Post: #1
Title: مباشر إذاعياً: مريخ × أهلي عطبرة .. هلال × حي العرب
Author: Rakoba
Date: 05-11-2006, 12:26 PM
صلاح الأمير - نجم المريخ
Quote:
احداث دامية فى مباراة الهلال والسوكرتا ببورتسودان
صاحبت مباراة الهلال وحي العرب التي جرت مساء امس باستاد بوتسودان احداث دامية اندلعت عقب احتساب الحكم لركلة جزاء لصالح الهلال بعد ان كان حي العرب متقدما واستمرت الاحداث الدامية بصورة عنيفة لم يسبق لها مثيل بملعب بورتسودان وتعرض عشرات المواطنين لاصابات بالغة ادت الي بتر يد احد المشجعين بينما اجريت عمليات جراحية عاجلة لعدد اخر من المصابين وهناك اكثر من مصاب في حالة خطرة·
وقد تابعت قوون الاحداث المتلاحقة وزارت المصابين بالمستشفي لمعرفة اخر التطورات التي صاحبت هذه المباراة التنافسية·
من جهة اخري تشير قوون الي ان حكم شندي كمال محمد احمد لم يكن موفقا في ادارته للمباراة في وقت كان فيه جمهور حي العرب يعيش لحظات صعبة مترقبا فوز فريقه علي الهلال·
من جهتها نجحت الشرطة في احتواء الموقف الصعب الذي كاد ان يتحول الي كارثة كبيرة باستاد بورتسودان واستطاعت الحد من خطورة الامر باطلاقها للغاز المسيل للدموع·
|
Quote:
المريخ يدشدش الاكسبريس ويحتفظ بصدارة الدورة الأولى
حسم المريخ بطولة الدورة الأولى للممتاز وذلك بعد فوزه الكبير على الأهلي عطبرة مساء امس بإستاد عطبرة بخمسة اهداف نظيفة تبادل إحرازها كل من فيصل العجب وبدر الدين قلق هدفين وعبدالحميد السعودي وصلاح الأمير.. وقد إستطاع نجوم المريخ ان يتغلبوا على أصحاب الأرض ويفرضوا اسلوبهم وخبرتهم برغم الأمطار التي تهاطلت لفترة طويلة وأرضية الملعب المبتلة والتي أسهمت بشكل مباشر في غياب التركيز في معظم فترات المباراة ومع ذلك تألق صانع ألعاب المريخ صلاح الأمير ونجم وسطه علاء الدين يوسف مقابل أداء إفتقر للخبرة والتنظيم من نجوم الأهلي عطبرة الذين حاولوا الوصول لمرمى محمد كمال حارس المريخ ولكن بدون جدوى وفي الدقيقة الأخيرة احتسب حكم المباراة ركلة جزاء لمصلحة أهلي عطبرة ارتكبها احمد محجوب مع مهاجم الأهلي الشاب مهند عصمت كانت سانحة جيدة لإحراز هدف شرفي غلا ان حارس المريخ محمد كمال تمكن من إبعادها ليحافظ على نظافة شباكه وتنتهي المباراة بخماسية نظيفة.. بهذه النتيجة إرتفع رصيد المريخ إلى (2 نقطة وبقي الأهلي في نقاطه الثمانية.
|
|
Post: #2
Title: Re: مباشر إذاعياً: مريخ × أهلي عطبرة .. هلال × حي العرب
Author: Rakoba
Date: 05-11-2006, 01:10 PM
Parent: #1
انتهى الشوط الأول من مباراة الهلال وحي العرب ببورتسودان بتقدم حي العرب على الهلال بهدف أيمن أمبدة في الدقيقة 46 
|
Post: #3
Title: Re: مباشر إذاعياً: مريخ × أهلي عطبرة .. هلال × حي العرب
Author: Al Sunda
Date: 05-11-2006, 02:43 PM
Parent: #1
معقولة يا راكوبة
الناس بتتفرج في الانتر وروما في نهائي كأس
تقول هلال وحي العرب والمريح واهلي عطبرة
على العموم مبروك
الهلال مغلوب 2.1
والمريخ فائز 4 صفر
|
Post: #4
Title: Re: مباشر إذاعياً: مريخ × أهلي عطبرة .. هلال × حي العرب
Author: ahmed babikir
Date: 05-12-2006, 03:45 AM
Parent: #3
انته الهلال مالو الايام دي باقي لي كده زي ليهو كم يوم غايب انشاء الله خير!!
اوعي يكون يوم الحساب قرب!
انشاء الله معاك دخولات المريخ...عشان نكون خاتين اللوم! وعلي العموم ابقو حاسبين عشان لمن نجيب الوارد
ماتقولوا خشوها ناس الهلال...!!
|
Post: #6
Title: Re: مباشر إذاعياً: مريخ × أهلي عطبرة .. هلال × حي العرب
Author: Rakoba
Date: 05-12-2006, 10:01 AM
Parent: #4
| Quote: ماتقولوا خشوها ناس الهلال |
خشوا وفلقوا واتغلبوا ومرقوا
|
Post: #5
Title: Re: مباشر إذاعياً: مريخ × أهلي عطبرة .. هلال × حي العرب
Author: Rakoba
Date: 05-12-2006, 09:25 AM
Parent: #3
السندا
| Quote: تقول هلال وحي العرب |
خلاص نطيتوا، والله مش تقول لي كأس إيطاليا، ناس أيمن ابده وبركة عباس ديل نخليهم لي منو.
وعجبنا ليكم الفرملة دي، وناس السوكرتا ما قصروا معاكم ب10 لاعبين أدوا المطلوب وزيادة.
وناس (خريبكة) حيجوا يلقوا الشغلة (خربانة) وجاهزة (للخمسة)
|
Post: #7
Title: Re: مباشر إذاعياً: مريخ × أهلي عطبرة .. هلال × حي العرب
Author: hatim ibrahim
Date: 05-12-2006, 06:51 PM
Parent: #1
.
ازيك يا راكوبة
ما تفرح شديد .. يبدو انو أولادنا عرفوا انو ( جواسيس ) خريبكة بدو شغلهم في نقل التقارير عشان كده اعتمدوا سياسية " التمويه...... خطط ..وتكتيك يا حبيب "
.
|
Post: #8
Title: Re: مباشر إذاعياً: مريخ × أهلي عطبرة .. هلال × حي العرب
Author: Rakoba
Date: 05-13-2006, 03:03 AM
Parent: #7
حاتم الفنان
الغريبة ناس (خريبكة) ديل سألوا ناس (الرجاء) عن الهلال، الجماعة قالوا ليهم " أرمي قدام" براها بتخش قوون"
مع ريكاردو ناس الهلال زاتهم ما عارفين الاستراتيجية، خلي المنافسين
وبركه الجيت
|
Post: #9
Title: Re: مباشر إذاعياً: مريخ × أهلي عطبرة .. هلال × حي العرب
Author: banadieha
Date: 05-13-2006, 03:17 AM
Parent: #8
راكوبة..خلينا في الوتر شوية كمان..امبارح بعد الكورة البايتة جابوا لينا فنانة غنت قصيدة نزارية للمعز وأغاني سعودية وخليجية وشالتنى نومة وأنا مطمئن أنو راكوبة حيجيب لينا الحلقة كلها مقشرة وملظلظة ولو لا نقبل على تمبس.
|
Post: #10
Title: Re: مباشر إذاعياً: مريخ × أهلي عطبرة .. هلال × حي العرب
Author: طارق جبريل
Date: 05-13-2006, 03:30 PM
Parent: #1
راكوبة كيفنك
والله حاتم ابراهيم دا لذيذ خلاص
| Quote: ما تفرح شديد .. يبدو انو أولادنا عرفوا انو ( جواسيس ) خريبكة بدو شغلهم في نقل التقارير عشان كده اعتمدوا سياسية " التمويه...... خطط ..وتكتيك يا حبيب |
هو عليك الله يا حاتم هسا الهلال دا عايز ليه جواسيس
انا لسا مصر انه انا صومالي لامن يغلب الهلال خريبكة
|
Post: #11
Title: Re: مباشر إذاعياً: مريخ × أهلي عطبرة .. هلال × حي العرب
Author: hatim ibrahim
Date: 05-14-2006, 11:19 AM
Parent: #1
.
أخي طارق
| Quote: انا لسا مصر انه انا صومالي لامن يغلب الهلال خريبكة |
لو على كده بسيطة جدا .. أنا من حسع بضمن ليك انو الهلال سيتخطى خريبكة " باذن الله "
المشكلة انو ساعتها فعلا حتدعي انك " سوداني " ..ولكن .. ظاهريا فقط ..
بس بدواخلك شــــأنك شـــأن غالبية الحاقدين .. بتكون " صومـــالي " ودائــــما ..طالما أن الأمر يتعلق بالبعبع .. هلال الملايين .. البيطير النوم من عيونكم ..
.
|
Post: #12
Title: Re: مباشر إذاعياً: مريخ × أهلي عطبرة .. هلال × حي العرب
Author: sheba
Date: 05-14-2006, 12:02 PM
Parent: #1
العزيز عماد او " راكوبة" كم عرفك الجميع بهذا الاسم
تحية واجلال لما تقدمه للمريخ العظيم
وقد لاحظت كما لاحظ غيرى اختفاءك من منتدى المريخ بالرغم من تواجدك فى اون لاين
لعل المانع خير.
اراك قد بخلت على الكل هناك بلقطات الفيديو واهداف المريخ
مهما كانت الاسباب والدوافع
نتمنى ان تلملم جراحك ان كانت هى الاسباب
وتعود الى منتدى المريخ من اجل المريخ ومن اجل كل اللذين احبوك هنا وهناك
كل الود
خالد شيبا
|
|