هشام هباني و إبتذال النضال !!

قيل للقمان : أي الناس شر ؟! قال : الذي لا يبالي ان يراه الناس مسيئاً !!

موعودن ــ نحن ــ بكتابة متقدمة



ــــ
مالك وقفت من التيار ..؟!

كتب الزميل هشام هباني بوستا بعنوان صورة نادرة جدا للقــــــواد ابراهيم روثمان (بدون مؤاخذة) !
http://www.sudaneseonline.com/cgi-bin/sdb/2b...d=138&msg=1316280192
البوست ناقش عدة فتاوي و تصريحات لما يعرف بهيئة علماء السودان خاصة أمر تبرئتهم للحكومة من التورط فى ارتفاع الاسعار والغلاء الشديد الذى يجتاح البلاد . و كعادته ملأ هشام البوست وعنوانه بالبذاءات و ساقط القول، لم يردعه سخط الساخطين و لا إستجداءات المشفقين و لا كلمات من هم في قامة عم جعفر .
و هكذا هي كل بوستات هشام : فحش من القول و ساقطه باسم معارضة الحكومة و باسم التذمر مما يحدث.
و لان هشام الأعلي صوتا بكثرة بوستاته و رفعه اليومي لها، دمغ هذا المكان بالصعلقة و قلة الأدب، و صار (معارضي الحكومة في الأنترنت) عبارة عن ( ناس صعاليق ما عندها موضوع ) و هذا ما تسعي له الحكومة و يوفره لها هشام هباني و من معه من مناضلينا الأشاوس في هذا المكان !!

في بوسته المذكور ، كتب هشام ردا علي منتقدي إسلوبه الاتي :

Quote: اقدر جدا تهذيبكم وعفة السنتكم وسماحة اخلاقكم وانتم تستفزون ويخدش حياؤكم بسبب كلماتى النابيات جدا والتي بلا اسف اعنيها جدا في حق اصحاب السماحة هيئة (########ي) الاسلام في السودان ولكن في ذات الوقت اجد نفسى متاسفا جدا ولن احترمكم على عدم عدلكم ونزاهة معاييركم حينما تغضون النظر عن تلكم الفتاوى الدينية الصادرة من ذات اصحاب السماحة و المفعمة جدا ب(التعــــرص) باسم الدين وهي فتاوي (شرعية) حسبما زعموا تقر الظالم والمجرم والفاسد والعميل على كل ممارساته التي يعاني منها الوطن حتى اليوم بل هي فتاوى مفصلة كي تكافح كل من يقاوم الطغيان وللاسف لهو امر ابشع وانتن واقبح من كلماتي النابيات لان اصحاب السماحة الذين تحترمونهم ولا تتجراون على انتقادهم او حتى مناصحتهم اليوم يمارسون اتجارا نتنا بالدين وهم يعجزون عن مواجهة الظالم بظلمه ويعجزون عن نصرة شعبهم المظلوم وهي مواقف تتناقض مع تعاليم الدين الاسلامي الذي يدعو الى نصرة المظلوم ومكافحة الظلم والساكت عن الحق شيطان اخرس!

الاكتراث بالقيم يعني انك لن تقبل ان تعامل عدوك بما تنكره عليه
يعني و لا تزر وازرة وزر اخري .... ويحاكم رجال الانقاذ عند سقوطها
امام القضاء الطبيعي ويمنحو فرص العدالة حتي التي كانو ينكرونها علي الناس.

و لذلك معارضتك اذا لم تتلزم بما تنكره علي الانفاذ تكون معهم في نفس
الاتجاه و لكن بوسيلة نقل اخري

و يواصل هشام موجها حديثه لمنتقديه :

Quote: اعزائي الكرام كي احترم موقفكم تجاه ما خطه يراعي من اشياء نابية ارجو ان تثبتوا لي علانية عدلية معاييركم في الانتقاد وانكم بالفعل اهل حق لا تخشون فيه لومة لائم وذلك من خلال طرح اراء واضحة حول فتاوي هيئة ( قــــوادي) السلطان والتي ابديت فيها رايي بصراحة وانا اتحمل موقفى ولكن صمتكم عن انتقادهم لهو ابشع من عباراتي النابيات لان الساكت عن الحق شيطان اخرس لان فتاوى (########ي) السلطان اثرها ابشع من مفردات التكاسي المفتقر لله هباني لانه اثرها سيتضرر منه كل شعب السودان المظلوم والمصيبة باسم الدين

و هشام هنا يعتقد أن الناس قد صمتت عن نقد هذه الهيئة و أنه الوحيد الذي صدع بالحق حينما سكت الناس . و هو غير محق :
فالاخ واصل كان قد فتح بوست عن نفس الموضوع هيئة علماء السودان تبرىء الحكومة من التورط فى موجة ارتفاع الاسعار
تجاوب معه الناس في نقد و ذم هذه الفتوي . و في بوستات أخري كثيرة جاءات هذه الفتوي و تحدث الناس عنها ذما و قدحا .

و بتاريخ الاثنين 8 اغسطس 2011م - الموافق 8 رمضان 1432هـ - العدد 683 لصحيفة التيار كتبت في عمودي اليومي عن نفس الموضوع و تحت عنوان : ( هيئة علماء الحكومة !) ما يلي :

ضحكت حتي بانت (حشوة ضرسي ) و أنا اقرأ الخبر المنشور في عدة صحف تحت عنوان (هيئة علماء السودان تبرئ الحكومة من التورط فى موجة ارتفاع الاسعار ) و الذي جاء في تفاصيله ( برأت هيئة علماء السودان الحكومة السودانية من التورط فى موجة ارتفاع الاسعار والغلاء الشديد الذى يجتاح الاسواق السودانية وقالت ان الحكومة لاتتحملها منفردة ويشترك معها الافراد والمجتمع. ) .
و حقيقة لا أعرف ما هي (هيئة علماء السودان ) هذه و من هم أعضائها و كيف يتم اختيارهم ، الذي أعرفه أن هذا التصريح لا يشبه علماء السودن ولا صلة له بمنطق أو عقل أو دين .
و التصريح فيه من التناقض ما يشي بالعجلة لمخارجة الحكومة من وزر معاناة الناس إذ كيف تبرئ الهيئة الحكومة من التورط فى موجة ارتفاع الاسعار و في نفس السطر تقول (لاتتحملها منفردة ) و هذا إتهام واضح و صريح بمشاركة الحكومة في وزر (الغلاء الشديد الذى يجتاح الاسواق السودانية ) . و الحقيقة أن الحكومة و الحكومة وحدها من يتحمل هذا الوزر في هذه الدنيا و يوم لا تغني عنها هيئة علماء السودان من الله شئيا .
الحكومة بإسم الله و تمكين دينه عذبت الناس في المعتقلات و الزنانين و بيوت الأشباح باعترافهم و هيئة علماء السودان صامته صمت القبور !! الحكومة تستقطع الضرائب بلا خدمات و المكوس بغير وجه حق و تأكل أموال الناس بالباطل و هيئة علماء السودان لا يسمع لها صوتا !! فساد المسؤلين الحكومين يأكل الطعام ويمشي في الأسواق و يراه الناس في قصورهم ذات المسابح، غابات
من الأسمنت في بلاد يتقاسم فيها الفقر و العوز و المساغب مساكن الناس، و هيئة علماء السودان لا تري و لا تسمع و لا تتكلم !! الحكومة توهب ملايين الأفدنه من ارضنا للمزارعين للاجانب ، تبحث لهم عن التمويل و تزج بنوكها بمزارعينا في السجون ، و هيئة علماء السودان لا تهتم !! الحكومة تتبني سلسلة من السياسات الإقتصاديه الخاطئة تؤدي لارتفاع أسعار السلع فيعم البلاء و الغلاء فتخرج علينا هيئة علماء السودان لتبرئ الحكومة و تجرم معها الأفراد و المجتمع !! فلماذا لا تصمت هيئة علماء السودان مثلما صمتت علي كل باطل الحكومة، لماذا لا تسكت عن الحق مثلما تفعل دائما، بدلا من إتهام الافراد والمجتمع في مشهد من تبرئة الجاني و لوم المجني عليهم لم أري له مثيل .
في الوقت الذي تقتل الحكومة السورية شعبها بالدبابات و البوارج الحربية و تسيل دماء الأبرياء فتملأ دجلة و الفرات ، يخرج مفتي سوريا قائلا :((ان متطرفين من المملكة العربية السعودية ومصر ودول أخرى وصلوا الى سوريا، مضيفا أن الأحداث الأخيرة في بلاده تهدد ليس سوريا فحسب بل المنطقة بأكملها. واتهم المفتي الغرب وبالدرجة الأولى الولايات المتحدة بمحاولة إثارة فتنة طائفية في المنطقة وهذا بهدف تعزيز مواقف اسرائيل. )) إن هذا والذي جاءت به هيئة علماء السودان ليخرج من مشكاة واحدة . والله إن العين لتدمع و إن القلب ليحزن أن تخرج هذه الكلمات ممن ينسبون أنفسهم للعلماء .
غضب سلطان العلماء وبائع السلاطين العز بن عبد السلام من السلطان إسماعيل و أغلظ له في القول فعزله السلطان من الأفتاء ، و لما ذهب إلي داره أرسل له السلطان رسولا ليقول له: ".. بينك وبين أن تعود إلى مناصبك ، وما كنت عليه وزيادة ، أن تقبل يد السلطان لا غير ".. فقال العالم الجليل الممتلئ عزة وأنفة وإباء : " والله يا مسكين ما أرضاه أن يقبل يدي ، فضلا عن أن أقبل يده.. يا قوم أنتم فى واد وأنا فى واد.. والحمد لله الذي عافاني مما ابتلاكم به ". يبدو أن هيئة علماء السودان في واد و الشعب السوداني في واد آخر فالحمد لله الذي عافانا مما ابتلاهم به .


---------
نحن لم نسكت علي باطل قولهم يا هشام لكن : ليس بالبذاءة وحدها يناضل الأنسان !!

و لهشام بوست/مبحث كامل في تبرير فحشه و بذاءاته مستندا علي كتاب الله و سنة رسوله : أي والله، كتاب الله و سنة رسوله !!
http://www.sudaneseonline.com/cgi-bin/sdb/2b...d=138&msg=1307680500
و يواصل هشام في بوسته المسحوب ليبرر بذاءاته مستندا علي كتاب الله و سنة رسوله فيقول :

Quote: واما مفردات المفتقر لله هباني سيتضرر منها فقط بعض المهذبين والجبنــاء ! فصاحب القول السيء حينما يكون مظلوما فقد اجاز له الله تعالى رخصة دينية تستثنيه من النقد حينما بواجه الظالم بهذا الكلم السيء(لايحب الله الجهر بالسوء من القول الا من ظلم) صدق الله العظيم.

و لأن الجهل مصيبة ، هشام يفهم من آية (لايحب الله الجهر بالسوء من القول الا من ظلم) مبررا لفاحش القول و الخوض في أعراض الناس و وصفهم بالقو ادين و غيره من ساقط القول . و حتي لا نطيل نرفق شرح للايه من أحاديث العلماء و المفسرين اخترته من بين العديد من الشروح المبذولة لأنه احتوي علي كل الشروحات للايه الكريمة ليس من بينها ما يستند عليه هشام في فحشه و ساقط قوله و ولوغه في أعراض الناس اتفقنا أم اختلفنا معهم :

Quote: قال الامام الطبري رحمه الله في تفسيره : ( القول في تأويل قوله : لا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلا مَنْ ظُلِمَ وَكَانَ اللَّهُ سَمِيعًا عَلِيمًا (148) قال أبو جعفر: اختلفت القرأة في قراءة ذلك. فقرأته عامة قرأة الأمصار بضم " الظاء ". وقرأه بعضهم: ( إِلا مَنْ ظَلَمَ ) ، بفتح " الظاء ". ثم اختلف الذين قرءوا ذلك بضم " الظاء " في تأويله. فقال بعضهم: معنى ذلك: لا يحب الله تعالى ذكره أن يجْهر أحدُنا بالدعاء على أحد، وذلك عندهم هو " الجهر بالسوء إلا من ظلم "، يقول: إلا من ظلم فيدعو على ظالمه، فإن الله جل ثناؤه لا يكره له ذلك، لأنه قد رخص له في ذلك. < 9-344 > *ذكر من قال ذلك: 10749- حدثني المثنى قال، حدثنا عبد الله بن صالح قال، حدثني معاوية بن صالح، عن علي بن أبي طلحة، عن ابن عباس قوله: " لا يحب الله الجهر بالسوء من القول "، يقول: لا يحب الله أن يدعوَ أحدٌ على أحد، إلا أن يكون مظلومًا، فإنه قد أرخَص له أن يدعو على من ظلمه، وذلك قوله: " إلا من ظلم "، وإن صبر فهو خير له. 10750- حدثني المثنى قال، حدثنا عبد الله قال، حدثني معاوية، عن علي، عن ابن عباس قوله: " لا يحب الله الجهر بالسوء من القول إلا من ظلم "، فإنه يحب الجهر بالسوء من القول. 10751- حدثنا بشر بن معاذ قال، حدثنا يزيد قال، حدثنا سعيد، عن قتادة قوله: " لا يحب الله الجهر بالسوء من القول إلا من ظلم وكان الله سميعًا عليمًا "، عذر الله المظلوم كما تسمعون: أن يدْعو. 10752- حدثني الحارث قال، حدثنا أبو عبيد قال، حدثنا هشيم، عن يونس، عن الحسن قال: هو الرجل يظلم الرجل فلا يدْعُ عليه، ولكن ليقل: " اللهم أعنِّي عليه، اللهم استخرج لي حقي، اللهم حُلْ بينه وبين ما يريد "، (1) ونحوه من الدعاء. = فـ" مَنْ"، على قول ابن عباس هذا، في موضع رفع. لأنه وجَّهه إلى أن الجهر بالسوء في معنى الدعاء، واستثنى المظلوم منه. فكان معنى الكلام على قوله: لا يحب الله أن يُجْهر بالسوء من القول، إلا المظلوم، فلا حرج عليه في الجهر به. وهذا مذهب يراه أهل العربية خطأ في العربية. وذلك أن " مَن " لا يجوز < 9-345 > أن يكون رفعًا عندهم بـ " الجهر "، لأنها في صلة " أنْ" ولم ينله الجحد، فلا يجوز العطف عليه. (2) من خطأٍ عندهم أن يقال: (3) " لا يعجبني أن يقوم إلا زيد ". وقد يحتمل أن تكون " من " نصبًا، على تأويل قول ابن عباس، ويكون قوله: " لا يحب الله الجهر بالسوء من القول "، كلامًا تامًّا، ثم قيل: " إلا من ظلم فلا حرج عليه "، فيكون من استثناء من الفعل، وإن لم يكن قبل الاستثناء شيء ظاهر يستثنى منه، كما قال جل ثناؤه: لَسْتَ عَلَيْهِمْ بِمُسَيْطِرٍ * إِلا مَنْ تَوَلَّى وَكَفَرَ ، [سورة الغاشية: 22-23] ، وكقولهم: " إني لأكره الخصومة والمِراء، اللهم إلا رجلا يريد الله بذلك "، ولم يذكر قبله شيء من الأسماء. (4) و " مَن "، على قول الحسن هذا، نصبٌ، على أنه مستثنى من معنى الكلام، لا من الاسم، كما ذكرنا قبل في تأويل قول ابن عباس، إذا وُجِّه " مَن "، إلى النصب، وكقول القائل: " كان من الأمر كذا وكذا، اللهم إلا أن فلانًا جزاه الله خيرًا فَعَل كذا وكذا ". وقال آخرون: بل معنى ذلك: لا يحب الله الجهرَ بالسوء من القول، إلا من ظُلم فيخبر بما نِيلَ منه. *ذكر من قال ذلك: 10753- حدثنا ابن وكيع قال، حدثنا أبو معاوية، عن محمد بن إسحاق، عن ابن أبي نجيح، عن مجاهد قال: هو الرجل ينـزل بالرجل فلا يحسن ضيافته، فيخرج من عنده فيقول: أساءَ ضيافتي ولم يُحسن! 10754- حدثنا القاسم قال، حدثنا الحسين قال، حدثني حجاج، عن < 9-346 > ابن جريج، عن مجاهد: " إلا من ظلم "، قال: إلا من أثَر ما قيل له. (5) 10755- حدثني المثنى قال، حدثنا الحجاج بن المنهال قال، حدثنا حماد، عن محمد بن إسحاق، عن عبد الله بن أبي نجيح، عن مجاهد: " لا يحب الله الجهر بالسوء من القول إلا من ظلم "، قال: هو الضيف المحوَّل رحلُه، فإنه يجهر لصاحبه بالسوء من القول. وقال آخرون: عنى بذلك، الرجلَ ينـزل بالرجل فلا يقريه، فينالُ من الذي لم يقرِه. *ذكر من قال ذلك: 10756- حدثني محمد بن عمرو قال، حدثنا أبو عاصم قال، حدثنا عيسى، عن ابن أبي نجيح، عن مجاهد في قوله: " إلا من ظلم "، قال: إلا من ظلم فانتصر، يجهر بالسوء. 10757- حدثني المثنى قال، حدثنا أبو حذيفة قال، حدثنا شبل، عن ابن أبي نجيح، مثله. 10758- حدثنا ابن وكيع قال، حدثنا سفيان بن عيينة، عن ابن أبي نجيح، عن إبراهيم بن أبي بكر، عن مجاهد= وعن حميد الأعرج، عن مجاهد: " لا يحب الله الجهر بالسوء من القول إلا من ظلم "، قال: هو الرجل ينـزل بالرجل فلا يحسن إليه، فقد رخص الله له أن يقول فيه . (6) < 9-347 > 10759- وحدثني أحمد بن حماد الدولابي قال، حدثنا سفيان، عن ابن أبي نجيح، عن إبراهيم بن أبي بكر، عن مجاهد،" لا يحب الله الجهر بالسوء من القول إلا من ظلم "، قال: هو في الضيافة، يأتي الرجل القوم، فينـزل عليهم، فلا يضيفونه. رخَّص الله له أن يقول فيهم. (7) 10760- حدثنا الحسن بن يحيى قال، أخبرنا عبد الرزاق قال، أخبرنا المثنى بن الصباح، عن مجاهد في قوله: " لا يحب الله الجهر بالسوء من القول " الآية، قال: ضاف رجل رجلا فلم يؤدِّ إليه حق ضيافته، فلما خرج أخبر الناس، فقال: " ضفتُ فلانًا فلم يؤدّ حق ضيافتي"! فذلك جهرٌ بالسوء إلا من ظلم، حين لم يؤدِّ إليه ضيافته. 10761- حدثنا القاسم قال، حدثنا الحسين قال، حدثني حجاج قال، قال ابن جريج، قال مجاهد: إلا من ظلم فانتصر، يجهر بسوء. قال مجاهد: نـزلت في رجل ضاف رجلا بفلاةٍ من الأرض فلم يضفه، فنـزلت: " إلا من ظلم "، ذكر أنه لم يضفه، لا يزيد على ذلك. وقال آخرون: معنى ذلك: إلا من ظلم فانتصر من ظالمه، فإن الله قد أذن له في ذلك. < 9-348 > *ذكر من قال ذلك: 10762- حدثنا محمد بن الحسين قال، حدثنا أحمد بن المفضل قال، حدثنا أسباط، عن السدي: " لا يحب الله الجهر بالسوء من القول إلا من ظلم "، يقول: إن الله لا يحب الجهر بالسوء من أحدٍ من الخلق، ولكن من ظلم فانتصر بمثل ما ظُلم، فليس عليه جناح. = فـ" مَن "، على هذه الأقوال التي ذكرناها، سوى قول ابن عباس، في موضع نصب على انقطاعه من الأول. والعرب من شأنها أن تنصب ما بعد " إلا " في الاستثناء المنقطع. فكان معنى الكلام على هذه الأقوال، سوى قول ابن عباس: لا يحب الله الجهر بالسوء من القول، ولكن من ظلم فلا حرج عليه أن يخبر بما نٍيل منه، أو ينتصر ممن ظلمه. وقرأ ذلك آخرون بفتح " الظاء ": ( إِلا مَنْ ظَلَمَ ) ، وتأولوه: لا يحب الله الجهرَ بالسوء من القول، إلا من ظلم فلا بأس أن يُجْهر له بالسوء من القول. *ذكر من قال ذلك: 10763- حدثني يونس قال، أخبرنا ابن وهب قال، قال ابن زيد: كان أبي يقرأ: ( لا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلا مَنْ ظَلَمَ ) ، قال ابن زيد: يقول: إلا من أقام على ذلك النفاق، فيُجهر له بالسوء حتى ينـزع. قال: وهذه مثل: وَلا تَنَابَزُوا بِالأَلْقَابِ بِئْسَ الاسْمُ الْفُسُوقُ ، أن تسميه بالفسق= بَعْدَ الإِيمَانِ ، بعد إذ كان مؤمنًا= وَمَنْ لَمْ يَتُبْ ، من ذلك العمل الذي قيل له= فَأُولَئِكَ هُمُ الظَّالِمُونَ ، [سورة الحجرات: 11] ، قال: هو شرٌّ ممن قال ذلك. (8) < 9-349 > 10764- حدثني يونس قال، أخبرنا ابن وهب قال، قال ابن زيد في قوله: " لا يحب الله الجهر بالسوء من القول إلا من ظَلم " ، فقرأ: إِنَّ الْمُنَافِقِينَ فِي الدَّرْكِ الأَسْفَلِ مِنَ النَّارِ حتى بلغ وَسَوْفَ يُؤْتِ اللَّهُ الْمُؤْمِنِينَ أَجْرًا عَظِيمًا . ثم قال بعد ما قال: هم في الدرك الأسفل من النار= مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآمَنْتُمْ وَكَانَ اللَّهُ شَاكِرًا عَلِيمًا ، ( لا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلا مَنْ ظَلَمَ ) ، قال: لا يحب الله أن يقول لهذا: " ألست نافقت؟ ألست المنافق الذي ظلمتَ وفعلت وفعلت؟"، من بعد ما تاب=" إلا من ظلم "، إلا من أقام على النفاق. قال: وكأن أبي يقول ذلك له، ويقرأها: ( إِلا مَنْ ظَلَمَ ) . = فـ" مَنْ" على هذا التأويل نَصْبٌ لتعلقه بـ " الجهر ". وتأويل الكلام، على قول قائل هذا القول: لا يحب الله أن يجهر أحد لأحد من المنافقين بالسوء من القول، إلا من ظلم منهم فأقام على نفاقه، فإنه لا بأس بالجهر له بالسوء من القول. قال أبو جعفر: وأولى القراءتين بالصواب في ذلك قراءة من قرأ: ( إِلا مَنْ ظُلِمَ ) بضم " الظاء "، لإجماع الحجة من القرأة وأهل التأويل على صحتها، وشذوذ قراءة من قرأ ذلك بالفتح. فإذ كان ذلك أولى القراءتين بالصواب، فالصواب في تأويل ذلك: لا يحب الله، أيها الناس، أن يجهر أحدٌ لأحد بالسوء من القول=" إلا من ظلم "، بمعنى: إلا من ظلم، فلا حرج عليه أن يخبر بما أسيء عليه. (9) وإذا كان ذلك معناه، دخل فيه إخبار من لم يُقْرَ، أو أسيء قراه، أو نيل بظلم < 9-350 > في نفسه أو ماله= غيرَه من سائر الناس. (10) وكذلك دعاؤه على من ناله بظلم: أن ينصره الله عليه، لأن في دعائه عليه إعلامًا منه لمن سمع دعاءه عليه بالسوء له. وإذْ كان ذلك كذلك، فـ" مَن " في موضع نصب، لأنه منقطع عما قبله، وأنه لا أسماء قبله يستثنى منها، فهو نظير قوله: لَسْتَ عَلَيْهِمْ بِمُسَيْطِرٍ * إِلا مَنْ تَوَلَّى وَكَفَرَ [سورة الغاشية: 22-23] . وأما قوله: " وكان الله سميعًا عليمًا "، فإنه يعني: " وكان الله سميعًا "، لما تجهرون به من سوء القول لمن تجهرون له به، وغير ذلك من أصواتكم وكلامكم=" عليمًا "، بما تخفون من سوء قولكم وكلامكم لمن تخفون له به فلا تجهرون له به، محص كل ذلك عليكم، حتى يجازيكم على ذلك كله جزاءَكم، المسيء بإساءته، والمحسن بإحسانه. ) وتجده على هذا الرابط : http://www.almeshkat.net/books/open.php?cat=6&book=416 وقال الامام النسفي في تفسيره : ( لايحب الله الجهر بالسوء من القول ولا غير الجهرولكن الجهر أفحش إلا من ظلم إلا جهر من ظلم استثنى من الجهر الذى لا يحبه الله جهر المظلوم وهو أن يدعوا على الظالم ويذكره بما فيه من السوء وقيل الجهر بالسوء من القول هو الشتم إلا من ظلم فانه أن رد عليه مثله فلا حرج عليه ولمن انتصر بعد ظلمه وكان الله سميعا لشكوى المظلوم عليما بظلم الظالم ثم حث على العفو و أن لا يجهر أحد لأحد بسوء وان كان على وجه الانتصار بعد ما أطلق الجهر به حثا على الأفضل وذكر ابداء الخير وإخفاءه تسبيبا للعفو فقال إن تبدوا خيرا ) تجده على هذا الرابط في الجزء 2 : http://www.almeshkat.net/books/open.php?cat=6&book=1526

و باختصار شديد الايه تعني أن يدعو أو يخبر المظلوم علي ظالمه و ليس بما يعني هشام و يفعل باستعمال فاحش القول و الولوغ في أعراض الناس بحجة ظلم الحكومة !

ثم يواصل هشام

Quote: وفي حديث نبوى صحيح ومؤكد كان رسول الله (ص) يقر شاعر ه حسان بن ثابت على هجاء المشركين وتحت باب الهجاء تنداح كل المفردات النابيات التي بالتاكيد ان اعطيتكم نماذج منها لقلتم ان مفردات العبد التكاسي الفقير هباني لهي والله اهون واكثر تهذيبا من عبارات حسان شاعر الرسول حينما كان يهجو المشركين؟

حسان بن ثابت رضي الله عنه كان يهجو المشركين ، فمتي اشرك أعضاء ما يسمي بهيئة علماء السودان ؟ متي كفرو بالله تعالي لتقيس علي هجاء حسان بن ثابت و تبيح لنفسك استباحة أعراضهم ؟

هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب :
إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو !
إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب .
لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ...
لا طريق للثوره إلا بالصدق و إصلاح عيوبنا ....
لا طريق لمحاربة من لا أخلاق لهم إلا بالاخلاق !!

أحمد موسي يا حبيبنا

Quote: مالك وقفت من التيار ..؟!

وقفت والله ... تقول شنو !!

رغيم الأب ... سلام عليك و علي من معك

Quote: الاكتراث بالقيم يعني انك لن تقبل ان تعامل عدوك بما تنكره عليه يعني و لا تزر وازرة وزر اخري .... ويحاكم رجال الانقاذ عند سقوطها امام القضاء الطبيعي ويمنحو فرص العدالة حتي التي كانو ينكرونها علي الناس. و لذلك معارضتك اذا لم تتلزم بما تنكره علي الانفاذ تكون معهم في نفس الاتجاه و لكن بوسيلة نقل اخري

و لا مزيد !

Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب

البروف أمين سلام

لم نقول الكلام دا بقولو علينا كيزان و أمنجية
و الغريب أن لديه مجموعة من المساندين و المطبلين

تحياتي و إحترامي

أبوحسين الأمنجي

Quote: البروف أمين سلام لم نقول الكلام دا بقولو علينا كيزان و أمنجية و الغريب أن لديه مجموعة من المساندين و المطبلين تحياتي و إحترامي

مسالة المساندين و المطبلين خاضعه لعلاقات الناس الشخصية : واحدة من مشاكل المحل ده إنو الحق بيتعرف بالرجال ما بيهو هو ذاتو و القصة كلها صحبي و صحبك و شلتي و شلتك !!

اخونا العزيز امين سليمان

كل العام وانتم بخير

بالفعل كلامك (في التنك ) ومقبول جدا ومنطقي جدا ما ذكرته في حق قـــــــــوادي السلطان وفي مناصحتى ولكن اخاك هباني ليس ممثلا للمعارضة السودانية ولا متحدثا رسميا باسمها ولا يختط خطا هو خطها لانه لا تشرفني هذه المعارضة السودانية بخطها الحالي المفعم بالتواطؤ والمساومات مع القتلة والمجرمين ولا اتشرف ان اكون من بين اعضائها لانها في اعتقادى دون الطموح والتطلعات و هي بريئة تماما من كتاباتي وانا بريء من مواقفها....( فلكم دينكم ولي دين). وثق يا عزيزي امين فان كانت هنالك مفردات اسوأ وابشع مما ذكرتها في حق هؤلاء القـــــــــــــــــــوادين من اسموا نفسهم (علماء السودان) فتالله لما توانيت في استخدامها في توصيفهم لانهم بموقفهم المتواطيء مع الطغيان والاجرام والفساد وهم يقفون ضد شعبهم فهم يستحقون بجدارة احط واقذر ما جادت به لغة الضاد من مفردات الهجاء لان لغة الضاد تحمل الغث والسمين من الكلم ولكل مقام مقال ولكل حادثة حديث.

مودتي

امين شلوم،

هو بالله انتا برضو صحفي انقاذ اصفر؟

ما عشان كده سمن علي عسل مع امثال ابوحسين او احمد موسي المثلو الاعلي واحد زي نافع!

اذا ده حاصل، يبقي بطل العجب، او وضح السبب فيما اتصل بي هباني!

عالم!

Quote: هو بالله انتا برضو صحفي انقاذ اصفر؟

Welcome aboard

Quote: ما عشان كده سمن علي عسل مع امثال ابوحسين او احمد موسي المثلو الاعلي واحد زي نافع!

أرحم نفسك يا مُتأمركـ ؟!
انا مثلي الأعلى نافع إنت مثلك الاعلى منو يا (مستر) بشة ؟
صدفني طالما انت نموذج المعارضة
وانت نموذج البدائل المطروحة انا حأكاتل جنبا الى جنب نافع للبقاء

اخونا امين

صباحاتك خير

Quote: و هشام هنا يعتقد أن الناس قد صمتت عن نقد هذه الهيئة و أنه الوحيد الذي صدع بالحق حينما سكت الناس . و هو غير محق : فالاخ واصل كان قد فتح بوست عن نفس الموضوع هيئة علماء السودان تبرىء الحكومة من التورط فى موجة ارتفاع الاسعار تجاوب معه الناس في نقد و ذم هذه الفتوي . و في بوستات أخري كثيرة جاءات هذه الفتوي و تحدث الناس عنها ذما و قدحا .

اعتقد انك لم تك عادلا في طرحك فقد جانبت الصواب بتعليقك اعلاه....فقد وجهت خطابي فقط الى من انتقدونى في الخيط المسحوب وليس الى اخرين لان من انتقدوني لم اجد لاي منهم تعليقا واضحا وشجاعا حول هذه الفتوى حتى اصدق حرصهم على صون الحق بل انتقدوني من غير ابداء اي راي واضح ينتقد ايضا هذه الفتوى العجيبة (لمعـــــــــــــــــــــرصي) السلطان والتى لا تدانيها في البشاعة كلماتي والتي هي كلمات اشرف من مواقف الصامتين عن قولة الحق!

قال اخونا امين
لا طريق لمحاربة من لا أخلاق لهم إلا بالاخلاق !!

امين
سلام

للاسف كلامك هذا ليس صحيحا فى كل الاحوال
فهؤلا القوم قد فاقوا سؤ الظن العظيم فراسخا بينما ان تتكلم عن خصوم طبيعيين
لا مجال لمحاربة الانقاذ باخلاق و من يقول بهذا اما ان يكون رجلا طيب النوايا و لا يدرك خسة القوم و نزالتهم او شخص متواطئ معهم
و اربا بك من الثانية بما اعرفه عنك
اذكر فى الديمقراطية الثالثة تجاوز صحفيو الجبهة الاسلامية كل الحدود فى محاربة حزبى الامة و الاتحاديين و لم يوفروا حتى العروض
و لم يكونوا ينتقدون امرا عاما بل كانوا يتناولون الاشخاص بما يعيب (التوم كديس و ابو ناعم و اشياء اخرى نعف النفس عن ذكرها)
صبر الحزبين عليهم اكثر من ثلاثة سنوات
ثم قرروا مواجهتم بنفس السلاح. فتم اصدار صحيفة الوطن لصاحبها المرحوم سيد احمد خليفة و كان احد اعلامى حزب الامة وقتها
كان باكورة اعمالها هو فضيحة جنسية لقيادى من الجبهة
و اعقيتها بفضيحة القصر العشوايى لقيادى اخر
و هنا و هنا فقط توقفت صحف الجبهة عن نهجها و انصلح حالها
كلامك يا امين صحيح لو كان من يهاجمهم الهبانى اناس اخرون غير هؤلاء القتلة و ازلامهم
اما هؤلاء فينطبق عليهم قول زياد ابن ابيه و هو يهدد خصومه: انا و الله لنخوض اليكم الباطل خوضا

البروف امين سلامي واحترامي

ما نفرنا من المعارضه الاسفيريه الا لوجود
امثال هباني وبشاشا وصديق علي مهدي
وذو اليد وتراجي ودينق ومعاويه عبيد بين صفوفها
هذه الشله تجعلك بدون وعي منك تصبح ملكي اكثر من الملك
وكما اوضحت يا بروف
الوضع لا يحتاج لكل هذه البذاءت لتوضيح اخفاقات الانقاذ

لك ان تنظر لفهم المدعو بشاشا الصنفك بصحفي انقاذي
لمجرد انك لم تشتم ابو حسين بعد مروره من هنا

Quote: قال اخونا امين لا طريق لمحاربة من لا أخلاق لهم إلا بالاخلاق !! امين سلام للاسف كلامك هذا ليس صحيحا فى كل الاحوال فهؤلا القوم قد فاقوا سؤ الظن العظيم فراسخا بينما ان تتكلم عن خصوم طبيعيين

يا د. عوض
كلامك محبط بالجد بالنسبة لي ..

في صراع اي فيئتين الاخلاق .. و الاخلاق فقط هي ما يرجح احدى الكفتين ..

و لن تنتصر الثورة الا بقناع الجماهير بتفوقها الاخلاقي على الوضع القائم

على قول الامام علي كرم الله وجهه " فيما نقاتلهم اذاً!؟"








------

Quote: امين شلوم، هو بالله انتا برضو صحفي انقاذ اصفر؟ ما عشان كده سمن علي عسل مع امثال ابوحسين او احمد موسي المثلو الاعلي واحد زي نافع! اذا ده حاصل، يبقي بطل العجب، او وضح السبب فيما اتصل بي هباني! عالم!

منطق فطير
و قياس خادع

- كل من يكتب في صحف الانقاذ الصفراء سمن على عسل ..
- هباني ضد الانقاذ ( بكل البذاءة المتوفرة)


امين كتب عن هباني لانو:
بما انو امين يتكب في الصحافة الصفراء .. فهو سمن على عسل مع الانقاذ!!!

تأمل و ادي ربك العجب!!

ياخ امين كتب في الصحافة الصفراء دي ذاتا عن نفس س " علماء السلطان" ديل
و بحجج اقوى و ارفع مليون مرة مما كتبه هباني بابتذال ..

تعرف الفرق شنو بس!؟

لو عرفتا يا بشبش .. قل لنفسك شكراً
لانو وكتها بس بتكون وصلتك القافية بلا خللٍ

Quote: يا د. عوض كلامك محبط بالجد بالنسبة لي .. في صراع اي فيئتين الاخلاق .. و الاخلاق فقط هي ما يرجح احدى الكفتين .. و لن تنتصر الثورة الا بقناع الجماهير بتفوقها الاخلاقي على الوضع القائم على قول الامام علي كرم الله وجهه " فيما نقاتلهم اذاً!؟"

قيقا يا حبيب
انت و الامين و لصفاء نفسيكما تتحدثون عن خصوم طبيعيين يمكن مواجهتهم بالاخلاق الطيبة و لكن من تعنونهم و من اضطر الهبانى لمواجهتهم
بفاحش القول هم وحوش كاسرة توفرت على فناء مئات الالوف من شعب السودان و تشريد و تجويع الباقين. هؤلاء لا شبيل لمواجهتهم الا بنفس سلاحهم
اعتماد مكارم الاخلاق لمواجهتهم لن يفلح الا فى اطالة عمر اذاهم
و هم لا يرعون اى اخلاق فى مواجهة خصومهم فلم الرقة و الرومانسية الزائدة فى مواجهتم و التطهرية الشديدة دى كانكم اتون للتو من عصر المسيح؟
ثم يمكنكم احتمال الهبانى من باب تنويع الاسلحة ضد نظام تتفقون معنا على سؤئه بمثلما لا نرى للناس حماسا فى مواجهة اللغة القبيحة لنافع
و مصطفى عثمان و احيانا امين حسن عمر

Quote: قيقا يا حبيب انت و الامين و لصفاء نفسيكما تتحدثون عن خصوم طبيعيين يمكن مواجهتهم بالاخلاق الطيبة و لكن من تعنونهم و من اضطر الهبانى لمواجهتهم بفاحش القول هم وحوش كاسرة توفرت على فناء مئات الالوف من شعب السودان و تشريد و تجويع الباقين. هؤلاء لا شبيل لمواجهتهم الا بنفس سلاحهم اعتماد مكارم الاخلاق لمواجهتهم لن يفلح الا فى اطالة عمر اذاهم و هم لا يرعون اى اخلاق فى مواجهة خصومهم فلم الرقة و الرومانسية الزائدة فى مواجهتم و التطهرية الشديدة دى كانكم اتون للتو من عصر المسيح؟ ثم يمكنكم احتمال الهبانى من باب تنويع الاسلحة ضد نظام تتفقون معنا على سؤئه بمثلما لا نرى للناس حماسا فى مواجهة اللغة القبيحة لنافع و مصطفى عثمان و احيانا امين حسن عمر

انا شخصياً ما عندي مانع انو اخلي هباني او خليل يحملوا السلاح ابداً .. بذاءة و لّ بندقية..
في الحالتين واحد، بالنسبة لي كخيار شخصي احاسب عليه..

بس كونك تختني مع امين ( الدوغمائي ) دا، في نفس الفئة، دي عندي فيها مانع ..
ياخ اسي انا اعترضتا!؟

بالجد ..

لكن ما بتتفق معاي انو انتصار أيٍ من الفئتين هو انتصار للبذاءة!؟
و دا في حد ذاته كارثة لمستقبل البلد دي!!؟
و ياتو خيار هو البطيل أمد النظام القائم بالله عليك!؟
بالواقع، الحركات المسلحة هي الساهمت في استطالة عمر النظام .. ابدا من الحركة الشعبية ..
و امثال هباني و نضال هباني، هم من يسوغ فزاعة " البديل" بامتياااااز!!

ثم ثانين : ؤ قوى الثورة ح تقعد تتفرج لمتين!؟

و الثابت في كتاب الثورة، المبحث الاول - الدرس الاول:
حصة (1) ا ب ت ث الثورة:
الثائر يثور على واقع نفسو المريضة اول!


و لّ نحن قرينا من الكتاب الغلط!؟

تحياتي و احترامي

ــــــــــــــــــ
هذه الشريفة العفيفة الباسلة من بنات بلادى الابنة صفية اسحق - والتي اغتصبها كــــــــــــــــــــلاب الامن - فالذين صمتوا عن كنابة حرف واحد في حقها وقد جبنوا ان ينصفوها امام الله وشعبها سواء كانوا من اسموا انفسهم زورا ( هيئة علماء السودان) او اي كائن سوداني يحمل عقلاوقلبا فوالله وتالله فهم قـــــــــوادون وديوثون و ( ابراهيم روثمان) اشرف منهم الاف المرات لانهم بلا انسانية ولا اخلاق وهم يقرون بصمتهم الاثيم جريمة الاغتصاب... وهل يا ترى قد انصف الاخ صاحب الخيط هذه المغتصبة الطاهرة بقلمه في هذا المنبر او في تلكم الصحافة المحلية وبذات الاخلاقية العالية التي ينتقد بها شخصي في هذا الخيط وحيث ينبغي ان يكون انتقادا جريئا وشجاعا لطغمة تواجه ضحاياها بالاغتصاب وليس بالاقوال اي ان ينتقدهم اشنع من انتقاده لشخصي برغم انى ضحية مثله لم اقتل ولم اجرم في حق شعبي بل ارد على ظالمي والمتعاونين معه بخطاب خشن ومبرريستحقونه.......اتمنى ان يرفدنا صاحب الخيط بكتاباته عن اغتصاب (صفية) وايضا حول جلد فتاة ( الكبجاب ) التي قطعت صرخاتها نياط قلوب كثير من بشر العالم وهم يرفضون اذلال الانسان باسم الدين....فهل يا ترى كتب صاحب الخيط في صحافة الخرطوم او في هذا المنبرما يؤكد حقانيته واخلاقه الفاضلة في الوقوف مع صفية او مع هذه المجلودة المذلولة اوحتى مع مظاليم بلاده في دارفور او في جبال النوبة او جنوب النيل الازرق حتى اصدق مزاعمه كمنصب من نفسه قيما على الاخلاق في انتقاده لشخصي وهو امر اقبله فقط عندما يكون منتقدى عادلا في موازينه ومعاييره ولا يخشى في الحق لومة لائم؟

التحية و التقدير للبروف امين ، فقد اوضح الامر بطريقة السهل الممتنع ، اكثر ما يؤلم هشام هبانى وزمرته هنا ان يعريهيم من هم فى قائمة البروف ، لذلك تجده يتداخل بل يطلب المدد حتى من بشاشا ، و الذى قال انه تلقى اتصالا من هشام.
هشام هبانى و صديق و بشاشا افات خطيرة على هذا المكان ، و معهم بعض من ينشر لحريات ، للاسف قول كلمة الحق هنا تصنفك على طول بانك إنقاذى ، لك التحية و التقدير يا رجل يا اصيل .


مرات كثيرة عصرنا هشام هبانى هنا ، و حتى يهرب من الموضوع يفتح بوستات اخرى للهروب ، اذكر اننى حاصرته هنا ذات مرة فخرج ببوست عن موضوع جوازته حتى يشغل الناس . من منا لا يذكر يوم ان اتى بصورة كاذبة ، قال انها للشهيدة التاية قريبة الاخ علاء تمبس

للاسف هذا الرجل لا يقبل النصح حتى من امثالك يا بروف ، لاحظ انه ما زال يقول سوف و سوف .

حبيبنا ود الاقرع الجعلى الجدع

تحياتي وكل العام وانتم بخير

Quote: للشهيدة التومة

هازول خرفت ....دحين منو الشهيدة التومة دي واستشهدت وين؟

مرحب يا هشام ، و كل سنة و انت بالف خير


شوف يا هشام انا عدلت الاسم بعد 3 دقائق

فقط يعنى قبل انتباهك للامر ، معناتو انو

البوست ده تاعبك شديد عشان كده حارسو الله

يكون فى عونك يا خوى.

هشام هباني سلامات ياخي

Quote: اتمنى ان يرفدنا صاحب الخيط بكتاباته عن اغتصاب (صفية) وايضا حول جلد فتاة ( الكبجاب ) التي قطعت صرخاتها نياط قلوب كثير من بشر العالم وهم يرفضون اذلال الانسان باسم الدين....فهل يا ترى كتب صاحب الخيط في صحافة الخرطوم او في هذا المنبرما يؤكد حقانيته واخلاقه الفاضلة في الوقوف مع صفية او مع هذه المجلودة المذلولة اوحتى مع مظاليم بلاده في دارفور او في جبال النوبة او جنوب النيل الازرق حتى اصدق مزاعمه كمنصب من نفسه قيما على الاخلاق في انتقاده لشخصي وهو امر اقبله فقط عندما يكون منتقدى عادلا في موازينه ومعاييره ولا يخشى في الحق لومة لائم؟

اشهد لامين انه لا يخشى في الحق لومة لائم

و لا اظن انو امين يجاريك في حكاية جيب كتابتك و جيب شنو دي ..

هادي مكتبة امين .. و لك ان تستخلص منها نتيجة تخصك تماماً ..

http://www.sudaneseonline.com/cgi-bin/sdb/2bb.cgi?board=468

و دا نموذج لما طلبته في كوتك : لماذا لا يخرس الشمال ؟!!

الباقين اعتقد انهم لهم قناعاتهم الشخصية
ما اعتقد اننا بنتكلم عن (نكرة) هنا .. و لّ شنو يا الركاب؟





-------

دا كلو مع قناعتي التامة انو ما بالضرورة اني اكون صاااااح عشان اعرف الغلط .. او ادعيه
او محتاج لعبقرية عديييل لاقول انو الحاصل دا " دا غلط"!!
يكفي الغلط انو غلط في ذاته!!

يعني اسي الانقاذ غلط .. و غلط كبير كمان!!
ما اقول غلط يعني؟
و لا تسألني عن البديل!!

شفت انو قضيتك خسرانة كيف!؟

سلام يا هشام و لعلك بخير

Quote: اعتقد انك لم تك عادلا في طرحك فقد جانبت الصواب بتعليقك اعلاه....فقد وجهت خطابي فقط الى من انتقدونى في الخيط المسحوب وليس الى اخرين لان من انتقدوني لم اجد لاي منهم تعليقا واضحا وشجاعا حول هذه الفتوى حتى اصدق حرصهم على صون الحق بل انتقدوني من غير ابداء اي راي واضح ينتقد ايضا هذه الفتوى العجيبة (لمعـــــــــــــــــــــرصي) السلطان والتى لا تدانيها في البشاعة كلماتي والتي هي كلمات اشرف من مواقف الصامتين عن قولة الحق!

يا هشام دي ما أول مره ترد علي منتقديك بحجة انتو ما عندكم حق تعترضو علي بذاءة مفرداتي لانكم صمتو عن قولة الحق ، و كأنما الحق ده لازم يتقال في بوستك و كأنك اطلعت علي سرائر منتقديك و موافقتهم لما و من تنتقدهم !! الناس دي كلها دخلت بوستك تقول ليك يا هشام ياخي ما ممكن تستعمل فاحش القول و ساقطه في قولة الحق، مفرداتك البذئيه ( البتحشرها حشر ) في بوستاتك دي بتخلي الناس تسيب الموضوع الأساسي و تتكلم معاك ولا تناكفك و تخلي الموضوع الأساسي و ده جزء من إبتذال النضال اللي بتكلم عنو ....

الشئ التاني إنت بتبز الناس من خلال مواقفها لانو ناس كتيرة جدا هنا ما عندها شغله بالحكومة ولا المعارضة ولا عندها نشاط سياسي أصلا، لكن مافي زول ما عندو نشاط أخلاقي، لمن تكتب بساقط قولك ده الناس بتجي تنط ليك و إنت بتبتزاهم بقصة انتو سكتو عن قولة الحق و أكبر دليل علي كلامي ده انك مشيت فتشت عن حاجة قايلني ما اتكلمت عنها عشان تجي تبتزاني بيها :

Quote: هذه الشريفة العفيفة الباسلة من بنات بلادى الابنة صفية اسحق - والتي اغتصبها كــــــــــــــــــــلاب الامن - فالذين صمتوا عن كنابة حرف واحد في حقها وقد جبنوا ان ينصفوها امام الله وشعبها سواء كانوا من اسموا انفسهم زورا ( هيئة علماء السودان) او اي كائن سوداني يحمل عقلاوقلبا فوالله وتالله فهم قـــــــــوادون وديوثون و ( ابراهيم روثمان) اشرف منهم الاف المرات لانهم بلا انسانية ولا اخلاق وهم يقرون بصمتهم الاثيم جريمة الاغتصاب... وهل يا ترى قد انصف الاخ صاحب الخيط هذه المغتصبة الطاهرة بقلمه في هذا المنبر او في تلكم الصحافة المحلية وبذات الاخلاقية العالية التي ينتقد بها شخصي في هذا الخيط وحيث ينبغي ان يكون انتقادا جريئا وشجاعا لطغمة تواجه ضحاياها بالاغتصاب وليس بالاقوال اي ان ينتقدهم اشنع من انتقاده لشخصي برغم انى ضحية مثله لم اقتل ولم اجرم في حق شعبي بل ارد على ظالمي والمتعاونين معه بخطاب خشن ومبرريستحقونه.......اتمنى ان يرفدنا صاحب الخيط بكتاباته عن اغتصاب (صفية) وايضا حول جلد فتاة ( الكبجاب ) التي قطعت صرخاتها نياط قلوب كثير من بشر العالم وهم يرفضون اذلال الانسان باسم الدين....فهل يا ترى كتب صاحب الخيط في صحافة الخرطوم او في هذا المنبرما يؤكد حقانيته واخلاقه الفاضلة في الوقوف مع صفية او مع هذه المجلودة المذلولة اوحتى مع مظاليم بلاده في دارفور او في جبال النوبة او جنوب النيل الازرق حتى اصدق مزاعمه كمنصب من نفسه قيما على الاخلاق في انتقاده لشخصي وهو امر اقبله فقط عندما يكون منتقدى عادلا في موازينه ومعاييره ولا يخشى في الحق لومة لائم؟

هسي شوف الأبتزاز و السطحيه دي كيف ؟!
يعني أنا مفروض أمشي أفتش مداخلاتي و بوستاتي عن موضوع صفيه و باقي المواضيع عشان يكون عندي حق نقدك في استعمال الألفاظ البذيئة في النضال ؟ يا هشام ياخي أعقل شويه !!
هسي لو جبت ليك الحاجات دي كلها و أثبت ليك إنو أنا ما سكت و اتكلمت عنها و انتقدتها بتخلي سواتك دي ؟
يا هشام إنت كان قايل أنا فتحت البوست ده مومل انك تخلي بذاءتك دي بتبقي غلطان .. مليون زول أطول مني قامة و أحسن قدرة علي التعبير و توصيل المراد كتبو ليك و لا حياة لمن تنادي ... كتبت هذا البوست لاقول لمن يقرأ أن معارضي هذا النظام ليسو كلهم ببذائتك ولا بسطحيتك في نقدهم لهذا النظام ......

Quote: التحية و التقدير للبروف امين

قرقرقرقر!

كل الكيزان واقفين صفوف، ل"البروف"!

بشاشا العيان ، ازيك ياخي

Quote: امين شلوم، هو بالله انتا برضو صحفي انقاذ اصفر؟ ما عشان كده سمن علي عسل مع امثال ابوحسين او احمد موسي المثلو الاعلي واحد زي نافع! اذا ده حاصل، يبقي بطل العجب، او وضح السبب فيما اتصل بي هباني! عالم!

ياخي أنا سمن علي عسل معاك إنت بعنصريتك و سطحيتك دي الما بخليني سمن علي عسل مع أحمد موسي و ابوحسين شنو ؟
بعدين يا كمال ياخي أكبر شويه ياخي : قصة إنو فلان كوز و علان كوز لانو فلان وجهة نظرو طابقت علان دي غير ما بتوري سطحيتك و قلة عقلك ما بتعمل حاجة ....

الله يطراك بالخير ياوهبة.....!!


ناس البوست سلام...!!

Quote: بعدين يا كمال ياخي أكبر شويه ياخي : قصة إنو فلان كوز و علان كوز لانو فلان وجهة نظرو طابقت علان دي غير ما بتوري سطحيتك و قلة عقلك ما بتعمل حاجة

امين شلوم،

الكيزان واقفين صف، او يدو فيك تعظيم سلام، او برضو تسوي سطحية او صفيح؟

ياعزيزي:

زي غيرك من ليبرالية الجلابة، فهمك معتت، مثالي، او صفوي.

يا مسكين هباني كمواطن من حقو يعبر عن رايو في المتصدين للعمل العام باي صيغة، صورة، شاء، لانو اصلا مافي بروتكول او "اصول" بي كلام حبوباتنا، محددة علي هباني اتباعها في التعبير عن رايو.

اي شروط، كشط، او تعديل، يلغي حق التعبير الالهي، تماما!

ده كلو مع افتراض انو النظام البتناول رموزو، هباني، نظام ديمقراطي، مش نظام قتلة، فسقة، فسدة، مجرمين، كالنظام الحاكم في السودان، الانتا احد ادواتو، بموجب مشاركتك في صحافتو الصفراء، الان جايي تتود اليه بمهاجمة امثال هباني!

تعال شوف هنا، في اعتي ديمقراطيات العالم، او شوف الطريقة البعبرو بيها ابرز رموز الاعلام، رايم في السياسيين، حيث الشتم باقذع الالفاظ، علي الهواء مباشرة في الراديو، لي حاكم الولاية المنتخب،بل بالمكرفون اليدوي العادي، داخل مبني حكومة الولاية في كالفورنيا، من دون ما زول يقول بغم زاتو!

في المجتمعات دي، الناس دي، بعدما اخضعت كوكب الارض، الان تغزو الكواكب الاخري، بفضل هذا الفهم لحرية التعبير، العمل العام، والطريقة اللتي ينبغي بيها مخاطبة المتصدين للعمل العام.

تعال شوف الناس دي بتعرك نخرة السياسين بالارض كيف!

قارن ده، بالبخرو راكعين، مقبلين لي ايدي وارجل السياسيين عندنا!

انتا جاي من الخلفية العشائرية، الطائفية، الاقطاعية دي، اعلاءا لما تتوهمو كخطاب "رزين"، او "محترم" او "راقي" وما شابه، من ترهات!

دكتور عوض ... سلامات ياخي و لعلك بخير

Quote: قال اخونا امين لا طريق لمحاربة من لا أخلاق لهم إلا بالاخلاق !! امين سلام للاسف كلامك هذا ليس صحيحا فى كل الاحوال فهؤلا القوم قد فاقوا سؤ الظن العظيم فراسخا بينما ان تتكلم عن خصوم طبيعيين لا مجال لمحاربة الانقاذ باخلاق و من يقول بهذا اما ان يكون رجلا طيب النوايا و لا يدرك خسة القوم و نزالتهم او شخص متواطئ معهم و اربا بك من الثانية بما اعرفه عنك اذكر فى الديمقراطية الثالثة تجاوز صحفيو الجبهة الاسلامية كل الحدود فى محاربة حزبى الامة و الاتحاديين و لم يوفروا حتى العروض و لم يكونوا ينتقدون امرا عاما بل كانوا يتناولون الاشخاص بما يعيب (التوم كديس و ابو ناعم و اشياء اخرى نعف النفس عن ذكرها) صبر الحزبين عليهم اكثر من ثلاثة سنوات ثم قرروا مواجهتم بنفس السلاح. فتم اصدار صحيفة الوطن لصاحبها المرحوم سيد احمد خليفة و كان احد اعلامى حزب الامة وقتها كان باكورة اعمالها هو فضيحة جنسية لقيادى من الجبهة و اعقيتها بفضيحة القصر العشوايى لقيادى اخر و هنا و هنا فقط توقفت صحف الجبهة عن نهجها و انصلح حالها كلامك يا امين صحيح لو كان من يهاجمهم الهبانى اناس اخرون غير هؤلاء القتلة و ازلامهم اما هؤلاء فينطبق عليهم قول زياد ابن ابيه و هو يهدد خصومه: انا و الله لنخوض اليكم الباطل خوضا

أول حاجة كتر خيرك علي حسن الظن في مكان تدمغ فيه بسوء ظن المختلف معك .
يا دكتور أنا ما طلبت من هشام ما ينتقد النظام أو ينتقدهم بلطف ، أنا طلبت منو ما يستعمل الفاظ تخدش حياء ناس متفقين أو مختلفين معاهو لانو ده بسئ للقضية الهو بيدعي الدفاع عنها ، بعدين القصة ما بوست .. القصة pattern كامل بتاع بوستات مليانه الفاظ مافي زول سوي بيتجرأ يتكلم بيها في بيتو، صور كوندم بيرقص و فيديوهات خليعه كان جاء زول من ناس البيت ماري ساي تضطر تقفلها ... عدالة قضايا الناس ضد الحكومة ما بتخلي حوجة للابتذال في عرضها .
بعدين يا دكتور إذا عايز الناس تسعمل نفس أسلوب الكيزان و أدواتهم السياسية، معارضنهم ليه ؟!!

Quote: أنا طلبت منو ما يستعمل الفاظ تخدش حياء ناس متفقين أو مختلفين معاهو

يازول انتا بتتكلم كيف؟

حياء وين يا امين؟

الناس بتموت كما الصراصير بالملاييين علي ايدي هؤلاء القتلة، او انتا تسوي حياء، لي كلمتين قالم هباني كرد فعل؟

مستكثر حتي مجرد كلمتين مش قنبلتين، كرد فعل؟

كلمتين؟

علي فرد في مقابل دولة؟

ماهذا؟

هجو يا حبيبنا ، سلام و لعلك بخير. و ياخي كتر خيرك علي طيب كلماتك بحقي

Quote: للاسف هذا الرجل لا يقبل النصح حتى من امثالك يا بروف ، لاحظ انه ما زال يقول سوف و سوف .

يا هجو أنا أعقل من إنو انصح هشام : هشام الناس بتنصح فيه من يوم عيوني وقعت علي المحل ده، أنا هنا لبيان أن هذا الأسلوب مضر و مضر جدا بقضايا النضال اللي هشام بيدعي الدفاع عنها .

العزيز امين محمد سليمان

Quote: : هشام الناس بتنصح فيه من يوم عيوني وقعت علي المحل ده، أنا هنا لبيان أن هذا الأسلوب مضر و مضر جدا بقضايا النضال اللي هشام بيدعي الدفاع عنها .

تعرف انه انا ما لي اي خبرة في تربية الخنازيــر .. لكن سمعت انه الخنازيـــــر فضلاً عن عيشها بالقاذورات وتفضيلها لذلك
لكن رغم ذلك انه الضرب بيساعد على تسمينها وملؤها بالشحوم

اظن انه قول انه الشهرة ممكن تكون بالعار وممكن تكون بالمجد هي ما يسعي لها هشام هباني
فخليك كوول
فلن تهديهم ولو انفقت ما في الارض جميعاً

اخونا امين


مع تقديري الخالص لحرصك في التعامل بانتقائية عجيبة مع خيوطي طارحا من نفسك قيما على سيادة الاخلاق وقيم التهذب بالمنبر ولكنها للاسف اخلاق خالية من المواقف الوطنية التي تحتاج اخلاقية وحقانية عالية في محكات معلومة تمتحن فيها هذه المنظومة الاخلاقية التي تزعم الاتكاء اليها وهي مواقف للاسف لا اجد لك باعا فيها مع الوطنيين وهي نقيصة تقضم الكثير من رصيدك الاخلاقي بل ربما تجعلك في حالة ( ميطي) و اعتقد جازما افضل منها اسلوبي المتشفي في خصومي لانه في الاساس يحمل موقفا وطنيا صادعا بالحق وهو امر اعنيه جدا مع سبق الاصرار والترصد ولا اعتذر عنه ..لانى اقصده لامتحان امثالك مدعي الاخلاق والطهرية ..فلو كنت عادلا ليست اغلب مشاركاتي في المنبر وقد فاقت 30الف مشاركة تتسم بما تبحث عنه بانتقائيتك العجيبة حيث فيها الكثير المفيد الذي طرحت فيه اراء خاصة بي واعتز بها جدا مع تحفظي على سلبية مواقفك الوطنية بالمنبر وهي مواقف جلها لم تخرج عن كونها مجرد ونسات بالمنبر هروبية جدا عن الاحداث الوطنية الكبرى التي لم ارك تطرح فيها اراء واضحة منتقدا فيها الطغمة الحاكمة مع المنتقدين بل دوما تسعى ان تكون حياديا اي حكما بين الحكومة والمعارضة بل تميل الى انتقاد المعارضة اكثر من الحكومة من غير ان تحدد موقفا حاسما بين الاثنين وهو موقف رمادي يعبر عن ضعف في الحس الوطني والوعي بقضايا الوطن و ارشيف مكتبتك يحدث عنك وعن اهتماماتك وكنت اتمنى ان تقابلني في مئات الخيوط الساخنة التى طرحت فيها قضايا كثيرة تحتاج للنقاش ولكنك تتعامل مع خيوطي بانتقائية واضحة لتثبيت موقف اخلاقى وللاسف خال من الوطنية وهو في حد ذاته موقف غير اخلاقي لان المواقف الوطنية تستند في الاساس على ركيزة اخلاقية متينة ولذا فاقد الشيء لا يعطيه فانت غير مؤهل للخوض في هكذا امور اخلاقية الا عندما تمارس وطنية كاملة الدسم منفعلا بكل القضايا الوطنية طارحا فيها اراء وحلولا يمكن ان نستفيد منها ولكنك للاسف مجرد ( مونساتي) بهذا المنبر لا تستطيع ان تكون اكثر من ذلك.

.

سلام تاني يا هشام ....

Quote: مع تقديري الخالص لحرصك في التعامل بانتقائية عجيبة مع خيوطي طارحا من نفسك قيما على سيادة الاخلاق وقيم التهذب بالمنبر ولكنها للاسف اخلاق خالية من المواقف الوطنية التي تحتاج اخلاقية وحقانية عالية في محكات معلومة تمتحن فيها هذه المنظومة الاخلاقية التي تزعم الاتكاء اليها وهي مواقف للاسف لا اجد لك باعا فيها مع الوطنيين وهي نقيصة تقضم الكثير من رصيدك الاخلاقي بل ربما تجعلك في حالة ( ميطي) و اعتقد جازما افضل منها اسلوبي المتشفي في خصومي لانه في الاساس يحمل موقفا وطنيا صادعا بالحق وهو امر اعنيه جدا مع سبق الاصرار والترصد ولا اعتذر عنه ..لانى اقصده لامتحان امثالك مدعي الاخلاق والطهرية ..فلو كنت عادلا ليست اغلب مشاركاتي في المنبر وقد فاقت 30الف مشاركة تتسم بما تبحث عنه بانتقائيتك العجيبة حيث فيها الكثير المفيد الذي طرحت فيه اراء خاصة بي واعتز بها جدا مع تحفظي على سلبية مواقفك الوطنية بالمنبر وهي مواقف جلها لم تخرج عن كونها مجرد ونسات بالمنبر هروبية جدا عن الاحداث الوطنية الكبرى التي لم ارك تطرح فيها اراء واضحة منتقدا فيها الطغمة الحاكمة مع المنتقدين بل دوما تسعى ان تكون حياديا اي حكما بين الحكومة والمعارضة بل تميل الى انتقاد المعارضة اكثر من الحكومة من غير ان تحدد موقفا حاسما بين الاثنين وهو موقف رمادي يعبر عن ضعف في الحس الوطني والوعي بقضايا الوطن و ارشيف مكتبتك يحدث عنك وعن اهتماماتك وكنت اتمنى ان تقابلني في مئات الخيوط الساخنة التى طرحت فيها قضايا كثيرة تحتاج للنقاش ولكنك تتعامل مع خيوطي بانتقائية واضحة لتثبيت موقف اخلاقى وللاسف خال من الوطنية وهو في حد ذاته موقف غير اخلاقي لان المواقف الوطنية تستند في الاساس على ركيزة اخلاقية متينة ولذا فاقد الشيء لا يعطيه فانت غير مؤهل للخوض في هكذا امور اخلاقية الا عندما تمارس وطنية كاملة الدسم منفعلا بكل القضايا الوطنية طارحا فيها اراء وحلولا يمكن ان نستفيد منها ولكنك للاسف مجرد ( مونساتي) بهذا المنبر لا تستطيع ان تكون اكثر من ذلك.

يا شيخنا أنا ما طرحت نفسي قيما على سيادة الاخلاق وقيم التهذب بالمنبر و لا سلبت منك وطنيتك ولا شككت فيك و في مواقفك زي ما إنت بتعمل معاي ... أنا ما مطلع علي سرك و سريرتك و لا إنت في عضمك بتهمني في شئ ... كل الأنا قلتو ليك إنو طريقتك بتسئ لقضيتك الانت بتتكلم و تدافع عنها و بتصب - بقصد ولا بدونو - في مصلحة من تدعي حربهم ليل نهار !!
لست هنا لادعاء النضال و مقارنة نفسي باي أحد، لك أن تصف مواقفي و وطنيتي و أخلاقي ذاتها بما تشاء، لك أن تأتي بعدة نضالك و الفاظك التي يستحي منها الأسوياء، لك أن تملأ هذا البوست و غيره بصور الكوندوم و فيديوهات الانحلال : أنا لا أملك من أمرك شئيا و لست قيما عليك و علي ما تفعل، أنا هنا لأقول إن الانقاذ لن تسقط بصور الكوندوم في البوستات ولا بالالفاظ البذيئة و أن القبح لن يهزم القبح و لن يدفع الناس لهزيمته !!


-----------
ياخي داير منك طلب و عارفك ما بتقصر : ياخي صديق ود خالتك فاتح كم بوست زعلان مني عشان البوست ده.... الراجل كان صحبي و لمن مشيت أريزونا، أول زول سألت منو و كان مسافر ... فياخي اتوسط لي عندو يصاحبني تاني أكن لك من الشاكرين
!!

Quote: Welcome aboard

شكرا علي الترحيب يا حسين و لو إنو الكتابة في التيار ذاتها خليتها

--------------
يا صاحب الأزميل ... سلام

Quote: الوضع لا يحتاج لكل هذه البذاءت لتوضيح اخفاقات الانقاذ

Quote: لك ان تنظر لفهم المدعو بشاشا الصنفك بصحفي انقاذي لمجرد انك لم تشتم ابو حسين بعد مروره من هنا

ياخي أنا ذاتي غلطان ، مفروض اشتم ابوحسين أول ما مر من هنا عشان أثبت إنو أنا ما كوز
--------------

Quote: منطق فطير و قياس خادع - كل من يكتب في صحف الانقاذ الصفراء سمن على عسل .. - هباني ضد الانقاذ ( بكل البذاءة المتوفرة) امين كتب عن هباني لانو: بما انو امين يتكب في الصحافة الصفراء .. فهو سمن على عسل مع الانقاذ!!! تأمل و ادي ربك العجب!!

يا قيقا هوي المنطق ده ما فطير و لا خادع .. ده منطق سليم جدا لانو ممكن نثبت بيه انك إنت ذاتك كوز لانك جاي تدافع عن كوز ... فااا شنو ما تعمل لينا فيها شريفه فاضل... إنت كوز زيي واحد !!
-----------

Quote: الله يطراك بالخير ياوهبة.....!! ناس البوست سلام...!!

و عليكم السلام يا دوك ... وهبة شنو في الحر ده كمان ؟
وهبه مصاحب هشام و بيناتهم تلفونات و ضحك و قرقرابه و ما بعيد يكون وهبه دخل هشام الأمن ذاتو !!
-----------
يا كمال ياخي إنت فاهم غلط تماما ... علي كل حال شكرا لمرورك
-----------
سابقا المذعور

Quote: اظن انه قول انه الشهرة ممكن تكون بالعار وممكن تكون بالمجد هي ما يسعي لها هشام هباني

هشام ده فهمو شنو في سواتو دي .. والله ما عارف و ما أقدر اتهمو ساي ... العارفو تماما إنو سواتو دي ماشه عديل في درب الحكومة !!

Quote: فلن تهديهم ولو انفقت ما في الارض جميعاً

يا أخوي أوعي تكون قايل دي آيه ؟!!
-----------

Quote: ياخي أنا ذاتي غلطان ، مفروض اشتم ابوحسين أول ما مر من هنا عشان أثبت إنو أنا ما كوز

تثبت شنو يا زول ..
دا طرفي منك.....
طلعت كوز بشهادة الأديب الشاعر المناضل المجاهد صديق مهدي (رضي الله عنه)

Quote: و عليكم السلام يا دوك ... وهبة شنو في الحر ده كمان ؟ وهبه مصاحب هشام و بيناتهم تلفونات و ضحك و قرقرابه و ما بعيد يكون وهبه دخل هشام الأمن ذاتو !!

آأبثم ليك بالعشرة على الكلام دا يا أمنجي - وانت ابخص مني -
وهبة في آآخر فون بيننا عبر البلاك بيري حقي قال لي
هشام دا زولنا فارجوك ماتزعلو

ـــــــ
بيني وبينكم اكلتها في حناني لكن فهمت هسع فيا زول انت كوز وامنجي عجبك والا غلبك؟؟

العزيز أمين محمد سليمات
لك التحايا ... وكنا في إنتظارك في أغسطس المنصرم ولكنك لم تتصل
أم أنك لم تأتي من الأساس؟

ياخي أراك قد قسوت قليلاً علي صديقنا هشام هباني ... وحتي لا أقسو عليك أنا بالمقابل أقول التالي :

١- أمين محمد سليمان لا علاقة له بالكيزان يا صديق مهدى من قريب أو من بعيد .... بل هو رجل غيور جداً علي وطنه الأول ويسوءه جداً ما يحدث فيه.
٢- ونشهد يا هشام هباني بأن أمين يساهم بقدر إستطاعته في نقد السالب في حياة بلادنا .... وهنا تختلف الطرق والزوايا بيننا جميعاً.

وعن هباني يا أمين :

١- علي الرغم من أننا لم نلتقي وجهاً لوجه علي الإطلاق ... ولكن تحدثنا كثيراً عبر الأثير كما أن لدى علاقات مع بعض أطرافه وعلي وجه التحديد
إبن عمه الهادى هباني من أصدقائي المقربين.... وكثيراً ما جاءت سيرة هشام في ونساتنا ... لذا أستطيع القول بأن هُشاماً من النبلاء (بمعناها الشعبي).
٢- هشام هباني من الكتاب المجودين في المنبر والذى نادراً ما تجد له خطأ في كتاباته سواء من الناحية التعبيرية أو الإملائية كما أن أُسلوبه في الكتابة ممتعاً.
٣- هباني معارض عنيد وواضح في معارضته ... وكما قال فإنه كثيراً ما يُهاجم قوى المعارضة خاصة قادة الأحزاب القديمة (الصادق .. الميرغني .. نقد.. الخ)
٤- مساهمات هباني في منبر أيوا لا تُخطئها عين .... وقد سبق وأن إتصل علي حاثاً لي علي الحضور والمشاركة ... وأعتقد بأنه قد إتصل علي الكثيرين غيرى .
٥- غالبية بوستات هباني ذات مواضيع هادفة .... ولكن كثيراً ما تطغي عليها بوستات (السندوتشات) التي يفترعها من حين لآخر.
٦- هنالك بعض الذين يسعون لتخريب أى بوست له .... وهؤلاء شكلهم أصبح قبيحاً ... كنت أتمني أن يتوقفوا عن هذه المساككة خاصة وأنه نادراً ما يتداخل في بوستات الآخرين.
٧- أرى أن بعض عناوين بوستات هباني بها جُرأة ذائدة ... عن نفسي قد لا أستطيع كتابة مثلها ... ولكن لكل معارض طريقته في المعارضة.
٨- لهباني قراء كُثُر .... ولا يجب علينا إهمال هذه المعلومة عند تقديم النقد له .
٩- مهما إبتدع هباني من أشكال المعارضة التي ترى أنها مبتذلة سوف لن تصل لمرحلة إبتذال ناس حسين خوجلي في الثمانينات وسوف لن تصل لمفردات نافع وغيره الآن.
٩- لا أعتقد بأن هشام يُعارض عن طريق أحد أحزاب المعارضة (القديمة منها والحديثة) ... لذلك لا يُمكن أن ينسحب أسلوبه علي قوى المعارضة المنظمة وبالتالي
فإن أحسن فلنفسه وإن أساء فلها ..... وهؤلاء هم غالبية الشعب السوداني ... لذلك الكلام سيكون مردوداً لأولئك الذين يقولون بأن بعض المعارضين قد كرهوهم في المعارضة.
وبالتالي يدعمون نظام اللصوص القتلة من هذا الجانب الغير مقنع لكيلا يُقال أنهم إنقاذيون ... فالشينة دائماً منكورة .

* وآخيراً يا أمين .... لقد توقف هباني عن صور (الكاندوم) منذ فترة طويلة جداً ..... فلماذا طرقها الآن وبكثرة بما يوحي بأنك تعتمد عليها لإثبات إبتذاله للنضال.

Quote: ما عشان كده سمن علي عسل مع امثال ابوحسين

أبو حسين مالو يا مقشاشة ....؟؟؟؟؟؟

Quote: لقد توقف هباني عن صور (الكاندوم) منذ فترة طويلة جداً ..... فلماذا طرقها الآن وبكثرة بما يوحي بأنك تعتمد عليها لإثبات إبتذاله للنضال.

مسابقه العدد

أذكر تاريخ آخر بوست لهباني وردت فيهو صوره ( الكاندوم )

الاخ امين سلام
ضحكت حتي بان ضرسك ( التحت ولا الفوق ) ياخ اتاريها الكتابة في الصحف السودانية ساهلة بشكل

Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب :

دي مبررات عقيمة يلجأ لها من له غرض .. وين عقلك يا بروف اذا كانت الامور تقاس بهذا المعيار فمن باب اولي ان يندفع الناس دفعا نحو المعارضة من شدة بذاءة وقرف ناس النظام
ولكن شغلبة الامور دائما ما تدخل في الكيد ودائما ما يفضحها الله او ليس هو القائل ( واملي لهم ان كيدي متين )
يندفع الناس نحو الاكثر بذاءة هربا من الاقل بذاءة عجبي !
ولا عجب طالما انه من امين ( تدحرج امين تدحرج ابي طوق )
تعرف فاتح لي جبهة في حتة تانية خارج المنبر بجيك مرة مرة نظام حبة عند اللزوم

Quote: ولكن اخاك هباني ليس ممثلا للمعارضة السودانية

Quote: ((حدثنا أبو نعيم حدثنا زكرياء قال سمعت عامرا يقول سمعت النعمان بن بشير رضي الله عنهما عن النبي صلى الله عليه وآله وسلم قال: مثل القائم على حدود الله والواقع فيها كمثل قوم استهموا على سفينة فأصاب بعضهم أعلاها وبعضهم أسفلها فكان الذين في أسفلها إذا استقوا من الماء مروا على من فوقهم فقالوا لو أنا خرقنا في نصيبنا خرقا ولم نؤذ من فوقنا فإن يتركوهم وما أرادوا هلكوا جميعا وإن أخذوا على أيديهم نجوا ونجوا جميعا))

بشاشا

Quote: او وضح السبب فيما اتصل بي هباني!

الزول دا اتصل عليك بس ولا حول ليك رصيد؟



الاخ امين لعلك على استعداد لتفتيش النوايا الذي ابتدره هشام

أريد رأي البروفسور أمين ( نوتة) حول هذا الكائن اللبلاب!

وكويس انو بدا ليك تفتيش النوايا والاراء من هنا

انا لو محلو ابداها ليك من السقيفة

أمين المونساتي ؛)

Quote: ضحكت حتي بان ضرسك ( التحت ولا الفوق )

ههههههههههههههههههههههههههه
يا صلاح, أمين قال حتي بانت (حشوة ضرسي)
إنت يا أمين حاشي شنو ؟

ود الخليفة

Quote: انا لو محلو ابداها ليك من السقيفة

كويس ياخي ما تجي السقيفة إنت ذاتك ..
ما دام بترص الأحاديث بعنعنتها كلها !!

بتقتل ليك زول يوم يا صاحب
إبداع

Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب : إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو ! إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب . لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ... لا طريق للثوره إلا بالصدق و إصلاح عيوبنا .... لا طريق لمحاربة من لا أخلاق لهم إلا بالاخلاق !!

وإنشاء الله ننتظر كم سنة كدة!
ولماذا لا تكتب عن من أوجدوا المناخ لكتابات هباني من المتنفذين اصحاب مفردات البلع الناشف ولحس الكوع ووصم السودانيين بالشحاتين الذين صنفت دولتهم بالاكبر والاكثر والعتى فسادا فى العالم!
عموما أنا من الذين طالبت هبانى بان يخف يده وأنكرت عليه هذه المفردات والتى بالتأكيد هى ناتج سلوك هذه العصبة الظالمة التى دفعت بالسودانيين لاستخدام لغة الكراسي فى لندن بيكاديلي !
ما فعلته الانقاذ اولى بالنقد واللوم وانا لا ارى دعوتك هذه الا كلمة حق اريد بها باطل يا امين والا قل لى كيف تنصب من هباني ممثلا للمعارضة وتخلص الى القول بانه يجب إصلاح المعارضة ومن ثم إصلاح الانقاذ!
هل سمعت ساقط القول وفاحشه من المرغنى ام من المهدى ام نقد!
علم الله لم نسمع ساقط القول الا من اهل الانقاذ ولا داعى لايراد الأمثلة رفقا بالقراء!
جني

ألفاظ هشام هباني بذيئة .. نعم.

أفعال الإنقاذ بذيئة .. نعم، لقد لاطوا الرجال في المعتقلات، فعلا لا قولا ..

ويوجد في هذا المنبر من يصطف إلى جانب من أمروا بـ -وأشرفوا على تنفيذ- فعل اللواط ..
بل مستعد لحمل السلاح لحمايتهم، ويتحدث الآن عن بذاءة الألفاظ.

على الذين يدافعون عمن ارتكب "الأفعال البذيئة" أن يمتنعوا عن إدانة "الألفاظ البذيئة"
-----------
تحياتي أخي أمين

الاخ د. امين محمد سليمان لك التحية

اتفق معاك فى اسلوب الاخ هشام انه به بعض الابتذال

كل مرة اقول خلاص ما اقرا ليه بوست لكنه عنده مقدرة فائقة فى

خلق عناوين لى مواضيعوا تلقى نفسك دخلت

لدى اقرباء جدا close friends لهشام قالوا لى الزول ده totally different فى الواقع

مهذب جدا كريم وشهم typical sudaneseman



المهم( بعد اذن تبارك )








Iam the only and first female to pass by

دخلت و خايفة من الرش من هنا وهناك

رفقا بالقوارير

Quote: ألفاظ هشام هباني بذيئة .. نعم. أفعال الإنقاذ بذيئة .. نعم، لقد لاطوا الرجال في المعتقلات، فعلا لا قولا .. ويوجد في هذا المنبر من يصطف إلى جانب من أمروا بـ -وأشرفوا على تنفيذ- فعل اللواط .. بل مستعد لحمل السلاح لحمايتهم، ويتحدث الآن عن بذاءة الألفاظ. على الذين يدافعون عمن ارتكب "الأفعال البذيئة" أن يمتنعوا عن إدانة "الألفاظ البذيئة" ----------- تحياتي أخي أمين

Quote: ويوجد في هذا المنبر من يصطف إلى جانب من أمروا بـ -وأشرفوا على تنفيذ- فعل اللواط .. بل مستعد لحمل السلاح لحمايتهم، ويتحدث الآن عن بذاءة الألفاظ. على الذين يدافعون عمن ارتكب "الأفعال البذيئة" أن يمتنعوا عن إدانة "الألفاظ البذيئة"

وعليكم السلام يا أبومكاوي و لعلك و الجميع بخير .. و كتر خيرك علي طيب كلماتك بحقي و لو إنو الموضوع ما مستاهل ..

Quote: لك التحايا ... وكنا في إنتظارك في أغسطس المنصرم ولكنك لم تتصل أم أنك لم تأتي من الأساس؟

في أغسطس حولو القصة لمينيابولس فما جيت دينفر تاني .

Quote: ١- علي الرغم من أننا لم نلتقي وجهاً لوجه علي الإطلاق ... ولكن تحدثنا كثيراً عبر الأثير كما أن لدى علاقات مع بعض أطرافه وعلي وجه التحديد إبن عمه الهادى هباني من أصدقائي المقربين.... وكثيراً ما جاءت سيرة هشام في ونساتنا ... لذا أستطيع القول بأن هُشاماً من النبلاء (بمعناها الشعبي). ٢- هشام هباني من الكتاب المجودين في المنبر والذى نادراً ما تجد له خطأ في كتاباته سواء من الناحية التعبيرية أو الإملائية كما أن أُسلوبه في الكتابة ممتعاً. ٣- هباني معارض عنيد وواضح في معارضته ... وكما قال فإنه كثيراً ما يُهاجم قوى المعارضة خاصة قادة الأحزاب القديمة (الصادق .. الميرغني .. نقد.. الخ) ٤- مساهمات هباني في منبر أيوا لا تُخطئها عين .... وقد سبق وأن إتصل علي حاثاً لي علي الحضور والمشاركة ... وأعتقد بأنه قد إتصل علي الكثيرين غيرى . ٥- غالبية بوستات هباني ذات مواضيع هادفة .... ولكن كثيراً ما تطغي عليها بوستات (السندوتشات) التي يفترعها من حين لآخر.

يا عاطف أنا ما تكلمت عن هشام في عضمو ولا وصفتو باي وصف لا يليق لانو ببساطة ما بعرف عنو شئ غير البكتبو هنا و حتي في البكتبو هنا أنا ما شككت في وطنيتو و في غرضو من بوستاتو ، كل القلتو إنو طريقتو بتسئ لقضيتو الهو بتتكلم عنها و اللي هي ما قضيتو براو .. و دحضت أدلتو البدعي الاستناد عليها في فحشو و بذاءاتو .

Quote: ٩- مهما إبتدع هباني من أشكال المعارضة التي ترى أنها مبتذلة سوف لن تصل لمرحلة إبتذال ناس حسين خوجلي في الثمانينات وسوف لن تصل لمفردات نافع وغيره الآن.

و هل سقفنا الأخلاقي في العمل السياسي بذاءات نافع و حسين خوجلي ؟ و خليك من العمل السياسي : هل الفاظ و بذاءات هشام في بوستاتو دي عندها مكان في أخلاقنا كسودانيين ؟

Quote: ٩- لا أعتقد بأن هشام يُعارض عن طريق أحد أحزاب المعارضة (القديمة منها والحديثة) ... لذلك لا يُمكن أن ينسحب أسلوبه علي قوى المعارضة المنظمة وبالتالي فإن أحسن فلنفسه وإن أساء فلها ..... وهؤلاء هم غالبية الشعب السوداني ... لذلك الكلام سيكون مردوداً لأولئك الذين يقولون بأن بعض المعارضين قد كرهوهم في المعارضة. وبالتالي يدعمون نظام اللصوص القتلة من هذا الجانب الغير مقنع لكيلا يُقال أنهم إنقاذيون ... فالشينة دائماً منكورة .

وين يا عاطف أنا قلت إنو هشام بيمثل المعارضة ولا أي كيان فيها ؟ أنا قلت إنو هشام من أعلي الأصوات في هذا المكان و وضحت السبب : زول بفتح كمية كبيرة من البوستات بصورة شبه يومية و بعناوين مثيره و بيرفعها بمداخلة ولا بنقطة بصورة دائمة ، و المكان ده بيدخلوهو الاف السودانيين عشان كده هو محسوب علي المعارضة ، يعني البقرأ الفاظ هشام و عندو رأي سالب فيها، عادي ممكن يعمم الكلام ده علي كل المعارضين و دي خطورة المسالة و القصد في إنو بيدفع الناس عن معارضة النظام بتصويرها معارضة بذئية بلا أخلاق و لا قيم سودانيه .

Quote: وآخيراً يا أمين .... لقد توقف هباني عن صور (الكاندوم) منذ فترة طويلة جداً ..... فلماذا طرقها الآن وبكثرة بما يوحي بأنك تعتمد عليها لإثبات إبتذاله للنضال.

والله يا عاطف كلامك ده جد حيرني !!
إبتذال هشام للنضال و الفاظو البذئيه ما مستنده علي صورة الكوندوم الكان بستعملها بكثرة لفترة من الزمن ،هشام بيأصل لبذائتو بالبوستات و بايات الله و سنة رسوله صلي الله عليه و سلم ... ياخي هشام كان خاتي صورة الكوندوم ده لحدي ما انطبعت عندي صورتو بصورة الكوندوم ذاتو ، و حتي قبل ما تكون عندي عضويه هنا كنت متحير إنو الزول ده بعمل كده لييه ،الكان محيرني أكتر و لسه محيرني ... الزول ده ما عندو أصحاب ؟ صليح ولا زول يقول ليه ياخي عيب عليك إنت بتبذل و بتبل في قصة جادة و قضية عادلة عدالة مقاومة الناس و نضالهم ضد هذا النظام .
بتقول إنو هشام وقف إستعمال صورة الكوندوم قبل فترة طويلة : لمن كان بخت الصورة دي ، هل جيتو يا عاطف انتو أصحابو قلتو ليه الكلام ده ما بصح ؟ هل جاء هشام ذاتو قال يا اخوانا أنا غلطان في المسالة دي عشان تجي تقول لي ليه تستند عليها ؟؟
فحش هشام و الفاظو البذئية و صورو و فيديوهاتو المنحلة ما بتجي عرضا ، ده pattern كتابه و أسلوب نضال اتخذو و بفتح ليه في بوستات :
كدي خش اقرأ الكلام ده :
http://www.sudaneseonline.com/cgi-bin/sdb/2b...d=138&msg=1307680500
وريني ده يبقي شنو لو ما تأسيس و تأصيل لفاحش القول و بذيئه مستعينا بكتاب الله و سنة رسوله و هو لا يدري عنهما شئيا كما اوضحنا ....هشام إختار البذاءة و فاحش القول طريقا للنضال و من هنا جاء الابتذال.... لا نملك من أمره شئيا فهو حر يختار ما يناسبه و نحن احرار نبين للناس كيف تبتذل القضايا العادله و كيف يخدم هذا الابتذال خط النظام و يساهم في بقاءه !

يا ندى و كوستاوي

Quote: كل مرة اقول خلاص ما اقرا ليه بوست لكنه عنده مقدرة فائقة فى خلق عناوين لى مواضيعوا تلقى نفسك دخلت لدى اقرباء جدا close friends لهشام قالوا لى الزول ده totally different فى الواقع مهذب جدا كريم وشهم typical sudaneseman

typical
ياها سودانيز اون لاين ضط مطعم الباشا!!

الزول يجي هنا يعوس ساي .. و يطلع ليك واحد بفتوى انو و الله الزول دا برّة نبي!!

و ما ذنبا نحن الما ح نلاقيهو في نبوءته المجيدة دي!!؟
علينا بي الهنا .. لانو اتلاقينا بي هنا .. و بنتكلم عن الهنا يا شباب

لا شئ شخصي
ما تشخضنوا قضايا عامة بالله ..

و ادونا النجيضة .. عاوزين نكسب وطنا

لو كنت مكان البروف لفضلت عدم الذهاب الى البوست الانصرافى الذى فتحه هشام حسب ما نبهت عنه ، هشام فتح بوست اخر للبروف حتى يصرف الناس عن البوست الاصلى. هذا ما نبهت له فى هذا البوست .

و عليكم السلام يا جادات ، و سئيلي الله ليك وحشة

Quote: دي مبررات عقيمة يلجأ لها من له غرض .. وين عقلك يا بروف اذا كانت الامور تقاس بهذا المعيار فمن باب اولي ان يندفع الناس دفعا نحو المعارضة من شدة بذاءة وقرف ناس النظام ولكن شغلبة الامور دائما ما تدخل في الكيد ودائما ما يفضحها الله او ليس هو القائل ( واملي لهم ان كيدي متين ) يندفع الناس نحو الاكثر بذاءة هربا من الاقل بذاءة عجبي !

يا صلاح بالنسبة للناس الما مسيسه ولا عندها شغله بالسياسه من السهل جدا إنها توالي الحكومة ( أي حكومة) و من الصعب إنها تعارضها بالذات لمن تكون حكومة ظالمة لا تتورع عن فعل أي شئ لمعارضيها : المعارضة و الموالاة زي الجنة و النار : حفت المعارضة بالمكاره وحفت الموالاة بالشهوات ، ( بذاءة وقرف ناس النظام ) لو انطبقت علي المعارضين مافي زول بقرب المعارضة ، عشان كده خطاب المعارضة للناس مهم جدا بالذات في زمنا ده اللي فيهو التغيير بجي من الناس ما من الساسة و الأحزاب !

Quote: تعرف فاتح لي جبهة في حتة تانية خارج المنبر بجيك مرة مرة نظام حبة عند اللزوم

يا زول حبابك أي وقت ...براك عارف ببلعك حبوبك دي كيف !!

سلام يا جني

Quote: وإنشاء الله ننتظر كم سنة كدة!

ما ننتظر ولا دقيقة : الناس البتأسس للنضال بالبذأءة و فاحش القول توقف ... الناس البتناضل بالكذب و الأخبار المدسوسة توقف .... الناس البتناضل باعراض الناس توقف ..... الناس البتناضل بكل ما هو لا أخلاقي توقف .... و مافي زول حا يوقف طالما في ناس زيك زيك محسوبين علي المعارضة و بفتشو في المبررات للناس البتعارض بكل ما هو لا أخلاقي !!

Quote: وانا لا ارى دعوتك هذه الا كلمة حق اريد بها باطل

أريد بها باطل عديل كده ؟! طيب ما تورينا الباطل الأريد بها ده عشان تنورنا و تنور الناس البتقرأ دي !

Quote: ولماذا لا تكتب عن من أوجدوا المناخ لكتابات هباني من المتنفذين اصحاب مفردات البلع الناشف ولحس الكوع ووصم السودانيين بالشحاتين الذين صنفت دولتهم بالاكبر والاكثر والعتى فسادا فى العالم! ما فعلته الانقاذ اولى بالنقد واللوم وانا لا ارى دعوتك هذه الا كلمة حق اريد بها باطل يا امين والا قل لى كيف تنصب من هباني ممثلا للمعارضة وتخلص الى القول بانه يجب إصلاح المعارضة ومن ثم إصلاح الانقاذ!

و منو القال ليك أنا ما كتبت ؟! و منو القال ليك أنا ما لمت الأنقاذ في كل عمود كتبتو يوميا ؟!
يعني أنا هسي مفروض أجيب كتابتي في الجرائد عشان أثبت ليك إنو أنا كتبت في كل القضايا دي ؟ حقو قبل ما تفترض افتراضات غير صحيحة و تسأل أسئلتك التجريميه دي تمشي تفتش و تشوف أنا كتبت ولا لا ؟! جزء من مشكلة المكان ده و شغل السياسيه في السودان إنو الناس بتكتب ساي بدون ما يكلفو نفسهم يقرو و يعرفو رقبتهم بقولو في شنو ؟!
بعدين وين أنا نصبت هشام ممثلا للمعارضة ؟ و وين أنا قلت (يجب إصلاح المعارضة ومن ثم إصلاح الانقاذ ) ؟ و وين أنا دعيت لاصلاح الأنقاذ أصلا ؟
ياخي والله تحيرو الما بتحير !!






---------------
حقو الزول يفتح بوست يجيب كلامو الكتبو في الجرايد محل ما الناس بتتحمل ضريبة كل كلمة بتتكتب عشان ما يجيك زول زي جني ما عارف أي حاجة و لا قرأ ليك كلمة و يجي بكل ثقة يقول ليك (ما فعلته الانقاذ اولى بالنقد واللوم ) !!

Quote: Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب : إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو ! إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب . لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ... لا طريق للثوره إلا بالصدق و إصلاح عيوبنا .... لا طريق لمحاربة من لا أخلاق لهم إلا بالاخلاق !!

يا بروف دا كلامك ولا لا!
يمين الله انت ما فهمت كلاما والا لما كتبت ما كتبت!
جنى

Quote: ألفاظ هشام هباني بذيئة .. نعم. أفعال الإنقاذ بذيئة .. نعم، لقد لاطوا الرجال في المعتقلات، فعلا لا قولا .. ويوجد في هذا المنبر من يصطف إلى جانب من أمروا بـ -وأشرفوا على تنفيذ- فعل اللواط .. بل مستعد لحمل السلاح لحمايتهم، ويتحدث الآن عن بذاءة الألفاظ. على الذين يدافعون عمن ارتكب "الأفعال البذيئة" أن يمتنعوا عن إدانة "الألفاظ البذيئة" ----------- تحياتي أخي أمين

كلام معاوية ده سمح يا أمين، ودوغري..
___
أعيده لك أيها المونساتي، دون ما تحت الخط المتقطع ؛)

Quote: كلام معاوية ده سمح يا أمين، ودوغري..

يا ابتفة

ممكن بناءاً على القاعدة ي نفسها يجي زول يقول ليك البتفوه بالبذاءة ما من حقو يدين الافعال البذيئة!!
في اعتقادي انها استيتمنت مفخخ و يحمل عتاصر انفجاره بداخله ..
البذاءة مدانة لذاتها و بذاتها .. فعلاً و قولاً
و للكل حق انقاها اينما ثقفها!!

بالمقابل سؤال يا عمك ..

خلينا نحاكم النتائج و نحكم ..

ما هي حصيلة نضال البذاءة دا!؟
و ما هو عايد الكتابة النضيفة .. و في ي ي عقر دار صحف النظام الصفراء او كما قال بشاشا

اجابة امينة قد تطلعنا من عنق الزجاجة الانحنا فيو دا .. و تطلعنا من الدائرة الشيطانية للسؤال المفخخ :
هل p تقتضي q ام العكس ؟
ام مافي علاقة كلو كلو!؟

ود الخليفة يا حبيبنا ، سلام ياخي

Quote: الاخ امين لعلك على استعداد لتفتيش النوايا الذي ابتدره هشام أريد رأي البروفسور أمين ( نوتة) حول هذا الكائن اللبلاب!

بوست هباني ده سطحية منو في تناول الموضوع و محاولة لتصوير الأمر كأنو أنا بدافع عن هيئة علماء السودان .. هشام بفتحو للبوست ده بقي مافي فرق بينو و بين صديق ود خالتو الفتح لي بوستين عن كوزنتي و دفاعي عن هيئة علماء السودان !

Quote: وكويس انو بدا ليك تفتيش النوايا والاراء من هنا انا لو محلو ابداها ليك من السقيفة

ياخي إنت لو متابع قدر ده ما خشيت معانا مالك ؟

يا قيقا
كلام معاوية السمح يقول: كل من يدعم البذاءة التي تفعلها الحكومة، بكل أشكالها، من قتل وإغتصاب وتعذيب وتشريد وقمع، ليس له الحق في أن ينتقد بذاءة القول، من هباني كانت أو من غيره، وليس الفعل كالقول..
___
طبعاً أمين له كامل الحق في أن ينتقد هباني، وإعتقد أنّ معاوية يقصد آخرين ليس من بينهم أمين..

Quote: يا قيقا كلام معاوية السمح يقول: كل من يدعم البذاءة التي تفعلها الحكومة، بكل أشكالها، من قتل وإغتصاب وتعذيب وتشريد وقمع، ليس له الحق في أن ينتقد بذاءة القول، من هباني كانت أو من غيره، وليس الفعل كالقول.. ___ طبعاً أمين له كامل الحق في أن ينتقد هباني، وإعتقد أنّ معاوية يقصد آخرين ليس من بينهم أمين..

و انا ما فهمتها الا كدا ..

مع ذلك كتبت ما كتبت!!

يبقى لسة بعتقد بصحتو ..

و ممكن يترد على متخذ البذاءة سلاح ( قولاً او فعلاً لا فرق عندي ، مش انا حر!) يترد ليو انو ما من حقك
يعني المقصودين ديل ذاتم ممكن يجوا يرددوا معكوس الاستيتمنت

دا القصدتو .. شفت كيف؟

في اعتقادي الخاص انو البذاءة مدانة لذاتها .. بغض النظر عما سواها ..

و بي كدا لكلٍ الحق في انتقادها ..

لانو عكس دا نكون جبنا شطط و ستفقد الصحافة دورها و حقها .. الا اذا مارسها انبياء و ملايكة!
و تكون ملكت (العدو) - المشترك بالمناسبة - سلاحك ذاتو، و اللهو سلاحه نفسه!!




----------

كرفست مشاعري ياخ ..
مجتهد عشان تطلعني ما بفهم يعني مع معاوية!؟

Quote: كرفست مشاعري ياخ .. مجتهد عشان تطلعني ما بفهم يعني مع معاوية!

؛)
___
أنا أعلم، يقيناً، أن هذا القيقراوي لم يأتِ لهذا البوست إلا لتشتيت الكورة لصالح صديقه المونساتي، فتباً وتعساً لهما ؛)

Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب : إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو ! إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب . لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ... لا طريق للثوره إلا بالصدق و إصلاح عيوبنا .... لا طريق لمحاربة من لا أخلاق لهم إلا بالاخلاق !!

بالله فكك لينا كلامك دا بالمنطق الرياضي
هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب :
إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو !
إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب .
لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ...
لا طريق للثوره إلا بالصدق و إصلاح عيوبنا ....
لا طريق لمحاربة من لا أخلاق لهم إلا بالاخلاق !!

عشان أناقشك لأنن ممكنن ما اكون عرفت قصدك
لأني فهمت لا طريق لاسقاط الانقاذ الا بإصلاح المعارضة أحزابا وجماعات وواقعا واسفيرا وان الخطوة الاولى فى طريق إسقاط الانقاذ هو التزام المعارضين بالأخلاق تعنى بالضرورة فعل يترتب على فعل ومن ثم جاءت كلمة ثم فى
هشام هبانى وامثاله فى هذا المكان وخارجه أليس تغليبا للجزء على على الكل وجعل الاستثناء قاعدة وتعميما ظالما ومن ثم افتراع بوست تحت هذا العنوان
ومن قال لك انني أسوق المبررات لخط هشام فى المعارضة الم تقرا كلماتى اعلاه بأنني انكرت على هشام استخدامه للمفردات التى ادنتها
قولى كلمة حق اريد بها باطل هى اتفاقي معك فى إدانة لغة هبانى واريد بها باطل هى دسك للسم فى الدسم
جني

النصح الذي قدمه البروف مقبول ويستحق الاشادة لاشك في ذلك ولكن افتراع بوست بهذا العنوان فيه من القسوة الكثير لشخص معارض وصاحب قلم قوي اتفقنا او اختلفنا مع لغته الا انه قلم قوي جدا .

Quote: ألفاظ هشام هباني بذيئة .. نعم. أفعال الإنقاذ بذيئة .. نعم، لقد لاطوا الرجال في المعتقلات، فعلا لا قولا .. ويوجد في هذا المنبر من يصطف إلى جانب من أمروا بـ -وأشرفوا على تنفيذ- فعل اللواط .. بل مستعد لحمل السلاح لحمايتهم، ويتحدث الآن عن بذاءة الألفاظ. على الذين يدافعون عمن ارتكب "الأفعال البذيئة" أن يمتنعوا عن إدانة "الألفاظ البذيئة"

معاوية الزبير
(أفترض) انني المقصود بمداخلتك على خلفية ردي على المُتامركـ بشاشا
أو انني جزء من (ظاهرة ) سياسية ترى أن الراهن بكل سوئه افضل من الذين ينتظرون على رصيف الثورة
ليخوضون بين دماء الأبرياء والشهداء وصولاً لسدة حُكم
مُداخلتي هي (رأي) ضد نموذج بشاشا ومن شاكله
ولمرة ثانية أُردد ماقلت
لو كان النموذج القادم هو على شاكلة بشاشا وهشام هباني
فستجدني مصطفاً أمامياً مع الذين تقول أنهم أمروا بـ ــواشرفوا على تنفيذ ــ فعل اللواط ..
ولو كان النموذج هو طائفية ثانية تُقسّم الناس إلى سادة وعبيد
فستجدني مصطفاً امامياً مع الذين تقول أنهم أمروا بـ ــواشرفوا على تنفيذ ــ فعل اللواط ..
ولو كان البديل هو شمولية اليسار وعسفه وقهره كما مايو الخلاص
فستجدني مصطفاً أمامياً مع الذين تقول أنهم أمروا بـ ــواشرفوا على تنفيذ ــ فعل اللواط ..
أرجـــو ان أكون قد ابنت ...
وارجـــو ان يتسع المنبر لمثل هكذا آراء ...!!!


ــــــــــــــــــ
قيل أعطني مسرحاً أعطيك أُمّة
ونقول أعطني معارضةً أعطيك (ثورة) !

هسع الزوول يبكي ؟؟
ولا يضحك ؟؟
يتكلم بصورة جادة ؟؟
ولا يهزر مع أمين المونساتي الكوز بتاع الجرايد الصفراء ؟؟

حيا الله أستاذنا حسن عبدالقادر الذي درسنا مادة الرياضيات بمدرسة رفاعة الثانوية
كان دائم الترداد لقالته التي أصبحت مثلاً

" جيبوا لى ألف مسألة رياضيات صعبة وأنا أحلها ليكم ، لكن أوع تجيبوا لى مسألة ساهلة وااااحدة وتقولوا لى أحلها ليكم "

____________

البروف أمين

أعانك الله على ( حل ) المسائل الساااااهلة

الاخ امين وضيوفك الكرام ... سلام

قلم هباني للانقاذ ذي الناتو مع القذافي .. اهو القذافي خلاص طار والناتو اسهل من ذاك السرطان الاسمو القذافي..

قلم الاخ هباني مخيف ومرعب بس خلي الكابوس دي يمشي وبعدها هباني ساهل وكما ذكر كثير من الذين يعرفون هباني بانه رجل طيب ولايقصد بما ذهب اليه الكثيرون ...

up

سلام اخوتي
والله كل خوفنا صار من كلاب السرة وحقوق النشر محفوظه للاخ ياسر طيفور اطال الله عمره في هذا القول
فثورة الانقاذ وقياداتها وهم حمله لواء الفضيله في بلد المليون ميل سابقا
وتميزاولئك القاده البارزون فيها بزفارة السنتهم وسوء عملهم وجهرهم بكل هذا السوء وهم يدعون العمل لاقامة شريعة الله السمحة علي ارضنا الطاهرة
واللتي ندعو الله ان يطهر ارضنا من كل تجار الدين ومن كل تاجر قابض الثمن من تجار الفضيلله وهو والغ في الرزيلة
اخي امين
ولم نري منك اي تقويم الا خجولا لتلك الفئه والبطانه الفاسده
واللتي تتحمل الوزر الاكبر في فساد الجيل الحاضر
وما ذلك الا لان بيد هولاء الطغمه الفاسده السلطه
وتملكها للاعلام وعملها الدائم لغسل ادمغة البسطاء

فهنا اسالك اخي امين عن مجاهداتك في هكذا قوم!
اما عن هشام وهو غير معصوم عن نقدك والاخرين
فهو قد يكون منضوي تحت اللوية في المعارضة
ان بدت لكم تسوءكم
علمانيه ٠ سراليه٠ وطنيه وهلم جراء
اخي امين اولي بنصيحتك ووجهتها هي لاهل النظام الانقازي
ان يكونو عفيفي اللسان وخاصه نافع ومن سار في ركبه
فنحن في المعارضه واحسبك منا قلوب شتي
والسنتنا وكل شي بعد القلب ٠٠٠٠
شتي
بس عندي سوال هام جدا جدا ٠٠٠جدا وارجو منك الاجابه
قد قرات ما كتبت في الصحافه واتمني انيكون تيارا!
هل قبضت اجرا مقابل كتاباتك!!!

في الصحف السودانية
وانا لا علم لي ولكن فقط اخي امين اسال من دوافعي الشخصيه
فلا احد يملي علي الكتابه
ولكن بعد اجابتك سيتثني لي ان اسعي التوفيق بينكم
فالمعارضه لا تتقاتل فصائلها بل تقاتل الظالم
وان جاز الاختلاف
او ان ادعم خطيكم لانهم تجمع بينهم المبادي وقد يلتقيان في يوم ما
وشكرا

Quote: حسان بن ثابت رضي الله عنه كان يهجو المشركين ، فمتي اشرك أعضاء ما يسمي بهيئة علماء السودان ؟ متي كفرو بالله تعالي لتقيس علي هجاء حسان بن ثابت و تبيح لنفسك استباحة أعراضهم ؟

كلام حكمة..وعقل..وصدق..ولايجوز لأي مسلم الطعن في أخيه وشتمه لأنه أفتى بغير ما يراه المخالف
،أو لأنه خالف رايه..
الذي عنده علم يردّ على العلماء بالعلم لا بالشتم..ولاينبغي الطعن في أعراض العلماء لأن الطعن فيهم
قد يؤدي لنفرة الناس عن الحق من الأساس..بل المطلوب هو سلوك طريق الحكمة والعلم في الردّ..ثم نحن لم نطّلع على قلوبهم
حتى نتهمهم بهذه المطاعن..وإن كانوا كذلك فلسنا الذين نملك حسابهم"إن حسابهم إلا على ربي لو تشعرون"
الأخوان بروف أمين وهباني
السلام عليكم ورحمة الله
*أتمنى أن يتم طيّ هذا النزاع الذي لايفرح به إلا الشيطان
**ويا هباني يا سليل الأماجد لو أعرضت عن شتم إخوانك-بمجرّد أنهم ليسو
مثلك في مواقفك-يكن خيرا لك،لأنك-وكلنا كذلك-لست بمعصوم،بل قد تكون مخطئاً
في تناولك لكثييير من القضايا-وأنا أرى أنك مخطئ فيها-بسبب"الاسلوب والطريقة
التي تتناولها بها،وكذلك بسبب اهمالك الانطلاق من منطلق شرعي يقوم على الحكمة والشرع في طرح القضايا
***فالشرع الغظيم-أيها المحترم الكريم- أبان الطرق التي نسلكها لتتغيير المنكر/الخطأ..وحدد "الأسلوب"
وحذّر من التنطّع والغلظة والطعن في الناس-وفي كتابتك نصيب وافر منها-هدانا الله وإياك.
ولذلك قال السلف: "كم من مُريد للخير لم يبلغه"فالغاية النبيلة لابد لها من وسيلة مثلها
**** هناك أناس في هذا المنبر-إحذرهم يا هباني- شبّت كتابتهم على "تصنيف" الناس و"وإرهابهم" و"طعنهم" و"تخويفهم" مثل قولهم:
فلان كوز!! فلان أمنجي!! فلان متملق!!! فلان غواصة!! فلان جلابي منتفع!!!إلخ فهؤلاء الذين يقيسون الناس
ب"تصنيفهم" أظلم الناس حُكما، وأضعف الناس حُجّة،لأن "تطفيفهم" لم يقم على مقارعة الحجّة والمحتوى ولكن وصل إلى درجة
مقارعة الحجة بالرمي ب "الانتساب التنظيمي" و"اللون السياسي" و"القبيلة" و"الجهة" وما كتابات بشاشا عنّا ببعيدة...
***** مسألة التعامل مع منكرات الحُكّام والخروج عليهم مسائل حسمها الشرع المطهر ووردت فيها نصوص، وليس تغيير المنكرات
تكون بقتل الحاكم المسلم أو تغييره بمنكر أكبر منه ودماء ودمار..بل لهذه المسائل أسلوبها وطريقتها ولها رجالها..
******ولا يلتفتنّ العاقل لطعن الطاعنين بأن من يسلك هذا الطريق-طريق الشرع في التعامل مع الحكّام- إنما هو ج ب ا ن أو متملق! وهذا من جهله لا من علمه أو غيرنه، ولا ينبغي إرهاب الناس بهذه الأساليب..أمين كتب؟ أخطأ؟ لماذا لا نكتب ردا مناسبا في نفس الجريدة أو نناقشه في أفكاره؟أما أن ننزع عنه صدقيته
وأمانته ونطعن في قناعاته، فهذا من ضعف الحجة..وعلى من يفعل ذلك أن يراجع نفسه عموووما في كتاباته..
*******بالنسبة للإخوة الذين مدحوا هشاما بأنه-خارج المنبر رجل طيب- هذه طريقة غير صحيحة في التقييم-فإذا
كان كذلك فنحن نحترم طيبته، ولكن لاتكون طيبته -خارج المنبر-مانعا لنا أن ننتقده -إذا أخطأ-داخل المنبر لأنا نحب له الخير كما نحبه لأنفسنا..
******وهشام المحترم يعرف أنني دافعت عن زميلي في الدراسة الجامعية: د. عبدالرحيم عمر محي الدين وهو قريبه-ليس لأنني مؤتمر وطني..بل أنا سلفي ..وليس لأنني شيعي-وعبد الرحيم فيه ميل لثوريةالشيعة الكاذبة-..بل أنا أكره فكرا يطعن في الصحابة..أقول: ورغم هذا-فقد دافعت عن حقه في قناعته الخاصةعندما"طاعنه" وشتمه هشام هباني-قريبه-بمجرّد أن عبدالرحيم ارتكب "ارتكب جريمة!!" فتزوج الرابعة!!!!!وهذه خصوصيات، لاينبغي حشرهاهاهنا..وكونه"كوز" أو مؤتمر شعبي/وطني أو مستقل
لايعطيني الحق أن أتدخل في خصوصياته.
*******هباني أنت تعرف ما بيننا من احترام، ولولا أنني أحب لك الخير ما قضيت هذه الأوقات لأكتب لك، لأني أعرف أنك مندفع للخير، ولكن أحيانا
"الفرامل" تحتاج لتظبيتة!! و"السرعة" تكون محددة! و"طريقة" السواقة معلومة!!..وهناك "إشارات مرورية"!! و"تلتوارات" ينبغي الانتباه إليها!
فيا أخي "ماكان الرفق في شئ إلا زانه وما نُزع من شئ إلا شانه"-كما قال المعصوم صلى الله عليه وسلم-
لك ولأخيك أمين خالص الاحترام
واعرف أنكما ستعودان-إن شاء الله-كما كنتما كما قال ربنا: "إنما المؤمنون إخوة" حتى تكونا في الجنة :"إخواناً على سُرر متقابيلن"
ودمتما أبناء صالحين تعالجان وطنا جريحا بدواء صحيح
والسلام عليكم

Quote: قولى كلمة حق اريد بها باطل هى اتفاقي معك فى إدانة لغة هبانى واريد بها باطل هى دسك للسم فى الدسم

برضك ما وضحت كلامك !!
السم الدسيتو أنا شنو و الدسم شنو لمن أقول بذاءات هشام هباني تصب في مصلحة النظام ؟
أنا و إنت ( حسب كلامك ) قلنا لهشام نفس الكلام : ليه أنا داسي السم في الدسم و معني السم في الدسم ذاتو شنو ؟ بالله اشرح لي !!
الشئ التاني : إنت جيت أديتني محاضرة طويلة عريضة عن إنو أنا حقو الوم الأنقاذ و أوجه نقدي ليها و أنا سالتك بتعرف شنو عن كتابتي و نقدي للانقاذ و شايفك ما رديت و ليك حق ما ترد... لانك ما عارف ...المره الجايه يا جني قبل ما تجي تحاضر الناس ليه ما عملتو و حقو تعملو ... تأكد في الأول هل الناس دي عملت ولا لا !!!!

Quote: بالله فكك لينا كلامك دا بالمنطق الرياضي

الكلام واضح ما محتاج منطق رياضي ولا محتاج تفكيك : صلحو المعارضة عشان نسقط الانقاذ ! كونك تفهمها ( يجب إصلاح المعارضة ومن ثم إصلاح الانقاذ ) يبقي الله يعينك و يعينا نحن ذاتنا البنتناقش معاك !!
لانو (من ثم) بتعني اننا نوقف النضال ضد الحكومة لحدي ما نصلح المعارضة و ده كلام أنا ما قلتو ولا أشرت ليهو لانو ببساطة ما رايي .
أما إصلاح الأنقاذ الكتبتها لي : أنا لم أقل اصلاح أصلا ... أنا كتبت إسقاط ما إصلاح و هناك فرق كما تقول الدعايه : إسقاط تكتب ألف...سين....قاف....ألف.....طاء بينما إصلاح تكتب ألف...صاء....لام....ألف....حاء و كان ما فهمت الفرق في المعني بينهم كلمني بجي اشرح ليك !!

أخونا معاويه ... سلام و تحيات طيبات

Quote: ألفاظ هشام هباني بذيئة .. نعم. أفعال الإنقاذ بذيئة .. نعم، لقد لاطوا الرجال في المعتقلات، فعلا لا قولا .. ويوجد في هذا المنبر من يصطف إلى جانب من أمروا بـ -وأشرفوا على تنفيذ- فعل اللواط .. بل مستعد لحمل السلاح لحمايتهم، ويتحدث الآن عن بذاءة الألفاظ. على الذين يدافعون عمن ارتكب "الأفعال البذيئة" أن يمتنعوا عن إدانة "الألفاظ البذيئة" ----------- تحياتي أخي أمين

متفق مع ياسر إنو مداخلتك سمحة و إنو الأخلاق ما بتتجزأ و إنو البذاءه قولا و فعلا مدانة بغض النظر عمن جاء بها ... تحفظي الوحيد عليها انها جات في مكان غير مكانها : ال issue هنا إنو الفاظ هشام البذيئة دي بتصب في مصلحة النظام بتاع الألفاظ و الأفعال البذئية ، سياق كلامك بيوحي بموافقتك لهشام علي أسلوب النضال بالبذاءه و ممكن يقرأ كمبرر لهشام باستخدام فاحش القول في نقدو للحكومة و دي الحته البتفق مع قيقراوي في قرايتو لكلامك و إنو البذاءه مرفوضة في عضمتها !!

نقطة نظام :
من خلال بعض الردود هنا و في بوستات تانيه، في نقطتين أود توضيحهم :
- أنا لم أعين هشام هباني ممثلا للمعارضة و لم أوجه نقد للمعارضه في شخص هشام في مسألة البذائة و فاحش القول ، ببساطة لان لا أحد - فيما أعلم - يتخذ البذاءه و فاحش القول منهجا في معارضة النظام غير هشام : نقدي في هذا البوست موجه لهشام و لكونه من أعلي أصوات معارضي النظام في هذا المكان .
- النقطة التانيه و دي الأهم : أرجو أن يلاحظ الناس أن المساله هنا ليست الفاظ بذيئة تاتي عرضا في بوستات هشام ، المساله انها أسلوب نضال كامل يفتح له البوستات لتبريره و يأتي بايات الله و أحاديث رسوله لاثبات شرعية بذاءته و فحشه و له من الأصدقاء و المؤيدين من لا يتورعون بدمغك بالكوزنه و (الأمنجه) إذا اعترضت ... يعني الاعتراض ما كلمات بذئية تاتي عرضا ... الاعتراض علي سستم و نظام متكامل من الفحش و البذاءة يؤسس و يأصل له هشام هباني !!

أنا شخصياً عمري ما إقتنعت إنو هشام هباني معارض حقيقي
صحيح هو شخص له غضبات حقيقية وصادقة ضد (أخطاء) النظام
ولكنه ليس معارضاً
هشام هباني من أُسرة حاكمة
ولا وعيه يسيطر على طريقته
فيعمل على معارضة النظام بشكل فاحش حتى تضيع نار المعارضة خلف (شدة) هواء الفُحش
زي اللاعب البشوت كورة شديد خالص غشان تطير فوق العارضة
لانه بدواخله يخشى دخول الكرة مرمى الفريق الذي يحبه وقدحتمت الظروف عليه اللعب ضده ..!!!

امين ازيك
من محامد بوستيك ده انو كشف وبما لا يدع مجال للشك ان سودانيز بها (هشامات هناني) كتاااار ولكنهم مستترين، تجرأ البعض منهم للدخول (جهرة) والدفاع علناً عن الاسلوب الهباني
واكتفى البعض بالمتاوقة
ح انقل ليك بعد شوية مداخلة لأخونا المبدع واستاذنا عبد المحسن ملاح، وباختصار هو عايز يقول انه (الجمهور عايز كده)

Quote: انا كتبت الكلام ده هنا قبل كده وما في مانع اكتبو تاني .. زي الكذب والروايات الوهمية والفبركات بتاعت حريات دي سببها والدافع ليها شنو؟ السبب هو المناضلين فى سودانيزاونلاين انفسهم وباقي مواقع الانترنت. حريات وغيرها من ادعياء النضال يتبعون منهج (الجمهور عايز كدة). هم يعرفون ان هذه الاخبار والروايات والقصص هي المواد الرائجة التي يريدها ويتطلع اليها جمهور المناضلين لانهم تريحهم وتبسطهم وتخفف عليهم لانو النضآل فى النهاية اتصفصف وبقي حكايات وروايات وبوستات تقوم ثم تنوم عندما يدرك شهرزاد الصباح ويطل علينا صباح جديد بروايات وقصص جديدة. قبل ايام حسين خوجلي تصدي لبكري الصايغ وفضحو واثبت ان الروايات التي يكتبها بكري الصايغ ويوزعها هنا لجمهور المناضلين ويأخذ ثمنها ثناء من نوع عظيم يا استاذ ممتاز يا استاذ مفبركة ومختلقة والغرض منها هو ارضاء الجمهور اللي عايز كدة. بكري الصائغ عمل بوست قال فيه ان حسين خوجلي كتب فى جريدته سلسلة مقالات سنة 1989 نادي فيها باعدام مجدي محجوب وأيد قرار الاعدام وهلل له وان الحلفاويين قرروا مقاطعة صحيفة حسين خوجلي بسبب تلك المقالات. الظهر بعد داك ان حسين خوجلي لم تكن له جريدة سنة 1989 ولم يكتب مقالا واحدا منذ قامت الانقاذ فى 1989 وحتي منتصف التسعينات كما انه لم يكتب اي مقال عن مجدي من الاساس لا فى ذلك التاريخ ولا غيره. طيب ليه بكري الصآيغ فبرك الرواية دي ونسبها لحسين خوجلي؟ لانو عارف ان حسين خوجلي كوز مكروه فى هذه المنابر والمناضلين لو لقوا طريقة يلوكوا كلوته عشان كده بقوم يفبرك حاجات زي دي وينشرهاوكأنو يوزع البنقو علي المساطيل عشان يريح المناضلين ن ويرضيهم ويبسطهم ويحصل علي ثناءهم. وحاليا حريات تتبع نفس منهج الجمهور عايز كده. المشكلة يا جماعة مش فى حريات المشكلة فى الجمهور. هناك سوق مفتوح عنده احتياجات و يحتاج الي سلع معينة وحريات تريد ان تسد هذه الثغرة وتوفر هذه السلع التي يحتاجها السوق.

تحياتي وتقديري

--------------------
انت ادفر بي هنا، وانا بدفر بي هناك، إممممكن نتقابل في النص
بس بالله ما تقراها غلط زي المرة الفاتت

Quote: أخونا معاويه ... سلام و تحيات طيبات متفق مع ياسر إنو مداخلتك سمحة و إنو الأخلاق ما بتتجزأ و إنو البذاءه قولا و فعلا مدانة بغض النظر عمن جاء بها ... تحفظي الوحيد عليها انها جات في مكان غير مكانها : ال issue هنا إنو الفاظ هشام البذيئة دي بتصب في مصلحة النظام بتاع الألفاظ و الأفعال البذئية ، سياق كلامك بيوحي بموافقتك لهشام علي أسلوب النضال بالبذاءه و ممكن يقرأ كمبرر لهشام باستخدام فاحش القول في نقدو للحكومة و دي الحته البتفق مع قيقراوي في قرايتو لكلامك و إنو البذاءه مرفوضة في عضمتها !!

أولا، شكرا للذين فهموا كلامي بألفاظه الواضحة، ومنهم طيفور وكوستاوي وعوض
ولي قيقراوي الذي كتب: "البذاءة مدانة لذاتها وبذاتها .. فعلاً و قولاً و للكل حق (انتقادها) اينما ثقفها!!"
أختلف معك، فليس من حق من يدافع عن مرتكبي البذاءة أن ينتقد المتلفظين بها
أما الأخ أحمد موسى فأقول له: افتراضك خاطئ. لم أقصدك بكلامي لا من قريب ولا من بعيد. صدقا.

أما أخي أمين، فقد صدمني (و.. روّعني) فهمك لكلامي على أنني أوافق على أسلوب هشام
فأنا كنت ولا أزال أحسن الظن بحسن فهمك

بدون سياق وبدون إيحاء يا أمين، أنا ضد الكلام البذئ سواء أتى من هشام أو غير هشام
وقلت بالواضح ألفاظ هشام بذيئة، نعم. وختيت نقطة.
ثم انتقلت للآخرين الذين يدافعون عن حكومة أفعالها بذيئة وحددت فعل اللواط
لأنه وألفاظه يرتبطان عندنا -في ثقافتنا- بالبذاءة.
وقلت إن الذين يدافعون عن الحكومة ذات الأفعال البذيئة لا يحق لهم أن يدينوا الألفاظ البذيئة
وعنيت أن غيرهم له الحق في انتقاد من يشاء في هذا الخصوص.

لقد التقيت الأخ هشام شخصيا في الدوحة وأوضحت له وجهة نظري (فيس تو فيس)
وفي لقاء سابق في تلك الأيام، قالت له هذا الكلام (بحضوري) الأخت العزيزة أميرة الشيخ (نتمنى عودتها لمكانها الخالي)
وكان ما فهمْتَه من كلامه في المرتين يتلخص في أنه يفعل ذلك متعمدا
وأن المعارضة ذات الألفاظ المهذبة موجودة ويمكن أيضا أن تثمر ..
لكن البذئ لا تنفع معه إلا البذاءة. (انتهى فهمي)
بالمناسبة، كثيرون من مناصري الحكومة ومن معارضي المعارضة يرددون (ويطبّقون) هذا المعنى في سياقات مشابهة وأخرى مختلفة...

..

أما قولك "ألفاظ هشام البذيئة دي بتصب في مصلحة النظام بتاع الألفاظ والأفعال البذئية"
فهو في رأيي حسن ظن منك بتأثير هذا المنبر على الواقع السياسي في السودان
فلديّ يقين راسخ (وحزين) بأن نسبة الذين يعرفون منبر سودانيز أونلاين من الناس في السودان
لا تتجاوز 1% ، ولذلك فإن ثماره لا تتعدى هذه النسبة
هذا المنبر يؤثر ويتأثر على وبـ أعضائه وأحيانا قد يؤثر على قرائه
وهو في رأيي يصلح لشؤون الثقافة والرياضة والمجتمع (الإنسانية)
أما في شؤون السياسة فهو مجرد تعويض (خشيت أن أكتب كلمة أخرى فتحسب بذيئة في هذا "السياق")
هذا إذا استثنينا بوستات التبرعات السياسية مثل (نفير الميدان) وهو أيضا إنساني في نهاية تفسير ما.

سلامات يا معاوية

اختلفت معاي يا معاوية في من يملك (حق) النقد (فيتو الانتقاد) و من المحروم
و كأنك تؤطر للمقولة الاثيرة : من كان بلا خطيئة فليرمها بحجر!!
هل دا اساس سليم لعمل صحفي؟ .. او فعل سياسي!؟
يبدو لي منطلقاتنا مختلفة خالص لمقاربة المسألة ..
برضو ما رديت لي على مغالطة لو جا واحد من الموصومين بالذاءة الفعلية، و قال لهشام انت بالذات لانو الفاظك بذيئة ما من (حقـ)ـك تنتقد .. بكون كلامو عندو شرعية مستمدها من نفـففففس القاعدة و لّ لا!؟
انا في رأيي بتشرعنوا فيما لا شرعية له .. الحق ابلج و الباطل لجج!
فلندعها لحكمة و فطنة القارئ ..

Quote: أما قولك "ألفاظ هشام البذيئة دي بتصب في مصلحة النظام بتاع الألفاظ والأفعال البذئية" فهو في رأيي حسن ظن منك بتأثير هذا المنبر على الواقع السياسي في السودان فلديّ يقين راسخ (وحزين) بأن نسبة الذين يعرفون منبر سودانيز أونلاين من الناس في السودان لا تتجاوز 1% ، ولذلك فإن ثماره لا تتعدى هذه النسبة هذا المنبر يؤثر ويتأثر على وبـ أعضائه وأحيانا قد يؤثر على قرائه وهو في رأيي يصلح لشؤون الثقافة والرياضة والمجتمع (الإنسانية) أما في شؤون السياسة فهو مجرد تعويض (خشيت أن أكتب كلمة أخرى فتحسب بذيئة في هذا "السياق") هذا إذا استثنينا بوستات التبرعات السياسية مثل (نفير الميدان) وهو أيضا إنساني في نهاية تفسير ما.

اها هنا انا البختلف معاك ..
لما الموقع ما ليو داك التأثير .. طيب هباني بناضل لينا فيو لشنو هنا!؟
لمجرد فش الغبينة ساااي!!
كلامك اوله ينسف آخره يا حبيب
ما يا اما الموقع يكون ذو تأثير ( واحسبه كذلك) ..
يا اما انو هباني بكون بنفخ ليو في قربة مقدودة .. و بي هواء كير كريه الرايحة!!
و نافخ الكير لن تجد منه الا حرق الثياب او ريح بغيضة .. ( الحديث)
كيف استوي ماكان بالامس هواء نتنا ريحا بغيضا بما كان هواء طيبا
ريحا يؤسس معطيات الشارع الكبري عبيرا ضد تلك الرائحه
ما اشبه الليله بالبارحه!! .. ( الصادق الرضي)

حليلو قبلو!!

القضيية مجلية في الحالتين .. و صاحب البذاءة هو الخسران!!



سلام

ود الزبير يا معاوية
1% متشائمة للحد البعيد ياخ، هذا المنبر مقروء بنسة عالية جداً من الوسائط الإعلامية الأخرى، وهذا بدوره يأثر فيها فتؤثر هذه الوسائط في قرائها ومستمعيها؛ والنظام بوسائله الأمنية يقرأه أيضاً بنسة عالية جداً.. أظن أيضاً إنه مقروء لنسبة كبيرة من المهتمين بالعمل العام..
___
قيقا وأمين، البذاءة دابة الشهرة ؛)

Quote: أرجو أن يلاحظ الناس أن المساله هنا ليست الفاظ بذيئة تاتي عرضا في بوستات هشام ، المساله انها أسلوب نضال كامل يفتح له البوستات لتبريره و يأتي بايات الله و أحاديث رسوله لاثبات شرعية بذاءته و فحشه و له من الأصدقاء و المؤيدين من لا يتورعون بدمغك بالكوزنه و (الأمنجه) إذا اعترضت ... يعني الاعتراض ما كلمات بذئية تاتي عرضا ... الاعتراض علي سستم و نظام متكامل من الفحش و البذاءة يؤسس و يأصل له هشام هباني !!

ليته أباك آنذاك نام ؟؟
ــــــــــــــــــــ

من غيرك المسئول ياصانع النظام
من غيرك المهبول وجالب الظلام
حبرنا العظيم ايها الهمام
ايها الفقيه ايهاالامام
يا ايها اللئيم سيد اللئام
أيها السقيم وسيد الهوام
أيها الغريم وصانع النظام
ليته اباك آنذاك نام
او صام نذرا عن شهوة الغرام
او شاءت الاقدار ليلة الخصام
أو ليتها سنار جزت هويسها الزؤام
مأفونها الكبير وسيد الفصام
وأطلقت (ميرف ) الضحية الغلام
لما كانت عفطة الظروف لمقدم اللئام
او نطفة الخصاء لمولد الظلام
ولا توهط التيوس في دعارة المقام
ولا تجعص اللواط في مفاصل النظام

ليته أباك آنذاك نام

لما كنا سنشهد مهازل الحرام
وبيع الله في الاسواق
في نتانة الزحام
وقتل الناس بالالاف
في مذابح الطغام
ولعبة الحروب والخطوب
وبعدها دعارة السلام

ليته أباك آنذاك نام

كان موطني العزيز واحة يلفها السلام
وشعبنا الجميل يعمه الوئام
آمالنا مراق مراتب عظام
كما النسور طموحنا عليّة المقام
فجاءت العوام
من فكرك المريض
ووعيك الحضيض
ومكرك البغيض
فأشعلوا الحروب واهدروا السلام
واعلنوا الجهاد
وخدروا العباد
وخربوا البلاد
وكرسوا الفساد
وقتلوا الآلاف بلذة انتقام

ليته أباك آنذاك نام

ما كنّا (اوادم) لمهنة الخصام
ولا شاء ربنا ان نقتل السلام
بل شاء افكك
وشاء مكرك
وشاء سعيك
أيها الهمام
أن ترفع السنان
وتفتح الجنان
وتهب من تشاء
من حورها الحسان
وتمنح الغفران
كأنك الاله وربنا الحنان
ايها النحلان
سيد الفصام

ليته أباك آنذاك نام

كيف أصدق ان الضبع
غير طبعا
بل صارمن فصيلة الحمام
وان ابليسا
صار انيسا
من سائر الانام
وان البسوس هي فينوس
الهة الغرام
و ( نيرون ) قد انجز السلام
كيف اصدق ان الافعى
تصنع نفعا
وأن الذيل وحده
ينجز المهام

ليته أباك آنذاك نام

فأنت سيد اللجام
وصاحب الزمام
وصانع النيام
وغارس الاوهام
بالافك والفصام
والقوس والسهام
بفقهك التمام
تسيدت هوام
بكل انتقام
ومطلق المهام
تحلل الحرام
وتحرق الزيتون
وتشنق الحمام
بغير ما احتكام
بغير ما التزام
بشرعة الاله
خالق الانام
فلن أ صدق انك المضام
وانك المناضل
وانك المقاتل
مخلص لشعبنا الهمام
فأنت قاتل
وانت باطل
ولن اصدق الا انك الغراب
وانك العراب
سيد النظام
وانك الافاك
مجوّد الكلام
ليته أباك آنذاك نام
أو ليته مات
قبل ان يمارس الغرام
لكنا افضل من يعايش السلام
وينتج السلام
ويرفض الظلام



هشـــام هباني القاهرة 1997

الي الكنكة حسين خوجلي
ـــــــــــــــــــــــــ


يا ذاك ( الودك)* المتثاقف
ينثـال من كوم عمامة
يا ذاك المفدوع في بلـد
تغشـاه اليوم قيـامـة
واصطف الناس لحساب وثواب
وجزاء الاحرار يبقى اعداما
وللغفران صكوك حررها
شيخ مكلوج محتال علامة
يهب الحور زرافات
في زمن الحرب الهدامة
وشياطين الوضع في الجاه و المتع
ورماة الحدق لا زالوا اغناما
يا شيئا من لحم من شحـــم
يفقد احساســا وشهامــة
تترهل في زمن ######## نعرفه
والجوع في وطني يحصد اقواما
ياهذا أعشرة امتار عمامة
وفي وطني حفاة وعراة
لم تعرف ابدا هنداما؟؟
يا هذا أعشرة امتار عمامة
وطفل دفنوه في وطني بلا كفن
يلعن عدلا قد نام؟؟
يا هذا أعشرة امتار عمامة
يا بغلا يا بغيا يفقد الجاما؟؟
يا هذا عشرة امتار عمامة
لن تستر عورة وضع أّفاك
سوغ بالشرع اجراما
يا هذا عشرة امتار عمامة
وقد شدتم للقهر في وطني اهراما
يا عاهرة الفهم المخصي
يا افضل من يصلح ( حكامة)*
جاهد من خلف نقابك يا هذا
فالحرب تحتاج رجلا ذا هامة
جاهد بالشحم واللحم والعجز
يا عجزا يبلع نجدا وتهامة
انفق من شحمك ارطالا
يسرج فانوسا لفقير
في بلد تنتج رعبا وظلاما
اردافك لا زالت اهدافك
انفق منها لكلاب الوطن الجوعانة
فالجوع الكافر شردها اعواما
ياغانية الانقاذ الاولى
ادري انك غانية كلامة
وفضل لسانك في السب
افضل من يردح آثاما
لا زلت اماما للخنث
في زمن قهرالاشراف
وسيد في وطني اوغادا وهواما
امثالك يطلبها الجنة
بضلال يبتذل الاسلام
جنتكم في قهر الاحرار
لتبقوا في السدة حكاما
ليس مهما دارفور تحرق بالقهر
او كل الشرق يقبع في الاسر
او كل الوطن يبقى كالقبر
فلا زال الشعب لديكم اغناما
فانتم من فتح الوطن ماخورا للوطء
فانتم من جلب خيول المستعمر
لمجرد ان تبقوا في السلطة اياما
امثالك يصلح ان تبقى (حكامة)
تمدح حاكمنا المأفون الاهبل
تمجد زمن الاوغاد المختل
وانتم من صنع الاوهام
وانتج الاما وخواء وخصاما
وايضا تصلح للرقص بالردف وبالكتف
بـدف من جلد نعامة
او جلد تيوس مخصية
لا تعرف عشقا وهياما
او تصلح انسانا( كنكة)*
للطلح للشاف
تعرضه في الجنة اكواما
تهديه الحور العين
وشهيد اللوثة قد هام
او تصلح رسما في الورق
انعم في الورق من ( دامة)*
فأنت لا تصلح في شيء
طرير من شحم يفقد احساسا وكرامة
عديم من قيم يا شيئا ينضح آثاما




* الحكامة: هي امرأة تلهب مشاعر المقاتلين باغاني الحماسة اثناء المعارك تحرضهم على القتال ومنازلة خصومهم
* الودك :هو دهن حيواني تستعمله النسوة في السودان في تهذيب شعورهن
*الكنكة: في عامية السودان هو الرجل ال######## الذي يبيع لوازم النسوة كالطلح والحناء والشاف والدلكة وما شابهها.
* الدامة: هي صورة البنت في لعبة الورق او ما يعرف بالكوتشينة
ــــــــــــــــــــــــــــــــــــــــــــــــــــــــــ
هشام هباني

مشير شنو وبشير شنو
انت يا عمر البشير
سفاح البلد رباطي البلد
وكمان رقوك لرتبة مشير
رقوك في زمن السجم
وات همك بس تصير
شاويشنا شاويش السجم
جزارنا معدوم الضمير
قدر الله قد جابك عديل
رئيسا اهبلا فاضي وعوير
لا طايوق لافهم لاخلقة لا اخلاق
بس قعونجة تحت الزير

والله يا عوقة لو طرت السما
وغسلوك بمطر السما
وصبوك من دهبا نقي
وسووك انسانا سوي
بل سووك كمان نبي

برضو عند شعبي الامير
انت احقر من حقير
مجرم حرب سفاح خبير
واولاد الهرمة المعاك
هم افة البلد الكبير
خرابة البلد الموكح بالسجم
نهابة الشعب الفقير
جلابة الدين الضلام
ماهو دين الله القدير
همباتة الرزق الحرام
عنقالة الكضب الختير
اولاد الحنوت اولاد الحرام
زبالة الزمن العفن
مومس الحال المرير

تف يا عفطة الزمن الكعب
وعوع من دقسة الحال الضهب
وتف لغفلة الناس الحيارى
عندما غابت الناس البصارى
وماتت الناس النوارة

فجاة قد جيت رئيس
تيسا خرتوك من دكة تيوس
وجيتنا في زفة تيوس
ناسا حتالاتا نجوس
همهم خم الفلوس
والكل يحلم بالعروس
عينة من بشرا رخيس
نهابة البلد التعيس
بالغدر والعمل الإنسان رخيص
وبقيت رئيس
وبقيت عريس
وانت القايد وانت الرئيس
خليك عريس
همك الليلة الرقيص
كل دلوكة داقة وقالو دقة للرئيس
ما ات وحدك الرئيس
وات وحدك العريس
والماتو في الغابات فطيس

مشير شنو وبشير شنو
والله لو طرت السما
برضو عند شعبي الامير انت احقر من حقير

والله ما شفنا زولا بترقى في زمن الهزيمة
وما شفنا زولا مهزوم ادوه قيمة
والبلد في زمانك والله قد صبحت وليمة
من سقط لقط دخلت جيوشا
جبتوها للبلد الغنيمة
وغردون جبتوه تاني بالعفانات القديمة
وفشودة جبتوها تاني بالخسارات والهزيمة
يا حليلك يا بلد امة قد كانت عظيمة
باعوك انصاف الرجال بالجبن والحالة الازيمة
باعوك برخس التراب اهدوك للاغراب وليمة
لانهم عشاق كراسي وما عندهم للشعب قيمة

مشير شنو وبشير شنو
والله لو طرت السما
انت عند شعبي الامير
انت احقر من حقير

مهازل يا بلد ستين مهازل
حت (رواندا ) العفينة
الغرقانة في بحر المشاكل
ونيجريا سمعة حروبها قد ملت المحافل
تهدي فينا وكنا تيجان المحافل
تهدي في بلدي المناضل
والذي كان حلال المشاكل
بلد قدر السما
وتاريخها مليان جمايل
سديناها عين الشمش
بسمح المكارم وحلو الشمايل
وشعبي السمح كان بسمحو صايل
وشعبي البطل بمجدو هايل

بلدي يا سجم ما جابت حوا غيرها
فيها ترهاقا ونمر والمهدي ربان المسيرة
فيها رابحة وفيها تاية ونحن منك يا مهيرة
صانوها بدم الكرامة والشرف قد كان ضريرة
قلعوها من خشم العدو بالعزة والروح الجسورة
ما سرقوها في قومة دغش ونهبوا خيرها
وما باعوها بالنص والتشاشة والفزرة والروح الكسيرة
صانوها بالسيف والكرامة والهمة والنفس الكبيرة
دي بلد شعبي المعظم براهو ليهو حق تقرير مصيرها
مصيرنا وحدة شعب واحد ودم واحد مابنرضى غيرها
شعب اصلي شعب يغلي وشعب جبار كسيرة
اسالوا السفاح حليفكم يوم ليلة النصر الشهيرة
ليلة مايو راحت (لعب ترتير جهال فوق الدميرة)
واب عاج امامكم شردلاسيادو مكسوفا عضيرة
وحق المظاليم ما بروح واطافي دنيا ازدادت شرورها
ودم الشهيد ما ببقى موية
طالما الاحرار هناك في راس المسيرة
واهلي الغبش في الحارة زي موج الدميرة
شايلنو ريدك يا بلد قدر الله ما خلق
واداهم العافية الوفيرة

مشير شنو وبشير شنو
والله لو طرت السما
برضو عند شعبي الامير
انت احقر من حقير

بلدا هاملة فاقدة وجيع
وجيعا شايف دم البلد السمحة قاعد اضيع
وخابر الناس الماكلة حقوقنا
وسكنو القصر العالي منيع
وسرقوا لبن الشافع اللسة رضيع
بلدا هاملة فاقدة وجيع
اقش الدمعة وافش غبينة الشعب المابي اطيع
بلدا هاملة فاقدة وجيع
دم الشفع لبن الشفع شربو الكوز الفاسد والله فظيع
هذا الكوز نهب الدنياوحجز الاخرة
هذا الفاسد هذا الكاسد ملك البيع
باعو البلد السمحة وابدوا نهما اصلي شنيع

مشير شنو وبشير شنو
والله لو طرت السما
انت عند شعبي الامير
انت احقر من حقير

الزول بترقى يوم نصرو
يوم اعمل مفاخر
وعزة الزول السمح عندما يعمل مآثر
وات شبعان هزايم مليان وداشر
والليلة قد بعت البلد لكل طماع وماكر
والتيوس الانت فيهم
جز دقونها جاي باكر
جاي من وجع الغبش
منهوبة الرزق يادوب تدافر
جاي من ذل المظاليم
هناك في جو الدفاتر
جاي من زعل المغابين
من زمن للحق تعافر
جاي من وجع المساجين هناك في ذل المهاجر
جاي من دم الشهيد كتلوه في زمن المساخر
جاي من مهتوكة عرض
مودرة وحيرانة ودايرالها ساتر
جاي من وجع الارض وهي دنسها العساكر
والتيوس الانت فيهم جز دقونها جاى باكر
ورقيص شنو وعرضة شنو ات يا سجم العساكر
والبلد مكندكة بالفقر والجوع قد طق البنادر
رقيص شنو وعرضة شنو ات يا سجم العساكر
والشعب قد سكن المقابر
والفاشر الحبيبة قادلة فيها اغراب من عساكر
طامعة في البلد الجنازة والشعب مسكين وصابر
وانت راقص ماك شايف ماك خابر
يا رئيسنا ويا عريسنا انت ياكبري الكباير

مشير شنو وبشير شنو
والله لو طرت السما
برضو عند شعبي الامير انت احقر من حقير

قال سلام وقال كلام فاروقنا جلاب الهزيمة
رئيسنا وعريسنا ورقاصنا معدوم العزيمة
في نيفاشا جابوك بارك شان توقع للهزيمة
وصدقت انك حمامة للحب والسلام
وماك داري انك كت متيس زي بهيمة
وفي دارفور عصروك تاني
وقلت (الروب يا الله للكوز والحكومة)
وفي شرقنا العصرة حصلت
وماك مصدق انو اوشيك الهوين
الليلة مليان بالعزيمة
وبعد ده كلو رقوك مشير رتبه ما عارف لزومها
لاحس لا شعور جاري في الدنيا ونعيمه
وكيف الله بنصر ملة الشر اللئيمة
وكيف الله بنصر صاحب اليد الاثيمة
بكرة شعبي المظفر يمسح اهاتو الاليمة
بالكفاح الاصلي فيهو
والشموخ الفيهو ديمة
وتاني ترجع ام در تغني
وتعانق الفاشر التميمة
وجوبا السمحة ترقص لوحدة البلد العظيمة
وكسلا بشوتالها شايلة
فطرة البلد السليمة
تطرد الهم من بلدنا
وترجع ايامنا الحميمة
لا مشيرا فينا يأمر
ولا بشيرا عندو قيمة
ولا دقونا فينا قادلة
بالاساطير القديمة
وتاني ما بننخم ليها
بعدما شفنا الجريمة
وشعبي شايل تارو جاهز
حقو برجع بالعزيمة
ونحن ما بنغفر ذنوب الباعو دينن
وباعوا بلدي الحرة الكريمة
والمسامح وحدو الله
وما بنسامح الولعوا نار الخصومة
والبجامل في حقو تاني
ابقي زولا واطي ديمة
والبجامل في عرضو مرة
مصيرو للذلة وجحيمها
بشير شنو ومشير شنو
والله لو طرت السما
برضو عند شعبي الامير
انت احقر من حقير
انت يا عمر البشير
ــــــــــــــــــــــــــــــــــــــــــــــ
هشام هباني

مظفر النواب
ــــــــــــــــــــــــــــــــــ


القدس عروس عروبتكم؟؟
فلماذا ادخلتم كل زناة الليل حجرتها
ووقفتم تسترقون السمع وراء الابواب لصرخات بكارتها
وسحبتم كل خناجركم, وتنافختم شرفا
وصرختم فيها ان تسكت صونا للعرض؟؟؟
فما اشرفكم!
اولاد القحبة هل تسكت مغتصبة؟؟؟


اولاد القحبة
لست خجولا حين اصارحكم بحقيقتكم
ان حظيرة خنزير اطهر من اطهركم
تتحرك دكة غسل الموتى
اما انتم
لا تهتز لكم قصبه!


تعالوا نتحاكم قدام الصحراء العربية كي تحكم فينا
اعترف الان امام الصحراء
بأني مبتذل وبذيء وحزين
كهزيمتكم يا شرفاء مهزومين
ويا حكاما مهزومين
ويا جمهورا مهزوما
ما ا######نا ...ما أ######نا ...ما أ######نا
ونكابر
ما أ######نا
لا استثني احدا



هل وطن تحكمه الافخاذ الملكية
هذا وطن أم مبغى
هل ارض هذي الكرة الارضية أم وكر ذئاب
ماذا يدعى القصف الاممي على هانوي
ماذا يدعي سمة العصر وتعريص الطرق السلمية
ماذا يدعى استمناء الوضع العربي
امام مشاريع السلم
وشرب الانخاب مع السافل روجرز
ماذا يدعى ان تتقنع بالدين
وجوه التجار الامويين
ماذا يدعى الدولاب الدموي ببغداد



اصرخ فيكم
اصرخ اين شهامتكم
ان كنتم عربا ... بشرا ... حيوانات
فالذئبة ...حتى الذئبة
تحرس نطفتها
وال######ة تحرس نطفتها
والنملة تعتز بثقب الارض
واما انتم
فالقدس عروس عروبتكم
اهلا
القدس عروس عروبتكم
فلماذا ادخلتم كل السيلانات الى حجرتها
ووقفتم تسترقون السمع وراء الابواب
لصراخ بكارتها
وسحبتم كل خناجركم
وتنفافختم شرفا
وصرختم فيها ان تسكت صونا للعرض
فأي قرود انتم


أولاد قراد الخيل كفاكم صخبا
خلوها دامية في الشمس بلا قابلة
ستشد ضفائرها وتقيء الحمل عليكم
ستقيء الحمل عليكم
ستقيء الحمل على عزتكم
ستقيء الحمل على اصوات اذاعاتكم
ستقيء الحمل عليكم فردا فرد
وستغرز إصبعها في أعينكم
انتم مغتصبي
حملتم أسلحة تطلق للخلف
وثرثرتم ورقصتم كالدببة
كوني عاقر يا ارض فلسطين
فهذا الحمل مخيف

.. اخي امين محمد سليمان،
اشكر لك حساسيتك العالية

وانت بالاصل من نواحي ابوروف تحت، اخالك تعلم بأن هنالك لحظات و مراحل، في تاريخ وعمر الشعوب و تحديدا جماهير الشارع العام العريض،
لحظات و مراحل تمحي فيها الحدود و الفواصل بين الادب و قلة الأدب .. إنه حكم الإنقاذ .. إنه تاريخ الإنقاذ و حصادها المر

في بلد يكون فيها إغتصاب الحرائر المناضلات و إدخال قضيب الحديد في مؤخرة الرجال سياسة رسمية للدولة، فإن اسلوب هشام هباني في المقاومة يكون ايضا جائزا و واردا
في هذه اللحظات يجب ان لا نرفع سيف (ديموقليدس) سيف الادب و الضوابط فوق راس الناس .. شارع المقاومة العريض لا يعترف بأدب و ضوابط في بلد لا يوجد بها حكم قانون
بلد حكومتها ذات نفسها تقوم بإنتاج و تدوير قلة الأدب

.. سمعت آناء تلك الثمانيات من القرن الماضي، وفي شارع العرضة الأمدرماني، عقب مباراة هلال / مريخ، بعض فتيات الطبقة الوسطى السودانية يرددن بصوت عالي شعارا كرويا
أثيرا و عجيبا و عابرا بسلاسة لحواجز الرهبة و الحياء النسائي، شعار يقول : يا دحدوح .. القون سحسوح .. انه الشارع العريض ذو الإختلاجات

الأدب و قلة الأدب : كله جائز في مقاومة حكم الطاغوت .. كله جائز في مجرى الشارع العريض ذو الإختلاجات و ردود الأفعال التي لا تتبع ضوابط دولة الباطل
.. جماهير الشارع السوداني العريض اليوم تقول عن جماعة المؤتمر الوطني أنكأ مما يقوله هشام هباني

.. المشكلة تتعلق بأمثالنا انا و انت من جماعة الإنتلجنسيا ذات الحساسية العالية والجلد الثقافي الناعم

.. حكمة في كتاب الأثر الشعبي تقول : إن اعلى درجات الخُلق و إلتزام الحق في هذه اللحظة المفصلية هو مقاومة الطاغوت بأدب او بقلة ادب
و يبقى ابراهيم روثمان ميتافور حقيقي .. او قل، (مجازا" سودانيا اصيلا ) جائز الإستخدام و لو كره ذلك الشيخ المؤدب / عبد الحي يوسف

Quote: .. سمعت آناء تلك الثمانيات من القرن الماضي، وفي شارع العرضة الأمدرماني، عقب مباراة هلال / مريخ، بعض فتيات الطبقة الوسطى السودانية يرددن بصوت عالي شعارا كرويا أثيرا و عجيبا و عابرا بسلاسة لحواجز الرهبة و الحياء النسائي، شعار يقول : يا دحدوح .. القون سحسوح .. انه الشارع العريض ذو الإختلاجات الأدب و قلة الأدب : كله جائز في مقاومة حكم الطاغوت .. كله جائز في مجرى الشارع العريض ذو الإختلاجات و ردود الأفعال التي لا تتبع ضوابط دولة الباطل .. جماهير الشارع السوداني العريض اليوم تقول عن جماعة المؤتمر الوطني أنكأ مما يقوله هشام هباني

عزيزى أحمد طراوة
تحياتى

أتفق معك فى مجمل حديثك عن الشارع العريض، وردود أفعاله لا يمكن التحكم فيها، وأن جماهير الشارع تقول أنكأ مما يقوله الأخ هشام هبانى.

ولكن مثالك عن كسر بعض الفتيات لحاجز الحياء (فى الشارع) فرحة بإنتصار المريخ. وقول الجماهير (فى الشارع) فى المؤتمر الوطنى الأنكأ بذاءة
هل هو قياس ومقارنة متكافئه كمرجعيه لما يجوز التعبير به فى هذا المنبر بالذات وإن صنفت بذيئةً؟ هل لكل مجال وحضور مقال، وهنالك إختلاف
بين ما يقال من ألفاظ وتعبيرات ومعان فى البيت والصحيفة والمنبر والشارع والسينما والإستاد .... ؟ ما تعريفك لهذا المنبر أهو هايدبارك فى إطلاق لحرية الرأى والتعبير والألفاظ؟

والله ما حيّرتني إلا مداخلة طراوة!!!


إذا كانت تصرفات الكيزان تبيح الرد بمثلها
يبقى الفرق شنو؟ ومعارضين الحكومة ليه؟

Quote: Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب : إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو ! إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب . لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ... لا طريق للثوره إلا بالصدق و إصلاح عيوبنا .... لا طريق لمحاربة من لا أخلاق لهم إلا بالاخلاق !!

Quote: نقطة نظام : من خلال بعض الردود هنا و في بوستات تانيه، في نقطتين أود توضيحهم : - أنا لم أعين هشام هباني ممثلا للمعارضة و لم أوجه نقد للمعارضه في شخص هشام في مسألة البذائة و فاحش القول ، ببساطة لان لا أحد - فيما أعلم - يتخذ البذاءه و فاحش القول منهجا في معارضة النظام غير هشام : نقدي في هذا البوست موجه لهشام و لكونه من أعلي أصوات معارضي النظام في هذا المكان . - النقطة التانيه و دي الأهم : أرجو أن يلاحظ الناس أن المساله هنا ليست الفاظ بذيئة تاتي عرضا في بوستات هشام ، المساله انها أسلوب نضال كامل يفتح له البوستات لتبريره و يأتي بايات الله و أحاديث رسوله لاثبات شرعية بذاءته و فحشه و له من الأصدقاء و المؤيدين من لا يتورعون بدمغك بالكوزنه و (الأمنجه) إذا اعترضت ... يعني الاعتراض ما كلمات بذئية تاتي عرضا ... الاعتراض علي سستم و نظام متكامل من الفحش و البذاءة يؤسس و يأصل له هشام هباني !!

طبعا دا تراجع وليس نقطة نظام باعتبارك مشاركات هباني او خطه eccentric يخصه هو وليس خط معارضة لا ن قولك:

لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ...
لا طريق للثوره إلا بالصدق و إصلاح عيوبنا .... واضح لا لبس فيه
بعض الغضب الذى يدفع للخروج عن النص مشروع فمن استعصي ولم يغضب فهو حمار
رحم الله الأديب الأريب صلاح احمد ابراهيم فى فضلته الشهيرة مخاطبا جعفر نميرى وهو على سدة الحكم
يا العاجباك أمارتك تنقز فخرا
ربك كيده اكبر
يوم يزنقك تخرا
وما اشبه الليلة بالبارحة لملوك البوربون الذين لا يتعلمون ولا ينسون!

انظر الى اهتبال مؤيدى الانقاذ لهجومك واستثماره فى دمغ المعارضة مما يؤكد انهم اشتركوا واتفقوا فى فهم مداخلتك والامر المؤسف انك استثمرت مداخلاتهم باعتبارها مؤيدة ولم تتحفظ عليها مشتركا مع المعارضين والمؤيدين فى فهمهم لما كتبته
على العموم نقطة نظامك بوست جديد منفصل ولا علاقة لها بهذا البوست!
تحيتنا واختلاف الرغى لا يفسد للود قضية
جني
جني

Quote: وانت بالاصل من نواحي ابوروف تحت، اخالك تعلم بأن هنالك لحظات و مراحل، في تاريخ وعمر الشعوب و تحديدا جماهير الشارع العام العريض، لحظات و مراحل تمحي فيها الحدود و الفواصل بين الادب و قلة الأدب

طراوة غير ما جاب الكلام ل(نواحي أبروف تحت) ما عمل حاجة!

سلام للجميع و إعتذار عن الغياب القسري يوم أمس ، ساعود لاحقا إن شاء الله لمواصلة الردود

Quote: ود الزبير يا معاوية 1% متشائمة للحد البعيد ياخ، هذا المنبر مقروء بنسة عالية جداً من الوسائط الإعلامية الأخرى، وهذا بدوره يأثر فيها فتؤثر هذه الوسائط في قرائها ومستمعيها؛ والنظام بوسائله الأمنية يقرأه أيضاً بنسة عالية جداً.. أظن أيضاً إنه مقروء لنسبة كبيرة من المهتمين بالعمل العام..

طيب يا طيفور، قول 2%،
المهم أرجو انك ما تفهم إنو دا تقليل من أهمية المنبر وأعضائه وما يدور فيه من مناقشات
ومعلومات وتبادل معارف وخبرات .. الخ
ولكني أعني أن كل هذا وما يرافقه أيضا من ابتذال والذي منه، يتفاعل فقط هنا داخليا (بمن في ذلك القراء)
ولكن تأثيره باهت جدا على الشأن السياسي في السودان (السياسي تحديدا) حسب تجربتي الشخصية
أما حكاية الوسائط الإعلامية دي، ودورها في زيادة التأثير، ممكن تكون حصلت حديثا ولا استبعدها.

الخلاصة:
بذاءة هشام هباني في سودانيز أونلاين ليس لها أدنى تأثير على المعارضة في الشارع السياسي السوداني
ودا مش معناهو يمدد رجليه، لكن ليطمئن قلب أخونا أمين

-------------
جاييك يا قيقا في وقت لاحق
تحياتي

الاخت ندي ، سلام وتحيات طيبات

Quote: الاخ د. امين محمد سليمان لك التحية اتفق معاك فى اسلوب الاخ هشام انه به بعض الابتذال كل مرة اقول خلاص ما اقرا ليه بوست لكنه عنده مقدرة فائقة فى خلق عناوين لى مواضيعوا تلقى نفسك دخلت لدى اقرباء جدا close friends لهشام قالوا لى الزول ده totally different فى الواقع مهذب جدا كريم وشهم typical sudaneseman

شكرا علي الأتفاق علي أن أسلوب هشام مبتذل ، لكن المشكلة ما في إبتذال أسلوبو و بس ..المشكلة في تاصيلو و تاسيسو لهذا المنهج في معارضة نظام لا يحتاج لاي إبتذال في كشف سؤاته و في أن ما يفعله يضر بالعمل المعارض في هذا المكان و اللي يعتبر من أكثر الأماكن معارضة للنظام لما فيه من حرية متاحه للاعضاء بعيدا عن يد النظام اللاحقه لكل عمل معارض ...
بالنسبة لشخصية هشام و أدبو في أرض الواقع و حتي دوافعو من إتباع أسلوب الفحش و البذاءة فده ما عندو مكان في النقاش الداير لاننا بنحكم عليهو بما يكتب هنا و ليس علي أخلاقو في أرض الواقع و لا علي دوافعو التي لا يعلمها إلا الله من كتاباته البذئيه و اسلوبه الفاحش .

Quote: لو كنت مكان البروف لفضلت عدم الذهاب الى البوست الانصرافى الذى فتحه هشام حسب ما نبهت عنه ، هشام فتح بوست اخر للبروف حتى يصرف الناس عن البوست الاصلى. هذا ما نبهت له فى هذا البوست .

شكرا علي النصيحة يا هجو و البوست التاني عبارة عن محاولة صبيانيه من هشام لشخصنة الموضوع و تصوير الأمر إنو أنا موافق علي ما جاءت به هيئة علماء السودان و شيخها عبدالحي يوسف رغم إنو كلامي في الجرايد عن نفس الموضوع موجود في هذا البوست

Quote: ما هي حصيلة نضال البذاءة دا!؟ و ما هو عايد الكتابة النضيفة .. و في ي ي عقر دار صحف النظام الصفراء او كما قال بشاشا اجابة امينة قد تطلعنا من عنق الزجاجة الانحنا فيو دا .. و تطلعنا من الدائرة الشيطانية للسؤال المفخخ : هل p تقتضي q ام العكس ؟ ام مافي علاقة كلو كلو!؟

أجاوبك أنا يا قيقا طالما مافي زول من مؤيدي أسلوب هشام جاوبك ولا حا يجي يجاوبك : حصيلة نضال البذاءة إبتعاد الناس مش عن نضال البذاءة و بس ... عن النضال ذاتو لانو في ناس كتار معارضين النظام و بقو معارضين المعارضه ذاتها بسبب النضال بالبذاءة و النضال بالكذب و النضال في أعراض الناس .... فإذا كان الناس بتعارض الانقاذ من منطلق أخلاقي لما فعلو و يفعلو بالبلد، ما ممكن يتخذو نفس الأسلوب لمعارضتها و دي خطورة الأمر و ده الدافع من فتح البوست : ما يفعله هشام و اخرون هنا يصب في مصلحة النظام بقصد أو بدونه المحصلة و النتيجة واحده .

الأخ عمر ، سلام و تحيات طيبات و رحم الله الخاله و جعل الجنة مثواها

Quote: النصح الذي قدمه البروف مقبول ويستحق الاشادة لاشك في ذلك ولكن افتراع بوست بهذا العنوان فيه من القسوة الكثير لشخص معارض وصاحب قلم قوي اتفقنا او اختلفنا مع لغته الا انه قلم قوي جدا .

يا عمر أنا ما بنصح في هشام : هشام الناس بتنصح فيه من يوم ما إتخذ أسلوبو الفاحش و البذئ ده و هو سادي دي بطينة و دي بعجينة ... أنا بوضح للناس البتقرأ إنو في ناس معارضة النظام ده و غير راضيه عن طريقة هشام و كل الطرق اللاخلاقيه في معارضة النظام و إنو محاربة القبح بالقبح غير مجديه و لا حا تجيب نتيجة و لن تصب إلا في مصلحة النظام .
لا أعتقد إنو أنا ظلمت هشام في العنوان : هشام فعلا بيبتذل في النضال و العمل المعارض باتباع أسلوب لا يشبه هذا الشعب الذي يدعي النضال من أجلو .

Quote: هسع الزوول يبكي ؟؟ ولا يضحك ؟؟ يتكلم بصورة جادة ؟؟ ولا يهزر مع أمين المونساتي الكوز بتاع الجرايد الصفراء ؟؟

تبكي بس يا عاطف !!
ياخي ناس تقول ليهم ارحمونا من البذاءة و قلة الأدب و الكلام الذي لا يجرؤ احدهم علي قوله في بيتهم قدام اهلو ...يقولو ليك لا ... الانقاذ أكثر بذاءة !!
عشان كده تبكي بس !!

Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب : إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو ! إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب . لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ... لا طريق للثوره إلا بالصدق و إصلاح عيوبنا .... لا طريق لمحاربة من لا أخلاق لهم إلا بالاخلاق

هشام هبانى وامثاله فى هذا المكان خارجه يدفعون الناس دفعا عن معارضة النظام بالكذب وفاحش القول!
دا كلامك ام لا! والواو حرف عطف ام لا!

Quote: خلال بعض الردود هنا و في بوستات تانيه، في نقطتين أود توضيحهم : - أنا لم أعين هشام هباني ممثلا للمعارضة و لم أوجه نقد للمعارضه في شخص هشام في مسألة البذائة و فاحش القول ، ببساطة لان لا أحد - فيما أعلم - يتخذ البذاءه و فاحش القول منهجا في معارضة النظام غير هشام : نقدي في هذا البوست موجه لهشام و لكونه من أعلي أصوات معارضي النظام في هذا المكان

كلامك الفوق لا يتحدث عن هشام وحده ولا يقتصر فاحش القول والكذب عليه وحده وهنا تراجع واضح يدعو للرثاء لان بقية المداخلة سيجعل من هبانى رامبو وسوبرمان بل سوبر بور
لاننا سنقرا مداخلتك كالاتى:
لا طريق للثوره إلا بالصدق و إصلاح هبانى.
لا طريق لمحاربة من لا أخلاق لهم إلا باصلاح هبانى!
جنى

Quote: برضك ما وضحت كلامك !! السم الدسيتو أنا شنو و الدسم شنو لمن أقول بذاءات هشام هباني تصب في مصلحة النظام ؟ أنا و إنت ( حسب كلامك ) قلنا لهشام نفس الكلام : ليه أنا داسي السم في الدسم و معني السم في الدسم ذاتو شنو ؟ بالله اشرح لي !! الشئ التاني : إنت جيت أديتني محاضرة طويلة عريضة عن إنو أنا حقو الوم الأنقاذ و أوجه نقدي ليها و أنا سالتك بتعرف شنو عن كتابتي و نقدي للانقاذ و شايفك ما رديت و ليك حق ما ترد... لانك ما عارف ...المره الجايه يا جني قبل ما تجي تحاضر الناس ليه ما عملتو و حقو تعملو ... تأكد في الأول هل الناس دي عملت ولا لا !!!!

السم الدسيتو هو يعنى يا جماعة اول شئ تعالوا نصلح المعارضة ولو ما صلحنا المعارضة احزابا وجماعة واسافير ما حنسقط النظام !
انا لم احاضر ولا يحزنون وانا قاعد فى امنبر دا اقرا ولو كتبت بكتب سطرين!
وكلامك الكتبتو هنا واضح الا يكون عندى قنبور!
يا زول انا كنت بكتب باستخدام الايباد وهو يقوم بالتصحيح افتراضا يعنى العربى ما بغلبنى وكلمة اصلاح كنت اقصد بها اسقاط ومن السياق واضحة فما تنصرف لاشياء تبعدنا عن موضوعنا
لان الكلام عن اصلاح المعارضة واسقاط النظام وليس العكس!
جنى

Quote: الكلام واضح ما محتاج منطق رياضي ولا محتاج تفكيك : صلحو المعارضة عشان نسقط الانقاذ ! كونك تفهمها ( يجب إصلاح المعارضة ومن ثم إصلاح الانقاذ ) يبقي الله يعينك و يعينا نحن ذاتنا البنتناقش معاك !! لانو (من ثم) بتعني اننا نوقف النضال ضد الحكومة لحدي ما نصلح المعارضة و ده كلام أنا ما قلتو ولا أشرت ليهو لانو ببساطة ما رايي . أما إصلاح الأنقاذ الكتبتها لي : أنا لم أقل اصلاح أصلا ... أنا كتبت إسقاط ما إصلاح و هناك فرق كما تقول الدعايه : إسقاط تكتب ألف...سين....قاف....ألف.....طاء بينما إصلاح تكتب ألف...صاء....لام....ألف....حاء و كان ما فهمت الفرق في المعني بينهم كلمني بجي اشرح ليك !!

فعلا واضح زما محتاج منطق رياضى ولا محتاج تفكيك


صلحو المعارضة عشان نسقط الانقاذ ! كونك تفهمها ( يجب إصلاح المعارضة ومن ثم إصلاح الانقاذ ) يبقي الله يعينك و يعينا نحن ذاتنا البنتناقش معاك !!
عشان!
وعشان دى شنو يا العشا بلبن!
غسل يدينك عشان نجيب العشا ولا احضار عشاء الا بعد غسل اليدين!!
الله يعين تلاميذك يا بروف!
ارجو ان لا تلجا للاستفزاز يا بروف لكى نسيئ للمنبر لان استفزاز الانقاذ ومتنفذيها دفع هشام هبانى الى هذا الاسلوب بل دفع البعض الى استخدام لغة الكراسى والصفع الجاز والنافع مثالا!
لا تنه عن خلق وتاتى بمثله عار عليك اذا فعلت عظيما!
لانه وقتها لا معنى لفتح بوست للوم زيد او عبيد!
جنى
جنى

و عليكم السلام يا أسامة و لعلك بخير

Quote: الاخ امين وضيوفك الكرام ... سلام قلم هباني للانقاذ ذي الناتو مع القذافي .. اهو القذافي خلاص طار والناتو اسهل من ذاك السرطان الاسمو القذافي.. قلم الاخ هباني مخيف ومرعب بس خلي الكابوس دي يمشي وبعدها هباني ساهل وكما ذكر كثير من الذين يعرفون هباني بانه رجل طيب ولايقصد بما ذهب اليه الكثيرون ...

شخصية هشام دي أنا ما اطرقت ليها أصلا و بصراحة قصة إنو ( لا يقصد بما ذهب اليه الكثيرون ) دي هو ذاتو بخالفك فيها : الرجل من شدة ما بيقصد بيفتح البوستات و يستعين بالايات و الأحاديث لاثبات و تأصيل بذاءاته و فحشه في القول .

العزيز امين نوتة

تحياتي

الهذا الحد كل هذه (الهلولة والهيلمانة) وانت تكرس وقتك جله في انتقاد شخصي الضعيف اكثر من الطغمة الحاكمة نفسها التى تظلمني وتظلمك وتظلم كل شعب السودان وهل انا بهذه الاهمية الى هذه الدرجة حتى تفترع خيطا خاصا باسمى كانما انا زعيم المعارضة او احد اركانها ناسيا او متناسيا اننى مجرد عبد فقير و( تكاسي) في اقاصى الدنيا ولا اعتقد ان كتاباتي بهذا القدر من الاهمية حتى تحذر الناس منها واحزن جدا ان اكون اولى اولوياتك في هذه اللحظات الحرجات من راهن السودان وانت لم تعر ما هو افدح واشر منى اي هذا الواقع المرير والذي يحتاج جدا جدا الى رشقات قلمك الثوري الناري المهذب حيث لا ارى لك خيطا واحدا في هذه اللحظات متناولا فساد ومظالم الطغمة وفاضحا لجرائمها ومتعاطفا مع اهلنا في جنوب كردفان وجنوب النيل الازرق وهم يقاسون امر العيش تحت الحرب والعدوان التي يشنها عليهم اوغاد السلطة في الخرطوم وهو امر للاسف يهز مصداقية مواقفك فان كانت مناصحتك لى من باب اصلاح المعارضة ارجو ان تثبت لنا في الاساس انك معارض بالفعل تنشد اصلاح المعارضة وانك صاحب مواقف هنا في هذا المنبر صادعة بالحق حيث الاولوية كان ينبغى ان تكون لمهاجمة الظلمة وليس الى ضحاياهم.. فلو تفضلت ارنا بعضا من كتاباتك الصادعة في المنبر والصحف المحلية حول (جزمة) السفاح البشير التي توعد ان يضع خصومه من مؤيدى المحكمة الجنائية تحتها وايضا رايك حول المحكمة الجنائية وتسليم المجرم البشير وايضا ارنا كتاباتك الداعمة لنضال اهلنا في دارفور والجنوب وجنوب كردفان وجنوب النيل الازرق وايضا اراءك حول اغتصاب الشريفة صفية اسحق وجلد فتاة الكبجاب وقضية بنطلون لبنى ولا تنسى ان ترفدنا بكتاباتك الصادعة حول جرائم بيوت الاشباح من قتل وتعذيب واغتصاب وما تعرض له المناضل البطل محمد احمد الريح ودكتور فاروق احمد ابراهيم واخرين وكل ذلك كي تثبت لي مصداقية انتمائك للمعارضة الحقيقية والمهذبة وان قصدك كان شريفا جدا في انتقادى.... وايضا ارنا شيئا من نضالك الوطني مثل كثير من المناضلين الشرفاء هنا في المهجر الامريكي وهم مهذبون جدا اكثر من التكاسي هباني ولكنهم وطنيون حقيقيون وانت تعرف غالبهم وهم يضحون بوقتهم ومالهم في هذه المهاجر للاشتراك في فعاليات وطنية تسعى لاسقاط الاوغاد في الخرطوم فماذا تفعل انت فى هذا المهجر ولماذا لا تبان في مثل هذه الفعاليات الوطنية الشريفة حتى تثبت صدقية مواقفك المعارضة؟

و عليكم السلام أخي عبدالمنعم

Quote: بس عندي سوال هام جدا جدا ٠٠٠جدا وارجو منك الاجابه قد قرات ما كتبت في الصحافه واتمني انيكون تيارا! هل قبضت اجرا مقابل كتاباتك!!! في الصحف السودانية

و أنا ذاتي عندي سؤال هام جدا جدا ٠٠٠جدا وارجو منك الاجابه قبل أن أجاوب علي سؤالك : هل في أي سابق معرفة بيناتنا و إذا الأجابة بنعم أرجو انك توريني وين و بتين ... بعدها حا أرد علي سؤالك و أعلق علي مداخلتك بالتفصيل .

و عليكم السلام و رحمة الله وبركاته يا عماد و شكرا علي مداخلتك الضافيه

Quote: لك ولأخيك أمين خالص الاحترام واعرف أنكما ستعودان-إن شاء الله-كما كنتما كما قال ربنا: "إنما المؤمنون إخوة" حتى تكونا في الجنة :"إخواناً على سُرر متقابيلن" ودمتما أبناء صالحين تعالجان وطنا جريحا بدواء صحيح والسلام عليكم

يشهد الله يا عماد ما عندي مشكلة مع هشام في عضمو و لا غبينة و لا تصفية حساب و يشهد ياسر طيفور - كان عندو ذمة - إنو قبل فترة قلت ليه أنا ماشي اجازه دالاس و بفتش في نمرة هشام هباني اتصل بيه و أقابلو ...مشيت دالاس وانشغلت و ما اتصلت عليهو ... و هسي كان تاني مشيت بضرب ليه و بلم فيه و أقول ليه كلامي ده ذاتو ... مافي شئ شخصي و مافي حاجة مرجعه البلد دي لوراء غير شخصنة المواضيع ....

ياخي ناس تقول ليهم ارحمونا من البذاءة و قلة الأدب و الكلام الذي لا يجرؤ احدهم علي قوله في بيتهم قدام اهلو ...يقولو ليك لا ... الانقاذ أكثر بذاءة !!
عشان كده تبكي بس !! اقتباس
الكلام دا فيهو تلخيص مخل جدا لآراء الناس الما اتفقت معاك في الراي
راجع مداخلاتهم وشوف كم واحد فيهم بنطبق عليهو الاقتباس الفوق دا
طبعا يا أمين ما ممكن تكون عايز تفتح ليك بوست مثير للجدل
وتتوقع إنو كل المداخلات تكون على شاكلة:
مية مية يا بروف، يسلم كيبوردك يا دكتور، دا الكلام، والله دايما بتابع بوستاتك وما بقدر أنوم الليل.
لو عايز تلخيص صادق لي مداخلات الناس دي، هو التالي: نعم، ولكن ..
خلي نفسك بارد ياخ،
انا في السنوات الأخيرة دي، كل سنة تقريبا بمشي السودان إجازة
بعد أجي راجع البيت بالليل بنزل اشرب جبنة في لفة الكلاكلة
والصباح أنا طالع الخرطوم بتصبّح بالقهوة في نفس المكان،
علي الطلاق ما سمعت زول جاب سيرة معارضة سودانيز أونلاين، حتى خضر حسين زاتو
-----------------
وبمناسبة هشام هباني ونفور المعارضة
لو الهلال لاعب ضد المريخ وانت هلالابي (فرضا يعني)، وفي الاستاد لقيت مشجعين الهلال بتلفظوا ألفاظ بذيئة ضد فريق المريخ..
تقوم تخلي تشجيع الهلال!
ما تقول لي خلي مشجعي شاشات التلفزيون البرّا ديل يجو ينبذوا فريق المريخ جوا الاستاد

Quote: كان عندو ذمة

يعني دايرني أشهد ليك في أمر أنا نصحتك بأن لا تفعله ؛)
___
يا هشام الزول ده كان نشيط علي زيارتك ما كان سمع كلامي ؛)

سلام يا خال ..
النصيحة انت غلطان غلط مافوقو مكابرة بفتحك هذا البوست .
الزميل هشام يسئ لنفسه اولا و اخيرا - عندي و عندك و عند غيرنا من زملاء و قراء - بما يكتب. و هو يحسب ان كتابة بوست عن "البشير العــوير" أو "البشير الدلــوكة " أو " العيطة " او ماشئت من ألفاظ سب هو نوع من النضال ضد الحكومة ..
وبلا شك ان شتم الحكام الظلمة امر يريح النفوس و اظن الزميل هشام يجد راحة نفسية بعد ان يدخل فيشتم ما يشاء.
شخصيا كنت مثلك اتقزز و اشمئز من هذا النوع من الكتابة .. لكني في النهاية وجدت اني لا احسد الزميل هشام على راحة نفسية يدركها.
واكتفيت بأن اقرأ عناوين بوستاته و اراهن نفسي على مخالفتها لمحتوى البوست ( لديه بوست عن القبض على رئيس القضاء السابق في وضع مخل او نحو ذلك .. لم احاول فتحه لكني اعرف من منهجه ان العنوان ليس خبراً بالتأكيد ).
انت يا خال - و انا معك و بالتأكيد اخرين - ترى ان الحديث في السياسة يكون بالتحليل و التوضيح و النقد و الكشف .. بينما يتعامل هباني بالشتيمة و السب لا غير.
عليه يسهل و علينا يمهل.
لن يفهم هباني قط اسلوبك و طلبك. و ها انت ترى مجرد ان قلت له ان البذاءة تسئ لشرف القضية حتى اتهمك اقاربه انك أمنجي و جاء هو يحتال بلغة الاتحاد الاشتراكي القديمة البالية التي تكثر من التوصيف على حساب المضمون ليفتش في مواقفك "النضالية " .. و انا على ثقة اننا لو قلبنا الاية و فتشنا مواقفه عن القضايا التي سماها هنا يطلب فيها مواقفك لما وجدنا له كتابة تنفع الناس .. بل هو يتفاعل مع القضايا العامة بالشتيمة بعدة بوستات يتفنن في تفريغ غضبه فيها.
انت - و انا معك و اكيد اخرين - نعتقد ان الكتابة هي كما قال هولبروك جاكسون :
"انه لمن المشكوك فيه ما اذا كان في مقدور كاتب ان يعطي قارئا شيئا لم يكن يملكه من قبل بصورة من الصور. و ان كل ما يستطيعه الكاتب هو ان يجعل القارئ يستشعر ربما بصورة أعمق ما هو بين يديه وذلك عن طريق اثارة الذهن و ترطيب القشرة الخارجية للشعور ".
نحن نعتقد ان الطريق الى ذلك هو استشعار مسئولية الكلمة و احترام القارئ بتقديم معلومة موثوقة او رأي حصيف. بينما يعتقد هشام ان دوره ان يشتم و يسب.
فدعه في ظنه. فان التصرف يكون تبعا للتصور.
انت تعتبر النضال موقف محترم و كلمة مسئولة. و هشام يعتبره شتما و سبا.
لن تقنعه ما حييت و مهما كتبت.
ربما لبوستك فائدة واحدة ..
انه أصّل لان المعارضة موقف و ليست كتلة.
والناس في تعاطيهم مع الموقف يختلفون حسب اخلاقهم و افهامهم.
ليس هشام هباني ممثلا للمعارضة بل هو ممثل لنفسه من المعارضة كموقف.
وليس كمال عباس - مثلا كمعارض محترم الكلمة عف القلم - ممثل للمعارضة بل هو ممثل لنفسه من المعارضة كموقف.

يا خال ..
دع لهشام شتمه و سبه.
وعليك بما تكتب و يكتب غيرك مما ينفع الناس.
فلو لم يكن في كتابة هشام الا انه يرتاح نفسيا لكفاه.

كلامي ده لا يعني انو امين ده ما امنجي و غواصة و كوز ..
وعلى كل المناضلين انهم يبلوهو بل الجن

سلام يا أحمد و لعلك بخير

Quote: أنا شخصياً عمري ما إقتنعت إنو هشام هباني معارض حقيقي صحيح هو شخص له غضبات حقيقية وصادقة ضد (أخطاء) النظام ولكنه ليس معارضاً هشام هباني من أُسرة حاكمة ولا وعيه يسيطر على طريقته فيعمل على معارضة النظام بشكل فاحش حتى تضيع نار المعارضة خلف (شدة) هواء الفُحش زي اللاعب البشوت كورة شديد خالص غشان تطير فوق العارضة لانه بدواخله يخشى دخول الكرة مرمى الفريق الذي يحبه وقدحتمت الظروف عليه اللعب ضده ..!!!

تحليلك ده أنا ما عارف صحتو من عدمها لانو بعتمد عن علي قراية ما بداخل هشام و دي أنا ما بعرفها ... البعرفو و متأكد منو إنو أسلوبو و طريقتو بتصب في مصلحة النظام

الشفيع الكوز ... سلام و لعلك بخير

Quote: امين ازيك من محامد بوستيك ده انو كشف وبما لا يدع مجال للشك ان سودانيز بها (هشامات هناني) كتاااار ولكنهم مستترين، تجرأ البعض منهم للدخول (جهرة) والدفاع علناً عن الاسلوب الهباني

الأسلوب الهشامي (لا أقول الهباني ) له معجبيه و محبيه مافي ذلك شك، لكنهم - فيما أعلم - فئة بسيطة و كونو ما كل الناس تداخلت مع أو ضد أسلوب هشام فده بيرجع لاسباب كتيرة من أهمها إنو الموضوع بجيب كركبه و بالذات لو أدنت أسلوبو بتطلع كوز و مؤيد للحكومة زيك واحد و يفتحو ليك بوستات يستنطقوك بيها: في الموضوع داك ليه ما كتبت و هل كتبت في الموضوع ده و اسئلة بغرض احراجك و تصويرك كزول ما عندك موقف واضح تجاه ما يحدث ...

.

الأخ دكتور طراوه ... سلام يا صديق و لعلك بخير

Quote: وانت بالاصل من نواحي ابوروف تحت، اخالك تعلم بأن هنالك لحظات و مراحل، في تاريخ وعمر الشعوب و تحديدا جماهير الشارع العام العريض، لحظات و مراحل تمحي فيها الحدود و الفواصل بين الادب و قلة الأدب .. إنه حكم الإنقاذ .. إنه تاريخ الإنقاذ و حصادها المر fy بلد يكون فيها إغتصاب الحرائر المناضلات و إدخال قضيب الحديد في مؤخرة الرجال سياسة رسمية للدولة، فإن اسلوب هشام هباني في المقاومة يكون ايضا جائزا و واردا في هذه اللحظات يجب ان لا نرفع سيف (ديموقليدس) سيف الادب و الضوابط فوق راس الناس .. شارع المقاومة العريض لا يعترف بأدب و ضوابط في بلد لا يوجد بها حكم قانون بلد حكومتها ذات نفسها تقوم بإنتاج و تدوير قلة الأدب

اسمح لي اختلف معاك تماما في كلامك.
في تقديري الفواصل بين الأدب و قلة الأدب عمرها ما حا تنمحي و لا في سبب أصلا انها تنمحي .... أسلوب حكم الانقاذ الغير أخلاقي هو ما يدفع الناس لمعارضتها و السعي لاسقاطها ... لا نحتاج لصور كوندوم و لا وصف اهل الأنقاذ بالقو ادين و المعر...... و باقي الألفاظ البذيئة التي يستعملها هشام في معظم بوستاتو ، لا نحتاج لعناوين من شاكلة (كلاب تمارس الفاحشة داخل الجامع العتيق بالخرطوم ) و لا (احتفاء ( الكداينة) في نيويورك بعيد اعيادهم ! ) لا نحتاج لهذه العناوين و لهذه الألفاظ لبيان عورة و سوءة الأنقاذ ، و يا ريت لو الأمر بقتصر عن عدم الحوجة و بس ، خطورة الأمر إنو هشام بوستاتو كتيرة و مرفوعة دايما في المنبر حتي دمغت المعارضة في هذا المكان بالصعلقة و قلة الأدب و عدم الموضوع و بدل أن نساهم في توعية الناس بخطل النظام و خطورته و واجب محاربته ، بنقدم ليهم بيان بالعمل عن تفاهة و عدم أخلاقية أسلوب معارضي النظام لانو الناس الأسوياء ( و هم الغلبة الغالبة من شعبنا المنكوب ) ترفض هذه الألفاظ و هذه البذاءة، عشان كده لو من باب سد الذرائع ساي هشام مفروض يغير أسلوبو اللي ما بيخدم غير النظام ! و مفروض انتو الناس المعارضة و البتناضل ضد النظام ده و في نفس الوقت أصحابو تتكلمو معاهو بدل تبررو ليه .

Quote: هشام هباني و إبتذال النضال !! قيل للقمان : أي الناس شر ؟! قال : الذي لا يبالي ان يراه الناس مسيئاً !!

براعة الاستهلال
أول القصيدة كفرا

وهل تركت مساحة للاصلاح بوصفك له بشر الناس وهل هذا نهجك للاصلاح!
يا سيدى نظام دموى فتل شعبه بمئات الالوف وقطع اعناق وارزاق مواطنيه وشردهم فى المنافى ومزق بلادهم واحال حياتهم جحيما فماذا تتوقع من تباين فى ردود الافعال
فى معارضته لتاتى لتحدثنا عن اصلاح من اجل اسقاط واضعا المعارضة والحكومة فى سرج واحد!
لا اعتقد بعد كل هذا انك لا تعرف معنى دس السم فى الدسم يا سيدى!
جنى

عزيزنا البروف

أدينا النجيضة على قول ود الصايم

هسه لو هشام هباني دا حالو إنصلح و بقى بدل الأساءات و البذاءات بيرشق حكومة الوطني بباقات الورد و الازاهير من حدايق إبن زيدون بنكون حلينا كم كدا في المية من مشاكل البلد؟؟


____________
آخر بوست قريتو أنا لهشام هباني يستريح الآن بسلام في أرشيف سنة 2004

http://www.sudaneseonline.com/cgi-bin/sdb/2bb.cgi?board=468

حمور الكوز*

Quote: وبلا شك ان شتم الحكام الظلمة امر يريح النفوس و اظن الزميل هشام يجد راحة نفسية بعد ان يدخل فيشتم ما يشاء.

تعرف انو دا اخطر "شوك ابزوربر"
و غير مطلوب ابداً .. الاحتقان مفيد للثورة، زي ما الفول مفيد للجبنة ..
(او كما قال عادل امام)

بالمدخل دا بس يا جني امين عندو مليون حق .. و لو ما نظر للاحتمال دا ذاتو!!
فشتان ما بين البوعزيزي الصعد فوق احتقانه بقتل نفسه و هشام البنفس عن احتقانو بالاساءة و التعرض للظالمين!!
و شتان قول سوف نصعد فوق هذا الاحتقان الى عناق البندقية .. و لسوف تلقانا الشوارع بالهتافات المضادة للعساكر و المساخر .. اللخ اللخ من نشيد لوجه ماريل الحبيبة

لو كان الكلام عن (آداب) لكان رأي اختلف .. لكنا هنا نعالج ساس يسوس .. فقوانين اللعب مختلفة
علم السياسة خرج من رحم علم الاخلاق .. فلا انفصام لهما الا بعض (منهجي) متعلق بالنطاق (فرد/شأن مشترك) لا اكثر و لا اقل.

فبذاءة مظفر النواب (مثلاً) مبلوعة لي جدا! ( الله يرد غربتك يا حبشي لتسألني عما هو المعيار!؟ اشتقنالك و الله)
و سأرد عليك حينها .. فكن بخير حتى ذلك الحين.
هو ذاتو قال " قد تقولون بذئ؟ .. لابأس "
و عشان ما تاخد احد الهشاميين الهاشمية .. هل ما ينتجه هشام اصلاً من جنس الشعر!؟

سم سانين : كرفستوا مشاعري بعدم الرد على سؤالي اعلاه عن جدوى الضافة .. و في عقر دار الظالمين؟
تفرد امين بالاجابة بقت لي زي المجاملة كدا .. شيلني و اشيلك .. و دا ما طلبي ابداً الا تكونوا فهمتو " امينة " في اجابة امينة و صادقة دي منسوبة لأمين نوتة، و الصادق المجولب!!؟

عني شخصياً تأسيساً على بوست وليد المبارك على خلفية حلقة حميد، بديت أقرأ خطأ استراتيجي للمعارضة هنا في الحتة دي ..
بالله عليكم واحد ممكن يفسر لي ليه المعارضة ما عندها قناة فضائية، صحف، و بتبتذل حتى المنابر الاسفيرية!؟
و كيف اسهم الواقع دا في تغييب رموزنا - المعارضة - عن المشهد الثقافي و المحفل السياسي!؟
وين الناس الشكلو وجدانا من وجدان الشعب السوداني الفضل الليلة؟ ( محجوب شريف، هاشم صديق، حميد، القدال، ابو عركي .. عيييك)
هل دا كان خيار صائب!؟

الحق ابلج .. و الباطل لجج

الهامش:

Quote: حمور الكوز*

قديمن قالت الحكمة الشعبية :

الجنا خال!!














------

اوع تشكك في حكمة شعبنا يا حمور!!
اخير ليك الكوزنة يا اخوي!

و لو فيها عزاء يلبألك ..
ما دام امين كوز .. انا ذاتي كوز زيكم بالضبط كدا!
و امنجي عديييييل!!
المافي شنو هو!؟

Quote: الأسلوب الهشامي (لا أقول الهباني ) له معجبيه و محبيه مافي ذلك شك، لكنهم - فيما أعلم - فئة بسيطة و كونو ما كل الناس تداخلت مع أو ضد أسلوب هشام فده بيرجع لاسباب كتيرة من أهمها إنو الموضوع بجيب كركبه

تعرف يا أمين لو كان فتحت بوست عن ألفاظ هشام هباني في المنبر
واكتفيت بذلك (يعني من ناحية اجتماعية)، كان النقاش أخد مسار تاني
لكن ربط الموضوع بالنضال والمعارضة أثار حساسية سياسية لها مبرراتها
لذلك في مداخلتي السابقة اخدت عليك إخلالك في تلخيص مداخلات الناس
دون أن تاخذ في الاعتبار الحساسية أعلاه
مودتي
-------
يا قيقا، تسلم مشاعرك من الكرفسة
لكن كل ما نجمع الأفكار يجي أمين يمد إيدو

سلام تاني يا جني ..

Quote: طبعا دا تراجع وليس نقطة نظام باعتبارك مشاركات هباني او خطه eccentric يخصه هو وليس خط معارضة لا ن قولك: لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ... لا طريق للثوره إلا بالصدق و إصلاح عيوبنا .... واضح لا لبس فيه بعض الغضب الذى يدفع للخروج عن النص مشروع فمن استعصي ولم يغضب فهو حمار رحم الله الأديب الأريب صلاح احمد ابراهيم فى فضلته الشهيرة مخاطبا جعفر نميرى وهو على سدة الحكم يا العاجباك أمارتك تنقز فخرا ربك كيده اكبر يوم يزنقك تخرا وما اشبه الليلة بالبارحة لملوك البوربون الذين لا يتعلمون ولا ينسون! انظر الى اهتبال مؤيدى الانقاذ لهجومك واستثماره فى دمغ المعارضة مما يؤكد انهم اشتركوا واتفقوا فى فهم مداخلتك والامر المؤسف انك استثمرت مداخلاتهم باعتبارها مؤيدة ولم تتحفظ عليها مشتركا مع المعارضين والمؤيدين فى فهمهم لما كتبته على العموم نقطة نظامك بوست جديد منفصل ولا علاقة لها بهذا البوست! تحيتنا واختلاف الرغى لا يفسد للود قضية

تراجع وين ياخي ؟ البوست ده أصلا مفتوح لبيان إبتذال هشام هباني للنضال ... جبت فيه حيثيات كلامي ده و قلت مليون مرة إنو هشام من أعلي الأصوات المعارضة و من أكثرها تاثيرا عشان كده لمن يكون نضالو مبتذل بينسحب الكلام ده علي كل المعارضين و بيدمغو بالبذاءة و فاحش القول و ده بيصب في مصلحة النظام ... ده البوست كلو مما بدأ ... نفس الكلام ما إتغيير و ما إتراجعت عنو و ما عندي مانع اتراجع عنو إذا تبين لي عدم صحتو ....
نقطة النظام جات لسببين الأولي إنو في ناس كتار ( من ضمنهم إنت ذاتك ) فهمو إنو أنا بلوم في المعارضة ككل باسم ما يفعل هشام فحبيت أوضح إنو المسألة ما كده و جبت اسباب انها ما كده ليه ... كونك تفهم كلامي ده تراجع ..ده بخصك إنت لا شأن لي به ....أما عن موضوع (اهتبال مؤيدى الانقاذ لهجومي) و فهمهم لكلامي بما يروق لهم فانا ما مسؤل من فهم الناس كان مؤيدين ولا معارضين ... أنا مسؤل من كتابة كلام واضح الناس تفهمو و أعتقد إني فعلت ، كونو مؤيدى الانقاذ فهموهو إنو أنا دمغت المعارضه ككل بعدم الأخلاق فده كلام أنا ما قلتو و لو في أمر مؤسف في الكلام ده كلو فهو ترصدك لكلامي و تحويرو بما يخدم غرضك !!

Quote: Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب : إن خطل الحكومة و باطلها لم يدع حاجة لفاحش القول و إن ظلمهم للناس لم يدع حاجة لمعارضيها أن يكذبو ! إن الخطوة الأولي في طريق إسقاط الأنقاذ هو إلتزام المعارضين بالاخلاق إن لم يكن لاجلهم فلاجل هذا الوطن المنكوب . لا طريق لاسقاط الانقاذ إلا باصلاح المعارضه : احزابا و جماعات ، واقعا و اسفيرا ... لا طريق للثوره إلا بالصدق و إصلاح عيوبنا .... لا طريق لمحاربة من لا أخلاق لهم إلا بالاخلاق هشام هبانى وامثاله فى هذا المكان خارجه يدفعون الناس دفعا عن معارضة النظام بالكذب وفاحش القول! دا كلامك ام لا! والواو حرف عطف ام لا! Quote: خلال بعض الردود هنا و في بوستات تانيه، في نقطتين أود توضيحهم : - أنا لم أعين هشام هباني ممثلا للمعارضة و لم أوجه نقد للمعارضه في شخص هشام في مسألة البذائة و فاحش القول ، ببساطة لان لا أحد - فيما أعلم - يتخذ البذاءه و فاحش القول منهجا في معارضة النظام غير هشام : نقدي في هذا البوست موجه لهشام و لكونه من أعلي أصوات معارضي النظام في هذا المكان كلامك الفوق لا يتحدث عن هشام وحده ولا يقتصر فاحش القول والكذب عليه وحده وهنا تراجع واضح يدعو للرثاء لان بقية المداخلة سيجعل من هبانى رامبو وسوبرمان بل سوبر بور لاننا سنقرا مداخلتك كالاتى: لا طريق للثوره إلا بالصدق و إصلاح هبانى. لا طريق لمحاربة من لا أخلاق لهم إلا باصلاح هبانى! جنى

ياخي ما ممكن تجيب ليك مداخلتين مختلفتين في صياغين مختلفين عشان تطلع كلامي متناقض !! الموضوع ده بسيط جدا :
هشام ( براه (الله و رقبتو فيما أعلم ) متخذ أسلوب البذاءة و فحش القول طريقا للنضال .... في ناس تانين ( في البورد ده و خارجو ) متخذين أساليب أخري لنضال ما أخلاقي كالكذب و الولوغ في أعراض الناس ( هشام ما معاهم فيما أعلم ) ... في المداخلة الأولي أنا قلت ( هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب ) أمثاله هنا ممن يتخذون أساليب لا أخلاقيه مش البذاءة و فاحش القول تحديدا و الكلام ده قلتو و كررتو أكتر من مره إنو مافي زول فيما أعلم متخذ البذاءة طريقا للنضال غير هشام ..لكن في ناس تانين متخذين أساليب غير أخلاقية في النقاش ...

Quote: السم الدسيتو هو يعنى يا جماعة اول شئ تعالوا نصلح المعارضة ولو ما صلحنا المعارضة احزابا وجماعة واسافير ما حنسقط النظام !

تاني يا جني (اول شئ تعالوا نصلح المعارضة ) ؟!! تاني ( من ثم ) ؟!! و أنا في ردي الأول عليك قلت ليك (من ثم ) دي تفيد إنو نوقف المعارضه لحدي ما نصلحها و ده كلام أنا ما قلتو ... تاني تجي تكتب لي إنو أنا قلت (اول شئ تعالوا نصلح المعارضة ) بما يفيد إنو نوقف و نحن بنصلح !! لانك لمن تقول أول شئ نعمل كذا ... ده بيعني إنو ما نعمل حاجة تانيه لحدي ما نخلص أول شئ ده : و ده كلام مش أنا ما قلتو و بس ... ما قلتو و شرحتو ليك مرتين !
أول كلمة في مداخلتك الأولي قلت لي (وإنشاء الله ننتظر كم سنة كدة!) و جيت شرحت ليك و قلت ليك ما ننتظر ولا دقيقة : الناس البتأسس للنضال بالبذأءة و فاحش القول توقف ... الناس البتناضل بالكذب و الأخبار المدسوسة توقف .... الناس البتناضل باعراض الناس توقف ..... الناس البتناضل بكل ما هو لا أخلاقي توقف !!
يعني مافي إنتظار و مافي توقيف للمعارضة ....كلامي في النقطه دي واضح و مشروح ليك مرتين ...ما ممكن تجي تاني تجيب لي فهمك الغلط لكلامي ..
إصلاح المعارضه بيتم باتباع الطرق الاخلاقيه و ما بيتطلب توقيف للنضال زي ما إنت بتصر تقولني الكلام الأنا ما قلتو ده ... التوقيف للمعارضة الما أخلاقيه : كان بفحش القول ...كان بالكذب ... كان بالولوغ في أعراض الناس ... السم وين في كلامي ده ؟

Quote: انا لم احاضر ولا يحزنون وانا قاعد فى امنبر دا اقرا ولو كتبت بكتب سطرين!

يا زول إنت في أول مداخلة جيت أديتني محاضرة ( كان من سطر ولا سطرين ) عن إنو أنا كان من الأولي أوجه نقدي للانقاذ و أنا سألتك بتعرف شنو عن نقدي للانقاذ و كتابتي عنها و جزمت انك ما بتعرف عنها حاجه لانك لو بتعرف ما بتجي تقول لي كلامك ده ... و قلت ليك - و تاني بقول ليك - لمن تجي تحاضر زول عن حاجه : حاول تعرف عنها ....

Quote: يا زول انا كنت بكتب باستخدام الايباد وهو يقوم بالتصحيح افتراضا يعنى العربى ما بغلبنى وكلمة اصلاح كنت اقصد بها اسقاط ومن السياق واضحة فما تنصرف لاشياء تبعدنا عن موضوعنا لان الكلام عن اصلاح المعارضة واسقاط النظام وليس العكس!

يعني الايباد بتاعك ده يكتب إنو أنا قلت يجب (إصلاح الانقاذ) بدل (إسقاط الانقاذ) و مفروض أنا و الناس البتقرأ نفهم من السياق إنك قاصد (إسقاط ) ما (إصلاح ) و أنا ما أعلق علي ده عشان ما ننصرف لاشياء تبعدنا عن موضوعنا ؟

Quote: يا سيدى نظام دموى فتل شعبه بمئات الالوف وقطع اعناق وارزاق مواطنيه وشردهم فى المنافى ومزق بلادهم واحال حياتهم جحيما فماذا تتوقع من تباين فى ردود الافعال فى معارضته لتاتى لتحدثنا عن اصلاح من اجل اسقاط واضعا المعارضة والحكومة فى سرج واحد!

قلت لي سرج واحد ؟!
يا شيخنا .... إنت عندك مشكلة حقيقيه في البوست ده : بتقرأ و إنت لابس نضارات الترصد لما اكتب، عشان كده بتقرأ كلام ما مكتوب و تجيب كلام أنا ما كاتبو و تفهم كلامي بطريقتك و دي كلها حاجات أنا ما بقدر أحلها و لا بقدر أغيرها و بعد شويه - كان الشويه دي لسه ما جات - النقاش فيها ببقي مضيعة وكت ساكت !!

كتب جني

Quote: وما اشبه الليلة بالبارحة لملوك البوربون الذين لا يتعلمون ولا ينسون!

Quote: وهنا تراجع واضح يدعو للرثاء

Quote: وعشان دى شنو يا العشا بلبن!

Quote: غسل يدينك عشان نجيب العشا ولا احضار عشاء الا بعد غسل اليدين!!

Quote: الله يعين تلاميذك يا بروف!

Quote: براعة الاستهلال أول القصيدة كفرا

ثم

Quote: ارجو ان لا تلجا للاستفزاز يا بروف لكى نسيئ للمنبر

سلام يا هشام ...

Quote: الهذا الحد كل هذه (الهلولة والهيلمانة) وانت تكرس وقتك جله في انتقاد شخصي الضعيف اكثر من الطغمة الحاكمة نفسها التى تظلمني وتظلمك وتظلم كل شعب السودان وهل انا بهذه الاهمية الى هذه الدرجة حتى تفترع خيطا خاصا باسمى كانما انا زعيم المعارضة او احد اركانها ناسيا او متناسيا اننى مجرد عبد فقير و( تكاسي) في اقاصى الدنيا ولا اعتقد ان كتاباتي بهذا القدر من الاهمية حتى تحذر الناس منها واحزن جدا ان اكون اولى اولوياتك في هذه اللحظات الحرجات من راهن السودان وانت لم تعر ما هو افدح واشر منى اي هذا الواقع المرير والذي يحتاج جدا جدا الى رشقات قلمك الثوري الناري المهذب حيث لا ارى لك خيطا واحدا في هذه اللحظات متناولا فساد ومظالم الطغمة وفاضحا لجرائمها ومتعاطفا مع اهلنا في جنوب كردفان وجنوب النيل الازرق وهم يقاسون امر العيش تحت الحرب والعدوان التي يشنها عليهم اوغاد السلطة في الخرطوم وهو امر للاسف يهز مصداقية مواقفك فان كانت مناصحتك لى من باب اصلاح المعارضة ارجو ان تثبت لنا في الاساس انك معارض بالفعل تنشد اصلاح المعارضة وانك صاحب مواقف هنا في هذا المنبر صادعة بالحق حيث الاولوية كان ينبغى ان تكون لمهاجمة الظلمة وليس الى ضحاياهم.. فلو تفضلت ارنا بعضا من كتاباتك الصادعة في المنبر والصحف المحلية حول (جزمة) السفاح البشير التي توعد ان يضع خصومه من مؤيدى المحكمة الجنائية تحتها وايضا رايك حول المحكمة الجنائية وتسليم المجرم البشير وايضا ارنا كتاباتك الداعمة لنضال اهلنا في دارفور والجنوب وجنوب كردفان وجنوب النيل الازرق وايضا اراءك حول اغتصاب الشريفة صفية اسحق وجلد فتاة الكبجاب وقضية بنطلون لبنى ولا تنسى ان ترفدنا بكتاباتك الصادعة حول جرائم بيوت الاشباح من قتل وتعذيب واغتصاب وما تعرض له المناضل البطل محمد احمد الريح ودكتور فاروق احمد ابراهيم واخرين وكل ذلك كي تثبت لي مصداقية انتمائك للمعارضة الحقيقية والمهذبة وان قصدك كان شريفا جدا في انتقادى.... وايضا ارنا شيئا من نضالك الوطني مثل كثير من المناضلين الشرفاء هنا في المهجر الامريكي وهم مهذبون جدا اكثر من التكاسي هباني ولكنهم وطنيون حقيقيون وانت تعرف غالبهم وهم يضحون بوقتهم ومالهم في هذه المهاجر للاشتراك في فعاليات وطنية تسعى لاسقاط الاوغاد في الخرطوم فماذا تفعل انت فى هذا المهجر ولماذا لا تبان في مثل هذه الفعاليات الوطنية الشريفة حتى تثبت صدقية مواقفك المعارضة؟

يا زول جل وقتي شنو كمان البقضي فيك
كلامك و أسئلتك يا هشام ياخي مكروره و معاده و أنا سألتك لو جبت ليك كتابتي عن المواضيع دي إنت بتخلي النضال بالبذاءة و فاحش القول ده ؟ لو التزمت للناس هنا بانك تخليه بجيب ليك كتابتي عن المواضيع البتسألني منها دي !!
يا شيخنا ... أنا ما فاتح البوست ده أقول ليك إنت ما مناضل ولا أنا مناضل أكتر منك ... أنا فتحتو لغرض محدد و هو بيان إبتذالك للعمل المعارض في هذا المكان و جبت حيثيات كلامي ده، و جيت إنت بعضمة كيبوردك و في أول مداخله ليك هنا كتبت لي :

Quote: بالفعل كلامك (في التنك ) ومقبول جدا ومنطقي جدا ما ذكرته في حق قـــــــــوادي السلطان وفي مناصحتى ولكن اخاك هباني ليس ممثلا للمعارضة السودانية ولا متحدثا رسميا باسمها ولا يختط خطا هو خطها لانه لا تشرفني هذه المعارضة السودانية بخطها الحالي المفعم بالتواطؤ والمساومات مع القتلة والمجرمين ولا اتشرف ان اكون من بين اعضائها لانها في اعتقادى دون الطموح والتطلعات و هي بريئة تماما من كتاباتي وانا بريء من مواقفها....( فلكم دينكم ولي دين). وثق يا عزيزي امين فان كانت هنالك مفردات اسوأ وابشع مما ذكرتها في حق هؤلاء القـــــــــــــــــــوادين من اسموا نفسهم (علماء السودان) فتالله لما توانيت في استخدامها في توصيفهم لانهم بموقفهم المتواطيء مع الطغيان والاجرام والفساد وهم يقفون ضد شعبهم فهم يستحقون بجدارة احط واقذر ما جادت به لغة الضاد من مفردات الهجاء لان لغة الضاد تحمل الغث والسمين من الكلم ولكل مقام مقال ولكل حادثة حديث.

و وصفت كلامي بانه ( (في التنك ) ومقبول جدا ومنطقي جدا ) مشكلتك الوحيده في كلامي حسب كلامك انك ( ليس ممثلا للمعارضة السودانية ولا متحدثا رسميا باسمها ) و دي أنا بينتها ليك و للناس إنو أنا ما عينتك ممثلا للمعارضة ... القصة كلها انك من أعلي الأصوات المعارضه هنا و إنو طريقتك في المعارضه ما أخلاقيه ( من وجهة نظري طبعا ) و انك بتسئ للمعارضة و العمل المعارض في هذا المكان... و عملك ده بيصب في مصلحة من تدعي معارضتهم ... لكن أنا ما وصفتك بعدم النضال ولا إنت بتعمل كده لانك غواصة لصالح النظام لانو ده كلام ما عندي دليل عليه ...

سلام تاني يا معاوية و لعلك بخير

Quote: أما أخي أمين، فقد صدمني (و.. روّعني) فهمك لكلامي على أنني أوافق على أسلوب هشام فأنا كنت ولا أزال أحسن الظن بحسن فهمك بدون سياق وبدون إيحاء يا أمين، أنا ضد الكلام البذئ سواء أتى من هشام أو غير هشام وقلت بالواضح ألفاظ هشام بذيئة، نعم. وختيت نقطة. ثم انتقلت للآخرين الذين يدافعون عن حكومة أفعالها بذيئة وحددت فعل اللواط لأنه وألفاظه يرتبطان عندنا -في ثقافتنا- بالبذاءة.

أنا ما فهمت و ما قلت إنو كلامك بيعني انك بتوافق هشام في بذاءتو ، أنا قلت (متفق مع ياسر إنو مداخلتك سمحة و إنو الأخلاق ما بتتجزأ و إنو البذاءه قولا و فعلا مدانة بغض النظر عمن جاء بها ) و قلت إنو ( سياق كلامك بيوحي بموافقتك لهشام ) ، لانك إنت أدنت الكلام البذئ و بعدها قلت إنو (أفعال الإنقاذ بذيئة .. نعم، لقد لاطوا الرجال في المعتقلات، فعلا لا قولا ..) و كلامك صحيح جدا لكن ممكن يتفهم من السياق إنو ده المبرر لهشام ...
عموما أسف جدا لو فهمت كلامك غلط و لك العتبي حتي ترضي ...

Quote: أما قولك "ألفاظ هشام البذيئة دي بتصب في مصلحة النظام بتاع الألفاظ والأفعال البذئية" فهو في رأيي حسن ظن منك بتأثير هذا المنبر على الواقع السياسي في السودان فلديّ يقين راسخ (وحزين) بأن نسبة الذين يعرفون منبر سودانيز أونلاين من الناس في السودان لا تتجاوز 1% ، ولذلك فإن ثماره لا تتعدى هذه النسبة

هنا أنا بختلف معاك ... المنبر ده مؤثر و مؤثر جدا و عندي تجارب شخصيه في الموضوع ده لا مجال لذكرها هنا .. و حتي إذا كان غير مؤثر أظنك اتفقت معاي علي إنو الألفاظ البذئية و الفاحشه لا تصلح لابداء الأراء و توعية الناس من خطورة النظام و بيان خطله و ده بيت القصيد بغض النظر عن نسبة تاثيرو .

Quote: ياخي ناس تقول ليهم ارحمونا من البذاءة و قلة الأدب و الكلام الذي لا يجرؤ احدهم علي قوله في بيتهم قدام اهلو ...يقولو ليك لا ... الانقاذ أكثر بذاءة !!عشان كده تبكي بس !! اقتباس الكلام دا فيهو تلخيص مخل جدا لآراء الناس الما اتفقت معاك في الراي راجع مداخلاتهم وشوف كم واحد فيهم بنطبق عليهو الاقتباس الفوق دا طبعا يا أمين ما ممكن تكون عايز تفتح ليك بوست مثير للجدل وتتوقع إنو كل المداخلات تكون على شاكلة: مية مية يا بروف، يسلم كيبوردك يا دكتور، دا الكلام، والله دايما بتابع بوستاتك وما بقدر أنوم الليل.

أنا ما لخصت أراء الناس الما اتفقت معاي في إقتباسك ده : أنا استغربت من الناس البتفتكر إنو بذاءة الانقاذ مبرر لبذاءة هشام.
بعدين يا معاوية ما عارفك من وين جبت اني داير الناس تقول لي (مية مية يا بروف، يسلم كيبوردك...الخ) ؟ أنا فتحت بوست قلت رايي و بناقش في المؤيدين لكلامي و المعارضنو كلهم ما سفهت كلام زول و لا قلت لزول ما برد عليك لانو كلامك مخالف لي ، برد علي الناس بما أراه من وجهة نظر زي ما الناس بتكتب وجهة نظرها و لو إنت قايلني أنا ما عارف إنو البوست ده حا يكون (مثير للجدل) و حا يفتح لي أبواب لدمغي بالكوزنه و الأمنجه و كل.ب السره و باقي الاتهامات البتوزع بسببب و بدونو دي تكون غلطان ... أنا عارف الكلام ده كلو قبل فتح البوست و دي ضريبة عاديه الزول بيدفعها نظير وجهة نظرو في المكان الجائر ده ...

Quote: وبمناسبة هشام هباني ونفور المعارضة لو الهلال لاعب ضد المريخ وانت هلالابي (فرضا يعني)، وفي الاستاد لقيت مشجعين الهلال بتلفظوا ألفاظ بذيئة ضد فريق المريخ.. تقوم تخلي تشجيع الهلال!

مثلك ده بيعني إنو أنا قلت بذاءات هشام بتخلي الناس تأيد الحكومه و ده كلام ما سليم و أنا ما قلتو ... أنا قلت - و لسه بقول - إنو بذاءات هشام بتخلي الناس تبعد من المعارضه و تقول إنو المعارضين ديل ناس بلا أخلاق زيهم و زي ناس الحكومة و بالتالي مافي سبب للمعارضه و الناس تقعد passive كده زي ما عاملين هسي ...
يعني - حسب مثلك ده -ما كنت حا أمشي أشجع المريخ أو اخلي تشجيع الهلال، كنت حا أقول للهلالاب البشجعو بالفاظ بذيئة : يا اخوانا الكلام ده عيب بتجيبو لينا و للهلال الأساءة !

Quote: تعرف يا أمين لو كان فتحت بوست عن ألفاظ هشام هباني في المنبر واكتفيت بذلك (يعني من ناحية اجتماعية)، كان النقاش أخد مسار تاني لكن ربط الموضوع بالنضال والمعارضة أثار حساسية سياسية لها مبرراتها

أمر بذاءة هشام في عضمتو ما بهمني لانو هشام في عضمتو ما عندي علاقه بيهو و لو كانت بذاءاتو دي بتجي في بوستات كورة ولا ونسه مثلا ما كنت فتحت خشمي خليه بوست، لانو الموضوع ببقي شخصي و هو مسؤل من روحو إن أحسن فلها و إن أساء فعليها، البوست ده إتفتح بالطريقة دي و بالصيغة دي لانو هشام أحد أركان المعارضة في هذا المكان بذاءاتو و فحشو في القول و تأسيسو للمنهج ده - فيما أري - بياثر فيني كمعارض للنظام وبياثر في العمل المعارض في هذا المكان و بصب في مصلحة النظام و من هنا جاء إعتراضي و فتحي للبوست ده .
شكرا يا معاويه علي الأختلاف بأدب و بدون صيغ تجريمية و مرة أخري لك العتبي علي سوء فهمي لمداخلتك الأولي. و لك كل الأحترام و التقدير .

الأخوان
حسبو
نادر الفضلي
حمور الكوز
قيقا الكوز
ود الصايم
د. محمد قرشي
شكرا لمروركم و الشكر أيضا لياسر طيفور علي شهادتو المجروحه و للاخت راويه علي تكبدها عناء رفع البوست
ملحوظة : لن انقل هذا البوست للربع الجديد ما لم يطلب أحد .

سلام اخي امين

Quote: قد قلت و أنا ذاتي عندي سؤال هام جدا جدا

وانا بقول ليك
حرم اجاوبك

Quote: هل في أي سابق

نعم سابق وسوابق معرفة

Quote: انك توريني وين و بتين

وين في السودان مدرسة ابي روف الابتدائية
ومدرسة الاهلية المتوسطة امدرمان
متين اظنك ممكن تخمنه بكل بساطه
بس يا دكتور لقيتك زول صعب
لماذا كل هذه الشخصنة للموضوع عشان نلقي منك اجابه
مع انو الموضوع عام
وانالا اتناوله في نطاق شخصنة القضايا
بس بتمني رد اكون شافي ومقنع والتفصيل ده ما بهمني كتير
لانك الي الان بالنسبة لي تمثل انسان من الذمن الجميل
وكل شخصي او خاص لا يعنيني كثيرا
بقدر مايعنيني تصديك للشان العام
وفي انتظار الرد

Quote: ملحوظة : لن انقل هذا البوست للربع الجديد ما لم يطلب أحد .

طبعا ما حترفعه بعد السلخ دا!
انت بديت الاستفذاذ وانا قلت ليك ما فى داعى عشان لا اضطر الى الاستمرار فى مجاراتك!
بالمنطق اضطررتك لابتلاع بوستك بنقطتين نظام لحست بهما ما افترعته لحس المكواة!
جاى تكوت وتضحك!
انا ممكن اكوت ليك الكتبتو انت فى الاو واضططرانى لكتابة ما قمت بتكويتة لانك تتعامل مع الاخرين كانهم ايفاع قصر وانت ابو الفصل باقى ليك تجلد المهرجلين وتستدعى اولياء امورنا!
مكابرتك غريبة !
قال لن ارفع البوست الا اذا طالبنى احد!
بالله دا منطق!
هل فى اولوية اكثر من اصلاح المعارضة واسقاط النظام فى الوقت الراهن!
بالله البضحك فينا منو!
انصحك لوجه الله اذا اردت ان تحتفظ بالبرستيج بتاع البروفسرات وصحفى النسخ الورقية ان لاتتضطرنى لادفع عن نفسى باستخدام سلاحك!
المنطق يقول انك يجب ان تكون صاحب المبادرة فى طلب تمديد فترة البوست حتى اسقاط النظام!
انا رحمة بك لن اطالب برفع البوست!
لولا بعض من حياء لكففت عن الرد على المداخلات حتى يحتل البوست الى القاع والصفحات السابقة!
قال لن اطالب للتمديد!
تمدد لى شرشحة!
انصحك لوجه الله ان لا تستعدينى لاننى ما عرف عنى الخشونة فى هذا المنبر ضد عضويته رجالا او نساءا!
جنى

Quote: انصحك لوجه الله ان لا تستعدينى لاننى ما عرف عنى الخشونة فى هذا المنبر ضد عضويته رجالا او نساءا!

حيدر يا حبيبنا , براحة على الابنص
اول حاجة احب اوضح ليك انه مرتبة البروفيسرية للبروف امين ليست الا هبة منبرية وان كان اللقب بحق وحقيقة هو الذى يتشرف بارتباطه بالبروف , ارجوا ان يؤدى هذا التوضيح لفك بعض الاحتقان
ثانيا يا حيدر فى اعتقادى ان حرية التعبير حق اصيل يبيح للبروف ان يبذل نقده لاى كتابات يجدها خارجة عن المألوف , والمالوف هو ما تعارف عليه الناس الاسوياء دون ان يكون مدونا او محفوظا
فى الدساتير والقوانين , فى موضوعنا دة امين بيرى انه كتابات هشام هبانى خارجة عن المألوف (مع ايماننا الكامل بان له مطلق الحرية باختيار الخط الذى يناسبه فى معارضته للنظام) وكذلك انا معه
فى ذلك ولى الحق فى انتقاد هذا الخط دون اعتبار اى ابتزاز قد يتم توجيهه لى مثل ان يطلب منى ابراز صحيفة معارضتى للنظام او ان اكون حاملا معى على الدوام كارنيه النضال وبالعدم يجب ان
اخرس وان تفوهت بنقد او ابداء راى فى كتابة اى من جهابزة النضال وجب على ان اسردب واتقبل التصنيفات , شاكلة كوز , رمادى (فى احسن الاحوال) او ك ل ب سرة
هذا الموضوع (معارضة المعارضين) قد تم تدويره كثيرا على صفحات هذا المنبر وفى النهاية ما بنطلع باى نتيجة غير زيادة عدد الكيزان والبوست دة تحديدا كسب منه الكيزان تلاثة من اصلب العناصر
(حمور وخاله وقيقا) ولذا اقترح اضافة ايقونة كوزوميتر تضاف فى اعلى صفحات بوستات (معارضة المعارضين)

يا ريت البروف لو لم يات على ذكر النضال كما قال الاخ معاوية لانه كان سيكون للبوست منحى اخر غير هذا

Quote: يا ريت البروف لو لم يات على ذكر النضال كما قال الاخ معاوية لانه كان سيكون للبوست منحى اخر غير هذا

شكرا ليك يا ابوحميد واحترم مناشدتك جدا
لولا الكلام عن المعارضة لما تداخلت يا باش فى هذا الموضوع
شكرا لك مجددا
وطن يوشك على الضياع والكل متوتر
جنى

سلامات يا هندسة

Quote: هذا الموضوع (معارضة المعارضين) قد تم تدويره كثيرا على صفحات هذا المنبر وفى النهاية ما بنطلع باى نتيجة غير زيادة عدد الكيزان والبوست دة تحديدا كسب منه الكيزان تلاثة من اصلب العناصر (حمور وخاله وقيقا) ولذا اقترح اضافة ايقونة كوزوميتر تضاف فى اعلى صفحات بوستات (معارضة المعارضين)

الحق ابلج و الباطل لجج










------

شكراً لتدخلك الواعي ياخ

كما لا يفوتني أن أشيد بجنّي و(البلّة) التاريخية للبروف!!

Quote: كما لا يفوتني أن أشيد بجنّي و(البلّة) التاريخية للبروف!!

دي انا فاتتني كلو كلو!!






------

() بالزهري

Quote: طبعا ما حترفعه بعد السلخ دا! انت بديت الاستفذاذ وانا قلت ليك ما فى داعى عشان لا اضطر الى الاستمرار فى مجاراتك! بالمنطق اضطررتك لابتلاع بوستك بنقطتين نظام لحست بهما ما افترعته لحس المكواة!

هسي عليك الله يا جني إنت فرقك من صديق مهدي شنو ؟ تقرأ غلط و تفهم غلط و تصل لنتايج قاطعها من راسك ده ...... و بعد ما رديت ليك علي كل نقاطك و فهمك المغلوط بالتفصيل و بالواضح بقي ما عندك كلام غير إنو أنا سلختك و لحستك المكواة و باقي كلامك الصبياني اللي خليه الناس البتقرأ إنت ذاتك عارفو كلام فارغ ساي !!

Quote: جاى تكوت وتضحك! انا ممكن اكوت ليك الكتبتو انت فى الاو واضططرانى لكتابة ما قمت بتكويتة لانك تتعامل مع الاخرين كانهم ايفاع قصر وانت ابو الفصل باقى ليك تجلد المهرجلين وتستدعى اولياء امورنا! مكابرتك غريبة !

جاي اكوت و أضحك في زول يقول ليك :

وعشان دى شنو يا العشا بلبن!
غسل يدينك عشان نجيب العشا ولا احضار عشاء الا بعد غسل اليدين!!
الله يعين تلاميذك يا بروف!
ارجو ان لا تلجا للاستفزاز يا بروف

يعني ما ممكن التلاته سطور القبل (ارجو ان لا تلجا للاستفزاز يا بروف) تكون كلها جمل إستفزازيه و تتكلم عن منو البدا الاستفزاز

Quote: قال لن ارفع البوست الا اذا طالبنى احد! بالله دا منطق! هل فى اولوية اكثر من اصلاح المعارضة واسقاط النظام فى الوقت الراهن! بالله البضحك فينا منو! المنطق يقول انك يجب ان تكون صاحب المبادرة فى طلب تمديد فترة البوست حتى اسقاط النظام! انا رحمة بك لن اطالب برفع البوست! لولا بعض من حياء لكففت عن الرد على المداخلات حتى يحتل البوست الى القاع والصفحات السابقة! قال لن اطالب للتمديد! تمدد لى شرشحة!

أما دي بالجد غريبة و عجيبة و بتوري بالظبط إنك هنا زول كايس ليك حاجة تبلني بيها ما أكتر : شنو المشكله إنو أقول أنا ما حا ارحل البوست ده الربع الجاي ؟ عندي موضوع محدد فتحتو ... اتكلمت و قلت الدايرو فيهو كلو ...و رديت علي أي زول علق فيهو ... و بعد ده قلت لو في زول عندو باقي نقاش يكلمني و أنا برحلو ... المشكلة شنو في الكلام ده ؟

Quote: المنطق يقول انك يجب ان تكون صاحب المبادرة فى طلب تمديد فترة البوست حتى اسقاط النظام!

خلاص يا جني ليك علي ارحل البوست ده و أقعد أعلفو لحدي ما النظام يسقط .... قيقا و باقي الكيزان ساعدونا بالعليفه بالله !!

أخانا في الله و الوطن و الصلعه ، سلام يا باش و لعلك بخير

Quote: حيدر يا حبيبنا , براحة على الابنص اول حاجة احب اوضح ليك انه مرتبة البروفيسرية للبروف امين ليست الا هبة منبرية وان كان اللقب بحق وحقيقة هو الذى يتشرف بارتباطه بالبروف , ارجوا ان يؤدى هذا التوضيح لفك بعض الاحتقان ثانيا يا حيدر فى اعتقادى ان حرية التعبير حق اصيل يبيح للبروف ان يبذل نقده لاى كتابات يجدها خارجة عن المألوف , والمالوف هو ما تعارف عليه الناس الاسوياء دون ان يكون مدونا او محفوظا فى الدساتير والقوانين , فى موضوعنا دة امين بيرى انه كتابات هشام هبانى خارجة عن المألوف (مع ايماننا الكامل بان له مطلق الحرية باختيار الخط الذى يناسبه فى معارضته للنظام) وكذلك انا معه فى ذلك ولى الحق فى انتقاد هذا الخط دون اعتبار اى ابتزاز قد يتم توجيهه لى مثل ان يطلب منى ابراز صحيفة معارضتى للنظام او ان اكون حاملا معى على الدوام كارنيه النضال وبالعدم يجب ان اخرس وان تفوهت بنقد او ابداء راى فى كتابة اى من جهابزة النضال وجب على ان اسردب واتقبل التصنيفات , شاكلة كوز , رمادى (فى احسن الاحوال) او ك ل ب سرة هذا الموضوع (معارضة المعارضين) قد تم تدويره كثيرا على صفحات هذا المنبر وفى النهاية ما بنطلع باى نتيجة غير زيادة عدد الكيزان والبوست دة تحديدا كسب منه الكيزان تلاثة من اصلب العناصر (حمور وخاله وقيقا) ولذا اقترح اضافة ايقونة كوزوميتر تضاف فى اعلى صفحات بوستات (معارضة المعارضين)

شكرا لوضع بعض الأمور في نصابها .. الأمر فعلا كما قلت ( وجهة نظر ) و أنا عارفها بتجيب لي الهوا لكنها ما نراه حقا ... تجيب هوا.... تجيب رعد بنستحملو .
بالنسبة لاخونا جني فالموضوع بسيط : الأمر بدأ بوجهة نظرو في الموضوع و فيهو بيري إنو أنا كان أولي أوجه لومي للانقاذ بدل هشام و ده - حسب ما أري - تسطيح شديد للموضوع ... رديت عليهو و سألتو إنو بعرف شنو عن نقدي للانقاذ ... ما رد لي ... في تلاته مرات مختلفات بيوحي و يقول إنو أنا قلت نوقف المعارضة لحين إصلاحها ... رديت عليه التلاته مرات إنو كلامو ما سليم و أنا أصلا ما قلت كده ...... قال إنو أنا بتكلم عن المعارضة كانها هي هشام و ضحت ليه إنو الكلام ده ما صحيح و شرحتو ليه نقطة نقطة ..... قال أنا عملت نقطة نظام تراجعت بيها عن كلامي... وضحته لي إنو الكلام ده ما حاصل و إنو نقطة النظام (أم نقطتين) جايه أصلا لبيان و تبيين المكتوب سلفا .... قال أنا قلت إصلاح الانقاذ ... وضحت ليه إنو هذا لم يحدث .. و إنو أنا قلت إسقاط الانقاذ ... قال الايباد هو الغير الكلمة و إنو أنا مفروض أفهمها من السياق !!!!!!!!!!!! و كلو زي ده..... كلامو كلو مبني علي فهمو الغلط و بعد ده وضحتو و شرحتو ليه حته حته و زنقة زنقة..و لمن خلاص بقي مافي حاجه يقولها عملها إنو سلخني و لحسني المكواة و كيف إنو رشاني لمن ما عايز أودي البوست الربع الجاي و كلام صبياني من هذه شاكلة ( رحمة بك لن اطالب برفع البوست ) ...

Quote: يا ريت البروف لو لم يات على ذكر النضال كما قال الاخ معاوية لانه كان سيكون للبوست منحى اخر غير هذا

يا أحمد، زي ما قلت لمعاوية لولا ذكر النضال لما كان هذا البوست ... سوات هشام دي بتتعمل باسم النضال ... و دي حاجه متشاركين فيها معاهو ناس كتار و بتأثر في الناس دي و في النضال كقيمة... بذائتو الشخصية طالما ما وجها لي ما عندي شغلة بيه لانو أنا ما مصلح إجتماعي ولا بنط لزول ما عندي بيه علاقةأعمل كده و ما تعمل كده ...

--------------
الحاجة البجد حيرتني في كلامك ده إنو هل بالجد جني (أو أي زول في البورد ده ) قايلني بروف بالجد ؟ لو ده حاصل و في ناس هنا قايلني بروف بالجد يبقي يرفعو قضية علي قيقا البعمل للناس إنتحال شخصيه ده ... أنا فتحت بوست إنتحال دكتوراه لكن ما بروفسيرشب ....
ياخي أنا لو بروف بضيع وقتي في جني ؟ ( يا جني والله بهزر ) !

Quote: انصحك لوجه الله ان لا تستعدينى لاننى ما عرف عنى الخشونة فى هذا المنبر ضد عضويته رجالا او نساءا!

يا جني .. لست في حاجة لاستعداء أي أحد ... لا إنت ولا غيرك و أنا أشهد لك بانو لم يعرف عنك الخشونة فى هذا المنبر ... القصة كلها انك بتعاين لحججك و كلامك و ما بتعاين لي حجج و كلام الناس البتتناقش معاك و بتعاين لاستفزاز الناس ليك لكن ما بتعاين لاستفزازك للناس !!
what ticked الفلم ده off انك من أول مداخلة ليك شبكتني وجه لومك للانقاذ و كان أولي تتكلم عن الأنقاذ و قلت لي بوستك ده قولة حق يراد به باطل تقرأ انك كوز ولا غواصة جاي أشكك في نضال المناضلين لمصلحة الباطل ( اللهي الحكومة ) ..أنا رديت عليك بحدة و بعداك الموضوع بقي شخصي لحدي ما وصلتو انك سلختني و لحستني المكواة و رحمة بي ما حا ترفع البوست !!! أنا أعلم إنو الفلم ده ممكن يدور إلي ما لا نهاية لانو الموضوع (بالنسبة ليك علي الأقل ) بقي شخصي و نحن كسودانيين لمن نشخصن الموضوع القصة بتبقي رجالة و بعداك اليحصل يحصل ... فمافي زول عايز to test رجالتك و بما أعرفه عنك من هنا إنت ما عايز to test رجالة زول ... فاحتراما لنفسي و للناس البتقرأ أنا بمد ليك يدي بيضاء من غير سوء و أقول ليك نوقف الموضوع البره موضوع البوست ده هنا.... و لو عندك باقي نقاش عن (إبتذال هشام هباني للنقاش) حبابك ... نتناقش و نتحاور زي ما عايز و البوست أنا already طلبت نقلو لانو مرات بكري بيأرشف قبل يوم يومين من المواعيد و أنا ما رديت علي الأخ عبدالمنعم و اكتشفت إني ما رديت علي الأخ حافظ بشير ...

اها يا جني العفو و العافيه ......

لله والرسول يا امين
نثنق بيرسونال
كلما فى الامر انا ارى انا بلادنا تضيع من بين ايدبناوانا ارى العيب فى مناصرى الانقا> وليس فى المعارضة لان مناصرى الانقاد ظالمة ومظلومة باصطفافهم حولها يرسلون لها رسالة خاطئة الامر الدى يدفعها الى ركوب راسها والاستمرار فى تدمير البلاد!
اى هجوم على المعارضة يصب فى خانة الانقاد
انا هاجمت الفكرة ولم اهاجم شخص امين
ولك الود والاحترام الدى لا يفسده خلاف
جنى

حيدرنا يا جني
بالله عليك رشو البروف ده، كمل سكرنا ؛)
___
أنا جني وجن الزول يفتح ليهو بوست طويل وعريض عن العمدة، ويخلي العمدة ويقعد يبرر، وفي رواية ود الباوقة يبربر ؛)

احبك











.....

Quote: اى هجوم على المعارضة يصب فى خانة الانقاد

ما هى المعارضة

Quote: أنا جني وجن الزول يفتح ليهو بوست طويل وعريض عن العمدة، ويخلي العمدة ويقعد يبرر، وفي رواية ود الباوقة يبربر ؛)

Quote: خلاص يا جني ليك علي ارحل البوست ده و أقعد أعلفو لحدي ما النظام يسقط .... قيقا و باقي الكيزان ساعدونا بالعليفه بالله !!

قيقا المطلوب مشغول حالياً ..
الرجاء معاودة طلب مصاقرة مطعم الباشا دا، مرةً اخرى لاحقاً ..











------

بتقصد احفاد قيقا مش!؟

بسم الله الرحمن الرحيم ,,

من ابجديات المقاومة والمعارضة لاي نظام
هي جر وسحب الجماهير الواقفة على الرصيف
لساحات المعركة بكل الوسائل الممكنة
من هنا لنا ان نقيم اساليبنا النضالية
وما يساهم به الاخ هاشم هباني او أمين محمد سليمان أو أيا من المعارضين وما شاكلها يخضع لهذا المعيار ,
علما بان هذا الاسلوب ليس من اختراعات هاشم هباني , بل هو اسلوب قديم ومعروف قدم الظلم نفسه .

ولي عوده ,,
..

Quote: ما هي حصيلة نضال البذاءة دا!؟ و ما هو عايد الكتابة النضيفة .. و في ي ي عقر دار صحف النظام الصفراء او كما قال بشاشا اجابة امينة قد تطلعنا من عنق الزجاجة الانحنا فيو دا .. و تطلعنا من الدائرة الشيطانية للسؤال المفخخ : هل p تقتضي q ام العكس ؟ ام مافي علاقة كلو كلو!؟

سلام يا قيقا
بالنسبة لي أوصلت وجهة نظري وتفهمت وجهات النظر الأخرى في هذا البوست واكتفيت بذلك
لكن رجعت مرة أخرى عشان بيناتنا وعد بخصوص الاقتباس الفوق دا
اجابتي عليهو، إنو أنا لا أطّلع على الصحف السودانية إلا لماما
لكن كنظرية عامة ومعروفة أذكّر بأن:
الحكومات الديكتاتورية تفسح أحيانا المجال لبعض الكتابات الجريئة التي تنتقد النظام،
وذلك لعدة أهداف منها التنفيس عن احتقان الناس عسى أن يعوضهم ذلك عن اتخاذ وسائل عملية لتغيير الواقع،
ولكن رغم ذلك يصب بعض مائها (الكتابات) في نهر المعارضة.
ثم بمرور الزمن تصبح هذه الكتابات الجريئة، عادية جدا ولا تؤدي دورها الذي قصده الكاتب.

لكن -بالمقابل- لا تسمح هذه الحكومات أبدا بنشر كتابات تحريضية
يعني هناك فرق بين الكتابة الانتقادية والكتابة التحريضية

وفي السياق أيضا، الكتابة الانتقادية يقوم بها نوعان من الكتّاب:
الأول يكتبها بوعي وقصد لتحقيق هدف الحكومة
الثاني يكتب بصدق من أجل التغيير لكن تستغل الحكومة كتابته لتحقيق هدفها
وعفوا، هناك نوع ثالث في الصحافة السودانية تحديدا يكتب منتقدا لأغراض حزبية (إذا صح التعبير)
ومثال ذلك بعض الصحفيين المنتمين للمؤتمر الشعبي، في إطار الصراع المعروف وتصفية الحسابات.
هذا عائد الكتابات النضيفة، أما عائد نضال البذاءة فهو موضوع البوست، ولّا شنو ؟
شكرا قيقا

أخيرا يا أمين

Quote: بعدين يا معاوية ما عارفك من وين جبت اني داير الناس تقول لي (مية مية يا بروف، يسلم كيبوردك...الخ) ؟

الكلام دا كان للمزاح

شكرا أمين والمتداخلين

Quote: اى هجوم على المعارضة يصب فى خانة الانقاد

معلهش ح استخدم الاقتباس دة مرة اخرى لارتباطه لما اود قوله وكنت اتمنى لو اتى حيدر او اى من الاخوة المشاركين فى البوست وسجلوا ردا على تساؤلى بشأن ما هى المعارضة , هل هى كتلة واحدة تتاثر سلبا او ايجابا ببذل او مجاهدات افرادها ام المعارضة عبارة عن سلوك وعمل فردى كل ينتهج الاسلوب الذى يوافقه , وايضا اليس كل المعارضين يعملون تحت راية من اجل رفاهية المواطن , فهل تأكدوا من ان هذا الاسلوب فى انتهاج المعارضة يوافق عليه المواطن ويقبله فى سبيل الخلاص من الفساد والظلم الحالى ولكن قد يتسال نفس هذا المواطن كيف يمكن لهذه المعارضة ان تتخلى عن اسلوب نضالها بعد ان تبدل كرسى المعارضة بكرسى الحكم والذى كان لا يليق بمعيار الاخلاق ولكن لا بأس به كأداة ازاحة للنظام الحالى والذى يتعاطى بنفس هذه الاساليب الغير اخلاقية للمعارضة او اسوا منها

يتبع

Quote: الحكومات الديكتاتورية تفسح أحيانا المجال لبعض الكتابات الجريئة التي تنتقد النظام، وذلك لعدة أهداف منها التنفيس عن احتقان الناس عسى أن يعوضهم ذلك عن اتخاذ وسائل عملية لتغيير الواقع، ولكن رغم ذلك يصب بعض مائها (الكتابات) في نهر المعارضة. ثم بمرور الزمن تصبح هذه الكتابات الجريئة، عادية جدا ولا تؤدي دورها الذي قصده الكاتب. لكن -بالمقابل- لا تسمح هذه الحكومات أبدا بنشر كتابات تحريضية يعني هناك فرق بين الكتابة الانتقادية والكتابة التحريضية وفي السياق أيضا، الكتابة الانتقادية يقوم بها نوعان من الكتّاب: الأول يكتبها بوعي وقصد لتحقيق هدف الحكومة الثاني يكتب بصدق من أجل التغيير لكن تستغل الحكومة كتابته لتحقيق هدفها وعفوا، هناك نوع ثالث في الصحافة السودانية تحديدا يكتب منتقدا لأغراض حزبية (إذا صح التعبير) ومثال ذلك بعض الصحفيين المنتمين للمؤتمر الشعبي، في إطار الصراع المعروف وتصفية الحسابات. هذا عائد الكتابات النضيفة، أما عائد نضال البذاءة فهو موضوع البوست، ولّا شنو ؟ شكرا قيقا

شكرااااان ليك انت يا معاوية
كلام جميل خالص ..

و لو سمح لي باشمهندس احمد التنجاني اربطو بـ

Quote: Quote: اى هجوم على المعارضة يصب فى خانة الانقاد معلهش ح استخدم الاقتباس دة مرة اخرى لارتباطه لما اود قوله وكنت اتمنى لو اتى حيدر او اى من الاخوة المشاركين فى البوست وسجلوا ردا على تساؤلى بشأن ما هى المعارضة

و دا كلو وين موقعو من استغلال الهامش المتاح، و العمل على توسيعه و زيادته افقياً و رأسياً ..
بحيث يكسب المعارضة اراضي و مساحات جديدة .. و دا مع تثبيتنا لحقيقة انو المعارضة قلوبها شتى!

في وجهة نظري عكس دا، لا يترك مجال لغير الظن انو الخيار ح يبقى التغيير الحاد و العنيف فقط لا غير
و بيلغي اي أمل في تغيير سلمي ديموقراطي شعبي جذري و شامل .. لانو ح يكون حل عسكري تماماً ليس له قاعدة جماهيرية! و ما ح يختلف كتير عن سابقه في الدائرة الشيطانية داك.
و دي مشكلتنا الازلية الابدية .. انتفاضات الجوع و الغلاء ليست ثورات!
تغيير النظام السياسي ليس ثورة!!
الثورة بالجماهير .. مع الجماهير .. منها و اليها .. شاملة و جذرية
و يا لتفريطنا في الجماهير

استبشاراً بنفحات مشاكوس دعى الراحل المقيم الخاتم عدلان لـ"نقد الاقلام لا صليل الحسام" كمبدأ للصراع السياسي، بدل الحرب ..
تفتكر انو الاقلام دي بس توجه للنظام القائم فقط لا غير!؟
و بعدداك البعدو .. اللخ اللخ ..
و خلاس!
ياتو ديموقراطية الما فيها نقد دي!؟
و كيف ح يستقيم الظل و العود اعوج!؟
النقد و النقد الجارح كمان هو اساس الديموقراطية و استعدال اعوجاجها
و على الما بحتملو، او شايف نفسو فوقها، الا يزعجنا بديموقراطيتو بالله ..
لانو كان غيرو اشطر!!

بس

إنا لله ...

سلام يا حافظ و لعلك بخير ياخي و آسف جدا لسبب ما ، ما شفت مداخلتك دي إلا امبارح...

Quote: عزيزنا البروف أدينا النجيضة على قول ود الصايم هسه لو هشام هباني دا حالو إنصلح و بقى بدل الأساءات و البذاءات بيرشق حكومة الوطني بباقات الورد و الازاهير من حدايق إبن زيدون بنكون حلينا كم كدا في المية من مشاكل البلد؟؟ ____________ آخر بوست قريتو أنا لهشام هباني يستريح الآن بسلام في أرشيف سنة 2004

ياخي بالله ما تزعل من كلامي ده : لكن تعليقك ده فيهو تسطيح و إبتذال لما نتحدث عنه ، و ممكن نشيل منطقك ده و نسقطو علي أي قضيه و أي كلام في السياسه و نصل لنتيجتك دي و لرسالتك بتاعت إنو يعني هسي مشاكل البلد بقت اساءات و بذاءات هباني ؟ المسألة هنا بسيطة جدا و شرحتها مرارا و تكرارا إنو الأساءات و البذاءات و كل ما هو لا أخلاقي لا يصلح أداة للنضال و مش لا يصلح بس ، لا يصلح و لن يوصل للنتائج المرجوة و يصب في مصلحة النظام ... و لماذا هشام هباني تحديدا ؟ لانو هو رائد و مؤسس أدب النضال بالبذاءة في هذا المكان ..

الأخ عبد المنعم سلام و معذرة علي تأخر الرد ....

Quote: بس يا دكتور لقيتك زول صعب لماذا كل هذه الشخصنة للموضوع عشان نلقي منك اجابه مع انو الموضوع عام وانالا اتناوله في نطاق شخصنة القضايا بس بتمني رد اكون شافي ومقنع والتفصيل ده ما بهمني كتير لانك الي الان بالنسبة لي تمثل انسان من الذمن الجميل وكل شخصي او خاص لا يعنيني كثيرا بقدر مايعنيني تصديك للشان العام وفي انتظار الرد

أنا ضد شخصنة المواضيع لانها بتبعد الناس البتتناقش عن موضوع النقاش و غالبا ما تؤدي لكركبات ما عندها علاقة بالنقاش و الموضوعيه في النقاش و سؤالي ليك انك بتعرفني من وين ما فيهو أي شخصنة و حا اوريك ليك ليه ؛ في الربع الفات إنت تداخلت معاي في بوستي
لماذا لم يخرج الناس لاسقاط النظام في السودان ؟!! و كان تعليقك كالاتي :

و فيهو كلام واضح انك بتعرفني ليك خمسة سنين ( I knew you from 5 years ago ) و لاني ما فهمت أي شئ من باقي كلامك باعتبار إنو مداخلتك مكتوبة بالانجليزي حيث لا إنجليزي هناك و انك قلت بتعرفني ما حبيت أجي اكتب ليك الله يرضي عليك إنجليزي قيقا و ود الصايم ده ارحمنا منو ... رسلت ليك ماسنجر حينها إنو أنا ما فهمت كلامك و ما حبيت اكتب ليك كده في البوست .. ما رديت علي و نسيت الفلم .
جيت هسي تكتب لي إنو أنا معارضة كل ب السره و انك ما شفت مني أي تقويم أو مجاهدات - حسب تعبيرك - في نقد الانقاذ ... استغربت كلامك ده جدا لانك قلت انك بتعرفني ليك خمسه سنين و قلت بتقرأ عمودي في التيار عشان كده سألتك بتعرفني من وين و من بتين !!

Quote: وين في السودان مدرسة ابي روف الابتدائية ومدرسة الاهلية المتوسطة امدرمان متين اظنك ممكن تخمنه بكل بساطه

كلامك ده أكد لي شكوكي تماما لانو أنا ما كنت في الأبتدائي و المتوسط قبل خمسة سنين و لا قريت الأبتدائي في كمبوني عشان تقول لي أنا قريت معاك في ابوروف الأبتدائية و تكون ما ود حلتنا و ما من ابوروف أو بيت المال و كل القرو معاي في الأبتدائي اولاد حلتنا من ما أتولدنا لحدي الليله ما فيهم زول اسمو عبدالمنعم عبدالله و انهم نفرين بس القرو معاي في ابوروف و الأهليه لانو معظم أولاد حلتنا قرو في بيت المال لانها أقرب
و الغريب لمن مشيت أجيب كوتك الفوق ده لقيت إنو مداخلتك الوحيدة في الربع الفات كانت مداخلتك أعلاه :

و في الربع الحا ينتهي بكره ده عندك خمسة مداخلات اتنين منها في البوست ده :

يعني بالحساب إنت في ربعين كاتب سته مداخلات منهم تلاته لبل شخصي السمين و أخر حاجه جاي تسالني : هل قبضت اجرا مقابل كتاباتك!!! في الصحف السودانية و معلمو لي بالاحمر عشان ما يروح مني !!
شنو المهم و شنو الفرق لو ناس التيار كانو بدوني قروش ولا بكتبوني عندهم ملح ؟ لو عندك إعتراض علي ما كتبت في التيار أو أي مكان آخر حبابك و حباب اعتراضك لكن سؤالك ده سؤال شخصي جدا، لو سالني ليهو قريب ولا حبيب بجاوبو لكن لمن تسالني إنت اللي مره بتقول بتعرفني من خمسة سنين و مره بتقول قريت معاي الأبتدائي و المتوسط و اللي نص مداخلاتك في الربعين الفاتو بتحاول تبلني ما بجاوبك !!
يا عبدالمنعم من أنتم ياخي .. من أنتم ؟!

الأخوان حذيفة و سابقا و الأمنجي سيدنا ( سئيلي الله ليك وحشه ما بتستاهل نصها ) ...شكرا عي المرور
يا ياسر طيفور وجودك في البوست ده بقي غير مرغوب فيهو بعدما فتحت بوست تعرضت فيهو للمناضل صديق مهدي صديقي الشخصي !!







---------------
بعدين يا حذيفة ياخي ( أحبك ) دي بتجيب لينا الكلام و براك شايف أخوك ما ناقص !!

عمار يا حبيبنا ... سلامات ياخي و لعلك طيب

Quote: بسم الله الرحمن الرحيم ,, من ابجديات المقاومة والمعارضة لاي نظام هي جر وسحب الجماهير الواقفة على الرصيف لساحات المعركة بكل الوسائل الممكنة من هنا لنا ان نقيم اساليبنا النضالية وما يساهم به الاخ هاشم هباني او أمين محمد سليمان أو أيا من المعارضين وما شاكلها يخضع لهذا المعيار , علما بان هذا الاسلوب ليس من اختراعات هاشم هباني , بل هو اسلوب قديم ومعروف قدم الظلم نفسه . ولي عوده ,, ..

الجماهير الواقفة على الرصيف دي ما بتتجرا لساحات النضال بالبذاءة و فاحش القول حتي لو كانو مقتنعين باخلاقية القضيه و عدالتها !! العكس تماما هو البحصل : البذاءات و فاحش القول بتطرد الناس دي و تخليهم passive زي ما حاصل هسي ...
هشام ما إخترع الأسلوب في الواقع لكنو هنا أسس ليهو و طبقو بل أصل ليهو من الكتاب و السنه و فتح ليه بوستات عنو ... بعدين ياخي إذا الأسلوب ده بنفع في أماكن معينة... في السودان بالذات ما بينفع لانو الشعب السوداني عموما ما شعب فاحش ولا بذئ ...

السلام عليكم ورحمةالله

زمان قالوا يا نوتة (الدخول في الشبكات هين ) انا متابع الخيط من اولو ومنتظر كيفية خروجك من مثل هذه الشبكة ..وبالمناسبة انا زاتي بقيت متمحّن وزي ناس كتاااار في شبكة كونو الواحد متشربك في وطن تحول بقدرة قادر الى متاهة كبيرة ...فكيف الخلاص ؟...

...

...

*غايتو جني ما قصّر معاك كلو كلو ..التحية ليهو اضافة الى زميل دراستك البعرفك ليه خمسة سنين

نواصل
ان جاز لى حصر قنوات المعارضة فى : الاحزاب السياسية , الصحافة والاعلام والكيبورد , الحركات المسلحة و حركات النضال السلمى (قرفنا مثلا)
بالنسبة للاحزاب هل نتركها فى عوجها الحالى بدعوى ان اى نقد يوجه لها يصب فى مصلحة الانقاذ , اوكى لكن ما الفائدة من تغيير نظام بنظام اخر مماثل فاذا كانت احزابنا معظمها تعانى الان من الصراعات الداخلية على المناصب والتشرذم وسوء انضباط القواعد ومخالفتها المتكررة لقياداتها والتى لا ارى لها وصفا اقل من الزعامات الديكتاتورية لانتهاجهم مبدا القيادة والزعامة الابدية (لا ينهيها الا الموت) بالاضافة للعنف اللفظى والجسدى كما طالعتنا الصحف بالقليل منه وما خفى كان اعظم فكيف لنا (سجم خشمنا) ان نرجوا ان يكون خلاصنا وديمقراطيتنا على يد كيانات بهذا التردى , يتحدثون عن تزوير الانتخابات وهم اصلا لم يمارسوا الانتخابات على انفسهم , بالنسية للصحافة والاعلام عموما تستخدمهم الحكومة لتجميل وجهها السى بالاستفادة من هامش الحرية الممنوح لتدعى انها دولة مشجعة وداعمة لحرية التعبير والديمقراطية واللتان بمقدورها منعهما فى اى وقت , بالنسبة للحركات المسلحة (بكتابها الاسود ومنفستوهاتها) , تاريخيا لم تكن لها صبغة قومية الا ما فرضته التحالفات والتجمعات مع قوى المعارضة الاخرى ولذلك المواطن لا يعول عليها كثيرا فى احداث تغيير حقيقى , الخلاصة الحكومة سجم ورماد ومئيوس منها ولكن يهمنا ان نرى المعارضة معافاة لانها العشم الذى يتشبث به المواطن املا فى التغيير

Quote: ( سئيلي الله ليك وحشه ما بتستاهل نصها )

إنت عارف ياخال نحن بنعزك قدر كيف ومابنحمل فيك النسمة .. المهم
أنا لما شفت البوست كنت فاكرك متجدع فيه زي هيثم مصطفي لما يكون في كامل لياقتو .. باص بيني وياص بالكعب ومرات بالكاكة :)
أجي ألقاك بقيت موسي الزومة !!




ـــ
سئيلي الله تستاهل كل الأشواق .

ود الصايم :

Quote: كما لا يفوتني أن أشيد بجنّي و(البلّة) التاريخية للبروف!!

البدري :

Quote: زمان قالوا يا نوتة (الدخول في الشبكات هين ) انا متابع الخيط من اولو ومنتظر كيفية خروجك من مثل هذه الشبكة

سيدنا :

Quote: أنا لما شفت البوست كنت فاكرك متجدع فيه زي هيثم مصطفي لما يكون في كامل لياقتو .. باص بيني وياص بالكعب ومرات بالكاكة :) أجي ألقاك بقيت موسي الزومة !!

اللهم أعني علي أصدقائي أما أعدائي فأنا كفيل بهم !!!

تيجا يا حبيبنا ... سلام تاني

Quote: الخلاصة الحكومة سجم ورماد ومئيوس منها ولكن يهمنا ان نرى المعارضة معافاة لانها العشم الذى يتشبث به المواطن املا فى التغيير

و ده نفس الفهم و نفس المنطق الكتبت بيه البوست ده ... أعلم تماما إنو مافي جسم واحد و كتلة واحده متماسكه اسمها معارضة لكن في مجموعة أجسام و كتل، احزاب و جماعات بل و أفراد يعملون بغير تنسيق و يحملون أفكار مختلفة و أراء مختلفة و يتفقون علي حد أدني و فهم بسيط إنو البلد دي ما عندها حل إلا بذهاب النظام الحاكم و إستبدالو بنظام ديمقراطي تتبادل فيه السلطة بطريقة سلميه عبر إنتخابات نزيهه ... إتباع هذه الكتل (سوي كانو جماعات أو أفراد) لطرق أخلاقيه في المعارضة مسالة مهمه جدا في جر الناس و سحبها لمعارضة اكثر فاعليه ، عشان كده لمن نقول (لا طريق لاسقاط الانقاذ إلا باصلاح المعارضه) نعني تماما ما نقول ... جزء كبير من من سبب عدم مبالاة الناس في السودان لما يحدث حولهم ( رغم أنهم أكثر المتضررين ) إنو الكتل المعارضة بما فيها من احزاب لها من المنسوبين و من الخبرة السياسيه ما تظن أن اسقاط نظام متاكل و بدون سند شعبي مثل الانقاذ مسالة لا تتعدي شهور ناهيك عن 22 سنة and still counting !! يبقي في شي غلط و غلط كبير في طرق و أساليب معارضة هذا النظام .
نحن في حاجة لنظرة شاملة لكل الكتل المعارضة احزاب و جماعات و أفراد لانو الواقع بيقول إنو كل هذه الكتل و الأحزاب و الجماعات رغم الخبرات السياسيه و القدرات التنظيمية و كثرة عدد مسوبيها و خطل سياسات النظام اللي بيشكل أكبر دافع لخروج الناس ضدو ، رغم كل هذا ما زال النظام حاكما ، و لو الناس جادة في تغييرو لا بد من الجلوس و التفاكر في طرق التغيير لانو 22 سنة من عمر هذا النظام بتعني 22 سنة من فشل معارضيه .

Quote: Quote: اى هجوم على المعارضة يصب فى خانة الانقاد ما هى المعارضة

.

كل من ينافح الانقاذ ويمنع عنها الماء والهواء والضوء وكل من ينتقدها ولو بقلبه او يدعو عليها يا صديقى
جني

يا هشام .. شايفك ختيت ليك رابط لمكتبتي في الصفحة الوراء ... مرتين و دي التالته قلت ليك لو كتاباتي في المواضيع السالتني منها بتخليك تغير اسلوبك ده .. أنا بجيبها ليك كلها إنت بس أوعدني ... و زي ما قال تيجا الأصلع إبتزاز الناس بكارنيه النضال ما بنفع..... و معاي أنا بالذات ما بنفع.... لانو أنا الكارنيه ده عندي .. ما عملتو عشان ابتز بيه الناس و اطلعو لكل زول ينتقد أسلوبي ولا رايي في أي موضوع.. ولا عشان يبقي لي مهرب و مخرج لكل نقد زي ما إنت بتعمل... و ده جزء من الفرق بينا و فهمنا للحاجات يا هشام !!

---------------
ثم أني ما زلت في إنتظارك يا عبدالمنعم عبدالله عشان تجي توريني من أنتم ... أنا لم استعمل القوة بعد !!

أمين يا حبيبنا

زعل شنو ياخ أنا هنا بتكلم عن توسيع تقبلنا للناس و بمختلف طرق التعبير (بما في ذلك الطريقة الهشام هبانية) . تجي تقول لي ازعل منك إنت؟!!

Quote: هشام هباني و أمثاله في هذا المكان و خارجه يدفعون الناس دفعا عن معارضة النظام و يقدمون للانقاذ أسباب بقاءها علي طبق من ذهب

و عارفك ما حتزعل مني عشان كدا بقول ليك إنو ما تتحدث عنو اصلاً مسطح طالما إنت في طرحك دا بتقسم الناس لكومين بس إنقاذ و معارضة و بتسقط اسلوب هباني على المعارضة.. و التسطيح الأكبر إنك تبني من كلامك إنو الما بيعجبو اسلوب هباني يبقى مبرر ليهو يلعن سنسفيل المعارضة (تطير عيشتها) و طوالي يمشي يدعم حكومة الإنقاذ دي بدون أي تفكير في القتل و التشريد و تقسيم البلد و الفقر و التردي في كل مؤسسات الدولة من تعليمية لصحية لعدلية لغيرها عشان خاطر كم كلمة بذيئة من طرف المدعو هشام هباني

Quote: قيل للقمان : أي الناس شر ؟! قال : الذي لا يبالي ان يراه الناس مسيئاً !!

فهمي لكلمة مسيئاً الواردة في حديث لقمان دا تختلف كثيراً عن فهمك لها

سلام يا حافظ

Quote: و عارفك ما حتزعل مني عشان كدا بقول ليك إنو ما تتحدث عنو اصلاً مسطح طالما إنت في طرحك دا بتقسم الناس لكومين بس إنقاذ و معارضة و بتسقط اسلوب هباني على المعارضة.. و التسطيح الأكبر إنك تبني من كلامك إنو الما بيعجبو اسلوب هباني يبقى مبرر ليهو يلعن سنسفيل المعارضة (تطير عيشتها) و طوالي يمشي يدعم حكومة الإنقاذ دي بدون أي تفكير في القتل و التشريد و تقسيم البلد و الفقر و التردي في كل مؤسسات الدولة من تعليمية لصحية لعدلية لغيرها عشان خاطر كم كلمة بذيئة من طرف المدعو هشام هباني

يمين بالله كلامك ده هشام ذاتو ما قالو !!
يا زول وين أنا قلت (الما بيعجبو اسلوب هباني يبقى مبرر ليهو يلعن سنسفيل المعارضة (تطير عيشتها) و طوالي يمشي يدعم حكومة الإنقاذ ) ؟! ياخي والله فترت من قصة كل زول يقطع حاجه من راسو و يجي يقول لي إنت قلت !!
ياخي مافي أي مبرر لاي زول يدعم حكومة الانقاذ سوي بسبب هباني ولا المعارضة ... بين كل مداخلة و مداخلة بقول إنو أنا بنتقد في أسلوب هشام لانو بيسئ للمعارضة ككل باعتبارو من أعلي أصوات المعارضة هنا و إنو ده بيخلي الناس passive في معارضتها للنظام .. وين أنا قلت ده سبب ولا مبرر للناس انها تدعم حكومة الانقاذ ... و كان ما عندك وقت لقراية البوست كلو اقرأ ردي لمعاوية الزبير الفيهو المثل بتاع هلال مريخ

البروف أمين
تحياتي

يا بروف بصراحة و الله كنت متوقع منك رد احسن من كدا

أها يا بروف مشيت حليت الهوم ويرك و قريت ردك على معاوية الزبير و مثلك بتاع هلال مريخ و لقيت المثل بتاعك بيتكلم عن مشجعين و أنا هنا بتكلم عن لعيبة عديل ما مشجعين و عليه شوف اللاعب ال passive دا بيدعم ولا ما بيدعم..

و لو في فرصة ممكن اغير ليك كلامي كدا

و التسطيح الأكبر إنك تبني من كلامك إنو الما بيعجبو اسلوب هباني يبقى مبرر ليهو يلعن سنسفيل المعارضة (تطير عيشتها) و يقعد يتفرج بس على حكومة الإنقاذ دي بدون أي تفكير في القتل و التشريد و تقسيم البلد و الفقر و التردي في كل مؤسسات الدولة من تعليمية لصحية لعدلية لغيرها عشان خاطر كم كلمة بذيئة من طرف المدعو هشام هباني

تعرف يا بروف أنا الربع الفات دا كلو كتبت فيهو مداخلتين و خصيتك بواحدة منهن و هذا لعمري مقام لو تعلمون عظيم..(وش اخضر ضاحك)
فتك بعاقية

سلامات تاني يا حافظ ....
ما عرفتك قصدت شنو بانك كنت متوقع رد أحسن،لكن للضمان كده أسف جدا إنو خيبت توقعاتك ..
عموما كلامك ده :

Quote: و التسطيح الأكبر إنك تبني من كلامك إنو الما بيعجبو اسلوب هباني يبقى مبرر ليهو يلعن سنسفيل المعارضة (تطير عيشتها) و يقعد يتفرج بس على حكومة الإنقاذ دي بدون أي تفكير في القتل و التشريد و تقسيم البلد و الفقر و التردي في كل مؤسسات الدولة من تعليمية لصحية لعدلية لغيرها عشان خاطر كم كلمة بذيئة من طرف المدعو هشام هباني

رغم انك صلحتو و بيفرق كتير من كلامك الأول، لكن لسه فيهو من التسطيح الكتير لانك شلت ال passiveness حقت الناس و دي حقيقة أظن لا مراء فيها إنو الناس - لحدي الليله علي الأقل - قاعدة (بتتفرج في القتل و التشريد و تقسيم البلد و الفقر و التردي في كل مؤسسات الدولة من تعليمية لصحية لعدلية لغيرها ) ... و أسقطو كلو في ( كم كلمة بذيئة من طرف المدعو هشام هباني ) و ده لسه تسطيح لكلامي . ال passiveness حقت الناس تجاه النظام و معارضتو عندها أسباب عده من بينها إنو المعارضة ككل ( اللي هشام جزء منها و فيها أجزاء تانيه) متبعه أساليب غير أخلاقيه في معارضتها ، لو كل الأجسام و الكتل المعارضة (احزاب و جماعات و أفراد ) اتبعت أساليب أخلاقيه في معارضتها و بينت للناس إنو المعارضة معارضة أخلاقيه لا تحتاج لفاحش قول و لا لكذب و اختلاقات و ولوغ في أعراض الناس عشان تثبت خطل الحكومة و فسادها و تشريدها للناس و باقي الأسباب القلتها دي بيكون مدعاة لالتفاف الناس حول المعارضة و بالتالي العمل بصورة أكتر فاعليه لاسقاط النظام .
ما عندي أي مانع تشوف كلامي ده سطحي باعتبار إنو ما ممكن كلنا نتفق علي راي واحد ، المانع حقي انك ما تفهم كلامي و تفسرو علي كيفك و بعد داك تصفو بالسطحيه .
أرقد عافيه يا حبيبنا و إختلاف الراي لا يفسد للود قضيه ....

يرفع لعناية السيد عبدالمنعم عبدالله ( أو من يكتب بهذا الاسم ) ...

عزيزي القارئ،

فقط تامل معي "طيبة" اي مثالية، اخونا امين.

المثالية ما طوالي سذاجة، ولكن احيانا!

الزول ده بي بساطة طارح روحو كمصلح او بوليس حركة للمعارضة الجلابية، والسذاجة والفهم المثالي الطوباوي هنا.

دي حركة جماهير مش افراد، مثقفاتية، زي امين بكتبو في جرايد نظام القتلة، عشان تغير خط سيرا بي جرة قلم، عشان تتحرك في شكل طابور مع المزيكة، بخطوات عسكرية!

مافي شئ خطا اصلا هنا عشان المصلح امين، المذكي روحو، عامل مهم او مؤدب، يقوم يدي واحد حبة اصلاح من البرميل!

هناك قطاع عريض في الشارع المعارض، امي، بي فهم المثقفاتي، او شوارعي او ما مربيين او كده، زي امين، خطاب هباني من دون الخطب الاخري، بصلم او بعبر عنهم.

بخلاف انو هباني فرد، والنظام بمثل دولة بي حالا، فما ممكن تساوي بين دولة او فرد، او نظام باكملو او فرد!

فوق لي ده كلو، كلام هباني يظل مجرد حروف مرصوصة، في مقابل فعل!

من فرد في مقابل دولة!

مضحك حقيقة انو المسكين ده يقفز بالزانة فوق ده كلو، ليساوي بين فعل او رد فعل، بين كلام مكتوب او رصاص مطلوق، ليصل الي استنتاج انو رد الفعل خارق لي ناموس الطبيعة، والكلام عنف بذات مستوي القنابل الساقطة من جوف الانتنوف!

نجي للمهم:

قنا خضر دمن الجلابة من نوع امين ده، هم الاخطر علي الاطلاق، لانو خاتف لونين، او بالتالي مربك، او بي كده امضي كسلاح في يد النظام من امثال علاء يوسف!

من الجانب الاخر مثالية امين تعري وعيو الجلابي الابارثيدي، تعرية كاملة شاملة، لانو لايمكن ده يكون رد فعل زول من الطينة، امو حوا، او اختو مقبولة الاغتصبتا دولة شرع الله، ككسوة شرف ليها، "الغرابية"!

طريقة تفكير امين هذه مستفذة للملايين او ارواحم، الاتوسدو الطوب!

لو جنس الموت ده للملايين، كان في قرية حمور موطن امين، ياربي، امين برضو كان حيحوم المنبر بي كراع ###### عشان يسكت امثال هباني، اضعف الايمان؟

ده جلابي فارغ او بس!

يا كمال ياخي لا أملك لك شئيا إذا إنت بتقرأ براك و تفهم براك و تصل لنتائج قاطعها من رأسك براك ....و الحال كذلك الرد ذاتو بكون مضيعة وقت !!

ثم ضاع "أمس" منى وانزوى فى الغلب بوست!


أيكتب مثل هذا البوست فى رجل يستحى منه الكيزان ويناقشه على الملأ منصور بن خالد آل عمرابى!؟

ويحكم يابنى قريظة!!

سلام يا أمين
نقطتك واضحة جدا و محددة لكن في وطن من لا وطن له تقول كلام و الناس يقولوك كلام تاني و يردوا عليه. الغريبة إنه كتيرين من البتحفظوا على انتقاد أساليب هشام دي لرقبتهم ما بستعملوها. يعني الواحد حريص جدا على صورته الشخصية و مارق ود هباني للريبة و التلاف.

Quote: يا كمال ياخي لا أملك لك شئيا إذا إنت بتقرأ براك و تفهم براك و تصل لنتائج قاطعها من رأسك براك ....و الحال كذلك الرد ذاتو بكون مضيعة وقت !!

يا امين،
هو شنو البقرا براي؟

يازول الايدو في جحيم المحارق والابادة، وهو نطفة في بطن امو او قبل ما يولد، اطلاقا ما زي الشمالي الزيك، الايدو في موية زير ساقطة، صباح امشير، نواحي دنقلا العجوز، زي امين.

يازول انتا الحقيقة البتفهم براك انطلاقا من تصورات مسبقة مثالية.

منو القال بديل النظام حيكون مجتمع خالي من الالفاظ السوقية بي فهمك؟

ده مستحيل قطعا، لو بنتكلم عن مجتمع بشري!

هباني ولا اي مواطن، حبي يتكلم كده، ده حقو الالهي، مما ممكن في مجتمعك القادم البديل، تصادر هذا الحق، عشان تثبت انك فعلا بديل او بديل مغاير للنظام!

ده شغل شطحي ساكت!

هباني فرد وليس بمؤسسة او متحدث باسم برنامج المعارضة، عشان تسوي ما الفرق!

الفرق ما هنا!

الفرق في دولة القانون، او قبلها دولة كل السودانيين.

منو القال ليك سلوك هباني كفرد هو المعيار لاي شئ؟

انا كفرد في الدولة القادمة حر تماما، او حقي اتكلم بي افظع من لغة هباني، اذا شئت، والا ده ما بديل قط!

منطقك شكلي، فهمك احادي، دوغمائي، جامد، ميكانيكي، الي، مثالي، او صفوي!

سلام يا بشاشا
بالجد بتقرا براك. هسع دخل محارق الإبادة شنو هنا؟ زمان قلتوا روضة من حقها تكتب ما تكتب لأنه الشافته روضة نحن ما شفناه هسع هشام شاف شنو أمين ما شافه؟ يعدين وين أمين قال إنه بديل النظام حيكون مجتمع مثالي و وين أمين قال هشام متحدث باسم برنامج المعارضة؟ زي ما إنت شايف إنه هشام عنده حق إلهي في استعمال الأسلوب البعجبه كمان أمين عنده نفس الحق في انتقاد أسلوب هشام ولا العوض ولا بشاشا.

Quote: الغريبة إنه كتيرين من البتحفظوا على انتقاد أساليب هشام دي لرقبتهم ما بستعملوها. يعني الواحد حريص جدا على صورته الشخصية و مارق ود هباني للريبة و التلاف.

Quote: سلام يا بشاشا بالجد بتقرا براك. هسع دخل محارق الإبادة شنو هنا؟

قرقرقرقرقر!

العوض جاب ضقلا يلولح!

العوض اخوي، انا مقدر بالنسبة ليك كاسلاموي اي يمين جلابة او بالنسبة لي امين كيسار جلابة، الموت البلوشي للملايين لا يعنيكم في شئ، ولهذا تضجرون من ما تظنونه، حشر من بشاشا لي موضوع المحارق، هنا، بلا مبرر!

محارق الابادة ان وجدت في وعي الجلابة، فهي تشغل حيز ضيق جدا في مؤخرة الدماغ، او عشان كده امين بيحتج علي مجرد الفاظ، كرد فعل مفترض ضد ممارسات نظام القتلة، افسد، افسق، خلق الله، في السودان!

مافي صدفة هنا!

العوض اخوي انا مقدر بالنسبة ليك موضوع الابادة، حاجة عابرة، في العادة ما بتقيف عندو، او بالتالي انتا شايف لاموقع من الاعراب هنا، فيما اتصل بموضوع الابادة، او ده بالضبط الانا بتوقعو او بحاول اثبتو، واذا بك تقدم الدليل، ممارسة او حار من الصاج!

بالنسبة ليكم كمعارضة شمالية، القضية قضية كراسي سلطة والسلام.

اما بالنسبة لي قوي البديل فالقضية الاساسية هي محارق الابادة، اولا ثم تركيبة الدولة ذات نفسها ثانيا، ثم تداول السلطة والثروة داخل هذه الدولة!

اها، ده الجاب المحارق!

وقع ليك؟

Quote: زمان قلتوا روضة من حقها تكتب ما تكتب لأنه الشافته روضة نحن ما شفناه هسع هشام شاف شنو أمين ما شافه؟

نعم هباني ما شاف ولا واحد في الالف من الشافتو روضة، ولكن قدر الطشاش الشافو بخلي يكتب بي اعنف من كده، وايا كان الكتبو هباني، يظل حق دستوري مكفول، او تعبير سلمي عن رايو، لايمكن تقارنو بي ممارسات النظام، من ابادة او محارق!

معليش ما قنا بيوت اشباح او شهداء رمضان، الي اخر مفردات الخطاب الجلابي، لانو ده ترف، زي ترف امين الذهني في الخيط ده!

Quote: عدين وين أمين قال إنه بديل النظام حيكون مجتمع مثالي

قالو هنا:

Quote: لا طريق لمحاربة من لا أخلاق لهم إلا بالاخلاق !!

اختذل الشغلة كلها في مفردة اخلاق كاي وهابي!

الاخلاق ماهو الا بلورة لي واقع، مدخلات انتاجو هو النظام السياسي الاقتصادي والاجتماعي للمجموعة االبشرية المحددة في الزمان والمكان المحددين، علي مستوي الدولة.

مفهوم الاخلاق نسبي، في الاساس مش مطلق زي فاهم امين!

بالفهم ده المجتمع البوفر الحق لامثال هباني او خطابو اللا اخلاقي بي فهم امين الصفوي، في نظرنا ارفع اخلاق لوصح التعبير من المجتمع البقهر حرية التعبير باسم الفضيلة!

اذن اللا اخلاقي هو طرح او فهم امين حقيقة!

والله يا بشاشا و أنا بكتب في ردي خطر ببالي إنك حتمسك في النقطة دي. أنا لم أنكر المحارق و ما قلت إنها موضوع جانبي ولا ما مهم لكن كلامي كان على استدلالك بيها و كأنه أمين يده في الموية الباردة و هشام يده في النار. كل الحبيت أقوله إنه أمين تعنيه المحارق دي بنفس القدر البتعني هشام عشان كدا ما في وجه لإنك تجيبها بزي كلامك دا:

Quote: يازول الايدو في جحيم المحارق والابادة، وهو نطفة في بطن امو او قبل ما يولد، اطلاقا ما زي الشمالي الزيك، الايدو في موية زير ساقطة، صباح امشير، نواحي دنقلا العجوز، زي امين.

بالمناسبة كلامك دا ما متناسق منطقيا لأنه الزير الساقط في صباح أمشير نواحي دنقلا دخيلة اليد فيه ما أقل من دخيلتها في النار.

Quote: أيكتب مثل هذا البوست فى رجل يستحى منه الكيزان ويناقشه على الملأ منصور بن خالد آل عمرابى!؟ ويحكم يابنى قريظة!!

ويحنا و ساي يا دوك ... أهو بشاشا قال ليك إنو نحنا مدخلين يدينا في جحيم المحارق والابادة عشان انتقدنا أسلوب من (يستحى منه الكيزان ويناقشه على الملأ منصور بن خالد آل عمرابى) !!
-------------
العوض يا ياسر ...سلام يا حبيبنا ... ياخي إنت تاعب روحك في الفاضي ساكت.... النقاش مع بشاشا ضياع زمن : بشاشا يقرأ وحده و يفهم وحده و يلصق ليك إتهامات وحده، لا منطق تحترمو ليه كمخالف و لا وجهة نظر تقول تجاوب عليها
-------------
سلام يا عاطف و شكرا علي المرور مرة أخري و كلام العوض الكوتو ده كلام عميق جدا ...

Quote: Quote: اى هجوم على المعارضة يصب فى خانة الانقاد معلهش ح استخدم الاقتباس دة مرة اخرى لارتباطه لما اود قوله وكنت اتمنى لو اتى حيدر او اى من الاخوة المشاركين فى البوست وسجلوا ردا على تساؤلى بشأن ما هى المعارضة , هل هى كتلة واحدة تتاثر سلبا او ايجابا ببذل او مجاهدات افرادها ام المعارضة عبارة عن سلوك وعمل فردى كل ينتهج الاسلوب الذى يوافقه , وايضا اليس كل المعارضين يعملون تحت راية من اجل رفاهية المواطن , فهل تأكدوا من ان هذا الاسلوب فى انتهاج المعارضة يوافق عليه المواطن ويقبله فى سبيل الخلاص من الفساد والظلم الحالى ولكن قد يتسال نفس هذا المواطن كيف يمكن لهذه المعارضة ان تتخلى عن اسلوب نضالها بعد ان تبدل كرسى المعارضة بكرسى الحكم والذى كان لا يليق بمعيار الاخلاق ولكن لا بأس به كأداة ازاحة للنظام الحالى والذى يتعاطى بنفس هذه الاساليب الغير اخلاقية للمعارضة او اسوا منها يتبع

كمان يتبع يا احمد التجانى انت ما فترت من الموضوع ده

_______________________________
سلامات يا امين وتحياتى

يا بلة

Quote: منطقك شكلي، فهمك احادي، دوغمائي، جامد، ميكانيكي، الي، مثالي، او صفوي!

دا كلو (امس)!؟
ويحه!!

طيب الزول ما يقطع علاقتو بيو طيب !؟

Quote: أهو بشاشا قال ليك إنو نحنا مدخلين يدينا في جحيم المحارق والابادة عشان انتقدنا أسلوب من (يستحى منه الكيزان ويناقشه على الملأ منصور بن خالد آل عمرابى) !!

ابدا!

فهمت خطأ يا امين.

علي العكس تماما، ايدك في المي الساقطة، عشان كده ممكن تخلف رجل في التاني او توعظ عن الاخلاق او اصلاح المعارضة او هل النعام ببيض ولا بحيط!

اما ابن دارفور، اللي دولة شرع الله، بتعري امو حوا، قدامو، عشان ينكسر ان يقر بي جريمة قتل محمد طه، اللتي لم يقترفها لايملك ولايستطيع دفع فاتورة ترف ذهني كالذي يمخر عبابو، امين!

هل ممكن لاي مخلوق دي خلاصة تجربتو مع نظام مجرم قاتل، فاسد، فاسق، نازي كهذا، يفكر بي زي طريقتك دي يا امين؟

قطعا لا!

عشان كده قنا عليك جلابي كامل الدسم، عايش في دنيا من اوهام خيالك الجلابي علي قول ابراهيم عوض!

او لانك حالم او مثالي، بتقارن مابين مفردات فرد او سلوك دولة او نظام اباد ملايين بوضعهم في ميزان واحد، ثم تقفز قفز لي نتيجة انو هذا الفرد بمفردو مواز او مساوي لي دولة بي حالا، في سلوكو!

Quote: ولا بحيط!

الحيط والنفاص ؛)
___
؛)

يا كمال لمن أنا قلت :

Quote: أهو بشاشا قال ليك إنو نحنا مدخلين يدينا في جحيم المحارق والابادة عشان انتقدنا أسلوب من (يستحى منه الكيزان ويناقشه على الملأ منصور بن خالد آل عمرابى) !!

واضح من السياق إنو أنا بتهكم في اتهامك لي انو أنا مشارك - و ده معني مدخل يديني الفي الاقتباس الفوق - في محارق الأبادة الحصلت في بلدنا ، عشان كده لمن تجيب الاقتباس ده و تكتب لي :

Quote: فهمت خطأ يا امين. علي العكس تماما، ايدك في المي الساقطة، عشان كده ممكن تخلف رجل في التاني او توعظ عن الاخلاق او اصلاح المعارضة او هل النعام ببيض ولا بحيط!

ما بتعمل حاجه غير بتأكد لي و لعزيزك القارئ ما ظللت أردده انك ما بتفهم الكلام المكتوب و كان فهمت بترد علي حاجة تانيه ما موجوده إلا في عقلك إنت و تصل لنتائج خاطئة تماما و تختم كلامك بلصق نعوت و أساءات جاهزه و متوفره في قاموسك القمئ، عشان كده النقاش و الحوار معاك عبارة عن مضيعة زمن !!
------------

Quote: Quote: منطقك شكلي، فهمك احادي، دوغمائي، جامد، ميكانيكي، الي، مثالي، او صفوي! دا كلو (امس)!؟ ويحه!! طيب الزول ما يقطع علاقتو بيو طيب !؟

قيقا يا متعسف ...
البلد دي لو فيها مبدعين ..سطر بشاشا ده مفروض يتلحن و يتغني طوالي و كمقترح ممكن يكون كده :
منطقك شكلي...
فهمك احادي....
الكورس : ما اعتيادي ...ما اعتيادي ...
دوغمائي....
جامد.....
الكورس : ما اعتيادي ...ما اعتيادي ...
ميكانيكي...
الي ......
مثالي....
الكورس : ما اعتيادي ...ما اعتيادي ...

المافي شنو علي قولك !!!
-------------
شكرا علي المرور يا سهام..
-------------
ياسر يا وهم ... بالله ما تقعد تحكها مع بشاشا كلمة كلمة كده ..الزول ده كبر و ال Operation system حقو مفروض يتغير بعد ده !!

Quote: قيقا يا متعسف ... البلد دي لو فيها مبدعين ..سطر بشاشا ده مفروض يتلحن و يتغني طوالي و كمقترح ممكن يكون كده : منطقك شكلي... فهمك احادي.... الكورس : ما اعتيادي ...ما اعتيادي ... دوغمائي.... جامد..... الكورس : ما اعتيادي ...ما اعتيادي ... ميكانيكي... الي ...... مثالي.... الكورس : ما اعتيادي ...ما اعتيادي ... المافي شنو علي قولك !!!

فعلن ما اتيت لحوار ..











------

دا كلام زول يدو في الموية الصاقطة بس!!

يا أمس
إفتكر، والإفتكار من عند الله ؛)
لقد أوصلت رأيّك السليم حول كتابات أخونا في الله، العارف هشام هباني؛ فالذين يرون في كتابات هباني جدوى عليهم أن إتباعها، والذين يرون غير ذلك، عليهم إجتنابها ؛).
__
وكما كان مصطفى سعيد يقول: "I'll liberate Africa with my penis."، قد يستطيع هباني أن يحرر السودان من الإنقاذيين بكوندومه أو بإحدى لوازمه، المافي شنو يا قول قيقراوي ؛)

Yassir Tayfour
ياخى طوالى انت بتجى بوستات البروف الناجحة ذات الشعبية ما لحوار
بطل المشاغبات البتعمل فيها لجرف البوست عن مساروا
البروف صابر عليك صبر العلماء رغم انى حرشتو ينادى ليك المكاشفى
والله لو جاك سكر ذاتو ما ح تلقاه عشان تكملوا
.
.
سلامات يا بروف ومشتاقين
بوستيك طوييييل ما قدرت اقراه ولا ح اقدر
لكن الله يقدرك على ياسر دة