Post: #1
Title: الي طارق الامين....وكل اهلنا الطيبين
Author: د.رشا عجيب
Date: 08-04-2010, 10:18 PM
Parent: #0
ازيكم يا اهلنا.....
كدي بالراااااحة ....وواحدة واحدة....
انتو عمايل النظام العام دي ما كنتو عارفنها من زمااااااان؟
يعني جديدة عليكم؟
لو الاجابة نعم....تبقي دي كاااارثة
لانو الشعب السوداني دا كللللللللو (الا من رحم ربي )اكتوي بنيران النظام المشبوه دا....
اصلا هو وسيلة ابتدعها اهل السلطة القائمة في السودان لاذلال الشعب الغلبان دا....
وما غريب عليكم انو يعمل اكتر من كدا....في اي زول او اي كيان....ما بيعرف يعني شنو بيت الفنون او غيرو.....لانو ببساطة يفتقد لكل مقومات التاهيل عشان يبقي قدر اسمو(نظام عام)....
هم عبارة عن مجموعة من الوليدات الصغار....اغلبهم ما مكملين تعليمهم....
دربوهم علي الاسلحة....وقالوا ليهم يالله امشو ادبو الناس....خصوصا النسوان ديل ادبوهم تماااام...
بغض النظر عن القوانين البتعرف ليهم(بكسر الراء وتشديدها) الادب دا شنو...وقلة الادب شنو....!!!!!
عشان كدا يا جماعة....(وعسي ان تكرهوا شيئا وهو خير لكم وعسي ان تحبوا شيئا وهو شر لكم والله يعلم وانتم لا تعلمون)صدق الله العظيم....
دعونا ننظر للجانب المشرق في هذه القضية....اعتقد انها بداية سقوط هذا النظام او الامن او ايا من هذه المسميات.....
ما فعلوه ببيت الفنون قد فتح علي انفسهم باب لن يستطيعون الصمود امام ريحه كثيرا....هذا في اعتقادي الشخصي....
فالقادم احلي باذن الله.....بلد حر ومتعافي من اي عقد اسمها نظام ولا امن ولا غيرو باذن الله
ال نظام عام ال.....
احترامي
رشا
|
Post: #2
Title: Re: الي طارق الامين....وكل اهلنا الطيبين
Author: معاوية عبيد الصائم
Date: 08-05-2010, 00:02 AM
Parent: #1
شكرا رشا
up
|
Post: #3
Title: Re: الي طارق الامين....وكل اهلنا الطيبين
Author: طارق الأمين
Date: 08-05-2010, 00:26 AM
Parent: #2
النقول يادوبك سمعنا
اها
سمعنا هسع
ومرقنا هسع
بعد ماسمعنا طوالي
اها
المشكله وين وشنو؟؟؟؟؟؟؟؟؟
|
Post: #6
Title: Re: الي طارق الامين....وكل اهلنا الطيبين
Author: د.رشا عجيب
Date: 08-05-2010, 04:09 AM
Parent: #3
قال طارق الامين
النقول يادوبك سمعنا
اها
سمعنا هسع
ومرقنا هسع
بعد ماسمعنا طوالي
اها
المشكله وين وشنو؟؟؟؟؟؟؟؟؟
سلام يا استاذ
القال ليك منو انو في مشكلة؟
انت فهمت كدا من كلامي.....!؟
طيب نوضح تااااني.....
اولا:البركة في السمع والمرقة.....نحمدو ونشكرو انو الناس سمعت حتي لو بعد عشرين سنة برضو خير وبركة
ثانيا:ما حدث ببيت الفنون ليس بشئ جديد.....نقدر نقول انو عبارة عن حكاية متكررة لقصة الحاج ود عجبنا(رحمك الله مصطفي سيداحمد بقدر ما قدمت)....يعني ما في داعي للدهشة...لانها حصلت كتييييييير قبل كدة
ثالثا:انا شخصيا مندهشة للتحرك الايجابي دا لانو اتاخر.....لكن برضو مبسوطة(الكحة ولا صمة
الخشم)....ودا راي شخصي يحتمل التصويب من اهل الدراية والعلم والتجربة....
رابعا:بما انو حادثة بيت الفنون وحدت الرؤية تجاه هذا الكيان المسمي نظام عام....حقو نقعد ونتناقش عن كيفية التصدي لهذا النظام....الموضوع ما ساهل ومحتاج دراسة كويسة عشان تحل المسالة جذريا....يعني حاجة ليها عشرين سنة تفتكرو بسهولة ابادتها بين يوم وليلة؟ عشان ما نبقي ناس شايلانا الهاشمية في لحظة الحارة وبعداك القصة تبقي رماد...ونرجع (كانك ياابوزيد ما غزيت)
خلاصة الموضوع....نستغل الحادثة دي وتبقي لينا نقطة بداية لهجمة مرتدة قاضية علي النظام العام....بس هجمة مدروسة عشان نضمن نتائج جيدة...
وبرضو ارجع واقول مافي اييييييييييي مشكلة
والناس همها واحد في النهاية
بس ياريت ننمي ثقافة الراي والراي الاخر لانها شبه معدومة...خصوصا في البورد دا
احترامي
رشا
|
Post: #4
Title: Re: الي طارق الامين....وكل اهلنا الطيبين
Author: أحمد الصديق
Date: 08-05-2010, 00:46 AM
Parent: #2
د. رشا سلام من الله ورحمة
المغص كتير ،، والبرنامج ماشي ،،
الغرض هو تخليق شعب هلامي
لا يعي ولا يشعر بل بلا نخوة.
ولكن يبدو ان السحر في غالبه يأكل صاحبه.
مشكورة ولتكن هذه الصيحة لإزالة
ما علق في ثوبنا السوداني النظيف.
up
|
Post: #7
Title: Re: الي طارق الامين....وكل اهلنا الطيبين
Author: د.رشا عجيب
Date: 08-05-2010, 04:13 AM
Parent: #4
سلامات يا خال
والله زي ما قلت....المغص كتيير
وكتير جدا
نتمني ان ياكل السحر صاحبه...
لكننا في نفس الوقت يجب ان نعمل بجانب الاماني
تحياتي لكل الاهل
احترامي وودي
رشا
|
Post: #5
Title: Re: الي طارق الامين....وكل اهلنا الطيبين
Author: د.رشا عجيب
Date: 08-05-2010, 03:48 AM
Parent: #2
استاذ معاوية.....سلام
وشكرا ليك انت اولا واخيرا
نورت المكان
رشا
|
Post: #8
Title: Re: الي طارق الامين....وكل اهلنا الطيبين
Author: د.رشا عجيب
Date: 08-05-2010, 04:16 AM
Parent: #5
up
up
up
رشا
|
Post: #9
Title: Re: الي طارق الامين....وكل اهلنا الطيبين
Author: jini
Date: 08-05-2010, 08:04 AM
Parent: #8
Quote:
والله انا ما زعلان من النظام العام لانه دا فلم محروق وللاسف الجميع أدمنوه!!!!!
تحركات النظام العام تتم بإيعاز من جهات تريد تمرير اجندته الانفصالية بشغل الراى العام بقضية انصرافية وكل مرة تتزامن تصرفات الأمن العام مع قضايا محورية!
المؤتمر الوطنى قبل ان يتم الاستفتاء قبل الترسيم اى قبل ان يتم الاتفاق على الحدود اى ستتفجر نزاعات الحدود لتفجر الحروب!
جلدوا عشرة عشرين اربعين يعنى ايه سيفصلون الجنوب وسيدعون انهم ضحوا بجزء عزيز وغال من اخاه أنج زعيط فقد هلك معيط!
اجل اعلاء كلمة الله وتطبيق حدوده وسيتاتى حكومة اهل القبلة بمرغنيها ومهديها وترابيها وسيتم جلد اهل السودان قاطبة جلد غرائب الابل حتى يلقى الرجل منكم اخاه فيقول انج زعيط فقد هلك معيط!
بلد كلها اهلها زعيط ومعيط يتم قنبرتها يوميا!
جنى |
|
Post: #10
Title: Re: الي طارق الامين....وكل اهلنا الطيبين
Author: د.رشا عجيب
Date: 08-05-2010, 10:34 AM
Parent: #9
كتب جني:
Quote:
والله انا ما زعلان من النظام العام لانه دا فلم محروق وللاسف الجميع أدمنوه!!!!!
تحركات النظام العام تتم بإيعاز من جهات تريد تمرير اجندته الانفصالية بشغل الراى العام بقضية انصرافية وكل مرة تتزامن تصرفات الأمن العام مع قضايا محورية!
المؤتمر الوطنى قبل ان يتم الاستفتاء قبل الترسيم اى قبل ان يتم الاتفاق على الحدود اى ستتفجر نزاعات الحدود لتفجر الحروب!
جلدوا عشرة عشرين اربعين يعنى ايه سيفصلون الجنوب وسيدعون انهم ضحوا بجزء عزيز وغال من اخاه أنج زعيط فقد هلك معيط!
اجل اعلاء كلمة الله وتطبيق حدوده وسيتاتى حكومة اهل القبلة بمرغنيها ومهديها وترابيها وسيتم جلد اهل السودان قاطبة جلد غرائب الابل حتى يلقى الرجل منكم اخاه فيقول انج زعيط فقد هلك معيط!
بلد كلها اهلها زعيط ومعيط يتم قنبرتها يوميا!
جنى
سلامات اخي الفاضل
كلاام ملياااااااان ومية المية
والله عبرت عن مقصدي بكل وضوح بحديثك الفوق دا
يعني الناس بتعاين تحت كرعيها بس!.....قدام دا اصلو ما بشوفو ولا بيقرو ممكن يكون في شنو؟
اصلو نحن المغطس حجرنا شنو غير الانصرافية؟والجماعة للاسف عارفين النقطة دي كويس وبيستغلوها استغلال يحسدو عليه...
اتنين متفقين في القضية والمبدا....اول ما يكون في اختلاف راي حول نقطة معينة يشبطو في بعض وكل واحد يتحول عدو للتاني...ويخلو القضية الرئيسية....!!!!
الله يعينك يا بلد....
احترامي
رشا
|
|