Post: #1
Title: الدوري الممتاز: المريخ يسيطر على الميناء من جديد والهلال يغمر مريخ الثغر بسداسية
Author: Rakoba
Date: 05-14-2007, 08:02 PM
Parent: #0
حققا فريقا القمة المريخ والهلال انتصارين مهمين مساء اليوم في إطار مباريات الدوري الممتاز السوداني لكرة القدم، حيث انتصر المريخ خارج أرضه على هلال الساحل بهدفين مقابل لاشيء أحرزهما نجم فريق المريخ هيثم طمبل، ليعتلي عبر هذين الهدفين صدارة قائمة هدافي الدوري الممتاز.
أدى فريق المريخ مباراة جيدة تعتبر خير استعداد لمباراة الشباب التنزاني في البطولة الكونفيدرالية، وذلك نسبة للأداء الجيد والجاد من فريق هلال بورتسودان.
وفي أمدرمان أمطر فريق الهلال شباك منافسه مريخ الثغر بنصف دستة من الأهداف مقابل هدف يتيم، في مباراة من جانب واحد ، سيطر من خلالها فريق الهلال على كل مجريات اللعب وتبادل لاعبوه في إحراز الأهداف التي افتتحها في الدقيقة الرابعة المحترف النيجري "قودوين" ويعادل "عبدالهادي" لمريخ بورتسودان ، ثم يعود معتز كبير ليفتتح مهرجان الأهداف ويتبعه سيف مساوي ثم ريتشارد في الدقيقة32 ثم مهند الطاهر في الدقيقة 39 ثم قودوين في الدقيقة41 من جديد.
وبهذه النتائج أرتفع رصيد المريخ إلى 25 نقطة ، والهلال إلى 28 نقطة في صدارة المنافسة.
وتبقت مباراتان من الدورة الأولى للدوري الممتاز سوف تلعبان في السادس من يونيو بعد مباريات الفريق القومي، وسوف تجمع المريخ بالميرغني كسلا في كسلا، والهلال بالأهلي مدني في مدني.
|
Post: #3
Title: Re: الدوري الممتاز: المريخ يسيطر على الميناء من جديد والهلال يغمر مريخ الثغر بسداسية
Author: خالد عبد الله محمود
Date: 05-14-2007, 08:23 PM
Parent: #1
راكوبة الوصيف
ياخ ولدكم خالد أحمد المصطفي دة كلموه و أنصحوه قولوا ليهو مافي داعي تثير غضب الهلال يعني أسه كان معزز مكرم رجع بوتسودان بقون واحد و يا دار ما دخلك شر يعني عايز يعمل عملية لويس هريننادز في فرانك ريكارد أمبارح؟؟ ده عشم إبليس في الجنة!! بعدين هو الوصيف الكبير ذاتو العارفين فيهو ببواطن الأمور ختوا إيدهم في قلبهم لمن الزومة جاب ليهو هدف أستروبيا كدة و الجماعة كلهم قعدوا يتجاروا للوالي عشان يكلم عديله إنهم يتعادلوا و بس طبعاً عشان داخلين دوري كونفدرالية و كدة و نحن طبعاً ناس وطنيين مش زيكم فأكتفينا بهدف واحد لكن أهو براكم شفتوا الكان حيحصل لولا توسلات الوالي للأرباب.
عموما أنتو فعلاً في الطريق الصحيح كونوا غلبتوا هلال بورتسودان دي براها محمده تستحق الإحتفالات و ألف مبروك.. أها محتفلين وين؟ في الصدأ؟
خالد
|
Post: #4
Title: Re: الدوري الممتاز: المريخ يسيطر على الميناء من جديد والهلال يغمر مريخ الثغر بسداسية
Author: motaz
Date: 05-14-2007, 08:48 PM
Parent: #3
رغم اني دايما ما بشوف الاهداف في الموقع ده لكن هاك الرابط
احتمال يكون عندي مشكله في الكمبيوتر ولا كدا.. علي كل خذها
http://www.sudangates.com/SportGate/matchditels.php?mno=30
|
Post: #5
Title: Re: الدوري الممتاز: المريخ يسيطر على الميناء من جديد والهلال يغمر مريخ الثغر بسداسية
Author: شهاب الفاتح عثمان
Date: 05-14-2007, 08:54 PM
Parent: #4
\
مريخ صعب ضد التعب
|
Post: #6
Title: Re: الدوري الممتاز: المريخ يسيطر على الميناء من جديد والهلال يغمر مريخ الثغر بسداسية
Author: yasir Abdelgadir
Date: 05-14-2007, 10:17 PM
ياراكوبة للمرة المليون البطل بيجيبوهو قبل الوصيف...ودائما الهلال قبل المريخ من ما شفنا الدنيا...اوعي تكون بس فقدت المتطق
|
Post: #7
Title: Re: الدوري الممتاز: المريخ يسيطر على الميناء من جديد والهلال يغمر مريخ الثغر بسداسية
Author: شهاب الفاتح عثمان
Date: 05-15-2007, 03:58 PM
Parent: #6
ميعادنا مع الشباب السبت اليس السبت بقريب
بسم الله وعليه توكلنا
|
Post: #8
Title: Re: الدوري الممتاز: المريخ يسيطر على الميناء من جديد والهلال يغمر مريخ الثغر بسداسية
Author: yasir Abdelgadir
Date: 05-15-2007, 11:22 PM
Parent: #6
المريخ للعام الخامس علي التوالي وما زال وصيفا...ودا رقم قياسي جديد...يعني لا اتوبفيستر نفع ولا طمبل نفع ولا عواجيز المحترفين نفعوا...طيب مادام هي اصلها وصافة وصافة طيب ما كان تبقوا علي جمال ابوعنجة...وتبقي وصافة السرور...لكن ناس المريخ عايزنها تبقي ميتةو وخراب ديار
وبرضو معاكم ضد الشباب التنزاني
|
|