Post: #1
Title: الدوري الممتاز: القراقير يصطادون المريخ مرتين!
Author: Rakoba
Date: 03-29-2007, 08:22 PM
Parent: #0
خسر المريخ العاصمي مباراته الدورية من الموردة العاصمي بهدفين مقابل هدف، في المباراة التي جمعت الفريقين مساء اليوم باستاد المريخ.
بكر المريخ في التسجيل عن طريق هيثم طمبل في نهاية الشوط الأول، لتنجح الموردة في تعديل النتيجة عن طريق ضربة جزاء في بداية الشوط الثاني.
واستطاع لاعبو الموردة ترجيح كفة المباراة لصالحهم عبر اللاعب يوسف الصيني الذي سدد الكرة قوية على يمين الحارس بهاء الدين، مستفيداً من الكرة المحسنة المرسلة له من المهاجم المخضرم عمار أبوكدوك.
بعد الهدفين حاول المريخ مراراً تعديل النتيجة ودفع مدربه بعدد من اللاعبين دون جدوى، حيث استبسل دفاع الموردة وحارس مرماه حافظ في الدفاع عن النتيجة الجيدة، إلى أن أعلن قاضي الجولة الفاضل أبوشنب عن انتهاء المباراة بفوز الموردة وحصدها للثلاث نقاط.
خلال المباراة ظهر خط دفاع المريخ بلا انسجام بين اطرافه ومتوسط الدفاع، كما ظهر الاعياء على لاعبي الفريق القومي خاصة القائد فيصل العجب .
بينما أكثر لاعبو المريخ في الاحتفاظ بالكرة والجري بها لمسافات طويلة، دون جدوى تكتيكية واضحة.
وغداً وفي ذات المنافسة يلتقي الهلال بهلال الساحل، وتنقل قناة النيل الأزرق اللقاء على الهواء مباشرة.
|
Post: #2
Title: Re: الدوري الممتاز: القراقير يصطادون المريخ مرتين!
Author: ابوعسل السيد احمد
Date: 03-29-2007, 08:51 PM
Parent: #1
hard luck
أخي الفنان راكوبة.
أولا و قبل كل شيئ صادق تهانئي لك بفوز المريخ و رد إعتباره
أمام القطن التشادي و تأهله عن جدارة لثمن نهائي بطولة الكونفدرالية.
كما اهنئك و نفسي بفوز المنتخب الغالي و خطوه عن ثقة إلى مراقي التأهل
لنهائيات بطولة إفريقيا للأمم.
و أحييك على نقلك لنتيجة مباراة المريخ و الموردة بحس إحترافي أنصف
الموردة و عكس حال المريخ في المباراة.
بصراحة في الشغل المحلي دا أنا شمتان للطيش فيكم و فرحان لهزيمتكم
أمام الموردة لأنها تقرب الزعيم نحو لقب قياسي خامس. و كتروا لينا من
عينة الهزائم دي محليا.
أما خارجيا فوالله أنا معكم قلبا و قالبا حتى لقب جديد للسودان ولمريخ
السودان.
تاني
hard luck
|
Post: #4
Title: Re: الدوري الممتاز: القراقير يصطادون المريخ مرتين!
Author: عامر تيتاوى
Date: 03-30-2007, 00:04 AM
Parent: #3
صديقى الفنان راكوبة
| Quote: واستطاع لاعبو الموردة ترجيح كفة المباراة لصالحهم عبر اللاعب يوسف الصيني الذي سدد الكرة قوية على يمين الحارس بهاء الدين، مستفيداً من الكرة المحسنة المرسلة له من المهاجم المخضرم عمار أبوكدوك |
مشاطيبك ..
تغرد فى قراقيرك
|
Post: #5
Title: Re: الدوري الممتاز: القراقير يصطادون المريخ مرتين!
Author: عبدالكريم الامين احمد
Date: 03-30-2007, 00:42 AM
Parent: #4
راكوبة يا فنان القرقور الليلة شديد فرحان...
هاردلك يا عريس والجاتك من القراقير سامحتك..(الله يسترك من ابو الهل سيد الساس والراس)
....
تيتاوي مشتاقين ياخي..
|
Post: #6
Title: Re: الدوري الممتاز: القراقير يصطادون المريخ مرتين!
Author: Yassir Tayfour
Date: 03-30-2007, 00:50 AM
Parent: #5
يا راكوبة..
كفارة ليكم..
____
أنا لا شمتان ولا حاجة..
|
Post: #15
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 08:07 AM
Parent: #6
ياسر
الشماته كعبة
|
Post: #7
Title: Re: الدوري الممتاز: القراقير يصطادون المريخ مرتين!
Author: عامر تيتاوى
Date: 03-30-2007, 00:51 AM
Parent: #5
| Quote: تيتاوي مشتاقين ياخي.. |
مشتاقين كتير ياكرومة
عازمك سمك فى الموردة
ومعانا راكوبة
|
Post: #8
Title: Re: الدوري الممتاز: القراقير يصطادون المريخ مرتين!
Author: عبدالكريم الامين احمد
Date: 03-30-2007, 00:59 AM
Parent: #7
Quote: مشتاقين كتير ياكرومة
عازمك سمك فى الموردة
ومعانا راكوبة |
حاضرين يا تيتاوي
وقالوا الموردة اليومين دي فيها سمك اسمو(الصيني)
وده ما عارفو بنفع مع راكوبة ولا لا
...
...
ياخ والله الموردة لسع بتلعب
|
Post: #9
Title: Re: الدوري الممتاز: القراقير يصطادون المريخ مرتين!
Author: عامر تيتاوى
Date: 03-30-2007, 01:26 AM
Parent: #8
Quote: وقالوا الموردة اليومين دي فيها سمك اسمو(الصيني)
وده ما عارفو بنفع مع راكوبة ولا لا
|
مابنفع ياكرومة لانو بيصيب الفقرات القطنية بالشلف
|
Post: #14
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 08:06 AM
Parent: #5
كرومة الفنان
أبو الهل ده دواه معروف، قون بي جاي وقون بي جاي وانتهى الموضوع!، خوفنا كلو من المباريات العجيبة الزي دي
|
Post: #13
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 08:05 AM
Parent: #4
أبو التيت
هم غردوا في ود أزرق، من باب أولى يغردوا في القراقير وفي اي مكان
هااانت!
|
Post: #12
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 08:04 AM
Parent: #3
د. ياسر
والله سامحتنا عديل وبوظت خميسنا!
|
Post: #11
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 08:04 AM
Parent: #2
اديبنا أبوعسل
والله الشماتة جائزة ومفيدة للاعبي المريخ في هذه الأثناء ليبتعدوا عن الاسترخاء كما هو الحال قبل هذه المباراة، حالة استرخاء غير مبررة من الجهاز الفني واللاعبين ، واعتبروا ان نتائج المواسم السابقة على الموردة والتي كانت تصل في أقل مباراة إلى 4 أهداف كفيلة بترجيح كفتهم.
غير آبهين بالمستوى الجيد الذي باتت تقدمه الموردة خاصة في المباراة الودية التي جرت الاسبوع الماضي لتكريم الإمام المهدي والتي جمعتهم بالهلال وانتهت بالتعادل.
على العموم الهزيمة من الموردة منطقية، فلكل الأندية الحق في السعي إلى الفوز والثلاث نقاط، لكن الذي لا نقبله بعض الأخطاء الفنية التي صاحبت هذا اللقاء.
وعقبالكم!
|
Post: #10
Title: Re: الدوري الممتاز: القراقير يصطادون المريخ مرتين!
Author: ALGARADABI
Date: 03-30-2007, 05:52 AM
Parent: #1
يا راكوبة
والله عجبنا الرش للمريخ
لكن ماعجبنا ليك انتا
وزمااااان قلنا ليك انتا شبهنا
والله تقعد تياري لي ناس بهاء ديل الا يفقعو مرارتك زي ما فقعو مرارة مزمل
Quote: كما ظهر الاعياء على لاعبي الفريق القومي خاصة القائد فيصل العجب .
|
ياخي الاعياء ده نحنا شايفنو ليهو 3 سنين بس (عين الرضاء عن كل عيب كليلة)
|
Post: #16
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 08:12 AM
Parent: #10
القردابي
سلامات
الغريبة انو الجهاز الفني مصر على إشراك العجب ومجاهد وعلاء الدين وطمبل رغم الإرهاق الكبير الذي تعرضوا له، ودكة الاحتياطي بها عدد جيد من النجوم يمكن أن يؤدي هذه المباراة، والاستعانة بخبرات هؤلاء النجوم في آخر دقائق المباراة.
إضافة إلى التكتيك الغريب الذي لعب به المدير الفني "اتوفيستر" وضرورة تغير هذه الطريقة قبل ملاقاة فريق "أولمبيك الشلف".
امتلاك منطقة الوسط أمر مهم لأي فريق، ورأينا بالأمس كيف استحوذ لاعبو الموردة على هذه المنطقة، وشكلوا منها هجمات خطرة على المرمى المريخي.
ضرورة لعب بأربعة لاعبين في منطقة الوسط، ومراجعة خطة 4/4/2 والتنبيه على اللاعبين بعدم الجري بالكرة.
في حالات الدفاع المغلق يجب أن يركز المدرب الفني على إيجاد حلول أخرى مثل التسديد أو خلق المخالفات على راس منطقة 18 لأن الكرات الثابتة يمكن أن تحل كثير من الإشكالات.
| Quote: ياخي الاعياء ده نحنا شايفنو ليهو 3 سنين |
الزول ده بعاني من الإعياء 3 سنة وبعمل فيكم كده، لو كان نشيط كان عمل شنو؟!
|
Post: #17
Title: Re: الدوري الممتاز: القراقير يصطادون المريخ مرتين!
Author: محمد سنى دفع الله
Date: 03-30-2007, 08:12 AM
Parent: #10
راكوية
هاردلك
ومحبة وسلام
بس أعرف
حكاية قون بي جاي وقون بي جاي ؟؟؟
واليوم فراق التلاته نقاط
ـــــــــ
برضو لاشمتان لاحاجة!!
|
Post: #18
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 08:18 AM
Parent: #17
فنانا ودالسني
القون البي جاي والقون البي جاي من المكرمة المريخية في آخر لقاء بين المريخ العظيم وودأزرق في نهائي الممتاز.
وأدعو معاي الليلة أولاد الساحل يقوموا بالواجب كما فعلوها في الموسم الماضي
|
Post: #19
Title: Re: الدوري الممتاز: القراقير يصطادون المريخ مرتين!
Author: د.معز عجيمي
Date: 03-30-2007, 09:06 AM
Parent: #18
الاخ راكوبة تحية طيبة
برغم انني هلالبي للنخاع
الا اننني اري ان هزيمة المريخ ليلة امس
هي بدايات لمدرب قدير كاتوفستر لابد منها
فالرجل لازال يختبر الفريق فى لاعبيه وطرق اللعب
فبالامس كانت تشكيلة مختلفة بالاضافة انه لعب فى مراحل عديدة من المبارا بطريقة 4 4 2
وهي طريقة حديثة كما تعلم ويعلم الجميع .. حتى
مدرب الاهلال القدير لم يستطيع الوصول بها مع الفريق الى مرحلة الاتقان والاستقرار الا بعد
فترة زمنية طويلة .. كل ما يحدث فى المريخ من نتائج شيئ متوقع حتى تستقر الامور
وفي خاتمة المطاف نريد ان نستمتع بكورة قدم سواء كانت على المستوى المحلى او على الخارجي
بمنهجية و علمية
وهذا لا يحدث الا اذا تطورت كورة داخل نادي هلال والمريخ الذان بدورهما يمتلكان تاثير مباشر على الجسد الكروي في السودان المتمثل في اندية الدوري الممتاز ومن ثم المتخب السوداني
التطور الذي يحدث في الهلال و المريخ نتوقع منه اننا موعودون بطفرة نوعية في كرة القدم اذا صبر الجميع
|
Post: #20
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 02:34 PM
Parent: #19
د. معز
تحياتي
الرجل موجود من المريخ منذ فترة، وتحديداً منذ نهاية الموسم الماضي، وقاد فترة الاعداد وبداية الدوري الممتاز والمشاركة الأفريقية، ولا يزال يجرب ويختبر وهو الخبير الكروي العالمي.
بالأمس ظهر المدافع المونديالي "أبالو" بصورة سيئة للغاية، وتسبب في الهدف الأول للموردة، على الرغم من أن ركلة الجزاء غير صحيحة إلا أن لاعب الموردة نجح في التحايل على الحكم.
في بعض الأحيان لعب ب442 ثم تتحول فجأة إلى 4-3-3، المريخ مقبل على مباريات حاسمة في البطولة الأفريقية، وأي ارتباك يعني وداع البطولة الأفريقية.
العافية التي بدأت تدب في كرة القدم السودانية واضحة، والفضل يعود بالدرجة الأولى إلى أندية الممتاز التي سعت في استجلاب المحترفين والمدربين والاهتمام بالمنشأت، في انتظار الاهتمام بالقاعدة وخلق فرق شباب رديفة تستطيع أن تكون خير رافد للفريق الأول.
وربنا يهون!
|
Post: #21
Title: Re: الدوري الممتاز: القراقير يصطادون المريخ مرتين!
Author: yasir Abdelgadir
Date: 03-30-2007, 03:10 PM
Parent: #20
راكوبة الاصيل
والله مارضيناها ليك
عايزنك بس تفك الزعل وترجع لينا تاني
|
Post: #22
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 04:50 PM
Parent: #21
مافي زعل يادكتور، وأهي دي الكورة أصلها مدورة يوم تجيب قدام ويوم ورا!
|
Post: #23
Title: Re: الدوري الممتاز: القراقير يصطادون المريخ مرتين!
Author: Abd Alla Elhabib
Date: 03-30-2007, 06:01 PM
Parent: #22
Quote: يا راكوبة
والله عجبنا الرش للمريخ
لكن ماعجبنا ليك انتا
وزمااااان قلنا ليك انتا شبهنا |
|
Post: #24
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-30-2007, 06:10 PM
Parent: #23
أبو العلاء
حتى الابتسامة أصفر وأحمر
|
Post: #25
Title: Re: الدوري الممتاز: القراقير يصطادون المريخ مرتين!
Author: Ahmed Alrayah
Date: 03-31-2007, 00:49 AM
Parent: #1
|
Post: #26
Title: Re: الدوري الممتاز: القراقير يصطادون المريخ مرتين!
Author: hajhamad
Date: 03-31-2007, 06:24 AM
Parent: #25
الأخ راكوية
تحياتي و تحليل منطقي و يا ريت الباقين يرتفعوا لهذه الروح في حالة الهزيمة و يعرفوا التحليل المنطقي لأحداث المباريا.
هارد لك و المريخ عظيم و لكل جواد كبوة.
الحاج حمد
|
Post: #29
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-31-2007, 07:10 AM
Parent: #26
حاج حمد
القول ما قلت .. وكفى
| Quote: و المريخ عظيم و لكل جواد كبوة. |
|
Post: #28
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-31-2007, 07:09 AM
Parent: #25
ودالريح
أوعا بس تكون أنت العملتا (2،12)؟!
|
Post: #27
Title: Re: الدوري الممتاز: القراقير يصطادون المريخ مرتين!
Author: عمر الفاروق
Date: 03-31-2007, 06:52 AM
Parent: #1
نقول بسم الله ويا هادي ونجيك يا راكوبة ..
أول شي وقبل كل شي عايزين نتفق على حاجة :
من هو محرز هدف المريخ ؟؟؟؟
هل هو هيثم طمبل أم مدافع الموردة ؟؟؟؟؟
من وجهة نظري المتواضعة فهدف المريخ أحرزه مدافع الموردة في نفسه وليس هيثم طمبل
هيثم طمبل كان يريد عكس الكرة للاعب المهاجم الاخر(السعودي) ولو تركها المدافع فان الكرة لم تكن في طريقها للمرمى ..
عليه فإن الهدف أحرزه اللاعب الموردابي في مرماه بعد أن عكس إتجاه الكرة تمااااااااااااماً ولكن وكالعادة فإعلام الضلال يريد زيادة اهداف مهاجميه كما فعلوا العام الماضي مع ايداهو ..
وكما راجعوا شريط المباراة سابقاً لإيداهو فنرجو إعادة الشريط للتأكد من هدف المريخ في الموردة ..
عليه فإن الموردة أحرزت الأهداف الثلاثة ..
تاني شي :
تتذكروا الديبة قال ليكم شنو في المباراة الودية لمن غلبتوهو 3-صفر؟؟؟
الديبة قال ليكم يا جماعة انا لعبت مدافع عشان اخدم المريخ وأوريهو كيف القطن حا يلعب وكلمت اللاعبين وقلت ليهم نحن عايزين نخدم المريخ لكن يبدو إنو الإعلام عايز يستهتر بالموردة وعليه موعدي معكم في المباراة الدورية ..
وقد كان !!!
مسمارين زي (العجب) والقونين بي جاي !!!!
تالت شي :
| Quote: كما ظهر الاعياء على لاعبي الفريق القومي خاصة القائد فيصل العجب . |
| Quote: الغريبة انو الجهاز الفني مصر على إشراك العجب ومجاهد وعلاء الدين وطمبل رغم الإرهاق الكبير الذي تعرضوا له، |
امبارح يا راكوبة ظهر الاعياء على (9) من لاعبي الهلال أعمدة الفريق القومي فاكتفوا فقط باربعة أهداف واداء راقي للحد البعيد ومتعة حقيقية ظلّ الهلال يقدمها وبالمجان للجمهور السوداني..
امبارح ظهر الاعياء على هيثم مصطفى فقدم تابلوهات رائعة وشي بالكعب وشي بي المقاس وشي وشويات ..
امبارح كان الاعياء وااااضح على الشبل عمر بخيت فسطّر الميدان يمنة ويسرى على خطى الشهيد وسدد اكثر من ثلاثة كرات من نص الميدان ..
امبارح الاعياء كان واضحاً أكثر على اللاعب حمودة الذي احرز هدفاً يوضح أنه فعلاً منهك ومتعب ..
أمبارح الاعياء كان جليّاً وواضحاً في عمق دفاع الهلال فلم يدع ريتشارد وخالد جوليت لاعبو هلال الساحل ان يحرزوا هدفاً مما دعا المدرب ريكاردو تغيير ريتشارد وادخال مرق الأكثر نشاطاً عسى ولعل ان يحرز الساحل هدفاً ..
أمبارح كان المعز هو الأكثر اعياء وارهاق من كل فصد ضربة راسية وطار لها في الهواء مما يؤكد مقولتك ..
نعم هو الاعياء ولا شئ سوى الاعياء يا راكوبة ..
المريخ اصاب الاعياء ثلاثة فقط من لاعبيه فخسروا من الموردة بمسمارين ..
الهلال عندو تسعة مصابين بي الاعياء فأمتعوا الناس وفازوا بالاربعة ..
يعني لو المريخ كان عندو تسعة مصابين بي الاعياء كانوا أخدو خمسة من فريق السهم الناري برابطة امبدة شمال !!!
غايتو اعياء لعيبة الهلال اريتو اعياء السرور يا يمة ..كدي !!!!!
اعياء زي راجل المرا .... حلو حلا !!
واعياء ناس المريخ يا يمة اعياء التاباني والياباني والصيني والهندي ..
يا راكوبة يا اخوي ابو الهل القلت قون بي جاي وقون بي جاي والموضوع بينتهي ليك كم سنة ما فزت عليهو في البطولة دي ؟؟؟
الكلام ده تقولوا لو ده كأس السودان لكن في الممتاز نحن بنقول ليك قونين في شمال وقونين في جنوب (العرضة - شمال والعرضة جنوب) أو كما يقول اولاد بمبة ..رايح جاي ..
|
Post: #30
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-31-2007, 07:14 AM
Parent: #27
عمر
لاعبوكم ارتاحو يوم زيادة!
بعدين معروف ناديكم ومثبت خارج السودان بتناول المنشطات وماشابه!
والمقارنة بين هلال الساحل والموردة ظالمة للحد البعيد للقراقير.
هلال الساحل تعادلتم معاه الموسم الماضي 2-2 وفي الدورة الثانية فزتم عليه بخماسية.
بينما تطور مستوى القراقير خاصة هذا الموسم، وما المباراة الودية التي جرت قبل ايام والتي لعب فيها منتخب نيجيريا الهلالي إلا دليل واضح على مدى تقدم الموردة، والتي يقودها أيضا مدرب قدير.
نعم الموردة لعبت وفازت واستحقت، وهذا حقها وايضا لا ينقصنا شيء.
وياهلال بورتسودان من شابه أباه ما ظلم.. بس ظلمنا
|
Post: #31
Title: Re: الدوري الممتاز: القراقير يصطادون المريخ مرتين!
Author: Ahmed Alrayah
Date: 03-31-2007, 07:20 AM
Parent: #1
| Quote: نعم هو الاعياء ولا شئ سوى الاعياء يا راكوبة |
ملاحظة سليمة يا عمر الفاروق...
من اللاعبين القوميين:
- لعب مع المريخ أمام الموردة فيصل العجب وسفاري وهيثم طمبل
ومجاهد الذي كان أفضل لاعبي المريخ أما علاء الدين بابكر فلم
يبدأ مباراة الفريق القومي ولم يكمل مباراة المريخ.
- أما الهلال فقد لعب له أمام هلال الساحل المعز وريتشارد وجوليت
وعمر بخيت وحمودة وهيثم مصطفى بينما أراح مدربه علاء الدين
جبريل ولم يلعب علاء الدين يوسف الموقوف ولم يشعر بغيابهما
أحد.
المريخ يمكنه أن ينتصر على الموردة وغيرها لكنه -بصراحة-
فريق بلا هيبة هذه الأيام: لا تشكيلة ثابتة ولا أسلوب مميز ولا
قائد في الميدان ولا ثقة من الجماهير في اللاعبين ولا إعلام
واعي يمدح بقدر معقول.
|
Post: #32
Title: الدوري الممتاز: القراقير يصطادون المريخ مرتين!
Author: الفاتح خليل الفكي
Date: 03-31-2007, 07:25 AM
Parent: #1
الأخ / راكوبة
سلام واحترام ،،،
كفارة ليكم هذه الخسارة وفقد الثلاثة نقاط
عجبنا فوز القراقير على المريخ
وقد اثبتت هذه المباراة ان المدرب القدير الديبة مدرب ممتاز بحق وحقيقة
فقد استطاع بخبرته وتغيراته الممتازة كسب نتيجة المبارة .
التحية للمدرب الديبة
والف مبروك للقراقير وهاردلك للمريخ
والف مبروك فوز هلال العزة هلال الملايين في مباراة الامس
تحياتي لك ولكل الإخوة المتداخلين ،،،،
أبو كريم
|
Post: #33
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-31-2007, 07:57 AM
Parent: #32
ابوكريم
سلامات
الديبة مدرب خبير ويشهد له الجميع خصومه قبل أصدقائه، ولكن ساعده أيضا لاعبو المريخ والتكتيك الذي لعب به المدرب أتوفيستر.
على العموم الهزيمة جاءت في وقتها قبل المغادرة للجزائر، وإن شاء الله يستفيد منها الجهاز الفني لتصحيح الأوضاع.
|
Post: #34
Title: Re: الدوري الممتاز: القراقير يصطادون المريخ مرتين!
Author: الصادق صديق سلمان
Date: 03-31-2007, 09:06 AM
Parent: #1
الأخ أبومصطفى
والله ماعارف أقول ليك شنو
هاردلكم
الهلال هو هلال الملايين يا عزيزي راكوبة
الموج الأزرق متدفق وسيتدفق إنشاء الله في
الخريف القادم على السودان وسيملآه فرحة
أبوفتحية
|
Post: #35
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-31-2007, 09:31 AM
Parent: #34
ابوفتحية
| Quote: وسيتدفق إنشاء الله في الخريف القادم على السودان |
الله يكافينا شر الخور ده!
|
Post: #36
Title: Re: الدوري الممتاز: القراقير يصطادون المريخ مرتين!
Author: أبو الحسين
Date: 03-31-2007, 09:41 AM
Parent: #1
ألف مبروك قراقيرنا...
وهارد لكم إخوتنا المريخاب...
والجاتكم في الإتنين سامحتكم...
مودتي...
أبو الحســـــــــــــين...
|
Post: #37
Title: Re: الدوري الممتاز: القراقير يصطادون المريخ مرتين!
Author: عمر الفاروق
Date: 03-31-2007, 10:31 AM
Parent: #1
يا راكوبة ما قلت لي
قوون المريخ الجابو منو ؟
|
Post: #38
Title: Re: الدوري الممتاز: القراقير يصطادون المريخ مرتين!
Author: ناجى أحمد البشير
Date: 03-31-2007, 11:29 AM
Parent: #37
أول شىء يا راكوبة منو القال الشماته كعبه .. الشماته فى الزيكم حلوة ولها طعم خاص..
واطالبك بتغيير اسمك من راكوبة الى ملصسشى .. لاننا عايزين نخصص هذا الاسم لبهاء
الدين وبالتالى عليك تبديل اسمك من راكوبة الى ملصسشى ..
|
Post: #39
Title: Re: الدوري الممتاز: القراقير يصطادون المريخ مرتين!
Author: عامر تيتاوى
Date: 03-31-2007, 06:58 PM
Parent: #38
ياناجى ياخوى بهاء شبكو ملصكو ملصكو
لما قام مسك فى كراع هنو بتاع الموردة
وقال حرم مافاكيهالحدى ماجرقندى حسب البلنتى
وبعدما كان ملصكو بقى مسكو
ياراكوبة .. ابالو كيف ؟
|
Post: #40
Title: Re: الدوري الممتاز: القراقير يصطادون المريخ مرتين!
Author: Rakoba
Date: 03-31-2007, 09:14 PM
Parent: #39
ابوالتيت
ركلة الجزاء من خيال الفاضل أبوشنب وبس، بهاء الدين لم يمسك بقدم المهاجم هنو على الإطلاق، وكان واجباً على الحكم إشهار البطاقة الصفراء للمهاجم للتمثيل، والإعادة البطيئة أوضحت عدم وجود ركلة جزاء.
وابالو بالغ والله!
|
Post: #41
Title: Re: الدوري الممتاز: القراقير يصطادون المريخ مرتين!
Author: ودرملية
Date: 03-31-2007, 11:49 PM
Parent: #40
سلامات
وعوافي
يا راكوبة الكلام دا كان متين ..
بي صراحة كدا ومن غير زعل ...
ياخي مرييييييييييييخ شنو ..
الموضوع دا ما حسمناهو زمان قلنا ليك تعال بنديك كرسي ناصية في استاد الهلال ..
لكن بالجد المريخ حالتو تحنن "او كما قال العجيمي في بطانة حديثه"
بالمناسبة ياشاب مشتاقين وكدا ..
احبك يا هلال العظماء يامجد الكرة ويا صانع الافراح
وهاردلك حبيبنا الغالي راكوبة وربنا يرفع اقدام هدافينكم ويسد قدود مدافعنكم "قول امين وفي سرك عشان ما يسمعوك"
|
Post: #42
Title: Re: الدوري الممتاز: القراقير يصطادون المريخ مرتين!
Author: Rakoba
Date: 04-01-2007, 07:18 AM
Parent: #41
ودرملية الحبيب
حد يشعر بالسعادة يمشي يختار الزريبة!
| Quote: وربنا يرفع اقدام هدافينكم ويسد قدود مدافعنكم "قول امين |
آمين بأعلى حسي ومعاها دعوة تجيبوا "كويس" قبل ما الكورة تنتهي في الدنيا ونقلب على السلة!
|
Post: #43
Title: Re: الدوري الممتاز: القراقير يصطادون المريخ مرتين!
Author: محمد عمر الفكي
Date: 04-01-2007, 08:18 AM
الاخ راكوبة
هذه "الجنائز" لا تحتاج الا لمن يدفنها فقط دون غسل او صلاة، وهذه "الراكوبة" المسماة "ابالوا" لا تصمد امام رشة مطر ناهيك عن "شعفوفة"
تعرف يا راكوبة انا يوم كورة المريخ من الساعة ثلاثة بمشي انا واصحابي امواج ونتغدي هناك بمبلغ وقدره ثم نذهب الي الاستاد ونخش مقصورة في المباريات الدورية والودية يعني الواحد بخسر في كل مباراة للمريخ ما يقارب المية الف عشان يرجع بوجع قلب وحسه رايح من الهتاف مع او ضد لعيبة دراويش وكنبة مدربين سكرانين.
اللهم كما خلصتني من السجائر خلصني من تشجيع وجع القلب المسمي المريخ وعلي الطلاق طلاق تلاتة ما اخش كورة للمريخ الا بعد ان ينصلح الحال ويجيبوا لعيبة يقدروا مشاعر الناس البتسيب اعمالها واشغالها وتقتطع من حر مالها عشان ياكلوا هم، ياكلوا السم اليقطع مصارينهم. قرف
|
Post: #44
Title: Re: الدوري الممتاز: القراقير يصطادون المريخ مرتين!
Author: ناجى أحمد البشير
Date: 04-01-2007, 09:38 AM
Parent: #40
طيب وبتاعت أهلى مدنى فى بداية الدورى قبل دق القطن فى تشاد كانت شنو ؟؟؟؟
|
Post: #45
Title: Re: الدوري الممتاز: القراقير يصطادون المريخ مرتين!
Author: عمر الفاروق
Date: 04-01-2007, 09:54 AM
Parent: #1
يا جماعة افتونا :
الجاب قوووووووون المريخ منوووووووووووووووووو؟؟؟
حضرت لي اكتر من جغلومية كورة في الدوري الانجليزي المخرجين بيعرفوا كورة احسن من حكامنا..
كورة زي كورة طمبل دي المخرج طوالي بيكتبا هدف ضد اللاعب في مرماه لأنو اللاعب غير مسار الكورة تمااااااااااااااااماً ..
فهل القون اتحسب لي طمبل؟؟
|
Post: #46
Title: Re: الدوري الممتاز: القراقير يصطادون المريخ مرتين!
Author: عامر تيتاوى
Date: 04-01-2007, 01:49 PM
Parent: #45
ياراكوبة الزريبة
ولا التخشيبة .. طوالى حابسين
لعبيتكم بعد المباريات بالساعات فى الرد غسل
وبرضو ..
مادايرين بهاء الدين
|
Post: #47
Title: Re: الدوري الممتاز: القراقير يصطادون المريخ مرتين!
Author: عامر تيتاوى
Date: 04-01-2007, 02:05 PM
Parent: #46
" target="_blank">[url=http://www.sudaneseonline.com/][/URL]
يا جماعة بلاهى شوفوا كلتشينا ده
شبال صاح من هنا للساحل
ياعمر الفاروق القون كده يابلاش
ولا ما كده ياشباب
وين ابالو الهنو امالو
|
|
