Post: #1
Title: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 01:56 PM
Parent: #0
كان ذلك في اوج عصر المشروع الحضاري 1996
|
Post: #2
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 02:02 PM
Parent: #1
مقدمة لابد منها فعذرا ولكن حتي أضع القارئ في الصورة تماماً:-
تزوجت من نجلاء سيد أحمد وانا طالب بكلية الاقتصاد والدراسات الاجتماعية
جامعة الخرطوم في عام 1995 ... وليلة القبض هذه كانت في عام 1996 اي
بعد عام من زواجنا ...
كانت الجامعة حينها مشغولة بأمرين الامتحانات ودوري الجامعة .. والحدثين
طبعا يكادا يكونان أهم حدثين خلال السنة الدراسية وقد كنت حينها بالسنة
الاخيرة بالكلية مما استوجب اقامتي بالداخلية عشان التحصيل وأشياء اخري
( لا تصلح للنشر ) ...
فاصل ونواصل
|
Post: #3
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 02:18 PM
Parent: #2
وفي يوم كأس الدوري جاءت نجلاء سيد أحمد ( زوجتي ) تترأس وفد عالي
المستوي يتكون من : أخي مازن عثمان الامين وصديقنا عمار فضل محمد فضل
بغرض تشجيع فريق كلية الاقتصاد والذي ينافس ان لم تخني الذاكرة فريق
مجمع شمبات علي كأس الدوري ، كنت مهتما جدا بالفريق فكله اصدقائي بدء بالحارس
محمد الامين بشري مرورا ببدر الدين مكناكي وحتي رأس الحربة أدم عمر ..
استقبلنا الشمبات بالهتاف الشهير : الشمباته بهائم السنتر واستقبلت ايضاً
شباكنا هزيمة فادحة وخسرنا الكأس .. احبطت ايما احباط وقررت العودة مع نجلاء
والوفد المرافق للمنزل بالديم ...
|
Post: #5
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 02:23 PM
Parent: #3
عندما وصلنا نادي ناصر الثقافي ( تقاطع ش القصر مع البلدية )
انتهر شخص يرتدي زي مدني نجلاء وقال لها : اسمع هووي ارفعي الطرحة دي
في رأسك ... نجلاء ردت عليه : لا
امرنا بالتوقف وطلب مني : اسمع خلي الزولة دي ترفع الطرحة في رأسها ،
قلت له : لا ما بترفعها وموش قالت لك لا ..
صاحبنا طلب من بوليس يحرس مبني ناصر الثقافي ( اظن ان المبني صار يتبع لوزارة المالية )
ان يشوف معانا اللازم .. والبوليس طوالي اخدنا علي نقطة نظام عام موجودة في الجزء الشمالي الغربي
لابو جنزير
ساواصل
|
Post: #4
Title: Re: الليلة التي قضيتها مع نجلاء سيد أحمد محبوسين بالنظام العام
Author: حاتم كاهن
Date: 08-04-2010, 02:18 PM
Parent: #2
متابعين يا صديق
|
Post: #6
Title: Re: الليلة التي قضيتها مع نجلاء سيد أحمد محبوسين بالنظام العام
Author: محمد صباحى
Date: 08-04-2010, 02:39 PM
Parent: #4
واصل يا مان
|
Post: #96
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 01:40 PM
Parent: #6
خليك متابع يا صديق ... سنواصل
ونعريهم حتي النهاية
|
Post: #7
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 02:43 PM
Parent: #4
دخلنا ( الكبسولة) ... ديل مالهم ؟؟؟
رد الشخص بالزي المدني وحكي قصة الطرحة ..
فسأله الشخص المسئول : انت منو ؟
واتضح ان صديقنا ( الواعظ والامر برفع الطرحة )
فرد من جهاز الامن ..
عموما كان قرار المسئول بالكبسولة تحويلنا الي شرطة النظام
العام بالمقرن .. والعسكري الذي اصطحبنا الي هذا المبني كان فرحان جدا
وسريع مشي يجيب بوكسي
|
Post: #8
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 02:57 PM
Parent: #7
حدث حدثين مهمين في الفترة التي جري فيها العسكري عشان يجيب البوكسي :
الحدث الاول : فاوضني احد العساكر بأن فقط اعتذر وينتهي الموضوع فرفضت
لاني كنت شاعر بمهانة وذلة ما طبيعية .. وكنت شاعر ب ( جوع ) ما اعتيادي
والجوع ذو علاقة بالحدث الثاني فاثناء التفاوض وصل عدد واحد موتر والعسكري
الجالس خلف قائد الموتر شايل صحن فول مظبط وعيش حار .. اول ما خت صحن الفول
طوالي اتناولت عيشتين وبسرعة حشيت سندوتشين .. اديت نجلاء واحد وبديت اكل في التاني
وقلت لنجلاء اتعشي القصة دي قعد تزيد من حتة لي حتة ما معروف تصل بينا وين ؟؟
جاءني صول وبدء يسألني وبالمناسبة دي اول مرة يوجه لي سؤال ، اسمك منو ؟ ساكن وين ؟
شغال شنو ؟ قلت له طالب .. طالب وين ؟ في جامعة الخرطوم .. وعلاقتك بالزولة دي شنو ؟
زوجتي .. فقال لي : ايوه انت شكلك فيلسوف وعامل فيها رأسك كبير ، الليلة حا تشوف ..
ردت له : معاك حتي الموت والموت مشنوق في ابوجنزير دي .. وبعد داك لو عندك طريقة تلحقني
بتلقاني منتظرك .. ويبدو انني قد ( كفرت ) فهذا الشخص كان مهما جدا لديهم
اواصل
|
Post: #9
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 03:35 PM
Parent: #8
فارت الكبسولة وماجت واتخيلتها حا تنفجر ...
اسمع اتكلم باحترام .. يا زول هووي بعدين ببقي لك بمبي
عموما جاء البوكسي ونزل العسكري وامرنا بركوب البوكس والبديهي
جدا اني اركب مع نجلاء قدام ( بالمناسبة بوكسي سنقل موديل 87 )
العسكري قال قدام بشيل نفرين بس فهو حا يركب مع نجلاء وهنا بدء العنف
اللفظي اولا وكان من جانبي : قلت له انت مشكلتك معانا عدم لبس الطرحة
لمن ادوك القانون دا ما قال لك في حاجة اسمها ( محرم ) وتابعت المسألة باليد
لانه اصر يركب ونجلاء تكون بينه وبين السواق ، انتهي الامر بتدخل ( الزول المهم القبيل )
قال له انت وبخاري تركبوا في الضهرية ونجلاء تكون مع السواق بي قدام ...
أجمل لقطة : انا ركبت قدامه ، اول ما ركب عمر لي مسدس ووجه لي ،، خليت البوكس اتحرك
وبديت معاه حوار : سألته : انت عوير ؟؟؟
التعديل لاضافة حرف (ت ) سقط بسبب رداءة الكيبورد
|
Post: #10
Title: Re: الليلة التي قضيتها مع نجلاء سيد أحمد محبوسين بالنظام العام
Author: saif massad ali
Date: 08-04-2010, 03:38 PM
Parent: #9
عشان كدة علمت البت دي القطامة
الله يديكم العافية
فش وجعتنا الله لايريك وجع في بقية حياتك
|
Post: #11
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 03:46 PM
Parent: #10
Quote: عشان كدة علمت البت دي القطامة
|
يا زول ( سيف مساعد ) البت رضعتها من لبن امها ..
عصام عبد الحفيظ حبيبنا وصديقنا قال ممكن يكون في
راجل مجنون وممكن برضو يكون في مراة مجنونة لكن راجل
ومرته مجانين واولادهم كمان ما لاقتني ...
مجنانين : مختلفين علي حسب قاموس التشكيلي اللطيف عصام عبد الحفيظ
|
Post: #12
Title: Re: الليلة التي قضيتها مع نجلاء سيد أحمد محبوسين بالنظام العام
Author: Amira Elsheikh
Date: 08-04-2010, 03:48 PM
Parent: #10
***
|
Post: #13
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 03:58 PM
Parent: #12
تسلم أميرة ولي عودة
|
Post: #14
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-04-2010, 04:20 PM
Parent: #13
رد علي سؤال العوارة ، قال لي انا ما عوير ...
طيب نزل المسدس دا ، معقولة انط اخلي زوجتي ..
قول ما زوجتي انا مجنون اتلب اكسر كراعي من البوكس
نزل المسدس وسألني : انت ما بتخاف الله ؟
قلت له بخافه شديد ، ليه ؟
طيب ربنا قال المرأة تغطي رأسها ، انت تقول لينا لا ما بترفع الطرحة ...
سألته الاية شنو البتأمر انه المرأة تغطي رأسها ؟
اسقط في يده فلم يكن يحفظ الاية ...
|
Post: #56
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 09:39 AM
Parent: #16
Quote: واصل يا بخاري متابعين.... وبالله كبر اللقمة ما تشحتف روحنا..
|
الشايقي اكتملت القصة .. تسلم
|
Post: #20
Title: Re: الليلة التي قضيتها مع نجلاء سيد أحمد محبوسين بالنظام العام
Author: mayada kamal
Date: 08-04-2010, 05:09 PM
Parent: #14
أجمل شئ فيكم
أنكم تجبرون (الآخر) اللي هو (أنا) على (إحترامكما)
لك ولي العزيزة نجلاء التحايا النواضر
ربنا يخليكم لي بعض
|
Post: #57
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 09:46 AM
Parent: #20
Quote: أجمل شئ فيكم
أنكم تجبرون (الآخر) اللي هو (أنا) على (إحترامكما)
لك ولي العزيزة نجلاء التحايا النواضر
ربنا يخليكم لي بعض |
ميادة مسكاقمي
تسلم يا ستي
|
Post: #15
Title: Re: الليلة التي قضيتها مع نجلاء سيد أحمد محبوسين بالنظام العام
Author: Hadeer Alzain
Date: 08-04-2010, 04:36 PM
Parent: #8
Quote:
وصل عدد واحد موتر والعسكري الجالس خلف قائد الموتر
شايل صحن فول مظبط وعيش حار .. اول ما خت صحن الفول
طوالي اتناولت عيشتين وبسرعة حشيت سندوتشين ..اديت نجلاء
واحد وبديت اكل في التاني وقلت لنجلاء اتعشي القصة دي
قعد تزيد من حتة لي حتة ما معروف تصل بينا وين ؟؟
|
يا بخاري
قلت لي حشيتو سندوتشاتكم وإتعشيتو في أماااانتي الله ؟! هههههه
عفيت منكم!
ياخ والله عشان بساطتكم ولذاذتكم دي بس، لو أنا محلهم
كان قلت ليكم أذهبو فأنتم الطلقاء! 
تحيات طيبات لك ولنجلاءنا المختفية
واصل ومتابعين ..
______________________________________
|
Post: #17
Title: Re: الليلة التي قضيتها مع نجلاء سيد أحمد محبوسين بالنظام العام
Author: Ashraf el-Halabi
Date: 08-04-2010, 04:49 PM
Parent: #15
تحية ليك وتحيتين ليها
|
Post: #18
Title: Re: الليلة التي قضيتها مع نجلاء سيد أحمد محبوسين بالنظام العام
Author: محمد علي شقدي
Date: 08-04-2010, 05:05 PM
Parent: #17
البخاري والله احساس الحقارة كريه بشكل عجيب
وصلتني تب للنقطة الاعلي منه
لك كل الود ولنجلاء كل التقدير
الصغار ادوهم اللين ان شاء الله ما يحتاجوا القطامه
|
Post: #61
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 10:01 AM
Parent: #18
| Quote: الصغار ادوهم اللين ان شاء الله ما يحتاجوا القطامه |
يسمع منك الله ويلقوا وطن البراح
|
Post: #19
Title: Re: الليلة التي قضيتها مع نجلاء سيد أحمد محبوسين بالنظام العام
Author: بشير جبريل علي
Date: 08-04-2010, 05:05 PM
Parent: #17
| Quote: تحية ليك وتحيتين ليها |
يا أشرف يا حلبي ..ما تعكس الآية ..
تحيتين ليهو وتحية ليها ..(وللذكر مثل حظ الأثيين)
متابعين .. واصل .. ياخ ..
تحياتي ..
|
Post: #21
Title: Re: الليلة التي قضيتها مع نجلاء سيد أحمد محبوسين بالنظام العام
Author: ibrahim alnimma
Date: 08-04-2010, 05:14 PM
Parent: #19
Quote: تحيتين ليهو وتحية ليها ..(وللذكر مثل حظ الأثيين)
|
بالله شوف التعليق الجميل ده ،التحية لكم بخاري وضويفه الكرام متابعين
|
Post: #22
Title: Re: الليلة التي قضيتها مع نجلاء سيد أحمد محبوسين بالنظام العام
Author: احمد العربي
Date: 08-04-2010, 05:20 PM
Parent: #21
والعسكري الفراق
بين قلبك الساساق
سلامم(واحترام)
نجلاء بخاري
|
Post: #23
Title: Re: الليلة التي قضيتها مع نجلاء سيد أحمد محبوسين بالنظام العام
Author: شول اشوانق دينق
Date: 08-04-2010, 05:30 PM
Parent: #22
|
Post: #24
Title: Re: الليلة التي قضيتها مع نجلاء سيد أحمد محبوسين بالنظام العام
Author: Safia Mohamed
Date: 08-04-2010, 05:31 PM
Parent: #22
سلام
بخاري
والتحية لنجلاء
صفية
|
Post: #25
Title: Re: الليلة التي قضيتها مع نجلاء سيد أحمد محبوسين بالنظام العام
Author: rosemen osman
Date: 08-04-2010, 05:38 PM
Parent: #24
*
لكما التحية والتقدير ..
|
Post: #89
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 01:05 PM
Parent: #25
| Quote: لكما التحية والتقدير .. |
اوع يكون التعديل انك حذفتي بيوت من الشعر ؟؟؟
|
Post: #82
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:57 AM
Parent: #24
Quote: سلام
بخاري
والتحية لنجلاء
صفية |
تسلمي يا صفية وتحياتك وصلت
|
Post: #26
Title: Re: الليلة التي قضيتها مع نجلاء سيد أحمد محبوسين بالنظام العام
Author: عمر علي حسن
Date: 08-04-2010, 06:32 PM
Parent: #22
ليس غريبا ان ياكل الاستاذ بخاري فول النظام العام ..
فقد تم استدعائي من النادي للتحقيق مع متهم بالقتل وكان امامي صحن فول .. سكبته في بطن الرغيفة وقررت ان التهمه
بالمكتب .. وعندما دخلت المكتب كان المتهم والحرس قد سبقوني اليه .. جلست واخرجت يومية التحري وسالت المتهم عن
اسمه وعمله وسكنه ألخ .. ثم سالته مباشرة " انت قتلت فلان؟ " فأجابني "كده استني دقيقة" .. ومد يده ببساطة شديده الي
ساندوتشي وبدأ في التهامه .. لم يكن بوسعي استرجاع الساندوتش منه رغم زمجرة الحرس .. كذلك منيت نفسي بان يكون
الساندوتش مدخلا لاعتراف كامل بالجريمة ..
بعد ان اكل المتهم .. سألني ببساطة .. "انت قلت الميت منو؟" فاخبرته .. فرد علي بكل اعتداد ان مثل هذه الاشكال لا تعرض
عليه واننا يجب ان نبحث هذه الجناية من زاوية حددها وثبتت صحتها في النهاية ..
المهم .. جاءني هذا الرجل بعد ايام وبيده ساندوتش فول وقدمه لي قائلا .. كده نكون حبايب ....
للعلم .. علي ايامنا لم يكن هناك ما بسمي قانون النظام العام ولا شرطة النظام العام ....
عمر علي حسن
|
Post: #27
Title: Re: الليلة التي قضيتها مع نجلاء سيد أحمد محبوسين بالنظام العام
Author: جمال السنوسي
Date: 08-04-2010, 06:49 PM
Parent: #26
بخاري
تحياتي لك ولنجلاء ولكل المتداخلين
عارف يا بخاري
عندي صاحبي محامي ( هسه محامي كبير وموثق عقود )
في فترتكم ديك
بععد ما نجح في المعادلة
ظهرت وظائف مستشارين في ديوانىالنائب العام
اها صاحبي مشى قدم
وفي ليلة المعانية جلس طول الليل يذاكر ونعش ذاكرته كي ينجح
اها زولي ده ما قضى ليهو دقيقتين بس في المعاينة
قال دخل
سالوهو سؤال واحد بس
يا فلان
نعم
اقرا اية الكرسي
ما حافظها
طيب مع الف السلامة
وخرج صديقي مذهولا من السؤال
ومذهولا اكثر لانه خريج جامعي وما حافظ اية الكرسي
|
Post: #28
Title: Re: الليلة التي قضيتها مع نجلاء سيد أحمد محبوسين بالنظام العام
Author: د.رشا عجيب
Date: 08-04-2010, 08:26 PM
Parent: #27
تحايا لكما بحجم الكون
بوست رائع جدا......
علي الاقل الناس الزعلانة دي تعرف انو سوء النظام العم دا من زمااااااااااااااان ما شي جديد
البركة في اكتشاف الذرة
زولة مغبوووونة
تحياتي
رشا
|
Post: #29
Title: Re: الليلة التي قضيتها مع نجلاء سيد أحمد محبوسين بالنظام العام
Author: طارق جبريل
Date: 08-04-2010, 08:44 PM
Parent: #28
يا حبيب اوعك تحكي القصة دي لي لطفي جبريل
حا يتغابى فيك العرفة.. صدقني
|
Post: #30
Title: Re: الليلة التي قضيتها مع نجلاء سيد أحمد محبوسين بالنظام العام
Author: هشام كمال
Date: 08-04-2010, 08:48 PM
Parent: #28
.
|
Post: #32
Title: Re: الليلة التي قضيتها مع نجلاء سيد أحمد محبوسين بالنظام العام
Author: محمد أبوالعزائم أبوالريش
Date: 08-04-2010, 09:27 PM
Parent: #30
يا اخوانّا الزول ده مشى وين؟
يا نجلاء ياخ ما تدخلي لينا واسطة.
|
Post: #85
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 12:16 PM
Parent: #28
Quote: تحايا لكما بحجم الكون
بوست رائع جدا......
علي الاقل الناس الزعلانة دي تعرف انو سوء النظام العم دا من زمااااااااااااااان ما شي جديد
البركة في اكتشاف الذرة
زولة مغبوووونة
تحياتي
رشا |
تسلمي يا رشا ....
ربنا يفش الغبينة ياخ
|
Post: #31
Title: Re: الليلة التي قضيتها مع نجلاء سيد أحمد محبوسين بالنظام العام
Author: cantona_1
Date: 08-04-2010, 09:27 PM
Parent: #27
جمال السنوسي
Quote: اقرا اية الكرسي
ما حافظها
طيب مع الف السلامة
وخرج صديقي مذهولا من السؤال
ومذهولا اكثر لانه خريج جامعي وما حافظ اية الكرسي |
علي اليمين يا جمال زولك دا( لو كان مسلم- وأعتقد كذك) كان جلدته 40 سوط. وسلمته النظام العام كمان.
طيب دا لو قالوا ليهو سورة الكافرون كان عمل شنو؟
(العوج راي والعديل راي)
|
Post: #33
Title: Re: الليلة التي قضيتها مع نجلاء سيد أحمد محبوسين بالنظام العام
Author: Salahaldeen Nadir
Date: 08-04-2010, 09:45 PM
Parent: #31
| Quote: واستقبلت ايضا شباكنا هزيمة فادحة وخسرنا الكأس |
لأ يعني كنتوا متوقعين تغلبوا شمبات؟
P:
!
|
Post: #34
Title: Re: الليلة التي قضيتها مع نجلاء سيد أحمد محبوسين بالنظام العام
Author: نصر الدين عثمان
Date: 08-04-2010, 09:55 PM
Parent: #33
سرد جميل ..
لكما التحية
|
Post: #35
Title: Re: الليلة التي قضيتها مع نجلاء سيد أحمد محبوسين بالنظام العام
Author: Tragie Mustafa
Date: 08-05-2010, 01:03 AM
Parent: #34
يعني جنس ضكرنه عليك يا بخاري؟؟
معقوله في قمة عسف المشروع الحضاري
وسايق مرتك بلا (فاتوره)!!
تحياتي لك وللغاليه نجلاء وتسلموا يابا!
|
Post: #37
Title: Re: الليلة التي قضيتها مع نجلاء سيد أحمد محبوسين بالنظام العام
Author: صديق الموج
Date: 08-05-2010, 01:35 AM
Parent: #35
Quote: سألته الاية شنو البتأمر انه المرأة تغطي رأسها ؟
اسقط في يده فلم يكن يحفظ الاية |
يازول انت بتبالغ الناس ديل ماعندهم علاقة بالدين
يكون اللواء بتاعه العامل فيها نص نبى داك
غير دلائل الخيرات ما قرأ شى وداير يفتى
يحلل ويحرم وكانه ابن حنيفة النعمان...
يحلنا الحلا بله من هولاء،،،
|
Post: #38
Title: Re: الليلة التي قضيتها مع نجلاء سيد أحمد محبوسين بالنظام العام
Author: الفاتح ميرغني
Date: 08-05-2010, 03:26 AM
Parent: #37
سلام يا بخاري
ربنا يحفظكم من كل مكروه.
محبتي
|
Post: #39
Title: Re: الليلة التي قضيتها مع نجلاء سيد أحمد محبوسين بالنظام العام
Author: Hassan Senada
Date: 08-05-2010, 05:48 AM
Parent: #38
نظام فاسد
تحياتى وسلامى الاستاذ بخارى
|
Post: #40
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 06:04 AM
Parent: #39
عدنا .. نأسف للانقطاع بسبب المشغوليات يوم أمس وسنحكي عنهم كثيراً
|
Post: #41
Title: Re: الليلة التي قضيتها مع نجلاء سيد أحمد محبوسين بالنظام العام
Author: Asim Fageary
Date: 08-05-2010, 06:14 AM
Parent: #39
سلام وتحايا
يا بخاري إنت أوراق إثبات الملكية بتاعت المدام ما كنت شايلة معاك
كان تتطلعها ليهم وتقول ليهم دي ملك حر
ولكن غايتو عندك جنس برود أعصاب - كمان تاكل الفول بتاعهم!!
غايتو كان أنا في مكانك كان تعبت معاهم تعب لأني كنت حأدخل في مضاربات وكان كسروني لمن إدشدشت
طبعاً دا في الوقت داك لكن الآن بقى ما عندنا قدرة على الضرب
القصة رائعة وجديرة بالتوثيق
بالرغم من أن هناك الكثير من الحالات المشابهة ولكن هذه مميزة ونأمل منك توثيقها كاملة
التحايا لكم بالكوم وقسموها بيناتكم حسب الشرع (كما قال الأخ أعلاه للذكر مثل حظ الأنثيين)
عاصم فقيري
التعديل بسبب تصحيح أخطاء إملائية
|
Post: #42
Title: Re: الليلة التي قضيتها مع نجلاء سيد أحمد محبوسين بالنظام العام
Author: خالد العبيد
Date: 08-05-2010, 06:33 AM
Parent: #41
سلام يا بخاري ونجلاء
الذ مافي الموضوع انكم اتعشيتو فول كارب !
ذكرتني والله موقف مشابه
لمن جونا في البيت وكسرونا ضرب وشلاليت انا وشقيقي
سألوا شقيقي :
اتعشيت؟
فرد عليهم : ايوه اتعشيت فول مصلح !!
ضحكت انا من كلمة مصلح هذه
وكان جزاي بان امسك بي احدهم من شعري الغزيز
وخبط براسي بالدولاب .. قائلا:
انت بتضحك في شنو ؟
في شيوعيتك دي ؟!
واصل
|
Post: #43
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 07:17 AM
Parent: #42
ساكمل القصة وبعدها اعود للرد علي المداخلات ...
وصلنا قسم النظام العام بالمقرن .. في الباب وجدنا عسكري
بدون اي ( شارات ) ثبتنا وسأل الذين يقتادوننا : 152
قال له : ايوه .. بدوري سألت العسكري المعاي 152 يعني شنو ؟
رد لي: بتعرف جوه .. بدأت افكر ياربي نحن عملنا شنو ؟ الطرحة
اسمها 152 ( كم كنت غبياً ) قررت بيني وبين نفسي ان امكث تاني
كل يوم ساعتين في مكتب العون القانوني بكلية القانون ... عموما
دخلنا الي مكتب الضابط المسئول وتصادف دخول آخرين معنا في ذات الوقت
وادي احدهم التحية وكان يرتدي عراقي وسروال ممزقيين وكم اعجبني هذا الرجل
من المباحث المركزية .. سأله الضابط عننا ( انا ونجلاء ) ديل معاهم ؟ رد بلا
وجهنا الضابط ومعنا الامنجي والبوليس حارس مبني نادي ناصر بالخروج من المكتب
والدخول بعد كشة ( البنقو ) ...
|
Post: #44
Title: Re: الليلة التي قضيتها مع نجلاء سيد أحمد محبوسين بالنظام العام
Author: Elham abdelkhalig
Date: 08-05-2010, 07:20 AM
Parent: #42
يا سلام يا بخاري ...الف تحية لنجلاء ولك ....
وده درس تاريخ مهم شديد ...
التوثيق ...التوثيق ...التوثيق .
دمتم
|
Post: #45
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 07:36 AM
Parent: #44
بعد كشة البنقو دخلنا للضابط ( العظيم ) ...
لا اتذكر رتبته بالضبط لكن يا ملازم تاني أو ملازم أول
ذو جسم رياضي ويظهر ان من نوع الشخصيات الحادة ...
سأل الحاصل شنو ؟
تقدم ( الامنجي ) بالرد : طبعا يا سعادتك البلد هسه بتمر بمرحلة
تأصيل اسلامي .. قاطعه الضابط : انا سألتك الحاصل شنو ؟ قول الحاصل
بدون شرح ومقدمات ...
ارتحت جدا لمقاطعة الضابط رغم ( دقنه ) وقلت الزول دا شكله حقاني
وانتهر الضابط الامنجي يلا خلصنا احكي المشكلة شنو ؟
|
Post: #92
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 01:13 PM
Parent: #44
Quote: يا سلام يا بخاري ...الف تحية لنجلاء ولك ....
وده درس تاريخ مهم شديد ...
التوثيق ...التوثيق ...التوثيق .
دمتم |
استاذة الهام يا ام جعفر سنوثق كل الجرائم
دمتي تحياتي لطه
|
Post: #81
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:51 AM
Parent: #42
| Quote: الذ مافي الموضوع انكم اتعشيتو فول كارب ! |
فول بوليسي يا استاذ خالد
تحياتي للاولاد وتلك الحسناء التي ( بيمينك )
|
Post: #75
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:13 AM
Parent: #41
| Quote: يا بخاري إنت أوراق إثبات الملكية بتاعت المدام ما كنت شايلة معاك |
معقولة يا عاصم اكون شايل قسيمة معاي ؟؟
| Quote: غايتو كان أنا في مكانك كان تعبت معاهم تعب لأني كنت حأدخل في مضاربات وكان كسروني لمن إدشدشت |
الضرب حصل قدام ...
| Quote: القصة رائعة وجديرة بالتوثيق |
اذكرها بمرارة مبالغة الان لقد تعرضنا لصنوف من الاذي
لم يتعرض لها اي بشر ..
|
Post: #128
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-09-2010, 08:11 AM
Parent: #38
Quote: سلام يا بخاري
ربنا يحفظكم من كل مكروه.
محبتي |
الفاتح الله يسلمك ...
آمين يا غالي ربنا يحفظ كل الشعب السوداني
من اصحاب الهوس الديني والمتسلطين وحارسي النوايا
ومحاكم التفتيش ...
محبتي الاكيدة لك وسلام كتير كتير
|
Post: #90
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 01:09 PM
Parent: #35
Quote: يعني جنس ضكرنه عليك يا بخاري؟؟
معقوله في قمة عسف المشروع الحضاري
وسايق مرتك بلا (فاتوره)!!
تحياتي لك وللغاليه نجلاء وتسلموا يابا! |
تسلمي ام حازم
|
Post: #46
Title: Re: الليلة التي قضيتها مع نجلاء سيد أحمد محبوسين بالنظام العام
Author: SHIBKA
Date: 08-05-2010, 07:38 AM
Parent: #33
| Quote: لأ يعني كنتوا متوقعين تغلبوا شمبات؟ |
كانوا متفائلين مش؟
|
Post: #47
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 07:44 AM
Parent: #46
بدء الامنجي في سرد قصة حصلت فقط في خياله المريض :
الناس ديل لقيناهم في وضع فاضح ومخل بالاداب وجارح للمسلمين
|
Post: #49
Title: Re: الليلة التي قضيتها مع نجلاء سيد أحمد محبوسين بالنظام العام
Author: قلقو
Date: 08-05-2010, 08:06 AM
Parent: #47
| Quote: كشة ( البنقو ) ... |
معليش يابخارى انا ماكنت متابع من اول .
قلت لى انتو بتاعين ياتو واحدة من الأتنين الفوق ديل ؟
مع تحياتى للأسرة الكريمة .
|
Post: #66
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 10:42 AM
Parent: #49
Quote: معليش يابخارى انا ماكنت متابع من اول .
قلت لى انتو بتاعين ياتو واحدة من الأتنين الفوق ديل ؟
مع تحياتى للأسرة الكريمة . |
قلقو انت يا زول ما عندك فكرة انه البنقو محرم
عندنا في الحزب ( دا با عتبار ما كان )
فالحزب الشيوعي يحرم تناول البنقو .. واعتبار
ما كان دي مقصود بها نحن ما الحزب فالبنقو ما يزال
محرما في الحزب الشيوعي السوداني ...
|
Post: #50
Title: Re: الليلة التي قضيتها مع نجلاء سيد أحمد محبوسين بالنظام العام
Author: بابكر عثمان مكي
Date: 08-05-2010, 08:15 AM
Parent: #47
سلام يابخاري ..
الآن فقط حضرت ملامحكم الجميلة في ذاكرتي كاملة
انت ونجلاء .. تذكرتكم نعم كنت (متكيف )منكم
كدا ساي بدون سبب .
المكيفني اكتر ريدتكم لبعض البتشبه نقيد
الحمام في بستان القلب .
قبلكم بشوية كانت في احداث عنيفة
في الجامعة بتاعة التزوير
شاهدت بام عيني وانا داخل ارضية البوكس
اثنين يتحرشون بطالبة زميلتي
ويعلق احدهم تعليق لا يزال يرن في اذني
ياخ ماعاوزين معصعصات عاوزين اللبن اللبن .
وثارت ثورتي فقمت مندفعا من البوكس وهو متحرك وضربت قائل هذه المقولة
وارتميت معه وبه علي الارض ولكنهم تكالبو علي .
زيكو ..اقتصاد الدفعة القدامك
|
Post: #79
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:38 AM
Parent: #50
Quote: الآن فقط حضرت ملامحكم الجميلة في ذاكرتي كاملة
انت ونجلاء .. تذكرتكم نعم كنت (متكيف )منكم
كدا ساي بدون سبب . |
يا سنير اخبارك .. وتلك الملامح لعب فيها الزمن ما شاء له ...
Quote: قبلكم بشوية كانت في احداث عنيفة
في الجامعة بتاعة التزوير
شاهدت بام عيني وانا داخل ارضية البوكس
اثنين يتحرشون بطالبة زميلتي
ويعلق احدهم تعليق لا يزال يرن في اذني
ياخ ماعاوزين معصعصات عاوزين اللبن اللبن . |
وسمعنا بذاءات اشد من ذلك ورددنا عليها بكل امكانياتنا
نحن الان نتذكرها ونضحك وهم يتذكرونها ويتمنون ان يرجع الزمن
كي لا يقوموا بها شفت الفرق ... ننام مل جفوننا وتلاحقهم سياط
ما فعلوا بنا فلا يذوقون للنوم ولا الحياة متعة
|
Post: #48
Title: Re: الليلة التي قضيتها مع نجلاء سيد أحمد محبوسين بالنظام العام
Author: omer osman
Date: 08-05-2010, 08:01 AM
Parent: #46
Quote: انتهر شخص يرتدي زي مدني نجلاء وقال لها : اسمع هووي ارفعي الطرحة دي
في رأسك ... نجلاء ردت عليه : لا
امرنا بالتوقف وطلب مني : اسمع خلي الزولة دي ترفع الطرحة في رأسها ،
قلت له : لا ما بترفعها وموش قالت لك لا .. |
فترة قصيرة قضيتها ضابط بدار الشرطة ببري ....
في احدي ايام مناوبتي في الدار حوالي الساعة 7 م
وفي مروري على ارجاء الدار وصلت البوابة الرئيسية وجدت فرد امن الشرطة الموجود في الباب يستوقف احد الضباط
في شنو ياجماعة
والله ياجنابو الضابط ده معاهو ضيوف بنات حاسرات الرأس ...
يا اخوي حاسرات الرأس دي شنو مالم يعني ....
ما لبسين طرح ياجنابو وانا التعليمات العندي بت ما لابسة طرحة ما تخش النادي
اسمع والله انا تعليماتك دي ما عندي معاها شغلة
وانا الضابط المسئول هنا يعني انا في اللحظة دي مدير عام الشرطة في النادي
اتفضل ياجنابو ومعاك ضيوفك على الرحب والسعة ومعليش للعطلة دي
ولفرد الامن ما عندك مشكلة اكتب في تقريرك انك منعته الجماعة ديل وجنابو عمر امر بدخولم
|
Post: #51
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 08:50 AM
Parent: #48
نجلاء قاطعته وقالت للضابط الزول دا كذاب !
هاج الضابط وقال له : لمن اطلب منك تتكلمي هسه تسكتي .
وبعدين انا بصدق كلام العسكري بتاعنا بس ..
وبعد الامنجي سأل العسكري : الحصل شنو ؟
عاد العسكري كلام الامنجي بس بزيادة انه الراجل المعاها
قال لينا هسه دا شغل رجال دي ( ت_ع_ر_ص_ة) منكم ساي ..
وكان ماسكة من يدها .. ( انا بعد الكورة كنت زهجان من روحي دي
ثلاثة اهداف ولجت شباك حبيبتنا اقتصاد .. شمبات كان عنده حارس مرمي
اسمه احمد كمال او محمد كمال سميناه بعد الكورة الكديسة لانه كان ذيها
غلبنا نسجل ) .. قاطعت العسكري يدها شنو ياخ حرام عليك .. نلت نصيبي
من القمع والاسكات
|
Post: #52
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 09:02 AM
Parent: #51
بعدها سألني الضابط : الحصل شنو ؟
قلت له ببساطة الناس ديل قالوا لنجلاء ارفعي
الطرحة في رأسك وهي قالت لهم ( لا ) ... وطلبوا
مني انا انها ترفع الطرحة في رأسها قلت لهم ( لا )
سألني مرة اخري : شغال شنو ؟
رديت : طالب بجامعة الخرطوم كلية الاقتصاد المستوي الرابع.
علاقتك بنجلاء شنو ؟ زوجتي .. ( عقد حاجبه من الدهشة )
كنا انا ونجلاء ( حلاتنا ) صغار ونحيلي القوام بسبب الجوع وليس
برامج الحمية ..
طلب من قسيمة !!! قلت له ما شايلها معاي لكن تاني حا اختها في جيبي طوالي ..
فطلب احضار القسيمة واذا ما جاءت القسيمة سيتم الكشف علينا في المستشفي ..
سألته يكشفوا لينا شنو ؟ الناس ديل جابونا من الشارع يعني معقولة بس ؟؟ يا سعادتك
دا كلام شنو دا ؟
|
Post: #53
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 09:28 AM
Parent: #52
قال لي يازول بس جيب القسيمة( وانا كنت اصلا رسلت مازن اخوي الداخلية
من محطة ابو جنزير يرجع الداخلية الغرفة 7 المناهل في مرجع بتاع علوم سياسية
لبطرس بطرس غالي بتلقي القسيمة في داخله ) ....
الضابط طلب من العسكري احتجازنا خارج المكتب لحدي ما القسيمة تجئ ويبدو ان العسكري
فهم الاحتجاز دي انه يضربني .. مسكني من يدي الشمال ولواها لي والضابط ما كان منتبه
لانه انكب علي اوراق قدامه .. انا رديت علي العنف باعنف منه ولكمت البوليس بونية في وشه
مباشرة وتطاير دم منه .. انتبه الضابط للمعركة التي دارت وسأل العسكري : ليه كده انا قلت
لك الوي يده .. خليهم معاي في المكتب هنا وانت انتظر بره ..
|
Post: #54
Title: Re: الليلة التي قضيتها مع نجلاء سيد أحمد محبوسين بالنظام العام
Author: SHIBKA
Date: 08-05-2010, 09:34 AM
Parent: #53
متابعة لصيقة
|
Post: #77
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:27 AM
Parent: #54
شبكة ازيك
|
Post: #55
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 09:37 AM
Parent: #53
بدنا ونسة مختلفة مع الضابط واعجبته شخصيتي
وطلع ( كوز ) وبدينا في نقد قانون النظام العام
واشتكي ان العساكر احيانا يزحمونهم بامور فارغة ساي
وبالمناسبة حضرنا معاه حلقة من المسلسل الشهير حينها ( اوشين )
وعند الساعة الثانية صباحا وقبل وصول القسيمة لانه مازن راح من القسم
( كان صغير ) .. سألني الضابط الحل شنو ؟ قلت له نتصل بوالد نجلاء قال
لي ياخ ما في داعي للازعاج .. ونادي العسكري قال له انا اتاكدت انه الناس
ديل متزوجين وحرك عربية وصلتنا الديم ..
وقال لي في النهاية : انت يا بخاري زول ( ديك ) يعني لو رفعت الطرحة وكسبت
زمنك موش كان أفضل لك ؟ رديت عليه : معركتي ليست الطرحة معركتي اكبر انا
انشد وطن ( علماني ) .. لا تتحكم فيه بتأويلات تخصك للدين وتسلطها علي رقاب
العباد ..
وفي النهاية :-
ما في حاجة ساي
كلو عندو دين
كلو عندو رأي ..
|
Post: #58
Title: Re: الليلة التي قضيتها مع نجلاء سيد أحمد محبوسين بالنظام العام
Author: ود شاموق
Date: 08-05-2010, 09:52 AM
Parent: #55
| Quote: وبالمناسبة حضرنا معاه حلقة من المسلسل الشهير حينها ( اوشين ) |
|
Post: #83
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 12:08 PM
Parent: #48
Quote: والله ياجنابو الضابط ده معاهو ضيوف بنات حاسرات الرأس ...
يا اخوي حاسرات الرأس دي شنو مالم يعني ....
ما لبسين طرح ياجنابو وانا التعليمات العندي بت ما لابسة طرحة ما تخش النادي
اسمع والله انا تعليماتك دي ما عندي معاها شغلة |
شفت يا جنابو عمر دي خطورة المسألة هنا انه القانون دا مطاط جدا
وحاجة عادية جدا غيرك يشوفها ما عادية خالص ... بنات جنابو دا ما لابسين طرح
نجلاء كانت الطرحة في بس واقعة من رأسها ...
وانا اتعطلت زمن طويل وتاني يوم كان عندي امتحان وامتحان في المستوي الرابع شفت
الزول دا عمل فيني شنو ؟ لو كنت وصلت بدري كان جبته نتيجة افضل واحتمال هسه اكون بقيت وزير
|
Post: #73
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:05 AM
Parent: #27
| Quote: ومذهولا اكثر لانه خريج جامعي وما حافظ اية الكرسي |
جيمي انا والله لم يكن قصدي ان اكشف جهله بس كنت عايز ادير معاه حوار
انه ما يكون اداة اذلال لي بنات واولاد بلده وقلت دا مدخل مناسب فالرجل
امكن يكون مشحون قصادي بشحنات من النوع التقيل .. وانت قائل التكفير
والقتل ببدء بي شنو ؟
|
Post: #64
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 10:26 AM
Parent: #26
Quote: ليس غريبا ان ياكل الاستاذ بخاري فول النظام العام ..
|
كنا جعانين خالص يا جنابو ...
Quote: المهم .. جاءني هذا الرجل بعد ايام وبيده ساندوتش فول وقدمه لي قائلا .. كده نكون حبايب ....
|
يعني يا عمر هسه امشي افتشهم ارجع لهم السندوتشات ولا كيف ؟؟؟؟
|
Post: #69
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 10:49 AM
Parent: #22
يا احمد يا عربي لايستطيع
|
Post: #129
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-09-2010, 10:01 AM
Parent: #19
Quote: يا أشرف يا حلبي ..ما تعكس الآية ..
تحيتين ليهو وتحية ليها ..(وللذكر مثل حظ الأثيين)
متابعين .. واصل .. ياخ ..
تحياتي .. |
بشة مافي اي مشكلة يا مان
|
Post: #60
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 09:56 AM
Parent: #17
| Quote: تحية ليك وتحيتين ليها |
جدا يا اشرف تحيتك الوحدة وصلت والتحيتين لنجلاء
برضو وصلت ...
|
Post: #59
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 09:53 AM
Parent: #15
| Quote: تحيات طيبات لك ولنجلاءنا المختفية |
تسلمي يا هدير ونجلاء متوفرة بس النت كان قاطع من البيت
وكده حا تظهر لك بتجاربه الشخصية مع النظام العام ...
|
Post: #62
Title: Re: الليلة التي قضيتها مع نجلاء سيد أحمد محبوسين بالنظام العام
Author: Rawia
Date: 08-05-2010, 10:07 AM
Parent: #59
هسة لو القصة دي حصلت بنفس تفاصيلها دي
لنفرين مامتزوجين
هيكونو طلعوا من الملة..
مش؟؟؟؟
________________
بحاري سلامات
|
Post: #63
Title: Re: الليلة التي قضيتها مع نجلاء سيد أحمد محبوسين بالنظام العام
Author: قلقو
Date: 08-05-2010, 10:10 AM
Parent: #62
QuoteQuote: : الطرحة
Quote: كشة ( البنقو ) ... |
لكن برضو ماعرفنا يابخارى انتو كنتو مع منو ؟
|
Post: #65
Title: Re: الليلة التي قضيتها مع نجلاء سيد أحمد محبوسين بالنظام العام
Author: رغيم عثمان رغيم الحسن
Date: 08-05-2010, 10:28 AM
Parent: #63
لو كل الناس عملت زيك كدا يا بخارى
ما كان الصعاليق ديل طلعو فى راسنا
|
Post: #70
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 10:52 AM
Parent: #65
Quote: لو كل الناس عملت زيك كدا يا بخارى
ما كان الصعاليق ديل طلعو فى راسنا |
يا رغيم تسلم ..
|
Post: #68
Title: Re: الليلة التي قضيتها مع نجلاء سيد أحمد محبوسين بالنظام العام
Author: فايزودالقاضي
Date: 08-05-2010, 10:49 AM
Parent: #63
بخارى ..سلامات وتحية ليك ولاختنا الغائبة نجلاء ...
Quote: قلت له انت مشكلتك معانا عدم لبس الطرحة
لمن ادوك القانون دا ما قال لك في حاجة اسمها ( محرم ) |
المحرم علاقته شنو بالطرحة يابخارى ..؟!! انت شكلك لقيت الكوز جاهل قلت نفك ليهو حتة المحرم والطرحة ..
|
Post: #72
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 10:59 AM
Parent: #68
| Quote: المحرم علاقته شنو بالطرحة يابخارى ..؟!! انت شكلك لقيت الكوز جاهل قلت نفك ليهو حتة المحرم والطرحة .. |
ود القاضي سلام .. هو ما كوز هو بوليس عادي ...
انت اتخيل الشكل : نجلاء ركبت البوكس وانا عايز اركب معاها
نزلني وقال يركب هو بدلي يعني نجلاء يتوسطها اتنين رجال
غير ( محرمين ) عليها ... وكنت اقصد ان في ذلك منكر اكبر
من عدم ارتداء الطرحة ...
بعدين الزول اقتنع انت الزرزة شنو ؟؟؟
|
Post: #67
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 10:45 AM
Parent: #62
Quote: هسة لو القصة دي حصلت بنفس تفاصيلها دي
لنفرين مامتزوجين
هيكونو طلعوا من الملة..
مش؟؟؟؟ |
متزوجين شنو ؟ قال لي لو مافي قسيمة حا نوديكم الفحص !!!
قلت له الفحص ( الالي ) ...
لو ما متزوجين كانت قصة بتكون ...
|
Post: #71
Title: Re: الليلة التي قضيتها مع نجلاء سيد أحمد محبوسين بالنظام العام
Author: Asim Fageary
Date: 08-05-2010, 10:57 AM
Parent: #67
Quote: بخارى ..سلامات وتحية ليك ولاختنا الغائبة نجلاء ...
Quote: قلت له انت مشكلتك معانا عدم لبس الطرحة
لمن ادوك القانون دا ما قال لك في حاجة اسمها ( محرم )
المحرم علاقته شنو بالطرحة يابخارى ..؟!! انت شكلك لقيت الكوز جاهل قلت نفك ليهو حتة المحرم والطرحة .. |
يا ود القاضي المحرم علاقته إنه ما الفروض العسكري يركب مع نجلاء بي قدام ويختها في النص بينه وبين السواق وراجلها يركب ورا
يعني المفروض إذا في حد يركب جنبها يكون محرم
إنت يا بخاري
الفحص دا كيف يعني وهل هو إلكتروني ولا مانيوال
مع تحياتي
عاصم فقيري
|
Post: #74
Title: Re: الليلة التي قضيتها مع نجلاء سيد أحمد محبوسين بالنظام العام
Author: فايزودالقاضي
Date: 08-05-2010, 11:06 AM
Parent: #71
| Quote: بعدين الزول اقتنع انت الزرزة شنو ؟؟؟ |
هههههههه
ابداً كلامك سليم وتصرفك اسلم ..واخونا عاصم وضح لى الفاتني من كلامك وفعلا انا قريت جزء من الكلام وربطت موضوع الطرحة بالمحرم وماانتبهت لحتة ركوب العربية لذلك جاء استغرابي ...
المعذرة ..
واصل ..
شكراً عاصم ..
|
Post: #76
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:19 AM
Parent: #71
| Quote: الفحص دا كيف يعني وهل هو إلكتروني ولا مانيوال |
يا عاصم بعد داك سألت صديقي ( المرحوم ) دكتور عماد عن طبيعة الفحص
ولا الكشف دا ؟ قال لي بتعمل للانثي وهو مانيول بشوفوها مارست جنس ولا لا
قصة
|
Post: #78
Title: Re: الليلة التي قضيتها مع نجلاء سيد أحمد محبوسين بالنظام العام
Author: عفاف الصادق بابكر
Date: 08-05-2010, 11:29 AM
Parent: #71
Quote: طوالي اتناولت عيشتين وبسرعة حشيت سندوتشين .. اديت نجلاء واحد وبديت اكل في التاني
|
عفيت منك يا بخاري يا اخوي ..
قول ليهم ما كل الطير بتأأكل لحمه ..
اكيد بتلقو الاسود البتأكل النار .. ....
|
Post: #80
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 11:42 AM
Parent: #78
| Quote: عفيت منك يا بخاري يا اخوي .. |
تسلمي اختي عفاف الصادق
|
Post: #84
Title: Re: الليلة التي قضيتها مع نجلاء سيد أحمد محبوسين بالنظام العام
Author: صديق الموج
Date: 08-05-2010, 12:15 PM
Parent: #80
| Quote: يعني نجلاء يتوسطها اتنين رجال |
بخارى سلام انا متابع بعينى صقر
لكن دى كلو كلو ما فهمتها..
استعنت بصديق،وبراى الجمهور،وحذفت الراجلين المتوسطين ديل
وسالت المستشار...وبرضو طلعت كيت ..
ممكن توقعها لى النحيات لنجلاء،،،
|
Post: #86
Title: Re: الليلة التي قضيتها مع نجلاء سيد أحمد محبوسين بالنظام العام
Author: طارق جبريل
Date: 08-05-2010, 12:45 PM
Parent: #84
يا بخاري ما دام طنشت موضوع لطفي جبريل الفوووق داك
بضرب ليه يجرك خمسين ويديك سيك كمان
|
Post: #87
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 12:48 PM
Parent: #86
| Quote: يا بخاري ما دام طنشت موضوع لطفي جبريل الفوووق داك |
يا طارق انت بطنشوك ولا بطنشو لطفي .. انتو الجزء الحنين مني تسلم
|
Post: #93
Title: Re: الليلة التي قضيتها مع نجلاء سيد أحمد محبوسين بالنظام العام
Author: عمر علي حسن
Date: 08-05-2010, 01:21 PM
Parent: #87
Quote
يعني يا عمر هسه امشي افتشهم ارجع لهم السندوتشات ولا كيف ؟؟؟؟
Unquote
1- ما حتلقاهم
2- لن يكفيهم .. الحكاية دلوقت زادت (شوية)
مازلت اري ان اصدار قانون للنظام العام وشرطة للنظام العام لا يخدمان (النظام) الذي هو حفظ الامن والسلام ..
لو وجدت فرصة ساحدثكم عن قانون مشابه اصدرته مديرية الخرطوم في السبعينات لمحاربة البغاء فافسد الشرطة
ولم يمنع البغاء .. وشكي لي الضباط ان رجالهم انشغلوا بهذا القانون عن واجباتهم الاخري فارتفعت الجريمة .. وقد
اضطررت لمنع الشرطة عن تنفيذه ودخلت في معركة مع مجلس المديرية ساندني فيها بعض القضاة والمحامين
العقلاء فلم يكتب لذلك القانون ان يعيش طويلا ..
هنيئا لكم بما غنمتم ..
عمر علي حسن
|
Post: #95
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 01:37 PM
Parent: #93
Quote: لو وجدت فرصة ساحدثكم عن قانون مشابه اصدرته مديرية الخرطوم في السبعينات لمحاربة البغاء فافسد الشرطة
ولم يمنع البغاء .. وشكي لي الضباط ان رجالهم انشغلوا بهذا القانون عن واجباتهم الاخري فارتفعت الجريمة .. وقد
اضطررت لمنع الشرطة عن تنفيذه ودخلت في معركة مع مجلس المديرية ساندني فيها بعض القضاة والمحامين
العقلاء فلم يكتب لذلك القانون ان يعيش طويلا ..
|
يا عمر علي حسن ياخ دا كلام مهم خالص المقارنات بتوصلنا للنتائج سريع
واذا كان الكلام دا في ذهن من وضع قانون النظام العام كان احتمال يشرط
الورق ويقول انسوا القصة برمتها فبالله لازم تكتب عن التجربة دي
|
Post: #113
Title: Re: الليلة التي قضيتها مع نجلاء سيد أحمد محبوسين بالنظام العام
Author: عمر علي حسن
Date: 08-06-2010, 11:34 AM
Parent: #95
QUOTE
يا عمر علي حسن ياخ دا كلام مهم خالص المقارنات بتوصلنا للنتائج سريع
واذا كان الكلام دا في ذهن من وضع قانون النظام العام كان احتمال يشرط
الورق ويقول انسوا القصة برمتها فبالله لازم تكتب عن التجربة دي
UNQUOTE
أخي بخاري
لك التقدير
لأمانة الكلمة والرأي ساكتب ما عندي في بوست منفصل في محاولة لاستدراج راي عام لقضية عامة بعيدا عن
التعاطف الشخصي لزملاء واخوة في المنبر يقتضينا حماسا لهما ودفاعا شخصيا عن حق نقر به لهما ان نتاول
الموضوع تناولا قد يخرجه من اطار الحق العام الي نطاق الحق الشخصي لمن نحب ..
فقد لمست حادثتك والاستاذة نجلاء وتر الحب لكما فغرد به الكثيرون ومنهم انا .. رغم ان الحادثة عمرها عشرة
اعوام .. فما بالك باخرين لاصوت لهم بيننا ويتعرضون اليوم وغدا لعسف هذا القانون او التعسف في تطبيقه ..
لذلك استأذنك أن اعيد الي ذاكرة المنبر القوانين التي سبقت هذا القانون ليروا معك ومعي ان لكل زمان علة وان
الناس معا بوسعهم محاصرة هذه العلة ومنعها من الاستشراء ..
لكما تقديري دائما
عمر علي حسن
|
Post: #88
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 12:57 PM
Parent: #84
Quote: بخارى سلام انا متابع بعينى صقر
لكن دى كلو كلو ما فهمتها.. |
صديق الموج يا غالي ..
في زول سائق البوكس ونجلاء ركبت والعسكري عايز
يركب بعدها يعني هي تكون بينه والسواق ...
|
Post: #91
Title: Re: الليلة التي قضيتها مع نجلاء سيد أحمد محبوسين بالنظام العام
Author: صديق الموج
Date: 08-05-2010, 01:11 PM
Parent: #88
Quote: صديق الموج يا غالي ..
في زول سائق البوكس ونجلاء ركبت والعسكري عايز
يركب بعدها يعني هي تكون بينه والسواق ... |
كده يبقى نجلاء هى التى تتوسط الرجلين وليس الرجلين الذين يتوسطوا نجلاء
ياخى انا بهظر انت استعجلت كتبت نجلاء يتوسطها رجلين،،،
|
Post: #94
Title: Re: الليلة التي قضيتها مع نجلاء سيد أحمد محبوسين بالنظام العام
Author: زهير الزناتي
Date: 08-05-2010, 01:31 PM
Parent: #91
كامل التضامن مع بخاري ونجلاء ... ومتابعين القصة من البداية ... اها حا أجي احكي ليكم جزء من تجاربي مع ما يسمي شرطة النظام العام ....
|
Post: #99
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 04:11 PM
Parent: #94
| Quote: كامل التضامن مع بخاري ونجلاء ... ومتابعين القصة من البداية ... اها حا أجي احكي ليكم جزء من تجاربي مع ما يسمي شرطة النظام العام ... |
تسلم يا زناتي يا راقي ولازم تحكي عنهم
|
Post: #140
Title: Re: الليلة التي قضيتها مع نجلاء سيد أحمد محبوسين بالنظام العام
Author: عبداللطيف حسن علي
Date: 08-11-2010, 10:38 AM
Quote: وقال لي في النهاية : انت يا بخاري زول ( ديك ) يعني لو رفعت الطرحة وكسبت
زمنك موش كان أفضل لك ؟ رديت عليه : معركتي ليست الطرحة معركتي اكبر انا
انشد وطن ( علماني ) .. لا تتحكم فيه بتأويلات تخصك للدين وتسلطها علي رقاب
العباد .. |
نوع الحكاوي العملية دي والبونية والشلوت للامنجي والبوليس المعتوه هي التطبيق
الحقيقي لدروس العلمانية وليس التنظير وحده
المبادرات الفردية بالتصدي العملي للهوس يمكن ان تضع حدا له ، ولكن للاسف المبادرات
دي شبه معدومة في واقع شعب اصبح كالحمل وواقعه كالسكين
|
Post: #97
Title: Re: الليلة التي قضيتها مع نجلاء سيد أحمد محبوسين بالنظام العام
Author: دينا خالد
Date: 08-05-2010, 02:59 PM
Parent: #91
بخارى ونجلاء !!!
لوووووووووووب قصة رهيييبة
اقرا واقرا واقرا واكلفت وافطفط فى البوست
متتتتين اصل حتة الجلد ..
تقوموا تمقلبونا كدا وتطلع عندكم فاتورة ؟
اجدع ناس ,, عرسان ذى الورد
ليلة شرف ستبقى فى ذاكرتنا اكتر منكم ..
ـــــــــــــ
فنان يا بخارى فى الحكى .. هجمتك على الفول
دى كوم والحصل دا كوم تانى ..
|
Post: #98
Title: Re: الليلة التي قضيتها مع نجلاء سيد أحمد محبوسين بالنظام العام
Author: مزمل خيرى
Date: 08-05-2010, 03:06 PM
Parent: #97
بالله يابخارى ونجلاء تانى شيلوا معاكم القسيمة عشان ماتحرجونا مع
ناس النظام العام ديل بالله ...
غايتو لو فى محلك كنت طرت للعسكرى دا جوز فى راسو .!
|
Post: #101
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 04:24 PM
Parent: #98
Quote:
بالله يابخارى ونجلاء تانى شيلوا معاكم القسيمة عشان ماتحرجونا مع
ناس النظام العام ديل بالله ... |
مزمل زمان كنا بحتاج ليها بس هسه بنكون شايلين معانا انتاجنا عديل
|
Post: #104
Title: Re: الليلة التي قضيتها مع نجلاء سيد أحمد محبوسين بالنظام العام
Author: منتصرمحمد زكى
Date: 08-05-2010, 06:45 PM
Parent: #101
متابعة وتأمل ...... كيفنك بخاري
|
Post: #105
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 06:58 PM
Parent: #104
| Quote: متابعة وتأمل ...... كيفنك بخاري |
تمام يا منتصر ...
|
Post: #106
Title: Re: الليلة التي قضيتها مع نجلاء سيد أحمد محبوسين بالنظام العام
Author: أيمن التوم حسن
Date: 08-05-2010, 07:08 PM
Parent: #101
ياجمالكم
لما تنشروا غيم جناحكم
فوووق عذابات الوطن
التحية ليك ولى نجلاء اخ بخارى
|
Post: #107
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 07:19 PM
Parent: #106
Quote: ياجمالكم
لما تنشروا غيم جناحكم
فوووق عذابات الوطن
التحية ليك ولى نجلاء اخ بخارى |
ايمن ويا جمال بلدنا وجمال نيلا
|
Post: #108
Title: Re: الليلة التي قضيتها مع نجلاء سيد أحمد محبوسين بالنظام العام
Author: حسن محمود
Date: 08-05-2010, 09:38 PM
Parent: #101
Quote: والجوع ذو علاقة بالحدث الثاني فاثناء التفاوض وصل عدد واحد موتر والعسكري
الجالس خلف قائد الموتر شايل صحن فول مظبط وعيش حار .. اول ما خت صحن الفول
طوالي اتناولت عيشتين وبسرعة حشيت سندوتشين |
بخاري
واحد موتر دي على وزن واحد فول ..شكلك وانت بتكتب جيعان والفول المظبط داك
في بالك .. الله يستر ما يكون ثمنة من محصلة تفاوض مع اخرين قبلوا المساومة
مقهورين وآثروا السترة والسلامة..
احر التحايا لك والاخت نجلاء سيد احمد.
|
Post: #109
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-06-2010, 09:08 AM
Parent: #108
Quote: بخاري
واحد موتر دي على وزن واحد فول ..شكلك وانت بتكتب جيعان والفول المظبط داك
في بالك .. الله يستر ما يكون ثمنة من محصلة تفاوض مع اخرين قبلوا المساومة
مقهورين وآثروا السترة والسلامة..
احر التحايا لك والاخت نجلاء سيد احمد. |
حسن والله بكتب وجعان فعلا ..
اي حاجة واردة والمساومات كانت عادية جدا ..
|
Post: #111
Title: Re: الليلة التي قضيتها مع نجلاء سيد أحمد محبوسين بالنظام العام
Author: د.محمد بابكر
Date: 08-06-2010, 09:28 AM
Parent: #101
ده زول مهم يا بخارى وثق عنده القسيمه
تحياتى
|
Post: #114
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-06-2010, 08:48 PM
Parent: #111
Quote: ده زول مهم يا بخارى وثق عنده القسيمه
تحياتى |
جدا يا دكتور نوثقها طوالي ...
بالجنبة : وين انت يا زول الشوق بحر ....
|
Post: #115
Title: Re: الليلة التي قضيتها مع نجلاء سيد أحمد محبوسين بالنظام العام
Author: نبيل عبد الرحيم
Date: 08-06-2010, 11:41 PM
Parent: #98
التحية للأخ بخارى ونجلاء
|
Post: #116
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-07-2010, 06:55 AM
Parent: #115
| Quote: التحية للأخ بخارى ونجلاء |
ولك مثلها يا بلبل
|
Post: #125
Title: Re: الليلة التي قضيتها مع نجلاء سيد أحمد محبوسين بالنظام العام
Author: بكري اسماعيل
Date: 08-08-2010, 01:06 PM
Parent: #98
| Quote: لو كنت وصلت بدري كان جبته نتيجة افضل واحتمال هسه اكون بقيت وزير |
ألعب غيره ي دفعة .. نحن الما شفنا الماتش ولا ساهرنا زيك ، وظيفة بت ناس ما لمينا فيها ..
التحية لك وللباسلة نجلاء
|
Post: #100
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 04:17 PM
Parent: #97
Quote: متتتتين اصل حتة الجلد ..
تقوموا تمقلبونا كدا وتطلع عندكم فاتورة ؟ |
دينا ( الكلام دا قوليهو لي زول ما عنده حديدة )
| Quote: فنان يا بخارى فى الحكى |
تربية حبوبات وفي الحبوبات دياميات
|
Post: #102
Title: Re: الليلة التي قضيتها مع نجلاء سيد أحمد محبوسين بالنظام العام
Author: Yassir Tayfour
Date: 08-05-2010, 04:44 PM
Parent: #100
بخاري ونجلاء الله يديكم العافية!
|
Post: #103
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-05-2010, 04:51 PM
Parent: #102
| Quote: بخاري ونجلاء الله يديكم العافية! |
اب تفه تسلم يا غالي ويديك اضعافها
|
Post: #110
Title: Re: الليلة التي قضيتها مع نجلاء سيد أحمد محبوسين بالنظام العام
Author: معاوية عبيد الصائم
Date: 08-06-2010, 09:13 AM
Parent: #103
منى السلام
ومنكم نستمد الصمود
اريت الولاد بخير يا شباب
معاوية عبيد
|
Post: #112
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-06-2010, 10:08 AM
Parent: #110
Quote: منى السلام
ومنكم نستمد الصمود
اريت الولاد بخير يا شباب
معاوية عبيد |
معاوية الصائم تسلم يا حبيب
البركة فيكم في قرفة ربنا يعوض شبابه الجنة
|
Post: #117
Title: Re: الليلة التي قضيتها مع نجلاء سيد أحمد محبوسين بالنظام العام
Author: محمد عبد الماجد الصايم
Date: 08-07-2010, 07:26 AM
Parent: #112
غايتو يا بخاري .. جهجهت قريبتنا دي جهجة السنين!
يغلبوكم في الكورة تقوم توديها القِسِم!
هسي لو ركبتو رقشة مش كان الموضوع انتهى!
_
تحياتي ياخ ومشتاقين ليكم الاتنين!
|
Post: #118
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-07-2010, 07:40 AM
Parent: #117
Quote: غايتو يا بخاري .. جهجهت قريبتنا دي جهجة السنين!
يغلبوكم في الكورة تقوم توديها القِسِم!
هسي لو ركبتو رقشة مش كان الموضوع انتهى!
_
تحياتي ياخ ومشتاقين ليكم الاتنين! |
يا عمك
ركشة انا بتكلم لك عن تاريخ قديم ما كان في ركشات
ولو في ما كان في ليها قروش ذاتو ...
ومشيت القسم والله هي الجابتها قالت لا ما بترفع الطرحة
وانا ما النوع البقهر النساء عشان اقول لها ارفعي الطرحة
لانه ذلك النفر من بوليس السودان يري ان تسير المرأة في الشارع
وشعرها مغطي بالطرحة ...
مرة كنت قافلة معاي الف ونجلاء جاتني في باب الشرقي وفي بتاع حرس
اسمه أحمد قال ليها ما بتخشي الجامعة لانه ( الاسكيرت ) بتاعك قصير ..
انا جيت اتشبكته فيه من زاوية مختلفة جدا انه بعاين لزوجتي .. قال هو
ما عاين ليها ، وطيب عرفت انه الاسكيرت بتاعها قصير كيف ؟ عموما بعد الضرب
والعراك نجلاء دخلت الجامعة ولاحقاً لاحظت ان البنات بقت تتم مراقبة الزي بتاعهم
بي ( حرسات ) وعندهم دباسة وابرة وخيط اذا الاسكريت خطوة بعملوا ليها عملية جراحية
سريعة وبتحول لي شوال ...
|
Post: #119
Title: Re: الليلة التي قضيتها مع نجلاء سيد أحمد محبوسين بالنظام العام
Author: أحمد الصديق
Date: 08-07-2010, 11:27 AM
Parent: #118
التحية لضارب فول البوليس .
ياخ ربنا يجزيـها خير ،،
عشـتك من حيث لاتحتسب ..
سلامي لها والوليدات.
|
Post: #120
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-07-2010, 11:41 AM
Parent: #119
Quote: التحية لضارب فول البوليس .
ياخ ربنا يجزيـها خير ،،
عشـتك من حيث لاتحتسب ..
سلامي لها والوليدات. |
الفول البوليسي يا أحمد .. تسلم يا حبوب
|
Post: #121
Title: Re: الليلة التي قضيتها مع نجلاء سيد أحمد محبوسين بالنظام العام
Author: معتصم دفع الله
Date: 08-07-2010, 04:27 PM
Parent: #120
بخاري ونجلاء ..
يديكم العافية يا رب ..
ويخليكم لبعض ولأولادكم وللوطن ..
|
Post: #122
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-08-2010, 08:26 AM
Parent: #121
Quote: بخاري ونجلاء ..
يديكم العافية يا رب ..
ويخليكم لبعض ولأولادكم وللوطن .. |
معتصم يا فنان تسلم ياخ ..
طلب صغيروني .. خت اغنية مناسبة في البوست دا
وتكون بتشتغل مع فتح البوست ...
اخوك بخاري
|
Post: #123
Title: Re: الليلة التي قضيتها مع نجلاء سيد أحمد محبوسين بالنظام العام
Author: ابوحراز
Date: 08-08-2010, 08:46 AM
Parent: #122
صراحة العاوز يرمي حبوب الضغط والسكري والاسبرين ويتعالج علاج طبيعي يدخل العيادة دي
يعني تضحك لمن تقول الرووووووووووووب
سخرية لاذعة
بس سخرية فيها علاج للكثير من أمراض التخلف والجهل
ياريت يكون عندنا ثقافة قانونية ونكون بهذا الفهم العالي للحياة وناخذ حقنا
ياخ والله كونك تاخذ صحن الفول من البوليس
زي الأخذت ليك 500 دولار من فك تمساح
قبل فترة اقربائي جاهم حرامي ظريف
اصلو متخصص بيسرق بقر
دخل الحوش وتاريهم الجماعة باعوهم قبلها بيومين
ساعة مالقى بقر دخل البيت
اها قعد يفتش في الدولاب
قريبنا صحى من النوم ومسكو
الحرامي قال ليهو والله انا جيعان !!!
لكن جيعان يا اللخو ماكان تمشي المطبخ البجيبك الدولاب شنو
شوف طيبة هؤلاء الناس
المرة صحت وساقو صاحبنا الديوان
وكمان شوف العوارة فرشوا ليهو الملايات
وعملو شعيرية نص الليل ومعاها كوب حليب
وحلفوا الا ينوم الصباح ويشرب الشاي 00 وفعلاً كلو حصل
بعد فترة قريبنا اشترى ليهو بقرتين وسرقوهم
تصدق الحرامي رجعهم ليهو من الجماعة السرقوهم
اها لازم ترجع ليك صحن فول للشباب ديل
تلقاهم مغتاظين غيظ شديد
قال آية الطرحة قال !!!
|
Post: #124
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-08-2010, 08:56 AM
Parent: #123
Quote: صراحة العاوز يرمي حبوب الضغط والسكري والاسبرين ويتعالج علاج طبيعي يدخل العيادة دي
يعني تضحك لمن تقول الرووووووووووووب
سخرية لاذعة |
تسلم يا حبوب ...
| Quote: ياخ والله كونك تاخذ صحن الفول من البوليس |
ابو حراز سندوتشين ما الصحن كله والله لو شلت الصحن
كله كان دقوني دق العيش ...
|
Post: #126
Title: Re: الليلة التي قضيتها مع نجلاء سيد أحمد محبوسين بالنظام العام
Author: عبدالأله زمراوي
Date: 08-08-2010, 02:22 PM
Parent: #124
مسكاقمي...
شكرا أ. بخاري على هذا البوح، وإن بدا حزينا، إلا أنك وضعت
له نهاية مشرفة ومعك قريبتي العظيمة أ. نجلاء.
لكما التجلة والإنحناءة والإحترام....
|
Post: #127
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-08-2010, 02:41 PM
Parent: #126
Quote: مسكاقمي...
شكرا أ. بخاري على هذا البوح، وإن بدا حزينا، إلا أنك وضعت
له نهاية مشرفة ومعك قريبتي العظيمة أ. نجلاء.
لكما التجلة والإنحناءة والإحترام.... |
مسكاقمي
شاعرنا العظيم والله كنت وما زال حزيناً علي ما آل اليه الحال ...
|
Post: #130
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-10-2010, 08:40 AM
Parent: #126
| Quote: ومعك قريبتي العظيمة أ. نجلاء |
يا استاذ زمراوي ما تطلعني برة انا برضو محسي
وبرضو من جزيرة بدين بس الهجرات الواسعة رمت باجدادي
في النيل الابيض منطقة القطينة ...
تسلم تاني وتسلم قريبتك هههه
|
Post: #131
Title: Re: الليلة التي قضيتها مع نجلاء سيد أحمد محبوسين بالنظام العام
Author: Asim Fageary
Date: 08-10-2010, 08:52 AM
Parent: #130
يا بخاري وزمراوي
بطلوا عنصرية وخلونا في الموضوع الخطير دا
وكلنا في المحس سوا
عاصم فقيري
|
Post: #132
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-10-2010, 09:24 AM
Parent: #131
Quote: بطلوا عنصرية وخلونا في الموضوع الخطير دا
|
فقيري ما في اي عنصرية ياخ ... بس القصة جابت ليها
حلقة تعارف في حضرة البوليس الذي لا اهوي ( بتاع النظام العام )
تسلم يا قريبي
|
Post: #133
Title: Re: الليلة التي قضيتها مع نجلاء سيد أحمد محبوسين بالنظام العام
Author: مهيرة
Date: 08-10-2010, 12:12 PM
Parent: #132
| Quote: مزمل زمان كنا بحتاج ليها بس هسه بنكون شايلين معانا انتاجنا عديل |
العزاز بخارى ونجلاء، الله يخلى ليكم اولادكم ويحفظكم ليهم
بالله خلى معاك صورة من القسيمة وما تعتمد على الانتاج مع متلقين الحجج ديل ،الله يصرفهم!
حصل قبل مدة قريبة البوليس أوقف زوج ( سودانى) وزوجته ( أجنبية) بموجب قانون النظام العام ، رغم وجود طفلهم المريض معهم فى العربة ،وكانوا مودونه الدكتور على ماأظن!!!!!!!!!!!!!!
لا يحصل الا فى سودان الانقاذ!!!!!!!!!!!!
تحياتى
|
Post: #134
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-10-2010, 12:30 PM
Parent: #133
Quote: بالله خلى معاك صورة من القسيمة وما تعتمد على الانتاج مع متلقين الحجج ديل ،الله يصرفهم!
|
مهيرة .. تعالي نختلف شوية ، معقولة اكون عايز
طوالي اثبت اننا زوجان .. طيب لو معاي مثلا بت خالتي
أو بت الجيران بكون برضو محتاج ابرر العلاقة ، حصل شفتي
زول خدش الحياء العام في الشارع .. انا بفتكر اننا غير
النضال ضد حراس النوايا ديل ما عندنا اي سكة تانية ومعا
من أجل اسقاط اي قانون يمتهن كرامة المواطن ...
|
Post: #135
Title: Re: الليلة التي قضيتها مع نجلاء سيد أحمد محبوسين بالنظام العام
Author: مهيرة
Date: 08-10-2010, 12:47 PM
Parent: #134
Quote: انا بفتكر اننا غير
النضال ضد حراس النوايا ديل ما عندنا اي سكة تانية ومعا
من أجل اسقاط اي قانون يمتهن كرامة المواطن ... |
وعشان كدة انت ونجلاء مستهدفين من العصابة الحاكمة والتى تشرع وتنفذ وتجتهد فى امتهان كرامة المواطن
ربنا يحفظكم
تحياتى
|
Post: #136
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-10-2010, 01:00 PM
Parent: #135
| Quote: وعشان كدة انت ونجلاء مستهدفين من العصابة الحاكمة والتى تشرع وتنفذ وتجتهد فى امتهان كرامة المواطن |
مهيرة يا غالية هولاء استهدفوا كل الشعب الا من كان معهم ...
استهدفوا حتي التاريخ وحاولوا عبر المشروع المسمي حضاري
تغيير طريقتنا في العيش ولكن هيهات سينقلب السحر حتما علي الساحر
دمتي
|
Post: #137
Title: Re: الليلة التي قضيتها مع نجلاء سيد أحمد محبوسين بالنظام العام
Author: مهيرة
Date: 08-10-2010, 01:11 PM
Parent: #136
Quote: ولكن هيهات سينقلب السحر حتما علي الساحر
|
آميييين يابخارى ولدى
بركة رمضان الكريم ودعاء المظاليم، العيد يكون عيدين بزوال دولة الظالمين
يمهل ولا يهمل
|
Post: #138
Title: Re: الليلة التي قضيتها مع نجلاء سيد أحمد محبوسين بالنظام العام
Author: بخاري عثمان الامين
Date: 08-11-2010, 06:45 AM
Parent: #137
| Quote: آميييين يابخارى ولدى |
تسلمي ماما مهيرة
|
Post: #139
Title: Re: الليلة التي قضيتها مع نجلاء سيد أحمد محبوسين بالنظام العام
Author: ود العجمى
Date: 08-11-2010, 08:29 AM
Parent: #138
Quote: فقد لمست حادثتك والاستاذة نجلاء وتر الحب لكما فغرد به الكثيرون ومنهم انا .. رغم ان الحادثة عمرها عشرة اعوام .. فما بالك باخرين لاصوت لهم بيننا ويتعرضون اليوم وغدا لعسف هذا القانون او التعسف في تطبيقه ..
|
|
|