Post: #1
Title: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 05:49 AM
والله صحي
على قول اللمين
|
Post: #2
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 05:52 AM
Parent: #1
الحركة الشعبية تهدد بحمل السلاح إذا ضيقت عليها الخرطوم
الخرطوم - وكالات : 28/12/2010
Quote: هدّد ياسر عرمان، القيادي في الحركة الشعبية لتحرير السودان، بأنه إذا تم التضييق عليها في الشمال عقب الانفصال (ستكون هناك خيارات أخرى)، في إشارة إلى خيار القوة وحمل السلاح.
وقال في حديث خاص مع قناة (العربية): (سنعبر الجسر عندما ندركه. الخيار المفضل لدينا والذي سنعمل بكل مجهوداتنا عليه هو الخيار السلمي الديمقراطي، وإذا رفض هذا الخيار، فعلى من يرفضه أن يتحمل النتائج).
وفي شرح لمغزى تهديده واصل عرمان: (المقاتلون السابقون للحركة الشعبية في شمال السودان أكبر من مقاتلي دارفور مجتمعة. لا نريد أن نسلك هذا الطريق، فهو مضر باستقرار الشمال ومضر بالسودان). |
|
Post: #4
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 05:55 AM
Parent: #2
| Quote: لا نريد أن نسلك هذا الطريق |
لا بالله
كدي جرب أسلكه
عليك الله أسلكه
نحن ذاتنا دايرنك تسلكه
|
Post: #8
Title: Re: ياسر عرمان....ح تتجلد والشمس ضحى
Author: Nasir Ahmed Elmustafa
Date: 12-28-2010, 06:19 AM
Parent: #4
بيني وبينكم هيفتش ليهو قراية في بريطانيا ...زي حججو المرة الفاتت
|
Post: #3
Title: Re: ياسر عرمان....ح تتجلد والشمس ضحى
Author: محمد فرح
Date: 12-28-2010, 05:53 AM
Parent: #1
أخ الشفيع
تحية طيبة
والله أمر هذا الرجل محير جداً
ذكرني مسرحية محمد صبحي لمن جا راجل ضعيف جداً وقصير جداً جداً وقال داير يتشاكل معاهو
مؤونة عام من الود
التعديل لأنو المشاركة كانت شتره :):)
|
Post: #5
Title: Re: ياسر عرمان....ح تتجلد والشمس ضحى
Author: فتحي الصديق
Date: 12-28-2010, 06:05 AM
Parent: #3
يا باشمهندس ..تحية طيبة ..
كانت الحركة الشعبية قد أشارت لأنها ستقوم بما يلزم لاستمرارها كحزب سياسي في شمال السودان إذا اختار الجنوب الانفصال،
يعني هل هنالك مانع دستوري من وجود حزب الحركة الشعبية في الشمال بعضويته المنتشرة في جنوب كردفان والنيل الأزرق وبقية أنحاء السودان ؟؟
|
Post: #9
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:20 AM
Parent: #5
| Quote: كانت الحركة الشعبية قد أشارت لأنها ستقوم بما يلزم لاستمرارها كحزب سياسي في شمال السودان إذا اختار الجنوب الانفصال، |
والحكومة ردت يا فتحي بأنها (لن تسمح للحركة الشعبية بأي نشاط سياسي في الشمال)
| Quote: يعني هل هنالك مانع دستوري |
نعم يا فتحي
لا يعقل أن يسمح لحزب حاكم في دولة أن يكون له نشاط في دولة اخرى
وده ما الموضوع
الموضوع هو
بالله شوف وصلنا وين
الحكومة والله يا فتحي ما شايفة شغلها
شكلو كده، نحنا ذاتنا ح ننتفض ونثور عليها
|
Post: #67
Title: Re: ياسر عرمان....ح تتجلد والشمس ضحى
Author: فتحي الصديق
Date: 12-28-2010, 12:08 PM
Parent: #9
Quote: نعم يا فتحي
لا يعقل أن يسمح لحزب حاكم في دولة أن يكون له نشاط في دولة اخرى
|
الشفيع ...أنا سألت عن المانع الدستوري ومش المعقولية وعدما ..لأنو دي خاضعة للتقدير الشخصي .
وبعدين الحكومة لسة ما قالت حاجة في الموضوع دا ...
الناس الاتكلمو هم مندور وغندور .. وديل ناس حزبيين بس.. زي ما انت عارف .
|
Post: #6
Title: Re: ياسر عرمان....ح تتجلد والشمس ضحى
Author: ibrahim alnimma
Date: 12-28-2010, 06:06 AM
Parent: #3
الشفيع صباح الخير
باي عقيدة ستحارب عرمان يالشفيع؟
هل مازلت تعتقد بانك يمكن ان تغري الشباب بالحور العين ، وهي لله؟
والله يالشفيع ازمتكم اصبحت في كيبورادتكم .
ام هي لا تعدو اكثر من خطاب دغمسة.
وساعود
|
Post: #11
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:25 AM
Parent: #6
| Quote: باي عقيدة ستحارب عرمان يالشفيع؟ |
هو عرمان عنده شنو يحارب بيهو يا ابراهيم؟
|
Post: #7
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 06:15 AM
Parent: #3
مازال المؤتمر الوطني واتباع يستعملون لغة الوعيد...والتي ذهبت بالجنوب واشعلت دارفور وستحرق هذا البلد علي رؤسهم الفارغه
من سيجلد من؟ومن الذي يجلد وماهي الية الجلد بالسوط او بالمدفع؟ارجو التحديد
مقاتلي الحركه الشعبيه الاشداء معظمهم من جبال النوبه والانقسنا وهولاء تتراوح اعادادهم بين الاربعين الي ستين الف مقاتل
بكامل عتادهم وعدتهم واي محاوله للاقصاء ستلعلع الجبخانه هذه المره في سماء الخرطوم وليس في كاودا او الكرمك,والجيش الذي قصم ظهره
التمكين باحالة كفاءته للصالح العام عجز عن مقاتلة مقاتلي دارفور رغم صغر سنهم وقلة خبرتهم وعددهم فكيف سيكون حاله في مقارعة هؤلاء المتشربين بالقتال
وتكتيكاته لاكثر من عشرين عاما.
الي اين يقودنا هكذا تفكير؟
|
Post: #13
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:32 AM
Parent: #7
| Quote: مازال المؤتمر الوطني واتباع يستعملون لغة الوعيد |
الوعيد هو هنا يا فاروق:
ولو كنت فاكر انو جبال النوبة والنيل الازرق ح تقيف مع عرمان بتكون وااااهم يا فاروق
عرمان ومن معه من قطاع الشمال اتحرقوا زمااان
رمتهم الحركة الشعبية بعد ان استنفذت اغراضها منهم
ولو سألت أي زول الآن من الجبال ح تلقاهو بكره الحركة الشعبية عمى
الحركة باعتهم في اول لفة
ومشاكلهم كووولها سيتم حلها (بالمشورة الشعبية)
|
Post: #21
Title: Re: ياسر عرمان....ح تتجلد والشمس ضحى
Author: دينا خالد
Date: 12-28-2010, 06:54 AM
Parent: #7
Quote:
Quote: لا نريد أن نسلك هذا الطريق
لا بالله
كدي جرب أسلكه
عليك الله أسلكه
نحن ذاتنا دايرنك تسلكه |
وهل هى المرة الاولى التى سيسلك فيها ياسر هذا الطريق ؟؟؟
سلكه من قبل ووصل هو و زعيمه والثوار عن هذا الطريق الى القصر الجمهورى ..
سلكة من قبل واستقبلتهم جماهير بالملايين فقط فى الخرطوم ..
سلكة من قبل فزعزع اركان الارهاب والشمولية وتراجع هذا النظام عن مشروعه الحضارى ...
سلكوه فحرروا وسقط جزء كبير من خارطة السودان خارج نظام الظلم والعبودية ..
فماذا كانوا يملكون عندما انطلقوا !!
سلكه من قبل افراد ضعاف كما تقولون انتم الان من اهلنا فى دارفور
لا يملكون العدة ولا العتاد
وهاهم الان يجلسون مع النظام بكل جبروته الذى تحكون عنه من دوله الى دولة ,,,
الافراد الذين سلكوا هذا الطريق والذى ادى الى تفتيت السودان
وتمزقه كانوا مجرد افراد وكنتم تسخرون منهم ايضا ,,
ماذا كان يملك عبد الواحد عندما تمرد ؟؟؟
بل ماذا كان يملك خليل ..؟؟
وماذا يملك حتى الان السيسى ؟؟؟
انه الظلم والاستهزاء القهر والاستعباد والاستعلاء والاقصاء
فهلا تعلمنا من الدروس !!
قالها احد المتمردين (الضعاف) يوما انكم تستطيعون ان تاخروا
التحرر تستطيعون ان تقفوا فى وجهه وتعوقوه ولكن ما لن تستطيعوه ابدا
هو وقف ما بدء من حركة الانعتاق والتحرر ..
ـــــــــــــــــــ
ياسر مجرب يا وراق ومن جرب المجرب
حاقت به الندامة ..
|
Post: #70
Title: Re: ياسر عرمان....ح تتجلد والشمس ضحى
Author: Nazar Yousif
Date: 12-28-2010, 12:30 PM
Parent: #21
|
Post: #10
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:23 AM
Parent: #3
| Quote: راجل ضعيف جداً وقصير جداً جداً وقال داير يتشاكل معاهو |
أحسنت التشبيه يا ود فرح
بس نقول شنو؟
من يهن يسهل الهوان عليه
|
Post: #12
Title: Re: ياسر عرمان....ح تتجلد والشمس ضحى
Author: حمزاوي
Date: 12-28-2010, 06:31 AM
Parent: #10
اخي الكريم الشفيع وراق
مسكاقمي
مالك صرت قودو قودو المنبر
|
Post: #14
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:36 AM
Parent: #12
والله يا حمزاوي
الشغلة بقت (مقرفة)
وبعد شوية ح ننادي باسقاط الحكومة دي، السمحت لكل من هب ودب بالصياح والعويل والتهديد
|
Post: #15
Title: Re: ياسر عرمان....ح تتجلد والشمس ضحى
Author: راشد فضل
Date: 12-28-2010, 06:42 AM
Parent: #14
Quote: الحكومة والله يا فتحي ما شايفة شغلها
|
متين شافتو؟؟؟
|
Post: #19
Title: Re: ياسر عرمان....ح تتجلد والشمس ضحى
Author: حبيب نورة
Date: 12-28-2010, 06:54 AM
Parent: #15
.
|
Post: #17
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 06:48 AM
Parent: #14
Quote: لا يعقل أن يسمح لحزب حاكم في دولة أن يكون له نشاط في دولة اخرى
|
هلا يا الشفيع
1- انت ناسي ولاشنو يا زول بان الحركة الاسلامية السودانية الماسكة الان هي وليد حقيقي للاخوان المسلمين في مصر وافكار حسن البنا وسيد قطب والفلسفة والوعي التاصيلي لهذه الحركة لا يزال وحتي اليوم معلق باستار ذلك الحزب المصري والفيررررري مصري ومهما تلونت الاسماء الا ان الفكرة هي الفكرة والتاصيل هو التاصيل والوعي هو الوعي
2- وياسر عرمان مواطن سوداني من حقه ان يعمل حزب افكاره حتي ولو جايبهامن الواق واق...والا فليكن دقك شامل الحزب الشيوعي والبعث العربي والناصري وانصار السنة واللجان الثورية وكل حزب سوداني يشتم بانه جلب افكاره وفلسفته من خارج الحدود وحتي الاتحاديين برضو اديهم جلدة جلدتين علي الماشي كده..وكل حركات التصوف الذات ارتباط ببلاد فاس ...
3- لو ياسر عرمان يا الشفيع عمل حزب وشال سلاح ضد هذه الحكومة فانا الشين القدامك ده ح اشيل سلاح معاهو وسنضربن هذه الانقاذ الطاغية جبخانة تقيلة حتي تصيح الديوك وسجن سجن شهادة شهادة.... وهو البلد دي فضل فيها شنووووو يا الشفيع غير شيل السلاح..؟؟؟
|
Post: #38
Title: Re: ياسر عرمان....ح تتجلد والشمس ضحى
Author: مدثر صديق
Date: 12-28-2010, 07:36 AM
Parent: #17
الاخ عبدالكريم
Quote: 1- انت ناسي ولاشنو يا زول بان الحركة الاسلامية السودانية الماسكة الان هي وليد حقيقي للاخوان المسلمين في مصر وافكار حسن البنا وسيد قطب والفلسفة والوعي التاصيلي لهذه الحركة لا يزال وحتي اليوم معلق باستار ذلك الحزب المصري والفيررررري مصري ومهما تلونت الاسماء الا ان الفكرة هي الفكرة والتاصيل هو التاصيل والوعي هو الوعي
2- وياسر عرمان مواطن سوداني من حقه ان يعمل حزب افكاره حتي ولو جايبهامن الواق واق...والا فليكن دقك شامل الحزب الشيوعي والبعث العربي والناصري وانصار السنة واللجان الثورية وكل حزب سوداني يشتم بانه جلب افكاره وفلسفته من خارج الحدود وحتي الاتحاديين برضو اديهم جلدة جلدتين علي الماشي كده..وكل حركات التصوف الذات ارتباط ببلاد فاس ...
|
كل الجانا من مصر و العراق و سوريا احزاب سياسية و افكار للاحزاب السياسية دي ...ما حركات مسلحة ...
اما الحزب الاتحادي فهو واجه سياسية للطائفة الختمية و هي طائفة سودانية اصلية و ما هو موجود في مصر و ارتريا فروع لها ...
و كذا حزب الامة ...نشأمن فكرة و نضال سوداني......
|
Post: #18
Title: Re: ياسر عرمان....ح تتجلد والشمس ضحى
Author: تبارك شيخ الدين جبريل
Date: 12-28-2010, 06:50 AM
Parent: #14
الشفيع ورّاق ...
| Quote: لا يعقل أن يسمح لحزب حاكم في دولة أن يكون له نشاط في دولة اخرى |
الحركة الشعبية لتحرير السودان ... هى حركة شعبية ... ولتحرير السودان ... حا تمنع نشاطا كيف؟
كونو جنوب السودان طالب بحق تقرير المصير ... ونال هذا الحق ... وصار دولة منفصلة ... ما معناها مشاكل السودان اتحلّت ... أو السودان اتحرر من المركزية والهوس الدينى والفساد والإذلال للشعب .... ولا معناها الحركة الشعبية لتحرير السودان تبقى الحركة الحكومية لتحرير السودان ... أو الحركة الشعبية لتحرير تايلاند ...
ناس الحركة قاعديييييييين ... والله صحى ..
... المهم ....
|
Post: #16
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 06:43 AM
Parent: #12
يا الشفيع يا اخوي
انت ما متابع ولا شنو اخر تصريحات غندور
الراجل قال بالواضح انو مقاتلي الحركه الشعبيه من ابناء النوبه والانقسنا يمشو بي غادي لي خط 1956
اها جنس التصريحات دي بتخلي عقار والحلو يتحسسو مدافعهم جيداً.....
والشئ التاني الفات عليك انو عقار والحلو وعرمان عقدو مؤتمر صحفي مع بعض وكانت رؤيتهم واضحه انو حا يستمرو كحركه شعبيه
يعني لو داير تجلد عرمان يا الشفيع الا تجلد معاه الحلو وعقار,مع العلم انو التلاته ديل رفقاء سلاح وادغال اكتر من 25 سنه ودي عندها معاني كبيره جدا
لي اي زول بعرف خوة السلاح.
بالنسبه لي اسم الحركه في الشمال,الاخوان المسلمين ده موش تنظيم عالمي وبدأ في مصر وناسك ديل زاتم بدو بيهو قبل تحورهم الحربائي ده في زول سالهم
وكذلك الحال بنطبق علي الحزب الشيوعي وحزب البعث دي برضو ما عندها امتدادات خارجيه,ولا بس بقت علي الحركه الشعبيه؟
|
Post: #20
Title: Re: ياسر عرمان....ح تتجلد والشمس ضحى
Author: ابراهيم الرشيد عبدالرحمن وراق
Date: 12-28-2010, 06:54 AM
Parent: #16
سلام يا ابن العم
| Quote: شكلو كده، نحنا ذاتنا ح ننتفض ونثور عليها |
اريتك تسويها وتبقى اصيل, بدل الدفاع عنها بالوكالة
والا حدث لك نفس ماحدث لقطاع الشمال.
الوكيل ما ببقى اصيل (مقولة اعجبتنى)
|
Post: #24
Title: Re: ياسر عرمان....ح تتجلد والشمس ضحى
Author: nazar hussien
Date: 12-28-2010, 07:06 AM
Parent: #20
هسي نحن محتاجين لي مسيل دموع...
عشان تكتب ليك بوست ديناميت زي دا؟
يمين الله كان في زول رسمي قال ليك اكتب بوستك دا
يكون ما عاقل...او بائع ومخلّص...
الشمال كله بغرفة الانعاش...خلوه يصحي شوية
يا جماعة...بلاش...تتقاسمو التركة وهو حي.
|
Post: #22
Title: Re: ياسر عرمان....ح تتجلد والشمس ضحى
Author: tmbis
Date: 12-28-2010, 06:55 AM
Parent: #16
Quote: عجز عن مقاتلة مقاتلي دارفور رغم صغر سنهم وقلة خبرتهم وعددهم فكيف سيكون حاله في مقارعة هؤلاء المتشربين بالقتال
وتكتيكاته لاكثر من عشرين عاما.
|
Quote: مقاتلي الحركه الشعبيه الاشداء معظمهم من جبال النوبه والانقسنا وهولاء تتراوح اعادادهم بين الاربعين الي ستين الف مقاتل
بكامل عتادهم وعدتهم واي محاوله للاقصاء ستلعلع الجبخانه هذه المره في سماء الخرطوم وليس في كاودا او الكرمك, |
إنت يا فاروق عثمان شغال مقاتل في الحركة الشعبية .. واللا قاعد تلعلع ساي في المنبر .. ؟
علشان كلامك دا معناته إنت قائد ليك كتيبة كاملة من الجيش الشعبي ودافن ليك دبـابة في اي حديقة من حدائق حبيبي مفلس الفي الخرطم دي ومنتظر علشان تلعلعه في الخرطوم .. وليس الكرمك ولا كاودا ..
خلينا من تصريحات ياسر عرمان .. ومن تصريحات الشفيع وراق .. ممكن نعتبر دي تصريحاتك ؟ علشان الواحد يكون على بينه بس وما تختلط عليهو اللعاليع واللغاليغ ..
واحد من مقاتلي دارفور يقوليك ح نجي نقلع منكم بيوتكم الساكنين فيها ودكاكينكم ومحلات صاعودكم .. والتاني يقوليك ح نلعلعه ليكم في الخرطوم ابتداء من حديقة حبيبي مفلس ..
|
Post: #29
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 07:18 AM
Parent: #22
Quote: إنت يا فاروق عثمان شغال مقاتل في الحركة الشعبية .. واللا قاعد تلعلع ساي في المنبر .. ؟
علشان كلامك دا معناته إنت قائد ليك كتيبة كاملة من الجيش الشعبي ودافن ليك دبـابة في اي حديقة من حدائق حبيبي مفلس الفي الخرطم دي ومنتظر علشان تلعلعه في الخرطوم .. وليس الكرمك ولا كاودا ..
خلينا من تصريحات ياسر عرمان .. ومن تصريحات الشفيع وراق .. ممكن نعتبر دي تصريحاتك ؟ علشان الواحد يكون على بينه بس وما تختلط عليهو اللعاليع واللغاليغ ..
واحد من مقاتلي دارفور يقوليك ح نجي نقلع منكم بيوتكم الساكنين فيها ودكاكينكم ومحلات صاعودكم .. والتاني يقوليك ح نلعلعه ليكم في الخرطوم ابتداء من حديقة حبيبي مفلس .. |
يا تمبس
والله المقاتله في صفوف الحركه شرف لا ادعيه
وانا ولا قائد كتيبه ولا قلت الكلام ده ولو انت فمهت انو انا قائد كتيبه ده شئ راجع لي مدارك فهمك براك
انا بتكلم عن وقائع حال بتاع استقطاب حاد ولغة عنف ما حتولد الا عنف مضاد,اما بالنسبه لي لعلعة الجبخانه شايف اللعلعه دي كيفتك اها قلنا نلف ليك منها كيلو,بالنسبه لي اللعلعه
لانو بي بساطه زمان الحرب كانت حرب ادغال ,واسي حا تتحول لي حرب مدن بي فهم انو ناس الانقسنا وجبال النوبه عندهم جيوش منظمه واراضي الشمال كاشفه وما فيها عوائق طبيعيه
ولو اضربت مناطقهم ما اظن يقعدو اتفرج علي اهلهم وهم بموتو,ما ياهو ده خليل جا دافر من ابشي لما وصل ام درمان تووووش.
بعدين انت مشكلتك شنو مع دارفور وهي اي زول بقول الحق وبتعاطف مع محنة اهلنا في دارفورمعناه من دارفور,انت يا تمبس مالك ما مجمع ولا شنو
|
Post: #39
Title: Re: ياسر عرمان....ح تتجلد والشمس ضحى
Author: tmbis
Date: 12-28-2010, 07:50 AM
Parent: #29
| Quote: بتاع استقطاب حاد ولغة عنف ما حتولد الا عنف مضاد,اما بالنسبه لي لعلعة الجبخانه شايف اللعلعه دي كيفتك اها قلنا نلف ليك منها كيلو |
كيلو بس يا فاروق عثمان ..؟ ما شايفه بسيطة
ما تصنع المسالة دي بالصينية .. مش كويس معاك كدا علشان تنتهي سريع من اللعلعة بتاعتك دي بالصينية .. وتشوف ليك لعلعة تانية ..
| Quote: بعدين انت مشكلتك شنو مع دارفور وهي اي زول بقول الحق وبتعاطف مع محنة اهلنا في دارفورمعناه من دارفور,انت يا تمبس مالك ما مجمع ولا شنو |
لا خلاص .. خطير والله يا فاروق .. هذا فيما يتعلق بالحتة الخاصة بي دارفور ..
اظنو مدارك فهمك عايزه ليها صيانة برضو .. راجعه .. والحتة بتاعت مالي ومال دارفور دي متعتني .. يعني حسع دي مفروض طوالي اي زول بيكتب عن دارفور .. يعتقد إنو تمبس دا لما يجيبو قصة دارفور دي لازم يجي طاير ويدق كرعينو الاتنين عشان يقيف قدامه ويجيب معاهو صينية لعاليع .. مش كدا ..؟
يا سيدي الامنتي عليك .. لما جبت سيرة دارفور عملت ليك (كيلو)اقتباس في المكان دا تحديدا .. Quote: عجز عن مقاتلة مقاتلي دارفور رغم صغر سنهم وقلة خبرتهم وعددهم فكيف سيكون حاله في مقارعة هؤلاء المتشربين بالقتال
وتكتيكاته لاكثر من عشرين عاما.
|
لاحظته رغم صغر سنهم دي ..؟ دي الحركة القاصدة ليك .. لانو فيها شغل كتير جدا مفترض إنت كزول مداركك واسعة جدا وبتفهمه طايرة تعرف عملتها ليك بالبونطك العريض ليييه .. مش تجي تشبكني كيلو ونص .. وإلخ ..
اتفضل ..
|
Post: #47
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 08:15 AM
Parent: #39
Quote: كيلو بس يا فاروق عثمان ..؟ ما شايفه بسيطة
ما تصنع المسالة دي بالصينية .. مش كويس معاك كدا علشان تنتهي سريع من اللعلعة بتاعتك دي بالصينية .. وتشوف ليك لعلعة تانية .. |
اول شئ يا تمبس انت سميت كلامي ده لعلعه,وفي تقديري انك ما اتناولتو بي شكل موضوعي بس لي مشكله عندك مع بعض متبني الخط الدارفوري جيت طوالي
حاولت تستخف بالكلام بتاعي وتخرجو من اطارو,بعدبن الاحكام المسبقه في كلام الغير دي موش فيها حته بتاعت وصايا برضو,يعني ممكن في ناس يشوفو كلامك هو اللعلعه برضو.
Quote: لا خلاص .. خطير والله يا فاروق .. هذا فيما يتعلق بالحتة الخاصة بي دارفور ..
اظنو مدارك فهمك عايزه ليها صيانة برضو .. راجعه .. والحتة بتاعت مالي ومال دارفور دي متعتني .. يعني حسع دي مفروض طوالي اي زول بيكتب عن دارفور .. يعتقد إنو تمبس دا لما يجيبو قصة دارفور دي لازم يجي طاير ويدق كرعينو الاتنين عشان يقيف قدامه ويجيب معاهو صينية لعاليع .. مش كدا ..؟
يا سيدي الامنتي عليك .. لما جبت سيرة دارفور عملت ليك (كيلو)اقتباس في المكان دا تحديدا .. |
انت مشكلتك شنو مع الصواني يا تمبس انا ما طالبتك بي شئ ولا زيك بفترض انو تنتهي من حاجاتك وتشوف ليك شئ زي ما قلت لي انتهي من لعلعتك,لانو بشوف دي حاجه ما بتخصني,لكن شايفك اديت نفسك حق انو تحدد لي اشوف شنو وما اشوف شنو
ويبدو لي دي حاجه بتخصني انا براي,ولا انت رايك شنو؟
| Quote: لاحظته رغم صغر سنهم دي ..؟ دي الحركة القاصدة ليك .. لانو فيها شغل كتير جدا مفترض إنت كزول مداركك واسعة جدا وبتفهمه طايرة تعرف عملتها ليك بالبونطك العريض ليييه .. مش تجي تشبكني كيلو ونص .. وإلخ .. |
ياعزيزي تمبس
رغم صغر سنهم دي انا بقصد بيها تحديدا صغر السن البمشي مع قلة الخبره في القتال مقارنه مع مقاتلي الحركه الشعبيه,وصغر سنهم ده لانو شباب لقو اهلم بتكتلو وقراهم بتتحرق فاكيد حا يقاتلو المتسبب في الشئ ده
وصغر السن ما حكر للمقاتلين لو شفت انو كل القيادات الدارفوريه في اعمارها صغيره حتي عبد الواحد من مواليد 69,وده الصياغ الانا قاصدو بي صغر السن
اما حكايه خطير وشنو,ما قاعد اعرف اسلوب التريقه عشان كده ما حا ارد عليك فيه
|
Post: #58
Title: Re: ياسر عرمان....ح تتجلد والشمس ضحى
Author: tmbis
Date: 12-28-2010, 08:50 AM
Parent: #47
| Quote: اما حكايه خطير وشنو,ما قاعد اعرف اسلوب التريقه عشان كده ما حا ارد عليك فيه |
يعني ح تسحب الكيلو بتاعك اللفيتو فوق داك ..؟ بالسرعة دي يا فاروق .. وتقولي برضو شرف المقاتلة وكدا ..؟
Quote: اول شئ يا تمبس انت سميت كلامي ده لعلعه,وفي تقديري انك ما اتناولتو بي شكل موضوعي بس لي مشكله عندك مع بعض متبني الخط الدارفوري جيت طوالي
حاولت تستخف بالكلام بتاعي وتخرجو من اطارو,بعدبن الاحكام المسبقه في كلام الغير دي موش فيها حته بتاعت وصايا برضو,يعني ممكن في ناس يشوفو كلامك هو اللعلعه برضو. |
كدي خلينا في المسالة بتاعت اللعلعه دي اولا قبال موضوع دارفور دا:
ان ما جبت حاجة من عندي إنت جيت قلت السلاح والجبخانة ح تلعلع في الخرطوم .. وليس في الكرمك وإلخ .. يللا انا استبدلته لعلعة السلاح بي لعلعتك .. في نفس الوقت بشوف كلامك ما موضوعي .. خاصة وإنك ما مقاتل ولسة ما انضميت .. لو كنت مقاتل في صفوف الحركة الشعبية وليك الشرف دا .. انا طوالي كان سحبته الحتة بتاعت اللعلعة دي .. شفت كيف .. اللعلعة ساهلة .؟ | Quote: بعدبن الاحكام المسبقه في كلام الغير دي موش فيها حته بتاعت وصايا برضو,يعني ممكن في ناس يشوفو كلامك هو اللعلعه برضو. |
اي احكام مسبقة يا سيد فاروق ..؟ إنت قلت الجبخانة دي بتلعلع في الخرطوم .. وتحدثت عن الفرق بين مقاتلي دارفور الأطفال .. وبين خبرة وعدد جنود الحركة الشعبية المتواجدين بي عتادهم .. ماف هنا اي أحكام مسبقة يا سيد .. لكن في سؤال مباشر كان .. إنت مقاتل بتتكلم بي لغة السلاح .. واللا بتلعلع بي لسانك ساااي بدون ما تعرف الحاصل شنو من مغبة اللعلعة في الخرطوم بين الطرفين .. ولو كنت جيت وقلت مقاتل كان طريقة المعرفة بتختلف .. خاصة وأنو اكلنا كتير من الكلام بتاع الشريكين ديل في المكان دا .. واللعلعة الكتيرة ..
| Quote: وفي تقديري انك ما اتناولتو بي شكل موضوعي بس لي مشكله عندك مع بعض متبني الخط الدارفوري جيت طوالي |
أما فيما يتعلق بمتبني الخط الدارفوري .. العايز بي قدرة قادر تحولني للحتة دي .. وأقوليك حاجة .. والله ما عارفك إنت بتكتب شنو وبتقول شنو .. وربما أول مرة زاتو اشوفك في المكان دا (داما استخفاف علشان ما تجي تقول دا استخفاف جديد) لكن صدقني مدخلي ليك في مسالة دارفور دي لحدت الان شكلك ما فهمتو .. ولو كنت عايز توصل لي إنك متبني الخط الدارفوري .. فمالو يازول انا منعتك ..؟ ما منعتك ولا وقفت ضدك .. لكن مسالة إنك توقفني في حتة بتاعت إني ضد الناس البتكتب في الشأن الدارفوري .. فدي حركة ما لذيذة وما ليها اي علاقة بالكلام بتاعك دا .. ولو جينا لي الجد كدا شنو الدخل حسع دي الشأن الدارفوري بالمسالة بتاعت الحركة الشعبية دي ..؟
انا ختيت ليك خط تحت حاجة محددة .. لانو دار فيها جدل هنا دا .. مسالة اطفال الحركات الدارفورية .. فمته النقطة دي يا سيد ..؟
| Quote: انت مشكلتك شنو مع الصواني يا تمبس انا ما طالبتك بي شئ ولا زيك بفترض انو تنتهي من حاجاتك وتشوف ليك شئ زي ما قلت لي انتهي من لعلعتك,لانو بشوف دي حاجه ما بتخصني,لكن شايفك اديت نفسك حق انو تحدد لي اشوف شنو وما اشوف شنوويبدو لي دي حاجه بتخصني انا براي,ولا انت رايك شنو؟ |
.. والله ما عندي مشكلة مع الصواني يا فاروق .. لكن إنت قلت لي المسالة دي عجبتك وبلف ليك منها كيلو .. وانا قلت ليك ياخ احسن بالصينية علشان ما تتعب نفسك وتخلص بي سرعة فهمته يا سيد ..؟ بعدين ما اديت نفسي اي صلاحية ولا لي اي علاقة بالبتعمل فيهو ولا انا مدير اعمالك .. انا بتهمني الكتابة الكتبتها ورديت علي قدرها .. ليس إلا .. شنو شابكني عايز تحدد لي واحدد ليك ؟؟ Quote: ياعزيزي تمبس
رغم صغر سنهم دي انا بقصد بيها تحديدا صغر السن البمشي مع قلة الخبره في القتال مقارنه مع مقاتلي الحركه الشعبيه,وصغر سنهم ده لانو شباب لقو اهلم بتكتلو وقراهم بتتحرق فاكيد حا يقاتلو المتسبب في الشئ دهوصغر السن ما حكر للمقاتلين لو شفت انو كل القيادات الدارفوريه في اعمارها صغيره حتي عبد الواحد من مواليد 69, وده الصياغ الانا قاصدو بي صغر السن
اما حكايه خطير وشنو,ما قاعد اعرف اسلوب التريقه عشان كده ما حا ارد عليك فيه |
يا زول انا ما بهمني عبد الواحد مولود في تسعة وستين واللا في عام الفيل .. انا دخلت علشان المسالة بتاعت صغار السن دي .. وختيت تحتها خط علشان ارتبطت لي بي حاجة محددة .. ولو ما فهمتها زي ما قلته تبقى مداركك فيها مشكلة .. لكن مسالة انك تطلع نفسك بطل وفي جانب دارفور وانا ضدك عشان كدا .. دي ما مقسمه معاي ..
الشي الاشرت ليهو .. هو صغار السن .. وجيت اثبتها هنا دا إنت .. لانو في معلومات من ناس عاملين فيها هم الوكلاء الحصريين لي قضية دارفور في المنبر دا وقالوها عديل كدا .. يللا ديل لما كان هنا في ملف فيديو بتعلق بي اطفال الحركة الاتمسكو في الخرطوم .. كان تعليقم إنو ديل شماشة اتمسكو من الشوارع .. وجابو لينا موثيق لحقوق الانسان .. وتجنيد الاطفال .. إلخ والغريبة نفس الملف اتفبرك وجابو واحد من ناس الحركات الدارفورية دي بي شكل تاني .. وما معروف الحاجات دي القاعد يستفيد منها منو وبياكل من وراها عيش منو .. فهمته الحتة دي ..؟
|
Post: #60
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 09:13 AM
Parent: #58
Quote: Quote: اما حكايه خطير وشنو,ما قاعد اعرف اسلوب التريقه عشان كده ما حا ارد عليك فيه
يعني ح تسحب الكيلو بتاعك اللفيتو فوق داك ..؟ بالسرعة دي يا فاروق .. وتقولي برضو شرف المقاتلة وكدا ..؟
Quote: اول شئ يا تمبس انت سميت كلامي ده لعلعه,وفي تقديري انك ما اتناولتو بي شكل موضوعي بس لي مشكله عندك مع بعض متبني الخط الدارفوري جيت طوالي
حاولت تستخف بالكلام بتاعي وتخرجو من اطارو,بعدبن الاحكام المسبقه في كلام الغير دي موش فيها حته بتاعت وصايا برضو,يعني ممكن في ناس يشوفو كلامك هو اللعلعه برضو.
كدي خلينا في المسالة بتاعت اللعلعه دي اولا قبال موضوع دارفور دا:
ان ما جبت حاجة من عندي إنت جيت قلت السلاح والجبخانة ح تلعلع في الخرطوم .. وليس في الكرمك وإلخ .. يللا انا استبدلته لعلعة السلاح بي لعلعتك .. في نفس الوقت بشوف كلامك ما موضوعي .. خاصة وإنك ما مقاتل ولسة ما انضميت .. لو كنت مقاتل في صفوف الحركة الشعبية وليك الشرف دا .. انا طوالي كان سحبته الحتة بتاعت اللعلعة دي .. شفت كيف .. اللعلعة ساهلة .؟
Quote: بعدبن الاحكام المسبقه في كلام الغير دي موش فيها حته بتاعت وصايا برضو,يعني ممكن في ناس يشوفو كلامك هو اللعلعه برضو.
اي احكام مسبقة يا سيد فاروق ..؟ إنت قلت الجبخانة دي بتلعلع في الخرطوم .. وتحدثت عن الفرق بين مقاتلي دارفور الأطفال .. وبين خبرة وعدد جنود الحركة الشعبية المتواجدين بي عتادهم .. ماف هنا اي أحكام مسبقة يا سيد .. لكن في سؤال مباشر كان .. إنت مقاتل بتتكلم بي لغة السلاح .. واللا بتلعلع بي لسانك ساااي بدون ما تعرف الحاصل شنو من مغبة اللعلعة في الخرطوم بين الطرفين .. ولو كنت جيت وقلت مقاتل كان طريقة المعرفة بتختلف .. خاصة وأنو اكلنا كتير من الكلام بتاع الشريكين ديل في المكان دا .. واللعلعة الكتيرة ..
Quote: وفي تقديري انك ما اتناولتو بي شكل موضوعي بس لي مشكله عندك مع بعض متبني الخط الدارفوري جيت طوالي
أما فيما يتعلق بمتبني الخط الدارفوري .. العايز بي قدرة قادر تحولني للحتة دي .. وأقوليك حاجة .. والله ما عارفك إنت بتكتب شنو وبتقول شنو .. وربما أول مرة زاتو اشوفك في المكان دا (داما استخفاف علشان ما تجي تقول دا استخفاف جديد) لكن صدقني مدخلي ليك في مسالة دارفور دي لحدت الان شكلك ما فهمتو .. ولو كنت عايز توصل لي إنك متبني الخط الدارفوري .. فمالو يازول انا منعتك ..؟ ما منعتك ولا وقفت ضدك .. لكن مسالة إنك توقفني في حتة بتاعت إني ضد الناس البتكتب في الشأن الدارفوري .. فدي حركة ما لذيذة وما ليها اي علاقة بالكلام بتاعك دا .. ولو جينا لي الجد كدا شنو الدخل حسع دي الشأن الدارفوري بالمسالة بتاعت الحركة الشعبية دي ..؟
انا ختيت ليك خط تحت حاجة محددة .. لانو دار فيها جدل هنا دا .. مسالة اطفال الحركات الدارفورية .. فمته النقطة دي يا سيد ..؟
Quote: انت مشكلتك شنو مع الصواني يا تمبس انا ما طالبتك بي شئ ولا زيك بفترض انو تنتهي من حاجاتك وتشوف ليك شئ زي ما قلت لي انتهي من لعلعتك,لانو بشوف دي حاجه ما بتخصني,لكن شايفك اديت نفسك حق انو تحدد لي اشوف شنو وما اشوف شنوويبدو لي دي حاجه بتخصني انا براي,ولا انت رايك شنو؟
.. والله ما عندي مشكلة مع الصواني يا فاروق .. لكن إنت قلت لي المسالة دي عجبتك وبلف ليك منها كيلو .. وانا قلت ليك ياخ احسن بالصينية علشان ما تتعب نفسك وتخلص بي سرعة فهمته يا سيد ..؟ بعدين ما اديت نفسي اي صلاحية ولا لي اي علاقة بالبتعمل فيهو ولا انا مدير اعمالك .. انا بتهمني الكتابة الكتبتها ورديت علي قدرها .. ليس إلا .. شنو شابكني عايز تحدد لي واحدد ليك ؟؟
Quote: ياعزيزي تمبس
رغم صغر سنهم دي انا بقصد بيها تحديدا صغر السن البمشي مع قلة الخبره في القتال مقارنه مع مقاتلي الحركه الشعبيه,وصغر سنهم ده لانو شباب لقو اهلم بتكتلو وقراهم بتتحرق فاكيد حا يقاتلو المتسبب في الشئ دهوصغر السن ما حكر للمقاتلين لو شفت انو كل القيادات الدارفوريه في اعمارها صغيره حتي عبد الواحد من مواليد 69, وده الصياغ الانا قاصدو بي صغر السن
اما حكايه خطير وشنو,ما قاعد اعرف اسلوب التريقه عشان كده ما حا ارد عليك فيه
يا زول انا ما بهمني عبد الواحد مولود في تسعة وستين واللا في عام الفيل .. انا دخلت علشان المسالة بتاعت صغار السن دي .. وختيت تحتها خط علشان ارتبطت لي بي حاجة محددة .. ولو ما فهمتها زي ما قلته تبقى مداركك فيها مشكلة .. لكن مسالة انك تطلع نفسك بطل وفي جانب دارفور وانا ضدك عشان كدا .. دي ما مقسمه معاي ..
الشي الاشرت ليهو .. هو صغار السن .. وجيت اثبتها هنا دا إنت .. لانو في معلومات من ناس عاملين فيها هم الوكلاء الحصريين لي قضية دارفور في المنبر دا وقالوها عديل كدا .. يللا ديل لما كان هنا في ملف فيديو بتعلق بي اطفال الحركة الاتمسكو في الخرطوم .. كان تعليقم إنو ديل شماشة اتمسكو من الشوارع .. وجابو لينا موثيق لحقوق الانسان .. وتجنيد الاطفال .. إلخ والغريبة نفس الملف اتفبرك وجابو واحد من ناس الحركات الدارفورية دي بي شكل تاني .. وما معروف الحاجات دي القاعد يستفيد منها منو وبياكل من وراها عيش منو .. فهمته الحتة دي ..؟ |
يا تمبس
مسالة ايرادي لي كلمة كيلو امكن مجاراه لي اسلوبك الحسيت من خلالو انو في استخفاف وتريقه باعتبار الكلام الاوردتو في مداخلتك الاولي,وبعدين انت كان ممكن تورد اللعلعه في سياغها الانا قلتو لكن انت جيت وقلت كلامي لعلعه ومعروف انو العلعه هي صوت الرصاص وانا ربطتها بالرصاص,وانت جيت قلت كلامي لعلعه اللما نستخدمها في وصف كلام بتدي معني تاني معروف اللي هو الكلام الخاوي ابقي ياتمبس انت البديت بي اسلوب بتاع استخفاف.
بعدين مسالة دارفور والحركه الشعبيه مرتبطه ارتباط وثيق لانو نفس الاسباب الادت للحرب في الجنوب هي نفسها الادت للحرب في دارفور,اللي هي مرتبطه بي ذهنية تفكير واستعلاء وقمع ودي قناعتي انا وما بطالبك تقتنع بيها,بس في نفس اللحظه ما بسمح ليك تقنعني بي حاجه انو انا ما مقتنع بيها بقي انا مقتنع بي ارتباط مشكلة دارفور بي مشكلة الجنوب ومشكلة الانقسنا وجبال النوبه.
انا فهمت نقطتك بتاعت صغار السن دي,وجيت شرحت ليك تحديدا انا قاصد بيها شنو ومسالة ادراج سن عبد الواحد ما ترف مني لكن بدخل في صميم نقطتي الحاولت اوصلها ليك انو مقاتلين وقيادات دارفور شباب وصغار سن,وما كان عندها اي علاقه بي الاطفال الاتمسكو في ام درمان.
اتمني انو اكون وصلت ليك فكرتي بي شكل هادئ
|
Post: #64
Title: Re: ياسر عرمان....ح تتجلد والشمس ضحى
Author: tmbis
Date: 12-28-2010, 09:52 AM
Parent: #60
Quote: يا تمبس
مسالة ايرادي لي كلمة كيلو امكن مجاراه لي اسلوبك الحسيت من خلالو انو في استخفاف وتريقه باعتبار الكلام الاوردتو في مداخلتك الاولي,وبعدين انت كان ممكن تورد اللعلعه في سياغها الانا قلتو لكن انت جيت وقلت كلامي لعلعه ومعروف انو العلعه هي صوت الرصاص وانا ربطتها بالرصاص,وانت جيت قلت كلامي لعلعه اللما نستخدمها في وصف كلام بتدي معني تاني معروف اللي هو الكلام الخاوي ابقي ياتمبس انت البديت بي اسلوب بتاع استخفاف. |
.. كلام جميل .. انا برضو حسيت بي كلامك بتاع الرصاص يلعلع في الخرطوم ترف ساااي .. وحسيت إنك زيك وزي اي واحدين هنا الضربت ليك بيهم مثال فوق ديل .. وياما فيهم من بشرنا بي أخبار عاجله عن انفجار وين كدا ما عارف .. ولو طرشق لستك بجو جاريين العميان شايل المكسر .. ويكتبو ليك عاجل جدا لستك انفجر في الثورة بالنص .. علشان كدا ما اكتر اللعلاعين باللسان في المكان دا .. وانا جاريتك في نفس (سياغ) اللعلعة .. بس اختلفت الوسيلة .. من اللسان لي الرصاص .. ولو كان جيت قلت لي إنك مقاتل فعلا .. كان عادي جدا بقوليك مرحبا يا مقاتل في صفوف الحركة الشعبية بس الله يرضى عليكم لعلعو لينا في منطقة محايده طالما انكم شريكين وكاتلين الجدادة وخامين بيضة .. لو عايز تفترض إني بديت بي اسلوب الاستخفاف بعد ما دخلت ليك (سياغ) الرصاص والكلام في مكانو .. يجب إنك ما تسقط لي مسالة اتهامك لي بي اني ضد الناس المهتمين بالشأن الدارفوري .. لانو الحتة دي بالذات فيها كلام كتير جدا .. ولو فهمته زي ما قلت ردي ليك فيما يتعلق بي قضية دارفور الدخلتها هنا في البوست دا وحاولت تدي ايحاء بي إني ضدك علشان بس جبت قضية دارفور .. حقو تراجع نفسك لانك فهمته ما عنيتو بالضبط لكن قلت اخير تستعمل التنميط ودي عملية ساهلة جدا .. طالما انو تمبس جا هنا معناته واقف قدامي لاني مهتم بالشأن الدارفوري .. | Quote: بعدين مسالة دارفور والحركه الشعبيه مرتبطه ارتباط وثيق لانو نفس الاسباب الادت للحرب في الجنوب هي نفسها الادت للحرب في دارفور,اللي هي مرتبطه بي ذهنية تفكير واستعلاء وقمع ودي قناعتي انا وما بطالبك تقتنع بيها,بس في نفس اللحظه ما بسمح ليك تقنعني بي حاجه انو انا ما مقتنع بيها بقي انا مقتنع بي ارتباط مشكلة دارفور بي مشكلة الجنوب ومشكلة الانقسنا وجبال النوبه. |
يا سيدي .. منو العايز يقنعك حسع دي .. بي قضية دارفور والا قضية الشرق واللا قضية الوسط واللا الشمال .. ؟ انا ما تحدثت عن قضية دارفور وارتباطه بالحركة الشعبية .. لانو المسالة دي ما شايله كتير .. انا اتكلمت عن حتة محددة في كلامك .. عن قضية الاطفال في الحركة .. يعني كلامك دا كلوووو ما بيعنيني في حاجة .. ولا محتاج توضح لي اهتمامك بالنزاعات المسلحة في السودان .. | Quote: انا فهمت نقطتك بتاعت صغار السن دي,وجيت شرحت ليك تحديدا انا قاصد بيها شنو ومسالة ادراج سن عبد الواحد ما ترف مني لكن بدخل في صميم نقطتي الحاولت اوصلها ليك انو مقاتلين وقيادات دارفور شباب وصغار سن,وما كان عندها اي علاقه بي الاطفال الاتمسكو في ام درمان. |
لو كان فهمت كلامي زي ما ادعيت انو مداركي ضيقة شوية كان وفرت علينا الكلام دا كلو .. وليك المداخلة بتاعتي الاولانية .. عشان تراجعة تاني
Quote: إنت يا فاروق عثمان شغال مقاتل في الحركة الشعبية .. واللا قاعد تلعلع ساي في المنبر .. ؟
علشان كلامك دا معناته إنت قائد ليك كتيبة كاملة من الجيش الشعبي ودافن ليك دبـابة في اي حديقة من حدائق حبيبي مفلس الفي الخرطم دي ومنتظر علشان تلعلعه في الخرطوم .. وليس الكرمك ولا كاودا ..
خلينا من تصريحات ياسر عرمان .. ومن تصريحات الشفيع وراق .. ممكن نعتبر دي تصريحاتك ؟ علشان الواحد يكون على بينه بس وما تختلط عليهو اللعاليع واللغاليغ ..
واحد من مقاتلي دارفور يقوليك ح نجي نقلع منكم بيوتكم الساكنين فيها ودكاكينكم ومحلات صاعودكم .. والتاني يقوليك ح نلعلعه ليكم في الخرطوم ابتداء من حديقة حبيبي مفلس .. |
كلامي كان محصور في حتة محددة .. لانو تشابه علي البقر .. إنت قلت بتاعين الحركة ح يعلعوها في قلب الخرطوم .. وواحد من مقاتلين دارفور قال ح نقلع منكم بيوتكم .. إلخ ..
وانا ربطت الكلام دا مع بعضيهو لانو بعتبرو كلام فارغ بالنسبة لي .. موضوع الشفع زي ما واضح ليك .. قصدت منو شنو ..
لذلك .
وعلشان افهم فكرتك .. ما تشبكني انشاء بتاعت مشكلة وين والعرقيات والحاجات دي .. انا ما بتلزمني لانو العارفو في المشكلتين ديل .. لي فيهو قناعتي الخاصة .. جدا ..
|
Post: #73
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 01:38 PM
Parent: #64
ياتمبس
في حته مهمه جدا اللي هي مسالة انو انا كلامي الانت قلت انو اتهمتك فيهو بي انك ضد دارفور,لو سلمنا بي فرضية منحاك
جاء بعد كلامك ومداخلتك الاولي الانا شفت انو فيها تريقه واستخفاف,بعدين انا سالتك قلت ليك مشكلتك شنو مع دارفور ما قلت ليك انت ضد او مع دارفور وناسها.
اما البجو داخلين لو ضرب لستك او خلافو ديل مشكلتهم هم ما اظن انا جيت قلت ضرب لستك انا اتصورت حاجه ممكن تحصل لانو يا تمبس الاستقطاب الحاد ولغة العنف والاقصاء ما بتولد الا عنف مضاد
وما تفتكر انو انا حا اتبسط لو الرصاص لعلع في الخرطوم,بالعكس حا اكون حزين لانو ناس كتار حايموتو وما عندهم ذنب في البحصل ده,عشان كده لما نحذر بنحاول ننبه الناس السايقه مسائل العنف دي انو تفكر بي منطق وعقلانيه.
ولو انت شايف الكلام ده ترف دي حاجه بتخصك برضو وانا ما عندي دخل بيها.
انا وضحت ليك حته النزاع المسلح لانك انت سالت عن علاقة الحركه الشعبيه بي دارفور شنو,ومن حقي اجاوب عليك طالما انت سالت,عشان كده وريتك العلاقه شنو.
بالنسبه للانشاء شايفك شايف كلامي انشاء,لكن ما وريتني كلامك شنو لو كلامي انا انشاء موش برضو ممكن كلامك اكون انشاء.
|
Post: #77
Title: Re: ياسر عرمان....ح تتجلد والشمس ضحى
Author: tmbis
Date: 12-28-2010, 02:49 PM
Parent: #73
يا فاروق ..
| Quote: في حته مهمه جدا اللي هي مسالة انو انا كلامي الانت قلت انو اتهمتك فيهو بي انك ضد دارفور,لو سلمنا بي فرضية منحاك |
ايوة ثبت لي الحتة دي علشان مبنيه عليها حاجات كتيرة جدا .. من كلامك دا
| Quote: بعدين انت مشكلتك شنو مع دارفور وهي اي زول بقول الحق وبتعاطف مع محنة اهلنا في دارفورمعناه من دارفور,انت يا تمبس مالك ما مجمع ولا شنو |
كيف مشكلتي شنو .؟ والكلام دا زاتو جبتو من وووين ..؟
وشنو اي زول دي ؟
عارف يا فاروق دي من ضمن الحاجات البتخلق للناس مشاكل يعني لو الواحد جا كتب كلام وما عجب ليهو زول بيشوفو ليهو اقرب حاجة يلصقوها ليهو ويصنفوها بيهو .. والنقاش في البورد دا عن المشاكل دي ولد حاجات كتيرة جدا وبي سببو انفصلو ناس وبي سببو اتحرقت شخصيات ناس .. شايفك مسكت في نفس الدرب من الأول .. وكان اسهل طريق إنك طوالي تلصق لي الديباجة .. ولو كان الكلام اقتصر عليك إنت بس .. بمعنى إنك شلت لي المسالة بتاعت (اي زول ) دي كان الوضع اختلف ..
يعني المسالة ما فرضية منحاي .. المسالة اتهام مباشر بي إني بقيف في وش اي زول بتكلم عن قضية دارفور .. في حين إنو عندي ناس محددين ح اقيف ليك في وشهم .. لي اعتبارات خاصة .. اللي هي نفس الاعتبارات المتعلقة بي قضية الشفع بتاعين الحركة الذكرتها إنت ..
يعني بي صورة أوضح لو قلت لي مشكلتك شنو مع دارفور كان وضحت ليك إنو ما عندي مشكلة .. لكن لو جيت كتبت لي كلام زي دا | Quote: اي زول بقول الحق وبتعاطف مع محنة اهلنا في دارفورمعناه من دارفور |
بتفرق المسالة كتير جدا معاي ومع اي زول بقرا الكلام دا وياتو فكرة مفترض تصل ليهو لو ما عندو اي خلفية عن تمبس دا .. طوالي ممكن في اي نقاش ما نفعت معاهو وجهة نظري عادي ممكن يقول ايوووة مش دا تمبس العندو مشكلة مع اي زول يكتب عن دارفور .. إلخ..
| Quote: اما البجو داخلين لو ضرب لستك او خلافو ديل مشكلتهم هم ما اظن انا جيت قلت ضرب لستك انا اتصورت حاجه ممكن تحصل لانو يا تمبس الاستقطاب الحاد ولغة العنف والاقصاء ما بتولد الا عنف مضاد |
.. والله الكلام الكتبتو عن انو بتاعين الحركة والجبخانة وشنو ما عارف .. انا بالنسبة لي برضو بشوفو نفس اللغة العنترية بتاعت ناس اللستك بنشر وارقعوهو .. وهي نفس لغة العنف وشكل الخطاب المستنكر من الشفيع دا من قبل الجميع .. ولما سالتك كنت عايز اتأكد هل إنت عسكري في الحركة الشعبية ..؟ لانو في واحدين هنا موصلين إنهم عساكر في الحركة الشعبية .. وقاعدين يرهبو في الناس كدا كوم واحد .. لو فرضنا عندهم مشكلة مع الكيزان دخل الناس التانيين شنو ؟؟ | Quote: وما تفتكر انو انا حا اتبسط لو الرصاص لعلع في الخرطوم, بالعكس حا اكون حزين لانو ناس كتار حايموتو وما عندهم ذنب في البحصل ده,عشان كده لما نحذر بنحاول ننبه الناس السايقه مسائل العنف دي انو تفكر بي منطق وعقلانيه. |
.. ماف اي زول عندو راس كدا بيحب لغة الحرب .. وأنا القدامك دا ما قاعد احبذه .. ومن خلال وجودنا هنا واستنادا لكتابات كتيرة جدا الواحد قدر يفرز نوعية الخطاب بتاع اللستك .. من سنوات طويلة .. جدا .. وشفنا هنا دا مناظر عجيبة جدا .. وكلامك دا لو كان حسيت فوقو بي إنك حمامة سلام والله كان ولا اشتغلت بيك .. لكن استفزاني .. وطلعت إنت لا في الحركة ولا اي حاجة .. وكنت اتمنى انك تكون مقاتل .. لانو في ناس قبل كدا ابرياء لما ماتت قالو دا وضع طبيعي ولازم يموتو .. | Quote: انا وضحت ليك حته النزاع المسلح لانك انت سالت عن علاقة الحركه الشعبيه بي دارفور شنو,ومن حقي اجاوب عليك طالما انت سالت,عشان كده وريتك العلاقه شنو.بالنسبه للانشاء شايفك شايف كلامي انشاء,لكن ما وريتني كلامك شنو لو كلامي انا انشاء موش برضو ممكن كلامك اكون انشاء. |
.. انا ما طلبت منك طبعا توريني حقيقة الصراع .. لاني عارف الفرق بين الحركة الشعبية وبين دارفور .. إنت بتنطلق من حتة محددة وانا من حتة تانية .. علشان كدا كلامك دا بالنسبة لي انشاء .. ومن حقك تعتبر كلامي انشاء برضو .. لكن ما من حقك توزع الاتهام لي زول سالك مجرد سؤال وما عجبتو طريقة طرحك الشاف فيها نوع من العنترية وفرد العضلات .. والتهديد ..
سؤالي كان محدد .. إنت مقاتل في الحركة الشعبية .. انا ما قلت ليك وريني المشكلة شنو .. الانشاء دي جات بعد موضوع لف نص الكيلو.
|
Post: #95
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 10:49 PM
Parent: #77
تمبس ياعزيزي
كويس انو النقاش بقي حته حته,وزي ما قلت ليك انا اطلاقاً ما نعتك بي انك ضد ناس دارفور بس كان سؤالي محدد انو اي زول بتعاطف مع دارفور
ومشاكلها معناه هو من دارفور لانو انا افتكرت انك لما انت قلت اي واحد يجي يقول بنقلع محلات سعوطكم والكلام ده افتكرت بتشير لي انا عشان كده جاء كلامي كمبرر ليي كلامك في شكل تساؤل بي انو اي زول بتعاطف مع مشكلة دارفور هل بالضروره انو يكون منها.
وسؤالي لي كان انت مشكلتك شنو مع دارفور يعني ما قلت ليك انت ضد اي زول بتبني قضايا عادله لي انسان دارفور,وكان بي بساطه ممكن تجي تقول لي انو في ناس بستغلو ازمة دارفور او في ناس بضخمو الاشياء بي لامعقوليه وبرضو كان ممكن اتفهم كلامك ده.بعدين في حاجه مهمه ما حصل حاولت اغتال شخصية زول ولا بعرف اشتم او انبذ او اتريق اطلاقاً وحتي لو اطريت لي الشئ ده بمارس نقد ذات لي نفسي وبكون في مبرر قوي خلاني اخرج عن اطار محدد راسمو لي شكل اختلافاتي بعيد عن اي هتر
او ترصد او اغتيال شخصيه,اي امكن اكون انضميت جديد بس متابع من زمن طويل جدا لي البورد وعارف كتير من الاشياء الما جميله البتحدث هنا ومستنكرها,
اما كلامي بتاع الجبخانه وتلعلع كان في اطاري تحذيري من انو لغة العنف والضرب والجلد ما بتولد الا لغه مضاده اكثر عنفاً,وده القصدت اوصلو للشفيع,وانت جيت فسرتو بي انو لغة عنف,وامكن برضو فيه اشاره مبطنه للشفيع انو حتي العنف اللفظي ما بولد الا عنف لفظي مضاد.
بي نفس منطقك بتاع الاستفزاز الشعرت بيه من خلال كلامي,انت برضو جيت بي لغه انا شفت فيها استفزاز,لما انت جيت قلت لي كمل لعلعتك واوردت عبارات بتاعت دبابتك وحبيبي مفلس وكلام انا شفت فيه نوع من الاستفزاز,امكن كانت ردة فعلي عباره
الف ليك منو كيلو.
انا ما مقاتل في الحركه ولا في اي من الحركات وعندي تحفظاتي علي الحركه والحركات في دارفور,مع ايماني بي قضاياها,وانا عشت في دارفور وشفت ما شفت من ماسي لي انسانها عشان كده بكتب بي حرقه لانو الشاف ما زي السمع,وما شرط اي زول
شايف انو في قضيه بتهمو ممكن يعبر عنها بي حمل السلاح.
|
Post: #103
Title: Re: ياسر عرمان....ح تتجلد والشمس ضحى
Author: tmbis
Date: 12-29-2010, 10:06 AM
Parent: #95
Quote: تمبس ياعزيزي
كويس انو النقاش بقي حته حته,وزي ما قلت ليك انا اطلاقاً ما نعتك بي انك ضد ناس دارفور بس كان سؤالي محدد انو اي زول بتعاطف مع دارفور ومشاكلها معناه هو من دارفور لانو انا افتكرت انك لما انت قلت اي واحد يجي يقول بنقلع محلات سعوطكم والكلام ده افتكرت بتشير لي انا عشان كده جاء كلامي كمبرر ليي كلامك في شكل تساؤل بي انو اي زول بتعاطف مع مشكلة دارفور هل بالضروره انو يكون منها.
|
يا عزيزي يا فاروق ..
يبدو اننا ح نلف في حتة واحدة .. انا بتكلم عن كلام قلتو إنت لي .. وإنت بتقاتل علشان تنفيهو مع انو واضح قدامك .. | Quote: بعدين انت مشكلتك شنو مع دارفور وهي اي زول بقول الحق وبتعاطف مع محنة اهلنا في دارفورمعناه من دارفور,انت يا تمبس مالك ما مجمع ولا شنو |
طيب خليني اقدم الحاجة الكويسة واعتقد إنك رديت بالطريقة المناسبة فيما يتعلق بي دارفور والتعاطف معاها ..
وريني الحق وين في زول يجي يقوليك ح نقلع منكم بيوتكم ومحلات صاعوطكم .. وإلخ .. علماً إنو اللغة بتاعت القلع دي والارهاب اللفظي دا دي كانت اللغة السايدة هنا في المكان دا .. من مقاتلي دارفور حتى بعض المنسبين للقبايل الدارفورية .. وحتى استعملت ضد بعض ابناء دارفور بكل ما فيها من عنف .. فقط للاختلاف في وجهة النظر .. والخطاب دا كان موجه من فئة محددة في أعوام خلت إلا أن الوقوف في وجه مثل الخطاب المتطرف دا .. ولعلعتهم هنا دا .. اتى اكله .. ولغة العنف بتقابل بالعنف أو كما قلت .. | Quote: والكلام ده افتكرت بتشير لي انا عشان كده جاء كلامي كمبرر |
خلاص إذن راجع مدارك فهمك إنت كمان .
اما مسالة التعاطف مع المشكلة من جانبي .. فقدتو من فترة طويلة جدا في المنبر دا كما فقده البعض من خلال كتاباتهم .. وذلك للحالة التي وصلوا لها من جراء الكتابات الرعناء التي ملت هذا المكان من بعض المتسلقين في قضية دارفور .. وبعض الاكاذيب التي يفترض فينا مروجيها ضعف العقل .. والغباء .. لذلك اصبحت هناك بعض الكتابات التعامل معها بالعنف الذي ذكرته ودا مبرر كافي جدا بالنسبة لي شخصي وأنا اعبر عن نفسي تماما .. | Quote: وكان بي بساطه ممكن تجي تقول لي انو في ناس بستغلو ازمة دارفور او في ناس بضخمو الاشياء بي لامعقوليه وبرضو كان ممكن اتفهم كلامك ده |
والله طالما إنك جيت سودانيزاونلاين دي .. وطالما عرفت بي موقع اسمو سودانيزاونلاين دي .. اكيد بتعرف إنو الموقع دا مهتم بالشأن السوداني .. ومشكلة دارفور دي حصل ما حصل فيها هنا دا وطالما إنك مهتم بالشان السياسي .. سوأ جنوبا أو شمالا أو في الانقسنا أو اي مكان زي ما كتبت لي كان اكيد بتعرف الحاصل شنو هنا دا عن مشكلة دارفور ولا بتكون محتاج إني اجي اشرح ليك .. وطالما إنت متابع من زمن طويل .. فقطعا إنت سيد العارفين بالشخوص هنا ومواقفم شنو .. | Quote: بعدين في حاجه مهمه ما حصل حاولت اغتال شخصية زول ولا بعرف اشتم او انبذ او اتريق اطلاقاً وحتي لو اطريت لي الشئ ده بمارس نقد ذات لي نفسي وبكون في مبرر قوي خلاني اخرج عن اطار محدد راسمو لي شكل اختلافاتي بعيد عن اي هتر |
ربنا يقويك على المسالة دي يا فاروق في موقع سودانيزاونلاين .. لكن زي ما قلت إنك جديد .. حاول جرب تجربة إنك تكتب عكس اتجاه التيار كمحاولة .. وشوف البحصل ليك شنو .. ودا تماما الشي الحصل لي انا ولي ناس كتار جدا .. انا ما بعرفك ولا بعرف شخصيتك .. وأول مرة والله اقرا ليك في البوست دا .. واشكرك إنك اديتني نبذة عن سلوكياتك العامة وخط سيرك .. وح اخت في الاعتبار الكلام دا المرة الجاية واحاول بقدر الامكان إني التزم تجاه ما ذكرتو .. | Quote: ,وانت جيت فسرتو بي انو لغة عنف,وامكن برضو فيه اشاره مبطنه للشفيع انو حتي العنف اللفظي ما بولد الا عنف لفظي مضاد. |
.. وهو ما وصل من لغة في خطابك ووجب التعامل معها بعنف . كما هو الحال من بعضهم هنا .. Quote: بي نفس منطقك بتاع الاستفزاز الشعرت بيه من خلال كلامي,انت برضو جيت بي لغه انا شفت فيها استفزاز,لما انت جيت قلت لي كمل لعلعتك واوردت عبارات بتاعت دبابتك وحبيبي مفلس وكلام انا شفت فيه نوع من الاستفزاز,امكن كانت ردة فعلي عباره
الف ليك منو كيلو. |
متفقين مية المية .. يعني لو استفزيتك تاني ممكن تلف لي كيلو ..؟ نحن هنا يا سيدي استفزونا وعايزين يقلعو بيوتنا .. والحاجة العجيبة الواحد لما يجيو يستفزوهو ما بيكلموهو .. بس بستفزوهو وفي كومبارسات بيجو يقولو امسكو الشهيد دا .. علشان ما قاعد يقيف ضد ثوار دارفور .. وضد اي زول بتعاطف مع دارفور .. Quote: انا ما مقاتل في الحركه ولا في اي من الحركات وعندي تحفظاتي علي الحركه والحركات في دارفور,مع ايماني بي قضاياها,وانا عشت في دارفور وشفت ما شفت من ماسي لي انسانها عشان كده بكتب بي حرقه لانو الشاف ما زي السمع,وما شرط اي زول
شايف انو في قضيه بتهمو ممكن يعبر عنها بي حمل السلاح. |
دا كلام جميل .. والسطر الأخير بتاع حمل السلاح دا واللعلعة بتاعت الجبخانة هي الجابتني ليك ..
يا سيدي الفاضل نحن عايشنا فترة من الفترات كان الجلاد فيها بعض من ابناء دارفور .. وضقنا فيها الويل .. والبعض هذا حاليا .. يدعون الظلم .. بعد أن فقدوا ما فقدوا .. خاصة وإن هذا البعض ليست لهم حتى علاقة تعايش مع اهلهم في دارفور كما اشرت ..
|
Post: #23
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 06:58 AM
Parent: #16
بعدين يا الشفيع وقبل ما تحرم وتدق ياسر عرمان كونه يحمل فكر ذو علاقة بدولة اخري...
اعمل فلترة واسقط كل التاثير الفكري والفلسفي الاتي من فكر سيد قطب وحسن البنا والعابر الحدود الشمالية من مصر وفكر الاخوان
وفيعلن علي عثمان ونافع وكل عتاة تنظيم الموتمر الوطني كفرهم وركلهم لهذه الافكار التي تربو عليها في كراكير الحركة الاسلامية ومنذ حضورها في اربعينات القرن الماضي..؟؟
شنو حلال عليكم وحرام علي غيركم ولاشنو..؟؟؟
وحتي الفهم العروبي والاسلامي والدين الاسلامي زااااتو اتي من خارج الحدود الجغرافية السودانية الحالية ده لو جرينا معاك شريط في الافكار الواردة فانكم حتطلعو ملووووووص يا زول وتقعدوا في السهلة...
جيبو لينا دين سوداني مية مية
جيبو لينا فكر سوداني مية المية
جيبو لينا مسيحية سودانية مية مية
لو دفرنا لقدام يا الشفيع يا اخوي حتقعد في السهلة وجيبو لينا حجار وثينة وديانات افريقية قديمة وخلونا نتعبد
وساعتها انا ح اجي ادق معاك ياسر عرمان دق القدو قدو
|
Post: #25
Title: Re: ياسر عرمان....ح تتجلد والشمس ضحى
Author: حبيب نورة
Date: 12-28-2010, 07:08 AM
Parent: #23
.
|
Post: #26
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 07:13 AM
Parent: #25
|
Post: #27
Title: Re: ياسر عرمان....ح تتجلد والشمس ضحى
Author: مني التجاني
Date: 12-28-2010, 07:15 AM
Parent: #23
[red]حركة القوى الجديدة الديمقراطية (حق)
• ندين بأقوى العبارات الاعتداء الوحشي لأجهزة النظام الأمنية على حزب الأمة
• الاعتداء رسالة واضحة لكل القوى السياسية وندعو لوقفة صلبة لكسر الهجمة الشرسة
ظللنا فى حركة القوى الجديدة الديمقراطية غير مرة نقول إن نظام الإنقاذ قد وصل إلى منتهى حضيضه السياسي والفكري والأخلاقي، وأنه حال اختيار شعب الجنوب المؤكد للانفصال بعد أن دفعهم دفعا إلى ذلك، سيشن حملة عنيفة يستخدم فيها أعلى درجات القمع والإرهاب في محاولة لتغطية تفريطه الوطني الماحق. وظللنا ندعو القوى الوطنية لتجاوز التحديق السلبي فى الازمة، والتحرك لاستلام زمام المبادرة والإرتقاء لمستوى الأخطار والتحديات المحدقة بالوطن وبوجودها هي ذاتها.
لقد بدأت تلك الحملة مباشرة بعد الانتخابات المزورة الأخيرة بطلاب الدلنج، مرورا باعتقالات الصحفيين وإغلاق الصحف، ثم إشهار تنفيذ العقوبات المذلة والحاطة من الكرامة البشرية، ثم التهديدات الهوجاء بتطبيق الشريعة، كأنما كانت غير مطبقة، وكأنها سيف عذاب مسلط على الشعب، وصولا إلى التصريحات غير المسئولة برفض التعدد الديني والثقافي في السودان، في مغالطة صريحة لمعطيات الواقع السوداني الذي لن يزول تنوعه بانفصال الجنوب، بل إن انفصال الجنوب سيعزز من دواعي التشظي والتفتت والانشطار.
هذه الهجمة الشرسه التى تقوم بها الأجهزة الامنية للنظام تجاه القوى والاحزاب السياسية هي تعبير واضح عن النهايات المغلقة التى وصل إليها النظام وعن الهزيمة الساحقة لمشروعه بانفصال الجنوب، بحيث لم يعد لديه الآن سوى القمع الوحشي والإرهاب الأعمي سببا للبقاء في السلطة. إننا لايمكن أن نفهم ما قامت به الاجهزة الامنية صبيحة الامس من قمع و إستهداف و إنتهاك للحقوق المدنية والسياسية للتجمع السلمى لمنتسبى حزب الامه إلا فى إطار ما ذهبنا إليه من تحليل لحال النظام البائس.
لقد تزامن إعتداء الاجهزة الامنية على التجمع السلمى لمنتسبي حزب الامة في دار حزبهم، مع قيام قوات الشرطة والأمن بحماية مسيرة لبعض التيارات الاصولية التى تنادى بتطبيق الشريعه وطرد الحركة الشعبية من الشمال، فى إزدواجية معايير فاضحة تشي بعمق الازمة التى يعانى منها النظام الذى بات يستخدم التيارات الاصولية لإرسال رسائل مبطنة للاحزاب السياسية المعارضة.نحن فى حركة القوى الجديدة الديمقراطية ندين بشدة أى محاولة للارتداد عن هامش الحريات المدنية السياسية الضيق الذي سمحت به اتفاقية السلام الشامل وضمن في الدستور، كما ندين بشكل واضح هذا الاعتداء الوحشي الذى قامت به الاجهزة الامنية ضد التجمع السلمى لمنتسبى حزب الامة، وندعو مسجل الاحزاب السياسية للقيام بواجبه تجاه حماية الاحزاب السياسية المسجلة من قمع الاجهز الامنية، كما نحذر النظام من مغبة إستخدام التيارات الاصولية لتصفية الحسابات السياسية، وندعو كافة القوى السياسية للتكاتف لاتخاذ موقف موحد وعملى للوقوف فى وجه هذه الهجمة الرعناء الشرسة وإيقافها عند حدها وكسرها، حتى لا يؤكل كل منها كما أكل الثور الأبيض.
المكتب التنفيذى
حركة القوى الجديدة الديمقراطية (حق)
الخرطوم 25 ديسمبر 2010
|
Post: #28
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 07:17 AM
Parent: #16
| Quote: الراجل قال بالواضح انو مقاتلي الحركه الشعبيه من ابناء النوبه والانقسنا يمشو بي غادي لي خط 1956 |
بعد الانفصال يا فاروق لن يكون هناك (شيء) اسمه الحركة الشعبية في الشمال
بعد المشورة الشعبية سيتم دمجهم في الجيش السوداني، لانهم شماليين
وزي ما قلت ليك، كل مشاكل النوبة ستحل بالمشورة الشعبية
جبال النوبة والنيل الازرق جزء أصيل من السودان الشمالي، يعني زي الجزيرة والشمالية
والحكومة ما عندها مشاكل لا مع عقار ولا الحلو
ياسر عرمان بعد ان لفظته الحركة الشعبية، بقى يتلصق بي هناك عسى ولعل يجد موضع قدم، ولن يكون
|
Post: #30
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 07:22 AM
Parent: #28
يا كيكي
من حق عرمان يكون أي حزب وبأي أفكار
بس باسم الحركة الشعبية،NO
وزي ما قلت انا ده ما موضوعي
موضوعي:
|
Post: #32
Title: Re: ياسر عرمان....ح تتجلد والشمس ضحى
Author: nazar hussien
Date: 12-28-2010, 07:27 AM
Parent: #30
Quote: من حق عرمان يكون أي حزب وبأي أفكار
بس باسم الحركة الشعبية،NO
|
هههههههههههههههههههههه
دا اسمو كلام يا راقل...
قول سماه الحركة الما شعبية...تفرق شنو يعني
|
Post: #34
Title: Re: ياسر عرمان....ح تتجلد والشمس ضحى
Author: nazar hussien
Date: 12-28-2010, 07:29 AM
Parent: #32
أو سماه:
الحركة في شكل وردة شعبية...
مسجل الاحزاب حا يقول ليه لا
|
Post: #35
Title: Re: ياسر عرمان....ح تتجلد والشمس ضحى
Author: على محمد على بشير
Date: 12-28-2010, 07:30 AM
Parent: #30
تصريحات غير موفقه
ويبدو انه لم يدرس حديثه جيدا قبل التصريح به
او هى رساله مبكره جدا للمؤتمرجيه
|
Post: #36
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 07:33 AM
Parent: #30
Quote: من حق عرمان يكون أي حزب وبأي أفكار
بس باسم الحركة الشعبية،NO
|
هلا يا الشفيع
وليه ياخي حركة شعبية (نووو)
طيب ياخي انت ماعندك الاتي وكلو احزاب ناشطة في دول اخري
1- الاخوان المسلمين جناح (دكتور الحبر)... فهل ديل نووووووو
2- الحزب الناصري بتاع ناس ساطع... فهل ده نووووو
3- الحزب الشيوعي السوداني... وده ما (نووو جااااهزة ومقنطرة ليكم بحكم التكجين بتاعك ليهم) لييييييه ما نوووووو
4- انصار السنة المحمدية... (اها ده لو صحي رجال وبتاعين دق جربو قوولو نووووووو... عشان نشوف ايش لون الدولة السعودية حتدير الامور معاكم)
5- اللجان الثورية بتاعة القذافي برضووو نو جاهزة وخاصة بعد حكاية حركات القذافي الاخيرة بتاع موتمر طرابلس وده (نووووو مقنطرة يا الشفيع عيبها لي)
6- الترابي زاااتو (نووو كبير) وعلي عثمان عراب الموتمر الوطني نوووو كبير .. والموتمر الوطني في روحو بما فيهم الكاروري والصافي جعفر وكل الفلاسفة والعرابين بتاع مشروع الحركة اللاسلامية السودانية (نوووووو كبير واشفطو لينا من دماغهم ده بواقي نقة سيد قطب وحسن البنا)
7- في حركات بتاعة تصوف كده برضو انا عندي ما يفيد بانها قادة سلك الحدود وجاية من برررررره ..
يا زول السودان في كل محيطه الاقليمي شمالا وشرقا وغربا فيهو احزاب جاية من برررررره اش معني عاوز تفرمل حزب ذو ارتباط بالجنوب الذي هو عمق سوداني حقيقي واصيل..
- ياسر عرمان من حقو يهدد ومن حقو يضرب جبخانة زاتو لانك عاوز تحرمو من حق الاساسي كمواطن وبازدواجية معايير واضحة وده استهبال يا الشفيع من الموتمر الوطني ولعب علي الدقون...
ولو معترض علي اسم الحركة الشعبية
فرمل الاخوان المسلمين
فرمل الشيوعي
فرمل الناصري
فرمل كل هذه الاسماء لو بتقدر...
-----------
|
Post: #41
Title: Re: ياسر عرمان....ح تتجلد والشمس ضحى
Author: دينا خالد
Date: 12-28-2010, 07:55 AM
Parent: #30
Quote: سيتم دمجهم في الجيش السوداني، لانهم شماليين
وزي ما قلت ليك، كل مشاكل النوبة ستحل بالمشورة الشعبية
|
قلتو نوبة ؟؟ لوووووووب
حمدللللللللللله سلامة
بعد شوية ما تصموهم بنعوت عنصرية لو استمريتو كدا دى ذاتها سلامه ..
بعدين قصة سيتم دمجهم دى واسعه شوية !!
ناس شايلين سلاح قدر دا تقول ليهم سيتم دمجهم ؟؟
ياخ على الاقل خلى الصيغه فيها مشاركة منهم بالقرار بتاع الدمج دا
من الواضح انه ح يكون
Considerable damage
ـــــــــــــــــــــــ
| Quote: ياسر عرمان بعد ان لفظته الحركة الشعبية، |
عشان نمشى فى نقاش مفيد يا وراق حقو تحدد
الحركة لفظتو ،، ولا ماح تسمحوا لى بالعمل
لانو دى حركة بتحكم دولة تانية ؟؟
|
Post: #31
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 07:26 AM
Parent: #28
| Quote: سلكه من قبل ووصل هو و زعيمه والثوار عن هذا الطريق الى القصر الجمهورى .. |
انت متخلبطة يا دينا يا اختنا
الطريق نعم سلكته الحركة الشعبية، ولم يسلكه عرمان
عرمان ده كان (تكملة جرتق) ساي
تم استغلاله ورمي كما ترمى الزبالة
|
Post: #40
Title: Re: ياسر عرمان....ح تتجلد والشمس ضحى
Author: فايزودالقاضي
Date: 12-28-2010, 07:53 AM
Parent: #28
الشفيع ....سلام ..
Quote: بعد الانفصال يا فاروق لن يكون هناك (شيء) اسمه الحركة الشعبية في الشمال
بعد المشورة الشعبية سيتم دمجهم في الجيش السوداني، |
اذا لم يسمح للحركة الشعبية بممارسة نشاطها كحركة تابعة لدولة اخرى فهل هناك مايمنع من قيام حزب جديد بهذا الاسم في الشمال ؟!!!
اخوى الشفيع ايامكم قربت ويقيني بذلك كيقيني بوجود الله سبحانه وتعالى الذى ينزع الملك ممن يشاء ويذل من يشاء وإني لاراه قريباً فيكم ..انتو قايلين ربنا ده ظالم كمان ؟!!!!
ثم تحياتي ..
|
Post: #37
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 07:36 AM
Parent: #33
يا الشفيع
البمنع شنو تكون في حركه شعبيه ما انا سالتك من الاخوان المسلمين وحزب البعث والحزب الشيوعي وحزب التحرير
لو المساله مسألة امتدادات خارجيه. وانت ما جاوبت وزغت من السؤال؟؟؟
الشئ التاني المهم المشوره الشعبيه دي زاتها مربط الفرس لانو واضح تماما انو رؤية ناس عقار والحلو مختلفه تماما عن رؤية المؤتمر الوطني
ليها وده حا يؤدي الي مشكله كبيره جدا ستضح ملامحها بعد انفصال الجنوب,وتبني ناسك لي عروبية واسلامية الدوله الجديده دون النظر لي واقع الاختلاف الماثل.
|
Post: #42
Title: Re: ياسر عرمان....ح تتجلد والشمس ضحى
Author: حبيب نورة
Date: 12-28-2010, 08:00 AM
Parent: #37
| Quote: بعد الانفصال يا فاروق لن يكون هناك (شيء) اسمه الحركة الشعبية في الشمال |
يا ( علي قول أدروب )
يكون الله بطّل كل حاجة وأداكم تفويض إلهي بالتصرّف في حقوق العباد ؟
السؤال موجّه لربنا
|
Post: #43
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 08:04 AM
Parent: #37
| Quote: ياسر عرمان بعد ان لفظته الحركة الشعبية، |
ياسر عرمان وحتي يومنا هذا هو نائب الامين العام للحركة الشعبية
لفظته دي..عاوزة ليها اثبات مادي محسوس وملموس ومعلن(بيان رسمي وشعبي)
او حتي لو عندك بيان سري في شكل ويكليكس برضو نحن كشعب فضل ممكن نقبلها منك..
ولكن اطلاق قول كهذا علي الهواء الطلق ليس هو الا مجرد ارجاف وامنيات سراب بقيعية
وما بتفيد الحوار والنقاش والمنطق ..
|
Post: #46
Title: Re: ياسر عرمان....ح تتجلد والشمس ضحى
Author: عاطف مكاوى
Date: 12-28-2010, 08:12 AM
Parent: #43
العزيز الشفيع
تحية طيبة
قطاع الشمال سيمارس سياسة في الشمال مامن ذلك شك .............
علنية اذا كان الآخرون علنيون .... وسرية اذا مارس الآخرين العمل السرى
هذا مفروغ عنه ........... ولا يحتاج لدروس عصر..... ولكن :
* كنت أتوقع منك (أنت شخصيا) أدانة مسببة (لخطاب البشير بالقضارف).... فلماذا لم تفعل؟
|
Post: #44
Title: Re: ياسر عرمان....ح تتجلد والشمس ضحى
Author: tmbis
Date: 12-28-2010, 08:05 AM
Parent: #37
ايها المتناقشون في هذا الصباح البهي ..
أرجو إنو تواصلو نقاشاتكم .. وتدوني فرقــة صغيرة مع فاروق عثمان دا .. وربما لاحقـا المقاتلة دينا خالد .. بعد وقبل الدمج ..
عشان ما يجي واحد يقولي والله يا تمبس مما جابو موضوع دارفور في البوست دا عايز تخرب علينا البوست وتدمجـو بالكيلو ..
يبدو أن الربع الجديد دا .. ح يشهد لعلعات كتيرة جدا .. خاصة من ناحية المقاتلين من الجيهتين ..
|
Post: #45
Title: Re: ياسر عرمان....ح تتجلد والشمس ضحى
Author: Faisal Elrasheed
Date: 12-28-2010, 08:08 AM
Parent: #37
| Quote: لانو واضح تماما انو رؤية ناس عقار والحلو مختلفه تماما عن رؤية المؤتمر الوطني |
يا فاروق كدي بالراحه كده تعال اشرح لينا وجهة نظر عقار والحلو في الموضوع بتاع المشوره الشعبيه ده..
واختلاف وجهت نظرهم عن المؤتمر الوطني في شنو تحديدا ..ووين
ــــــــــــــــــــــــــــــــــ
* المايك معاك الزميل تمبس (عدو قضية دارفور بالبورض) 
فاروق بالله حركنا سريع ورانا مشاوير ...
|
Post: #48
Title: Re: ياسر عرمان....ح تتجلد والشمس ضحى
Author: محمد عبدالرحمن
Date: 12-28-2010, 08:18 AM
Parent: #45
الكيزان اخذتهم العزة بالاثم ..وشغلتهم كلها بقت (بندقوا)
و(بنطقطوا)..وهكذا دواليك...تقول الطرفة انو نافع جوهو كيزان
مخلوعين وعيونهم (منططة) قالوا ليهو الحق يانافع القيامة عايزة
تقوم ..قاليهم : حانتصدى ليها والراجل الاقدر يرفع قرنو ..
هو بالجد قيامة السودان عايزة تقوم ..وناس الشفيع يكلمونا عن الجلد
والشمس ضحى ..جلد شنو ياالشفيع ياخوى البتخوف بيهو الناس ...
|
Post: #50
Title: Re: ياسر عرمان....ح تتجلد والشمس ضحى
Author: عبد اللطيف السيدح
Date: 12-28-2010, 08:24 AM
Parent: #45
| Quote: سلكه من قبل ووصل هو و زعيمه والثوار عن هذا الطريق الى القصر الجمهورى .. |
لا يا دينا بت خالد
الخرطوم جاها داخل بعد عشرين عاماً من التشرد
بعدين عرمان ده جوبا ما قدر يدخلا ناهيك عن الخرطوم
ياسر جاء الي الخرطوم بعد نيفاشا ولولاها لكان صائعاً حتي الان
الشفيع
اسقي سوطك قطران وجهز البسطونا
وايدك والبركة
|
Post: #52
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 08:26 AM
Parent: #45
Quote: كل الجانا من مصر و العراق و سوريا احزاب سياسية و افكار للاحزاب السياسية دي ...ما حركات مسلحة ...
اما الحزب الاتحادي فهو واجه سياسية للطائفة الختمية و هي طائفة سودانية اصلية و ما هو موجود في مصر و ارتريا فروع لها ...
و كذا حزب الامة ...نشأمن فكرة و نضال سوداني...... |
سلام يا مدثر..
يعني الافكار السياسية (اووكي) والحركات المسلحة نووووو.؟؟
1-طيب انا في راي انو (الموتمر الوطني) زااااتو في روحو حركة مسلحة ومافي فرق بينو وبين العدل والمساواة وعبد الواحد
وهي بس حركة مسلحة ومستفيدة من موارد البلد دي كلها (وطالما عندها الجناح العسكري الدفاع الشعبي +تسخير الجيش السوداني والسيطرة عليه) فهي حركة مسلحة بالتاكيد.... وحتي حضورها زاااتو للسلطة اتي عبر السلاح (الجناح العسكري للجبهة الاسلامية)..
فعليه المحك يا مدثر ليس مسلح وما مسلح لانو كلو مسلح وكلو عندو دوشكا وقرنوق بما في ذلك الحكومة(اكبر حركة مسلحة في السودان)
2-الاتحاد الديمقراطي نعم هو واجهة سياسية للطائفة الختمية ولاجدال ولكن بنظرة اولي لحتي مسمي الحزب ستجد (الاتحادي) وهو اتحاد مع مصر وقد يكون الحزب تطور في افكاره وصارت هذه الجزئية ليس مطروحة بقوي في الحراك السياسي ولكن الشاهد بان الحزب في يوم من الايام نادي بالوحدة مع دولة مصر (وهذا طبعا حق اصيل طالما يومنون به ويعملون بالمناداة بذلك في ظل نظام ديمقراطي)...
|
Post: #57
Title: Re: ياسر عرمان....ح تتجلد والشمس ضحى
Author: عارف الركابي
Date: 12-28-2010, 08:49 AM
Parent: #52
| Quote: اما الحزب الاتحادي فهو واجه سياسية للطائفة الختمية و هي طائفة سودانية اصلية |
| Quote: 2-الاتحاد الديمقراطي نعم هو واجهة سياسية للطائفة الختمية ولاجدال ولكن بنظرة اولي لحتي مسمي الحزب ستجد (الاتحادي) وهو اتحاد مع مصر وقد يكون الحزب تطور في افكاره وصارت هذه الجزئية ليس مطروحة بقوي في الحراك السياسي ولكن الشاهد بان الحزب في يوم من الايام نادي بالوحدة مع دولة مصر (وهذا طبعا حق اصيل طالما يومنون به ويعملون بالمناداة بذلك في ظل نظام ديمقراطي)... |
الأخوين مدثر وعبد الكريم ، تحية طيبة.
فقط أردت تصحيح أمر تاريخي ، فالختمية قدم مؤسسها من الحجاز، بعد أن أرسله شيخه ، كما هو مدون في تاريخ هذه الطائفة.
|
Post: #53
Title: Re: ياسر عرمان....ح تتجلد والشمس ضحى
Author: طارق ميرغني
Date: 12-28-2010, 08:28 AM
Parent: #45
ياسر عرمان....ح تتجلد والشمس ضحى
اخي وراق
حتي الان لم تحدثنا عن عملية الجلد هذه ؟ يعني لم وكيف واين ومتي ولماذا؟؟؟
وهل هو اصرار علي ممارسة هذه العملية؟؟
|
Post: #54
Title: Re: ياسر عرمان....ح تتجلد والشمس ضحى
Author: Barakat Alsharif
Date: 12-28-2010, 08:28 AM
Parent: #45
المعاملة يجب ان تكون بالمثل
الجنوب قال انه سيكون دولة ديمقراطية حرة فيها الراي والرأي الآخر
يعني من الممكن جدا - نظريا على الأقل - تكوين حزب اسلامي أسمه المؤتمر الوطني قطاع الجنوب
وبعدها نشوف
طلعوا الجماعة على قدر كلامهم ديمقراطيين وحرية راي وتسامح ..الخ ....نحاول نكون احسن منهم...ومرحبا بالف ياسر عرمان
طلع كلامهم تنظير ...حتى ذلك الحين سيكون لكل فولة كيال
ومعه من غير المستحب إصدار احكاما مسبقة
لكن يبدو من ظاهر الأمور أن الفول الذي سينتظر الكيال سيكون بالشواويل
|
Post: #55
Title: Re: ياسر عرمان....ح تتجلد والشمس ضحى
Author: فاروق عثمان
Date: 12-28-2010, 08:31 AM
Parent: #45
يا فيصل رؤية المؤتمر الوطني واضحه جدا في الراي الطرحو الشفيع ده فوق ممكن تراجعو
ورؤية النوبه والانقسنا برضو واضحه وممكن تشوفها في خطاب ابناء جبال النوبه بالمنبر يعني المساله ما قاسيه شديد
ولو شوية راجعت تصريحات منسوبه لي عقار قبل فتره هدد بي انضمامو لي اثيوبيا,وتصريحات ومطالبة ابناء جبال النوبه بحق تقرير المصير
ده بياكد ليك تماما ان الرؤيتين مختلفات وعلي طرفي نقيض.
بعدين ممكن تربط الكلام ده بي تصريح الرئيس بقيام دوله عربيه اسلاميه مافيها اي مساحه لي تعدد او تنوع ثقافي او عرقي او ديني مع العلم ان كثير من اهل الانقسنا
يدينو بديانات محليه ويتكلمو لغاتهم المحليه.
بعد ده كلو ما اظن يكون في تقارب في الرؤيتين.
|
Post: #49
Title: Re: ياسر عرمان....ح تتجلد والشمس ضحى
Author: عارف الركابي
Date: 12-28-2010, 08:22 AM
Parent: #37
الأخ الشفيع ، السلام عليكم ورحمة الله
موقف الشماليين من الحركة موقف لا يحسدون عليه
فالحركة تفننت في استخدام وتنويع المطايا للوصول إلى ما تريد
وإذا كانت قد ضحكت على أساطين السياسة وقادة الأحزاب الطائفية
بدءاً بالتجمع وانتهاء بتجمع جوبا ، فأمثال ياسر عرمان ومن في (دفعتهم) شأنهم أهون!!
من يتابع تصريحات شماليي الحركة يدرك موقفهم الحالي وربما يغض الطرف عن التعليق
على أي تصريحات تصدر منهم في هذه الفترة ، ويكفي أن من تصريحات عرمان المتكررة:
"سنبقى في الشمال لنعمل من أجل إعادة الوحدة"!!!.
مع احترامي للأخ الشفيع ، إلا أني أقول :
من المؤكد أن ردود الأفعال محسوبة ، ونار الفتن تتأجج ، فلننأى عن أي عبارات أو ردود فعل
من شأنها أن يكون لها أثرها السيء وتستغل للتشويه على الإسلام. ولكل مقام مقال.
خاصة إذا كان الحديث عن الإسلام ومواقفه ، فمن المؤكد أن شريعة الإسلام همها الأول هداية الناس
ومعاملتهم بالحسنى ، والصبر على الأذى ، والنظر في المصالح الشرعية قبل النظر في مصالح حزبية ضيقة.
والإسلام أرحم بعرمان وبغيره من رحمتهم بأنفسهم.
ومن هذا المنطلق أقول:
إذا وقع ما لا نريد وهو الانفصال ، فالذي ينبغي أن يقال بلسان الحال والمقال لعرمان ومن معه:
كما فشلتم سياسياً ، وصرتم إلى ما صرتم إليه ، وحققت الحركة أهدافها وأعطتكم ظهرها
فمرحباً بكم بيننا ، ولتتداركوا الفشل السياسي ، بالالتفات إلى فشل مشروعكم للسودان الجديد
وتعالوا لتقرأوا معنا من جديد في محاسن الإسلام ، وفضائله وخيريته، فإن فيه الخير لكم في دينكم
وما بقي لكم من دنياكم.
ويبقى أن الحديث عن الإسلام ومواقفه مسؤولية عظيمة ، وأمانة كبيرة ، خاصة بين من يعادوه أو يريدون الطعن فيه
ولو بأي تهمة تلصق فيه.
ولنا في رسول الله أسوة حسنة ، فقد أخرج من مكة أحب الديار إليه ، وتعرض لما تعرض إليه وقيل له وقيل...
ولكنه لما فتح مكة ،وتمكن منهم ، لم ينتقم ، ولم يثأر ، ولم يجازي السوء بالسوء ، لكنه قال ما قال (اذهبوا فأنتم الطلقاء)
عَنْ عَطَاءِ بْنِ يَسَارٍ قَالَ لَقِيتُ عَبْدَ اللهِ بْنَ عَمْرِو بْنِ الْعَاصِ ، رَضِيَ اللَّهُ عَنْهُمَا قُلْتُ أَخْبِرْنِي عَنْ صِفَةِ رَسُولِ اللهِ صلى الله عليه وسلم فِي التَّوْرَاةِ قَالَ أَجَلْ وَاللَّهِ إِنَّهُ لَمَوْصُوفٌ فِي التَّوْرَاةِ بِبَعْضِ صِفَتِهِ فِي الْقُرْآنِ يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا وَحِرْزًا لِلأُمِّيِّينَ أَنْتَ عَبْدِي وَرَسُولِي سَمَّيْتُكَ الْمُتَوَكِّلَ لَيْسَ بِفَظٍّ ، وَلاَ غَلِيظٍ ، وَلاَ سَخَّابٍ فِي الأَسْوَاقِ ، وَلاَ يَدْفَعُ بِالسَّيِّئَةِ السَّيِّئَةَ وَلَكِنْ يَعْفُو وَيَغْفِرُ وَلَنْ يَقْبِضَهُ اللَّهُ حَتَّى يُقِيمَ بِهِ الْمِلَّةَ الْعَوْجَاءَ بِأَنْ يَقُولُوا لاَ إِلَهَ إِلاَّ اللَّهُ وَيَفْتَحُ بِهَا أَعْيُنًا عُمْيًا وَآذَانًا صُمًّا وَقُلُوبًا غُلْفًا
|
Post: #51
Title: Re: ياسر عرمان....ح تتجلد والشمس ضحى
Author: اسامه خليفه
Date: 12-28-2010, 08:25 AM
Parent: #37
الاخ الشفيع .. سلام
Quote: لا بالله
كدي جرب أسلكه
عليك الله أسلكه
نحن ذاتنا دايرنك تسلكه |
لماذا اقصاء الاخر يالشفيع ؟
ولماذا هذا الخطاب الساخر ؟
الم تتعلموا الي الان يالشفيع والبلد تتمزق يوم بعد الاخر ..
|
Post: #56
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 08:47 AM
Parent: #51
Quote: الجنوب قال انه سيكون دولة ديمقراطية حرة فيها الراي والرأي الآخر
يعني من الممكن جدا - نظريا على الأقل - تكوين حزب اسلامي أسمه المؤتمر الوطني قطاع الجنوب
|
تحياتي يا بركات..
طيب بالفهم ده مفروض تطالب بحزب اسلامي مصر وليبيا اسمو الموتمر الوطني..في اطار المعاملة بالمثل
وطالما خلاص الموتمر الوطني بقول الجنوب دولة اجنبية وماعندها ارتباطات بالسودان الشمالي وحتي علي المستوي الاثني كل جنوبي محروم من نيل الجنسية...
الكلام ده بقولو وبتمني ان يكون في حزب اسمو الموتمر الوطني في الجنوب في اطار نظام ديمقراطي
ويكون حزب اسمو الحركة الشعبية في الشمال والصراع يكون ديمقراطي مش علي طريقة المعاملة بالمثل وحندق وح نضرب وحنضبح...
لانو لو الحكاية بقت بهذه الفهم دق واضرب واضبح الجماعة القبل (ياسر عرمان).الجايين من برره..ولاشنو..؟؟
وطالب بحزب موتمر وطني في كل الدول الفيها احزاب تم سودنتها وهي ناشطة هنا وهناك
عشان تكون في السليم ومتسق في خطابك ولاشنو برضو..؟؟
|
Post: #59
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 09:02 AM
Parent: #56
سلام
انا في العمل
البوست (مسبل) للكل، بس ما تسرقوهو
سأرد متى ما تيسر
|
Post: #61
Title: Re: ياسر عرمان....ح تتجلد والشمس ضحى
Author: صبري طه
Date: 12-28-2010, 09:49 AM
Parent: #59
يا الشفيع رأيك شنو أنا وإنت نمشي البرازيل ونعمل لينا حزب نسميهو حزب السامبا ...
ونشوف الجنسية السودانية بأية طريقة لرونالدينيو وندّيهو رئاسة الحزب ...
وبعدها نرجع السودان ونسجّل الحزب دة كحزب سوداني ... وشمالي لو عايز كمان ...
البمنع شنو ؟
عليك الله قول كلام بخش الرأس ...
يعني شنو يعني ما حيتم تسجيل الحركة الشعبية كحزب شمالي ؟!
|
Post: #62
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 09:50 AM
Parent: #59
Quote: إذا وقع ما لا نريد وهو الانفصال ، فالذي ينبغي أن يقال بلسان الحال والمقال لعرمان ومن معه:
كما فشلتم سياسياً ، وصرتم إلى ما صرتم إليه ، وحققت الحركة أهدافها وأعطتكم ظهرها
فمرحباً بكم بيننا ، ولتتداركوا الفشل السياسي ، بالالتفات إلى فشل مشروعكم للسودان الجديد
وتعالوا لتقرأوا معنا من جديد في محاسن الإسلام ، وفضائله وخيريته، فإن فيه الخير لكم في دينكم
وما بقي لكم من دنياكم. |
شكراً كتير يا عارف اركابي
بس (جلدك) ده أخير منو (جلدنا)
والله صحي
|
Post: #63
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 09:52 AM
Parent: #51
| Quote: ولماذا هذا الخطاب الساخر ؟ |
المزعلني يا ود الخليفة:
فيييي ذمتك دي ما بتزعل؟
تحياتي
|
Post: #65
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 09:59 AM
Parent: #63
| Quote: * كنت أتوقع منك (أنت شخصيا) أدانة مسببة (لخطاب البشير بالقضارف).... فلماذا لم تفعل؟ |
تصدق وتآمن يا ود مكاوي
والله الى الآن لم استمع للخطاب ده
|
Post: #66
Title: Re: ياسر عرمان....ح تتجلد والشمس ضحى
Author: د.محمد حسن
Date: 12-28-2010, 10:24 AM
Parent: #65
دي الذ حتة في البوست ده كلو
ينصر دينك يا استاذ نفيشة
|
Post: #68
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 12:16 PM
Parent: #66
| Quote: دي الذ حتة في البوست ده كلو |
طيب هاك يا دكتور
(من بوست اخونا الزناتي)
نص قانون المشورة الشعبية لولايتي جنوب كردفان والنيل الأزرق بالسودان
تنشر «الشرق الأوسط» فيما يلي مشروع قانون تنظيم المشورة الشعبية، لسكان ولايتي جنوب كردفان والنيل الأزرق والذي يحدد النظام الإداري الدائم للولايتين، اللتين تخضعان حاليا لإدارتين مؤقتتين، خلال الفترة الانتقالية التي تنتهي بإجراء انتخابات عامة. وهما الولايتان المتاخمتان للجنوب. وقد أودع القانون أمس لدى البرلمان لإجازته.
* عملا بأحكام الدستور القومي الانتقالي لجمهورية السودان لسنة 2005م، أجاز المجلس الوطني ووقع رئيس الجمهورية على القانون الآتي نصه: ـ
* الفصل الأول ـ أحكام تمهيدية المادة 1 اسم القانون وبدء العمل به يسمى هذا القانون قانون تنظيم المشورة الشعبية لولايتي جنوب كردفان والنيل الأزرق لسنة 2009م ويعمل به من تاريخ التوقيع عليه.
المادة 2 المصدر ونطاق التطبيق 1) وضع مشروع هذا القانون وفقا لأحكام المادة 182 (2) من الدستور القومي الانتقالي لسنة 2005م. 2) تطبق أحكام هذا القانون لتنظيم وتفعيل حق شعبي ولايتي جنوب كردفان والنيل الأزرق عبر مجلسيهما التشريعيين المنتخبين ديمقراطيا تحقيقا لتطلعات شعبيهما الدستورية، السياسية، الإدارية، الاقتصادية المضمنة في اتفاقية السلام الشامل لحسم النزاع السياسي في الولايتين.
المادة 3 تفسـير في هذا القانون ما لم يقتض السياق معنى آخر: ـ المشورة الشعبية: ـ يقصد بها حقا ديمقراطيا وآلية لتأكيد وجهة نظر شعبي ولايتي جنوب كردفان والنيل الأزرق كل على حدة بشأن اتفاقية السلام الشامل بخصوص أي من الولايتين التي توصل إليها بين حكومة السودان والحركة الشعبية لتحرير السودان )نص اتفاقية السلام الشامل الفقرة 3 ـ 1) ولاية جنوب كردفان: ـ ويقصد بها المنطقة الجغرافية المنصوص عليها في المادة 2 (1) من اتفاقية حسم النزاع في ولايتي جنوب كردفان والنيل الأزرق والمشار إليها في المادة 182 من الدستور القومي الانتقالي لسنة 2005م.
ولاية النيل الأزرق: ـ يقصد بها المنطقة الجغرافية المنصوص عليها في المادة 2\2 من اتفاقية حسم النزاع في ولايتي جنوب كردفان والنيل الأزرق المشار إليها في الدستور القومي الانتقالي لسنة 2005م.
اتفاقية السلام الشامل: يقصد بها اتفاقية السلام الشامل الموقع بين الحركة الشعبية لتحرير السودان وحكومة السودان.
الدستور: يقصد به الدستور القومي الانتقالي لجمهورية السودان لسنة 2005م الحكومة: يقصد بها الحكومة القومية.
البروتوكول: يقصد به بروتوكول حسم النزاع في ولايتي جنوب كردفان والنيل الأزرق.
المفوضية: يقصد بها المفوضية البرلمانية المنشأة بموجب المادة 6 من هذا القانون.
الترتيبات الدستورية والسياسية والإدارية والاقتصادية: يقصد بها الترتيبات الدستورية والسياسية والإدارية والاقتصادية المتعلقة بهيكل ونوع ومستوى الحكم اللامركزي والمؤسسات والصلاحيات، والعلاقة بين الولاية والمركز والصلاحيات التنفيذية والتشريعية ونصيب كل من الولايتين في الثروة والسلطة القومية المفصلة في اتفاقية السلام الشامل.
الأطراف: يقصد بها حكومة ولاية جنوب كردفان وحكومة ولاية النيل الأزرق والحكومة القومية.
المادة 4 مرجعيات المشورة الشعبية تنبثق حق المشورة الشعبية من المرجعيات الآتية: ـ أ ـ اتفاقية السلام الشامل. ب ـ الدستور القومي الانتقالي لجمهورية السودان لسنة 2005م.
ج ـ الدستور الانتقالي لولاية جنوب كردفان لسنة 2006م.
د ـ الدستور الانتقالي لولاية النيل الأزرق لسنة 2005م.
هـ ـ مبادئ القانون الدولي والمواثيق الإقليمية والدولية المصادق عليها من قبل جمهورية السودان.
المادة 5 أهداف ممارسة حق المشورة الشعبية تهدف المشورة الشعبية إلى الآتي: ـ (أ) تأكيد وجهة نظر شعبي ولايتي جنوب كردفان والنيل الأزرق بشأن اتفاقية السلام الشامل بخصوص أي من الولايتين وعن مدى تحقيقها لتطلعاتهم (ب) تسوية نهائية للنزاع السياسي في أي من الولايتين وإرساء السلام.
(ج) تصحيح أي قصور في الترتيبات الدستورية والسياسية والإدارية والاقتصادية في إطار اتفاقية السلام الشامل بخصوص أي من الولايتين.
المادة 6 إنشاء المفوضية ينشئ كل مجلس تشريعي في أي من الولايتين، مفوضية برلمانية وفقا لبروتوكول حسم النزاع في ولايتي جنوب كردفان والنيل الأزرق.
المادة 7 تكوين المفوضية تتكون المفوضية لكل من الولايتين من الرئيس والمقرر وعدد من الأعضاء بموجب قرار من المجلس التشريعي المعني على أن يراعى في عضويتهم تمثيل المرأة واللجان المتخصصة في المجلس.
المادة 8 مقر المفوضية يكون مقر كل مفوضية في عاصمة الولاية المعنية.
المادة 9 شروط عضوية المفوضية يشترط في رئيس وأعضاء المفوضية أن يكون عضوا منتخبا في المجلس التشريعي للولاية المعنية.
المادة 10 فقدان عضوية المفوضية 1 ـ يفقد العضو عضويته في المفوضية في الحالات الآتية: ـ (أ) فقدان أي شرط من شروط كسب العضوية.
(ب) بقرار من المجلس أو رئاسة الجمهورية حسب الحال.
(ج) الاستقالة.
(د) الوفاة.
(هـ) المرض المقعد.
(و) في حالة فقدان العضوية يتم الاختيار بذات الطريقة التي تم بها اختيار ذلك العضو.
المادة 11 أجل المفوضية ينتهي أجل المفوضية المنشأة بموجب أحكام هذا القانون بانتهاء عملية المشورة الشعبية.
الفصل الرابع المادة 12 المصادر المالية للمفوضية تكون للمفوضية المصادر المالية الآتية: ـ (أ) ما تخصصها الولاية المعنية للمفوضية.
(ب) المنح من الأشخاص أو المؤسسات غير الحكومية التي توافق عليها حكومة الولاية المعنية بطلب من رئيس المفوضية.
(ج) المنح من المنظمات الوطنية والأجنبية من خلال الحكومة أو حكومة الولاية المعنية.
(د) التمويل من المانحين أو الأصدقاء.
(هـ) أي مصادر أخرى يوافق عليها المجلس.
الفصل الخامس المراقبة والتوعية المادة 13 مراقبة إجراءات المشورة الشعبية بالإضافة للقوى السياسية المختلفة على أي من الولايتين دعوة المذكورين أدناه لمراقبة عملية المشورة الشعبية ونتائجها.
(أ) منظمات المجتمع المدني المحلية ـ الإقليمية ـ الدولية.
(ب) منظمة الأمم المتحدة.
(ج) الاتحاد الأفريقي.
(د) منظمة الإيقاد.
(هـ) شركاء الإيقاد.
(و) جامعة الدول العربية.
(ز) الاتحاد الأوروبي.
المادة 14 التوعية الخاصة بالمشورة الشعبية 1. يجب على الحكومة وحكومة كل ولاية ضمان وتوفير الفرص والمعاملة المتساوية لشعب الولاية والقوى السياسية المختلفة للتعبير عن الآراء المختلفة حول المشورة الشعبية عبر الأجهزة الإعلامية المملوكة للدولة والولاية المعنية.
2. يحظر تقييد حق التعبير أو إساءة استعمال السلطة لغرض تحقيق ذلك.
3. تقوم أجهزة الإعلام للدولة أو الولاية بتقديم خدمات إعلامية مجانية ومنح فرص ومدد زمنية متساوية للجميع في حملة المشورة الشعبية.
4. يكون لممثلي أجهزة الإعلام المحلية والأجنبية الحق في الحصول على جميع المعلومات المتعلقة بإجراءات حق المشورة الشعبية.
5. تقوم أجهزة الإعلام القومية والولائية أو الخاصة ومنظمات المجتمع المدني المنصوص عليها في هذا القانون بنشر نتائج المشورة الشعبية المعلنة رسميا، بحياد ودقة وأمانة.
المادة 15 خيارات وإجراءات ممارسة المشورة الشعبية 1 ـ عند ممارسة حقهم الشرعي في المشورة الشعبية تكون خيارات شعب ولايتي جنوب كردفان والنيل الأزرق عبر المفوضية المعنية كالآتي: ـ (أ) الموافقة واعتماد اتفاقية السلام الشامل واعتبارها حسما للنزاع السياسي في الولاية المعنية، أو (ب) اعتبار أن الاتفاقية لم تحقق تطلعات شعب تلك الولاية.
2 ـ تكون إجراءات ممارسة المشورة الشعبية على النحو التالي: ـ (أ) فور انتخاب أعضاء المجلس التشريعي لكل ولاية، ينشئ المجلس التشريعي المعني مفوضية برلمانية للتقويم والتقدير اتفاقية السلام الشامل بخصوص أي من الولايتين من خلال التقارير التي تقدم إليه منها وحكومة الولاية المعنية مع استصحاب آراء شعب الولاية والفعاليات السياسية والمجتمع المدني بالولاية المعنية عبر لقاءات أو مؤتمرات.
(ب) إذا قرر أي من المجلسين التشريعيين عند النظر في تقارير المفوضية أن الاتفاقية حققت تطلعات شعب تلك الولاية تعتبر الاتفاقية تسوية نهائية وشاملة للنزاع السياسي في تلك الولاية. (ج) إذا قرر أي من المجلسين التشريعيين أن الاتفاقية بخصوص أي من الولايتين لم تحقق تطلعات شعب تلك الولاية حسب الفقرة (1) ب أعلاه، يدخل هذا المجلس في مداولات لتحديد أوجه تلك القصور بشكل مفصل، ومن ثم تدخل حكومة تلك الولاية في التفاوض مع الحكومة بغرض تصحيح أوجه القصور في إطار الاتفاقية لتلبية تطلعات شعب الولاية المعنية وذلك خلال شهر واحد من تاريخ قرار المجلس التشريعي المعني.
(د) وفقا للبندين (أ /ج) أعلاه، وفي حالة عدم التوصل إلى اتفاق بين الولاية المعنية أو الولايتين معا والحكومة حول تقرير تلك التطلعات أو أية منها خلال ستين يوما من تاريخ بدء التفاوض تحال المسائل الخلافية إلى مجلس الولايات للوساطة والتوفيق، ويكون المجلس لجنة لهذا الغرض خلال أسبوع من تاريخ الاستلام.
(هـ) تتكون اللجنة من سبعة أعضاء ويختار كل طرف ثلاثة أعضاء من بين أعضاء المجلس على أن لا يكونوا من الولايات المعنية ويتفق الأعضاء الستة على رئيس اللجنة من داخل المجلس، وفي حالة عدم الاتفاق يقوم المجلس بانتخاب رئيس اللجنة من بين أعضائه بأغلبية ثلثي الأعضاء. (و) تجتمع اللجنة وتضع جدولا مفصلا لإجراءاتها في موعد لا يتجاوز أسبوعين من تاريخ تكوينها علي أن تصدر قرارها في موعد لا يتجاوز شهر من تاريخ بدء جلساتها.
(ز) تعقد اللجنة جلسات سماع علنية حول الموضوع ويحق لممثلي حكومة الولاية المعنية وممثلي الحكومة وأي أطراف ذات مصلحة تقديم مرافعاتهم، كما يجوز للجنة استدعاء من تراه مناسبا للإدلاء بشهادته.
(ح) تتخذ اللجنة قراراتها بالأغلبية البسيطة وفي حالة تساوي الأصوات يكون للرئيس صوت مرجح.
(ط) ترفع اللجنة تقريرها للمجلس خلال أسبوع من تاريخ اتخاذ القرار وعلى المجلس اتخاذ القرار بشأنه في موعد لا يتجاوز الأسبوع من تاريخ تقديم التقرير.
(ي) في حالة فشل مجلس الولايات في الوساطة والتوفيق حول المسائل الخلافية في خلال ثلاثين يوم يلجا الطرفان إلي جهة تحكيم يتفقان عليه.
(ك) تنتهي إجراءات المشورة الشعبية قبل نهاية الفترة الانتقالية في الثامن من يوليو 2011م. المادة 16 اختصاصات وسلطات مجلسي الولايتين والمفوضيتين 1 ـ فيما يختص بالمشورة الشعبية يختص مجلس الولاية المعني بالآتي: ـ (أ) تكوين المفوضية وتحديد مهامها واختصاصاتها حسب ما نصت عليه الاتفاقية.
(ب) تقويم وتقدير الاتفاقية بعد الاطلاع علي التقارير المرفوعة إليه من المفوضية أو الحكومة الولائية وتحديد أوجه القصور في تنفيذها أو عدمها.
(ج) إعلان عما إذا كانت اتفاقية السلام الشامل تلبي تطلعات شعب أي من الولايتين.
(د) تبني التوصيات التي تلبي تطلعات شعب الولاية أو تصحح أوجه القصور في تنفيذ الاتفاقية.
(هـ) الدخول في المفاوضات مع الحكومة لتصحيح القصور في الاتفاقية.
2 ـ تكون للمفوضية السلطات والمهام الآتية: ـ (أ) الالتقاء بشعب الولاية لتفكر معهم لمعرفة وجهة نظرهم عبر استطلاع آرائهم حول الاتفاقية أو تنفيذها.
(ب) تقويم وتقدير تنفيذ اتفاقية السلام فيما يخص أي من ولاية من الولايتين.
(ج) تقويم وتقدير اتفاقية السلام الشامل فيما يخص أي من الولايتين للتأكد من تحقيقها لتطلعات شعب تلك الولاية.
(د) إعداد ورفع التقارير إلى المجلس التشريعي المنتخب للولاية خلال ثلاثة أشهر من تاريخ تكوين.
(هـ) الاستعانة بأي أشخاص كمستشارين للمفوضية.
المادة 17 نتيجة المشورة الشعبية يقوم رئيس المجلس التشريعي المنتخب في الولاية المعنية بإعلان نتائج المشورة الشعبية المتفقة عليها وذلك على النحو التالي: ـ 1. في حالة اعتماد المجلس التشريعي الولائي اتفاقية السلام الشامل باعتبارها تلبي تطلعات شعب الولاية تعتبر الاتفاقية تسوية نهائية للنزاع السياسي في الولاية المعنية وتحيل حكومة الولاية الأمر إلى رئاسة الجمهورية لإصدار مرسوم جمهوري بهذا الشأن.
2. في حالة عدم اعتماد المجلس التشريعي الولائي المعني اتفاقية السلام الشامل باعتبارها لم تلبِ تطلعات شعب الولاية المعنية تدخل الولاية المعنية في التفاوض مع الحكومة من أجل تضمين وإقرار تلك التطلعات في الاتفاقية وذلك بمرسوم جمهوري.
المادة 18 سلطة إصدار القواعد واللوائح يجوز لأي مفوضية إصدار قواعد واللوائح لتنظيم أعمالها حسب أحكام هذا القانون.
نقلاً عن صحيفة الشرق الأوسط
|
Post: #69
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 12:24 PM
Parent: #66
| Quote: فقط أردت تصحيح أمر تاريخي ، فالختمية قدم مؤسسها من الحجاز، بعد أن أرسله شيخه ، كما هو مدون في تاريخ هذه الطائفة |
شكرا يا عاطف علي التصحيح والمعلومة
وعليه يمكننا تحويل ملف الحزب الاتحادي بكليتاته الي ا الموتمر الوطني مع صورة (سي سي) للاخ الشفيع في هذا البوست
حتي يدقو دق العيش كونهم ايضا حزب جاي من خارج الحدود....ولاشنو يا الشفيع..؟؟
|
Post: #72
Title: Re: ياسر عرمان....ح تتجلد والشمس ضحى
Author: يوسف السماني يوسف
Date: 12-28-2010, 12:48 PM
Parent: #69
| Quote: وبعد شوية ح ننادي باسقاط الحكومة دي، السمحت لكل من هب ودب بالصياح والعويل والتهديد |
ماتسقط الحكومة ولازم تسقط طال الزمن او قصر .
Quote: وهل هى المرة الاولى التى سيسلك فيها ياسر هذا الطريق ؟؟؟
سلكه من قبل ووصل هو و زعيمه والثوار عن هذا الطريق الى القصر الجمهورى ..
سلكة من قبل واستقبلتهم جماهير بالملايين فقط فى الخرطوم ..
سلكة من قبل فزعزع اركان الارهاب والشمولية وتراجع هذا النظام عن مشروعه الحضارى ...
سلكوه فحرروا وسقط جزء كبير من خارطة السودان خارج نظام الظلم والعبودية ..
فماذا كانوا يملكون عندما انطلقوا !!
سلكه من قبل افراد ضعاف كما تقولون انتم الان من اهلنا فى دارفور
لا يملكون العدة ولا العتاد
وهاهم الان يجلسون مع النظام بكل جبروته الذى تحكون عنه من دوله الى دولة ,,,
الافراد الذين سلكوا هذا الطريق والذى ادى الى تفتيت السودان
وتمزقه كانوا مجرد افراد وكنتم تسخرون منهم ايضا ,,
ماذا كان يملك عبد الواحد عندما تمرد ؟؟؟
بل ماذا كان يملك خليل ..؟؟
وماذا يملك حتى الان السيسى ؟؟؟
انه الظلم والاستهزاء القهر والاستعباد والاستعلاء والاقصاء
فهلا تعلمنا من الدروس !!
قالها احد المتمردين (الضعاف) يوما انكم تستطيعون ان تاخروا
التحرر تستطيعون ان تقفوا فى وجهه وتعوقوه ولكن ما لن تستطيعوه ابدا
هو وقف ما بدء من حركة الانعتاق والتحرر .. |
|
Post: #74
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 01:52 PM
Parent: #69
يا كيكي كلامك كله ماليهو علاقة بالموضوع
الحركة الشعبية والجيش الشعبي حقها، دخلوا في اتفاقية نيفاشا وده اتاح ليهم يتسجلوا كحزب في الشمال
بعد الانفصال، نقلب الصفحة وسطر جديد، وليس هناك منطق يقول انها تكون موجودة في الشمال، وده نفس المنطق البيمنع الجنوبيين من الحصول على الجنسية في الشمال
وكمان ما ح يكون عندهم اي حق يتدخلوا في موضوع المشورة الشعبية الخاص بالنيل الازرق وجبال النوبة
يعني يكونوا في الجنوب والجنوب فقط
الكلام ده واااضح وضوح الشمش يا ع الكريم، ما تقول لي انصار سنة وحزب بعث
ياسر عرمان لو داير يسجل حزب، يبدأ من الصفر، ويقدم لمسجل الاحزاب كأي حزب جديد، يدوهو او يرفضوا ليهو
|
Post: #71
Title: Re: ياسر عرمان....ح تتجلد والشمس ضحى
Author: علي الكرار هاشم
Date: 12-28-2010, 12:40 PM
Parent: #65
| Quote: ليها وده حا يؤدي الي مشكله كبيره جدا ستضح ملامحها بعد انفصال الجنوب,وتبني ناسك لي عروبية واسلامية الدوله الجديده دون النظر لي واقع الاختلاف الماثل. |
ياربي اخونا فاروق هو ( وناسو)
رايهم شنو في اسلامية وعروبية السودان
مرات المدخلات تكون مجرد مشاركة والسلام
الشفيع طول روحك
تشكيل حزب خاص بناس كانوا معانا ثم قرروا الانفصال والذهاب الي دولة جديدة
هذا بمثابة حقارة
وهناك فرق واضح بين هذا الطرح الاستفزازي وبين الافكار والايدلوجيات المشتركة بين الامم والشعوب
|
Post: #75
Title: Re: ياسر عرمان....ح تتجلد والشمس ضحى
Author: Nazar Yousif
Date: 12-28-2010, 02:16 PM
Parent: #71
الأخ الشفيع
أنا شخصيا مع بقاء الاسم
وسأصوت لبقاءالأسم كما هو
الحركة الشعبية لتحرير السودان
أما مقاتلى الجيش الشعبى لتحرير
السودان من الشمال الجغرافى فهذا ما
سيحتاج الى ترتيبات جديدة كما ذكر عرمان .
الشئ المثير للدهشة سرقة الانقاذ لأسم المؤتمر
الوطنى وشطب الدعوة المقدمة ضده عقب وفاة رئيس
حزب المؤتمر الوطنى السابق مولانا عبد المجيد امام.
Quote: اقتراح للمؤتمر العام للحركة
لرفع الحرج عن أخوانا فى الانقاذ
حتى نسهل لهم بلع تصريحاتهم . أما
المقاتلين فقد أفتى البعض باستيعابهم
فى الجيش السودانى وأفتى البعض بنفيهم
الى الدولة الجديدة . ويمكن النظر فى اسم
الحركة الشعبية فقط بدون تحرير أو سودانية.
|
http://www.sudaneseonline.com/cgi-bin/sdb/2bb.cgi
|
Post: #76
Title: Re: ياسر عرمان....ح تتجلد والشمس ضحى
Author: adam khatir
Date: 12-28-2010, 02:37 PM
Parent: #75
أخى الشفيع
سلام
السواى ما حداث ___ والكوع ببان عند المخاضة - كان ما بقت زى ثورة فارق ابوعيسى فى 9 يوليو 2009 أو انتفاضة المهدى المحمية بالسلاح - الانفاذ مجربة فى الدواس وما حصلوا عليهو الان باكراميات السلام ما بالجعجعة من غير طحين ....
|
Post: #78
Title: Re: ياسر عرمان....ح تتجلد والشمس ضحى
Author: عمار عوض
Date: 12-28-2010, 03:03 PM
Parent: #75
الشفيع اسمح لى اقول ليك انت بتغول فى كلام (مدغمس) على قول المدغمس الاكبر
لانو قصة الحركة لفظت ياسر واستخدمتوا والكلام اللابودى ولابجيب دا , دا كلام انت قاطعه من راسك , وبتكزيوا مشاركة ياسر الفاعله
فى كل الملفات المطروحه فى الساحه حاليا , اضافة الى مشاركته التى يمكن ان تسال منها كل صحفى او اعلامى فى كل اجتماعات المكتب السياسي
نجى لى كلامك (المدغمس) بتاع جبال النوبه سيتم حلها عبر المشوره الشعبيه وجبت ليك قانون مع انك اهملت اهم نقطه فى موضوع المشوره
وهى انها تنعقد تحت لواء مجلس تشريعى منتخب وهو ما لم يحدث الى الان فى ولاية جنوب كردفان ,مع العلم ان الانتخابات ستقام فى شهر ابريل
طبعا هذا اذا كان المؤتمر الوطنى سيقيمها , ولنفترض حسب قولك ان جبال النوبه ستحل عبر المشوره , والمشوره دايره انتخابات , والانتخابات
دايره احزاب , وكوماندور عبدالعزيز الحلو رئيس الحركة الشعبية بولاية جنوب كردفان عمل مؤتمر صحفى وقال انه لن يتنازل عن الترشح باسم
حزب الحركة الشعبيه
الشفيع
القصة ما رجاله انك تلغى وجود الافكار
وبرجع ليك
|
Post: #79
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 05:22 PM
Parent: #78
Quote: يا كيكي كلامك كله ماليهو علاقة بالموضوع
الحركة الشعبية والجيش الشعبي حقها، دخلوا في اتفاقية نيفاشا وده اتاح ليهم يتسجلوا كحزب في الشمال
بعد الانفصال، نقلب الصفحة وسطر جديد، وليس هناك منطق يقول انها تكون موجودة في الشمال، وده نفس المنطق البيمنع الجنوبيين من الحصول على الجنسية في الشمال
وكمان ما ح يكون عندهم اي حق يتدخلوا في موضوع المشورة الشعبية الخاص بالنيل الازرق وجبال النوبة
يعني يكونوا في الجنوب والجنوب فقط
الكلام ده واااضح وضوح الشمش يا ع الكريم، ما تقول لي انصار سنة وحزب بعث |
هلا يا الشفيع
وياخي انا في جوووه الموضوع ومتحكر في تفاصيله تماما
وخليني الم معاك النقاش في السؤال الاتي
- من الذي يمنح ياسر عرمان او اي سوداني اخر حق ان يكون حزب ويسميه ما يشاء ومن الذي يمنحه حق الدخول او الخروج في قضية النيل الازرق وجبال النوبة....؟؟
وهل ياسر عرمان جنوبي.. وممنوع من الجنسية السودانية ايضا..؟؟
|
Post: #80
Title: Re: ياسر عرمان....ح تتجلد والشمس ضحى
Author: عصام دقداق
Date: 12-28-2010, 06:36 PM
Parent: #79
جلد بس والله يستحق شنق في ميدان ابوجنزير
عالم ماتخجل وبعدين مايمشي يترمي في الجنوب خلاص انفصل الجنوب وعايز يبداء تاني لفصل جبال النوبة والنيل الازرق لعين وسوس يجب شنقة اما العالم خائن وجاسوس معفن
المواقف المتشددة من عرمان تجاه الوطن مع الحركة الشعبية فقط يكفي الشعب السوداني لمعرفة حقيقة هذاال########
وبعدين باي نفس ووش عايز تجي تترمي في الشمال وكمان تكون حزب
لعنة الله عليك وعلي امثالك من كل الباعوا بلدهم واصلهم
|
Post: #81
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:37 PM
Parent: #79
انا بكتب من الاي فون
الحركة الشعبية جنوبية ولا عندك راي تاني يا كيكي
|
Post: #82
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:48 PM
Parent: #81
شكرًا عصام
ما قلنا ليكم جلدنا ده كويس اها جابت ليها مشنقة في ابو جنزير
|
Post: #83
Title: Re: ياسر عرمان....ح تتجلد والشمس ضحى
Author: Nazar Yousif
Date: 12-28-2010, 06:49 PM
Parent: #81
| Quote: الحركة الشعبية جنوبية ولا عندك راي تاني يا كيكي |
الحركة الشعبية حركة سودانية وهى حركة وطنية ومؤسسيها سودانيين .
|
Post: #84
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 06:55 PM
Parent: #83
ياتو سودان يا نزار. حدد
سودانا الزمان ولا الهسه
|
Post: #85
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 07:03 PM
Parent: #84
كلامك يا خاطر عين الصواب ولكن من يسمع
الحركة ضاقت الدواس بتاع عسكري ابو دقن ومجرباهو كوييس
|
Post: #86
Title: Re: ياسر عرمان....ح تتجلد والشمس ضحى
Author: عصام دقداق
Date: 12-28-2010, 07:05 PM
Parent: #83
| Quote: الحركة الشعبية حركة سودانية وهى حركة وطنية ومؤسسيها سودانيين . |
ضحكتني الحركة الشعبية ومؤسس الحركة استخدموا امثال عرمان وبقية الخونه من الشمالين لتجميل صورة الحركة واليوم رموهم زي الكلا ؟
اذا انفصل الجنوب ليس لهذا الاسم وجود في الشمال واذا قام حزب بهذا المسمي سيكون المنضمين له مجموعة من المأجورين والجواسيس والخونه وليس مكان في قلب الوطنيين
|
Post: #87
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 07:13 PM
Parent: #78
كدي بالعربي كده يا عمار وريني الموقع البيشغله عرمان الان
ليه ما ادوهو وزارة او ولاية في الجنوب؟
حسب القانون المشورة تنتهي في يوليو 2011 وهي في الاخير تحت يدنا والحركة الشعبية ما ليها اي علاقة بيها
|
Post: #88
Title: Re: ياسر عرمان....ح تتجلد والشمس ضحى
Author: Nazar Yousif
Date: 12-28-2010, 07:33 PM
Parent: #87
Quote: ياتو سودان يا نزار. حدد
سودانا الزمان ولا الهسه |
يالشفيع السودان الواحد مقسما كان أم موحدا
فهل من ينكر سودانية الحركة الشعبية لتحرير السودان؟
أما القائد عرمان فقد رفض الوزارة خمس مرات
على المستوى الاتحادى وعندما يأتى اوان الوزارة
سيكون رئيسها... فلا تقلق فنحن لا نستعجل النتائج .
مع تقديرى
|
Post: #89
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 07:54 PM
Parent: #88
Quote: انا بكتب من الاي فون
الحركة الشعبية جنوبية ولا عندك راي تاني يا كيكي |
هلا يا الشفيع
عندي راي بالحيل
الحركة الشعبية تنظيم سوداني...وحتي اسمها الحركة الشعبية لتحرير السودان ومشروعها الذي حاربت في مظلته يسمي السودان الجديد وما الجنوب الجديد... في عضوية الحركة اعضاء من كل بقاع السودان المختلفة شمالا وشرقا وغربا والغالبية بالتاكيد من الجنوب الذي يستحوذ علي اهتمام كبير من خطاب الحركة الشعبية كونه انطلق منها...!!
وبفهمك ده يا الشفيع (العدل والمساواة) وحركة سيسي وعبد الواحد وحتي حركة موسي بتاع الشرق هي حركات دارفورية وشرقية واختصرتها وحسب منهجك في محيطها الجهوي والجغرافي...
عندما انطلقت الحركة الشعبية 1983 كان جون قرنق وصحبة مواطنين سودانين حتي مماته مات سودانيا....
نقاشك هنا يا الشفيع هو تدجين للحركة الشعبية وارسالها لحزب جنوبي هو هروب للامام ومحاولة تعريف الحركة الشعبية حسب اهواء الموتمر الوطني الذي يريد ان ينزع عن هذا التنظيم عمقه الممتد في مناطق السودان الاخري...
سين سؤال..؟؟
اعضاء الحركة الشعبية الغير جنوبين بعد الانفصال باي حق عاوز تمنعهم من المواصلة في تنظيم باسم
يختاونه هم..؟؟؟ لاحظ انا شلت ليك حكاية جنوب دي برره وختيت ليك قطاع كامل من عضوية الحركة الشعبية
هم مستحقين لجنسية السودان الشمالي ولهم كافة الحقوق الدستورية في وطنهم بما فيها حق التنظيم ..؟؟
|
Post: #90
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-28-2010, 08:25 PM
Parent: #89
لا يا ع الكريم
ما بنخش علي القطاع الشمالي قبال ما ننجض انو الحركة في الأساس جنوبية 100٪
وانو بعض العناصر من الشمال كانوا مجرد ديكور
خلينا من الشعارات
ولو كلامك كان فيهو 1٪ من المصداقية ما كانت الحركة نادت بالانفصال بهذا الصوت العالي
|
Post: #92
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-28-2010, 09:07 PM
Parent: #90
Quote: ما بنخش علي القطاع الشمالي قبال ما ننجض انو الحركة في الأساس جنوبية 100٪
وانو بعض العناصر من الشمال كانوا مجرد ديكور
خلينا من الشعارات
ولو كلامك كان فيهو 1٪ من المصداقية ما كانت الحركة نادت بالانفصال بهذا الصوت العالي |
هلا يا الشفيع
1-وكدي قبل ما نزيد او ننقص نسبة مصداقية كلامي ال 1 في المية كدي
طلع لي عبدالله دينق نيال وموسي المك كور وكل جنوبي كان في الجبهة الاسلامية سابقا والان عضو في الموتمر الوطني بما في ذلك الموتمر الوطني قطاع جنوب .. طلعهم لي ديكور سااااكت زيهم وزي شمالي الحركة عشان نبداء النقاش من ارضية منطقة ومتصالحة مع الواقع...!!!
وبماسمتك خفيف كده لو كان ديلك مجرد ديكور فان ديل ايضا (باي دفنشن) ديكور... فحقو تثبت لي النقطة دي واديني باق يدي فيها...
2-الحركة الشعبية حركة سودانية وقامت في ارض السودان من مواطنين سودانين في لحظة قيامها
هذا الحركة بها تيارات ( تيار وحودي وكان الاعلي صوتا في حياة قرنق الذي نظر للوحدة في ادبيات السودان الجديد)... الانفصال حق مشروع ومنطقي جدا في ظل ظروف دولة الموتمر الوطني التي تغري سياستها كل سوداني وجد فرصة ان يخرج من مداراها علي الانفصال وما الانفصال الحالي يا الشفيع الا رد فعل لفشل الموتمر الوطني لتقديم دولة المواطنة الحقة ومتي ما وجدت هذه الدولة فوحودية ليس الحركة الشعبية فقط بل وحودية كل حركات هامش السودان بما فيها دارفور والشرق وجبال النوبة هو امر حتمي..
|
Post: #98
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 06:56 AM
Parent: #92
معليش يا ع الكريم، كبسني النوم امس
| Quote: طلعهم لي ديكور سااااكت زيهم وزي شمالي الحركة |
ما عندك مانع يا اخوي
طلعناهم ليك
بعد الانفصال انا طلعت بوست بقول (الشمال للشماليين والجنوب للجنوبيين) ولم استثني أحداً
تقرير المصير فرز الخنادق
| Quote: الحركة الشعبية حركة سودانية وقامت في ارض السودان من مواطنين سودانين في لحظة قيامها |
بالسودان القديم نعم، بسودان ما بعد الانفصال لا يا ع الكريم
| Quote: هذا الحركة بها تيارات ( تيار وحودي وكان الاعلي صوتا في حياة قرنق الذي نظر للوحدة في ادبيات السودان الجديد) |
ده كلام للاستهلاك السياسي فقط والواقع بيكذبه
اتفق معك فقط ان قطاع الشمال ممكن يكون وحدوي بما فيهم عرمان
اما الجنوبيين بقرنهم وجورج كنقور ونيال كوووولهم انفصاليين
| Quote: وما الانفصال الحالي يا الشفيع الا رد فعل لفشل الموتمر الوطني لتقديم دولة المواطنة الحقة |
التاريخ الحديث جدا بقول غير كده يا ع الكريم
المؤتمر هو الوحيد الذي دافع عن وحدة السودان، وتقاعست بقية الاحزاب نكاية به (فقط)
احزاب الشمال دعمت الحركة منذ ما قبل انتفاضة ابريل، وظلت تدعمه وتقاتل معه، وبصمت على تقرير المصير
حتى اثناء مناقشة قوانين الاستفتاء،عندما حاول المؤتمر (تصعييب) الانفصال استعانت الحركة بها وكانت المسيرة الفاشلة
التاريخ سيذكر ذلك ولن ينسى يا ع الكريم
|
Post: #93
Title: Re: ياسر عرمان....ح تتجلد والشمس ضحى
Author: بركات بشير نجار بشير
Date: 12-28-2010, 09:14 PM
Parent: #90
| Quote: وبعد شوية ح ننادي باسقاط الحكومة دي، السمحت لكل من هب ودب بالصياح والعويل والتهديد |
يازول في ناس "زيي كده" يتحسب البشير ذاته ضمن من (هب ودب).
|
Post: #94
Title: Re: ياسر عرمان....ح تتجلد والشمس ضحى
Author: سفيان بشير نابرى
Date: 12-28-2010, 09:16 PM
Parent: #90
سلام يا الشفيع ...
بشكل شخصي ارى تهديد عرمان مناسب جداً بل اراه أتى متاخر
جداً جداً اقول هذا وفي ذاكرتي خطاب قائد الانقاذيين السيد
عمر حسن احمد البشير ذاك الخطاب الذي قال فيه:- الانقاذ
اتت بالسلاح ومن اراد ان يغيرها فعليه بحمل السلاح .
هذا والسلام .
|
Post: #99
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 06:59 AM
Parent: #94
سفيان
طبعا بتفق معاك في الجزء الاول
وفي التاني ايضا لا خلاف
بس البشيل السلاح يتحمل( الجلد)
|
Post: #91
Title: Re: ياسر عرمان....ح تتجلد والشمس ضحى
Author: عمار عوض
Date: 12-28-2010, 08:56 PM
Parent: #87
Quote: كدي بالعربي كده يا عمار وريني الموقع البيشغله عرمان الان
ليه ما ادوهو وزارة او ولاية في الجنوب؟
|
معلوم لدى الكافة ان ثقافة اهل ورهط (المدغمس) الاكبر , انهم يقيمون المواقف بالوظايف , لذا تحدهم دايما ما يتحدثون عن الوظايف
كمقابل للنضال , وهو امر غاية فى السماجه وقصر النظر .
الكوماندر ياسر عرمان هو نائب الامين العام للحركة الشعبية لتحرير السودان ويحمل الى الان رتبة لواء فى الجيش الشعبى لتحرير السودان
وعضو المكتب السياسي للحركة الشعبية وهى اعلى هيئة سياسيه فى الحركة الشعبية
عرمان يا الشفيع يتقاصر امامة وصف حاكم او وزير فهو ثائر والثوار دايما مايرفضون احتلال المناصب حتى لاتشغلهم من انزال الافكار
العظيمة الى ارض الواقع.
فعرمان فى منزله (بيكو) من حزب المؤتمر الوطنى فى جنوب افريقيا .
ويظل هناك سؤال قائم هل انضم عرمان الى الحركة الشعبية لينال منصبا , ام تراه كان يشغل باله ان يتحرر ابناء السودان من وهم
الاستعلاء العرقى والثقافى , لكن ما اعلمه عن عرمان, ان المناصب تاتى فى اخر اهتمامته .
عرمان يا الشفيع :
سيحمل صخره سيزيف فهو من الاقلاء الذين يمكن ان تؤتمنه على فكره وحلم فى هذا الذمن المادى الغادر ..
عرمان سيناضل ولن تفتر له همة الى حين تحرير شعوب السودان من الكهنوت وعباده الماده ويقودهم الى رحاب الانسانية الحقه
وما يجدر زكره هنا, ان عرمان لن يكون وحده فى هذا الطريق ,وانما يقف من خلفة شباب مؤمنين برؤية السودان وقادرون على تنزيلها الى ارض الواقع.
لن يثيهم من هذا الحلم استقلال الجنوب , لانهم سيتقدمون الى الامام ويكنسون الظلم ويعملوا على تنوير بقية الشعوب بحقيقة هذا البرنامج
وعندما يحرروا السودان , من سياسه الدغمسه والاغتصاب والاستعلاء العرقى ,وهو امر لانراه بعيدا بل اراه قريبا , فاذا احتاج تحرير الجنوب
عشرون عاما , فان تحرير الشمال , لن ياخذ منا الا بضعه سنوات .
اما قصة انو المشوره الشعبية فى جيبكم دى برجع ليك ليها يا الشفيع ..
|
Post: #96
Title: Re: ياسر عرمان....ح تتجلد والشمس ضحى
Author: مها عبد الله
Date: 12-28-2010, 11:27 PM
Parent: #91
Quote: هو بالجد قيامة السودان عايزة تقوم ..وناس الشفيع يكلمونا عن الجلد
والشمس ضحى ..جلد شنو ياالشفيع ياخوى البتخوف بيهو الناس ... |
محمد يا ود عبدالرحمن إزيك ياخي ومشتاقوون
يا سيدي رئيسهم ( يخوف ) بالشريعه وأتباعه يخوفوا بالجلد مستغرب ليه ياخ !
التحيه للقائد الثائر عرمان ، أينما كان بعد 9يناير ( في جوبا أو الخرطوم )
|
Post: #97
Title: Re: ياسر عرمان....ح تتجلد والشمس ضحى
Author: Nazar Yousif
Date: 12-28-2010, 11:45 PM
Parent: #96
الأخ الشفيع
فى انتظارك عشان
نشيل من راسكم اختزال
السودان فى عقلية اقصائية .
|
Post: #114
Title: Re: ياسر عرمان....ح تتجلد والشمس ضحى
Author: Nazik Eltayeb
Date: 12-29-2010, 06:32 PM
Parent: #97
Quote: انكم تستطيعون ان تاخروا
التحرر تستطيعون ان تقفوا فى وجهه وتعوقوه ولكن ما لن تستطيعوه ابدا
هو وقف ما بدء من حركة الانعتاق والتحرر .. |
اي رعب يتملك هذا النظام من الكلمة الحرة
لن يكون احد معكم مهما توعدتم و هددتم وسجنتم و سحلتم و قتلتم
ما اسهل على كل من يعارضونكم ان يتملقوكم لمصلحة او اتقاءً لشركم لكنهم اثروا النضال على الاغراء وفضلوا العذاب على الخيانة
ستبقى القلوب الشجاعة التي صبرت على الاذي اكثر من عشرين عاما و ستصبر اكثر فلن تهزوا الايمان بالحرية لانه باق و نبيل و عظيم لن تحسه الصراصير التي اعتادت العيش على فتات الموائد
تبا لحكومتكم و مؤتمركم و فسادكم و كذبكم
و لتحيا الحرية
|
Post: #125
Title: Re: ياسر عرمان....ح تتجلد والشمس ضحى
Author: MOHAMMED ELSHEIKH
Date: 12-29-2010, 09:44 PM
Parent: #97
هدّد ياسر عرمان، القيادي في الحركة الشعبية لتحرير السودان، بأنه إذا تم التضييق عليها في الشمال عقب الانفصال (ستكون هناك خيارات أخرى)، في إشارة إلى خيار القوة وحمل السلاح.
الصديق الشفيع
والمرور الكرام تحية لكم
حسب صياغة الجملة اعلاه فأن ياسر عرمان لم يقل:" اني هددت"
وانما هو الأنطباع الذي تركه كلام ياسر" ستكون هناك خيارات أخري" لدى المحرر الذي اعتبر كلامه تهديدا بل ذهب لأكثر من ذلك-أي المحرر_ بالتبرع بتفسير هذه الخيارات على انها حمل السلاح!!
يعني بالعربي كدي ياسر قال"
لدي خيارات أخري "
الن يكون ممكنا ان من بين هذه الخيارات : الأنضمام لأحزاب أخرى أو العمل على قيام انتفاضة شعبية؟؟ غير محمية بالسلاح؛؟؟
حتى لو افترضنا التسمية" بالحركة الشعبية" قد يسبب عقدة لمسجل الأحزاب .
طيب كيف لو قال حا نسميهو " الحراك الشعبي لتحرير السودان"
اها دي بكون فيها جلدة؟؟؟ العصير كدى؟؟؟
تحياتي للأسرة بالرياض و السودان
|
Post: #261
Title: Re: ياسر عرمان....ح تتجلد والشمس ضحى
Author: نجلاء قرافي
Date: 01-13-2011, 04:48 PM
Parent: #97
| Quote: ح تتجلد والشمس ضحى |
انت دولة الجلادين الكبري عندكم شنو غير الجلد
سيتم جلد ياسر عرمان لاحد الاسباب الاتيه
مامحترم
في حد من حدود الله
لابس لبس فاضح
ـــــــــ
قدو قدو بخته حيلقي ليهو جنازه ويشبع فيها لطم بختتتتك يا...
|
Post: #100
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 07:12 AM
Parent: #91
| Quote: عرمان يا الشفيع يتقاصر امامة وصف حاكم او وزير فهو ثائر والثوار دايما مايرفضون احتلال المناصب حتى لاتشغلهم من انزال الافكار |
يا عمار
هل تعلم لماذا وكيف تم ترشيح عرمان لرئاسة الجمهورية؟
وهل تعلم انه كان يصر على ان يترشح لولاية الخرطوم؟
الترشيح ده كان بقصد حرمانه من ان يتبوأ اي منصب
حرمه حتى من دخول البرلمان
يا اخوي الانفصال فرز الكيمان، وكان مسمار النعش لما يسمى السودان الجديد
Quote: لكوماندر ياسر عرمان هو نائب الامين العام للحركة الشعبية لتحرير السودان ويحمل الى الان رتبة لواء فى الجيش الشعبى لتحرير السودان
وعضو المكتب السياسي للحركة الشعبية وهى اعلى هيئة سياسيه فى الحركة الشعبية |
طيب وعمل شنو بالوظائف دي؟
هل قدر يعطل تصريحات الحركة بالانفصال؟
سؤال:
لماذا لم ينعقد (مجلس التحرير) حتى الآن؟
|
Post: #101
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 07:16 AM
Parent: #100
Quote: أما القائد عرمان فقد رفض الوزارة خمس مرات
على المستوى الاتحادى وعندما يأتى اوان الوزارة
سيكون رئيسها... فلا تقلق فنحن لا نستعجل النتائج . |
اقرا ردي اعلاه لاخونا عمار يا نزار
|
Post: #102
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 07:33 AM
Parent: #101
هلا يا الشفيع وتحيات صباحية
وتاني بالله ما تشيلك نومة والنقاش نيرانه مولعة..(فكن دوما مستعدا)
1-مشكلتك يا الشفيع يا اخوي انك بتتكلم عن دراما (الانفصال ) الجاي علينا ده كنهاية للتاريخ ومكبشر كل المشهد السياسي فيهو وما مدي نفسك فرصة للتامل في الجانب الاخر من النهر.. الجانب الاخر الذي وعندما تتفكك في دولة السودان المفاهيم التي اوجبت الحروبات والتمرد
والكركبة ستتحول هذه الاحداث التي تمر الان الي مشهد من مرحلة...!!والتاريخ السوداني لم ينتهي بعد يا الشفيع وبالتاكيد الموتمر الوطني اقصر قامة من ان يرسم تاريخ هذا البلد ويتنهي كل الاشياء عنده..
2-Quote: ما عندك مانع يا اخوي
طلعناهم ليك
بعد الانفصال انا طلعت بوست بقول (الشمال للشماليين والجنوب للجنوبيين) ولم استثني أحداً
تقرير المصير فرز الخنادق
|
ده كلام محزن وبهزم حتي فكرة (الاخوة في الاسلام) والناس ديل يفترض انهم اخوة لكم في الله ولاشنو..؟؟ خلاص يعني انتهت مرحلتهم واصبحو كمناديل ورق سوداء اللون يجدع بها ومن اول (خوايتم نيفاشا).... ياخ علي الاقل طالب ليهم بحزب جنوبي موتمر وطني يحمل نفس الافكار التي عملو معكم فيهاوفيهم من قدم نفسه رخيصة لخدمة مشروع الموتمر الوطني (تنزع شماليتهم.... تنزع اسم حزبهم... تنزع ايدلوجيتهم...وتاكلهم لحم ودقون وترميهم عضم وجنوبين)... ده كلام موسف يا الشفيع ومحزن...(ولاحظ انا الشين ده مهتم بحق ناسكم وانت ملحقهم غنم زهرة وطاردهم من جنة الموتمر الوطني شمالا وجنوبا)..
2-| Quote: المؤتمر هو الوحيد الذي دافع عن وحدة السودان، |
بياتو فلسفة وفهم يا الشفيع دافع الموتمر الوطني عن الوحدة وهو الذي يقول بانه
ضد التنوع..؟؟
انت اساسا مشروعك اقصائي ومامعترف حتي بحق الاخر في التنوع فكيف تدافع عن الوحدة
|
Post: #104
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 11:16 AM
Parent: #102
تعبيرك صحيح 100% يا ع الكريم
هو فعلاً نهاية تاريخ السودان الموحد
انا ما عارف نفسي، متفائل شديد ولا متشائم
| Quote: ياخ علي الاقل طالب ليهم بحزب جنوبي موتمر وطني يحمل نفس الافكار |
اول هام، انا لا اتحدث من منطلق (اسلامي)
ونفس الشيء، يقدموا طلب تسجيل حزب(جديد) لمسجل الاحزاب في حكومة دولة الجنوب
كأنك تشير لي خطاب القضارف
انا اتحدث عن مساعي المؤتمر الوطني - الى ما قبل - اعلان الحركة بدعمها للانفصال
|
Post: #105
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 11:52 AM
Parent: #104
Quote: تعبيرك صحيح 100% يا ع الكريم
هو فعلاً نهاية تاريخ السودان الموحد
انا ما عارف نفسي، متفائل شديد ولا متشائم
|
هلا يا الشفيع
1-وانت متفائل ومتفائل جدا يا هندسة..وهذه المرحلة من الامر السوداني من التسطيح وصفها بنهاية التاريخ للسودان الموحد وطالما هناك اصوات وحدوية ناشطة وفاعلة شمالا او جنوبا وقادرة علي صناعة خطاب وفكر سياسي واجسام سياسية فلسفتها هي الوحدة فمن غير المنطق (قفل هذا الملف) وتشطيبه..(وما بوستك الواعد ياسر عرمان بالجلد الا محاولة لقمع هذا الخطاب واجباره للخضوع بالقوي) والقوي يا الشفيع ميزانها ما (ثابت) ومتغييرة بتغيير معطيات كثيرة اولها (السلطة) التي ليس بالضرورة ان تكون في يد الموتمر الوطني في الشمال او يد التيار الانفصالي في الجنوب....
لو بتقدر تثبت لي وتديني تطمينات بانو الموتمر الوطني حيحكم السودان الي مالانهاية ممكن اتفق معاك في حكاية نهاية التاريخ دي..
وصدقني ما نيفاشا هذه الا جولة من جولات الاتفاقيات مثلها ومثل اديس ابابا التي كان يبشر بها نميري واعوانه كنهاية لتاريخ الحرب في السودان(فالخطاب الشمولي يا الشفيع لا ينظر الا في مداه وافق الضيق الغير مستوعب ومتصالح مع الراي الاخر ويعتقد بانه قادر علي حسم
الصراع بادوات القمع والقوة والارهاب... )
2-
Quote: اول هام، انا لا اتحدث من منطلق (اسلامي)
ونفس الشيء، يقدموا طلب تسجيل حزب(جديد) لمسجل الاحزاب في حكومة دولة الجنوب
|
يا زول ده كلام شنو..؟؟
الموتمر الوطني يدعي بانه ذو منطلقات اسلامية وكل خطابه ومنذ 89 ذاهب الي هذه الجزئية
فهل انت متحلل من هذا الخطاب...!!!
لو في فكاك من خطاب الموتمر الوطني الاسلامي الينا بمنطلقاتك يا الشفيع حتي لا الخبت ليك الكيمان
وافرز ليك كومك وكوم الموتمر الوطني (لاني هنا بحاكم اطروحات ومنطلقات الموتمر الوطني المعروفة للغاشي والداني)..
Quote: كأنك تشير لي خطاب القضارف
انا اتحدث عن مساعي المؤتمر الوطني - الى ما قبل - اعلان الحركة بدعمها للانفصال |
3-هل يا الشفيع موقف البشير من التنوع ده ظهر وبين فجاة كده في القضارف (مثل تلك الموية التي نبعت في القضارف زمان دييك وضربت لها اكباد السفر للعلاج)..ولاشنووووو..؟؟
لا يا الشفيع موقف الموتمر الوطني من التنوع خطابه معروف وومحاولات فرض مشروع احادي في السودان ما بدات ما بعد القضارف بل كانت ومنذ بدايات المشروع الحضاري بكل ادبياته..
فعليه مساعي الموتمر الوطني للوحدة لم تكن سوي (مغارز) وليس اصيلة في فكره ولانو العاوز الوحدة بسعي ليها في سقفها الاعلي
من حريات..وحقوق ومواطنة اصيلة ودستور يحفظ للجميع حقوقهم بما فيها رئاسة السودان...
ما يفعله الموتمر الوطني من اجل الوحدة لم يكن سوي تكتيكات وسمسمرة في قضية دايرة حلول صعبة الموتمر الوطني ليس علي استعداد
لتقديم التنازل والهوووم ويرك الحقيقي الذي يحلها من جذورها...
|
Post: #106
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 12:00 PM
Parent: #105
Quote: 4-ونفس الشيء، يقدموا طلب تسجيل حزب(جديد) لمسجل الاحزاب في حكومة دولة الجنوب
|
اربعة دي حقو اعمل ليك فيها زوووووم اوووت يا الشفيع عشان تمتعني فيها بنقاش عله يفيد امرنا هنا
افرض الجنوبين بتاعين الموتمر الوطني ديل مشو لمسجل الاحزاب في حكومة الجنوب وقالو عاوزين يسجلو حزب باسم الموتمر الوطني الجنوبي
انت حيكون موقفك من الكلام بتاعهم ده شنووو..؟؟
|
Post: #107
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 01:06 PM
Parent: #106
نعم يا ع الكريم
المؤتمر الوطني منطلقاته اسلامية
ولكنه (غير) منغلق على ذلك
والمشروع الحضاري (قبل) نيفاشا لا يشبه ما بعدها
مثلاً أنا لا أدعم الانقاذ لانها (طبقت) أو ح (تطبق) الشريعة
هل جورج كنقور(المسيحي) ينطبق عليه ذلك، أو حتى عبد الكريم موسى(الجمهوري)؟
أنا لا أدعو ولا أؤيد الدولة (الدينية)، ولكن لا أعارضها
أنا أؤيد الانقاذ والمؤتمر لأن (مصلحة) البلد تتطلب ذلك
| Quote: هل يا الشفيع موقف البشير من التنوع ده ظهر وبين فجاة كده في القضارف |
شوف يا ع الكريم
أختها ليك على بلاطة
أنا زي ما قلت ليك (مؤيد) للانقاذ
وأتفهم (جداً) أن تستغل الانقاذ (الدين) لجلب التأييد
حتى استعمال الدين في حرب الجنوب، أرى لا بأس به
غالبية الشعب السوداني (دينيين) شديد
عشان كده (العمل) على هذا الوتر، دايما مفيد
لو عملنا استفتاء (الآن) على الشريعة في الشمال ستفوز بنسبة خرافية
الرسالة البحاول أوصلها للإنقاذ:
لم تؤيدكم الجماهير بسبب الشريعة (فقط)
| Quote: ما يفعله الموتمر الوطني من اجل الوحدة لم يكن سوي تكتيكات |
ما بختلف معاك كتير هنا
يا ع الكريم
خليك عقلاني
هل كنت تتوقع ان تقبل الحركة بالوحدة حتى ولو جابو ليها (لبن الطير)؟
وهل تتوقع ان تكون هناك حريات وحقوق مواطنة في دولة جنوب السودان؟
العالمين ببواطن الامور بعرفوا ان نيفاشا كان لها هدفين:
فصل الجنوب و
اسقاط المؤتمر الوطني
الانتخابات وضعت الناخب ليختار بين طبقين:
طبق المؤتمر الوطني وفيهو انفصال مؤكد
وطبق (الآخرين) وفيهو وحدة (مجهجهة)
ورغم من ما يقال من خج وعدم نزاهة، إلا أننا نجزم أن الغالبية اختارت الطبق الاول
صدقني يا ع الكريم المؤتمر الوطني ليس هو (عائق) الوحدة كما تتصورون
ولو كان (تحالف) جوبا على سدة الحكم الآن لوصلنا لنفس النتيجة
| Quote: افرض الجنوبين بتاعين الموتمر الوطني |
يا اخوي انا قلت ليك بعد الانفصال الشمال للشماليين والجنوب للجنوبيين
يعني ما مفروض يكون في حاجة اسمها (الجنوبين بتاعين الموتمر الوطني)
|
Post: #108
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 02:10 PM
Parent: #107
هلا يالشفيع وخليني اجيك من الاخر..!!
قلت
1-Quote: يا اخوي انا قلت ليك بعد الانفصال الشمال للشماليين والجنوب للجنوبيين
يعني ما مفروض يكون في حاجة اسمها (الجنوبين بتاعين الموتمر الوطني) |
منو يا الشفيع البحدد مفروض وما مفروض...؟؟
وليه الوصايا ومحاولة تحديد الخيارات للاخريين...والاخريين ديل وحتي الوقت القريب كانو جزء من تركيبتك التنظيمية(وهذه التركيبة في اطار ديني والدين في ايدلوجيتة لا يعترف بالحدود..وحتي ايدلوجيا الاخوان والتي هي المنبع الفكري للكيزان متوغلة في بلدان كثيرة غير مصر.؟؟؟
2-Quote: صدقني يا ع الكريم المؤتمر الوطني ليس هو (عائق) الوحدة كما تتصورون
ولو كان (تحالف) جوبا على سدة الحكم الآن لوصلنا لنفس النتيجة |
من وين يا الشفيع وكيف وصلت للجزئية دي..؟؟
تحالف جوبا امتداد طبيعي للتجمع والذي كانت الحركة الشعبية فصيل اساسي فيه وامتداد طويل لعمل مشترك بين القوي السودانية دي ممكن تقول ومنذ تفاهمات الميرغني- قرنق والموتمر الذي قطعت الطريق عنه الانقاذ ..وامتداد لموتمر القضايا المصيرية ومقررات اسمرا والذي ومهما كان اختلافنا او اتفاقنا معه الا ان يثبت بان القوي السودانية المومنة بالتحول الديمقراطي وسيادة دولة المواطنة يمكنها ان تعمل معاونتنج حلول لازمة السودان... التي ظل الموتمر الوطني يعمق فيها يوما ورا يوم ومنذ 89 وما ان تقفلت الحرب في الجنوب والشرق حتي سرعان ما تفتحت ولعلع الرصاص في دارفور... فاذن يا الشفيع (الموتمر الوطني هو مركز كل هذه الاشكالات والعقبة الاساسية في الوصول الي حلول بعقل سوداني مشترك
سوا كان ذلك جنوبي وشمالي وشرقي وغربي...
3-Quote: هل كنت تتوقع ان تقبل الحركة بالوحدة حتى ولو جابو ليها (لبن الطير)؟
وهل تتوقع ان تكون هناك حريات وحقوق مواطنة في دولة جنوب السودان؟
العالمين ببواطن الامور بعرفوا ان نيفاشا كان لها هدفين:
فصل الجنوب و
اسقاط المؤتمر الوطني
الانتخابات وضعت الناخب ليختار بين طبقين:
طبق المؤتمر الوطني وفيهو انفصال مؤكد
وطبق (الآخرين) وفيهو وحدة (مجهجهة)
ورغم من ما يقال من خج وعدم نزاهة، إلا أننا نجزم أن الغالبية اختارت الطبق الاول |
4- انت جيب (لبن الطير) ده في الاول يا الشفيع وبعدين خلينا نشوف موقف الحركة ولكن الشاهد بان الموتمر الوطني (لبن فور دوكس) زي بتاع الداخليات دااك ما حيقدر يقدمو في اطار الكنكشة والرغبة في السلطة لدرجة ان كان ثمن البقاء في السلطة هو فصل الجنوب وفليفصل الجنوب ويبقي البشير ورهطه في كراسي السلطة (وعلي الاخريين لحس كوعهم)..وما باقي لي زول او حزب بقول لغة زي دي قادر علي جلب (لبن عشر) خليك من لبن الطير في الباقير..
- ودي فرصة احي العالمين ببواطن الامور فان كان الجزء الاول من ومخرجاتها في طريقه للتحقق في 9-يناير بالانفصال فاننا سعيد بان يكون الجزء الثاني في الطريق وهو ذهاب الموتمر الوطني (وبالمناسبة انا وللمدي البعيد في السودان ما منزعج علي الاطلاق من انفصال نيفاشا ده.. وبذهاب الموتمر الوطني وحضور سلطة مهتمة بالقضايا الاساسية فان العودة الي السودان الكبير شي ساهل ولا يحتاج الي كثير عناء طالما الاشكالات الاساسية والمحورية الحالية في ظل الموتمر الوطني تمت حلحلتها بصورة جذرية ومنهجية )
5-Quote: شوف يا ع الكريم
أختها ليك على بلاطة
أنا زي ما قلت ليك (مؤيد) للانقاذ
وأتفهم (جداً) أن تستغل الانقاذ (الدين) لجلب التأييد
حتى استعمال الدين في حرب الجنوب، أرى لا بأس به
غالبية الشعب السوداني (دينيين) شديد
عشان كده (العمل) على هذا الوتر، دايما مفيد
لو عملنا استفتاء (الآن) على الشريعة في الشمال ستفوز بنسبة خرافية |
الدين ده يا الشفيع لمن الله جابو ( جابو عشان يطبق بالصورة الصحيحة) وليس للمتاجرة به و(العمل عليه) وساعتها بكون ده ابتزال ومتاجرة بقيم الدين.. يا تعمل بيهو بكليتاته وتقيمه حيث العدل
وحفظ الحقوق.. او تقعد تلعب بيهو بولتيكا وتسمسر بيهو في (كرين) السياسة السودانية وساعتها يصبح الموتمر الوطني مجرد (عابث) ومتلعبث ومجرم في الدين ده قبل الاجرام في حق الوطن..ولو جرينا شريط في الفقه الاسلامي فمثل هولا القوم يجب ضرب عنقهم كمنافقين وحرامية دين لتحقيق غرض سياسي ثم تفريغ الدين ده زاااتو من رسالته القالها الله..
-الجمهوري والمسيحي الجبتهم ديل وغيرهم كثر بالتاكيد ديل واقعين في مظلة تحالف المصالح والرغبات التي قد تكون شخصية (والله اعلم) او مصلحات عامة وامراض نخبة ودي تحالفات مفهومة واردة في كل الانظمة الشمولية بكون عندها (نخب جهوية ومن اديان اخري وايدلوجيات اخري بالاضافة بالتاكيد الي الانتهازيين وناس تكل عيش) والتنظيم لمن ما يكون عندو مظلة ايدلوجية راسخة ومبني علي (وعي مصلحي) ممكن تتوقع في داخله توليفة (سمك- لبن- تمر هندي - عجور)..!!
6-
| Quote: والمشروع الحضاري (قبل) نيفاشا لا يشبه ما بعدها |
الانقاذ هي الانقاذ يا الشفيع
ومحكمتها كسلطة ليس هنالك شي يجب ما قبله ومنذ ان قال البشير في البيان الاول (استارت) هي الانقاذ
والمشروع الحضاري تفكيكه لم ياتي كمنحة وصدقة من الانقاذ بل اتي ذلك بفعل التركم والعمل المناهض من قبل هذا الشعب الذي اريد ان يطبق فيه (فهم ووعي وفلسفة غريبة عليه).. والرفض الحاصل ده بداء ومنذ اول يوم وكل يوم بمر بضيف مفتاح يساعد علي تفكيك هذه القبضة وقد لاتكون هذه (الالية ) مرئية ولكنها تعمل وبصبر الي ان تاتي الهردمة الكبري وصدقني يا الشفيع انها ستاتي... ده غير الضغط الاقليمي والضغط الاتي من دول الاستكبار العالمي او كما تقولون في امر اوكمابو وغيره من الجيوش الاجنبية التي صارت تقاسم المواطن السوداني الفيافي والوديان والماء في زمن الموتمر الوطني...!!!
|
Post: #109
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 02:17 PM
Parent: #108
| Quote: المؤتمر الوطني منطلقاته اسلامية |
لذيذة هي حكاية الزووووووووم اوت دي يا الشفيع وعشان كده خليني اعملها ليك في الجزئية الفووق دي..
انت عرفناك منطلقاتك غير اسلامية او كما قلت
اذن خلينا نشوف الموتمر الوطني ذو المنطلقات الاسلامية من حكاية (عضوية الموتمر الوطني من مسلمي الجنوب)..!!
ديل خلاص الرباط والجسد الواحد والايدلوجيا المشتركة والباسطة البطيخ الاكلو ناس موسي المك كور في كراكير التنظيم دي ينتهي وكل زول يطلع شجرتو..؟؟؟
ماعارف هل انت ملزم بالاجاية بوعي منطلقات الموتمر الوطني الاسلامية ولاعندك كركبة تاني يا الشفيع..
---------------------
ياخي الموتمر الوطني فالقنا بمسلمي البوسنا والهرسك والشيشان الفي سقط لقط ديلك
الجدا شنوفي المخدة وبخليهو يرفع كرعينه واياديه من ناسو العلي مرمي حجر من الخرطوم وكانو معاه في كراكير الحركة الاسلامية دي وماتو وحيو معاهم سوي..؟؟؟
|
Post: #110
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 02:51 PM
Parent: #108
| Quote: منو يا الشفيع البحدد مفروض وما مفروض...؟؟ |
الفرضتها نيفاشا وحق تقرير المصير
الناس ديل قالوا ليك عديل كده ما عاوزنكم ودايرين نمشي نعمل لينا دولة برانا في الجنوب، تقول ليهم شيلوا معاكم شوية مؤتمر وطني تطعموا بيها دولتكم
شكلك ما قادر تصدق انو الاستفتاء ح (يخلق) دولة ذات كيان منفصل
عايز (تحلم) بي اتحاد بعد كم مائة سنة مافي مانع، بس ح يكون زي (الوحدة العربية) او التكامل مع مصر او ليبيا
| Quote: من وين يا الشفيع وكيف وصلت للجزئية دي..؟؟ |
| Quote: لعمل مشترك بين القوي السودانية |
والعمل المشترك ده بديتو من تفاهمات الميرغني- قرنق ليه؟
ما ترجع شوية لا وراء يا شيخنا
ارجع لأيام الانتفاضة، لامن كانت المعارضة والحركة الشعبية (صف واااحد)،ثم رفضت الحركة الشعبية الاعتراف بالحكومة والكانت مشكلة (تقريبا) من نفس تجمع جوبا (الحالي)
تراني جبت الجزئية البتسأل عنها من هنا
| Quote: تحالف جوبا امتداد طبيعي للتجمع |
وهو امتداد طبيعي ايضا للتجمع القام بانتفاضة ابريل
| Quote: ان كان ثمن البقاء في السلطة هو فصل الجنوب |
وليه تتوقع يكون ثمن الوحدة هو ترك السلطة؟
ده ياهو الشرك النصبته ليكم نيفاشا يا ع الكريم
{دايرين وحدة، سقطوا الناس ديل}
هدف الحركة واااحد منذ قرنق وما بعده:
فصل الجنوب وتمكين حكومة موالية ( وبالعدم) ضعيفة في الشمال، وبعدهم
| Quote: ذهاب الموتمر الوطني |
بعد الانفصال ده، ذهابهم ح يكون صعب شديد يا ع الكريم ان لم يكن (مستحيل)
| Quote: الدين ده يا الشفيع لمن الله جابو |
انا ما طلعت العباية الدينية عشان البسك ليها
| Quote: والتنظيم لمن ما يكون عندو مظلة ايدلوجية راسخة ومبني علي (وعي مصلحي) ممكن تتوقع في داخله توليفة (سمك- لبن- تمر هندي - عجور)..!! |
ده اسمه (توسعة المواعين)
آليات تفكيكك دي بختلف معاك فيها
وستظل آليتي:
لم تؤيدكم الجماهير بسبب الشريعة (فقط)
|
Post: #111
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 05:52 PM
Parent: #110
هلا يا الشفيع
وعدنا ليك جينا يا روابي النقاش..!!
1-Quote: الفرضتها نيفاشا وحق تقرير المصير
|
متين يا الشفيع نيفاشا فرضت كلام زي ده (ونيفاشا بالمناسبة عندها لسان ونصوص واضحة) ليس من بينها قمع الافكار وبناء جدار حدودي يمنع الافكار من الانتقال عبر هذه الحدود...ولو الحدود والانفصال كانت بتمنع حركة (الفكر السياسي) لكفانا استقلال السودان عن التاج المصري من حضور الفكر الذي ولد الجبهة الاسلامية ولما كنا الان في مثل هذا النقاش في سطوة تنظيم الموتمر الوطني المتناسخ عن فكر سيد قطب...!!
وحتي نيفاشا هذه وان قالت علي ذلك نصا (والامر افتراض جدلي* ) فهي لست انجيلا او قران علي كل الحراك السوداني شمالا او جنوبا اتباعه فرضا...!!
فعليه لا تقول نيفاشا ما لم تقله نصا...!!!
2-| Quote: الناس ديل قالوا ليك عديل كده ما عاوزنكم ودايرين نمشي نعمل لينا دولة برانا في الجنوب، تقول ليهم شيلوا معاكم شوية مؤتمر وطني تطعموا بيها دولتكم |
مافي زول عاوز يقول لزول ولكن الجنوبي الموتمر الوطني البمشي جنوبا من حقه تماما ان يبشر بامر ايدليوجيته في نظام ديمقراطي في الجنوب... وكذلك الشمالي الحركة الشعبية من حقه تماما ان يبشر بما يومن به من افكار في وطنه الشمالي مثلما يريد ياسر عرمان وهذا هو جوهر وزبدة دفوعاتي في بوستك ده..!!(انت ليه ماداير موتمر وطني في الجنوب ما الثورة الاسلامية جوهر فكرتها هو الانتشار في الارض
ولاشنووووو..؟؟؟)
فاي قمع شمالا او جنوبا لمثل هذه الافكار من التداول او العمل يصبح الامر في مجمله كبت ومصادرة لحرية التفكير والعمل السياسي وده طبعا كلام مرفوض وفي مناهضته فليعلع الرصاص...!!!
3-| Quote: والعمل المشترك ده بديتو من تفاهمات الميرغني- قرنق ليه؟ |
العمل المشترك يا الشفيع من اجل السودان الواحد ممكن اجرو ليك ترافيس حتي ما قبل الاستعمار
ولكن ماذكرته لك من محطات هي واضحة في مسيرة العمل المشترك ما بين تلك الاحزاب والحركة الشعبية
ورصدها من مرحلة معينة لا يلغي دلالاتها ورسالتها في (العمل كعقل سوداني بوعي مشترك)..وتظل هي محطات عطلتها الجبهة الاسلامية ونعضي عليها اصابع الندم ولو موقتا في هذه المرحلة من المهشد السوداني وكان يمكن ادارتها في مظلة تجربة ديمقراطية مومنة ومحمية من مغامرات اصحاب المشاريع الاحادية والقمعيين الجدد الين قطعو الطريق امام هذه المحاولات واشعلو غابات الجنوب في حروب ضروس خسر فيها السودان كثيرا من موارده التي هو احوج ما يكون اليهات كدولة لا تزال تترنح في انهار الفقر والجهل والعوز
4-| Quote: وليه تتوقع يكون ثمن الوحدة هو ترك السلطة؟ |
نعم ثمن الوحدة هو تفكيك هذه السلطة.. فعندما تشاع الحريات والحقوق الاسساسية ودولة المواطنة الحقة فان هذه السلطة الحالية اوتوماتيكي ستفقد قبضتها وسطوتها التي بنيت علي مصادرة الاشياء اعلاه.. وساعتها وفي حضور نظام ديمقراطي وسودان متعدد في كل اشيائه فان البشير حتما لن يجد الا النذر القليل من الخمسة مليون الذين تم خجهم ديل...لانو البشير والموتمر الوطني ماعندو ما يقدمه لهذا الشعب ولا يستطيع العمل الا في ظل سلطة وقبضة كحال سودان اليوم..
5-| Quote: بعد الانفصال ده، ذهابهم ح يكون صعب شديد يا ع الكريم ان لم يكن (مستحيل) |
ده كلام غريب يا الشفيع وضد منطق الاشياء فالخلود لله وسبحان و تعالي وكلا الي زوال..
والانقاذ سلطة اوجدتها شروط معينة وحكمت...وستتراكم شروط ذهابها وستذهب طال الزمن ام قصر كما يذهب كل سلطان رعديد في هذا الكون.. (والملك ده عاوزين تغيرو قوانين حركته يا الشفيع ولاشنو..؟؟
| Quote: انا ما طلعت العباية الدينية عشان البسك ليها |
الشفيع انت كما ذكرت منطلقاتك ليس دنينة في تاييدك للانقاذ فعشان كده حقو تخلي الدين ده بعيد
وانا احترمت منطلقك وعملت فصل ازموزي ما بين (منطلقاتك ومنطلقات الموتمر الوطني) وان كانت العملية
ما مبلوعة كونك تاييد الدولة الدينية وتويد ان تعمل الانقاذ علي الدين لتوطين خطابها وبداء الامر موغلا في التراجيديا بالنسبة لي.. كونه دفاع عن تسخير الدين وتحويله لاداة لتحقيق اغراض وفي سبيل تحقيق هذه الاغراض فليذهب الفساد والقتل وقمع الاخر الي الجحيم..
6-| Quote: لم تؤيدكم الجماهير بسبب الشريعة (فقط) |
حكاية تاييد الجماهير دي انا زااتي عندي فيها راي فقهي.. واوع تقول لي قاصد الجماهير البتجي تحضر رقيص البشير في الزيارات ...ولا اوع تقول لي الخمسة مليون المخجوجة في الانتخابات الكرتونية
واوع تقولي بقاء الانقاذ 20 سنة دليل علي تاييد الجماهير...دي كلها شواهد مثقلة بالدخنات ولا يعتد عليها في القياس ...فالنميري قبل شهر من ذهابه حضرت ليهو زيارة في احدي المدن المكرسح شايل العميان
وفي يوم ذهابه خرجت نفس هذه الجماهير تشيعه الي مثواه الاخير وهي راقصة...
|
Post: #112
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 06:03 PM
Parent: #111
زوووووووووووووووم اووووت
Quote: ده اسمه (توسعة المواعين)
|
الماعون الكبير يا الشفيع هو الوطن...!!
ومش يلبد لينا الموتمر الوطني في كراكير مكاتب ميري الشعب السوداني ويوسع في مواعينه فقط وبموارد هذا الشعب وبكل انانية وحب ذات حزبية وتجي تقول لينا (توسيع مواعين),,,
وسع ماعونك ما شئت ولكن ليس من موارد الشعب...؟؟
وتعال بماعونك ده واقعد من الاخرين في الماعون الكبير والحشاش يملا صندوق انتخابه ولكن عبر ديمقراطية حقيقية غير مشوه وغير مكلفتة وغير معلومة ملوية العنق..!!
|
Post: #117
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 07:09 PM
Parent: #112
النقاط (3) ، (4) "بترقيمك"، ردودك فيها غير (واضحة) يا ع الكريم
لم توضح لم لم يعود قرنق للخرطوم بعد الانتفاضة؟ (3)
ولم تربط لي بين ذهاب الانقاذ و الوحدة (4)
| Quote: متين يا الشفيع نيفاشا فرضت كلام زي ده |
نيفاشا نصت على الانفصال، والانفصال يعني الانفصال، والانفصال التاني يعني ان الشمال للشماليين و........
الحركة جنوبية تظل في الجنوب
المؤتمر شمالي يظل في الشمال
ونعم الفكر لا يعرف الحدود
حاملي الافكار في البلدين يمشوا يقدموا طلب لتأسيس حزب (جديد)
يعني مصر تلبسني العباية دي؟
| Quote: والانقاذ سلطة اوجدتها شروط معينة وحكمت. |
وستظل تحكم لفترة.... ليست بالقصيرة
| Quote: حكاية تاييد الجماهير |
مزقت كل ادلتي
طيب اديني ادلتك
الانقاذ بسطت (قدر) كاف من الديمقراطية والحرية
|
Post: #113
Title: Re: ياسر عرمان....ح تتجلد والشمس ضحى
Author: tasneem
Date: 12-29-2010, 06:22 PM
Parent: #111
الاخ الفاضل عبدالكريم الامين
انت من اميز الكتاب في سودانيز اونلاين
دايما اتابع مداخلاتك الرصينة الواقعية المدهشة!!!!!!!!!!!!!!
البوست دا بالجد ابدعت فيه ابداع
ربنا يكتر من امثالك في هذا البورد
وسنتك جميلة انت وصاحب البوست الاخ الشفيع
وربنا يحقق امانيكم
|
Post: #115
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 06:35 PM
Parent: #113
وانت بألف خير يا تسنيم
وعامك سعيد ومبارك
|
Post: #116
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 06:45 PM
Parent: #115
Quote: وسنتك جميلة انت وصاحب البوست الاخ الشفيع
وربنا يحقق امانيكم |
وانتي بالف خير وعافية يا تسنيم
والف شكر وتقدير علي حديثك الطيب الذي اعتز به كثيرا
وكل التقدير...
والامنيات بعام سعيد تذهب ايضا للاخ المهندس الشفيع ولكل زوار البوست
وتحياتي
|
Post: #119
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 07:45 PM
Parent: #118
تشكر ول ابا بريمة على الرابط والقراءة المستقبلية (الواضحة)
|
Post: #120
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 08:08 PM
Parent: #116
هلا يا الشفيع وحبابك
1-Quote: النقاط (3) ، (4) "بترقيمك"، ردودك فيها غير (واضحة) يا ع الكريم
لم توضح لم لم يعود قرنق للخرطوم بعد الانتفاضة؟ (3)
ولم تربط لي بين ذهاب الانقاذ و الوحدة (4) |
نوضح يا الشفيع ومافي مانع علي الاطلاق طالما هذا الامر يساهم في دفع النقاش لقدام
فترة ما بعد نميري مدتها كلها تقربيا اربعة سنوات الفترة الانتقالية ثم حكومة الصادق المهدي..
وماعارف هل انت كنت تتوقع ان ياتي قرنق تاني يوم للانتفاضة من الغابة طواالي ويركب الموجة...الموجة التي علي راسها ضباط من الموسسة العسكرية التي كانت تحارب قرنق تحت امرة نميري.. (سوار الدهب وصحبه)
وحتي كل اشكالات ومعضلات ما تبقي من تلك التجربة الديمقراطية كانت وليدة التحضير السيي والسطحية في تناول مقررات المرحلة الانتقالية واستحقاقتها والاثر ده ظهر في اول برلمان وفي قانون الانتخابات وفي ترحيل المشاكل الاساسية التي كان يمكن حسمها بما فيها (التحاور مع قرنق)... ومع بداية الديمقراطية في زمن الصادق بداء عمل كان يمكن ان يسهم بصورة ايجابية في حلحلة مشكلة الجنوب عبر الحوار(لقاء الصادق -قرنق) (الحوارات مع مجموعة من الاكاديمين الذين اعتلقهم مبارك الفاضل عندما كان وزير داخلية).. بالاضافة الي اتفاقية الميرغني -قرنق التي لم تري النور..!!
وفي الجانب الاخر من النهر كانت الجبهة الاسلامية بتلملم في دهب النساء وبتدق في طبول الحرب وتعمل كتيار مضاد ضد كل المحاولات للتقارب مع قرنق الذي كانت تصفه بالكنسي والصهيوني وعمل اعلامها علي جعل عجاجات الحرب في السماء... صحيح وحقيقي في الاحزاب الاخري (مجموعة جوبا) بعض التيارات التي كانت تسبح مع الجبهة الاسلامية في نفس التيار الا ان الامر برمته كان يحتاج الي صبر ومثابرة وزمن وبكل اسف نط فيها البشير وكان وما كان...!!
اذن جية قرنق كانت تحتاج الي ترتيبات وجولات مفاوضات وزمن ولو اديرت الامور في ساعتها بوعي وتصالح مع الاشياء كان حضوره للخرطوم سيكون امر حتمي وسيكون اضافة كبيرة للتجربة السودانية الديمقراطية ولكن,,..؟؟
| Quote: ولم تربط لي بين ذهاب الانقاذ و الوحدة (4) |
ربطت ليك يا الشفيع
وكلامي كان محدد.. في تفكيك الدولة الاحادية واشاعة دولة المواطنة واعطاء الحقوق الاساسية لكل الناس في السودان هذا الامر اتوماتيكي سيقضي علي الانقاذ كدولة...وفي نفس اللحظة سيهدم كل الاطروحات التي يستند عليها الانفصاليون في الجنوب...وبالمناسبة التيار الانفصالي في الحركة كان منبوذ واول من تلفقه في اتفاق كانت هي الجبهة الاسلامية (راجع اتفاقية الخرطوم لللسلام .. رياك مشار ..كاربيبنو... لاما اكول)
2-
Quote: ونعم الفكر لا يعرف الحدود
حاملي الافكار في البلدين يمشوا يقدموا طلب لتأسيس حزب (جديد)
|
هنا انا كشريف مبسوط منك
وحاملي الافكار في البلدين نعم من حقهم ان يطالبو بحزب جديد ويمكن ان يكون اسمه الموتمر الوطني في الجنوب او الحركة الشعبية في الشمال او كما يوودون... وده كلام مميز وماعندي معاك فيهو انجيليز كثير..!!
3-Quote: مزقت كل ادلتي
طيب اديني ادلتك |
وهنا برضو انا كشريف مبسوط منك
مافي دليل يا الشفيع اقوي من حوجة الانقاذ الي القمع والجبروت لاخضاع الشعب ده وتشييد اجهزة بوليسية بالكوم والردوم لحمايتها
...والحكومة البايدها الشعب لست في حوجة بان ترفع تشهر السلاح في وجه ابنائه..
Quote: يعني مصر تلبسني العباية دي؟
|
وطالما يا الشفيع انت في خندق تنظيم ينادي بها فهذه الجلابية بمثابة قميص عامر
لا يمكنك ان تجدعه وان كرهته فهو سيك سيك معلق فيك..
| Quote: وستظل تحكم لفترة.... ليست بالقصيرة |
وهنا برضو لا خلاف... والمهم ان امر ذهابها غير مستحيل او كما اوردت انت اعلاه
وقصير دي نسبية ومقبولة وممكن تكون سنة او شهر او اسبوع
|
Post: #121
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 08:17 PM
Parent: #120
| Quote: الانقاذ بسطت (قدر) كاف من الديمقراطية والحرية |
واتخيل لي زوووووووم اوووت بتاع اخوان كده لايضر للنقاش قضية
ديمقراطية وحرية ببسطوها دي وبقدر تصفه انت كافي وغيرك يقول ما كافي دي اخير عدمها يا الشفيع
والديمقراطة والحرية والحقوق ما ببسطها زول لزول ولا هي منحة او صدقة او كرامة
بل هي حق اساسي واصيل اوجبته المواطنة والحقوق الاساسية التي يجب ان يتمتع بها كل اهل السودان كحق وليس منحة تبسط بسطا
|
Post: #123
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 09:00 PM
Parent: #121
| Quote: والديمقراطة والحرية والحقوق ما ببسطها زول لزول |
ولو عملت (علي) زوووم ان شديد، ح تلقاني (أصلاً) غير مقتنع بي انو الشعب السوداني (حالياً) مهيأ "للديمقراطية"
وفيديو الخج ليس ببعيد
|
Post: #124
Title: Re: ياسر عرمان....ح تتجلد والشمس ضحى
Author: Yassir Tayfour
Date: 12-29-2010, 09:26 PM
Parent: #121
الشفيع سلامات ياخ،
| Quote: الانقاذ بسطت (قدر) كاف من الديمقراطية والحرية |
نكن لكم كثير من الإحترام والتقدير، ولكن هذا المقتبس غير جدير بالإحترام، وخاصة إنه أتى من شخص كان يعارض هذا النظام، وليس من شخص تابع للنظام منذ مجيئه، وهو بالطبع غير حر ولا يعرف عن الديمقراطية إلا ما يحقق مصالح.. والسؤال هو لماذا كنت تعارض الإنقاذ؟
ماهو القدر الكافي من الديمقراطية والحرية يا شفيع؟ كيف يقاس؟ وماهي وحدته؟ وهل تزوير الإنتخابات الذي شهد عليه الأعمى والأبكم هي الديمقراطية التي كنت تعارض الإنقاذ من أجلها؟ وهل منع المسيرات السلمية وضرب الناس من قبل الشرطة هي الحرية التي كنت تنشدها؟ إحترم عقولنا يا شفيع..
___
كيكي يا صديق ما تضيِّع زمنك ساكت، الشفيع يكتب ليعرفه أهل النظام..
|
Post: #122
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-29-2010, 08:53 PM
Parent: #120
| Quote: هل انت كنت تتوقع ان ياتي قرنق تاني يوم للانتفاضة |
هل افهم من كلامك انك تؤيد/تتفهم عدم عودة قرنق؟
حسب ما اذكر الجميع استنكر وما يزال بلوم فيه على عدم العودة، الجميع ما عدا الشيوعيين طبعاً
وبعدين (بسطت) الحكاية شدييييد
قرنق في الاربعة سنة دي ازدادت شراهته للحرب ووجد الحكومة ضعيفة والجيش مهلهل وبدأت تتساقط المدن، وحسب ما اذكر اسقط طائرة مدنية
ورفض لقاء الصادق (الا بصفته الشخصية)
وكان في ظل تناكف الحليفين (الصادق-المرغني) احتمال توقيع اتفاق = صفر، كلاً يجري وراء الكسب السياسي، وتاركين الجيش يقاتل منفرداً
الجميع (بيظن) انه ده السبب الاساسي لمجيء الانقاذ
نعم الجبهة (شوهت) صورة قرنق بصورة كبيرة، ونجحت في ابعاده عن الساحة
Quote: تفكيك الدولة الاحادية......
سيهدم كل الاطروحات التي يستند عليها الانفصاليون |
هل نسيت حديث سلفاكير مع رفيدة، القال فيهو (حتى الصادق والميرغني ونقد ح يطبقوا الشريعة لو استلموا الحكم...)
يعني ذهاب الانقاذ لا يساوي ضمان الوحدة
Quote: هنا انا كشريف مبسوط منك
وحاملي الافكار في البلدين .... |
ربنا يزيد الانبساطة
يا حبيب الكلام ده انا قلتو في اول البوست:
| Quote: ياسر عرمان لو داير يسجل حزب، يبدأ من الصفر، ويقدم لمسجل الاحزاب كأي حزب جديد، يدوهو او يرفضوا ليهو |
| Quote: والحكومة البايدها الشعب لست في حوجة بان ترفع تشهر السلاح في وجه ابنائه. |
يعني ياهو ده الدليل الدامغ الراجيك تجيبو يا ع الكريم
كدي بالله امشي في ميدان ابو جنزير وقول يسقط البشير وشوف كان في زول بعبرك
عليك الله قول كلام واقعي يا ع الكريم
بتتذكر مسيرة االاتنين الفااااشلة ديك؟
ما المعارضة حشدت كل طاقتها وما استجاب ليها الا العشرات يعني اقل من البوستات الاتفتحت هنا
حقو تعترف يا ع الكريم انو الشعب باي حال من الاحوال لا يدعم المعارضة الحالية
ورغم الضيق والضنك العايش فيهو، الا انه بيأمل في خير كتير من وراء الانقاذ، وبيعلم ان في ضوء اخر النفق
| Quote: وممكن تكون سنة او شهر او اسبوع |
او 100 سنة
|
Post: #126
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 09:48 PM
Parent: #122
Quote: ولو عملت (علي) زوووم ان شديد، ح تلقاني (أصلاً) غير مقتنع بي انو الشعب السوداني (حالياً) مهيأ "للديمقراطية"
وفيديو الخج ليس ببعيد |
هلا يا الشفيع و حباب علي زووووووم
شكرا علي الرد علي الزوووم وبكده بتكون قللت اقساطك في الزووومات بتاعتي الفووق الفيها بعضا منها ما عملت لي فيها حاجة...!!
من حقك تماما ان تقتنع يا الشفيع بان الشعب السوداني ما محتاج ديمقراطية ..ولكن ما من حقك تنزيل هذا الاقتناع علي ارض الواقع كسلطة وممارسة الوصايا علي الشعب والتحدث باسمه واختزال كل افكاره المختلفه في فكرك انت واقتناعك انت فقط..؟؟
ولو افترضنا جدلا بان الشعب السوداني ما محتاج لديمقراطية الان .. ففي تقديرك هو محتاج ليها متين
قدم لي (اطروحات بدائل برنامج قيد زمني خطة تحول ديمقراطي)والانقاذ قدمت شنو لللحوجة دي.... موسسات واعلام وممارسة واجهزة وشفافية ومحاربة فساد...!!وياتو ديمقراطية دي البقدمها حزب واااحد
حزب محدد خياراته واتجاهاته وبوطن في اشيائه هو فقط
-
الديمقراطية بالتاكيد ما بتجي للشعب ده وبفهمها بين يوم وليلة ولكنها دايرة عمل شاق ومثابرة وصبر
واجتهاد ونكران ذات وايمان عميق وراسخ ومبدئي بيها...وده كلام الموتمر الوطني ماعندو فيهو تعريفة
-والديمقراطية لا تتعلم الا في ظل نظام ديمقراطي عشان الناس تشوف وتتعلم وتتنور وتطور وعيها والكلام ده ايضا ما بجي بين يوم وليلة وداير صبر وشغل رهيب...ومشغل ممنهج وتطوير لكل اشياء المجتمع وربط الشعب ده في كل قطاعاته بالديمقراطية حتي علي مستوي المنهج التعليمي للاطفال...!!!
- ولو صبرنا ليكم بسير سير يا البشير والكواريك المتشجنة والتي وضعت الوطن هو البشير
الرماد كالنا كحماد والضحك ياهو الشارطنا في ال100 سنة الحلمان بيها انت دي
__
-
|
Post: #127
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 10:00 PM
Parent: #126
| Quote: كيكي يا صديق ما تضيِّع زمنك ساكت، الشفيع يكتب ليعرفه أهل النظام.. |
هلا يا تفة وحبابك يا حب..
غايتو بكون عرفو انو منطلقاتو غير اسلامية وبطريقتهم
ويا ابو تفة حنلعب معاه باص باصين كده وبنلم النقاش ونصل لتفاهمات وبعدين حنفرنقع
|
Post: #128
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 10:28 PM
Parent: #126
1-| Quote: هل افهم من كلامك انك تؤيد/تتفهم عدم عودة قرنق؟ |
هلا يا الشفيع
المشكلة ما جية قرنق وعدمها... وما اتخيل لي الراحل قرنق كان بالغباء بحيث يجدع بندقيته في الاحراش ويجي جاري الخرطوم وبمجرد الرادي قال نميري شاااالو.. زول عندو قضية ومشي الغابة لو ما حصل حل لقضيته يجي كيف يعني..؟؟ والحل ده ما بتاع الليلة وبكرة (يوم يومين) بل هي جولات تفاوض ونقة ووواسطة
ومبادرات...(بالله عليك الموتمر الوطني قضي كم سنة حتن عمل نيفاشا وخليك من نيفاشا مفاوضات دارفور الفي دوحتنا دي حسع ليها 2 سنة وقبلها زي دشليون شنة كده)...
خليك منطقي يا الشفيع وادي الحاجات حجمها الطبيعي ...!!
الفترة الديمقراطية كلها ثلاثة سنوات وخطفوها (كيزان كاشا) وكان ما كان وفي الثلاثة سنوات دي ذكرت ليك جهود كثيرةومبادرات بلشت مع قرنق ده..
وكل الكركبة ما بين الاتحادي وحزب الامة كانت مفهومة ومستوعبة في ظل النظام الديمقراطي والذي كان بمرور الزمن والاجتهاد والشفافية كانت حتصل الي نهايات ستكون كخيار شعب كون الامر في مظلة ديمقراطية
ولكن شووف انت قلت بعضمة لسانك شنو عن الجبهة ودورها في هذا الامر..
| Quote: نعم الجبهة (شوهت) صورة قرنق بصورة كبيرة، ونجحت في ابعاده عن الساحة |
وفي مظلة الديمقراطية الوليدة الجبهة عمدت علي الاقصاء
- والجيش العينو طلعت ده وجاع وانضرب في الكرمك وقيسان هل من الضرورة يكون الحل الجذري لهذا الامر بالانقلاب علي كل النظام الديمقراطي ولماذا اعطت الجبهة نفسها هي فقط حق تقييم هذا الامر واعلان انقلاب علي النظام الديمقراطي ورغم فقره وبداياته الاتية من اضابير 16 سنة كبت وشمولية.. فان هنالك بالتاكيد حلول سياسية ومبادرات وجهد فكري واختراقات سياسية كان يمكنها امتصاص كل هذه الهزائم وتحويلها الي عمل ايجابي يصب في مصلحة التجربة الديمقراطية (ولكن اساسا الجبهة الاسلامية ما كان عندها كثير انجليزي مع الديمقراطية لانها ليس من منهجها علي الاطلاق)..
2-Quote: هل نسيت حديث سلفاكير مع رفيدة، القال فيهو (حتى الصادق والميرغني ونقد ح يطبقوا الشريعة لو استلموا الحكم...)
يعني ذهاب الانقاذ لا يساوي ضمان الوحدة |
الصادق والميرغني ونقد لو مسكو بالتاكيد ما بمسكو وحسب موجهات وخطاب احزابهم الان الا في ظل نظام ديمقراطي وولو طبقت الشريعة في ظل نظام ديمقراطي وسلفاكير قال ما دايرها فليذهب سلفا الي الجحيم
جنوبا وينفصل لانو البعمل ضد الديمقراطية بكون مافي فرق بينو وبين الموتمر الوطني واخير يختا امور هذا الشعب المسكبن ده.. الذي من حقه يرتاح من مغامرات ودلع النخب واستهبالها ويحدد خياراته بنفسه
3-| Quote: ياسر عرمان لو داير يسجل حزب، يبدأ من الصفر، ويقدم لمسجل الاحزاب كأي حزب جديد، يدوهو او يرفضوا ليهو |
انا ما متفق معاك في حكاية صفر دي .. وماعندك حق تحدد ليهو (اللين) الببدا بيها الحزب بتاعو
من حق ياسر عرمان ان يسجل حزب باي موجهات واي فهم اي اسم حتي وان كان الحركة الشعبية...
وبعدين الشريف ما مبسوط منك عشان حكاية صفر وما صفر دي
لا.. بل هو مبسوط من الاتفاق علي ان الحدود لا تمنع الافكار... وده (اس) المعضلة في هذا البوست
وياسر عرمان او اي جنوبي موتمر وطني لهم حق ان يسمو ما ارادو هم وليس ما تريد انت او الموتمر الوطني ..
4-| Quote: بتتذكر مسيرة االاتنين الفااااشلة ديك؟ |
منو القال تلك المظاهرات فاشلة,,,؟؟
انا في كراكير النقاش معاك يا الشفيع ذكرت التراكم الغير مرئي واليته
واي عمل مناهض للانقاذ مهما صغر او كبر فهو صابي في نهر التراكم وبركانه الذي سينفجر ذات يوم ومشكلتك يا الشفيع بتمسك المحطة وبتنظر ليها من جهة واااحدة ووما بتقلبها وبتشوف تداعياتها
|
Post: #129
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-29-2010, 10:35 PM
Parent: #128
زوووووووووم اوووت اخير ليوم الليلة
والزووووووووم في
نعم حق للشريف ان ينبسط مرة اخري..
كوننا نقارع حكومة جالسة علي مهب الرياح
ممكن تمشي الليلة او بكرة او بعد 100 سنة وده مشهد بوري انو احنا قاعدين في ظل نظام هبتلي
ممكن بكرة اربعين لاندكروز جايات من اطراف الفيافي يشيلو برررررره
او ممكن نصحي علي اصوات قوات اجنبية مقبقة رئيسه محمولا الي لاهاي
او ممكن نصحو علي روائح اللساتك وهي محروقة في قارعة الطرق والشعب شايل عكاكيز ومساكك بني كوز في الكراكير دي....
وهي حكومة الظلام والمستقبل (الاو) والتي ليس بمقدورها ان تفكر استراتجيا لحلحلة اي مشكلة من مشاكل السودان بصورة منهجة لانها هي زاااتها ماعارفة روحها قاعدة لمتين
|
Post: #130
Title: Re: ياسر عرمان....ح تتجلد والشمس ضحى
Author: سفيان بشير نابرى
Date: 12-29-2010, 11:59 PM
Parent: #129
| Quote: بس البشيل السلاح يتحمل( الجلد) |
يا الشفيع ياخ البيشيل اسمعه مني ...
البيشيل السلاح في البلد دي صدقني ما بيتجلد
وبالجد انا من انصار اي معارض حقيقي في البلد
ده يرجع لي كلام السيد البشير الزمااااان داك
ويتحزم ويتلزم .
و أتمنى انو السيد ياسر ينفذ تهديده ويكون تهديد
كااامل بحقه ومستحقه .
|
Post: #131
Title: Re: ياسر عرمان....ح تتجلد والشمس ضحى
Author: Nazar Yousif
Date: 12-30-2010, 01:16 AM
Parent: #130
لفائدة الحوار ننقل حديث الأمين العام باقان أموم
==========================
دعا لعدم الاضطرار لإسقاط الحكومات سواء في الشمال أو الجنوب.. باقان أموم : قطاع الشمال في الحركة سينفك .
الأربعاء, 29 ديسمبر 2010 13:17
أموم في تصريحات صحافية عقب لقائه الرئيس السوداني عمر البشير : لن نحتكر السلطة في الجنوب.. وسندعو لحكومة قومية
طالبت الحركة الشعبية بفتح الحدود بين الشمال والجنوب، ودعت المواطنين للاحتفاظ بعلاقاتهما المشتركة، واعتبرت أن التحدي الذي يواجه الحركة في الجنوب والشمال يتمثل في قضية البناء الوطني وبناء دولة ترتكز على المواطنة وإنهاء التهميش حال الانفصال الذي أصبح شبه متفق عليه بين كافة القوى السياسية بما فيها المؤتمر الوطني، في وقت فشل فيه طرفا اتفاقية السلام - المؤتمر الوطني والحركة الشعبية - من الاتفاق على منح الجنسية المزدوجة لمواطني الشمال والجنوب.
وقال باقان في مؤتمر صحافي إن على الحركة الشعبية مسؤولية خطيرة في بناء دولة جديدة في حالة الانفصال، مشيرا إلى أنها ستبدأ من نقطة تخلف مريع نتيجة سياسات التهميش والقهر، مؤكدا على إتاحة الحريات وإشراك القوى السياسية الأخرى في حكومة دولة الجنوب في حالة ترجيح خيار الانفصال، إضافة إلى عقد مؤتمر دستوري وحكومة قومية باعتبار أن الانفراد بالسلطة سيقود إلى الفشل. وأكد تخلي الحركة عن جزء من مقاعدها لصالح بقية الأحزاب، وقال إن الشمال يحتاج لمثل تلك الخارطة، وحمل مسؤولية التوصل لاتفاق حولها للقوى السياسية بالشمال بما فيها الحركة الشعبية. وأكد أموم أن حركته تعمل على تطبيع الأوضاع الجديدة عقب الاستفتاء، وأضاف أن الحركة ستدخل في عمل تنظيمي وسياسي واسع حال الانفصال لفك الارتباط بين القطاع الجنوبي والشمالي، لافتا إلى أن القطاع الشمالي سيتحول لحزب سياسي مستقل يشترك مع الحركة في الجنوب في المشروع الفكري المتعلق بالسودان الجديد وتابع «لن تكون لنا علاقة تنظيمية مع القطاع الشمالي لا في القواعد ولا الهياكل القيادية».
وأضاف أن الحركة ستظل موحدة تحت قيادة رئيسها سلفا كير ميارديت حتى التاسع من يوليو (تموز) نهاية الفترة الانتقالية لاتفاقية السلام الشامل، مشيرا إلى وجود أصوات - لم يسمها - ترغب في استهداف الحركة في الشمال، وقال: «لا بد أن يعرفوا أن السودان موحد حتى التاسع من يوليو القادم»، محذرا من المساس بأي عضو في الحركة وسيمثل مساسا بالحركة نفسها، وقال إن ذات الأمر ينطبق على أعضاء المؤتمر الوطني بالجنوب.
وطالب أموم القوى السياسية المعارضة في الشمال والتي لها وجود في الجنوب بوضع خارطة طريق لتوفيق أوضاعها حال الانفصال، باعتبار أن دولة جديدة ستنشأ، متعهدا بالعمل لحماية الحريات للقوى السياسية، خاصة الشمالية، إضافة إلى تشجيعها على تأسيس أحزابها في الدولتين، وأكد على أهمية الحفاظ على العلاقات وفتح الحدود ليبقى المواطن في أي منطقة يحبذها، وأردف «لا بد من إدارة هذه المرحلة بحكمة خاصة لمن ينجرح بقرار الانفصال»، وتابع «من يريدون الانفصال نساعدهم على بناء الدولة».
ودعا الأمين العام للحركة لاتخاذ الاستفتاء ونتائجه فرصة جديدة لإعادة البناء الوطني بالبحث عن إجماع في الشمال والجنوب والتوصل لوفاق وعدم الاضطرار لإسقاط الحكومات سواء في الشمال أو الجنوب الأمر الذي قال إنه سيقود لعدم الاستقرار، داعيا القوى السياسية في الشمال والجنوب بالتعامل بحكمة مع نتيجة الاستفتاء وعدم استباق إعلان النتيجة النهائية والدفع بنتائج وتقييم بخلاف المفوضية.
من جهة أخرى كشف أموم عن عدم توصل حركته إلى اتفاق مع المؤتمر الوطني حول اعتماد الجنسية المزدوجة حال الانفصال، لكنه أكد أن الطرفين اتفقا على حماية الجنوبيين في الشمال والشماليين في الجنوب، وقال باقان أموم في تصريحات صحافية عقب لقائه الرئيس السوداني عمر البشير، أمس إنه لم يتم التوصل إلى اتفاق حول الجنسية المزدوجة، وأوضح أن الطرفين اتفقا على حماية المواطنين من الطرفين في الشمال والجنوب، وأضاف أن الطرفين سيضعان الاتفاقيات الخاصة في ترتيبات ما بعد الاستفتاء في اتفاق إطاري موحد، مشيرا إلى وجود لجنة برئاسة البشير وسلفا كير وعضوية قيادات من المؤتمر الوطني والحركة الشعبية لاتخاذ القرارات الاستراتيجية النهائية، وقال إن اللجان المختلفة ستعقد اجتماعا قبل بداية العام الجديد وقبل الاستفتاء، وأضاف أن اجتماعه مع البشير بحث القضايا المتعلقة بمستقبل السودان ومثل لها بالاستفتاء والقضايا العالقة والوضع الإقليمي في كل المنطقة وشكل العلاقة بين الشمال والجنوب في حالة الانفصال.
الشرق الاوسط
http://www.splm-north.com/news/637-2010-12-29-13-17-31.html
|
Post: #132
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 10:02 AM
Parent: #131
|
Post: #133
Title: Re: ياسر عرمان....ح تتجلد والشمس ضحى
Author: Nazar Yousif
Date: 12-30-2010, 11:37 AM
Parent: #132
باشمهندس عبد الكريم
تسلم على الهدوء والموضوعية
وحتما ستقول الأغلبية الصامتة
كلمتها يوما فى الاقصاء والارهاب .
وتقديرى للشفيع لصراحته وهدوءه
|
Post: #134
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 12:11 PM
Parent: #133
Quote: وحتما ستقول الأغلبية الصامتة
كلمتها يوما فى الاقصاء والارهاب |
تحياتي يا نزار وتقديري
وحتما ستقول الاغلبية الصامتة وسيقول كل هذا الشعب كلمته
وسيردع جلاديه والذين اغتصبو موارده ولسانه ########و عقدين زمان هذا الشعب في الالتفاف
والبلوتيكا الفطير
ووكل الود والتقدير
|
Post: #135
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 12:24 PM
Parent: #133
| Quote: |
راجعين ليكم
|
Post: #136
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 01:09 PM
Parent: #135
شكرا يا نزار
تصريح باقان فعلا اثراء قيم للبوست
|
Post: #137
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 01:16 PM
Parent: #136
وشوية أخبار (حديثة)
حذر وزير الخارجية السوداني علي كرتي الحركة الشعبية من استضافتها لاي عناصر من الحركات المسلحة في دارفور
، في حال انفصال الجنوب عن الشمال في الاستفتاء المقرر إجراءه يناير/كانون الثاني المقبل
واعتبر وزير الخارجية السوداني عقب اجتماعه بالخرطوم مع الأمين العام لجامعة الدول العربية عمرو موسى ان استضافة حكومة جنوب السودان لمسلحي دارفور
، إذا انفصل الجنوب عن الشمال، بمثابة حرب على الشمال ، موضحا "إذا كان الاستفتاء سيقود إلى الانفصال، فلا مانع من علاقة جوار آمنة وسليمة".
تحصلت (smc) على معلومات بتلقى الحركة الشعبية وحكومة الجنوب للنصح من أصدقائها بعواقب احتضان حركات دارفور أبرزهم الرئيس الأمريكي باراك أوباما
خلال اتصاله بالفريق سلفاكير مؤخراً وجون كيرى رئيس لجنة العلاقات الخارجية بالكنغرس.
وحذر أصدقاء الحركة من إمكانية أن يقطع احتضان المتمردين الطريق على قيام الاستفتاء وبالتالي تهديد حلم الحركة بإقامة دولة منفصلة في الجنوب،
كما أنه يمكن ان يشعل الحرب في دارفور مما يتسبب في تقويض الأمن فيها.
من جهته، أعلن الأمين العام للحركة الشعبية باقان أموم حل الأجهزة التنظيمية لقطاع الشمال رسمياً، وفك ارتباطها مع الجنوب، عقب إعلان نتائج الاستفتاء
ثم نعود
|
Post: #138
Title: Re: ياسر عرمان....ح تتجلد والشمس ضحى
Author: بريمة محمد
Date: 12-30-2010, 01:39 PM
Parent: #137
قال باقان أموم ..
| Quote: لن تكون لنا علاقة تنظيمية مع القطاع الشمالي لا في القواعد ولا الهياكل القيادية |
عيييييييك فراق الطريفى لجمله .. !!
باشمهندس الشفيع .. الموضوع بعد دا داير ليه كباية شاى وقعده .. قطيع الشمال مرقوا فى السهلة ..
بريمة
|
Post: #140
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 03:28 PM
Parent: #139
| Quote: نكن لكم كثير من الإحترام والتقدير، |
| Quote: كيكي يا صديق ما تضيِّع زمنك ساكت، الشفيع يكتب ليعرفه أهل النظام.. |
مرحب بي العريس ود طيفور
انا بصراحة بكتفي بي رد كيكي (اللطيف) هنا:
Quote: هلا يا تفة وحبابك يا حب..
غايتو بكون عرفو انو منطلقاتو غير اسلامية وبطريقتهم |
|
Post: #141
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 03:32 PM
Parent: #129
يا ع الكريم ما تحمل (الأو) دي اكتر مما تتحمل
| Quote: وهي حكومة الظلام والمستقبل (الاو) والتي ليس بمقدورها ان تفكر استراتجيا لحلحلة اي مشكلة من مشاكل السودان بصورة منهجة لانها هي زاااتها ماعارفة روحها قاعدة لمتين |
الانقاذ عندها خطط (خمسية) و(عشرية) و(ربع قرنية)
وهم قالو ليك عديل كده ما ح يسلموها الا للمسيح
|
Post: #142
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 03:53 PM
Parent: #128
| Quote: لا.. بل هو مبسوط من الاتفاق علي ان الحدود لا تمنع الافكار... وده (اس) المعضلة في هذا البوست |
يا اخوي نحنا (أفكار) الحركة -لو عندها منه شيء- ما خايفين منها
خوفنا من (عبورها) بذات نفسها للحدود
وصدقني ما عندنا مشكلة مع عرمان (براهو) بدون ما يجرجر الحركة الشعبية الجنوبية، لاننا نعلم علم اليقين انو ما عندو (حديدة)
مشكلتنا -كما جاء في الاخبار الفوق دي- من تدخلها في دارفور وجبال النوبة والنيل الازرق
عشان كده قلناها واااضحة، الشمال للشماليين والجنوب للجنوبيين، مافي زول يتدخل في شؤون الآخر
| Quote: الذي سينفجر ذات يوم |
ربنا يحيينا ونرجى اليوم داك يا ع الكريم
كأنك تتحدث عن 10 سنوات وما فوق
الوقت داك تكون الانقاذ حققت اغراضها ووضعت السودان في مصاف الدول المتقدمة
وبرجع
|
Post: #143
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 04:32 PM
Parent: #142
هلا يا الشفيع
اوهي او
تعني خيارات وغموض وقيد زمن غير محدد وغير معلوم المدة وبلغة الماس الذي طار من الراس (مجهول) (س)
ودي الفرق ما بين السلطة المنظمة والمعلومة مدة التداول والسلطة الهبتلي العايزة ليها وداعية او فكي عشان يتكهن بمدة بقائها...
ففي النظام الديمقراطي وكما تعلم السلطة ودورتها له قيد زمني محدد ومتفق عليه....!!!
فعشان كده ادينا ليك (اووو) دي زوووووم (ختيناها) في علبها وقد كانت (اعتراف منك) جعل الشريف يعود الي الانبساطة منك مرة اخري....
قد تكون للانقاذ خطط عشرية وعشرمية
ولكن ليس للانقاذ الضمان الكافي ان تبقي حاكمة في ظل الكركبات التي قد تاتيها حتي من داخل اي تيار من التيارات (المتنحارة في داخلها)...زد علي ذلك المعارضة والكركبة التي هي اتية من كل صوب وحدب
داخليا وخارجيا....
وليس الحكم بالامنيات بل هو بالاستقرار السياسي وده امر معدوم في ظل انقاذ اليوم
|
Post: #145
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 04:51 PM
Parent: #143
كلامك ده يا كيكي معكوس 180 درجة تماما
الحكومات (في السودان) المنتخبة (نفسها) قصير جدا جدا
ويستحيل ان تضع خطط بعيدة المدى، على عكس الحكومات الديكتاتورية
وده كان واضح جدا
رأيت قبل الانقاذ رسم بياني لمسار التنمية منذ الاستقلال، وكانت بتكون هناك قفزات نوعية في فترة الحكومات العسكرية، لانه العسكري (جاء ليبقى)
على عكس المنتخب الذي لا يدري هل سيأتي ثانيا أو حتى سيكمل دورته ام لا
الكركبات دي يا ع الكريم قاعدين نسمع فيها لينا عشرين ستة، وما جابت مريسة تاب زينو
يا ع الكريم الانقاذ لو كانت (قابلة) للسقوط لسقطت في التسعينات، لما كان التحالف المتين بين الاحزاب والحركة وكانت الانقاذ في حالة حرب (معلنة) مع 7 جيران
وكانت المقاطعة الخليجية والعربية بعد حرب الخليج ،وكانت قرارات مجلس الامن، والحصار الاوربي الامريكي والعذلة التاااااامة، والخزينة فااااضية
الآن الانقاذ كسرت الطوق وانطلقت، ومافي قوة تستطيع ايقافها
بنى تحتية وتنمية شاااملة وطرق وكباري وبترول ومشاريع زراعية ناجحة وثورة صناعية وتعليم تضاعف مرات ومرات من الابتدائي الى الجامعي وما فوق الجامعي
سؤال:
ما رأيك في البشير وعلي عثمان ونافع؟
هل ترى أنهم مخلصين للبلد ولكنهم (بلداء) وما عارفين يديروها؟
ام انهم جيدين ولكن لانهم جاءوا بالانقلاب؟
ام هم حرامية ولصوص ولا تهمهم مصلحة البلد بأي شيء؟
اجابتك الواضحة النزيهة مهمة جدا
|
Post: #144
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 04:34 PM
Parent: #142
| Quote: وولو طبقت الشريعة في ظل نظام ديمقراطي وسلفاكير قال ما دايرها فليذهب سلفا الي الجحيم |
هل تتوقع يا ع الكريم أن تسقط الشريعة إذا تم التصويت عليها الآن وفي ظل وضع ديمقراطي وشفاف 100%؟
وهل ترى هناك تناقض بين تطبيق الشريعة الاسلامية (كما نزلت على المصطفى) والديمقراطية؟
وهل تؤيدها؟
|
Post: #146
Title: Re: ياسر عرمان....ح تتجلد والشمس ضحى
Author: علي جلاس
Date: 12-30-2010, 05:38 PM
Parent: #144
| Quote: ولو كلامك كان فيهو 1٪ من المصداقية ما كانت الحركة نادت بالانفصال بهذا الصوت |
| Quote: هل قدر يعطل تصريحات الحركة بالانفصال؟ |
السؤال ماذا بذل وفعل عرمان وقطاع الشمال من أجل الوحدة ؟ ؟ ؟ B I G .. Z E R O عدا المهاترات والمظاهرات الأعلاميةالمستفزة التي دعمت الأنفصالين داخل الحركة وذادت من قناعات أهل الشمال في الأنفصال . ومن هنا أقول لكل من أتي منافح ومدافع عن عرمان .......................
نعم سوف تقول الأغلبية الصامتة بعد الأنفصال كلمتهافي عرمان وقطاع باقان الشمالي
|
Post: #147
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 05:45 PM
Parent: #146
| Quote: نعم سوف تقول الأغلبية الصامتة بعد الأنفصال كلمتهافي عرمان وقطاع باقان الشمالي |
شكرا يا ود جلاس
بس هو كيف يجينا (مدردق) براهو، عشان يآمن
|
Post: #148
Title: Re: ياسر عرمان....ح تتجلد والشمس ضحى
Author: احمد الامين احمد
Date: 12-30-2010, 07:23 PM
Parent: #147
| Quote: والدين الاسلامي زااااتو اتي من خارج الحدود الجغرافية السودانية الحالية |
العضو/ عبدالكريم
تحية
الدين الإسلامى لاعلاقة له بالجغرافيا والحدود السياسية للدولة التى رسمها الانسان الاديان السماوية عموما أتت من مصدر واحد فى سياق معين من حيث المخاطبين مصدرها مطلق هو الله جل وتعالى عبر بعثها للرسل بواسطة الروح الامين والاسلام تحديدا لكافة البشر مع خيار الناس فى الايمان او الكفر حتى يوم الوعيد ..
تحية مجددا لك حق الدفاع عن عرمان لكن أبعد الاسلام تحديدا وغيره من الديانات التى لاعلاقة لها بالجغرافيا والحدود بين الدول
|
Post: #149
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 09:26 PM
Parent: #148
لك شكري وتحياتي أخي أحمد الأمين على الحرص والتذكير والتنبيه
وليقينيي التام باحترام أخونا ع الكريم لكافة كريم المعتقدات وبالذات ديننا الحنيف، فقد تفهمت السياق الذي وردت فيه مقاربته المذكورة
|
Post: #150
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 09:28 PM
Parent: #148
هلا يا الشفيع وحبابك الضيوف جميعا والمتابعين
وعدنا ليك جينا ياروابي نفاشنا
1-Quote: كلامك ده يا كيكي معكوس 180 درجة تماما
الحكومات (في السودان) المنتخبة (نفسها) قصير جدا جدا
ويستحيل ان تضع خطط بعيدة المدى، على عكس الحكومات الديكتاتورية
وده كان واضح جدا
رأيت قبل الانقاذ رسم بياني لمسار التنمية منذ الاستقلال، وكانت بتكون هناك قفزات نوعية في فترة الحكومات العسكرية، لانه العسكري (جاء ليبقى)
على عكس المنتخب الذي لا يدري هل سيأتي ثانيا أو حتى سيكمل دورته ام لا |
هنا الشفيع جزئية بتعكس عدم المامنا بماهية النظام الديمقراطي وده امر مفهوم كوننا كشعب سوداني ثقافتنا الديمقراطية ضئيلة بحكم التليب القاعد يحصل من المغامرين من العسكر وبعض الاحزاب ذات الروية الاقصائية..
الديمقراطية بتجي بتحضير خلاق من دستور وموجهات استراتيجية للدولة في كل مناحي الحياة من تعليم ومن
فلسفة دولة والهدف منها وروية مفكريها المتفقين لمستقبل انسانها ودستور مستوعب لكل التناقضات كالتعايش وتباين الثقافات والاديان والافكار... ده الفريم الاساسي والدستور الموجهة للحكومة التي هي حكومة تنفيذية فقط والصراع ما بين الاجسام السياسية ما بكون صراع (هوية بلد) او صراع ديني او صراع حول الحقوق الاساسية بل سيتحول الصراع حول الخدمات والسياسات التنفيذية للدولة ادارة موجهاتها
عشان كده كل حزب بجك جكتو بدون ما يخل بالملامح الاساسية وثوابت البلد... وفي هذا النظام يا الشفيع قد يتغير الجهاز التنقيذي ولكن الجهاز القضائي ثابت والدستور الشامل المتفق عليه ثابت واستراتجية الدولة في مداها الطويل ثابت ...
ولكن في ظل نظام هبتلي علي شاكلة الانقاذ ونميري كل الانظمة الشمولية في العالم فان القصة مجبوكةوالاشياء تدار بوعي احادي تعمق الازمات وغير مستوعبة لكل الاختلافات وبتلقي القضاء خاشي في السلطة التنفيذية والدستور هو الفر د المطلق وبتجوط الاشياء ويكون حابل الاشياء هو نابلها...
بالاضافة الي اعتماد الحكم في الية تداوله علي معيار توازن القوي يذهب الي الاقوي مرحليا الذي يمكن ان يضعف وهكذا دواليك...
اذن يا الشفيع من المحزن ان نفاضل نظام قايم علي الهبتلي والخرمجة والاحادية والجربندية
علي نظام مرتب ومنظم وممنهج وخاتي كل قرد في محلو..
|
Post: #151
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 09:46 PM
Parent: #150
2-Quote: الكركبات دي يا ع الكريم قاعدين نسمع فيها لينا عشرين ستة، وما جابت مريسة تاب زينو
يا ع الكريم الانقاذ لو كانت (قابلة) للسقوط لسقطت في التسعينات، لما كان التحالف المتين بين الاحزاب والحركة وكانت الانقاذ في حالة حرب (معلنة) مع 7 جيران
وكانت المقاطعة الخليجية والعربية بعد حرب الخليج ،وكانت قرارات مجلس الامن، والحصار الاوربي الامريكي والعذلة التاااااامة، والخزينة فااااضية
الآن الانقاذ كسرت الطوق وانطلقت، ومافي قوة تستطيع ايقافها
بنى تحتية وتنمية شاااملة وطرق وكباري وبترول ومشاريع زراعية ناجحة وثورة صناعية وتعليم تضاعف مرات ومرات من الابتدائي الى الجامعي وما فوق الجامعي
|
الكركباك دي يا الشفيع اتكلمنا عنها (كتراكم) وفكفكة صواميل وبمرور الزمن والكركبات بكبر جبل التراكم وبشيل الانقاذ دي ... زي ما تراكم نضال السودانين ضد نميري في ال16 سنة.. وفي ظروف كثيرة منطقية ومفهومة بتخلي الانقاذ لسسسسسع فيها (نفس) وبتلاوي ولان حتما وحسب قانون (انتهاء مدة صلاحية الطغاة ستنتهي مدة البشير) راجع (نميري.. شاه ايران_ شاوسيسكو ولك ان تراجع ايضا فرعون)..!!
يا الشفيع حكاية البنية التحتية دي لو جبنا مية افندي واديناهم ميزاينة وموارد بلد ممكن يعملو بنية تحتية زي الورد... وهي ليس جزئية تفاخر بها الامم مالم تكون تلك الدولة واجدة حلول للقضايا الاساسية المربوطة بالانسان من استقرار وحقوق وحرية تعبير وحق مواطنة واحترام اديان.. وده الدور الاساسي والمهمة ذات الاولوية القصوي لكل من يشرع لدولة تحترم مواطنيها
فما ممكن تعمل لي بنية تحتية وتلبد لي بدوشكا تفرطقني في اقرب زقاق بالقرب من تلك البنية التحتية..
...
Quote: سؤال:
ما رأيك في البشير وعلي عثمان ونافع؟
هل ترى أنهم مخلصين للبلد ولكنهم (بلداء) وما عارفين يديروها؟
ام انهم جيدين ولكن لانهم جاءوا بالانقلاب؟
ام هم حرامية ولصوص ولا تهمهم مصلحة البلد بأي شيء؟
اجابتك الواضحة النزيهة مهمة جدا |
سالتني الاجابة بكل نزاهة ووضوح
فالبشير ونافع وعلي عثمان اقولها لك بكل نزاهة وتجرد هم حرامية ولصوص ولا تهمهم مصلحة البلد
والمشهد بتاع فيلم الانقاذ الدور في راسنا عشرين سنة ونيف كافي تماما لاطلاق مثل هذا الوصف
فشفنا في السودان ده القتل والسحت وضرب المسامير في رووس مواطنيه وشفنا فساد وصمت عليه
وشفنا اسواء الاشياء التي يمكن ان يراها انسان في وطنه وهي التمزيق والشتات والحرب .. وشفنا لجوء وجوعي وفقراء ومشردين..وشفنا رئيس تطالبه العدالة الدولية اتفقنا او اختلفنا معها ولكن وبمجرد وجود اشارة كتلك هي جزئية تولد الحسرة والاسف علي واقع السودان...
|
Post: #153
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 09:59 PM
Parent: #151
Quote: هل تتوقع يا ع الكريم أن تسقط الشريعة إذا تم التصويت عليها الآن وفي ظل وضع ديمقراطي وشفاف 100%؟
وهل ترى هناك تناقض بين تطبيق الشريعة الاسلامية (كما نزلت على المصطفى) والديمقراطية؟
وهل تؤيدها؟ |
نجي للسؤال الذهبي بتاعك يا الشفيع..
في ظل نظام ديمقراطي شفاف اتوقع ان لا تسقط الشريعة في السودان كونها دين الاغلبية وكون الشفافية ال100 التي ذكرتها مغرية ومحفزة لتطبيق للشريعة بوعي (الحكم بالعدل بين الناس).. والاشكال ليس الشريعة والدين كموجهة ومنظم ومربي للمجتمع الاشكال الحقيقي والمزمن هو استغلال هذا الدين والمتاجرة به من قبل بعض النخب المستهبلة....
الشريعة وكما نزلت علي المصطفي صلي الله عليه وسلم لاغبار ولاجدال فيها بالنسبة لي كمسلم وفيها قيم عالية وسامية وفيها عدالة بمستوي انساني راقي كما في دولة سيدنا عمر بن الخطاب ولكن اين الانقاذ وفسادهم المقيم من كل ذلك...
واي نظام ديمقراطي شفاف (اكرر شفاف) من الضرورة ان يستلهم في دستوره روح وقيم ودين الاغلبية علي ان يراعي حقوق الاديان و الثقافات الاخري..ولانو غير كده بكون نظام غير معبر عن الواقع الحقيقي لذلك البلد
|
Post: #155
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 10:12 PM
Parent: #151
| Quote: ا الشفيع حكاية البنية التحتية دي لو جبنا مية افندي واديناهم ميزاينة وموارد بلد ممكن يعملو بنية تحتية زي الورد... وهي ليس جزئية تفاخر بها الامم مالم تكون تلك الدولة واجدة حلول للقضايا الاساسية المربوطة بالانسان من استقرار وحقوق وحرية تعبير وحق مواطنة واحترام اديان.. وده الدور الاساسي والمهمة ذات الاولوية القصوي لكل من يشرع لدولة تحترم مواطنيها |
اذا الموضوع هو اختلاف في الاولويات
هل الديمقراطية (غاية) ام وسيلة لتحقيق غايات اخرى؟
بدون بنية تحتية قوية وتعليم وغذا وصحة، لن تستطيع ان تنشئ جيل قادر على ممارسة الديمقراطية
ولا يوجد وقت لترك الناس (تتعلم) من ممارسة الديمقراطية، العالم لن ينتظرنا يا ع الكريم، اذا ارى لا مانع من تجميد الديمقراطية جزئيا او كلياً لحين تنفيذ قفزات تنموية تساهم في تثقيف وتوعية الشعب ليكون (شبه) جاهز لممارسة الديمقراطية
انظر للممارسات اليمقراطية السابقة، هل تظن ان المواطن الامي الغلبان الكائن في عمق الريف السوداني الذي صوت للصادق او الميرغني، هل تظن انه مارس حقه الديمقراطي (كاملاً)؟
|
Post: #152
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-30-2010, 09:56 PM
Parent: #150
| Quote: عشان كده كل حزب بجك جكتو بدون ما يخل بالملامح الاساسية وثوابت البلد... وفي هذا النظام يا الشفيع قد يتغير الجهاز التنقيذي ولكن الجهاز القضائي ثابت والدستور الشامل المتفق عليه ثابت واستراتجية الدولة في مداها الطويل ثابت . |
لاحظ يا زول انو نحنا بنتكلم عن سودان الخج، وانت بتتكلم عن سودان ود الباوقة بتاع 2075
|
Post: #154
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 10:07 PM
Parent: #152
Quote: الدين الإسلامى لاعلاقة له بالجغرافيا والحدود السياسية للدولة التى رسمها الانسان الاديان السماوية عموما أتت من مصدر واحد فى سياق معين من حيث المخاطبين مصدرها مطلق هو الله جل وتعالى عبر بعثها للرسل بواسطة الروح الامين والاسلام تحديدا لكافة البشر مع خيار الناس فى الايمان او الكفر حتى يوم الوعيد ..
تحية مجددا لك حق الدفاع عن عرمان لكن أبعد الاسلام تحديدا وغيره من الديانات التى لاعلاقة لها بالجغرافيا والحدود بين الدول |
هلا يا احمد وحبابك
ولو اعدت قراية كلامي بتلقي انا بقول نفس كلامك ده في انو الدين والفكر لاتعرف الحدود
ودي اساسا الجزئية الانا باني عليها نقتي في البوست ده
وتحياتي
|
Post: #156
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 10:17 PM
Parent: #154
| Quote: لاحظ يا زول انو نحنا بنتكلم عن سودان الخج، وانت بتتكلم عن سودان ود الباوقة بتاع 2075 |
دي يا الشفيع زووووووووووم اووووووت من المستحيل افوتها فشكرا مقدما
انشاء الله يكون سودان 2250
مش احسن الناس تقول سير سير يا السودان
بدل تقول سير سير يا البشير...
-------------------
المهم هو رايك انت شنوووووو في سودان 2250 ده
|
Post: #158
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 10:54 PM
Parent: #156
1-Quote: اذا الموضوع هو اختلاف في الاولويات
هل الديمقراطية (غاية) ام وسيلة لتحقيق غايات اخرى؟
بدون بنية تحتية قوية وتعليم وغذا وصحة، لن تستطيع ان تنشئ جيل قادر على ممارسة الديمقراطية
|
انت يا الشفيع عاوز تعمل ديمقراطية ولا تلعب في بطولة بتاعة كورة...
الجيل ده لو ما ربيتو علي قيم الديمقراطية وبقي يشوفها في المحيط بتاعو المدرسي والمجتمع والتلفزيون
حيقوم ليك جيل ديمقراطي كيييييييف...؟؟؟
اتخيل انك عندك جيل كلو شبعان وضارب البان لمن مدفقة واول فتحتو للتلفزيون بشووووووووف
سير سير يا البشير
وبشوف الوطن هو البشير
ده حتعلمو ديمقراطية كيييييف وووين وباي فهم يا الشفيع يا صحبي..؟؟
2-Quote: العالم لن ينتظرنا يا ع الكريم، اذا ارى لا مانع من تجميد الديمقراطية جزئيا او كلياً لحين تنفيذ قفزات تنموية تساهم في تثقيف وتوعية الشعب ليكون (شبه) جاهز لممارسة الديمقراطية
انظر للممارسات اليمقراطية السابقة، هل تظن ان المواطن الامي الغلبان الكائن في عمق الريف السوداني الذي صوت للصادق او الميرغني، هل تظن انه مارس حقه الديمقراطي (كاملاً)؟ |
العالم ده انت لو عاوز تلحقو تحترم شعبك وتعمل نظام مبني علي اسس ديمقراطية ومستلهم قيم مجتمعك وتلحق سوووق الانسانية والطفرة الحصلت فيها لانو العالم ده لو قعدت تترمتل وتجوط بلدك بجيك لحدي محلك
وبشيل راس سلطتك وبخلي خشمك ملح ملح...
العالم بنلحقو باحترامنا لمواطني بلادنا وتامين كل حقوقهم الاساسية وتسخير موارد بلده من اجله
-
الديمقراطية الفاتت والقبلها كلها تجارب يا الشفيع فيها الكثير من القصور والزمن والمغامرين ما اعطو التجربة وما صبرو عليها ودي تجارب ومهما كانت تشوهاتها الا انها احسن بكثير من كل فترات الظلام والانظمة الشمولية..
|
Post: #159
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 11:00 PM
Parent: #158
Quote: عشان ما (تزوووووم) بعيد يا ع الكريم
دهـ سودان ود الباوقة 2075: |
ياخ بالغت عديل كده يا الشفيع
ولو مرجعك بقي ياهو ود الباوقة
بالله اديني خبر عشان انسحب من النقاش ده
احتجاجا علي هذه المرجعية
|
Post: #160
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-30-2010, 11:08 PM
Parent: #159
Quote: اذا الموضوع هو اختلاف في الاولويات
هل الديمقراطية (غاية) ام وسيلة لتحقيق غايات اخرى؟ |
الحرية هي الاولوية الاعلي والتي تحت مظلتها يتناقش ويتفاكر ويصل الجميع للاولويات الاخري..
ولكن ان ياتي الموتمر الوطني ويحدد هو ماهي الاولويات فدي بتبقي (هنبتة) لحقوق الاخريين
لانو البشير ده ما الشعب سوداني مشي ضرب ليهو باب بيتو في كوبر( كوكو كوكو) وقالو ليهو تعال يا عمر احكمنا زول جاء براااهو وجو معاهو الكيزان وطبقو الفهم الفي راسهم ودي دراما اقل ما يمكن ان توصف بها هي (البلطجة) والبلطجة في فلسفتها العليا هي التغول علي حقوق الاخريين...!!!
|
Post: #161
Title: Re: ياسر عرمان....ح تتجلد والشمس ضحى
Author: علي جلاس
Date: 12-31-2010, 06:30 AM
Parent: #160
31-12-2010, 05:23 ص
Re: لا منطق و لا مصلحة تسند بقاء الحركة الشعبية في الشمال (Re: nazar hussien)
Quote: نصار
في العنوان قصد ان لا اقول، في حالة الانفصال، لاني بت موقنا بان انفصال الجنوب وقع فعلا "في نفوس و عقول اهل دولة الجنوب القادمة لا محالة". أناشخصيا ارى الان انه من الافضل للجنوب و الشمال ان ينفصلا عن بعضهما. علينا نحن الشماليون التوقف عن اجترار ما لا يمكن تفسيره بغير الوصاية و التفكير بالنيابة عن الجنوبيين بأنهم شعب غير منسجم و ان الجنوب يفتقر لمقومات الدولة و ان الفساد و النزاعات القبلية سوف تهوي بالدولة الوليدة في الجحيم، و كأننا نتحدث من خارج الجحيم!!.. النكتة القديمة تقول ان اهل الجحيم سمح لهم بالاتصال باهلهم في الدنيا، احتج من كانوا ينتمون الى كل دول العالم ان الاتصال بدولهم يكلفهم مبالغ طائلة الا القادمين من السودان اتصالاتهم شبه مجانية، فكانت الاجابة بان اتصالات السودانيين تحاسب مكالمات داخلية..
تصريحات عبدالعزيز الحلو و ياسر عرمان بأن (الحركة الشعبية)ستبقى في الشمال ليست حكيمة و لا منطقية، الحركة الشعبية حزب سياسي سوف يقود دولة اجنبية فكيف يعقل ان تبقى في دولة اخرى لا نعرف حتى الان كيف ستكون علاقة الدولتين الناتجتين عن استفتاء 9 يناير.. صداقة او عداء.. حربا او سلام؟؟...
الاصرار على بقاء قطاع الشمال باسم الحركة وطروحاتها و اسلوبها و هياكلها و تكتيكاته و استراتيجياتها سوف يعكر صفو العلاقات بين السودان و دولة جنوب السودان.. حرفيا بقاء الحركة الشمال يعني انها سوف (تبقى) مربوطة بقيادة الحركة في جوبا هذا امر لا يقبله اشد المتعاطفون مع الحركة (الذاهبة) و (الباقية).. اما غير المتعاطفين فسوف يصفون الخلط (الذي سوف يحرصون على اثباته و لو ادعاء و تلفيق) بالعمالة و الائتمار بأمر دولة اجنبية وينصبون المشانق لتعلق عليها الحؤكة الباقية اوقادتها اذا ارادوا افتداءها..
منطق ورأي سديد
|
Post: #162
Title: Re: ياسر عرمان....ح تتجلد والشمس ضحى
Author: د.محمد حسن
Date: 12-31-2010, 10:57 AM
Parent: #161
الاخ الفاضل عبد الكريم
والاخ المهندس الشفيع
اتابع هذه الحوار بشيء من المتعة وكثير من الالم فانت اخي عبد الكريم تتحدث بلسان اهل السودان والانسانية خارج منظومة الانقاذ تتحدث عن قيم اقرتها جميع الاديان السماوية والاعراف الانسانية تتحدث عن حرية الانسان وقيمة العدل والسماحة والامانة وعفة اليد واللسان تتحدث عن قبول الاخر وفرد كافة المساحات له للتحرك فكريا واجتماعيا دونما حجر
اما اخينا المهندس فانه متخندق حول الانا المرتبكة التي لا تعرف ما هيتها ولا ماذا تريد فهو غير اسلامي ولكنه احيانا مؤتمر وطني وفيكثير من الاحيان يقول انه انقاذي ولا اعلم ان كانت الانقاذية مذهب سياسي يختلف عن المؤتمر وعن الحركة الاسلامية واسال نفسي ما هو الشي المغري في الانقاذ ليجعل شخصا بفهم المهندس يدافع عنها فالانقاذ صفتها الفساد الذي يعلم به القاصي والداني والانقاذ هي القتل والسجن والتعذيب والاقصاء وكل ما هو ضد الانسانية ما خجل منه المهندس ان يقوله هو انه يحب الانظمة العسكرية الشمولية الديكتاتورية
لذا فهو يكره الافكار التي تفتح النوافذ للهواء الطلق ولتحرر الافكار انه فكر منغلق يؤمن بالاوامر العسكرية ويصفق لكل ما هو قمعي والدليل على ذلك هو عنوان البوست نفسه المبشر بالعذاب لا الداعي للحوار
ومواصل معاكم
|
Post: #163
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-31-2010, 01:44 PM
Parent: #162
نرحب بيك يا دكتور (مناقشاً) لا (حكماً)
يعني ترمي (الصفارة) حقتك دي وتجينا داخل
-----------------------------------
بنحاول نخلي التقييم هنا لفطنة القارئ الكريم، موش قلتو دايرين (ديمقراطية)!!!!
----------------------------------
| Quote: ولا اعلم ان كانت الانقاذية مذهب سياسي يختلف عن المؤتمر وعن الحركة الاسلامية |
نحن نعلم، وسنجيبك
الانقاذ يا دكتور عبارة عن (بوتقة) انصهرت فيها مختلف انواع الطيف السياسي، داعيهم هو مصلحة ورقي الشعب السوداني
| Quote: ما خجل منه المهندس ان يقوله هو انه يحب الانظمة العسكرية الشمولية الديكتاتورية |
والله يا دكتور، ليس لدي على الاطلاق ما (أخجل) منه، وما لدي قلته بصورة واااضحة وجلية لا تقبل اللبس، فليراجع في مكانه
وسآتيك لاحقا بمداخلة سابقة لي تحدد لك موقفي من الشمولية والديمقراطية تحديدا واضحاً
| Quote: عنوان البوست نفسه المبشر بالعذاب لا الداعي للحوار |
لن نقابل بالورود من يرفع الدوشكا
وتجد هنا فيديو التهديد يا دكتور محمد:
ياسر عرمان يهدد ويتوعد بحمل السلاح
|
Post: #164
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-31-2010, 02:10 PM
Parent: #163
أنا أنظر للحرية والديمقراطية كشيء نسبي ،وهو في الآخر وسيلة وليست غاية في حد ذاتها
ودعنا أولاً نتفق على بعض الثوابت العامة:
هل الديمقراطية في حد ذاتها غاية أم وسيلة؟
أنا أرى الديمقراطية وسيلة لتحقيق غايات الشعب ، لذا لا مانع من تجميدها لفترة من الوقت إذا حالت الظروف دون تطبيقها وتم تحقيق جزء من غايات الشعب بالاستقراء والتلمس
هل الديمقراطية حق اساسي ولا يجوز انتزاعه؟
أنا أرى الديمقراطية وحرية الاختيار حق أساسي ولكن يمكن تعطيله ونزعه لفترة من الوقت إذا لم يحسن استخدامه ، فالشخص تنتزع حريته (التي تعتبر حق ثابت من حقوقه الاساسية) بالسجن وضعاً وبالتغريب شرعاً إذا لم يحسن استخدامها
و أرى مسيرة الديمقراطية في السودان كدورات حياتية يبدو للناظر أنها متكررة وهي خلاف ذلك ، انقلاب ،حكم دكتاتوري شمولي ، انتفاضة ، فترة انتقالية ، حكم ديمقراطي ،انقلاب ، حكم دكتاتوري شمولي ،..... ،وهكذا.وهي مثل ما يقول به الجمهوريون من تطور في دورات Spiral، كل دورة تشبه ما قبلها ولا تشبهها!
يعني كأنما هنالك شيء يختبر نضج الشعب ومن قبله الاحزاب كل فترة ليرى هل هو جاهز لتطبيق الديمقراطية ام لا
الآن الانقاذ (كسرت) هذه الدائرة، وأدتكم ديمقراطية وحرية (بالتقسيط)
مثال: هل تظن أن المواطن المتواجد في أقصى الريف السوداني قد كان بكامل حريته عندما اختار حزب السيد في انتخابات 86؟
أنا وكثير ممن نشأ في عهد النميري ولم نعاصر الديمقراطية السابقة ، حلمنا بها وشاركنا بقوة في انتفاضة ابريل ، ثم سرقت منا الانتفاضة بليل ، الاحزاب الطائفية والجبهة الاسلامية التي لم تشارك في الانتفاضة بشيء حصدت جميع المقاعد
كان رأينا في ذلك الوقت وخوفاً من حدوث ذلك أن تخصص غالبية المقاعد للخريجين والنقابات التي كانت في عنفوان قوتها وكانت تملك القدرة على التغيير وفرض أراءها ولكنها تخاذلت ورضخت لحكم السيدين
طبعاً هناك من سيقول كان يجب منح الديمقراطية فرصة لتثبت نفسها ويتعلم الشعب ، واقول لا يوجد وقت لذلك لأن الوعي والنضج السياسي يتناسب عكسياً مع الجهل والأمية
الآن وفي ظل الانقاذ انداح الجهل - أو كاد - بانتشار التعليم وثقافة النت والفضائيات ،إذن يوجد أمل
كما ذكرت سابقاً فقد رأيت من قبل رسماً بيانيا يوثق للتنمية في السودان منذ الاستقلال وكان اللافت للنظر أن هناك قفزات نوعية خلال العهود الشمولية
وأضيف هنا سؤال بريء:
لماذا وافقت جميع الأحزاب والنقابات بعد الانتفاضة على منح الخريج ضعف حق تصويت المواطن العادي؟
هل هذه ديمقراطية؟
أليس بها (شيء) من الوصاية؟
هذا هو موقفي يا دكتور من الديقراطية- الحرية -الشمولية
|
Post: #165
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-31-2010, 02:14 PM
Parent: #161
فعلاً يا ود جلاس
بس(لِمَنْ كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ)
|
Post: #166
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-31-2010, 02:16 PM
Parent: #160
| Quote: الحرية هي الاولوية الاعلي |
تجد ردي في الاعلى مفصلاً يا ع الكريم
|
Post: #167
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-31-2010, 03:45 PM
Parent: #166
| Quote: تجد ردي في الاعلى مفصلاً يا ع الكريم |
هلا ياالشفيع
ومررنا علي المداخلة وجدتك تعامل الحرية كحقنة كلوروكين تعطيها للشعب وتسحبه منه حسب مزاجك وحسب
تقديراتك انت وانت فقط (كشمولي) وفي جوهرها عبارة عن التفاف ومحاولة تغبيش لمفهوم الحرية...
الحرية هي الحرية
ولا قيمة او اولوية تعلي عليها ولايمكن تاجيلها او عتقالها لتمرير اجندة احادية...
ما بكون فيها وصايا من جهة سوي كانت نخبة او عسكر او اي حزب من الاحزاب..!!!
من الاعطي الموتمر الوطني حق وسلطة منح ونزع الحرية من الناس...؟؟؟
ومن اعطي اي حزب من الاحزاب حق الوصايا والتحدث باسم هذا الشعب..؟؟؟
واذا كنت انت ترتضي نزع الحرية ووضع الشعب في السجون حتي يستقيم الامر من قبل الموتمر الوطني
فهل ترضاها من قبل اي حزب تاني (موتمر شعبي... خليل ابراهيم... عبدالواحد.. الحزب الشيوعي,,
وان اتت بكرة حكومة شمولية من اي تنظيم اخر وفعلت ما فعلته الانقاذ وادعت بانها ستعتقل الحريات وبنت ما بيت فهل انت ايضا معها...؟؟؟...
بصراحة يا الشفيع فهمك ده مجبوك وما ماشي بصورة منهجية وماممكن يتبي فكر او منهج علي اعتقال حريات الناس وتاجيلها لانو الحكاية دي بدخلك في (ورطة) ان اتي تنظيم اخر وعمل تنمية زي بتاعة الانقاذ العاجباك دي ...(وتغير الابطال في الفيلم من نافع والبشير وعلي عثمان) الي (خليل ابراهيم واحمد تقد واحمد حسين)...؟؟ موقفك حيكون شنووووووووووو..؟؟
- ليس في الافق السوداني الحالي يا الشفيع ما يويد وعلي الارض اطروحتك هذه
فالمشهد غاتم بالضياع والتشتت والصوملة علي مرمي (كلك علي كلاش في طرف من اطراف الخرطوم) واعتقال الحريات موقتا عمرها ما كان منهج او حل لمعضلة وادارة بلد متنوع زي السودان ده... فالوطن مثل المكنة
لو ما اهتميت بكل جوانب هذه المكنة ما بتدور حتي لو شربتها زيت مصنوع بتقنية مدنكلة
|
Post: #168
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 12-31-2010, 03:55 PM
Parent: #167
| Quote: اتابع هذه الحوار بشيء من المتعة وكثير من الالم فانت اخي عبد الكريم تتحدث بلسان اهل السودان والانسانية خارج منظومة الانقاذ تتحدث عن قيم اقرتها جميع الاديان السماوية والاعراف الانسانية تتحدث عن حرية الانسان وقيمة العدل والسماحة والامانة وعفة اليد واللسان تتحدث عن قبول الاخر وفرد كافة المساحات له للتحرك فكريا واجتماعيا دونما حجر |
تحياتي يا دكتور والف شكر تقدير علي الاهتمام والحضور
واطروحات اخونا الشفيع لمساندة للانقاذ في امرها الشمولي اطروحات مزعجة ومخيفة
وتوريطية تماما... فالتمجيد للسلطة الاحادية الاتية بقوة السلاح وابطال هذه السلطة قد يجد المسرح الذي يصفق لهم فيه تم احتلاله من ابطال اخريين ويمارسو نفس الادوار من (اعتقال حريات وتنمية جوفاء.. وكبسلة الوطن الي شخوص)
وقد يتغير البشير الي عوض
ونافع الي ابكر
علي عثمان الي عباس
وعوض وابكر وعباس من تنظيم اخر خالص غير تنظيم الموتمر الوطني ولكنهم يعملون بنفس مكنته وخطابه واستايله فياتري اين سيذهب الشفيع بابطاله القدامي (البشير- نافع- علي عثمان)...
طالما الية تداول الحكم هو ميزان القوي الذي يمكن ان يتغير في اي لحظة من اللحظات..
وتحياتي
|
Post: #169
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 12-31-2010, 06:10 PM
Parent: #167
| Quote: فهل ترضاها من قبل اي حزب تاني |
طيب خليني احكي ليك دي يا كيكي
قبل حوالي شهر من انقلاب الانقاذ، وكنت اعمل بتلفزيون السودان، وكنا بنشوف (مسخرة) البرلمان حية قبال ما يمنتجوها ويجيبوها ليكم، وبعد ما هرتنا الاحزاب هري شديد،
في احد الاجتماعات النقابية، قلت والله ووالله أي زول يقلب الحكومة دي الا أؤيده وبشدة، ونطت أختنا المهندسة/نهى الجاك (كوزة كبيرة) وقالت لي حتى ولو كيزان، قلت حتى ولو كيزا وطبعاً ما التزمت بي كلامي وعارضت الانقاذ
الخلاصة:
انت بالتأكيد من النقاش الثر ده يا ع الكريم بتكون (إتيقنت) من إني (أيدلوجياً) بختلف مع الكيزان، والجمعني بيهم هو مصلحة الوطن ومصلحة الوطن فقط،، إذا بالتأكيد( لو) كان القالبة زول تاني و(أثبت) لي حرصه الشديد على مصلحة الوطن، فبالتأكيد كان ح يجد مني نفس التأييد
|
Post: #170
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-01-2011, 07:54 AM
Parent: #169
| Quote: انت بالتأكيد من النقاش الثر ده يا ع الكريم بتكون (إتيقنت) من إني (أيدلوجياً) بختلف مع الكيزان، والجمعني بيهم هو مصلحة الوطن ومصلحة الوطن فقط،، إذا بالتأكيد( لو) كان القالبة زول تاني و(أثبت) لي حرصه الشديد على مصلحة الوطن، فبالتأكيد كان ح يجد مني نفس التأييد |
هلا يا الشفيع
وسنة جديدة وعودة ببركات الله وشيخي شكر الله وفي هذه البركات نتمني ان يخلص الوطن من مفهوم احادية
(مصطلح مصلحة الوطن)...
مصلحة الوطن يا الشفيع ما بتحددها الانقاذ لوحدها ولا انت ايضا... فطالما نحن بنقول (وطن) فان مصلحة الوطن هو احتران راي كل مكونات هذا الوطن المختلفة... ولي راي احادي..؟؟
لانو يا الشفيع لو طبقت مصلحة الوطن بفهم وفكر ووعي حزب واحد... بواقي الوطن الماشايفة خطك
مصلحة وطن ممكن يتحاربو معاك وتقوم حروبات تقضي علي الانسان وموارد البلد وكركبات دائمة علي مدار السنة شرقا وغربا وشمالا ثم جنوبا..!!!
2- غريب هو امر (الغير متفق ايدلوجيا) مع الكيزان ومتفق معهم في مصلحة الوطن
لانو الكيزان ينظرون لمصلحة الوطن حسب ايدلوجيتهم وهي المنصة (الكونكريت) التي ينطلقون منها وينظرون بها لكل شي فعلهو في الوطن حتي لو رفعو طوبة فهي ذات دلالة تاصيلية مربوطة بشي من فكرهم وفلسفتهم
التي يومنون بها وتختلف معهم انت فيها... فده تناقض كبير يا الشفيع.. وكانك تسد دي بطينة وديك بعجينة من اجل تنمية هي حق من حقوقك وهي ليس منحة او هبة من اصحاب الايدلوجية الكيزانية الما واقعة ليك وعندك معاهم خلاف فيها...!!
وبقي المشهد زيو وزي الابتزاز ليك انت كمواطن سوداني في حق من حقوقك الاساسية وفي نظرتك لمصلحة البلد
وكان عنوان هذا الابتزاز ( التنمية مقابل تمرير اجندة الايدلوجية)...!!
3- ولكن في وطن ديمقراطي واراء وافكار موضوعة باتفاقات بين كل ابناء السودان مافي ابتزاز زي ده
وما استغلال لرايك البتومن بيهو من اجل الوطن (ومافي زول بمرر عليك ايدلوجيته غصبا عنك وانت كنت مختلف معه فيها)
4- النظام الديمقراطي في زمانات الصادق ... نعم كان سيي وبه كمية ماهولة من الاخطاء والتردد والقصور في ادارة التجربة ولكن لم يكن كل ذلك يعني ان نركل الخيار الديمقراطي ونلجاء الي اسهل الحلول
والسودان وطن داير مثابرة وصبر ومواجهاتعلي فضاء شفاف والحكاية دي دايرة زمن زي ما قلت ليك فوووق
ودايرة اصحاب المشاريع الاحادية ديل يحترمو انفسهم اولا وقبل احترامهم لخيارات الناس التانين وما كل فترة ناطي لينا زول ومطبق الفي راسو باسم (مصلحة الوطن) المغلوب علي امره)
|
Post: #171
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-01-2011, 10:10 PM
Parent: #170
| Quote: 2- غريب هو امر (الغير متفق ايدلوجيا) مع الكيزان ومتفق معهم في مصلحة الوطن |
هلا يا الشفيع
واعتقد باننا الان في هذه المرحلة من النقاش واقفين في المحطة الفوووق دي
وهي محطة (الايدلوجيا مقابل التنمية) وياريت يتواصل النقاش ونشوف رويتك في الحكاية دي ونشوف الشديد القوووي البخلي المواطن يتخلي من حق اساسي من حقوقه وهي (ايدلوجتيه او فكره) من اجل اخريين حتي يمنحوه التنمية (حسب كلامك ) وهي التنمية اتية من عرق وموارد نفس هذا الشخص المتنازل عن ايدلوجيته وفكره...
وبالله دايرين
|
Post: #172
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-02-2011, 04:47 AM
Parent: #171
| Quote: واعتقد باننا الان في هذه المرحلة من النقاش واقفين في المحطة الفوووق دي |
لا خلاف يا ع الكريم
وردا على المداخلة السابقة بكرر ليك راي (إنو الشعب لم ينضج بعد لتولي زمام أمره ديمقراطياً، ويحتاج لبعض الوصاية)
وسوف احاول لاحقا ازالة هذه (الغرابة)
|
Post: #173
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-02-2011, 06:33 AM
Parent: #172
Quote: إنو الشعب لم ينضج بعد لتولي زمام أمره ديمقراطياً، ويحتاج لبعض الوصاية)
|
هلا يا الشفيع وصباحات 2011 تحمل دعاش نقاش ونقة نتمني ان تدوم وتتواصل علي سفح هذه السبورة..
1-
سنكون في انتظارك لتوضيح ملامح عدم النضوح وتعريفات لنضوجات الشعوب عموما وكيفية قياسها وكيفية تحديدها بصورة منهجية تجعلنا نقول بالصوت العالي (هذا الشعب لم ينضج)...
2-| Quote: ويحتاج لبعض الوصاية |
وسنكون قرفصاء ايضا في انتظار الوصايا التي يحتاجها الشعب السوداني ونوعيتها ومن هي الجهة التي تحدد هذه الوصايا ومن هي الجهة التي تمتلك حق تنفيذ هذه الوصايا(مواصفاتها- ايدلوجيتها)
|
Post: #174
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-02-2011, 06:40 AM
Parent: #173
زووووووووووم اوووت صباحي كده لا يضر للوصايا قضية..
الوصايا الانت دايرها دي يا الشفيع وبفعل السلطة الاحادية والاقصائية جابت ليك وصايا من خارج الحدود
وتكاد ان تضع السودان بكلياته تحت الوصايا الدولية... جيوش دولية واممية تجوب الفيافي بالكوم والردوم
وقرارات من مجلس الامن والامم المتحدة بالكوم والردوم عنوانها هو السودان ومبعوثي الدول العظمي يجوبون الاجواء السودانية بصورة تكاد تتفوق علي حركات المضيفات في الخطوط الجوية السودانية... وملفات الازمة السودانية تتقاذقها وتتخامش عليها الدول (قطر- ليبيا- مصر- امريكا -الاتحاد الاروبي-الاتحاد الافريقي).. عدد الجيوش الاتية من خارج الحدود الان في السودان اكثر تقريبا من 50 الف جندي ونيف ..بعددية تكاد ان تفوق جيوش المستعمر...
|
Post: #175
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-02-2011, 10:08 AM
Parent: #174
عفوا الشفيع اضافة لابد منها حتي يستقيم الزووووم اوووت اعلاه ويشمل كل الامر الوصائي الدولي
نضيف..الاتي نصه
رئيس سوداني محروم وبموجب اتفاقية روما من السفر حتي الي دول الجوار التي صفعت الدبلوماسية والسيادة السودانية البشيرية في ليبيا وفي افريقيا الوسطي وفي زامبيا وهلمجراااا
|
Post: #176
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-02-2011, 04:53 PM
Parent: #173
انا كنت فاكر قلبنا اصفحة دي عشان نواااصل
لا بأس
| Quote: سنكون في انتظارك لتوضيح ملامح عدم النضوح |
الا يكفيك فيديو (الخج) يا ع الكريم (كملمح) وااضح وبين على عدم النضوج؟
|
Post: #177
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-02-2011, 04:57 PM
Parent: #176
| Quote: وسنكون قرفصاء ايضا في انتظار الوصايا التي يحتاجها الشعب السوداني ونوعيتها |
الحكم الشمولي عن طريق (الاستقراء والتلمس)
|
Post: #178
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-02-2011, 06:35 PM
Parent: #177
هلا يا الشفيع
ومالك يا زول كلامك بقي نتشة نتشة كده..ونحن ياخي في منعرج مهم واساسي من النقاش
فعليك الله وشيخي شكر الله رشششششششني شمولية حتي تصيح الديوك..
1-| Quote: الا يكفيك فيديو (الخج) يا ع الكريم (كملمح) وااضح وبين على عدم النضوج؟ |
عاد ده كلام يا الشفيع يا هندسة...؟؟
الخج ده جاء بعد ديششششليون سنة من حكم الانقاذ وفي حالة كونك مستند عليه كسبب من اسباب النضوج في امر الشعب والكلام ده بدينك وبدين الموتمر الوطني زاااااتو... لانو بعد عقدين ونيف من الحكم القابض علي كل شي (دي ياها التربية القدمتها للشعب)..؟؟
فيديو الخج كان (عنوان) لفترة حكم الموتمر الوطني وهو يقف شاهدا علي فساد الذمة وفساد الضمير وعلي الوطن الذي اصبح سائبا ويقف شاهدا علي تمزق وتهتك الفهم للديمقراطية والدليل علي ذلك هو نكران النظام في كل خطابه علي الارض وهنا في هذا المنبر (هذه الجزئية)...
انا طالب ملامح عدم النضوج عندما قررت الجبهة الاسلامية الاستيلاء علي الحكم في 89..؟؟؟
وبجيك لامر الشمولية والاستقراء ولكن بعد خفسة خفيفة كده
|
Post: #179
Title: Re: ياسر عرمان....ح تتجلد والشمس ضحى
Author: Nazar Yousif
Date: 01-02-2011, 07:18 PM
Parent: #178
كلنا ثقة فى ادراة الباشمهندس عبد الكريم
للحوار مع اأخونا الشفيع ولكن مسألة عاجلة .
Quote: كما ذكرت سابقاً فقد رأيت من قبل رسماً بيانيا يوثق للتنمية
في السودان منذ الاستقلال وكان اللافت للنظر أن هناك قفزات نوعية خلال
العهود الشمولية
|
ونحن نطمع فى رؤية هذا الرسم البيانى وبجانبه الرسم
البيانى لديون السودان عامة وفى فترات الشمولية خاصة .
|
Post: #180
Title: Re: ياسر عرمان....ح تتجلد والشمس ضحى
Author: د.محمد حسن
Date: 01-02-2011, 08:29 PM
Parent: #177
| Quote: الحكم الشمولي عن طريق (الاستقراء والتلمس) ) |
بصراحة يا الشفيع دي جديدة علي
كدي فهمني ليها
كيف يكون حكم شمولي بالاستقراء وتاريخ البشرية يعرف جيدا عداء الشموليات للقراءة فكيف بالاستقراء
اها والتلمس دي كيف يعني زي لغة برايتنر؟
تعرف يا الشفيع الانقاذ دي ادخلت لينا لغة سيدنا لغونج ما يفهمها
|
Post: #181
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-02-2011, 09:04 PM
Parent: #180
| Quote: الحكم الشمولي عن طريق (الاستقراء والتلمس) |
تحياتي يا نزار وحبابك يا دكتور محمد
والشفيع اتي بامر جلل ويرسل الشعب والوطن بكلياته الي خانة (فار تجارب) تجارب للافكار الاحادية
ويتيح لها ممارسة التجريب وتحسس مواطن الاشياء ثم الحركة في امرالوطن علي طريقة مشية (الحرباء) الشهيرة (كراع قدام وكراع وراء) وفلينزف الوطن..!!!
1- ويا الشفيع حزب ما عارف وما متفهم لمشاكل وطنه (الجابروووو شنو علي الحكم) والاستقرا والتلمس ده...؟؟
2-من الذي اعطي الموتمر الوطني (حق الاستقراء والتلمس)...؟؟
3-وماهو رايك يا الشفيع ان تمخض هذا الاستقراء والتلمس الي ضياع الوطن بكلياته وموت جزء كبير من اهله
وتمزق نسيج هذا البلد...
4- وهل نحن الان في (مرحلة الاستقراء ) ام نحن في مرحلة التلمس
5- وماهي مدة الاستقراء وماهي مدة التلمس وكيف تتم الية الاستقرا والتلمس هذا
6- هل من حق الشعب السوداني ان يعرف اين يتم استقرائه واين وكيف يتم لمسه
دي اسئلة قد لا تجد اجابة منك ولكنك بجزئية الاستقراء والتلمس نزعت الاهلية الكاملة عن شعب وطن
له وعيه وتاريخه وله احلامه التي ليس من بينها ان يظل بين الدول حقل تجارب وفار مخلوع في مختبر الموتمر الوطني ومويديه...
ولا يزال اسئلة الذهبية في انتظارك يا الشفيع
1- حدد ملامح عدم اهلية الشعب السوداني ونضوجه بالله بصورة جادة تخدم الحوار
2- وماهي الوصايا ومن الذي يحددها وكيف وباي ايدلوجية..
|
Post: #182
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-02-2011, 09:24 PM
Parent: #181
Quote: ونحن نطمع فى رؤية هذا الرسم البيانى وبجانبه الرسم
البيانى لديون السودان عامة وفى فترات الشمولية خاصة . |
هلا نزار
وبجانب هذا الرسم البياني نتمني ان نري ايضا عدد سنوات الشمولية في السودان ومنذ الاستقلال
وعدد سنوات الفترات الديمقراطية...
|
Post: #183
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-03-2011, 04:19 AM
Parent: #182
بنرجع
|
Post: #184
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-03-2011, 07:17 AM
Parent: #183
هلا يا الشفيع
ونحن قرفصاء في انتظارك وحتي نساهم في تنظيم النقاش انا منتظر بصورة اساسية نقاش في الاتي
1- ملامح عدم نضوج الشعوب بصورة عامة والشعب السوداني خاصة ومن هو المخول بتحديدها
2- الوصايا التي يحتاجها الشعب ملامحها ومنطلقاتها ونوعيتها ومن هو المخول بتحديدها
3-شرح لجزئية (الاستقراء والتلمس) واليتها ومداها الزمني ومشروعية احتكارها
4- اضيف صوتي لطلب الاخ نزار ونطالب بالرسم البياني الذي يوضح حجم التنمية في الحكم الشمولي
5- نقاش عن تخليك انت كمواطن عن ايدلوجيتك او افكارك لصالح افكار وايدلوجيا الحزب الشمولي حتي يقوم بالتنمية كتعويض عن هذا التخلي
كل هذه الاسئلة وغيرها ساكون قرفصاء دائم وفي انتظارك علي قارعة هذه السبورة
|
Post: #185
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-03-2011, 02:12 PM
Parent: #184
اسئلتك وااضحة جدا يا ع الكريم
وستجد ليها اجابات أوضح منها
بس اصبروا علينا
(المعايش جبارة)
|
Post: #186
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-03-2011, 08:26 PM
Parent: #185
Quote: اسئلتك وااضحة جدا يا ع الكريم
وستجد ليها اجابات أوضح منها
بس اصبروا علينا
(المعايش جبارة) |
لاغبار يا الشفيع
وما مستعجلين شديد وسنكون قرفصاء في الانتظار
|
Post: #187
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-04-2011, 09:48 AM
Parent: #186
Quote: لاغبار يا الشفيع
وما مستعجلين شديد وسنكون قرفصاء في الانتظار |
|
Post: #188
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-04-2011, 11:54 AM
Parent: #187
| Quote: 1- ملامح عدم نضوج الشعوب بصورة عامة والشعب السوداني خاصة ومن هو المخول بتحديدها |
هل ترى يا ع الكريم انو الشعب السوداني ناضج( الآن) لمممارسة الديمقراطية؟
| Quote: 2- الوصايا التي يحتاجها الشعب ملامحها ومنطلقاتها ونوعيتها ومن هو المخول بتحديدها |
الحكم الشمولي
تم تحديدها بمن يحكم الآن، أمر واقع
|
Post: #189
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-04-2011, 12:39 PM
Parent: #188
(إنو الشعب لم ينضج بعد لتولي زمام أمره ديمقراطياً، ويحتاج لبعض الوصاية)
--------------------------
1-Quote: هل ترى يا ع الكريم انو الشعب السوداني ناضج( الآن) لمممارسة الديمقراطية؟
|
هلا يا الشفيع وانت هو من حدد بان الشعب السوداني (غير ناضج) او كما ورد في مقولتك (بالاحمر اعلاه)
ولينا كم يوم يا الشفيع منتظرين ملامح النضوج
1-...
2-...
3-....
فانا (خليني وانساني تماما) انت الحددت (عدم النضوج) روينا ملامح عدم نضوجه ونورنا يااخ نورك الله ..!!!
2-Quote: الحكم الشمولي
تم تحديدها بمن يحكم الآن، أمر واقع |
هنا برضو يا الشفيع الكلام ده بصراحة (مجبوك) وداير توضيحات لو سمحت
-يعني انت كداعم للشمولية ومواطن سوداني (ماعارف الوصايا وزينا كده راكب تونسية الوصايا ومقهي ) ولا الحكاية كلها مدروعة في راس الحكم الشمولي (الممكن يكون اي حزب من طرف)-انا يا الشفيع بالجد عشمان في نقاش مستفيض ونقاط محددة واضحة فبالله يا هندسة اصلح معانا وما ترمي لي كلامات احرف جزار ما يطلع منها بكيلو بتاع ردود تثري الحراك والنقاش..
|
Post: #190
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-04-2011, 02:49 PM
Parent: #189
| Quote: هلا يا الشفيع وانت هو من حدد بان الشعب السوداني (غير ناضج) او كما ورد في مقولتك (بالاحمر اعلاه) |
لا يا ع الكريم
الشغلة ما بتمشي كده
انا فعلاً من (قال) انو الشعب (حالياً) غير ناضج لممارسة الديمقراطية
إما انو ع الكريم متفق معاي في انو (فعلاً) الشعب غير ناضج (الآن) أو
ع الكريم ما متفق معاي وبقول إنو الشعب السوداني ناااضج وبامكانه ممارسة الديمقراطية، وفي الحالة دي الشفيع مطلوب منه يثبت ليك العكس ويحدد ليك ملامح النضوج
| Quote: ولا الحكاية كلها مدروعة في راس الحكم الشمولي (الممكن يكون اي حزب من طرف) |
سبق وذكرت ليك (فعلاً) كان ممكن يكون أي حزب من أي طرف، طالما من يقومون عليه (مخلصين) لقضايا الوطن
والواقع الآن بقول انو الناس ديل اسمهم (المؤتمر الوطني)
|
Post: #191
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-04-2011, 03:15 PM
Parent: #190
Quote: 3-شرح لجزئية (الاستقراء والتلمس) واليتها ومداها الزمني ومشروعية احتكارها
|
المصطلح ده (شفيعي وراقي)
وبيعني ان يتلمس الحاكم نتيجة ما تم تنفيذه من سياسات وتاثيرها على الشعب، وأن (يستقرإ) ما يرغب فيه الشعب من سياسات مستقبلية
الآلية تتم عن طريق برلمانات (معينة)، خبراء، مستشارين،......
لا يوجد مدى زمني، ويوجد خطط (زمنية) يتم بموجبها بسط (قليل)من الحريات والديمقراطية حسب درجة وعي ونضوج الشعب(عبرت عنها بالتقسيط سابقاً)
اذا كنت تسال عن الأصل الشرعي من ناحية الدين، فأصلاً في الشريعة لا توجد ديمقراطية بالمعنى (الغربي)
اما الأصل القانوني، فالانقلاب عبارة عن تعطيل للقانون و(نزع) الديمقراطية من الشعب لفترة من الوقت حتى يتأهل الشعب ومن ورائه الاحزاب لها
| Quote: 4- اضيف صوتي لطلب الاخ نزار ونطالب بالرسم البياني الذي يوضح حجم التنمية في الحكم الشمولي |
للأسف لا يوجد، رايته في مجلة صدرت ابان الديمقراطية الثالثة واظن اسمها الخرطوم
ولا أظنك أنت ونزار بحوجة لرؤيته
| Quote: 5- نقاش عن تخليك انت كمواطن عن ايدلوجيتك او افكارك لصالح افكار وايدلوجيا الحزب الشمولي حتي يقوم بالتنمية كتعويض عن هذا التخلي |
دهـ ما ياهو الحاصل الآن
ولم يتنازل أي منا عن ايدلوجاته للآخر
الحاصل إنو جمعتنا بعض القواسم المشتركة، أهمها (الحرص على مصلحة الوطن)
|
Post: #192
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-04-2011, 08:18 PM
Parent: #191
هلا يا الشفيع مرحب
1-Quote: انا فعلاً من (قال) انو الشعب (حالياً) غير ناضج لممارسة الديمقراطية
إما انو ع الكريم متفق معاي في انو (فعلاً) الشعب غير ناضج (الآن) أو
ع الكريم ما متفق معاي وبقول إنو الشعب السوداني ناااضج وبامكانه ممارسة الديمقراطية، وفي الحالة دي الشفيع مطلوب منه يثبت ليك العكس ويحدد ليك ملامح النضوج |
وطالما انا متبني الخط المنادي بديمقراطية للشعب السوداني فمن البديهي انا غير مقتنع بحديثك عن عدم نضوج الشعب السوداني... وان اردتها بصورة مباشرة حتي تنطلق في ملامح عدم نضوج الشعب السوداني
فانني الان افيدك بصورة مباشرة واقول بان هذا الشعب ناضج ... فاتمني ان تفيدني ما يثبت اطروحتك
عن عدم نضوج الشعب...
2-| Quote: سبق وذكرت ليك (فعلاً) كان ممكن يكون أي حزب من أي طرف، طالما من يقومون عليه (مخلصين) لقضايا الوطنوالواقع الآن بقول انو الناس ديل اسمهم (المؤتمر الوطني) |
هنا يا الشفيع ساكون في انتظار تعريف (الاخلاص لمصلحة الوطن... تعريفه.. ومعياره.. وهل هنالك جهة وبمجرد استيلائها علي السلطة هي اتوماتيكي (مخلصة وعاملة من ادجل قضايا الوطن... وماهي قضايا الوطن التي تفترض بان الموتمر الوطني مخلص لها... وهل الاخريين غير مخلصين لقضايا الوطن)..؟؟
|
Post: #193
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-04-2011, 08:34 PM
Parent: #192
| Quote: المصطلح ده (شفيعي وراقي) |
1- لو كان الشفيع وراق هو من يحكم السودان كان سننظر الي هذه المقولة بعين الاعتبار
ولو كان الواقع الذي يطبقه الموتمر الوطني عمليا علي ارض الواقع السوداني يتم بتلك الالية التي ذكرتها كنا ايضا سنحلق معاك في تفاصيلها (سلبياتها وايجابيتها)... ولكن الواقع السوداني في مطلة
الموتمر الوطني يقول عكس كلامك ده تماما...
فهذا حزب اتي للسلطة له ايدلوجيته اولا
وله خططه اولا
وله رويته التاصيلية لكل شي في ارض السودان ( ولو رفعو طوبة فانهم ذوي روية تاصيلية لهذا الرفع)
والاهم من ذلك لهم مشروعهم (المشروع الحضاري) وبشرو به كثيرا ونظرو اليه وعملو علي جزئياته في كل مكونات المجمتع السوداني من صغيرها حتي كبيرها...
فبالتالي ليس هنالك علي ارض الواقع يا الشفيع من مقولتك (الاستقراء واللمس من واقع) وان كانت هذه المقولة موغلة في التردد والتجريبية وكما قلت ليك الجانب السلبي في ارسالها للشعب السوداني في خانة (فيران التجارب) وتعمل ايضا ضد اهلية الحزب المستخدمها فمن لا يدري مشاكل هذا الشعب ليس هناك بشي يجبره علي التجريب في زمن المنهجية والعلمية و الادارة المبنية علي التخطيط السليم النابع من الفهم الميق للمشكلة قبل تجريب اي منهج فيها..
2-Quote: للأسف لا يوجد، رايته في مجلة صدرت ابان الديمقراطية الثالثة واظن اسمها الخرطوم
ولا أظنك أنت ونزار بحوجة لرؤيته
|
ان كان عبد الكريم ونزار حسب افتراضك لا يحتاجها فان هنالك الكثير من المتابعين من نفترض جدلا بانهم يحتاجونها وما يرد في هذا البوست اعتقد بانه مبذول لكثيرين واتمني ان تدينا وحتي ملامح من تقرير تلك المجلة كونك اعتمده من دفوعاتك الاسساسية في امر التنمية في العهد الشمولي... عله يقنعني او يقنع اي زول من عابرين هذا البوست....
3-Quote: دهـ ما ياهو الحاصل الآن
ولم يتنازل أي منا عن ايدلوجاته للآخر
الحاصل إنو جمعتنا بعض القواسم المشتركة، أهمها (الحرص على مصلحة الوطن) |
الواقع الانقاذي يوضح وبوضوح ايدلوجية احادية ومحددة ومعروفة للغاشي والداني
فحتي نقيس يا الشفيع الامر ونري موقع ايدلوجيتك من التطبيق ووجودها في الساحة الحكومية وخطابها الرسمي فاتمني ان تفيدنا بايدلوجيتك التي تسرب الينا في هذا البوست بانها (غير اسلامية)
فياتري ماهي الايدلوجية التي لم تتنازل عنها وتشارك الاحادية الانقاذية في التطبيق والحكم..؟؟
|
Post: #194
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-04-2011, 09:20 PM
Parent: #193
| Quote: فاتمني ان تفيدنا بايدلوجيتك التي تسرب الينا في هذا البوست بانها (غير اسلامية) |
دي دايرة ليها عشرين زوووووم يا ع الكريم
يعني كل من لا يتفق مع الكيزان في ايديلوجيتهم -بالضرورة - بيحمل ايديولوجية (غير اسلامية)؟
يعني هسة ع الكريم بيحمل ايديولوجية (غير اسلامية)؟ أم بيتفق مع الكيزان في ايديولوجيتهم؟
|
Post: #195
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-04-2011, 09:29 PM
Parent: #194
| Quote: فانني الان افيدك بصورة مباشرة واقول بان هذا الشعب ناضج |
حيث كده يا ع الكريم ممكن نقول وبي قلب قوي انو المؤتمر الوطني هو من يمثل الشعب السوداني حقيقة حسب الانتخابات الأخيرة،
وانه ما حدث من تزوير وخج كان محدود جداً بحيث لم يؤثر على نتيجة الانتخابات، لأنه الشعب ناضج ديمقراطياً
ولو كان شعر بي انه هناك من يزور ارادته كان قاطع التسجيل والانتخابات ولما بلغ التصويت النصاب، ولا ما هيك؟
|
Post: #196
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-04-2011, 09:30 PM
Parent: #194
Quote: دي دايرة ليها عشرين زوووووم يا ع الكريم
يعني كل من لا يتفق مع الكيزان في ايديلوجيتهم -بالضرورة - بيحمل ايديولوجية (غير اسلامية)؟
يعني هسة ع الكريم بيحمل ايديولوجية (غير اسلامية)؟ أم بيتفق مع الكيزان في ايديولوجيتهم؟ |
هلا يا الشفيع..
الكيزان ليس هم الاسلام يا الشفيع.. لذا نعم ليس من الضروري بان يكون كل من وقف ضدهم هو ذو ايدلولوجية غير اسلامية...(فلك ان تراجع برنامج الصحوة عند حزب الامة..والجمهورية الاسلامية عند الاتحادي
والكثير من المسلمين المنتشرين في قطاعات واجسام مختلفة يعملون ضد الانقاذ).. ولكن بفهم ووعي ومنطلقات ..
ولكن اشارتي اتت لحديثك المبذول في هذا البوست عندما صرحت بان منطلقاتك انت تحديدا في موازرة الانقاذ
(ليس منطلقات اسلامية)...؟؟
فعشان طالبنا بان نري منطلقاتك وايدلوجيتك والتي صرحت ايضا بانك لم تتنازل عنها حتي نري اين هي موقعها من ايدلوجية الكيزان الذين يدعون بانها اسلامية...!!!
|
Post: #197
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-04-2011, 09:42 PM
Parent: #196
Quote: حيث كده يا ع الكريم ممكن نقول وبي قلب قوي انو المؤتمر الوطني هو من يمثل الشعب السوداني حقيقة حسب الانتخابات الأخيرة،
وانه ما حدث من تزوير وخج كان محدود جداً بحيث لم يؤثر على نتيجة الانتخابات، لأنه الشعب ناضج ديمقراطياً
ولو كان شعر بي انه هناك من يزور ارادته كان قاطع التسجيل والانتخابات ولما بلغ التصويت النصاب، ولا ما هيك؟ |
معقولة يا الشفيع ده مقياسك..؟؟؟
انا يا الشفيع اقصد تحديد 89 واللحظة التي قررت الجبهة الاسلامية الاستيلاء علي الحكم استنادا علي مع اوردته انت من عدم نضوج (وضرورة ) وصايا..
1-الخج والانتخابات التي جرت عموما كانت عبارة عن مهزلة والشعب السوداني ليس مسئولا عن اي خلل او تزوير فيها لان من قام بذلك التزوير هو الموتمر الوطني واذرعه وهو المستفيد الاول من تلك النتائج التي خجت فيها وارسلت البشير الي رئيس في انتخابات مخجوجة ومرجوجة...
2- ومنو القال ليك نموذج الانتخابات التي تم خجها وارسال البشير كرئيس مخجوج هي النموذج المشرف والامثل للحالة الديمقراطية ..ففي ظل (الحريات التي اعترفت انت بانها تمنح قليلا)ومفوضية غيرمحايدة وقانون انتخابات احادي وفي ظل وطن حروباته مدورة ذات اليمين وذات اليسار وفي ظل سلطة احادية تسخر اعلام الدولة وموارد الدولة من اجل مصلحة حزب
الانتخابات لو ما تم تزويرها وخجها سبتكون الدنيا دي فيها حاجة غلط...
|
Post: #199
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-04-2011, 10:05 PM
Parent: #197
انا فاهم الكلام ده كويييس يا ع الكريم
بس حبيت اوريك لامن تمشي في الطريق الخطأ بوصلك لي وين
وصدقني ممكن اخش معاك في مغالطات واحصاءات تؤكد ليك انو فعلا المؤتمر فاز وبنسبة ساااحقة
انا على يقين من انك مقتنع تمام انو الشعب لم ينضج تماما لممارسة الديمقراطية، وترى ان انسب طريق للنضوج هو بالممارسة
اهم الملامح:
الامية
الولاء القبلي
الولاء الجهوي
الاحزاب الطائفية
(هسه الفرق شنو بين برنامج الامة والاتحادي غير الرؤوس)؟
الوطنية
Quote: هنا الشفيع جزئية بتعكس عدم المامنا بماهية النظام الديمقراطي وده امر مفهوم كوننا كشعب سوداني ثقافتنا الديمقراطية ضئيلة
بحكم التليب القاعد يحصل من المغامرين من العسكر وبعض الاحزاب ذات الروية الاقصائية.. |
أظنك هنا بتتكلم عن الشعب السوداني
Quote: الديمقراطية بتجي بتحضير خلاق من دستور وموجهات استراتيجية للدولة في كل مناحي الحياة من تعليم ومن
|
وده كلامك عن الديمقراطية الحقيقية
Quote: فلسفة دولة والهدف منها وروية مفكريها المتفقين لمستقبل انسانها ودستور مستوعب لكل التناقضات كالتعايش وتباين الثقافات والاديان والافكار... ده الفريم الاساسي والدستور الموجهة للحكومة التي هي حكومة تنفيذية فقط والصراع ما بين الاجسام السياسية ما بكون صراع (هوية بلد) او صراع ديني او صراع حول الحقوق الاساسية بل سيتحول الصراع حول الخدمات والسياسات التنفيذية للدولة ادارة موجهاتها
|
| Quote: عشان كده كل حزب بجك جكتو بدون ما يخل بالملامح الاساسية وثوابت البلد... وفي هذا النظام يا الشفيع قد يتغير الجهاز التنقيذي ولكن الجهاز القضائي ثابت والدستور الشامل المتفق عليه ثابت واستراتجية الدولة في مداها الطويل ثابت |
هل يا ترى يا ع الكريم الكلام ده حتى ولو بنسبة 1% كان مطبق في 89؟
|
Post: #198
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-04-2011, 09:47 PM
Parent: #196
| Quote: فعشان طالبنا بان نري منطلقاتك وايدلوجيتك |
المقتبس ادناه يا ع الكريم كافٍ لإدارة النقاش في البوست، وما تكون طماع
Quote: أنا لا أدعو ولا أؤيد الدولة (الدينية)، ولكن لا أعارضها
أنا أؤيد الانقاذ والمؤتمر لأن (مصلحة) البلد تتطلب ذلك |
Quote: الرسالة البحاول أوصلها للإنقاذ:
لم تؤيدكم الجماهير بسبب الشريعة (فقط)
|
|
Post: #200
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-04-2011, 10:10 PM
Parent: #198
| Quote: المقتبس ادناه يا ع الكريم كافٍ لإدارة النقاش في البوست، وما تكون طماع |
مافي طمع كده يا الشفيع لمن ينضمو بيهو.. وحالي تماما اصبح كحال من يريد ان يصطاد ود موية في بوطة من بواط نواحي كردفان...
حديثك المقتبس اعلاه مفهوم ونقاشي معاك منطلق منه تماما...
1- قلت بتايد الانقاذ لانو الشعب غير ناضج ... قلت ليك جيب ملامح عدم النضوج(واندهشت حقا عندما كلمتني عن الخج وكان عمر البشير عندما اتي للسلطة كان هذا الشعب قاااعد يخج)..وقلنا ليك ادينا ملامح عن عدم نضوج الشعوب عموما... برضك ما داير تجي في التراك بتاع النقاش
2- قلت بتايد الانقاذ لانو الشعب داير وصايا... قلت ليك يا الشفيع جيب لي الوصايا دي شنو وختها لينا هنا ده كشعب سوداني فضل وقول 1- و2- و3- 0
3- قلت ما تنازلت عن ايدلوجيتك... قلنا ليك ورينا ايدلوجيتك شنوووووو...؟؟ عشان نشوفها ووين من ايدلوجيا الانقاذ
يعني الشفيع بالعربي كده انت تعتقد بانك تؤيد الانقاذ كونها تحقق مصلحة البلد
طيب يااااخ ورينا رؤيتك عن مصلحة البلد دي وخلينا نتناقش عليك الله يااااخي وما داير منك كثير
1- ملامح عدم النضوح
2- الوصايا
3- الايدلوجية بتاعتك الشغالة تششششششششش جنبا مع ايدلوجية الانقاذ
الكلام ده صعب ولا اردب سمسم يا هندسة
|
Post: #201
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-05-2011, 06:40 AM
Parent: #200
هلا يا الشفيع وصباح الخير...!!
1-النقاش يا الشفيع طرحي فيه واضحا ومحدد ولم يكن امره يحتاج الي كل هذه اللفة والكركبة.. وعموما لاغبار ففي تلك اللفة والكركبة حتما ستاتي اضافات .. ومافي انزعاج شديد من تلك اللفة و(الابري النقاشي) بتاعي هنالك صبرا وافر لبله..
والاحصاء والمعلومات التي تسند رايك حتما ان اوردتها فلن تكون مغالطات..فهي مهمة كدفوعات بالنسبة ليك..وقد نرد عليها في اطارها
2-Quote: انا على يقين من انك مقتنع تمام انو الشعب لم ينضج تماما لممارسة الديمقراطية، وترى ان انسب طريق للنضوج هو بالممارسة
|
من وين جبت اليقين ده يا زول هوووي.....؟؟؟
علي الاطلاق ماعندي ادني شك بان هذه الشعب يمكنه ممارسة الديمقراطية وتعلمها والوعي بها... هنالك بالتاكيد مشاكل في هذه الشعب علي شاكلة ما اوردته ادناه
Quote: الامية
الولاء القبلي
الولاء الجهوي
الاحزاب الطائفية
|
وبالاضافة الي مشاكل كثيرة اخري ممكن نرصدها هي موجودة في الشعب السوداني...ولكن في اعتقادي بان الحل الجذري لمثل هذه المشاكل هو في الديمقراطية ومزيد من الديمقراطية وهي وحدها القادرة علي تفكيك الوعي العشائري في تركيبة الشعب السوداني وتحويل الولاء من القبيلة الي الفكرة... وتفتيت الولاء الجهوي وفضح العقل والوعي الطائفي...!!!
ولكن في الجانب الاخر من النهر انظر الي (الشمولية الانقاذية ) وموقفها في الاشياء التي اوردتها.. انظر الي ملامح السطوة القبلية
التي تسربت وبابشع لغة من راس الدولة (حديث الترابي)... انظر الي الحروبات الجهوية (دارفور) بل انظر الي اكبر خيبة جهوية في السودان ومنذ انطلاقه (انفصال الجنوب) وفرز عيشة جبال النوبة والنيل الازرق بل انظر الي الطائفية الكيزانية التي تولدت في الارض السودانية والتصنيف للمواطن السوداني المبني علي (الايدلوجية والتنظيم والولاء).. طائفية جديدة كانت سطوتها للترابي والان تحولت الي البشير الذي صار هو مركز الكون في الامر السوداني(انت قايل الطائفية دي شنو يا الشفيع ما الكيزان طائفية) كونهم فارزين عيشتهم ولهم حظوة واولوية قبل الاخريين من مواطني الدولة...!!!
هنالك مشاكل... وهي بالتاكيد لا تمثل ملامح عدم نضوج لهذا الشعب..فالشعب طالما هنالك مفكرين ومتعلمين و كيانات واجسام من (صلبه) تعبر عنه(في اطار ديمقراطي مستوعب لكل مشاكله وكياناته) وتكتب برنامج من اجل تغييره بمنهجية وعلمية وافكار طموحة يساهم فيها المتعلمين الذين هم خريجي مدارس هذا الشعب فان نضوج هذا الشعب لاغبار لديه...وحتي مشاكل مثل الامية والوعي بالديمقراطية فهي واجدة في الارض السودانية برنامج طموحة وخلاقة فقط تنتظر ارسالها الي برنامج تاهيلية علي الارض تساندها ارادة سياسيةتومن بالديمقراطية الشفافية ... وليس مدغمسة للامور كما في حال واحوال الانقاذ وعمر بشيرها
3-| Quote: هل يا ترى يا ع الكريم الكلام ده حتى ولو بنسبة 1% كان مطبق في 89؟ |
في كراكير هذا البوست يا الشفيع من الاشياء التي اتفقت معاك فيها هي القصور في التجربة الديمقراطية والتشوهات التي كانت فيها.. وجريت ليك (ترافيس) للفترة الانتقالية بتاعة سوار الدهب والثلاثة سنوات بتاعة الصادق وقلت ليك الامر في رمته يحتاج الي زمن ومثابرة وجهد كبير
ولكن قلت ليك المغامرين من (كيزان كاشا) ما ادو التجربة الفرصة حتي تزيد النسبة بمرور الزمن والممارسة ..الديمقراطية الحقيقية في صورتها المثلي ما بتجي بين يوم وليلة بل تحتاج الي تطوير اشياء عديدة وعبر سفر شاااااق وطويل وقد يكون ممل (لاصحاب النفس القصير)
وفالامر يحتاج الي تطوير الاحزاب دي في روحها والي تطوير الصحافةوالاعلام والي تطوير الجهاز التشريعي والي تطوير القوانين والي تطوير وتوعية القوات النظامية التي ارتبطت في وعيها بالشمولية والي توعية الشرطة وتطوير مناهج المدارس وقوانين العمل المدني وبرنامج شااامل لتطوير صبور لكل المجتمع السوداني ورفع وعيه بالديمقراطية والشفافية ومحاربة الفساد وتوطين الكفاءة وعيييييك اشياء كثيرة في الواقع السوداني عايشة شغل صبور يا الشفيع بما فيها تطوير وعينا بالتعايش مع الثقافات والاديان والاجناس الاخري....!!! تطوير من اجل صناعة وطن... صناعة وادارة وطن متعدد في كل اشيائه ومتخم بالمشاكل علي شاكلة ما اورته...
واليه هذا التطوير هو (الديمقراطية مزيدا من الديمقراطية)
|
Post: #202
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-05-2011, 08:47 AM
Parent: #201
Quote: وفالامر يحتاج الي تطوير الاحزاب دي في روحها والي تطوير الصحافةوالاعلام والي تطوير الجهاز التشريعي والي تطوير القوانين والي تطوير وتوعية القوات النظامية التي ارتبطت في وعيها بالشمولية والي توعية الشرطة وتطوير مناهج المدارس وقوانين العمل المدني وبرنامج شااامل لتطوير صبور لكل المجتمع السوداني ورفع وعيه بالديمقراطية والشفافية ومحاربة الفساد وتوطين الكفاءة وعيييييك اشياء كثيرة في الواقع السوداني عايشة شغل صبور يا الشفيع بما فيها تطوير وعينا بالتعايش مع الثقافات والاديان والاجناس الاخري....!!! تطوير من اجل صناعة وطن... صناعة وادارة وطن متعدد في كل اشيائه ومتخم بالمشاكل علي شاكلة ما اورته...
واليه هذا التطوير هو (الديمقراطية مزيدا من الديمقراطية) |
الكلام ده (ممتااااز)
ولا خلاف الا على الخلاصة الاخيرة
وآليه هذا التطوير هو (التنمية ومزيدا من التنمية)
هسه محل ما انت عايش
ومحل ما انا عايش
هل توجد ديمقراطية؟
|
Post: #204
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-05-2011, 09:45 AM
Parent: #203
Quote: وآليه هذا التطوير هو (التنمية ومزيدا من التنمية)
هسه محل ما انت عايش
ومحل ما انا عايش
هل توجد ديمقراطية؟ |
هلا يا الشفيع...
وقليلا من سحابة الانبساطة في وجه الشريف في امر اتفاقك مع نقاطي لا تضر للنقاش قضية
وشكرا علي التامين والاتفاق...!!
1-محل ما انا قاعد محل ما انت قاعد لو في ديمقراطية او مافي ديمقراطية علي مستوي الحكم فهذا امر انا غيري معني به
وطالما انا مواطن دولة اخري فلا يحق لي الافتاء والتنظير للاخرين في كيفية حكمهم لوطنهم..ورويتهم لها... ولكن لو نظرت اجمالا لحكم (محلي ومحلك) سنجد انها دول سخرت العشائرية والقبلية فيها وقامت عليها انظمة حكم(وده نمط بتاع مجتمعات محددة ومعينة ولها خصائصها) وبتختلف مع السودان الذي هو لحم راس.. (ولكن لو عاوز (قبيلة وعشائرية) زي ده هذا الامر بالتاكيد سيدخلك (معاي )في حيص بيص طالما ذكرت لي بان القبلية وااحدة من ملامح عدم نضوج السودان)..
2- يا الشفيع يا اخوي التنمية دي (عامل واحد) من عدة عوامل في بناء اي دولة..وهي لوحدها بالتاكيد ليست بكافية علي حل الاشكالات العويصة في العوامل الاتية
1-الية الحكم وطريقته المستوعبة لكل التناقضات في الدولة
2- تطوير قوانين البلد لمواكبة هذا الواقع
3- محاربة الفساد والشفافية
4- بناء مجتمع مبني علي احترام الاخر..
النقاط الاربعة دي انا خامشها ليك من ديشيلون نقطة في مرتكزات بناء (الدولة ممتازة)..
ووريني يا الشفيع لو بنيت 20 سد45 كبري و57 جامعة و300 طريق هاي ويييي اربع مسارات وعملت تنمية زي الورد
ماهو الاثر بتاع كل الخرصانة والحديد الكبيتو علي الارض في هذه النقاط الاربع وكيف سترتفع الخرصانة بتلك الاشياء بمجرد انها توارت الارض السودانية...!!
التنمية يا سيدي لا غني عنها ولكن في حضورها وهي منزوعة الهرمنة مع الاشياء الاساسية الاخري ستصبح مثلها ومثل بيوت الطين التي كان نبنيها
ونحن صغار وسرعان ما نهردمها في اول كركبة فيما بيننا..
|
Post: #205
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-05-2011, 10:01 AM
Parent: #203
ينظر ويفاد يا ود ابراهيم
|
Post: #206
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-05-2011, 05:07 PM
Parent: #205
Quote: التنمية يا سيدي لا غني عنها ولكن في حضورها وهي منزوعة الهرمنة مع الاشياء الاساسية الاخري ستصبح مثلها ومثل بيوت الطين التي كان نبنيها
ونحن صغار وسرعان ما نهردمها في اول كركبة فيما بيننا.. |
|
Post: #207
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-05-2011, 05:55 PM
Parent: #206
في واحدة من مداخلاتك يا ع الكريم ذكرت انو في قمة الديمقراطية وبعد وضع الاساسات والثوابت تصبح الحكومة حكومة (خدمات)
وببقى التنافس بين الاحزاب في (طريقة) ايصال الخدمات دي للمواطن
وانا سالتك برضو في واحدة من مداخلاتي:هل الديمقراطية غاية ام وسيلة لتحقيق غايات
عشان كده لو لقينا (شخص) عمل لينا الحاجات دي، الديمقراطية نطيرها وين؟ ومن هنا جات المقارنة مع (محلي ومحلك)
|
Post: #208
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-05-2011, 06:19 PM
Parent: #207
| Quote: 1-الية الحكم وطريقته المستوعبة لكل التناقضات في الدولة |
الحكم الشمولي في الحالة السودانية هو الاقرب لاستيعاب التناقضات الحزبية والقبلية والجهوية
| Quote: 2- تطوير قوانين البلد لمواكبة هذا الواقع. |
الشمولي ايضا لا يمنع تطوير القوانين، بدءا بالاحكام العرفية وتدريجيا فك القبضة (تقسيط)
| Quote: 3- محاربة الفساد والشفافية |
هنا الحكم الشمولي ضعيف، بالذات في وجود معارضة غير وطنية وغير امينة
| Quote: 4- بناء مجتمع مبني علي احترام الاخر. |
وهذه ايضا لا تتعارض مع الشمولية
|
Post: #209
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-06-2011, 06:07 AM
Parent: #208
Quote: وانا سالتك برضو في واحدة من مداخلاتي:هل الديمقراطية غاية ام وسيلة لتحقيق غايات
عشان كده لو لقينا (شخص) عمل لينا الحاجات دي، الديمقراطية نطيرها وين؟ ومن هنا جات المقارنة مع (محلي ومحلك)
|
هلا يا الشفيع وصباح الخير..
لو افترضنا بان الديمقراطية وسيلة فهي حتما لن تكون وسيلة (للتنمية) والتنمية فقط..!!!
فهي وسيلة لادارة كل مكونات الدولة ووسيلة لتحقيق (الحريات والحقوق والشفافية وادارة التنوع في كل شي)...
فعشان كده الانظمة الشمولية وان حققت التنمية وغابت الديمقراطية يظل امر الدولة مبتورا وفاقد لاشياء اخري اساسية كانت ستكون رصيد اضافي للتنمية التي اهم مقوماتها هو الاستقرار السياسي وتوازن التنمية تسخير كل مقومات وموارد البلد للتنمية بصورة قصوي(ولكن في الانطمة الشمولية نجد ميزانية الحروبات وميزانية تامين النظام وقواته النظامية لوحدها ميزانيات قادرة لبناء مدن علي الارض السودانية من طراز فريد وراقي...
سؤال علي جنبة كده طالما القصة بقت تنمية..
ايهما افيد واجدي للوطن
تنمية مع عدم استقرار استنزاف لموارد البلد في بنود جلها يصبح لتامين النظام وفساد
ام تنمية مع استقرار وموارد بلاد محروسة بشفافية واموال مسخرة تسخير اساسي لخدمة اجندة التنمية والتطوير ومحروسة بالقانون والصحافة وبرلمان الشعب وروح نظام الحكم والرقابة ...!!
-
المقارنة بين الجهاز التنفيذي في الدولة الديمقراطية والنظام الشمولي مقارنة غير عادل يا شفيع..
فالجهاز التنفيذي جزء من منظومة ومراقب من السلطة التشريعية والقضائية والصحافة..
ولكن في الشمولية القصة مجبوكة ومدغمسة ونظام الدولة مبني علي تداخل الاختصاصات والدغمسة وقمع الصحافة
وانتقائيه البرلمان (فالبرلمانات المعينة هي اكبر عملية تشويه للديمقراطية لانو كل البجي كا بقدر يقول بغممممممممم)
وسنتابع
|
Post: #210
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-06-2011, 06:29 AM
Parent: #209
1-Quote: الحكم الشمولي في الحالة السودانية هو الاقرب لاستيعاب التناقضات الحزبية والقبلية والجهوية
|
معقولة يا الشفيع انا ما شايف التمزق والقبلية والجهوية الحاصلة في سودان الانقاذ..(شي زرقة وعرب.. وشي دارفوريين..وشي اهل التمكين والمعارضين) الكيمان في زمانات الانقاذ والجبهة انفرزت يا الشفيع بصورة تيتح لكل مواطن ومهما كانت درجة وعيه من ملاحظتها وحتي علي مستوي تنظيم الجبهة الاسلامية خرج قطاع كبير من ابناء الغرب (بالكتاب الاسود) والذي علي موسيقاه وحروفه قامت ما يقارب الديشليون حركة مسلحة وحرب دارفور التي قضت علي الاخضر واليابس,,
Quote: الشمولي ايضا لا يمنع تطوير القوانين، بدءا بالاحكام العرفية وتدريجيا فك القبضة (تقسيط)
|
الشمولي وحتي وان طور القوانين فانه يطورها لكي يكون هو (القانون) ويسخرها لمصلحته وليس من اجل مصلحة تطوير المجتمع
Quote: هنا الحكم الشمولي ضعيف، بالذات في وجود معارضة غير وطنية وغير امينة
|
الشريف هنا مبسسسسسوط كون مقر بان الشمولي ضعيف في محاربة الفساد ولكن سرحان ما تنقشع سحابة هذه الانبساطة لانك عاوز ترمي الفساد في سلة المعارضة فده كلام عجيب.. كيف للمعارضة ان تفسد في المال العام وهي بعيدة كل البعد عن مخازنه وبنوكه وبعدين يا الشفيع ضروري اجيك تاني عشان تعرف لينا (الوطني والما وطني لانو المصطلح ده يحتاج ضبط وفضفاض)..
| Quote: بناء مجتمع مبني علي احترام الاخر |
وقلت ان الشمولية لاتتعارض مع الشمولية..!!!
كيف الكلام ده والاخر ده انت بدقو دق العيش وبتحاربو ولاتعترف بتنوعه وتودعه السجون
وتعطيه حريات علي مزاجك كنظام شمولي..
|
Post: #211
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-06-2011, 10:05 AM
Parent: #210
| Quote: وحتي علي مستوي تنظيم الجبهة الاسلامية خرج قطاع كبير من ابناء الغرب |
و دهـ بنعتبره يا ع الكريم من اثار ثورة الانقاذ التصحيحية
في 99 حدثت المفاصلة، ومنذ ذلك التاريخ لم تعد تحكمنا الجبهة الاسلامية
الان الانقاذ وسعت مواعينها واصبحت تستوعب مختلف قطاعات الشعب بمختلف توجهاتها، نعم ما يزال التوجه الاسلامي هو الغالب، ولكن غير منكفئ على نفسه ومنفتح الى حد كبير على الاخرين
مشكلة دارفور تم تأجيجها من قبل اطراف المعارضة الغير أمينة وغير وطنية
معارضة ترغب في اسقاط الحكومة باي ثمن وكل الوسائل
كما ساهمت بشكل كبير جدا جدا في فصل الجنوب ولم يهمها
الان لا يهمها ان يتم تدويل قضية دارفور وازجاء روح القبلية
الحكم الشمولي يفترض به ان ينظر لجميع المواطنين نظرة (متساوية)، بمختلف اتجاهاتهم السياسية وانتماءاتهم القبلية ومواقعهم الجغرافية
|
Post: #212
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-06-2011, 10:20 AM
Parent: #211
دي ما دايرة ليها شرح يا ع الكريم
الا توجد خطوط حمراء على المعارضة ان لا تتجاوزها؟
الا يوجد حد فاصل بين معارضة الوطن ومعارضة الحكومة؟
| Quote: عاوز ترمي الفساد في سلة المعارضة |
كلامي ما غريب يا ع الكريم
في ظل وجود معارضة غير امينة وغير وطنية، الحكومة ستضطر للاستعانة بمن يعرض ولاءه دون تمحيص شديد
قلت انا سابقا انه (يوجد) فساد، وكشفه ليس الحل لأن الحكومة تعلم به
{دعم المخلصين النزيهين هو ما سيمنع الفساد، لانه سيغني الحكومة عن الاستعانة بهم)
|
Post: #213
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-06-2011, 10:24 AM
Parent: #211
في ظل الحكم الشمولي، يفترض ان لا يكون هناك (آخر) ليحترم
| Quote: الحكم الشمولي يفترض به ان ينظر لجميع المواطنين نظرة (متساوية)، بمختلف اتجاهاتهم السياسية وانتماءاتهم القبلية ومواقعهم الجغرافية |
|
Post: #214
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-06-2011, 01:07 PM
Parent: #213
Quote: في ظل الحكم الشمولي، يفترض ان لا يكون هناك (آخر) ليحترم
|
هلا يا الشفيع ونجيك من النهاية..
كيف يا زول يتفترض ان لايكون هنالك اخر وانت جايب لي فوووق (مسيحي وجمهوري) وانت زاااتك قلت بانك ذو ايدلوجية مختلفة عن الموتمر الوطني..
والحمد الله يااخ القدرت وبعد تلتلة استخراج اعتراف منك بعدم الايمان بالتنوع...
ومافي اخر دي جزئية عجيبة وناس ديل الا يصنعو لينا في جياد جهاز اسلاموي كده يخشو فيهو الناس بجاي ويطلعو بهناك متساوين ومنسخوين وكلهم سيم سيم بالكربون..
في اختلاف اديان
في اختلاف افكار
وفي اختلاف ثقافات
دي عاوز توديهم وووووووووين
|
Post: #215
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-06-2011, 01:16 PM
Parent: #214
| Quote: الا يوجد حد فاصل بين معارضة الوطن ومعارضة الحكومة؟ |
كبار اعضاء تنظيم الموتمر الوطني علي شاكلة علي عثمان ونافع وغيره كانو معارضة في اخريات ايام نميري الشمولية...
فهل كانو في تلك الفترة (معارضة غير وطنية) وعميلة..
وهل مصطلح معارضة غير وطنية يصبغ علي كل من عارض نظام شمولي..؟؟
فاذا كانت الاجابة بنعم.. متي تلبس علي عثمان وصحبة بالوطنية الحقة ..؟؟
--
فاذا كانت الاجابة بلا
سيصبح تعريفك للمعارضة الغير وطنية مقتصر فقط علي معارضي الموتمر الوطني..
وهذا يعني بانك تري في الموتمر الوطني هو الوطن..
فهل الموتمر الوطني هو الوطن..؟؟
ام تنظيم مثله ومثل التنظيمات السودانية الاخري..
|
Post: #216
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-06-2011, 01:25 PM
Parent: #215
Quote: دهـ بنعتبره يا ع الكريم من اثار ثورة الانقاذ التصحيحية
في 99 حدثت المفاصلة، ومنذ ذلك التاريخ لم تعد تحكمنا الجبهة الاسلامية
الان الانقاذ وسعت مواعينها واصبحت تستوعب مختلف قطاعات الشعب بمختلف توجهاتها، نعم ما يزال التوجه الاسلامي هو الغالب، ولكن غير منكفئ على نفسه ومنفتح الى حد كبير على الاخرين
مشكلة دارفور تم تأجيجها من قبل اطراف المعارضة الغير أمينة وغير وطنية
معارضة ترغب في اسقاط الحكومة باي ثمن وكل الوسائل
كما ساهمت بشكل كبير جدا جدا في فصل الجنوب ولم يهمها
الان لا يهمها ان يتم تدويل قضية دارفور وازجاء روح القبلية
الحكم الشمولي يفترض به ان ينظر لجميع المواطنين نظرة (متساوية)، بمختلف اتجاهاتهم السياسية وانتماءاتهم القبلية ومواقعهم الجغرافية |
لا كثير نقة يا الشفيع في امرك سوي مطالبة صغيرة بشرح الاقتباسين اعلاه لمصلحة النقاش
| Quote: ولكن غير منكفئ على نفسه ومنفتح الى حد كبير على الاخرين |
| Quote: في ظل الحكم الشمولي، يفترض ان لا يكون هناك (آخر) ليحترم |
|
Post: #217
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-06-2011, 04:10 PM
Parent: #216
| Quote: والحمد الله يااخ القدرت وبعد تلتلة استخراج اعتراف منك بعدم الايمان بالتنوع... |
لاحظ انك جبت كلامي (مبتور)
كلامي (يقرأ) هكذا
| Quote: في ظل الحكم الشمولي، يفترض ان لا يكون هناك (آخر) ليحترم |
لأنه:
| Quote: الحكم الشمولي يفترض به ان ينظر لجميع المواطنين نظرة (متساوية)، بمختلف اتجاهاتهم السياسية وانتماءاتهم القبلية ومواقعهم الجغرافية |
|
Post: #220
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-06-2011, 04:57 PM
Parent: #216
| Quote: ولكن غير منكفئ على نفسه ومنفتح الى حد كبير على الاخرين |
دي يا ع الكريم تم شرحها فيما قبلها
| Quote: الان الانقاذ وسعت مواعينها واصبحت تستوعب مختلف قطاعات الشعب بمختلف توجهاتها |
الانقاذ بدأت بالمشروع الحضاري
تنازلت عن نصفه في نيفاشا
والنصف الاخر بغرض (توسعة المواعين)، وبالذات بعد (فك) الارتباط بـ(الجبهة الاسلامية)
نعم ، هناك من من لايزال يطالب باحياء المشروع الحضاري، وهناك من يعارض
رأي ان يتم تجميد جميع المشاريع، والالتفات لبناء الوطن، وهو الحد الادنى الذي يجب ان يتفق عليه جميع الناس ويلتفوا حوله، وهو ما يحدث الان
يا ع الكريم 90% من الشعب السوداني (محايد)، ويرغب فقط في بناء وطن معافى، وجد ضالته في الانقاذ، وثق بها وساندها ( او على الاقل لم يعارضها)
الخدمات التي ذكرتها انت سابقا، ولم ترى اهميتها، هي ما يريده الشعب (فعلاً)
التحزب والتعددية الفكرية بالنسبة للشعب (الآن) "ترف"
|
Post: #218
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-06-2011, 04:24 PM
Parent: #215
| Quote: فهل كانو في تلك الفترة (معارضة غير وطنية) وعميلة.. |
الاجابة تحتاج لتفصيل
انا مثلا عارضت النميري، حلماً في ديمقراطية
ولكن عندما رأيناها، ندمنا على معارضتنا
اذن بالمعطيات الحالية، الاجابة نعم
نحن الان نتعامل مع (أمر واقع)
| Quote: وهل مصطلح معارضة غير وطنية يصبغ علي كل من عارض نظام شمولي..؟؟ |
لا
نظام الحكم في السودان من الاستقلال والى الانقاذ كان ماشي (خطأ)، بدون ثوابت، كل من يأني يمسح ما كان قبله
الان الانقاذ وضعت الاطر الحقيقية لانطلاقة الدولة
|
Post: #221
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-06-2011, 05:02 PM
Parent: #219
مرحب قريبنا الشابقي
موش انت برضو من :
| Quote: 90% من الشعب السوداني (محايد)، ويرغب فقط في بناء وطن معافى |
|
Post: #222
Title: Re: ياسر عرمان....ح تتجلد والشمس ضحى
Author: Al-Shaygi
Date: 01-07-2011, 00:22 AM
Parent: #221
Quote:
مرحب قريبنا الشابقي
موش انت برضو من :
Quote: 90% من الشعب السوداني (محايد)، ويرغب فقط في بناء وطن معافى
|
ود وراق
ما تقولني كلام كتبتو بي كي بوردك....
أنا ما محايد
هل تقصد بعدم الحياد الإنضمام لحزب والتحدث بإسمه؟؟
ياخ ما عندي حزب ولا أتحدث بإسم أي حزب...
أنا مواطن سوداني عادي جداً يهمني هم الوطن وتوجعني معانات أهلي هناك...
وأناضل من أجل وضع أفضل ،، ليس لي بل لأهلي وأبنائي من بعدي...
أناضل بإسمي وشخصي ....
لست محايداً
بل ضدك ما دمت في معسكر الظالمين...
وأضعف درجات النضال الدعاء
عقب كل صلاة أدعوا على الظالم ومن أيده ومن ساعده على الظلم سواء بالتأيد أو التشجيع والتبرير أو الصمت مع العلم بظلمه....
كدة أقتنعت أني ما محايد !!!!
إن كان لديك رد أو حجة رد على مداخلاتي بطريقة مباشرة ومقنعة،،، وخلي الدغمسة حقت الرئيس
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #223
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-07-2011, 05:58 AM
Parent: #222
Quote: أنا مواطن سوداني عادي جداً يهمني هم الوطن وتوجعني معانات أهلي هناك...
وأناضل من أجل وضع أفضل ،، ليس لي بل لأهلي وأبنائي من بعدي... |
مرحب يا الشايقي مرة تانية وجمعتك مباركة
دهـ هو الحياد الأنا قاصده
Quote:
90% من الشعب السوداني (محايد)، ويرغب فقط في بناء وطن معافى |
وما كملنا ليك للآخرلأني أعلم أين تقف:
| Quote: وجد ضالته في الانقاذ، وثق بها وساندها ( او على الاقل لم يعارضها) |
|
Post: #224
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-07-2011, 06:24 AM
Parent: #223
هلا يا الشفيع وحبابك يا الشايقي
واصبحنا بالله وشيخي شكر الله... واصبحنا وشمولية الشفيع في هذا البوست لا تزال قابضة علي جمر النقة
مثل قبضها لحقوق وحريات (الاخريين) حتي تلبسهم (ابرول الشمولية ) بالزندية والكلاش...
Quote: لاحظ انك جبت كلامي (مبتور)
كلامي (يقرأ) هكذا |
اذن فليعد الكلام الي سياقه الذي قصدته انت ولك العتبي...!!
وبجولة سريعة في واقع الانقاذ في العشرون سنة ونيف راينا كيف قمع وسحل وتعذيب الاخر ومحاولة تدجينه وقمعه .. الاخر بكل مسمياته
الاخر الايدلوجي تم تعذيبه وقتله في السجون
الاخ الجهوي تم قتل وتشريده وقيل ايضا اغتصابه في دارفور
الاخر الديني والاثني ثم حرقه وضربه بالانتنوف في غابات الجنوب...
والانقاذ هي الجبهة الاسلامية وتقراء في حضورها الكوني الي ارض السودان في اطار فكر وفهم الجبهة الاسلامية الذي لم يتخلي عنه الموتمر الوطني ...وهي سلطة تحاكم بكل ايامه وسنينها الي جلستها في رقاب البلاد والعباد... ونيفاشا لا تجب ما قبلها...!!
|
Post: #225
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-07-2011, 06:40 AM
Parent: #224
Quote: الانقاذ بدأت بالمشروع الحضاري
تنازلت عن نصفه في نيفاشا
|
1-الانقاذ لم تتنازل طواعية عن مشروعها الحضاري بل اجبرها تراكم المناهضة ونضالات قطاعات الشعب المختلفة علي الالتفاف حول مشروعها التي كلما وجدت سانحة تطل به وتلوح به ايضا... ولك ان تراجع خطاب البشير في القضارف... والمشروع الحضاري جزء اصيل من تركيبة اهل الانقاذ النفسية والايدلوجيا وهو بالنسبة لهم كالماء بالنسبة للسمك ,,,
2- ومجرد ان تتنازل الانقاذ عن نصف مشروعها الحضاري (حسب منهجك) لصالح _نيفاشا فهذا يعني قصور واضح وباين في هذا المشروع (انت في البداية مشروووووعك ده مادام عارفو باييييظ ناطي بيهو في الحكم ده لييييييه)... وبمرور الضغط والعصر ستجد الانقاذ نفسها متنازلة عن كل مشروعها وخطابها فالامر في مجمله بحث عن سلطة وكراسي حكم بكل الثمن حتي وان كان الثمن هو التنازل عن مشروعك (التنازل ده ما عشان عيون الشعب الفضل بل عشان عيون الحاكم الفرد المطلق وجوقته من بني لولوة)..
3-| Quote: رأي ان يتم تجميد جميع المشاريع، والالتفات لبناء الوطن، وهو الحد الادنى الذي يجب ان يتفق عليه جميع الناس ويلتفوا حوله، وهو ما يحدث الان |
ما يحدث الان ده نلتف حوله ليييييييييه..؟؟؟
عملنا احنا
ولا ساهمنا في تازيمه احنا
ولا نظرنا اليه احنا
ما يحدث الان هو نتج لسياسات الانقاذ الرديئة والاقضائية والاحادية القاتلة,,,
وقيل في الاثر التسوي بايدك يغلب اجاويدك فهاهي الانقاذ في فعلها السوداني تغلب الاجاويد الذين هبو من كل مكان من (قطر- من امريكا- من الاتحاد الافريقي ومن الاتحاد الاروبي... وكل من هب ودب اصبح اجاويد كبيييييييير في المحنة السودانية)... اذن فلتاكل الانقاذ نيرانها وتتحمل مسئولية افعالها وسياساتها..
| Quote: يا ع الكريم 90% من الشعب السوداني (محايد)، ويرغب فقط في بناء وطن معافى، وجد ضالته في الانقاذ، وثق بها وساندها ( او على الاقل لم يعارضها) |
النسبة دي يا الشفيع اني اشتم فيها رائحة (خج ) ورج
وجبتها من وين يا زول
هل الذين اعتقلو في زمن الانقاذ ما سودانيون وحبشششششششش
هل الذين رفعو السلاح وناهضوا في قلب الخرطوم بلاندكروزراتهم من قبرص التركية
هل اعضاء كل احزاب المعارضة من بوركينا فاسو
هل الطلاب والنساء اللائي ظاهروا طويلا وعميقا علي مدار العقدين من زمان هذه السلطة من فولتا العليا
هل نسبة ال20 مليون سوداني الذين سفهو التسجيل في الانتخابات الاخير هم من جزر القمر
هل ال10 مليون الذين سجلو ولم يصوتو للبشير في الاتخابات الاخير من موزبيق
هل السوداني هو في الخمسة مليون الذين تم خجهم لصالح البشير فقط
|
Post: #226
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-07-2011, 06:46 AM
Parent: #225
Quote: نظام الحكم في السودان من الاستقلال والى الانقاذ كان ماشي (خطأ)، بدون ثوابت، كل من يأني يمسح ما كان قبله
الان الانقاذ وضعت الاطر الحقيقية لانطلاقة الدولة |
ماهي الاطر الحقيقية لانطلاقة الدولة التي وضعتها الانقاذ...؟؟؟
السؤال ده واضح ومحدد يا الشفيع فبالله ادينا اجابة شافية وكافية..
في 1- 2- 3-
|
Post: #227
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-07-2011, 07:35 AM
Parent: #226
| Quote: نعم ، هناك من من لايزال يطالب باحياء المشروع الحضاري، وهناك من يعارض |
وعودة للعمل بالزوووووووووووم اووووت بعد غيبة...
اذن لا تزال الضبابية والتغبيش في عقل السلطة الحاكمة هو سيد الموقف..
والكيزان واقفين علي جنازة الوطن وراسهم متحير ومقطوووووووع
ياربي نعود للمشروع الحضاري ونكم به..؟؟
ولا نفرتق المشروع الحضاري ده صامولة ونجدعو الي مزبلة التاريخ..؟؟؟
ولا نسسسسسسسسسوووووي شنو..؟؟؟
دي حيرة وروحان مياه في المي وناس راسسسسهم مقطوع وماعارفين يعملو شنووو بالوطن..!!!
قلنا ليكم الدرب الدغري والسسسسسسسسسسسيدا علي قولة (اسيوي الخليج) ولكن من نما وشب علي الالتفاف
سيشيب عليه... فهاهي الانقاذ شااااااااااخت وهو لاتزال تمارس اللولوة وراسها مقطوع ...
|
Post: #229
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-07-2011, 11:01 AM
Parent: #227
| Quote: انت في البداية مشروووووعك ده مادام عارفو باييييظ ناطي بيهو في الحكم ده لييييييه) |
شيء طبيعي ان (تستقوى) الحكومة العسكرية في بواكير ايامها (بحزب) سياسي كما فعل النميري مع الشيوعيين ثم ضربهم
الان الانقاذ تبلورت عن اتجاه سياسي (معتدل)، يمكن للكثيرين (التعايش) معه، طالما ارتضوا ان تكون مصلحة البلد (هي العليا)
Quote: | Quote: رأي ان يتم تجميد جميع المشاريع، والالتفات لبناء الوطن، وهو الحد الادنى الذي يجب ان يتفق عليه جميع الناس ويلتفوا حوله، وهو ما يحدث الان |
ما يحدث الان ده نلتف حوله ليييييييييه..؟؟؟ |
قصدي أن الشعب (الآن) قد (إلتف حوله)
Quote: هل السوداني هو في الخمسة مليون الذين تم خجهم لصالح البشير فقط
|
من ظاهر، اعتقل، حمل السلاح، مسيرة الاتنين،......هم يا ع الكريم بضع مئات، ولو عايز تنفخها قل (ألوف)
الانتخابات:
لماذا انسحبت الاحزاب، وقبل لحظات فقط ، من الانتخابات؟
الكثيروالكثير جدا من مؤيدي الانقاذ لم يصوتوا بسبب الانسحاب
الذين لم يسجلوا(ما عارفك جبت الـ20 مليون دي من وين) يقعوا ضمن ( او على الاقل لم يعارضها)
|
Post: #231
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-07-2011, 11:18 AM
Parent: #227
Quote: ياربي نعود للمشروع الحضاري ونكمل به..؟؟
ولا نفرتق المشروع الحضاري |
ده هو ما سميته انا الانفتاح على الآخرين وعدم الانغلاق
كان ممكن يكون (خنق فطس) "مشروع حضاري وفقط حضاري" و.... أقلب الصفحة
| Quote: دي حيرة وروحان مياه في المي وناس راسسسسهم مقطوع وماعارفين يعملو شنووو بالوطن..!!! |
دهـ ما أظنه يا ع الكريم (وصف) بينطبق على (حكومة) حكمت 21 سنة وبقبضة (لم تتزحزح) بالرغم من ما فرض عليها من حصار وحروب
وظلت تبني في الوطن طوبة طوبة من الصفر او قل من (تحت الصفر)، ولم يقعدها ذلك وظلت (تحارب وتبني)
اعجاز وانجاز الانقاذ لابد وأن يأتي يوم يدرس لطلاب المدارس
عزيمة وقوة واصرار على انجاز المستحيل
ده بالتأكيد يا ع الكريم ما شغل زول رايح او راسو مقطوع او ما عارف يسوي شنو، فخليك يا ع الكريم زول عقلاني
انا اكاد اجزم انو من يقبض على مقاليد الامور الآن، يعلم (تماماً) ما ستصير عليه الامور بعد (عشرة سنوات ) من الآن
|
Post: #228
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-07-2011, 10:39 AM
Parent: #226
Quote: ادينا اجابة شافية وكافية..
في 1- 2- 3- |
1- التنمية
2- التنمية
3- التنمية
|
Post: #230
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-07-2011, 11:08 AM
Parent: #228
Quote: 1- التنمية
2- التنمية
3- التنمية |
مالا يا الشفيع التنمية التنمية التنمية بتاعتك دي شبهت لي
التجاهل - التجاهل -التجاهل بتاعة دكتورنا النحرير مصطفي محمود ...
قلت انت اطر بناء دولة
التنمية يا الشفيع وكما افهمها انا فهي جزئية من هذه الاطر..
تنمية زي بتاعة الانقاذ دي سبق وقلت لي لو جبنا 200 مهندس ومعاهم زي كم فورمن وكم عامل واديناهم ميزانية السودان دي.... حيعملو ليك (تنمية) زي العجب..!!
الاردب سمسم شنوووووووووو.. في التنمية دي لمن تمسك فيها قووووووووي كده..؟؟؟؟؟
والانقاذ الكم اوضة وبرندة القاشرات بيهم ديل نص الاموال التي رصدت لها من الميزانية العامة رحت شمار في مرقة وسرقوها ناس المحسوبية وتاكل عيش والشركات الكيزانية التي اوجدت لكي تمص دم الشعب الفضل ده...
طيب ياخي خليني اقدم ليك اوفر ورينا رايك فيهو شنو..
1- تنمية متوازنة ومستوعبة لكل احتيجات البلد بما فيها تنمية هذا المواطن وفي ظل استقرار
2- تنمية في ظل شفافية ورقابة من كل مواطن عبر ادواته من اعلام وبرلمان
3-تنمية حقيقية تهابش المواطن ده في مخه وتطور وعيه وتصله في كراكير وجخانين هذه البلد تصل للتنمية ولا تصله لضربه او قمعه بالكلاش والانتوف..
4- تنمية في مظلة يساهم فيها كل ابناء هذا البلد بجميع اختلافاتهم وبدون محسوبية والاولوية فيها للكفاة والمقدرة وليس للانتماء والاولاء للنظام الحاكم..
رايك شنو في تنمية زي دي ... ؟؟ طالما رفعت القزاز من متبقي الاطر فادينا بالله طلة في نموذج التنمية الجبنا ليك ده
|
Post: #232
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-07-2011, 11:54 AM
Parent: #230
| Quote: تنمية زي بتاعة الانقاذ دي سبق وقلت لي لو جبنا 200 مهندس |
انت بتتكلم عن ( البنية التحتية)
وهي طبعا خطوة مهمة في طريق التنمية
هسه بالله خزان مروي ده براهو ما بكفي الانقاذ ولو لم تنشئ شيئا غيره؟
واحدة من الحبوبات قالت، من ما قمت بسمع بي خزان الحماداب ويوم القيامة
التنمية تشمل التنمية البشرية والانقاذ لها باع كبييييير لا تخطأه العين
التعليم تضاعف مرات ومرات، من الابتدائي الى الثانوي الى الجامعي وما فوق الجامعي
عدد الاطباء والمستشفيات ونوعية العلاج والتأمين الصحي
الاتصالات وما ادراك ما الاتصالات
ارتفاع دخول الافراد، وانتشار ثقافة العمل
التصنيع
المشاريع الزراعية، واستصلاح ملايين الافدنة
البترول
الأمن
الوفرة (في كل شيء)
| Quote: 1- تنمية متوازنة ومستوعبة لكل احتيجات البلد بما فيها تنمية هذا المواطن وفي ظل استقرار |
موجودة، عدم الاتزان ناتج من وجود (خلل امني) في بعض الجهات، والسودان لن ينتظر أحد
| Quote: 2- تنمية في ظل شفافية ورقابة من كل مواطن عبر ادواته من اعلام وبرلمان |
مع اني لا اراها من الضروريات الا انها متاحة وموجودة
| Quote: 3-تنمية حقيقية تهابش المواطن ده في مخه وتطور وعيه وتصله في كراكير وجخانين هذه البلد تصل للتنمية ولا تصله لضربه او قمعه بالكلاش والانتوف.. |
الطرق -المدارس- الجامعات- الاذاعة -التلفزيون-الانترنت
| Quote: 4- تنمية في مظلة يساهم فيها كل ابناء هذا البلد بجميع اختلافاتهم وبدون محسوبية والاولوية فيها للكفاة والمقدرة وليس للانتماء والولاء للنظام الحاكم.. |
اتفق معك، الا من أبى
|
Post: #233
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-08-2011, 08:23 AM
Parent: #232
Quote: انت بتتكلم عن ( البنية التحتية)
وهي طبعا خطوة مهمة في طريق التنمية
هسه بالله خزان مروي ده براهو ما بكفي الانقاذ ولو لم تنشئ شيئا غيره؟
واحدة من الحبوبات قالت، من ما قمت بسمع بي خزان الحماداب ويوم القيامة
التنمية تشمل التنمية البشرية والانقاذ لها باع كبييييير لا تخطأه العين
التعليم تضاعف مرات ومرات، من الابتدائي الى الثانوي الى الجامعي وما فوق الجامعي
عدد الاطباء والمستشفيات ونوعية العلاج والتأمين الصحي
الاتصالات وما ادراك ما الاتصالات
ارتفاع دخول الافراد، وانتشار ثقافة العمل
التصنيع
المشاريع الزراعية، واستصلاح ملايين الافدنة
البترول
الأمن
الوفرة (في كل شيء) |
هلا يا الشفيع
وكل ما ذكرته اعلاه ليس بشي مستحيل او اردب سمسم ويمكن انجازه من قبل اي مجموعة من الناس عندها موارد السودان وامواله فالسودان بلد ذو موارد وبناء سد او بناء جامعة (جامعة علي شاكلة كل اوضة وبرندة علقت عليها يافطة وسموها جامعة وهي منزوعة العمق كجامعة عليها تخريج جيل مكرب وليس جيل كوعه من بوووعه ما عارفو اكاديميا)...
والكلام يا الشفيع ما بالكولنتتي بل بالكوالتي..
وحتي هذه السد فهو في ظني خنجر مغروس في خاصرة شمال الوطن لما ولده من تداعيات موت وخوف بالمناسبة
هندسي لانو هنالك ارهصات بان هذا السد قد تم تشييده بطريقة (القطر قااام) حتي تلحق الانقاذ سوووووق الاعلام ويرقص البشير علي خرصانة سد بعد يومين اكتشف الجميع بانه سد لا يولد كهرباء (استغلال سي لموارد البلد واستهلاك مليارات الجنيهات في خرصانة وشوووية حديد
وساعود الي متبقي حديثك بالتفصيل ولكن بعد خفسة خفيفة كده
|
Post: #234
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-10-2011, 07:04 AM
Parent: #233
هل يا الشفيع وويك ياخ مشتاقين يعلم الله وشيخي شكر الله..
فقد اخذتنا بعض التريبات الملحة في امر لقاء الجزيرة عن هذه المساحة والتي سنعود اليها ونواصل ما انقطع من حديث...
نعود والبلد اتقطع اربا اربا والوجدان ينزف واني علي فراق الجنوب لحزين..وان كنت متيقنا بانه عائد ولو الي حين طالما انتفت الجزئية الاساسية التي ستودي الي انفصاله..تلك الجزئية التي نحملها للنخب الحاكمة ومنذ بداية الاستقلال.. ولكن وزها الاعظم معلق في رقبة الموتمر الوطني ذلك التنظيم الذي اخرج كل الاشياء القبيحة في السودان وعملها عليها بنشاط وهمة حتي لحق بنا الي مصاف (غنم زهرة)؟؟
1-Quote: موجودة، عدم الاتزان ناتج من وجود (خلل امني) في بعض الجهات، والسودان لن ينتظر أحد
|
خلل امني..؟؟
من هو المسئول عن تنامي هذا الخلل الامني..
والخلل الامني اتي كرد فعل حقيقي لسياسات الدولة الكيزانية العرجاء وعدم تقديرها للراي الاخر ومحاولة قمع الاخريين بالسلاح
2-Quote: مع اني لا اراها من الضروريات الا انها متاحة وموجودة
|
يا اخوي ما ضرورية كيف والرسول زاااتو صلي الله عليه وسلم بقول ( لوسرقت فاطمة بت محمد لقطع محمد يدها)
دي ما الشفافية زاااتها وكلام سيدنا محمد تقول لي ما ضروري ليييييييه...؟؟؟ والمال السائب بعلم السرقة والدولة المافيها ضبط مالي
وتدقيق مدنكل فهي دولة مالها سائب ومهرجان كبير لضعاف النفوس ومحبي لهط اموال الشعوب..
قلت متاحة,..؟؟؟
اذن متعنا بملامح من محاربة الانقاذ للفساد وجيب لينا شواهد من متنفذين اكلو قروش الشعب ده وحاكموهم
|
Post: #235
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-10-2011, 08:07 PM
Parent: #234
ما نسيتك يا ع الكريم
وراجع ليك
|
Post: #237
Title: Re: ياسر عرمان....ح تتجلد والشمس ضحى
Author: عبد الملك يوسف الملك
Date: 01-11-2011, 07:04 PM
Parent: #234
Quote: خلل امني..؟؟
من هو المسئول عن تنامي هذا الخلل الامني..
والخلل الامني اتي كرد فعل حقيقي لسياسات الدولة الكيزانية العرجاء وعدم تقديرها للراي الاخر ومحاولة قمع الاخريين بالسلاح
2- |
(أ) اهمية سرعة توفير احتياجات القوات المسلحةلتتمكن من اداء واجبهابصورة مرضية
(ب) تنامي المليشيلتالحزبية والذي القى عبئا اضافيا على الجيش وجهوده في صيانة الامن الوطني
(ج) الافلاس الاقتصادي الذي يهدد القطروالذي اصبح سببا لنشاطات مستنكرة في المجتمع السوداني
(د) القلق المنبعث من سياسيات الحكومة الدلخليةوالخارجيةوالتي ادت الى عزلة القطروحرمته من الموارد
التي تشتد حاجته اليهاومن التأييد السياسي وغياب المصداقية
هذا جانب من مذكرة الجيش الشهيرة التي تم تقديمها لرأس الدولة في حكومة الصادق المهدي
والتي تعبر عن انهيار الامن والانهيار الاجتماعي وغياب هيبة الدولة على عهد الاحزاب
على فكرة كان على راس هولاء الضباط القائد العام فتحي احمد على والذي خلف عبد الماجد حامدخليل والذي استقال من حكومة الاحزاب العرجاء
بسبب عجزها عن توفير احتياجات القوات المسلحةفي حرب الجنوب
وبينما كان الجيش يستود الطلقات والذخير ويستجديها من الاخرين
فان حكومة الكيزان العرجاء بنت الدبابة وصنعت الصاروخ وكمان الطيارة التي تطير مفردة شراعيها دون طيار
فأي السيئين نختار الاول العاجز الكسيح ام الثاني القادر والسيء ،،
وهل هنالك غير الاثنين خيار ثالث فنذهب اليه
|
Post: #240
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-11-2011, 08:51 PM
Parent: #237
شكرا عبد الملك الراجل الملك
لا تعليق سوى:
فَإِنَّهُمْ لا يُكَذِّبُونَكَ وَلَكِنَّ الظَّالِمِينَ بِآيَاتِ اللَّهِ يَجْحَدُونَ
|
Post: #236
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-11-2011, 06:10 PM
Parent: #233
| Quote: ويمكن انجازه من قبل اي مجموعة من الناس |
كلامك صحيح يا ع الكريم
بس الحاصل انو لم تستطيع أي مجموعة انجازه
33 سنة منذ الاستقلال ولم يستطع ذلك الا المجموعة التي سمت نفسها (الانقاذ)
| Quote: ما بالكونتتي بل بالكوالتي.. |
انا تخرجت من قسم الاتصالات سنة 85، وكنا 12 مهندس فقط يا ع الكريم
هل هذا يرضي الله ورسوله؟
ان تدخر كل امكانات البلد في 12 مهندس فقط؟
الان الجامعات تخرج حوالي 1000 مهندس اتصالات سنوياً
هل تتوقع ان يكونوا بنفس الكوالتي؟ وهل هناك (حوجة) لأن يكونوا بنفس الكوالتي؟
البلد لا تحتاج لي (علماء)
البلد في حوجة لمهندسين (يمشوا الحال)
التجويد والكوالتي ممكن تتم في فترة لاحقة، وما في استعجال
| Quote: بعد يومين اكتشف الجميع بانه سد لا يولد كهرباء |
يا زول انت مهندس، ادينا (أرقام)
| Quote: ولكن وزها الاعظم معلق في رقبة الموتمر الوطني |
الجنوب منفصل منفصل، بالمؤتمر او بدونه، أمراً كان مقضيا
| Quote: من هو المسئول عن تنامي هذا الخلل الامني.. |
المؤتمر الشعبي وبقية قوى المعارضة
الناس دي (بتكاوي) في المؤتمر وما عاملين حساب انو البلد كوولها بتدفع في الثمن يا ع الكريم
وهنا بيجي كلامي عن المعارضة الوطنية
تحالفوا مع الحركة ضد النميري ثم ضد البشير وهمهم فقط ان لا يهنأ غيرهم بالحكم، بئس المعارضة هي
| Quote: والمال السائب بعلم السرقة |
التنمية اثارها واضحة ولا تخفى على العين، وبامكان الموطن ان يتلمسها دائما
اما في موضوع الفساد فقد اتفقت معك من قبل واتفق معك الان
الانقاذ في حاجة لتفعيل آليات فعالة لمكافحة الفساد
هل تظن انهم لا يعرفون مكامن الفساد؟
كشف الفساد لن يحل المشكلة يا ع الكريم
المشكلة يتم حلها بأن يقوم الشرفاء والنزيهين بدعم الانقاذ حتى تستغني عن دعم المفسدين
|
Post: #238
Title: Re: ياسر عرمان....ح تتجلد والشمس ضحى
Author: د.محمد حسن
Date: 01-11-2011, 07:15 PM
Parent: #224
تعديل بسيط
اسمو المؤتمر الوثني
|
Post: #241
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-11-2011, 08:54 PM
Parent: #238
طالما هو كده يا دكتور كرهاننو مالكم؟
|
Post: #242
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-12-2011, 08:30 AM
Parent: #241
هلا يا عبد الملك
وشكرا للالتحاق بالنقاش وقد اشكرك مرة اخري للدعم والاسناد للوعي الشمولي في نسخته الانقاذية حتي يطيب النقاش ويشمل اجزاء قد يكون نقاشنا الطويل هذا اهملها او لم يتطرق اليها... مما يساهم في دفع عجلة البوست ويساعدنا علي النقرشة في اوتار الانقاذ التي تهالكت..
1-Quote: هذا جانب من مذكرة الجيش الشهيرة التي تم تقديمها لرأس الدولة في حكومة الصادق المهدي
والتي تعبر عن انهيار الامن والانهيار الاجتماعي وغياب هيبة الدولة على عهد الاحزاب
على فكرة كان على راس هولاء الضباط القائد العام فتحي احمد على والذي خلف عبد الماجد حامدخليل والذي استقال من حكومة الاحزاب العرجاء
بسبب عجزها عن توفير احتياجات القوات المسلحةفي حرب الجنوب |
مذكرة الجيش في الديمقراطية ومهما كان مصدرها الا انها في جوهرها (انقلاب) وخرمجة للنظام ومفهمومة جدا في اطار تركيبة الموسسة العسكرية (المتشوبرة) .. فالجيش ليس من مهامه كموسسة الدخول او التنظير في الامر السياسي (كجسم ) بل هنالك وزير للدفاع مسئول عن هذا الجيش وهنالك قنوات داخلية للجيش يمكنها ان توصل عبره هذه الملاحظات للجهاز التنفيذي الذي هو جزء من تركيبته...
ولو الامور مشت لقدام كان ناس فتحي ديل (عليه الرحمة) هم زااااتهم عملو انقلاب لانو الوعي والتركيبة في داخل موسسة الجيش السوداني وعي مقلوب ومكونج وانقلابي اربعة وعشرين ساعة... ولو جات ديمقراطية حقة في السودان دي وااحدة من اكبر المشاكل التي يجب ان يهدر فيها الناس جهد كبير حتي يتم ترويض هذه الموسسة المنفلتة والماعارفة شغلة كويس والحاشرة انفها في امر النظام الديمقراطي لا يكلفها به
2-Quote: وبينما كان الجيش يستود الطلقات والذخير ويستجديها من الاخرين
فان حكومة الكيزان العرجاء بنت الدبابة وصنعت الصاروخ وكمان الطيارة التي تطير مفردة شراعيها دون طيار
فأي السيئين نختار الاول العاجز الكسيح ام الثاني القادر والسيء ،،
وهل هنالك غير الاثنين خيار ثالث فنذهب اليه |
بالتاكيد يا عبد الملك كان هنالك خيارا ثالثا.. ونفس هذا الخيار الثالث (الموتمر الوطني) بعد سنين طويلة ولف ودوران وحرب ضروس ذهب اليه وجات نيفاشا .. وهو خيار (الحوار) الذي قطعت الجبهة الاسلامية الطريق اليه وعمل اعلامها علي ضرب كل محاولاته عبر التخزيل والسخرية
ودق طبول الحرب..(وبالمناسبة عندما ذهب الموتمر الوطني الي الحوار في نيفاشا كان الجيش السوداني يولي الادبار هاربا في الاحراش مما سمي هذا (بكابتن ماجد)...
كوطن نحتاج بالتاكيد قوات مسلحة قوية ومجهرة وقادرة علي الدفاع عن الوطن...ولكن ليس لقتل ابناء الوطن كما فعلت في عهود الجبهة الاسلامية في نسختها (حرب الجنوب) وحرب دارفور وحرب الشرق..وفي كل حروبات الدولة السودانية ما بعد الاستقلال التي كانت موجهة ضد المواطنين
والتطوير في اليد الدفاعية من صواريخ وطائرات ايضا ليس بالامر الاردب سمسم ولكن من الموسف ان يتم استخدام هذه الطائرات البدون طيار والصورايخ والراجمات لقتل اولاد البلد..
|
Post: #243
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-12-2011, 09:28 AM
Parent: #242
هلا يا الشفيع...
1-Quote: كلامك صحيح يا ع الكريم
بس الحاصل انو لم تستطيع أي مجموعة انجازه
33 سنة منذ الاستقلال ولم يستطع ذلك الا المجموعة التي سمت نفسها (الانقاذ)
|
الانقاذ لو فرضنا جدلا بانها انجزت فان هذا المرد مرده هو سيطرتها علي موارد واموال السودان.. وانا القاعدة بتاعي الذهبية في امر هذه التنمية هي (ان جبنا 200 افندي) واعطيناهم ميزانية السودان فهم قادرون علي بناء مثل تلك الاوض والبرندات... (ركز علي السيطرة علي موارد واموال البلاد والعباد دي)
2-Quote: البلد لا تحتاج لي (علماء)
البلد في حوجة لمهندسين (يمشوا الحال)
|
دي جدلية يا الشفيع قد نتفق وا نختلف معها ولاغبار علي ترتيب اولياتها ولكن بالتاكيد الوطن يحتاج الي علماء و كولتي عالي و اكاديمية سودانية مكربة فالنظرة لا ينبغي ان تكون الي سودان الانقاذ فقط... بل من الضروري ان تهتم الدولة بالمستقبل والاجيال الجاية... ودي الحلقة المفقودة والمربوكة في اطار جامعات (القطر القام) التي وكما قلت انت عايزة تلحق بيها السوق .. فالقصة ما لحوق سوق فنحن ما زراعين طماطم او عجور بل زارعين معرفة وعلم في عقول الناس... فعشان كده لم تجي تزرعو ازرعو بغير انتهازية او كلفتة او خرمجة..
الظروف التي انتجت 12 مهندس اتصالات (مكرب) يتم توسيعها من اجل انتاج 120 او 1200 مهندس اتصالات مكربين ولكن بمنهجية وصبر وفلسفة ليس
من بين اجندتها خرمجة النظام وتهتك الموسسات الاكاديمية وجوطتها.....!!!
3-Quote: المؤتمر الشعبي وبقية قوى المعارضة
الناس دي (بتكاوي) في المؤتمر وما عاملين حساب انو البلد كوولها بتدفع في الثمن يا ع الكريم
وهنا بيجي كلامي عن المعارضة الوطنية
تحالفوا مع الحركة ضد النميري ثم ضد البشير وهمهم فقط ان لا يهنأ غيرهم بالحكم، بئس المعارضة هي
|
انت ليه يا الشفيع واضع الموتمر الوطني هو المحور ومركز الاحداث..
ولو شلت الموتمر الوطن ده وختيت الوطن في محلو ستجد بانك محتاج ان تري ماذا يحمل لك الاخرين
وضرورة احترام والجلوس مع الاخريين في مظلة كبري تتسع للجميع...
ولكن يا هندسة ليس الموتمر الوطني هو قطار الوطن فقطار الوطن يملك كل الاحزاب وكل المواطنين السودانيين الحق في يتفاكروا في امور بلادهم وضرورة احترام هذا التفاكر من اجل الوطن...
4-Quote: هل تظن انهم لا يعرفون مكامن الفساد؟
|
بل هم الفساد يعينه يا الشفيع..
والمفسدين هم قوة حية ومن صلب هذا التنظيم...
فلا لا تتوقع ان يحارب الانسان ذااته ولاشنوووووووو..؟؟
5-Quote: يا زول انت مهندس، ادينا (أرقام)
|
القصة ما دايرة ليها ارقام اخد ليك لفة لفتين في كراكير هذا المنبر ستجد ما يسرك في امر هذا السد
الذي وليس انعدام كهربته فقط بل ساهم في تشريد وتمزيق اسر وقتل باسمه الكثيرين من اهل السودان..
فهل تنادون انتم يا الشفيع بالتنمية القاتلة..؟؟
|
Post: #244
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-12-2011, 10:37 AM
Parent: #243
| Quote: المشكلة يتم حلها بأن يقوم الشرفاء والنزيهين بدعم الانقاذ حتى تستغني عن دعم المفسدين |
زووووووووم اووووووووووووت
اذا جاز لنا الحديث عن دور للشرفاء والنزيهين فانه بالتاكيد لن يكون من اجل دعم الانقاذ
بل من اجل دعم الوطن وتخليصه من الانقاذ التي هي الفساد الذي يمشي علي قدمين..؟؟
والمفسدين دي ديل الجابهم منوووووو
والمفسدين ديل نمو ترعرعو في ظل منوووو
المفسدين ديل العامل ليهم حماية منووووووووو
اذن فليكن الجهد والدعم المطلوب من الشرفاء هو تخليص السودان من هذه السلطة..
كونها افسدت
كونها دمرت
كونها مزقت
كونها قتلت
وكونها فشلت فشل ذريع في ادارة الدولة السودانية..
|
Post: #245
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-12-2011, 03:46 PM
Parent: #244
| Quote: القصة ما دايرة ليها ارقام |
كيف الكلام ده يا باشمهندس
نديك الأرقام:
سد مروي غذا الشبكة القومية بـ 1250 ميجاوات، وهي تعادل تقريبا كل ما يتم انتاجه من كهربا
كهربا سد مروي اضاءت آلاف القرى المحرومة طوال السنين
مهرباء السد وصلت الابيض غربا والحدود الاثيوبية شرقا وحلفا شمالا والرنك جنوبا
كهرباء السد مكنت من كهربة مئات المشاريع الزراعية، وارتفعت المساحات المزروعة بمئات الالاف من الافدنة
كهرباء السد جعلت ممكنا تخفيض فاتورة الكهرباء (لأول مرة في التاريخ) بنسبة 25% للسكني و30% للزراعي
كهرباء السد ستجعل ممكنا قيام نهضة صناعية كبرى، لان السبب الرئيس للفشل سابقا هو عدم استقرار الكهرباء
دهـ غير ما ح ينتج من الترعتين الح يتم انشائهم
|
Post: #246
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-12-2011, 07:53 PM
Parent: #245
| Quote: سيطرتها علي موارد واموال السودان |
يا ع الكريم
ما الناس الحكموا السودان في الـ33 سنة دي ما برضو كانوا مسيطرين على موارد واموال السودان، مالهم ما أنجزوا؟
سؤال :
هل كان من الممكن أو من المحتمل أن يتم استخراج البترول بدون الانقاذ؟
وبتكون كضاب لو فكرت تقول نعم
انا متأكد كان لسه بنكون مختلفين في تشكيل الحكومة، ائتلاف ثم اختلاف
هل تذكر لامن كان الخلاف على وزارة التجارة؟
الخلاف عليها كان اكبر من الخلاف على الدفاع والخارجية، وكلا الحزبين كان على استعداد للتنازل عنهما مقابل الحصول عليها
قال احدهم:
لو لم يات الانجليز للسودان، كان النقاش الان ح يكون (التلفزيون حلال ولا حرام)
البترول يا ع الكريم ملفه كبييير واكبر من سد مروي
وانا بتذكر لامن كنا بنقول انو دي عبارة عن (حقن مخدرة)
وفي واحد من ناس المعارضة هنا قال انو حسب سعة الانابيب من الحقول حتى الميناء، وانو ح تحتاج لي عشرة سنوات عشان البترول يصل لي بورتسودان، فتأمل
الان كووولهم بسالوا (وين الايرادات)
وبعد شوية ح تسألوا(وين ايرادات سد مروي)
|
Post: #247
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-12-2011, 08:05 PM
Parent: #246
| Quote: وضرورة احترام والجلوس مع الاخريين في مظلة كبري تتسع للجميع... |
انا الآن أرى ضرورة ذلك
في ظل الانفصال، على الجميع تناسي الخلافات السابقة ووضع الوطن (او ما تبقي منه) كأولوية قصوى، وعدم الالتفات للخلف
مهما استهوناهو، فللانفصال تبعات قوية وكبيرة، وعلى الجميع ان يقف وقفة واااحدة لحل جميع قضايا (ما بعد الانفصال) العالقة
وعلى المؤتمر الوطني ان يبادر بذلك من اجل مصلحة الوطن
ولكن قبل ذلك، على احزاب المعارضة الاعتراف الواضح بشرعية الحكومة، اذ لا يعقل لحكومة ان تضع يدها في يد من يعلن نيته اسقاطها
فهل سيتعظوا من ما حصل ام سيستمروا في مكايداتهم؟
|
Post: #248
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-12-2011, 08:25 PM
Parent: #247
| Quote: بل من اجل دعم الوطن وتخليصه من الانقاذ التي هي الفساد الذي يمشي علي قدمين..؟؟ |
وهل من اجل دعم الوطن يتم تأليب الدول المعادية ضده؟
وهل من اجل دعم الوطن يتم تشويه صورة الوطن؟
وهل من اجل دعم الوطن يتم الاستعانة بالاجنبي؟
وهل من اجل دعم الوطن يتم تأجيج الحروب الداخلية؟
وهل من اجل دعم الوطن يتم بث النعرات القبلية؟
وهل من اجل دعم الوطن يتم تفجير انابيب البترول؟
المعارضة يا كيكي يئست تماماً من الشعب السوداني وبدأت تجرب في الحلول الخارجية
ونسيت او تناست ان الشعب (حساس) جدا تجاه كل ما يأتي من الخارج
ضرب مصنع الشفا، دعم الحكومة شعبياً
الجنائية واوكامبو دعم الحكومة شعبياً
لم كانت استجابة الشارع حتى اليوم لكل مناشدات المعارضة بالخروج والانتفاض هكذا؟
هل تظن ان الشعب (########) ويخاف من مواجهة جبروت وقمع الحكومة؟
هل الشعب التونسي والجزائري (أشجع) من السوداني؟
عشية زيادة السكر والبنزين، خرجت مئات الألوف لاستقبال البشير في افتتاح كبري الحلفاية
في مارس 89 تمت زيادة رطل السكر قرش ليصبح 8 قروش
وخرجت الحشود الهادرة لمعارضة الزيادة، واستطاعت ان (تبلع) الحكومة الزيادة
في فبراير 90 زادت الانقاذ السكر الى 15 قرش، ولم يخرج أحد!!!!!!!!!!!!
هل كان الشعب خائف او ########؟ ام كان يثق في الحكومة ويعلم اين ستذهب الزيادة؟
|
Post: #249
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 06:29 AM
Parent: #248
Quote: سد مروي غذا الشبكة القومية بـ 1250 ميجاوات، وهي تعادل تقريبا كل ما يتم انتاجه من كهربا
كهربا سد مروي اضاءت آلاف القرى المحرومة طوال السنين
مهرباء السد وصلت الابيض غربا والحدود الاثيوبية شرقا وحلفا شمالا والرنك جنوبا
كهرباء السد مكنت من كهربة مئات المشاريع الزراعية، وارتفعت المساحات المزروعة بمئات الالاف من الافدنة
كهرباء السد جعلت ممكنا تخفيض فاتورة الكهرباء (لأول مرة في التاريخ) بنسبة 25% للسكني و30% للزراعي
كهرباء السد ستجعل ممكنا قيام نهضة صناعية كبرى، لان السبب الرئيس للفشل سابقا هو عدم استقرار الكهرباء
دهـ غير ما ح ينتج من الترعتين الح يتم انشائهم |
هلا يا السد السد الرد السد..
الكلام الفووق ده كلو كلام تمام التمام لو حاصل علي الارض.. ولو حصل انا كمواطن سوداني بكون مبسوط كون موارد السودان ممكن تعمل حاجة كويسة وتطلع من فسيخ الطغاة شربات بتاع كهرباء..
ولكن يا الشفيع الكهرباء حتي ولو ولعت (اردمتا) فهي ليس مدعاة لكي تبتزني بها الانقاذ وتزايد هذا الشعب علي شي تم انجازه من حر ماله
وموارده(يعني الموتمر الوطني ده ما جايب قروش السد ده من تجارة ربحها في سوق الله اكبر ده)..
ومهما بلغت الانقاذ طولا وعرضا في البناء هذا لا يلغي القضايا الاساسية وحقوق المواطنة وحقوق الاخريين في ادارة والمشاركة في ادراة بلادهم دون قمع ودون احادية ودون اقصائية..
فما ممكن ياخي تنبي لي بيت من (الذهب) ثم تسكني فيهو وتمنع عني ان اطالب بحقوقي في ادارة هذا البيت ..
يظل هذا السد مثيرا للجدل الهندسي والاجتماعي والاستراتجيي كونه شيد بفورمانات طغاة ولم يتم الاتفاق عليه من قبل كل العقل السوداني
بصورة يمكن ان ترسله كانجاز لوطن..
|
Post: #250
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 06:50 AM
Parent: #249
1-Quote: يا ع الكريم
ما الناس الحكموا السودان في الـ33 سنة دي ما برضو كانوا مسيطرين على موارد واموال السودان، مالهم ما أنجزوا؟
|
الدولة السودانية كلها عمرها قدر شنو يا الشفيع ما بعد الاستقلال
وال 33 سنة فيها 16 سنة تبع زولكم نميري و 6 سنوات تبع عبود ثم الباقي ديمقراطيات لم تجد حظوتها من البقاء او الاستمرار..
والانقاذ لوحدها 22 سنة ونيف... يعني لو ما بنت ليها اوضة اوضتين وبرندة برندتين القاعدة ليها شنوووووووووو...؟؟؟
وهي اساسا حكومة ليس لديها من تضيفه الي هذا البلد سوي ان تجيب ليها مهندس مهندسين يكبو خرصانة في التراب وقبل ان تجف الخرصانة تجد البشير يرقص علي انغامها ويبتز بيها المواطن والشعب..!!!
والديمقراطية لو وجدت استقرار وتم تنظيم اسس الحكم علي حماية جادة ومنضبطة للديمقراطية .. فالتنمية دي بتكون من اسهل الحاجات وماعايزة ليها انجليزي كثير ولن تكون لابتزاز المواطن بل ستكون حق اصيل من حقوقه وبصورة متوزانة ومدروسة وليس هبتلي وعييييييك عاااك
كما نري في انقاذ اليوم..
2-Quote: هل كان من الممكن أو من المحتمل أن يتم استخراج البترول بدون الانقاذ؟
وبتكون كضاب لو فكرت تقول نعم
انا متأكد كان لسه بنكون مختلفين في تشكيل الحكومة، ائتلاف ثم اختلاف
|
ده كلام شنو يا الشفيع..
وهل ربنا لم عمل الصخور الرسوبية في الارض السودانية دي قرر ان لايتم استخراج البترول منها الا من الموتمر الوطني ولاشنووووو..؟؟
البترول السوداني ده بالمناسبة الجهد والاجتهاد فيه سبق الانقاذ بسنين طويلة وتراكم الجهد فيه شمل حكومات كثيرة كلا يساهم حسب قدرته واستقرار.. والعملتو الانقاذ ده برضو ما (اردب سمسم) وفي الديمقراطية المستقرة سيكون البترول اضافة اساسية وشي يساعد في رفاهية هذا الشعب وليس للسلاح ودسدسة كورة النفط من الشعب الذي لا يفقه كله كوعه من بوعه من امر البترول السري هذا,,,!!
وبالمناسبة البترول في زمن الانقاذ ده اخير عدمو زااااتو لانو البلد ما شافت منو حاجة وكل مدخلاته ذهبت للتسليح وليس هنالك شفافية في امر عقوداته ولم يساهم حتي الان في رفع مستوي معيشة المواطن السوداني.. وكان احسن يخلوهو عائم كده في عمق الارض السودانية بدل
يمشي لمصلحة فئة قليلة...
|
Post: #251
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 07:03 AM
Parent: #248
Quote: انا الآن أرى ضرورة ذلكفي ظل الانفصال، على الجميع تناسي الخلافات السابقة ووضع الوطن (او ما تبقي منه) كأولوية قصوى، وعدم الالتفات للخلف
مهما استهوناهو، فللانفصال تبعات قوية وكبيرة، وعلى الجميع ان يقف وقفة واااحدة لحل جميع قضايا (ما بعد الانفصال) العالقة
|
دعوة اخري للشريف لكي يعود الي منصات الانبساطة,,,
فان كنت انت تري هذا الامر الان وكذلك.. فانا بكون ما مختلف معاك وضرورة ان يجلس السودانيون كلهم هي دعوة ليس الان والان فقط
بل ومنذ 89 والاشكالات المتراكمة الان ليس وليدة الانفصال فقط بل هي قديمة قدم الانقاذ وسيطرتها الاحادية في الارض السودانية
ولذا ضرورة ان يكون الجلوس والحوار في كيف يحكم السودان..؟؟
وعلي الانقاذ ان تفك الدرب الماشة فيهو لوحدها وتعرف بان هذا البلد سيغرق هذه البلد
ولو ما فكت هذا الدرب فليكن معلوما بان هذا الشعب سيغرقها هي في روحها (هكذا يحدثنا التاريخ)..
وتعالوا الي كلمة سوا وخلونا نقعد تحت وننظم حكم السودان ده في اطار ديمقراطي يحقق التجانس والهرمنة لكل مكونات ابناء السودان الفضل..
|
Post: #252
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 07:21 AM
Parent: #251
1-
Quote: وهل من اجل دعم الوطن يتم تأليب الدول المعادية ضده؟
وهل من اجل دعم الوطن يتم تشويه صورة الوطن؟
وهل من اجل دعم الوطن يتم الاستعانة بالاجنبي؟
وهل من اجل دعم الوطن يتم تأجيج الحروب الداخلية؟
وهل من اجل دعم الوطن يتم بث النعرات القبلية؟
وهل من اجل دعم الوطن يتم تفجير انابيب البترول؟
|
دي كلها يا الشفيع مفاهيم مستلبة من نظيرة الموامرة في المخيلة الشمولية وكلام العملاء وتشوية صورة الوطن والكلام الكبار كبار ده قاعدين نسمعو من اعلام اي نظام شمولي في العالم ده.. ونميري برطع فيهو كده لمن استغاث مثل هذا الكلام.. وناس الترابي وعلي عثمان وكل الاخوان المسلمين الذين هم جلهم الان في السلطة كانت في معارضتهم له ترسله في وجوههم مثل هذه التهم..
فمافي علي ارض الواقع جزئيات زي دي الا في مخيلة السلطان يرسلها كده حتي يغبش الوعي ويلتف حول المشاكل العويصة...وحتي تاجيج النعرات القبيلة دي فالانقاذ هي او من اجهها ولعب عليها وظلت تلعب عليها حتي الان,,,!!
Quote: وهل من اجل دعم الوطن يتم تفجير انابيب البترول؟
|
دي بالذات مهمة واساسية وما بفوتها ليك لاني ظللت (انبح) ومنذ انطلاق هذا النقاش بان (التنمية) في ظل احادية واقصائية ستصبح مثل
بيوت الشفع التي كنا نهردمها زماااااان ديك( ازعل منك افرتق ليك بيتك ده صامولة صامولة والبادي اظلم)
والسلطة التي تحسسك بان هذا الانبوب حقها وما حقك في اول كعة ارش ليها الانبوب البترولي العامل لي بيهو فلقة ده وافرتقو اسبيرات لانابيب تشاد يا ينفع...
ومالم يكن هنالك احترام للاخر وهنالك قتل للاخر فليس هنالك منطق ان تمنع الاخر من اي رد فعل حتي ولو كان تخريب او حريق انبوب
|
Post: #253
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 09:34 AM
Parent: #252
Quote: هل الشعب التونسي والجزائري (أشجع) من السوداني؟
عشية زيادة السكر والبنزين، خرجت مئات الألوف لاستقبال البشير في افتتاح كبري الحلفاية
في مارس 89 تمت زيادة رطل السكر قرش ليصبح 8 قروش
وخرجت الحشود الهادرة لمعارضة الزيادة، واستطاعت ان (تبلع) الحكومة الزيادة
في فبراير 90 زادت الانقاذ السكر الى 15 قرش، ولم يخرج أحد!!!!!!!!!!!!
|
زووووووووووم اووووووووووووت
مالك وكيف تحكم يا الشفيع..
المظاهرات التي خرجنا جميعا في نهايات فترة الصادق ولانها كانت حق اصيل ولا تواجه بالقتل والسحل والشرطة والعسكر
ولايستقيم ان تقارنها بالتظاهر في فترة الانقاذ التي تواجه بالرصاص الحي والسحل والقوة الغاشمة...
سيطلع يا الشفيع هذا الشعب الي الشارع وسيقدم ابنائه تضحيات ويقارعون هذا الغلاء الغير مبرر علي الاطلاق
وانا وانت موجودن باذن الله في هذا المنبر
|
Post: #254
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-13-2011, 11:33 AM
Parent: #253
| Quote: ولايستقيم ان تقارنها بالتظاهر في فترة الانقاذ التي تواجه بالرصاص الحي |
وهل تواجه مظاهرات تونس الآن بالزهور؟
كم عدد من مات بالرصاص الحي هناك يا ع الكريم؟
|
Post: #255
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 11:48 AM
Parent: #254
Quote: وهل تواجه مظاهرات تونس الآن بالزهور؟
كم عدد من مات بالرصاص الحي هناك يا ع الكريم؟ |
هلا يا الشفيع وعشان تفهمني كويس المقارنة كانت ما بين مظاهرات في زمن ديمقراطي وزمن الانقاذ..
واما زي مظاهرات تونس دي ففي السودان ده ومنذ 89 طلعت مظاهرات في السودان
وواجه هذا الشعب الرصاص والبطش والتعذيب والقمع في الشارع وسيواجهه الان وغدا ايضا..
والجامعة القعدنا فيها زي 2 سنة منذ مجي الانقاذ مات ما يقارب الثلاثة من الطلاب والطالبة التاية..
فما يجري في تونس من بسالة وصمود ليس بالامر الصعب او المستحيل علي الشعب السوداني
فقد فعله في اكتوبر وفي ابريل وفعله علي كل فترات سنين الانقاذ.. وقدم الشهيد تلو الشهيد..
والمظاهرات دي برضو ما اردب سمسم يا الشفيع وما البمبان الا سحابة سرحان ما تنقشع
وما الرصاص الا بارود وان اصابك وانت تطالب بحقك سيرسلك شهيد قضية والموت ده واااااااحد الله واااااااحد
ومن لم يمت بالرصاص مات بغيره
|
Post: #256
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-13-2011, 12:06 PM
Parent: #255
طيب يا ع الكريم
تفتكر الشعب (الآن) ليه ما طلع وانتفض على الحكومة المكرهاهو العيشة دي؟
الحكومة الكانت السبب في فصل الجنوب
الحكومة المشبعة بالفساد والمحسوبية
الحكومة العايزة تفرض الشريعة والعربي بالقوة
الحكومة الكوولها حرامية ونصابين
الحكومة القاعدة تبيد في اهل دارفور الغلابة
الحكومة المسيطر عليها الجعلية والشايقية بقوة السلاح
الحكومة الما شغالة بالمواطن وقاااعدة تنهب في اموال الشعب
الحكومة الما قاعدة تنمي في البلد وما شغالة بي امن وتعليم وصحة المواطن
تفتكر يا ع الكريم الشعب صااابر على ده كوووله ليه؟
هل هو شعب جبـان؟ وخايف من:
| Quote: بالقتل والسحل والشرطة والعسكر |
ام هو مقتنع انو الكلام الفوق ده كوووله كلام فاضي، وعشان كده رفض لي كل طلبات المعارضة بالخروج؟
ع الكريم
هل انت مقتنع بالدور البتقوم بيهو المعارضة الان؟
وهل دافعها (وطني) صرف؟
ام ركض خلف كراسي الحكم؟
|
Post: #257
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 12:17 PM
Parent: #256
Quote: تفتكر يا ع الكريم الشعب صااابر على ده كوووله ليه؟
|
هلا يا الشفيع..
1-وصبرا يا زول... فالهبة قادمة وانا شايفها بعيني دي..
وبنظرة سريعة للاحداث المحيطة محليا واقليميا ودوليا بتجد اي كركبة ماقبل حسم الاستفتاء فهي ليس في الصالح علي عدة مستويات
علي المستوي بتاع الحركة الشعبية العاوزة الاستفتاء ده يمشي اسموز
وعلي مستوي المجتمع الدولي العاوز ايضا يحسم هذا الامر وليس لديه اي استعداد للخبتته..
وحتي المعارضة في كل خطابها الصريح باسقاط الحكومة تتكلم عن فترة ما الاستفتاء..
وبعيدين يا الشفيع حركة الشارع دي ما بتقوم ببببببببب كده من اول يوم بتلقي الشارع كلو مارق برره..
بل هي هبات هنا وهنالك وبلفة سريعة وقراية للواقع المظاهراتي في السودان (اليوم) بتجد انو في مظاهرة في الخرطوم واخري في دارفور
واخري في مدني... وحبة حبة القصة حتقوم صوووف ...وصدقني حتقوم..
حتي مظاهرة تونس دي بدات في منطقة نائية وانتقلت الي العاصمة بعد عدة اسابيع...
2-Quote: هل انت مقتنع بالدور البتقوم بيهو المعارضة الان؟
وهل دافعها (وطني) صرف؟
ام ركض خلف كراسي الحكم؟ |
المعارضة دي انا شخصيا معها قلبا وغالبا وعلينا بالظاهر زي ما واقف ضد الانقاذ وعلي بالظاهر..
ومادام قالو عاوزين ديمقراطية وهي المحك وبعد داااك البقدر يجي بالصندوق اليجي حتي ولو كان حسن الترابي زاااتو..
ولكن لو احد فصيل من المعارضة دي عاوز يكاوش الحكاية دي براااهو ينقلب علي البلد ويحكمنا لوحده
فساعتها مافي فرق بينو وبين الانقاذ ووجب الوقوف ضده ايضا..
|
Post: #258
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-13-2011, 12:37 PM
Parent: #257
بس يا ع الكريم
اما كان الأنفع والأجدى ان تقوم الانتفاضة بعد الانتخابات وقبل الاستفتاء، عشان كان على الأقل بتكون كان هناك فرصة في ان يظل السودان موحد؟
وطالما انتو بتقولوا انو الحركة الشعبية مع الوحدة( بدون مؤتمر وطني)، موش كان سقوط الانقاذ بكون اسهل في ظل وجود قوة الحركة العسكرية؟
ولا ما هيك؟
|
Post: #259
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 01:27 PM
Parent: #258
وماهيك يا الشفيع وان كان كلامك قد بدا في مظهره منطقي..
والحركة الشعبية وعند منتصف طريق نيفاشا صار التيار الانفصالي فيها هو الاقوي
ولا صوت في داخلها كان يعلو علي صوت الانفصال وزاد الطين بلة تكيتكات الموتمر الوطني الوطني التي
كانت يد مع الانفصال واليد الاخري تنادي بالوحدة...
وما مشهد ترشيح ياسر عرمان وما حصل فيه من دراما الا تاكيد لان الحركة قررت ان ترفع الشمال ..
والمعركة الان يا الشفيع هي معرككة القووي الديمقراطية في شمال ما بعد نيفاشا واعتقد بان توقيت الكركبة وتاجليها الي مرحلة ما بعد الانفصال توقيت موفق حتي لا تساهم الايادي العاملة علي انفصال الجنوب في ايجاد مخرج للموتمر الوطني من حيث لا يحتسب
|
Post: #260
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-13-2011, 01:47 PM
Parent: #259
| Quote: وعند منتصف طريق نيفاشا |
يعني يا ع الكريم انت بتقر بي انو الحركة وخلال الثلاث سنوات الاخيرة كانت (بتستغل) في احزاب معارضتنا الشمالية
وزي ما قال (أحدهم):
بتركب الحمار لحدي البيت، لكن ما بتدخلو معاك الغرفة
|
Post: #262
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-13-2011, 06:14 PM
Parent: #260
Quote: يعني يا ع الكريم انت بتقر بي انو الحركة وخلال الثلاث سنوات الاخيرة كانت (بتستغل) في احزاب معارضتنا الشمالية
وزي ما قال (أحدهم):
بتركب الحمار لحدي البيت، لكن ما بتدخلو معاك الغرفة |
هلا يا الشفيع
والكلام ده جبتو من وووين وانا قلتو وين يا زول...؟؟
الحركة واحزاب المعارضة تجمعهم اشياء كثيرة وعديدة وتم الاعلان عنها في موتمر جوبا
1- استحقاقات نيفاشا التي كان الموتمر الوطني يتلولو فيها
2- انتخابات حرة نزيهة وشفافة
3- قضية دارفور
ودي كلها نقاط تم الاعلان عنها في موتمر جوبا
وحتي الان تحقق وبصورة كبيرة استحقاقات نيفاشا التي هي معنية بها بصورة اساسية
والحركة ليست مطالبة بالسباحة في تيار المعارضة طيلة الوقت ولا المعارضة مطالبة بان تسبح في تيار الحركة ولكل اولوياته والاتفاق كان برنامج حد ادني... وكون الحركة تختار الانفصال فهذا حقها المنصوص عليه في نيفاشا ولا يستطيع احد لومها..
|
Post: #263
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-13-2011, 06:41 PM
Parent: #262
كلامي جبته من هنا يا ع الكريم:
| Quote: والحركة الشعبية وعند منتصف طريق نيفاشا صار التيار الانفصالي فيها هو الاقوي |
ومنتصف الطريق يعني ثلاثة سنوات
خلاس النقول السنة الاخيرة يا ع الكريم
يعني مناتلتها مع تجمع جوبا كووولها كانت نصب واحتيال؟
تتذكر لامن حشدت قوى المعارضة لاجازة القوانين
وكان المطلوب اجازة قانون الاستفتاء والامن الوطني
وقايضت الحكومة بهما وباعت المعارضة
الحكاية كانت يا ع الكريم واااضحة زي الشمش
الحركة استغلت المعارضة استغلال (مهين)
واستطاعت عن طريقها الضغط على الحكومة لتحقيق اغراضها
ثم نجي لي برنامج الحد الأدنى المتفق عليهو:
Quote:
1- استحقاقات نيفاشا التي كان الموتمر الوطني يتلولو فيها
2- انتخابات حرة نزيهة وشفافة
3- قضية دارفور |
طبعا الحاجات دي كووولها بتخص السودان كوووله وبعد الانفصال اصبحت بتخص السودان الشمالي
طبعا بالاضافة لي ده، الحركة عندها البرنامج البخص الجنوب
المعارضة والحركة ضغطوا على الحكومة
ولم يتحقق الا برنامج الجنوب
عليك الله في بيع اكتر من كده؟
نجي بعدين لي حسابات القوى:
قبل الانفصال كان:
المعارضة + الحركة (بقواعدها الجنوبية في الشمال وجيشها) ضد الحكومة
الان:
المعارضة فقط ضد الحكومة
|
Post: #264
Title: Re: ياسر عرمان....ح تتجلد والشمس ضحى
Author: عبدالكريم الامين احمد
Date: 01-14-2011, 09:44 AM
Parent: #263
Quote: ومنتصف الطريق يعني ثلاثة سنوات
خلاس النقول السنة الاخيرة يا ع الكريم
يعني مناتلتها مع تجمع جوبا كووولها كانت نصب واحتيال؟
تتذكر لامن حشدت قوى المعارضة لاجازة القوانين
وكان المطلوب اجازة قانون الاستفتاء والامن الوطني
وقايضت الحكومة بهما وباعت المعارضة
الحكاية كانت يا ع الكريم واااضحة زي الشمش
الحركة استغلت المعارضة استغلال (مهين)
واستطاعت عن طريقها الضغط على الحكومة لتحقيق اغراضها
|
هلا يا الشفيع وجمعة مباركة
سقف التوقعات من الحركة كانت كبير جدا وحتي برنامج الحد الادني في جوبا بكل اجزائه كان فيه جزئيات نعم كانت يمكنها ان تساهم في حل مشكلة السودان بكلياته وحتي الجنوب فيه..
ولكن وفي مظلة نيفاشا وميكانيزم الموتمر الوطني المضاد للحراك الوطني الجمعي فكل شي كان محكوم والرصيد الايجابي لحلحلة القضايا يصبح معدوم تماما... بالاضافة طبعا الي بعض السلبيات الداخلية في المعارضة وقصورها من صناعة استراتجيات خلاقة... تذوب ثنائية نيفاشا وتسحب البساط من التيارين الانفصالي(في الحركة الشعبية الذي انطلق بسرعة الصاروخ) وتيار الموتمر الوطني (المتلولوي) العامل بسرعة الصاروخ لتفريغ كل محاولات اجماع وطني... ولكن ورغم كل هذه التوقعات الا ان الحقائق في الارض كان مهمة
1- الحركة الشعبية موقعة لاتفاقية نيفاشا وهي ملزمة بها ولن يستطيع كائن علي جبر الحركة علي النقوص عنها وهذا من حقها تماما
2- قبضة الموتمر الوطني القوية ومحاولته تشتيت كورة التقارب ما بين القوي السياسية السودانية(ولاحظت الهجمة المضادة كل موتمر جوبا اعلاميا وعلي كل لمستويات)
3- بالاضافة الي قصور واااضح في الية عمل المعارضة السودانية والياتها في ظل قبضة بني انقاذ علي كل شي وقصور واااضح ايضا في قرايتها للواقع في مظلة نيفاشا التي وحتي ما قبل الانفصال هي شوكة حوووت
لا يمكن يتم بلعها الا مابعد الانفصال...
وبالمناسبة وحالما يتم بلعها سيبلع هذا الشعب الموتمر الوطني وقد يتجاوز المعارضة ويتقدم عليها
فالمعادلة المعارضة ليس الاحزاب المعارضة فقط بل هنالك هذا الشعب
|
Post: #265
Title: Re: ياسر عرمان....ح تتجلد والشمس ضحى
Author: الشفيع وراق عبد الرحمن
Date: 01-14-2011, 04:24 PM
Parent: #264
Quote:
3- بالاضافة الي قصور واااضح في الية عمل المعارضة السودانية والياتها في ظل قبضة بني انقاذ علي كل شي وقصور واااضح ايضا في قرايتها للواقع في مظلة نيفاشا التي وحتي ما قبل الانفصال هي شوكة حوووت
لا يمكن يتم بلعها الا مابعد الانفصال...
وبالمناسبة وحالما يتم بلعها سيبلع هذا الشعب الموتمر الوطني وقد يتجاوز المعارضة ويتقدم عليها
فالمعادلة المعارضة ليس الاحزاب المعارضة فقط بل هنالك هذا الشعب |
جمعتك مباركة، وللمارين سلام
هنا ممكن نتفق او نتقارب اذا كنت تعني أن أحزابنا الحالية (الأمة - الإتحادي - الشعبي - الشيوعي - ...) ليس لها قواعد شعبية على الاطلاق وتجاوزها الزمن وده هو سبب انسحابها من الانتخابات السابقة
ونرجع لي كلامنا القبيل القلت فيهو انو 90% من الشعب (محايد) أو على الأقل (غير متحزب)
|
|
