بلاغ إلى النائب العام تهجموا على منزله وجلدوه.. وهي زوجته على سنة الله ورسوله!

Quote: بريد إلكتروني: [email protected] بلاغ إلى النائب العام تهجموا على منزله وجلدوه.. وهي زوجته على سنة الله ورسوله الخرطوم ­ عبد الرحمن حنين حين يهجم على منزلك أربعة أفراد مسلحون في أزياء مدنية ويبدأون بضربك، فإنك لن تظن للحظة واحدة أنهم يمثلون جهة رسمية بل ستبدأ بالدفاع عن نفسك... ويضيف الشاكي: قالوا لي: من هذه الفتاة التي معك؟ فقت لهم: إنها زوجتي على سنة الله ورسوله.. ورغم ذلك طلبوا مني الذهاب معهم.. فوافقت لأنني كنت واثقاً من أن أية جهة مسؤولة ستأخذ لي حقي... ويقول: في بسط الأمن الشامل، جلدوني أنا وزوجتي.. رغم أقوالي أمامهم وإثباتي بأنني أحمل وثيقة زواج شرعية.. ممدتُ يدي على أحدهم، كان دفاعاً عن النفس ورداً لهجوم على منزلي لا أعرف وقتها سببه... سألناه: وماذا فعلت. أجاب: عرضوني على القاضي.. فوجه لي ثلاث تهم.. ثم صعَّدتُ قضيتي.. إلى أن حكمت المحكمة القومية العليا ببراءتي من المادة 99،، وقبلها برّأتني محكمة الاستئناف من المواد 96،151. إذاً هذا المواطن بريء من التهم الثلاث الموجهة إليه، لكن يبقى السؤال: لماذا فعلوا به كل ذلك؟ وكيف سيُرد إليه اعتباره، خاصة وأنه بدأ في تحريك بلاغ لا يعرف حتى الآن ماذا سيكون مصيره، حيث يشكو من بطء الإجراءات وربما وجود بعض العراقيل. إنها شكوى لا تتصل بمواطن واحد، ولكن كان يتوجب علينا أن نرفعها إلى السيد النائب العام، وإلى السيد مدير أمن المجتمع حتى لا يقع آخرون في هذا المطب، وحتى لا تصبح قسيمة الزواج، مجرد ورقة لا تحمي أصحابها من التهجم على منازلهم والتعرض لهم... الوطن، تحتفظ باسم وعنوان الشاكي والمستندات الكاملة للقضية، في انتظار أن تقول العدالة كلمتها.

عن جريدة الوطن عدد اليوم

Quote: تهجموا على منزله وجلدوه.. وهي زوجته على سنة الله ورسوله

غالبا بكون لانهم لابسين بناطلين ؟

بلاغ بتاع مين واجراءات بتاع شنو وقضاء بتاع وين؟

اسه يجو اتنين عساكر يشهدوا ليك أنو المرة صرتها كانت ظاهرة..

وخلاص...

عجائــــــــــــــــــــــــــــب

يا أخواني ديل بكرهوا الناس في بلدهم ويحسسوك كأنك غريب ومهان في بلدك

وشنو التجسس من اصلوا علي الناس داخل بيوتها

في ناس كتار متزوجين زواج شرعي لكن لظرف مالا يريدون إعلانه ربما لممانعة الأب أو الأم

ففي حالة ذي دي بيخلوه عشان يثبت زواجها يذبح نفسه وزوجته الشرعية ويبقي بين نارين أحلاهما أمر

أنا ما بدعوا للاباحية لكن لا وألف لا لتعقب الناس والتجسس علي البيوت فللبيوت حرمات

وهسة دولتنا دي أهم ليها الناس البتموت بالسل وعدم توفر حق الدكتور والجوع وأمراضه

والبحث عن قسايم النسوان وشفافية قماش اللابسنه...دي أمة يدوها إستقلال دي

ما بروح حق وراهو مطالب

ولا بد من ان يرد لهذا المواطن اعتباره

طرح الاخ عبدالرحيم محمد عبدالرحيم (ودبرى) المحامى حاليا وضابط الشرطة سابقا

مبادرته فى تقديم اى مساعدة او استشارة قانونية

فارجو منه ان يقدم كافة المساعدة لهذا المواطن المظلوم حتى ينال حقه

ويساعد فى تطهير جسد الشرطة من هؤلاء الجبناء

وما عقوبة الذين تهجمو عليه؟؟؟؟؟واين رد اعتباره؟؟؟؟؟في الغالب لن ياخذ شي طالما ان قضيته لم
تصعد بعد...وطالما اختار الوطن ، ظاناً بانها سوف تنصره...لله درك ياوطن ، ولله درك ياقضاء السودان

يا ساده لكم التحية
قانون النظام العام يبيح للشرطه(شرطة النظام العام)
تسور اى منزل وذلك دون اتباع الاجراءات المتعارف عليها
والتى تكفل لكل مواطن الحق فى الخصوصية.
فالامر يتم دون حاجة لاذن تفتيش صادر من قاض او نيابه
ثانياالشرطة فى تنفيذها لكل ما ذكر اعلاه لا تتقيد بالقدر
المناسب من استعمال القوةالمنصوص عليهاقانونا
كثير من الضحيا تعرضوا لمعامله قاسية من جراء ذلك
وهذا اهدر لحرمه التعذيب والمعاملة المهينة.
دون التثبت من ارتكاب جريمة تعرض كثير من الرجال والنساء فى
(العاصمة القومية) للاذلال .
فى اعتقادى ان المصيبة سببها عدم اتساق القوانين السارية
بالقيم العدلية المنصوص عليها بقانونا الاسمى الدستور.
من الواجب التركيز على الغاء كل القوانين المهينة التى تنتهك
الحقوق الاساسية للمواطن وتقيد حريته.
يجب على كل الاجهزه المنوط بها انفاذ القانون التقيد الصارم بالمعاير
الدولية التى تصون حقوق البشر.
اوكد انه لن يحدث تحول ديمقراطى ما لم يحدث تحول فى هذا المناخ
المشحون بالقمع والارهاب .
خالد جادين

ياجماعة الموضوع ده قديم وكتب عنه في المنبر ده منذ فترة الحصل جديد شنو لفتح بوست جديد عن ذات الموضوع ؟؟

ده رابط البوست القديم

بلاغ إلى النائب العام - تهجموا على منزله وجلدوه.. وهي ...على سنة الله ورسوله

Quote: ياجماعة الموضوع ده قديم وكتب عنه في المنبر ده منذ فترة الحصل جديد شنو لفتح بوست جديد عن ذات الموضوع ؟؟

الحصل يا جنابو ياهو البحصل كل يوم
اذا سرق الشريف تركوه واذا سرق الضعيف اقاموا عليه الحد
عندما تعدت شرطة ما يسمى بالنظام العام على صحفي وعرفوا انه صحفي اتصل عليه سيادة العقيد مين وسعادة اللواء مين ولكن المسكين ليه الله تصدق ياجنابو من اليوم داك ما حصل شيئ لانو بس مواطن مسكين
(هَا أَنتُمْ هَؤُلاء جَادَلْتُمْ عَنْهُمْ فِي الْحَيَاةِ الدُّنْيَا فَمَن يُجَادِلُ اللّهَ عَنْهُمْ يَوْمَ الْقِيَامَةِ أَم مَّن يَكُونُ عَلَيْهِمْ وَكِيلاً)[النساء:109].

زمان كان الناس بتسوي القزاز والسلك الشايك من الحراميه



من زي ديل الناس تسوي شنو




أخونا الضابط ( معاش ) عمر عثمان

طيب شوف لينا مشت القضيه دي لي وين ؟



قسيمة الزواج لازم تعمل منها كــميه من الصور المغلفه !

وتجدع في كل مكان - وتدي ناس الكبســــوله صــــوره !



لا حول ولا قوة الا بالله العلي العظيم )




هشام

اها التهمة شنو المرة دي يا ربي؟

زنا مستتر ولا بنطلون محزق؟

Quote: اها التهمة شنو المرة دي يا ربي؟ زنا مستتر ولا بنطلون محزق؟

القسيمة منتهية الصلاحية!!
...
..
.
حليمة سلامات

Quote: القسيمة منتهية الصلاحية!!

دي جديدة لنج...(دردقوا لينا وجوه ضاحكة).

كان كدي المآذين (جمع مأذون... الله بسألني اتطهمت في الصاح) بختك.. النسيم هبالهم من تالا الصعيد..
--
اهلا يا الطيب

بوست ضروري يا حيدر وقوي وإن تكرر. فلنتأمل في غرائبيات الأصوليين وغربتهم عن حساسية العصر . قضايا المراة وما حدث لها من حيف وما يحدث حالياً مما حركة ساكنه الباسلة لبنى هو كعب أخيل الذي سيشتقل ريكة الإنقاذ.
كاركاتير معبر للغاية يا مريم لمن هو؟ ويا حليمة سعدت بحضورك للندوة واللقاء في الرياض. قفشة برير طريفة : قسيمة منتهية الصلاحية والمصيبة ربما تاتي من تهمة أخطر قسيمة مزورة!

Quote: القسيمة منتهية الصلاحية!!

أكان كدي :

هذه فرصة ذهبية وسبب وجيه لنا لكي
نجدد شبابنا وقسايمنا بعروس جديدة ؟!!


و .. يا أخوات حليمة : حقكم راح ؟!



مودتي ،




( ليمو )

الخوف يقوموا يطلعوا ليك رسوم و تصديق و بلاوي كثيرة


و تلقى الحسبة بتاعت تجديدالقسيمة القديمة مشكلة و

و لو حاولت تعمل واحدة جديدة مشكلتين تلقي نفسك في

الحالتين أنا الضايع ؟ و تمشى تغني ظلمـــــــــــــوني

الاحبة و قالوا لي أنسى !

هذه هي نفس اساليب هيئة السعودية.

حكى لي زميل سعودي قبل سنوات ان شخصا يعرفه انزل زوجته في سوق و عندما عاد وجدها تقف بانتظاره
فاشار اليها فركبت.
و ما ان تحرك حتى اوقفته سيارة الهيئة و نزلوا فيه يا قواد يا صفتك ... وهاك يا ضرب.
وقام العسكري المرافق بقييده و حملوه هو و المرأة الى مكاتبهم وهناك وجدوهما زوجين و باوراق ثبوتية
كاملة الدسم.

اظن ان من اسباب مشاكلنا ان الضرب هو الوسيلة الاولى لاثبات القانون. رجال القانون بحاجة الى الانضباط اولا بالقانون
و تعلم لغة الحوار . طبعا كلام زى دا بيزعل اخوانا ضباط الشرطة ..... عايزين الاشادة بيهم وبس.

سلام لصاحب البوست والمتداخلين


فى سنة 1995 انا وزوجى بخارى عثمان


كنا طالعين من جامعة الخرطوم


معانا اخو بخارى وود عمة صاحب بخارى

اصلو كان فى ماتش كورة بتاع دوري الجامعة

والكورة كانت بين اقتصاد و هندسة

وكنا مستمتعين بالفوز


خرجنا اربعتنا متوجهين الى الديوم الشرقية فى


الخرطوم ولما وصلنا السوق العربى

وقعت الطرحة من راسى

وفى الزمن الفارق بين عقلى يدى رسالة الى يدى


عشان ارفع الطرحة قام واحد من بتاعين النظام العام

نهرنى بى شكل فظيع ارفعععععععى الطرحة


طوالى رديت بكل كبريائى الجريح ما برفعها


خاطب بخارى طوالى قل ليها ترفعها


بخارى قال== ليه ماسمهتها قالت ليك لا


كورك لى مجموعة عساكر


قال ليهم الحاصل وزيادة انو بخارى نبذ البوليس


ووووو كلام كتير


طوالى واحد اشهر السلاح

وطلب منا الركوب فى عربية بوكس

وطلب منى الركوب قدام ومن بخارى يركب فى الخلف

لحدى هنا تمام


كان عايز يركب جمبى

بخارى قبقب العسكرى وقال ليه يا نركب التلاتة


وراء او تركب هى براها


وركبت برايى قدام



===========================



وصلنا مكان عرفت فما بعد انو النظام العام فى المقرن



وانا داخله سمعت همس قبضوهم فى المادة كدة



152 فال ليهو ايوه


دخلونا لى ضابط وكانت الساعة 11 مساء


ديل مالم وكان العسكور هو الشاكى والشاهد الوحيد وماكان السبب الطرحة جاب ليهو كلام كتير

نبذ نحن ماقلناهو


بخارى قال ليهو الكلام ده ماحاصل

وقال الضابط دي منو


رد بخارى: دى زوجتى

قال الضابط عندك قسيمة


قال ليهو نعم بس ما كنت عارف مفروض احوم بيها


قال الضابط للعسكرى احتجزهم لحدى مايجيبو القسيمه


ولو ما عندهم حولها لكشف طبى


ارسلنا اخو بخارى وود عمة صاحبو



لجلب القسيمة


وحوالى الساعة 12


جابو القسيمة

واطلقوا سراحنا


والعسكرى طلب منه توصلنا


لما وصلنا وجدنا كمية من اصحاب بخارى

===============

معليش اطلت المداخلة بس حبيت اوضح قبح هذا القانون

وهواننا نحن السودانيين فى وطنا

Quote: تهجموا على منزله وجلدوه.. وهي زوجته على سنة الله ورسوله

زواج شـــــــرعي
فـــي
زمـــن غير شــرعي

مخير الله

انها الدولة الدينية صاحبة المشروع الحضاري

الاخوة الكرام بالمنبر العام
سلامات كتار
الاخ صبري الشريف تحية طيبة عن اذنك مداخلتك دي عشان نشخبت حبة في الموضوع المغسة دا

*- الموضوع دا كان قديم ولا جديد مفروض كل مرة ننعش ذاكرتنا بقباحة البشر المامننا ديل وقوانينهم البتوضح مدي الوسخ الجواهم ،،،، وهم طبعا حكومة الموتمر اللاوطني

ونجيب حتي الالفاظ القبيحة القاعدين يتناولوا بيها المواضيع دي كان بوليس او كيزان او اشباه الكيزان ،،،،،،

*- كل يوم الكلام دا قاعد يتكرر بصورة كبيرة ودي بس القضايا البتصل الاعلام فما بالك بالناسها مساكين ساكت ما عندهم نت ولا جرايد ولا بعرفوا الكتابة والقراية

*- في احدي الاصدارات السياسية القديمة التي تناولت علي ما اذكر سياسة الكيزان او الجبهة الاسلامية في جامعة الخرطوم في اواخر السبعينات اوائل الثمانينات
اعتمادهم علي خلق اشاعة ومن ثم تكرارها حتي ترسخ في اذن المتلقي البسيط ، ويكون عندها الطرف الاخر معتمد علي وعي الطالب او المواطن لكن مع استمرار
تكرار الاشاعة يتاثر بعض المتلقين او علي اقل تقدير يتم تحييدهم لقبول الاشاعة بدل رفضها ، وهنا في مثل هذه المنابر تجد الكيزان يتالمون من اعادة نشر الحقائق التي
تعكس وتعري عوراتهم لذلك يهربون ويفترعون مواضيع جانبية لصرف الناس عن الاستمرار في ( توعية المجتمع بحقوقهم التي تسلب بواسطة قوانين صورها
المشرع الكيزاني المصاب بورم دماغي كبير يفرز في عقليته القانونية كل التوهمات التي ترتبط بالجنس وممارسته حتي في داخل الاطار السليم له )....


يمكن ودا مقترح اظنوا ممكن يكون للقانونيين فيه خلق حلقة تواصل مع المواطنين البسيطين عشان يساندوهم بالذات في قضايا قانون النظام العام وممكن من هنا الناس تدعموا

ويتفاكر فيه الاخوان القانونيين المعانا هنا ،،،،،


الفاتح ،،،

Quote: اعتمادهم علي خلق اشاعة ومن ثم تكرارها حتي ترسخ في اذن المتلقي البسيط ، ويكون عندها الطرف الاخر معتمد علي وعي الطالب او المواطن لكن مع استمرار تكرار الاشاعة يتاثر بعض المتلقين او علي اقل تقدير يتم تحييدهم لقبول الاشاعة بدل رفضها ، وهنا في مثل هذه المنابر تجد الكيزان يتالمون من اعادة نشر الحقائق التي تعكس وتعري عوراتهم لذلك يهربون ويفترعون مواضيع جانبية لصرف الناس عن الاستمرار في ( توعية المجتمع بحقوقهم التي تسلب بواسطة قوانين صورها المشرع الكيزاني المصاب بورم دماغي كبير يفرز في عقليته القانونية كل التوهمات التي ترتبط بالجنس وممارسته حتي في داخل الاطار السليم له ).... يمكن ودا مقترح اظنوا ممكن يكون للقانونيين فيه خلق حلقة تواصل مع المواطنين البسيطين عشان يساندوهم بالذات في قضايا قانون النظام العام وممكن من هنا الناس تدعموا ويتفاكر فيه الاخوان القانونيين المعانا هنا ،،،،،

=========================================================


الاخ الفاتح سليمان


اتفق معك واضيف لاقتراحك اذا وافقنى الاستاذجنى ان يكون بوست


لسرد الاحداث التى كنتم اطراف فيها مع قانون النظام العام

لتعريف الناس بمدى الظلم وانتهاك كرامة المواطن

وقعوا هنا لادانة الاعتداء على بيت الفنون
http://www.sudaneseonline.com/petitions

وصل بنا الحال الى هنا

دي المحطة الاخيرة يا جني


بالله في زول سال نفسوا من دعاة الشريعة

لماذا جعل الله سبحانه وتعالى اثبات عقوبة

الزنا بكل تلك الصعوبة من المستحيل ان يجتمع

اربعة ليروا رجل يزني والوضع كامل ربنا جعلها

من الصعوبة بمكان فما بالك شرطة تقتحم بين آمن

لاجل اثبات ما جعله الله صعباً اربعة شهود عدول يروا

المرود في المكحل كما يقول الشرع وين الدين وين

الاسلام هنا وين الله هنا يارب اقتلعهم وارنا فيهم

عجائبك ياالله .











.................................حجر.

.