حبيب الروح .. الموهبة محمد البدوي أبوصلاح

أمتداد لاكتشاف العزيز تنقو ، الموهبة محمد بدوي أوصلاح، حفيد شاعر الحقيبة أبو صلاح، يتغنى للعملاق عثمان حسين



غرامنا اسمى غرام
ما بطوله أى حسود
زايد مع الايام
وتصونه أغلى عهود
حبيبى العهود راعيها
مهما الزمن طال بيها
لو قلتو لى ناسيها
ما بصدقكم !!

أضغط للتشغيل

.. وعمل آخر
يــا رشا يا كحيل

ربنا يغطي عليهو وعليكم.

الأخ سعدالدين
تحياتي
وأقول معاك "آمين" وينتظر هذا الموهبة مستقبل عريض إنشاء الله.

يا راكوبة غايتو بتبالغ رسمي كلما تغتس تجيب لينا واحدة من دررك الجميلة

اخونا طارق
سلامات
والله مرات تلفزيونا القومي بجيب حاجات عجيبة ، وشكراً للتكنولوجيا التي جعلت نقل مثل هذه المواد من الشاشة إلى الكمبيوتر متاحاً.

Quote: حبيب الروح .. الموهبة محمد البدوي أبوصلاح

لكن الولد مابجضم العود جنس جضيم!!
شاهدت البرنامج وشد إنتباهى بعدم تهيبه للكاميرات والمشاهدين وإختياره للكلمات يؤكد انه حفيد
العملاق صالح عبد السيد أبوصلاح بحق وحقيقة
جنى

جني
سلامات
وزي ما بقول المثل " أبن الوز عوام" فعلاً وله أيضا حضور جيد على المسرح وثقة كبيرة وهو يتغنى للعملاق عثمان حسين.
حفظه الله

الأخ العزيز راكوبه

للاسف اغنيه عثمان حسين لا تعمل .. يا ريت تلحقنا بالوصله

مشكوريييين

شكرا راكوبا سمعت هذا الشبل الواعد يتغني بكل ثبات ويعزف بأقتدار
سوف يكون له مستقبل كبير في خارطة الفن السوداني اذا وجد الرعايه
من اهل الفن.
اشكرك مره ثانيه ولي قدام..

العمدة
فعلاً يستحق الرعاية والاهتمام فبه كل المقومات التي تحتاج إلى الصقل والتوجيه، لإنتاج فنان متكامل إنشاء الله.

أم حنين
تحياتي

الأغنية شغالة، بس أضغطي على زر التشغيل Play مرة واحدة

استاذنا راكوبه

ال Media Player في الصفحه ظاهر لكن ما Active ,

عشان كده ما قادره ادوس Play ولا قادره اسمع

تحياتي

اخيرا اشتغلت ..

ده مبالغه .. ربنا يحفظو

الحمد لله، أنا زاتي اتوهمت

أظهر يا راكوبه بالجديد الرائع وبرضو ما بصدقكم أياً كانت أسباب غيبتكم عن المنبر فالنان ملك الجمهور والجمهور عاوز إبداع

الاخ العزيز راكوبة
كل سنة وانت طيب ..
كيف العيد في الخرطوم، شنو الاجازة ما انتهت ولا شنو.. ناس الجريدة يسألوا عنك.
في انتظارك وانتظار اخبار الاخوان في السودان.
دمت ياحبيب ودامت الروائع التي تتحفنا بها مرة بعد مرة

راكوبة نسيت اقول ليك ابوحمدي وعبد الرزاق بيسألوا عليك.

راكوبة يافننننننننننننننننننننننننننننان

كيفك .. مشتاقين طبعا انت زول فنان وبتعرف الحتت الثمينة وليس السمينة


محمد بدوى ابوصلاح حفيد الشاعرية الفذة وابوه فنان تشكيلى وهذا الوسط


منحه بفضل الله القدرة الابداعية فظهرت فى تلك الانامل الذهبية والصوت


الملائكى وقد قال فيه الاستاذ محمد سليمان جراب الحاوى انه ظل يستمع

للغناء سنين طويلة وما ابكاه الا هذا اليافع وافاض قائلا الغريب فى الامر ليس

قدرته على عزف العود فقط ولا صوته الجميل وانما استيعابه لهذه الكلمات

وهو فى هذا السن الصغير

لقد استمتعنا بهذه الموهبة واعجبنى قدرته على المزاوجة بين العزف

والغناء بصورة تلقائية لا يملكها كثيرون اكبر منه سنا لكنهم اقل موهبة

ربنا يحفظ لنا هذه الموهبة