Post: #1
Title: حقيبة الفن .. عوض بابكر!!
Author: Rakoba
Date: 12-11-2005, 12:45 PM
تجربة لنقل حلقات البرنامج الخالد حقيبة الفن من الإذاعة السودانية -
إعداد وتقديم عوض بابكر
أضغط للتشغيل
|
Post: #2
Title: Re: حقيبة الفن .. عوض بابكر!!
Author: معتز تروتسكى
Date: 12-11-2005, 01:21 PM
Parent: #1
راكوبه انت حلو ياخ
زول بالجد نشتهيك
معليش تعليق على سريع مع الجرى وطيران ده
اولا ياااااه
ذكرتنى يوم الجمعه بعد فترة المنوعات قبل الصلاه فى الراديو رفيقى الذى لايفارقنى ولا استطيع النوم او الاستيقاظ من دونه
الشى التانى
استاذ عوض كبر بالجد..
لكن يدهو العافية ..
انا كنت بمشى مرات الاذاعه مع اصدقائنا اولاد الابيض اغلبهم فى الاذاعة والتلفزيون اها بلقى العمالقه ديل وبنهل وبستفيد منهم..
الشى التالت
بالجد من عملت موقعك ده وبقت تحمل بيهو انا الاغانى حلفت بالتقطعها ماتزل معاى ولا تشتغل حتى...
غايتو شوف لينا حل لانو حتى لو ماجينا متابعينك ومنمرين اسمك محل ماتخش بنخش وراك..
تسلم سيدى ويدك العافية كمان وكمان ويخليك لينا
وفعلا راكوبه..
اسم جميل وذو دلالة بسيطه وبلدى
تعجبنى الحاجات الذى دى...
يلا قيل بعافية
سيد الناس
|
Post: #6
Title: Re: حقيبة الفن .. عوض بابكر!!
Author: Rakoba
Date: 12-12-2005, 01:03 AM
Parent: #2
حبيبنا معتز
يااااه على يوم الجمعة، اليوم العجيب لكل أفراد الشعب السوداني، لكل منا فيه خصوصية وتفاصيل كثيرة نسترجعها مع بعض اللحظات التي مازالت باقيه، وحقيبة الفن جزء أصيل من يوم الجمعة!
وأستاذنا عوض بابكر يسهم بقوة في حفظ تراثنا السوداني، واتمنى شخصياً أن توثق هذه الحلقات بوسائط جديدة وتكون متاحة للجميع.
وحكاية الملفات الما بتفتح دي قصة غريبة، الملفات عموماً بتكون بتنسيق Realmedia إذا ما اشتغل معاك البث الأونلاين، ممكن تحفظ الملف على الهارديسك وتعمل playback من جهازك، وورينا الحاصل شنو ، عشان نعالج المسائل.
ولك كامل الود
|
Post: #3
Title: Re: حقيبة الفن .. عوض بابكر!!
Author: على احمد على
Date: 12-11-2005, 01:28 PM
Parent: #1
مشكور يا راكوبه
دايما مبدع .. انت يا خى
ممكن نطلب اغنيه ؟
|
Post: #5
Title: Re: حقيبة الفن .. عوض بابكر!!
Author: عصمت العالم
Date: 12-11-2005, 02:01 PM
Parent: #3
العزيز راكوبه.
هذا اسهام فريد ومتعمق ومتصل ..ونادر فيه فرص الاستماع لهذا البرنامج الخالد مع هذا الاستاذ الرائع الحافظ لسيرة الحقيبه والمتشرب بالتراث الفنان عوض بابكر..واعتقد انك قد اديت خدمه لا تقدر بثمن .فانت جميل ورائع وفنان وذواقه .اعدتنا الى حقيبة زمن فاره زمن جميل وانا استمع للشعار اعدت ذلك الشريط الذكريات والناس تتحلق حول الراديو فى يوم الجمعه لتستمع الى حقيبة الفن..وتذكرت المبارك ابراهيم عليه رحمة الله وهو من الرعيل الاول الذين قدموا البرنامج وكانت له خصوصية المعرفه وتلاقح المعلومات وتجاذب اطراف حديث المشاركه مع الضيوف فى البرنامج..
العزيز راكوبه..
تقديرى العميق لك.وان تحقق طفرة الاتصال هذا لتربط بين اجيال واجيال..
وواصل فى تفرد ابداعك..
كل التقدير
|
Post: #8
Title: Re: حقيبة الفن .. عوض بابكر!!
Author: Rakoba
Date: 12-12-2005, 01:09 AM
Parent: #5
العالم،
تحياتي
كل شيء في هذا البرنامج متفرد من رمية ود الرضي في الشعار حتى أخر كلمة وتحية الهندسة الصوتية من عوض بابكر.
متعه الله بالصحة والعافية على كل هذا المجهود الضخم، للتوثيق وربط الأجيال بدرر الحقيبة وتصحيح كثير من الأخطاء التي تشوب بعض الأغاني ، سواء من فهم الناس أو أداء بعض الفنانيين الشباب.
وإنشاء الله ربنا يقدرنا جميعاً لتحمل جزء من مسؤولية التوثيق والنشر.
|
Post: #7
Title: Re: حقيبة الفن .. عوض بابكر!!
Author: Rakoba
Date: 12-12-2005, 01:04 AM
Parent: #3
أبوعلوه
ممكن تطلب طبعاً، ونستصحب معانا في حكاية الطلبات دي تمبس وتنقو
|
Post: #4
Title: Re: حقيبة الفن .. عوض بابكر!!
Author: عاطف عمر
Date: 12-11-2005, 01:59 PM
Parent: #1
العزيز راكوبة
من أعماقي أشكرك على كل هذا الجمال الذي تنشره
وأتلهف لبوستاتك التي تتحفنا فيها بالروائع
|
Post: #9
Title: Re: حقيبة الفن .. عوض بابكر!!
Author: Rakoba
Date: 12-12-2005, 01:10 AM
Parent: #4
أستاذنا عاطف
حبابك ألف في الراكوبة ، ولسه القادم أجمل وأجمل إنشاء الله.
|
Post: #10
Title: Re: حقيبة الفن .. عوض بابكر!!
Author: على احمد على
Date: 12-12-2005, 04:16 AM
Parent: #1
راكوبه
اغنية ( يا روح بابا) .. لو امكن بالله
للتاج مكى
|
|