars
وأما عن نسب النمو السنوي للإقتصاد السوداني فقد كانت تقديرات وكالة المخابرات المركزية الأمريكية أعلى من تقديرات الوحدة الاقتصادية البريطانية، إذ جاء فيها أن نسبة النمو الاقتصادي السوداني لعام 2009م بلغت 3.8 بالمائة.
بينما وصلت في عام 2008م إلى 6.6 بالمائة.
وكانت في عام 2007م انتهت إلى 10.2 بالمائة.
GDP - real growth rate:
3.8% (2009 est.)
country comparison to the world: 42
6.6% (2008 est.)
10.2% (2007 es
وقد كانت إحصاءات وكالة الاستخبارات المركزية الأمريكية عن نمو الاقتصاد القومي السوداني أوفي وأدق من احصاءات الوحدة الاقتصادية البريطانية إذ تناولت أيضا مستوى نمو الناتج الفردي.
فذكرت أنه وصل في عام 2009م إلى 2.300 دولار أمريكي.
وكان في عام 2008م بمستوى 2.200 دولار أمريكي.
وفي عام 2007م بمستوى 2.100 دولار أمريكي.
GDP - per capita (PPP):
$2,300 (2009 est.)
country comparison to the world: 181
$2,200 (2008 est.)
$2,100 (2007 est.)
note: data are in 2009 US dollars
استخلاص:
وهكذا نرى أن الأحاديث العاطفية العفوية المرتجلة في شؤون الاقتصاد القومي لا تجدي شيئا، ولا تصور الأمر على حقيقته، ولا يعدو المتحدثون بها أن يصوروا الأمر تصويرا جزئيا على مثال العميان أصحاب الفيل.
أما الأحاديث التي أسلفناها فهي أحاديث الأرقام الموثقة، وهي الأرقام التي جمعها وحللها من ليست لهم شبهة حب أو ود أو قربى بالإنقاذ.
وبهذه الأرقام الصحيحة الموثقة، التي نشرها على الملأ أعداء الإنقاذ، يتضح أن دولة الإنقاذ المباركة قد نهضت بالفعل- بفضل الله تعالى - بالبلاد والعباد.
وإزاء هذه الأرقام الموثقة لابد أن تخرس أحاديث المهرجين السياسيين المغرضين.
Post: #67 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 06:01 PM Parent: #65
Quote: للدقة فقط معدل النمو الاقتصادي في السودان ما بالناقص
Quote: قرير دولي: (6.1%) نسبة نمو الاقتصاد في السودان 2010-01-16 02:56:48
مليتى البوست بتقارير بايتة يا دكتورة
Quote: In its World Economic Outlook published this week, the IMF projected a negative real GDP growth for Sudan; -0.2% in 2011 and -0.4% in 2012.
Post: #66 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بله محمد الفاضل Date: 09-27-2011, 05:57 PM Parent: #62
Quote: اكثر الحجيج نظاما وتنظيما هم حجيج ماليزيا ولديهم مؤسسة الحج تمتلك مباني بمليارات بها كعبة يتدرب فيها الحجيج على المناسك والنظام.. لم يحتج الشيوعين الماليزين على قيام هذه المؤسسة
اسوء الحجاج واكثرهم بشتنة هم الحجيج السوداني
اناسعيدة جدا ان في جهة عايزة تنظم الحجيج واتمنى ان تقوم كل الولايات بهذه الخطوة الممتازة
اصلو الاسلام ما بتحارب في السودان لانه متغلغل في النفوس والقلوب
أشهد لهم بحسن التنظيم يا دكتورة لنا تعاملات معهم في تأجير فندق بمكة الغريبة اليوم أصدرت لهم شيك تأمين (شفتي كيف النظام، عشان يضمنو حسن التنظيم من مجاميعو في الفندق) وعموماً تنظيم جميع بعثات الحج عدا السودانية فإنه من أجمل ما يكون
يعني بي كدا يا دكتورة مؤيدة فكرة المجسم وإقامته
Post: #68 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: محمد الامين احمد Date: 09-27-2011, 06:08 PM Parent: #62
تحية طيبة للجميع
يا د. نجاة ، ارجوكى لا تقارنى بين ماليزيا و السودان ، ما ده اصل المشكلة
المشير البشكير مشى ماليزيا شاف جامعهم ، جه راجع السودان عمل جامع النور !
اسه يكون سمع ولا شاف حكاية التدريب ده فى ماليزيا ، و جاهو احمدى بتاع ايران ثبت ليهو
الفكره كمان
الكلام ادناه منقول
Quote: حجاج إيران يدربوهم ع الحج قبل مايروح الحج كيف؟؟
يودوهم ملعب كبير وحطو وسط الملعب كعبة بنفس الحجم الأصلي وراوهم كيف يحجو
يمثلوا في شرطة تباعدهم عن الحجر الأسود وشرطة تهشتهم << خخ
الجمهور إلي تشوفهم هم ديلا الحجاج
اخليكم وية الصور .....
Post: #63 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: خالد أحمد شطة Date: 09-27-2011, 05:30 PM Parent: #54
Quote: أنا شايلة هم الكسوة السنوية يا دكتور بله
ايزبيلا سلامات ياجماعه بعدين الغسيل والبخور كم التكلفه. وكم تكلفةالسعي والمروي ماتنسوا مقام ابراهيم.
Post: #69 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عوض محمد احمد Date: 09-27-2011, 06:15 PM Parent: #63
او يعملو للكعبة دي عجلات ليسهل نقلها في غير المواسم!!
مبااااالغة
Post: #70 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 06:22 PM Parent: #69
كعبة بمية مليون لهؤلاء:
Post: #72 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بلدى يا حبوب Date: 09-27-2011, 06:41 PM Parent: #70
اتذكر عام 2009 كنت فى زيارة الى مدينة كادوقلى واثناء تجوالى فى وزارة الاعلام والاتصالات وجدت مجسمات لاركان الحج صممت بصورة مبسطة فى الجزء الجنوبى داخل مبنى الوزارة استخدم فيها صناديق الاخشاب وافرع الاشجار الضخمة بجانب الاحجار الجبلية واستفادوا من مواردهم المحلية الاخرى لصنع هذه المجسمات وكان الغرض تدريب حجاج الولاية قبل السفر الى الاراضى المقدسة حقيقة اعتبر الفكرة جميلة وهدفها انبل ولا ننسى بعد المنطقة عن ولاية الخرطوم وعليه تصبح المعينات المساعدة لتعريف زوار بيت الله الكريم تكاد تكون معدوة مثل الصحف واذاعات FM وحتى القنوات الفضائية كثيرا ما تتاثر بالتيار الكهرباء وهنا لا جدال فى الفكرة ولكن ان يتم رصد 100 مليون لمجسمات الساحة الخضراء فهذا يندرج تحت مظلة النهب المضبط . تحياتى
Post: #71 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: جمال خضر Date: 09-27-2011, 06:27 PM Parent: #63
لك التحبة إيزابيلا يستخدمون المشاعر لدغدغة المشاعر وتمرير مخططاتهم لإستباحة المال العام الذى يذبحونه صباح مساء على مسمع ومرأى الجميع ودون أن تهتز لهم شعرة. إذا كان لا بد من التدريب يمكن بناء غرفة بالطوب الأحمر ثم تبيض وتُطلى باللون الأسود أو تغطى بدمورية مصبوغة باللون الأسود ولن تتجاوز التكلفة ال10 مليون جنيه بالقديم ويا دار ما دخلك شر .
Post: #73 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: محمد إبراهيم علي Date: 09-27-2011, 06:52 PM Parent: #71
مجسمات للكعبة بطريقة بسيطة وغير مكلفة وفي السودان !!!!
الصور الفوق ديل من القضارف
Post: #74 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-27-2011, 07:22 PM Parent: #73
سلامات يا دكتورة
Quote: اكثر الحجيج نظاما وتنظيما هم حجيج ماليزيا ولديهم مؤسسة الحج تمتلك مباني بمليارات بها كعبة يتدرب فيها الحجيج على المناسك والنظام.. لم يحتج الشيوعين الماليزين على قيام هذه المؤسسة
اسوء الحجاج واكثرهم بشتنة هم الحجيج السوداني
اناسعيدة جدا ان في جهة عايزة تنظم الحجيج واتمنى ان تقوم كل الولايات بهذه الخطوة الممتازة
اصلو الاسلام ما بتحارب في السودان لانه متغلغل في النفوس والقلوب
حكاية اكثر الحجيج نظاماً و تنظيماً دي ما بتقدري تقطعي بيها يا دكتر من موقع المقارنة او قيل المقاربة المافي بين ( الماليزي و السوداني) يصادف الخمسة سنة الاخيرة دي انا شغال في كل موسم الحج و من وسط المناسك منى - الجمرات هل شفتي الحجيج الاتراك!؟ و الله لو اتعمل جائزة لاخدوها كل الاعوام .. عموماً الحجيج الاوربي هم الارقى سلوكاً و تنظيماً في الحج و الاسوأ للحجيج المصري دون منازع ... و للامانة هم الاغلبية دائماً الايرانيين منظمين جداً رغم كثرتهم مما يسلب المصريين الحجة دي
مشكلة الحجيج السوداني دائماً في التنظيم ما السلوك .. و دي مسألة ادارية تتحملها الجهات الرسمية البصات دائماً متأخرة .. المساكن ######انة .. التفويج عذاب بس و دي عشتها مع والدة زميلة لينا هنا .. و الله العظيم لمن فكرت اكسل اي زول جاي يحج من البهدلة البهدلوها للناس ديل لا رحموا سنهم .. لا مشاعرهم .. لا ماعر اهلهم المقلقين عليهم بهناك!!
على الجهات المسئولة لو كانت تخاف الله ان تهتم بالجوانب دي .. دي مسئوليتهم المباشرة صحة و خطأ اداء المناسك ما مسئوليتهم .. و هنا المملكة ما مقصرة معاهم في الناحية دي في كل شبر متوفر مكتب للارشاد .. و المطوفين و المرشدين و قوات الامن و الدفاع المدني حتى متوفرة و في خدمة ضيوف الرحمن و بي بلاش خلي المنتفعين الشايلين قروش الناس يوفوا بالخدمات المناسبة .. اتقوا الله يا ناس في ضيوف الرحمن
سلام
Post: #75 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: ABDALLAH ABDALLAH Date: 09-27-2011, 07:22 PM Parent: #73
Quote: كعبة بهذه الضخامة..وفي هذا الموقع الأستراتيجي اتوقع ان تصبح معلما من معالم الخرطوم...
د. شــذى , سـلام حـسـب رأى الشـخصـى هـذا نفـس الـنهج الـذى ســلكه أبرهــه.
Post: #76 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عرفة محمد سعيد Date: 09-27-2011, 07:39 PM Parent: #73
هي الفكرة في حد ذاتها ما غريبة بس استثمار الفكرة لصالح جيوب افراد ده المستهجن
تحياتي يا شذى
Post: #77 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: زهير الزناتي Date: 09-27-2011, 08:44 PM Parent: #76
النجيضة يا ناس ..... التدريب مقابل مية الف جنيه ..... يعني المحصلة لحجاج ولاية الخرطوم قرابة المليار جنيه بالقديم يعني ربح عشرة اضعاف ...... واكيد التدريب اجباري ..... يعني حا تدفع حا تدفع .... طيب الواحد حقو يعمل ليهو واحدة قطاع خاص .... يلا يا جماعة عايزين شريك ..
Post: #78 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Emad Abdulla Date: 09-27-2011, 08:56 PM Parent: #77
كتر خيرهم , دايرين يعلمونا أمور ديننا .. نحنا عمبلوقات ساكت و دايرين إرشاد . ينصر دين الحيكومة .. و مزيد من التدريب .
............ خازوق لو عملوا تدريب عملي على ( كيفية عمل الختان ) !!
Post: #79 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Emad Abdulla Date: 09-27-2011, 08:59 PM Parent: #78
مثل شعبي : ( خناتة اولاد بخيتة , العاقل فيهم يعرض بالقلـوط )
Post: #81 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Nader Abu Kadouk Date: 09-27-2011, 09:23 PM Parent: #79
Quote: الفاتح جبرا مهاراتو طلعت متواضعة جدا!!
وينك يا حبيب الحق المولد ده.....
هههههههههههه
ما في حاجه غير نضحك.......
Post: #103 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: كمال الشادي Date: 09-28-2011, 10:51 AM Parent: #79
نزلت قبل شوية مداخلة فتشت ليها ما لقيتها
عموما انا لست متفقها في الدين ورغم اني حجيت قبل كده والحمد لله الا ان مشكلة المعرفة في الحج تتركز في مناسك الحج كلها ما عدا الطواف حول الكعبة الذي يعتبر اسهل منسك حيث ان المسلمين في جميع انحاء العالم تقريبا يشاهدون الحرم والطواف حوله يوميا في نقل الصلوات الخمس من مكة المكرمة
يعني مسألة تعليم الناس الطواف بالكعبة دي حجة بليدة جدا
بحثت عن مناسك الحج في النت ووجدت ان ترتيب مناسك الحج يأتي على النحو التالي :
ترتيب مناسك الحج 1- الخروج من البيت بنية الحج. 2- الإحرام عند حدود الميقات. 3- دخول مكة بعد الاستحمام أو الوضوء. 4- دخول الحرم وطواف الكعبة بالطريقة المقررة. 5- السعي بعد الطواف بين الصفا والمروة. 6- التوجه إلى منى بعد طواف القدوم في الثامن من ذي الحجة. 7- التوجه إلى عرفات في التاسع من ذي الحجة وجمع صلاتي الظهر والعصر بها. 8- التوجه إلى المزدلفة ليلة العاشر من ذي الحجة وجمع صلاتي المغرب والعشاء بها، وقضاء الليل بها. 9- الذهاب إلى منى في العاشر من ذي الحجة ورمي الجمرات (جمرة العقبة). 10- نحر الأضاحي وحلق الرأس. 11- الذهاب إلى مكة لطواف الزيارة في العاشر من ذي الحجة بعد حلق الرأس والعودة إلى منى، وكذلك السعي بين الصفا والمروة إن فاتك السعي في الثامن من ذي الحجة. 12- القيام بمنى في الحادي عشر والثاني عشر من ذي الحجة ورمي الجمرات على الجمرات الثلاث بالترتيب. 13- وقد اكتمل حجك هنا ويمكنك العودة إلى مكة والطواف حول الكعبة والارتواء من ماء زمزم لشكر الله تعالى على هذه النعمة
مابين 13 منسك مهم للحج هناك منسك واحد هو الطواف بالكعبة
اذا كانت الفكرة هي إقامة ( نموذج ) لكل مناسك الحج المذكورة هنا وتدريب الناس عليها انا موافق على الفكرة ( بشرط ) الا تتحول هذه ( البروفة ) أو ( التعليمة ) الى حقيقة ونجد بعد فترة حجاج الاقاليم إلى كعبة الساحة الخضراء
كما اؤيد الفكرة على أن تتم مجانا وليس بجبايات ورسوم
عموما : كما هو مشاهد لكل الحجاج فإن حاج واحد فقط ( شخص واحد فقط ) يكون مسؤلاً عن عدد من الحجاج ويكون عارفا بأمور الحج كفيل بأن يحججهم وهذا هو تحديدا دور المطوف
Post: #80 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بكرى ابوبكر Date: 09-27-2011, 09:12 PM Parent: #77
قبل قليل من الاخبار
تعرفى يا دكتورة الاثنين (علي شمس العلا التهامي و عثمان الكباشي) دفعتى .......... و واحد فيهم ود حلتى ......
الغريبة...... واحد كان كادر جماهيرى و الاخر سرى....... و واحد خريج بتونى الخرطوم و الاخر اقتصاد الفرع...... وكدا كفاية اعطى المايك لعادل و طه..........
Post: #82 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 09:41 PM Parent: #80
بالله لاحظتو الدش والماسورة الفى محل الحج؟ أها ديل برضو للتدريب..لانو الحجيج لازم يتدربو على اى شي ما شافوهو
وللمبالغة ومن باب التدريب برضو...الدش دة بجيب موية (بيضاء)
_____ شكرا يا باشمهندس على الفيديو والسؤال...من ربح المية مليون؟
Post: #83 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-27-2011, 09:53 PM Parent: #82
وبرغم كل السخرية...أشعر بالألم والمرارة لهذا الحاج الفرح بمجسم التجريب ما افتكر خطر على بالو انو النصيبة دي بى مية مليون
وأنها معمولة على حسابو!!
_________
Post: #84 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: sumah Date: 09-27-2011, 10:06 PM Parent: #80
*** ** *
ازبيلا لك تحياتى
قرأت كل الردود والتعليقات لقيت انو الناس ماخده الموضوع على اساس انو كوميديا سوداء وشويت ملاليم محتاجه لحسه معقوله بس بعد 25 سنه لحس الجماعة ديل دايرين ليهم ملاليم.. بس الموضوع الاسود جدا انو ده تدريب الارهابين وكده بتم بالطريقة دى وعلى عينك يا تاجر. يعنى الموضوع فيهو إن واخواتها.. راقبوا الموقف عن كثب..
يا سارية الجبل.
* ** ***
Post: #85 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Magdi Ahmed Elsheikh Date: 09-27-2011, 10:07 PM Parent: #80
Quote: تعرفى يا دكتورة الاثنين (علي شمس العلا التهامي و عثمان الكباشي) دفعتى .......... و واحد فيهم ود حلتى ......
الغريبة...... واحد كان كادر جماهيرى و الاخر سرى....... و واحد خريج بتونى الخرطوم و الاخر اقتصاد الفرع...... وكدا كفاية اعطى المايك لعادل و طه..........
يابكري بالغت ...
نسيت زولنا بتاع ملابس الاحرام ... برضو من حلتنا...!!
اها يادكتورة عطاء ملابس الاحرام رسى علي منو...!!
Post: #86 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-27-2011, 10:45 PM Parent: #85
Quote: بالله لاحظتو الدش والماسورة الفى محل الحج؟ أها ديل برضو للتدريب..لانو الحجيج لازم يتدربو على اى شي ما شافوهو
وللمبالغة ومن باب التدريب برضو...الدش دة بجيب موية (بيضاء)
اتحدى اكترهم تنطعاً لو بقدر يتنبأ بي التجهيزات الح يلقوها الحجاج ( اضافة للسنة الفاتت)!! وزارة الحج بالمملكة كل سنة بتتفوق على نفسها .. و تضيف ما لا يخطر على بال الجماعة ديل اتحداهم مثال بسيط الحج 1431 هـ - تشغيل قطار الماعر - الجمرات بقت اربع طوابق .. ( المسارات متغيرة على الدوام، و بتم تغييرها بحواجز اصطناعية في نفس الموسم حسب الخطة)
في مشكلة حمامات حقيقية في المشاعر ( ما تضحكي) قادرة تتخيلي تلاتة مليون زول في حتة واااحدة في نفس المدى الزمني!؟
------------
متمني واحد من المدربين المتنطعين ديل يورينا قاعدين يدربوا الحجاج على شنو في الطواف بالتحديد!؟ يعني يقرأ شنو في اللفة الاولى و التانية .. و حتى السابعة؟ خليهم يجابوا على السؤال دا انا بديهم المية مليون من جيبي
و شمس العلا دا بعرف يعني شنو " مضطبعاً" ؟ التلاتة جولات الاولى في الطواف مضطبعاً يا عمك!
Post: #87 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أسامة البلال Date: 09-27-2011, 11:11 PM Parent: #86
ما وريتونا عطاء موية زمزم وقع لي منو؟
Post: #88 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Zomrawi Alweli Date: 09-27-2011, 11:35 PM Parent: #87
Quote: الغرض منه تعريف الحجاح على كيفية اداء مناسك الحج لادائها بصورة صحيحة
يا ايزابيلا سلام
ممكن الواحد لو ما قدر يسلفر لمكة او ليست لجيه استطاعة للسفر وخاصة التكلفة كبيرة ممكن الواحد يخلص الطواف في الساحة الخضرا
والله الجبهجية ديل حيودوا الدين بتاع ربنا في داهية
وشوية شوية حتطلع فتوى بجواز الحح في الساحة الخضرا ما دام لست قادرا والخوف انهم يستغلوا الحج في الساحة الخضراء ويعملوها قروش
الله يرحمك يا قذافي يوم طلبت ان يكون الحج سنويا في البلاد الاسلامية
صبرا يا قذافي فان والي الخرطوم سينفذ طلبك
Post: #89 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Hussein Mallasi Date: 09-27-2011, 11:35 PM Parent: #87
عفارم عليهم .. لم يتركوا شاردة و لا واردة؛ حتى الشرطي و المطوف.
Post: #90 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: الكيك Date: 09-28-2011, 04:39 AM Parent: #89
والله فكرة جهنمية...!.. اى تودى من ابتكرها واخترعها الى جهنم عدبل .. هل شكا سودانى فى يوم من الايام من عدم معرفته بمناسك الحج وهل هى صعبة لهذه الدرجة التى تجعل من هذا الشخص الذى لا يخاف الله ان يقول هذا القول ويفعل هذه الفعلة الشنيعة فى نظرى ويحذر الاخرين من يتعرضوا لفكرته ولو بمجرد الراى ..؟ من يستحق التدريب؟ المشرفين على امر الحج الذين يشكو الحجاج منهم ومن افعالهم كل سنة منذ مجىء الانقاذ وحتى اليوم .. ام الحاج الذى يتمسك بدينه ويريد تادية مناسكه فى خشوع لا يبدده له الا هؤلاء المشرفين على هيئة الحج والعمرة . ربما ارادت هيئة الحج ابعاد تهمة الاهمال والتسيب التى تواجهها كل عام .. كنت من حجاج العام الماضى شاهد عيان على الاهمال والطريقة المزرية التى تعامل بها هذه الهيئة حجاج السودان كانوا الوحيدين الذين ياخذون طعامهم من الشارع فى منى وعرفات .. لم يشكو حاج الا من تصرفات اولاد الهيئة السمجة معهم رايت كيف تهمل الدولة مواطنيها الذين يريدون العبادة واداء المشاعر .. رايت كيف تعامل الحكومة منسوبيها وتفرق بينهم وبين بقية افراد الشعب المسكين الذى دفع من دمه ثمن الوصول لمكة .. هذه الاموال التى اهدرت فى غير مكانها كان اولى بها جهة التدريب التى تتولى امر الحجاج كل عام .. اعتقد ان الحاج السودانى متفرد فى عبادته ومنذ حاج الماحى استطاع بالتثقيف الذاتى معرفة كل شىء خاصة بالشعيرة بل اهل السودان دائما ادلاء لغيرهم .. تخريب المقدسات والعبادات عادة نراها كل يوم فبعد تدمير سمعة الزكاة بالتطبيق الخطا ..وجعلها جباية وشهادة لا اله الا الله التى اصبحت شعارا حزبيا اضافة للرقص بالقران وجعل امر الحليفة فى كل شىء لازالة القدسيات من النفوس ..هذه جريمة يعاقب عليها تنظيم الاخوان المسلمين كمان جاء دور الحج ليجهض الجهلاء على اسس اركان الدين.... ولكن هل يستطيعوا ام يصرعهم الدين بقوته ونقائه ..؟
Post: #91 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: طه جعفر Date: 09-28-2011, 04:45 AM Parent: #80
علي شمس العلا التهامي من ابناء منقطة القريبة ريفي كورتي خريج علوم ببكلاريوس عام في الجيولوجيا و الكيمياء و هومن طلاب قسم الاحياء دخل جامعة الخرطوم في1984 و بالتالي يكون من مواليد منتصف الستينات لم يكن علي شمس العلا التهامي يظهر ولاء للكيزان عدا صداقته لمحمد عثمان العطا الكوز الذي كان معروفا من حملة السيخ علي شمس العلا جيلوجي وربما اعجابه بالاحجار و الابنية الحجرية هو ما دفعه الي بناء هذا المجسم المخجل. اتذكر انه كان شخص بسيط و قليل الكلام و كان الجميع يعتقدون انه من الاتحاديين او هذا ما كان يظهره الرجل و ربك عليم ببواطن الامور. ما اندهش اليه هو ليس المجسم و لكن ما هي علاقة خريج جيلوجيا بالحج و الشئون الدينية و الاوقاف. يبدو ان الشاب استمرأ الفساد و اعجب بالحياة مع المفسدين لدرجة انه يبني مجسما للكعبة لتدريب السودانيين علي الحج. هؤلاء الناس لا يستحون الا يعلمون ان الشعب السوداني ظل يارس شعيرة الحج لاجال ، لماذا لم يكتفي السراق باضافة صفحات اضافية علي المنهج الدراسي عن الحج او يزيدوا ساعات البرامج الدينية في الاذاعة و التلفزيون يبدو ان للجماعة مآرب اخري. موت الحمار رزق ال######
طه جعفر
Post: #92 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: الكيك Date: 09-28-2011, 04:53 AM Parent: #91
هنا تجد كل شىء عن حج العام الماضى وما عاناه الحاج السودانى مع جماعة الحكومة المشرفين على امر الحجاج لن تجد حاجا واحدا يشكو جهله فى اداء المشاعر ولكن صاحبنا دا محتاج لمن يفهمه تاريخ السودان وتاريخ الاسلام فيه انه غريب عنا وعن ديننا الذى نعرفه ..
Post: #94 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: SHIBKA Date: 09-28-2011, 06:51 AM Parent: #92
الجماعة ديل خليهم يستعجلوا التدريب عشان الحج قرب وطبعا كل ما قرب الحج بتزيد رسوم خدمات الحج المحلي
كان الله في عونك ياسودان
Post: #97 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: اسعد الريفى Date: 09-28-2011, 07:55 AM Parent: #94
Quote: واحد بيسأل شيخ : بقدر أصلي الجمعة ورا الإمام بالتلفزيون؟ الشيخ : آه وبتقدر كمان تحط عباية على الثلاجة وتعمل مناسك الحج بالمطبخ ......!!!!!
_________________ و زى ما قال استاذنا ملاسى "لم يتركوا لاواردة و لا شاردة " و ما لم يخطر على .. خيال بشر
Post: #95 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Mahir Mohammed Salih Date: 09-28-2011, 07:15 AM Parent: #92
Quote: (ما عدا الزول اللقوه لافي بالعكس فقال إنه عمل لفة زيادة داير يعمل ليها ديليت)
يا نصر يا أخى باااااااااالغت شديد والله .
إيزابيلا سلام
ماهر
Post: #96 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: الكيك Date: 09-28-2011, 07:52 AM Parent: #95
اهم شىء فى الحج هو الشوق ...فالشوق لزيارة بيت الله ومدينة رسول الله وزيارته اراد هؤلاء ان يقتلوها فى مهدها بهذا الصنم الانقاذى ...وقتل روح الشوق قتل للهمة نحو الحج كعبادة .. وعنصر الشوق هو الاساس وهو الملهم للمسلم ويظل هذا العنصر كامن فى النفوس البريئة التى تتوق لاداء ركن من اركان الدين الاسلامى السمح .. كل مادحى الرسول صلى الله عليه وسلم جعلوا من عنصر الشوق اساسا للابداع نحو تعميق الايمان فى النفوس ونشر الفضائل التى تتجه بالانسان نحو المقدسات والاماكن المقدسة فى مكة والمدينة وكافة اراضى الحجاز .. واخونا دا ما اظن لقى ليه شغلة ففكر فى هذه الفكرة الغبية التى تشبهه وتشبه افعال تنظيمه فى رؤيتهم للدين كعنصر جباية وجلب مؤيدين سياسيين لافكارهم الضحلة ..
Post: #100 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Alshafea Ibrahim Date: 09-28-2011, 09:24 AM Parent: #96
شكرا يادكتورة شكرا أخي الكيك الشوق والحنين والدهشة من أهم الأشياء التي تعتري الحاج عند وطء قدمه لأول مرة باحات الحرم المكي ورؤية المآذن وتزيد ولا توصف هذه الدهشة والشوق عند أول لمحة بصر للكعبة .... نعم أغلب شيوخنا الإجلاء شعراء المديح النبوي كانوا يبدون في قصائدهم ويظهرون هذا الشوق والحنين لتلك البقاع .... اتركوا للحاج حق إشباع رغبته و فرحته ودهشته وشوقه حتى يقدر الله له أن يصل تلك البقاع ... غايتو أنا الله يستر ما يكون هذا الميدان وهذا المجسم هو البديل للحج بعد كم سنة في ظل زيادة تكاليف الحج ... قبل الخروج : على شورى اللا وطني وهيئة علمائه تكثيف الإجتماعات ورفع التوصيات لإختيار وترقية إمام وخطيب مسجد الشهيد لعشرين سنة ليكون إماما وخطيبا لمسجد الميدان الذي يضم كعبة الكيزان.... خيال يفوق مقدرة إبليس ... الشفيع إبراهيم
Post: #98 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: الفاتح خليل الفكي Date: 09-28-2011, 08:05 AM Parent: #95
الأخت / دكتورة نجاة
والله مافي اي مقارنة بين حجاج ماليزيا وحجاج السودان
حجاج ماليزيا اكثر نظاما لانهم محترمين من دولتهم وتعمل على راحتهم وعندهم عمائر خاصة بهم في السعودية ولديهم مشرفين على قدر
عالي من المسئولية ويوفرون كل المتطلبات الخاصة بحجاجهم .
ولكن شوفي حجاج السودان والله ربنا يكون في عون كل حاج ياتي مع البعثة السودانية حالة صعبة ومخيمات عذاب في عذاب وعدم احترام
ومشرفين على قدر عالي من الجهل وعدم الاحترام وهمهم كلو متي ينتهي الحج ويستلمون المخصصات ويشترون البضائع المعفية من الوزن
ومعفية من الجمارك لكن راحة الحجاج دي هم ما عندهم معاها اي شغلة .
بعدين حكاية مجسم الكعبة بتاع الساحة الخضراء هذا ليس للتدريب وانما باب للسرقة والنصب على حجاج بيت الله وتمحيلهم مصاريف
اكثر من طاقتهم .
ومنو قال ليهم الحجاج ما بيعرفوا كيفية الطواف حول الكعبة يا جماعة بدل هذا الصرف الفارغ جهزوا للحجاج مخيمات محترمة
وخدمات محرمة وخلونا من الوهمة دي .
يا دكتورة نجاة انا بقول ليك الكلام دا وانا شاهد على معانات الحجاج السودانيين يعني مافي زول حكى لي عشان ما يجونا ناس
اردم ومعارضة وحكومة ويعملوا لينا غاغة في الفاضي انا كنت قريب من الحجاج السودانيين وقريب من مخيماتهم وقدمنا المساعدات
القدرنا عليها الله .
ربنا يتقبل من الحجاج ويسهل ليهم الحج ويوفق كل من يخدم الحجاج خدمة صادقة لوجه الله
أبو كريم
Post: #99 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-28-2011, 09:19 AM Parent: #98
Quote: طيب الواحد حقو يعمل ليهو واحدة قطاع خاص .... يلا يا جماعة عايزين شريك ..
لو لقيت الشريك يا زهير ادونا عنوانكم نرسل ليكم الـcv بتاعنا
متنطع 5 سنة خبير حج اجنبي
Post: #101 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: كمال الشادي Date: 09-28-2011, 10:02 AM Parent: #99
انا غير متفقه في الدين بس حسيت بأن الموضوع ما عجبني رغم اني حجيت والحمد لله اكتر من مرة إلا ان حاولت اعمل بحث الان في النت و|شوف ( ثقل وأهمية الطواف ) في الحج
( دينياً) اذا كانت المعومات ناقصة ارجو من الاخوان والاخوات تصحيحها
لكن البعرفو : إن العمرة كلها بتتم داخل الحرم في مكةوالمناسك التي تتم داخل الحرم المكي هي :
1- طواف بالكعبة 2- وصلاة خلف مقام إبراهيم 3- وسعي بين الصفا والمروة 4- الشرب من ماء زمزم
لكن الحج بتتم كل مناسكو وأهمها ( خارج الكعبة ) في اماكن اخرى في مكة غير الكعبة يعني : طوال القدوم وطواف الافاضة
هما المنسكان الوحيدان الذان يتمان داخل الحرم المكي ضمن مناسك الحج
ووجدت من بحثي أيضا أن واجبات الحج ثلاثة عشر، وهي كما يلي : 1 ـ الإحرام من مكة، على تفصيل يأتي. 2 ـ الوقوف في عرفات في اليوم التاسع من ذي الحجة الحرام من بعد ما يمضي من زوال الشمس مقدار الإتيان بالغسل وأداء صلاتي الظهر والعصر ـ جمعاً ـ إلى المغرب، وتقع عرفات على بعد أربعة فراسخ من مكة. 3 ـ الوقوف في المزدلفة شطراً من ليلة العيد إلى قبيل طلوع الشمس، وتقع المزدلفة بين عرفات ومكة. 4 ـ رمي جمرة العقبة في منى يوم العيد، ومنى على بعد فرسخ واحد من مكة تقريباً. 5 ـ النحر أو الذبح في منى يوم العيد أو في أيام التشريق. 6 ـ الحلق أو التقصير في منى، وبذلك يحل له ما حرم عليه من جهة الإحرام، ما عدا النساء والطيب، وكذا الصيد على الأحوط. 7 ـ طواف الزيارة بعد الرجوع إلى مكة. 8 ـ صلاة الطواف . 9 ـ السعي بين الصفا والمروة، وبذلك يحل الطيب أيضاً. 10 ـ طواف النساء . 11 ـ صلاة طواف النساء، وبذلك تحل النساء أيضاً. 12 ـ المبيت في منى ليلة الحادي عشر، وليلة الثاني عشر، بل وليلة الثالث عشر في بعض الصور كما سيأتي. 13 ـ رمي الجمار الثلاث في اليوم الحادي عشر والثاني عشر، بل وفي اليوم الثالث عشر أيضاً، فيما إذا بات المكلف هناك على الأظهر.
هذه المناسك كلها مهمة للحاج اذا تبنت الدولة ( اي دولة ) تدريب حجاجها على الحج قبل الوصول اليه فهذا شيء حميد وجميل
ولكن
يجب أن يتم التدريب على كل مناسب الحج
في هذه الحالة
يمكن أقامة( نموذج ) لكافة الاماكن التي تتم فيها مناسك الحج وبالتالي يكون الحج في الساحة الخضراء
عبارة عن بروفة للحج في مكة المكرمة
ورغم ان الفكرة نظرياً مقبولة ألا انه يخاف أن يعامل الناس الاماكن المقلدة بحرمة الاماكن الحقيقية
في كل الاحوال فإن ( نموذج ) من الخشب أو من الصفيح طالما هو ( نموذج ) يمكن أن يؤدي بالغرض ولا أعتقد ان المسألة محتاجة ولا مليون واحد
Post: #102 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-28-2011, 10:31 AM Parent: #101
دي النجيضة يا كمال :
Quote: يجب أن يتم التدريب على كل مناسب الحج
في هذه الحالة
يمكن أقامة( نموذج ) لكافة الاماكن التي تتم فيها مناسك الحج وبالتالي يكون الحج في الساحة الخضراء
عبارة عن بروفة للحج في مكة المكرمة
ورغم ان الفكرة نظرياً مقبولة ألا انه يخاف أن يعامل الناس الاماكن المقلدة بحرمة الاماكن الحقيقية
في كل الاحوال فإن ( نموذج ) من الخشب أو من الصفيح طالما هو ( نموذج ) يمكن أن يؤدي بالغرض ولا أعتقد ان المسألة محتاجة ولا مليون واحد
مع تشكيكي في جدوى التدريب اصلاً ما المطلوب منه!؟ اذا مسألة تنظيم .. فكدي المنظمين يقوموا بواجباتهم المخلين بها ابتداءً!! دا غير انو هنا الجهات المختصة متولية مهامها على احسن ما يجب.
و دا كلو - التنظيم - محدثات وضرورات، ليست مرتبطة بـ(الحج المبرور) و الذي جزاءه الجنة .. لانها مسألة عقدية و مرتبطة بالسلوك اكتر.. فتثقيف الحجاج افيد من التدريب الميكانيكي، الالي، العسكري دا!!
و الله اعلم
Post: #104 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Hani Arabi Mohamed Date: 09-28-2011, 11:42 AM Parent: #102
Post: #107 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: اسعد الريفى Date: 09-28-2011, 12:03 PM Parent: #104
من موقع اسلام ويب
السؤال تقوم المدارس بعمل ماكيت للكعبة، ويقوم الأطفال بالطواف حول هذا الماكيت لكي يتعلموا مناسك الحج والطواف حول الكعبة، فهل هذا التصرف حرام أم حلال؟
حكم صنع مجسم للكعبة لتعليم الطواف الثلاثاء 1 محرم 1432 - 7-12-2010 رقم الفتوى: 144299
Post: #105 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: وليد محمد المبارك Date: 09-28-2011, 11:45 AM Parent: #102
هاهاهاهاهاهاهاهاهاهاه هاهاهاهاهاهاهاها
والله معلمين ياخ الزول العمل الفكرة دي مفروض ناس الاستثمارت يعملوا معاه عقد
ياخ مباااااااااااااالغة
Post: #108 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-28-2011, 12:16 PM Parent: #105
Quote: ياخ مباااااااااااااالغة
بالجد حاجة تخوف يا وليد!!
حتى مع افتراض حسن النية فهي كارثة!!
شنو هي فلسفة الحج اساساً؟
هل هي مجرد مناسك وثنية، ام تجربة روحية و تمثّل لابراهيم وآله، اسماعيل و هاجر، و اقتداء بالمصطفى (ص)؟ ببساطة لو نقلت حجار الكعبة الاصلية للساحة الخضراء، هل ح تحمل معاها البركة!؟
طيب ليه الاهتمام بالشكليات دا!؟
سلوك صغير قد (يبوظ) الحجة! بسبب جهل بمعلومة.. مثلا انو تغطية الراس تفسد الاحرام، بما يستلزم جبراً
مش اجدى يوعووا الحجاج بدل تمارين اللياقة دي ( و اشك ذاتو انو دا المقصود من التدريب!) اقلها كل حاج يكون عارف حجو دا ( مفرد، قارن، ام متمتع) و ما يستلزمو من ( فدية*، هدي، ام اضحية) طبعاً الحاج ما عليهو اضحية!
يا ناس اتقووا الله في حجاج بيته!
------
*او (الدم) دي في حكمها الشرعي لا تجوز الا لفقراء الحرم ( ومكة كلها حرم) .. فهل ادارة البعثة قاعد توفي بالشرط دا!؟
Post: #109 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: وليد محمد المبارك Date: 09-28-2011, 12:29 PM Parent: #108
يا قيقيا
المشكلة ما في الاستثمار في الحج ما خلاص فهمنا انو الحكومة بتستثمر في اي حاجة واي زول
لكن المشكلة الاستثمار ده قروشوا ماشة وين حتى وانه الاستثمار ده بشيل قروشو من المواطنين ... لو كان بتوجه لخدمة الدولة كان اليزان ديل قطعوا بينا شوط بعيد
يعني يا قيقيا اتخيل معاي انو الناس ديل وصلوا حتى الاستثمار في بيت الله معناتا اي حاجة تانية فيها رقشة استثمار طرقوها وما خلوها
اها قروشها وين
ياخ ديل بيت الله استثمروه
قااااااااااااادر الله
والله اظن السعودية الموجود في ارضها ما فكرت تستثمروا كده
بعد شوية حا يقولو لينا حجو قبلكم ونحن حا ننقل ليكم مراسم الحج بي شاشة كبيرة وانتو حاكوهم
اها
والصفاء والمرة حا تكون في المرخيات؟؟ وعرفات جبل كرري ؟؟
عشان الاكسرسايس يكتمل وكده
Post: #106 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: ibrahim alnimma Date: 09-28-2011, 12:03 PM Parent: #102
Quote: بعيداً عن السخرية التي يستحقها هذا الخبر ... إلا إنه يكشف العقلية التي تدير الدولة الآن ... هي عقلية تقولبت علي حلب جيوب الناس والبسطاء وتحويل كل شئ إلي مصدر للجباية حتي الشعائر الدينية .... كل الإدارات الحكومية تبارت في إبداع أشكال مختلفة من الجباية وذلك لمجابهة المصروفات الباهظة لهذه الإدارة وهي في معظمها مصروفات غير ضرورية لتسيير دولاب العمل وإنما أبواب للفساد .... الإنقاذ نموذج حقيقي وقوي للدولة الفاسدة والفاشلة ....
شكراً يا دكتور علي هذا الخبر المضحك المبكي ...
شكراً بادكتورة شذى ، وشكراً الاستاذ الكيك ......وتجدني اتفق مع الاخ زهير الزناتي اتفاق تام في مداخلته الاولي والثانية ، ان المسألة برمتها لا تخرج عن استهبال الحجاج واستحلابهم ، وفي الخبر نفسه مايشير للنية المبطنة لهذا الهدف ال######## ، إذ لو تأملنا ماجاء في الخبر وفي الفقرة التالية :
Quote: وحذر وزير التوجيه والاوقاف عثمان الكباشي أمس، من وصفهم بـ»المتنطعين وانصاف المتفقهين « من استصدار الفتاوي المضللة للحجيج ،ودعا امراء الافواج لجلب الحجاج الى المجسم للتعرف على كيفية اداء المناسك .
وهذه الفقرة تشير للتشهير بكل من يقف دون "تدريبهم" بحجج دينية او اقتصادية ،ليحول دون مبتغاهم (اللغف) والانقاص من قدرهم الديني حتي لا يتمكنو ( المتنطعين وانصاف المتفهين) لاحظ هذه اللغة القاتلة للخصوم المفترضين ، وهذا محاولة استباقية لكل من تسول نفسه بالحيلولة دون تريبهم في مدرسة الحج الخاصة ، انها عقلية الطفيلية الاسلامية ، تديب شنو وبطيخ شنو الذي ينوي االمتسولين تقديمه للحجاح؟ هذا بالاضافة الي ان الطواف نفسه لا يحتاج الي اي تدريب . والمؤسف هو ما ورد بان التدريب الزامي .......وهذا مايؤكد بان الهدف الحقيقي هو ربحي ولو كانت هذه الخدمة مجانية لكان لنا رأي اخر.
Post: #110 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-28-2011, 12:39 PM Parent: #106
Quote: والله اظن السعودية الموجود في ارضها ما فكرت تستثمروا كده
لا تثريب عليها حتى لو فعلت .. الحج اصلاً فيه منافع للناس
لكن العكس .. المملكة تنفق على الحج بما يذهل اي زول ..
ودي شهادة حق مسئول عنها في الموقف العظيم
Post: #111 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: نصر الدين عثمان Date: 09-28-2011, 01:00 PM Parent: #110
أيزابيلا ..سلام وعلى ضيوفك،
دبي - العربية.نت أقامت وزارة التوجيه والأوقاف والهيئة العامة للحج والعمرة بولاية الخرطوم مجسماً لبيت الله الحرام، على الجزء الشرقي من الساحة الخضراء، وذلك بغرض تدريب الحجاج على كيفية أداء مناسك الحج، وكشفت أن عدد حجاج الولاية بلغ 9522 حاجاً وحاجة.
وحذّر وزير التوجيه والأوقاف عثمان الكباشي بحسب وكالة "أنباء الشرق الأوسط" من وصفهم بـ"المتنطعين وأنصاف المتفقهين" من استصدار الفتاوى المضللة للحجيج، داعياً أمراء الأفواج لجلب الحجاج الى المجسم للتعرف على كيفية أداء المناسك.
وأكد مدير هيئة الحج والعمرة بولاية الخرطوم الدكتور علي شمس العلا أن الهيئة أقامت المجسم بتكلفة 100 ألف جنيه سوداني الغرض منه تعريف الحجاج على كيفية أداء مناسك الحج. .......................
Post: #113 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عبدالحافظ سعد الطيب Date: 09-28-2011, 01:18 PM Parent: #111
أيزابيلا
تحية طيبة
كده بتسقطى فى امتحان القيد الصحفى
الخبر ناقص من هى الجهة المنفذة وتتبع لمن وماهى المواد النفيسة المستعملة فى التصميم
وهل هنالك رسوم تدريب ولا مافى
100 مليون يامفترين
عثمان الكباشي ده بجقلب مالو نحن قلنا حاجة ولا قلنا كده بتخنق
Post: #112 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: mutwakil toum Date: 09-28-2011, 01:14 PM Parent: #110
نكتة جابا الايميل
Quote: واحدة دايرة تمشي الحج قالوا ليها الحج بعشرة مليون قالت ليهم في شان شنو .. انا ذاتي ما عندي ذنوب قدر دا
Post: #114 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عماد شمت Date: 09-28-2011, 02:42 PM Parent: #112
تحياتي ايزابيلا
يدخل في بند اهدار المال العام
و باب من ابواب اللهط...
شكرا للمعلومة
Post: #115 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: أيزابيلا Date: 09-28-2011, 04:42 PM Parent: #114
شكرا لجميع زوار هذا البوست
Post: #116 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: omar arbab Date: 09-28-2011, 05:02 PM Parent: #115
Quote: اقامت وزارة التوجية والاوقاف والهيئة العامة للحج والعمرة ولاية الخرطوم مجسماً لبيت الله الحرام بقيمة 100 الف جنيه على الجزء الشرقي من الساحة الخضراء
Post: #117 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: الكيك Date: 09-28-2011, 05:30 PM Parent: #116
وهنا اترككم مع اخونا حيدر المكاشفى الذى علق بطرقته الساخرة على فكرة الابالسة قائلا ..نكتة نظيف في الحج الظريف
حيدر المكاشفى 28/9/2011 الصحافة
من النكات التي برع المصريون في نسجها في نظامهم السابق ورئيسه المخلوع حسني مبارك واحدة تقول أن الرئيس مبارك إحتاج ذات مرة لتغيير كمية من العملة المحلية إلى دولارات ولكنه لم يجد دولاراً واحداً لا في البنوك ولا الصرافات ولا حتى السوق، فاستشاط غضباً واستدعى رئيس الوزراء أحمد نظيف وصرخ في وجهه، ليش ما فيش دولارات هل نظفت السوق منها يا نظيف، رد نظيف بكل لطف وأدب، الحج والعمرة يا باشا خلصوا على كل الاحتياطي، قال مبارك وهو ما يزال على هياجه، بقولك إيه، حج إيه وبتاع إيه، من السنة اللي جاية الحج يبقى عندنا هنا في مصر، قال نظيف بصوت خفيض وكسير، إزاي بس يا باشا، رد مبارك بعنف إتصرف ياخي، خرج نظيف من عند الرئيس وهو مهموم ومغموم بسبب هذا الأمر المستحيل، ولكنه بعد يومين عاد إلى الرئيس وقد علا وجهه البشر وبدا على محياه الارتياح وقال للريس بثقة وإعتداد كله تمام يا باشا خلاص الحج حيبقى عندنا، قال الريس طب الكعبة حتعمل فيها إيه، رد نظيف حنعملها في ميدان الحجاز بمصر الجديدة ويبقوا يلفوا حواليها، قال الريس طب والسعي، رد نظيف يا باشا يبقوا يجروا في طريق صلاح سالم لغاية المطار ويرجعوا، قال الرئيس وعرفة، رد نظيف يطلعوا جبل المقطم يا باشا، صمت الرئيس لبرهة ثم قال طب ورجم إبليس يا فالح، وهنا أسقط في يد نظيف وكان قد بلغ به الضيق مبلغاً جعله يتحلى بشيء من الشجاعة فرد بتبرم إتعب معانا شوية بقى يا ريس...
والآن عزيزنا القارئ اذا شهدت في مقبل الايام بأي شارع من شوارع مدن العاصمة الثلاث رهط من الناس وهم في لباس الاحرام يعتلون صهوة بوكس أو دفار أو حافلة يرددون التلبية لبيك اللهم لبيك لا شريك لك لبيك إن الحمد والنعمة لك والملك لا شريك لك، فلا تستغرب أو تظن أن القيامة قد قامت، فهؤلاء حجاج «منتظرون» في طريقهم إلى الساحة الخضراء للتدرب على كيفية أداء مناسك الحج ومنها الطواف على مجسم للكعبة أنشأته خصيصاً لأغراض التدريب وزارة التوجيه والاوقاف بولاية الخرطوم بالاشتراك مع الهيئة العامة للحج والعمرة الولائية بكلفة بلغت مائة ألف جنيه أي مئة مليون بالقديم، ولسنا هنا بصدد المجادلة حول مدى شرعية وجواز مثل هذا العمل من الناحية الفقهية والدينية أو عدم جوازه، فذلك من إختصاص الفقهاء التقاة الثقاة الذين نعلم أنهم إختلفوا حوله، منهم من أباحه ومنهم من حرّمه، كما نعلم أيضاً أن الفكرة ليست من بنات أفكار وزارتنا وهيئتنا الخرطوميتان، وإنما هي قديمة سبقت إليها بعض بلدان الشرق ومنها بلدة حماة بسوريا التي نفذها فيها أطفال روضة «happy home» - هابي هوم- إننا هنا لنسأل بكل صيغ الاستنكار،
هل بناء مجسم تدريبي بكل هذه الكلفة العالية من حسن الصنيع ام سفهه في ظل الظروف الاقتصادية الضاغطة التي تعيشها البلاد لدرجة جعلت الحصول على لقمة تقيم الاود وتقي شر الجوع امراً عصياً يحتاج الى مجاهدات ومكابدات، ثم ماذا تفعل البعثة وعشرات الامراء الذين تستحلب نفقات الصرف عليهم من جيوب الحجاج ان لم يكونوا يقومون على ارشاد الحجاج وتوجيههم، ثم ماذا تفعل الوزارة والهيئة في بقية مناسك الحج وشعائره غير الطواف الذي انشأت له مجسم، فماذا تفعل للتدريب على السعي بين الصفاء والمروة، وماذا تفعل في جبل عرفات هل تذهب بهم الى جبال كرري او طورية، وماذا تفعل مع واجبي المبيت بمنى ومزدلفة هل تبيتهم في الساحة الخضراء نفسها، ثم ماذا تفعل مع رمي الجمرات، ان لم تكن الوزارة والهيئة قد اقامتا مجسمات بعدد اركان وواجبات الحج الاخرى فان تدريبها هذا يظل ناقصاً وباطلاً ولا نظير له إلا ما جاء في نكتة نظيف ومبارك التي رويناها.
Post: #118 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: محمد عبدالرحمن محمد Date: 09-28-2011, 06:14 PM Parent: #117
شذى وضيوفك
بوست مضحك حد البكا
سلام عليك يا أبا الطيب
المطرطش
Post: #119 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: ناصر احمد الامين Date: 09-28-2011, 07:33 PM Parent: #118
شعيرة بقت شعيرية !!!
Post: #122 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: فيصل محمد خليل Date: 09-28-2011, 08:10 PM Parent: #119
Post: #123 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: مهيرة Date: 09-28-2011, 09:08 PM Parent: #119
مبالغة لكن يا حكومة الكيزان
شكرا يادكتورة
وهاكم الفتوى دى:
Quote: تقوم المدارس بعمل ماكيت للكعبة، ويقوم الأطفال بالطواف حول هذا الماكيت لكي يتعلموا مناسك الحج والطواف حول الكعبة، فهل هذا التصرف حرام أم حلال؟
الإجابــة الحمد لله والصلاة والسلام على رسول الله وعلى آله وصحبه، أما بعـد: فهذا التصرف غير جائز كما نص عليه أهل العلم.
جاء في قرار مجمع الفقه الإسلامي بخصوص هذا الموضوع: فإن مجلس المجمع الفقهي الإسلامي، برابطة العالم الإسلامي، في دورته الثالثة عشرة، المنعقدة بمكة المكرمة، والتي بدأت يوم السبت 5 شعبان 1412هـ الموافق 8/2/1992م: قد نظر في الموضوع وقرر: أن الواجب سد هذا الباب ومنعه، لأن ذلك يفضي إلى شرور ومحظور. انتهى. وقال الشيخ ابن عثيمين بخصوص هذا الموضوع: هذا لا ينبغي إطلاقا ، يستطيع أنه يرسم في السبورة مربع صورة الكعبة ويقول تطوف عليها، أما أن يجعل مجسم ، في ظني أنه سيجعل العبادات مجرد طقوس وحركات فقط ، ما لها تأثير بالقلب. انتهى من لقاء الباب المفتوح.
والله أعلم.
أها بعد فتوى أهل الشى زاتتتتتتته ( ياقول ناذر) عندك كلام يا شمس المعالى؟؟!!!!!!
Post: #132 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: خالد العبيد Date: 10-01-2011, 00:06 AM Parent: #119
سلام ازبيلا واحد حلفاوي " قريب فيصل"!! ابوه خلاص قرب يموت قال ابوي ده ما بحصل الحج الجاي احسن اجيبو عمرة جابوه .. والراجل عجوز مابقدر على الطواف ولدو وصاحبو ساندنو من الكتفين .. وطايفين في اللفة التالتة وقفهم وقال ليهم : والله يا اولادي كاس وسكي واحد الفها ليكم زي المروحة !!
Post: #121 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: الكيك Date: 09-28-2011, 08:10 PM Parent: #118
الساحة الخضراء اطلق عليها هذا الاسم عندما كانت الانقاذ تنافق القذافى وتحاول ترضيته بعد ان اعلنت انها تتبنى نظام المؤتمرات واللجان الثورية اضافة للجان الشعبية .. وبما ان الساحة الخضراء من مخلفات ذلك النفاق فلا اعتقد انها تصلح لمكان مقدس حتى ولو كان للتدريب وفى الذهن افعال القذافى ومنافقيه .. وتم تنصيب يوسف عبد الفتاح تبعا لهذا رئيسا او امين ما عارف .. لساحة السودان وكان القذافى يقدم الوظائف المهينة كعادته لكل من ينافقه وكان وقتها يشرف على نظافة المكان وتسويره بالجبايات التى كان يخترعها ويفرضها احيانا على افراد وجهات وهو اول من اخترع الجبايات والغى النظام المحاسبى بولاية الخرطوم بحجة انه يعطل العمل الثورى .. ومن يومها لم تضبط حسابات ولاية الخرطوم اختلط فيها اموال المجالس باموال الضرائب باموال الزكاة وهلم جرا .. عندما جاء البابا للسودان اراد الجماعة اظهار مدى سماحة اهل الحكم فنصبوا اكبر صليب فى الساحة التى سوف يزورها البابا ويستقبل الجماهير هناك حتى اطلق عليها البعض بعد ذهابه اسم .. ساحة ابوصليب .. اما عند زيارة رفسنجانى للسودان فتم نصب مجسم لاكبر ابريق فى السودان علامة على الاهتمام بالصلاة وتعظيمها واعتقد ان هذا الابريق لايزال موجود .. رغم ان القذافى الان يهيم فى الصحراء بعد كل ذلك الغرور هو واولاده بعد العز الفارغ فان جماعتنا لايزالون متمسكين بالاسم ويتم تكراره فى اجهزة الاعلام الرسمية بل ان صاحبا الفكرة الجهنمية اياها لا يزالان يكرران الاسم ويتحدثان عن الساحة الخضراء فى حين تم تغيير اسمها فى بلد المنشا ....الى ساحة الشهداء ... لكن فتشوا معاى عن امين ساحة السودان اين هو لماذا اختفى مع القذافى ؟
Post: #124 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 09-28-2011, 09:46 PM Parent: #121
شكراً دكتورة مهيرة على جلب الفقه من مظانه
Quote: وقال الشيخ ابن عثيمين بخصوص هذا الموضوع: هذا لا ينبغي إطلاقا ، يستطيع أنه يرسم في السبورة مربع صورة الكعبة ويقول تطوف عليها، أما أن يجعل مجسم ، في ظني أنه سيجعل العبادات مجرد طقوس وحركات فقط ، ما لها تأثير بالقلب. انتهى من لقاء الباب المفتوح.
والله أعلم.
اها ايها المتنطع شمس المعالي ما قولك دام فضلك!؟
طلعت انت من الذين لا يفقهون قولاً
-------------
لاحظو انو تاريخ كلام الشيخ بن عثيمين من 1412 هـ يجينا شمس المعالي بفكرة وثنية من عصور ما قبل التاريخ!! ياخ مليون طريقة للتثقيف و التوعية و التوجيه و الارشاد الا الشكل الوثني البفرغ شعيرة سامية من معناها دا!؟
و الانترنت دا واحدة منها .. و الناس في ي ي بيوتها .. و ممكن الشرح لايف و على الكعبة ذاتها!!
بطلوا دجل و تجارة بالدين يا سماسرة
Post: #125 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: AMNA MUKHTAR Date: 09-30-2011, 04:05 PM Parent: #124
Quote: وحذر وزير التوجيه والاوقاف عثمان الكباشي أمس، من وصفهم بـ»المتنطعين وانصاف المتفقهين « من استصدار الفتاوي المضللة للحجيج
كلللو ولا تضليل الحجيج ..
كل من دخل إلى هذا البوست حا مشى النار بالمزيكا..
ويحكم يا متنطعين ويا متنطعات .
؛؛؛؛؛؛؛
انا بررررره ....
Post: #126 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Hadeer Alzain Date: 09-30-2011, 05:30 PM Parent: #125
Quote: تقوم المدارس بعمل ماكيت للكعبة، ويقوم الأطفال بالطواف حول هذا الماكيت لكي يتعلموا مناسك الحج والطواف حول الكعبة، فهل هذا التصرف حرام أم حلال؟
الإجابــة الحمد لله والصلاة والسلام على رسول الله وعلى آله وصحبه، أما بعـد: فهذا التصرف غير جائز كما نص عليه أهل العلم.
جاء في قرار مجمع الفقه الإسلامي بخصوص هذا الموضوع: فإن مجلس المجمع الفقهي الإسلامي، برابطة العالم الإسلامي، في دورته الثالثة عشرة، المنعقدة بمكة المكرمة، والتي بدأت يوم السبت 5 شعبان 1412هـ الموافق 8/2/1992م: قد نظر في الموضوع وقرر: أن الواجب سد هذا الباب ومنعه، لأن ذلك يفضي إلى شرور ومحظور. انتهى. وقال الشيخ ابن عثيمين بخصوص هذا الموضوع: هذا لا ينبغي إطلاقا ، يستطيع أنه يرسم في السبورة مربع صورة الكعبة ويقول تطوف عليها، أما أن يجعل مجسم ، في ظني أنه سيجعل العبادات مجرد طقوس وحركات فقط ، ما لها تأثير بالقلب. انتهى من لقاء الباب المفتوح.
والله أعلم.
شكرآ د. مهيرة
شكرآ د. شذا
Post: #127 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: Hadeer Alzain Date: 09-30-2011, 05:30 PM Parent: #125
عفوآ مكرر
_______________________________________
Post: #128 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: عبدالكريم أحمد الامين Date: 09-30-2011, 06:01 PM Parent: #127
** د. شــذا.. ** سلام وجُمعتك مُباركه.. ## ومن المتوقع أن لايسمح لإى مواطن\هـ بالذهاب الى الحج الرئيسى إلا بعد إبراز شـهـادة قـيـد إجــراءات من إدارة الكعبه بالساحه الخضراء ورسومها إسميه مبلغ \250\ جنيه سودانى + \300\ ريال سعودى او مايعادلها بإى عُمله رسوم مطوفيين.. ## مطلوب تعيين شرطه لحرم الساحه الخضراء يشترط حفظ 7 أجزاء من القرآن ........... (ودامت الأفكار الشيطانيه فى خدمة الجيوب الرساليه)
(ابو محمد فؤاد) - الماكيكى..
Post: #129 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: دينا خالد Date: 09-30-2011, 06:41 PM Parent: #128
لوووووووووووووووووووب انا كنت دايره اعمل مجسم لطريقة كتابتى فى البورد دا ... وادفع 100 الف للمجسم لتدريب الناس عليها ... راحت على .......
Post: #130 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: بكرى ابوبكر Date: 09-30-2011, 06:43 PM Parent: #129
Post: #131 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: ناذر محمد الخليفة Date: 09-30-2011, 07:06 PM Parent: #130
دي ياها الكعبة أم مية مليون !!!!!!!!!!!!
Post: #133 Title: Re: الصحافة: مجسم للكعبة في الساحة الخضراء ب100 مليون جنيه لتدريب الحج Author: قيقراوي Date: 10-01-2011, 09:20 AM Parent: #131
اتفضلي يا شذى
Quote:
- أها يا حاج عاوز تلف كم لفة ! - سبعة لفات بس - يا حاج هسه 7 لفات ديل بتكفيك عشان تتعلم الطواف ؟ - خلاس خليهم عشرة لفات ! - ما بنفع يا حاج .. لازم مضاعفات السبعة يعنى يا 14 يا 21 يا 28 !! - واللفه بي كم ؟ - بي ملابس أحرام وللا بدون ملابس إحرام - ليه؟ - لو بدون ملابس أحرام اللفة بي خمسة ألف ولو بي ملابس إحرام اللفة بى ألف واحد بس ! - خلاس دى 14 ألف أدينى 14 لفة بي ملابس إحرام (مواصلاً) وملابس الإحرام دى بي كم؟ - 200 ألف بس يا حاج !
اهو عمك الفاتح جبرا بدي في الجماعة افكار بلااااش .. بدون 100 مليون!!
Quote: كسرة : بعد النجاح المنقطع النظير الذى سوف يجده المعهد العالي لتدريب الحجاج (في تجفيف جيوب الحجاج طبعن) ... يفاجأ المواطنون بإعلان عن قيام المعهد العالي (الإلزامي) للتدريب علي النطق بالشهادتين !
كسرة تااااني : والله نحنا ما عارفين جدوي مشروع زى ده شنو؟ بينما 240 الف تلميذ فى ولاية الخرطوم ما قاعدين يفطروا .. الناس دى ما نصيحة وللا شنو؟
