Post: #1
Title: ما هو مفهوم الشرف في السودان ؟
Author: برير اسماعيل يوسف
Date: 11-25-2006, 12:44 PM
ماذا يعني العديد من الناس في السودان عندما يقولون لبعضهم البعض ان فلان هذا زول شريف؟
هل حقا يربط الناس مفهوم الشرف تحت سروايل و فراعي بعضهم البعض ؟ ام ان للشرف معان و مضامين كثيرة في السودان شرقا و غربا و جنوبا و شمالا؟
هل (الدولة السودانية) دولة شريفة بالمعني الواسع لمفهوم الشرف؟
|
Post: #2
Title: Re: ما هو مفهوم الشرف في السودان ؟
Author: د/عزيز اوري
Date: 11-25-2006, 12:56 PM
Parent: #1
| Quote: هل (الدولة السودانية) دولة شريفة بالمعني الواسع لمفهوم الشرف؟ |
هناك فرق بين الدولة وحاكم الدولة فالدولة السودانية شريفة ولكن حكام السودان
غير ذلك وشوهوا صورة السودان فالتبقي الدولة السودانية وليذهب حكام الانقاذ الي
الجحيم
|
Post: #3
Title: Re: ما هو مفهوم الشرف في السودان ؟
Author: برير اسماعيل يوسف
Date: 11-26-2006, 11:01 AM
Parent: #2
عزيزنا/ عزيز
طبعا مافي شك هنالك فرق بين الدولة و بين من هم علي سدة السلطة... لذلك تجدني وضعتها بين الاقواس بهدف ان الدولة هنا تعني من هم علي كراسي السلطة عبر العصور؟ يعني دولة السلطة.
يا ريت تجادعنا في بقية الموضوع ... متحدثا عن مفهوم الشرف؟
|
Post: #4
Title: Re: ما هو مفهوم الشرف في السودان ؟
Author: هشام هباني
Date: 11-26-2006, 11:39 AM
Parent: #3
[B] العزيز الشريف جدا جداالبرير
سلامات
يا عزيزي حسب اجتهاد المفتقر لله ودهباني التكاسي الشرف معيار قيمي تستخدم فيه الاخلاق وحدة معيارية وبناء عليها نقيس المواقف والمباديء شريفةوغير شريفة بقربها وبعدها من المثال او القيمة الاخلاقية وبالتالي صاحب تلكم المواقف والتصرفات ينسحب عليه التقييم ليبدو شريفا اوغير ذلك!!
فالرجل الذي يسكت عن قولة الحق.. جبنا او نفاقا فانه هنا اختل لديه الميزان الاخلاقي
وذلك لنكوصه عن دعم الحق والدفاع عنه وهي قيمة اخلاقية كبيرة جدا... وهنا هذا الشخص بما لا يدع مجالا للشك فهو ناقص اخلاق اي غير شريف ( جردل) وعلي ذلك قس بقية المواقف وعليها قيم اصحابها! وقد جاء النبي (ص) متمما لمكارم الاخلاق.. عندما كانت ناقصة في مكة الجاهلية و(اشراف) مكة من كفار قريش بذات المعيار الراهن ليسوا اشرافا لانهم كانوا ناقصي اخلاق ولذلك جاء محمد متمما لاخلاقهم...
واما الامر له ايضا علاقة بما تحت السراويل فالتفريط في السراويل ناتج عن مجانبة العفة والفضيلة..من خلال استهتار اصحابها وهم ينجرون وراء غرائزهم ويحيدون عن القيم والاخلاق وبالتالي صاروا غير اخلاقيين اي غير شرفاء والله ورسوله اعلم!!
سندة: شفت اخر زمن حتى التكاسة بقوا مثقفاتية ومنظراتية وما في زول احسن من زول!
(الناس في العروض ما بقيسوها بتيبانها..............تم الباقي!!
محبتي واحترامي
هشام
|
Post: #5
Title: Re: ما هو مفهوم الشرف في السودان ؟
Author: برير اسماعيل يوسف
Date: 11-26-2006, 06:32 PM
Parent: #4
هباني البراني
اليك من سجن العنبة سلام و احترام ...
الجرن بدقوه اهله... اي و الله.
نحن عايزين رأي الناس في مسألة مفهوم الشرف في السودان ... الشغلانية دي جايطة بالطريقة الشايفنها قدامنا دي.
|
|