مش المريسة دي...؟؟ اها ابكر خلاها ليكم يا ناس النظام العام....!!!

الشهير ابكر جرائم وغلاغل ومحن الخبر الاكيد الذي تسرب الي جلسات انسه ومجونه السابقة اتي بان ابكر جريمة مسسك درب دين الجبهجيةدغررررري...!!
يازول ده كلام شنو ده..؟؟؟
ايووه يا زول ده كلااااام شنو ده..؟؟

كانت هذه هي الجملة الاعتراضية الاستنكارية التي هتفت بها كل جموع الندامي وابناء كاسات ابكر السابقين و الكحول البلدي يسري حثيثا بين عروقهم وتبدو علي وجوهم بعض الدهشة والحسرة والاسف علي خروج مثل الجرائمي ابكر من دائرتهم وايضا هتف معهم وفي نفس القعدة بعض السكرجية الجداد لنج الذين حضروا الي تلك الجلسات لكي يتاملو اولا في ابكر الذي ذكر في الاثر بانه يقرطع العرقي ويمصه بطريقة مميزة وكانو ايضا يتعشمون في التامل في فنيات ابكرونا وهو يلف سيجارته الشهيرة ذات (الكرت الواحد) من بنقو كان ابكر يحرص عميقا علي جلبه من طبلية البائع الشهير ابوكرنك....؟؟

كانت هذه القنبلة الخبرية التي اطلقت في تلك القعدة قادرة علي اثارة نقة وشد وجذب حقيقي ما بين افراد تلك الشلة التي تتوزع درجات اختلافها في الانسلاخ عنها والخروج ما بين استهجان حقيقي وسب دين لابكر وما بين اخريين اثروا الصمت ومداوة هذه الخبرية المولمة بقرطعة كميات تجارية من العرقي وكاسات ثمت المطالبة بتطويلها لكي تساعد خصيصا في التامل الصامت تحت وابل قطرات العرقي في انسلاخ ابكر الفجائي عن دائرتهم....!!!

ورغم اندهاش القوم في تلك الانداية ذات الموقع الطرفاني في ذلك الفريق الشهير بفريق (ابليس) الا ان الشخص الوحيد الذي اصطنع
الاندهاش والاستغراب هو (حمودة) الصديق الشخصي وصاحب العلاقات الروح روحية مع ابكر الذي مارس في حضرة هذه الجموعة المستنكرة لتوبة ابكر استهباله التاريخي واندهش مع المندهشين السابحين في بحور الطشمة ودخاخين البنقو وبعض البخور النفاذ الذي جبلت علوية ست الانداية علي اطلاقه في فضاء تلكم الراكوبة المزينة بورشال قشر الفول ..وهو احتفاء نوعي تعبر به عن فرحها وارتياحها لسوقها الذي قد خمج بواسطة العبابير الكثيرة التي باعتها وبعض القزازات والجركانات التي قد تكون سافرت الي بيوتات الافندية وبعض اعيان المدينة سرا بواسطة رائد العمل الدليفري في فريق ابليس الشهير بابو قلة وعجلته الدبل المميزة التي لم يكن في مقدور احرف بوليس من بواليس ذلك المكان قبضه وهو متلبسا بنقل خمور ومشويات...!!!

ارتفعت اصوات الجدل والنقة وعلا الغلاط مابين كبار سكاري فريق ابليس في هذا الامر الجلل وهذا الفقد العظيم لمعلم بقامة الجرائمي ابكر الذي كان دوما شعاره المرفوع هو( ليس هناك قشة مرة)..وكان اكثر المتحمسين لذلك الحوار هو (عثمان افندي) ذلك المثقف الطليعي الذي صادف ذلك الخميس حضوره من العاصمة لمسقط راسه (فريق ابليس) وهو الذي يعمل وحسب تعليمه الرفيع في مصلحة حساسة ولكنه عندما يجدع العاصمة خلفه ويعود الي فريق ابليس يهرول وبشرفة واشتياق واضح وحب كبير الي تلك الانداية وينضم الي شلته السكيرة التي تنتظر حضوره بفارق الصبر كونه يحمل لهم معه اخبار المدينة وماذا يقول علية القوم في امورهم العليا وهم الذين لا يتسع مدارهم في الامور العامة الا في محيط اللجنة الشعبية والنفير الليلي الذي يقام عندما تهاجمهم اللصوص الليلية وهمباتة الابقار..!!!
وتجمعات البكهات والاعراس في فريق ابليس ومجمع الفرقان الكثيرة المنتشرة حول الفريق ذات الكثافة السكانية العالية ونسبة التوالد ذات الانفلات المخيف....!!!

بعضهم افتي وبراس سكير بانه قد سمع بان السبب الرئيسي لتوبة (ابكر) هو ذلك المخلوق الضخم ذو القرنين والعيون المولعة نارمنقد الذي اتي الي (ابكر) في حلمه ومارس معه التهديد والوعيد وقال ليهوكلمة واااحدة بس (يا ابكر هوووي اعمل حسابك وامشي في درب الله دغرررررري)..ولكن سريعا من تبخرت هذه المقولة واصبحت غير ذات جدوي عندما صاح صوتا سكير اخر من طرف تلك الركوبة
(يا زول هوووي ابكر شنو البخاف ليك من مصيبة زي دي...حرررررررررم لو المصيبة دي صبرت شوية كان ابكر رفعها من حلمو داااك وجابها تقرطع معانا في الشي السجم ده... افووووو اتا يازول ما بتعرف ابكر ولاشنو..؟؟؟)..!!
بعضهم ايضا تطوع بانه اندهش عندما راي عدد الخارجين من مسجد القرية سبعة اشخاص وهو عدد كبير نسبيا لمرتادي مسجد فريق ا(ابليس) وعندما تمعن فيهم جيدا وجد بان الشخص السابع هو ابكر وعندما عالجه بمقولة(وووود اللذين ابكر ..خباااارك اازول الجابك الجامع شنو) ذكر الرجل ان ابكر اشاح بوجه ولم ينبس بكلمة بل ظل في حديثه الصامت مع رجل غريب وذو لحية ضخمة حضر الي الفريق حديثا ويسكن مع الامام في منزله...ووسمع اضاني دي الامام بقول ليهووو يا شيخنا...!!!

لم يكن عثمان افندي اكثر الحاضرين انزعاجا من هذا الخبر لحوجته الماسة لابكر الذي اشتهر بعلاقاته الواسعة في الفرقان المجاورة وسطوته وسط ستات الاندايات وعلاقته ا########دة مع كل قطاعات من العمل التحتاني في ذلك المكان.. فقلد كانت الانتخابات علي الابواب وكان ابكر ضمن مفاتيح لعبه التي وضعها في حسباباته للاستفادة من مقدراته الاجتماعية الفذة ومعرفته بمفاتيح لعب كل تلك المنطقة...!! حمودة هو الاخر كان اكثر انزعاجا لعلمه التام عن ماهية توووبة ابكر واسبابها وكيفيتها واهدافها طويلة المدي وقصيرها
وامتزج اندهاشه بخوف كبير في ان ينكشف امر ابكر التوبي وتضيع عليهم اللعبة والثمينة والقنجة التي اتفقو ا عليها سويا....

دورت الجلسة في ذلك الليل والخميس ليله تلت والكوؤس اتطاقشت واختلط حابل عرقي العيش مع نابل عرقي البلح والدوبيت اصبح ياتي من الافواه بدون انذارات او سابق ترتيب..واصبح الامر مهرجان كبير وكرنفال لحديث اقل ما يوصف به بانه خارم باروم....!!
وعندما صاحت ديوك الفجر في فريق ابليس كانت خبرية (توبة ابكر) منتشرة كنار الهشيم وشهدت الجزارة الوحيدة القابعة في ذلك المكان في صباحاتها ذات التوزيع الجيد للكمونية والكوارع وام فتفت وبعض اللحوم الكيري التي يوتي بها الي الجزارة في شواويل
ورغم ذلك تجد حظوتها من التوزيع فقد كانت الروح السائدة عند الجميع هي روح شعار ابكر التاريخي (ليس هنالك قشة مرة)...!!
شهدت هذه الجزارة احاديث انطلقت هامسة وتحولت الي ضجة بل تطورت الي عراااك ...
يازول قالو تاااب
لالا يا زول حررررررم ماتاب...!!!
يا زول شوف عيني دي ابكر طالع من الجامع
يا زول جامع شنو ...حرررررررررررم انت عميان وغبيان..


وسنتابع

Quote: وسنتابع

متابعين

وللانداية متابعة فى سبيل ابكر

كيكى واصل والشوق الشوق

وووووووووووووواصل





---------------------------------------

تقول لي يا مره جاينكم بالليل كشه وتشيل عرقي حقي كلو الفايده شنو

شغالين بنيان مع معلم لا يرحم (كجو ) في الحي المجاور (السنيط ) والنهار حار الف
ما صدقنا سمعنا (عوه ) مرقنا لقينا مره بتكورك وخاته يدينا في راسه وعربيه مديانا قفاها
مالك الحاصل شنو يا وليه
شوف ده جاني قال لي يا مره الليله (بالليل ) جاينكم في كشه كبيره اعملي حسابك بعدين قال لي داير عرقي اديتو شويه زعل شال عرقي حقي كلو طيب الفايده شنو

جيبو الطوب جيبو المونه نغمة (كجو) المفضله لم تعطينا مساحه كبيره للتفكره تركنا الوليه تحاول لملمه العده

Quote: وللانداية متابعة فى سبيل ابكر كيكى واصل والشوق الشوق

هلا يالفاتح وحبابك ياخي في امر ابكر ذلك الجرايمي الكبير الذي سرت اشاعة قووية تفيد بانه قد ترك المرايس

وكل الشوق

Quote: متابعين

هلا يا ولي يا حبابك يا صديق في مدارات حكاوي وبلاوي ابكر جرائم ذلك المسخوت الذي قيل بانه تاب

ونواصل

هلا يا شول وحبابك


وهلا والف سلام يا محمدعلي

Quote: جيبوا الطوب جيبوا المونه نغمة (كجو) المفضله لم تعطينا مساحه كبيره للتفكره تركنا الوليه تحاول لملمه العده

ويا سلام يا علي نغمة المعلم كجو
جيبو الطوب
جيبو مونة
-------
والبوليس في السودان يا محمد علي متخصص في كشات ستات العرقي النضيف وقاعدين يبيعو العرقي المكشوش
للحرفة باسعار زهيدة وايضا تم رصد عدة باقات من الصنف الجيد للعرقي توزع علي بيوتات الافندية اصحاب العلاقات ا########دة مع الضابط الكبير


وتحياتي

عبد الكريم الأمين أحمد

Quote: والبوليس في السودان يا محمد علي متخصص في كشات ستات العرقي النضيف وقاعدين يبيعو العرقي المكشوش

بوستك دا داير النظام العام يا عبد الكريم لأنك صديق أبكر وعارف كل تحركاته وسكناته ومسكراته وهلم جرا.

(العوج راي والعديل راي)

Quote: بوستك دا داير النظام العام يا عبد الكريم لأنك صديق أبكر وعارف كل تحركاته وسكناته ومسكراته وهلم جرا.

هلا يا كانوتنا-1
وحبابك
والنظام العام لو جانا بجاي انا وصحبي ابكر ده مع المرايس المتطاقشة في البوست ده
مافي لينا حل الا نضبح النظام العام ده وناكلو انا وصحبي ابكر كلحمة كيري مع باقي الليل ده
ونوزع للحبايب في الاندايات المجاروة

كيكي المسنوح

يعني هسع كان جيت ماشي وعتّر ليك جردل دقة زبدو يجغجغ بتبراهو سااااااااااااااااااااااى؟

Quote: يعني هسع كان جيت ماشي وعتّر ليك جردل دقة زبدو يجغجغ بتبراهو سااااااااااااااااااااااى؟

هلا يا شيقوق
ومشتاقين ويعلم الله..
ونعم سنكبر انا وابكر اللفة من جردل الدقة وعشان اللفة تكبر احتمال ناخد لينا بقة بتاعة اخوان كده
من ابوزبد بجغجغ ده لوووووول
وتحياتي