الى:- ( النظام العام ) .. أنا أمكم .. وأختكم .. وبتكم .. أنا منكم ..

الى كل المنتسبين الى ما يسمى بالنظام العام ...

انتم سودانيين 100% وما فيكم اى دخيل اجنبى صاح ... ؟

انتم من هذا الوطن العريق .. صاح ؟؟

انتم من اسر تنتمى لكل القبائل السودانية .. صاح ..؟

تم تنظيمك وتعليمك على حفظ النظام العام !!!

تخافون على المال والعرض والشرف والوطن !!!

تصححون الخطاء بالصاح .. !!!

وهذا حسب دراستكم وما يقول دستوركم (( ما عارفاكم درستو شنو ؟؟؟)

انتو لمن انتظمتو فى النظام ده .. قالوا ليكم .. اضربو امكم !!

ادوكم تعليمات بأن تبهدلوا اخواتكم .. !!!

درسوكم تتصرفوا بمزاجكم ..

قالوا ليكم لكم الحق فى الضرب والشتم والتنكيل وفضح المجتمع .. ؟؟

قالوا ليكم اتصرفوا ذي ما عايزين لانه اي شخص تقيفو في طريقه هو ما بشر ؟؟

طيب .. الله لا قدر لو قابلتونى انا عفاف دي .. ووقعته فى خطاء غير مقصود ..

حا تشلتونى وتجرجرونى وتبهدولونى ... وبعدين تقولوا لي معليش ما لقينا عليك شيء ..



حاجة عجيبة .. !!!!!

Quote: انتم من اسر تنتمى لكل القبائل السودانية .. صاح ..؟

تسلمي يا عفاف وكل بنيات الوطن وشيب وشباب من شر الفوضى العامه

سيادة القانون واستقلال القضاء هي الادوات الضابطه للمجتمع

تسلمي يا عفاف

UP

Quote: UP

مشكور يا طارق على رفع البوست ... وربنا ينصر الحق ...

نحن محتاجين لنظام عام وانتو وجودكم كنظام عام مهم لنا ..

ولكن لماذا نحتاجكم .. ؟؟؟؟؟ لضربنا وإهانتنا .. ولا لحمايتنا وحفظا ..

Quote: تسلمي يا عفاف

تسلم يا خالد العبيد انت من كل شر يارب ..
المعروف انه في تعليمات بتجي للنظام العام من الكبار ..

لكن .. التعليمات دي .. بتخليكم تتصرفوا دون رحمة ..

ودون رجوع للحقيقه .. واعطاء فرصة .. لاختكم القدامكم ..

Quote: سيادة القانون واستقلال القضاء هي الادوات الضابطه للمجتمع

شكرا شقدي
بلد بلا قانون ... يصبح خراب ..

بلد بالقانون الظالم .. يصبح جحيم ..

فالخراب أهون من الجحيم ..

اننا مع القانون .. ومع القضاء النزيه ..

ولكن .. لا للقهر ولا للقوانين التعسفية ..

كتير من ظلموا من هذا الجهاز ..

ولا ادري الى متى هذا الظلم ؟؟؟

هذا قانون لا تجدي معة اي تعديلات...

غير دستوري ((هذه بديهية))

غير انساني ((اكدته التجربه))

غير قابل للتطبيق(( مثلاً الزي وتحديد حالة كونه فاضح)) هذا شي نسبي حد الاطلاق ولن يجدي معه تدريب

الشرطي او تعليمه او ثقافته))

غير متوافق بتاتاً مع طبيعة المجتمع السوداني المتعدد الثقافات والاديان..

شكراً يا استاذه عفاف.....

اكثر ضحاياهو هي المرأة....

هذا القانون وصمة عار حقيقية في جبين من ابتدعه وايده وطبقه...


هذا القانون من منقصات الوحدة دون شك....

معاً ضد هذا القانون اللانساني..

Quote: اكثر ضحاياهو هي المرأة....

الامين محمد على .. مشكور على السرد الجميل ..

اكثر ضحاياهو المرآة .. يا الله صدقنى كلمة نفضت كل جزء فينى ..
ليه كده يا النظام العام .. المرآة .. فيها امكم واختكم .. وحبوبتكم ..


ست الشاي ::
ليييه بتمرمط ست الشاي ... عملت شنو ..؟ خربة الوجه الحضاري .. واي حضاره هذي ؟؟؟

ما ٍسألتو نفسكم لمن ادوكم تعليمات بالتحرك عشان فى مجموعه من النساء بتبيع فى الشاي ..

وخاااربه وجه الحضارة ... وانت بترفع فى عدت الشاي والمسكينه بتتوسل كان شعوركم شنو ؟؟؟

لا حوله ولا قوة إلا بالله .. ( مع انى ما شفته المنظر ده لكن لو شفته مش لو تبفو نظام عام ..)

(( وش حاااقد وما خائف نهائي ))

عدل للتكرار

Quote: انتو لمن انتظمتو فى النظام ده .. قالوا ليكم .. اضربو امكم !! ادوكم تعليمات بأن تبهدلوا اخواتكم .. !!! درسوكم تتصرفوا بمزاجكم .. قالوا ليكم لكم الحق فى الضرب والشتم والتنكيل وفضح المجتمع .. ؟؟ قالوا ليكم اتصرفوا ذي ما عايزين لانه اي شخص تقيفو في طريقه هو ما بشر ؟؟

حسبي الله منهم
حسبي الله منهم
حسبي الله منهم


العزيزة/ عفافنا شكراً للأسئلة الواجبة

Quote: حسبي الله منهم حسبي الله منهم حسبي الله منهم

ادم صيام .. ربنا يحفظنا جميعا ويسترنا ..

نعم حسبي الله منهم ..

والمؤسف هم مننا وفينا وليس دخيلين علينا ..

ولكن تصرفهم اصبح مثل الغزاة ..

الى:- ( النظام العام ) .. أنا أمكم .. وأختكم .. وبتكم .. أنا منكم






_

Quote: ولا ادري الى متى هذا الظلم ؟؟؟

الأخت الأستاذه / عفاف الصادق
تحية وأحترام وتقدير

هذا هو السؤال الذى لا ولن تجدى له إجابة حتى
ولو أتيتى بكل قواميس اللغه العربية .. مع تحياتى
وتقديرى أختى عفاف .. وحمد لله على سلامتك من تلك
الوعكة التى ألمت بك ..

تاج السر

Quote: هذا هو السؤال الذى لا ولن تجدى له إجابة حتى ولو أتيتى بكل قواميس اللغه العربية .. مع تحياتى وتقديرى أختى عفاف .. وحمد لله على سلامتك من تلك الوعكة التى ألمت بك ..

الوقور تاج السر .. لك التحايا ..

سنظل نسأل الى متى .. الى ان تاتينا الاجابة .. بالعمل ..

الله يسلمك من كل بلاء ..

Quote: الى:- ( النظام العام ) .. أنا أمكم .. وأختكم .. وبتكم .. أنا منكم _

Hadeer Alzain .. ربنا يحفظنا بحفظه الجميل .. ويكفينا شرور الزمان ..

أتمنى أن يقرأ كل منسوبي النظام العام ابتداء من المدير هذا الكلام العميق
نحن فعلا نحتاج لغرس مفاهيم جديدة ومبادئ أخلاقية راسخة
في نفوس كل الذين يحملون عبء تطبيق القانون
فالذي لا أخلاق له ... والذي لا يحترم الصغير ... ولا يوقر الكبير
الذي يعرف مقام الأم ... ولا يراعي مشاعر الأخت ... ولا يعطف على ابنته
كل هؤلاء لا يصلحون أن يصلحوا نظاما عاما أو غيره ...

شكرا عفاف

Quote: أتمنى أن يقرأ كل منسوبي النظام العام ابتداء من المدير هذا الكلام العميق

احتمال بسيط يقراء منسوبو أمن المجتمع ماينشر في المواقع السودانية ربما لعدم توفر الوصول للانترنت بسهولة
لكن بالطبع تناول وبحث اخطاء امن المجتمع في المواقع الاسفيرية بدون السماع منهم بيكون زي صرخة في وادي الصمت
شخصياً ان شاء الله حاحاول عمل حوار مع مدير شرطة امن المجتمع انقل ليهو فيه كل ما نشر ع=هنا وفي مواقع تانية
وارجو من له تجربة مع ناس امن المجتمع سالبة او موجبة يرسلها لي في المسنجر حتى اطرحها لمديرهم
مودتي للجميع

Quote: شخصياً ان شاء الله حاحاول عمل حوار مع مدير شرطة امن المجتمع انقل ليهو فيه كل ما نشر ع=هنا وفي مواقع تانية

على مرغني ,,, تحية كبييييرة ليك ..

بالله حاوره ناقشه ما تديهو فرصه لانه ما اظن يكون عنده اي مبرر ..

وبعد ما تحاوره تعال نزل لينا الحوار هنا ده ... سمح ..

بعدين اسألو لي بعد ما تدخلوا الناس فى حته ضيييقه ذي بتاعت بيت الفنون دي ..

وبعدين تجو تقولوا معليش والله ما لقينا عندكم شيء يلا خلاس امشوا ..

اها البمسح لينا الشينه الركبتوها فينا دي شنو ...؟؟؟

ولا بس ده المثل البقول ( دق الاضينه واعتذرلو) ..

لانه الناس فى نظرهم كلهم بقو اضينه ... شيء عجييييييييب ياخ

Quote: فالذي لا أخلاق له ... والذي لا يحترم الصغير ... ولا يوقر الكبير الذي يعرف مقام الأم ... ولا يراعي مشاعر الأخت ... ولا يعطف على ابنته كل هؤلاء لا يصلحون أن يصلحوا نظاما عاما أو غيره ...

جعفر محي الدين ... التحية والاجلال لك ..

تعرف الظلم ظلمات .. من منا لا يخطاء .. ولكن لا يعالج الخطاء بالخطاء ..

النظام العام للأسف مما نسمع ونقراء .. لا يرحم .. هى سلطه عنيده لا تصلح اطلاقاً..

وفاقد الشيء لا يعطيهو ..

نحن لا نطالب بعدم النظام العام .. نحن نطالب بالنظام العام لنرتقي ..

ولكن للاسف نظامنا هنا ليس نظام عام بل هرجله وهمجيه عامه..

up

Quote: اننا لا ندعو للفوضى وعدم الإنضباط في الشارع ولكننا ندعو لإحترام ادميتنا وحقوقنا ..

Quote: انتو لمن انتظمتو فى النظام ده .. قالوا ليكم .. اضربو امكم !! ادوكم تعليمات بأن تبهدلوا اخواتكم .. !!! درسوكم تتصرفوا بمزاجكم .. قالوا ليكم لكم الحق فى الضرب والشتم والتنكيل وفضح المجتمع .. ؟؟ قالوا ليكم اتصرفوا ذي ما عايزين لانه اي شخص تقيفو في طريقه هو ما بشر ؟؟

لافض فوهك الحبيبة عفاف

Quote: بلد بالقانون الظالم .. يصبح جحيم ..

الاخ / عفاف الصادق ... تحياتى


صح كلامك ويصبح اكثر من جحيم الله يعين الناس من هذا النظام ..

مودتى ..

Quote: قالوا ليكم لكم الحق فى الضرب والشتم والتنكيل وفضح المجتمع .. ؟؟

UP

Quote: up

حاتم كاهن ... يرفع قدرك ..

ويكفيك شرهم .. ويديك خيرهم ..