Post: #1
Title: شباب الخرطوم يبحثون عن الكلب المختطف !!
Author: Rakoba
Date: 07-06-2006, 03:21 PM
Parent: #0
خبر غريب، نشر بصحيفة الصحافة، نصه كالتالي:-
Quote:
يحدوهم أمل الفوز بالجائزة
شباب الخرطوم يبحثون عن الكلب المختطف
الكلب الابيض الصغير سليل اعرق الاسر كان حديث مجالس الخرطوم في اعقاب نشر الاعلان الخاص برصد جائزة مالية لمن يعثر عليه ...
«الصحافة» رصدت عشرات الصبية والشباب يجيلون النظر بحثا عن الكلب المختطف .. ويقول صلاح ابراهيم وكان ضمن مجموعة من الشباب الخريجين العاطلين عن العمل : سئمنا التردد علي ادارات التوظيف فقد باتت روتينا ، قائلا : قررنا كمجموعة ان نولي عنايتنا للبحث عن الكلب ليس وراء الجائزة المالية وهي تعتبر شيئا بسيطا لشلة تتكون من 10 افراد ، ولكنا نريد التعرف علي صاحب الكلب .. فحنيته نحونا ربما كانت اعظم ، مما يعني الامل في ايجاد وظائف لديه .
الاعلان عن فقدان الكلب الابيض الصغير وعن رصد جائزة مالية لمن يعثر عليه تعتبر ظاهرة هي الاولي من نوعها ، فهل نشهد المزيد من هذه الاعلانات ؟. |
|
Post: #2
Title: Re: شباب الخرطوم يبحثون عن الكلب المختطف !!
Author: نصار
Date: 07-06-2006, 04:05 PM
Parent: #1
لا حول و لاقوة الا بالله
العزيز راكوبة
دا تلخيص محزن للحالة التي وصلت لها دولة المشروع الحضاري
اللهم لا تآخذنا بما فل السفهاء منا
|
Post: #8
Title: Re: شباب الخرطوم يبحثون عن الكلب المختطف !!
Author: Rakoba
Date: 07-09-2006, 10:38 AM
Parent: #2
استاذ نصار
سلام
| Quote: اللهم لا تآخذنا بما فل السفهاء منا |
آمين.. آمين
|
Post: #3
Title: Re: شباب الخرطوم يبحثون عن الكلب المختطف !!
Author: abcde
Date: 07-06-2006, 04:07 PM
Parent: #1
الكلب
كلب منو
|
Post: #9
Title: Re: شباب الخرطوم يبحثون عن الكلب المختطف !!
Author: Rakoba
Date: 07-09-2006, 10:38 AM
Parent: #3
سؤال والله، بس بدون إجابة لحدي هسه
|
Post: #4
Title: Re: شباب الخرطوم يبحثون عن الكلب المختطف !!
Author: ناذر محمد الخليفة
Date: 07-06-2006, 04:36 PM
Parent: #1
قرات الإعلان في صحيفة الوسيط المجانية فإندهشت للخبر !!!!
صنفرة :
ولكني فرحت لفرحة خريجي الجامعات العاطلين عن العمل في بلادي !!
|
Post: #5
Title: Re: شباب الخرطوم يبحثون عن الكلب المختطف !!
Author: عاطف محمد أحمد زكريا
Date: 07-06-2006, 05:01 PM
Parent: #4
حالة تحنن يا راكوبة
هنالك الالاف من المتعطلين بالسودان ومع ذلك يتم استجلاب العمالة الاجنبية من الخارج
وخصوصا من دول شرق اسيا وما بعيد الكلب ابن الكلب ده لم فيه واحد صينى اتعشى بيه وخلى المساكين ديل لافين فى الحر
|
Post: #6
Title: Re: شباب الخرطوم يبحثون عن الكلب المختطف !!
Author: nadus2000
Date: 07-09-2006, 03:26 AM
Parent: #5
مسرحية عبثية لم ولن تخطر ببال أكثر كتابنا المسرحيين عبقرية، تعبر عن واقع أليم.
|
Post: #7
Title: Re: شباب الخرطوم يبحثون عن الكلب المختطف !!
Author: Faisal Al Zubeir
Date: 07-09-2006, 03:44 AM
Parent: #6
صحافة صفراء لرفع التوزيع باسلوب (رخيص) !!
|
Post: #13
Title: Re: شباب الخرطوم يبحثون عن الكلب المختطف !!
Author: Rakoba
Date: 07-09-2006, 10:42 AM
Parent: #7
فيصل (المحارب)
| Quote: صحافة صفراء لرفع التوزيع باسلوب (رخيص) !! |
هدي اعصابك، قلت لي جريدة ناس محمد عبد القادر أي كلام
|
Post: #12
Title: Re: شباب الخرطوم يبحثون عن الكلب المختطف !!
Author: Rakoba
Date: 07-09-2006, 10:41 AM
Parent: #6
استاذ عبدالجليل
فعلاً والله، والواقع دائماً مرير وأليم للغاية، محن والله!
|
Post: #11
Title: Re: شباب الخرطوم يبحثون عن الكلب المختطف !!
Author: Rakoba
Date: 07-09-2006, 10:40 AM
Parent: #5
| Quote: وما بعيد الكلب ابن الكلب ده لم فيه واحد صينى اتعشى بيه وخلى المساكين ديل لافين فى الحر |
والله يا عاطف ده يبقى(خازوق) دولي عديل!
|
Post: #10
Title: Re: شباب الخرطوم يبحثون عن الكلب المختطف !!
Author: Rakoba
Date: 07-09-2006, 10:39 AM
Parent: #4
ناذر
سلامات
| Quote: ولكني فرحت لفرحة خريجي الجامعات العاطلين عن العمل في بلادي !! |
ويافرحة ماتمت، لهم ولنا الله بس!
|
Post: #14
Title: Re: شباب الخرطوم يبحثون عن الكلب المختطف !!
Author: ابوحراز
Date: 07-10-2006, 01:04 AM
Parent: #10
ممكن كدا نقول نحن غلبنا بن كلينتون 10/صفر
فقد شارك كل العالم في يوم من الأيام في اختيار اسم كلب الرئيس
وفاز أحدهم بمليون دولار عندما اختار الاسم { بادي }
كتبت موضوعا ساخرا عن هذا الاسم بجريدة الشرق الأوسط يسمى { كلب الرئيس والهموم العربية }
لايكون الكلب ضل طريقه مرة أخرى للفنان والموسيقار المبدع محمد الأمين
فقد أتاه أحد المعجبين ويسمى محمد أحمد
وقال له انني من المعجبين بك وأتيت لأعتذر لك
فقال له ود الأمين - خير ان شاء الله ؟؟
فقال محمد أحمد : لدي كلب اسمه { أسمر }
وقال لي اصدقائي حرام كدا سوف تسيء للأغنية
وقد غيرت اسمه
لكن ناس الحي مازالوا يصرون على أنهم ينادونه بأسمر
قام محمد الأمين قال ليهو :
ماتشيل اي هم
انت خلي كلبك أسمر في مكانه
وأنا بغير أسم أغنيتي
واسميها { كلب محمد أحمد }!!!
قبل سنتين أحد أعمامي سائق لوري
لقى ليهو كلب ضخم جداً بجوار سوبا
تصدق لابس { حلق ذهب }
قوم ارفع الكلب في اللوري وجيبو معاك
الكلب مايرقد الا في سرير مفروش بي مرتبة وملاية
ومايأكل الا لحم منجض
ومابيشرب الا من كوز نظيف جداً
والأكل الا يجيبوه ليهو في صينية
وناس البيت بياكلوا ربع كيلو في اليوم
والكلب بياكل كيلو ونص
اها بعد يومين قام رجعه تاني سوبا
لكن بدون { حلق ذهب }
قال كلب ابيض قال !!!
|
Post: #15
Title: Re: شباب الخرطوم يبحثون عن الكلب المختطف !!
Author: على محمد على بشير
Date: 07-10-2006, 01:31 AM
Parent: #14
راكوبه
الله يجمع
بس المحيرنى جدا ... علاقة الكلب الضائع بالمشروع الحضارى ؟
|
Post: #19
Title: Re: شباب الخرطوم يبحثون عن الكلب المختطف !!
Author: Rakoba
Date: 07-10-2006, 12:27 PM
Parent: #15
استاذ علي
تحياتي
| Quote: بس المحيرنى جدا ... علاقة الكلب الضائع بالمشروع الحضارى ؟ |
دي قصة طويلة جداً، ويمكن تكون مختصرة كمان!
|
Post: #18
Title: Re: شباب الخرطوم يبحثون عن الكلب المختطف !!
Author: Rakoba
Date: 07-10-2006, 12:25 PM
Parent: #14
ابوحراز الظريف
اها الحلق ده برضو في ناس بتفتش ليهوا
|
Post: #16
Title: Re: شباب الخرطوم يبحثون عن الكلب المختطف !!
Author: قرشـــو
Date: 07-10-2006, 03:36 AM
Parent: #1
وليه الاستغراب بس ؟؟؟؟؟
انا ما مستغرب ابدا
اذا كان الناس بجيبوا شغالات من شرق اسيا
فلا بد ان يسعوا كلاب من سلالات نادرة
وهذه بتلك وكلها شوفونية
انها طبيعة الاشياء
|
Post: #17
Title: Re: شباب الخرطوم يبحثون عن الكلب المختطف !!
Author: Sobajo
Date: 07-10-2006, 12:11 PM
Parent: #16
ياراكوبة ...
ياربي السر في الكلب ولة ففي اللون الابيض ..!!؟؟
وعليك الله تابع الخبر ... كان لمو في الكلب ...
شوف ما عندو اخت ....!!!
مخرج:
بس ما يقوم ناس في البورد ده يفهمونا غلط يهددونا بعدين ...!!
|
Post: #21
Title: Re: شباب الخرطوم يبحثون عن الكلب المختطف !!
Author: Rakoba
Date: 07-10-2006, 12:31 PM
Parent: #17
سوباجو
سلامات
السر بكون في الاتنين او احتمال يكون (خاتف) لونين!
| Quote: بس ما يقوم ناس في البورد ده يفهمونا غلط يهددونا بعدين ...!! |
بس تاني ما تشاكل أي زول في البورد ده،
|
Post: #20
Title: Re: شباب الخرطوم يبحثون عن الكلب المختطف !!
Author: Rakoba
Date: 07-10-2006, 12:29 PM
Parent: #16
قرشو
شوفونية وإحباط ونفق مظلم أمام الكثيرين، جعلهم يلهثون وراء الكلب الضائع!
|
Post: #22
Title: Re: شباب الخرطوم يبحثون عن الكلب المختطف !!
Author: نصار
Date: 08-23-2006, 11:18 AM
Parent: #1
العزيز راكوبة
معليش بحت ليك الموضوع دا من جديد و يمكن اتسبب في انك تاني تتحزم و تتلزم لمقابلة الزوار و اكرامهم ضبايح و اللذي منه في الزمن الصعب دا
بس لاني غايب من المنبر من رمضان الفات ادخل النت في اوقات متفرقة جدا جدا
و في واحدة من المرات دي لقيت موضوعك دا و كتبت مداخلتي الفوق دي
و شايف العزيز علي محمد علي بشير وجه ليك سؤال (مستفسراً) عن رأي اوردته انا و أري من واجبي نحوكما الاثنين أن أرد علي السؤال
الاخ علي أستفسارك الاستنكاري يحدد يبين مدي اختلاف زوايا النظر للاشياء (خاص في الجانب الوطني).. لكن صدقني أنا لا استعجل في اطلاق الاحكام المطلقة و التصنيف الجاهز و لا سلب الاخرين حقهم في أن يكونوا قناعاتهم و يعبروا عنها بالكيفية التي يفضلونه. قد يصعب علي فهم دوافع البعض و مواقفهم لكني تعلمت أن أعطيهم الحق في التعجيب من خطابي تماما كما هو حالي معهم في ما يقولون و يفعلون. قد يبدوا الامر ينطبق علي قول الشاعر عن عين الرضا و عين الشماتة.. الا أني لست شامت لسبب بسيط جدا... و هو أني اسموا بالوطن الحبيب عن حظوظ النفس الامارة... أخي الفاضل.. في نظري أن الخبر أعلاه يعبر عن مفارقة محزنة ما بين المعلن من حكومة المشروع الحضاري و الواقع المناقض له تماما.. ففي حين هدف المشروع الحضاري (نظرياً) ألي تطهير المجتمع و تأصيل و تنزيل الدين الحق علي واقع (الأمة المسلمة) و تحقيق العزة و الكرامة و مجتمع الكفاية و العدل و المساواة .... يحكي لنا هذا الخبر أن الواقع الاجتماعي الجديد الذي تحقق فعلا علي ارض الواقع اصبح فيه حظ كلب أثرياء الانقاذ افضل من حظوظ كثير من الخريجين و هم بمكاسبهم العلمية لا يمثلون قطاع متدني في تراتيبية التكوين الاجتماعي فكيف يكون حال الاخرين؟؟؟؟
تحياتي
|
Post: #23
Title: Re: شباب الخرطوم يبحثون عن الكلب المختطف !!
Author: Dr.Saeed Zakarya Saeed
Date: 08-23-2006, 01:59 PM
Parent: #22
يمكن ان نستفيد من هذا الكم الهائل من الشباب
العاطل عن العمل
في العديد من المشاريع الانمائية
انها طاقات مهدرة
لا تستحق ان يوضع خلفها هذا الاعلان
اين وما هو دور وزارة الشباب والرررررررررررياضة
قف تامل
|
|