Post: #1
Title: اذا لم يكن لديك وقت..تناول قرصا من الشاي!!
Author: Rakoba
Date: 03-23-2005, 07:10 AM
Parent: #0
Quote: جواهارتا /الهند - رويترز
اذا كنت ترغب في تناول كوب من الشاي وليس لديك الوقت لاعداده فالحل في متناول يدك.. تناول قرص الشاي بدلا من احتسائه.
ونجح علماء الشاي الهنود في انتاج قرص بنكهة الشاي يمكن مضغه او اذابته في الماء البارد او الساخن.
ويزن القرص الذي يميل لونه الى البني 3ر0 جرام ويتكون من 80 في المئة من الشاي و20 بالمئة من النكهات الاخرى وهي خليط يقول المخترعون في مركز توكلاي لابحاث الشاي انه منعش مثل كوب الشاي التقليدي.
وقال مريدول هازاريكا مدير المركز يمكنك أن تستحلبها أو تمضغها أو أن تذيبها في الماء بالطريقة التي تحلو لك وأن تشعر بمذاق كوب من الشاي.
يمكن لهذا القرص ان يسبب الانتعاش لانه يحتوي على مكونات طبيعية كما ينعش الشاي من يشربه.
وقال هازاريكا ان المركز تقدم ببراءة اختراع وان القرص سيطرح في الاسواق في غضون ستة اشهر بعض ادخال بعض التعديلات عليه.
ويكثر الهنود من شرب الشاي. لكن صناعة الشاي في الهند وهي الاكبر في العالم واجهت في السنوات الاخيرة منافسة متزايدة من المشروبات الغازية. |
|
Post: #2
Title: Re: اذا لم يكن لديك وقت..تناول قرصا من الشاي!!
Author: عمر الفاروق شيخ الدين
Date: 03-23-2005, 07:21 AM
Parent: #1
راكبوتنا البنشكرا حتي في الخريف ..
| Quote: يمكن لهذا القرص ان يسبب الانتعاش لانه يحتوي على مكونات طبيعية كما ينعش الشاي من يشربه |
هل نتوقع قرص البلح ؟؟؟؟؟؟؟؟؟؟؟؟؟؟ خصوصاً للذين ينتعشون من مشتقات البلح المنعشة 
|
Post: #3
Title: Re: اذا لم يكن لديك وقت..تناول قرصا من الشاي!!
Author: lana mahdi
Date: 03-23-2005, 07:28 AM
Parent: #1
راكوبة يا اخي الحبيب
الشاى دة اصلا كيف..يعنى لو ما اتنجض كويس و اتختت فيهو الثلاثة بهارات قرفة و هبهان و قرنفل او غرنجال و اتغلى بي سكرو معاهم واتكبا فى كباية مبخرة بالمستكة ما يبقى شاى..
حتى الشاى دايرين يخلوهو أقراص؟؟؟؟
|
Post: #4
Title: Re: اذا لم يكن لديك وقت..تناول قرصا من الشاي!!
Author: هاشم نوريت
Date: 03-23-2005, 08:21 AM
Parent: #3
راكوبة
دبايوا
كان عندى الرغبة فى احتساء الشاى وماعندى الحب العمل كيفنو؟
|
Post: #7
Title: Re: اذا لم يكن لديك وقت..تناول قرصا من الشاي!!
Author: Rakoba
Date: 03-23-2005, 08:42 AM
Parent: #4
العزيز هاشم،
الجماعة إذا سمعوك بعد شويه يفكرو في حقن وكده، خلينا مع (الأقراص) دي
|
Post: #5
Title: Re: اذا لم يكن لديك وقت..تناول قرصا من الشاي!!
Author: Rakoba
Date: 03-23-2005, 08:23 AM
Parent: #3
الفاروق،
والله كل حاجة ممكنة، ويمكن يضيفوا عليها تحذيرات ممنوع تناولها مع المباريات إياها ...
الأستاذة لنا،
عصر السرعة، والتغليف والتعليب، الجميع في عجلة و(شلهته) عموما لن نقبل بسهولة بهذه الأقراص، فالشاي وجلساته هي الوحيدة الباقية لنا..
|
Post: #6
Title: Re: اذا لم يكن لديك وقت..تناول قرصا من الشاي!!
Author: عمر الفاروق شيخ الدين
Date: 03-23-2005, 08:41 AM
Parent: #5
راكوبتنا :
| Quote: والله كل حاجة ممكنة، ويمكن يضيفوا عليها تحذيرات ممنوع تناولها مع المباريات إياها |
الجبل الأخضر ؟؟؟؟ ولا قلت شنو ؟؟؟؟
طبعاً الجبل الأخضر ده علي وزن الشاي الأخضر ...
|
Post: #8
Title: Re: اذا لم يكن لديك وقت..تناول قرصا من الشاي!!
Author: بلدى يا حبوب
Date: 03-23-2005, 08:54 AM
Parent: #1
راكوبة
اناخايف يكون انتاج الشركةالهندية الراعيه لفريق المريخ
شوف يا مريخاب نحنا مزاجنا زيتون ؟؟؟؟؟؟
تحياتى
|
Post: #9
Title: Re: اذا لم يكن لديك وقت..تناول قرصا من الشاي!!
Author: Rakoba
Date: 03-23-2005, 09:08 AM
Parent: #8
عمر ،
الجبل الأخضر ناس سبعة إتنين ديلاك ولا غيرهم ، ولا كانت مباراة إعدادية،والحكم كان قاصد الهلال
بلدنا ،
نحن ناس بترول سااااي، شركات الشاي جاية تفتش ناس خمسة وستة، أصلهم بحبو الفرق بتاعت الترطيبة والدفاعات المستكينة
|
Post: #10
Title: Re: اذا لم يكن لديك وقت..تناول قرصا من الشاي!!
Author: عمر الفاروق شيخ الدين
Date: 03-23-2005, 11:02 AM
Parent: #9
الراكوبة البدينا تاااااااني نكشف عيوبا
| Quote: نحن ناس بترول سااااي، |
صحي والله كلامك ..حتي بي الأمارة أصصصصصصصلو ما كنتو بتمشو الكماين بتاعت الجريف ديك عشان تشحدوا الطوب من المريخاب الغلابة !!!!!!
ولااااااااااااااااا كان عندكم مليار لإعمار الدار ولا شتين وحاشاكم ما كنتوا حايمين بي تزاكر التبرعات في الشوارع أصلو إستادكم عاااااااااااايم في بركة ابار بترول ...
تخريمة :
هاك شيفرون دي ...
|
Post: #12
Title: Re: اذا لم يكن لديك وقت..تناول قرصا من الشاي!!
Author: Rakoba
Date: 03-23-2005, 10:24 PM
Parent: #10
عمر
| Quote: أصلو إستادكم عاااااااااااايم في بركة ابار بترول ... |
حكاية رعاية المريخ من قبل شركة بترول هندية بمبلغ تجاوز ال400 ألف دولار نقلة في الرياضة السودانية، وأثارها واضحة الآن للعيان، وهي نقلة كبيرة من أنواع الرعايات السابقة زي "فورموست" وغيرو..
ونحن ناس بترول في الرعاية والبزنس، وكاسات محمولة جواً وأرضاً في الكورة، بالمناسبة الترجي برعاهو منوا، ما تقول لي ترعاهو العنايــة..
وداللمين،
الهنود ديل خطرين جداً، واعتقد بالدرجة الأولى الاختراع العجيب ده موجه ليهم، للوقت الكبير الضائع في احتساء الشاي، وتبادل الشمارات في المقاهي وأماكن العمل، وإنشاء الله مايجي اليوم اللي نصرف فيهو الشاي حباااات، قووول آميين
|
Post: #11
Title: Re: اذا لم يكن لديك وقت..تناول قرصا من الشاي!!
Author: محمد الامين احمد
Date: 03-23-2005, 11:07 AM
Parent: #1
العزيز راكوبه
والله ابداع لكن ، حتى الشاى بقى حبوب !
بعد شوية (الشافع) و هو ماشى المدرسة (يدو) حبوبو فى يدو
و تناى مافى فسحة ، اليوم الدراسى يبقى اقصر ، و اى طالب جيعان
بس يطلع الحبة و يبلعها، و المدرسين زاتهم يجو الحصص (بحوب الشاى) حقتهم.
|
Post: #13
Title: Re: اذا لم يكن لديك وقت..تناول قرصا من الشاي!!
Author: zola123
Date: 03-24-2005, 07:20 AM
Parent: #1
مرة ايام الجامعة جربت أقراص كافيين( قال قال عشان أسهر أذاكر) وكانت أول وآخر مرة في حياتي مع اني اعتبر نفسي من أنصار القهوة بشدة.
لقيتا حاجة مزعجة وقابلة جدا للابيوز, يعني لو بالغلط بلعت 4 حبات بس تعرف شعورك حيكون كيف؟
ما عارفة أصلا لزوم الحاجات دي شنو و لا أنصح بها اي انسان.
تحياتي
زولة123
|
Post: #14
Title: Re: اذا لم يكن لديك وقت..تناول قرصا من الشاي!!
Author: Rakoba
Date: 03-27-2005, 07:43 AM
نصيحة مهمة يا دكتورة، وزي ماقالو اسأل مجرب
وده خبر تاني من الهند، الجماعة ديل أخبارهم كلها عجيبة
Quote: هندي يزعم أنه يملك قطعة من القمر
نيودلهي - د ب أ
ذكرت تقارير إخبارية اليوم الاحد أن رجلا هنديا زعم أنه يملك قطعة من القمر.
وقالت صحيفة التليجراف أن راجيف بي باجري (32 عاما) تاجر من مدينة حيدر أباد في جنوب الهند زعم أنه أشترى خمسة فدادين فوق القمر قبل ثمانية عشر شهرا مقابل 160 دولارا.
وأضاف باجري أنه أتم الصفقة عبر موقع مون ريبابليك (جمهورية القمر) على شبكة الانترنت عنوانه " دبليو دبليو دبليو. لونارريبابليك.كوم". وزعم الموقع أن جمهورية القمر شركة تجارية معتمدة في نيويورك.
ويعرض الموقع مساحة تسعة بلايين فدان للبيع على سطح القمر يتراوح سعر الفدان بين 19 و37 دولارا.
وقال باجري الذي حجز رحلة للقمر في "كيندي لونر 2 اكسبيديشن" في عام 2015 أنه أشترى الارض على القمر لان يحلم بأن يترك لاحفاده تراثا فريدا على الرغم من أنه لم يتزوج بعد.
وأوضح باجري الذي ينتمي لاسرة عملت لمدة ثلاثة عقود في تجارة الادوات الهندسية ثم تحولت لتجارة الاسمنت أنه يخطط لبناء مجمع سكني وترفيهي أو أي مشروع تجاري آخر على الارض التي اشتراها على سطح القمر.
وقال "سأقرر كيف سأستخدم هذه الارض بعد أن أزور الموقع على القمر وأتسلمها في عام 2015 ".
ولا يعبأ باجري إذا ما كان الامر كله مجرد وهم حيث قال " إذا صح الامر فأني سأترك شيئ فريدا لذريتي وإذا لم يكن كذلك سأخسر 160 دولارا" كان كسبها في يانصيب على الانترنت في عام 2003. |
|
Post: #15
Title: Re: اذا لم يكن لديك وقت..تناول قرصا من الشاي!!
Author: عمر الفاروق شيخ الدين
Date: 03-27-2005, 08:37 AM
Parent: #14
والله يا راكوبة الهنود ما عجيبين لكن عجيب إنت المباريهم
يازول إنت رايحة ليك ركشة ؟؟؟
| Quote: ويعرض الموقع مساحة تسعة بلايين فدان للبيع على سطح القمر يتراوح سعر الفدان بين 19 و37 دولارا |
أسة يا راكوبة ما بلقا لي في القمر ده قطعة أرض ناصية فاتحة علي شارعين ودرجة أولي وواصلاها خدمات؟؟
غايتو يا مان كان ما إتوفقت ولقيت لي في القمر مضطرين نمشي نسكن في العشوائي هناااااااك في أورانوس ولا عطارد وبي المييييت كده في عشش زحل ..
|
|