Post: #1
Title: أقدار .. مجذوب أونسه
Author: Rakoba
Date: 11-18-2005, 03:02 AM
|
Post: #2
Title: Re: أقدار .. مجذوب أونسه
Author: ثابت محمد
Date: 11-18-2005, 03:36 AM
Parent: #1
أقـــــدار
أقـدار يانـور عينيّ
أنا كنت فاكرك ليّ
ماكنت متصــور
يوم أجيك مغلـوب
شايل جــرح دنياى
من زول أكان محبـوب
الدنيـا ياما توري
والدهـر ياما يقري
لمن تفــوت إنت
حبيبي يا إنت
فى الدنيا بس شن ليّ ؟
أنا كنت فاكرك لى
ناسى الزمن وأحكامو
هم البريد فى يوم
مابدور يشوف قدامـو
تاريهو الزمن بيفرقني
منك بعيد يحرمني
يظلم سنينا السمحة
تنسى العذاب البى
صبر السنين الكان
حاضننو فى الأعماق
كم بغرو منو الناس
بقى للعزول حـراق
أكان خـلاص مليتو
قلبى الحنين خليتو
مجبور أسامحك أنـا
وأمسح دمـوع عينيى
أنا ما بلومك إنت
ما بعاتبك إنت
مهما الدمـوع تتحـدّر
تغلبنى غصباً عنى
البينا أكبر وأكبر
من قلبى ليك بتمنى
تسـعد دوام تتهنى
باكر تبـارك ليّ
الحنة فى إيديّا
أقدار يانور عينيى
يالكنت فاكرك لي
راكوبــة
والله ده شاكوش بمزاااج وسيدو فرحان بيهو
في داعي تنزلو يوم الجمعـة قبل الغداء
وكمان ساعة ( العقـد ) ؟؟
جلبت لنا صباحاً نبيلاً
كامل المــودة
|
Post: #3
Title: Re: أقدار .. مجذوب أونسه
Author: Rakoba
Date: 11-18-2005, 07:49 AM
Parent: #2
اخونا ثابت
كتر خيرك كتير وما قصرت والله، شاكوش لذيذ جداً وأغنية قمة في الروعة.
تسلم يا حبيبنا
|
Post: #9
Title: Re: أقدار .. مجذوب أونسه
Author: جمال السنوسي
Date: 11-19-2005, 02:04 AM
Parent: #2
يا راكوبا
نيابة عن كل المشوكشين والمشوكشات
السابقين واللاحقين واللسه ما اتولدو
الرجاء لــنــك الحــفــظ
وتسلم يا رائع
جمال
|
Post: #16
Title: Re: أقدار .. مجذوب أونسه
Author: Rakoba
Date: 11-20-2005, 04:06 AM
Parent: #9
استاذ جمال
اتفضل لنك الحفظ
Save @ PC
|
Post: #4
Title: Re: أقدار .. مجذوب أونسه
Author: على احمد على
Date: 11-18-2005, 10:11 AM
Parent: #1
العزيز راكوبه
من قلبى ليك بتمنى
تسـعد دوام تتهنى
التحيه للاخ ثابت
|
Post: #6
Title: Re: أقدار .. مجذوب أونسه
Author: Rakoba
Date: 11-18-2005, 11:54 AM
Parent: #4
اخونا علي
تحياتي
والدنيـا ياما توري
والدهـر ياما يقري
لمن تفــوت إنت
حبيبي يا إنت
فى الدنيا بس شن ليّ ؟
شفت المقطع ده كيف
شكرا مرورك من هنا
|
Post: #5
Title: Re: أقدار .. مجذوب أونسه
Author: nashaat elemam
Date: 11-18-2005, 10:31 AM
Parent: #1
اختيار جميل اخ راكوبه..
فعلاً اغنية جميله.. واقدار يا نور عيني
|
Post: #7
Title: Re: أقدار .. مجذوب أونسه
Author: Rakoba
Date: 11-18-2005, 11:55 AM
Parent: #5
ناقدنا العزيز نشأت
الاغنية جميلة للغاية وانا زاتي فرحان بيها ، راجع ماسنجرك وتحياتنا لجميع الزملاء بطرفك.
|
Post: #8
Title: Re: أقدار .. مجذوب أونسه
Author: WADKASSALA
Date: 11-18-2005, 09:56 PM
Parent: #7
اللــــــــــــه عليــــــــــــكم
يارائعيـــــــــــــــــــــــــن
شــــــــــــــــاكوشى قـــوى أمس
|
Post: #10
Title: Re: أقدار .. مجذوب أونسه
Author: امل فاروق محمد
Date: 11-19-2005, 04:24 AM
Parent: #8
الاخ/ راكوبة
تحية طيبة
| Quote: أقـدار يانـور عينيّ |
شكرا لك
|
Post: #13
Title: Re: أقدار .. مجذوب أونسه
Author: Rakoba
Date: 11-20-2005, 02:17 AM
Parent: #8
ودكسلا الجميلة
| Quote: شــــــــــــــــاكوشى قـــوى أمس |
الله يبعد الشواكيش كلها
الاستاذة أمل
شكرا على مرورك.
|
Post: #11
Title: Re: أقدار .. مجذوب أونسه
Author: domdom
Date: 11-19-2005, 05:47 AM
Parent: #1
تعرف يا اخوي انا اسم مجذوب اونسة قاعد اخاف منو عديل حضرت لي 3 مناسبات لي اصدقاء جامعة و ال 3 حصل ليهم طلاق ( يعني طلقو نسوانهم اها بقيت مما يعزموني لي عرس اقول الحفلة بي منو يقولو مجذوب أونسة الخلعة تملاني
المهم و الله جد انا قاعد اخاف من العرس البيغني فيهو مجذوب أونسة ده و اسع بقيت ما بسأل من الفنان علشان ما أفكر في الطلاق يوم العرس
الله يكضب الشينة
|
Post: #12
Title: Re: أقدار .. مجذوب أونسه
Author: ابوبكر الامين يوسف
Date: 11-19-2005, 05:06 PM
Parent: #11
راكوبة انا غايتو جيتك جيتك
:
:
:
: واحد اخونا من كترت الشواكيش قايلها الحب زاتو
|
Post: #15
Title: Re: أقدار .. مجذوب أونسه
Author: Rakoba
Date: 11-20-2005, 02:20 AM
Parent: #12
اخونا ابوبكر
حبابك وزولك ده وصل مراحل متقدمة
|
Post: #14
Title: Re: أقدار .. مجذوب أونسه
Author: Rakoba
Date: 11-20-2005, 02:19 AM
Parent: #11
| Quote: حضرت لي 3 مناسبات لي اصدقاء جامعة و ال 3 حصل ليهم طلاق |
والله فعلا حاجة تخوف، نحنا زاتنا هرشنا
|
Post: #17
Title: Re: أقدار .. مجذوب أونسه
Author: Fadl Karrar
Date: 11-20-2005, 06:35 AM
Parent: #1
والله الواحد بقي ما عارف المسكين منو؟
لكن حالة الشاعر تحنن
المسكين سارح ساي
ما جايب للدنيا خبر
كنت فاكرك لي
ناسي الزمن وأحكامو؟؟؟؟؟؟
لا حول ولا قوة إلا بالله
فعلاً حقيقة هم البريد فى يومو
ما بدور يشوف قدامو
لأنو لو بس قدر أسوأ الإحتمالات دي ما كانت بقت عليهو
لكن البحنن أكتر
عشمو فى نهاية الأغنية لما قال
باكر تبارك لي والحنة فى إيدي
وأمسح دموع عيني
الله يديك العافية يا راكوبة
مع إنو الراكوبة ما بتتشكر لا فى الخريف لا فى الشتاء
لكن الأغنية دي سخنت الجو
والله يديدك العافية
|
Post: #18
Title: Re: أقدار .. مجذوب أونسه
Author: Rakoba
Date: 11-20-2005, 11:46 PM
Parent: #17
استاذ فضل
تحياتي
| Quote: والله الواحد بقي ما عارف المسكين منو؟ |
مساكين نحن والله
| Quote: مع إنو الراكوبة ما بتتشكر لا فى الخريف لا فى الشتاء |
ده كان زمان، والاغنية فعلا سخنت الأوضاع خالص ولقت ردود جميلة منكم
|
Post: #19
Title: Re: أقدار .. مجذوب أونسه
Author: Muna Khugali
Date: 11-21-2005, 01:09 AM
Parent: #18
والله الأغنية دي مـن الأغـاني البحبها ولأني طـولت جـدا ماسـمعت اي أغـاني كـان لسـماعها وقـع خـاص علي..
يخيـل لي انها اجمـل اغنياته..بس كـلام الاخ domdom عـن حـالات الطـلاق خـلاني افكـر..هـو غـني في حـنة زول عـزيز علي مات بعـدشـهور قليلة مـن زواجـه!!
شـكرا 'راكـوبة نتظـلل تحتها' فقـد أضـفت الأغنيـة لمجمـوعـتي..
مـني عـوض خـوجـلي
|
Post: #20
Title: Re: أقدار .. مجذوب أونسه
Author: Rakoba
Date: 11-21-2005, 01:22 AM
Parent: #19
الاستاذة منى
شكرا حضورك الأنيق ..
| Quote: حـنة زول عـزيز علي مات بعـدشـهور قليلة مـن زواجـه!! |
الموضوع ده بقى داير دراسة من زواج لي طلاق لي موت ، الله يرحمه ويرحمنا جميعاً
وإنشاء الله المجموعة الغنائية في نمو طوالي معانا
|
Post: #21
Title: Re: أقدار .. مجذوب أونسه
Author: خدر
Date: 11-21-2005, 01:40 AM
Parent: #20
| Quote: واحد اخونا من كترت الشواكيش قايلها الحب زاتو |
قر قر قر
هههههههههه
|
Post: #22
Title: Re: أقدار .. مجذوب أونسه
Author: Fadl Karrar
Date: 11-21-2005, 02:49 AM
Parent: #21
وكمان يا مستر راكوبة
لو نزلت لنك الحفظ تكون مشكور فى الشتاء والصيف وربيع خريف
زي ما بقولو أطفالنا ناس ما هي دنيتنا الجميلة ومن بعدهم محمود عبدالعزيز
تعرف لي قصة مع مجذوب أونسة
سنة 97 كانت شركتنا عندها تسجيل سهرة بدون عنوان فى التلفزيون
وكان فنانا لحسن حظي مجذوب أونسة
أنا كنت مشارك فى المسابقة الرئيسية
وبعد ما إنتهت فقرتنا
ما لقيت كرسي فاضي مع الجمهور قمت قعدت طرف
قام جاء قعد جمبي مجذوب نتونس
بعد شوية قال لي محمد سليمان دا بقي يعمل معانا حوار قصير قبل ما نغني فى البرنامج
وهو طبعاً أسئلتو شوية صعبة وقد تكون محرجة أحياناً فأنا والله مقلق شوية وما عارف أعمل معاهو شنو؟
طبعاً مجذوب أونسة إنسان مرهف جداً وحساس لأبعد درجة
فأنا قعدت أبسط ليهو الموضوع
وقلت ليهو فى العادة أسئلتو بسيطة وعادية يعني ممكن يسألك مثلاً عن الأغنية الشبابية ورأيك فيها
قام قال لي وإذا سألني سؤال زي دا إنت رأيك شنو؟
قمت قلت ليهو طبعاً إنت سيد العارفين لكن ممكن تتوسع فى حكاية تواصل الأجيال وإنو دي طبيعة الحياة جيل بعد جيل وكدا
يقوم محمد سليمان يسألو نفس السؤال
ومجذوب إتفسح فى الإجابة علي راحتو
وسبحان الله
|
Post: #23
Title: Re: أقدار .. مجذوب أونسه
Author: Rakoba
Date: 11-21-2005, 05:46 AM
Parent: #22
استاذ فضل
لنك الحفظ موجود بالأعلى
| Quote: يقوم محمد سليمان يسألو نفس السؤال |
هسي مجذوب بفتكر انت متفق مع استاذنا محمد سليمان ، والله دي موهبة إعلامية كان تحاول تلقى ليها (فرقة) مع التطور الحاصل إذاعات إف إم فضائيات.. أقول ليك حصل القطر ما فات وشكراً ليك يا حبيب على المداخلة.
|
|