مرحباً مولانا خالد جادين

مرحباً مولانا خالد جادين


01-31-2009, 09:50 AM


  » http://sudaneseonline.com/cgi-bin/sdb/2bb.cgi?seq=msg&board=342&msg=1240622249&rn=0

Post: #1
Title: مرحباً مولانا خالد جادين
Author: زهير الزناتي
Date: 01-31-2009, 09:50 AM

نرحب بمولاناخالد جادين عضو الحركة الشعبية لتحرير السودان
ورئيس كتلة نواب الحركة بالمجلس التشريعي لولاية الخرطوم
وعضو اللجنة القومية للدستور
والقاضي بالمحكمة العليا السابق بالجنوب ...
وضابط المدفعية والمقاتل الشرس منذ بواكير تسعينات القرن الماضي
بالجيش الشعبي لتحرير السودان ...
وخريج جامعة القاهرة فرع الخرطوم السابقة

مرحباً به إضافية نوعية للمنبر ....
Post: #2
Title: Re: مرحباً مولانا خالد جادين
Author: زهير الزناتي
Date: 01-31-2009, 09:57 AM
Parent: #1

مولانا خالد جادين إضافة حقيقية للمنبر
ولديه الكثير والكثير ليطرحه لنا ،،،
كما أن موقعه الرسمي يجلعنا نفتح كثير
من النيران والإتهامات والتساؤلات علنا
نجد لها إجابات لدي مولانا ....
Post: #3
Title: Re: مرحباً مولانا خالد جادين
Author: حيدر حسن ميرغني
Date: 01-31-2009, 09:59 AM
Parent: #1

يسعدني اكون اول المرحبين بالاخ خالد

وشكرا يازهير
Post: #4
Title: Re: مرحباً مولانا خالد جادين
Author: زهير الزناتي
Date: 01-31-2009, 10:08 AM
Parent: #3

شكراً يا حيدر علي الترحيب
ومولانا علي المستوي الإنساني
شخص في غاية التهذيب كحال جميع آل جادين
ومن الذين يتركوا بصمة في دواخلك مجرد أن تلتقيهم ...
Post: #5
Title: Re: مرحباً مولانا خالد جادين
Author: salah elamin
Date: 01-31-2009, 11:52 AM
Parent: #4


مولانا علي المستوي الإنساني
شخص في غاية التهذيب كحال جميع آل جادين
ومن الذين يتركوا بصمة في دواخلك مجرد أن تلتقيهم :


Salam Azeem Ya Comrade.
Post: #6
Title: Re: مرحباً مولانا خالد جادين
Author: عبدالكريم الامين احمد
Date: 01-31-2009, 11:56 AM
Parent: #5

مرحب ونرحب يا زهير بمولانا خالد
ومرحب بيهو كثير في سودانيزاونلاين
وهي فرصة نتعرف الي هذا الرجل الصنديد الذي سمعنا عن الكثير..
والف مرحب
ومع تحياتي الحارة للاخ مبارك جادين
Post: #8
Title: Re: مرحباً مولانا خالد جادين
Author: خالد جادين
Date: 01-31-2009, 03:55 PM
Parent: #6

عبد الكريم الامين شكرا ، املى ان نلتقى قريبا
ايها الرائع .
Post: #7
Title: Re: مرحباً مولانا خالد جادين
Author: خالد جادين
Date: 01-31-2009, 03:51 PM
Parent: #3

زهير زينناتي، حيدر ميرغني، صلاح الامين لكم التحية الود
والاحترام. شرفتوني بالانضمام لهذا المنبر الحر الصرح فى
محاولتنا جميعا لاحداث تحول ديمقراطي حقيقى. اعدكم بالكثير
من خلال حوار مع جميع ابناء هذا الوطن علنا نجعله يوما ما اكثر
استيعابا لنا جميعا

خالص ودي
خالد جادين
Post: #9
Title: Re: مرحباً مولانا خالد جادين
Author: خالد جادين
Date: 01-31-2009, 04:20 PM
Parent: #3

حيدر ، شرفنى كونك اول من رحب بي .
فالنتواصل .
التجلة لكم .
Post: #10
Title: Re: مرحباً مولانا خالد جادين
Author: جلال عثمان
Date: 01-31-2009, 04:29 PM
Parent: #9

مرحب بيك ياخالد
والتحية عبركم للدفعة مبارك جادين
Post: #11
Title: Re: مرحباً مولانا خالد جادين
Author: عبّاس الوسيلة عبّاس
Date: 01-31-2009, 07:06 PM
Parent: #10

ألف مرحب بالأستاذ خالد جادين فقد سمعنا الكثير عن مسيرته الحافلة بالعطاء والتجرد وإحترام الآخر. ننتظر منه الأدبي والسياسي لخلق أفق جديد.
Post: #12
Title: Re: مرحباً مولانا خالد جادين
Author: مبارك جادين
Date: 01-31-2009, 07:42 PM
Parent: #10

التحايا القلبية لزهير الزناتي على البوست
الف مرحب بالبنج مولانا خالد العائد قبل يوم من ابيي
التحايا عبر بوستك يا زهير الي صلاح الامين ونقول ليك مبروك المؤتمر اليوم داك عاد ما بكينا بكى انا واخوي الكاشف زهير
طبعا انا حنينا لمكان كان لي فيه زكربات جميلة وولاء لناس عشت معهم وعرفت كم يحبون الوطن المليون ميل (عم التجاني الطيب او عمك كما يحلو لنا -الشفيع خضر -هاشم ودراوي - والمرحوم عبدالرحمن عبدالله-...الخ...)

يا زهير حاتم جبارة الان في الخرطوم وقد كان في استقباله جنابو محمد صديق ومحمد حسن البرلوم


شكرا يا صديقي حيدر واليابان كيف التحايا للمدام والبنات
ياود دفعتي جلال شكرا على المرور
عبد الكريم الامين دايرين مولانا يحكي لينا من الخروج في الثمانينات حتى قانون الشرطة


مرحب مرة اخرى بالبنج خالدجادبن
Post: #13
Title: Re: مرحباً مولانا خالد جادين
Author: زهير الزناتي
Date: 02-01-2009, 10:42 AM
Parent: #12

صلاح الأمين تعال أحكي لينا عن التعلمجي خالد جادين ..
Post: #14
Title: Re: مرحباً مولانا خالد جادين
Author: salah elamin
Date: 02-01-2009, 11:55 AM
Parent: #13






زهير الزناتي يا ملكي
البنج الكبير زي خالد بيكون استقباله بسلام عظيم سلاح
مش بطريقة الملكية .
فخالد رغم رقته وتهديبه العالي جدا على طريقة كل ال جادين الا انه
في الميدان غتيت جدا وبتغابى فيك العرفة خاصة لو كنت من اصحابه
زييى وزي طارق مهدي وعادل القصاص .

يا اخي مرة في التدريب كان خالد بدربنا في كيفية القيام بغارات مقاجأة
فسألنا : طيب يا مستجدين الناس البعملوا الغارات ديل مفروض يكونوا
كيف؟
فرد عادل القصاص بطريقة المثقفاتية : مفروض يكونوا متعددي المواهب والمهارات .فما كان من خالد جادين الا ان طلب من عادل ان يشرح له يعني شنو متعددي المواهب والمهارات
زي كم مرة . في اشارة لعادل بان لا يستعمل تاني العبارات بتاعت المثقفين
لان عادل مجرد مستجد وبس ..
ومن اليوم داك صاحبنا عادل بطل الشلاقة وكلام المثقفاتية.


سلام للصديق مبارك جادين ومبروك الخامس
فاتني حضوره ... لكن الله في
ان شاءالله حاحضر السادس والسابع .


مرحبا مرة اخرى بصديقنا طارق جادين الشهير بخالد جادين
وسلام عظيم سلاح يا كمرد .
Post: #15
Title: Re: مرحباً مولانا خالد جادين
Author: اسامة الكاشف
Date: 02-01-2009, 12:36 PM
Parent: #14

ألف مرحب بي مولانا خالد جادين
وإن شاء الله المقام يطيب ليه بيننا
خش يا مولانا بي كراعك اليمين
ومستنين بوستاتك بس ما تتأخر علينا
Post: #16
Title: Re: مرحباً مولانا خالد جادين
Author: زهير الزناتي
Date: 02-03-2009, 07:01 AM
Parent: #15

كل المرحبين ،،،،

شكراً علي الترحيب بمولانا خالد جادين

والآن المكرفون معه في كلمة (بتاعت اللغة ما بتاعت المعسكرات)
Post: #17
Title: Re: مرحباً مولانا خالد جادين
Author: Mahassin Ibrahim
Date: 02-03-2009, 10:52 AM
Parent: #16

Welcome & great Welcome & by other Sudanese friendly language ( ya marhabba),
Thanks Zuhair for your following & welcoming for our friend Khalid link to the great forum Sudaneseonline.
Khalid as to my knowledge is a big valuable to whole; our beloved country, our people & to whom they concerned.
it's nice to hear from him & still waiting to write for us .
Post: #18
Title: Re: مرحباً مولانا خالد جادين
Author: عصام دهب
Date: 02-03-2009, 11:45 AM
Parent: #17

مرحبتين حباب مولانا ..


وأولاد جادين دايماً بيسروا العين ..


و كلنا شوق لأن يحدثنا مولانا عن تجربته النضالية في الحركة و الجيش الشعبي ..


و شكراً يا زهير ..
Post: #19
Title: مرحباً مولانا خالد جادين
Author: Elbagir Osman
Date: 02-03-2009, 01:54 PM
Parent: #1

مرحباً مولانا خالد جادين

يضم المنبر الآن قياديين من الحركة الشعبية

والحزب الشيوعي

وحق

والليبرالي

والمؤتمر الوطني (تحت أسماء مستعارة)

وكتاب من الأمة

والإتحادي

وتنظيمات دارفور

والنوبيين

والنساء

والطلاب


إذا يمكننا أن ندير حوارا متقدما

أرقي مما يتيحه البرلمان الصوري



الباقر موسى
Post: #20
Title: Re: مرحباً مولانا خالد جادين
Author: مصطفي سري
Date: 02-03-2009, 02:43 PM
Parent: #19

انت يا زهير الظاهر ما حضرت طابور الصباح
الكوماندر خالد جادين دخل في بوست للزميلة لنا مهدي قبل اربعة ايام وانا مشيت دقيت كراع هناك - تعظيم سلام- عشان هو
بعاين للحضور ، وكتبنا عن قبيلة التوبسا ، ورفعنا البوست مرتين وتاني بنرفعو
شكراً يا زهير للكبكبة للكوماندر وطبعا صلاح الامين يفوتك في دي واخوهو برضو كيكي جرى عشان الخير بيعم والشر بخص
وخايف على اخوهو ، وياريت عادل القصاص الزول الجميل يجي بهنا ، وكوماندر بقة برضو ...
تمام يا خالد ولينا كلام ممكن ترسل الايميل بتاعك بواسطة ايميل مبارك جادين - ويا مبارك راجع ايميلك ضروري-
ومرحب بالقائد مولانا خالد جادين
Post: #21
Title: Re: مرحباً مولانا خالد جادين
Author: زهير الزناتي
Date: 02-04-2009, 07:39 AM
Parent: #20

يا سري يا بوليس يا سري ودي نكتة أو طرفة عملوها ناس الأصدقاء
في الثمانينات ، كانت عاجبه صاحبك صلاح الأمين خلي يحكيها ليك
بعدين يا مصطفي عليك الله الكبكبة ما أخير من البطاقة الفي الجيب الورا
الله يجازي محنك ، ومتابع البوست التاني متابعة لصيقة وبجيكم بهناك
اعمل ليكم فيها واعظ بكامل هدومه أصلو لاقي فيكم فرصة

ملحوظة : بعدين البوست دا تركنا أمر الرد فيه لصاحب الشأن مولانا
الكلام دا يا مصطفي عشان الناس ما يقولوا الزول دا رد علي مصطفي
بس عشان قاعد في لندن ....

شكراً يا حبيب علي المرور اللطيف ...
Post: #22
Title: Re: مرحباً مولانا خالد جادين
Author: NEWSUDANI
Date: 02-04-2009, 08:09 AM
Parent: #21

مليون مرحب بمولانا خالد جادين

والتحية لآل جادين المناضلين الصامتين ،،التحية لصديقي مبارك


وين يا سري ؟؟ من ديك وعيك ؟؟
Post: #23
Title: Re: مرحباً مولانا خالد جادين
Author: العوض المسلمي
Date: 02-04-2009, 08:59 AM
Parent: #22

شكرا الزناتي وانت تبشرنا بمولانا خالد

حبابك وحباب خالد
Post: #24
Title: Re: مرحباً مولانا خالد جادين
Author: زهير الزناتي
Date: 02-05-2009, 06:15 AM
Parent: #23

لا زال طابور الصباح
في إنتظار التعلمجي خالد جادين
ولا زالت الاسافير تنتظر كتاباته ...